مساء الخير ع اجمل متابعين اتمنى لكم قراءه ممتعه
🌹🦋 البارت 45 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
جان يكول اني هسه بالنجف زرت وخلصت وهستوني راح ارجع
سكتت محجيت
واني بالي راح لبعيد
بس شعنده بالنجف يزور منه من الشيطان
انتظريني لاترحين لمن اجي
هسه جاي بالطريق راح امشي سريع
لا لتستعجل راح اخلي بابا ياخذني لان حيل متخربطه
لاترحين للمستشفى متفيدج
بلكي اكو تحليل بعدهم كاعدين
راح اخابر محمد
لا لتكله خطيه
خوش لعد وخابريني من تخلصين
ان شاء الله
طبكته
واتصلت ابابا
كتله حيل اتخربطت
حرارتي مرتفعه
كلي بدلي وانزلي
بدلت ونزلت
نظوري كام يبجي ورايه
مااكدر اخذه ويايه واخاف علي من الامراض
اخذنه فاطمه ورقاوي مني
بس بقه يبجي
كلت لبابا خل انيمه ونروح
كال يله بس لتتاخرين
بس يبجي
لك ماما شبيك متكولي
اريد وياج
اني اريد اضرب ابره
وبس تروح ويايه هم يضربونك
لا اني اخاف من الابره
لعد ابقه يم عمه فاطمه
ما اريد اروح وياج
ابقى يم خاله رقاوي
ما اله وياج
شلع كلبي واني كوه متحمله
راسي راح ينفجر من الالم
كتله تعال خل انام سويه
فرح يله بدلي
اي
رحت بدلت كلت بس ينام ابدل مره لخ
طلعن عني البنات راحن كلهن يم رنا
بديت انيم بي خليت الجهاز صامت لا يدك عليه حيدر
مااحس اله حتى اني نايمه
مااعرف شكثر نمت
كعدت ع حركة ايد تلمس كصتي
فتحت عيوني كوه
جان حيدر فوك راسي
كعدت كوه
انت لشوكت تبقين عنيده
ليش مرحتي
لان نظوري كام يبجي ورايه
مو هذا نايم بس انت الظاهر ترديلج حجه حتى مترحين
كومي خل اخذج
حيدر : من حسيت بنفسي مخنوك مااجه ابالي غير
حضرت مولاي امير المؤمنين
من صدك حسيت نفسي محتاج اتقرب لربي
مخبرت احد ورحت بوحدي
وصلت وره اذان المغرب
جنت اتمنى اروح لمروان بس ميصير بعد الدنيه بدت تظلم
ردت اخبره واكله تعال اخذني وياك
اني مااستاهل ابقى عدل
تعال حاسبني ماصنت الامانه ابد
حبيبتك ظلمتها واذيتها
وخسرتها للاخير مستحيل يومراح تسامحني
خليت السياره بالكراج ورحت
اتوضيت ودخلت الحضره
حسيت كلبي انفتح هنا
حسيت اول مره اتنفس الهوى
اني هواي جاي وزاير
بس هاي المره حسيتها غير
كانو اول مره ادخل الحضره
دموعي نزلن لوحدهن
ومااعرف السبب هل هو الخشوع
ام الخنكه حاسرتني
لزمت الشباك
كتله دخيلك مولاي
اني اليوم جاي الك وحاب اشكي همومي كلها يمك
اني عاصي ربي وكافر وجاي اتوسل بيك
اريدك انت واسطتي لرب العالمين
اريد اطلب التوبه من ربي واني استحي
لان ذنوبي هواي وادري ربي مراح يسامحني بسهوله
اريدك انت ويايه ياعلي
اريد اطلع من الحضره كون تايب من صدك
اريد الهدايه ع طريق الحق
اريد اكره الشرب كون
اريد اكره بنات الحرام
اريد اواضب ع صلاتي وصومي
اريد رضا رب العالمين عليه
مااطمح اكثر
مااكدر اطلب كون زينب تسامحني
لان حتى اذا سامحتني هي
اني مااكدر اسامح نفسي ع الاذيه الاذيتها
الافضل الها هي بطريق واني بطريق
راح انطيها مطلق الحريه
تريد تنزع البوشيه اتريد تنزع العبايه
تريد تكمل دراستها تريد تطلع
حتى اذا تريدني اطلكها ماعندي مانع
ابد مراح اتحكم بيها نهائي
بقيت اشكي وابجي
لمن حسيت كلبي انشرح
حسيت براحه وطمانينه
كمت صليت وخلصت
لزمت كتاب الزياره وقريتها للزياره
هاي اول مره بحياتي اقره الزياره
كملت رجعت الكتاب
جان يصير القران كبالي
لحد هاي اللحضه اني ملازم القران ولا مره
ابد مااقره قران
جنت بس بالمدرسه اقره لان واجب
اني دائما جنت اخاف الزمه
لان اني وسخ بافعالي وبذنوبي لهذا السبب اخاف
اخذته للقران وبسته وخليته ع راسي
احس ماكو خوف بداخلي لان لزمته
احس بنفسي خفيف بلا ذنوب
هذا الشعور جنت مفتقده ابد محاس بي
بالبدايه اديه ترجف كوه لازمه للكتاب
بديت اقره ودموعي تجري
قريت بخشوع
جان صوتي كلش حلو بالقران
واني اقره بصوت مسموع بس مو عالي
بس الي بصفي يسمعني
وره شويه راحت الرجفه مني
جان اكو رجال جبير بالعمر كاعد بصفي
حسيت بي يراقبني
هواي بقيت اقره والرجال بصفي ابد مكام
كملت وطبكته للقران وبسته ورجعته لمكانه
ردت اطلع
جان يصيحني
تعال ابني اكعد بصفي لحضات اذا متصير زحمه عليك
لا عمي رحمه ان شاء الله كعدت
كول عمي اامرني
مايامر عليك ظالم ابني
ابني لاحضتك من تقره اديك ترجف بالبدايه وتبجي بعدين استقريت
ممكن اعرف السبب
شنو اول مره بحياتك تقره قران
اي والله عمي هاي اول مره اقره
اني متاكد وراك سالفه اذا تحب سولفلي حتى ترتاح
استحيت اسولف جنت متردد
كلي ابني لتستحي احجي
اني حاب اسمعك واساعدك
حسيت بنفسي محتاج اسولف لشخص
عن الي بداخلي
اني لهاي اللحضه ممسولف لاي شخص عن حياتي الشخصيه
حتى اخوتي مايعرفون شعوري شنو
كتله عمي اني ظالم واكبر ظالم بهاي الدنيه
اني ذنوبي مغطيتني من راسي لرجليه
تعرف ياابني البشر مهما طغى ومهما ظلم
لابد يجي يوم والله يعاقبه ويظلمه
واكيد يعاقبه بالدنيه قبل الاخره
ادري والله ياعمي
جنت مخبل مو بوعيي
اتهمت بنيه بشرفها وبعرضها واذيتها هواي ظلمتها هواي
كال ع طاري البنيه والعرض اسمعني قبل لتحجي
الله يشهد عليه وهذا الامير علي يشهد عليه
هاي السالفه صارت وياي اني مو وي غيري
قبل 20 سنوات وبنفس هذا المكان
جان الجو شتى تقريبا بشهر ال 1 اني دئما من اختنك اجي لهنا افرغ همومي وارجع
تقريبا كل اسبوع اجي مره
لكيت رجال رغم ما الجو حيل بارد
لابس دشداشه صيفيه ولاف راسه بجراويه والعرگ يصب منه
كانو احنه بتموز
ثار انتباهي هذا الشخص
يبجي ويتوسل برب العالمين يطلب السماح
هم اديه ترجف مثلك ثار انتباهي
شلون هسه انت ثرت انتباهي
بقيت ورا ورا لحد ماكعد كعدت بصفه
سلمت علي ورد السلام
سالته شبيك عمي ليش حران
كال لا مابيه شي
عافني وكام
رحت ورا كتله عليك هذا امير المؤمنين جاوبني شبيك
يابه عوفني لزكت بيه مابيه شي ومو حران
معقوله احلفك بقالع باب خيبر ومتجاوبني
ردت اعوفه واروح صاحني
كال والله مااحب اسولف لان خجلان من نفسي
بس انت حلفتني بعزيز كلبي
كال قبل شكم سنه جنت كاعد اني وجماعتي بالكهوه
جانت قريبه حيل ع بيتنه
اجه شخص يسال ع بنيه جوارينه
يريد يخطبها كال يابه ذوله الناس شلونهم وبنتهم شلونها
اني من دون الخاضرين طفرت
كلتله بنتهم ههههههه وهزيت ايدي
محجيت غير هاي
البنيه اني سامع عليها حجي بس مشايف بعيني
راحت ايام واجت ايام والبنيه محد يتقدملها بعد ابد ولا اتزوجت
كبرت ومحد يتقدم عليها
ويوم من الايام سمعنه صايح طلعنه كالوا البنيه انتحرت حركت نفسها
اني السالفه مو ابالي ابد
ولا اهتميت لامرها
وره متوفت البنيه بشهر تقريبا
حلمت بس معبالك حلم عبالك حقيقه
كانو اني ميت واهلي يصيحون عليه وامي واخواتي ومرتي واطفالي اشوفهم كبالي
احجي وياهم اني عدل
والله عدل شبيكم تبجون ولا كانو
اخذوني وغسلولي
واني اصيح والله عدل والله عدل شبيكم
بس محد يسمعني ولا احد يحس بيه
كفنوني واخذوني للقبر واني بديت افقد اصيح اصيح لمن هلوا عليه التراب
سمعت الاصوات تبتعد لحد مختفه الصوت
شفت عالم ثاني هنا
شفت الناس كلمن محتار بنفسه
كلمن يصيح ياروحي
ع فجاه وجان اشوف البنيه كبالي ومشتعله نار من فوك لجوه
كامت تركض وراي
اني اصيح لا تتقربين عليه لا تحركيني
عفيه الله يخليك ساعدني
طفي النار البيه
مااكدر والله حبابه ابتعدي عني لا احترك
اصيح بس محد يسمع ولا كانو احد يشوفني
كتلها روحي بابا شوفيلج واحد غيري ويطفيج
كالت لا مو اني من وراك احتركت
شلون من وريه
انت بسببك الناس الرادوا يخطبوني بطلوا
ومن واحد الواحد انتشرت بين الناس بان اني مو زينه
بس اني ماكلت مو زينه
كلت ماكلت من وراك
اهلي كامو يكوموني بضربه ويكعدوني بضربه
اتاذيت وحركت نفسي
واني هسه اريدك بس اطفيني فدوه عمي متت من الالم
ماقبلت وكمت اصيح
اني ماعليه بيج روحي عفيه عني
اخر شي كالت بس هذا اصبعي طفي
دخلت اصبعها براسي منا وطلعته منا
باللحضه اصبعها برد
واني فزيت كعدت
صورة البنيه كبالي مراحت من بالي ابد
لكيت راسي يصب عرك
يكول 24 ساعه اني حران
مخليت دكتور يعتب عليه مرحتله
محد كدر يطيبني
بعز الشتا واني مخلي راسي جوه المبرده واني ميت حر
اهلي ملو مني عافوني بغرفه وحدي
كله من وره هالكلمه الوحده
حسيت بخطائي بس بعد فوات الاوان
واني كمت اجي ازور الامام علي
ويوميه اتوسل بي لرب العالمين كون يسامحني
العبره من هاي القصه ياابني
البنيه لازم تنستر حتى لو شفنه عليها الموزين
لازم الواحد ينصحها وتنستر لان تبقى بنت بيت
بس المتزوجه لا افضحها واشهرها محد يكلك لا
لان تستاهل الفضيحه
بس البنيه لا الله يحب الستر ياابني
اني هم سترتها للبنيه ومحجيت لاهلها بس بقيت اعذبها
سولفتله السالفه نفس ماهي
ابني البنيه خطات وخطاها جبير
بس من ترجع للواقع مراحت بالحرام
الوحده لغيرها انجرفت للحرام
واحدنه اذا دخل بالحرام مره وحده ميعوف الحرام وبعد منتراجع ابد
لان يحلالنه
دائما الشيطان يغرينه بالحرام
الحرام دائما حلو للاغلبيه
كل حرام يخلي الانسان غني لان راح يبوك عادي
يخلي يعيش برفاهيه
يخلي ينسى ربه وهذا اهم شي
لهذا السبب الله حرمه
وبنفس الوقت الله غفور رحيم
يحب العبد يتوب ويتوسل بي
الله يحب التوابين
اهم شي التوبه الصادقه
مو من اقل موقف يضعف ايمانه ونرجع للحرام
لازم نلتزم بالتوبه
عليك بالاستغفار ابني
اذا تبت ثق واعتقد الله راح يسامحك
لان تبت
بس اهم شي مترجع للحرام ابد
والله وعد مني
اذا مازوجتك هي الي تتمنى رضاك تعال عاتبني
مستحيل تسويها لان اذيتها هواي
بس ربك اذا راد شي كن فيكن
راح تشوف التغير وتحس بالفرق
البنيه متريد غير الامان
هاي مستعده كلشي تسوي ع مود ابنها
اني متاكد اذا تكلها راح اطلكج
روحي شوفي حياتج بدوني
مراح توافق ابد
لان متريد تبتعد عن ابنها ولا تريد تبعد ابنها عنك
حست الطفل مستحيل يكدر يعيش وي واحد
الى وياكم اثنينكم
لان راح تاثر ع نفسيته
ياابني خلي عينك بعين الله ولتكطع الامل ابد
التجئ لربك ولصلاتك راح تحس بالدنيه تتغير
راح تحس بالامان
زوجتك راح تشوفك متغير هم راح الله يهديها عليك
حيل ارتاحيت من حجيت وي هذا الشخص
اجه ولد شاب علي
كله يله يابه كوم بيده كرسي متحرك
ساعده وخلاه بيها
سلم عليه وبوسني وراح
لتكطع الامل برب العالمين
ان شاء الله
اني شكد غبي حجيت عن نفسي ومسالته ابد
لااخذت رقمه حتى اتواصل ويا
طلعت بسرعه بس ماكو
يمكن طلع
اباوع ع الساعه ب10 ونص
محسيت بالوقت ابد
رجعت زرت مره ثانيه
يامولاي راح اطلع منا انسان ثاني
التوبه بعد مااشرب ولا امشي بالحرام ابد
حسيت بنفسي انولد من جديد
طلعت اخذت الجهاز من الامانات
لكيت الجو محترك عليه حرك
فاطمه ومروه ومحمد وحتى زينب
اتخبلت معقوله صاير شي
خابرت محمد وكتله اني بالنجف
شويه وارجع
مروه كذلك هم خابرتها
ردت اخابر ع فاطمه
زينب محبيت اخابرها لان اتوقعت تريد ارجعها
وجان ادك زينب
كلت اكيد تريدني ارجعها
رفعت خط وجان انصدم من كلتلي مريضه تعال اخذني للمستشفى
يعني صدك مريضه متجذب علينه
والله تاهت عليه مااعرف صدكها من جذبها لان هواي جبرتها تجذب
من كتلها مااكدر خل ياخذج ابوج عبالها سهران
بدت تحجي بس خبرتها اني بالنجف سكتت
الصراحه بعد مااشوف دربي
كمت اسوق سريع
ادك عليها بس متجاوب
ادك ع فاطمه همين متجاوب
وصلت للمحافظه واتصلت بابوها كال مرحنه بعدنه
اتوقعتها معانده
وصلت ودخلني ابوها جانو كاعدين
وينها زينب
فوك بغرفتها
اكدر اصعد يمها
خل اخلي البنات يسولك طريق
طلع وره لحضات كال اصعد
صعدت وجانت حاضنه نظوري ونايمه
اتلمست كصتها حرارتها حيل مرتفعه
اتخبلت
مااعرف ليش هالعناد
كعدت واتحججت بابنها
كتلها كومي خل اخذج
عيونها حمر
كلتلي بس انزل قبلي خل ابدل وانزل
خليني هنا يمج بدلي واامني مااباوع
حتى انزلج ويايه
الله عليك لتباوع
والله مااباوع ماعليه بيج بس استعجلي
بدلت وكملت بس كوه
مستحيل تايفوئيد
لان من صار بيها مره مصار هيج بيها
حسيتها كوه تمشي
كتلها انطيني ايدج خل الزمج
انطتني ايدها بدون اعتراض
حيل خفت عليها
اذا صار بيها شي يمكن اتخبل
مااسامح نفسي ابد
كللها ابوها هستوه يله نام ابنج
صارلي شكد منتظرج
لا بابا من زمان نام بس اني ماادري بنفسي ونمت
كال خل اروح وياكم اني وامج
لا بابا ابقوا ماكو شي
بس اني وحيدر
مقبل ابوها اصر
بس امها مخليناها
رحنه الكل معزل ولا مختبر باقي لهسه
كلت لعمي خل نروح للمستشفى الاهلي بلكي نلكي دكتور اختصاص
مااعرف شبيها بالضبط
لان لحد الصبح مبيها شي
رحنه للمستشفى وفعلا لكينه دكتور
كال خل نشكللها مغذي ونضربها ابره براسيتول خل تفكها الصخونه
وبعدها نسويلها التحاليل
شكلولها كانولا
احسها فاصله عن العالم
خلولها المغذي والابره
خلص وهي بعدهي ع حطتها
اتخبل الدكتور كال اهم شي خل نحاول انزل الحراره
وبعدين نعرف السبب
سوولها كمادات
بلكي تصير زينه
بدينه نسوي كمادات
خفت شويه
كال حللواها هاي التحليلات
اجوي للغرفه اخذوا منها دم
بقيت انتظر النتيجه
طلعت ورحت للدكتور
كال حمى فايروسيه بس قويه نفس اعراض التايفوئيد
بس الاعراض تصير اقوى بهواي
مدة الحضانه من 10 ايام ل 15 يوم
اليوم لازم تبقى هنا واذا صارت زينه الصبح طلعوها
واذا لا تبقى يمنه
كتب العلاج وكال جيبوا هسه
رحت جبته للعلاج
جبت مالت 3 ايام لان فلوسي مكفت الشايلهن
جانت وصفتها حيل غاليه
ب150 بس 3 ايام
رجعت انطوها العلاج وخلولها كماده جاهزه
نامت هي عبالك مبنجه ابد متدري بنفسها
كلت لعمي راح ارجع للبيت اسبح وابدل وارجع بسرعه
عيب اكله اجيب فلوس
جانن عندي الاوراق بالسياره بس قبل يومين احتاج ولد صديقي فلوس واخذهن مني
اخاف ميقبل اذا اكله ع الفلوس
كال روح اني هنا
جهازي بالسياره نسيته
رحت للسياره
ولكيته محترك حرك
مروه ومحمد
رجعت للبيت
كلت لمحمد ع السالفه
كال حيل مزعج هذا
حيل ياذي مو نفس التايفوئيد
لازم علاج ابر مدة 10 ايام اقل شي
الابر لازم فرنسيه او المانيه
حتى اذا صارت زينه لازم تستمر ع العلاج ابد متقطعه
اي خبرنه الدكتور
رجعت للبيت
لكيت مروه كاعده منتظرتني
سالتني ليش اتاخرت
كتلها زينب داخله مستشفى واني وياها
وراح اسبح وارجع
محجت شي
سبحت وبدلت واخذت الفلوس ورجعت
طلبت من عمي يرجع للبيت
كتله خل اوصلك
كال وزينب
كتله راح اوصي الممرضه عليها
كتله لتخبرهم بقت بالمستشفى حتى ميقلقون
خل يكمل العرس وعود بعدها يله نخبرهم
لعد شاكل لامها وين راحت
كللها راحت لبيتنه
فعلا اخذته ورجعت
بقيت يمها
اتلمست حرارتها زينه انخفضت
ساعه تكعد وساعه تنام
اباوع عليها
احجي وياها
شسويت بيج دمرتج دمار
تدرين مستحيل اطلب السماح منج
لان ادري بس اطلب السماح يجوز من طيبة كلبج
تفكرين تسامحيني
اني مااستحقج ولا استحق السماح ابد
والنبي لو ابقى مدى العمر اتاسف واعتذر منج
هم شويه بحقج
انت انسانه مثاليه
انسانه طيبه
انسانه شريفه
ام ونعم الام
زوجه ونعم الزوجه
انسانه صبوره
انسانه هادئه
والاهم من كلشي انت مؤمنه
اني مو مثلج
اني اناني
اني مغرور
اني مااستحق اكون زوج الج
اني مااستحق اكون اب
اني انسان كافر
انسان ميثمن البشر زين
يعني فرق جبير بيني وبينج
مستحيل اني استاهلج
اني فكرت بانانيه وردتج الي وبس
محبيت احد يشوفج غيري لان اغار عليج من الهوى اليمر
وفكرت تصيرين لغيري هاي طيرت عقلي والله
مو ادور انت تحبين غيري
اني مااطمح تحبيني ولا اطمح تسامحيني
لان من سابع المستحيلات راح يجي هذا اليوم
بس كل طموحي تبقين كبالي
يوميه اصبح بوجهج
نظوري ونور ابيناتنه
ميتعذبون بالفراق
مااطمح غير شي والله
ادري دمرتج دمار بس هم لازم انعذر
والله وداعتج انت
لو كايلتلي مااداوم ولا طالبه الطلاك
جان عيشتج ملكه
اني اصلا قررت اداومين بس ردت مو بعناد منج
ردت تكولين اني اضحي كلشي ع مودكم
جان راويتج شي متتوقعينه والله
بس انت هواي استعجلتي بقرارج
ووصلنه لهاي المرحله بسبب غبائنا اثنينه
وكبريائنا يعني شيصير لو احكد متنازل للثاني
جان عشنه اجمل حياة
بس ارجع واكول
الله كاتبنه كلشي
صحيح الي ديصير من ادينه احنه
ث
بس القدر اله دور جبير
بقيت كاعد للصبح اراقبها
لحد منمت واني كاعد
زينب : رحنه للمستشفى وجنت شبه فاقده
صحيح امشي ع رجليه
بس مااحس بلي يصير
وصلنه وخلولي كانولا محسيت بالم
شكلولي المغذي وانطوني العلاج
بعدها حللت
حيل نعست وعيوني غوشن
كمت انام واكعد مثل السكرانه ابد ماادري بنفسي
شويه وكعدت لكيت بابا يمي
رجعت نمت
حسيت بحيدر يسويلي كمادات بس مااكدر احجي
نمت وكعدت مااعرف شكد نمت بالضبط
سمعت حيدر يحجي وياي
سويت نفسي نايمه
بس هالمره كدرت اركز لان اعتقد الدوا انطه مفعوله
جان يحجي واني ممصدكه
معقوله هذا حيدر المتعجرف
لا ممعقوله
معقوله يتمنى رضايه
لعد وين جنت من تزوجت عليه وهنتني
وين من اخذت جهازي وخليتني بموقف ماانحسد علي
مستحيل افكر مره ولو بالغلط اسامحه
اله اخليك تتعذب مثل معذبتني
اله اشربك نفس الكاس الشربتني منه
بقه كاعد للصبح
اني انام واكعد ممستقره
حسيت بي نايم وهو كاعد
احتاجيت الحمام
بس احس جسمي ثكيل
كوه كعدت اتحركت شويه واختل توازني ووكعت
منغمى عليه بس ممسيطره ع نفسي
هو باللحضه كعد اتخبل
هاي شكومج
ردت للحمام
اي مكعدتيني
ماكو داعي
اخذني من ايدي كايددني
دخلني وطلع
حاولت اسبح ولو شلون مجان
لان جسمي متكسر تكسر
لازم اصحى
فعلا سبحت بس كوه لان ارجف من البرد
شعري مغسلته
دك الباب
هاي وين صرتي
طلعت كتله غسلت جسمي
هاي انت تحجين صدك
مو زين عليج
لتخاف ماعليه
كلي راح اجيب ريوك واجي
نيمني وغطاني
راح شويه واجه
كلي اكعدي اكلي
مااشتهي ابد
مو زين عليج لازم تاكلين
والنبي مااشتهي ابد
اكل هو
جايب ويا صمون حار وجبن وجاي
اريد اطلع صرت زينه
خل يجي الدكتور
اتصل بابا وحجيت ويا واطمان عليه
كتله لتخبر احد بلكي شويه واطلع
اجه محمد وكال خل انتظر الدكتور
اجه الدكتور الصراحه اني مو تمام
بس مااكدر ادخل ابد مستشفى
خبرت محمد قبل ليجي الدكتور
اطلع افضل
سلم ع محمد والظاهر يعرفه
بقوا يسولفون مده بعدها
قاس الحراره وفحصني
كلي شلون صرتي
كلش زينه دكتور مبيه شي
كام يضحك
اكيد تردين اطلعين
اي دكتور
بس ميصير لازم تبقين هنا فد 3 ايام
لا فدوه والله مااتحمل
بس ميصير
كله حيدر عادي تبقى ماكو مانع
اشرت لمحمد
كلي محمد ع شنو تدخل
اشو اني يمها واراقبها
لعد اذا هيج طلعوها
حيل فرحت
بس اهم شي تلتزمين بالعلاج
ان شاء الله
كلي محمد وين ترحين لاهلج لو للبيت
اني الصراحه اتمنى ابقى يم اهلي حتى ماما واخواتي يعتنن بيه
هناك اخجل من واحد يخدمني
كال حيدر خليها شكم يوم يم اهلها افضل
اني سكتت
كلي محمد امرلج بكل وقت علاج
هنه وقتين
كتله ماكو داعي اني اعرف وبابا يعرف
كال ميخالف
امرلج حتلو بس بالليل
طلعت من المستشفى
احس بنفسي شويه احسن
ماما متخبله ماتدري بيه بالمستشفى ولا خبرتها
صعدت فوك حتى ارتاح
اجني البنات يمي
رسل وفاطمه وتبوكه ورقاوي ورنا
خطيه تبجي تكول والله لو بيدي جان اجلته
لا حبيبتي ماكو داعي مابيه شي
بقن صافنات عليه
كالن والله عبالنه تشاقين في سبيل تتهربين من الحفله
لا والله الموت اتراوالي
كالت رسل اني راح اخذ رنا للصالون
دخلت للحمام سبحت وارتاحيت
ماما سوتلي شوربه
اكلتها وشربت عصير
كوه كدرت اصلي
نمت كعدت الساعه ب4 كلت لازم ابدل وانزل
خطيه رنا لازم ابين كدامها زينه
بدلت وخليت مكياج خفيف
نزلت وره شويه جابوها وجانت مثل الملاك تخبل
فرحت من شافتني
حضنتني وكامت تبجي
مسحت دموععها
لتصيرين غبيه ميصير تبجين ويخرب المكياج
ماما تبجي وبابا همين
اصعب اللحضات الي تمر بيها البنيه وقت فراق الاهل
والاهل كذلك من تفارقهم بنتهم
اجتي الزفه
اني جنت ع اعصابي كاعده
لبست عباتي
دخلوا واخذها مصطفى وطلعوا
ماما مراحت وياها
احنه عادتنا متروح الام وي بنتها
المفروض اني اروح بس مااكدر
راحت وياها رسل وفاطمه وتبارك
كالوا بالليل يجن لهنا
بقوا اهلي يبجون
بس ميفيد لان هاي سنة الحياة بعد
صار العصر حيل قريب الاذان
كمت اذب من راسي
ارتفعت حرارتي حيل
هاي ثاني مره بهيج وقت اتخربط
طلبت منهم يغطوني لان حيل بردانه
خلولي اللزكه مالت خافض الحراره
واخذت بندول حبايتين
نمت مااعرف شكد وكعدت
حرارتي ولا كانو ابد منخفضت
بابا اتصل بمحمد
كال راح اجي
وره فتره اني نمت
كعدت ع صوت يمي
فتحت عيوني
جان حيدر ومحمد وخاله
خلالي محمد براسيتول بالمغذي
وضربني علاجي
نمت بعد محسيت بشي
احس بنفسي مثل وحده سكرانه
كعدت يمكن جانت الساعه ب3 بالليل
لكيت نفسي سابحه بالمي اكيد فكتني الحراره
لكيت حيدر نايم بصفي
هذا شجابه يمي
نظوري وين
حسيت بنفسي حيل جوعانه لان مماكله شي بس الشوربه
كلت خل انزل اسويلي شي
بس اتحركت كعد حيدر
ها خيرج بيج شي
لا مبيه بس جوعانه
تعاي اكعدي هسه اخابر رقيه تجيبلج اكل
انت شجابك لهنا ومنو كلك تنام يمي
خفت عليج تتخربطين وبقيت يمج
المفروض هسه انت نايم بحضن مرتك
اخر همك اني
اهلي يمي واكيد يخافون عليه اكثر منك
سكت مجاوب ابد
تعاي رجعي متكدرين تمشين
خابر رقيه باللحضه اجت
كللها سويلها شي جوعانه
سالتني شاسويلج
لفة جبن
لا مو زين الاجبان كلها
لعد سويلي كبايه وحده
هم مو زين الدهن
لعد شاسوي
اذا اكو بسكت وعصير
هذا بابا جابه الج
جان يمي علاكه
راحت جابتلي عصير
بديت اكل حيل جوعانه
احس حيدر بغير عالم
اكيد باله يم زوجته
تكدر تروح للشاغل بالك
صرت زينه والله
زينب انت لو تسكتين هواي احسن
اني وين افكر وانت وين تفكرين
سكتت بعد محجيت شي
ارجع نام لان خاف تعبان
انطرح بالفراش وخله ايده ع عيونه
كملت ورحت غسلت ورجعت
بقيت كاعده ع الجربايه بعيده عنه
وهو مغمض
متنامين
منعسانه
حتلو انطرحي هيج
نظوري وين هو ونور
يم رقيه نايمين
بقيت كاعده
وره شويه كعد
تعاي نامي واني راح ابقى كاعد
ادري بنفسي عندي سنون وراح اكلج بس تنامين بصفي
سكتت عفته كاعد
فتحت السبلت لان احتريت حيل
مو زين عليج تبردين
مو مهم
ادري بي ع اعصابه باقي لان حاره حيل الغرفه
فتحته للسبلت ع موده
اتغطيت ونمت ودرت وجهي
كال اريد بطانيه شناويه تمرضيني وياج
خل اتغطه لان بردت
سويت نفسي نايمه
ها لعد همزين نمتي خل انام واتغطه وياج
طفرت بسرعه
لا عفيه نعست اريد انام
اي متنامين منو مانعج
لتنام بصفي
لعد وين انام نعست والله
ومن صدك مااسويلج شي
لان حيل نعسانه بس اخلي راسي ع المخده اغفه
سكتت
بعدين كتله والله اذا اتقربت يمي
انام بالكاع
ماشي بس خل انام
الغرفه بردت
لان هسه احنه ابداية التاسع
بالليل تبرد
هو دار وجها للجها الثانيه واني كذلك
نمنه
كعدت لكيتها نفسي بحضنه ومخليه راسي ع صدره
عزه هاي اني شمسويه
هو يباوعلي ويضحك
اني خجلت يبوووو🙈🙈🙈
هم كولي انت الي تقربت عليه
اني عاقل بس هاي انت التحارشتي بيه وداعت نظوري
والله ماادري بنفسي لان جنت نايمه
اي عادي مصار شي
اليوم صبحت بوجهج
اكيد راح اسمع خبر حلووو اليوم
سكتت محجيت شي
اباوع ع الساعه ب1 الظهر
عزه هاي شكد نايمه اني
اتريكت بعدك
لا وين هو انت خليتيني اتحرك
كل مااكوم تجريني وتحضنيني
وتكوليلي حبيبي فدوه لتتركني وتروح لمروه
لتجذب لان مستحيل اسويها
بس سويتها والله
هاي لان حرارتي مرتفعه اكيد ماادري بروحي
هسه اني قابل لازملج السيف لان حضنتيني
اريد اروح
وين ً
للبيت وين قابل
متروح منو لازمك
وانت
ابقى هنا مااكدر اروح
بس عيب من اهلج ابقى يمج
امشي هناك حتى اعتني بيج
لتخاف عليه ماما يمي واخواتي
روح عيب من بنت الناس عايفها وجاي الي
شتكول عليه
هم خدامه وهم خلت رجلي يركض وراها
زينب اروحلج فدوه اسكتي
وكومي بدلي لتبقين تجفصين بالحجي
مااكدر ابقى هنا ينشلع كلبي
هاي شبيك مااحتاجك ابد
اني هنا بنص اهلي
مستحيل تقنعني تحبني اكثر منهم
اندك الباب وفتحه حيدر
جان بابا
خطيه سال عليه وطمنته
حسيت بنفسي زينه
كله حيدر راح اروح للبيت
مقبل ابد مخلا اله وره الغده
نزلنه واتغدوا
اني ماما مسويه شوربه الي
اكلت وغسلت اتذكرت علاجي مماخذته الصبح
كلت لبابا نسيت علاجي
اي مو لعبه ونسيتي
جان حيدر عيونه حمر من العصبيه
زينب كومي روحي وياي
لان هناك محمد يعتني بيج هواي
مااكدر اروح والله
والله هنا تهملين نفسج ومتاخذين دواج
محبيت اعانده
كتله اوك
رحت جهزت نفسي
وطلعت بس بابا طلع ويانه
اخجل هناك انام وواحد يخدم بيه
اشرلي اصعد بالصدر
محبيت اعاند لان حالتي متسمحلي
نظوري ونور طلبوا منه موطا
سالني شنو من موطا تردين
اني هالمره مشتهيتها
مااعرف لان مريضه حبيت اكل
كتله جيبلي ام الجكليت
جابلنه واجه واني مبوشه اكل
وصلنه للبيت
دخلنه ورفعت البوشه
اني قبل حيدر دخلت
رحت للصاله كبل
وجان اتفاجئ ب ......
مساء الخير ع اجمل متابعين اتمنى لكم قراءه ممتعه
🌹🦋 البارت 46 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
اجمل بارت واطول بارت تعويض عن البارحه لان منزلت بارت مفاجئ
والله العظيم مااكدر انزل اكثر من بارت لان حيل ضغط عليه يادوب الحك اكتب بارت اتمنى تقدرون ظروفي
اما بالنسبه للمطغوطين الي يتهموني ادور تعليقات والي يكول اتحب نتوسل بيها وشايفه نفسها شوفه والي يكول ماطلعت هاي قصه نزليها كلها وفضيها احب اكلكم اني اكبر من هاي السوالف التعبانه لان لو اريد تعليقات لو متكبره عليكم جان اخذت ريست بالعيد حالي حال الكاتبات اشو القصه وفازت بالمركز الاول شاطمح بعد اكثر الي متعجبه القصه ممجبور يتابعني ولو اني اشك بهذا الشي لان مااعتقد متابعيني لحد البارت 45 اذا معجبتكم القصه اسفه ع الاطاله
جان انصدم باهل مروه وياهم اخوها الي شافني ابيتهم
الولد صافن بوجهي مثل الي اتفاجئ بيه
نزلت البوشيه اخاف حيدر يسويلي سالفه
سلمت وصعدت كبل
دزلي رساله حيدر
راح يصعد محمد يخليلج المغذي ومن يخلص انت اشلعي
راح اخلي نور ونظوري يمي انت نامي وارتاحي
صعد محمد وسالني كتله شويه احسن
شكله الي وكلي من يخلص سدي منا
كتله اعرفله واعرف اشلعه
فعلا كمل وشلعته
بعدها نمت
كعدت يمكن الاذان يريد ياذن المغرب
حسيت بنفس الدوخه ونفس الحراره
مااكدر اتحرك ابد
كوه وصلت للحمام وسبحت بس كوه ارجف من البرد
ع مود تفكني الحراره
حاولت اصلي مكدرت
اتغطيت بالبطانيه واني بعدني ارجف
كوه كدرت اتصل بحيدر
كتله تعال شويه
اجه باللحضه
ها خيرج
بردانه حيل بس شوفلي بعد بطانيه وغطيني مااكدر اتحرك
طلع بطانيه وغطاني
خابر محمد كله تعال اصعد
لحضات واجه
كال جيبلها براسيتول وخلي اشكله الها
طلعوا وره فتره رجعوا انطانيا محمد
كلي عادي لتخافين
هو تقريبا يوميه العصر يشتد عليج
هي هاي اعراضه
عافنه وطلع
نمت باللحضه
كعدت لكيت الغرفه هدوء
حسيت بنفسي زينه
كمت اتوضيت وصليت
اجت زهراء تسال عليه
كالت جنت يم اهلي هستوني رجعت
لكيت اهل مروه هنا
اي ادري بيهم
كالت هاي الشوربه الج
والنبي لعبت نفسي من الشوربه والبسكت
لعد شتسوين مو زين عليج والله
اكلت وسكتت
سالتها ع اهل مروه
كالت راحوا لبيت حيدر راح يباتون
بقينه نسولف فتره وطلعت
صارت تقريبا ب 1 اتصلت بيه رسل كالت راح يجي محمد يشكلج المغذي والابره
اتصلت بحيدر
سالته ع الجهال كال عوفيهم ينامون يمي
لا عفيه جيبهم بمكانهم احسن
ومحمد راح يجي يشكلي المغذي ياريت تصعد ويا
اجوي اثنينهم
سالني محمد شلون صرتي
شويه احسن
كال شدي حيلج مبقالنه شي حتى نسافر
اجيت ارتاح واشوفكم واشبع منكم
اشو تلكيتيني بالمرض
وسلبتي راحتي وكل شويه دازين عليه
ادري بي يتاشقه ويايه
كتله اذا هيج صار الحجي
باجر تلكيني كلشي مبيه
بس لخاطرك لان من صدك تعبتك ويايه
لج تعبج راحه والله احسن من ناس ابالي بس المغثه من وراهم
اتشاقه وياج والله
اذا مااتعب لام نظوري المن اتعب لحيدر الغثه
حيدر ذابه ع الصامت
هالمره انتظرني محمد لمن كمل المغذي يله راح
التفتت لكيت حيدر منيم الجهال
وصافن ع الغرفه
الغرفه مشوها تشوه
بلا مري مكسره كلش مو حلوه صايره
اجه كعد يمي
بس تصيرين زينه نطلع للسوك
ع شنو نطلع
حتى تختارين غرفه
المن غرفه
الج بمكان هاي
شنو طلبت منك تبدلها واني ماادري
لا مو اله اطلبين
لعد سده للموضوع
مقتنعه بغرفتي والحمد لله
حتى بالحلم مااحلم بغرفه هيج
لان وين اكو وحده خدامه لو مربيه ومكعديها بهيج غرفه
اسف ع كل كلمه حجيتها وع كل تصرف مني
رجاءآ لتتأسف لان تهيني اكثر والله
سكت بعدها
انطاني الجهاز مالتي
كلي هاج اخاف تحتاجي
لا مااحتاجه ابد رجعه وياك
هذا كلش كافي عليه وزياده
روح لزوجتك عيب منها صارلك يومين عايفها
شتكول ع مود شنو عايفها
ياريت تصحه ع وكتك حيدر
انتبه لنفسك زين وخاف ع زوجتك لا تشك بيك
عافني وطلع بدون نفس
بده يبتعد عني حيدر اكثر من مااني ابتعد
بده يتجاهلني ولا يطلب مني اي شي
حالتي اتحسنت
كلت لخاله اريد اروح لرنا عيب منها
لهسه مرحت حتى اوجبها
كالت حتى اني وفاطمه ورسل وزهراء نريد نروح
اتفقنه باجر نروح
فدوه خاله حاجي حيدر اخاف ميقبل اروح
لا هو ومحمد يرحون ويانه
يردون يسلمون ع الولد زوجها
وكالو ناخذكم لمن زينب تصير زينه
ثاني يوم جهزنه نفسنه بالليل
رحنه سيارتين محمد وحد وحيدر وحد
مروه زوجة حيدر اجتي ويانه
خاله بالصدر واني ومروه والجهال وره
وي محمد رسل وزهراء وفاطمه
محمد يندلهم
وصلنه سلمت ع عمو والولد ودخلت لجوه
ادينه الواجب ورجعنه
بعدلهم اسبوعين ويسافرون
حتى محمد وزوجته
ماما خطيه بس تبجي عليها
وهي كذلك بس تبجي
اجه موعد سفر محمد ورسل
قبل مصطفى ورنا
اجني البنات ساره وبنين وفاطمه بقن يمنه يباتن
سويت الهم كليجه كميه جبيره والكل اتعاونت وياي
كالوا تفيدنه
موعد السفر ب 3 بالليل يطلعون من يمنه لمطار بغداد
كملوا تجهيزات واجوي يمنه
الكل متجمع حتى اني نزلت يمهم
كال امير خل نلعب محيبس الوداعيه
حتى يتذكرنه بيها محمد
الكل ايد هاي الفكره
انقسمو مجموعتين
محمد ورسل وامير وزهراء وبنين وخاله
حيدر ومروه وفاطمه ورسل وعمو احتاجو بعد واحد
طلبوا مني اني العب وياهم رفضت كتلهم راسي يوجعني مااكدر
اتججت براسي لان مالي واهس لكلشي
بقوا حايرين بالشخص
كتلهم نور جبيره وتفتهم خلوها
كالو اوك
قبل ليبدون اجتي نور كالت خلي جهازي يمج
الموبايل مالتها انطاهيا ابوها لان الايباد مالتها كاسره
بدوا يلعبون واني اراقبهم
اتمنيت العب وياهم وافرح
بس اخاف ادري بنفسي الفرح ميوالمني
بس افرح تطلع من عيني
بعدين خلو المحبس بيد نور
مندمجين ويلعبون
محمد كل لنور راويني اديج
جان تكول نور عفيه عمو المحبس مو عندي ابد لتفتشني
روح شوفه عند بابا لو عند عمه فاطمه
ومتقبل تشوفه اديها
كللها اله اشوف اديج
والله ازعل روح لبابا
الكل ضحك عرفوها عدها
اني صدك ضحكت ع برائتها
ويمكن اول مره اضحك بهذا البيت نسيت الضحك
حيدر كللها لج ملعونه خسرتينه
ليش هيج سويتي
اني مسويت شي بس مااريد احد يفتشني
من نلعب اني وماما زينب متفتشني وافوز عليها
كمت اضحك كتلها لج نور
اني وياج وحد وهسه وحد
كال محمد اذآ مابيها صوج هاي انت معلمتها
ضحكت كتله والله انقهر عليها ابد مااخليها تخسر
كله تفوز عليه
اجه اشعار ع جهاز نور
عفته ماعليه بي
اشرلي حيدر افتحه
فتحته وجان داز حيدر فيديو انت هم جنج ضحكتج حيل حلوه 👇
حيدر : رجعت زينب لاهلها ورجعت اني للبيت
مروه تختلف عن حنان
ابد متدخل ولا تلح عليه بالسؤال
رادت تسوي ريوك كتلها متريك
بدلت ورحت للدوام بس اني منطيهم علم راح اتاخر
داومت ورجعت
صبت الغده
بعدها نمت ماكعدت غير للمغرب
كلتلي ضايجه ماتكدر نطلع نتعشه بره
ردت ارفض بعدين كلت خل نطلع بلكي نفسيتي تتغير لان حيل ضايج
رحنه للمطعم اتعشينه وبعدها وكلتها موطا
ورجعنه جانت فرحانه
بعدها نمنه
خابرني محمد كال اكلك زينب متخربطه تروح وياي
كلت لمروه راح اروح ابقه هناك
معترضت ابد
رحنه وجانت حيل حرارتها مرتفعه
امي راحت ويانه
اخذ علاج محمد وضربها
بعدها راحو بقيت اني يمها
نمت وياها
اكو مسافه قليله تبعدنه
بس الحقيقه احسها المسافه البيني وبينها بكد السما والكاع
ثاني يوم حسيتها نايمه بحضني ومحاوطتني بثنين اديها
حاولت ابتعد عنها لان لازم انزل يم اهلها عيب
ابوها اتصل بيه 3 مرات حتى يطمان عليها
بس اشو هاي رجعت حضنتني
اني حيل فرحت الصراحه ادري بيها متدري بنفسها
عفيه حبيبي لتعوفني وتروح لمروه
الصراحه حيل اتاذيت من سمعتها
خطيه يمكن اكثر شي اذيتها بيها زواجي من مروه
استغربت موقفها
معقوله عندج مشاعر اتجاهي
يمكن حتلو عندج مشاعر ولو احتمال صغير اني بنفسي قتلت هاي المشاعر
كعدت وبانت عليها الصدمه
جانت خجلانه مني
بعدها ردتها تروح وياي احسن حتى عيني عليها
هنا تنسى علاجها
بس مقبلت
اصريت عليها ورحنه
انصدمت باهل مروه جاين
ماعندي علم بيهم
سلمت عليهم
وبقيت احجي عليها ليش مخبرتيني
كالت والله فاجئوني ماادري بيهم
ومن عرفوا زينب مريضه كلولي لتخابرينه
لكيت مسويه غده الهم ومتغدين ومكملين
التهيت وياهم عيب منهم
طلبت من زينب تنام وترتاح
اني لهيتهم الجهال كلت خطيه مريضه
مصحلي مجال اصعد يمها
زهراء ماهيه يم اهلها
دزيت رسل تشوفها وتطمان عليها
كالت نايمه
رحت اتسوكت وطلبت من مروه تجهز الاكل
بنتها وياها وحيل فرحانه وتلعب وي نظوري ونور
كتلها خليها هنا خطيه ماعندي مانع
كالت لا متعوده ع امي
ع راحتج
اذن صليت وكملت
جان تخابرني زينب
طلبت مني اجي
حيل خفت ورحت بسرعه صعدت
لكيتها ترجف
غطيتها وخابرت محمد
جبت الها دوه وانطاهيا
كملت وهم رجعت نامت
اجتي زهراء وطلبت منها تاخذ الشوربه
مروه سوتها الها
صارت ب 1 وهم خابرتني
كلت خلي ارجع الجهاز
اني متاكد متاخذه
بس كلت احاول
صعدنه اني ومحمد
هم يسولفون واني بغير عالم
صافن ع الغرفه
اني ليش هيج سويت
ياربي امنيتي بس تسامحني
والله مستعد مااتقرب عليها ولا يوم
اهم شي تسامحني
تانيب الضمير دمار
كتلها اذا صرتي زينه نروح اشتريلج غرفه جديده
مقبلت
ولاقبلت تاخذ الجهاز
قررت ابتعد نهائي
وفعلا بديت اتجاهلها مو قصدي شي
بس جان هدفي اخليها تعيش بسلام
مااحب ااذيها
تقريبا اكلي ابيتي
وحياتي وي مروه عاديه
لا ماذيها ولا ماذيتني
بنيه حبابه وخلوقه ومبيها اي لوله
فقط غرورها طاغي عليها
ومسالت بنتها متريد تبقيها يمها مدوختني
هاي زينب دمرت حياتها في سبيل ابنها
ابد مصارت مشاكل ويانه
مااعرف اني الي تغيرت لو هي الي عرفت شلون تخليني هاءئ
تفكيري وعقلي وكلبي كله يم زينب
كلت لامي لازم نروح لبيت عمها
الولد مصطفى حباب وخلوق وصديق محمد
اتفقنه نروح كلنه
فعلا ادينه الواجب ورجعنه
بده العد التنازلي لمحمد حتى يسافر
خطيه حيل ضايج ويكول الغربه متنحمل ابد
قررت ابتعد عن زينب افضل الي والها
اجني البنات والتهن بالتحضيرات ع مود محمد
سوون كليجه اني كاعد وصافن اتذكرت من سوتلي كليجه من رحت للتاجي
اتذكرت كلشي
كلت هسه شصار لو متنازل الها شويه وموافق ادوام
يمكن مصار الي صار
بس دمرتها بكبريائي ودمرتني بعنادها
بليلة سفر محمد اتجمعنه كلنه
الكل كاعد ويسولف اله هي
احسها عايشه بعالمها الخاص
عالم كله حزن وتضحيه
جنت متمني اشوفها بيوم تضحك او فرحانه
دائما حزينه واكيد بسببي
ردنه نلعب محيبس بس هي مثل كل مره رفضت الاختلاط ويانه
دزيت جهاز نور كتلها خلي يم ماما
كلت بلكي اراسلها واحجي وياها
بقت ع جها واكتفت بالنظر فقط
اني بالي وتركيزي كله عليها
نور جفصت جفصه والكل كام يضحك عليها
وجان اشوف زينب تضحك ومن كل كلبها
شعوري مستحيل اوصفه
اول اشوفها تضحك
مااعرف اكول فرحت لان ضحكت وجانت امنيتي هاي اللحضه
لو احزن لان اني السبب الي سرقت منها الضحكه
اجت ع بالي اغنية تيسير السفير انت هم جنج ضحكتج
دزيته الها
مافتحته ابد اشرتلها افتحي
شفتها فتحته بس سمعت النغمه بالبدايه وقفته
دزيتلها كل كلمه بهاي الاغنيه اعنيها
انت من صدك تاخذين العقل وانت تضحكين
قرتها ودارت وجها
حسيت الخجل طاغي عليها
دزيتله مره لخ
الخجل افضل مساحيق التجميل عند الانثى
مقرتها وعافت الجهاز ع صفحه
بعدها اجه موعد الوداع
اني وامير رحنه وياهم لمطار بغداد
اخوها لرسل وابوها وامها هم راحوا ويانه
ودعناهم و رجعنه
حياتي صارت بلا معنى
التغير الوحيد الي بحياتي
اتقربت لرب العالمين وكمت استغفر
بديت اقره قران دائما احس كلبي ينفتح
بعد ابد مااسهر لو اموت ولا اشرب
بعد اسبوع من سفر محمد
دزتلي رساله زينب
اريد اروح يم اهلي
لان رنا عند اهلي اليوم نريد نودعها حتى تسافر
جهزي نفسج ويله خل اخذج
وره فتره اجتي نور كالت بابا كملنه
بدلت وطلعت
فاجأتني كعدت يمي
حسيت بفرح مو طبيعي
هم تردون موطا
نور ونظوري اي بابا
اخذتلهم وحتى الها وكفتهم ع جها لمن خلصوا
هي اكلتها همين
وصلنه ولكيت رنا ومصطفى هناك
دخلت وياهم جلبو بيه للعشه
بقيت وكلت خليها تبقى تبات
اتعشينه وخلصت فتحت موضوع جامعة زينب
كتله لمصطفى وين لازم ادفع القصد مالت الجامعه
الكل تفاجئ بيه
راد يفهمني مصطفى وجان تطفر
لا مااداوم مااكدر
هسه انت اكو احد طلب راييج
اسكتي احسن الج
ابوها كال الله يرضه عليك ابني
خطيه حرامات تترك دراستها
لا عمي ليش تترك الدراسه
اني من البدايه ماعندي مانع تكمل دراستها
بس هيه عاندتني وخلتها شغلة تحدي
واني اضوج من العناد
وداعت نظوري لو كايلتلي لا اطلكني واني مااريد ادوام
والله العظيم جان بيدي مقدملها بس هي عاندت
هي سكتت
اني ماعندي مانع تنزع البوشيه وهم راح اشتريلها سياره
بس من هسه اكلك عمي اذا شفت علي يجيها للجامعه ادفنه عدل والله
لا عمي شعنده يجيها غير العب جوله
بس ياعمي هاي سيارتها وباسمها ماكو داعي تشتريلها
هاي السياره مو الها فلوسها الي دفعتهن تحسبهن بمكان القصد
مااقبل والله
بس ياعمي كاعد تهيني
لتنسه هاي بنتي ومن حقي اصرف عليها
لا عمي اعذرني بهاي السالفه اني مسؤل عنها
هي من حقك تصرف عليها لو كانت ممتزوجه
اقبل اخذ السياره بشرط
ارجعلك القصد الي دفعته
كال يابه والله ماكو فرق بيناتنه
والله ياعمي اعرف بس اني مسؤل عليها لان هي زوجتي
كال يابه هاي هي خل تاخذها السياره لان من حقها هي
هي صافنه منطقت ولا بحرف
كتلهم بقت بس مشكله اتمنى تحلوها اليه
كالوا احجي
كتلهم بس اعذروني اجيب شغله من السياره وارجع
رحت جبت جهاز ايفون اشتريته الها
وكلت لازم احاول تاخذه
اني متاكده مراح تاخذه مني اله اخلي اهلها يتدخلون
رجعت الكل يباوع عليه
كتلهم اني كدامك عمي اعترف خطأت بحق زينب وشكيت بيها عدها علاقه هي وعلي
طفر مصطفى كال والله ماعدها شي اني شاهد شكم مره شكتلي منه
كتله اي اعرف بس بوقتها دزلي محادثه اله هو وزينب
واني اتخبلت رحت ثاني يوم للجامعه ردت احجي وياها
لكيتهم سويه وبعدين طلبت الطلاك
كلت اذآ الحجي صحيح
عصبت وطلكتها لزينب
بس من رجعتها ع حساب الجهال شرطت عليها
اتبطل وتنطيني الجهاز
هم بقوا صافنين
بعدين عرفت اخت علي ماخذه جهاز زينب ودازه رسائل بوحدها
اني حقي هيج اتصرفت بوقتها
كل هذاواحنه ماعدنه علم
ليش هيج بابا زينب
ليش ماصارحتينه جان حلينه الموضوع
وهذا علي هو واخته اني اعرف شاسويلهم
هي اكتفت بالسكوت
كال ابوها عمي بس انت غلطان المفروض تسالها وتتاكد
مستحيل زينب تسويها اذا هي شكد حاولنه وياها تطلب الطلاك منك رفضت
واجه خطبها علي وهم رفضت
بس اني جنت بوقتها لااشوف ولا اسمع
اتخبلت من عرفت زينب راح اخسرها
وحرت شاسوي
راويتهم المحادثه اتخبل ابوها ومصطفى
بقوا يسبون بعلي كالو احنه نتصرف ويا
اخذته للجهاز وهسه امنيتي تسامحني كدامكم
وتاخذ هذا الجهاز لان ميجوز تبقى بلا جهاز
كالت بس اني بعد مااريد لا اكمل دراسه ولا اريد جهاز
كالت امها زنوبه ماما
لتحطمين حلمج بايدج
زوجج نادم وجاي يعتذر امامنه لتخلين الشيطان يلعب بعقلج
كملي لخاطرنا اذا عدنه خاطر عنج
كال عمي اكيد لهذا السبب رحت اتزوجت مره لخ
دنكت مااعرف شاجاوب
كلي يعني شلون كلما تصير مشكله بينك وبينها
تروح تهينها وتتزوج عليها
ابني اكو حكمه تكول
اربع تقتل الانثى رحيل والديها وتفضيل امرأه عليها وانعدام مستقبلها وان تخدع من شخص احبته
وانت يمكن ذابحها من الوريد للوريد وهي ساكته
التفت عليها
بابا ليش متسولفينه
ليش متحجين لامج
ليش تكتمين بصدرج
هي منطقت ولا بحرف
كال والله ياابني من اتزوجت ع بنتي اول مره قبلت
وجانت ع اعصابي اكدر اجيبها واخليها تطلب الطلاك
بس كلت احتمال بنتي مقصره ويا
وحرام عليه ادمر عائله وانت رابطكم طفل
بس هالمره الثانيه الي تكسر بيها بنتي
اكيد الخلل مو بيها
بس من هسه اكلك ياابني بدون زعل
اذا عرفت زنوبه متضايقه لو ممرتاحه وياك
هالمره اني الي اوكل محامي واخليها تطلب الطلاك منك
لان ميصير من اقل مشكله تتزوج
ميصير هيج التهور
التفت ع زينب
زنوبه بابا اذا مرتاحه وي زوجج وتكولين ماعندي اشكال بزواجه
من هسه اكولج اخذي الجهاز وارجعي داومي والله يسعدكم
بس اذا ممرتاحه كولي يابه ولتخافين
ابنج يبقى وياج
كالت لا بابا والله ماعندي شي ويا
ومرتاحه ومعندي مشكله
وحتى زواجه ممأثر عليه والله
اني بقيت صافن
هاي شكاعد تحجي اجتها الفرصه المفروض تطلب الطلاك
كللها ابوها لعد من هاي اللحضه تقبلين اعتذار حيدر وتاخذين الجهاز والسياره
وبس يبدي الدوام اداومين وتسكتين واذا رفضتي
اني راح اتصرف غير تصرف
هي منطقت ولا بحرف
حيل افرحت الحمد لله
اشرتلها تعالي اخذي للجهاز
اجتي اخذته كتلها تعاي اكعدي يمي اعلمج بي
اعرفله واني ع كيفي افتحه
بعدها مصطفى كال لرنا راح اروح وباجر امر العصر اخذج
كتله اني هم اروح وياك
كالت اصبر بعدني ممجهزه نفسي
ابقي هنا شعندج رايحه وياي
سكتت
رنا كلتلها لج اشو صايره مدري شلونج
اختج تريد تسافر ويجوز سنه لو تشوفيها لو لا
وانت ولا كانو
تردين ترحين
كالت لج والله نسيت انت تردين تسافرين
رجعت للبيت
كالت مروه تكدر توديني لاهلي ابقى شكم يوم
يوم الجمعه جهزي نفسج
فرحت كالت شكرا
العفو
نمت وكعدت ثاني يوم عندي دوام
بالليل صارلي مجال
دخلت ع الفايبر لكيتها ممتصله
اتصلت بيها ع الخط
رفعت خط
ليش ماخليتي الخط بالجهاز الجديد
لمن ارجع للبيت
شمعنى
هيج بس هسه اني لان يم اهلي
اي وينن المشكله
من ارجع انت عود خلي بيدك
زينب
ساكته
اسف ع كلشي سويته بيج
والنبي ابد مجان قصدي
كالت صارلي 4 سنوات يوميه اتاذه اذيه شكل
ادري بيك اتاذيني مو بقصدك
وتتزوج عليه مو بقصدك
وتضربني مو بقصدك
كلشي الي يصير مو بقصدك تعرف لويش
لان اني غبيه وكلبي مابي حظ
خلاني اتعلق بنظوري ونور
لو ماهمه والله ماابقى وياك ثانيه وحده
لهذا السبب عرفت نقطة ضعفي
وكلت عادي شاسوي متحجي
لان لازمني من ايدي التوجعني
وتعرف نقطة ضعفي
يابه وربج مو هذا قصدي
ولا اريد الزم عليج نقطة ضعف
بس انت دائما مدافعين عن نفسج وتختارين ابسط الطرق
الله انطانه لسان حتى ندافع عن نفسنه
نشرح للمقابل مو نسكت ونرضى بكلشي
معناها انت انسانه ضعيفه مو قويه
انت الي كاعد تخلين نفسج بهيج مواقف
والله والقران والانجيل والتواراة احبج واعشقج واقدس التراب الي ادوسين عليه
نقطة ضعفي انت
حلم حياتي انت
ام اطفالي انت
بالنسبه الي دائما اشبهج بنجمه بعيده
صحيح مقابيلنه كل ليله ونشوفها قريبه
بس مستحيل نكدر نوصللها
لان الحقيقه بعيده كل البعد عنه
اني مااريد شي منج والله بس السماح
تدرين شكد عانيت ابعدج عني وشكاعد اعاني هسه
والله كاعد اتعذب عذاب محد يحس بي
مااعرف شاسوي حتى تسامحيني
بس انت دمرتني دمار شلون يعني اسامحك
انطيتك فرصه وسامحتك بس انت مااستغليتها الفرصه
خليتني مضحك كدام الناس
يوميه ومتزوج عليه
خليتني حتى اشك بنفسي
معقوله اني بيه الخلل ومن ورايه يوميه متزوج
انت تعرف زواجك بحنان مااهتميت ابد لان ماجنت تعنيلي شي
بس هذا زواجك احسك ذبحتني من الوريد للوريد
وحسيتك دست كرامتي ب 👞
خليتني امشي وراسي بالكاع
الكل يسمعني حجي
خطيه بعدهي صغيره وحلوه وهاملها رجلها
والبعض يكول اكيد ممرتاح وياها ويوميه عايفها ومتزوج
واكثر شي جرحني من يكولون مايعترف بيها ك زوجه
مخليها خدامه ومربيه بس
شنو التتوقعه مني من اسمع هيج
تحجي وتبجي
اذا انت كاعد تتعذب هسه لان ضلمتني اني اكولك
اموت بالدقيقه 100 موته وارجع للحياة ع مود جهالي وبس
هواي هنتني وهواي ظلمتني
دمرت الانسانه الي بداخلي وخليتني بقايا انسان بس
اتمنى ماتطلب السماح مني
لان جروحي بعدهن ينزفن دم
راح اطيبهن الج وعد مني بس انطيني فرصه
اني الله كاتبلي شلاع الكلب مستحيل يجي يوم وارتاح
انت مستحيل تتغير انت تبقى هيج
كل ما تضوج تروح تشرب
وكل ما يعجبك ادور نسوان وتنام وياهن
وكل ما يعجبك تغثني تروح تزوج عليه
انت هذا طبعك ومستحيل تغيره
يابه والله توبه وهالمره من صدك
اواعدج وعد شرف مااشرب ابد ولا المس اي وحده بالحرام
ولا اغثج بيوم واي شي اطلبينه مني انفذه الج
وانت جربتي وعدي الج قبل
واعدج مااجبرج ع شي ولااتقربلج
ودست ع روحي ونفذتهن الج
ماتدرين شجنت اعاني من انيمج بحضني
وانت مانعتني اتقربلج بس كلت ميخالف واعدتج ولازم انفذ وعدي الج
وهسه هم اكيد انفذه الج وعدي بس سامحيني فدوه
اجذب عليك اذا اكلك راح اكدر اسامح
هالمره اذيتك للعضم والله
اني من اشوفك وي وحده ثانيه ماتعرف شيصير بيه
انته فضلت حنان عليه وهسه فضلت مروه همين
شلون تريدني اسامحك
تدري ليش رفضت الطلاك هالمره
لان ماينطيني كلبي اعوف نور لان حبيتها
اني مااجذب عليج واكلج مروه راح اطلكها تعرفين ليش
لان ابد ممقصره ويايه ولليوم معصبتني
حرام عليه اكسرها بدون ذنب
مااكدر اتحمل خطيتها
بس وعد مني اعدل بيناتجن
بس اني مااكدر اتحمل وحده ثانيه تكون منافسه اليه
وبنفس الوقت مااريدك اطلكها بدون سبب لان اذا طلكتها اكيد راح تصغر بعيني
الافضل النه اثنينه نبقى هيج ع حالنا
انت عيش حياتك
واني همين اعيش حياتي
بس حياتي بدونج عدم والله
اتذكر مساوئي كلهن واكرهني
لج يامساوئ هو انت كلج جوهره ثمينه
بس مع الاسف ماوكعتي بايد الي يثمنج زين
سكتت
بعدين كالت اريد اروح اصلي
يله روحي وامانه عليج فكري بالكلام الكلتلج بي
طبكته منها واني عيني ع السما
كتله ياربي والله اني مستحي منك
اني ذنوبي مغطيني من راسي لرجليه
بس ادري بيك انت مسامح كريم
اتمنى تسامحني وتغفر الي
رحت اتوضيت وجبت سجادتي للحديقه
الجو جان حلو نص شهر التاسع
كعدت اصلي وادعي
كتله ياربي حاب امد ايدي واطلب منك
مااريدك تفشلني ابد
اريد تحنن كلب زينب عليه
ادري بيها معجزه زينب تسامحني
بس مو معجزه عندك ياربي
تكدر انت تحقق المعجزات
الي امل بيك ياربي اريد زينب كون تحبني وتتعلق بيه
اريدها هي الي تسامحني من ذاتها
بقيت ادعي لحد مااذن الفجر صليت ودخلت لبيتي
اباوع لمروه واكول اني هم ضلمتج وياي
استعجلت بزواجي منج
اني انسان فاشل دائما التجئ الى ابسط الحلول
نمت وثاني يوم كعدت متاخر
لليل خابرت زينب
كتلها اجيكم لو تباتين
كالت ياريت ابات حابه ابقى يم ماما خطيه بس تبجي
لعد ابقوا بس راح امر عليكم اخذ نظوري ونور اوكلهم موطا
ع راحتك
وصلت الهم ودخلت لكيت اهلها مو بالبيت
يم بيت عمها يودعون رنا
كلهم ماهمه
سالتها ع نور ونظوري كالت اخذوهم وياهم
كالوا منتاخر هسه يجون
سالتها ع الجهاز كالت خليت خطي بي
فرحت حيل
كتلها تجين باجر انت بالسياره
لعد والبوشيه
انزعيها خل تولي
وتعالي انت والجهال بالسياره
بس اهم شي تنتبهين زين مو ادعميهم
لا والله اسوق زين اصلا حتى طرق خارجيه مستعده اطلع بيها
هاي هي لعد بس تعالو من وكت مو لليل
ان شاء الله
شفت الفرحه بعيونها واضحه
انت متاكد من قرارك لو لا
ليش عندج شك اني اجذب عليج
مو ممصدكه والله اخاف تقشمرني يوم يومين وترجعني لطبيعتي
لا امني مستحيل اتراجع عن قراري
كتلها هاي الفلوس تنطيهن لابوج بمكان القصد مالت الجامعه السنه الراحت
اخذتهن وكالت خل يجي وانطيهن اله
ليش مارحتي وياهم
كلت اخاف متقبل
جان كلفتي نفسج وخابرتيني واخذتي رايي
تصدكين مرات احسج خشمج يابس ومغروره
متحبين تتنازلين ابد
سكتت
جيبيلي مي عطشان
ها العفو نسيت هسه اجيبلك
راحت جابتلي مي وعصير
اشو ملابسه حجاب شعجب
ها مترهم هنا اخاف اهلي يجون فجأه
بس ماكو داعي تلبسينه كدامي
اشو حافظج حفظ
يمكن تفاصيلج كلهن حافظهن اكثر ماحافظ اسمي
تدرين نقطة ضعفي شعرج
اموت عليه يخبل
سكتت
وينه الجهاز
هذا
تعالي اكعدي يمي خل اشوفج تعرفيله لو لا
اجتي بصفي كعدت
وجودها يمي يوترني ويخليني مااعرف احجي بعد
والمشكله بوحدنه وماتفصلنه بس مسافه صغيره
بس احس هاي المسافه ابعد السما عن الكاع
العطر مالتها احسه تغلغل باعماقي
دوخني قربها
كلبت بي وفعلا تعرفله زين
حابه ابدلج السياره بسياره عاليه
لا ماكو داعي خليني ع هاي عاجبتني
زين نور ونظوري شلون بيهم وين يبقون من اداومين
صدك ردت اخذ رايك
اكو مدرسه اهليه هنا وبنفس الوقت وياها روضه
ليش
حتى ننقل نور الها ماامن اخليها بنفس مدرسة حنان
كلت ننقلها ونسجل نظوري بالروضه
يوميه اني اخذهم بيدي
والرجعه يرجعون وي الخط لهنا لبيت اهلي
ماما كالت ابقيهم يمي
ومن ارجع اني امر اجيبهم وارجع للبيت
هاي هي لعد راح اسال واشوف
مارحتي بدلتي خل نروح نودع رنا ومصطفى
ونرجع الجهال ويانه نوكلهم موطا
شفتها فرحت باللحضه كامت كالت راح ابدل واجي
حيل فرحت
لحضات واجتي كالت يله
لابسه عبايه
خل اشوفج شلابسه
وخرت العبايه جان لبسها حلو
لبست البوشيه
رادت تطلع سحبتها الي
نزعتها البوشيه بيدي
بقت صافنه
كتلها من هاي اللحضه ودعيها للبوشيه وللابد
بقت صافنه بوجهي
متاكد مراح تغير رايك
هاي ثاني مره تهينيني
يعني شنو اني مو رجال كدامج
لتخافين حجايتي وحدهً متصير اثنين
لا اسفه مو هذا قصدي
لعد شنو قصدج
سكتت
احس روحي ذبت بعد مااسيطر ع نفسي
جنت مركز ع شفايفها وهي تحجي
قاطعتها وبستها
حسيت بيها ذايبه بين اديه
ابد مقاومتني
صحيح مستجابت وياي
بس جانت هادئه بشكل
بقيت لمن حسيت نفسنه انقطع اثنيناتنه
بعدتني عنها
تدرين مشتاقلج موت والله
منطقت ولا حرف
كالت خلي اعدل حجابي واغسل
سحبتها الي
شوكت تحنين عليه وتسامحيني
كالت خل يطيبن جروحي وعود الله كريم
يعني بيها امل تسامحيني
الله كريم بس صير عاقل وبعد لتبوسيني هيج وتفاجئني
لج قابل شمسويلج هسه هي بوسه وشالعه كلبي بيها
عافتني وراحت عدلت حجابها
ورحنه خابرناهم بالطريق كالو بعدنه
احس مالك الدنيه كلها وهي ويايه صاعده
مااجذب عليكم واكلكم مرتاح لان نزعت البوشيه
بالعكس عيني ع الناس واشوف منو اليباوع عليها ومنو لا
بس جنت متوهم الناس متباوع ع الشريفه
عينها بس ع الي متحترم نفسها
وصلنه ولكينه يمهم سيارات
دكينه الباب ودخلونه
زينب دخلها مصطفى يم النسوان جوه
واني دخلت للاستقبال
وجان انصدم بالغثه علي كبالي
اتخبلت هسه لوين اجيت وجبتها
لو باقين هناك بس اني وياها جان شبعت منها مو احسلي من هاي المغثه
الكل سالني عن ابويه وعن شغلي وجاوبتهم
بس حسيت بنفسي متوتر وجود علي كبالي خبلني
مجرد مااذكره مخلي عينه ع زنوبه اتخبل
جابولي مي وجاي
لحضات وجان يكوم علي ويدخل جوه
اني عقلي وكف
اكيد يريد يدخل ع مودها ويريد يغثني
كلت لمصطفى عفيه صيحلي زينب والجهال حتى نروح
الكل كام يحجي شنو السالفه بعد وكت هستوكم اجيتو
مو مااكدر اتاخر عندي شغل
راح مصطفى ورجع
جان يكول تكول زينب هسه فد شويه انتظر
اتخبلت دزيتلها رساله
زينب لحضات والكيج كبالي انت والجهال
جان تكول .......
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: