قصة حب في ازقة بغداد الجزء 13-14-15 في 10:21 م مرسلة بواسطة أحمد التكريتي

#حب_في_ازقة_بغداد 

#للكاتبة ام مصطفى 

#البارت الثالث عشر

ساره..بعد موت احمد الله يرحمه بقيت قلقه على رنا..كل مااتصل بيها هبه جاوبني تكول متكدر تتكلم النهار والليل نايمه حتى جامعتها تركتها ...الله يكون بعونج رنا ويخفف عنج يارب..

وضعي ويه ثائر نفس الشي يطلع الصبح يجي بليل يسبح وينام اي موظوع مشترك بيناتنا لايوجد حتى اغراض البيت اني اروح اشتريهن من السوبر ماركت الي امام العماره بيها ناس عراقين ومن اروح اتبضع احس بااريحيه شويه السكان الي بالعماره مااعرف اي شخص منهم لان مااطلع الا للضروره ابيوم كان الجو عاصف ورياح انقطعت الكهرباء عن المنطقه والبنايه الساكنه بيها الشقه صارت ظلمه حيل وبارده كنت بغرفتي الصغيره اصلي. اقراء قران حسيت بخوف وحدي بالشقه بارده زاحمتني الذكريات وتذكرت رناوي وحفله الخطوبه مالتها لااعتراض على اراده الله نمت على سجاده الصلاه محسيت الا الصبح كانت الكهرباء موجوده طلعت من الغرفه كل ظني ثائر نايم بغرفته بس مكان موجود كلت احتمال طالع من الصبح قبل لااكعد بس شفت ملابس مالته نفس مكانهن والفراش مرتب يعني بايت بره البيت احسن..خلي ينام بره هي ظلت على هاي ...سويت فطور الي وكوب الشاي بعده بيدي فتحت الشباك الي يطل على الشارع الامامي شفت لافته مكتوب بيها تبرعات لااقامه مجالس حسينيه فرحت حيل واخذت من الفلوس الي امي دزها الي بين فتره والثانيه ونزلت بسرعه وصلت للطابق الاول شفت اثنين واكفين الولد منطيني ظهره والبنيه حاظنته وتدلع عليه وهو لازمها من خصرها الى ان دار جسمه شفته ثائر البنيه كانت لابسه لبس فاضح وهو حالته حال القميص مفتوح على النص وشعره مخربط ظلت البنيه تباوع عليه من فوك الى جوه  عفتهم وواصلت طريقي خليت الفلوس بالصندوق وظليت ادعي الامي بالصحه والسلامه وال رنا وهباوي حتى نسبت ادعي ال روحي ..ظليت واكفه شويه اشتم هوا ورجعت للشقه شفت ثائر كاعد بالصاله سألني وين رحت وشلون طلعين بدون علمي وليش رحتي للسوبر ماركت ووووو..هوايه اسئله جاوبتهم بالصمت ولاكلمه نطقت بس عيوني بعيونه الا ان دخلت الغرفتي وقفلت الباب عليه ضل يدك بالباب ويصيح  يسب ويغلط مفتحته بعدين سمعت باب الشقه انغلق حيل عرفت بي طلع..

عدت ايام مااريد اباوع بوجه بالرغم اعرف بي يخوني بس صعبه اشوف بعيوني واضل ساكته المن احجي والمن اشتكي فوضت امري لله عز وجل يفرج عني ...الشكوى لغير الله مذله ..بيوم طلعت للسوبر ماركت اسوك للبيت اخذت عربانه حتى اخلي بيها الاشياء الاحتاجها ضليت اشوف المعلبات الموجوده واكلب بيهن محسيت غير بنيه جميله لبسها مثير لابسه بنطلون جلد وبدي وبطنها نصها طالعه وخاله سلسله حول خصرها ومكياجها الاوفر عرفتها هي نفسها الي بالطابق الاول عشقه زوجي حاولت اتحاشها .سدت عليه الطريق بالعربه مالتها وسلمت عليه بطريقه مستفزه وعرفتها من كلامها مو عراقيه يمكن سوريه لبنانيه ..كالت..

كيفوا حبيبي تائر..بدي منك تهتمي في كتير ..

جاوبتها..كتلها ثائر باافضل حال حيل مرتاح بحياته  وياج عكس حياته ويايه..ابتسمت البنيه..

رجعت كملت كلامي تردين ليش مرتاح لان متوالمين لبعض هو عباره عن نفايات واني الحاويه مالته  من رخصتج لان اذا بقيت اتكلم وياج اتلوث بقذارتج بالرغم ثائر مااحبه بس يبقى شعور الانتصار داخل الزوجه من زوجها الخائن جميل وخاصه اني اتكلمت وياها بمنتهى الهدوء حتى ظلت صافنه بوجهي ..قد.يعشق..المرء..من..لامال..له

ويكره..القلب..من.في..كفه..الذهب

ما..قيمه..الناس.الا.في.مبادئهم..

رجعت للشقه ضليت ارتب بالغراض وانظف وغسلت الملابس،فتحت قران بصوت مسموع بكل ارجاء الشقه سويت معجنات قسم خليتها بالاوفن للعشا وقسم ضميتها بالثلاجه كان عندي دعاء من اني صغيره امي علمتني عليه وجانت تكول اذا ضاقت عليج الدنيا  رددي هذا الدعاء وبعدها تفرج بااذن الله 

يا فارج الهم..وياكاشف الغم ..فرج همي ويسر امري وارحم ضعفي وقلة حيلتي وارزقني من حيث لااحتسب يارب العالمين  اللهم اني اسألك ان تجعل خير عملي اخره

وخير ايامي يوم القاك فيه  انك على كل شي قدير..صار الليل بعدني ممكمله العشا 

 فزيت من فتحه  الباب القويه كان ثائر مبين عصبي وعيونه نار  لزمني من زندي ويعت بي حسيت ايدي انخلعت..سالني..

وين جنتي ..اليوم الصبح..

جنت بالسوبر ماركت اشتري غراض للبيت 

ويامن حجيتي؟؟

هااا.وصلك الكلام ..حجيت ويه عشيقتك...الي سألتني واني جاوبتها ومع الاسف جاوبتها بان هيج ناس يكونون بمنتهى الرذيه وحرامات اتكلم وياهم 

ساره معرفتج لسانج طويل وتغلطين وتجاوزين لج اني ثائر زوجتي تغلط عليه وسب بيه وتخزيني ضربني راجدي حسيت خدي انشال من الالم ظليت اباوع بوجهه احاول ادافع عن نفسي مكدرت ظل يضرب حيل واني مطلع من صوت واحد الى ان ضربني بوكس بوجهي بحيث خشمي وحلكي ينزف دم وذكرت كلام رنا تكول اذا مد ايده عليج اتصلي بالشرطه بس استحيت اسويها مو اخلاقي هاي والناس تتفرج واحتمال اصدقائه يسمعون بالقضيه واصير فرجه الهم اتعوذت من الشيطان ودخلت الغرفتي الصغيره تمددت على السجاده وغفيت من الم راسي وجسمي بعد مده فتحت عيني عيني بالكوه حسبت بروده سرت بجسمي حيل واتمنيت احد يغطني لان احس عظامي ترجف والالم موتني من راسي الى قدمي ..

بعدها شعرت بدفء فتحت عيني لكيت نفسي نايمه بغرفتي على الجربايه ومتغطيه بدون ملابس هاي شنو...بعدني احجي ويه نفسي دخل ثائر..

سراوي كعدتي ..كومي غسلي مليت البانيو مي دافى حتى الم جسمج يخف والحراره تروح لان حرارتج مرتفعه بس معرفت اطلع ملابس الج طلعت برنص البسي وبعدين غيري هدومج اني راح اكمل الغدا

ساره..ظليت صافنه هذا منو؟معقوله هذا ثائر ...بعدني صافنه بوجهه صاح لضلين نايمه انتي مصخنه اسبحي حتى تنخفض الحراره وترتاحين كومي عيني راد يرفعني من الفراش اذكرت اني ملابسه شي طلبت منه يطلع ..كمت من فراشي ودخلت للحمام شفت البانيوا بي مي دافى وشامبوا غسلت جسمي ولبست البرنص وطلعت كل هذا اني مشايفه وجهي الى ان انرعبت بصوره وجهي باالمرايه مال الغرفه عيني جواها ازرك وشفتي مورمه واثار زراك على ركبتي وصدري نزلت البرنص شفت ايدي زركه ضليت صافنه ودموعي تنزل على خدي حسيت ثائر يحظني ووجهه بركبتي ويكول اسف حبيبتي انتفضت منه بسرعه ورفعت البرنص طلبت منه يطلع حتى اغير ملابسي هو ظل صافن كال جسمج يوجعج؟؟

سكتت مجاوبته واني ابجي..وانهاريت بالبجي..سمعته يكول اني اسف والله تعالي جبت الج هذا زيت مال جسم راح ترتاحين عليه ..مقبلت وكتله بس اطلع اريد اغير هدومي..

مقبل كال والله بس ادهن جسمج بالزيت ترتاحين ردت ابعده بس هو بخفه ايده نزع البرنص وضل يدهن بجسمي ظليت ساكته بهل الاثناء ذكرياتي سافرت للعراق واتذكر ابويه الله يرحمه مكان يقبل سعد يمد ايده علينا وخاصه اني يكوله اذا ضربتها تأذيني وفااكثر الاحيان حتى اذا سعد ضاربني من يصيح عليه ابويه امسح دمعتي واروح يمه يضل يمسح على راسي ويلزمني من كتفي يكولي ساره انتي هوايه حنينه لتزعلين من اخوج هو يحبج بس ميعرف يصرف بس والله اذا اتمادى بس كوليلي وشوفي شلون العب بيه لعب ...ظلت دموعي تنزل واني اذكر ابوبه الله يرحمه..تعال يابه وشوف بتك وين ذبها الوكت ..بغربه لااهل لااحباب  زوجي الي هو ابن اخوك هاني وممقدرني ...خدامه صرت اله وزوجه بس بالاسم..اووف يابه لو بس ساعه تكعد واشكيلك  وافرغ ناري الي بصدري ..تعبت يابه  والله تعبت...ثائر كل ظنه ابجي من الالم الي بجسمي ..ميدري بكسرة كلبي اكبر من هذا  الالم.... ظل يدلك بالزيت صدوك احس جسمي رخى والام خف كال البسي وتعالي اتعشي ..لبست ملابسي وطلعت   كان هو بالمطبخ محضر سوب ومقبلات كانت بالثلاجه ومشتري بيتزا وعصائركعدت يمه وعيوني بغير مكان الى ان ايده لامست شفتي ويريد يوكلني درت وجهي عنه  بس ضل لازم راسي والا تاكلين من ايدي مااعوفج اليوم  اذا متكملين هذا الماعون كله .بس اني اكلي قليل مااكدر اكمله كله 

ثائر..مو مشكلتي تخلصين الماعون كله لعد اذا متاكلين هذا الجسم الحلو منين جايبته  يبتسم ويرفع بحاجبه ..

نزلت راسي حسيت بخجل رفع راسي وكال ساره والله اسف اني من اشرب مااحس على روحي بس اني هم زعلان منج سلوت تغلطين عليها كدام هاله تدرين هسه ظل تحجي وتكول زوجتك متحترمك وتغلط عليك ماتوقعت يطلع هذا منج ترى الي بيني وبين هاله مجرد صداقه ليروح بالج بعيد 

ظليت صافنه على كذبه وهو حس عليه ونزل راسه ..

اسمها هاله.؟؟عاشت الاسامي  بس كولي سيده او انسه هاله شنوالكلام الي وصلته الك حتى اعرف احتمال اكو كلام اني محجيته ...كل مابالموظوع شافتني بالسوبرماركت عرفتها ردلت اتجنبها قطعت عليه الطريق وضلت تستفزني بكلامها بس اني رديتها وكتلها........

من وصلت كلمه نفايات اعتذرت منه  هذا الصار بيني وبينها..ظليت صافنه واتذكرت احمد الله يرحمه..احمد شاب اخلاق عاليه متدين صلاه وصوم ومطلعت العيبه منه ابدا وكان زواجه باقي عليه ثلاثه ايام..وبلمح البصر صار جوه التراب ماادري ليش هاي الناس متخلي مخافه الله بين عينها ..معقوله ميخافون من ملك الموت .يارب احسن عاقبتنا ياالله

 نزلت دموعي وقريت اله سوره الفاتحه على روحه وارواح المؤمنين

وللحكاية بقية ام مصطفى

#حب_في_ازقة_بغداد 

#للكاتبة ام مصطفى 

#البارت الرابع عشر..

ثائر صفن عليه وبعدين تكلم ..يعني انتي متكلمتي ويه هاله وكتيلها اني مو بعينج وعندج الاحسن مني وكلام كولش فاضح بحيث هو يحجي واني خجلت وبعده مستمر الى ان رفعت ايدي لشفته حتى سكت لان صرت دم من الخجل والعصبيه كتله ثائر اني ساره بت عمك اذا متعرف اخلاقي ارجع للعراق واسأل عن ساره مو اني الي اتكلم بهاي الطريقه الي صار حجيته الك بالحرف الواحد والله شاهد على كلامي لا زدت بحرف ولا نقصت بحرف ..نزل راسه وكال اعذريني اني معرفت اتصرف وانتي مدافعتي عن نفسج من اجيت اسألج..

ساره..اني عبالي علمود هذا الكلام ماادري واصلك كذب وبهتان هز ايده وضل يوكلني بيده وكلساعه يرن الموبايل وينطي رفض اكثر من مره الى ان غلقه وشمره على القنفه اكتفيت بالاكل وردت اشيل المواعين بس هو مقبل وكال..روحي ارتاحي بالغرفه اني اغسل المواعين بس،بروح عمي الي هو ابوج نامي على الجربايه لان جسمج كله رضوض ميصير تنامين على الكاع 

ثائر...اذا تحبها ال هاله ليش،متزوجها ..مواحسن من علاقه الحرام الي بينكم ..جاوبني وبعده ينكر العلاقه الي بينهم ومصر انها عباره عن صداقه ..

ثائر اني فتحت االمناقشه وياك مو حتى احاسبك؟؟لا بالعكس حتى اذا الي حق بمحاسبتك فااني مااريده بس اخذها مني نصيحه اعتبرني بت عمك او صديقه ولتعتبرني زوجتك طريق الحرام اوله مشقه واخره الجحيم ...الله من خلقك  بوجه حسن وجسم جميل ومابي اي نقص وشكلك حلوه مو حتى تنحرف عن طريق الحق للباطل لا بالعكس شوف هاي ايدك الي تلامس بيها النساء ولسانك الي تعود يتفوه بكلمات غير لائقه ورجلك الي تقودها لااماكن محرمه شرب ونسه وبنات هاي كلها تشهد عليك بيوم القيامه (يوم تشهد عليهم السنتهم وايديهم وارجلهم بما كانوا يعملون)

فاياابن عمي طريق الحق واضح وكله نور حتى اذا متوفقنا فهاي مو نهايه العالم وياريت تفكر بكلامي

ثائر..ماانكر اني من ردت ازوجج ردت بنيه خام  متعرف شي لان بصراحه ماعندي ثقه بالنسوان وهاي هاله ترى عاقد عليها بيني وبينها كلت من ازوج اعوفها لااحبها ولا احترمها  تبقى مساله الشرب مااكدر اتركه تركته فتره ورجعت علي وانتي كنتي  سبب من الااسباب الي رجعت بي ال هاله  احسج بارده ويايه حيل محسيت بيج تحبيني ورايدتني دائما ساكته لا سألين وين رايح منين جاي ..

ساره ..ثائر هذا طلبك من البدايه متريد احد يدخل بطلعاتك ومحد يسال وثانيا شنو هذا العقد بينك وبين هاله..وين امو هيج كلام فالنفرض صار طفل شنو راح يكون مصيره اكيد لو ينشمر بالشارع لو تجهضه وهذا حرام بذاته زين انت تقبل عليه واني بت عمك اذا لاسمح الله طلكت منك تقبل ازوج بالسر مثل هذا العقد؟؟

اكيد متقبل ..فاالنفرض اخت صديقك محمد ارمله مزوجه بالسر وبطريقه الصدفه انت عرفت شنو موقفك راح يكون منها وهي اخت صاحبك اكيد مراح تقبل لان غيرتك متسمح بهل الشي وراح تمنع اهل بيتك منها وممنوع تكون الها  علاقه بيهم.. .وتنزل من عينك ..فياابن عمي هاي البنات هم عدهن الي ميقبل على زواجهن بهذا الشكل زواج المنقطع اله اسبابه وشروطه مو الرجال بحظنه زوجته ويروح يزوج منقطع ...لاسمح الله اذا طلع بيها مرض وعدتك مو راح تخسر صحتك ..كملت كلامي وكتله الله يهديك ..طول الوقت واني احجي ويا هو صافن عليه وكأنما اول مره يسمع مثل هذا الكلام..تركته ودخلت الغرفتي ..بعد كلامي ويا حسيت اكو تغير بس موهوايه يعني يرن موبايله اكثر من مره مرات اشوف اسم المتصل هاله ميجاوبها يغير ملابسه ويطلع افتح الشباك اشوفه يركب سيارته ويطلع ...هو يلتقي بيها بالشقه بس مااعرف اذا تغير المكان او فعلا بدا..يتجنبها..

رنا..مااكدر انام مجرد مغمضه عيوني وبفراشي ..اخاف انام تجيني كوابيس سعد واعمامي يذبحوني افز مثل المخبله واقرا ايات قرانيه وارجع اتمدد  اتسال شنو مصيري راح يكون الي صار بيني وبين احمد بحدود الشرع بس منو الي راح يصدك وحقهم اذا مصدكوا الناس الها الظاهر اووف يااحمد شسويت بيه ليش..مواني رنا حبيبتك جنت تخاف تلزم ايدي صخمت وجهي بلحظه ضعف منك المن التجأوالمن اكول دخلت هبه بغرفتي تبدل ملابسها وتحجي ويه امي الي كانت بالمطبخ وهي تصيح ماما اليوم ١٧ بالشهر سمعتها فزيت شنو ١٧ ..لعد الدوره وينها ليش مااجتي بموعدها ..عزا..بعينج رنا صخام بوجههج رنا شراح اسوي ضليت افتر بالغرفه اروح واجي واتكلم ويه روحي المن اكول يعني معقوله اني حا.....لالاهاي خربطه هرمون...هههههههه..اي اي اي اكيد خربطه هرمون اضحك وابجي بنفس الدقيقه هبه سالتني شبيج رناوي حبيبتي اكعدي ليش تتحركين بهل الشكل راح تمونين رنا فهميني ..تحاول هبه تلزمني بس اني مستمره امشي بالغرفه اروح منا واجي منا بشكل سريع هبه صيح عليه واني بعالم ثاني الى ان اجتي امي صعدت على صوت هبه حظنتني وكالت حبيبتي رناوي تعالي بحظني سوده بوجهي هاي تاليتها جان هسه انتي والمرحوم  مزوجين وافرح بيكم اووف ربي لااعتراض على قدرتك استغفر الله واتوب اليه باوعت على امي كتلها ماما اريد اروح للصيدليه اقيس ظغطي وارجع..امي مقبلت اروح وحدي كالت اني اروح وياج بدلت عبايه اسلاميه وحجاب اسود نزلت امي كانت بالباب واكفه طلعنا اني وياها بالطريق اردد ..ربي اليك ابث شكواي وحزني الهي فرج عتي 

وصلنا للصيدليه كان بيها ولد وبنيه طلبت من البنيه تقيس الظغط واشرت ال امي تكعد على كرسي اجتي البنيه وحابت جهاز الظغط وحجيت وياها بصوت ممسموع كتلها اريد شريحه اختبار الحمل وشريط براسيتول  هزت راسها بالبدايه قاست الظغط طلع نازل حيل وبعدين انطتني الشريحه والحبوب بكيس اانطيتها الفلوس وفهمت امي كان عندي فلوس ضميت الشريحه بيدي وبقى بس شريط البراسيتول امي سالت شن. هاي الكيس كتلها براسيتول راسي يوجعني والشر يحه  ظامتها بيدي الثانيه ..وصلت للبيت بدلت هدومي 

ودخلت للحمام  سويت الاختبار

طلع خطين ..لا..ياربي..امتحانك..صعب..وعبدك..ذليل..فقير..ربي..تعرف بيه مظلومه لاحول لي ولاقوه والصار مالي دخل بي يارب ارحمني انت خير الراحمين شسوي هسه فكرت بخالتي اروح الها واحجيلها عن الحمل واكيد راح تساعدني وتستر عليه ظليت بالحمام الطم على وجهي من حركه كلبي ..غسلت ولبست ملابسي بعدني باب الحمام وكعت ومحسيت بالدنيا 

هبه......من وفاه احمد الله يرحمه واحوال مهند مخربطه الله يصبره مكان اله بس اخ لا كان اخ واب وصديق حتى علاقتي بمهند كان احمد يعرف بيها من اتصل  بي من موبايل رنا يجاوبني كلمتين واحس خنكه بصوته اثر بجيه احاول اخفف عنه واكوله بس انت بقيت الخالتي انت سندها دير بالك عليهااذا انت الى هسه متكدر تقاوم خبر وفاته خالتي شلون؟؟  يكولي مااكدر انساه احس بروحه بالبيت تفتر علينا واحد واحد يتفقدنا لج هبه احمد من يلتحق البيت يصير جحيم كأنما ماكو امان هو سندنا بالدنيا بعرف الواحد شبي قبل ليتكلم شمعه بيتنا احمد الوتد الي كول العائله متمسكه بي هسه الوتد انكسر واحنا ضعنا من دونه امي فاقده تماما متحس بشي بالدنيا عيونها متفتحها واذا تصحى بس اسم احمد على لسانها صحولي احمد ..وينك احمد وضل تصيح بااسمه الى ان تتعب وتنام وبعد متحس على احد..هبه ام اذا صار بيها شي اموت نفسي امي الدنيا الي اعيشها  موتة احمدكسرتني  بس وكفت على حيلي بس امي لا مااكدر كوليلي شسوي ..

هبه....كول ياالله هذا كله امتحان من رب العباد يارب ينطيها الصحه والعافيه ويصبرك عمري انت..

بعد ماانهي كلامي ويا اغلق الموبايل واضل افكر بي مهند احبه من اني صغيره شكد جان يزعلني بكلامه بس مجرد مايتصل ينتهى كولشي رنا بحاله يرثى لهاللليل والنهار نايمه لااكل ولاشرب حتى متنزل جوه فاقده كل الحواس مجرد نفس يطلع منها وينزل الله يساعدج يا رنا ويفرج عنج  

رنا..حسيت امي وهبه وسعد فوك راسي واني بغرفه امي الجوا 

سعد..رناوي ناخذح للمستشفى تحسين بشي جاوبيني 

رنا.لالالا مابيه شي بس لان مماكله صار فتره طلع عندي هبوط بالظغط حاد راحت امي تسويلي عشا وشوت الي تكه وخلتلها ملح زايد اخذت منها وحده حتى اسند نفسي بيها واخاف سعد ياخذني للمستشفى وينكشف كولشي وانفضح..

ماما.اريد اروح لبيت خالتي اريد اشوف خالتي فدوه صار هوايه مشايفتها ولاسامعه صوتها..

_يمه ششوفين منها هي رند ومهند متعرف عنهم شي  امر من حالج لااكل ولا شرب عايشه بس على المغذي والابر

ماما..فدوه اروح بس اسلم عليها مشتاقتلها هوايه فدوه يووم

سعد..ها هيه رنا  صيري زينه واتحظري باجر الصبح اخذج والعصر من اكمل شغل امر عليج بس صيري زينه   اشرتله براسي اي وصعدت بغرفتي احجي ويه نفسي شوكت يصير الصبح واروح الخالتي اباوع على الساعه واحسب دقيقه دقيقه ..الليل طويل للعنده مصيبه ويريد الصبح يطلع حتى يحلها

غمضت عيني من التعب والتفكير يمكن اقل نصف ساعه غفيت بيها بدلت ملابسي ونزلت جوه كان سعد يتريك طلب مني اكعود ويه واكل شويه كتله مااشتهي حسيت نفسي تلعب حيل وكوه سانده نفسي

وطلعنا اني وسعد لبيت خالتي

بالطريق اذكرت اخر مره اجيت البيت خالتي وصار الي صار لو ممداومه بالكليه ولو مقبلت بعزومه احمد وخالتي على عرس ابن عمهم ولو باقيه بغرفتي مكان هذا حالي

زين امي تكولي خالتج فاقده متعرف احدومحاسه حتى على اولادها رند ومهند..وعيونها متفتحها امي كانت تروح الها كل يومين ومن يرجع سعد من الشغل يجيبها ظل تبجي بالغرفه وتكول خالتكم راح تروح من ادينا اسمعها من تنوح بس مااكدر ارفع راسي من الفراش 

اذا خالتي محست عليه ومساعدتني شسوي...؟؟

وين اروح..؟

منو راح يصدك بيه ..سعد..لو عمي ابو ستار لو منو؟؟؟

يمكن ياخذوني للناصريه ويقتلوني ..ضليت ابجي بدون وعي وسعد عين عليه وعين على الطريق

يارب..اني مظلومه وبريئه..وطاهره

والي صار غصبن عني .بحق فاطمه وابيها وبعلها وبنيها والسر المستودع بيها انقذي يارب ..

وللحكاية بقية ام مصطفى

#حب_في_ازقة_بغداد 

#للكاتبة ام مصطفى 

#بارت الخامس عشر

باوعت...كاع..جبيره..الها اول ماالها اخر وكدامي سعد وعمي ابو ستاروستار ..سعد شايل سلاح وستار شايل مثل القامه بيده وكلهم عيونهم دم عليه ..

عمو..والله مسويت شي احمد غصبني والي بطني ابنه مو ابن حرام اني عاقده سيد والله عمو

ومنو...راح يصدك ؟؟منو راح يكول حملج بحدود الشرع ؟؟..نروح نطلع رجلج من كبره ويكول للناس هاي مرتي والي بطنها ابني؟؟لج انتي صخمتي وجهنا بين الناس..سعدددد

اغسل عارك..بسررررعه..

فزيت مرعوبه ..شفت نفسي بالسياره وسعد يسال رنا شبيج لو نايمه لو نبجين ذكري الله اذا تبقين هيج ارجعج للبيت خالتي الي بيها كافيها..راح تروح من ادينا ديري بالج تبجين يمها ...واسيها وصبريها 

كتله ان شاالله ...

وصلنا بيت خالتي الصبح كان مهند بالطرمه يريد يطلع للدوام ورند بالكليه تريد تقدم على اجازه وخالتي بالغرفه...تركت سعد ومهند ودخلت للغرفه وجانت نايمه وكفت يم السرير باوعت على وجهه كان مثل الشبح اصفر وعيونها مغوركه وشفتها بيضه والمغذي بيدها بس النفس يطلع وينزل ظليت صافنه عليها ودموعي تجري وحجيت وياها ..خاله..خاله....باوعت عليه وكالت صيحيلي احمد ..اريد احمد ورجعت غمضت عينها..

...خاله.. اني رنا معرفتني اني حبيبه ابنج احمد ريحه احمد بيه خاله فدوه كومي فدوه خالة مو وكت هل النومه محتاجتج.. اني بورطه محد يعرف بيها بس الله يمكن انفضح ويذبحوني اهلي واني مالي ذنب وانتي شاهده على كولشي فدوه خاله كومي شدي حيلج ويايه نتلاوه على الزمن بعد ماكسر جنحاني ...الدنيا صارت ضدي ومحد صفه ويايه. خاله لا اكدر احجي ولا اكدراسكت .. اني حامل ...حامل....كوليلي شسوي فدوه ارحمي بحالي وحال اهلي الي سمعتهم راح تضيع بسببي وحتى اختي هبه  راح يكسرونها من ورايه.. اخر امل الي انتي واذا طلعت منا اموت نفسي و اهلي ينفضحون. فدووه خاله شدي حيلج وانقذيني اذا مو الخاطر احمد ال خاطر  اهلي واختي الي راح ضيع بالرجلين بس يعرفون سالفتي محد يرحم بيها.

حسيت بخالتي فتحت عينها وظلت صافنه عليه وبقوه اللبوه كامت من الجربايه تستد نفسها بالحايط لزمتني من زندي ظاغطه حيل  وكالت عيدي الكلام الي كلتي  قبل شويه كوليلي اني سمعتج تحجين وتكولين اني حامل صح لولا كولي احجي ..جاوبتها خاله ابوس ايدج لتفضحيني سعد بالطرمه هو ومهند ليسمع ظلت خالتي حاظنتني وتبجي وتنوح بصوت عالي وتصيح..يمه..ريحتك يمي..يمه..بعد امك وكلبها راح ارجع أربي...اووف يابه ..وظلت حاظنتني حيل ولا كأنه مريض وجسمها هزيل وكلساعه تبوس بيه وتشمني ... دخلوا مهند وسعد على صوتها ومهند تعجب كالها يوم اول مره اشوفج تكومين من الفراش  من مات المرحوم.. فدوه قوي نفسج الراح اخويه بس هذا امر الله مهند ظل حاظن خالتي ويبوس باايدها وخالتي لازمتني من ايدي عبالك راح ياخذوني منها سعد باسها من راسها واتكلم وياها وطلع للشغل ومهند راح يوصله للباب اهنا خالتي كعدت علل السرير مالتها وكالت اسمعيني زين اليوم ترجعين لبيت اهلج وباجر اني جايه عليكم اخطبج المهند هذا الطفل اريده ابن احمد اريده.. اريد اشوف بي ابني الي انحرمت منه واني اعرف شلون اقنع اهلج ومهند  يعقد  مهر بالمحكمه حتى الطفل يسجل بااسمه وهو ابن اخوه مو غريب لحمه ودمه وبعد ماتولدين تعقدون عقد سيد لان العده مالتج الى حين الولاده خالتي تحجي واني صافنه عليها..سالتها .خاله شنو هذا الكلام شلون ازوج مهند  .مهند مثل اخويه

مااكدر ازوجه ..

خالتي..ظلت مصره وكالت مو بكيفج هذا الطفل اريده ثانيا تعالي اسالج..اذا نزلتي يعني راح تخلصين باجر عكبه يجون خطابه ترفضين مره واثنين وتلاثه بعدين شون؟؟سعد شكاك وراح يعرف بقصتج ويذبحج ..حبيبتي اسمعيني زين اني مااريد منج تزوجين منهد لا بس عقد محكمه حتى الطفل يسجل بااسمه وبعدين اذا متفقتوا اطلكوا اني مااجبركم اني اريد احافظ عليج وعلى الي بطنج وعلى سمعه اهلج ..بقيت ساكته لا حول الي ولاقوه مجبوره اقبل بقرار خالتي..ماباليد حيله..

رفقاً ..بي يا زمن فاأنا 

من ولدتني..امي..حره

لا..اعرف ..طريق الهون .والذله..

مثل..قاروره..عطر تهشمت..جدراني..

وتغير رسمي..من..حال..الى..حالي

بأسه حزينه اشكي..

وعلى ..فراق..الاحبه..ابكي..

رحماك..يازمن..فالقدر اطلق..الحكم.

كحمامه..بلا..اجنحه..ابقى..حين من الدهرِ...هذا ..هو. القضاء.  وهذا القدري..

ساره ..ثائر كان هوايه يسهر ويه اصحابه واني ابقى بالبيت وحدي مرات اضوج بسبب الوحده فااقضي وقت فراغي اسوي كليجه وكبه وفطائر واخليهن بحافظه بالثلاجه بيوم  ثائر اتأخر عمله ينتي ساعة ٨ هسة ساعة ١١ونص وهو ماكو مستحيل يطلع من المعمل للسهر ويه جماعته لان ثائر حيل انيق ميطلع بملابس العمل يجي للبيت يسبح ويغير ملابسه كولش مهتم بنفسه الى درجه اضل صافنه عليه مرات بدون ميعرف من يمشط شعره ويخلي عطر حتى لحيته وشواربه الهن مشط خاص بيهن ظليت بالمطبخ ارتب بالغراض سمعت صوت الجرس مال الباب ظليت اسأل نفسي منو هذا ثائر عنده مفتاح الشقه رحت اشوف من فتحه صغيره بالباب شفت ثائر شايله صديقه محمد. كوه لازمه بسرعه لبست حجاب وفتحت الباب وسندت ثائر كان يون من الالم وحرارته مرتفعه حيل خفت اسأله ثائر شبيك ليش هيج حالك عفيه اخي الله يخليك شبيه ثائر طبعا الولد ضل صافن عليه وبعدين كال احمم..مابي شي معدته توجعه وتخربط بالمعمل(معمل لصناعه اجهزه الحاسبات وثائر عنده بكلوريوس هندسه حاسبات فشغلته بالمعمل اداريه )

 واخذته للمستشفى طلبوا تحاليل لازم باجر الصبح يسويها وتكون معدته فارغه بس دليني وين غرفته صديقه يحجي واني مرعوبه اخذته للغرفه ومدد ثائر على السريروسالته انطوه علاج ..جاوبني لا ..الا بعد التحاليل يكتبوله العلاج لزم راس ثائر كانت وجانت حرارته مرتفعه حيل وطلب مني اسويله اي شي ياكله لان من الصبح مماكل شي 

_اكدر انطي سوب بلا دهن 

اي ياريت لان مماكل شي ..محمد راد يطلع كال اذا ثار شي بس اتصلي عليه من مبايل ثائرضليت صافنه بوجه كتله موبايل ثائر مااعرف افتحه..يمكن بي رمز فكتب رقمه على ورقه وانطاها الي كال اني رايح لاسمح الله اذا صار شي او تخربط ثائر بس اتصلي ..

طلع محمد وقفلت الباب وسويت سوب بدون دهن او اي نوع من البهار قليل الملح وجبته الثائر الي كان يون من الالم خليته على الميز وسحت وجهه وهو تايم بقطعه قماش مبلله بالمي حتى اخفف من حرارته شويه ورطبت شفته فتح عينه  فتح عينه وكال ساره راسي راح يموتني ومعدتي احسها نار يطلع منها 

اتحمل ثأئر انشاالله الصبح انسوي تحليل وينطوك علاج واتصير زين بس فدو اشرب هذا السوب محمد صديقك كال من الضهر ماماكل شي 

ثائر ..هو وين محمد طلع ؟

اي طلع وكتب رقم تليفونة وكال اذا صار شي اتصلي علية خليت مخدة ورة ضهرة يستند عليه وبقيت اشربة سوب  ويمي اكلاص مي اقرة علي سالني شسوين جاوبتة اقرة على المي اية الكرسي بنية الشفاء من تشربة ترتاح

واخذ كلاص المي وشربه كال هسة احسن اشوية بس بعدة الالم رح يموتني خليته يتمدد وظليت ادلك ابراسة  واقرا ايات قرأنيه والرقيه الشرعيه الى ان غفى ونام بس بعدة ايون من الالم انتبهت على صديقة من اجة للبيت ضل صافن على الصالة لان فاتحة قران عرفت نفسة الي يتصل عليه حتى يرحون.و يسهرون  بره البيت يعني نفس الشي شرب وملذات اعوذ بالله .صار الصبح كعدت ثائر وديته للحمام وغسلت راسه وبدلت ملابسه وجواريبه ورتبت شعره مثل مامتعود هو موبايله خليته بصفه البارحه الليل كله مبطل رن كانت هاله تتصل بي وسويته صامت لان جان نايم ميدري بنفسه سمعت صوت جرس الباب عرفت هذا صديقه محمد فتحت لبست حجابي وفتحت الباب 

محمد..صباح الخير شلونج ساره احمد شلون صار

ساره..صباح النورتفضل البارحه يون من الالم 

بس كعدي حتى نروح للمسنشفى

اي كعد قبل  ربع ساعه ومنتظرك 

دخل صديقه للغرفه ودخلت للمطبخ جنت مجهزه شاي وفطائر خليته بالصينيه وقدمته ال محمد بس كان مبين عصبي ..

شنو هاي الزحمه تعبتج..

ساره..لاماكو زحمه ترخصت وطلعت من الغرفه 

سمعت الموبايل يرن وصوت محمد يجاوب على الموبايل مال ثائر

وكلامه كان بصوت عالي ..ااي مموجود طالعين بشغل بعدين بعدين وقفل الجهاز وبعدها بدقائق طلعوا من الغرفه ..

راح نروح للمستشفى نسوي تحاليل 

باوعت على ثائر كتله ان شاالله ماكو الا الخير لتقلق صحه وعافيه  يارب

ظل ثائر صافن عليه بعدين ونزل راسه وطلعوا من الشقه

ظليت بالبيت سويت سوب خظار بدون دهن وظميته بالاوفن خطيه ثائر طلع بدون اكل علمود التحليل  ورتبت البيت وفتحت دعاء واتصلت على بيت اهلي بس محصلتهم ..احلامي برنا موزينه دائما احلم بيها بنص نار وتصيح من الالم اريد احجي وياها متفتح خط عليه وجاوبني حيل اشتاقتلها وفكري يمها .....صارت صلاه الظهر صليت واندعيت ال ثائر وجهه كان اصفر وحالته صعبه  اول مره اشوفه بهل الشكل ثائرالي كله اناقه ميطلع من البيت اذا مو عطره يسبق جيته وملابسه الماركه واكسسواراته ...سبحان الله من يختبر عبده باابسط الاشياء كل هاي المظاهر بلحظه تختفي اتصلت.    على موبايل ثائر  لان اتأخر..حيل ..بالبدايه مجاوب واتصلت مره ثانيه جاوبني صديقه محمد سألت عن ثائر كال اخذوا يسون ناضور واخذ تحليل ثاني اله خاص للمعده بعد يومين  التحليل يطلع ..

ساره..العفوا اخي ..ثائر حالته خطيره ؟؟ليش كل هاي التحاليل والناظور. اكو شي مااعرفه الله يخليك جاوبني...

محمد...والله مااعرف شكولج..بس

ثائر...وللحكاية بقية ام مصطفى 

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad