قصة حب في ازقة بغداد الجزء 16-17-18 في 11:01 م مرسلة بواسطة أحمد التكريتي

 

#حب_في_ازقة_بغداد 

#للكاتبة ام مصطفى 

#السادس عشر 

 ا. اكو شي مااعرفه الله يخليك جاوبني 

محمد..والله ياساره راح اكولج شي بس حاولي لتبينين ال ثائر حتى حالته مسيء الدكتور كال احتمال عنده كانسر(سرطان)بالمعده بس بعده تحليل اولي والي يأكد  النتيجه التحاليل الي راح  تطلع بعد يومين ظليت مصدومه سرطان ..لاعفيه الله يخليك كول غيرها ظليت ابجي وممصدكه  بس انطاني امل كال احتمال يكون خطأ بالتحليل والتشخيص الاولي  وان شاالله ماكو شي سديت التلفون منه وبقيت منهاره مااعرف شسوي..

يارب..ارحم بعبدك الفقير  انت ارحم الراحمين..

رنا...رجعت للبيت افكر بكلام خالتي كلامها صحيح اني منو الي حتى اذا انزله بعدين شلون؟؟اذا تقدم شخص وطلبني من سعد مااكدر ارفض واذا رفضت مره مااكدر ارفض الثاني.سعد بطبيعته اذا شك ببشر يحول حياته جحيم بس مهند مااكدر اتقبله بحياتي كول الي اريد عقد محكمه ومن صير ولادتي احاول اطلب الطلاق وكل واحد يروح بحال سبيلة يبقى عم ابني ومن حقة رعايته وتربيتة بس كعلاقة زوج وزوجتة مترهم مااكدر اتقبل رجال غير احمد الله يرحمه كل هذا فكرت بي الى  ان دخلت علية هبة .هبة شلون مفكرت بيها وهي تحب مهند ضليت الوم بنفسي  شنو راح تكول علية شلون تتقبل الوضع هي تحب شخص باجر يجي يطلب ايد اختها ياربي تعبت احلها من جه وتصعب من جه ثانية بس شنو بيدي ماسويتة اباوع عليها لازمة كتابة متعرف باجر اختها راح تغدر بيها متعرف اختها راح تاخذ حبيبها منها 

حتى اذا اموت نفسي هم بلتشريح ايبين الحمل ويعرفون اني موبنية ثاني يوم الصبح اجتي خالتي ومهند ورند  كان سعد بليت يمكن متصلة عليه خالتي واني صعدت بغرفتي همزين هبه ماموجودة افضل.. اسمعهم ايسولفون ابيناتهم وبعد ساعة تقريبا صعدت امي كالت خالتج اهنا اتريدج ليش منزلتي سلمتي عليها خطية اجتي اتشوفج وتسأل عليج بصعوبة  تمشي سانديها رند ومهند جاوبت امي دقيقة هسة انزل عافتني امي وراحت رحت اتوضيت ولزمت القران وفتحتة ودعيت يارب بجاه هذا  الكتاب الي انزلته على الحبيب المصطفى اتخلي صعد ايوافق حتى لا انفضح سديت القران ونزلت جوة جانو كاعدين خالتي وامي بجهه وسعد بجهه الثانيه ورند صايرة امامي سلمت وكعدت مهند مرفع راسة علية حقة بس مو بيدي خالتي بدات بلكلام واني فكري راح بعيد مسمعت خالتي شنو تكلمت الى انا فزيت على صوت سعد وهو ايكول خالة شتكول علينا العالم جانت مخطوبة  ال احمد وهسة تزوج  اخو حتة زواج ملحكت تتزوج... هسة لو اكو طفل بينهم نكدر انكول علمود يربي ابن اخو 

ردت خالتي على سعد كالت من يوم وفاة المرحوم واني نايمة بفراشي مااعرف شي  بالدنيا حتى رند ومهند مااشوفهم وانته ابنفسك تعرف هذا الشي بس من زارتني رنا ودخلت علية بلغرفة عبالك احمد رد الية شميت بيها ريحت احمد والناس متحجي شي خالتها ورادتها واذا على عمامك كولي ياهو منهم قبل لايزوج بنته دك بابك واخذ رائيك.. يمة بغلاة العريس الي راح جوة التراب لاتردني والناس متكول شي اني رايدتها الي ورند بعد السنه ابن عمها ياخذها ورنا اعرف بيها بعد مالها هوى بااي رجال على الاقل تبقى يمي وهذا حماها يخاف الله بيها رنا كلبها يم احمد اذا صارت قسمتها من واحد ثاني وغلطت بااسمه ويكلب البيت على راسها بس مهند لا لان اخوه ويعرف كولش زين غلاه رنا عند احمد الله يرحمه وكامت خالي تستند بالحايط ..

وباست راس سعد ونزلت على ايده تريد تبوسها بس سعد سحبها منها وحظنها وهي تبجي لتردني خايبه نزعت عبايتها وكالت طلبتك واني خالتك ياسعد لتردني خايبه.. وهاي اختك اسألها اذا ماتوافق اخذابني وارجع ..

سعد..رنا سمعتي الكلام كله شنو رائيج يااختي العمر كله كدامج لتستعجلين اله يوم الكلب سنسى وتداوى الجروح  ..

رنا..رديت بدموع تجري كتله سعد اني اريد غرفتي اعيش بيها الي متهيت لااني ولا احمد بيها مهند اخوه ال احمد يعني نفس اخلاقه وطبعه افضل من مااازوج واحد مااعرف شي عنه ويخاف الله بيه 

وكافي خالتي يمي ..ترخصت وطلعت من الاستقبال وبوجهي صارت هبه..جانت جايه من المدرسه وسمعت الكلام الي دار بيناتنا وجانت مصدومه وفاتحها عينها كولها تباوع عليه تركتها وصعدت

وانتظرت المواجهه الي راح صير بيني وبينها والخوف على جرح مشاعرها والخوف الاكبر لا ينكشف المستور

ساره..ثائر من رجع من المستشفى دخل غرفته ومطلع منها بقى اكثر من ساعه وحده موبايله كان يرن وبعدين انغلق دخلت عليه وبيدي كاسه شوربه الخظار الي حظرتها اله وكتله..ثائر عيني هاي شوربه انت مماكل شي من الصبح اكل شويه حتى تسند نفسك موزين عليك احجي ويه ثائر وماكو رد كعدت علة الفراش ولزمت ايده..ثائر ليش شبيك اكو شي صاير كل ظني انه ميعرف بكلام محمد اكو احتمال عنده كانسر بالمعده..الى  ان نطق وكال ساره الطبيب شك عندي بي مرض خبيث سمعته يحجي ويه الممرضه ومنتظر التحاليل يومين وتطلع ساره اني انتهيت ماادري تكون نهايتي بهل البشاعه اني مااتحمل المرض اكره الادويه وريحتها اكره المستشفى  احب اعيش متعافي كان ثائر  يحجي وعيونه مدمعه ..

ساره..ثائر صل على النبي  بعده التقرير والتحليل  النهائي مطلع احتمال اكو خطا بالتشخيص ليش هل اليأس اطلب الرحمه من الله سبحانه وتعالى باب المغفره مفتوح ادعي لرب السموات والارض ان شاءالله دعائك يستجاب 

ثائر..يادعاء ياصلاه هو اني اعرف اصلي ركعه وحده ؟؟ حياتي بس شرب وسهر التالي الليل وانتي تكولين دعاء وقران بيا وجهه اصلي 

ساره..ثائر اول سوره بالقران سوره الفاتحه بيها ايه الحمد لله رب العالمين..انتبه..رب العالمين الله سبحانه وتعالى رحمه لكل البشر مو فقط للمؤمنين..حتى من الناس الي يجحد بنعمه الله ويكفر بيها.. الله ينطي فرصه واثنين وثلاثه الى ان يهتدي ...الله لطيف بالعباد حتى الي ينكر وجود رب العالمين..الله مينساه ويشمله بعفوه ..وعطفه ..ورحمته ...اسمع هاي القصه فد يوم واحد هوايه يسبح ويصلي على النبي يعني دائما ذكر النبي عليه الصلاه والسلام على لسانه ..صار عليه دين هوايه ومكدر يوفي دينه  ولا واحد كدر من اصدقائه يساعده..فظل بليل لازم سبحته ويصلي على النبي الى ان نام والسبحه باايده حلم اكو رجال لابس ابيض وجهه كله نور  اجه عليه وكاله روح للقاضي اسماعيل ابن محمد وخلي يوفي الدين الي عليك بشافعه محمد وال محمد وانطي دليل وكله ياقاضي انت البارحه ضليت تصلي على النبي بسبحتك تريد توصل للالف وثلاث مرات خطأت بالحساب ورجعت تعيد التسبيح...

فز الرجال من النوم وراح يدور على القاضي اسماعيل ودخل عليه وكاله الحلم الي حلمه بي والدليل هم..فضل القاضي صافن عليه كاله صح اني البارحه اول مره  اخطأ بالتسبيح وارجع اعيده..

وبركه الصلاه على محمد وال كدر هذا الرجال يوفي دينه بمساعده القاضي اسماعيل..ياعيني كول ياالله وان شاالله يطلع تحليلك نظيف....

بعد ماكملت كلامي انطيته السوب شربه وانطيته سبحه كتله هاي السبحه دائما من اروح ازور الائمه اخذها ويايه سبح لله عز وجل واهديها للائمه المعصومين ولتخاف والله كلبي بارد..امي دائما اذا تكون قلقه على شي تسألني تكول انتي كلبج يعلم بالشي قبل ليصير اني احجي ويه ثائر وهو يباوع عليه ويبتسم علمته شلون يسبح ويستغفر بالسبحه ظلينا اني ويا بالغرفه كان ماخذ اجازه مرضيه الى ان سمعت رن جرس الباب رحت فتحته بعد متأكدته انه صديقه محمد .كتله اتفضل ودخل للغرفه ورحت احظر الضيافه جنت مسويه كليجه وصبيت شاي وقدمته وبعد كلمات الشكر والاعجاب وهو يكول والله كليجه تموت عاشت ايدج ترخصت ودخلت للمطبخ وكان باب الغرفه مفتوح يطل على الصاله لهذا بقيت بالمطبخ

اسمع محمد يكول ال ثائر عفتك ليله وحده وصرت شيخ وسبحتك بيدك .ظلوا يسولفون صاح ثائرو كال يجون اصدقائي  وجماعتي من العمل حظري ضيافه ..لبيت الطلب ورجعت للمطبخ حظرت ترمز شاي وكليجه وعصير برتقال حظرتهن كلهن وسمعت صوت جرس الباب واصوات عاليه عرفتهم اجويه اسمع ضحكهم وشقاهم ومحمد يحجي شوفوا ثائر هو وسبحته بقصد الضحك .طبعا لان هم ميانه واحد يقلد على الثاني بعدها اجه محمد للمطبخ وصاح ساره بلازحمه شاي كتله تفضل انطيته االترمز مال شاي والاكواب  وعلبه العصير حتى ياخذهن بالغرفه ويبقون براحتهم اسمع صوت ثائر خطيه تغيرت نفسيته اسمعه يضحك صح ضحكته مو مثل قبل بس احسن شويه بس الي محسبت حسابه..هاله وهي تدخل للشقه لان باب الشقه ضل مفتوح شويه ظليت صافنه عليها بلبسها المثير وشعرها ومكياجها   بس هي مشافتني ودخلت للغرفه وصوتها يرن باأذني وتصيح حبيبي  تائربعد الشر عنك..كيفك ياروحي 

بعد ماكانت الغرفه اصوات وضحك عالي فجاءه عم الهدوء بس صوت هاله ينسمع.. ظليت واكفه بالمطبخ وعيني على الغرفه بدون مااخلي احد يشوفني واسمع محمد يكولها من رخصتج هاله عندي كلمه وياج طلعوا من الغرفه دخلوا بالصاله الصاله مفتوحه على المطبخ بفتحه كبيره على شكل مربع بقيت صافنه عليهم ..ومحمد يسألها شلون تدخلين بالغرفه وهي والغرفه كلها ولد..ثانيا. صاحبه البيت وام البيت موجوده المفروض تستأذنين منها وظلت تجادل ويا واني حره اعمل الي بدي يا وهذا البيت كان الي أبل متشرف الهانم ..

ظل محمد عصبي وطلب منها تطلع بسرعه...وتقدم للمطبخ وكال ساره والله مااعرف شنو اكولج بس هاي وحدها اجتي حتى ثائر من شافها ضاج وطلب منها تطلع بسرعه وبعد متدخل للشقه..

ساره..مصار شي محمد كلام هاله صح هي قبلي جانت هنا ويمكن احق مني بهذا البيت ..كملت كلامي ورجعت اكمل شغلي وارتب بالغراض حتى مااكدر اطلع من المطبخ لان باب الغرفه مفتوح والولد بعدهم  ..بعد ساعه طلعوا ودخلت للغرفه اخذت الصينيه مال الشاي والترمز والعصائر واحس ثائر عينه عليه كل ظنه راح اتعارك ويا واعاتبه بس  لا حجيت ولا عاتبت ولو بكلمه وحده لان الوضع مو مال كلام وعتاب وثائر صحته مو زينه صار الليل وحظرت العشا صدر دجاج وخظروات وبروكلي وجزر طبخته كله على البخار حتى لتأذي معدته ..بعد ماكمل العشا اخذته وقدمته اله ..لزم ايدي راد يتكلم ..كتله ثائر والله ماكو شي يستاهل اهم شي هسه صحتك وبعدين نتكلم بغير وقت .بقى منزل راسه وطلب مني اكل ويا  دليل على عدم اهتمامي للامر ..ابتسمت بوجه وقبلت الدعوه..

وللحكاية بقية ام مصطفى

#حب_في_ازقة_بغداد 

#للكاتبة ام مصطفى 

#البارت السابع عشر

رنا....هبه..كدامي صافنه وعيونها نار وجسمها كله يرجف من العصبيه وهي تحجي ..تضحكين عليمن..عليه..لو على مهند لوعلى احمد الله يرحمه مخطوبه ال احمد وتزوجين مهند وانتي تعرفين كولش زين علاقتي بي وحبي اله لج لو وحده غريبه عادي الغدر منهم بس انتي ..اختي ..اختي وتطعن بيه .. ليش.. جاوبيني ليش .شلون تزوجين واحد وانت تعرفين اختج تحبه واهو رايدها ..زين مهند شلون قبل وهو جان يتصل بيه ويراسلني من مبايلج انتوا تضحكون عليه انتي وذاك الحقير التافهه الكذاب .شنو تقصيري وياكم ولج جنتي مريضه بفاتحه احمد واني سهرانه عليج ابجي يم راسج واخلي كمادات لان حرارتج مرتفعه ولج حتى الاكل كطعته من اشوفج متاكلين حتى شربه المي مااتهنه بيها اكول شلون اكل واشرب واختي بهاي الحاله ليش  ساكته .احححجي..هاي علاقتكم من زمان؟؟لوهسه بدات ..لج راح تخبليني شلون تزوجون وقبل يومين اني ومهند ضلينا للصبح نحجي سويه ..لج هذا اذا ضحك عليه يعني راح يضحك عليج ..هبه تحجي واني ساكته بس صافنه عليها الى ان تمادت ومدت ايدها ضربتني راجدي ورجعت ضربتني مره ثانيه وهي صيح منافقه جنتي تكذبين على احمد الله يرحمه ..لو انتي الميته ولا هو..ولو العار ميموت تف💦...عليج..احسبي حسابج لاانتي اختي ولااني اعرفج وحسبي الله ونعم الوكيل بيكم اثنينكم وان شاالله متتهنون ..لازمه خدي وصافنه عليها وهي تدعي مااكدر اكولها اخاف تفضحني بلحظه ضعف ظليت ساكته ودموعي تجري اخذت ملابسها ونزلت جوه بغرفه امي كامت تنام بحجه تريد تقرا..واني انام من وكت واطفي الضوء..

ساره..بيوم نتائج الفحوصات ظلينا كاعدين ابد مغمضت عينه  ..قلق على خوف عيون ثائر كامت متستقر بمكان معين كلساعه يباوع على الوقت الى ان اتصل محمد صديقة وكال رح اوصل بدل حتى نطلع حضرت اهدومة لبسهن وصل لباب الشقة كتلة ثائر ردد هذا الدعاء (ربي اني مسني الضر وانت ارحم الراحمين ) الى ان توصل للمستشفى هز راسة وطلع 

دخلت الغرفتي الصغيرة اواصل قراءة القران والدعاء واطلب من الله بان التحاليل تطلع نضيفة مابيهن شي 

مر ساعتين تقريبا سمعت صوت باب الشقة انفتح طلعت من الغرفة شفت ثائر وصديقة محمد والفرحة بعيونهم اجاني ركض وشالني امام صديقة واني مصدومة من تصرفة وصاح بصوت 

لج سراوي كلبج افضل من الدكتور كلبج حس اني مابيه شي طلعت التحاليل نظيفة 

جاوبتة واني فرحانة كتلةللحمد الله والشكر ياربي وصديقة محمد كال بس ديربالك القرحة بلمعدة هم مو هينة لاتهمل علاجك لتصير مضاعفات مثل مافهمنة الدكتور 

طلع محمد وضل ثائر حاضني من الفرحة مرة ايبوسني من راسي ومرة من خدي جان ايكول 

سارة ماانسى وكفتج ويايه ابدا 

كتلة الفضل الله عزوجل ولازم تحسن نفسك ثائر اترك الشرب الله ايخليك وداوم على الصلاة ولله ماتاخذ منك وقت رحب بلفكرة كال من اليوم ماكو شرب ولاسهر ضليت صافنة علية واني مبتسمة وهو فرحان صدك لو كالوا (اعطني الصحة وخذ ثروتي )رنا..اجتي خالتي ومهند حتى اعقد محكمه وسعد كان موجود واحسه على نار كنت خايفه لايرفض طلعنا للمحكمه وسوينه فحوصات المطلوبه ومهند اساسا ميباوع بوجهي ..خالتي عدها اقرباء زوجها يعمل بمختبر للفحص سهل النا هوايه اشياء.. عقدنا محكمه وكملنا كولشي مهند  كال الخالتي  راح اوصلج للبيت وبعدين اوصل رنا لان عندي كلام وياها..خالتي وافقت ومن وصلنا للبيت نزلت وصاحت على مهند تحجي ويا ومهندمنزل راسه  ولازمه بااثنين ايديه 

واني اباوع عليه..واحجي ويه نفسي واكول اسفه مهند حطمت حياتك وحياتي وحياة هبه بس والله موبيدي شي بعدين اجه صعد بكل هدوء وكال تعالي اكعدي ليكدام اريد احجي وياج..نزلت وصعدت بصفه كتله تفضل..كال شوفي رنا صح انتي بت خالتي ومرت اخويه بس لتتوقعين اصير الج بيوم من الايام ونعيش سويه لان المثلج ميتأمن ويا على شرفه احمد اعرفه زين واعرف اخلاقه والمشكله جنت اشوفج ملاك بس الظاهر غير الباطن يابت خالتي على العموم الي ردته حجيته الج هبه صارت محرمه عليه بس ماارح اضل عليج راح ادور على بت حلال واتزوجها واعيش حياتي وياها وانتي ضلي ويه امي وربي ابنج هاي اذا عرفتي تربين .جنت ساكته ومحجيت شي الا ان كال اذا تعرفين تربين رديت عليه كتله احترم نفسك ولتظل تحجي بشي انت متعرفه اني متربايه احسن تربيه والصار غصبا عني وربي يشهد وخالتي هم شاهده ولو عندي غير وسيله جان سويتها ولااتزوج واحد مثلك الرجال موقف ..كلمه..مو لحيه وشوارب اذا ازوجت او لا هذا الشي ميهمني لان ماكو رجال بعيني غير احمد الله يرحمه وبس .

اصيح بالسياره فقدت اعصابي وهو يكول كافي منا الناس شنو جريمتي 

وشنو ذنبي ..وصلنا للبيت نزلت وقبل لاانزل كتله ارجع مااريد اشوفك وجهك بعد حسبي الله ونعم الوكيل كون على ثقه يامهند مراح ترتاح بحياتك مثل ماافتريت عليه بالكذب والبهتان الله ياخذ،حقي منك..سديت باب السياره ودخلت للبيت كانت امي بالمطبخ سلمت عليها شافتني ابجي سألتني شبيج ليش تبجين جاوبتها مابيه شي هبه جانت بالهول ضلت صافنه عليه ورافعه حاجبها ونظراتها عليه من.   فوك الى جوه وبالاخيركالت ان شاالله متتهنين واشوف بيج يوم يا رنا انتي وذاك التافه الحقير ..ابتسمت وحجيت بكلبي اطمئني عمري مراح ارتاح واتهنا ..

صعدت لغرفتي ابدل ملابسي يوم الخميس تبدي حياتي الجديده بيت خالتي واكمل فتره حملي بس مستحيل اضل على ذمه مهند اهم شي الي بطني راح يسجل بااسمه وكولشي ينتهي حياتي ضاعت ومستقبلي ادمر اقرب الناس الي  يطعنون بيه ..وياريت لو اعرف شنو ذنبي..ماادري

ساره..ثائر تغير حيل صار يرجع للبيت من وقت حتى ويه اصدقائه صارت طلعاتهم قليله ..نضل كاعدين بالشقه لو ياخذني نطلع نتمشى ونفتر بالمدينه  وميفوت يوم اذا مشترالي ملابس طلعه او ساعه ماركه او مكياج او عطور حتى بشغل البيت يساعدني ..فعلا حسيت بنفسي لاول مره انسانه متزوجه وزوجها يحبها ويخاف عليها بقت بس شغله الصلاه ميدام عليها بحجه ماكو مكان يصلي بي ومع هذا كتله من ترجع صلي قضاء 

بدا شهر محرم هنا بالمدينه الجاليه العراقيه تسوي مراسيم عاشوراء من طبخ ومجالس حسينيه ..طلبت من ثائر اسوي ثواب تمن وقيمه اني اعرف اطبخ القيمه النجفيه كولش زين ..بس ثائر حسيت ماعنده اهتمام لهاي الامور الى ان حجه وكال ..شنو معناه هذا الاكل ؟الي يريد يسوي هذا الاكل يوزعه للفقير والاماكن الي بيها  ناس محتاجه مو هنا ..اني حبيت افهمه الموضوع بكل بساطه.  شوف ثائر القضيه مو قضيه اكل وشرب وطبخ لا بالعكس القضيه انه بكل عام بهذا الشهر نستذكر معركه طف ومن نسوي ثواب اكو ناس متعرف شي عن الحسين عليه السلام والحرب الي خاضها مجرد انه راد ياخذ الخلافه وانقتل بيها ميعرفون حجم التضحيات الي قدمها هو واولاده واخوانه واهل بيته عليهم السلام والي اخذوهم سبايه من كربلاء الى الشام ..فاكوا ناس تسأل واكو ناس تجاوب حتى الميعرف شي عن قضيه الامام الحسين يفهم ويمارس الشعائر الحسينيه بمحبه ال البيت وصدكني الثواب الي تسوي الناس بمحرم ميظل فقير او عابر سبيل مياكل ويشبع منه..

بعد ماكملت كلامي باسني من راسي وكال..اكتبي الي تحتاجيه وراح اروح اسوك واجي ..

ثائر تغير بدرجه ١٨٠ حتى معاملتي كاانثى ابدع بيها بعد ماحسيت نفسي اأني امراءه لاتمتلك اي مفاتن انثويه..اجه ثائر مسوك وطلبت منه يساعدني حتى نسوي الثواب ونوزعه على المجالس الحسينه الي تقام بالمدينه قىيبه منا كملت طبخ ورتبنا الاكل بصحون سفري وغلفنا واخذه ثائر بعد مااتصل على صديقه محمد حتى ياخذوا للمجلس ويوزعوا..كان يوم مميز اجتي اخت محمد اسمها فردوس بنيه حبابه ظلت تحجي عن حياتها ..كانت ارمله عدها ولد واحد زوجها   غريب تعرفت عليه بالكليه كانوا اهل زوجها ميحبون الغريبه تدخل بينهم بس زوجها اصر انه ياخذها وبوا رضخ لطلبه انقتل برصاص بالطائفيه لان هو من مذهب (...)..خطيه كانت حامل باابنها منذر..ومن ولدت حبت تعيش بيت عيالها وتربي ابنها تحت رعايه ابو زوجها وعمتها بس سبحان  الله من مات زوجها عيالها انكشفوا على حقيقتهم طلبوا منها تترك ابنها لان همه ميردوها وعمرهم محبوها بس لان ابنهم ظغط عليهم وقبلوا لكن عمتها لا كانت طيبه وياها خاصه ان فردوس حبابه ولسانها حلوه واول مزوجت كانت عمتها مريضه دارتها واعتنت بيها ومرات جانت تبات يمها من تكون مريضه حيل وهي بعدها عروس لهذا عمتها حيل حبيتها بس ابو زوجها لا ابدا المهم عمها طلب منها يااما تزوج حماها الي اكبى من زوجها وعنده اثنين نسوان و٨ اطفال او تترك ابنها وتروح لبيت اهلها بعد ماينطيها حصه من الورث كان يظن فردوس عينها على الاملاك رفضت وكالت اريد اربي ابني ومااريد ازوج..فسكت عنها عمها الى ان بليله عمتها حجت وياها وكالت ..بنتي اني احبج بس مابيدي شي انتي اهلج بعيدن منا وميكدرون يوصلون  لهل المنطقه واحنا نفس الشي واني احس ايامي معدوده وملك الموت يحاوطني فا يا بنتي اذا متردين تزوجين حماج اخذي منذر وروحي الهلج عمج ناوي عليج نيه مو شريفه ..اي اني اكولج عمج يريد يوكعج بفخ يكون سببه الشرف وتعرفين بعد الشرف الناس متكدر تفتح حلكها اهم شي ياخذ منذر يربي هو ..واني والده واعرف الضنه غالي وعزيز لهذا روحي لهلج بعد يومين عمج يسافر بشغله لمي هدومج وذهبج ومستمسكاتج وروحي لااهلج بس لظلين بالعراق سافري لااخوج بالسويد وانتي الج حق باللجوء بااعتبار زوجج انقتل بالطائفيه وتخافين على ابنج..

وفعلا اجتي لبيت اهلها لان فردوس متأكده عمها ميكدر يوصل للمنطقه مالتهم ..وبعدها سوت جواز وقدمت اوراقها بااعتبار حياتها خطر هنا بعد مقتل زوجها وسافرت وعاشت ويه اخوها محمد ..

فردوس مكانت علاقتي بيها قويه بالبدايه لان ثائر كان مانعني من اي صداقه وانا اساسا معرفت عنها شي بس بدايه زواجي اجتي هي واخوها محمد باركولنا وطلبت مني ازورها بيتها لكن ثائر مقبل ..بس بعدين صارت علاقتنا قويه خاصه من ثائر تغير  وصارت تجيني للبيت بس اني مااطلع لان اساسا استحي من ازورها واخوها يكون موجود....

بيوم حسيت نفسي دايخه حيل والشهريه غايبه عني فتره وجسمي خدران صار عندي شك عندي حمل بس ردت اتتأكد..وثاني يوم طلعت اسوك من السوبر ماركت مريت على صيدليه وجبت منها اختبار الحمل..

وللحكاية بقية ام مصطفى

#حب_في_ازقة_بغداد 

#للكاتبة ام مصطفى 

#البارت الثامن عشر

اشتريت اختبار الحمل واتأكدت اني حامل كانت فرحه متنوصف ابدا..حسيت راح صير عندي طفل ينسيني الغربه  فراق الاهل اربي واداري واعمله تعليم صح اني بطبيعتي احب الاطفال موعاد ابني كنت بيومها حيل فرحانه وحبيت اسوي مفاجئه ال ثائر حتى اشوف رده فعله من يعرف اختاريت ثوب نوم اسود حلوه حيل على الجسم وشسورت شعري وخليت مكياج وحظرت عصائر وكيك وشعلت شموع بالصالهورتبت الكعده.من وصل ثائر طفيت الاضويه بس ضوء كرستال وضوء الشموع ثائر فتح عينه كال هاي شنو هم ثوب نوم وهم منتظرتني ؟؟اخاف اني بحلم ضحكت وجريته من ايده كتله عندي مفاجئه الك حظني كال انتي احلى مفاجئه بالنسبه الي ..باوعت بعينه وايدي على كتفه كتله ثائر راح تصير اب اني حامل ..بالبدايه ظل ساكت بعدين حظني وباسني من راسي عيونه كانت تقرا الخوف مو الفرح سألني شلون اتأكدتي جاوبته اشتريت اختبار حمل وطلع ايجابي ..سالني يعني هسه متاكده ١٠٠/١٠٠انتي حامل لو اخذج للدكتوره تتأكدين حتى نقطع الشك باليقين..

اني سويت اختبار حمل بس اذا تريد نتأكد اكثر عادي اروح للدكتوره

ثائر افضل حبي حتى الواحد ياخذ،حذره اخذ راسي وخلاه على صدره ويبوس وبأيدي وبراسي 

ويتنفس وكل نفس يطلع منه احسه نار ماادري ليش  يمكن غلطانه بس المشكله كلبي ياكد انه ثائر خايف من الحمل او ميريده ولو الايام الماضيه ثبت لي حبه واعتنائه بشكل مينوصف ... ..

ثائر اكدر اسالك سوال 

تفضلي عمري..

ليش احسك انت مفرحان بحملي ومااشوف الفرحه بعيونك 

ثائر..لالامتوهمه بس متفاجأ الصبح طلعت للشغل بلبل راح اصيراب ههه

صدمه بس صدمه حلوه صدكيني

ثاني يوم اخذني ثائر لادكتوره وفعلت اكدت اكو كيس حمل وعمره تقريبا ثلاث اسابيع اخذت السونر ورجعنا للبيت اول مدخلنا للعماره كانت هاله واكفه باب الشقه مالتها وتباوع على ثائر اني خزرته وهو اساسا كأنما مشافها كولش ضجت اول مدخلت للشقه صحت..الله عليك بعدك على علاقه بهاله..

لا شنو بعدك على علاقه تركتها من زمان وقطعت علاقتي بيها وحتى رقم التلفون حظرتها منها..تفضلي هذا الموبايل اخذي وشوفي 

ساره..لعد ليش تباوع عليك وتضحك

ثائر..شسويلها اني ممسؤول عنهاطبها مرض اذا ضحكت واذا بجت ساره طريق هاله تركته للابد مستحيل امشي بي بعد....اني مريت بمرحله صعبه مرضي اثر على نفسيتي تصوري الدكتور يكول احتمال سرطان بالمعده بسبب الشرب ..هاله كانت سبب من الاسباب بمرضي بصراحه ولتزعلين كانت تشرب بكثره وتخليني اشرب وياها واشرب اكثر منها .نزوتي وياها دمرتني وانتي فهمتني ربي يمتحني بمرضي وعلمتني شلون استغفر والحمد لله طلعت التحاليل نظيفه ..كل ظنج ارجع الها بعد مستحيل ..

ساره..ثائر بس نظرتها الك بيها الف كلمه ..وانت تركتها حتى مترجع للشرب بس عادي تكدر ترجع علاقتك وياها بس متشرب ثائر دير بالك تسويها ترى والله ارجع للعراق واعوفك..دموعي نزلت..ماادري مقهوره مادري هرمون الحمل الي اسمع بي يسوي مثل هاي الانفعالات

ضل ثائر حاظني ويكول شلون ينطيج كلبج تروحين وتعوفيني وحدي..

ساره..لا ليش وحدك صديقاتك هوايه واقرب وحده هاله..والصديق مثل ماسامعه وقت الضيق

ضل ثائر يضحك حيل واني هم ضحكت على ضحكه..كان متعاون ويايه حيل  حتى شغل البيت ميقبل اشتغل وحدي اي شي بيدي ياخذه ويسوي هو يسأل شلون تردين اسوي بس كولي واني اسوي الج اريدج ترتاحين  كنا كلما نطلع اشتري شي للبيبي مره حذاء صغيرون مره ملابس اموت على ملابس الطفل حديثي الولاده والالون الي اخذتها كلها الون حلوه بغض النظر اذا ولد او بنيه لان اني ماعندي فرق اهم شي يجي سالم من اوصل للبيت اخذالملابس اضل اشتم  بيهن وحاظنتهن  كل شويه اطلعهن اشوفهن وارجعهن عبالك ثاني يوم ولادتي.. ..لكن الشي الغريب الي لاحظته  ثائركلامه مومثل تعابير وجهه جان دائما صافن واذا اسأله اعيد السؤال مرتين  بعدين يجاوب ..منع عني الطبخ تماما كال اريد اني اسوي الاكل وراح اطبخ اكل صحي حتى اشترى عصائر طبيعه صندوق كامل كال هذا خلال اسبوع اريدج مكملته ..كان ياخذ،علبه عصير يخليها بالثلاجه وقت قليل بعدين يفتحها الي ويقدمها يكولي اشربيها كلها كان شكلها حلو بس طعمها مااعرف شنو ومن ارفض اشربها يجبرني يكول اشربيها انتي حامل احاول اكملها كلها بس الطعم كولش مطيب ..ومن يطلع ثائر للدوام اشرب وحده من العصائر بس يكون طعمها مختلف ظليت اسأل ليش هذا الاختلاف رغم العلب كلها بصندوق واحد

احتمال اني مااشتهي لهذا مرات يصير عندي طعم طيب ومرات فاتت خمس ايام على مراجعتي للدكتوره كنت نايمه وسمعت ثائر يتكلم بالموبايل رحت للباب عبالي يحجي ويه هاله بي طلع محمد صديقه ..ردت ارجع للسرير سمعت ثائر يكول صار خمسه ايام ومصار شي ضليت صافنه على كلامه شنو الي منتظره ثائر ومصار كمل ثائر مكالمته وشافني واكفه باب الغرفه اجاني ركض وكال..

ها حبيبتي  بطنج  توجعج بيج  شي ليش واكفه هنا...

جاوبته كتله كولشي مابيه اخذني من ايدي ورجعني للسريركال اليوم العشى عليه اني اسوي ارتاحي انتي باسني من راسي وطلع..

صعبه..شوف البناء الي بنيته بااحلى صوره ينهار كدامك..ويتلاشى ويصير مثل الحلم من تكعد الصبج يختفي ..نسيت اني بنيت على ارض من الرمال..والرمال دائما تكون هشه متتحمل ثقل واذا تحملته يوم ..اكيد بعدها راح يتهدم كولشي

ثاني يوم كنت واكفه بالمطبخ ارتب الغراض ثائر مسوي انقلاب بالكاونترات لو مخليني اني اسوي الاكل احسن..حسيت بالم اسفل بطني يروح ويجي مهتميت الى ان فتحت الجرارات وشفت علبه مكتوب عليها باللغه السويديه معرفت شنو هاي العلبه الي هي عباره عن قطرات اخذت كتاب خاص بالترجمه وحاولت اترجم المكتوب عليها لان اول مره اشوف هاي العلبه عبالك واحد ضامها بالمجر ضليت ادور بالكلمات والالم موتني الى ان طلعت كلمت اجهاض ضليت صافنه ..معقوله.لالالا مستحيل  ثائر مستحيل يسويها بيه ..اني زوجته ومأذيته بيوم من الايام والي بطني ابنه معقوله ..ضليت احجي ويه نفسي حسيت اريد اروح للحمام بعدها صار عندي نزف ومن شفت منظر الدم حيل خفت اتصلت ب ثائر مجاوب رجعت اتصلت على فردوس اخت محمد خطبه بسرعه اجتي كتلها اني حامل وصار عندي نزف منهاره واخاف ليكون الطفل سقط واني تمنيته بروحي ... بدلتلي ملابسي واخذتني للمستشفى وبيدي علبه القطرات فحصتني الدكتوره كالت الجنين ميت مابي نبض طبعا الدكتوره عراقيه سألتها على علبه القطرات جاوبتني كالت ماما..هاي القطرات لااجهاض ممنوعه من التداول الا بوصفه طبيب بس الي يكدر يشتريها من امكان معينه وبسعر خاص بدون علم الرقابه منين جبتيها وليش اخذتيها..

حجيت للدكتوره كولشي كالت اذا تحبين تسوين دعوه ضد زوجج اكتب تقرير حالا  جاوبتها لا مااريد ....حجيت بكلبي ثائر تقتل ابنك بطني هيج تكرهني ضليت ابجي مقهوره على حالي...الدكتوره كالت الجنين مسقط ولازم يتم تنظيف الرحم  حالاً..اخذتني الدكتوره وضربتني ابره ونمت محسيت الا على صوت ثائر وضربات خفيفه على وجهي ويصيح ..ساره..ساره...حبيبتي فتخت عيني بالكوه شفت ثائر كاعد يم راسي وفردوس  بالجهخ الثانيه يمي ومحمد صديق ثائر خارح الغرفه ظليت اصيح واسأل ليش ثائر شنو الي سويته وياك حتى تعاملني هيج شنوتقصيري بحقك ليش تقتل ابنك بيدك الناس تشتري طفل بملاين والله سبحانه وتعالى قدمه النا هديه تخليلي  قطرات حتى يصي. عندي اسقاط مخفت من ربك مخفت عليه اذا متريدني  ومتريد طفل مني ليش زوجتني

ظليت اصيح واني منهاره وهو لازمني بيده  وعيونه حمر واخت محمد فردوس تحاول تهديني الى ان دخل محمد وكال  شوفي ساره اكيد انتي شفتي ثائر شلون تغير ويه الكل وخاصه وياج والج الفضل بالتأكيد على هذا التغير بس صدكيني الحمل مكان بوقته والحمدلله على كل حال والله يعوضكم بالي احسن منه

ظليت صافنه على محمد وسالته انت منو حتى تكول الحمل موقته وشوكت يصير الوقت المناسب طلعت انت وصديقك متأمرين عليه ليش شسويت الكم معقوله الكره يوصل لمرحله ان تقتلون بيها روح االله خالقها بداخلي زين مخفتوا تصير مضاعفات واموت .. تمنيت صير عندي طفل يرد عني الوحشه بهل الغربه ويعوضني عن كولشي جنت متأمله اصير ام ..يوميه اشتري ملابس مال اطفال واخذها بحظني ..ما كسر كلبك عليه من شوفني فرحانه بيهن؟؟منقهرت عليه ..من اشتري لوازم مال اطفال وارتبها بيدي..معقوله جنت تضحك عليه بداخلك. انت ناوي تخليني اجهض الطفل... حسبي الله عليكم اطلعوا بره مااريد اشوفكم اثنينكم اخذ،صاحبك واطلع روح الهاله على الاقل هي من مستواك مواني  هي الصح واني الخطا هي الحقيقه واني مجرد خيال هي ام البيت الي تليق بسيد ثائر واني مجرد خدامه غسل وتنظيف وتصون شرف البيت الي تحكمه ظليت احجي وابجي منهاره احس كلبي كام يوجعني من القهر وثائر حاضني بااثنين ايديه  وخرت منه وصحت بصوت عالي اطلعوا ماريد اشوف ولاواحد بيكم ترى ابلغ الشرطه عليكم والدكتوره شاهد على هاي القطرات مالتكم اطلع بره ..حرام عليك ..والله عمري وحياتي مأذيت انسان..

ليش هيج يصير ويايه..

ظليت ظامه وجهي باايدي حتى مااشوف احد

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad