مساء الخير ع اجمل متابعين اتمنى لكم قراءه ممتعه
🌹ك البارت 49 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
بالبدايه احب اوجه شكري وامتناني لكل متابعيني ع الفيس جنت اتمنى هم اتواصل وياكم بس مااكدر لان وقتي ميسمحلي والله
لان الواتباد ماخذ كل وقتي اكتب واراجع واصحح وارد ع بعض التعليقات بس رغم كلشي اقره تعليقاتكم واني جدا سعيده من اشوف قصتي بالصداره بين القصص بالفيس واكيد هذا كله بفضلكم تحياتي الكم 😘😘
جان يكول يردوني ارجع لسامراء
ليش شكو
اوامر اجت مااعرف ليش
لا عفيه الله يخليك لتروح
ليش عود
نسيت ذيج المره من تصوبت والله متنه باليوم 100 موته من وراك
هاي منو التحجي
نسيتي نفسج مفكرتي تجين تشوفيني
ولا فكرتي تتصلين بيه وتطمانين عليه
ولا فكرتي ولو ادزين رساله تتحمديلي ع السلامه
اني متاكد جنتي فرحانه
وحتى هسه يجوز تفرحين اتصوب لو اموت
حتى تخلصين مني
سديت حلكه باصابيعي
لتحجي هيج وتكول الله يخليك
عمرك طويل ان شاء الله
كعد نظوري
سكتنه
كلي عود بالليل نسولف ونكمل حديثنا
ضجت هم راح نرجع لشلاع الكلب
حيدر : اسعد واحد بالدنيه اني
ممصدك الي ديصير
نمت جوه بس ماكدرت انام ابد
شربت جكاير وهدئت بعدها صعدت يمهم
لكيتها نايمه
حضنتها ونمت
كعدت قبلها وصافن بوجها
اتمنى تسامحني
اتمنى تخليني اتقرب عليها
العائق الوحيد بيني وبين زينب مروه
بس مستحيل اضلمها واطلكها
ماعدها قصور ابد
وفوكاها حامل
اني كاعد احاول انسى كلشي هنا
اريد اعيش وياهم كل لحضه بلحضتها
كعدت زينب اني حاضنها بين اديه
حاولت تفلت نفسها منطيتها مجال
كتله اريد ريوك
اشو فجاه جان تبوسني بخدي
الصراحه اتفاجأت بيها
ابد ممتوقعها هيج تسوي
احس ملكت الدنيه
طرت من الفرح
معقوله ياالهي تستجيب دعائي
اني من راسي لساسي غلطان
بس تبت والله ابد مااسوي اي شي منكر
لااشرب ولا ادور نسوان ولا كلشي منكر اسوي
توبه خالصه ياربي بس حنن كلب زينب عليه
خجلت مني وعافتني وراحت للحمام
بديت احجي وياها وردت بس اخجلها
اموت ع خجلها
والنبي اعشقها واموت عليها
جانت امنيتي تطلب مني شي
يجوز اي شي اطلبه حتلو معجزه اعمل المستحيل واحققه الها
اني جنت معمي ع وجهي
غيرتي خبلتني
بس هسه لا لازم اتغلب ع غيرتي اتجاها
اني راح اخليها تكمل دراسه واخليها تتعين وراح افاجأها افتحلها صيدليه الها
يعني واذا حلوه معناها ادفنها عدله
خطيه هواي تعبت وهواي ضحت وهواي ذليتها اني
رغم كلشي احسها تحبني
ومااعرف احساسي صحيح لو لا
دك جهازي وجان ولد صديقي
استغربت منه
سالني مجاز كتله اي
كلي دازين عليك من بغداد
لازم تسافر مدة شهرين دوره بدبي
كتله شمعنى اني
كال مو لان نرفع بيك كتاب من جنت بسامراء
وره هاي الدوره احتمال تترفع بيها
كتله الله كريم ارجع ويصير خير
الصراحه حيل فرحان شعوري مينوصف ابد
كل ما اصبح بوجه زنوبه لازم اسمع خبر حلو
كلت خلي اخبث وياها وكتلها لسامراء
حسيت بيها ضايجه
اني لحد الان تحفر بكلبي من ما سلمت عليه ابد من طلعت من الموت
كعد نظوري وبعدها نور
نزلت جبتلهم غده
سويت نفسي ضايج
اريد اعرف شعورها اتجاهي شنو
حسيت الخوف بعيونها
كملنه كتلها يله جهزوا نفسكم
وين نروح الدنيه ظهر وحاره
لا موحاره الجو زين هسه من نزلت
خل نفتر بالسوك شويه
اني ونظوري لبسنه سويه
وهي ونور نفس الالوان
احساسي جميل من اشوفها هيج تسوي
احسها مو هي زينب غير وحده
لو يطيح بيدي جان بقيت هنا شكم يوم
اريد اشبع منهم
كالت اخلي مكياج
اي عادي بعد لتاخذين اذني
بس اهم شي خفيف
احسها فرحانه
كتلها زين ليش تخلين اذا انت حلوه
حتى اطلعين بعد احلى
لا والله مو لهذا السبب
بس البنيه بطبيعتها وهي طفله روحها بالمكياج
اني اريد احس بنفسي طبيعيه حالي حال غيري
اني اقبل تخلين بس اذا طوخ لا
اوك
كملت ونزلنه
بقينه نفتر واشترينه لامي احرام للصلاه
ابويه اخذتله قميص حلو عجبني كلت يفيده للدوام
هي اخذت للبنات اخواتها واخواتي ولمروه وزهراء
تربه ام السجده الي تعد
شربتهم عصير
كالت اكو محل احذيه هنا اريد اخذ حذاء
رحنه لمحل واشترت منه حذاء وجنطه
بعدها مرينه ع محل حجابات
كالت خل اخذلي واحد عجبني
كتلها شنو الي بنفسج اخذي
كملنه ورجعنه خليتهم بالاستعلامات مالت الفندق وصعدت وديت العلاليك ورجعت
رحنه للمشتل وجان حلو
بي حديقة حيوانات بس مو جبيره
شفنه اسد ولبوه بنفس القفص
وكفنه خلف القفص وطكينه صوره
نظوري ميخاف ويكلي بابا خلي اوكله للاسد
كمنه نضحك لك بابا حتى ايدك تنكطم وي اللكمه
شفنه نعامات وقروده وحيوانات هواي
نور خايفه هي وزينب
واني ونظوري نضحك عليهم
ولجن انفتح القفص
مااحس اله اثنينهن بحضني
متت ضحك عليهن
ايا جبانات هيج تخافن
كالت لو اطلعنه لو اطلع بوحدي
طلعنه فرينه بالمشتل
كالت اساله ع نبتة الاولفيرا عدهم
كتلها شنو هاي وشلج بيها
اريدها اخلي عمو يزرعها بالحديقه
بيها هواي فوائد للبشره وللشعر ولهواي امراض
سالته كال اي عندي
زين شلون اكدر احتفظ بيها لباجر
كلي اي عادي يصير تحتفظ بيها
بس تحتاج عنايه بالزراعه
علمني بيها واخذتها
كتلها هاي شنو نبتة الصبار
كالت اي هي هاي نوع من الصبار الاولفيرا
جنه زارعيها ابيتنه القديم
اذن الاذان بالطريق
رجعنه للفندق صلينه وارتاحينه
جبتلهم عشه
اتعشينه سالت نور ها بابا اتونستي
كالت اي والله هواي
اول مره هيج افرح لان انتو اثنينكم ويانه
هم تعبتي
لا وتضحك 😂😂
وانت نظوري تعبت
لا بابا
ذوله شبيهم ميحسون بالتعب
مو فرحانين خطيه عوفهم
خل نروح نزور اخر مره
لان باجر لازم نرجع
اكلج زينب
الفندق موعده ب10 الصبح لازم نطلع
شلون تكعديهم من وكت ونرجع
لو اجدد يوم ونبقى لليل يله نرجع
والله مااعرف بكيفك
شكد ايجار الغرفه
ب150 اليوم الواحد
والاكل
عليهم
بس هم هواي
خل نكعد الصبح ونرجع احسن
مو اخاف خطيه يتبهذلون الجهال
لا عليمن انيمهم بالسياره
ماادري والله راح اشوفهم اذا قبلوا بنص المبلغ للعصر نبقى
نزلنه حتى نزور
كلتلها خل اتفق وياهم انتظروني
حاجيتهم ووافقوا كالو عادي
خطيه خل ناخذ راحتنه بالنومه
واني هم اخاف نعسان وارجع ومااسيطر ع السياقه
رحنه زرنه هالمره كعدنه مقابيل الضريح
اول شي الامام الحسين
كتله يامولاي طالب زينب منك طلبه
اريدها تسامحني وتتقبلني زوج الها
بحق زينب الحوراء كون تحن عليه وتحبني
اني راح اسعدها مدى العمر
والله يمين عليه للموت مااشرب ولا اتقربلي الوحده
اريد تتحقق معجزه كون زينب تحبني
وتتمنى قربي
طولنه بالكعده
بعدها رحنه للعباس سلام الله عليه وهم كذلك
رجعنا للبيت وجانت الساعه ب12
بدلنه واستقرينا
كال نظوري جوعان
تعال انزل وياي اشتريلك من محل
سالتها هم تردون شي كالت لا
وانت نور
اي شي جيبلي وياك
رحت لمحل وجان شويه بعيد
اشتريتلهم هو ونور
جبت وياي كرزات وجبس وببسي
رجعت شربته عصير
اشتريت حلويات ناخذهن ويانه لاهلي
رجعت لكيتها تصلي
وره شويه كملت
شعجب صليتي من وكت
حتى انام من وكت واكعد من وكت
راح نبقى ع راحتنه للعصر يله نرجع
ميخالف اكعد ارتب الجنطه
طلعت الحلويات والكرزات
يله تعالوا اكلو
بدينه ناكل احسها هادئه
كاعده بصفي وتاكل
نور كالت راح انام نعست
بوستنه ونامت
ونظوري هم غسلتله وراح بفراشه
الحلو بي بوحده ينام ميشلع الكلب
بقينه اني وياها
سولفيلي من اتصوبت شكلتي شلون كدرتي متجين وتسالين عليه
الصراحه حيل ضجت واتخبلت
كلت خطيه نور ونظوري يتيتمون
حيل خفت عليك وهواي صليت ودعيت
ومن صحيت ردت اجي بس بابا رفض
كال عيب
جنت اتمنى اجي واتحمدلك ع السلامه
زين ليش مخابرتي لو دزيتي رساله
لان جنت منطيني حضر لو نسيت
ومن رحنه للنجف وحجيت عليه كلت خل يولي ميستاهل اسلم علي
ولج جنت اموت 100 موته باليوم
كرهت روحي حيل
ومن تصوبت مااجه ابالي غير بس انت والله
اعترف اني غلطت بحقج
بس خطأج اكبر
عاندتي اله تطلكين وتكملين دراستج
والله لو مامعانده جان خليتج اسعد وحده
الرجال ينرادله مسايسه مو عناد
اني جنت اغار عليج هواي
ومتحملت هاي الفكره
وانت عاندتي طلكتج
وادور من دريت بابن عمج جن جناني
انت شلون تصدك اني احب علي
والله لو اموت ماافكر باي زواج
ردت بس ابني
زين ليش طلبتي الطلاك مالت المحكمه
ضجت منك اهلي طلبو منك ترجعني وانت رفضت
بس محد طلب مني ارجعج
شلون يعني
اجه علي وكلي يكول لو اموت ماارجعها مااريده
لا والله هذا ابن عمج الحقير لعب لعبتها الوسخه ويانه اثنينه
بس ارجع اله اكل لبابا اريد اشوف شلون هيج يسوي
بس تريد الصدك موتتني باللحضه الوحده 100 موته
هواي ذليتني وهواي هنتني
مستحيل انسى اهاينك اليه بيوم
شلون تكدر تبعد ابني عن حضني
انت شلون جنت تجذب عليه وتكلي احبج
بس اني ممجذب
والله اغلى شي بحياتي انت
انت الوحيده الي خلتني ماانام الليل
الوحيده الي تفكيري كله بيها
لعد شلون كدرت تتزوج عليه
تدري ذبحتني من الوريد للوريد
ادري والله وجنت اجهل نضرتج اليه
اله بعد فوات الاوان
شلونها علاقتك بمروه
علاقتي عاديه
البنيه ماديه واجبها اتجاهي
طبخها شلونه
اطيب من طبخج
كول والله
وعليمن احلف قابل مجذب
حسيت بيها ضايجه
جذب والله غير طبخج ماعجبني ابد
وللامانه امج همين طبخها طيب
طبخجن مميز ويفتح النفس
ليش كطعتي بيه بالكليجه
شايفه شصار بيه من مااخذ
سكتت
خل انام سويه جوه اليوم
لا اني اصعد فوك اخاف يوكعون
ماعليهم والله
الله يخليك انت نام وحد واني وحد
شوكت ناويه تسامحيني
تذكر من رتبتلك غرفتك وكتلك يجي يوم وتتندم
شجان بذاك الوكت جوابك
والنبي جروحي ينزفن دم بعدهن
اني صحيح محتاجه لوجودك بحياتي
ع مود الاطفال لان انت ابوهم
بس مااحتاجك ك زوج
وانت لتنسه متزوج ومستقر
زوجتك حامل لازم تكون وياها خطوه بخطوه
والله مااطلب منج شي
كل الي اريده تنامين يمي
وجودج بصفي يخليني اكتفي بكلشي
امنيتي انت
ماعندي اي امنيه بهاي الدنيه غير بس رضاج عني
اكو شي مدوخني واتمنى اعرفه
شنو هو
ليش من اتزوجت مروه ضجتي
معقوله تغارين
لا يمعود شاغار
بس ضجت لان حسيتك هنتني اكثر من اللازم
انت بينت للكل اني مااصلح اكون زوجه
هنت انوثتي مرتين فضلت حنان ومروه عليه
خليتني اشك بروحي اني بيه خلل لان ممعقوله تتزوج بهاي السهوله
واني مخليني خدامه
يابه والقران محاسبج خدامه
بس اني عشقت نظافتج
عشقت طبخج
عشقت ترتيبج
عشقت نضامج
عشقت تربيتج لجهالي
لهذا السبب اني دائما اكلج خدامه ومربيه
واني اعترف الخلل بيه واتزوج عليج
اني معرفت اقيمج واثمنج زين
اني ضيعتج من ايدي بسبب غبائي
جنت دائما احكم عليج من بره
مايوم اتعمقت وعرفت داخلج شنو
بس والله العظيم انت اعظم ام
واعظم زوجه
حياتي كلها مشايف مثلج ابد
بس تردين الصدك انت قصورج هواي وياي
مانعتني منج
اني هم رجال والي احتياجاتي
ثقي بالله لوحده لغيرج اجبرج واخذ الي اريده منج
بس انت لا غير لو اموت مااسويها
مااريد اي شي منج بالجبر
اني حبيتج الج محبيت جسمج
بس هم مرات اضعف امامج
انت لو منطيتني حقي جان متزوجت مروه
انت قهرتيني من كتيلي مااريدك تتقربلي
انت شان شرطج الوحيد مااتقرب عليج
اصعب شي ع الرجال من ينرفض من مره
انت رفضتيني واني ردت اثبت الج اني مراح اموت من دونج
بس طلعت متوهم
تعرفين حنان من خطبتها ابد متوقعت راح اتندم بيوم
بس الصراحه اتندمت قبل لا اخذها تعرفين ليش
لان انت ماخذه كل تفكيري انت عايشه بنصي غصبا ماعليه
شكد احاول اطلعج من كلبي بس دائما افشل
زواجي من مروه جنت متاكد راح اتندم
وجنت واثق كل الثقه قراري خاطئ
بس حبيت اعاند وي نفسي وردت اثبت العكس
متوقعت راح اتندم بهاي السرعه
يعني اقل الشهر واتندمت
تدرين ليش اتندم دائما
لان قراراتي كلهن غلط بغلط
بس زواجي منج ابد متندمت علي ولا راح اتندم علي
اني بالبدايه جنت رافضج رفض نهائي وجنت متوقع راح اندم مدى العمر
عكس حنان ومروه الي جنت اني بارادتي موافق عليهن
بس رغم الرفض مااتندمت ابد
اتظاهر اكرهج
بس اني بداخلي معارك بيني وبين نفسي
اني حبيتج من البدايه بس معرفت شلون اعبر عن حبي الج
اني رجال اتعرضت للخيانه بنص بيتي
وبالشغل وين ماانطي وجهي الخيانه مقابيلي
اكثر الدعاوي واكثر الطلاق بسبب الخيانه
واني جنت ابيئه كلها ساقطات
جنت اشوف بنات الليل بكل مكان
جنت متصور اغلبية النساء هيج
وهذا اكبر غلط غلطته
لان بهذا شكي حول حياتي لجحيم
اني جنت مانعج تكملين والله اخاف عليج
اني متاكد مراح تخونيني ولو تفكير
بس عيون العالم مترحم
زين شمعنى هسه وافقت وكمت تخليني اطلع واسوق سياره
لان انت ثبتيلي العكس بكل شي
من شفتج بالجامعه بعباتج
وسالت عليج
فرحت من كلولي خط احمر
يعني انت مينخاف عليج
اني جنت متوهم عبالي من اطلعين راح الناس كلها تباوع عليج
يعني افهم منك اذا شفت وحده حلوه وشريفه هم راح تباوعلها بنظرة سوء
راح اكولج شي مااعرف تصدكيني لو لا
وداعت نور ونظوري لهاي اللحضه ممباوع ع ابنيه محترمه نفسها
عيني دائما ع الساقطات واعترف اني
اباوعلهن مو اعجاب لا بالعكس
اباوع باستهزاء عليهن مو نظرت اعجاب
اني وجماعتي كلهم لليوم ماشفنه ابنيه شريفه وكدرنه نباوع عليها
لعد ليش بس اني جنت متصور من اطلع الكل يباوع عليه
لان انت من البدايه انطبعت صورتج الموحلوه بعيني
شفتج بمنظر مشبوه وبقت هاي السالفه عالكه ابالي
بس شويه شويه انمحت هاي الصوره
واتحولت بمكانها صورة ملاك
زين شعنده ابن عمج الغثه بالجامعه
اكثر من مره شفتج ويا
والله وحده يجي ولازك بعيني
وحجيت وي مصطفى ووي بابا
بعدها اجه خطبني
تدرين لو موافقه علي
حتى لو مطلكج وماعندي حق عليج
اله جايج بيوم عرسج ودافنج عدله
اتلمست شعرها
هذا الشعر اذا احد غيري شافه غيري احرك جيوش والله
وهسه وعامه ع عشيرتج كلها
تدرين شلون اشتعلت النار بيه من شفت المحادثه
اتخبلت والله
اخذت نظوري منج وكلت اله احركه كلبج مثل ماحركتي كلبي
اني راح ارجع لسامراء بنص الدواعش
ابقى شهرين ماانزل ابد
ومااعرف راح اموت لو لا
خلت اصبعها ع شفتي
اس لتحجي هيج عمرك طويل ان شاء الله
لعد اريدج تنفذين اخر رغبه اليه قبل لا التحق
شتريد مني
اريدج تتقبليني زوج الج
اريد حقي الشرعي منج
اريد اعيش وياج ليله واريدها ليله وحده ما اطمح اكثر
وعد مني الج مراح يوم انزل دمعه منج
ولا راح اظلمج
ولا راح اخذلج
راح احبج اكثر من روحي
بس صعبه عليه والله
مااكدر اتقبلك بهاي السهوله وانت متزوج وزوجتك حامل
حتى لو راح اعدل بينجن والله
مراح اقصر وياجن باي شي
والنبي مااتحمل بعدج عليه
والله ابد مااكدر اتمنى تفهمني
الي اريده منك بس تصبر انطيني مهله خل افكر
ليادوب اصبر
ينطيج كلبج اروح التحق
ويكتلوني الدواعش واستشهد
واني حسره بكلبي باقيه انت تسامحيني
زين شوكت راح تلتحق
مااعرف من ارجع اتاكد
مراح اكلها لدبي بلكي تحن عليه 😔😔
لان بعدها دمرني ورفضها الي شل حالي
زينب : الخبر الي سمعته خله روحي طالعه
يمكن اذا اكول حزنت بخبر رجوعه لسامراء
اكثر من خبر الطفل
لان الطفل مهما يكون يعتبر رزق من رب العالمين
بس رجوعه لسامراء راح ياذينه بي
مااريد يصير علي شي مااتحمل والله
اني اعترف حبيته لحيدر ويمكن حبي اله بجنون
بس رغم هذا الحب مااكدر اتقبله
حتى لو احبه اذاني هواي وهاني هواي
صعبه عليه اتقبله بسهوله
كلت مراح ابين حزني امامه
اجمل ايام عمري ذني الي قضيتهن بكربلاء
اخذنه للسوك وللمشتل
جبت نبتة الاولفيرا حابه نزرعها بالحديقه
من رجعنه اتندمت لو جايبه لبابا وحده حيل يفرح بيها
جانت بحديقتنه حيل معتني بيها
رحنه هم زرنه للمره الاخيره
الصراحه شبعت زياره ولا بالاحلام هيج مفكره ازور
رجعنه وبدينه نحجي اني وحيدر
مااعرف ليش اني متعاطفه وياه رغم اذيته اليه
المفروض مني مااباوع بوجها ع الي سواه بيه
بس مكاعد اكدر افسر الي ديصير بيه
احس اتصرف مو بارادتي
كانو منومه مغناطيسي
من يجيب طاري الموت والدواعش اتخبل
مااتحمل فكرة حيدر يموت
لو يصير عليه شي
اتخبل والله
طلب مني حقه الشرعي
اني هاي الشغله الوحيده الي مااريدها بحيدر
مااحب يتقرب عليه
لان اذا اتقرب عليه وراح يم مروه يمكن اتخبل انجن مااعرف
اريده ملكي بس اني
اني ابد مو انانيه
بس بحيدر لا اني انانيه
مااحب وحده غيري تنام بحضنه
اعترف كلامه يدوخني ويخليني اعيش بعالم وردي
اني متاكده حيدر يحبني ويتمنه رضاي
بس اني صعبه عليه اتقبل هذا الوضع
اني اعترف اني الجنت غلطانه ويا
المفروض مااعانده وادرس
جنت متوقعته يجذب عليه من كلي لو متنازله ومطالبه الطلاك جان خليتج تكملين
بس طلع حجيه صحيح
طلبت منه افكر
اني متاكده راح يصير صراع بين عقلي وكلبي
عقلي يرفض قرب حيدر
وكلبي لا يريده وبلهفه
اتمنى تصير معجزه وتخليني اتقبله لحيدر
كلت منا لمن يروح افكر ع كيفي
حسيت بي كاعد يتعذب
بس الصراحه يستاهل ع اذيته اليه
اذن الاذان صلينه سويه
اعترف حيدر هسه انسان ثاني
مستحيل اصدكه نفسه حيدر القديم
متغير جذري
وعدني ابد ميشرب بعد
ولا يتقرب لبنات الليل
هذا الشي فرحني
من اشوفه يقره قران هواي افرح
خلصنه صلاة
اني مااريده ينام يمي اخاف يضايقني
ردت انام يمهم
جان يكولي لو تنامين هنا يمي لو اصعد يمج
هو اليوم اخر يوم الي وياج
فدوه لتمنعيني
والله اخاف منك ابد متنام عاقل
لا والله حباب مااسوي وكاحه ابد
كتلج مستحيل بيوم اتقرب الج بدون موافقتج
كتله لعد انام جوه احسن من فوك ميكفي الفراش
لا والله هناك ع الدوشك اريح 😜
لا عفيه والله اتضايق
هو احسن واحد بحضن الثاني
عفته ع راحته
صعدنه كلي جوعان مابقه شي منا منا
اكو حلويات من الجهال
لا يمعوده مو زين الحلويات ع صحتنه
لعد ماكو شي ثاني
ذوله اهل الفندق مريحهم من الريوك ابد مااخذنه منهم
شنسوي بالريوك اذا نكعد ب1
خل انزل اجيب ريوك الي والج
اني مااكدر اكل
ع الواهس اكلي ويايه حتى لو شي بسيط
منو يكول هسه الريوك جاهز
خل انزل مخسران شي لان جوعان
يله لعد انزل وشوف
نزل شويه واجه فارغ مابيده شي
ضحكت كتله خوش بوري
اي والله بوري معدل
بعدهم يكولون لل7 يله يجهز الريوك
تعال نام واسكت احسن
لج جوعان ميت من الجوع شاكل
مارحت من بره اشتريت
افتريتهم كلهم معزلين
شبسرعه لحكت تفرهم كلهم
اشو مصارلك دقايق واجيت
ماكو حل اله اكلج انت واتريك بيج
لان حيل جوعان
تعال اتريك بنظوري ونور
لا ذوله خطيه جهال ميتحملون العضه
بس انت لا
حبابه من صدك جوعان
اريد عسل وكيمر وصمون
ومنين اجيبلك عسل وكيمر وصمون
عسل منا اشر ع شفايفي
والكيمر منا اشر ع خدي
والصمون منا اشر ع ركبتي
هاي انت شنو من تفكير تفكيرك
روح اشتري من بره احسن
كلهم معزلين واني ميت جوع
ينطيج كلبج تخليني جوعان
اي عادي ماعندي مانع
ايا بذات والله لو انت طالبه مني ريوك جان انطيج كيمر وعسل وكاهي وصمون وجبن وبيض واي شي تردينه
هسه نعسان وجوعان شلون
لو تريكيني لو اريكج
حباب صار الصبح اريد انام
بعد شوكت نكعد
مو مهم اهم شي الريوك
نام يمي
وكال لتصيرين بخيله هسه اني شطالب منج
هسه لو مروه يمي جان كيفت بالريوك
اتخبلت من حجه هيج
روح لعد لمروه خل تريكك
صدك ضجت مااعرف شصار بيه من حجه هيج
لعد ياحبيبتي اذا انت ميبستها وياي كلش وين انطي وجهي
هو شطالب منج
بس تردين الصدك
ريوكج يخبل يختلف عن ريوك مروه
يعني هم طالب منها ريوك
لاوالله ولا مره طالب من اي وحده ريوك بس منج
كول والله
والله العظيم وداعتج بس منج طالب
ارتاحيت همزين
بس تعالي كوليلي ليش تغارين
معقوله تحبيني
ها لا مااحبك شنو مخبله واحبك بعد العذاب العذبتني بي
فديت المخبله مالتي
والله انت مبينه تحبيني بس مااعرف ليش تكابرين
سكتت
اتقرب عليه
باسني بخدي
لج ليش قاسيه ويايه وحارمتني منج
والنبي هواي اتعذبت ومااتحمل بعد
خل يكون بعلمج
حسب الشرع حرام عليج تمنعيني من شي
الله يذبج بالنار يضحك و 😜
سكتت هو فعلا حرام عليه بس مااكدر
رجع باسني بشفتي وبركبتي
كال هسه شبعت راح انام مرتاح
لعد بعد لتجيب طاري مروه وريوك كدامي
جان يكعد ع حيله
يمه فدوه لليغار معقوله تغارين
لامااغار بس ميصير هيج تحجي كدامي
لج بابا اروحلج فدوه اني ومروه وعشيرتنه كلها
اذا متردين اجيب طاري مروه
مااريد منج غير بس ريوك وغده وعشه
واذا منطيتيني اضطر اروح لمروه تنطيني
ضوجني حيل
لعد روح لمروه وتحلم بعد تحصل شي مني
عفته ونمت
جرني لحضنه
لج والله اشاقه وياج
بس تردين الصدك مروه حلوه حيل وعاجبتني
لو شايفه شتلبسلي
لو شايفه المكياج
لو شايفه شلون تبوسني هي
مو مثلج انت مكيضتها استحي واستحي
وبوسه بالتواسيل وشلاع الكلب يله احصلها وهم اشبع دفرات
اشو انت حجابج كوه نزعتي كدامي
لعد روح لمروه خل تفيدك
هي مروه موالمتك
طبعا موالمتني اشو العيون يوميه لون
اي غير عدسات
اني قابل عدسات ويوميه تغيرهن
والحواجب يخبلن مو مثل حواجبج من اتزوجتي لهسه منضفتهن مره وحده
اي بس حواجبها تاتو
مو مهم اهم شي عاجباتني
والشعر لتسولفين سالفته
24 ساعه حالته ويخبل
مو مثلج النهار كله ضافرته
اي اني ضافرته لان طويل وهي شعرها كصير
اشو طلعتيها من عيني
افهم من كلامج مروه مو حلوه
افهم من كلامج مروه مو حلوه
اي مو حلوه ابد
جمالها صناعي
هاي شلون صناعي
يعني تاتو ونفخ شفايف وشامه صناعيه
اي وبعد
شمدريني روح اسالها
يعني انغشيت بيها
مااعرف اسال روحك
بس مو مهم اهم شي مريحتني
يعني شلون مريحتك
يعني ابوسها تبوسني هي عادي
ماكو خجل بيناتنه
ومن اتقربلها متمنعني اصلا بالعكس هي الي تكلي تعال اتقربلي
جذاب انت ماكو وحده تصيح للرجال تعال
وليش اجذب
كل لروحك لويش هالجذب
حتى اغار عود
لا اامن مااغار شعليه بيكم
كولي والله مرتين
ولويش مرتين
حتى اصدكج
لج بابا واضح عليج الغيره
اروحلج فدوه اني ومروه
والله ماعجبتني وحده غيرك ابد
انت جمالج رباني
بدون عمليات تجميل انت حلوه
بدون صالون انت ملاك
انت كلج عاجبتني والله
بس انت متقشمرني بهذا حجيك
ولج شاقشمر هو انت تتقشمرين بالله
صارلي 4 سنوات متزوجج كلشي ممحصل منج
مستعد اقشمر اي وحده بسهوله اله انت
والله تقشمريني مااقشمرج
اكلك صارت الساعه ب7 اريد انام
راح انزل اجيب ريوك جعت لان ماشبعت بريوكج مو طيب
دروح هو مو صوجك صوجي اني القشمر
كام يضحك فديتها للقشمر الي بسرعه تصدك بكلشي
عافني ونزل
استغليتها من طلع بسرعه نمت
محسيت غير الساعه ب2
كعدت لكيت حيدر نايم بصفي
ونور ونظوري بالكاع
لكيتهم يلعبون
اجوني بوسوني
جوعانين حبايبي
لا اكلنه
شاكلتو
لكينه هنا جبن وقشطه
رحت توضيت وصليت
كتلهم تعالو اسبحكم
سبحت نظوري وطلعته وبعدها نور وهم طلعتها ومشطت اله
بعدها دخلت اني وطلعت الملابس
لكيته كاعد
رتبت الملابس بالجنطه
هو هم دخل سبح
طلع وانطاني الملابس ملاته
راح جابنه اكل
تغديته ورجعنه
الطريق كله يسولف وفرحان حيل
كلي اتونستي بالزياره لو لا
اي حيل حلوه
اخذكم للنجف هم نبقى يومين او اكثر
ان شاء الله
وصلنه للبيت تقريبا قبل الاذان
لكينه مروه بالصاله
سلمنه ع الجميع
خاله وعمو بس يبوسون الجهال
بدلنه بعدها صليت
نزلت لكيت زهراء مسويه عشه
اتعشينه سويه
الكل مستغرب
اني قررت بعد مااغث نفسي بهاي التفاهات
حيدر عينه عليه ابد منزلها
حسيت بمروه ضايجه وممرتاحه
انطينه كلمن وهديته
لليل اجتي زهراء يمي
سولفتلها ع روحتنه كتلها كلش حلوه غيرت جو بيها
بقينه فتره وراحت
نور ونظوري ناموا
صارت تقريبا ب2 اجاني اشعار
هلووو
هلوووو
كاعده
اي
اكدر اصعد
اكو شي
لا ماكو بس حاب اصعد شويه
اوك تعال اصعد
اجه دخل يمي
كال اذا اكول شي تصدكيني لو لا
كول وبعدين احكم اصدك لو لا
اشتاقيتلج هواي
لا مااصدكك
وروحه لمروان اشتاقيتلج عبالك صارلي شهر مشايفج
لعد وين راحت مروه
المفروض هسه نايم بحضنها
لج بغير حضنج مستحيل انام مرتاح
خل انام يمكم والله مااكدر انام
لا عفيه روح نام ابيتك
وباجر وراك دوام
بس تبقى هنا اكيد تبقى للصبح
شلون بيه شوكت راح تبقين تعاقبيني
والله راح اموت من دونج
تدرين حتى اذا يوم يمج ويوم يم مروه
مااتحمل والله
يمكن بس احس بمروه تنام اجيج كبل
وهو منو كلك اقبل بيوم يمي ويوم يمها
ها بس لا ترديني كله يمج
والله اطلك الدنيا لخاطر عيونج
ليروح بالك لبعيد ابقى يم مرتك احسن
اتقرب عليه اني رجعت
كتله حيدر حباب صير عاقل
لج بابا هو الي يشوفج شلون يبقى عاقل
حبابه جوعان
روح لمرتك تسويلك اكل
مو طيب اكلها
اكلج يخبل
لا حباب روح نام والله وكتك راح
اذا تخافين عليه اخاف اتاخر وتجيني عقوبه
خل ابوسج واروح انام
بعدني ممطيه رايي
بسرعه باسني
هالمره ادي تتلمس بجسمي
مااعرف شصار بيه
مااحب اضعف امامه
اريد يحس بالذنب حتى ميكرر الغلط
شويه ودفعته
روح لغرفتك حباب
حسيت بي ضاج
عافني وطلع
كلت احسن هيج
حتى هو ميضعف امامي
ولا اني اضعف امامه
ثاني يوم مشفته ابد
مااعرف ليش مااجه لهنا
حيل ضجت مااعرف السبب
معقوله زعل مني
مااعرف
بقه تقريبا 3 ايام ابد ميدخل لبيت
حتى طبخ هناك يطبخون
نور ونظوري يرحون يمه
هسه اني لويش هيج ضايجه مااعرف
الصراحه احس بنفسي مشتاقه اله
شعوري متناقض مااعرف السبب
من يتقربلي ماارتاح
ومن يبتعد عني اتخبل
لليل نيمت الجهال وصليت من وكت
ودخلت سبحت
مااعرف ليش اجه ع بالي البس دشداشه قصيره لون احمر
وخليت مكياج خفيف
وبالنهار مااخلي لان اخجل من امير
حيل ضايجه
هسه نام يم مروه
هسه يكلها احبج
هسه يتغزل بيها
هسه يبوس بيها
لزمت جهازي بيدي
جنت اتمنى يراسلني
مااكدر اني اتنازل اله
لعد وين حجيك ماارهم بدونج
يوميه ماانام اله اشوفج
ذبيته للجهاز
وكعدت انشف بشعري حسيت بردت لان الجو اتغير
ماكو مرايه اشوف بيها بس عندي وحده زغيره يادوب اشوف وجهي بيها
شويه وحسيت الباب انفتحت عليه
التفتت جان اشوف حيدر كبالي
هو من شافني بقه صافن عليه
ملازم ارتبك ولا اخجل
لازم اكون طبيعيه
شلونج زنوبه
تمام الحمد لله
عينه منزلها عليه ابد
حسيت بي فصلني تفصيل
بده يتقدم عليه
اني خفت كمت ارجع
سحبني من ايدي جرني اله
وين تردين تهربين
لج كافي تعذبيني
والله مااتحمل بعدج ابد
اتمنى نفتح صفحه جديده
سكتت محجيت شي
باوعي عليه حبابه
خليت عيني بعينه
بس شفته تعبان حيل وعيونه حمر
شوفي التعب بعيوني
اريد يمكم انام
انتوا راحتي واماني
نام محد مانعك بس معليك بيه
والله قاسيه وياي
هواي عذبتيني والله
شوكت تحنين عليه
شوكت تلتحق
بعد اسبوع
لعد انطيني مهله منا لمن تريد تلتحق قبل يوم
وينطيج كلبج تعذبيني اسبوع
لعد شلون انطاك كلبك تعذبني 4 سنوات
سكت ماحجه
تعالي اكعدي خل اتفاهم وياج
كعدنه كال باجر اجيبلج غرفه جديده
لازم نطلع سويه وانت اختاريها
اني عاجبتني الغرفه
جيب احد يصلحها
حتى وقت بعد ماعندي
راح يبدي الدوام
لازم يوم الاحد نروح نسجل نظوري بالروضه وننقل نور همين
اي همزين ذكرتيني
والله راحت من بالي هاي السالفه
راح اجيب واحد يصلحه للغرفه تعرفين ليش
لان حاب اشتريلج احلى غرفه بالعراق كله
وانصبها ابيتي ان شاء الله
اريدج ابيتي تعيشين وياي وتاخذين راحتج
مالت اكعد وي مروه مستحيل
مااتحمل اكعد وياها بنفس البيت ابد
يجوز تصير معجزه ومروه من ذاتها تطلب الطلاك
هههه نسيت الغايب 25 مليون
فدوه الج والله بس مااريد اطلكها واظلمها
اريدها من ذاتها تطلب الطلاك
دعائي يوميه هذا
اريد كون تصير معجزه
والله عليك سوالف حيدر
مستحيل هي تفكر تطلب الطلاك
عوفج من مروه وتعالي كوليلي
اليوم شطالعه شنو كلبج علمج راح اجيج
حتى تقهريني وتخليني اموت بالدقيقه 100 موته
لا والله ولا متوقعتك تجي ابد
ليش ممتوقعتني
مو صارلك شكم يوم مختفي
اختفيت عبالي تحنين عليه
ادزيلي رساله حلوه
عبالي تعترفين بحبج اليه
شفتج بذات ومتتنازلين
كلت خل اتنازل اني
بس اليوم اني مقرر قرار نهائي
اريد حقي الشرعي منج لان مااتحمل
واذا مقبلتي مراح اجبرج. ابد
بس راح اغضب عليج واذا انت تخافين رب العالمين
اكيد عندج علم شراح يصير بلي تغضب زوجها
خلاني بموقف ماانحسد عليه ابد
اححتاريت شاكوله
صدك حرام عليه مانعته
قررت اوافق بس بشروط
كتله موافقه بس عندي شرطين
من هسه اكلج موافق ع كل شروطج
لتستعجل ابد اسمع يله تقرر
يله كولي حبيبتي
الشرط الاول هو ......
مساء الخير ع اجمل متابعين اتمنى لكم قراءه ممتعه
🌹البارت 50 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
الشرط الاول هو اتقربلي باي وقت يعجبك بس راح تلكيني جسد بلا روح
يعني مستحيل اتقبلك بسهوله
يعني شنو قصدج
تعرف قصدي كلش زين
بس اني مااريد جسدج
اني اريدج انت كلج
اريد روحج تتفاعل وياي قبل جسدج
اريد تحسين بيه واحس بيج
اريد اتقربلج بلهفه والكي نفس اللهفه عندج
اريد اذا غبت عنج يوم تراسليني تخابريني
تكليلي ليش مااجيت اشتاقيتلك
اريدج تكونين حبيبه الي قبل لتكونين زوجه
اني احب اتقربلج مو قصدي اريد جسدج
لا بالعكس اني لو اريد جسدج جان من زمان جبرتج
بس اني عايفج ع راحتج ومجابرج لان اريد من رضاتج
يعني اريد جسدج ورحج سويه
شنو الشرط الثاني
شرطي الثاني تجيبلي حب مانع
لان مااريد طفل ابد
لهالدرجه كارهتني وماتردين طفل مني
تدرين شروطج تعجيزيه مستحيل اوافق عليهن ابد
مو لازم مااريد اتقربلج ابد لان ثبتيلي انت بعدج لحد الان ممسامحتني ابد
عافني وطلع
مخلاني اكمله شنو السبب الي يخليني اشرط هالشرطين
بقيت صافنه معقوله الي يكوله صحيح
فعلا هو يكدر يجبرني حتى لو شارطه علي
لان زوجته ومن حقه
بس لليوم ماجبرني
حيل ضجت مااعرف شاسوي وشاتصرف
والله صعبه عليه اتقبله وهو جايني من حضن زوجته الثانيه
الصراح عقلي رافض حيدر لان اشوفها صعبه اتقبله
بس كلبي لا يريده وبقوه
يوجعني علي من اشوفه حزنان
اني حب قربه وبنفس الوقت اضوج
وهذا الشي خبلني مااعرف شنو الاريده بالضبط
بالنسبه للطفل مااريد بهاي الفتره لان اريد اكمل دراستي
مو وكت طفل وابهذله وياي
اكيد اذا صار طفل واني ادرس ابهذله للطفل وابهذل نفسي وياه
اني اتمنى يخليني هيج لمن اكدر اتاقلم وي الوضع يله يجوز الايام راح تنسيني جرحه
هو مهامه شي وين ميعجبه راح ينام
وماكو شي الي يخلي يغار
بس اني لا
اسم مروه يهز كياني
يرعبني اكو خوف بداخلي
اني ادري بهاي سوايتي راح اقرب المسافه بينه وبين مروه
بس ميهمني
احسها صعبه عليه والله اموت اذا اتقربلي وبعدها اتقرب لمروه
كلت خليني هيج وين متصير خل تصير
هي خربانه خربانه
صليت ونمت
ثاني يوم كعدت
سويت الغده اني
البيت حيل نظيف
زهراء منظفته
اجتي مروه سلمت عليه
رديت السلام
بس اني وياها بالمطبخ
كالت اساعدج
لا شكرا ماعندي شي كملت
شلونها زيارتكم
حلوه وشبعنه زياره
بالعافيه
شكرا
اكلج زينب حابه اطلب منج شي اذا تكدرين
كولي حبيبتي شتردين
اريد ترحين وياي للدكتوره العصر عندي موعد
ليش وحيدر
حيدر راح لبغداد
معقوله ماتدرين
لا ماادري
قبل شويه اجه بدل وراح
لعد يجوز داك عليه واني مخليته صامت
هو كلي روحي انت وزينب
بس مااندل اني
حتى اني
خل تجي زهراء ونشوفها بلكي تروح ويانه
اوك خل تجي ونشوفها
حيل ضجت معقوله زعل مني راح لبغداد
زين شعنده هناك
ردت تصيرلي فرصه حتى اصعد اشوفه لجهازي
بس عيب من مروه
كالت حابه اسالج سؤال بس اخاف تاخذيها بغير شي
كولي حبيبتي عادي مااكول شي
اشو حيدر من اجه من كربلاء لهسه معاجبني وضعه ابد
حيل مهموم وضايج
واليوم فجأه كال اريد اروح لبغداد وي جماعتي
كلت بكلبي اكيد راح يروح يسهر ويشرب ونسوان
ابو طبع مستحيل يبدل طبعه
خل يولي يطبه مرض
كتله والله ماادري بي
ليش ضايج بس يجوز لان راح ينقلونه لسامراء
راح ينقلوا اشو مكلي
يريد لسامراء
لعد هذا السبب يجوز
هي راحت لبيتها
واني صعدت ردت اصلي
مالكيت منه لا رساله ولا مخابره
احس نار واشتعلت بصدري
كلت خل اراسله بحجة مروه
تقريبا الساعه ب1 دزيتله
الووو
الووووو
انت كايل لمروه اروح وياها للدكتوره
اي والله ياريت لان مااكدر اني
ليش خيرك
صارت شغله مستعجله ورحت لبغداد
يعني هسه انت ابغداد
اي وصلنه قبل شويه
تباتون
اي نبات
يله بعد مااكدر راح اطفيها الشبكه ولحد يتصل بيه ابد
لمن اني اخابركم
اوك
الغسل الك عود حلفت وواعدتني بعد متشرب ولا تنام وي الساقطات
بس انت مستحيل توفي بوعدك
هاي لان ضجت مني رجعت لحالتك
كعدوا الجهال
نزلت تغديته سويه حتى مروه
اخذنه رايي زهراء
كالت خل اشوف امير اذا قبل اروح
وره شويه كالت قبل امير ب5 نروح
طلبت من خاله تخلي نور ونظوري يمها
رحنه للدكتوره بس ثار انتباهي مروه مقبلت ندخل وياها ابد
دخلت بوحدها
كلتلي لازم اكو سر بالموضوع
كالت زهراء من تجيب العلاج اني ادخل للدكتوره واستفسر منها
فعلا دخلت زهراء وطلعت وجانت مصدومه
جان تكول لج مروه ......
توقعاتكم حبايبي شبيها مروه
حيدر : اجمل ايام عمري قضيتهن بكربلاء
حيل افرحت
حسيت بنفسي مالك الدنيه من نايم يمهم
حاولت احجي ع مروه ردت اعرف ردة فعلها
جانت الغيره واضحه عليها
وهاي علامه زينه معناها عندها مشاعر اتجاهي
بس مستحيل بسهوله تعترف
حسيتها ضاجت تركتها
طبعا جذبت ع زينب من كتلها اريد ريوك
نزلت بالجذب شويه وصعدت
هو اصلا الريوك جاهز
بوسه من زينب احسها مثل الاوكسجين ترجعلي الحياة من جديد
بعدين صدك جعت ونزلت جبت ريوك
لكيتها نايمه اتريكت بوحدي بعدها حضنتها ونمت
رجعنه للبيت
لكيت مروه نايمه مبينه تعبانه حيل
سلمت عليها وسالتها عن صحتها
كالت زينه
سالتني ع الروحه كتلها حلوه واتونسنه
كالت اذا صرت زينه اخذني للنجف
ان شاء الله
اذن صلينه ورحنه يم اهلي لكينه زهراء مجهزه الاكل
اتعشينا وخلصنه
بقيت يم اهلي فتره ورحت
لكيت مروه مبدله ومتمكيجه
بقيت صافن عليها
اكول هم يجي يوم والكي زنوبه هيج منتظرتني
مستعد ادفع عمري كله بس كون يجي هذا اليوم
والله اذا كلولي راح يجي هذا اليوم
بس ثاني يوم تدفع الثمن حياتك
والله اوافق
نمنه سويه وبعدها سبحت
احس بتانيب الضمير
عبالك خاينها لزينب
كوه اتقرب لمروه
بس مااكدر اضلمها ويانه
يمكن مروه حست بيه
مروه نامت حاولت انام مااكدر
التفكير موتني
راسلتها وجانت كاعده صعدت
موتتني من ترفضني
اني احب قربها حتى اريدها تحبني وتتقبلني
ضوجتني وضجت من نفسي
عفتها ونزلت
ثاني يوم داومت وخبروني ع الدوره
وجانت مدة شهر وبتركيا
لعد مو كلونه شهرين وبدبي
لا متوهمين
اني و3 ضباط وياي
واكو بعد ضباط من مختلف الاقسام ومن كل المحافظات
كلونه ترحون لبغداد لازم نكمل بعض الاجراءات
ماخبرت احد
بس زينب تدري بيه
بقيت 3 ايام ابيتي ابد مااروح
اتمنيتها تراسلني بس ولا كانو
صعدت بدون اذن منها
وجنت مقرر اقنعها تتقبلني
وصلت ويايه حدها
اريد قبل لا اسافر كون مسامحتني
دخلت وجان اشوفها مثل الملاك
نقطة ضعفي زنوبه من اشوفها لابسه احمر
بس هي قافله عليه قفله من هاي الزينه
منطتني مجال ابد
بعدين من كتلها اريد حقي الشرعي واذا رفضتي راح اغضب عليج
الصراحه مستحيل اغضب ابد
لان من حقها متسامحني
بعدين شرطت عليه شرطين
حسيتها ذبحتني من الوريد للوريد
يعني شلون اقبل بيهن
عفتها ونزلت لان حيل ضجت
اكبر اهانه الي من تكلي جسد بلا روح ومااريد طفل
معناها رافضتني
حسيت ذليت نفسي اكثر من اللازم
بس لهنا وكافي
اني الي بعد مااريد اتقربلها ابد
ثاني يوم صادف خميس
مروه كلتلي عدها موعد يم الدكتوره
وع اساس اروح وياها
بس من داومت كالو روحوا لبغداد اليوم رايدينكم
رحنه اني والضباط
خبرت امي وابويه
رجعت للبيت بدلت واخذت الجواز
خبرتها راح اروح لبغداد عندي شغل واحتمال نبات هناك
كالت خليها مااروح للدكتوره ع باجر
خبرتها تروح هي وزينب
راح احاول اقربهن سويه بلكي يتوالمن
بلكي تقوه علاقتهن سويه
اتعمدت مااخبرها لزينب
رحنه لبغداد
قدمنه تعهدات وملينه استماره سلمنه الجوازات واخذوا ارقامنه كلولنه احنه نخبركم بموعد الطائره
كملنه كل الاجرائات
راسلتني زينب اني متاكد ضايجه لان مخبرتها
كلتلي حبيت اتاكد منك اروح وي مروه
كتلها اي اني كتلها
اخذيها وروحي
كلتلها راح اغلقه جهازي تعمدت هيج احجي
بعدها رحنه للكاظم عليه السلام
من زمان مزاير
اني سامع عنه يسمونه ابو طلبه يعني الك طلبه وحده تطلبها منها
سامع بس ممجرب هذا الشي
اول مادخلت طلبت طلبتي الوحيده
اريد زينب تحبني وهي الي تتمنى قربي
اني متاكده معجزه هاي
بس طلبتها من ابو الجوادين
كملنه الزياره
انقسمنه نصين
قسم رادوا يرجعون وقسم لا كالو خل تونس اليوم
اخر شي قررنه نبات
اجرنه بالفندق اشترينه ملابس
سبحنه وارتاحينه
اذن صلينه وبعدها بدلنه
رحنه للجادريه دخلنه بمطعم اسمه سكوزي اتعشينا وكملنه
رحنه فرينه شويه
كالو اليوم هم نسهر وراح تكون سهرتنه مميزه
اكو ولد صديق واحد ويانه
خابروا وطلبوا منه يرتب سهره
اني كتلهم مااكدر اروح وياكم
لان الدكتور منعني من الشرب حيل متاذيه معدتي
حاولو بكل الطرق وياي بس فشلو
راحوا واني بقيت
رحت لمول المنصور
كعدت شويه وخابرت مروه سالتها
كالت ماكو شي
منو راح وياجن بس انت وزينب
كالت لا راحت ويانه زهراء
لان اثنينه منندل
شلونها صحة الطفل
زينه وماعندي مشكله
يله لعد ديري بالج ع نفسج
ع اعصابي مراح اخابر زينب
بلكي تحس بيه بلكي تحن
بقيت افتر بالمول
عجبني ملابس لنور ونظوري كلش حلوات اشتريتهن الهم
بعدين اتذكرت رهوفه عيب من امها وابوها
اخذتلها وياهم وبعدين اتذكرت رزان هاي امها تلعب جوله بيه والله هم اخذتلها
بقيت افتر
دخلت لمحل عجبني ملابس كبل حلوات
اخذت الي ولزينب وجان عندي امل نلبسهن سويه
اخذتهن نفس 👇
بعدها اخذت لمروه فستان حوامل عجبني
جبت لامي فستان همين للدوام
رجعت للفندق تقريبا ب2 ونص
اتوضيت وقريت قران
كمت يوميه اقره قران احس براحه نفسيه
اذن صليت وردت انام
اجوي جماعتي وجانوا شاربين بس خفيف
نمنه وكعدنه ب1
سبحنه وبدلنه وطلعنه
رحنه لمطعم رويال كلكسي اتغدينه
كملنه ورجعنه
كلولي فاتتك السهره والله
البنات يموتن
اني فاصل ولا كانو يحجون
بعد متهمني هاي السوالف
وصلنه تقريبا ب 6
دخلت يم اهلي
جانت امي وزينب والجهال بالصاله
اجوي عليه يركضون بوستهم
مشتاقيلك بابا
اني همين حبايبي
بست راس امي
زينب اتجاهلتها ولا كانو شايفها
درت وجهي ورحت لبيتي
لكيت مروه تخابر يمكن بامها
من شافتني دخلت طبكته كالتها اجه حيدر بعدين اخابر
اجتي حضنتني كالت مشتاقتلك
سالتها ع النونو
كالت زين
العلاكه نسيتها بسيارة صديقي
خابرته كتله بالليل امرلك عليها
سبحت وارتاحيت شويه من تعب الطريق
صليت وطلعت كلت لمروه خبري البنات ليسون عشه
راح اجيبلكم وياي
رحت للولد جبت العلاكه ومريت جبت عشه كباب
رجعت الكل متجمعين ع العشه حتى زينب
بس مااكلت هواي
كملت ورحت جبت العلاكه
بس ملابس الجهال وامي
انطيتهن لزينب كتلها ذني لنور ونظوري
وهذا زهراء لرهوفه وهذا يوم خلي يمج لرزان
امير كام يحجي شلون رايك كل ماتجيب لجهالك تجيب لرهف
لك هاي مو حبا بيها بس ع حساب نظوري
لان يحبها لبنت عمه
احسبوهن جهازها
الكل يضحك
امير كال اذا يوم اجاك ابنك مدمى لتحجي
لك هذا كارثه من هسه متربص لبنتي
كل مايلكيها بوحدها الكي يبوس بيها
يابه الزموا بنتكم لازم منطيته مجال
ابني عاقل بس بنتكم مبينه تخوف
كام يضحك امير اي عاقل ع ابو
متزوج 4 غير المنا ومنا
ضجت من حجي امير رغم ماهاي الحقيقه
هو حس بيه سكت
وانطيت لامي علاكتها
كلت عيب من زهراء نسيت اجيب الها شي
مااطلع مالت مروه وزينب كدامها
رحت لبيتي جنت تعبان
انطيت مالت مروه
كالت شنو تريد تسافر
اي
لعد ليش اني ماادري
هو منو اليدري اشو حتى اهلي مخبرتهم بعدني
اي بس زينب تدري
لان من جنه بكربلاء خابروني كدامهم
وماجنت متاكد من الخبر
البارحه من رحت اتاكدنه
يعني شنو بغداد شجابها لسامراء
منو كلج لسامراء
زينب كالت
ها اتذكرت كمت اضحك
اشو تضحك
لج بابا سفرتي لتركيا طلعت
بس لتحجين كدامها
ليش عود
حسبه ابالي عود بعدين اكولج عليها
شوكت ترحون
ممعلومه بس هم يتصلون بيه
اروح يم اهلي ابقى هنا
لا وين ترحين ابقي هنا
هستوج اجيتي
لعد ضوجه هنا بدونك
لا عليمن ضوجه اطلعي انت وزينب وين ماتردن
روحي يم اهلها يم فاطمه
روحن للمولات
اخاف متقبل
لا اني احجي وياها
زين لعد وحباب اذا ضجت اخابر اخوي يجيني
ترحين اسبوع وترجعين
الله كريم
بعد للدوام ايام معدوده
الاحد بلكي احاول اجي اخذ زينب ع مود نظوري نسجله وننقل نور
نمنه وثاني يوم السبت خبرت امي وابويه وامير
طلبت من مروه تسويلي كليجه اخذها وياي كلت بعناد زينب بلكي تحس بغيره
بعدين اتذكرت حامل خاف ماتكدر
كتلها لتسوين اخاف متكدرين
كالت لا عادي راح اسويلك كميه صغير
بالليل دزيت رساله لزينب كتلها باجر امرلكم ب9 ونص
حتى نسجل نظوري
هو عنده صور
كالت اي البارحه اخذه جده
زين لعد
بعد مكتبت شي
خبروني موعد السفر الاثنين
ثاني يوم رجعت من الدوام وجانت جاهزه هي والجهال
ابد محجيت وياها
طبعا ع اعصابي هيج اتصرف
بس هي هم اذتني هواي برفضها
كملنه ب12 حتى اتفقنه ع الخط
بعد يومين تقريبا للدوام
كتلها باجر اني راح اسافر
الج مطلق الحريه وين مترحين روحي بس قبل اذان المغرب
واذا بعد الاذان لو امي وياج لو امير لو ابويه
ومروه وين متريد طلعيها لان خطيه اهلها بعيدين عنها
اتعمدت هيج احجي
كلتلي لعد ليش مخبرتني حتى اسويلك كليجه
ماكو داعي مروه سوتلي
سكتت بس حسيت الغيره صعدت فول عدها
زينب : انصدمت من كالت زهراء تكول الدكتوره هاي تريد تسقطه للطفل
بقينه صافنين معقوله ليش وشنو السبب
كتلها اخاف متوهمه
لاوالله الدكتوره عرف وخبرتني
وطردتها الدكتوره كالت مااسقط روحي شوفي دكتوره ثانيه
اجتي جايبه العلاج ودخلت للدكتوره
كلت لزهراء شلون نسالها لو لا
كالت والله ماادري خل نرجع ونشوف
رجعنه وجانت طبيعيه
بالليل اجتي يمنه وكالت اني اسووي عشه
طبخها طيب
اتعشينه وخلصنه
اني غسلت المواعين
بقينه كاعدين اني وهي وزهراء
بعدين زهراء راحت لغرفتها بنتها نعست
نور ونظوري هم كالو خل نصعد
كالت تسمحيلي اصعد يمج
اي عادي تعالي اصعدي
بس الصراحه حيل راح اخجل من الغرفه لان منظرها رهيب
بس عيب منها اكلها لتصعدين
صعدنه وجانت مصدومه من الغرفه
كالت هاي اكيد حيدر هيج مسوي بيها
ضحكت كتلها سولفلج اكيد
لاوالله ابد محاجي شي يخصج
بس اني متوقعه هذا الشي
ادري بي حيل عصبي مبين علي
اي صحيح
كعدت جبتلها من الثلاجه عصير راني وحلويات
وخليت كرزات
بدت تاكل
كالت اكلج اني كلفوني ع شغله تخصج وردت اكل لحيدر وخفت منه
اخويه يريد يخطب وحده من اخواتج
لان الصراحه من شافج مرتين يمكن وصدفه
حيل عجبته اخلاقج
كلي اذا عدها اخت حاب اخطبها
لان اكيد اختها نفس اخلاقها
الصراحه فاجأتني
معرفت شاجاوبها
كالت اخويه خريج كلية اداب
وعنده محل ملابس
يعني اموره توب
واني الصراحه شفت اختج تبارك وعجبتني حيل
الي اريده منج تصارحين اهلج وشوفيهم
حتى اذا ماعدهم مانع يجون اهلي
والله الصراحه مااعتقد يقبلون اله تكمل دراسه
رنا ماما مقبلت ابد بس انت تعرفين لان سافروا وتكمل دراستها هناك وافقوا
وانت شعجب وافقوا قبل لتكملين
اني جانت ظروفي تختلف
حالتنه الماديه بوقتها حيل تعبانه لان بابا دخل بصفقه جبيره وخسر
بوقتها بطلت مااكدر اداوم
وخطبوني ووافقت
بس هسه الظروف اختلفت
شوفيهم واخذي راييهم
زين اخوج مستعد يتانيها لمن تكمل
مااعرف بالضبط
لعد انت شوفي واني اشوف اهلي
حابه اسالج سؤال
اسالي
شعجب ماجبتي بنتج وياج تعيش
الصراحه اهل زوجي الله يرحمه شارطين عليه شرط اذا تزوجت ياخذوها
لهذا السبب جنت رافضه فكرة الزواج
خليت بنتي تتعلق بماما اكثر شي
بس قبل فتره من اجه حيدر خطبني
اهلي جانو موافقين بس اني رفضت ائي
بس همه قنعوني بعدين لان كالو احنه مدايمين الج
اني مااحب اخرب بيوت الناس
طلبت مهر غالي عبالي يرفض بس هو فاجأني من قبل
اضطريت اوافق
بنتي عفتها هناك لان بس اجيبها يمي اكيد تتربى بين الغربه
تعتبر محرمه ع حيدر وع امير
واخاف تكبر بنص ناس غربه محبيت تختلط بيهم
تفكيرج حلو فعلا مو حلوه تتربى عند الناس غربه حتلو كانو حبابين
كالت هناك مدلليها اهلي دلال
خطيه هم تشتاقلج
لاوالله ولا بحالي تكول ماما ولا تذكرج
اني احاول ابتعد عنها حتى متتعلق بيه
بس تردين الصدك بداخلي اتكطع تكطع
حيل ضجت عليها
تدرين شايله هم اذا دروا بيه متزوجه
اكيد راح ياخذون بنتي
اتذكرت من اخذ نظوري مني ومتت بالدقيقه الوحده 100 مره
شعجب مخطبوج لاحد من اخوته لزوجج الله يرحمه
خطبوني لمن ملوا اني رفضت
شعجب
خطيه زوجته لحمايه صديقتي محبيت تخرب علاقتنه اني وياها
والنبي جنت اتمنى ميوافق حيدر ع الغايب
وجنت اتمنى انت متجين حتى ارفض
لان جان شرطي الوحيد انت تجين وجانت هاي حجه الي لحتى ارفض
بقيت صافنه ع حجيها
ممكن اسالج
اي اسالي
ليش هيج علاقتج وي حيدر وليش وافقتي يتزوج
شعجب ماسالتي عليه جان جاوبج
كلما اساله يسكتني ويكلي لتجيبين طاري هذه السالفه واسكت
والله مااعرف شاكلج
اني من البدايه متفاهمت وي حيدر ولا هو اتفاهم ويايه
والمشكله الي صارت ردت اداوم ورفض
طلبت الطلاك واطلكنه
رحت داومت ونزعت البوشيه
بس اتقدملي ابن عمو وهو تخبل
اخذ ابني مني
وعباله اني موافقه
بس زوجته السابقه اذته لابني وحتى بالسجينه جارحته
لهذا السبب رجعت ع حساب جهالي
بعدها خطبج واتزوجج واني وافقت معترضت ابد
زين هسه علاقتكم منتهيه لو شنو
اي بلي ماالي علاقه بي وهو كذلك
بس تردين الصدك مبين عليه يحبج ويعشقج
شمدريج بي
اكو مره متعرف رجلها شنو
مبين لهفته عليج وع جهالكم
اصلا يجي يمي وينام صحيح
بس باله وعقله ابد مو يمي
يله حبيبتي اخذي راحتج واسفه اذا ازعجتج
بس لتنسين تحجين وي اهلج راح انتظرج لان الصراحه انوكل كلبي اكل
الله كريم
معقوله تريد تسقط الطفل لان متحب الاطفال
او خايفه خاف حيدر يتركها و ياخذ الطفل منها لو متكدر تاخذه لاهلها
حيل دخت ماادري
بقيت افكر بحيدر
حرامات يكون اب عبالي يبطل سوالفه التعبانه بس طلعت متوهمه
ابو طبع مستحيل يبدل طبعه
اكيد هسه ماخذ راحته وي البنات
ثاني يوم مااجه للعصر ب6 يله رجع
جابلنه عشا ومعبرني ولا يباوع عليه ابد
مااعرف ليش اضوج من هيج يسوي
ثاني يوم هم كذلك معبرني ابد
لليل يله راسلني وكلي ع تسجيل نظوري
ثاني يوم رحنه وجان صامت
كملنه الاجراءات ورجعنه
فاجئني من كلي باجر اسافر
ردت اسويله كليجه ورفض كلي مروه سوتلي
احس نار واشتعلت بصدري
معقوله فضلها عليه
اي ليش لا وهو كلي تبدل وتتمكيج
كلي اطلعي وين متردين انت ومروه بكيفج
رجعنه
لليل وره العشه كلت خطيه اخاف صدك يسافر
ويصير عليه شي لاسامح الله
بقيت افكر ها اوافق ع طلبه بس معناها اهين نفسي اكثر
مااوافق كلبي يوجعني
بس مو مهم الم كلبي
اهم شي احافظ ع كرامتي الي بقت
سبحت ولبست دشداشه قصيره
خليت شعري ع طوله
واتمكيجت خفيف مااحب الطوخ
مااعرف ليش هيج اسوي واني رافضته اصلا
الجهال نامو
بقيت انتظر بلكي يجي بس ماكو
صارت ب3 هم ماكو
رحت غسلت واتوضيت وبدلت
صليت صلاة الليل
كملت وبعد للاذان دقايق وهو ماكو
اذن صليت وخلصت عيني ع الموبايل
معقوله انطاه كلبه يروح بدون ميودعنه
لعد شلون يكول احبكم واتمنى اعيش وياكم
حجيه كله جذب
هو من كسر وعده وراح لبغداد يشرب ويتونس شاترجى منه بعد
اكيد اغسل ايدي منه
خل يولي ميستاهل حبي ابد
نمت وكعدت ثاني يوم
صاحتني خاله كالت هاي امانه خلاها الج رجلج
شوكت راح
يمكن ب3 وصله امير
وين وصله
للمطار غير
يا مطار هو وين رايح غير لسامراء
لا خاله شعنده بعد بسامراء
غير راح لتركيا دورته هناك شهر ويرجع
احس واحد وضربني ع راسي
يعني هم مودعنه وهم جذب عليه
حيل ضجت والله
فتحت العلاكه لكيت بيهن فلوس مخليلي 500 كاتب ورقه مصرف الج وللجهال
اذا احتاجيتي اخذي من امي ع مااجي
حيل ضجت وعصبت منه
وره يومين بده الدوام
اخذتهم بيدي والرجعه هم كتلهم اني اجي اخذهم
لمن يبدي دوامي يله انطي عنوان اهلي
بقيت تقريبا اسبوع
اخذهم وارجعهم
وهو لاحس ولاخبر عنه
رحت يم اهلي اخذت رايي خاله وعمو
فاتحتهم ع موضوع اهل مروه
رفضت ماما كالت اله تكمل دراستها يله
بابا كال يجوز واحد من ولد عمها يريدها
ماما تخبلت كالت مااريد من ولد اخوك
اني وافقت ع مصطفى لان حباب
بس البقيه ماارتاح الهم
كتلها خل نشوف الولد ونسال عنهم
واذا قبل تكمل دراسه خل نوافق
كالو انطينه مهله خل نفكر
وخل نشوف تبارك
بقيت يم اهلي للعصر ورجعت
حجيت وي مروه وكتلها اهلي رفضوا اله تكمل دراسه
كالت اخويه كال اخليها تكمل ماعندي مانع
انطي كلمه كدام الرياجيل ومااخلف بكلمتي
واهلي راح يجون الاسبوع اليجي ويتفقون همه وي اهلج
خاله وعموا مجان عدهم مانع
كال عمو الولد حيل حباب ومؤدب
سالت خاله عن حيدر
كالت زين ويوميه يخابرنه
مااعرف لويش احس نار واشتعلت بصدري
هو اني الي طلبت منه هذا الشي
مردته يتقربلي وردته يروح لمروه
ليش هسه كاعد اضوج من متجاهلني مااعرف
بده دوامي وانطيت العنوان للمدرسه
كام يدزلي رساله وحده لو اثنين يسال عن نور ونظوري
حتى ميسال عني ابد
دزيتله رساله شلونها الاوضاع بسامراء
هاي ياسمراء اني غير بتركيا
معقوله ماتدرين
عود لويش هيج جذبت عليه وخليتني لااخذ ولا انطي كدام اهلك
الكل يدري بيك بتركيا واني الوحيده تكلي لسامراء
عبالي تحنين عليه واكسر خاطرج من تعرفيني راح ارجع للموت
بس انت الظاهر كلبج حيل قاسي وماعندج اي مشاعر
مراسلته بعد وهو كذلك
صار تقريبا اسبوعين لسفره
كالت مروه باجر يجون اهلي بس ماما وبابا
حتى يرحون لاهلج
خبرت اهلي وكالوا بس احنه ممنطين الموافقه بعدنه
حتى لو خل يجون واتفاهموا
خابرت تبوكه واخذت راييها
كالت اني اهم شي عندي جامعتي ودراستي
مااريد يصير بيه مثلك من اطلكتي ع مود الدراسه
انت اهم شي شنو راييج بالولد
هو اني شاعرف عنه حتى انطي رايي بي
هم اكو احد بحياتج
لا والله ابد بس اكو احد هو الي معجب بيه
وانت
عادي ماعندي ردة فعل اتجاها
دزيلي صوره اله للولد خل اشوفه
عيب شاكل لاخته نريد صوره
مابيها شي لعد شلون افكر غير اشوفه
خلي من يجون اهله باجر ونسمع حجيهم يله نشوف اخته ع صوره
ثاني يوم اجوي ورحت قبلهم لاهلي
واجوي ورانه همه وعمو وخاله
حجوا رسمي بالخطوبه
وكالوا شطلبون احنه حاضرين
تردون ابيت بوحدها مستعد يطلع
تردون ويانه تشيلهم عيونه قبل متشيلهم الكاع
وبالنسبه للدراسه ننطيكم تعهد ابد منبطلها وراح تكمل ع حسب الاصول
كال بابا خل اخذ رايي البنيه واشوف عمامها وارجعلكم خبر
راحوا
بده بابا يسال عليهم وكال ناس معروفين وحبابين
اخذ رايي عمامي مجانو معارضين ابد
كلت لمروه دزيلي صوره اله خل تشوفه تبارك
لان شلون تنطي رايها بدون متشوفه
هو هم يلح عليه يريد صورتها يشوفها
بسيطه اخذ رايي بابا وماما وادزها الصوره الج
دزتلي الصوره وجان يشبه 👇
دزيتها الها كالت خل افكر
هي راحت وي اهلها كالت خبرت حيدر
بقيت اني ع حطتي
حيدر ابد مخابرني ولا مره
رجعت مروه اليوم العصر
اليوم بالليل وجان يدك جهازي هو الي متصل
رفعت خط
الوووو
الوووو
شلونج زنوبه
تمام وانت
الحمد لله
الجهال شلونهم
زينين الحمد لله
مشتاقلهم هواي
هم يسالون عليه
اي اكيد يوميه يسالوني
افتحي كام خلي اشوفهم
فتحتها شافهم جانو نايمين
اتغيرت نومتهم
ب9 انيمهم ع مود الدوام
وانت يالبذات مناويه تراويني وجهج
معقوله مشتاقيتيلي
سكتت
ها اشو سكتي
فتحت كام شفته وشافني
شويه وسديتها
شلون انطاك كلبك تسافر بدون متودعنه
مو حسيت وجودي وعدمه نفس الشي عندج
كلت اكيد ميفرق الودعتج والماودعتج
وجنت متاكد انت وجودي يمج يزعجج
سكتت
شلونه دوامج وشلونج بالدراسه
ماشيه اموري
اسمعيني زين مااقبل بغير امتياز
اريدج تشدين حيلج بالدراسه
ان شاء الله
وين ماوين طلعتي
ماطلعت بس لاهلي وللدوام
ليش
ماعندي اي مجال لان ادرس
شكو ماكو بعد
ماكو شي
صدك فهميني شنو فلم سجاد اخو مروه
صدك خاطب تبارك
اي بس حجي بعدهم اهلي ممرجعين جواب
وليش يابه اني مااعرف
اخر من يعلم
ليش زوجتك مروه مخبرتك
واني شعليه بمروه
عليه بتبارك لان تبارك تهمني اكثر من سجاد
بس تردين الصراحه الولد حباب وخلوق
اي ادري بي لان هو اخو مروه بعد
شنو مستهزأه بيها لمروه
لا وعليش مستهزأه
البنيه حبابه
اها عبالي
هم اشتاقيتيلي
لا ولويش اشتاقلك
بس اني اشتاقيتلج موت والله
اي كلش واضح عليك
اشوفك تخابر وتسال عليه
والله ماعندي مجال ابد
اي بهاي عندك حق
لان مجالك ووقتك كله لمروه
اي غير زوجتي ومعتنيه بيه وتسويلي كليجه
والاهم من كلشي من ابوسها متتململ وتفرح
ومن اتقرب عليها تجيني بلهفه
متتشرط عليه يله اتقربلها
من اجيها تنسيني همي مو تزيد همي واطلعني زعلان
تودعني بابتسامه متودعني بحزن
وي كل كلمه يحجيها احسها سجينه وتذبحني من الوريد للوريد
احس بنفسي مختنكه حيل
مااعرف شنو الاريده بالضبط
لااتقبل قربه الي ولا اتقبل بعده عني
حايره شنو الي اسوي مااعرف
اختنكت بعبرتي حيل وحسيت بنفسي مخنوكه
ماكدرت اجاوب
احس حراره تنزل ع خدي
اكيد الدموع
الوووو
طبكته ماكدرت اكمل ومدا اكدر احجي بعد
رحت غسلت وجهي وشربت مي
اخذت الجهاز لكيته هواي داك
جهازي صامت لان نايمين حبايبي
دازلي رساله
شكو شصار
فدوه جاوبي لتخليني بقلق
والله اشاقه وياج
مو قصدي اضوجج
ارفعي خط عفيه
كلت ملازم ابين ضعفي امامه
اتصلت بي جاوبني
هاي شبيج ليش طبكتي الخط
الشبكه راحت وانقطع الخط بوحده
وليش ادك متجاوبين
رحت للحمام والجهاز صامت
والنبي مو قصدي اغثج
منو كلك انغثيت
والنبي ماعندي مجال لا لمروه ولا لغيرها
بس هي الي تراسلني وعرفت عن اخوها
عادي وين المشكله غير زوجتك
تره ممجبور تبررلي انت حر بتصرفاتك
زينب الى متى ناويه تعذبين نفسج وتعذبيني وياج
والله متندم ع كلشي سويته بيج
يوم عن يوم حبج يكبر بكلبي
كاعد اتعذب بحبج والله
شوكت تحنين عليه
اتمنى تفتهمني يوم
حيدر مااتقبل فكرة تنام ويايه ويه غيري
شلون رايج اطلكها لمروه
لا ليش اطلكها هم خطيه
لعد شلون شاسوي وشنو الحل بنظرج
الحل الوحيد انت شوف حياتك وي مروه واني عوفني اشوف حياتي
هيج ينطيج كلبج تعذبيني
والله مااتحمل اكثر
فدوه اروحلك لتزيدها عليه
اني البيه مكفيني
ممكن اسالج سؤال وتجاوبيني عليه بصراحه
مااريد لف ودوران
اذا جاوبتي عليه بكل صراحه مراح اضايقج ابد
اسال شنو السؤال
قبل لا اسالج كولي وداعت نظوري احجي الحقيقه
اي وداعت نظوري احجي الحقيقه
انت تحبيني لو لا
سكتت مااعرف شاجاوبه
ها اشو سكتي
سؤالك صعب والاصعب منه حلفتني باغلى مااملك
شنو الصعب بي
هي كلمه وحده لو اي لو لا
اجذب عليك اذا اكلك مااحبك
واجذب عليك اذا اكلك مااعشقك
اني حبيتك رغم اذيتك الي
حبيتك رغم غرورك وكبريائك
حبيتك رغم ماادري طريقنه مسدود
بس ياحيدر مو كلشي بالدنيه الحب
اني اغار من اشوفك وي وحده غيري
مااتحمل
اني مو انانيه بس من هاي الناحيه اكبر انانيه
معقوله تحبيني زينب
اني اعتبر حبج اليه معجزه من رب العالمين
وبنفس الوقت عقاب اليه
لان كاعد تعترفين بحبج وبنفس الوقت رافضتني
تدرين هذا اكبر عقاب الي ع اخطائي
مروه مااكدر اطلكها لان تحمل طفلي باحشائها
وبنفس الوقت مااكدر اطلكها بدون سبب
اني مااكدر اطلب منك اطلكها
خلينه هيج احسن
معقوله متتعذبين مثلي
هو اني من يوم العرفتك لليوم كاعد اتعذب
شنو الجديد بالموضوع
انت مستحيل تتغير حيدر انت تبقى كلما تضوج مني تروح تشرب
تروح تصادق بنات تنام وياهن
وتجرحني دومك وتكول مو بقصدي
يابه وربج ونبيج وامامج والقران والتوراة والانجيل
من يوم الي زرت بي الامام علي تبت
ماشربت ولا اتقربت لوحده ابد
ومن رحت لبغداد معقوله تقنعني ماشربت ولا نمت وي وحده
ابد والله وروحه لاخويه لاشربت ولا نمت وي وحده
لج اني مخبل بعد ارجع لهاي السوالف التعبانه
اني تبت وتوبتي صادقه مستحيل ارجع بعد
والله رغم ماكلهم الوياي راحوا وسهروا
اني مارحت وياهم وكضيتها اقره قران واصلي
كول والله ومتجذب عليه
والله وداعتج وداعت امي
مستحيل ارجع اشرب
اني امنيتي تتقبليني
وكاعد اتوسل بربي ليل نهار لحتى يغفر الي ويستجيب دعائي
شلون اروح ارجع واغضب ربي
ان شاء تهون اهم شي اطمأنيت من حبج اليه
كلشي مااريد بعد من الدنيه
راح ابقى ع حالي وانت ابقي ع حالج
راح ابقى ع حالي وانت ابقي ع حالج
لمن تحنين عليه مراح اجبرج ع شي
راح ابقى ع امل يجي يوم وتتقبليني
ودعني وطبكه
معقوله اعترفتله بحبي
تعبني هذا الحب
يكولون الحب شعور واحساس جميل
ياخذ الشخص لغير عالم
لعالم وردي مليئ بالسعاده والفرح
يكولون الشخص يحس بنفسه كانو طاير بالسما من السعاده
اشو اني حبي يختلف عن الغير
حبي وداني لعالم الشك والغيره
اخذني لعالم مليئ بالاحزان والهموم
خلاني لا اني بسما ولا اني بكاع
لا اني الي اكدر اعيش بدون حيدر ولا اني الي اكدر اعيش ويا
شعوري متناقض ومااعرف شنو الي اريده بالضبط
احبه واعشقه واتمنى انام ع صدره واني مطمأنه
مشتاقتله موت صورته متروح من بالي ابد
مااعرف شنو الي خلاني احبه
رغم مااذاني حيل هاني هواي
خلاني خدامه اتزوج عليه 2
المفروض اني اكرها بس صار العكس
رغم حبي اله عقلي يرفض قربه اليه
مو بيدي اغار شلون يبوسني ويرجع يبوس مروه
شلون ينام يمي ويرجع ينام يمها
شلون يكلي احبج ويروح يمها ويكله احبج
بقيت افكر مااعرف شنو الي يريحني
كعدت ثاني يوم وداومت
رجعت وجان الكي البيت مخبوص خبص
تلكتني زهراء
ها خير شكو شصاير
جان تكول .........
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: