مساء الخير ع اجمل متابعين
اجمل بارت واهدء بارت واطول بارت لعيون اللغالين تعويض عن التاخير
اتمنى لكم قراءه ممتعه
🌹🦋 البارت 47 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
جان تكلي عفيه خليني ارجع وي اهلي اذا انت مستعجل
هستونه اجينه بعدني ماودعتها
عقلي وكف
زينب تدرين بيه مااحب اعيد الحجايه مرتين
جيبي الجهال وتعاي بسرعه
لحضات دزتلي يله اني بالباب منتظرتك
اترخصت منهم وردت اطلع دخل ابن عمها الغثه
يباوع عليه ويضحك
نرفزني حيل
كال شلون زينب تطلع وممسلمه ع عمامها
معقوله تغار عليها حتى من عماها وتمنعها تسلم
كال ابوها شنو هذا الحجي ابني بس زنوبه بطبيعتها خجوله
حتى وي اقرب الناس
واكيد عبالها اكو ناس غربه
حجه مصطفى والله اني الكتلها ادخلي يم النسوان
اني منطقت بشي
اتصلت بيها كدامهم وفتحت سبيكر
كالت الووو
ها حبيبتي تعالي سلمي ع عمامج
حسيتها مصدومه
كالت اخاف ناس غربه وعيب ادخل
لا حياتي بس عمامج
خفت لا تفلت شي بس الحمد لله
كتله اني ماامنع زينب من عمامها
بس هي متربايه تربيه والنعم منها وخجوله هي من ذاتها متدخل للناس الي مترتاحلهم والي تحسهم غربه وعبالها اكو ناس غربه س
الكل صاح والنعم منها
اجتي هي وجانت خجلانه
سلمت ع عمامها سلام من بعيد
كللها الغثه شدعوه زنوبه حتى zسلامج من وره خشمج
يابه تره البساطه حلوه
ولو ماعليج عتب العتب ع زوجج اكيد علمج الغرور وعداج
اللهم طولج ياروح
ردت انفجر بوجها بس باللحضه الاخيره
حجت هي
يابه حقي اذا اصير مغروره اذا زوجي رائد حيدر
والكل تهابه واله صيته بالمجتمع ومدللني دلال
شلون تريدني ماارفع خشمي
واني متزوجه رجال بمعنى الكلمه ميطعن بالظهر ابد وميغدر اقرب الناس اله
بس رغم كلشي مستحيل اشيل خشمي ع ناسي وعمامي
عمها كللها عمي جوهره زنوبه ويلوكلج الغرور
وفعلا الماخذج يستحقج بجداره لان رجال من ظهر رجال
وهذا ابنه نعتبره قبل لنعتبره نسيبنه
كتله شكرا عمي هذا من اصلك وطيبك
الي الشرف اكون ابنكم وعند عينكم شتحتاجون اني بالخدمه
خادم ربك ابني الله يمهلك بشبابك ويخليك لاهلك
احس مي بارد ونزل ع كلبي
هذا السكط خنس منطق بعد ولا بحرف
سلمنه عليهم ودعناهم وطلعنه
حسيت بيها ضايجه وتبجي
هم حاجاج هذا السكط ابن عمج
لا وشحده يحجي ويايه
متاكده
اي متاكده لو هم تشك بيه وتريدلك حجه عليه
حتى تتزوج بعد
اللهم طولج ياروح
ما اريدلي حجه
بس عقلي وكف
شيسوي يدخل يمكم هذا النذل
والله ولا شفته اصلا اني فوك يم رنا
ولا لمحته ولا ثانيه
سكتت
زينب : اخذني حيدر لبيت اهلي وصدمني من طلب السماح مني امام اهلي
اهلي مدروا بالمشاكل ابد اله لهاي الساعه
حسيت بحيدر من صدك متندم وصدك يحبني
اتفاجأت من طلب مني اكمل دراستي
الصراحه حلمي اكمل دراسه
وجابلي ايفون حيل افرحت بداخلي
اني رفضت اخذ الجهاز ورفضت اكمل دراستي
بس ع مود ابين اله ميهمني شي
بس الصراحه طايره من الفرح
من بابا كلي اطلكج كلبي وجعني
مااريد اطلك ابد
يمكن حبيته لحيدر لا مو يمكن اكيد
رغم تصرفاته واذيته اليه بس حبيته
وللاسف مو كلشي بالحياة الحب
اكو كرامه واكو عزة نفس
يعني داس ع كرامتي هو واتزوج
من اشوفه هو ومروه اتخبل
من جان وي حنان ابد ماغرت منها ولا اهتميت
بس هسه بالي كله يمهم
هسه نيمها بحضنه وهسه باسها
هسه يهمس باذنها ويكلها احبج
هسه يكلها انت الوحيده الي حبيتج
عقلي يتخبل من اتصور
وفكرة ينام وياها وينام ويايه هاي بحد ذاتها مخبلتني
مستحيل اقبل بهذا الشي
فضل حنان عليه وكلت ميخالف
وهسه فضل مروه مستحيل اسامحه واكله ميخالف
اني راح ادوس ع كلبي وماانطي فرصه يتعلق بحيدر
خليني اكمل دراستي واطلع وامهل نفسي
راح اتحول لانسانه ثانيه
اهم شي نظوري يربى ابين اهله مو مهم اني
خليت خطي بالجهاز الجديد
خابرني وكلي راح اجي اخذ الجهال
بس قبل ليجي راحوا اهلي واخذوا نور ونظوري
كام يبجي وراهم
كالو منتعطل شويه ونجي
رادوني اروح وياهم وجنت حيل متمنيه
بس كلت اخاف ميقبل حيدر
بقيت لمن اجه
فاجأني من كلي تعالي باجر بالسياره
ممصدكه معقوله
بعدين كلي خل نروح نودعهم حيل فرحت والله
بدلت ع السريع ولبست بوشيتي
بس وخرها وكلي ودعيها للابد
مستحيل اصدكه هذا حيدر نفسه لا اكيد غيره
شعوري مينوصف ابد
فرحانه لدرجه جنت اتمنى اشكره
بس ماكدرت
سحبني وباسني
حسيت بنفسي حيل مشتاقتله بس مااكدر اطاوعه
مااريد اضعف
رحنه لبيت عمو
سلمت وصعدت وي رنا
خطيه عيونها مورمه من البجي
تكول شلون راح افارككم
لج بابا احنه بعصر التكنلوجيا
يعني بضغطه منج ع زر تشوفينه ونشوفج
نحجي وياج وتحجين ويانه
اشو بعدني اسم الله جان يجي مصطفى
كلي رجلج يكول يله
هاي شنو السالفه يضحك عليه
عفيه مصطفى كله فد شويه بعدنه هستونه اجينه
عافنه ونزل
لحضات وجان يراسلني
حيل ضجت هذا شبي يضحك عليه
كتله خليني ارجع وي اهلي
وهو اتخبل
ضوجني اعتذرت من الجميع وودعت رنا وطلعت
منتظرته بالحديقه
اتصل بيه وحسيت بي فاتح سبيكر
من كلي حبيبتي عرفت انه بالموضوع
اتصرفت طبيعي ويا طلب مني اسلم ع عمامي
دخلت وشفت علي كبالي
عرفت سبب انزعاجه
بس مااله حق هيج يسوي
شنو معناها يشك بيه بعده
بس صراحه هذا علي من صدك خبيث وغثه
وعود عباله يخليني بموقف محرج اني وحيدر بس متوهم
رديت علي وسكته
بعدها طلعنا وجنت روحي طالعه من جها رنا ماشبعت منها والله
ومن جها هذا الثاني الي بعده يشك بيه
صدك بجيت بالطريق
هو بس يشرب جكاير ويتأفأف
اخذهم لسوبر ماركت
كلي انزلي ويانه
عوفني هنا مابيه حيل
مااكدر اخليج بوحدج هنا انزلي احسن مانتاخر
نزلت وياهم
اشتره للجهال والتفت عليه
محتاجه شي
كتله لا بس استعجل راسي يوجعني
طلعنه من المحل ورحنه لبيت اهلي
نوره حبيبتي بدلي لاخوج وبدلي انت
اي ماما
صعدوا لفوك
ردت اصعد وراهم ابدل
صار مقابيلي حيدر
وين تردين
اريد اصعد ابدل
ليش ضايجه شبيج
مابيه شي واصلا مضايجه
لاوالله ضايجه
والنبي مو قصدي اضوجج
ادري بيك انت دومك مو قصدك تضوجني
تشك بيه مو قصدك
تضحك عليه مو قصدك
تضربني مو قصدك
تتزوج عليه مو بقصدك
لج والنبي اتخبل اذا واحد باوع عليج بنضره مو حلوه
ولد عمج كلهم بكفه وهذا السكط بكفه
اولاد عمج عبنهم حبابين ومحترمين نفسج
اكو يوم حجيت عليج وكتلج لدخلين يمهم لاتحجين وياهم
بس هذا بحث اخر
حقير ومنحط وماعنده عرض
لان انت عرضه وشوها لسمعتج كدامي
بس تدري بيه اني ميهمني لا علي ولا غيره
المفروض تكون ثقتك بيه عاليه
مو تهيني بهيج طريقه
واطلعني ودمعتني بعيني
راح افارك اختي الله اعلم شكد
مطولنه خمس دقايق
والله لو ماماخذني يمهم عادي لااضوج ولا ازعل
بس مو تخليني بموقف محرج امام اهلي واقربائي
لج والنبي اغار عليج غيره مو طبيعيه
وهذا بالذات ابن عمج اتخبلت من شفته كبالي
وفوكاها ماخذ راحته وداخل يمجن
فكرة حاط عينه عليج وحدها مطيره قبق راسي والله
يله هاي هي مصار شي
بس اني افضل لو تبطلني من الجامعه هواي افضل
لان حيل راح اتعبني بشكك او غيرتك
يابه وكل نبي مرسل مااشك بيج ابد
بس اعترفلج اغار عليج من الهوى الطاير
والله ع اعصابي خليتج تذبين البوشيه وراح اداومين
لخاطر سعادتج
صحيح راح اعاني
بس نتعاون اني وياج وان شاء الله نتخطى جميع الصعوبات
الي اترجى منج
لبسج اريده محتشم ومكياج متخلين لان جمالج وحده كافي
مااريد تختلطين وي الشباب ابد
ولااريدج تختلطين وي بنات مو زينات
اريدج تبقين نفس العام
الكل مدح باخلاقج
فكيت حلكي شمدريك انت
هههههه لج غير اجيج للجامعه واراقبج
شنو يعني تراقبني تحب تتاكد احجي وي ولد لو لا
لا والله مو هذا قصدي جان
بس من جنت اشتاق الج اجي واشوفج
اذا لبسج مستور بالجامعه انزعيها العبايه ماعندي مانع
اني مو قصدي حتى بالجامعه تلبسيها مااقبل
لا يابه خليني لابستها افضل ادري بيك مخبل وتسويلي سالفه
اشو دائما تحجينها هاي الحجايه
شنو مخبل
اكو وحده تكل لرجلها مخبل وبوجها
سكتت كلت بكلبي مخبل ونص والله مو صاحي انت ابد
بس تردين الصدك اني صدك مخبل بس بحبج
مخبل بيج انت
نزلت نور ونظوري
كتله خل ابدل واجي
رحت بدلت لبست تراك وردي
اكلني اكل بعيونه
حسسني كاني ملابسه شي
كعدنه بالصاله والجهال يمنه
نظوري بحضنه
باجر شوكت تجون
بكيفك يمته تريد نجي
باجر اني اخذ مروه لاهلها
احتمال اخليها يم اهلها واني ارجع العصر
انت جيبيهم قبل الصلاه
لتبقين للمغرب ابد
وانتبهي من تسوقين مو تسوين حادث
لتخاف مراح اسوي اي حادث
رحت جبتله مي وببسي
ممسوين كيكه
لاوالله ممسوين
شرب الببسي بعدها كال
يله اني راح اروح محتاجين شي
لا سلامتك
نور كلتله بابا خل اروح وياكم انت وخاله مروه
وين ترحين بابا شعندج
ابقي يم ماما واخوج احسن
سكتت نور
راح
بعدها اجوي اهلي
ماما بس تبجي
وبابا يقنع بيها
خابرتني رنا كالت لج يسولف مصطفى
ماسحين الكاع بعلي وراكم وبابا كايللهم ع المحادثه
هاينينه اهانه تسوه عمره وحياته
حيل بي خل يولي
كتلها ولج من ورا رجعني حيدر اتخبل من شافه بكل عين وكحه
ولاكانو مسوي شي
بقينه نسولف وبعدها نهيت المكالمه
بالليل ب2 راسلني حيدر
الووو
الوووو
كاعده
اي
شوكت يسافرون مصطفى ورنا
ب3 يسافرون
هم يرحون اهلج يودعوهم
اي اكيد
اذا تردين روحي وياهم
لا ماكو داعي
روحي اخاف تبقى حسره بكلبج
عادي مو مشكله
اخليها وي الحسرات الي بكلبي السابقات
تدرين بنفسج حقوده ابد متسامحين
هو الي يسامح ليادوب
وشكم جرح يسامح عليه
مجاوبني ابد
خطيه رنا ومصطفى مروا بينه وودعونه
وراحوا
نمت بعدها
كعدت ثاني يوم
ب3 الكل ممتغدي والبيت كئيب
كعدنه ناكل بالكوه
اليوم صادف جمعه
للعصر صارت الساعه ب5 بدلت اني والجهال
بابا انطاني السويج
صعدت بالسياره
احساسي جميل ومينوصف
اول مره من صعدت اكو خوف بداخلي وابد مفرحت
جنت خايفه من حيدر رغم ماجنه منفصلين
بس اكو خوف بكلبي
اليوم احس بنفسي ثقتي عاليه بنفسي
واحس بامان
لان بموافقته نزعت البوشيه وصعدت بالسياره
حسيت بخطئي من طلبت الطلاك
المفروض ابقى واقنعه اني الغلطانه
واني الي انطيته فرصه لحتى يتزوج
مشينه وجان اشوف بالطريق حنان وياها واحد بس جبيره بالعمر
يمشون ويضحكون ولازم ايدها
بقيت صافنه
اكول هاي شلون تكدر تنسى بسهوله هيج
وشلون تتقبل واحد ثاني بهاي السرعه
وصلنه للبيت
خاله وعمو فرحوا بالجهال
لكيت زهراء واتفاجأت
يابه شنو هالتطورات
هم نازعه البوشيه وهم راكبه سياره وهم اداومين
اخاف حيدر مسويله اعادة فرمته
لان مستحيل اصدك
والله حتى اني ممصدكه
واخاف كاعد يضحك عليه
لا لج مستحيل يضحك عليج
بس الظاهر يدور رضاج
كعدنه نسولف
كالت والله خطيه حيدر
كاعد يسولف عليه امير
يكول حيل متغير
كايم يصلي ويقره قران
والنبي يكول حيل كاعد يتعذب ع فراكج
يكله متندم ع كلشي سويته بيها
وحتى ع زواجه متندم
يمعوده شيفيد الندم
اني مستحيل اتقبله وهو وي وحده ثانيه
لج والله اموت واتخبل من اشوفه وي مروه
ابد ماجنت اغار وي حنان
ضحكت كالت لج انت هم تحبينه وتموتين علي
لهذا السبب تغارين
والشغله الثانيه مروه لان حلوه تغارين منها
بس والله يازينب انت احلى بميت مره منها
لج جمالها اصطناعي
بس انت جمالج رباني
غيري روتينج بدلي واتمكيجي وشوفي حياتج
كضيتي عمرج دافنه نفسج هيج
هو اني هم هيج راح اسوي
اطلع وامشي واتونس بعد ميهمني اي شي
حبابه زهوره اريد نطلع سويه اشتري ملابس للكليه
تدللين من عيوني
بس ناخذ الموافقه من الاخوان وبسيطه
بس من هسه اكولج اذا ويانه امير لو حيدر مااروح
لا نمشي بس اني وياج
لج بابا صارت عندي سياره وباي وقت يعجبنه نطلع
ضحكنه كالت يابه وكت يازنوبه حيدر يخليج تنزعين البوشيه وتسوقين سياره
بس تردين الصدك والقران حقه حيدر من منعج
انت المفروض تكعدين وتسكتين
لان خطيره ع المجتمع احنه بنات نبقى فاهين عليج شلون الشباب لعد
تحجين صدك زهراء
عود اريدج عون طلعتيلي فرعون
اجانه صوت
واخيرا شهد شاهد من اهلها
جان حيدر يمكن هستوه اجه
عفيه بزهوره فهميها زين
شنو هاي يعني غيرت رايك ومراح تخليني اداوم
لا يابه شاغير بعد انطيت احجايه لو اموت مااتراجع عنها
حجت زهراء
ابو نور اني اشاقه وي زينب جنت والله
اهم شي دراستها خطيه
ادري يابه والله واني هم محاجي شي
سلمت امري لربي ووافقت
امير وين
ماادري بي طالع
مسوين عشه لو بعدكم
كتله هسه راح اجهز
تروحون للمطعم نتعشه
حتى اخابر امير ونروح
كالت بكيفكم
التفتت عليه شتكولين
بكيفك ماعندي مانع
لازم اغير روتين حياتي من اليوم راح اتحول انسانه ثانيه
لازم اطلع وامهل نفسي
هو بقه صافن لحضات وكال يله روحوا جهزوا نفسكم
خلي نصلي بالاول
اوك
واني راح اشوف امي وابويه
صليت وكملت
رحت بدلت اني والجهال
دزلي رساله صوري الملابس الي راح تلبسيهن لو بس اللون
كتله اوك
بدلت وخابرته فيديو
كتله ذني ملابسي تقبل لو لا 👇
كلي اوك
اتوقعته راح يرفض بس صدمني الصراحه
هالمره لبست حذاء عالي
لان بلا بوشيه اكيد اسيطر
نزلت ولكيت زهراء جاهزه هي وبنتها
سالتها ع امير
كالت هناك نتلاكه راح قبلنه
لحضات واجه حيدر
جان لابس مثل 👇
كال اسف عطلتكم لان سبحت
كتله لعد مروه وين
بقت يم اهلها
همزين فرحت ماادري ليش
كتله خاله وعمو يرحون
كال لا مقبلوا يروحون
طلعنه وخابر امير كله وصلت وحجزتلكم
احساسي جميل واني نازعه البوشيه
ولابسه الي بنفسي بدون تقيد
وصلنه للمطعم
حسيت بحيدر قلق وممرتاح ابد
مااعرف شبي
كعدنه واستقرينا
كال حيدر شوفوا شطلبون
كلمن طلب شي
كلمن طلب شي
ساله امير شبيك ممرتاح
كله ماكو شي
جابوا الاكل وبدينه ناكل
عينه ساعه عليه ساعه ع الاكل
حيل وترني
لحضات وجان نسمع صوت بنيه
السلام عليكم !!!!!!!!
توقعاتكم حبايبي منو هاي الي سلمت وبسببها جان مرتبك حيدر ؟؟؟؟
حيدر : من رجعنه من بيت عمها حسيتها ضايجه
واتندمت لان رجعتها خطيه احرجتها
لو مارايحين افضل بهواي
وصلنه وحاولت اعتذر منها
بس هي ضايجه فول
صعدت بدلت ورجعت
من هي يم اهلها اشوفها بغير شوفه
لان ماخذه حريتها باللبس
حيل اضعف امامها
بس ادري بيها مستحيل تسامحني بسهوله
اتمنى تسامحني بس من سابع المستحيل
رجعت للبيت وباجر جمعه
كلت لمروه تجهز نفسها حتى نروح
كتلها كعديني من وكت
كالت عادي اذا ابقى هناك
عادي ع راحتج شكد متردين ابقي
نمنه وثاني يوم رحنه
بقيت يمهم للعصر
اخوانها حبابين بشكل 2 متزوجين وواحد بعده
رجعت العصر
دخلت وسمعت زهراء تحجي عليها
ادري بيها تشاقه
وهاي عبالها راح اغير رايي
قررت وانتهى كلشي لازم تكمل
كتلهن ترحن للمطعم
اتوقعتها ترفض
بس الحمد لله وافقت والصراحه. بقيت صافن
معقوله قبلت بسهوله
دزيتلها مسج شتلبسين كولي
شفت امي وابويه ورفضوا كالوا مانشتهي
خابرت فيديو ممصدك معققوله هاي زينب
شفتها لابسه احمر بس مهمني بعد ابد مااقيدها
لان اكيد لابسه عبايه ومراح يبين شي
نسقت ملابسي وياها مااعرف ليش هيج اسوي بالضبط بس عجبني هذا الشي
سبحت وبدلت
خابرت امير واتفقنه ع المطعم
جنت حيل فرحان
وصلنه قبل لانكعد ثار انتباهي
ام نور كاعده مقابيلي هي وزوجها اعتقد
نضراتها اكلتني اكل
حيل ضجت منها
رغم رجلها كاعد يمها وعندها اطفال 2
بس عينها عليه وبكل جرأه
حيل ضجت واتضايقت من وجودنا بهذا المطعم
طلبنه اكل وبدينه ناكل
اتفاجات من اجت بكل جرأه
سلمت خلتنه كلنه فاهين
الكل رد السلام
اني خزرتها
وهي ولا كانو
ها حبيبتي نواره شلونج شخبارج
ردت بكل برود
تمام
تعالي ماما ابوسج
باوعت عليه وباوعت ع زينب
زينب كللتلها روحي بوسي ماما حبيبتي
راحت باستها
شنو مناوي اتعرفني ع زوجتك
التفتت ع زينب كلتلها اني ام نور اتشرف بمعرفتج
كلتلها اني ام نظوري والي الشرف حبيبتي
ع اعصابي زينب تحجي وياها
كلت لنور تعالي اعرفج ع اخوتج وع عمو
روحي منا لا والقران افشلج كدام الكل
هاي شبيك حيدر لتنسى نور بنتي مثل ماهي بنتك
اخر مره اكلج روحي لا اهينج والله
يابه شدعوه عليك سيادة الرائد
هاي من صرت رائد صرت مغرور ومتتحاجه عود
هي خمس دقايق
اللهم طولج ياروح
حجت زينب
خلي تاخذها تعرفها ع اخوتها هم خطيه تبقى امها
امري ل الله خمس دقايق مو اكثر
حلو والله سيادة الرائد صاير تاخذ كلام مرتك
من شوكت هاي التطورات
تروحين منا لا اغير رايي
اخذت نور
هذا رجلها عجيبه شلون خلاها هيج
تحجي ويانه وبكل ثقه
كتلهم خل نروح لان ممرتاح وي هاي الشيطانه
كال امير يله خل نروح
صحت نور وطلعنه
امير كال راح اخذ زهراء واروح
وانتو روحوا بوحدكم
طلعنه حسيت زينب ضاجت
كتلها اخذكم لغير مطعم
شسالفه اتعيشنه والحمد لله
اخذتهم لمدينة اللعاب
وهاي يمكن اول مره تجي زينب
كالت هاي وين جبتنه
خل نلعبهم بالملاعيب
نزلت وطبعا النزاكه فول
اول مره لابسه عالي وعجبتني حيل حسيتها شخصيه
اني لازم نضوري من جها وزينب من جها ثانيه
وهي لازمه نور
يمكن اذا اكول اسعد واحد بالدنيه اني محد يصدكني
احساسي جميل حسيت ملكت الدنيه
كلشي مااطمح غير بس تبقى هيج
ابد معترضت من لزمت ايدها
نور ونظوري فرحانين حيل
اول لعبه طلبوها هي السيارات
كتلها تصعدين
ضحكت كالت تقبل
احبها لهاي اللعبه حيل
اي عادي اذا تردين تصعدين اصعدي ماعندي مانع
انت ونور بسياره
واني ونظوري بسياره
وعباتي اخاف يضحكون عليه الناس
شنو العبايه شعليها باللعبه
اكول اخاف عيب لابسه عبايه والعب
عادي وين المشكله
وراح اكلج شغله
العبايه هيبه للمره
هي الي تنطيها جماليه اكثر
بالنسبه الي احب العبايه وخاصه حبيتها اكثر لان انت لابستها
❣️❣️مشكلتي اكبر وكح بس يمج اني اختلف شايل براءة نبي ❣️❣️
❣️❣️لان تلبسيها بخجل كمت اني احب العبي ❣️❣️
يله لعد خلي نصعد
حسيت بيها طفله اول مره احس بزينب هيج فرحانه
جبتلهم بطايق
صعدنه جانت اشطر مني باللعب
اني كل شويه وداعميني
اكو وحده طاحت بعيني
كل شويه ودعمتني
حسيت بعيون مراقبتني
ولا اهتميت للبنيه
كمت ادعمها لزينب
حيل فرحنه واتونسنه من صدك
كملت
كتلهم نعيدها
كلهم كالو اي
كلتلهم خل نلعبكم غيرها واخر شي قبل لنروح نلعبها
رحنه صعدنه سويه بالسيفينه
بس شنو زينب طلعت جبانه
يمكن مزكت قميصي من كثر السحب
كتلها لو ادري هيج تسوين من زمان جبتكم وصعدتج
كالت اني مااصعد بعد
ليش جبانه
والله اخاف بعد مااصعد ابد
صعدنه بس الجهال الالعاب الي توالمهم
رحنه كعدنه بعدين شربنه عصير
كالت نور بعد خلي نصعد بديلاب الهوى
ها هم تخافين
لا مااخاف
لعد خلي نصعد
صعدنه من وصلنه للقمه
جان المنظر رهيب كلش حلو
كالت شرايكم اذب نفسي منا
كتلها اني اذب نفسي وراج والله
نور كالت اني هم
سدت حلكها
اش حبيبتي لو ادري محاجيه
اشاقه والله
هيج ضايجه من الدنيه
لا مو لهالدرجه
صحيح ضايجه بس مااتمنى الموت
لان جهالي خطيه منو الهم
يعني تفكيرج كله الجهال وبس
لعد شعندي غيرهم
تضحيتي كلها لاجلهم
سكتت ماعندي جواب
شرايج نروح لكربلاء
نبقى يومين لو3 ايام
اخذت صفنه كالت تدري شكد صارلي مرايحه لكربلاء
شكد
الله ليجذبني يمكن خمس سنوات او اكثر
كولي والله
اي والله ع اساس متدري
اشو صارلي شكد من تزوجت واني محبوسه
وي اهلي هم ممنوع
لعد خلي نروح خميس اليجي وره الدوام
ونبقى للسبت يله نرجع قبل ليبدي الدوام
ياريت والله اتمنى
لعد هاي هي
الخميس نروح
ان شاء الله
حيل فرحت من وافقت
حيل مشتاق للزياره
اتمنى تكون هاي الزياره سبب حتى ترجعلي زينب
رجعنه للسيارات
هالمره نظوري راد وي امه
واجت نور ويايه
حسيت زينب مو هي نفسها
وحده ثانيه تضحك ابراءه
وحيل فرحانه
قررت كل يوم جمعه اجيبهم
كتلهم نروح يله
كالت نور بابا اشتريلنه
كتلها بالطريق اشتريلكم
رجعنه كتلها خل نمر بالسوبر ماركت
اشتري اشياء مشتهي كروسان اريده للريوك حيل مشتهي من زمان مماكله
وكليجه هم تكدرين
ع فراغج هم تسوين
اوك
اخذت الاشياء الي تحتاجهن
اخذت كرزات وحلويات
محتاجه شي ثاني
لا شكرا
رجعنه للبيت وجان الوقت متاخر يمكن ب1
راحوا صعدوا
واني رحت لبيتي سبحت وكملت راسلتها
الووو
الووو
كاعده
اي
اكدر اصعد يمج
نعسانه حيل والله اريد انام
معقوله تردين تنامين من وكت
الصراحه لا
اخاف منك من تجي هنا
ليش تخافين معقوله ماعندج ثقه بيه
الصراحه لا ماعندي
دزتلي الثقه كالانسان سنوات لتكبر وثواني لتموت
رحم الله والديج ع ثقتج بيه
مدزتلي شي
اني هم تركتها ونمت
ثاني يوم سبت
كعدت تقريبا ب3 لكيت الكل متغدي
اجيت للمطبخ لكيتها هنا
حمت الاكل وصبتلي
تعالي اتغدي
متغديه من زمان
حتلو ع الواهس
مااشتهي والله
ضجت وكوه اكلت شربت جاي ورحت للبيت
نمت وكعدت رحت يم اهلي
لكيت فاطمه هنا
سلمت عليه
بنتها تخبش دبدوبه
لج تعاي هاي بنتج شتنطيها وهيج دبدوبه
دصلي ع النبي ساعه وحسدتها
لج شحسد منها ع عيونها الخضر ع شعرها الاشكر
دطير قحط عيون خضر اشو شكو وحده عيونها خضر فاهيه وموحلوه
ههههههههه قشمري نفسج بهذا الحجي
والله بنتي تخبل الرضيت والمارضيت
اخذتها ابوس بيها
لج تخبش والله
اموت ع البنيه اتمنى تصير عندي بنيه
جهزن العشه
سالت فاطمه ع رجلها
كالت مايجي واني راح ابات
اتعشينه وزينب ويانه اكلت
ماادري شعجب
بس والنبي فرحتي متنوصف ابد
كملنه وشربنه جاي
اجتي زينب
كالت اكدر اطلع اني وفاطمه وزهراء
وين تردين
اريد للمولات اشتري ملابس الي للجامعه
منو يروح وياجن
بوحدنه اني اخذهن بالسياره
لا ممنوع بوحدجن بهالليل
لو اني وياجن لو امير
واذا تردن بوحدتجن روحن باجر لو الصبح لو العصر
خل اشوف البنات وارجعلك خبر
وره شويه اجت كالت عادي روح ويانه
بس بشرط
شنو فوك مااخذجن تشرطن عليه
اجتي فاطمه
كالت والله مانتحرك اله توافق ع الشرط
شنو الشرط
متقيدنه ابد
وتوكف السيارت ع جها وين منروح معليك بينه
اي عادي بس وياجن اروح وين مترحن
اي عادي اهم شي نشتري براحتنه
يله روحن جهزن نفسجن
وانت زينب تعاي ورايه اريد احجي وياج
رحت لبيتي
اجت وراي
طلعت مليون من الكنتور
هاج
شنو ذني
يعني متعرفيهن
لا اعرفهن فلوس بس شاسوي بيهن
زينب كافي عناد لخاطر الله
لاتنسين اني زوجج ومسؤل عنج
مصرفج عليه وقسط الكليه همين عليه
واي شي تحتاجين اني مسؤل غير هذا الحجي ماعندي
سكتت اخذتهن وكلتلي شكرا
شراح تلبسين
مااعرف
صوريلي شتلبسين
اوك
سبحت وخلصت فتحت الجهاز لكيتها دازتلي صورة
جانت لابسه مثل 👇
نسقت نفس لبسها ومااعرف ليش هيج كاعد اسوي
احب البس نفس الالوان الي تلبسهن
بدلت وكملت وجان ستايلي نفس 👇
رحت لكيتهن جاهزات
ضحكت فاطمه شنو الفلم زي موحد
امشي واسكتي
طلعنه
يله وين اخذجن بالبدايه
كالت فاطمه لمول ...... تندله
اي اندله
كلتلي صدك عود انت ليش معلم ابنك ع سوالف موزينه
شنو ولج ياسوالف
كل مايشوفني ملتهيه الكي نايم فوك بنتي ويبوس بيها
وحتى بنت امير
ضحكت زهراء كالت امير متحلف بي يكول اله اكسره تكسر
شنو هاي ولك منتظر صدك هيج مسوي
وهذا لوتي يضحك
عفيه عليك بابا زين تسوي
بس انت ميصير اثنينهن اختارلك وحده
كالت فاطمه لك فرخ البط عوام
اكيد طالع عليك
اشو انت لحد الان متزوج 4 واني متاكده لو يطيح بيدك تتزوج بعد
انت لو تسكتين هواي احسن
لا اخلي نظوري يشوف شغله وي بنتج
ولو رزان مو حلوه واكيد لسانها بطول لسانج
حتى اسمها يلعب النفس
خل تولي متفيدنه
بس نريد رهوفه من هسه احنه ناهين عليها
ضحكت زهراء
اذا عصبي مثل ابو ويتزوج عليها من هسه اكلك اعذرني ماانطي بنتي
فاطمه كالت اذا مااجيتو تتوسلون بيه ع بنتي واله ماانطيها لو تموتون
يابه دطيرن انتن وبناتجن عاد شلونهن
يابه ابني البنات هنه الي يركضن ورا
مو هو
احجي واضحك
زهراء تضحك بس هاي الخبله فاطمه ملخت نفسها عبالك صدك
حجت فاطمه لج زينب اذا اريد انطي بنتي لابنج بس لخاطرج انت
ادري راح اديرين بالج عليها
وانت زهراء خلي بنتج تحترم نفسها من هسه مو تلزك للولد ع ابو ابن عمها
اني اولى بابن اخوي
يابه شبعنه ضحك
زنوبه ساكته بس تضحك
اخر حجت
يابه اني مااريد ازعلجن اثنينجن غاليات عليه
لهذا السبب راح اخطب بناتجن اثنيناتهن اله
فاطمه صاحت افتحولي السياره خل انزل
والله لو تموتون ماانطي بنتي لواحد متزوج وابو مخبل
لج خبله فضحتينه اسكتي
لك نظوري لتعبرها لرزان خل تولي
روح لرهوفه وشحده اليحجي وياك شبعها بوس
ابوك موجود ويدافع عنك
هاي بقت ادردم
وصلنه كتلهن خل اشوف مكان اركن بي السياره
زينب : من رحنه للالعاب حسيت بنفسي طفله
اتمنى اصعد واللعب
اتمنى ارجع طفله مثل قبل
حيل فرحت بيومها
رجعنه وراد يصعد يمنه رفضت
مااريد اضعف امامه ابد
لازم يتحاسب ع كلشي سواه بيه
ثاني يوم اجتي فاطمه وفرحت
كتلهن خل نروح اشتري ملابس
فرحن كالن انت اخذينه بسيارتج
بس حيدر رفض وحتى امير مقبل
لان ليل وبوحدنه
كتلهن خل يروح ويانه واحد
زهراء كالت امير اذا راح يكفرنه بالدنيه
يله واتاخرنه وهذا حلو وهذا لا
يشلع كلبنه
اذا راح امير اني مااروح
لعد خل يروح حيدر كالن اهم شي ميقيدنه
فعلا وافق ورحنه وجان لابس نفس ستايلي تقريبا
رحنه وهاي فاطمه كارثه والنبي خلت كلبي يموت من الضحك
من كل عقلها تحجي
دومها تكول ولج العب بيك جوله اذا مخطبت بنتي
واذا سويت واتزوجت عليها مثل ابوك ارتكب جريمه بحقك
بس الصراحه ابني ملعب اكيد يطلع ع حيدر وع ابو مروان الله يرحمه
كل شويه ونايملي ع وحده ويبوس بيها
وذني يتخبلن
ولك عيب ماما ميصير
والله احبهن ماما
لك حبتك حيه
حبلك وحده لو اله مثل ابوك
وصلنه ونزل ويانه
اني فرحت لان حيدر ويايه حتى اراوي الي اريدهن اخاف يعارض
بدينه اني والبنات نختار هو من بعيد ااشرله لو يهز راسه اي لو لا
هواي اخذت ملابس وشالات واحذيه
هو ابد مدخل بينه
وبره منتظرنه
ضحكت زهراء كالت لو هاي الطلعه لو متنراد
والله عبالي معقد حيدر
طلع احسن واحد بيهم
هواي افترينه واشترينه هواي اشياء
كملنه ورجعنه
جنت حيل فرحانه
بعدها حيدر ابد محاول يصعد يمي
ولا يحاول يخليني اتغده وياه
جنت اتمنى يطلب مني شي
بس ولا كانو
حسيت بي ميريد يتقرب عليه وهذا الشي ازعجني هواي
اليوم ثلاثاء اجتي مروه جايبها اخوها
سوينه غده لان عطلوا مقبلو يروح
اجه حيدر تقريبا ب1 ع موده
للعصر راح
هالمره مشفته ولا شافني الحمد لله
اني نسيت سالفة كربلاء كلت اجت مروه وهسه ينسه
مروه بدت تجي يمنه وتحاول تتقربنه
الصراحه تختلف عن حنان بكلشي
عدها نوع من الغرور بس حبابه
ومبينه متحب المشاكل ابد
اني الصراحه حيل اغار منها
من اشوفها وي حيدر وهي تسولف وتضحك
مرات احسه عيونه عليه ومرات احسه مبتعد
الاربعاء بالليل راسلني
الوووو
الوووو
باجر ع الموعد ان شاء الله لو غيرتي راييج
لا ع الموعد ماعندي شي
بس اخاف انت غيرت رايك
لا وعليش اغير رايي
خاف اجت مروه ومتكدر
لا عادي ماكو مشكله
عندج جنطة سفر زغيره تخلين الملابس بيهن
لا والله ماعندي
بس شنسوي بيها
مو راح نبقى 3 ايام
واذا ماكو داعي للجنطه
لعد بيش تاخذين الملابس ان شاء الله بعلاكه
لا بس بجنطه عاديه مو اله مالت سفر
بعد مجاوبني
وره شويه راسلني
تعالي انزلي اخذي هاي الجنطه
اوك
نزلت وجان بالصاله كاعد
انطاني الجنطه وعلاكه بيها ملابس كلي ذني تلبسيهن لنظوري باجر
كلي باجر ب2 انتو جاهزين
ان شاء الله
فتحت الجنطه جانن بيها ملابس اله
مخلي بناطير 2 وقمصان 2 وتيشيرت
وجايب لنظوري نفسهن بالضبط
حيل اتفاجأت بس يخبلن حيل عجبني
كلت مدام هيج خل انسق الي ولنور نفس الالوان
عجبتني الفكره
بقيت كاعده رتبت الجنطه وكملت
اذن صليت ونمت
كعدت من وكت ع مود الغده كملته من وكت وسبحت
كعدت الجهال وسبحتهم وبدلتلهم
لبس نظوري يخبش
صارت ب1 نزلتهم غديتهم وكملوا
صعدت لفوك
اجتني رساله فتحتها من حيدر
جان يكول اعذريني مااكدر اروح صارت عندي شغله مستعجله ......
مساء الخير ع اجمل متابعين اتمنى لكم قراءه ممتعه
🌹🦋 البارت 48 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
جان يكول اعذرني مااكدر اروح هسه اريد اخذ مروه للمستشفى اتخربطت
مااعرف ليش كلبي نغزني
كتله عادي راح نبدل ماكو مشكله
لا لتبدلون بس ارجع نروح
لا ماكو داعي خليها غير وقت
زينب مو وكت عنادج هسه شويه وارجع الكيكم جاهزين
مجاوبته شي
بقيت افكر معقوله جذابه لان نريد نروح
لا متسويها مروه
معقوله صدك مريضه
اني حتى مسالته شبيها
بقيت حايره مااعرف انزعهم الجهال لو لا
صارت ب3 وبعده مراجع
اخذتني نومه واني بملابسي
محسيت الى ع نور تكعد بيه
هذا بابا يريد يحجي وياج
الووو
شنو نايمه
ماادري بنفسي ونمت
بعدكم مبدلين
اي
يله لعد تعالو انزلوا
مروه شلون صارت
اذا متكدر عادي منروح اجلها ع الاسبوع الثاني
لا ماكو شي انزلو منتظركم
نزلنه ولكيت خاله
بوست الجهال وودعناها وطلعنه
لابس نفس لبس نظوري
بس حسيت بي مو طبيعي
حيدر الله عليك خلي ناجلها لغير يوم
هاي شبيج اخاف انت تندمتي
لا والله بس ع مودك احسك تعبان وقلق
مروه شبيها
مبيها شي وصارت زينه
انطلقنه
سكتت بعد محجيت شي
عم الهدوء ولا نفس بالسياره
نور ونظوري هادئين بالسفر
التفتت عليهم لكيتهم نايمين بس ممرتاحين بالنومه
طلبت منه يوكف السياره
عدل نومتهم ومشينه
ابد منطق ولا بحرف
فجأه دك جهازه
رفع خط
الووو
شلون صرتي
عرفتها مروه
اجتي فاطمه
بعدنه مواصلين من نوصل ونستقر اخابرج
اوك باي ..... ديري بالج ع نفسج
حيل دخت شنو الفلم
بس مااساله بعد
يريد يحجي يحجي
ميريد مو لازم
وصلنه وجان حاجز بالفندق عن طريق النت ماادري بي
الفندق ابو ⭐️⭐️⭐️⭐️
كلش حلو
حاجز غرفه ام النفرين
الصراحه يخبل الفندق والغرفه تجنن وجبيره
كال ترتاحون لو نروح نزور
خل يرتاحون خطيه
يله خلي وره العشه بالليل نروح نزور
دخلتهم للحمام سبحتهم حتى يروح التعب منهم
طلعتهم بعدها اني سبحت
وطلعت
دخل حيدر ورانه
غسلت الملابس
كال هنا تتعشون لو جوه بالمطعم
لا هنا احسن اني ماارتاح امام الناس
شتحبون اجيبلكم
اي شي مو مهم
نزل جاب العشه من نفس الفندق
اتعشينه وخلصنه
ولا كانو كباله اني ابد مو يمي
سوالي الرمز مالت الشبكه الي بالفندق
كال يله بدلو خل نروح نزور
عافني وطلع كال اخذي راحتج
بدلنه وجهزنه
دزيت رساله لفاطمه
شنو الفلم شصاير ومروه شبيها حيدر احسه قلق
كالت ماكو شي بس مروه حامل مكلج حيدر
من كالت حامل
احس صاعقه وكعت ع راسي
حيل دخت وضجت
احساسي مينوصف ابد
اذا جان عندي امل ننجمع سويه اني وحيدر ولو 20%
هسه اتغيرت نظرتي
ماعندي امل ولا 1%
دموعي كامت تجري
لامكلي بقينه شويه نحجي بس ع اعصابي
طبكته للخط
دخل حيدر شافني ابجي
اتخبل اجه بسرعه
هاي شبيج منو وياج
ها مبيه شي مدري شنو دخل بعيني
ليش تجذبين شصاير احجي
مصار شي
كتله يله خل نروح
مااريده يحس بيه ضايجه
كام يشرب جكاير ويذب الدخان بوجهي
يعني متحجين
هزيت راسي لا
يله خل نطلع
طلعنه سويه
اني واهسي مكطوع
وهو كذلك
بس يشرب جكاير
وصلنه للامام الحسين من بعيد ودموعي تجري
حيل مشتاقه لزيارة مولاي
هواي صارلي مزايره
حابه اشكي همومي كلها
هو لاحظني بس محجه شي
كلي اخذي نور وياج ونظوري وياي
جوه نتلاكه
بس اطلعين من التفتيش انتظريني اني اجي
دخلنه وجان ازدحام مو طبيعي
لكيته منتظرني
كلي كملي الزياره وتعالي هنا اكعدي
هزيت راسي
دخلت وزرت ودموعي منشفن ابد
خلصت الزياره وصليت وكمت ادعي
ياربي البي صالح سوي
مااتحمل اعيش وي حيدر وهو متزوج
ولااكدر اخلي يطلكني
ياابا عبد الله اريد الحل منك
اريدك انت تبرد النار الي بداخلي
اني ماالوم حيدر ع اي شي سواه بيه
كله من جوه ايدي
اني الفضلت دراستي عليهم
اني الي طلبت الطلاك منه
اني الي انطيته فرصه لحتى يتزوج عليه
ابد مابي صوج ابد
حسيت ذبيت هموم الدنيا كلها من كلبي
حسيت براحه
طلعت لكيتهم منتظرينه
حسيت بي قلق عليه حيل
ليش اتاخرتي
ازدحام حيل كوه زرت
كلي هم نزلتي للسرداب
شنو سرداب
جوه الضريح الاصلي للامام بس النساء مفتوح
كتله لا
تعالي ادليج وانزلي انت ونور وحتى نظوري واني راح انتظركم
نزلت وجانت حيل خفيفه وحلوه الزياره
هم طلبت الصبر اريد كون كلبي يبرد ومااهتم
لان من سمعت الخبر لهسه احس نار ومشتعله بصدري
طلعنه بعدها
لكيته واكف وعيونه تتفحصني
نرجع للفندق وباجر نكمل زياره
لا لويش شنسوي بالفندق اهم شي خل نكمل الزياره
اخاف تعبتي
لا عليمن اتعب
رحنه لابا الفضل العباس
ونفس الزياره والدعاء
كملنه كال خلي اشربكم عصير
اني احس بنفسي بغير عالم
كتله اني لتاخذلي شي مااشتهي
يابه تره عصير هذا مو اكل ومتشتهين
عصير مو عصير مااشتهي وخلص
ع راحتج
شربوا ورجعنه
دخلنه وبدلت للجهال
راح انيمهم ع الجربايه انت وياهم نام
محجه شي
طلع بره بس يشرب جكاير
باللحضه نامو خطيه تعبوا
وره شويه ورجع
جايب ويا مخدتين وبطانيه
كلي انت نامي يمهم واني انام جوه
واذا مامرتاحين ابدلها للغرفه
لاعادي ماكو مشكله
انت نام يمهم واني بالكاع
لا روحي نامي واسكتي
جنت اتمنى يحجي ويايه ويصارحني
اتمددت ع الجربايه
حسيت بي يراسل اكيد وي مروه
هواي طول يراسل
حسيت بنفسي مخنوكه
رحت للحمام اتوضيت ورجعت مديت السجاده
جانت الساعه ب2 ونص
صليت صلاة الليل
دموعي مااسيطر عليهن ابد
هو هم اتوضه ومد سجادته كدامي
مااعرف شصله بعدها
كام يقره قران بالموبايل
اول مره اسمع صوته وهو يرتل القران
كلش حلو صوته بالقران
يقره بصوت مسموع
اذن صلينه وكملنه
هو لم سجادته قبلي
بعدها اني هم لميته
ردت اروح انام
صاحني كلي تعالي يمي خل احجي وياج
اجيت يمه
كاعد بالكاعد
اكعدي
كعدت يمه
شبيج ضايجه
مبيه شي
حاب اكلج شي
مروه حامل
سويت روحي فرحانه
كتله مبروك وع الخير ان شاء الله تكوم بسلامه
هو سكت
ليش مفرحان
ها لا اكو احد يكلوله مرتك حامل وميفرح
لعد ليش بعد ضايج
الصراحه ممتوقع بهاي السرعه يصير حمل ومتفاجئ
هههه شنو تضحك ع نفسك
يعني شجنت متوقع الطفل اذا يريد يصير ياخذ اذن منك
اموري كلها متخربطه
مااعرف شنو الاريده
كل الاعرفه هو اني اموت بدونج
لاوربك لاتموت ولايصير بيك شي
بقيت سنه يم اهلي شنو الي صار
وهسه انت متزوج وزوجتك حامل
وعايشين احلى عيشه
اوووووف حقج هيج تحجين
كون افتح كلبي وتشوفينه جان ماحجيتي هيج ابد
ولج والله وروح اخويه باليوم اموت 100 موته من وراج
احبج واعشقج بجنون
بس اني انسان متهور
استعجل وبعدين اتندم
اني ادري بنفسي خسرتج
بس املي بربي جبير
اتمنى تسامحيني
ممكن اسالك
اي اسالي
ع ياجرح اسامحك
مراح احاسبك ع الماضي لان اعتقد سامحتك قبل لطلكني
راح احاسبك بس ع الجديد
اسامحك ع اهانتك الي من طلبت مني بيدك اخطبلك
لو اسامحك ع جرحك الي من تزوجت وهنتني كدام الكل
ثبتت للكل للمره الثانيه اني مااستحق زوجه
لو اسامحك ع معاملتك اليه من حسبتني خدامه
حيدر والله اني وياك طريقنه مسدود
كلمن اله طريقه الخاص
مستحيل بيوم نتوالم
ولج والله تعبت حيل
مكاعد اكدر اتحمل
اني انسان مامعصوم من الغلط
وانت دائما بتصرفاتج تخلين نفسج بموضع الشك
تجبريني اصدك بلي تشوفه عيني
شنو الخلاك تتزوج
ع مود تهيني تجرحني مو
احب اطمنك نجحت وبامتياز
ثق بالله وبالرسول
انهنت بما فيه الكفايه
وانجرحت جرح للموت ميطيب
اتمنى تعوفني بحال سبيلي
اني بعد مااريد اطلب الطلاك ابد
اريد اكضي كل حياتي يمك بس بعيده عنك
هاي شلون رهمتيها
اريدابقى يمك ع مود نور ونظوري
بس ابقى بعيده عنك مااريد تتقرب عليه
اعترف الك محتاجه وجودك بحياتي
اريدك سند الي ولجهالي
اني دائما سند الكم افديكم بعمري والله
اني اريدج تقبليني ك صديق الج
تشكيلي همومج واشكيلج همومي
اني محتاجج الج ممحتاج جسمج
اريد احس بيج وتحسين بيه
اشكيلج وتشكيلي
اريد اكون ولو جزء بسيط من حياتج
وانت الكل بالكل بحياتي
اني حبيتج يمكن اكثر من ماتصورين
بس ماعرفت احافظ عليج
اني تركت الشرب بفضلج
كرهت النسوان بس من وراج
ماافكر باي شخص بس بيج
حبي الج محول حياتي لجحيم
لان كاعد اتعذب لان اذيتج
تذكرين من واعدتج بيوم الي سقطتي الطفل
كتلج مراح اجبرج ع شي
اعتقد وفيت بوعدي
رغم ماهواي عانيت
وهسه هم راح اعيد الج وعدي
وعد مني ووعد شرف ف
للموت مااجبرج ع شي
ولا اتقرب الج بدون رضاتج
بس احلفج بالامام الحسين وابا الفضل خليني انام يمكم
خليني يوم يمكم ويوم يم مروه
والنبي كاعد اتعذب
اتمنى انام بنصكم احس بيكم
احبج وماحبيت غيرج ابد
حيدر : اخذتهن للمولات والحلو بزينب تاخذ رايي بكلشي
الي اوافق علي تشتري والي مااوافق ترجعه
بعدها رجعنه وطلبت منها اصعد ورفضت
كلت مااجبرها ابد خليها ع راحتها
اجتي مروه اخوها جايبها
نص دوام ورجعت عيب من الولد
مروه ابد معجبني وضعها من اجت من اهلها وهي بس نايمه وتكول دايخه
الاربعاء رحت للسوك وجبت ملابس الي ولنضوري نفس الالوان وتقريبا نفس الشكل
جنت متلهف للزياره
وكلت مااخلي شي بنفسهم
راسلتها لزينب بالليل وسالتها ع جنطه كالت ماعندي
رحت للمول جبت وحده ورتبت ملابسي وملابس نظوري
وانطيتهيا
ممصدك زينب قبلت تروح وياي وراح نبقى 3 ايام ورابع يوم نرجع
اخذت اجازه ع يوم الاحد
حجزت فندق عن طريق النت
اتعمدت احجز غرفه ام النفرين
حتى انام سويه اني وهي
مروه خبرتها كتلها راح ابقى هناك
شكم مره اسالها شبيج تكول مابيه شي
رجعت الخميس من وكت وكلت اتغده ونروح
فجأه وكعت مروه انغمه عليها
شممتها عطر كعدت
ردت اخذها للمستشفى مقبلت ابد امرها محير
بعدين جبرتها
سولها تحاليل
وجانت المفاجئه مروه حامل
مااعرف افرح لو احزن
بس الي اعرفه فرحان راح يجيني طفل
احب الاطفال حيل
بس ضايج خايف من ردة فعل زينب اذا عرفت
وبنفس الوقت مروه دوختني ابد ماحسيتها فرحانه
بستها براسها وكتلها الف مبروك
شكرا بس شنو حيل ضايجه
كتلها راح الغي روحتنه حتى اخذج للدكتوره العصر
ابد مقبلت كالت خطيه ومبدلين من يمته
كتلها مو مشكله غير وقت نروح
اني بداخلي ضايج عليهم خطيه
مروه اصرت كالت خابرلي فاطمه تروح وياي العصر للدكتوره
ماعندي شي وهو اصلا مابيه شي
طلبت من زينب ينزلون
انطلقنه وجنت بغير عالم
المفروض هسه اني اسعد واحد بالدنيه
لان الله رزقني بطفل
بس ليش ضايج وشايل هم مااعرف
حيل جنت متلهف للزياره
ابد مااتدومنه السعاده اني وزينب
خابرت مروه وسالتها ع فاطمه كالت اجت
واني زينه لتشيل هم
دخلنه للفندق وارتاحينه وجبتلهم عشه
كتلهم بدلو وطلعت كلت تاخذ راحتها ادري بيها تخجل مني
دخلت لكيتها تبجي وملامحها متنوصف
مااعرف ليش وشبيها
استبعدت تعرف بمروه
بس هي مسحت دموعها ورفضت تحجي
رحنه زرنه والطريق كله تبجي دخلت زارت وطلعت وجانت منتهيه من البواجي
اوف ياربي والله ابد مااستاهلها اني
خاف اني مو ضايج زودتها عليه
رحت زرت اني ونظوري
اتوسلت بالامام الحسين ونخيته كتله ياامامي اريدك واسطه بيني وبين ربي
اريد الله يحنن كلب زينب عليه
اريد زينب كون تحبني وتتقبلني
اريد زينب كون تحبني وتتقبلني
اريد زينب كون تقبل انام وياهم بنفس الغرفه
ادري بيها معجزه وادري بيها مستحيل تتقبلني
بس مو معجزه ع رب العالمين
اذا اراد شيئآ انما يقول له كن فيكن
ياربي حققلي هاي المعجزه
خلصت وطلعت انتظرت هواي يله طلعن
وجها ميتفسر ابد
كتلها خل نرجع رفضت
رجعنه للعباس سلام الله عليه
هم نخيته من كل كلبي
محتار مااعرف شاسوي وشاتصرف
كملنه ورجعنه حسيتها بغير عالم
واني همين
رحت للاستعلامات وجبت بطانيه ومخدتين
خليتهم فوك واني بالكاع
راسلت مروه وكالت زينه وماعندي شي
رحتي للدكتوره
اي وطمنتني ماكو شي
فاطمه راحت وياج لو امي
اثنينهن راحن امير اخذنه
امانه عليك ادعيلي وياك
تدللين ان شاء الله باجر ارجع ازور مره لخ وادعيلج
بقينه نسولف شويه
شفت زينب تصلي
رحت اتوضيت وكعدت اقره قران
بصوت مسموع
اقره بخشوع لان كلبي مخنوك
صلينه وكملنه وحجيت وي زينب
خبرتها مروه حامل
اتضاهرت ممهتمه
بس اني حفظتها اكثر من نفسي
اني متاكد عدها مشاعر اتجاهي بس حولت هاي المشاعر الى حطام
جنت اتمنى توافق تخليني انام وياهم
مو اهم شي اتقرب اريد احس بيهم ك عائله الي
اريد البي طلباتهم
اريدها تطلب مني شي
اريد اصرف عليها
اتمنى تعيش وياي ابيتي
لو مامتزوج مروه يمكن هسه اني وياهم ابيتنه
اتمنى تلبس تتمكيج تاخذ راحتها بدون خوف بدون توتر
هسه بيتي طابقين وبي غرفتين جوه و4 فوك
اكدر اسويلها نفس ديكور غرفتها يعني اطبك غرفتين سويه
اكدر اخليلها الطابق الثاني كله الها وللاطفال
بس اني متاكد متقبل
وراح تفضل تبقى يم اهلي
يمكن اذا اكول شي مراح تصدكني
بس والله العظيم من انام ونظوري بحضني احس ملكت العالم كله
اتمنى توافق وتخليني انام وياهم
والله ماازعجها ابد
ولا اضايقها ابد
كتلها والله احبج ومحبيت غيرج
كالتلي كلشي تكلي اصدك بي
اله اذا كتلي احبج اكول جذبت
تدري لويش
ليش
لان اليحب ميجرح
اليحب يثق
اليحب ميغدر
اليحب يضحي
اليحب يقدم السعاده
اليحب ميكون اناني
اليحب ميذل
كل الي تكولينه صحيح
بس والله اني غيرتي مو طبيعيه
اتخبل اذا احد باوع عليج بنظره مو حلوه
اتخبل من ابن عمج الغثه علي
من لكيته وياج بالجامعه عقلي وكف
وادور يدزلي الرساله
انت بلسانج كتيلي موافقه علي
شتتوقعين ردة فعلي
بس المفروض اذا تحبني تقراني من عيوني
سكتت
اني اعترف مااستاهلج ابد
الي اترجاه منج نفتح صفحه جديده لخاطر الاطفال
انت مثل ماكلتي هواي ضحيتي لخاطر الجهال
اجه الوقت الي اني اضحي باي شي اطلبي مني
بس اني ماعندي طلب بس تعوفني بحال سبيلي
هاي هي ابد ماازعج ابد
روحي نامي صار الصبح
راحت نامت
واني حسبه تاخذني وحسبه توديني
دايخ بزماني
بعدين نمت
كعدت ع صوت زينب تكعدني
فتحت عيوني وصارت بوجهي
لان من تكعديني يومي مو عادي يصير مميز
بيش الساعه
ب3
ليش مكعدتوني
كعدت
خطيه نور ونظوري جاعوا حيل
جان مكعدتك بس خطيه
هسه انزل اجيبلكم
رحت للحمام اتوضيت وصليت
يله حبايبي تعالو انزلوا خل نجيب غده
شاجيبلج غده
اي شي عادي
نزلنه الفندق بوفيه مفتوح
اختارينه وطلبت من العامل يصعده ويانه
احساسي مينوصف حيل فرحان عكس البارحه
مااعرف ليش
كعدنه نتغده سويه
حسيتها ابد ممتقيده مني ولا خجلانه وحيل فرحت
كملنه وغسلنه
شربنه ببسي
كتلها يله بدلو خل نطلع
وين نروح
خل نروح للحر ولمقام الامام
وبالليل نروح لمدينة الالعاب
لعد منزور مره لخ
اذا رجعنه من وكت نزور واذا لا ع باجر ان شاء الله
زين مو حاره هسه عليهم
لا مو حاره راح تصير ب4 ونص
احنه هسه تقريبا نهاية شهر ايلول
طلعت ملابس الي ولنظوري
اخذت ملابس الها ودخلت للحمام
بدلت وطلعت
ونور هم بدلت
ضحكت كلت زي موحد اليوم
لاحضتها هي ونور نفس الوان لبسنه اني ونظوري
حسيت بيهم فرحانين كلهم
طلعت العطر ماخذه وياي
حطيتلهم لنور ونظوري
بعدها خليت الي
اتقربت عليها وخليتلها منه
شكرا
تدللين
كالت تقبل اخلي مكياج
خلي بس خفيف
اراقبها خلت بس صدك خفيف
بس تغير شكلها
كلت خطيه خليها ماعليه بيها
كتلها راح نروح بتكسي
لويش
السياره مخليها مبيت 3 ايام وكاص وصل
عليمن اطلعها وهو اني اصلا مااندل هنا ابد ناخذ تكسي احسن
ع راحتك
طلعنه وقفلنه الباب
رحنه بتكسي للحر الرياحي
اول مره ازوره
صليت ودعيت وطلعت
وره لحضات اجني زينب ونور
رحنه بتكسي للمقام
زرنه وصلينه بعدها
كعدنه يم الشط اكو بطات هواي والمنظر رهيب
رحت اشتريت جبس واكل
وكمنه نذبه الهن
نظوري فقد عليهن
كتلهم خل نطك سلفي
هواي طكيت الهم صور
طكيت وحده اني وزينب ونظوري بصفي الجها الثانيه
ونور بجهة زينب
خليت ايدي ع متن زينب
شفتها معارضت ابد
طكيت الصوره
وجانت احلى صوره النه
صار المغرب
دخلنه بالمقام صلينه وطلعنه
اكو سوك يم المقام دخلنه
بقينه بس نفتر اشترت شكم شغله لنور ونظوري
بعدها رحنه بسياره للالعاب
اول مصعدنه بالسيارات
وصعدنه بالقطار
وهواي العاب صعدنه
بعدين كالت كافي تعبنه
اخاف بعد منلحك نزور
رجعنه بتكسي
اجينه كبل للفندق
كبل سبحنه كلنه حتى التعب يروح
جبتلهم عشه من جوه المطعم
اتعشينه وكملنه
اتعشينه وكملنه
نور تعبتي لو لا
لا بابا متعبت
يله بدلوا خل نزور
رحنه زرنه وجانت حلوه حيل الزياره
مااتعطلنه رجعنه
وخطيه جانو تعبانين
شويه وناموا
باوعت الساعه ب 1 ونص
راحت للحمام واجتي يمكن اتوضت
شنو تردين تصلين
اي
بعد وكت
تعالي اكعدي شويه
اجتي كعدت
طبعا بدون حجاب
هم نروح باجر نزور اخر مره
اي عادي اذا تردين نروح
واريد اخذ لخاله جادر للصلاه واريد ثياب بنات لرزان ورهف
ان شاء الله
راح تخليني انام يمكم
وين هنا.
لا ابيتنه
الله كريم
اكلج ليش ماتعيشون وياي بالبيت
حتى تاخذين راحتج بلبسج وحجابج
لا اعذرني مااكدر بغرفتنه احسن
اريد ابدلها الج
لا مااقبل
ليش
احسن
لعد اصلحها
الله كريم
حيل افرحت يعني بيها امل
شتتمنى يجيك ولد بنيه
كل اليجيبه الله هله بي
اشو ولد عندي وبنيه عندي
لو انت الحامل جان اختلف الوضع وجان اتمنيت
لويش وحد
اكيد وحد لان انت الكلب والنبض
اتمنى تصير عندي بنيه منج وتشبهج حيل
يمكن اكلها اكل بسنوني كل لحضه
سكتت محجت شي
فتره وهم نروح للنجف ونبات
حتى نروح لمروان وسيف الله يرحمهم
ياريت والله حيل مستاقتلهم
حاب اسالج سؤال بداعت نظوري ونور جاوبيني بصراحه
اسال
هم اكو حلم ابالج امنيه تتمنين تحقيقيها
والله اذا اكول مراح تصدكني
كولي
امنيتي الوحيده
اعيش بسلام وي جهالي
اتمنى ميفرقنه اي شي بعد
مستعده اضحي بكلشي بس كون ماافاركهم
لعد ليش كبل عاندتي اله تكملين الدراسه
عفيه لتذكرني لان كوه نسيت والله
ولو مستحيل انسى
والنبي حيل اتندمت وكرهت الدراسه كلها
زين هم حابه اسالك سؤال
ليش عاندت مخليتني اداوم
وهسه قبلت
الصراحه اني جنت رافض الفكره كلها
بعدين كلت خطيه هم حقج
بس من شفتج عاندتي وفضلتي الدراسه علينه اتخبلت
عاندت اكثر
وداعت نظوري لو مطالبه الطلاك مخليج مكمله اني من ذاتي
بس انت دائما مستعجله لو صابره والله مصار الي صار
اجاها اشعار فتحته
جان تكول هاي رنا
كامت تراسلها وتضحك
حيل افرح من اشوف تضحك
بقت تراسل بيها
شويه وطبكته
كالت راح وكتي خل اصلي
كامت صلت
اني هم كمت اقره قران
اذن وصلينه
كتلها تعالي نامي يمي
والله مااسويلج شي
اخاف لا يكعدون
واذا كعدوا قابل بغير غرفه اشو يمنه
راحت عدلت نومتهم وغطتهم
اجت يمي
شكالت رنا مستقرين لو بعدهم
لا مستقرين ورايحين يم محمد ورسل
تكول كعدنه قريبين عليهم
بس تبجي خطيه تكول مااتحمل الفراك
مو هينه الغربه الله يساعدهم خطيه
خليتلها المخده بصفي نامت يمي ومكاعد اصدك ابد
معقوله زيب نايمه بصفي
اكيد معجزه من رب العالمين
كالت اذا صرت وكيح اكوم
يعني شلون وكيح مدا افتهم
يعني نام واسكت
لعد شمسوي قابل
لو كوه تردين تبليني
ليش متكوم تنام ع الفراش مو مريحه الكاع
لا ميكفي الفراش خطيه خل ياخذون راحتهم
والله الجربايه حيل جبيره وتكفينه
لان من صدك مو مريحه الكاع
كمت خليت نور ونظوري بصفها
كالت لا خليهم اثنينهم بالنص واني وياك بالاطراف اخاف يوكعون
لا ميوكعون وراح اخلي المخاد والبطانيه اخاف توكع نور
فعلا رتبتهم
والفراش جان واسع
كالت خلي نظوري بالنص حباب
لا عفيه الله يخليج خلينه انام سويه
هو بس اليوم
سكتت
احسها مطيعه بشكل
هي نامت بصف نظوري
واني بصفها
بيها ومتدنه لنظوري
لج بابا راح تكتلي للطفل
لتخافين مراح اسويلج شي
حسيتها ابد ممرتاحه كل شويه وابتعدت
يعني شلون مراح تخليني انام اثبتي شويه احجي واضحك
ها مو ممرتاحه بنومتي
ليش
المكان ضيك
اعلمج شلون تنامين ومتحسين ابد
ياريت لان نعسانه حيل
سحبتها لحضني وحضنتها حيل
احنه شكلنه مو كتلك صير عاقل
هو اذا انت خبلتيني بس تحوسين متخليني انام
خل اربطج احسن
هدني والله راح انام
راح اخيرج
لو تنزلين جوه انام وناخذ راحتنه
لو تنطيني بوسه وباللحضه راح انام
لو ابقيج بحضني
خياريت ترك
لا عفيه اريد وسيلة مساعده
ماكو اي وسيله
استعين بصديق
لا ماكو
لعد روح نام بوحدك
لا والله الكاع تكسر تكسر وفوكاها بلا فراش
شلون قاسيه وهيج ينطيج كلبج وتعوفيني انام بالكاع
لعد صير حبباب ونام يمنه
والله من يومي حباب وياج
عوفني اريد اروح للحمام
جذابه بس تردين تشردين
لا جديات اريد للحمام
يله روحي اني متاكد منها بس تريد تهرب مني
راحت ووكفتلها بالباب
طلعت شافتني وجان وجها 👈😲😲
شنو لهسه مانمت
لا منتظرج
ليش
هيج ماكو شي بس اريد ادخل وراج
يله لعد روح ادخل واني راح انام
رادت تروح سحبتها
وين تنامين بعد وكت
لا ياوكت لازم نكعد من وكت نروح نزور قبل لنرجع
عليج الامام الحسين
وعليج العباس
انطيني بوسه وروحي نامي
ليش تحلفني هيج
لج شطالب منج والله شالعه كلبي
الواحد الغيري ياخذ اليريده منج لو مو متقبلين
بس اني صابر عليج ومااجبرج لو اموت
سكتت
مثل ذيج المره بوستين وبس
لعد انت طماع درجه اولى
بالبدايه كلت بس وحده
وهسه صارن 2
مو متاكد منج وحده اشبع دفرات بيها ومراح اتهنه
والثانيه اعوض عن الدفرات
سكتت محجت شي
اتقربت عليها بكل هدوء واني ممصدك نفسي
معقوله زينب ماعدها مانع جانت اجمل لحضه عندي
اكيد الله استجاب دعائي وحنن كلب زينب عليه
بديت ابوسها وحسيتها ذايبه بين اديه صحيح ممستجابه وياي
بس احسها رايحه بغير عالم
اتفننت ابوستها وهالمره ماكو دفرات الحمد لله
لمن تعبت يله وخرت عنها
كتلها لو يطيح بيدي مااوخر عنج ابد
هي مدنكه
اشو هالمره ماكو دفرات معقوله منقطع نفسج
لاوالله كوه اتنفست بس كلت هالمره خليك براحتك
وليش عود معقوله عجبتج البوسه
لايمعود ليروح بالك لبعيد بس لان حلفتني كلت خطيه خل ياخذ راحته
منو الخطيه معقوله اني اهمج
الله عليج يهمج امري
اكيد يهمني لان انت ابو احبابي نور ونظوري
حسيت ملكت الدنيا كلها
يله نبلش بالثانيه
ضحكت كالت يله بس لتاذيني
ولج والله ااذي نفسي وماااذيج بعد
بعديش بعد مااذيتني ووصلت للعظم
والله لعوضج كلشي راح منج
بعد مااخلي دمعه تنزل منج بسببي للموت وهذا وعد مني
سكتت
اتقربت عليها وبستها بركبتها
حسيت بنفسي راح افقد السيطره ع نفسي
تركتها
نزلت جوه ردت انام
ادري بنفسي راح اضعف امامها
هاي ليش نزلت
احسن اخذوا راحتكم المكان خاف ميكفي
اخاف تتاذه جوه وبدون فراش
خليني اتاذه جسديا ولا اتاذه نفسيا
شنو قصدك
ماكو شي روحي نامي
زينب : اليوم جان احساسي غريب وحلو
حسيت مرتاحه لقرب حيدر اليه
اخذنه زورنه وطكينه صور هواي
من نمشي سويه احس ملكت الدنيا
احس اجمل عائله بالدنيه
اتمنى نبقه هيج مدى العمر فرحانين
بس من اتذكر مروه حامل
ارجع للكابه بس قررت اليوم انسى كل همي
حابه اعيش يومي وكل لحضه بلحضتها
راح اترك همومي ورايه ع الاقل بهاي اليومين الباقيه
وعود من ارجع الله كريم لاحكين ع شلاع الكلب
رجعنه للبيت وجانت السعاده واضحه عليه
ردت اصلي وطلب مني حيدر اكعد يمه
احس بنفسي منومه مغناطيسي
شنو الي يكلي انفذه وشنو الي يطلبه مني راح انفذه
راد اعيش ويا بنفس البيت اني رفضت
لان مااتحمل اشوفه وي مروه
حيل اغار وعقلي يوكف من اتصوره وياها
كلي ابدل الغرفه اعترضت
بس من كال اصلحها سكتت
كلت كافي دافنه نفسي عدله
لازم اتكيف وي الوضع الجديد
راسلتني رنا وحيل افرحت
بعدها صليت وهو يقره قران
ممصدكه معقوله حيدر يقره من شوكت هيج صاير
بس الصوت رهيب وبي خشوع واضح علي
ابقى اركز ويا لمن يخلص
صلينه وبعدها طلب انام يمه
بعدين صعدنه فوك
اتندمت من كتله انام سويه
عبالي الجهال ابيناتنه
بس من نام بصفي
حسيت بنفسي ممرتاحه
وجوده بصفي وترني
بقيت ابتعد عنه
اشو هذا جرني وحضني حيل
حسيت نفسي اختنكت وردت اكوم
بس ميقبل
اتحججت بالحمام اريد بس اهرب
اني الصراحه ارتاح بقربه الي
بس بنفس الوقت مااحب يتقرب عليه
مااعرف ليش
اني متاكده احبه لحيدر بس لويش هيج افكر ماادري
طلعت ولكيته واكف
راد يبوسني وحلفني
تركته ع راحته
هالمره رغم ما انقطع نفسي بس عادي عفته ع راحته
كلت خطيه هو شطالب مني غير هالبوسه
ببعدها باسني بركبتي
بس فجاه عافني ونزل مااعرف ليش ضجت
كلت معقوله ميحب ينام ويانه بنفس الفراش
اكيد حجيه كله جذب
ضجت نمت وسكتت
كعدت لكيت نفسي مخنوكه
فتحت عيوني لكيتني بحضن حيدر نايمه
بس يباوع عليه وصافن
فركت عيوني
كتله صباح الخير
صباح النور
هاي شجابك هنا
تكسرت تكسر من الكاع
بيش الساعه
ب1
باوعت ع نور ونظوري بعدهم نايمين
اكعدهم
ليش
وكتنه راح
ليش شورانه
غير نرجع
ونزور قبل لانرجع
شنو متوازيه ع الرجعه
لاوالله احس بنفسي مشبعت من الزياره
تردين نبقى اليوم
لعد ودوامك
شعليج بدوامي بس كولي
لا دوامك اهم من كلشي لاتجيك عقوبه من ورايه بس مداوم
اني قابل بالعقوبه الي تجي من وراج
لاجديات خل اكعدهم
باقين اليوم لان باجر مجاز
كول والله
اي والله
حيل افرحت
كتله احلى خبر سمعته
لان اريد اشتري شكم شغله وازور مره لخ
هو هذا الهمج
عبالي تكول لان راح نبقى سويه
ضحكت وكتله
هاي شنو تفكيرك راح لبعيد
لو اموت ماافكر هيج
ادري بيج بذات لو تموتين متفكرين بيه
وين تحبون نطلع اليوم
نزور ونفتر بالسوك
وبعد هواي وقت عدنه
مااعرف وين نروح بكيفك
نروح لمشتل العتبه العباسيه
بيها حديقة حيوانات
بكيفك
خل اكوم اصلي
قبل لتصلين انطيني ريوك وروحي
روح جيب الريوك واني اجهزه الك
لا شلي بذاك الريوك
عفته وردت اكوم
هاي وين
اريد اتوضه واصلي
ممنوع تتحركين الى تنطيني ريوكي
عفيه الله يخليك خل اكوم
مستحيل تتحركين خطوه وحده
هذا الحجي هو محاوطني باديه اثنينهن
طبعت بوسه خفيفه بخده 🙈🙈🙈
مااعرف شلون هيج سويت 🤔🤔🤔
ومنين اجتني الجرأه وهيج سويت 🤭🤭🤭
هو بقه فاك حلكه ممصدكني
لج شنو اليوم الدنيا تريد تنكلب
والله اطيب ريوك هذا
مراح انساه مدى العمر
اني اذا تذبحوني متلكون قطرة دم بيه 🙈🙈🙈🙈
حيل خجلت مااعرف شاحجي وشلون اتلافه الموضوع
اسفه والله بالغلط
ها زنوبه هاي شلج بيها 😜
عفته وركضت للحمام
يمكن بقيت اكثر من نص ساعه
شلون اطلع والله عيب هسه شيكول عليه
اخر شي دك الباب
لج شنو نمتي
اريد اتوضه راح وقت الصلاه عليهش
طلعت بس شنو حيل خجلانه
اروح فدوه للخجلان
لج بابا اني زوجج ليش هالخجل
اني حتى غده بعد مااريد من بره
اريد منج انت لان اكلج غير يختلف يخبل ومينشبع منه يضحك 😜
عافي وراح
هو دخل للحمام واني رحت صليت وهو هم كام يصلي
اجيب الغده واتكعديهم
لا خطيه خليهم نايمين
لعد تعاي حبابه اريد لفه اصبر بيها لمن نتغده
هاي انت شكد طماع
تحلم بعد تقشمرني
والله اليوم احسبي حسابج مراح اتعشه بالليل اتعشى بيج
لو تموت مااخليك بعد تلمسني
ههههه خل يجي الليل ونشوف 😜
راح اكره الاكل كله الي من بره اريد بس منج
يوميه بوسه للريوك وبوسه للغده وبوسه للعشه
ولو بوستج فاهيه مابيها معنى بس مقبوله منج
اني حيل اخجل منه
دك جهازه وانقذت
رفع خط الوووو
هلو حبيبي شخبارك
اي مجاز بكربلاء اني
كول حبيبي
ها شوكت ...... لا بربك
وهسه
شمعنى اني
الله كريم خل ارجع ويصير خير
حسيت وجها لونه انخطف مااعرف شبي
ها حيدر شكو صاير شي
جان يكول .....
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: