قصة حب في ازقة بغداد الجزء 10-11-12 في 10:04 م مرسلة بواسطة أحمد التكريتي

#حب_في_ازقة_بغداد 

#للكاتبة ام مصطفى 

#البارت العاشر 

استغفر الله ..فابالاستغفار..

ازالة..الذنوب..

واسمع..لقلبك..ولا..تعلن..

ماهو....محجوب..

احببتك...اكثر..مما..ينبغي..

وهو...المطلوب...

كفى...صمتاً..كفى..عتاباً..

واعلن..الحب..مستسلماً..

و..وقانا..الله..شر..الحروب

دعك..من..هذا..وذاك..

فااني..والله. .احبك..

ولا..سبيل..للهروب...........

ان..كان..عشقك..ذنباً....

فأني...مٌلئتُ.....بالذنوب...

.................................................

..البارت العاشر

وصلت للباب كان مفتوح على النص احمد نايم بنص السرير قميصه مفتوح وحالته متخربطه وكلامه ممفهوم دخلت للغرفه بسرعه..

احمد حبيبي شبيك ليش نايم بملابسك شنو اليوجعك اتكلم ويا وايدي على جبينه حرارته مرتفعه وعيونه حمر يتكلم بصوره ممفهومه وغريبه يبتسم ويرجع يسكت ..

حبيبي احمد والله قلقتني شبيك جاوبني اتصل بخالتي ومهند ياخذوك للمستشفى جاوبني ايدي كانت على وجهه مسك ايدي اثنينهن ويحجي رنا اني احبج اني اموت عليج انتي حلوه احلى من البنات الي  بالفديوا بهوايه لعبت نفسي منهن بس انتي لالا انتي حبيبتي سألته ..

شنو هذا الكلام احمد يافديوا..؟؟

حبيبتي اتمنى اكل ها الشفايف مالتج وجرني حيل كانت قبضته قويه بالرغم كان جسمه هزيل وتعبان حاولت اكوم كتفني وربط ايدي صحت عليه احمد شبيك تخبلت اني رنا وخر عني صوتي كان عالي بس اصم دفعني علل السرير وصار فوكايه ثقل جسمه عليه ظليت اعيط واترجاه يتركني مزق ملابسي وصار يشوه بجسمي بكل وسيله مره عض مره ضرب واني اعيط من الالم والخوف على نفسي صوتي صار ممسموع وبلاعيمي احسه طكت من كثره العياط اعتدى عليه بكل وحشيه سلبلي عذريتي حسيت نفسي عاجزه خرسه صوتي ميطلع هذا مو احمد لالالا احمد يحبني يخاف عليه احمد مكان يقبل يلزم ايدي يكول اريد احرب كولشي جديد بيج بيوم العرس احمد..طلب مني البس  فستان الخطوبه ويكون  مستر حتى ميظهر جزء من جسمي لغايه يوم زواجي هذا مو احمد هذا شيطان ..

وسط شهكه ودموعي تنزل فز من الصوت وظل صافن عليه كأنما اول مره يشوفني رفع راسه مني لزم معدته وبسرعه دخل للحمام الي بالغرفه حاولت انهض مكدرت جسمي مكسر وايدي مربوطه وحده بالثانيه احس الم فظيع ورطوبه اتاكدت هذا نزف بسبب الي صار دموعي تجري واسمع صوته بالحمام يعاني من الم بمعدته من كثر ماتقيأ  واني بفراشي اعاني الالم والخوف شلون راح اواجه الحياه منو راح يرحم بحالي اخويه سعد لو عمامي لو الناس ..

طلع احمد من الحمام ودموعه تساقط ندم فتح ايدي المربوطه واني اباوع عليه واحجي بداخلي ليش هيج احمد كام مني حاول يتكلم سويت اشاره باايدي بمعنى اسكت مااريد اسمع صوتك..

ضرب راسه بحافه الحايط مره واثنين وثلاثه الى ان نزل الدم من جبينه..

اسف والله ماادري شلون صار ماادري والله باعي عليه عيني بيج شي اخذج للدكتوره ظليت ابجي والنزيف متوقف وهو صافن عليه  ضل يصيح ويحاول يرفعني من الفراش ..الى ان صحت بصوت عالي ..

وخررر مني الله ياخذك شسويت بيه 

ليش هيج احمد ليش هيج حرام عليك شلون راح اطلع منا شلون راح اروح لبيت اهلي شنو اكلهم .احمد راد يجرب ليله العرس هسه مكدر يصبر كم اسبوع شكول ال امي اذا شافت جسمي لو ركبتي   ايدي

جاوبني شكول ال سعد واعمامي والناس ...احجي ليش سااكت ظليت اضرب بوجهي حيللل انهاريت...

خله راسي  على صدره  حسيت جسمي تعبان ومابيه حيل بعد اتكلم وهوبسرعه اتصل على رند لكه التلفون مغلق ورجع اتصل على ابن عمه طلب منه يحجي ويه امه....سمعته يحجي وياهاويكول.. يوم بسرعه تجين للبيت تاخذين تاكسي وحدج وتجين تعوفين كولشي خاصه رند ومهند وجان يعيط بصياح وكال يوم  ربع ساعه انتي بالبيت ومثل مكتلج لتكولين ألاحد وصوته  كان عالي سد الموبايل واجه يمي ..

رناوي والله اسف  مااعرف شكول اباوع على الدم الي بكصته  عيونه حمر و كل ساعه يخلي ايده على معدته من الالم ماادري شبي ولا اريد اعرف اتمنيت يحترك بهل الساعه مثل مااذاني 

رنا..ابتعد عني مااريد اشوف وجهك اتصل على امي اريد ارجع البيت اهلي مااريد ابقى يمك انت ذبحتني خطيتي بركبتك الله ينتقم منك وضميت وجهي بين ايدي وابجي 

احمد..رناوي لتكولين هيج انتي زوجتي على سنه الله ورسوله ماكو حرام صار بيناتنا حبيبتي انتي مرتي وام جهالي والله مااعرف شلون صار لج رنا اني احمد حبيبج والله اخاف عليج اكثر من نفسي بس ماادري ثقي برب العباد ماادري ضل لازم راسه ومدنج بعدين كال هذا الاسبوع زواجنا يعني  بعد اربعه ايام الاجازه مالتي بعدلها اسبوع تخلص يعني ازوج وبعد  السبعه ادوام وعقد المحكمه خلي على كيفنا المهم نزوج رناوي فدوه جاوبيني مو راح اموت فتح ايدي اريد اباوع عليه ماااكدر احس عيوني مورمه ومااشوف بيها من كثره الضرب عليها وصلت خالتي للبيت وضلت تصيح على احمد نزل احمد جوه وبعد دقائق صعدت خالتي واجتي حضنتني وباستني وكالت...يمه بعد امج مااريد هذا الصار احد يعرف بي هن اربعه ايام وازوجكم لتحجين حبيبتي الكلام بعد مايفيد واحمد عندي كلام ثاني ويا الاامسح بي الكاع 

احمد..يمه شتكولين على عيني وراسي بس فدوه شوفيها خليها توكف اخاف تحتاج دكتوره شي خليها تدخل للحمام وراح اجيبلها ملابس من رند حاولت خالتي تكومني مكدرت جسمي يوجعني مااكدر اوكف راد يرفعني بيده دفعته وكتله وخررر عني..خالتي كالت يمه خلي يساعدج حتى تغسلين وترتاحين وواصلج للبيت واني احجي ويه امج وسعد واكولهم على موعد العرس يااله حبابه يااله بنيتي كومي..

طبيت للحمام اغسل وعيوني كوه اشوف بيهن كانت اكو مرايه بالحمام شفت وجهي انصدمت هاي منووو وجهي مورم وركبتي زركه وحالتي حال وجسمي كله اثار عض ومناطق زركه ومشخط دم ضليت ابجي سمعتني خالتي دكت الباب عليه وكالت رناوي اغسلي حبيبه ميفيد البجي هاي هدوم جبتها الج حتى تبدلين ..فتحت الدوش وغسلت وطلبت من خالتي (سا..)لان النزف متوقف كملت لبست هدومي وطلعت شفت خالتي ضمت الفرشه بجنطه وخلتها بالكنتور وقفلت عليها اخذتني ونزلتني بغرفتها كالت نامي فدساعه حتى ترتاحين واوديج لبيت اهلج حتى احجي وياهم وابلغهم على موعد العرس الجديد

منهند ..كنت بيت عمي معزومين على زواج ابن عمي علي وكاعد بالحديقه اتصلت هبه بيه وظلت تسولف ويايه وطلبت مني اصور سلفي وادزالها الصور اتعمدت اصور سلفي واخلي بنيه ظاهره بالصوره من المعازيم وادزها الها

هبه..هاي شنو مهند منو هاي البنيه الي بالصوره؟؟

مهند..يابنيه هن هوايه 

هبه..هاي البنيه الي لابسه بنطلون ا وشعرها اسود..

مهند..هن كولهن لابسات بناطير وشعرهن جنه ليل يخبل

هبه..هاي شنو مهند احس بيك جاي تتغزل شنو فلمك بالظبط..وشعندك بالحديقه  ليش متروح تساعد ابن العم تحتاج ايامه..

مهند. لاحبي شبيج انتي ردتي صوره وصورت نفسي بالحديقه..لان الحديقه مليانه بنات..اقصد اوكسجين احسن من الخنكه الجوه..

هبه..بطلت مااريد صور قابل مشايفتك روح حبيبي روح ادخل جوه اخاف تستبرد. 

مهند..لا والله هباوي الجو بالحديقه يرد الروح الله صدوك هوى يخبلل

مهند..مو صوجك صوجي اني روح عيني يم الصاكات وحدتهن وجهه لابخته بالمكياج من غير النفخ والشد والرموش الي جنها مكناسه والشعر المستعار..

مهند..هاوي هذني منين تعرفيهن اكيد مجربتهن كلهن احجي وياها واضحك..

هبه..اني مجربتهن مهند؟؟روح روح بعد لتتصل 

غلقت التلفون واني ميت ضحك عليها شفت امي مستعجله تريد تطلع سالتها كالت راح اروح للبيت واجي بسرعه عينك على اختك..

وللحكاية بقية ام مصطفى

#حب_في_ازقة_بغداد 

#للكاتبة ام مصطفى 

#البارت الحادي عشر

 

احمد ..اتصل بيه صديقي رزاق طلب مني اسوي بغرفه ولد ويا مصلحه راد ديكور بالحايط بي اضويه ومرايا عاكسه مقسم من الداخل بخانات ومن الخارج يبين مجرد ديكور يعني يكدر يخفي بي فلوس شغلات بدون محد ينتبه واني شغلتي الديكورات ماهر بيهن 

لك رزاق هذا صديقك شيسوي بهيج ديكور شيرد ايضم بي 

رزاق.. واني اشمدرني اني اريدة يقدم فايل اخوية ال ابوه حتى يتعين بلوضيفة وانت تعرف بلواسطة تكدر اتعين اي واحد 

قبلت لان رزاق صديقي مااكدر ارفضله طلب دز صوره الغرفه مالته وشكل تصميم الديكور الي يريده

فاارسلت اله قائمه بالشغلات الي احتاجها حتى ثاني يوم الصبح اروح عليهم لان بعد الظهر زواج ابن عمي وشغله الديكور تاخذ مني اربع خمس ساعات طلعت اني ورزاق البيت الولد ماكان بي احد الظاهر طالعين اهله والبيت جبير بااحد اماكن بغداد دخلت للغرفه ..الغرفه جبيره وبيها اجهزه هوايه وسماعات كبيره ولابتوب اكثر من واحد  ..ظليت ارتب بالغراض الي راح احتاجها واجت عيني على علب تحت السرير باوعت على رزاق وكتله..استلم......

شوف العلب الي تحت السرير هذا شنو فلمه بهل العمر ويشرب ؟؟طبعا الولد مبين عليه موراحه لبسه قصه شعره شغلته بس اني لخاطر صديقي رزاق اجيت..ظليت اشتغل بالديكور من ساعه ٦ لحد الساعه ١٠ اربع ساعات شغل متواصل بالمرايا وقطع الخشب تصميم دقيق ومتعب احس عيوني كامت تغوش ورزاق يمي يساعدني والولد هم ..اخذت استراحه وكعدت وطلبت من الولد يجيب مي ..راح جاب صينيه بيها حلويات وعصائر وترمز مال شاي وبطل مي ..ظليت اشرب بالشاي ورزاق والولد يسولفون كانت اكو سلايه دخلت ال اصبعي الي بيها حلقه الخطوبه واحاول اطلعها لان حيل ضوجتني وهم مستمرين بالكلام الى ان انتبه عليه الولد الي اسمه حيدر  سألني كال اصبعك شبي؟؟كتله دخلت بي سلايه مال خشب واريد اطلعها ..

سألني..انت مرتبط ؟

احمد ..مرديت عليه وظليت لازمه اصبعي بس رزاق جاوبه اي خاطب بت خالته وعن قريب زواجه 

احمد..ظليت صافن على رزاق محبيت يتكلم بهاي الطريقه وخاصه هذا حيدر معجبني  ..بعدين فتح لابتوب ..وكال ال رزاق وكاله شوف هذا الفديوا وصلت مشاهدته ١٠ ملاين خلال ساعه باوعت عليه شفته فديوا اباحي طبلت منه يسده لااكسره ..

حيدر..حرامات زواجك قربب الواحد هسه يخلي فتره الخطوبه سنه سنتين ..يكضيها طلعات وونسات و........واحظان لان بعد الزواج صير هاي الشغلات ممله واذا يريد هي حلقه انزعها وادور على وحده غيرها يمعود الزواج مرض مااله علاج ...صحت بي انت متستحي شلون تتكلم بهل الطريقه؟؟ انت ماعندك عرض؟؟

ليش تحجي على اعراض الناس 

حيدر..بااستهزاء يمعود عليش عصبي هسه الموديل هيج امبين انت حتى قبلات برئيه ممحصل  مسويها على الصامت كمل كلامه و طلع من الغرفه ..

شمرت الغراض من ايدي ورزلت رزاق وكتله هو هذا الي تريدني اكمله الديكور عفت الشغل وردت اطلع من الغرفه لزمني رزاق وجلب بيه فدوه ابو شهاب بعد كم ساعه وتكمل ونروح اني علمود تعين اخويه والله وظل يتوسل ..رجعت لميت الغراض حتى اكمل الديكور بس كلمه بعد متكلموا ويايه  لا رزاق ولا حيدر جنت اشوف وجهه حيدر بالمرايا يباوع عليه ويضحك شكيت عقله مو تمام اخر ربع ساعه حسيت نفسي عطشان حيل وعيوني كانت توجعني من التركيز فرزاق انتبه عليه وطلب من حيدر يجيب بطل مي اني كملت الديكور بقت ملاحظات بسيطه راح حيدر وجاب كلاصين عصير قدم الي واحد والثاني انطاه ال رزاق من العطش شربته كله جرعه وحده حسيت بي طعم غريب كملت شغلي وطلعنا من البيت وظل حيدر يحجي ويه رزاق ورزاق عيونه عليه وسمعته صاح على حيدر بس مااعرف شنو الكلام الي دار بينهم رغم صوتهم عالي وقريبين مني بس الدوخه الي براسي مخلتني اشوف دربي صعدت بسيارتي بس اجه رزاق كال احمد اني اسوق انت تعبت هوايه راح اوصلك للبيت ومناك اخذ تكسي وارجع فتح الباب وصعدني من الجانب الثاني وحرك السياره الطريق كله احس صور تجي كدامي وتروح مقاطع الفديوا الي شفته رغم اني طلبت منهم يطفوا ساعه احجي بصوت عالي وساعه اسكت ومرت كدامي هوايه اشياء مااذكرها..

الى ان وصلت للبيت دخلني رزاق كان البيت فارغ صعدني بغرفتي ومااعرف شنو حجه وطلع ظليت بالغرفه وحدي دخليت عليه بنيه  بعد محسيت على روحي الا واني بالحمام اتقىء وصوت بنيه تبجي بالغرفه مالتي ومن اجيت شفت رنا مربوطه على الجربايه وحلكها وجسمها كل دم مااعرف شصار تخبلت ضليت اركع راسي بالحايط رحت فتحت ايدهاوظلت عيونها عليه مفتوحه وتبجي وصوتها انبلع متكدر تحجي اتصلت على امي وطلبت منها بسرعه تجي كتلها لتكولين لااحد طبعا احجي وياها بعياط رجعت على رنا لكيتها تبجي مااعرف شسوي بعد مااجت امي وهدأت رنا وصلتهم بيت خالتي سعد كان بالبيت مكدرت اخلي عيني بعينه بسبب الي سويته برنا وقررنا نقدم موعد العرس يوم الخميس يعني بعد اربع ايام واخذت الموافقه منهم 

رنا..من وصلت صعدت الغرفتي هبه شافتني كالت شبيج رنا ليش عيونج مورمه مرديت عليها نمت بفراشي وبملابسي خفت تلاخظ الاثار الي بجسمي بعدها بدقائق صعدت خالتي سلمت عليها هبه واجتي باستني من راسي كالت ارتاحي حبيبتي هذا الاسبوع زواجكم اتفقت ويه اهلج كلها كم يوم وتنورين بيتي .لتفكرين بشي

نوعا ما اطمئنيت بس احس نفسي خايفه حيل صعدت امي شافتني سالتني شبيج كتلها ماادري يمكن خفت لان موعد العرس اقترب ضحكت وكالت الله يهنيكم ربي يتممها بسلامه احمد حباب ويستاهل..

سعد..بعد ماسافرت ساره حاولت اتصل بيها مجاوبني عرفت هي متريد ترد عليه ومتريد تحاجيني ظليت اسأل عليها رنا واعىف اخبارها الى ان  بيوم واني بالمعمل كنت كاعد بالميز مال عمي اراجع اوراق خاصه بالمعمل وعمي مكان موجود سمعت اثنين من العمال يصيرون اقرباء لزوجه عمي من بعيد واحد يتكلم ويه الثاني قرب الشباك الي قريب من المكتب داراجع اوراق خاصة بالاعمال كان كلامهم على ثائر وحياتة بالخارج سمعت واحد ايكولة حرامات انطوه مرة سمعت صديق ابنة الثائر يتصل 

باابوه ويكوله ثائر رجع للشرب وعايف مرته وحدها بالشقه وعنده علاقه بوحده ساكنه بنفس العماره وراح يرجع يتمرض مره ثانيه اني سمعت هذا الكلام وانجنيت ساره اختي فقيره وهذا لاعب بيها لعب شسوي ياربي ضليت افتر بالغرفه تالي رجعت للبيت شفت رنا بالمطبخ كتلها اتصلي على ساره سألتني شكو عطت بيها كتلها بسرعه بلا اسئله اجتي رنا وجابت الموبابل واتصلت على ساره جاوبتها ساره واني اخذت الموبايل من رنا كتلها ساره شلونج ليش من اتصل عليج مجاوبين شلونج شخبارج ليش ساكته جاوبيني ضليت اسلم عليها واحجي وياها وهيه مترد اخر شي صحت عليها بصوت عالي شبيج ثائر شلونه وياج احجي..كولشي لتخافين والله اجي ادفنه بكاعه..بس اتكلمي..

ظلت ساره بس تبجي وكالت ثائر ماكو واحد احسن منه يصوم ويصلي ويخاف الله بيه طلعات ونسات وفلوس بالبنك شريد اكثر من هذا تحجي وتبجي عرفت اختي ساره عايشه بظلم وكله بسببي رجعت الموبايل ال رنا ودخلت لغرفتي ماكو شي بيها مكسرته وقررت اتصل بثائر واتكلم ويا واساله عن ساره حتى يعرف اكو وراها اخ ياخذ حقها من كل شخص يأذيها

وعذرته...لما..رأيت..دمعهُ..

يتساقط..فنسيتُ..اياما...بها..

ابكاني..

واخذته..في..حظني..اهمس..راجيا

جمرت...دمعك...ايقظت..نيراني..

اتريد..قتلي..مرتين..الا..يكفي

فامنع...دموعك..

واحترم...احزاني..

ثاني يوم اتصلت على ثائر سلمت عليه بدون ميحس حتى ليرجع على ساره ويتهمها ويكول شكيتي لااخوج ضلينا نسولف على المكتب والحاسبات  الشغل شلون ماشي بعدين كتله ثائر ساره امانه عندك وانت ابن عمها يعني لحمها ودمها ومااريد اوصيك عليها لان عيب بحقك ..

ضل يسال شنو السامعه؟؟

او ساره متصله عليه شاكيه منه فهمته ساره الامتصله ولا شاكيه لهذا اتصلت بيك فاايا ابن عمي امانتك ساره دير بالك عليها لان كولشي ولا زعلها واذيتها...اني انطيتك..مره..ومااريد..اندم..

وللحكاية بقية ام مصطفى 

#حب_في_ازقة_بغداد 

#للكاتبة ام مصطفى 

#البارت الثاني عشر..

ساره اتصلت بي رنا جاوبتها كتلها هلو رنا واسمع سعد يسلم عليه ويعتب ليش مااجاوب على اتصالاته الى ان سألني عن ثائر بالبدايه كنت ساكته الى ان انهاريت وظليت ابجي سديت التلفون بوجهه واذكرت الي سواه بيه وحرمني منمن ابسط حقوقي واهاناته وضربه الي ان كعدت على القنفه وذكريات حياتي مرت عليه مثل الشريط كدامي ليش سعد حرمتني من كرار شنو الي حصلته انت دمرتني حطمتني من التعب نمت على القنفه ومحسيت الا على سده الباب بصوت قوي فزيت لكيت ثائر كدامي صاير اعصاب سألني ليش متصله على سعد وتشتكين مني وكلام ماانزل الله به من سلطان بااعتبار اني ساكنه بشقه جميله جدا بالعاصمه واذا على مسألت الشرب فهذا الشي ممأذيج بي ضليت صافنه بوجهه جرني من ايدي ابتعدت منه كتله هذا الموبايل مالي كدامك شوف سعد شكد متصل ممجاوبته الانسان ميشتكي المه لاانسان ثاني يشكي المه وهمه لله سبحان وتعالى وهو اعلم بحلها دخلت للغرفه سمعت صوت الباب انقفل عرفت بي طلع من الشقه افضل مااريد اشوفه كدامي 

رنا..اتصلت عليه خالتي سلمت عليه وعاتبتني ليش ماارد على اتصالات احمد النهار كله والليل يتصل ومااجاوبه خطيه جاوبي ترى باالله مراضيه على سوايته ومن رجعت للبيت حتى ضرب ضربته بس هوالظاهر مكان بوعيه ابني واعرف اخلاقه زين فاانتي جاوبي وان شاالله باجر راح يجي لان راد يمدد الاجازه مالته حتى تسافرون للشمال بعد الزواج كم يوم..

انتي تعرفين مكانه بالموت خطيه وباجر من يوصل بسلامه طلعين انتي ويا تأجرين البدلات والصالون صديقتي عدها مجمع كامل مال بدلات وصالون روحي شوفي واذا معجبج شوفي غير واحد 

رنا..سديته منها وضليت اسال شنو مكان بوعيه؟؟

شارب مثلا..احمد اعرفه من زمان يصوم ويصلي ويخاف الله هوايه زين ليش سواه هيج راد يجرب وفقد سيطرته لالا مستحيل كان مثل الوحش كدامي ماادري شلون راح انسى  الحادثه واكدر اعيش ويا

رن الموبايل والمتصل احمد ترددت اجاوبه بس بعدين فتحت خط..جاوبت..

الو..

احمد..هلا برويحتي وشمعه بيتي وام اطفالي هلا بااحلى حبيبه وزوجه وصديقه شلونج عمري ليش اتصل مجاوبين 

رنا..كل هذا الكلام واني ساكته مجرد مااسمع صوته تجيني رجفه بجسمي لااراديا 

احمد..ليش ساكته عمري والله ادري صعبه عليج موبس انتي متفاجئه اني هم متعجب بنفسي بس يشهد الله مكنت بوعي ولاحسيت بنفسي 

والله مكنت متقصد الي صار وفقدت بس عرفت هاي لعبه من صديق رزاق لان من شربت العصير حسيت بنفسي مو طبيعي ودوخه براسي فضيعه  اختل  كل توازني 

رنا..صديق رزاق شبي؟؟

وشنو قضيته..

احمدبديت اسولف الرنا ومتأكد كان  اكو شي بالعصيربس رزاق بااجازه وبسبب هوسه العرس مااكدر اروح عليه واعرف منه الي صار 

رنا..ضلينا بعتاب ومن خلال كلام احمد حسيت بي حيل ندمان بس شيفيد الندم ولو موبيده الي سواه..

احمد...عمري باجر ارجع ومددت الاجازه مالتي لان بعد الزواج بكم يوم اخذج ونروح ال دهوك اسبوع ونرجع ومن اوصل نروح ناجر بدلات ونحجز صالون ولو ام الصالون راح تصنع وجه ثاني لحبيبتي واني اريد وجهج كما هو

تدرين بالعقد  ظلت صورتج بالي محبيت اشوف المكياج على وجهج ولو جنتي طالعه كولش حلو..

رنا ..غلقت الموبايل بعد ماكملت مكالمتي ويه احمد والموبايل بيدي وعيني على الساعه شوكت ينجلي الليل وتطلع الشمس وتمضي هاالايام بسرعه لان التفكير راح يموتني والخوف اخذ عافيتي وقضى عليه..

كملت شغلي وصعدت لغرفتي كانت هباوي نايمه ظليتةاباوع عليها واتكلم بداخلي واكول انتي راح صيرين مرت حمايه ونضل ثنينا نتعارك على الشغل والجهال ضحكت ويه نفسي غطيتها وتمددت بفراشي ونمت..كعدت ساعه ٧ معحبني ادوام واساسا ماعدنا شي مهم احس كلبي يوحعني ماادري من الخنكه لو من الخوف الي بيه والقلق خلاني مشوشه حتى الاكل مقتربت منه نزلت جوه جانت امي كاعده صبحت عليها وسويت ريوك اجتي هباوي اتريكت ويانا وراحت للمدرسه وظليت ويه امي بس مااعرف الزم الشغله وانسى اسويها بس صافنه اخذ الماعون وارجعه مكانه حتى امي انتبهت عليه سألتني رناوي شبيج..جاوبتها مابيه شي راسي يوجعني صارت الساعه ١٠ اتصلت خالتي سلمت عليها وكالت احمد بالطريق من يوصل بسلامه حظري نفسج ساعه ٣ طلعون حتى تفترون براحتكم وتختارون شي الي يعجبكم واي شي بنفسج ذمه بركبتج احجي ولتخجلين 

ردت خالتي تجي ويانه لان احمد مااكدراوجهه واخاف بس هي مقبلت كالت اني مااروح روحي انتي واحمد حتى تكسرين حاجز الخوف ..نهيت المكالمه وبعد ماكملت شغلي صعدت اختار ملابس اطلع بيها ويه احمد فتحت الكنتور واحس عيوني مغوشه مااكدر اشوف الملابس ظليت بس اكلب بيهن وارجعهن

احجي ويه نفسي معقوله كل هذا خوف حتى مااواجهه كأنما كلبي حاس بالمأساه الي راح صير ساعه ١١ الصبح وحياتي الي راح تنقلب رأسا على عقب..

عدت ..ساعات تقريبا بعد مااذن الظهر صاح الله اكبر جنت بالمطبخ طفين الطباخ وتوجهت للمغسله حتى اتوظى رن موبايلي الي كان على الميز ظليت واكفه بمكاني وعيوني عليه احس رجلي انشلت اريد احد يجي يمشيني ويوصلني للموبايل حتى اجاوب..طلعت امي من الغرفه تريد تتوضى وكانت اقرب للتلفون مالتي كالت هاي خالتج بسرعه تريد تفتح خط انقطعت المكالمه رجعت امي التلفون على الميز وسألتني ليش مجاوبتي واني مثل الطفل الصغير ماعندي اجابه بس اباوع بعيني رجع رن موبايل امي وامي جاوبت ..ها..ام احمد..شلونج..واني عيني على امي الي شفايفها ترجف وجهه الي صاراصفر واختفى منه اي قطره دم وصاحت ربي سترك وعفوك دخيلك ياالله الولد عرسه بعد كم يوم دخيلك ربي لتكسرنا بي  واسمع صوت خالتي بالتلفون وعياطها يدك براسي...  احمد وهو راجع انقلبت بي السياره على الطريق السريع وهسه ناقلي بالمستشفى واحد من الناس الوكفه مطلع الموبايل صاير جوه الكشن مال السياره ومتصل بخالتي بااعتباره اخر مكالمه بالتلفون ظلت امي تدعي واني صافنه عليها ولاكلمه طلعت منيافتر وراها امي اخذت مبايلها اتصلت على سعد معرفت بشنو اتكلمت لان حسيت نفسي فقدت السمع والنطق ..

يمه رنا بسرعه بدلي راح اجيب اختج من المدرسه وناخذها ونروح لبيت خالتج كملت كلامها امي دخلت هبه امي كالت الحمدلله اجيتي بدلن بسرعه خلي نروح لخالتج هسه فاقده سوده عليه ومنا ظغطها ليصير بيها شي بسرعه يمه هبه تسألني شكو صاير واني مااكدر احجي ولاكلمه احس صخره ثقلها على كلبي صاير كوه اجر النفس بسرعه اخذت عبايه اسلاميه جريتها ولبستها ولفيت الشال بسرعه وهبه هم كملت طلعنا اخذنا تكسي لبيت خالتي من وصلنا لكينا الناس جوارينهم نسوان واكفات وخالتي كاعده بالكاع وربطتها نازله وشعرها طالع وحالها حال وتصيح ودوني لااحمداريد اشوفه بعد يومين عرسه اريد ازفه بيدي وتلطم على وجهه وخدودها مجرحه من اللطم..وصلت يمها اباوع عليها كتلها خاله هسه يجي احمد خابرني كال اليوم نروح ناجر بدلات مال زواجنا خاله احمد واعدني مستحيل ميجي احمد مابي شي هسه يجينا يمشي على رجليه النسوان دخلوا خالتي للطرمه واجابولها مي مقبلت تشرب تكول اريد اشوف احمد مرت ساعه على اتصال الولد بخالتي سعد ومهند وعمي وعصام كلهم راحوا لمكان الحادث وعرفوا ناقلي للمستشفى من نتصل بيهم محد يجاوب وبعدين تنغلق الموبايلات مالتهم منعرف شنو الي صار ...

واني واكفه بالمطبخ ادعي الربي يكوم احمد بالسلامه وعيوني مااكدر افتحهن من البجي شفت سيارات واكفه بالباب وزلم هوايه شفت سعد فتح الباب كولها وناس تردد لااله الا الله واني عيني عليهم وكاتمه نفسي بيدي ..نزلوا التابوت وصوت النسوان والعياط وخالتي الي شكت ثوبها وشمرت نفسها على التابوت وتصيح يمه احمد باجر عرسك ليش نايم... يمه..اريد اصيح عريس وربعه يزفونه ملحكت اكولها الك شبساع عفتني ورحت ..هاي فرشه عرسك وشمرت الفرشه بالكاع متلوك لغيرك..

يابوا. طول الحلوه ياهيبه

متلوكلك هاي النومه ولك يمه ربيتك صغيرون واصيح دللوول يالولد ياابني ..رتك تمشي بجنازتي وتدفني بيدك المن اكابل بعد والمن احجي ..شالوا الجنازه وخالتي شمرت فرشه العرس على التابوت وتهلهل ..مبارك عرسك ياالهيبه مهند جان فاقد ويضرب براسه ويصيح خويه الوكت بعدك صعب وانت عفتني ياحزام ظهري المن انخى بعد والمن اشكي ..طلعوا من البيت واني كاعده بالمطبخ اجتي امي عليه حظنتني وبعد ماحسيت على روحي ثلاثه ايام الفاتحه اني فاقده ضلينا بيت خالتي بأايام العزاء وبعدها رجعنا للبيت بقيت بالغرفه مالتي مااطلع منها ابد نايمه بفراشي لااكل ولاشرب اصبر بنفسي اصلي وارجع اخلي راسي على المخده دوام الكليه تركته صديقاتي يتصلون هبه جاوبهم لان مااكدر احجي ويه بشر اسمع هبه تحجي ويه ساره اختي تكولها احس رنا صارت خرسه من الهبطه ميطلع صوتها ابدا اسمعهم واحجي ويه نفسي لو تدرون الي بيه جان ذبحتوني بليله ظلمه ودفنتوني بكبر محد يندله اوووف احمد شسويت بيه اريد اموت وارتاح  شلون راح اواجه اهلي شسوي ..احجي تعال وكولي شسوي بمصيبتي..منو الي راح يصدك بيه ...ومن التعب انام وهاي روتين حياتي اليومي الي مارسته بعد وفاه احمد..

وللحكاية بقية ام مصطفى 💔

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad