مساء الخير ع اجمل متابعين اتمنى لكم قراءه ممتعه
❣️❣️#البارت 4❣️❣️
❣️❣️#الندم_مابعد_الخطيئه ❣️❣️
❣️❣️#للكاتبه رونق❣️❣️
جان تكول رسول استشهد تعال بسرعه
اتخبلت شنو استشهد مريم لتمزحين ويايه
والله احجي الصدك وتبجي وتصرخ
عفت المحل ورحت ع السريع
خابرت مهند
مهند الخبر صحيح
جان يبجي اي ولك مستشهد خطيه
رحت لبيت عمي ولكيت العالم مكلوبه
لكيت البنات منتهيات
شهد متنوصف حالتها
مريم متقل عنها
امه خطيه هاي قصه بحد ذاتها
لحضات وانغمى عليها
عمي مسودن يبجي مثل النسوان
اخذنه خاله للمستشفى ومغذيات وابر
بعدها جبناها
بقينه يومين ورحنه للمطار استلمنه الجثه
خطيه قناص ضاربه براسه ناهي بالمكان
اتخبلنه علي
الولد حباب وخلوق
المشكله هالواحد عند عمي
سويناله تشيع يليق بمكانه الله يرحمه
حيل اتاثرنه بي
مريم كل شويه واتخربطت
ومو زين ع حملها
احجي وياها بس ميفيد اخوها بعد خطيه
ثالث يوم الفاتحه جان يكولون مريم كاعد تنزف
اتخبلت هذا رابع طفل ياربي
لاتفجعنه بي
حيل تعبنه
وديتها للدكتوره
كالت هواي ماذيه نفسها والطفل مهدد بالاسقاط رغم الربط
انطوها علاجات بس مفاد ابد
وره يومين صار عدها اسقاط طبعا هاي جانت ضربه قاضيه الي
خلصت الفاتحه وبعدها التهيت وي مريم بالمستشفى
طلعت من المستشفى
حذرتها الدكتوره كلتلها مو زين عليج تسوين طفل بهاي الفتره
لان الرحم مالتج تعب وكلها صارلج اقل السنتين و4 اسقاطات
شهد رجعت مكسوره وياها طفل يموت باللحضه 100 موته
خطيه يصير ازرك وشفافه زرك
كال بابا ناخذه نسويله عمليه باربيل
لان خطيه
لزمت عده
حتى بالاربعين ماراحت لان ابنها حيل متخربط
وراه
مريم كالت اشك بنفسي حامل
كمت احجي عليها انت مو اخذتي حب شلون حامل
الدكتوره مو حذرتج
مو مهم اني اريد طفل لان حيل تعبت
لج بابا متوازين لاحكين ع شلاع الكلب
كالت هاي بعد اجه شنكله ارجع
اخذتها للدكتوره وشرحت حالتها
اتخبلت كالت ماما ميصير
لازم هسه بس تنامين ع ظهرج ابد متتحركين ولا شويه
فعلا نامت وهم ربط
كالت اروح يم اهلي احسن
هنا استحي انام والناس تخدم بيه وماكو احد بس خاله خطيه
ماقبلت بعدين صممت وراحت اخذتها
خلصت العده مالت شهد
رحنه للدكتور الي بالنجف
كال الافضل يكبر شويه لان ميتحمل بنج
كناله نطلعه لبره
كال ماكو فرق
انطا علاج وطلعنه
وره فتره بدت حالته تسوء
اجه عمي وعمتي يشوفون الطفل
من سولفتلهم شهد اتخبلو
كالوا خل نطلع للخارج
هم خطيه حالتهم ع كدهم يعني ميكدرون علاج خارج العراق
قرروا يرحون شهد وابويه
احنه تكلفنه كلشي
سوينه الجوازات وفيزنالهم وكملنه
اتقرر السفر
سافروا وبقوا هناك قريب الشهر
كالوا نجحت العمليه وفرحنه خطيه
ورجعوا للعراق وجانت حالته مستقره تقريبا
وره رجوعهم باسبوع اتخربط بالليل وصار ازرك الطفل
اخذنا بسرعه للمستشفى
بقه يومين بالمستشفى وجانت الصدمه يتوفى الطفل
حيل اتاثرنه عليه وشهد هاي قصه بوحدها
اتخبلت ملخت شعرها وبس تبجي ليل نهار
من مات رجلها مسوت هيج
امي كالت اذا صار بيها شي احملكم المسؤليه
من وراكم وافقت وهاي تاليتها
رجلها استشهد وابنها مات وهي تخبلت
شحصلتو من جبرتوها
ماخفتوا ربكم وكلتو خطيه حرام علينه نجبرها
وبالتالي هاي النتيجه
اني كام ضميري يأنبني من ناحية شهد
كلت اكيد الي ديصير بينه من وره البنيه صديقة شهد
ياربي ظلمتها للبنيه ومااعرف شلون اتصرف
عقلي واكف عن التفكير
حتى اذا اريد اصحح غلطي واخطبها
من المستحيل يوافقون
لازم ارجع اراقبها بلكي المحها واحجي وياها
بلكي نوصل لحل اني وياها
اتذكر من دعت علينه اني وشهد
فعلا الله موفقنه ابد
لازم احجي وي شهد اريد افتهم علاقتها شلون جانت وياهم
بس حالت شهد ابد متسمح الها تحجي
بديت اراقب بيتهم تقريبا شهر
ابد ملمحتها يوم واحد
اخوها محله من بيتهم مطلعه
دخت بيها معقوله تكون متزوجه
لا مستحيل
معقوله عرفوا بيها اهلها وكتلوها
يجوز هذا الاحتمال
مااعرف شلون احصل رقم الها او المحها
مريم تقريبا بشهر الثامن وهل مرت فرحنه
لان ثبت الحمل وماكو شي
مبقيها يم اهلها واني اروح يمها
لان نخاف عليها كلش
مااخفي عليكم اكو خوف بداخلي جبير من المستقبل
اخاف هذا ابني هم ميبقى عايش
طبعا الله بالمرصاد
دائما يعاقب وعقابه عدل
يعني اتهجمت ع البنيه وهي ابيتنه
اغتصبتها وطردتها
واتصلت بيه تستنجد بيه لان حامل
اني شسويت هنتها اكثر ومنطيتها مجال
شكد احاول احجي وي شهد بس رافضه تباوع بوجهي
تكول كل الصار بيه من وراك انت
مااسامحك للموت
اليوم مقرر لازم احجي وياها وبلكي نوصل لحل
دخلت لغرفتها وجانت هادئه
حيل ضعفانه لان متاكل ابد
كعدت بصفها
شلونج شهد
دايره وجها للجها الثانيه
محجت ولا حرف
شهوده ادري بيج زعلانه
اني غلطت بحقج وبحق البنيه صديقتج
اني حتى اسمها مااعرفه ابد
حتى شكلها تقريبا ناسي
اني حاب اعرف علاقتج بيهم شنو جانت
ومن جنتي ترحين لبيتهم شلون قشمروج همه لو انت من ذاتج
كامت تبجي
كالت اذا اكول شي مراح تصدكني
كولي اسمع
وروح رسول وروح ابني الي مشبعت منه
ملامسني لمس عمار
جانت علاقتنه شريفه ونزيها
ابد ماملتقين بوحدنه
يكول خاف يحضر الشيطان ويانه
لهذا السبب جانت روان ويانه بكلشي
تكعد ويانه وتطلع ويانه
جان يخاف ع سمعتي ميقبل نطلع سويه ابد
بس مرات يوصلني اذا السايق ماجاي
جنه دائما نلتقي بالبيت
مجان بيناتنه كلام غزل وغيرها امام روان
يكول اني اخاف عليج مثل مااخاف ع اختي روان
هو حبني واني حبيته بس حبنه طاهر ونزيه
هاي السالفه كلها
هو صان اختك يخاف الله يعابي باخته
يكول ماالمسج بالحرام حتى اختي هم متنلمس
لان البشر شمايعمل يتجازه
انت بالمقابل شسويت
حطمت اخته واغتصبتها وهي ابيتك
يعني شنو الي استفاديته
اشو اني ادمرت دمار
ورجعتلكم مكسوره
انت هم الله كاعد يعاقبك بس بدون متحس
يوميه ميت طفل ابطن مرتك
مكاعد تتهنه لا بزواجك ولا بالاطفال هسه تكول انت تشمتين بيه بس لاوالله مااشمت بس هاي الحقيقه
مستحيل اوصف شعوري بهاي اللحضه
يعني اشرف ناس هو واخته وصانو عرضي وحافضوا عليها
واني اجيت بكل بساطه ودمرتهم دمار
يعني يكدر كلشي يسويلها لشهد وهي بنص بيته
طلع ملامسها حتى بالغلط
اتخبلت مااعرف شاتصرف
زين شهد شاسوي ولج خطيه البنيه دمرتها
وهاي حوبتها لبينه صدك
اريد اصحح غلطي شلون
ياغلط هذا التحجي علي
انت مثل مكلت دمرتها
مستحيل يتصحح هذا الغلط
شتتوقع بعد الصار اذاخطبتها راح ينطوك
لا مستحيل يوافقون
لعد شتريد
اريد تساعديني
اريد احصل رقمها شلون مجان
مو عندك رقمها
مقفول من يوم الي تزوجت بي لهسه
لعد اكيد غيرته من وراك
الله عالم حالها هسه شلون
فدوه ساعديني
شلون اساعدك
روحي للبيت عليها واعرفي اخبارها
شنو تخبلت انت
لك اذا تشوفني يمكن تشرب من دمي
نسيت اني مشتركه بلعبتك القذره
اني الدزيت عليها
عبالي تريد تحجي وياها
معبالي تغتصبها
يابه وروحه لرسول لو ادري هيج تسوي مجان دزيت عليها
لان مستحيل اغدر بصديقتي هيج
لعد شلون لج الليل كله ماانام افكر بيها
خطيه اذيتها وبدون سبب
يعني جانت بيناتكم حتى متخلي مجال للشيطان يحضر وياكم
والله اني توقعت مقشمرينج هي واخوها
اوووف منك مرتضى شكم واحد دمرته انت
دمرت البنيه ودمرت اخوها ودمرتني الي
وحتى بيت عمو هم دمرتهم
يعني اني لو مامتزوجه رسول مصار طفل ولا اتعلقوا بي ولا اتاذوا من مات
بس انت انسان اناني فكرت بس بنفسك
محسبت حساب للمستقبل
لج شوفيلي حل فدوه اروحلج
اني ماعليه بيك ابد
لو اموت مااروحلهم للبيت
والله تطردني هاي اذا متهجمت عليه
يعني سديتيها بوجهي
انت الي ورطت نفسك اتحمل العواقب اني ماادخل بيك ابد
كملنه حديثنا
ورحت لغرفتي
صارلي فتره الليل كله بالي يم البنيه
حيل متاذي واحس بتانيب الضمير
استعجلت هواي وبالغت اكثر بردة فعلي اتجاها
مااعرف شلون اوصل الها
لو المحها مره وحده جان كدرت اخذ رقمها باي طريقه
روان : عمار اخويه كدر يوكف ع حيله
فك الدين كله بعد ممطلوب
فك الشراكه وي الولد حسب الاتفاق وبرضات الطرفين
وهسه كاعد يلم ع سياره اله
المحل من طلعه من بيتنه هواي فرق اله
يعني ميدفع ايجار وهذا الشي ساعده يظم فلوس الايجار
يكول حاسب نفسي ايجار
كدر يجمع شكم فلس ع اساس يشتري سياره
ماما رفضت كالت خل ازوجك وبعدين السياره
هو رفض الزواج نهائي
بس ماما زعلت عليه وصارلها شهر متحجي وياه
حاول وياها راد مفاد
قفلت ع الزواج
اخر شي وافق وجنه فرحانين لان خطيه يتعذب
هو يحبها لشهد وهي ولا بحاله راحت اتزوجت ونست كلشي
كل لماما انت اخطبيلي ع ذوقج
ماما رادت بنت خالو ديما بس هو رفض
كللها مثل اخواتي ذني
بقت ماما ادور
شرط عليها ميريد اقارب يريد غريبه
تقريبا شهرين تسال وتشوف ومن وحده لوحده
اخر شي لكتله وحده عن طريق زوجة خالو
جيران اهلها
راحت ماما وبيبي وشافنها
كالن البنيه حلوه وبعدلها سنه وتخلص جامعه
سالوا بابا وعمار عليهم وطلعوا حبابين
اتفقوا ع يوم هو يشوفها وهي تشوفه
فعلا اتشاوفوا واثنينهم وافقوا
اتفقوا ع يوم المشيه وعقد السيد
قبلها حددوا الحاضر والغايب
قررنه يوم الجمعه نروح
طلب مني عمار ادخل لمحله حتى اختار فستان الي
اني ماعندي واهس لكلشي
بس مترهم مااروح ولا ترهم ابقى حزنانه
ع الاقل لمن يخلص الزواج
دخلت للمحل وهاي اول مره ادخل
اتفاجات بي يخبل المحل
الصراحه احتاريت شاختار
كلهن راقيات
يمكن افضل محل هنا بدون مبالغه
لك عمار شنو هاي بضاعتك
شبيها
غير تخبش
ادري
تعال اختار وياي حباب
خل اصيح ماما ويانه
اجتي ماما
وبقينه حايرين اخر شي
كلي عمار هاج شوفي هذا عليج
كلت لماما اني متاكده عمار خبيث يختارلي الموحلو
اخاف اطلع احلى من خطيبته
دولي ولج شجابج ع خطيبتي
انت تلعبين النفس وهي جنها كمر
عبالي صدك يحجي
والله اله مااروح لو تموت
وعود خل تفيدك الكمر
اي طبعا تفيدني لعد انت تفيديني قابل
ردت اطلع وجان يجرني
لج ورحه للحسين انت الاصل ياخطيبتي خل تولي
والنبي اختارلج ارقى شي
حتى يكولون هاي اخت العريس واتباها بيج يثوله
ولي تجذب عليه
لاوالله احجي الصدك
تعاي جربي وخل نحكم
ماما كالت اني راح احكم
اختارلي فستان اسود وذهبي يصير قصير
اني جسمي صار عبالك لعابه هواي ضعفت
لبست وطلعت عليهم
كام يصوفر انعل عشيرتج شطالعه ولج
لج هاي تشعلين جد جده الياخذج
هاي من يمته هيج ضعفانه
ماما كلتله استحي ولك فضحتنه
اسكت اليسمعك يكول يتغزل بصاحبته مو اخته
اختي واتغزل بيها انت منو يمج
لو هم غرتي من عدنه
تعاي اختاري فستان وهم راح اتغزل بيج
ضربته ماما
لك اسكت لا اصيح ابوك عليك
ماما شلونه عليه الفستان
يجنن عليج هو هذا البسي
اني اليوم دخلت للمحل لازم اخسره لعمار هواي
مو بس الفستان
رحت ع قسم المكياج
كام يصيح عمار
ماما كلبي كام يوجعني طلعيها لبنتج
راح اطلعني كسر بالمكياج اني متاكد
ايا بخيل هاي لو خطيبتك جان كتلها اخذي المحل كله فدوه الج
غير اشبعها كتل اذا دخلت
كول والله
اي والله
لج وحدتجن اذا انطيناها مجال تخسرنه وتسمط جد جدنه
ماما خل نطلع من هذا المحل لان صاحبه بخيل
باجر اخذيني لغير محل احسن
والله تسوين جميل عليه
هم ردت اطلع وجان يجرني
لج خبله المحل وصاحب المحل تحت امرج
اختاري الي يعجبج
رحت اختاريت شكم شغله وعطور
ماما هم اختارت فستان يجنن بس مالت محجبات
كملنه وردنه نطلع الساعه يمكن ب2 بالليل
كال تعالن وين تردن ادفعن الحساب
بقينه صافنين اني وماما
شنو يعني باقي ل2 بالليل وافتر وياجن ودوختني وبالاخير مااحصل ولا ربع منجن
كلتله ماما لك انت متجوز من سوالفك
والله ممنوع اطلعن الى كل وحده بوسه يله
لك يوم اعقل شبيك خفيت
هاي كلها ع مود العرس
هذا ياعرس متكليلي لتخليني اسب العرس والعروس همين
هاي ليش هيج تحجي يوم
ليش هيج احجي ع اساس متعرفين البيه
والله جرحي لهسه ينزف
اي شبيدي عليك يا يوم مو عافتك واتزوجت
وتلكيها هسه نايمه بحضنه وفرحانه وانت تعذب بنفسك
اكو عطر قريب عليه
شمره بالكاع فلشه
لتحجين هيج كدامي يوم
ليش تجرحيني اكثر
ليش تذكريني هي نايمه بحضنه
هاي بحد ذاتها كافيه تذبحني من الوريد للوريد
يوم والله بس تتزوجت تنسى كلشي
زوجتك تصير هي الكل بالكل
حتى اهلك تنساهم بس اصبر وشوف
سكت
حبيت اغير الموضوع
يوم هاي السالفه كلها سواها ع مود يريد ياخذ من عدنه فلوس
راح يموت ابنج ابو فليس
يكتل نفسه ع الربع
نجبي ولج دبدوبه اسكتي
هاي منو الدبدوبه
انت منو غيرج
شحال لو ماقبل لحضات تكول لعابه
غير اقشمرعليج حتى متنهبط معنوياتج
هالمره صدك الى مااروح وياك للعقد
شحدج حتى اكسر اديج ورجليج
كمنه شويه نسولف ورجعنه للبيت
اجت الجمعه والتمت الناس
قررنه نروح قبل الزلم
اجني بنات خالو وهواي ناس من اقاربنه
وحتى لابسه صايه وممخليه مكياج ابد
كلت هناك اخلي
صعدت وي كرار اني وديما وغسق اختها
الطريق كله يحشش
ويكول جهزن نفسجن اني وره عمار سرايه
كتله هاي يامخبله تقبل بيك
ليش ولج شبيه
اكبر وحده تتمناني
اذا مااخليجن تنجلطن من تشوفن خطيبتي
تخبش والعيون ملونه
خو مو مثل خلقجن جنجن فيترجيه
درنه علي كلنه كل وحده تضربه بمكان
اخر شي وكف السياره
انعل يومجن لايوم اليصعدجن وياه
هاي بس حجي هيج سويتن
لعد اذا شفتنها شتسون
نخنكك انت وياها
انتن شايفات نفسجن بالمرايه لو لا
شوفن حالجن هم حاسبات نفسجن ع النسوان
الغث منا لباجر ميهمنه حجيك
شوي بعد بالحفله نطك صور وندزهن الك عود عيب ع راحتك
اها تقصدن بعد اللبخ ههههههههههاي خل نشوف
وصلنه ودخلنه
البنيه بعدهي بالصالون
طلبنه منهن ندخل بغرفه ع مود نبدل ونتمكيج
صعدونه لغرفه
نزعت الصايه وشعري مسويته تسريحه بسيطه وبارمته الباقي
بدينه وحده تمكيج الثانيه
نسيت همي كله الصراحه
وحده تباوع للثانيه وتكول شطالعه
كتلهن وين راح كرار المخبل خل يشوفنه شلون حتى ميقلد بعد
كالت ديما خل نطك سناب
لا مااحب السناب ميطلع الشكل الاصلي
اي لج لتصيرين ثوله هو هذا المطلوب
خل يتسودن
اكلجن مطلعن بس وجهي
حتى شعري ممنوع يطلع
اخذت صور بجهازي كومه
وسويه اخذت
بعدها كالن عيب خل نطلع يله
ردنه نطلع بعدين كتلهن لحضات واجي وراجن راح اعدل المكياج
اجتي اخت البنيه خطيبة عمار
هم عدلت وياي
لحضات وسالتها اكدر اطلع هيج
لو اكو ولد هنا
لا امني ماكو احد الكل تجمع بالاستقبال
طلعت وجان انركع بولد
اني اريد اشوف دربي بعد مااشوفه
حيل خجلت ثوبي قصير ومكياج وشعري
اتخبلت
كال العفو
مركزت بعد اختفيت باللحضه
ارتبكت حيل
والله عيب منه شلون شافني هيج
اجتي ديما وسولفتلها
لج شاب لو جبير
حلو صاك لو اجكم
واني ادري والله ابد ماركزت
ونزلت ع السريع
او القسمه
جان نسقتي يحضي
هاي تحجين صدك ولج
لج والله اشاقه بس حبيت اتلاطف وياج
بدت الحفله وعقد السيد
واشتغل الركص والاغاني
كالو اجه الولد يعني عمار
الكل لبس حجاب اله اني
بقيت اركص وعشت بغير عالم بيومها
اخذت جهازه لعمار وطكيت الهم صور سويه
لبسوا الحلقات وي كل حركه طكيت صوره
اكلوا الكيك وبعدها بشويه طلع عمار
بقينه شويه وهم رجعنه للبيت
رجعنه هم وي كرار
وراونه الصور واني بغير عالم
افكر بالولد الشافني هيج عيب هسه شيكول عليه
ولو المفروض يحسب حساب وميصعد يم النسوان
محسيت الى ع صوت كرار
نحن هنا يمعوده وينج سالمين
انتبهت لكيتهن يحجن وياي واني فاصله
منو الماخذ عقلج
ماكو شي
افكر بخطيبة عمار
شبيها
معاجبتني ابد
شبيها
احسها دمها ثكيل
كام يضحك كرار
ع اساس انت الدمج خفيف
ديما كالت حتى مو حلوه هو احلى بهواي
يابه دعوفن الولد كوه قنعوا
بس يسمعجن يبطل وهو يريد حجه
هو اني هم ساكته شعليه بي
اذا هو وافق واقتنع اني شعليه
رجعنه وبقوا بيت خالو وبيبي وجدو يمنه
والباقين رجعوا كلمن لبيته
جبنه عشه جاهز
حسيت بعمار ممرتاح ابد ولاكانو عاقد
راحوا بيت خالو
راد يروح للمحل
اليوم ابد مراح مخلي ولد صانع عنده
طلعت وراه للحديقه
عمار ليش ضايج
لا عليمن ضايج اصلا فرحان
علينه لك اكثر وحده فاهمتك اني
لعد اسكتي لا تساليني اذا فاهمتني
اذا مقانع بالبنيه عوفها لتورطها وياك
لج وافقت بس ع مود نبع الحنان متزعل عليه
اصلا ممقتنع بيها البنيه
بس كاعد اقنع نفسي كوه بيها
لازم اتزوج واستقر واقبل بقسمتي واسكت
بس تعاي اكولج
سحبني من ايدي للمرجوحه وكعدنه
وضعج ابد معاجبني
ليش مطلعين ودراستج تاركتها
اني هملت موضوعج لان التهيت بشغلي
بس منا ورايح مراح اتركج
اريد تسولفيلي كلشي
احد مضايقج احد متعرضلج
هاي شبيك عمار اكلتني وشربتني
اني تركت الدراسه لان كرهتها جنت احبها لان شهد ويايه
ومن تركت شهد اني هم تركت وياها
انعل ابوها لا ابو الخلفها
هي اتزوجت وتركت انتي ليش اتركين
خل تولي ماعليج بيها ومتسوه التفكير اصلا
السنه التجي لازم ترجعين ارجعج مسائي وبيدي انقل اوراقج
وهم بيدي اخذج واجيبج
ان شاء الله
وشغله ثانيه مااريدج تحبسين نفسج بالبيت
اوك الله كريم
عافني وراح
كمت افكر بالحجي
صدك اني ليش دمرت نفسي ومستقبلي ع مود واحد بلا شرف
شحده اذا تعرضلي والله اكلب الدنيه فوك راسه
لازم ارجع روان القديمه الي تحب الطلعه والسفر
ارجع للدراسه
لازم اصير قويه
اتحدد يوم زواج عمار
اشوفه بعيني حزين ولا فرحان ولا عبالك يريد يتزوج
حيل اضوج عليه خطيه بس مابيدي شي
يوميه ادعي ع شهد واخوها
الله ليوفقهم دمرونه اني واخويه
اتمنى ميتهنون بحياتهم
اني عندي خوف من مواجهة العالم
اخاف احد يعرف بيه
احس العالم كلها تدري بيه اني فاقده عذريتي
خطيه جابلي فستان خاص من تركيا واحد الي وواحد لماما
بقت تحجي عليه ماما ليش ماجبت لخطيبتك
يكلها هواي عدها
حتى لو ياعيني غير عروسه
يوم اسكتي فدوه
صارت الحنه ورحنه يمهم بس هالمره ماصعدت فوك ابد اخاف يصير بيه نفس ذاك اليوم
دخلني بغرفه جوه
كملت وطلعت اخبش
الفستان لون جويتي
ومخصر وطويل وبي فتحه للركبه
كوه قبل عمار يجي يحنيها للبنيه
لحضات وكام
كملت الحفله ورجعنه
بالليل تبدي الحفله مالت الولد بالقاعه
جهزنه كلشي واخذوهن وراحوا
ثاني يوم صار العرس
مااخذوا ولا بنيه وياهم بالزفه
رجعوا وكملنه العشا والهوسه وزفو عمار
لليل
وكلمن راح لبيته
بقوا يمنه جدو وبيبي
ثاني يوم كعدت ع صوت الهلاهل
عرفت فاضينها للسالفه
عمار يجاملنه من يضحك
اني متاكده ع اعصابه
بس شنسوي هاي قسمته وحضه
زوجته اسمها اسيل
بقت اسبوع كامل بالغرفه صدفه نشوفها طالعه
حتى اليجي علينه ويريد يشوفها تكول خل يصعد
ماما ضاجت من تصرفها بس ع اعصابها سكتت
خلصت السبعه وراحت لاهلها عزموهم
لليل ورجعوا
ثاني يوم طلع للشغل مالته
وره تقريبا بشهر
سحب اوراقي وقدملي بالمسائي
مااخفي عليكم اكو خوف بداخلي مينوصف
بس قراري واحد ميتغير ابد
اله بابا لو عمار يوصلوني ويرجعوني لو مااداوم
اسيل صدفه تنزل يمنه
نايمه بالغرفه 24 ساعه
ماما تكول خطيه خليها بعدهي عروس
اني بس التنظيف عليه
الطبخ ابد مااعرف كلشي اسوي بس اشياء بسيطه
اقل الشهر وبدت المشاكل بين عمار واسيل
يكول الغرفه دومها مبهذله وصخه
ملابسي كل 3 ايام زين اذا ذكرت وغسلتهن
ماما هدأته تكله ماما علمها مو تصيح عليها
من اتعارك وياها كامت تنزل يمنه
كلت لماما خلي العشه عليها والمواعين مالت العشه
وانت الغده عليج
والتنظيف عليه
كالت الله كريم
اني السنه سادس ولازم اقره واتفرغ للقرايه
بدة المدارس ومن اول يوم لازم اداوم لان سادس
عمار جابلي ملابسي كلهن من تركيا حتى الجنط
جنت خايفه كانو اول مره اداوم عبالك اول ابتدائي
الحمد لله داومت ومشى اليوم عادي
بالليل اتجمعنه بالعشه
حجه بابا كال من باجر ممنوع روان تنظفين لو اطبخين
لان انت سادس ولازم تقرين
لو البيت يحترك انت ماعليج
ومن باجر يوميه بالليل يجوج مدرسين خصوصين للبيت انت و4 طالبات
يوميه ابيت وحده من البنات
لا بابا مااريد خصوصي اني اقره
اس ولا نفس مااريد اسمع نفس منج
الرياضيات ابيتنه
الكيمياء ابيت وحده
الفيزياء ابيت ثانيه
وEnglish ابيت وحده
العربي والاسلاميه والاحياء عليج انت اقري
اني الصراحه مااقبل ادري بي بابا خطيه ماعنده
بس الظاهر متفقين هو وعمار وناهين الموضوع
بعد مااكدر اناقش سكتت
اسيل حسيت بيها ضاجت لان بابا كال بعد متنضفين بس ميهمني بعد
مرتضى : حاولت بكل الطرق اعرف شي عنها وماكو
هاي شهد متقبل تروح الها لبيتها وتسال عنها
هم صدك بيا عين تروح
هو اني الورطتها خطيه
من ورايه خربت علاقتهن خطيه
مشت الايام ودخلت مريم بشهر الثامن
الكل يدعي الها
اني حيل خايف اخاف هم افقده للطفل
حسيت بنفسي مخنوك حيل وكلبي مقبوض مااعرف ليش
اتفقت وي جماعتي نروح لكربلاء
حسيت بنفسي محتاج الزياره
صادف يوم خميس
وره صلاة الظهر صلينه وطلعنه بسياره صغيره
وصلنه ودخلنه للامام الحسين
زرنه ورحنه للعباس سلام الله عليه
هم زرنه وصلينه المغرب بالحضره
خلصت صلاه ودعيت ابو فاضل
كون احصلي اي خبر عن البنيه
ياربي سامحني اني غلطت واتمنى اصحح غلطتي واريد المساعده منك ياربي
بحق ابو فاضل ساعدني ياربي
كملنه وطلعنه رحنه اتعشينه بالمطعم
كملنه
كالو خل نزور مره لخ
فعلا زرنه وكملنه ورجعنه
كالو خل نروح للنجف فرد مره نزور
ايدنه الفكره وانطلقنه للنجف
زرنه وصلينه وكملنه
وردنه نرجع
جان يجيني اتصال من ابويه
مااعرف ليش كلبي نغزني
جاوبت ها يابه
هله ابني
وين انت
بالنجف وراح نرجع
خيرك يابه اكو شي
لا ابني ماكو شي
بس بلكي تستعجل
يابه احجي لتخليني قلق شصاير
لا ابني ماكو شي
من ترجع نتفاهم وياك
فدوه يابه احجي لتخليني بقلق
ماكو شي ابني لتقلق
طبكه
حيل قلقت
ادك عليه بعد ميجاوب
كتلهم فدوه استعجلو
لازم اكو شي صاير
دكيت ع مريم ماكو جواب
دكيت ع شهد هم ماكو جواب
دكيت ع امي همين
دكيت ع عمي
هم ماكو جواب
اتخبلت لازم اكو شي
الطريق كله ادك وماكو جواب
وصلنه للمحافظه
اتصل بيه ابويه
ها يابه ليش محد يجاوب
جان يكول استعجل ابني تعال للمستشفى بسرعه
خير يابه منو الي بالمستشفى
جان يكول ..........
توقعاتكم حبايبي منو الي بالمستشفى ؟؟؟؟؟
وشنو الي صاير ؟؟؟؟؟
مساء الخير ع اجمل متابعين اتمنى لكم قراءه ممتعه
❣️❣️#البارت 5❣️❣️
#الندم_مابعد_الخطيئه ❣️❣️
❣️❣️#للكاتبه رونق❣️❣️
جان يكول مريم دخلناها عمليه
ليش يابه شبيها
تعال ونسولف مو مالت موبايل
رحت ع السريع للمستشفى
رادوا ينزلون ويايه ماقبلت عيب منهم وجاين تعبانين
وفوكاها زوجتي كاعد تولد
رحت اركض
لكيت الدنيه مكلوبه كلاب
ياربي شكو
رجليه ماتن مااكدر اوصل
كوه وصلت حسيت المسافه شكبرها
وصلت ولكيت الكل مخبوص
ها خير شكو
يابه البنيه متخربطه وماخذيها للدكتوره
جان تكول الحبل السري ملفوف ع ركبة الطفل وخانكه للطفل
لو نلحك علي لو لا
لازم عمليه فوريه
وليش محد خبرني
كمت اصيح
اسكت يابه فضحتنه
هسه وينها
بالعمليه
بقينه ننتظر بس طولت
كلبي نار ومشتعله احس بخوف وقلق مو طبيعي
الي اعرفه العمليه مطول ساعتين
صارلها ساعتين ونص وهي جوه
الكل بقلق
شويه وطلعوا الطفل كالو بعده عايش بس تعبان اخذوا للخدج المعقم
بسرعه وديناه ع ما كملت الاجراءات
رجعت وحبيت اطمان ع مريم
طلعت الدكتوره
كالت حالتها تعبانه وكاعد تنزف
نحتاج دم ع السريع
حتى نديره الها
باللحضه اتبرعت الها
داروا وبعد هم احتاجوا
خابرت جماعتي اضطريت ومن ضمنهم احمد
اجوي 2 اتبرعوا
3 ابطاله داروا الها وهي بعدها
كالت الدكتوره وين زوجها
اجيت اركض
كلتلي تعال ويايه
رحت وياها
كالت يابه تعال تلهج بيك
حاجيها بس شويه متتحمل التعب
تبجي وتسالني ع ابني
بستها براسها
الحمد لله ع السلامه حبيبتي
الله يسلمك
كالت حمودي شلونه
والله زين وحالته مستقره
الله عليك متجذب عليه
لا والله مااجذب
بس كومي بالسلامه بسرعه حتى تكومين اله
بس تبجي
امانه ابني يمك فدوه دير بالك عليه
لج تحجين صدك اخليكم بعيوني انت وياه
كالت صيح الدكتوره كاعد انزف حيل
شفتها صارت صفره
ووجها مخطوف
صحت الدكتوره وطلعتني بره
لحضات وصارت الركضه ع فلس
يدخل دكتور ويطلع دكتور
تقريبا 3 دكاتره ودكتورتين
وره تقريبا ساعه
اجت كالت تعالوا ودعوا المريضه
سوينه العلينه وبقت يم الله
اتخبلنه دخلت امها وامي وابوها وابويه
واني هم دخلت وياهم رجليه ماتن كوه وصلت الها
شفتها بمنظر ماانساه مدى العمر
الوجه اصفر مااعرف ابيض بدون دم
كانو صفرت الدم
امها كامت تبوس بيها وتبجي
عيونها عليه
اتقربت يمها واني ابجي
لج مريم مو اتواعدنا نبقى للموت سويه
كلنه نموت سويه
شلون هيج تسوين بيه
بعد متكدر تحجي
بس عيونها علينه
فدوه دكتور لتخليها تموت
دكتوره الله يخليج ساعديها
لحضات وطلعونه
اتخبلنه
اقل الربع ساعه وطلعوا
جان يكول الدكتور البقيه بحياتكم فقدنه المريضه
اني تخبلت
لا ربي لتعاقبني هيج عقاب
خليني اني اموت مو هي
كمت ابجي مثل النسوان
حيل احبها وهي همين
ماشفت المو زين منها ابد
اكيد حوبت البنيه صديقة شهد
بس كلشي ولا مريم
والله مااريد الطفل اريدها هي بس ياربي عاقبني اني بس لتعاقب غيري باخطائي ولو اني هم عاقبت غير الشخص المخطئ
كلبنه المستشفى
الدكتوره تكول متاذيه
الجاره متقدمه والحبل السري ملتف ع الطفل
وهي عدها فقر دم اصلا
هامله نفسها ممراجعه دكتوره
واثناء العمليه كامت تنزف وابد مسيطرنه عليها ابد
كلبت المستشفى
اني اشتكي عليكم كلكم
جرني ابويه
لك ابني همه شعليهم
البنيه حد يومها
الكل انخبص وانتشر الخبر
كملنه الاجراءات
وطلعنه
جبنه التابوت
اني فاقد مااكدر اوصف شعوري ابد
اخذناها للنجف تقريبا وره صلاة الصبح
غسلنه وكفنه ودفناها
هليت التراب بيدي عليها
اصعب شعور
الكل راحوا وبقيت اني
ابجي
لج مريم شلون انطاج كلبج تعوفينه اني وحمودي بوحدنا
منو النه بعدج
والله لو ادري جان مرحت للزياره ابد
جان شبعت منج
كوه كوموني ورجعنه
بدت مراسيم الفاتحه
وحمودي يوميه بالليل اله اروح اطمأن عليه
همزين بالخدج المعقم
لان ميحتاجون واحد ويا
شهد كالت اني اربي لابنك
خطيه تخاف عليه
خلصت الفاتحه
واني شبه ميت
الطفل بقه اسبوع
بعدها تحول للخدج الثاني
صعدناه فوك
بس ع المغذي عايش
حيل صغير لان بعده بالثامن
بقت شهد وياه
واتعلقت بي
بقه تقريبا اسبوعين داخلين بي
اليوم رجعت من وكت
جنت حيل تعبان ونعسان
كلت لشهد ارتاح واجيج
هستوني نمت
دك جهازي
شهد
الووو
جان تبجي شهد
مرتضى مات حمودي تعالي بسرعه
لا ياربي عقابك كلش قوي مااعتقد راح اتحمله
جان هذا الطفل منطيني امل
رحت للمستشفى
جان تكول مات
حضنتها وكمنه نبجي اثنينه
لج الله مقاسملي اكون اب
ليش كل هذا صار ويايه
مرتضى هاي حوبة روان الله عاقبنه اني وياك
كملت الاجراءات وطلعنه
اجه مهند ورايه
اخذنه الطفل ودفناه
حتى مكدرت اشوفه واشبع منه
بس الله عاباني ع سوايتي
كسرت بخت بنيه وظلمتها
شكد دعت علينه اني وشهد
ادمرت نفسيتي بعد وفاة مريم
كل اسبوع نروح للنجف
خطيه امها متنوصف حالتها
تكول دفنت اثنين بيدي
متنوصف حالتها ابد
احس بذنب مريم ورسول ماتوا بسببي بسبب خطأي
اجه الاربعين
وسوينه عشه وثاني يوم رحنه للنجف
حيل مشتاقلها حبيبتي
ممصدك بهالسهوله تفاركني
جنت متخيلها تبقى ويايه
والله لو ادري هيج جان مفكرت بطفل ابد
شهد حالتها متنوصف ابد
حاولنه وياها ترجع للمدرسه بس مقبلت ابد
خطيه هاي البنيه بيدي دمرت حياتها كلها
حياتي صارت باهته بشكل
كمت الهي نفسي بس بالمحل
وحتى بالليل ابقى لوقت متاخر يله اسده المحل
روان : داومت بالمدرسه والتهيت
ومواجهتني اي مشاكل
بس الصراحه حيل اتعب
دوامي للمغرب يله يخلص وحتى مرات نتعطل
عمار ياخذني يوميه وبابا يرجعني
عمار اشتره سياره اله
بده دوام الجامعات
اسيل طلعت حامل
خاف جانت عايزه التمت
العود متشيله من الكاع
ترجع من الجامعه تنام لليل يله تكعد
تتعشه وترجع لغرفتها
ماما ساكته تكول خطيه تتعب هم دوام وهم حمل
كل شويه مشتهيه ومشتهيه وتعال وديني لاهلي وتعال طلعني
كل خميس وجمعه يم اهلها
والسبت لازم عشاها بالمطعم
مشاكلهم يوم عن يوم تزود
يشكي لماما
يكلها ورطتيني بيها
وسخه ومبهذله
اطيها مكياج ولبس وطلعه
ملابسه خطيه لو اني اغسلهن لو ماما
البيت اني انظفه وماما تطبخ
كل شويه وكل لماما من وراج قشمرتيني
لك ماما اني شمدريني بيها هيج تطلع
اليوم راحت ماما لخاله ومشن لاهلها
وحجن وي امها
ميصير هيج شالعه كلبه للولد
جان تكول قابل شتردون تخدمكم وهي طالبه
مو زين منها تدرس وحامل
لاعبه لعب بيهن
مخليات وطالعات
اكو رقم غريب لاحضته صار فتره يدك عليه
ابد مااجاوب
كام يدز رسائل ع الفايبر
ممكن نتعرف
اني معجب بيج
اني اعرفج ومتعرفيني
انطيته حضر بدون مجاوبته
كلبي لزمني اتوقعت اخو شهد
الافضل ماانطق ولا حرف
لان اخاف مو هو واعم ع نفسي
ثاني يوم اجاني اشعار من رقم ثاني
ليش تنطيني حضر
انطيته حضر مره ثانيه
ثاني يوم هم دز رساله من رقم غريب
احتاريت اكل لعمار لو لا
اخاف اكله ويطلع اخوها لشهد
ويسولفله
لا ممعقوله يسويها معناها نهايته ع ايد عمار
كاتب بالرساله
اني وراج وراج وراج
دخلتج بعقلي وانتهت السالفه
الافضل الج لتنطيني حضر
لان مستعد يوميه اشتري خط ع حسابج
مجاوبته وهم انطيت حضر
بقيت تقريبا اسبوع كامل يوميه خط
بعدها انقطع
فرحت
مااعرف منو هذا وليش هيج يسوي
اجتي عطلة نصف السنه وكضيتها كلها اقره والمدرسين يقرونه
احتاجيت شكم شغله من المكتبه وردت اشتري هديه لصديقتي واغلفها
طلبت من ماما تروح ويايه ماردت للسوك ردت اروح لمنطقه عدنه معروفه هنا بيها محلات ومجمعات ومكاتبً
بابا اخذنه وكناله نرجع مشي لان قريبه علينه مو بعيده
رحت للمكتبه واشتريت الاشياء الاحتاجهن
بعدين حرت بالهديه الاخذها
عيد ميلادها هي
ماكو شي معين ابالي
بقينه نفتر بالمحلات
صار مقابيلي محل موبايلات
كلت لماما خل نمر بي ناخذ هيتفون وردت كفر لجهازي
وماما هم كالت اريد رصيد
دخلنه للمحل وجنت مندمجه بالكفرات اباوع
جان محل جبير وكلشي عدهم
مركزت بالوجوه
اخر شي اختاريت كفر والهيتفون والرصيد
كالو هناك الحساب
وجانت المفاجئه كبالي
وجان اشوف النذل كبالي
جسمي كله كام يرجف
مااعرف شاتصرف
سحبت ماما
خل نطلع مااريد اي شي
خل نتحاسب ماما خلصنه
لا ماما فدوه رجعيهن كلشي مااريد
بس خل نرجع
خل اتحاسب ونرجع
هذا النذل صافن بوجهي
ماما اطلعي راسي وجعني حيل
كال خاله هاكد الفلوس
اني عفتها وردت اطلع
كامت تصيح ماما شبيج اصبري
سمعته يكللها شبيها بنتج خاله
شنو شافت جني وهيج خايفه
لاخاله بس راسها يوجعها
طلعت وجسمي يرجف حيل
اخاف يلحكني
اخاف يتابعني
زين معقوله معرفني
اجتي ماما وتحجي عليه
شبيج اتخبلتي فشلتيني كدام الولد
امشي ماما كلشي مااريد اريد بس ارجع راسي موتني
اتلفت ورايه
شفته طلع بالباب وكف ويباوع عليه
لو احس راح اموت من الخوف
صاح خاله هذا الباقي نسيتي
ماما عوفي الباقي حبابه
هاي شبيج ماما والله شدهتيني
نسيت اخذ الباقي
اجه ورانه انطه لماما الفلوس وعينه عليه
اجرت سياره بسرعه
اجت ماما تمشي سريع
رجعنه واموري كلها متخربطه
لعبت بيه طوبه ماما
حتى نسيت الهديه والله
ماما والله اتخربطت راسي حيموتني فجأه
لعد لوين طلعتيني حتى هديه مااخذتي للبنيه
مو مهم الهديه اوصي عمار يجيبلي
الليل كله افكر مااعرف عرفني لا
ثاني يوم صدك صبحت مريضه يمكن من القلق والخوف
رادوا ياخذوني للدكتور ورفضت
كتلهم مابيه شي
بقيت يومين مريضه
بعدها صرت زينه
كلت لعمار اريد هديه لصديقتي عيد ميلادها
كلي روحي كلي لاسيل خل تنطيج البوكس الي عندي وتعاي
رحت عليها وكتلها
كالت كليله انطيته لاختي
رجعت وكتله
اشو هذا اتخبل
راح للغرفه وكام يحجي ويسبها
نزل
كتله خل يولي مو مشكله
كال لج والله عجيبه هاي بلوه مو مره
مدري منين جابتها امي و ورطتني بيها
جبت البوكس وضميته
سالتني شكم مره عليه
وكتلها مو الي
ع اي اساس تنطي لاختها
ماما كامت تحجي خل يولي قحط متسوى هيج اتعب اعصابك ع شي ميسوه
يوم انت ابقي دافعي واسكتي
مو مليت منها وحتى ملابسي ادري بيج انت تغسليهن
بس احب اكلج شي واحد
الي يوم وانفجر من صدك
عافنه وطلع
وماما رجعت عليه
هسه ارتاحيتي من سويتي مشكله بين اخوج ومرته
مو طلعتج وكتلج اي شي اشتري
هسه ذبيتها بيه متكولين مرته لابنج هي فد وحده متستحي
اشو اروح اداوم واجي الكيها مطلعه ملابس مني وتلبس بكيفها بدون علمي
سدت حلكي
اش ولج فضحتينه
هنه منين الملابس غير من رجلها
هيج صار الحجي ماما
اني بعد مااخذ من عمارابد
لحضات ونزلت وبيدها جنطة ملابس وتبجي
اني بعد مااتحمل اريد لاهلي اروح
شنو يضربني ع مود بوكس قحط هو
اني انطيته لاختي لان محتاجته
اني حجيت
مو قحط حبيبتي بس الاصول تكول اخذي رايي زوجج يله تنطين شي يخصه
اسكتي روان ادري بيج دومج توزينه عليه
من تحجين ويا مدري شتكليله ينكلب عليه ويضربني
بهالاثناء دخل عمار
اتخبل من سمعها
لج شتوز بيه
شنو اني ماافتهم
مو ذبحتيني بس شالعه كلبي
اجي بالليل اريد ارتاح بغرفتي
تكلبيها جحيم عليه
يااريد هيج ويا طلعني ويامطعم
مو خبلتيني
حجت ماما صلوا ع النبي ع كيفكم يمه
اتفاهمو مو هيج
شفت بوكس بيده يخبل
كلي تعالي ورايه روان
تعال دزني لاهلي
مااريد ابقى هنا
روحي اصعدي وخل الليله اتعدي ع سلامه
لا والله اله تاخذني
اسيل اصعدي ولتعاندين لان مو من صالحج
ماما اخذتها وتهدئ بيها
بطنها واصله لخشمها
يمكن شهر الثامن عليها
اخذني للمحل
كمت احجي عليه
والله ماكو داعي وصارت مشكله من ورايه
لو ادري محاجيه شي
اسكتي لج هاي وحده حقيره
من ورا امي هيج كاعد تسوي ورافعه خشمها
شنو مخليه امي خدامه
وشكم مره اني ضاربها
لو ما ابني الي ابطنها جان عرفت شاتصرف
لج ادخلي للغرفه وشوفي القذاره
كال تعاي معليج بيها
جاب البوكس
وجايب ويا ورد مجفف و ورد صناعي
كلي تعالي
انطاني عطر ومكياج شكم وحده
خلطناهن وي الورد المجفف
بعدها رتبنا الورد الصناعي فوكاني
طلعت تجنن من صدك عجبتني
اخر شي رش عطر للبوكس كله
جايب ويا كيس هدايه
كلي هاي الباقي عليج شوفي شريط ورتبيها
جنت حيل فرحانه
حضنته وبوسته
الله يخليك الي عمار
شكرا
باس راسي
ويخليج الي يالغاليه
رحت للغرفه وجنت حيل فرحانه
مالكيت شريط عندي ابد
طلعت فيونكه عندي ورتبتها
حيل متلهفه باجر اشوف ردة فعلها
نسيت حتى سالفة اخو شهد
ثاني يوم اخذني عمار بيده
وكلي من تخلصين خابريني
فعلا احنه جنه خمس بنات
واخواتها
كلش حلوه جانت الحفله وغيرت جو وياهن
بيومها حيل اتونست
طلعت الهديه وجانت مفاجئه للكل
حيل عجبت الكل
بدت ادور بالبوكس
مره طلع العطر
ومره قلم الحمره
ومره صبغ اضافير
هواي اشياء ناعمه بس حيل حلوه
كالن الفكره تخبل
شلون اجت ابالج
والله مو فكرتي فكرت حبيبي اخويه
هنيالج ع اخوج
لج لو هذا الاخو لو لا
وحده كالت متردون جنه ثانيه
لا يمعوده دخيلج هي وحد وشالعه كلبنه
كمنه نضحك شويه وخابرت عمار
اجه اخذني
انطيتهن الكارت مالت عمار
هواي بنات ويايه ياخذن منه
الكل تسالني ع لبسي واني اسويله دعايه خطيه
حيل نجح محله ومجنه متوقعين هيج راح ينجح
اني حتى احذيتي والجنط هو يجيبهن الي
كامن يوصني البنات ينطني القياس والموديل
كام يجيب احذيه وجنط بس للي توصي
بعدين اقترح ع بابا وماما يفتح محل للاحذيه والجنط
بغير مكان ويشغل بي واحد
كلوله بكيفك بس اهم شي كون تحصل ولد امين
كال ان شاء الله
بعد فتره اجه كال لكيت محل وموقعه كلش زين ونظيف ميتعبني
بس عندي مشكله
كناله شنو المشكله
كال يم محل هذا النذل اخو شهد
الكل صاح عوفه خل يولي
اني كلبي نغزني من جاب طاريه
كال يابه صلوا ع النبي
اني مخايف منه ولا عليه بي
بس اخاف تصير حساسيه ابيناتنه لان بيني وبينه محل واحد
بابا ميحب المشاكل كله عوفه ابني واستر علينه
اخاف يستفزك بكلمه وانت اعصاب
لا يابه والله ابد ماعليه بي لو مو يستفزني
اني لغيتهم من قاموس حياتي
وثانيه وبعد راح اخلي ولد بي المحل
يعني صدفه اني اروح للمحل
لان هذا محلي مااستغني عنه
والله ابني لو اتركه للمحل افضل
ابقى هنا بمحلك هذا احسن
يابه لازم واحد يطور نفسه شويه شويه
واني يلزمني محل بهيج موقع تجاري مهم
راح اتوكل ع الله
ولاتنسى احنه مسوين تعهد اثنينه
ماما رفضت رفض نهائي
بس هو كدر يقنعهم
كمله المحل واتسوك قسم من الشورجه
وقسم كال اسافر لتركيا
كال اسوك مناك افضل
بس مو هسه للموسم مالت المدارس
بشهر السابع يعني
احنه هسه بشهر الرابع
زوجته جابت ولد اسمه امير
من البدايه انطته ممه كالت مااكدر ارضعه طبيعي
بقت 10 ايام يم اهلها
رحنه اني وماما وبابا وعمار الهم
دخل اخوها سلم
حسيت عيونه عليه ابد منزلهن
معجبني تصرفه رغم ما بابا وعمار موجودين مهتم الهم
كصني كص حسسني كانو ملابسه شي وديتفرج عليه
توترت حيل
طلبت من ماما نروح
ومقبلوا ابد اله نتعشه
اني كاعده ع اعصابي
كملنه العشا ورجعنه
لليل اجتي رساله
هلووو
قبل لتنطيني حضر احب اكولج
انت حلوه وعاجبتني اتمنى نتواصل اني وياج
اعرف كلشي عنج وبادق التفاصيل
حتى اذا تردين اكلك منو اني
راح اتصل بيج جاوبيني وانياخبرج
بقيت افكر شلون اجاوب لا
زين منو هذا
معقوله اخو شهد
واذا مو اخو شهد منو
اخر شي اجه عمار يمي طلب مني اغسل ملابسه
ترددت اكوله لو لا
اخر شي سولفتله
وكتله يوميه انطي حضر
بهالاثناء دك
عمار جاوب
لك عار وماعندك عرض لوعندك ماازعجت بنات الناس
منطق ولا بحرف باللحضه طبكه
انطه حضر هالمره هو
كلي معرفتي منو
والله ياعمار دائما تجيني رساله وحده وانطي حضر باللحضه
ابد مااجاوب
بس هالمره حسيته شخص يعرفني
قره الرساله وركز
كال هذا شخص مو غريب
يعرف تفاصيل عنج
ماادري والله
ليش مخبرتيني من شوكت انت تضمين عليه
محبيت ازعجك
لج ثوله ياازعاج هذا
بس يتصل من غير رقم خبريني اني راح اتصرف
رحت رتبت غرفته لعمار وغسلت ملابسه
رتبت كنتوره حيل مبهذل
عطلنه حتى نراجع
حبست نفسي بغرفه حتى اقره واركز
جهازي قفلته
مرتضى : مخليت طريقه تعتب عليه لحتى احصل معلومه عن البنيه ماكو
الي عرفت اسمها روان
الصراحه حتى شكلها مااتذكره
الي اعرفه جانت دبدوبه وقزمه ماركزت بشكله
بقيت الهي بنفسي بالشغل
ابويه حاول ويايه اخطب اختها لمريم يعني بنت عمي
اني رفضت هم اعتبرهن اخواتي
وهم مااكدر بعد ارتبط
بلكي يجي يوم واعرف شي عن صديقة شهد
واحاول اصحح غلطي واخطبها واتزوجها
مرت الايام عادي
تقريبا صار سنتين ونص ع الحادثه
جنت كاعد بالمحل
دخلت بنيه هي وامها للمحل
الولد بدوا يراوونها بالحافضات
اني صار تركيزي ع البنيه
مشبه عليها احس بنفسي شايفها بس وين ماادري
البنيه رشيقه وجسمها حلو
وحتى شكلها ياخذ العقل حيل حلوه اكوشي بيها جذبني الها بس مااعرف شنو
اني مركز بيها اريد اتذكر وين شايفها بس ماكو
اجت تقدمت عليه ع مود الحساب
اشو من شافتني عبالك تكهربت
ذبت الغراض بالمحل وكالت بطلت مااريد
بقيت دايخ اكثر
شنو معقوله هم تعرفني
ليش ارتبكت
لعبت طوبه بامها
عافت امها وطلعت من المحل
عجيب امرها قبل لتشوفني جانت طبيعيه
لان جنت مراقبها
بس من شافتني اتخبلت
امها خطيه انطتني 25 وعافت الباقي وركضت وراها
طلعت وراهن وشفتها البنيه حيل متوتره وخايفه مني
دخت اكثر
انطيت الباقي
هنه اخذن تكسي
بعدين اتندمت لو لاحكهن وشايفهن شنو السالفه
بقيت افكر حسبه تاخذني وحسبه تجيبني
معقوله نفسها صديقة شهد
لا مستحيل هي
صحيح مااتذكر شكلها ابد
بس الي اعرفه سمينه بس تنطي شبه
منه بس كلت شبيه كمت اتخيله
هاي عبالك لعابه شجايبها الها
والبنيه حيل حلوه ونازكه بشكل
بقيت 3 ايام ماخذه عقلي هاي السالفه
رابع يوم قررت اراقب بيتهم لان من زمان عفتهم
كلت بلكي بيها امل
رحت الصبح بقيت انتظر ل10 وماكو
بقيت يومين وماكو
بقيت افكر معقوله ماتطلع الصبح ابد
كلت خلي اغير الوقت
رحت وره الغده من مكان بعيد واراقب
فعلا طلعت وجانت الصدمه نفسها البنيه حيل انصدمت
هي واخوها طلعوا
هاي شصاير بيها
اكيد هي
لان من شافتني اتكهربت البنيه وارتبكت حيل
رحت وراهم مااكدر اتقرب
بس شويه وتيهتهم
رجعت للمحل
يعني شلون متغيره وصايره تخبل
صورتها انطبعت بذهني
لازم تخلص العطله واراقبها يوم كامل من الصبح لليل
فعلا راقبتها وطلعت اداوم مسائي
بس مستحيل احصل فرصه احجي وياها لو اخذ رقمها
اخوها بيده ياخذها ويجيبها
هسه لو سايق بيها باب وجواب
بس اخوها لا مستحيل افكر ولو تفكير اتقرب يمها
بقيت بين فتره وفتره وقت الرجعه احاول اراقبها
بلكي يوم يتاخر عليها او مايجي
حتى تصيرلي فرصه
بس ولا يوم اتاخر عليها
منتظم بمواعيده
يمكن انزك وحده هي
كمت اركز بشكلها لحد منطبعت صورتها بعقلي
معقوله كل هالادب والاخلاق اني دنسته بيدي
اني شكد غبي ومفكرت واستعجلت
رحت دمرتها دمار
بس معقوله هي هيج حلوه من زمان
لو لان ضعفانه ماادري
شهد خطيه حابسه نفسها بالغرفه 24 ساعه
امي كالت راح اخذها واسافر لايران
فرحنه وشجعناها اني وابويه
هي هم كالت محتاجه اطلع
سافرن هنه ومرة عمي وبنات عمي اخوات مريم
بقت يمنه ايات اختي
تعتني بلبسنا وباكلنه
حسيت شهد اتغيرت نفسيتها
من اخابرها تسولف وتضحك
مو مثل قبل مكتئبه
كامت تفتح كاميرا ع الواتساب تخابر
تاخذ راينه اني وايات وحتى ابويه
شاجيبلكم وانتوا اختاروا
حسيت الكل نفسيته متغيره
من نخابرهم سوالف وضحك
بقوا 12 يوم لان جانو حمله
رجعوا ورجعت شهد القديمه تقريبا
حيل فرحنه لتغيرها
بدت تحجي ع السفره وشلون جانت حلوه
بدت تسويلي واهس حتى اروح اني
ضحكت كالت والله نفسيتنه تغيرت هناك
هم ينرادلك روحه لهناك وشوف شلون راح ترتاح
الله كريم
جايبين وياهم ملابس النه وحلويات
وره يومين اجتي يمي شهد للغرفه
كالت عفيه تروح لو لا
وين اروح ؟؟؟
لايران غير
ليش شعندج هناك
حباب اكو اشياء بقن بنفسي ماجبتهن واتندمت
كولي هيج هذا الحجي
عبالي صدك ميته عليه وترديني اغير جو
اي والنبي صدك هذا الي ابالي
وكلت بطريقك تجيبلي شكم شغله
الله كريم خل اشوف جماعتي يروحون ويايه لو لا
وره فتره فتح محل يمي احذيه نسائيه وجنط
المحل درجه اولى
عادي مو ابالي المحل ابد
بس الولد الويايه يسولفون عليه
وره تقريبا 10 ايام جنت واكف اباب المحل اني والعامل
وجان اتفاجئ بعمار دخل للمحل
جان يكول الولد العامل هذا صاحب المحل
مااعرف صدفه اجه لو متعمد
يمكن فرحت بهذا الشي
ادري من المستحيل اني ويا نكون اصدقاء بيوم
بس يمكن راح احاول ع مود اخته
الشي الوحيد الي متاكد منه مستحيل يفكرون ينطونياها اذا خطبتها
لان اذيتهم هواي
هو حب اختي حب طاهر ونظيف
واني قضيت عليه بايدي
الولد الويايه عرفوا كالوا هذا نفسه الي اتعاركت ويا
كتلهم ادري بي
كالوا معقوله متعمد يصير هنا
والله مااعرف بس مااعتقد لان وقعنه بالمحكمه
والي يخالف عليه غرامه جبيره فرضتها العشائر
كمت بين فتره وفتره اتردد ع الولد الصانع
حبيت اخذ منه معلومات
كتله الك المحل
كال لا اني اشتغل بيوميتي
المحل لواحد عنده محل ثاني
اخذت صفحته للولد
واتعرفت عليه
دخلت ع صفحته لكيت عمار صديقه
هو هذا المطلوب
دخلت ع صفحته لعمار
كلبت لكيت صورة ولد صغير
الكل يبارك اله
يعني متزوج
لكيت منشور اله مالت الزواج صارله تقريبا اقل السنه من متزوج
اكول شلون الله وفقه عكسي
رغم ماخسر هواي وباع محله والسياره
فتح محل احسن منه واشتره سياره افضل من القديمه
فتح محل ثاني اتزوج وصار عنده ولد
بينما اني واختي خسرنه كلشي
كلت احاول اسلم عليه بلكي نتراضه
لازم احاول ومااايس ابد
كمت اعرف وقت الامتحانات بالضبط
كلت مااخليها تشوفني خاف ترتبك
تركتها بس اخر يوم قررت لازم اخليها تشوفني
وفعلا طلعت هي وبنيه ومنتظره اخوها
مريت يمها بس حسيتها لونها نخطف
اكو خوف مو طبيعي بعيونها من تشوفني
اكيد حقها الي شافته مو هين ابد
لحضات واختفت شفت اخوها اجه
اني هم اختفيت
عبالي احجي وياها
بس مااكدر ابد
اجتي العطله
شفت جماعتي كتلهم خل نسافر
الكل كال لتركيا
اني كتلهم اريد لايران وللشمال يكولون حلوه ونروح لبحر قزوين
كالوا اكو حمله 16 يوم وخدماتهم تخبل هاي الحمله معروفه
والعيد هناك يقضونه بالشمال
كتلهم ياريت خل نغير جو
اتفقنه احنه 4 رحنه سجلنه واخذوا الجوازات
وانطونا موعد
ايام العيد كلهن هناك وره العيد بيومين نرجع
خبرت اهلي
وشهد فرحانه سجلت قائما شكبرها
كتلها ميخالف اتصل بيج وافتح كام وانت كليلي
رتبت اموري بالمحل
وهو اصلا كلشي وصولات مو مالت واحد يتلاعب بيهن
واكو كاميرات
يعني امنت ووصيت مهند يمر للولد ويشوفهم
اجه الموعد وجان موعدنه ب9 بالليل نطلع
ع مود الاجراءات مالت الحدود كالوا بالليل افضل
لان الجو بالليل ابرد
صادف شهر الثامن
المنشأه كامله ناس
صارت هوسه لان الناس يودعون اهلهم
انطلقنه تقريبا ب10 بالليل
وصلنه للحدود واشرولنه
مركزنه ع الناس الويانه لان هواي
دخلنه للحدود الايرانيه وقت اذان الفجر كملنه تاشيره
كالوا صلوا ع مايجهزون السياره
فعلا صلينه وكملنه وصعدنه كلمن بمكانه همه الي صعدونه
انطلقنه طبعا اول مره اروح لايران
والصراحه كلش حلوه منظر الجبال والاشجار الي بالجبال
الانفاق تجنن
وصلنه لاستراحه كالوا اتريكوا
نزلنه نتريك
كاعدين ننتظر الاكل
فجأه جان اشوف كبالي
وجانت صدمة عمري ............
توقعاتكم حبايبي شنو الي شافه مرتضى ؟؟؟؟
هاي السفره راح تغير حياة مرتضى لو لا ؟؟؟؟
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
️❣️❣ #ﺍﻟﺒﺎﺭﺕ6❣️❣
#ﺍﻟﻨﺪﻡ_ﻣﺎﺑﻌﺪ_ﺍﻟﺨﻄﻴﺌﻪ ️❣️❣
️❣️❣ #ﻟﻠﻜﺎﺗﺒﻪ ﺭﻭﻧﻖ ️❣️❣
ﺟﺎﻥ ﺍﻧﺼﺪﻡ ﺑﺎﺧﺖ ﻋﻤﺎﺭ ﺣﺘﻰ ﺍﺳﻤﻬﺎ ﻧﺴﻴﺘﻬﺎ
ﺷﻌﻮﺭﻱ ﻣﻴﻨﻮﺻﻒ ﺍﺑﺪ ﺣﻴﻞ ﺍﻓﺮﺣﺖ ﻭﺣﺴﻴﺖ ﻫﺎﻱ ﺍﻟﺮﺣﻠﻪ ﺻﺪﻙ ﺭﺍﺡ ﺗﻐﻴﺮ ﺣﻴﺎﺗﻲ ﻭﻧﻔﺴﻴﺘﻲ ﻣﺜﻞ ﻣﻜﺎﻟﺖ ﺷﻬﺪ
ﻣﻦ ﺷﺎﻓﺘﻨﻲ ﺑﻘﺖ ﻣﺼﺪﻭﻣﻪ ﻭﻫﺬﺍ ﺍﻟﺸﻲ ﻭﺍﺿﺢ ﻋﻠﻴﻬﺎ
ﺿﺤﻜﺖ ﺑﻮﺟﻬﺎ ﻭﺑﻌﺪﻳﻦ ﺩﻧﻜﺖ
ﻛﻠﺖ ﻣﺎﺍﺭﻳﺪ ﺍﺣﺪ ﻳﺤﺲ ﺑﻴﻨﻪ ﺍﺑﺪ
ﻭﻳﺎﻫﺎ ﺍﺑﻮﻫﺎ ﻭﺍﻣﻬﺎ
ﺍﻧﻲ ﺧﺎﻳﻒ ﺍﺧﺎﻑ ﺍﺑﻮﻫﺎ ﻳﺘﻌﺮﻑ ﻋﻠﻴﻪ
ﻻﻥ ﺍﻛﻴﺪ ﺷﺎﻓﻨﻲ ﺑﺎﻟﻜﻌﺪﻩ
ﺍﺩﻋﻲ ﻣﻦ ﺭﺑﻲ ﻛﻮﻥ ﻣﻴﺘﻌﺮﻑ ﻋﻠﻴﻪ
ﻫﻮ ﺍﻧﻲ ﺑﻨﺘﻪ ﻧﻤﺖ ﻭﻳﺎﻫﺎ ﻭﺷﻜﻢ ﻣﺮﻩ ﺷﺎﻳﻔﻬﺎ ﻣﻌﺮﻓﺘﻬﺎ
ﺑﻠﻜﻲ ﻫﻮ ﻫﻢ ﻣﻴﻌﺮﻓﻨﻲ
ﺗﻤﺸﻲ ﻭﻳﺎﻫﺎ ﺑﻨﻴﻪ ﺑﻌﻤﺮﻫﺎ ﻣﺎﺍﻋﺮﻑ ﺷﺘﻘﺮﺑﻠﻬﺎ
ﻭﻳﺎﻫﻢ ﺭﺟﺎﻝ ﻭﻣﺮﻳﻪ ﻫﻤﻴﻦ
ﻛﻌﺪﻭﺍ ﺻﺪﻓﻪ ﻣﻘﺎﺑﻴﻠﻨﻪ
ﻫﻲ ﻣﻮ ﻣﻘﺎﺑﻴﻠﻲ ﺑﺲ ﺍﻫﻠﻬﺎ
ﻭﺟﻮﺩﻫﺎ ﻭﻳﺎﻳﻪ ﺑﻬﺎﻱ ﺍﻟﺮﺣﻠﻪ ﺣﺴﺴﻨﻲ ﺑﺎﻟﺮﺍﺣﻪ ﻭﺍﻟﻔﺮﺡ
ﻣﻦ ﻣﺎﺗﺖ ﻣﺮﻳﻢ ﻟﺤﺪ ﺍﻻﻥ ﻣﻔﺮﺣﺖ ﺑﺸﻲ ﻣﺜﻞ ﻫﺎﻱ ﺍﻟﻤﺮﻩ
ﻛﻤﻠﻨﻪ ﺍﻟﺮﻳﻮﻙ ﻭﺭﺣﻨﻪ ﻟﻠﺴﻴﺎﺭﻩ
ﺟﺎﻧﺖ ﻛﺎﻋﺪﻩ ﺑﺎﻟﺒﺪﺍﻳﻪ ﻭﺍﻧﻲ ﺑﺎﻻﺧﻴﺮ
ﺗﻘﺮﻳﺒﺎ ﻭﺭﻩ ﺍﻻﺫﺍﻥ ﺍﻟﻈﻬﺮ ﻫﻢ ﻭﻗﻔﻮﻧﻪ ﺑﺎﺳﺘﺮﺍﺣﻪ ﻟﻠﺼﻼﻩ ﻭﺍﻟﻐﺪﻩ
ﻧﺰﻟﺖ ﺑﺎﻟﺒﺪﺍﻳﻪ ﻭﺍﺧﺘﻔﺖ
ﺭﺣﺖ ﺻﻠﻴﺖ ﻭﻛﻤﻠﺖ ﻭﺭﺣﻨﻪ ﻟﻠﻤﻄﻌﻢ ﻭﻋﻴﻮﻧﻲ ﺍﺩﻭﺭ ﺑﺲ ﻋﻠﻴﻬﺎ
ﺍﺟﻮﻱ ﺍﺑﻮﻫﺎ ﻭﺍﻣﻬﺎ ﻭﺫﻭﻟﻪ ﺍﻟﻲ ﻭﻳﺎﻫﻢ ﺍﻟﻤﺮﻳﻪ ﻭﺍﻟﺮﺟﺎﻝ
ﺑﺲ ﻫﻲ ﻣﺎﻛﻮ ﻭﻻ ﺣﺘﻰ ﺍﻟﺒﻨﻴﻪ ﺍﻟﻮﻳﺎﻫﺎ
ﺟﺎﻥ ﺍﻟﻤﻄﻌﻢ ﺑﻤﻜﺎﻥ ﻛﻠﺶ ﺣﻠﻮ ﻭﺑﻲ ﺣﺪﻳﻘﻪ ﺟﺒﻴﺮﻩ ﻭﺍﻟﻌﺎﺏ ﺍﻃﻔﺎﻝ
ﻛﻤﻠﺖ ﻉ ﺍﻟﺴﺮﻳﻊ ﻭﻃﻠﻌﺖ
ﺍﺩﻭﺭ ﻋﻠﻴﻬﺎ
ﺑﻘﻴﺖ ﺍﻓﺘﺮ ﺑﺎﻟﺤﺪﻳﻘﻪ ﻣﺎﻛﻮ
ﺍﺧﺮ ﺷﻲ ﻛﻠﺖ ﺧﻞ ﺍﺻﻌﺪ ﺑﺎﻟﺴﻴﺎﺭﻩ ﺑﻠﻜﻲ ﺍﻟﻜﻴﻬﺎ
ﻭﻓﻌﻼ ﻟﻜﻴﺘﻬﺎ ﻫﻲ ﻭﺍﻟﺒﻨﻴﻪ ﻳﺎﻛﻠﻦ ﺑﺴﻜﺖ ﻭﻋﺼﻴﺮ
ﻛﻠﺖ ﺍﻟﺴﻼﻡ ﻋﻠﻴﻜﻢ
ﻫﻲ ﻟﻮﻧﻬﺎ ﺍﻧﺨﻄﻒ
ﺍﻟﺒﻨﻴﻪ ﺭﺩﺕ ﺍﻟﺴﻼﻡ ﺑﺲ ﻫﻲ ﻻ
ﺳﻮﻳﺖ ﻧﻔﺴﻲ ﺍﺟﻴﺐ ﺷﻲ ﻣﻦ ﻣﻜﺎﻧﻲ ﻭﻫﻮ ﺍﺻﻼ ﻣﺎﻋﻨﺪﻱ ﺍﻱ ﺷﻲ ﺑﺎﻟﺴﻴﺎﺭﻩ ﺑﺲ ﺍﻟﺠﻨﻄﻪ ﻭﺿﺎﻣﻴﻨﻬﺎ
ﻋﻔﺘﻬﻦ ﻭﻧﺰﻟﺖ
ﻭﺭﻩ ﻓﺘﺮﻩ ﺍﺗﺠﻤﻌﻨﻪ ﻭﺭﺟﻌﻨﻪ ﻟﻠﺴﻴﺎﺭﻩ
ﺍﻟﺴﻴﺎﺭﻩ ﺑﻴﻬﺎ ﻫﻮﺍﻱ ﻭﻟﺪ ﺷﺒﺎﺏ ﻭﻫﻮﺍﻱ ﺑﻨﺎﺕ ﺷﺎﺑﺎﺕ
ﻭﺻﻠﻨﻪ ﺍﻟﻘﻢ ﺗﻘﺮﻳﺒﺎ ﺍﻟﻌﺼﺮ ﻗﺒﻞ ﺍﻻﺫﺍﻥ
ﻛﻌﺪﻭﻧﻪ ﺑﺎﻻﺳﺘﺮﺍﺣﻪ ﻣﺎﻟﺖ ﺍﻟﻔﻨﺪﻕ ﻉ ﻣﺎﻳﺮﺗﺒﻮﻥ ﺍﻟﻐﺮﻑ
ﺑﺪﻭﺍ ﻳﺼﻴﺤﻮﻥ ﺑﺎﻻﺳﻤﺎﺀ ﻭﺍﻟﻌﻮﺍﺋﻞ
ﺍﺣﻨﻪ ﺍﻟﺸﺒﺎﺏ ﺧﻠﻮﻧﻪ ﺑﻄﺎﺑﻖ ﻟﻮﺣﺪﻧﻪ
ﺍﻟﻜﺒﺎﺭ ﺑﺎﻟﺴﻦ ﺧﻠﻮﻫﻢ ﺑﺎﻟﻄﺎﺑﻖ ﺍﻻﺭﺿﻲ
ﺍﻟﺒﻘﻴﻪ ﺭﺗﺒﻮﻫﻢ ﻫﻤﻴﻦ
ﺭﻛﺰﺕ ﺑﺲ ﻋﻠﻴﻬﻢ ﺭﺩﺕ ﺍﻋﺮﻑ ﺑﻴﺎ ﻏﺮﻓﻪ
ﺻﺎﺣﻮﺍ ﻉ ﺍﻣﻬﺎ ﻭﺍﺑﻮﻫﺎ
ﻭﻫﺬﺍ ﺍﻟﺮﺟﺎﻝ ﻫﻮ ﻭﺯﻭﺟﺘﻪ
ﺑﺲ ﺫﻧﻲ ﺑﻘﻮﻫﻦ ﻫﻲ ﻭﺻﺪﻳﻘﺘﻬﺎ
ﺑﻌﺪﻳﻦ ﺻﺎﺣﻮﻫﻦ ﺍﻋﺘﻘﺪ ﺑﻐﺮﻓﻪ ﻟﻮﺣﺪﻫﻦ
ﺍﻟﺒﻨﻴﻪ ﺍﻟﻮﻳﺎﻫﺎ ﺣﻴﻞ ﺛﻜﻴﻠﻪ ﻭﻣﺒﻴﻨﻪ ﺣﺒﺎﺑﻪ
ﺍﺳﺘﻘﺮﻳﻨﺎ ﺑﺎﻟﻐﺮﻓﻪ
ﺍﺣﻨﻪ ﺍﺭﺑﻌﺘﻨﻪ ﺑﻐﺮﻓﻪ
ﺍﻟﻔﻨﺪﻕ ﺣﻠﻮ ﻭﻣﺮﺗﺐ ﻭﺍﻟﻐﺮﻑ ﻛﺒﺎﺭ
ﺳﺒﺤﻨﻪ ﻭﺍﺭﺗﺎﺣﻴﻨﻪ
ﺑﻌﺪﻫﺎ ﺻﻠﻴﻨﻪ
ﻛﻠﻨﻪ ﻧﻄﻠﻊ ﻧﺘﻌﺸﻪ ﻭﻧﺰﻭﺭ ﻭﻧﺮﺟﻊ ﺍﻧﺎﻡ
ﻓﻌﻼ ﺭﺣﻨﻪ ﺑﺎﻟﺒﺪﺍﻳﻪ ﺯﺭﻧﻪ ﻣﻌﺼﻮﻣﻪ ﻋﻠﻴﻬﺎ ﺍﻟﺴﻼﻡ
ﻫﺎﻱ ﺍﻭﻝ ﻣﺮﻩ ﺍﺯﻭﺭﻫﺎ
ﺩﻋﻴﺘﻬﺎ ﻛﻮﻥ ﺗﺴﻬﻠﻲ ﺍﻣﺮﻱ ﻭﺗﺨﻠﻲ ﺍﻟﺒﻨﻴﻪ ﻣﺘﺨﺎﻑ ﻣﻨﻲ
ﺍﺭﻳﺪ ﺍﺗﻔﺎﻫﻢ ﻭﻳﺎﻫﺎ
ﻛﻤﻠﻨﻪ ﺍﻟﺰﻳﺎﺭﻩ ﻭﺭﺣﻨﻪ ﻟﻠﻤﻄﻌﻢ
ﺍﻛﻠﻬﻢ ﻃﻴﺐ ﻭﺭﺧﻴﺺ
ﻛﻤﻠﻨﻪ ﺍﻛﻠﻨﻪ ﻣﻮﻃﺎ
ﻭﻓﺮﻳﻨﻪ ﺑﺎﻟﺴﻮﻙ ﺷﻮﻳﻪ ﻭﺭﺟﻌﻨﻪ
ﻧﻤﻨﻪ ﻻﻥ ﺗﻌﺐ ﻭﺳﻔﺮ
ﺛﺎﻧﻲ ﻳﻮﻡ ﻛﻌﺪﻧﻪ ﺍﻟﺼﺒﺢ
ﻟﻜﻴﺖ ﺍﻟﻮﻟﺪ ﺟﺎﻳﺒﻴﻦ ﻗﺸﻄﻪ ﻭﺟﺒﻦ ﻭﺣﻠﻴﺐ ﻭﺧﺒﺰ
ﺧﺒﺰﻫﻢ ﻳﺨﺒﻞ ﻫﻨﺎ ﻭﺣﻴﻞ ﻃﻴﺐ
ﺍﺗﺮﻳﻜﻨﻪ ﻭﻗﺮﺭﻧﻪ ﻧﺰﻭﺭ ﻣﺮﻩ ﺛﺎﻧﻴﻪ ﻭﻧﻔﺘﺮ ﺑﺎﻟﺴﻮﻙ
ﺍﺟﻮﻱ ﺩﻛﻮﺍ ﺍﻟﺒﺎﺏ ﻋﻠﻴﻨﻪ ﻛﺎﻟﻮﺍ ﺏ 4 ﻧﺎﺧﺬﻛﻢ ﻣﺰﺍﺭﺍﺕ
ﺭﺣﻨﻪ ﻟﺴﻮﻙ ﺍﻟﻌﺮﺍﻗﻴﻦ
ﺍﻛﻮ ﻭﻟﺪ ﻭﻳﺎﻧﻪ ﻫﻮﺍﻱ ﺟﺎﻱ ﻳﻤﻜﻦ ﺧﻤﺲ ﻣﺮﺍﺕ
ﻛﺎﻝ ﺗﻌﺎﻟﻮﺍ ﺍﻧﻲ ﺍﺩﻟﻴﻜﻢ ﺑﺎﻻﻣﺎﻛﻦ ﺍﻟﺰﻳﻨﻪ
ﺍﺧﺬﻧﻪ ﻟﻤﻜﺎﻥ ﻓﺮﻉ ﻗﺮﻳﺐ ﻉ ﺍﻟﺴﻴﺪﻩ ﻣﻌﺼﻮﻣﻪ ﻛﻠﻪ ﺍﺣﺬﻳﻪ ﺟﻠﺪ ﻃﺒﻴﻌﻲ ﻭﺭﻳﺎﺿﻴﻪ ﻭﺍﻧﻮﺍﻉ ﺍﻟﻤﻮﺩﻳﻼﺕ
ﺻﺪﻙ ﺣﻠﻮﺍﺕ ﻭﻋﺠﺒﻨﻪ
ﺍﺧﺬﺕ ﻻﺑﻮﻳﻪ ﻟﻠﺪﻭﺍﻡ ﻭﺣﺪﻩ ﻭﺍﺧﺬﺗﻠﻪ ﺷﺤﺎﻃﻪ ﻃﺒﻴﻪ
ﻭﺍﻧﻲ ﺍﺧﺬﺕ 2 ﺭﻳﺎﺿﻲ ﻭﺣﺪﻩ ﺟﻠﺪ
ﺑﻌﺪﻫﺎ ﺍﺫﻥ ﺻﻠﻴﻨﻪ ﺑﺎﻟﺤﺮﻡ
ﺑﻌﺪﻫﺎ ﺭﺣﻨﻪ ﻟﻠﻤﻄﻌﻢ ﺗﻐﺪﻳﻨﻪ
ﺑﻌﺪﻫﺎ ﻛﺎﻝ ﺗﻌﺎﻟﻮﺍ ﻧﻔﺘﺮ ﺑﻤﺤﻼﺕ ﺍﻟﻤﻼﺑﺲ
ﺑﺲ ﻓﺮﻳﻨﻪ ﻣﺎﺍﺷﺘﺮﻳﻨﻪ ﺷﻲ ﻣﻌﺠﺒﻨﻪ
ﺑﻌﺪﻫﺎ ﺭﺟﻌﻨﻪ ﺳﺒﺤﻨﻪ ﻭﺍﺭﺗﺎﺣﻴﻨﻪ ﻭ ﺑﺪﻟﻨﻪ
ﻧﺰﻟﻨﻪ ﻟﻼﺳﺘﻌﻼﻣﺎﺕ ﺟﻮﻩ ﻧﻨﺘﻈﺮ
ﺑﺪﺕ ﺍﻟﻨﺎﺱ ﺗﺘﺠﻤﻊ
ﺍﺑﻮ ﺍﻟﺤﻤﻠﻪ ﻭﻳﺎ ﻭﺍﺣﺪ ﻫﻮ ﻭﺯﻭﺟﺘﻪ ﻣﺘﺮﺟﻤﻴﻦ ﻭﻫﻤﻪ ﺍﻟﺪﻟﻴﻞ ﺍﻟﻨﻪ
ﺍﻟﻤﺮﻳﻪ ﻋﺮﺍﻗﻴﻪ ﺑﺲ ﺯﻭﺟﻬﺎ ﺍﻳﺮﺍﻧﻲ
ﺑﺲ ﻫﻲ ﺷﺎﻃﺮﻩ ﻭﺍﻟﺤﻞ ﻭﺍﻟﺮﺑﻂ ﺑﻴﻬﺎ ﻣﺒﻴﻨﻪ ﺳﺒﺎﻋﻴﻪ
ﻛﺎﻟﺖ ﺭﺍﺡ ﺍﻭﺯﻋﻠﻜﻢ ﺧﻄﻮﻁ ﻣﺠﺎﻧﻴﻪ ﺍﻳﺮﺍﻧﻴﻪ
ﺑﺲ ﻋﺒﻮﺍ ﺭﺻﻴﺪ ﻣﻨﻜﻢ ﻭﻓﻌﻠﻮﺍ ﺍﻟﻨﺖ
ﺍﻻﺭﻗﺎﻡ ﻣﺘﺸﺎﺑﻬﺎ ﻓﺮﻕ ﺭﻗﻢ ﻭﺍﺣﺪ
ﻛﺎﻟﺖ ﺑﺎﻟﺴﻴﺎﺭﻩ ﺍﻭﺯﻋﻬﻦ
ﻟﺤﻀﺎﺕ ﻭﺍﺟﺘﻲ ﺻﺪﻳﻘﺔ ﺷﻬﺪ ﻭﺟﺎﻧﺖ ﻻﺑﺴﻪ ﻋﺒﺎﻳﻪ ﺑﺲ ﻃﺎﻟﻌﻪ ﺑﻴﻬﺎ ﺗﺨﺒﻞ ﺣﻴﻞ ﻻﻳﻜﻪ ﺍﻟﻬﺎ
ﻋﻴﻨﻬﺎ ﺑﺎﻟﻜﺎﻉ ﺍﺑﺪ ﻣﺮﻓﻌﺘﻬﺎ
ﻣﺸﻴﻨﻪ ﻣﺴﺎﻓﻪ ﻳﻠﻪ ﻟﻜﻴﻨﻪ ﺍﻟﺴﻴﺎﺭﻩ
ﻫﺎﻟﻤﺮﻩ ﻫﻢ ﺻﻌﺪﺕ ﺑﻌﻴﺪ ﻋﻨﻬﺎ
ﺍﺧﺬﻭﻧﻪ ﻟﻠﻤﺰﺍﺭﺍﺕ ﻣﻮ ﺑﻌﻴﺪﻩ
ﻭﻗﺮﻳﺒﺎﺕ
ﻋﻴﻮﻧﻲ ﺗﺮﺍﻗﺒﻬﺎ ﻏﺼﺒﺎ ﻣﺎﻋﻠﻴﻪ
ﺑﺲ ﻫﻲ ﺍﺣﺴﻬﺎ ﻣﻮ ﻳﻤﻲ ﺍﺑﺪ
ﻭﻻﻛﺎﻧﻮ ﻛﺒﺎﻟﻬﺎ
ﻭﺯﻋﻮﻧﻪ ﺍﻟﺨﻄﻮﻁ ﺑﺲ ﻣﺴﺘﺤﻴﻞ ﺍﻋﺮﻓﻪ ﺭﻗﻤﻬﺎ
ﻻﻥ ﻣﺎﺍﻋﺮﻑ ﺷﻠﻮﻥ ﺍﺣﺴﺐ ﺍﻻﺭﻗﺎﻡ
ﺍﻧﻄﺖ ﻻ ﻉ ﺍﻟﺘﻌﻴﻦ
ﺍﻧﻲ ﻧﻬﺎﻳﺘﻪ 3 ﻭﺍﻟﻮﻟﺪ ﺍﻟﻲ ﺑﺼﻔﻲ 9
ﻳﻌﻨﻲ ﻣﺨﺮﺑﻂ
ﺭﺟﻌﻨﻪ ﻛﺎﻟﻮﺍ ﺑﺎﺟﺮ ﺣﺮ ﻭﻳﻦ ﻣﺘﺮﺣﻮﻥ ﺭﻭﺣﻮﺍ
ﻭﺭﺍﻫﺎ ﺍﻻﻧﻄﻼﻕ ﻭﺭﻩ ﺍﻟﺼﻼﻩ
ﻛﻠﻤﻦ ﺭﺍﺡ ﺑﻄﺮﻳﻖ
ﺍﻧﻲ ﺭﺩﺕ ﺍﺭﻭﺡ ﻭﺭﺍﻫﻢ ﺑﺲ ﻣﺘﺮﻫﻢ ﻣﻦ ﺟﻤﺎﻋﺘﻲ
ﺣﺴﻮﺍ ﺑﻴﻪ ﻣﺮﺍﻗﺒﻬﺎ
ﺳﺎﻟﻮﻧﻲ ﺷﻌﻨﺪﻙ ﻭﻱ ﻫﺎﻱ ﺍﻟﺒﻨﻴﻪ
ﻛﺘﻠﻬﻢ ﻋﺠﺒﺘﻨﻲ ﺣﻴﻞ ﻣﺆﺩﺑﻪ ﺣﺘﻰ ﻣﺤﺪ ﻳﺒﺎﻭﻉ ﻋﻠﻴﻬﺎ
ﺍﺣﻤﺪ ﺍﻋﺰ ﺻﺪﻳﻖ ﺍﻟﻲ ﻭﻋﻼﻗﺘﻲ ﻗﻮﻳﻪ ﺑﻲ ﻛﺎﻝ ﺍﻧﻲ ﻧﺼﺒﺖ ﻋﺎﻟﺒﻨﻴﻪ ﺍﻟﻮﻳﺎﻫﺎ
ﺣﻴﻞ ﻣﺆﺩﺑﺎﺕ ﻣﻦ ﺩﻭﻥ ﺍﻟﺒﻨﺎﺕ
ﻓﻌﻼ ﻳﺨﺘﻠﻔﻦ ﻋﻦ ﺍﻟﻜﻞ
ﺫﻧﻴﺞ ﻻ ﻟﺒﺴﻬﻦ ﻋﺠﺒﻨﻪ ﻭﻻ ﺷﻜﻠﻬﻦ
ﻛﻨﺎﻟﻬﻢ ﺍﻧﺘﻮ ﺭﻭﺣﻮﺍ ﻭﺣﺪ
ﻭﺍﺣﻨﻪ ﺍﺩﻭﺭ ﻧﻤﺸﻲ ﻭﺭﺍ ﺍﻟﺠﻤﺎﻋﻪ ﻭﻧﻀﺤﻚ
ﺍﻳﺎ ﺳﺮﺳﻴﻪ ﻭﻟﻜﻢ ﺟﺎﻳﻦ ﻧﺰﻭﺭ ﻣﺠﺎﻳﻦ ﻧﺼﺎﺩﻕ
ﺍﺳﻜﺖ ﻟﻚ ﻫﺴﻪ ﻉ ﺍﺳﺎﺱ ﻃﺎﻳﺢ ﺑﻴﺪﻙ
ﻟﻚ ﻫﺴﻪ ﺍﺷﺎﺭﻩ ﻣﻨﻲ ﺍﻟﻜﻞ ﺗﺠﻴﻨﻲ
ﺍﺳﻜﺖ ﻟﻚ ﻃﻴﺮﺗﻨﻪ ﻃﻴﻮﺭ
ﻓﻌﻼ ﻋﺎﻓﻮﻧﻪ ﻭﺭﺍﺣﻮﺍ
ﺍﺣﻨﻪ ﻭﺭﺍﻫﻢ ﺭﺍﺣﻮﺍ ﻟﻠﺴﻮﻙ
ﻟﻚ ﺍﺣﻤﺪ ﺍﺩﻓﻊ ﻧﺺ ﻋﻤﺮﻱ ﺑﺲ ﻛﻮﻥ ﺍﺣﺼﻞ ﺭﻗﻤﻬﺎ
ﺍﻧﻲ ﻫﻤﻴﻦ
ﺩﺧﻠﻮﺍ ﻟﻤﺤﻞ ﺍﻃﻔﺎﻝ
ﻋﺮﻓﺘﻬﻢ ﻳﺮﺩﻭﻥ ﻻﺑﻦ ﻋﻤﺎﺭ
ﻛﺎﻝ ﺍﺣﻤﺪ ﺧﻞ ﻧﺪﺧﻞ ﺍﺭﻳﺪ ﺍﺧﺬ ﻻﺑﻦ ﺍﺧﻮﻱ
ﺍﺗﺬﻛﺮﺕ ﺍﻧﻲ ﺟﻬﺎﻝ ﻣﻬﻨﺪ
ﺩﺧﻠﻨﻪ ﺍﻟﻤﺤﻞ ﺟﺒﻴﺮ
ﺑﻘﻴﻨﻪ ﻧﺮﺍﻗﺒﻬﻦ ﻣﻦ ﺑﻌﻴﺪ
ﺍﺷﺘﺮﻭﺍ ﻣﻼﺑﺲ ﺍﺯﻏﺎﺭ
ﺍﻧﻲ ﺍﺧﺬﺕ ﻃﻴﺎﺭﻩ ﻻ ﺳﻠﻜﻴﻪ ﻛﻠﺶ ﺣﻠﻮﻩ ﻻﺑﻦ ﻣﻬﻨﺪ
ﺍﻧﺘﺒﻬﻦ ﻋﻠﻴﻨﻪ
ﺳﻮﻳﻨﻪ ﻧﻔﺴﻨﻪ ﻣﺸﻔﻨﺎﻫﻦ
ﺍﺧﺬﺕ ﻟﻌﺎﺑﻪ ﺣﻴﻞ ﺣﻠﻮﻩ ﻟﺒﻨﺖ ﻣﻬﻨﺪ
ﻭﺍﺣﻤﺪ ﺍﺷﺘﺮﻩ ﻃﻮﺑﻪ ﻭﻟﻌﺎﺑﻪ ﻭﺍﺧﺬ ﻣﻜﻌﺒﺎﺕ
ﻟﻚ ﻭﻳﻦ ﻧﻮﺩﻱ ﻫﺎﻱ ﺍﻟﻐﺮﺍﺽ
ﻛﺎﻝ ﻧﺸﺘﺮﻱ ﺟﻨﻄﻪ ﻭﻧﺨﻠﻴﻬﻦ
ﺍﻭﻙ
ﺍﺗﺤﺎﺳﺒﻨﻪ ﻭﺭﺩﻧﻪ ﻧﻄﻠﻊ
ﺑﺲ ﺫﻭﻟﻪ ﺍﺷﻮ ﺑﻌﺪﻫﻢ
ﻛﺎﻝ ﻋﻴﺐ ﻣﻦ ﻣﻨﻬﻢ ﺧﻞ ﻧﺮﻭﺡ ﻻ ﻳﺸﻜﻮﻥ ﺑﻴﻨﻪ ﺍﻫﻠﻬﻦ
ﻓﻌﻼ ﺭﺟﻌﻨﻪ ﺍﺷﺘﺮﻳﻨﻪ ﺟﻨﻂ
ﻭﻋﺒﻴﻨﻪ ﺭﺻﻴﺪ ﻭﻓﻌﻠﻨﻪ ﺍﻟﻨﺖ
ﻭﺭﺣﻨﻪ ﻟﻠﻔﻨﺪﻕ
ﺧﺎﺑﺮﺕ ﺍﻫﻠﻲ ﻭﻃﻤﻨﺘﻬﻢ
ﺫﻭﻟﻪ ﺍﻟﻮﻳﺎﻧﻪ ﻣﺮﺟﻌﻮﺍ
ﺻﻠﻴﻨﻪ ﻭﺧﻠﺼﻨﻪ ﺍﺟﻮﻱ ﻭﺟﺎﻳﺒﻴﻦ ﻋﺸﻪ ﻭﻳﺎﻫﻢ
ﺍﺗﻌﺸﻴﻨﻪ ﻭﺳﻮﻟﻔﻨﻪ
ﻫﺎ ﺑﺸﺮﻭﺍ ﻧﺴﻘﺘﻮﺍ ﻻ
ﺣﺠﻪ ﺍﺣﻤﺪ ﻟﻚ ﻫﻨﻪ ﺫﻧﻲ ﺷﻨﺤﺼﻞ ﻣﻨﻬﻦ
ﺑﺲ ﺍﻟﺨﺰﺭﻩ ﺍﻟﻠﻪ ﻭﻛﻴﻠﻚ ﻣﺤﺼﻠﻨﻪ
ﻛﺎﻣﻮﺍ ﻳﻀﺤﻜﻮﻥ
ﺣﻴﻞ ﻭﻳﺎﻛﻢ
ﺍﻧﻲ ﻭﺭﺍﻫﺎ ﻭﺭﺍﻫﺎ ﻣﺎﺍﻓﻮﺕ ﺣﺎﻟﻬﺎ
ﻛﺎﻝ ﺍﺣﻤﺪ ﻫﻢ ﺑﻴﻜﻢ ﺣﻴﻞ ﻧﻄﻠﻊ
ﻛﺎﻟﻮﺍ ﺧﻞ ﻧﺮﻭﺡ ﺍﻟﻤﺪﻳﻨﺔ ﺍﻟﻌﺎﺏ
ﻃﺒﻌﺎ ﺍﻟﺘﻌﺐ ﻧﺴﻴﻨﺎﻩ ﻫﻨﺎ ﻻﻥ ﻧﺮﻳﺪ ﻧﻄﻠﻊ ﻭﻧﺮﻓﻪ ﻋﻦ ﺣﺎﻟﻨﻪ
ﺑﺪﻟﻨﻪ ﻭﻃﻠﻌﻨﻪ ﺍﺟﺮﻧﻪ ﺗﻜﺴﻲ
ﺍﺧﺬﻧﻪ ﻟﻤﺪﻳﻨﺔ ﺍﻟﻌﺎﺏ ﺗﺨﺒﻞ ﺣﻴﻞ ﺍﺗﻮﻧﺴﻨﻪ ﺑﻴﻬﺎ
ﺭﺟﻌﻨﻪ ﻟﻮﻗﺖ ﻣﺘﺎﺧﺮ
ﺭﺍﺳﻠﺖ ﺷﻬﺪ ﻛﺘﻠﻬﺎ ﺗﺮﺩﻳﻦ ﺷﻲ ﻣﻦ ﻣﻌﺼﻮﻣﻪ
ﻻ ﺍﺭﻳﺪ ﻣﻦ ﻳﻢ ﺍﻟﺮﺿﺎ ﺑﻤﺠﻤﻊ ﻣﻦ ﺗﻮﺻﻞ ﺍﺭﺳﻠﻪ ﺍﻟﻚ
ﺍﻭﻙ
ﻧﻤﻨﻪ ﻭﻛﻌﺪﻧﻪ ﻣﺘﺎﺧﺮﻳﻦ
ﺟﺒﺖ ﺭﻳﻮﻙ ﻫﺎﻟﻤﺮﻩ ﺍﻧﻲ
ﻛﻤﻠﻨﻪ ﻭﺻﻠﻴﻨﻪ ﺍﻟﻈﻬﺮ
ﺑﻌﺪﻫﺎ ﺭﺣﻨﻪ ﻟﻠﺴﻮﻙ
ﻓﺮﻳﻨﺎ ﺍﺧﺬﻧﻪ ﻗﺴﻢ ﻣﻦ ﺍﻟﺤﻠﻮﻳﺎﺕ ﻣﻨﺎ
ﺍﻡ ﺍﻟﺤﻤﻠﻪ ﺍﻟﻤﺘﺮﺟﻤﻪ ﻛﺎﻟﺖ ﻟﺤﺪ ﻳﺎﺧﺬ ﻣﻨﺎ ﻻ ﻋﺴﻞ ﻭﻻ ﻛﺮﺯﺍﺕ ﻧﺎﺧﺬﻫﻢ ﻣﻦ ﺍﻟﺸﻤﺎﻝ ﺍﻓﻀﻞ
ﺍﺧﺬﻧﻪ ﻛﺮﺯﺍﺕ ﺑﺲ ﻟﻠﻄﺮﻳﻖ ﻧﺘﻠﻬﻰ ﺑﻴﻬﻦ
ﻟﻠﻌﺼﺮ ﻗﺮﺭﻧﻪ ﻧﺮﻭﺡ ﻟﻤﻨﺘﺰﻫﺎﺕ ﻭﻣﺪﻳﻨﺔ ﺍﻻﻟﻌﺎﺏ
ﻓﻌﻼ ﺭﺣﻨﻪ ﻗﺒﻞ ﺍﻻﺫﺍﻥ ﺭﺣﻨﻪ ﻟﻤﻨﺘﺰﻩ ﻭﻻ ﺑﺎﻟﺨﻴﺎﻝ ﺟﻤﻴﻊ ﺍﻟﻮﺭﻭﺩ ﺑﻲ
ﻭﺟﻤﻴﻊ ﺍﻟﺤﻴﻮﺍﻧﺎﺕ ﺑﻲ ﺍﻻﻟﻴﻔﻪ ﻭﺍﻟﻮﺣﺸﻴﻪ
ﻣﺪﻳﻨﺔ ﺍﻻﻟﻌﺎﺏ ﺗﻔﺘﺢ ﺑﺎﻟﻠﻴﻞ ﺑﺲ
ﺍﺫﻥ ﺍﻟﻤﻐﺮﺏ ﺍﻛﻮ ﺟﺎﻣﻊ ﺑﺎﻟﻤﻨﺘﺰﻩ ﺻﻠﻴﻨﻪ ﻭﻛﻤﻠﻨﻪ
ﺭﺣﻨﻪ ﺑﻌﺪﻫﺎ ﻟﻤﺪﻳﻨﺔ ﺍﻻﻟﻌﺎﺏ
ﺟﺎﻧﺖ ﺣﻠﻮﻩ ﻭﺑﻴﻬﺎ ﺍﻟﻌﺎﺏ ﺧﻄﻴﺮﻩ
ﺻﻌﺪﻧﻪ ﺑﻴﻬﺎ
ﺑﻘﻴﻨﻪ ﻟﻮﻗﺖ ﻣﺘﺎﺧﺮ
ﺑﻌﺪﻫﺎ ﺭﺟﻌﻨﻪ ﻟﻠﻔﻨﺪﻕ
ﺟﺎﻥ ﺗﺼﻴﺮ ﻛﺒﺎﻟﻲ ﺍﻟﺒﻨﻴﻪ
ﺍﻣﻮﺭﻱ ﻛﻠﻬﺎ ﺗﺘﺨﺮﺑﻂ ﻣﻦ ﺍﺷﻮﻓﻬﺎ
ﺑﺲ ﺷﻌﺪﻫﺎ ﺑﻬﻴﺞ ﻭﻗﺖ ﻭﻱ ﺍﺑﻮ ﺍﻟﻔﻨﺪﻕ
ﻛﺎﻋﺪ ﺗﺴﻮﻟﻒ ﻭﻳﺎ
ﺍﺟﺘﻲ ﺍﻟﺒﻨﻴﻪ ﺍﻟﻮﻳﺎﻫﺎ
ﺍﻧﻄﺖ ﻻﺑﻮ ﺍﻟﻔﻨﺪﻕ ﺟﻨﻄﻪ ﺯﻏﻴﺮﻩ
ﻃﻠﻌﻦ ﻭﺣﺪﻫﻦ
ﺍﻋﺘﻘﺪ ﻓﻠﻮﺱ ﺧﻠﻨﻬﻦ ﻋﻨﺪﻩ
ﺭﻏﻢ ﻣﺎﺗﻌﺒﺎﻥ ﻛﻠﺖ ﻻﺣﻤﺪ ﺧﻞ ﻧﺮﻭﺡ ﻭﺭﺍﻫﻦ
ﻉ ﺍﻱ ﺍﺳﺎﺱ ﻃﻠﻌﻦ ﺑﻮﺣﺪﻫﻦ ﻫﺴﻪ
ﺭﺣﻨﻪ ﻣﺨﻠﻴﻨﺎﻫﻦ ﻳﺤﺴﻦ
ﺭﺍﺣﻦ ﻟﻤﺤﻼﺕ ﻣﻘﺎﺑﻴﻞ ﺍﻟﺴﻴﺪﻩ ﻣﻌﺼﻮﻣﻪ
ﻭﻛﻔﻦ ﺍﺷﺘﺮﻥ ﺣﺠﺎﺑﺎﺕ ﻭﺑﻌﺪ ﻣﺎﺍﻋﺮﻑ
ﺑﻘﻦ ﻳﻔﺘﺮﻥ
ﻟﺒﺴﻬﺎ ﺍﺑﺪ ﻣﻌﺠﺒﻨﻲ
ﻟﻮ ﻳﻄﻴﺢ ﺑﻴﺪﻱ ﺍﻟﻪ ﺍﺩﻓﻨﻬﺎ ﻋﺪﻟﻪ ﻉ ﻫﺬﺍ ﺍﻟﻠﺒﺲ
ﺍﻟﺮﺍﻳﺢ ﻭﺍﻟﺠﺎﻱ ﻳﺒﺎﻭﻉ ﻋﻠﻴﻬﻦ
ﺧﺎﺻﺘﺂ ﺍﻻﻳﺮﺍﻧﻴﻴﻦ
ﺭﺍﺣﻦ ﺑﻌﺪﻫﺎ ﺍﻛﻮ ﺳﻮﻕ ﺑﻲ ﻫﺪﺍﻳﺎ ﻳﺒﻴﻌﻮﻥ ﻭﻛﺘﺎﺑﻪ ﻉ ﺍﻗﻼﻡ ﻭ ﻣﺪﺍﻟﻴﺎﺕ
ﺭﺣﻨﻪ ﻭﻳﺎﻫﻦ ﺳﻠﻤﻨﻪ ﻉ ﺍﺑﻮ ﺍﻟﻤﺤﻞ
ﺍﻧﻲ ﻛﻤﺖ ﺍﻓﻮﺭ ﺩﻡ
ﺍﺑﻮ ﺍﻟﻤﺤﻞ ﻛﻠﻤﺎ ﺍﺩﻳﺮ ﻭﺟﻬﺎ ﻳﺒﺎﻭﻉ ﻋﻠﻴﻬﺎ ﻣﻦ ﻓﻮﻙ ﻟﺠﻮﻩ ﻛﺼﻬﺎ ﻛﺺ
ﺍﻟﺒﻨﻴﻪ ﺍﻟﻮﻳﺎﻫﺎ ﻟﺒﺴﻬﺎ ﺣﻠﻮ ﻭﻣﺴﺘﻮﺭ
ﻣﻨﺪﻣﺠﻪ ﺗﻨﻄﻲ ﺍﻻﺳﻤﺎﺀ ﻭﻫﻮ ﻛﺎﻋﺪ ﻳﺤﻔﺮ
ﻣﻦ ﺭﻓﻌﺖ ﺭﺍﺳﻬﺎ ﻭﺷﺎﻓﺘﻨﻲ
ﻭﻫﻲ ﺳﺤﺒﺖ ﺍﻟﺒﻨﻴﻪ ﻭﻛﺎﻟﺖ ﺧﻞ ﻧﺮﻭﺡ ﺑﻌﺪﻳﻦ ﻧﺮﺟﻊ ﻋﻠﻴﻬﻦ
ﺣﺠﻴﺖ ﻭﻳﺎﻫﺎ
ﺍﺑﻘﻲ ﺑﻤﻜﺎﻧﺞ ﻻ ﺍﺳﻮﻳﻬﺎ ﻛﺮﺑﻼﺀ
ﺍﻟﻜﻞ ﺑﻘﻪ ﺻﺎﻓﻦ
ﺍﺣﻤﺪ ﻭﺍﻟﺒﻨﻴﻪ ﻭﺣﺘﻰ ﻫﻲ
ﻭﻻ ﺍﻫﺘﻤﺖ
ﻛﺎﻟﺖ ﻟﻠﻮﻟﺪ ﺑﺎﺟﺮ ﺍﻟﺼﺒﺢ ﻧﺮﺟﻊ ﻋﻠﻴﻬﻦ
ﻟﺘﻌﺎﻧﺪﻳﻦ ﻣﻮ ﻣﻦ ﺻﺎﻟﺤﺞ ﻭﺍﻟﻠﻪ
ﺍﻧﺘﻦ ﺷﻠﻮﻥ ﺍﻃﻠﻌﻦ ﺑﻮﺣﺪﺟﻦ ﺑﻬﻴﺞ ﻭﻗﺖ
ﺍﻫﻠﺠﻦ ﺷﻠﻮﻥ ﻳﻘﺒﻠﻮﻥ
ﺍﺑﻘﻦ ﺧﻞ ﻧﻜﻤﻞ ﻭﻧﺮﺟﻌﺠﻦ ﻭﻳﺎﻧﻪ
ﺳﻜﺘﺖ ﺑﻌﺪ ﻣﺤﺠﺖ
ﺭﻭﺍﻥ : ﺑﺪﺕ ﺍﻣﺘﺤﺎﻧﺎﺗﻲ ﻭﺟﻨﺖ ﺯﻳﻨﻪ ﺑﺲ ﻣﺎﺍﻛﺪﺭ ﺍﺧﻤﻦ ﺩﺭﺟﺘﻲ
ﺍﺧﺮ ﻳﻮﻡ ﺍﻟﻲ ﺑﺎﻻﻣﺘﺤﺎﻥ
ﻭﺍﻛﻔﻪ ﻣﻨﺘﻈﺮﻩ ﻋﻤﺎﺭ ﻭﺟﺎﻥ ﺍﺷﻮﻑ ﻫﺬﺍ ﺍﻟﻌﺎﺭ ﻛﺒﺎﻟﻲ
ﺍﺗﺨﺒﻠﺖ ﺟﺴﻤﻲ ﻳﺮﺟﻒ ﻛﻠﻪ
ﻣﺎﺍﻋﺮﻑ ﺷﻴﺼﻴﺮ ﺑﻴﻪ ﻣﻦ ﺍﺷﻮﻓﻪ
ﻫﺎﻟﻤﺮﻩ ﺣﺴﻴﺘﻪ ﻣﺘﻘﺼﺪ ﻳﺸﻮﻓﻨﻲ
ﺭﺣﺖ ﺑﺴﺮﻋﻪ ﻟﻌﻤﺎﺭ ﻭﺟﻨﺖ ﺧﺎﻳﻔﻪ ﻻ ﻳﺸﻮﻓﻪ ﻭﻳﻌﺮﻓﻪ
ﻭﻳﺴﺎﻟﻨﻲ ﺷﻌﻨﺪﻩ ﻭﻟﻴﺶ ﺟﺎﻱ
ﺭﺟﻔﻪ ﺑﻴﻪ ﻣﻮ ﻃﺒﻴﻌﻴﻪ
ﻭﺻﻠﺖ ﻭﻛﺒﻞ ﻧﻤﺖ
ﻛﺘﻠﻬﻢ ﺧﻞ ﺍﺷﺒﻊ ﻧﻮﻡ ﺍﻟﻴﻮﻡ
ﺻﺪﻙ ﺻﺎﺭﻟﻲ ﺷﻜﻢ ﻳﻮﻡ ﻗﻠﻖ ﻭﺳﻬﺮ ﻭﺗﻌﺐ
ﻧﻤﺖ ﻣﺎﻛﻌﺪﺕ ﻏﻴﺮ ﻟﻠﻤﻐﺮﺏ
ﺻﻠﻴﺖ ﻭﺳﻮﻳﺖ ﺍﻟﻌﺸﻪ
ﺳﺎﻟﻮﻧﻲ ﻋﻦ ﺍﻻﻣﺘﺤﺎﻥ ﻭﺟﺎﻭﺑﺘﻬﻢ ﻛﺘﻠﻬﻢ ﺯﻳﻨﻪ
ﻛﺎﻝ ﺑﺎﺑﺎ ﺍﺫﺍ ﻃﻠﻌﺘﻲ ﻣﻌﺪﻝ ﻧﺎﺧﺬﺝ ﺳﻔﺮﻩ ﻻﻱ ﻣﻜﺎﻥ ﻳﻌﺠﺒﺞ
ﻛﺘﻠﻪ ﺑﺎﺑﺎ ﺗﺪﺭﻱ ﺑﻴﻪ ﺍﻧﻲ ﻣﺴﺘﻮﺍﻳﻪ ﻣﻮ ﺷﻲ
ﻣﻮ ﻣﺎﻟﺖ ﺍﻃﻠﻊ ﻣﻌﺪﻝ ﻋﺎﻟﻲ
ﻟﻴﺶ ﺑﺎﺑﺎ ﻣﻮ ﺣﺘﻰ ﺧﺼﻮﺻﻲ ﻣﺨﻠﻴﻠﺞ
ﺑﺲ ﻫﺬﺍ ﺣﺪ ﻓﻬﻤﻲ ﺑﺎﺑﺎ
ﻭﺍﻟﻠﻪ ﻫﻮﺍﻱ ﻗﺮﻳﺖ ﻭﻛﺪﺍﻣﻜﻢ
ﺍﻟﻠﻪ ﻛﺮﻳﻢ
ﺣﺒﺎﺏ ﺍﻫﻢ ﺷﻲ ﻧﺠﺎﺡ ﻣﻮ ﻣﻬﻢ ﺍﻟﻤﻌﺪﻝ
ﺍﺧﺬﻧﻲ ﻟﺘﺮﻛﻴﺎ
ﺻﺎﺣﺖ ﻣﺎﻣﺎ ﻟﺞ ﻳﺎﺗﺮﻛﻴﺎ ﺷﻨﺼﺨﻢ ﻫﻨﺎﻙ
ﻧﺮﻭﺡ ﻟﻮ ﻻﻳﺮﺍﻥ ﻧﺰﻭﺭ ﻟﻮ ﻟﺴﻮﺭﻳﺎ
ﻻ ﻣﺎﺍﺭﻭﺡ ﺍﻧﻲ ﻻ ﻻﻳﺮﺍﻥ ﻭﻻ ﺳﻮﺭﻳﺎ
ﺍﺭﻳﺪ ﻟﺘﺮﻛﻴﺎ ﻟﻮ ﻟﺒﻨﺎﻥ
ﺍﺳﻴﻞ ﺗﻬﺰ ﺑﻴﺪﻫﺎ ﻣﺜﻞ ﺍﻟﻤﺴﺘﻬﺰﺃﻩ
ﻫﺴﻪ ﺍﻧﺖ ﻫﻢ ﺣﺼﻠﺘﻲ ﺭﺟﻞ ﻭﻛﻠﺘﻲ ﺍﻋﻮﺭ
ﺍﻫﻢ ﺷﻲ ﺳﻔﺮ
ﻭﻳﻨﺞ ﻭﻳﻦ ﺗﺮﻛﻴﺎ
ﻛﻠﺖ ﺍﻟﻪ ﺑﻌﻨﺎﺩﻫﺎ ﻟﻮ ﺗﺮﻛﻴﺎ ﻟﻮ ﻣﺎﺍﺭﻭﺡ
ﻛﻠﺖ ﻟﺒﺎﺑﺎ ﺍﻧﻲ ﻟﻮ ﻟﺘﺮﻛﻴﺎ ﻟﻮ ﻣﺎﺍﺭﻭﺡ
ﺑﺎﺑﺎ ﻛﺎﻝ ﺍﻧﺖ ﻭﺍﻣﺞ ﺻﻔﻦ ﺑﺎﻟﺠﻦ ﻭﻋﻮﺩ ﺧﺒﺮﻧﻲ
ﺛﺎﻧﻲ ﻳﻮﻡ ﺍﺟﺘﻲ ﺑﻴﺒﻲ ﻭﺟﺪﻭﺍ ﺑﻘﻮﺍ ﻟﻠﻴﻞ ﻳﻤﻨﻪ
ﻛﺎﻟﺖ ﺑﻴﺒﻲ ﺭﻭﺣﻲ ﻭﻳﺎﻧﻪ ﺍﺑﻘﻴﻠﺞ ﺷﻜﻢ ﻳﻮﻡ
ﻛﺎﻝ ﺑﺎﺑﺎ ﺭﻭﺣﻲ
ﺭﺣﺖ ﻭﻳﺎﻫﻢ ﻭﺟﻨﺖ ﺣﻴﻞ ﻣﺸﺘﺎﻗﻪ ﻟﺪﻳﻤﺎ ﺑﻨﺖ ﺧﺎﻟﻮ
ﻛﺮﺍﺭ ﻟﻜﻴﺘﻪ ﻫﻨﺎﻙ ﻭﻫﻢ ﺣﻴﻞ ﻓﺮﺡ
ﻛﺎﻝ ﺑﺎﺭﻛﻴﻠﻲ ﻟﺞ ﺭﺍﺡ ﺍﺧﻄﺐ
ﻫﺎﻱ ﻳﺎﺗﻌﻴﺴﺔ ﺣﻆ ﺍﻟﻲ ﻗﺒﻠﺖ ﺑﻴﻚ
ﺷﻮﻑ ﻫﺎﻱ ﺍﻟﺨﺒﻠﻪ
ﺗﻘﺼﺪﻳﻦ ﻳﺎﺳﻌﻴﺪﺓ ﺍﻟﺤﻆ ﻣﻮ
ﺑﻘﻴﻨﻪ ﻧﺴﻮﻟﻒ ﻭﺣﺎﺟﻴﻦ ﺑﻴﻮﻣﻬﺎ
ﻓﺎﺗﺢ ﺧﺎﻟﻪ ﺑﺎﻟﻤﻮﺿﻮﻉ ﻭﻛﻠﺘﻠﻪ ﺍﻟﻠﻪ ﻛﺮﻳﻢ
ﺣﺠﻴﺖ ﻭﻱ ﺩﻳﻤﺎ ﻉ ﺍﻟﺴﻔﺮﻩ
ﻛﺎﻟﺖ ﺍﻟﻠﻪ ﻋﻠﻴﺞ ﺭﻭﺣﻮﺍ ﻻﻳﺮﺍﻥ
ﺣﺘﻰ ﻧﺮﻭﺡ ﻭﻳﺎﻛﻢ ﺍﻧﻲ ﻭﺑﺎﺑﺎ ﻭﻣﺎﻣﺎ
ﻻﻥ ﻛﺎﻟﻮ ﻧﺮﻭﺡ ﻻﻳﺮﺍﻥ ﺍﺫﺍ ﺗﺮﺩﻳﻦ ﺭﻭﺣﻲ ﻭﻳﺎﻧﻪ
ﻭﺍﻧﻲ ﻣﺎﺍﻟﻲ ﻭﺍﻫﺲ ﻻﻥ ﻭﺣﺪﻱ
ﺍﺫﺍ ﻭﻳﺎﺝ ﺍﺭﻭﺡ ﻻﻳﺮﺍﻥ
ﺍﻧﻲ ﺭﺩﺕ ﺑﻌﻨﺎﺩ ﺍﺳﻴﻞ ﻧﺮﻭﺡ ﻟﺘﺮﻛﻴﺎ
ﻟﺞ ﻣﺎﻣﺎ ﻭﻋﻤﻪ ﻭﻳﻨﻬﻦ ﻭﻳﻦ ﺗﺮﻛﻴﺎ
ﺍﻳﺮﺍﻥ ﻫﻮﺍﻱ ﻋﻠﻴﻬﻦ
ﺍﺟﺘﻨﻪ ﺿﺮﺑﻪ ﻉ ﺭﺍﺳﻨﻪ ﻣﻦ ﻛﺮﺍﺭ
ﻟﻴﺶ ﺗﺤﺠﻦ ﻉ ﻣﺎﻣﺎ ﻭﻋﻤﻪ
ﻟﻚ ﺩﻭﻟﻲ ﺍﻧﺖ ﻭﻳﺎﻫﻦ
ﺍﻧﺮﻳﺪ ﻟﺘﺮﻛﻴﺎ ﻭﻫﻨﻪ ﺍﻟﻰ ﻻﻳﺮﺍﻥ
ﻭﺍﻟﻠﻪ ﺍﺫﺍ ﺳﺎﻓﺮﺗﻦ ﻟﺘﺮﻛﻴﺎ
ﺣﺘﻰ ﺍﻟﺠﻮﺍﺯﺍﺕ ﺗﻌﺰﻝ ﺑﻴﻮﻣﻬﺎ
ﻻﻥ ﻳﺨﺘﺮﻋﻮﻥ ﻣﻦ ﺷﻜﻠﺠﻦ
ﺍﻛﺺ ﺍﺩﻳﻪ ﺍﺫﺍ ﻣﺎﻃﻠﻌﺖ ﺗﻐﺎﺭ ﻣﻦ ﺟﻤﺎﻟﻨﻪ
ﻛﻮﻟﻲ ﻭﺍﻟﻠﻪ
ﻟﺞ ﺍﻧﺖ ﺑﺎﻟﺬﺍﺕ ﻳﺎﺭﻭﺍﻥ ﻣﻘﻬﻮﺭ ﻋﻠﻴﺞ
ﺍﻛﻮﻝ ﺧﻄﻴﻪ ﻣﺮﺍﺡ ﺗﺘﺰﻭﺟﻴﻦ ﺭﺍﺡ ﺗﻌﻨﺴﻴﻦ
ﻻﻥ ﻣﻮ ﺣﻠﻮﻩ ﻭﺟﻜﻤﻪ
ﺧﻞ ﻧﺸﻮﻑ ﻣﻠﻜﺔ ﺟﻤﺎﻝ ﺍﻟﻌﺎﻟﻢ ﺍﻟﻲ ﺭﺍﺡ ﺗﺘﺰﻭﺟﻬﺎ
ﻭﺍﻟﻠﻪ ﺍﺣﻠﻰ ﻣﻨﺠﻦ ﺍﺛﻨﻴﻨﺠﻦ
ﻛﻠﺘﻠﻪ ﺩﻳﻤﺎ ﻭﺍﻟﻠﻪ ﺍﻟﻪ ﺍﺣﺮﻙ ﻓﻠﻤﻚ ﻭﺍﺭﻭﺡ ﺍﻗﻨﻊ ﻣﺎﻣﺎ ﻣﺘﺨﻄﺒﻬﺎ
ﻣﻮ ﻉ ﺍﺳﺎﺱ ﺑﻜﻴﻔﺞ
ﺍﺟﺘﻲ ﻣﺎﻣﺎ ﺛﺎﻧﻲ ﻳﻮﻡ
ﺭﺍﺣﻮﺍ ﻻﻫﻞ ﺍﻟﺒﻨﻴﻪ ﺧﺎﻟﻪ ﻭﻣﺎﻣﺎ ﻭﺑﻴﺒﻲ
ﻛﺎﻟﻦ ﺍﻟﺒﻨﻴﻪ ﻛﻠﺶ ﺣﻠﻮﻩ ﻭﺍﻟﺴﻨﻪ ﻣﺘﺨﺮﺟﻪ ﻫﻢ ﺩﻛﺘﻮﺭﻩ
ﻭﺍﻫﻠﻬﺎ ﻛﺎﻟﻮ ﺍﺣﻨﻪ ﻧﺮﺟﻊ ﺧﺒﺮ
ﺍﻧﻲ ﺑﻴﻮﻣﻬﺎ ﺭﺟﻌﺖ ﻭﻱ ﻣﺎﻣﺎ
ﻭﺭﻩ ﺍﺳﺒﻮﻉ ﺭﺟﻌﻮﺍ ﺍﻟﻤﻮﺍﻓﻘﻪ
ﺭﺍﺣﻦ ﻣﺮﻩ ﺛﺎﻧﻴﻪ ﻭﺍﺗﻔﻘﻮﺍ ﻉ ﻛﻠﺸﻲ ﻭﺣﺪﺩﻭﺍ ﺍﻟﻜﻌﺪﻩ
ﻭﻫﻢ ﻋﻘﺪ ﺑﻴﻮﻣﻬﺎ
ﺟﻬﺰﻧﻪ ﻧﻔﺴﻨﻪ ﻭﺭﺣﻨﻪ ﻭﺻﺎﺭ ﺍﻟﻌﻘﺪ
ﺍﻟﺒﻨﻴﻪ ﻃﻠﻌﺖ ﺻﺪﻙ ﺣﻠﻮﻩ ﻭﻣﻮﺍﻟﻤﺘﻪ ﻟﻜﺮﺍﺭ
ﻭﻛﺎﻟﻮﺍ ﺑﻌﺪ ﺍﺳﺒﻮﻋﻴﻦ ﺍﻟﺰﻭﺍﺝ
ﺍﺳﺘﻠﻤﺖ ﻧﺘﻴﺠﺘﻲ ﻭﺟﻨﺖ ﻧﺎﺟﺤﻪ ﻭﻣﻌﺪﻝ 89 ﻭﻛﺴﻮﺭ
ﺣﻴﻞ ﻓﺮﺣﺖ ﺑﻤﻌﺪﻟﻲ ﻣﺎﺟﻨﺖ ﺍﺣﻠﻢ ﺑﻬﻴﺞ ﻣﻌﺪﻝ
ﻗﺮﺭﻧﻪ ﻧﺮﻭﺡ ﻻﻳﺮﺍﻥ ﻭﻱ ﺑﻴﺖ ﺧﺎﻟﻮﺍ
ﺑﺲ ﻛﺎﻟﻮﺍ ﺧﻞ ﻧﻜﻤﻞ ﺍﻟﻌﺮﺱ ﻳﻠﻪ ﻧﺮﻭﺡ
ﺑﺎﺑﺎ ﻭﺧﺎﻟﻮ ﺳﺠﻠﻮﻧﻪ ﺑﺤﻤﻠﻪ ﻧﻘﻀﻲ ﺍﻟﻌﻴﺪ ﻫﻨﺎﻙ
ﺻﺎﺭ ﺍﻟﺰﻭﺍﺝ ﻭﺭﺍﺣﻮﺍ ﺍﻝ ﻟﺒﻨﺎﻥ ﻣﺪﺓ 8 ﺍﻳﺎﻡ
ﺑﻌﺪﻫﺎ ﺭﺟﻌﻮﺍ
ﺗﻘﺮﺭﺕ ﺭﻭﺣﺘﻨﻪ ﺑﻌﺪ ﺍﺳﺒﻮﻉ
ﺍﻧﻲ ﺍﺧﺬﺕ ﻣﻼﺑﺲ ﻟﻠﻌﻴﺪ 4 ﻟﺒﺴﺎﺕ ﻳﻮﻣﻴﻪ ﺍﻟﺒﺲ ﺷﻜﻞ
ﻭﺍﺧﺬﺕ ﺍﻟﺒﻘﻴﻪ ﻋﺎﺩﻳﺎﺕ
ﺍﻫﻢ ﺷﻲ ﻋﻨﺪﻱ ﺍﻟﻌﻴﺪ
ﻃﻠﻌﺖ ﻭﻱ ﻣﺎﻣﺎ ﻟﻠﺴﻮﻙ ﻭﺍﺷﺘﺮﻳﺖ ﺷﻜﻢ ﺷﻐﻠﻪ ﻣﻨﺎﻙ
ﻭﻋﺠﺒﻨﻲ ﻣﻼﺑﺲ ﻫﻢ ﺍﺷﺘﺮﻳﺖ
ﻛﺎﻣﺖ ﺗﺤﺠﻲ ﻣﺎﻣﺎ ﻟﺞ ﺍﺷﺘﺮﻱ ﻣﻦ ﺍﺧﻮﺝ ﺍﺣﺴﻦ
ﺫﻧﻲ ﻋﺠﺒﻨﻲ ﺣﻴﻞ
ﺟﻬﺰﺕ ﺟﻨﻄﻪ ﺑﺲ ﻣﻼﺑﺴﻲ ﻭﺍﺣﺬﻳﺘﻲ
ﻭﻣﺎﻣﺎ ﻭﺑﺎﺑﺎ ﻫﻢ ﺟﻨﻄﻪ ﻟﻮﺣﺪﻫﻢ
ﻛﻠﺖ ﻟﺒﺎﺑﺎ ﻭﻣﺎﻣﺎ ﺍﻧﻲ ﻭﺩﻳﻤﺎ ﻧﺮﻳﺪ ﺑﻐﺮﻓﻪ ﻭﺣﺪﻧﺎ ﻫﻨﺎﻙ ﻉ ﻣﻮﺩ ﻧﺎﺧﺬ ﺭﺍﺣﺘﻨﻪ
ﺍﺗﻔﻖ ﺑﺎﺑﺎ ﻭﺧﺎﻟﻮﺍ ﻭﻱ ﺍﺑﻮ ﺍﻟﺤﻤﻠﻪ ﻭﺩﻓﻌﻮﺍ ﻣﺒﻠﻎ ﺯﺍﻳﺪ ﻭﻭﺍﻓﻖ
ﺭﺣﻨﻪ ﺗﻘﺮﻳﺒﺎ ﺏ 10 ﺑﺎﻟﻠﻴﻞ ﺍﺗﺤﺮﻛﺖ ﺍﻟﻤﻨﺸﺎﻩ
ﺟﺎﻥ ﻟﻴﻞ ﻭﻣﻜﺪﺭﻧﻪ ﻧﻤﻴﺰ ﺍﺣﺪ
ﺍﻧﻲ ﻛﻌﺪﺕ ﻭﻱ ﺩﻳﻤﺎ
ﺩﺧﻠﻨﻪ ﺍﻟﺤﺪﻭﺩ ﻭﺑﻌﺪﻫﺎ ﺍﻧﻄﻠﻘﻨﻪ ﺑﺮﺣﻠﺘﻨﺎ
ﺟﻨﺖ ﺣﻴﻞ ﻓﺮﺣﺎﻧﻪ ﻭﻧﺎﺳﻴﻪ ﻫﻤﻲ
ﻛﻠﺸﻲ ﺍﺗﻮﻗﻌﺖ ﺑﺎﻳﺮﺍﻥ
ﺑﺲ ﻣﺘﻮﻗﻌﺖ ﺭﺍﺡ ﺍﻟﺘﻘﻲ ﺑﻬﺬﺍ ﺍﻟﻌﺎﺭ ﺍﺧﻮ ﺷﻬﺪ
ﻣﺴﺘﺤﻴﻞ ﺍﻛﺪﺭ ﺍﻭﺻﻒ ﺷﻌﻮﺭﻱ ﻣﻦ ﺷﻔﺘﻪ
ﺑﻌﺪ ﻣﺎﺍﺷﻮﻑ ﺩﺭﺑﻲ
ﻣﻦ ﺍﺷﻮﻓﻪ ﺟﺴﻤﻲ ﻛﻠﻪ ﻳﻜﻮﻡ ﻳﺮﺟﻒ ﻣﻦ ﺍﻟﺨﻮﻑ
ﺍﺧﺎﻑ ﻫﻢ ﻳﺴﻮﻳﻬﺎ ﻭﻳﺠﺒﺮﻧﻲ ﻉ ﺷﻲ
ﺣﻴﻞ ﺧﺎﻳﻔﻪ
ﻭﺭﺍﺣﺖ ﻟﻬﻔﺘﻲ ﻟﻠﺴﻔﺮﻩ
ﺟﻨﺖ ﻣﺨﻄﻄﻪ ﻟﻬﻮﺍﻱ ﺍﺷﻴﺎﺀ
ﺑﺲ ﻫﺴﻪ ﻻ ﻣﺮﺍﺡ ﺍﻃﻠﻊ ﻭﻻ ﺍﻣﺸﻲ ﻳﺠﻮﺯ ﺍﺑﻘﻰ ﺑﺎﻟﻔﻨﺪﻕ ﻭﺍﺳﻜﺖ
ﺑﻌﺪ ﻣﺎﺍﻛﺪﺭ ﺍﻛﻞ ﻭﻻ ﺍﺷﺮﺏ
ﺣﺴﺖ ﺑﻴﻪ ﺩﻳﻤﺎ ﻭﺳﺎﻟﺘﻨﻲ
ﻛﺘﻠﻬﺎ ﺗﻌﺒﺖ
ﻛﺎﻟﺖ ﻟﺞ ﺑﻌﺪﻧﻪ ﺑﺎﻭﻟﻬﺎ ﺷﻨﻮ ﺗﻌﺒﺘﻲ
ﺭﺟﻌﻨﻪ ﻟﻠﺴﻴﺎﺭﻩ
ﺑﺲ ﺍﻟﺼﺮﺍﺣﻪ ﺍﻟﻤﻨﺎﻇﺮ ﺗﺎﺧﺬ ﺍﻟﻌﻘﻞ
ﺍﻟﺠﺒﺎﻝ ﺭﻭﻋﻪ
ﺍﻧﻲ ﺍﻟﺼﺮﺍﺣﻪ ﺣﺘﻰ ﻟﺸﻤﺎﻝ ﺍﻟﻌﺮﺍﻕ ﻣﺮﺍﻳﺤﻪ
ﻳﻌﻨﻲ ﺍﻭﻝ ﻣﺮﻩ ﺍﺷﻮﻑ ﻫﻴﺞ ﺟﺒﺎﻝ ﻭﻫﻴﺞ ﺍﺟﻮﺍﺀ
ﻣﻦ ﻭﺻﻠﻨﻪ ﻟﻼﺳﺘﺮﺍﺣﻪ ﺍﻟﺜﺎﻧﻴﻪ
ﺻﻠﻴﻨﻪ ﻭﻃﻠﺒﺖ ﻣﻦ ﺩﻳﻤﺎ ﻧﺸﺘﺮﻱ ﻋﺼﺎﺋﺮ ﻭﺑﺴﻜﺖ ﻭﻧﻜﻌﺪ ﺑﺎﻟﺴﻴﺎﺭﻩ ﻧﻨﺘﻈﺮ
ﺍﻳﺪﺗﻨﻲ ﻭﺭﺣﻨﻪ ﻛﻌﺪﻧﻪ
ﺟﻨﻪ ﻣﻨﺪﻣﺠﻴﻦ ﺍﻧﻲ ﻭﻳﺎﻫﺎ ﻭﻧﺎﻛﻞ
ﺑﺲ ﻣﻦ ﺻﻌﺪ ﻫﺬﺍ ﻏﻴﺮ ﻣﺰﺍﺟﻲ
ﻳﺒﻮﻭﻭ ﺍﻧﻲ ﺭﺩﺕ ﺑﺲ ﺍﺷﺮﺩ ﻣﻨﻪ
ﺍﺷﻮ ﻫﺬﺍ ﻳﻠﺤﻜﻨﻲ ﻭﻳﻦ ﻣﺎﺍﺭﻭﺡ
ﺳﻠﻢ ﺍﻧﻲ ﻓﺼﻠﺖ ﻋﻦ ﺍﻟﻌﺎﻟﻢ ﻣﻦ ﺷﻔﺘﻪ ﻋﻘﻠﻲ ﻭﻛﻒ
ﻟﺤﻀﺎﺕ ﻭﻧﺰﻝ
ﺩﻳﻤﺎ ﺗﺤﺠﻲ ﻭﺍﻧﻲ ﻓﺎﺻﻠﻪ
ﺑﻌﺪﻳﻦ ﺭﻛﺰﺕ ﺑﺎﺧﺮ ﺟﻤﻠﻪ
ﻛﺎﻟﺖ ﻟﺞ ﺷﻨﻮ ﻫﺎﻱ ﺍﻟﺤﻤﻠﻪ ﺍﺷﻮ ﻛﻠﻬﺎ ﺻﺎﻛﻴﻦ
ﺩﻭﻟﻲ ﺍﺳﻜﺘﻲ ﻫﺴﻪ ﺍﻧﺖ ﻭﻳﻨﺞ ﻭﻳﻦ ﺍﻟﺼﺎﻛﻴﻦ
ﻭﻳﻦ ﺭﺍﺡ ﻋﻨﺞ ﻛﺮﺍﺭ
ﺩﻭﻟﻲ ﺍﻧﺖ ﻭﻛﺮﺍﺭ
ﺍﻧﻲ ﻣﺼﻤﻤﻪ ﻣﺎ ﺍﺭﺟﻊ ﻟﻠﻌﺮﺍﻕ ﺍﻟﻰ ﻭﺍﻧﻲ ﻣﻜﺒﻠﻪ 😂😂😂 ﻉ ﻫﺎﻱ ﺍﻟﺸﺒﺎﺏ ﺍﻟﺤﻠﻮﻳﻦ ﺍﻟﻮﻳﺎﻧﻪ
ﻟﺞ ﺍﺳﻜﺘﻲ ﻓﻀﺤﺘﻴﻨﻪ ﺳﺎﻋﻪ ﻭﺳﻤﻌﺞ ﻭﺍﺣﺪ
ﻳﺎﺭﻳﺖ ﻳﺴﻤﻌﻨﻲ ﻭﺍﺣﺪ ﻭﻳﺠﻲ ﻳﻜﻠﻲ ﺍﺭﻳﺪ ﺍﻛﺒﻞ ﻭﻳﺎﺝ
ﻫﺎﻱ ﺗﺤﺠﻴﻦ ﺻﺪﻙ ﻋﻮﺩ
ﻟﻌﺪ ﺟﺬﺏ ﻭﺗﻀﺤﻚ 😂😂😂
ﺍﺩﺭﻱ ﺑﻴﻬﺎ ﺗﺸﺎﻗﻪ ﻻﻥ ﺑﺎﻟﺤﻘﻴﻘﻪ ﺟﺒﺎﻧﻪ ﻣﺴﺘﺤﻴﻞ ﺗﻔﻜﺮ ﺗﺤﺠﻲ ﻭﻱ ﻭﻟﺪ
ﻭﺻﻠﻨﻪ ﻟﻘﻢ ﻭﻭﺯﻋﻮﻧﻪ ﺑﺎﻟﻐﺮﻑ
ﺍﻧﻲ ﻭﺩﻳﻤﺎ ﻏﺮﻓﺘﻨﻪ ﻗﺮﻳﺒﻪ ﻉ ﺍﻫﻠﻨﻪ
ﺟﻨﺖ ﺣﻴﻞ ﺧﺎﻳﻔﻪ ﻣﻦ ﻫﺬﺍ
ﺑﻌﺪﻳﻦ ﻛﻠﺖ ﻻﺯﻡ ﺍﺗﺼﺮﻑ ﻃﺒﻴﻌﻲ ﺣﺘﻰ ﻣﺤﺪ ﻳﺸﻚ ﺑﻴﻪ
ﻭﻻﺯﻡ ﺍﺑﻴﻦ ﺍﻟﻪ ﺍﻧﻲ ﻗﻮﻳﻪ ﻭﻣﻮ ﺿﻌﻴﻔﻪ ﻭﺍﺧﺎﻑ ﻣﻨﻪ
ﺳﺒﺤﻨﻪ ﻭﺍﺫﻥ ﺻﻠﻴﻨﻪ
ﺑﻌﺪﻫﺎ ﺭﺣﻨﻪ ﺯﺭﻧﻪ ﻭﻫﺎﻱ ﺍﻭﻝ ﻣﺮﻩ ﺍﺯﻭﺭ ﺍﻟﺴﻴﺪﻩ ﻣﻌﺼﻮﻣﻪ
ﺩﻣﻮﻋﻲ ﺟﺮﻥ ﻭﺣﺪﻫﻦ
ﻃﻠﺒﺖ ﻣﻨﻬﺎ ﺗﺴﻬﻠﻲ ﺍﻣﺮﻱ
ﻣﺎﺍﺭﻳﺪ ﺍﻱ ﺑﺸﺮ ﻳﺤﺲ ﺑﻴﻪ
ﺍﺭﻳﺪ ﻣﻮﺗﻲ ﻛﻮﻥ ﻭﻻ ﺍﺣﺪ ﻣﻦ ﺍﻫﻠﻲ ﻳﺤﺲ ﺑﻴﻪ
ﻫﻮﺍﻱ ﺩﻋﻴﺖ
ﺑﻌﺪﻫﺎ ﺭﺣﻨﻪ ﻟﻤﻄﻌﻢ ﺍﺗﻌﺸﻴﻨﺎ
ﻭﻓﺮﻳﻨﻪ ﺷﻮﻳﻪ ﻭﺭﺟﻌﻨﻪ
ﻧﻤﻨﻪ ﻭﺛﺎﻧﻲ ﻳﻮﻡ ﻫﻢ ﻛﻌﺪﻧﻪ ﻓﺮﻳﻨﻪ ﺑﺎﻟﺴﻮﻙ ﻭﻱ ﺍﻫﻠﻨﺎ
ﻣﺎﺍﺧﺬﻧﻪ ﻫﻮﺍﻱ ﺍﺷﻴﺎﺀ ﻻﻥ ﺑﻌﺪ ﻭﺭﺍﻧﻪ ﻣﺸﻬﺪ ﻭﺍﻟﺸﻤﺎﻝ
ﺍﻟﻌﺼﺮ ﺍﺧﺬﻭﻧﻪ ﻣﺰﺍﺭﺍﺕ
ﻭﺯﻋﻮﻟﻨﻪ ﺧﻄﻮﻁ
ﻓﻌﻠﻨﻪ ﺍﻟﻨﺖ
ﺍﺗﺼﻠﺖ ﺑﻌﻤﺎﺭ ﻭﻃﻤﻨﺘﻪ ﻋﻠﻴﻨﻪ
ﺑﻌﺪﻫﺎ ﺭﺟﻌﻨﻪ ﻣﻦ ﺍﻟﻤﺰﺍﺭﺍﺕ
ﻣﺮﻳﻨﻪ ﻉ ﻣﺤﻞ ﺍﻃﻔﺎﻝ ﻛﻠﺶ ﺣﻠﻮ
ﺍﺧﺬﻧﻪ ﻻﺑﻦ ﻋﻤﺎﺭ ﻣﻼﺑﺲ ﺣﻠﻮﻩ ﻭﺍﺧﺬﻧﻪ ﻣﻨﻪ ﺗﺮﻣﺰ ﻛﻠﺶ ﺣﻠﻮ ﻣﺎﻟﺖ ﺍﻃﻔﺎﻝ ﻭﺑﻘﻴﻨﻪ ﻧﻔﺘﺮ
ﺑﺲ ﻫﺬﺍ ﻫﻢ ﻭﺭﺍﻧﻪ
ﺍﻟﻈﺎﻫﺮ ﻧﺎﻭﻱ ﻏﻴﺮ ﻧﻴﻪ
ﺑﺲ ﻗﺴﻤﺎ ﺑﺎﻟﻠﻪ ﺍﺯﻓﻪ ﺯﻓﻪ ﻣﻦ ﻫﺎﻱ ﺍﻟﺰﻳﻨﻪ ﺑﺲ ﻳﺤﺎﻭﻝ ﻳﺘﺤﺎﺭﺵ ﺑﻴﻪ
ﻟﻮ ﻳﺤﺎﻭﻝ ﻳﺸﻮﻩ ﺳﻤﻌﺘﻲ
ﻟﺤﻀﺎﺕ ﻭﺍﺧﺘﻔﻮﺍ
ﻛﺎﻟﺖ ﺩﻳﻤﺎ
ﻟﺞ ﻫﺬﺍ ﺍﻟﻈﺎﻫﺮ ﻧﺎﺻﺐ ﻋﻠﻴﺞ
ﻻﻥ ﻋﻴﻮﻧﻪ ﻓﺎﺿﺤﺘﻪ
ﻣﻨﺰﻟﻬﻦ ﻣﻨﺞ ﺍﺑﺪ
ﺧﻞ ﻳﻮﻟﻲ ﺍﻧﻲ ﻣﻔﺎﺭﻏﻪ ﻟﻬﺎﻱ ﺍﻟﺴﻮﺍﻟﻒ
ﻟﺞ ﻭﺍﻟﻠﻪ ﺻﺎﻛﻴﻦ ﻫﻮ ﻭﺻﺎﺣﺒﻪ
ﻫﻴﺞ ﻣﻦ ﺍﻟﻠﻪ ﻭﻟﻦ ﻫﺬﺍ ﺍﻟﻮﻳﺎﻩ ﻫﻢ ﻳﻨﺼﺐ ﻋﻠﻴﻪ ﺍﻟﻪ ﺍﺫﺑﺢ ﻃﻠﻲ
ﺍﻧﺠﺒﻲ ﻭﻟﺞ ﺍﺛﻜﻠﻲ
ﻭﺷﻤﺴﻮﻳﻪ ﻋﻴﻨﻲ
ﻟﺞ ﻭﺍﻟﻨﺒﻲ ﻣﻔﻀﻮﺣﻪ ﺍﻧﺖ
ﺭﺍﺡ ﻳﺴﻤﻌﻨﻪ ﺧﺎﻟﻮ ﺣﺘﻰ ﻳﺬﺑﺤﻨﻪ ﻉ ﺍﻟﻘﺒﻠﻪ
ﺭﺟﻌﻨﻪ ﻭﺑﻘﻴﻨﻪ ﻧﻔﺘﺮ
ﺍﺧﺬﻧﻪ ﺍﺷﻴﺎﺀ ﺑﺴﻴﻄﻪ
ﺭﺟﻌﻨﻪ ﻟﻠﻔﻨﺪﻕ
ﺳﺒﺤﻨﻪ ﻭﺻﻠﻴﻨﻪ ﻭﺍﺭﺗﺎﺣﻴﻨﻪ
ﺟﺎﺑﻮﻟﻨﻪ ﻋﺸﻪ ﻟﻠﻔﻨﺪﻕ ﺑﺎﺑﺎ ﻭﺧﺎﻟﻮ
ﻧﺘﺠﻤﻊ ﺑﻐﺮﻓﺘﻨﻪ ﻛﻠﻨﻪ
ﺍﺗﻌﺸﻴﻨﻪ ﻭﺧﻠﺼﻨﻪ
ﺧﺎﻟﻮ ﻭﺑﺎﺑﺎ ﻛﺎﻟﻮ ﺭﺍﺡ ﻧﺰﻭﺭ
ﺍﺣﻨﻪ ﻫﻢ ﻛﻠﻨﻪ ﻧﺰﻭﺭ ﻭﻧﻔﺘﺮ ﺑﺎﻟﺴﻮﻙ
ﺑﺪﻟﻨﻪ ﻭﺭﺣﻨﻪ
ﺍﻟﻤﺸﻜﻠﻪ ﺍﻫﻠﻨﻪ ﺑﺴﺎﻉ ﻳﺘﻌﺒﻮﻥ ﻭﺍﺣﻨﻪ ﻧﺮﻳﺪ ﻧﻔﺘﺮ ﻭﻧﺸﻮﻑ
ﺍﺑﻮ ﺍﻟﻔﻨﺪﻕ ﻛﺎﻝ ﺟﻴﺒﻮﺍ ﻓﻠﻮﺳﻜﻢ ﻧﻀﻤﻬﻦ ﺍﻟﻜﻢ ﺍﺍﻣﻦ ﺑﺎﻟﻘﺎﺻﻪ
ﻛﻠﻤﺎ ﺗﺮﺣﻮﻥ ﻟﻠﺴﻮﻙ ﻭﻣﻦ ﺗﺮﺟﻌﻮﻥ ﻧﻨﻄﻴﻬﻦ ﺍﻟﻜﻢ
ﺩﺧﻠﻨﻪ ﻟﻤﺤﻞ ﺑﻲ ﺍﺣﺬﻳﻪ ﻭﺟﻨﻂ ﺭﻫﻴﺒﻪ ﺣﻴﻞ ﺣﻠﻮﺍﺕ
ﻛﻠﺖ ﻟﻤﺎﻣﺎ ﺍﺷﺘﺮﻱ ﻣﻨﺎ
ﻻﻥ ﺧﻄﻴﻪ ﻋﻤﺎﺭ ﻣﺒﺘﻠﻲ ﺑﻴﻪ ﻭﻳﺠﻴﺒﻠﻲ ﻏﺎﻟﻲ
ﻛﺎﻟﺖ ﺑﻜﻴﻔﺞ ﺍﻱ ﺷﻲ ﻳﻌﺠﺒﺞ ﺍﺧﺬﻱ
ﺍﻧﻲ ﺍﻟﺴﻨﻪ ﺟﺎﻣﻌﻪ ﻭﻻﺯﻡ ﺍﺷﺘﺮﻱ ﻫﻮﺍﻱ ﺍﺷﻴﺎﺀ
ﺍﺷﺘﺮﻳﺖ ﺳﻴﺖ ﻛﺎﻣﻞ ﻟﻮﻥ ﺧﺮﺩﻟﻲ ﺣﻴﻞ ﻋﺠﺒﻨﻲ
ﺩﻳﻤﺎ ﻫﻢ ﺍﺧﺬﺕ ﻧﻔﺴﻬﻦ ﺑﺲ ﻏﻴﺮ ﻟﻮﻥ ﺍﺧﺬﺕ ﻣﺎﺭﻭﻧﻲ
ﺑﻌﺪﻫﺎ ﺗﻌﺒﻮﺍ ﻭﺭﺟﻌﻨﻪ
ﺑﻘﻴﻨﻪ ﻧﺴﻮﻟﻒ ﺍﻧﻲ ﻭﺩﻳﻤﺎ ﻟﺤﺪ ﻣﻨﻤﻨﻪ
ﻛﻌﺪﻧﻪ ﺍﻟﺼﺒﺢ ﺟﺎﻥ ﻳﻮﻡ ﺣﺮ ﺍﻟﻨﻪ
ﺗﺮﻳﻜﻨﻪ ﻭﺭﺣﻨﻪ ﺑﺲ ﺍﻧﻲ ﻭﻣﺎﻣﺎ ﻭﺧﺎﻟﻪ ﻭﺩﻳﻤﺎ
ﻣﺨﻠﻴﻨﻪ ﻣﻜﺎﻥ ﻳﻌﺘﺐ ﻋﻠﻴﻨﻪ 😂🙈
ﺍﻧﻲ ﻭﺩﻳﻤﺎ ﻛﻞ ﺍﻟﺤﻴﻞ ﺑﻴﻨﻪ ﺑﺲ ﻣﺎﻣﺎ ﻭﺧﺎﻟﻪ ﺗﻌﺒﻦ
ﺟﺒﻨﻪ ﻭﻳﺎﻧﻪ ﻏﺪﻩ
ﺍﺗﻐﺪﻳﻨﻪ ﻭﺧﻠﺼﻨﻪ
ﻛﺎﻟﻮﺍ ﻧﺎﻣﻦ ﺣﺘﻰ ﺍﻟﻌﺼﺮ ﻧﺸﻮﻑ ﻭﻳﻦ ﻧﺮﻭﺡ
ﻓﻌﻼ ﻧﻤﻨﻪ ﻭﻛﻌﺪﻧﻪ
ﻛﺎﻝ ﺑﺎﺑﺎ ﻧﻜﻌﺪ ﺑﺎﻟﺤﺪﻳﻘﻪ ﺍﻛﻮ ﻣﻘﺎﺑﻴﻞ ﺍﻟﺴﻴﺪﻩ ﻣﻌﺼﻮﻣﻪ
ﻛﻌﺪﻧﻪ ﻓﺘﺮﻩ ﻭﺻﻠﻴﻨﻪ
ﺑﻌﺪﻫﺎ ﺍﻧﻲ ﻭﺩﻳﻤﺎ ﺭﺩﻧﻪ ﻟﻔﺎﺕ ﻓﻼﻓﻞ ﻃﻌﻤﻬﻦ ﻣﻮ ﻃﺒﻴﻌﻲ ﺍﻟﻲ ﺑﻤﻌﺼﻮﻣﻪ
ﻃﺒﻌﺎ ﺍﻳﺮﺍﻥ ﺑﺼﻮﺭﻩ ﻋﺎﻣﻪ ﺍﻛﻠﻬﻢ ﻛﻠﻪ ﻃﻴﺐ ﻭﺍﻟﻪ ﻧﻜﻬﺎ ﺧﺎﺻﻪ ﻣﺎﻋﺪﺍ ﺍﻟﻜﺒﺎﺏ ﻛﻠﺶ ﻣﻮ ﻃﻴﺐ ﻣﺤﺒﻴﻨﺎ ﺍﺑﺪ
ﻛﻤﻠﻨﻪ ﻭﻃﻠﺒﻨﻪ ﻣﻨﻬﻦ ﻳﺎﺧﺬﻧﻪ ﻟﻠﺴﻮﻙ
ﺷﻮﻳﻪ ﻭﻛﺎﻟﻦ ﺗﻌﺒﻨﻪ
ﺯﻋﻠﻨﻪ ﻋﻠﻴﻬﻦ ﻳﻌﻨﻲ ﺷﻠﻮﻥ
ﻧﺮﻳﺪ ﺑﻌﺪ ﺷﻜﻢ ﺷﻐﻠﻪ ﻭﺑﺎﺟﺮ ﻧﺴﺎﻓﺮ ﻟﻤﺸﻬﺪ
ﻛﺎﻟﻦ ﺧﻞ ﻧﺮﺟﻊ ﻭﺭﻭﺣﻦ ﺑﻮﺣﺪﺟﻦ
ﻭﺑﺎﺑﺎ ﻭﺧﺎﻟﻮ
ﺍﺣﻨﻪ ﻧﺤﺎﺟﻴﻬﻢ ﺑﺲ ﺍﻫﻢ ﺷﻲ ﻣﺘﺘﺎﺧﺮﻥ ﻭﺗﺮﺣﻦ ﺑﻄﺮﻳﻘﺠﻦ ﻭﺗﺮﺟﻌﻦ ﺑﻄﺮﻳﻘﺠﻦ
ﻫﺎﻱ ﻫﻲ ﻣﺎﻣﺎ ﻭﺍﻟﻠﻪ ﺑﺲ ﺷﻜﻢ ﺷﻐﻠﻪ ﻭﻧﺮﺟﻊ
ﻛﺎﻟﻦ ﻫﻨﺎ ﺍﻣﺎﻥ ﻣﻮ ﻣﺜﻞ ﺑﺎﻟﻌﺮﺍﻕ
ﺭﺟﻌﻨﻪ ﻟﻠﻔﻨﺪﻕ
ﺑﺪﻟﺖ ﺍﻧﻲ ﻭﺩﻳﻤﺎ
ﺍﻧﻲ ﺟﻨﺖ ﻻﺑﺲ ﻣﻼﺑﺲ ﺑﻴﻬﻦ ﺿﻴﻚ
ﻃﻠﻌﻨﻪ ﺍﻟﺼﺮﺍﺣﻪ ﺟﻨﺖ ﺧﺎﻳﻔﻪ ﺍﻭﻝ ﻣﺮﻩ ﻧﻄﻠﻊ ﺑﺎﻟﻠﻴﻞ ﻭﺑﻮﺣﺪﻧﻪ
ﺳﻠﻤﺖ ﺟﺰﺩﺍﻧﻲ ﺍﻟﺒﻲ ﻓﻠﻮﺱ ﻻﺑﻮ ﺍﻟﻔﻨﺪﻕ ﻭﺟﻨﺖ ﻣﻨﺘﻈﺮﻩ ﺩﻳﻤﺎ
ﺭﺍﺣﺖ ﺗﺨﺒﺮ ﺍﻫﻠﻨﺎ
ﻣﺎﺍﺣﺲ ﺍﻟﻪ ﺍﺧﻮ ﺷﻬﺪ ﻫﻮ ﻭﺟﻤﺎﻋﺘﻪ ﻛﺒﺎﻟﻲ
ﺍﻟﻜﻞ ﻣﻦ ﻳﺸﻮﻓﻨﻲ ﻳﺪﻧﻚ
ﺑﺲ ﻫﻮ ﻳﺒﺎﻭﻋﻠﻲ ﻣﻦ ﻓﻮﻙ ﻟﺠﻮﻩ ﻣﺒﻴﻦ ﻋﻠﻴﻪ ﻋﻴﻮﻧﻪ ﺯﺍﻳﻐﻪ
ﻧﺰﻟﺖ ﺩﻳﻤﺎ ﻭﺭﺣﻨﻪ ﻟﻠﺴﻮﻙ
ﺍﺑﺪ ﻣﺘﻮﻗﻌﺘﻬﻢ ﻭﺭﺍﻧﻪ
ﺭﺩﻧﻪ ﻧﺮﺟﻊ ﻻﻥ ﺧﺎﻳﻔﻴﻦ ﺟﻨﻪ
ﺑﻌﺪﻳﻦ ﻛﺎﻟﺖ ﺩﻳﻤﺎ ﻟﺞ ﻫﻨﺎ ﺍﻣﺎﻥ ﻭﻣﻨﺘﺎﺧﺮ ﺧﻞ ﻧﻮﺻﻲ ﻉ ﺍﻗﻼﻡ ﻧﺤﻔﺮ ﺍﺳﻤﺎﺀ ﺻﺪﻳﻘﺎﺗﻨﺎ
ﺭﺣﻨﻪ ﺑﺎﻟﺒﺪﺍﻳﻪ ﻟﻤﺤﻞ ﻳﺒﻴﻊ ﺷﺎﻻﺕ ﺣﻴﻞ ﺣﻠﻮﺍﺕ
ﺍﺧﺬﻧﺎﻫﻦ ﻭﺭﺣﻨﻪ
ﺑﻌﺪﻫﺎ ﺭﺣﻨﻪ ﻉ ﻣﺤﻞ ﻳﻜﺘﺐ ﺍﺳﻤﺎﺀ
ﻫﻮﺍﻱ ﻋﺮﺍﻗﻴﻦ ﻫﻨﺎ ﺣﺴﻴﻨﻪ ﺑﺎﻣﺎﻥ
ﻟﺤﻀﺎﺕ ﻭﺟﺎﻥ ﻫﺬﺍ ﻫﻢ ﻛﺒﺎﻟﻲ
ﺳﻠﻢ ﻭﺭﺩﻧﻪ ﻧﻄﻠﻊ
ﻛﻠﺖ ﺍﺧﻠﻴﻬﻦ ﻉ ﺑﺎﺟﺮ ﻣﻮ ﻣﺸﻜﻠﻪ
ﺑﺲ ﺍﺷﻮ ﻫﺬﺍ ﻋﻴﻮﻧﻪ ﺑﻜﺼﺘﻪ ﻣﺪﺭﻱ ﺷﺒﻲ
ﻭﻋﺎﺵ ﺍﻟﻠﺤﻀﻪ ﻭﻳﺮﻳﺪ ﻳﻤﻨﻌﻨﻲ
ﻣﻘﺒﻠﺖ ﺑﺲ ﻛﻠﻲ ﻣﻮ ﻣﻦ ﺻﺎﻟﺤﺞ ﺍﺗﻌﺎﻧﺪﻳﻦ
ﻭﻋﺮﻓﺖ ﻗﺼﺪﻩ
ﻛﻠﺖ ﺧﻞ ﺍﺳﻜﺖ
ﻛﻠﻲ ﺍﺧﺘﺎﺭﻥ ﺍﻻﻗﻼﻡ ﻭﺍﻧﻄﻨﻪ ﺍﻻﺳﻤﺎﺀ ﻭﺍﻣﺸﻦ
ﺷﻮﻳﻪ ﻭﻧﺮﺟﻌﻠﻪ
ﺗﻌﺎﻟﻦ ﺧﻠﻲ ﻧﺤﺠﻲ ﻫﻨﺎﻙ
ﺣﺴﻴﺖ ﺑﺪﻳﻤﺎ ﺻﺎﻓﻨﻪ ﻋﻠﻴﻪ ﻭﻋﻠﻴﻪ
ﺍﻧﻲ ﻭﻻ ﺍﻫﺘﻤﻴﺖ ﺍﻟﻪ
ﺣﺠﻪ ﻭﻱ ﺩﻳﻤﺎ
ﺍﻛﻠﺞ ﺑﻌﺪ ﺍﺧﻮﺝ ﺍﻧﺖ ﻣﺒﻴﻦ ﻋﻠﻴﺞ ﻋﺎﻗﻠﻪ ﻭﺍﺣﺴﻦ ﻣﻦ ﻫﺎﻱ ﺍﻟﻤﺨﺒﻠﻪ
ﺍﺳﺤﺒﻴﻬﺎ ﺑﻬﺪﻭﺀ ﻭﺧﻠﻲ ﻧﺘﻔﺎﻫﻢ ﻫﻨﺎﻙ ﺍﻓﻀﻞ
ﺍﺣﺴﻦ ﻣﺎ ﺍﺳﺤﻠﻬﺎ ﺍﻧﻲ ﻛﺪﺍﻣﺞ ﻭﺍﻓﻀﺤﻬﺎ ﻛﺪﺍﻡ ﺍﻟﻨﺎﺱ
ﺣﺠﺖ ﻭﻳﺎﻳﻪ ﻛﺎﻟﺖ ﺍﻛﻠﺞ ﺧﻞ ﻧﻤﺸﻲ ﻉ ﺻﻔﺤﻪ ﻭﻧﻔﺘﻬﻢ ﻫﺬﺍ ﺍﻟﺨﺒﻞ ﺷﺒﻲ ﻭﺑﺎﻱ ﺣﻖ ﻫﻴﺞ ﻳﺤﺠﻲ
ﻣﺸﻴﻨﻪ ﻭﻳﺎﻫﻢ
ﺍﻛﻮ ﻉ ﺻﻔﺤﻪ ﺣﺪﻳﻘﻪ ﻭﻧﺎﻓﻮﺭﻩ ﻣﻘﺎﺑﻴﻠﻬﺎ
ﻛﺎﻝ ﺍﻛﻌﺪﻥ ﻫﻨﺎ
ﺍﻧﻲ ﻛﻠﺖ ﻻﺯﻡ ﺍﺣﺠﻲ ﻭﻳﺎ ﺍﺧﺎﻑ ﺗﺸﻚ ﺩﻳﻤﺎ ﺑﻴﻪ
ﺍﻧﺖ ﺑﺼﻔﺘﻚ ﺷﻨﻮ ﻭﻛﺎﻋﺪ ﺗﺘﺎﻣﺮ ﻋﻠﻴﻨﻪ
ﻳﺎﺑﻪ ﺑﺼﻔﺘﺠﻦ ﺑﻨﺎﺕ ﺑﻠﺪﻱ ﺍﻟﻌﺮﺍﻕ
ﻭﺑﺼﻔﺘﺠﻦ ﺑﻨﺎﺕ ﻭﻻﻳﺘﻲ
ﻭﺑﺼﻔﺘﺠﻦ ﺑﻨﺎﺕ ﺣﻤﻠﺘﻨﻪ
ﺍﻧﻲ ﺑﺲ ﺍﺭﻳﺪ ﺍﻋﺮﻑ ﻉ ﺍﻱ ﺍﺳﺎﺱ ﻃﺎﻟﻌﺎﺕ ﺑﻬﺎﻟﻠﻴﻞ ﻭﺣﺪﺟﻦ
ﺍﻧﺖ ﻣﺎﺍﻟﻚ ﺣﻖ ﺗﺤﺎﺳﺒﻨﻪ ﻭﻻ ﺍﻟﻚ ﺣﻖ ﺗﺪﺧﻞ ﺑﻴﻨﻪ
ﺍﻟﺘﻔﺖ ﻉ ﺍﻟﻮﻟﺪ ﺍﻟﻮﻳﺎﻩ
ﻛﻠﻪ ﺍﺣﻤﺪ ﻓﺪﻭﻩ ﺍﺭﻭﺣﻠﻚ ﺍﺧﺬ ﻫﺎﻱ ﺍﻟﺠﻮﻫﺮﻩ ﻭﻳﺎﻙ ﻭﺍﺗﻤﺸﻮﺍ ﺷﻮﻳﻪ ﺍﺧﺬﻭﻟﻜﻢ ﻓﺮﻩ ﻭﺗﻌﺎﻟﻮ
ﺧﻠﻮﻧﻲ ﺍﺷﻮﻑ ﺷﻐﻠﻲ ﻭﻱ ﻫﺎﻱ ﺍﻟﺨﺒﻠﻪ
ﺍﻟﻮﻟﺪ ﻛﻠﻪ ﻟﻚ ﺷﺒﻴﻚ ﻣﺮﺗﻀﻰ ﺍﻫﺪﺉ ﺷﻮﻳﻪ
ﺍﻟﺘﻔﺖ ﻉ ﺩﻳﻤﺎ
ﺍﻟﻠﻪ ﻳﺨﻠﻴﺞ ﺭﻭﺣﻲ ﺍﻧﺖ ﻭﺍﺣﻤﺪ ﺷﻮﻓﻮﺍ ﺍﻻﻗﻼﻡ ﻛﻤﻠﻦ ﻟﻮ ﻻ
ﻭﺍﻟﻠﻪ ﻣﺎﺍﻧﺴﻰ ﺟﻤﻴﻠﺞ ﻣﺪﻯ ﺍﻟﻌﻤﺮ
ﺑﺎﻭﻋﺖ ﻋﻠﻴﻪ
ﻻﺗﺮﺣﻴﻦ ﺩﻳﻤﺎ ﺧﻞ ﻳﻮﻟﻲ ﻫﺬﺍ ﺍﺻﻼ ﻫﻮ ﺍﻟﺨﺒﻞ ﻣﻮ ﺍﻧﻲ
ﻫﺴﻪ ﺍﻋﻠﻤﺞ ﻣﻦ ﻳﻮﻟﻲ ﻭﻣﻨﻮ ﺍﻟﺨﺒﻞ
ﺍﺣﻤﺪ ﺍﺧﺬ ﺩﻳﻤﺎ ﻭﺭﻭﺡ
ﺑﺲ ﺷﻮﻓﻮﺍ ﺍﻻﻗﻼﻡ
ﻭﺗﻠﻜﻮﻧﻪ ﻧﻔﺲ ﻫﺬﺍ ﺍﻟﻤﻜﺎﻥ
ﺑﺲ ﺍﺗﻔﺎﻫﻢ ﻭﻳﺎﻫﺎ ﻃﺒﻌﺎ ﻳﺤﺠﻲ ﺑﻌﺼﺒﻴﻪ
ﺍﺷﻮ ﻋﺎﻓﻮﻧﻪ ﻭﺭﺍﺣﻮﺍ ﻣﻦ ﺻﺪﻙ
ﺍﻧﻲ ﺍﻋﻠﻤﻬﺎ ﺩﻳﻤﺎ
ﺗﻠﻜﻴﻬﺎ ﻣﺎﺻﺪﻛﺖ ﻭﺍﺣﺪ ﻳﻤﺸﻲ ﻭﻳﺎﻫﺎ
ﺍﺧﺬ ﺍﻟﺠﻬﺎﺯ ﻣﻦ ﺍﻳﺪﻱ ﺳﺤﺒﻪ
ﺭﺍﺩ ﻳﻔﺘﺤﻪ ﺑﺲ ﻣﻌﺮﻑ
ﺑﻲ ﺑﺼﻤﻪ ﻫﻤﺰﻳﻦ
ﺍﻓﺘﺤﻲ
ﻣﺎﺍﻓﺘﺤﻪ
ﻻﺗﺨﺘﺒﺮﻳﻦ ﺻﺒﺮﻱ
ﺍﻓﺘﺤﻲ
ﻭﺍﻟﻠﻪ ﻣﺎﺍﻓﺘﺤﻪ
ﻭﺣﻖ ﻫﺎﻱ ﻣﻌﺼﻮﻣﻪ ﻫﺴﻪ ﺍﻛﺴﺮﻩ ﻭﺍﺧﻠﻴﺞ ﺗﺘﻨﺪﻣﻴﻦ
ﺍﺫﺍ ﺣﺎﺑﻪ ﺟﻬﺎﺯﺝ ﻳﺒﻘﻰ ﺻﺎﺣﻲ ﺍﻓﺘﺤﻲ
ﻭﺍﻟﻨﺒﻲ ﻣﺨﺒﻞ ﻣﻮ ﺻﺎﺣﻲ
ﻓﺘﺤﺘﻪ ﺍﺧﺬﻩ ﺩﻙ ﺭﻗﻤﻪ ﻭﺍﺗﺼﻞ ﺑﻲ
ﺑﻌﺪﻫﺎ ﺩﺧﻞ ﻉ ﺍﻟﺒﺮﺍﻣﺞ ﺍﺧﺬ ﺍﺳﻢ ﺻﻔﺤﺘﻲ
ﻭﺍﺧﺬ ﺭﻗﻢ ﺍﻟﻮﺍﺗﺴﺎﺏ ﻃﻠﻌﻪ
ﻭﺭﺟﻌﻪ ﺍﻟﺠﻬﺎﺯ
ﺍﺳﻤﻌﻴﻨﻲ ﻟﺞ
ﺍﺫﺍ ﺍﺧﻮﺝ ﻃﺮﻃﻮﺭ ﻭﻣﺨﻠﻴﺞ ﺗﻠﺒﺴﻴﻦ ﺣﺼﺮ ﺍﻧﻲ ﺍﺷﻚ ﺣﻠﻜﺞ ﻭﻣﺤﻤﺪ
ﺍﺣﺘﺮﻡ ﻧﻔﺴﻚ ﺍﺧﻮﻳﻪ ﺭﺟﺎﻝ ﻣﻮ ﻣﺜﻠﻚ ﻋﺎﺭ ﻭﻭﺍﻃﻲ ﺣﺎﻓﻆ ﻉ ﻋﺮﺿﻚ
ﺑﻌﺪﻧﻲ ﻣﻤﻜﻤﻠﻪ
ﺣﺴﻴﺖ ﺑﺤﺮﺍﺭﻩ ﺑﺨﺪﻱ
ﻭﺍﺫﻧﻲ ﺻﻮﻓﺮﺕ
ﺍﺧﺮ ﻣﺮﻩ ﻫﻴﺞ ﺗﺤﺠﻴﻦ ﻭﻳﺎﻱ
ﻗﺴﻤﺎ ﺑﺎﻟﻠﻪ ﺍﻟﻌﻈﻴﻢ ﻭﻫﺬﺍ ﻳﻤﻴﻦ ﻋﻠﻴﻪ
ﺍﺫﺍ ﻟﺒﺴﺘﻲ ﺿﻴﻚ ﺍﺩﻓﻨﺞ ﻋﺪﻟﻪ
ﻭﺍﺫﺍ ﺩﻛﻴﺖ ﻋﻠﻴﺞ ﻭﻣﺠﺎﻭﺑﺘﻲ ﻣﺘﻠﻮﻣﻴﻦ ﺍﻟﻪ ﻧﻔﺴﺞ
ﻣﺎﺍﻟﻚ ﺣﻖ ﺗﺪﺧﻞ ﺑﻴﻪ ﻭﺍﻟﻨﺒﻲ ﺗﺠﺒﺮﻧﻲ ﺍﺳﻮﻟﻒ ﻟﻌﻤﺎﺭ ﻭﺍﺧﻠﻲ ﻳﺸﻮﻑ ﺷﻐﻠﻪ ﻭﻳﺎﻙ
ﻳﺎﺭﻳﺖ ﺗﺴﻮﻟﻔﻴﻠﻪ ﺗﺴﻮﻳﻦ ﺟﻤﻴﻞ ﺷﻜﺒﺮﻩ
ﺣﺘﻰ ﺍﺳﻮﻟﻒ ﻻﻫﻠﺞ ﻭﺍﺧﻠﻴﻬﻢ ﻏﺼﺒﺎ ﻣﺎﻋﻠﻴﻬﻢ ﻳﺰﻭﺟﻮﻧﺞ ﺍﻟﻲ
ﺍﻱ ﻣﻮ ﻫﻴﺘﻪ ﻭﻏﺼﺒﺎ
ﻭﺍﻟﻠﻪ ﻭﺍﻟﺮﺳﻮﻝ ﻟﻮ ﺗﺒﻘﻰ ﺑﺲ ﺍﻧﺖ ﺑﺎﻟﻌﺎﻟﻢ ﻫﻢ ﻣﺎﺍﻗﺒﻞ ﺑﻴﻚ
ﺷﻨﻮ ﺗﺴﻮﺩﻧﺖ ﻭﺍﺧﺬﻟﻲ ﻭﺍﺣﺪ ﻧﺬﻝ ﻭﻣﻦ ﺍﺷﺒﺎﻩ ﺍﻟﺮﺟﺎﻝ
ﺍﺟﺎﻧﻲ ﺭﺍﺟﺪﻱ ﺛﺎﻧﻲ ﻫﺎﻟﻤﺮﻩ ﻣﻦ ﺻﺪﻙ ﺍﺣﺲ ﺻﻔﺤﺖ ﻭﺟﻬﻲ ﻃﺎﺭﺕ ﻛﻠﻬﺎ
ﺍﺫﺍ ﻣﺎﻛﺼﻴﺘﻪ ﻟﺴﺎﻧﺞ ﺍﻧﻲ ﻣﻮ ﻣﺮﺗﻀﻰ
ﻋﻔﺘﻪ ﻭﻛﻤﺖ ﺭﺩﺕ ﺍﺭﻭﺡ
ﺟﺮﻧﻲ ﺣﻴﻞ ﻭﺭﺟﻌﻨﻲ ﻛﻌﺪﻧﻲ
ﺍﻧﺖ ﺍﻟﻈﺎﻫﺮ ﻣﺤﺪ ﻣﻌﻠﻤﺞ ﺷﻠﻮﻥ ﺗﺤﺠﻴﻦ
ﺍﻧﻲ ﺍﻋﻠﻤﺞ ﺑﺴﻴﻄﻪ
ﺣﺎﻭﻟﺖ ﺍﺗﻤﺎﺳﻚ ﻧﻔﺴﻲ ﻣﺎﺍﻛﺪﺭ
ﺩﻣﻮﻋﻲ ﺟﺮﻥ ﺑﻮﺣﺪﻫﻦ
ﺳﻜﺘﺖ ﻭﻫﻮ ﻫﻢ ﺳﻜﺖ
ﺑﻌﺪ ﻣﺤﺠﻪ ﻭﻻ ﺣﺮﻑ
ﺧﺎﺑﺮ ﻳﻤﻜﻦ ﻭﻱ ﺍﻟﻮﻟﺪ
ﻳﻠﻪ ﻉ ﺭﺍﺣﺘﻜﻢ ﻛﻤﻠﻮﻫﻦ ﻛﻠﻬﻦ
ﺭﺍﺡ ﻧﺘﻤﺸﻰ ﺷﻮﻳﻪ ﻭﺍﺣﻨﻪ ﻧﺠﻴﻜﻢ
ﻃﺒﻜﻪ
ﻳﻠﻪ ﻛﻮﻣﻲ
ﺑﻘﻴﺖ ﻉ ﻛﻌﺪﺗﻲ ﻭﻣﻨﻄﻘﺖ ﻭﻻ ﺑﺤﺮﻑ
ﻣﻮ ﺍﺣﺠﻲ ﻭﻳﺎﺝ ﻛﻮﻣﻲ
ﻭﻻ ﻛﺎﻧﻮ ﻳﺤﺠﻲ ﻭﻳﺎﻳﻪ
ﻛﻌﺪ ﻣﻘﺎﺑﻴﻠﻲ ﺗﺒﻌﺪﻧﻪ ﻣﺴﺎﻓﻪ ﻗﻠﻴﻠﻪ
ﺭﻓﻊ ﺭﺍﺳﻲ
ﻻﺗﻠﻤﺴﻨﻲ ﻻ ﻭﻣﺤﻤﺪ ﺍﻛﻮﻡ ﺍﺻﻴﺢ ﻭﺍﻓﻀﺤﻚ
ﺷﺤﺪﺝ ﻭﺍﻟﻨﺒﻲ ﺍﺳﻮﻟﻒ ﻻﻫﻠﺞ ﻭﺍﺧﺬﺝ ﺑﺎﻟﻜﻮﻩ ﻭﻫﻨﺎ ﺍﻋﻘﺪ ﻋﻠﻴﺞ
ﻣﺴﺢ ﺩﻣﻮﻋﻲ
ﻟﺘﺨﺒﻠﻨﻲ ﻟﺘﻠﻤﺴﻨﻲ ﻻ ﺍﺻﻴﺢ
ﻛﻮﻣﻲ ﻟﻌﺪ
ﻟﺘﺠﺒﺮﻳﻨﻲ ﺍﺍﺫﻳﺞ
ﻻﺗﺴﺘﻔﺰﻳﻨﻲ ﺍﺑﺪ
ﺻﺒﺮﻱ ﻗﻠﻴﻞ ﻭﺭﻭﺣﻲ ﺑﺨﺸﻤﻲ
ﺍﻧﺖ ﺷﻨﻮ ﺍﻟﺘﺮﻳﺪﻩ ﻣﻨﻲ ﺑﺎﻟﻀﺒﻂ
ﻟﻴﺶ ﻛﺎﻋﺪ ﺗﺤﺎﻭﻝ ﺗﺸﻮﻩ ﺳﻤﻌﺘﻲ
ﺍﺧﺬﺕ ﺍﻟﺘﺮﻳﺪﻩ ﻣﻨﻲ ﺷﺘﺮﻳﺪ ﺑﻌﺪ
ﺍﻭﻝ ﺷﻲ ﻣﺴﺘﺤﻴﻞ ﺍﺷﻮﻩ ﺳﻤﻌﺘﺞ
ﻻﻥ ﺍﻧﺖ ﺗﻌﻨﻴﻠﻲ ﻫﻮﺍﻱ
ﻭﺛﺎﻧﻲ ﺷﻲ ﺣﺎﺏ ﺍﺻﺤﺢ ﻏﻠﻄﻲ
ﺍﺭﻳﺪ ﺍﺗﺰﻭﺟﺞ
ﺍﺧﺮﺷﻲ ﺗﻔﻜﺮ ﺑﻲ ﻫﻮ ﺍﻟﺰﻭﺍﺝ
ﻭﺍﻟﻠﻪ ﻣﺎﺍﻗﺒﻞ ﺑﻴﻚ ﻟﻮ ﺍﻣﻮﺕ
ﺍﻓﻀﻞ ﺍﻟﻤﻮﺕ ﻭﻻ ﺍﻗﺒﻞ
ﺍﻱ ﻣﻮ ﻫﻮ ﺑﻜﻴﻔﺞ
ﻛﻮﻣﻲ ﺧﻞ ﻧﻤﺸﻲ
ﻛﻤﺖ ﻭﻣﺴﺤﺖ ﺩﻣﻮﻋﻲ
ﺍﺷﺘﺮﺍﻟﻲ ﺑﻄﻞ ﻣﻲ
ﺍﺷﺮﺑﻲ ﻭﻏﺴﻠﻲ ﻭﺟﻬﺞ
ﻋﻴﺐ ﻣﻦ ﺍﻟﺒﻨﻴﻪ ﺻﺪﻳﻘﺘﺞ ﻣﺪﺭﻱ ﻣﻨﻮ
ﺻﺪﻙ ﻣﻨﻮ ﻫﺎﻱ ﺍﻟﺒﻨﻴﻪ
ﺑﻨﺖ ﺧﺎﻟﻮ
ﻭﻟﻴﺶ ﺍﻫﺪﺉ ﻭﺍﻋﻘﻞ ﻣﻨﺞ
ﻭﺣﺘﻰ ﻟﺒﺴﻬﺎ ﺣﻠﻮﻭ ﻣﻮ ﻣﺜﻞ ﻟﺒﺴﺞ ﻫﺬﺍ
ﺍﻧﺖ ﻛﺎﻋﺪ ﺗﻌﺮﺿﻴﻦ ﺑﻨﻔﺴﺞ ﻭﺗﻜﻮﻟﻴﻦ ﻟﻠﺸﺒﺎﺏ ﺗﻌﺎﻟﻮ ﺍﺗﻔﺮﺟﻮﺍ ﻋﻠﻴﻪ
ﻣﺎﺍﻟﻚ ﺍﻱ ﺣﻖ ﺗﺪﺧﻞ ﺑﻴﻪ ﻟﻮ ﺑﻠﺒﺴﻲ
ﻻ ﺍﻟﻲ ﻛﻞ ﺍﻟﺤﻖ ﻻﻥ ﺗﻌﺘﺒﺮﻳﻦ ﺯﻭﺟﺘﻲ ﺍﻟﻤﺴﺘﻘﺒﻠﻴﻪ
ﺳﻜﺘﺖ ﻣﺤﺠﻴﺖ ﺷﻲ
ﺧﻞ ﻧﺎﻛﻞ ﻣﻮﻃﺎ
ﻣﺎﺍﺭﻳﺪ ﺑﺲ ﺧﻞ ﻧﺮﺟﻊ ﻟﻠﻔﻨﺪﻕ
ﺍﺧﺮ ﻣﺮﻩ ﺍﻃﻠﻌﻦ ﺑﺎﻟﻠﻴﻞ ﺑﻮﺣﺪﺟﻦ
ﺧﺎﺑﺮﻳﻨﻲ ﻭﻧﺮﻭﺡ ﻭﻳﺎﺟﻦ ﺍﻧﻲ ﻭﺍﺣﻤﺪ
ﺳﻜﺘﺖ
ﺑﺲ ﻧﺮﺟﻊ ﺍﺭﺍﺳﻠﺞ ﺟﺎﻭﺑﻴﻨﻲ ﻣﻮ ﺗﻐﻠﺴﻴﻦ
ﺍﻧﺼﺤﻚ ﻟﺘﺮﺍﺳﻠﻨﻲ ﻻﻥ ﺍﻧﻄﻴﻚ ﺑﻠﻮﻙ ﺑﺎﻟﻠﺤﻀﻪ
ﺩﺳﻮﻳﻬﺎ ﻭﺷﻮﻓﻲ ﺷﺎﺳﻮﻱ ﺑﻴﺞ
ﺍﺫﺍ ﺗﺮﺩﻳﻦ ﻣﺤﺪ ﻳﺸﻚ ﺑﻴﻨﻪ ﻟﺘﻌﺎﻧﺪﻳﻨﻲ
ﺷﺮﺍﺡ ﺗﻜﻮﻟﻴﻦ ﻟﺒﻨﺖ ﺧﺎﻟﺞ ﺍﻋﺮﻓﺞ ﻗﺒﻞ
ﻣﺎﺍﻋﺮﻑ
ﻻﻥ ﺍﻛﻴﺪ ﺷﻜﺖ ﺑﺎﻣﺮﻧﺎ
ﻣﻮ ﻃﺒﻴﻌﻲ ﺍﻭﻝ ﻣﺮﻩ ﺍﺷﻮﻓﺞ ﻭﻫﻴﺞ ﺍﺳﻮﻱ
ﺭﺍﺡ ﺍﻛﻮﻝ ﻛﺪﺍﻣﻬﺎ ﺍﺧﻮ ﺷﻬﺪ
ﺷﻨﻮ ﺗﻌﺮﻑ ﺷﻬﺪ
ﺍﻱ ﺗﻌﺮﻓﻬﺎ ﺍﻋﺰ ﺻﺪﻳﻘﻪ ﺍﻟﻲ ﺟﺎﻧﺖ
ﻛﺘﻠﻪ ﺧﻞ ﻧﺮﻭﺡ ﻟﻠﻤﺤﻞ
ﻛﺎﻝ ﻳﻠﻪ
ﻭﺻﻠﻨﻪ ﻗﺮﻳﺐ ﺍﻟﻤﺤﻞ ﻭﺷﻔﻨﻪ ﻫﻮﺳﻪ ﻭﺧﺒﺼﻪ ﻣﻮ ﻃﺒﻴﻌﻴﻪ
ﺍﺗﻘﺮﺑﻨﺎ ﺍﻛﺜﺮ ﻭﺟﺎﻥ ﻧﻨﺼﺪﻡ ﺏ ..........
ﺗﻮﻗﻌﺎﺗﻜﻢ ﺣﺒﺎﻳﺐ ﺷﻨﻮ ﻫﺎﻱ ﺍﻟﻬﻮﺳﻪ ؟؟؟؟
ﻭﺷﻨﻮ ﺍﻟﻲ ﺻﺎﻳﺮ ؟؟؟؟؟؟
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: