السلام عليكم
نرجع وياكم بقصة جديدة بعنوان
الندم ما بعد الخطيئة
للكاتبة رونق
ملاحظة اني انقل فقط مع حفظ كافة الحقوق للكاتبة رونق
متابعة طيبة نتمناها لكم
#الندم_مابعد_الخطيئه -
#البارت الاول -
#Hghh53
مساء الخير ع اجمل متابعين بالدنيا اتمنى لكم قراءه ممتعه
❣️❣️البارت 1❣️❣️
❣️❣️الندم ما بعد الخطيئه ❣️❣️
❣️❣️للكاتبه رونق❣️
البطله : اسمي روان عمري 17سنه خامس اعدادي اعيش وي عائلتي الي همه بابا معاون طبيب وماما ربة بيت
وعندي اخ وحيد اسمه عمار طالب جامعه كلية تربيه وعنده محل ملابس رجاليه يشتغل بي احنه الوحيدين لاهلي
البطل : اسمي مرتضى عمري 27 سنه خريج كلية تربيه وممتعين عندي محل موبايلات واكسسوارات اعيش وي عائلتي الي هيه امي ربة بيت وابويه موظف حكومي واخ اكبر مني اسمه مهند خريج اداب وعنده سوبر ماركت يشتغل بي متزوج وطالع ابيت وحده عنده اطفال 2 ولد وبنيه واخوات 2 وحده متزوجه اكبر مني اسمها ايات وحده اصغر مني اسمها شهد
روان : راح ابدي وياكم قصتي من جان عمري 16 سنه جنت صف رابع اعدادي
اعز واغلى صديقه عندي هي شهد جانت صديقة الطفوله من الابتدائيه للمتوسطه للاعداديه سويه
الكل جان حاسدنه ع صداقتنه الحلوه
اني وياها قررنه حتى الجامعه سويه انداوم ومنتفارك ابد
اني جنت محافظه بشكل ع سمعتي وسمعة اهلي
رغم مامنطيني كل الحريه بس ابد مخنت ثقتهم بيه
جان اخويه ياخذني ويجيبني ومرات نوصل شهد
انعجب بشهد وطلب مني اصارحه وجانت البنيه هادئه وحيل حلوه
رفضت وبعد متصعد ويانه ابد
بعدين يمكن اخذ رقمها من جهازي بدون علمي
صارت علاقه بينهم بس علاقه شريفه مجرد تعارف وسوالف عاديه
جانت تنطيني الاحداث اول باول
طلبنه منها نخطبها بس كالت من سابع المستحيلات ينطوني اهلي هسه
انتظروا ع الاقل لمن نخلص السادس
قوت علاقتهم وجان حبهم صادق وطاهر
لليوم مطلعوا سويه ولا التقوا باي مكان
نجحنه للخامس وهم نفس العلاقه
اخويه جانت نيته صافيه ويخاف عليها وع سمعته
طلب مني نطلع سويه واني وياهم لان يخاف ع سمعته
فعلا طلعنه وجنه بالسياره يعني لاكعدنه بمكان عام ولا رحنه لاهلي
بده هذا الشي يتكرر بس ولا مره طلعوا لوحدهم
مره طلب منها تجي لبيتنه وفعلا اجتي وكنالها احنه نوصلج
كعدنه سويه ولا طلبوا مني اتركهم وجان حديثهم عادي
ردت اعوفهم مقبلوا ابد
بقوا ع هذا الحال ولا مره التقوا وحدهم
جان يوم عن يوم واحد يتعلق بالثاني
مره سامعها اخوها تحجي بالموبايل وهو متخبل
اجه اخويه وطلب مني احجي حتى يتاكد من الصوت
لج روان تعالي الحكيني
خير شبيك
لج كاعد احجي وي شهد وجان اسمع اخوها يحجي وياها ويسالها منو هذا الي تحجين ويا
اني طبكته للخط لان معرفت شاتصرف وهسه تعاي احجي وياها وكليلها اتلبكت من سمعت اخوج يحجي وياج
سهله انطيني الجهاز اتصلت بيها
كلت الووو
جان تطلعلي بنفسها حيل افرحت
وعرفتها فاتحه سبيكر
حجينه بامور المدرسه واعتذرت كتلها انطبك بالغلط
سويت نفسي احجي وياها بلهجة الولد
جان تكول لاعفيه خل نبطل هذا شقانه اخاف احد يسمعنه ويسويلنه سالفه
جان واضح من كلامها اكو احد يمها
شنو هاي شهد قابل هاي جديده علينا مو دائما هذا حجينه
احنه كبرنه خلي نعوف هذا الحجي لااحد يسمعنه ويفهمنه غلط
ع راحتج شهد مثل متحبين
بعدها اترخصت وطبكته
كلي عمار لازم اخلي الجهاز يمج ابد مااخذه
لان اكيد راح يبقى يلح لحتى يتاكد
فعلا بين فتره وفتره يدك رقم غريب واني اجاوب
اخويه جان حيل حذر مخلي اتصالاتهم برقم خاص وجهاز خاص بس الها
يكول منتخابر الى بالليل ومااريدها تتصل بيه ع خطي المعروف
فعلا انسد الموضوع تقريبا
كام يجي اخوها بنفسه يوصلها وبيده يرجعها ابد ممركزه ع شكله
وجان يباوع علينه اني وعمار بنظرة حقد
جانت تحجيلي عن وضعها بالبيت
تكول كام يشك بكلشي حتى الجهاز يخلي يمه
عمار تركها نهائي هاي الفتره
مره جنت كاعده اقره لان ثاني يوم عندي امتحان
فجأه دكت عليه شهد
هلو حبيبتي رونه شلونج
هلو شهوده شخبارج
تمام اكولج راح اجيكم هسه لان اخويه راح يروح لكربلاء هو واصدقاءه
حيل فرحت كتلها هله بيج والله مشتاقه كومه
كالت كلت لماما نروح نقره اني وصديقتي بابا راح يجيبني
وانتو رجعوني
يله حبي راح انتظرج لتتاخرين
ان شاء الله
رحت خابرت عمار وحيل فرح
رجع ع السريع
وره شويه اجت
كعدنه سويه وحتى ماما
تعرف بعلاقتكم بالبدايه اعترضت
بس من شافتنه شلون نكعد سويه وماكو حجي منا منا وشافتني بنصهم سكتت
نبقى نسولف سويه وهو يكلها اريد اخطبج وتجاوبه خل اخلص السادس
بقت تقريبا قبل الاذان
طلعنه حتى نوديها لاهلها
جانت الضحكه واضحه علينه كلنه
صعدنه بالسياره شهد وره
تحركنه شويه وجان تعترض طريقنه سياره
جان شهد تلطم ع وجها تكول هذا اخويه مرتضى
كللها عمار بس اهدي وديري بالج ترتبكين وسوي المساله طبيعيه
وقفنه سيارتنه
وهو كذلك
نزل وجان معصب حيل
اول شي سواه فتح السياره ونزل شهد
ضربها راجدي فر راسها فر
انت منو سمحلج اطلعين
بابا جابني بيده
عمار اتخبل بس كدر يتمالك اعصابه
التفت ع عمار
انت بصفتك شنو عايف المحل مالتك وجاي توصل اختي
بصفتي اخو صديقتها اوصلها لان صعبه عليه اخليها تروح بوحدها
محجه شي اخذ شهد وراح
احنه رجعنه وجنه قلقين حيل عليها
ادك عليها جهازها مغلق
عمار هم يدك نفس الشي
ثاني يوم مداومت
بقت تقريبا 3 ايام ابد مداوم
رابع يوم عمار كام حجه وي ماما كللها روحي اخطبيها الي
وتاكدي اخاف هذا ماذيها اخوها خطيه
كالت ماما خل نروح سويه اني وياج
خلي نسوي نفسنه زياره عاديه وخل نتاكد من البنيه اخاف ماذيها اهلها
اخذنه بابا ووصلنه
استقبلتنه امها وجان وجها ثكيل
دخلتنه بس مبين ع اعصابها
كتلها خاله اريد اشوفها لشهد
جان تكول مو بالبيت مموجوده
سكتنه
ماما كلتلها احنه جاين نطلب القرب منكم وحابين نخطب شهد لابني
واي شي اطلبونه احنه حاضرين
جان تكول اكل لابوها عود وادزلكم خبر
حسينه بوجها ثكيل علينه
بسرعه خابرنه بابا ورجعنه
بقينه وره يومين اي خبر ماكو عنها
بالليل وجان يجيني عمار يركض
كال ولج اخوها نصبلي كمين بالموبايل
شلون
راسلني ع اساس شهد واني فرحت جرني بالحجي واني حجيت الي بكلبي وباللحضه اتصلت بيها
وجانت المفاجئه يطلعلي اخوها
لعب لعب بيه ويكول اله اندمك ع السويته باختي
اني اعلمك اذا مااخليك تعظ اصابيعك ندم مااتسمى باسمي
كتله يابه والله مفتهمني غلط
اني حابه اتقدم الها ع سنة الله ورسوله واكبر دليل دزيت امي الكم
تحلم والله اخر شي تفكير يصير هذا الشي
متستحي انت واختك تضحكون عليها وادخلوها لبيتكم
حاولت اشرحله بس مقبل
وهسه شلون
مااعرف
باجر ادز ابويه هو وعمو بلكي يوافقون
ثاني يوم ماما طلبت من بابا يرحون بلكي الله يوافقون
راحوا بابا وعمو وياهم رجال سيد
وجنه منتظرين ع نار
رجعوا وجان يكولون البنيه مخطوبه لابن عمها
وعاقدين محكمه وسيد
الاسبوع اليجي زواجها
اتخبل عمار
فدوه يابه والله جذابين
مستحيل اخليها تتزوج غيري
بابا منكدر نروح بعد نهوا السالفه
تكعد وتسكت والخلقها خلق غيرها
اني اعرف شاصرف
عافنه وطلع كام يصيح بابا عليه عافنه وطلع مهتم
خطيه شهد انكطعت اخبارها نهائي
ثاني يوم كال عمار اخر مره خلي نحجي وي ابوها
ماقبل بابا كال عيب منهم
اصر عمار بس بابا رفض
ثاني يوم جان يجي اتصال لبابا كله تعال للمركز ابنك محجوز
بابا اتخبل راح للمركز
لليل رجع بوحده
كال متعاركين الولد اخو البنيه يقصد شهد وعمار
عمار ماخذ شكم ولد ويا ومكسرين المحل كله وماذين الولد
ماما كامت ادك وتلطم
كال مشتكي الولد وعنده شهود
وهسه شراح نسوي
وكلت محامي بس كلي مايطلع اله يتنازل الولد لان الولد متاذي وبالمستشفى هسه
ورحنه الهم ومقبلوا يستقبلونه ابد
وهسه شراح تسوي
والله يامره الولد متخبل علني يعني شني قحط بنات وهيج ذبح نفسه عليها
كلتله ماما الولد حبها واني شاهده البنيه شريفه وحلوه
حتى لو اهلها ناس ميستحون حتى ميقدرون المقابل ابد
طبعا عندي عم واحد وعندي 3 عمات
بابا اكبر واحد بيهم
يعني اولادهم ازغر من عدنه
بابا اتصل بعمو وخبروا اقربائهم
ثاني يوم صادف خميس
العصر راحوا لبيتهم وطلبوا منهم بس يتنازلون
اي شي يردوا احنه حاضرين
كالو منريد شي نريد المحكمه تاخذ مجراها
هواي اتوسلوا ورادوا بس مفاد
بقه عمار بالوقف تقريبا اسبوع
حالتنه متنوصف ابد ماما بس تبجي عليه
اهلي ملوا من اهل شهد بس مقبلو غير ينسجن حتى ياخذ عبره
مرتضى : اني جنت احب بنت عمي من الطفوله واعشقها اسمها مريم
طلبت من ابويه يخطبها الي
خطبها وانطونياها بس شرطوا لمن تكمل جامعه
عقدنه سيد ومحكمه ومنتظرها تكمل السنه اخيره الها
جهزت كلشي غرفتي والنيشان مبقى شي منتظر بس تخلص السنه
احنه عائله محافظه منحب اللف والدوران
ماعدنه بنيه تطلع بوحدها
اختي شهد جنه مخليلها خط للمدرسه
بس مرات تكول اجي وي صديقتي اهلها يوصلوني
جنت عندي ثقه باختي واني واثق من تربيتها
بس انصدمت مره من سمعتها تحجي وي ولد
دخلت عليها وجانت مصدومه كالت مرتضى يمكن انطت ايعاز
اخذت الجهاز منها هي ارتبكت
ويامن جنتي تحجين
وي صديقتي
وصديقتج تكليلها والله اني هم مثلك
اي عادي اني وياها نحشش
زين ليش قطعتي الخط
لان اتفاجات بيك
ابد مقتنعت وطلبت منها تتصل لحتى اتاكد
بيدي اتصلت وجانت كاتبه علي روان 2
فتحت الحاكيه
كالت الووو
طلع صوت ابنيه وفعلا طلعت روان صديقتها
لان دار حديث ابينهن
كالتها اسفه قطعته الخط بالغلط
بقن يسولفن
بس اني حسيت الوضع مو مريح ويشكك
بقيت اراقبها من بعيد لبعيد
الجهاز كمت اخذه منها
الصراحه مشفت شي عليها ابد
كمت بيدي اخذها واجيبها
حاولت اتصل هواي بهذا الرقم بس تطلع نفس البنيه
كلت يجوز اني متوهم
كمت اشوفهم البنيه ويمكن اخوها
اكيد هو الي يلعب عليها ومقشمرها
مرت الايام واني حيل حذر
كتلها بعد ممنوع يوصلج اخوها لصديقتج لو شيصير
وممنوع تروحيلهم للبيت
كالت اوك
رحت جمعت معلومات عنه
عرفت عنده محل ملابس رجاليه
كدرت اجمع شكم معلومه عنه
بعد فتره قررنه نروح لكربلاء اني واصدقائي
بدلت وطلعت بس اتفركشت الروحه لان ولد صديقنا سمع خبر استشهاد اخو
خطيه تخبلنه علينه وجان قبل شهرين متزوج
كلنه عيب نروح
رجعت للبيت حتى اغير ملابسي لان اني بالزياره البس دشداشه
دخلت سالت امي ع شهد جان تكول يم صديقتها روان
اني اتخبلت كمت اصيح
اني مو منعتها تروح شلون تروح بدون علمي
انت تعرفين بنتج شعدها تروح لهناك
تروح ع مود اخوها لصديقتها
طبه وطلعه من زمان هي وياهم
امي تخبلت
لك يوم اكيد متوهم اختك متسويها ابد
وبعدهي طفله مو مالت هاي السوالف
يوم لخاطر الله اسكتي انتي نايمه وماتدرين شديصير من وره ظهرج
بس وربج اليوم نهايتها ع ايدي
اني قبل فتره اخذت معلومه كامله عن اخوها لصديقتها
واندليت بيتهم
رحت للمحل مالته حتى اتاكد لكيته مموجود
يعني توقعي بمحله
رحت عليهم للبيت وفجأه طلعوا والضحكه تارسه وجهم
اشتعلت شعل يعني يضحكون ع اختي هو واخته
اني مااكدر اتصرف وياهم لان ماعندي دليل ضدهم
بس رجعت ع شهد ضربتها واخذتها للبيت
اجرمت بيها والله
لج كلبه حقيره اني مو محذرج مترحين الهم
والله ماعندي شي وردت اشوفها لصديقتي مشتاقتلها
لج شنو مشتاقتلها مو اليوم جنتن سويه بالمدرسه
ها لا مو ممداومه لان مريضه وحبيت اطمأن عليها
شفت حجيها مو متناسق ابد وحيل مرتبكه واضح عليها تجذب
بيومها بختها بامي تخربطت يله هديتها
لليل اجه ابويه ومهند وخبرتهم وهمه اتخبلو
كالو شلون تدخل لبيتهم واحنه مامنين عليها
هجموا ع شهد ونهوها كوه امي هدتها منهم
وراها اجوي بكل عين صلفه وخطبوها
طردناهم وكنالهم مخطوبه لابن عمها
وفعلا ابويه دز ع عمي الجبير وعنده ولد واحد ع اربع بنات
هو نفسه الي احب بنته
اساسا صاير حجي من زمان شهد لرسول الي هو ابن عمي
كال يابه يوم عيد الي تصير شهد ابيتنه
طلبنه منهم يستعجلون
وهم بقوا صافنين
كللهم ابويه طلعت مو زينه بالدراسه وراسبه بيهن كلهن المواد
الولد بعصائب اهل الحق
نبع الحنان جانت رافضته تكول ماانطي لواحد ملك الشعب
اخاف يصير عليه شي لا سامح الله
طبعا حالتهم الماديه موشي بيت عمي
وعمي متصوب بحرب ايران وعنده شلل نصفي ويمشي ع عكاز
مايكدر يشتغل ابد عنده محل بسيط من بيتهم
بس العيشه صعبه وهو من النوع يرفض مساعده من اي احد
خطيه رسول التحق وي عصائب اهل الحق بسوريا يداوم يدافع عن مرقد السيده زينب ع
رغم معارضت الكل بس هو جان مقتنع بلي يسوي
جانت بالنسبه اله شهد حلم بعيد
هذا الشي عرفته من اخته مريم الي هي حبيبتي
لان حلوه بشكل وبعدهي زغيره
بس اخلاقه عاليه الولد مايوم اجانه بوحده اله وي اهله
بس شهد جانت ترفض من نجيب طاريه للولد
مجنت اتوقع تحب ومن وره ظهرنه
بيت عمي حيل فرحوا
وطلبت من ابويه يستعجلون
وفعلا نخطبت شهد وجانت رافضه بس شبعناها كتل
نصبت ع الرقم الي كاتبه عليه روان حجيت بصفت شهد وذكرت عمار حتى اتاكد اشو هذا باللحظه جاوبني واتاكدت عدهم علاقه سويه واني اتخبلت دك نفسه الرقم ومن جاوبت اتفاجئ وكام يجيب منا ويرد منا يعني ابد مظلمناهم بشكنه
يعني صحيح علاقه
يمكن لو ممدخلها للبيتهم جان اهون
بس مخلي اخته الساقطه بالنص
واكيد ضاحكين عليها
طلبت من امي تسالها اخاف معتدي عليها
حتى منتفشل كدام العالم نكتلها ونطم عارها بدون منخلي احد يحس
كالت امي والله تحلف يمين ملامسها ابد
وشلون نتاكد
يوم اني واثقه من بنتي وتربيتها
كمت اكفر واصيح اني ومهند
هاي نتيجة التربيه مالتج تدخل لبيت صاحبها
اخر شي كتلها خلي توافق ع رسول لا نهايتها ع ايدي
كالت والله انتحر ولا اقبل برسول
والله تسوين جميل حتى نخلص منج
اني صحيح احب بنت عمي بس بالمعقول والله
نضرات ومخابرات ابيناتنه
بس لليوم متعديت حدودي وياها
وخاصه لان هي تبقى عرضي
نتخبل من هاي السوالف طلعه وطبه
صدفه نلتقي لوحدنه يمكن ثواني
اجوي بيت عمي بالليل ع مود العقد
راحت امي تصيحها وجانت المفاجئه
لكيناها بالعه كومة حبوب وفاقده الوعي
رحنه بسرعه اخذناها للمستشفى وسولها غسل معده
لحكناها وجانت ترفض تفتح عيونها
اخذناها للبيت واعتذرنه من بيت عمي كنالهم لان بطلناها من المدرسه هيج سوت
كنالهم انطونه مده 3 ايام
كالت مريم رسول متخبل يكول خاف مجبوره
يكول لو اموت مااقبل تنجبر من ورايه
كتلها لج وين تلكه احسن من رسول
بس هي ضايجه ع الدراسه
هاي الفتره رفضت تاكل وقطعت الاكل نهائي
مهتمينه الها
بس امي خطيه ادك وتلطم تكول بنتي راح تروح مني
وتتوسل بيها لحتى تاكل
مرتين اجوي الجماعه بس طردناهم لان خصمناها السالفه
اليوم جنت كاعد بالمحل مثل الشركه
المحل جبير وبي عمال مخلي
واحد للايبادات وواحد للحاسبات واحد ع اللابتوبات وواحد ع الاكسسوارات واني ع الموبايلات
يعني احنه 5
جنه كاعدين تقريبا ب3 الظهر احنه هسه نهاية شهر الرابع
يعني الجو حار ناس قله
اني محلي بمنطقه تجاريه وراقي
شغلنه اكثر شي بالليل
رحت لاهلي اتغديت ورجعت
كاعدين وجنه ماعدنه احد تقريبا المحل فارغ بس اني والعمال
مااحس اله اجه هذا السكط
كام يحجي وكدام العمال
شهد الي ومتصير لغيري
اتخبلت راح يفضحني
كمت وطلعت من وره الميز
جريته بره المحل
تطلع لاومحمد اسحلك سحل
اذا انت رجال سويها
ضربته بوكسي وكعته للكاع
هو كعد رجعلي الضربه
بقينه واحد يضرب بالثاني
ادخلو الولد وفكونه بالكوه
كمت امسح الدم واني اتحلف بي
هو طلع
يمكن اقل ربع ساعه وجان يجي هو وجماعته
فقدوا
كاموا يكسرون بالاجهزه حاولنه نوقفهم بس همه عددهم جبير
يمكن اكثر من 8 اشخاص
اباوع ع المحل اتخبلت
رحت علي وبدينه نتضارب اني ويا
مااحس اله يضربني بالايباد وجان ثكيل
اجه ع راسي
تغركت بدمي
فقدت الوعي بلحضتها
كعدت لكيت نفسي بالمستشفى
اتذكرت الصار
مهند وابويه فوك راسي
سالتهم ع الولد السكط
كالوا بالمركز هو والولد الي ويا
كتلهم والمحل
كال مهند مو مهم المحل لان والله راح نخسره اضعاف المحل
كتله اني اهم شي مايطلع من السجن ابد
مااريد لا مشيه ولا فصل ولا خساره اهم شي يخيس بالسجن
كلولي سولفنه الصار
سولفتلهم كلشي
راسي مخيطينه يمكن 7 خياطات
بقيت يومين بالمستشفى
اجوي الشرطه واخذوا اقوالي
وراحوا للمحل واتاكدوا والمحلات الي بصفي شهدوا ضده
والله اله اندمك ندم متتوقعه ابد
حيل حاقد عليه هو واخته
كال ابويه هواي اجوي ورفضنه المشيه ورفضنه الصلح ابد
كال ابويه هذا مو من صالحنه يطلع من السجن لان مستعد كلشي يسوي
لحتى يخرب العرس
لازم نضغط ع شهد حتى توافق
كتله اني اعرف شلون راح اخليها توافق
طلعنه من المستشفى
والكل يسال ع الاسباب
كتلهم راد يرجع جهاز اشتراه مني واني رفضت
كلفنه محامي وطلبنه منه غير الحكم منقبل
نريد ينحكم ونريد تعويض المحل
بس منتنازل
هواي جابو شيوخ وساده
احنه نطردهم ونرفض
رحت لشهد وجانت بس تبجي
كتله اسمعيني شهد زين
وربج اكتله بيدي وميرفلي جفن
اذا تردين يبقى عايش وافقي ع رسول
كالت اوافق بس اتنازل عنه
لو اموت مااتنازل عنه ابد
كذبت عليها حتى توافق
كتلها تدرين وين هسه
بالمكافحه تعرفين شنو المكافحه لو اسولفج
يعذبون بي بالكهرباء وبالضرب وانواع العذاب بعد
اذا وافقتي اخليهم يرجعونه للتوقيف
كالت الله عليك لتخليهم يعذبونه
الله عليك اتنازل عنه
مااتنازل ابد اله اربي من جديد وربج
بس اذا وافقتي واتزوجتي رسول
راح اخليهم ميعذبونه
كالت احلفلي
والله العظيم مااخلي احد يضربه
جان تكول موافقه اني
كلنه خل نستغل دخوله للسجن
عقدت محكمه وسيد
ارتاحينه نوعا ما
مقبلت تطلع تجهز لزواجها ابد
خلتها كلها وره امي وايات
امي جانت حيل ضايجه عليها واتعاركت هي وابويه
بس منطيناها مجال
اني هسه عندي هدف واحد بحياتي
اريد ادمره لهذا العار اله اخلي يتندم ع الساعه الي عرف شهد بيها
صارله 21يوم بالحجز
وبعد اسبوع لزواج شهد
هواي ملوا اهله
حتى امه جايه لامي تتوسل بيها
امي تعاركت ويانه كالت خطيه امه هالواحد الها
اجتي تتوسل وتكول شنو التردوا احنه حاضرين
ابويه ومهند كال كافي اتنازل بس نطلب فصل
وتعويض ونكسر خشومهم
اني رفضت
روان : اتخبلنه ع عمار اول مره يفاركنه
فوكاها بالسجن ماما شبه مجنونه
وبابا متهستر ومتخبل
يوميه يروح للسجن ويكول عمار بس اطلع من
السجن احرك الدنيه ع روسهم كلهم
ماما ذبت الصوج بيه تكلي لويش عرفتيها عليه
والله ماما مو اني هو الي ياخذني ويجيبني وشافها
وشكم مره مااجه السايق وناخذها ويانه
وعمار اخذ رقمها من جهازي بدون علمي
ذوله خبثاء يوميه ندزلهم ناس وشيوخ وساده ويطردوهم
احتارينه شلون نخليهم يتنازلون
شهد انقطعت اخبارها عني نهائيا
مااعرف هسه شمسوين بيها شتكول ع عمار
وهي دومها تكول اذا خيروني بين الموت وبين اترك عمار
اختار الموت بدون تردد
اني اداوم تبهذلت بالسياره
كمت اضطر اروح مشي وارجع مشي
لان عمار بالتوقيف واني جنت معتمده عليه
بدت الامتحانات مالت اخر السنه
وجان بالي مشوش كلش
اني جان مستواي وسط
يعني مو شاطره حيل ولا كسلانه
يعني درجاتي تتراوح بين ال 70 وال 80 قله احصل بال 90
بقه للامتحان بس يوم واحد
البيت متوتر حيل والكل قلقان
المحامي كال القضيه كلها من صالح الولد
حتى الكفاله رفضوها
القضيه حاليا متحوله لقاضي جنح
كال اذا نحكم احتمال 3 سنوات
وتبقى القضيه حتى اذا نحكم باي وقت يتنازلون راح يطلع
خطيه ماما وكعت من سمعت الخبر والليل كله هي بالمستشفى
بس ندعيله يوميه مابدينه شي
جنت كاعده وابجي
ماما اخذها خالو هو وبيبي
وبابا بقه ويايه بالبيت
دك عليه رقم غريب ابد مجاوبت
مااجاوب اي رقم غريب لو شيصير
لو انطي لبابا لو عمار يجاوبون هم
بقه يلح وهذا الحجي ب2 بالليل
اني منايمه لان جنت قلقانه ع ماما وهم اقره
هواي لح عليه بس مهتمين
بالاخير اجاني مسج مكتوب بي
هلو روان اني شهد افتحي خط
حيل فرحت مدري شصار بيه
ردت اخابر بس هي سبقتني ودكت
كمت ابجي وهي تبجي
هلو شهوده شلونج
لج اني مو زينه والله
ليش حبيبتي اذوج
ولج الموت بعيني اتراوالي
صدك ابن عمج خاطبج
اي خطبني ووافقت
ولج والله عمار يموت اذا يدري بيج
من وره هذا اخوج الظالم اكيد
روان طريقنا مسدود اني وعمار
اني لخاطره وافقت مااريده يتاذه
عوفج من هذا الحجي
زواجي الخميس هذا
شنو ليش بهالسرعه
لاتكليلي خابرتني تردين تعزميني
لا يمعوده شاعزمج حتى كتلج وكتلي ع فلس يصير
اريد اشوفج اخر مره
والله ياريت اتمنى والله
اريدج تجيني باجر للبيت
واهلج شلون
باجر اهلي بالزياره من الصبح يرحون ويرجعون العصر
واخوج الغثه
هم يروح وياهم
اريدج تجيني لان عندي حجي وياج هواي
هذا رقم منو
هذا رقم اخويه
اخاف يحس بي
لا طالع ونساه هنا
زين لعد باجر من الامتحان واجيج
اوووف ولج حرامات نحرمت حتى من الدراسه
والله لو مااهلي هم تركت المدرسه
تدرين جني يتيمه بدونج والله
شخبار عمار
بنص الظيم خطيه بالسجن
وذوله اهلج ظلام ميقبلون يتنازلون ابد
الله كريم ان شاء الله يطلع
طبكته منها بين الفرحانه وبين الحزنانه
فرحانه راح اشوفها لان اول مره هيج نتفارك
وحزنانه لان راح تتزوج وبالغصب
نمت واني موقته المنبه
كعدت وسويت ريوك لبابا واني مااشتهيت ابد
كلي خل اوصلج قبل لااروح
كتله بابا اليوم راح اتاخر شويه لان اخر يوم النه ومتجمعين
كلي ماشي بابا بس اخذي المفتاح وياج اخاف متلكين احد
اني راح اروح اقدم ع اجازه واروح لامج
اوك
وصلني ورحت امتحنت ومعرف بالضبط جاوبت لو لا
بعدين رحت مشي لبيت شهد لان مااكدر اروح بتكسي لوحدي
وصلت ودكيت الباب
طلعتلي بس حيل متغيره
حضنتها وكمنه نبجي سويه
دخلتني للبيت
تبجي وكوه تحجي
بس حسيتها مرتبكه
رادت تقدملي شي رفضت
كتلها تعالي سولفيلي
شسولفلج
اهلي راووني انواع العذاب
انجبرت اوافق لخاطر عمار حتى ميتاذه اكثر
امانه عليج كليله تكول سامحني والله وافقت لاجله
تعالي خل نصعد فوك بغرفتي
يمعوده خلينه هنا هسه اروح
لان ماما خطيه بالمستشفى
ليش خيرها
سمعت بعمار راح ينحكم 3 سنوات
خطيه لطمت ع وجها
كالت لا ان شاء الله يتنازلون اهلي
صعدنه لفوك
حسيتها مرتبكه
تعالي خل نسولف
ا راح اجيب مي واجي
معطشانه تعالي اكعدي خل نسولف لان مااكدر اتاخر اكثر
اني لحد الان مصاعده لغرفة شهد نهائيا وحتى جياتي الها قليله مو مثلها
طلعت اني نزعت حجابي لان حيل حاره الدنيه
لحضات وجان ينفتح الباب
ها شهوده تعاي اكعدي سولفيلي بالتفصيل
مااريد اي شي
جان اسمع صوت ........... طفرت من مكاني
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
️❣️❣ #ﺍﻟﺒﺎﺭﺕ_ الثاني ️❣️❣
️❣️❣ #الندم_مابعد_الخطيئه ️❣️❣
️❣️❣ #ﻟﻠﻜﺎﺗﺒﻪ ﺭﻭﻧﻖ ️❣️❣
ﺟﺎﻥ ﺍﺳﻤﻊ ﺻﻮﺕ ﻭﻟﺪ ﺍﻧﻲ ﻃﻔﺮﺕ ﻣﻦ ﻣﻜﺎﻧﻲ
ﻫﺎﻱ ﺷﺪﺗﺴﻮﻳﻦ ﻫﻨﺎ
ﻣﺎﺍﻋﺮﻑ ﺑﻌﺪ ﺍﺟﺎﻭﺏ
ﻋﺪﻟﺖ ﺣﺠﺎﺑﻲ
ﺍﻧﻲ ﺻﺪﻳﻘﺔ ﺷﻬﺪ
ﺍﺷﻮ ﻫﺬﺍ ﺩﺧﻞ ﻭﻗﻔﻞ ﺍﻟﺒﺎﺏ
ﻫﺎﻱ ﺷﺪﺗﺴﻮﻱ ﻋﻔﻴﻪ ﺍﻃﻠﻊ
ﻭﻳﻦ ﺍﻃﻠﻊ
ﺍﻃﻠﻊ ﺑﺮﻩ ﺍﻟﻐﺮﻓﻪ
ﻭﺍﺫﺍ ﻣﺎﻃﻠﻌﺖ
ﺍﻧﺖ ﺷﺘﺮﻳﺪ ﺗﺴﻮﻱ
ﺣﺎﺏ ﺍﻟﻌﺐ ﻭﻳﺎﺝ ﺷﻮﻳﻪ
ﻛﻤﺖ ﺍﺻﻴﺢ ﺷﻬﺪ ﺷﻬﺪ ﺑﺎﻋﻠﻰ ﺻﻮﺗﻲ
ﺍﺟﺎﻧﻲ ﺍﺗﻘﺪﻡ ﻋﻠﻴﻪ
ﺣﺎﺏ ﺍﺧﻠﻲ ﺳﻤﻌﺘﻜﻢ ﺑﺎﻟﻜﺎﻉ ﻣﺜﻞ ﻣﺴﻮﻳﺘﻮﺍ ﺑﻴﻨﻪ
ﻫﺎﻱ ﺍﻧﺖ ﺷﺪﺗﺤﺠﻲ
ﻭﻟﺞ ﺷﻬﺪ ﺷﻬﺪ
ﺍﺗﻘﺪﻡ ﻋﻠﻴﻪ ﻟﺰﻛﻨﻲ ﺑﺎﻟﺤﺎﻳﻂ
ﺟﺴﻤﻲ ﻛﺎﻡ ﻳﺮﺟﻒ ﻣﻦ ﻓﻮﻙ ﻟﺠﻮﻩ
ﺣﺎﺏ ﺍﻋﻠﻤﺞ ﺍﻧﺖ ﻭﺍﺧﻮﺝ ﺍﻟﺴﻜﻂ ﺷﻠﻮﻥ ﺗﻘﺸﻤﺮﻭﻥ ﻉ ﺑﻨﺎﺕ ﺍﻟﻌﺎﻟﻢ
ﺑﺪﻩ ﻳﺘﻠﻤﺲ ﺑﻮﺟﻬﻲ ﺍﻭﻝ ﻣﺮﻩ ﻳﻠﻤﺴﻨﻲ ﺭﺟﺎﻝ ﺍﺗﺨﺒﻠﺖ
ﺍﻧﻲ ﺍﺑﻌﺪﻩ ﻣﻨﻲ ﺑﺲ ﻭﻻﻛﺎﻧﻮ
ﻫﻴﺞ ﺍﺧﻮﺝ ﺟﺎﻥ ﻳﺴﻮﻱ ﺑﺸﻬﺪ
ﺩﻣﻮﻋﻲ ﻧﺰﻟﻦ ﺍﻟﻠﻪ ﻋﻠﻴﻚ ﻟﺘﻠﻤﺴﻨﻲ
ﺩﻧﻚ ﻭﺑﺎﺳﻨﻲ ﺍﻧﻲ ﺍﺩﻓﻊ ﺑﻲ ﺑﺲ ﻭﻻﻛﺎﻧﻮ
ﻫﻮ ﻇﺨﻢ ﻭﺻﺎﺣﺐ ﺟﺴﻢ ﺭﻳﺎﺿﻲ
ﺍﻧﻲ ﺿﻌﺖ ﺑﺎﻟﻨﺴﺒﻪ ﺍﻟﻪ
ﺍﻧﻲ ﺷﻮﻳﻪ ﺩﺑﺪﻭﺑﻪ ﻭﺷﺒﻪ ﻗﺰﻭﻣﻪ
ﻳﻌﻨﻲ ﻃﻮﻟﻲ ﻭﺳﻂ
ﻗﺴﻢ ﻳﻜﻠﻮﻟﻲ ﺣﻠﻮ ﻃﻮﻟﺞ
ﻭﻗﺴﻢ ﻳﻜﻠﻮﻟﻲ ﻗﺰﻭﻣﻪ
ﺑﺪﺕ ﺍﺩﻱ ﺗﺘﻠﻤﺲ ﺟﺴﻤﻲ ﺑﻮﻗﺎﺣﻪ
ﺍﺗﺨﺒﻠﺖ
ﺍﺩﻓﻊ ﺍﺿﺮﺏ ﻭﻻ ﻛﺎﻧﻮ
ﺟﺮﻧﻲ ﻟﻠﺠﺮﺑﺎﻳﻪ
ﺷﻬﺪ ﺷﻬﺪ
ﻛﻞ ﻣﺎﺍﺻﻴﺢ ﻳﺒﻮﺳﻨﻲ ﺣﺘﻰ ﺍﺳﻜﺖ
ﻧﻴﻤﻨﻲ ﻉ ﺍﻟﻔﺮﺍﺵ ﻭﺑﺤﺮﻛﻪ ﻣﻨﻪ
ﻧﺰﻋﻨﻲ ﺍﻟﺼﺪﺭﻳﻪ
ﻋﻘﻞ ﻣﺒﻘﻪ ﺑﺮﺍﺳﻲ
ﺍﺩﻓﺮ ﺑﻲ ﺍﺿﺮﺏ ﺑﺼﺪﺭﻩ ﺑﺲ ﻭﻻﻛﺎﻧﻮ
ﻫﻴﺞ ﺍﺧﻮﺝ ﺟﺎﻥ ﻳﺴﻮﻱ ﻭﺍﻧﺖ ﺗﺴﺘﺮﻳﻠﻪ
ﻭﺍﻟﻠﻪ ﻓﻬﻤﺎﻥ ﻏﻠﻂ ﺍﻟﻠﻪ ﻳﺨﻠﻴﻚ ﺑﺲ ﺧﻞ ﺍﺗﻔﺎﻫﻢ ﻭﻳﺎﻙ
ﺍﻟﻠﻪ ﻋﻠﻴﻚ ﺑﺪﺍﻋﺖ ﺍﻣﻚ ﻟﺘﺴﺘﻌﺠﻞ
ﻓﺪﻭﻩ ﻫﺬﺍ ﺷﺮﻓﻲ ﻭﺷﺮﻑ ﺍﻫﻠﻲ ﻻ ﺗﺪﻧﺴﻪ
ﻋﻠﻴﻚ ﺍﻻﻣﺎﻡ ﺍﻟﺤﺴﻴﻦ ﻟﺘﻠﻤﺴﻨﻲ
ﻭﻻ ﻛﺎﻧﻮ ﺍﺣﺠﻲ
ﻟﺤﻀﺎﺕ ﻭﺟﺎﻥ ﻳﺘﻘﺪﻡ ﻋﻠﻴﻪ
ﻛﺎﻧﻮ ﻭﺣﺶ ﺑﺪﻩ ﻳﺘﻘﺮﺏ ﻋﻠﻴﻪ
ﻭﻳﺘﻠﻤﺲ ﺑﺠﺴﻤﻲ ﺍﻧﻲ ﺗﺨﺒﻠﺖ ﺍﺗﻮﺳﻞ ﻭﻻﻛﺎﻧﻮ
ﺑﺪﻩ ﻳﻨﻬﺶ ﺑﺠﺴﻤﻲ ﻭﻟﻤﺴﺎﺗﻪ ﺻﺎﺭﺕ ﺟﺮﻳﺌﻪ
ﺑﺪﻩ ﻳﻨﺰﻋﻨﻲ ﻣﻼﺑﺴﻲ ﻭﺍﻧﻲ ﻓﻘﺪﺕ ﻣﻦ ﺳﻤﻌﻨﻲ ﺍﺻﻴﺢ
ﻟﻒ ﺣﻠﻜﻲ ﺑﺎﻟﺸﺎﻝ ﻳﻜﻠﻲ ﻣﺎﺭﻳﺪ
ﺍﺳﻤﻊ ﺻﻮﺗﺞ ﺣﻘﻴﺮﻩ ﺍﺳﻜﺘﻲ ﻭﺿﻞ ﺑﺲ ﻳﻐﻠﻂ ﺍﻧﻲ ﺗﺨﺒﻠﺖ
ﺻﻮﺗﻲ ﺭﺍﺡ ﻣﻦ ﻛﺜﺮ ﻣﺎﺍﺻﻴﺢ ﻭﻣﺎﻳﺴﻤﻌﻨﻲ
ﺷﻜﺪ ﺣﺎﻭﻟﺖ ﺍﺩﺍﻓﻊ ﻋﻦ ﻧﻔﺴﻲ ﻣﺎﻛﺪﺭﺕ ﻻﻥ ﻣﺴﻴﻄﺮ ﻋﻠﻴﻪ ﺑﺲ ﻣﻊ ﺫﺍﻟﻚ ﻗﺎﻭﻣﺖ ﻭﺿﻠﻴﺖ
ﺍﺿﺮﺏ ﺑﻲ ﻭﻗﺒﻞ ﻻﻳﺨﻠﻲ ﺍﻟﺸﺎﻝ ﺑﺤﻠﻜﻲ ﻋﻀﻴﺘﻪ
ﻭﺟﻨﺖ ﻣﺮﺑﻴﻪ ﺍﺿﺎﻓﺮ ﺑﺲ ﻣﻮ ﻃﻮﺍﻝ ﻻﻥ ﻣﻤﻨﻮﻉ
ﺑﺎﻟﺪﻭﺍﻡ ﺑﺎﻟﺨﻔﻴﻪ ﻣﺨﻠﻴﺘﻬﻦ ﻧﺒﺘﺖ ﺍﺿﺎﻓﺮﻱ ﺑﻀﻬﺮﻩ
ﻭﻛﻞ ﻫﺬﺍ ﻭﻫﻮ ﻣﺴﺘﻤﺮ ﻳﺘﻤﺘﻊ ﺑﺠﺴﻤﻲ
ﻭﺑﺪﻩ ﻳﻨﺰﻋﻨﻲ ﻣﻼﺑﺴﻲ . ﻭﺗﻘﺮﺏ ﻋﻠﻴﻪ
ﺑﻜﻞ ﻭﺣﺸﻴﻪ ﻭﺑﺪﻭﻥ ﺭﺣﻤﻪ ﻣﻦ ﻛﺜﺮ
ﻣﺎﻗﺎﻭﻣﺖ ﺑﻌﺪ ﻣﺎﺑﻴﻪ ﻃﺎﻗﻪ ﺍﺧﺬ ﺍﻏﻠﺊ ﻣﺎﻣﻠﻚ
ﻣﻦ ﻋﻨﺪﻱ ﻭﺑﺪﻡ ﺑﺎﺭﺩ ﻋﺎﻓﻨﻲ ﻭﺧﺮ
ﺍﺑﺎﻭﻉ ﻉ ﻧﻔﺴﻲ
ﻣﻦ ﺷﻔﺖ ﺍﻟﺪﻡ ﺗﺨﺒﻠﺖ ﻭﺧﺮﺕ ﺍﻟﺸﺎﻝ ﻣﻦ ﺣﻠﻜﻲ
ﺑﺪﻳﺖ ﺍﺻﺮﺥ
ﺍﺗﺨﺒﻠﺖ ﻋﻘﻠﻲ ﻭﻛﻒ
ﻣﺎﺍﻛﺪﺭ ﺍﺻﻴﺢ ﻻﻥ ﻳﺒﻮﺱ ﺑﻴﻪ
ﺍﺩﻳﻪ ﻻﺯﻣﻬﻦ ﺑﺎﺩﻱ
ﺑﺲ ﺷﻨﻮ ﻓﻘﺪﺕ
ﺑﻌﺪ ﻣﺎﺍﺷﻮﻑ ﺩﺭﺑﻲ
ﻫﻮ ﺍﻟﺤﻘﻴﺮ ﺟﺮ ﺟﻬﺎﺯﻩ ﻭﻛﺎﻡ ﻳﺼﻮﺭ ﺑﻴﻪ
ﻭﺍﻧﻲ ﻣﻨﻈﺮﻱ ﻣﻴﻨﻮﺻﻒ
ﺟﺮﻳﺖ ﻣﻼﺑﺴﻲ ﻭﻟﺒﺴﺖ
ﺑﺴﻘﻄﺖ ﺑﻮﺟﻬﺎ ﺍﻧﺖ ﺍﻛﻴﺪ ﺣﻴﻮﺍﻥ ﻣﻮ ﺑﺸﺮ
ﻭﺍﻟﻠﻪ ﻫﺴﻪ ﺍﺷﺘﻜﻲ ﻋﻠﻴﻚ ﻳﺎﻧﺬﻝ ﻳﺎﺟﺒﺎﻥ
ﻋﺪﻳﻢ ﺍﻟﺤﻴﺎﺀ ﺍﻧﺖ ﻭﺍﺣﺪ ﺳﺎﻗﻂ
ﻣﻮ ﺭﺟﺎﻝ ﻭﺍﻟﻠﻪ ﻟﻮ ﺭﺟﺎﻝ ﻣﺴﻮﻳﺖ ﻫﻴﺞ
ﻣﺮﺗﻀﺊ .. ﺍﻛﻠﻲ ﺥ ...... ﻭﺍﻧﺠﺒﻲ
ﺳﺎﻗﻄﻪ ﺑﻨﺖ ﺍﻟﺴﺎﻗﻄﻴﻦ
ﻟﻮ ﺑﻴﺞ ﺣﻆ ﻣﺠﻴﺘﻴﻨﻲ ﺑﺮﺟﻠﻴﺞ
ﺍﺩﺑﺴﺰ ﺣﻘﻴﺮ ﺣﻴﻮﺍﻥ ﺍﻧﺖ ﺍﻟﺴﺎﻗﻂ
ﺿﺮﺑﻨﻲ ﺭﺍﺟﺪﻱ ﻓﺮ ﺭﺍﺳﻲ
ﺭﻭﺍﻥ .. ﺍﻓﺘﺢ ﺍﻟﺒﺎﺏ ﻻ ﺍﻟﻢ ﺍﻟﺪﻧﻴﻪ ﻋﻠﻴﻚ
ﻣﺮﺗﻀﺊ .. ﺗﺪﺭﻳﻦ ﺍﺳﻌﺪ ﻭﺍﺣﺪ ﺑﺎﻟﺪﻧﻴﻪ ﺍﻧﻲ
ﻻﻥ ﻫﺴﻪ ﺍﺧﺬﺕ ﺣﻘﻲ ﻣﻨﻜﻢ ﺍﻧﺖ ﻭﺍﺧﻮﺝ ﺍﻟﺴﻜﻂ
ﺭﺍﺡ ﺍﺧﻠﻲ ﻫﺬﺍ ﺍﻟﻌﺎﺭ ﻭﻳﺎﻛﻢ ﻣﺪﻯ ﺍﻟﻌﻤﺮ
ﺭﻭﺍﻥ .. ﺍﺑﺠﻲ ﻭﻓﻘﺪﺕ
ﻣﻌﻘﻮﻟﻪ ﻓﻘﺪﺕ ﻋﺬﺭﻳﺘﻲ ﺑﻜﻞ ﺑﺴﺎﻃﻪ
ﻣﻌﻘﻮﻟﻪ ﺍﻫﻠﻲ ﺭﺍﺡ ﻳﻤﺸﻮﻥ ﻭﻣﻨﺰﻟﻴﻦ ﺭﺍﺳﻬﻢ ﻣﻦ ﻭﺭﺍﻳﻪ
ﻣﻌﻘﻮﻟﻪ ﻫﺬﺍ ﺍﻟﺤﻘﻴﺮ ﺍﻟﻨﺬﻝ ﻫﻴﺞ ﻳﺴﻮﻱ ﺑﻴﻪ
ﺍﻟﻌﺘﺐ ﻣﻮ ﻋﻠﻴﻪ ﻫﺬﺍ ﺍﻟﺤﻘﻴﺮ ﺍﻟﻌﺘﺐ ﻉ ﺻﺪﻳﻘﺔ ﻋﻤﺮﻱ ﺷﻬﺪ
ﻣﻌﻘﻮﻟﻪ ﻣﺎﺳﻤﻌﺘﻨﻲ ﻣﻦ ﺻﻴﺤﺖ
ﻣﻌﻘﻮﻟﻪ ﻣﺎﺭﺟﻌﺖ ﻋﻠﻴﻪ ﻣﻦ ﻛﺎﻟﺖ ﺍﺟﻴﺐ ﻣﻲ ﻭﺍﺟﻲ
ﺑﺪﻳﺖ ﺍﻛﺴﺮﺷﻜﻮ ﺷﻲ ﺑﺎﻟﻐﺮﻓﻪ
ﺍﻓﺘﺢ ﺍﻟﺒﺎﺏ ﻳﺎﻧﺬﻝ
ﻣﺮﺗﻀﻰ . . ﻭﺍﺫﺍ ﻣﺎﻓﺘﺤﺖ
ﺭﻭﺍﻥ .. ﻫﺴﻪ ﺍﻛﻮﻡ ﺍﺻﻴﺢ
ﻣﺮﺗﻀﻰ .. ﻳﻠﻪ ﺻﻴﺤﻲ ﻭﺍﻓﻀﺤﻲ ﻧﻔﺴﺞ
ﻟﺞ ﺑﺎﺑﺎ ﺍﻧﺖ ﺍﺑﻴﺘﻲ ﻭﻫﺎﻱ ﻏﺮﻓﺘﻲ ﻣﻮ ﻏﺮﻓﺖ ﺷﻬﺪ
ﻛﻤﺖ ﺍﺻﻴﺢ ﻳﺎﻧﺎﺱ ﺑﻌﺪﻧﻲ ﻣﻤﻜﻤﻠﻪ
ﺭﺟﻊ ﺑﺎﺳﻨﻲ
ﺑﺲ ﺷﻨﻮ ﻣﻘﺰﺯ
ﻋﻮﻉ ﻟﻌﺒﺖ ﻧﻔﺴﻲ ﺣﻴﻞ ﻣﻨﻪ
ﺩﻓﻌﺘﻪ ﺑﺲ ﻭﻻ ﻛﺎﻧﻮ
ﺍﻓﺘﺢ ﺍﻟﺒﺎﺏ ﺣﻘﻴﺮ
ﻟﺰﻡ ﺷﻔﺎﻳﻔﻲ ﻭﻓﺮﻛﻬﻦ ﺣﻴﻞ ﺑﺎﻳﺪﻩ
ﻣﺮﻩ ﻟﺦ ﺍﺫﺍ ﻋﺪﺗﻴﻬﺎ ﺍﻛﺺ ﻟﺴﺎﻧﺞ ﺳﺎﻗﻄﻪ
ﺳﻜﺘﺖ ﺍﻟﺞ ﻫﻮﺍﻱ ﺑﺲ ﻫﺎﻱ ﺑﻌﺪ
ﺗﻒ ﻋﻠﻴﻚ ﻭﻉ ﺍﺧﻼﻗﻚ
ﺿﺮﺑﻨﻲ ﺭﺍﺟﺪﻱ ﻓﺮ ﺭﺍﺳﻲ ﻓﺮ
ﺍﻧﺖ ﺣﺮﺍﻣﺎﺕ ﻋﻨﺪﻙ ﺷﻮﺍﺭﺏ
ﺍﻟﻤﻔﺮﻭﺽ ﺗﺤﻠﻘﻬﻦ ﻭﺗﺨﻠﺺ ﻣﻨﻬﻦ ﻳﺎﻋﺎﺭ
ﺿﺮﺑﻨﻲ ﻣﺮﻩ ﺛﺎﻧﻴﻪ
ﺑﻬﺎﻱ ﺍﻻﺛﻨﺎﺀ ﺍﺟﺖ ﺷﻬﺪ ﻛﺎﻣﺖ ﺍﺩﻙ ﺑﺎﻟﺒﺎﺏ
ﺻﺎﺣﺖ ﻣﻌﺮﻓﺖ ﺍﺭﻛﺰ ﺷﺘﺤﺠﻲ
ﺍﺭﻳﺪ ﺑﺲ ﻳﻔﺘﺤﻮﻥ ﺍﻟﺒﺎﺏ ﻭﺍﻧﻬﺰﻡ
ﻫﻮ ﻓﺘﺢ ﺍﻟﺒﺎﺏ
ﺩﺧﻠﺖ ﺷﻬﺪ
ﺟﺎﻥ ﻳﻜﻠﻬﺎ ﻫﺎﻱ ﺍﻟﺰﺑﺎﻟﻪ ﺧﻞ ﺗﻄﻠﻊ ﻣﻦ ﺍﻟﺒﻴﺖ
ﻋﺎﻓﻨﻪ ﻭﻃﻠﻊ
ﺟﺎﻥ ﺗﺼﻴﺢ ﻭﺭﺍﻩ ﺷﻬﺪ
ﻫﺎﻱ ﺍﻧﺖ ﺷﻤﺴﻮﻱ
ﻋﻮﺩ ﻫﻲ ﺧﻞ ﺗﺴﻮﻟﻔﻠﺞ
ﻭﺍﻻ ﺍﻛﻮﻟﺞ ﺗﻌﺎﻱ ﺍﻃﻠﻌﻲ ﻛﺪﺍﻣﻨﻪ ﻟﺘﻨﻜﺴﻴﻦ ﺑﻴﺘﻨﻪ
ﺍﻟﺘﻔﺘﺖ ﻉ ﺷﻬﺪ
ﻣﻊ ﺍﻻﺳﻒ ﺍﻧﺖ ﺻﺪﻳﻘﺘﻲ
ﻭﻣﻊ ﺍﻻﺳﻒ ﺍﺧﻮﻱ ﺣﺒﺞ
ﻭﻣﻊ ﺍﻻﺳﻒ ﺍﺧﻮﻱ ﺻﺎﻧﺞ
ﻟﻮ ﺍﺩﺭﻱ ﺑﻴﺞ ﻫﻴﺞ ﺣﻘﻴﺮﻩ ﻭﻧﺬﻟﻪ ﻣﺠﺎﻥ ﺻﺎﺩﻗﺘﺞ
ﻫﻲ ﻛﺎﻣﺖ ﺗﺒﺠﻲ
ﻭﻟﺞ ﻭﺍﻟﻠﻪ ﻣﺠﺒﻮﺭﻩ ﺩﺯﻳﺖ ﻋﻠﻴﺞ
ﺭﺍﺩﺕ ﺗﺤﺠﻲ ﺑﺲ ﻣﻨﻄﻴﺘﻬﺎ ﻣﺠﺎﻝ
ﺍﻟﻠﻪ ﻟﻴﻮﻓﻘﻜﻢ ﺍﺛﻴﻨﻜﻢ
ﺍﻟﻠﻪ ﻳﻨﺘﻘﻢ ﻣﻨﻜﻢ
ﺍﻟﻠﻪ ﻳﺎﺧﺬ ﺣﻘﻲ ﻣﻨﻜﻢ
ﻟﺞ ﺑﻼ ﻟﻐﻮﻩ ﺗﻌﺎﻱ ﺍﻃﻠﻌﻲ ﺑﺮﻩ ﻳﺎﺳﺎﻗﻄﻪ
ﺟﺮﻧﻲ ﺣﻴﻞ ﻭﻃﻠﻌﻨﻲ
ﺑﺲ ﻧﺴﻴﺖ ﺟﻨﻄﺘﻲ
ﻛﺘﻠﻪ ﺟﻨﻄﺘﻲ
ﺻﺎﺡ ﺷﻬﺪ ﺟﻴﺒﻴﻬﺎ ﺑﺴﺮﻋﻪ ﻻﻥ ﻣﺎﺍﺿﻤﻦ ﻧﻔﺴﻲ ﺷﺎﺳﻮﻱ ﺑﻴﻬﺎ ﺍﺫﺍ ﺩﺧﻠﺖ ﻫﺎﻱ ﺍﻟﺤﺜﺎﻟﻪ
ﺷﻬﺪ ﺗﺒﺠﻲ
ﻃﻠﻌﺖ ﻭﺭﺍﻳﻪ ﺍﻟﻠﻪ ﻳﺨﻠﻴﺞ ﺳﺎﻣﺤﻴﻨﻲ
ﻛﻞ ﺍﻟﺴﻮﻳﺘﻪ ﻉ ﻣﻮﺩ ﻋﻤﺎﺭ ﺑﺲ ﻭﺍﻟﻠﻪ ﻣﺎﺍﺩﺭﻱ ﻫﻴﺞ ﺭﺍﺡ ﻳﺴﻮﻱ ﺑﻴﺞ
ﻣﻬﺘﻤﻴﺖ ﻃﻠﻌﺖ
ﺑﺲ ﺷﻄﻠﻌﺖ
ﺍﻓﻮﺭ ﻭﺍﺣﺲ ﺍﻟﺪﻧﻴﻪ ﻛﻠﻬﺎ ﺗﻌﺮﻑ ﻗﺼﺘﻲ
ﻣﺎﺍﻧﺪﻝ ﺑﻴﺘﻨﻪ ﺑﻌﺪ
ﺍﻟﺠﻮ ﺣﺎﺭ ﺟﺎﻥ
ﺍﻟﺴﺎﻋﻪ ﻣﺎﺍﻋﺮﻓﻬﺎ ﺑﺎﻟﻀﺒﻂ
ﺍﻣﺸﻲ ﻭﺩﻣﻮﻋﻲ ﺗﺠﺮﻱ ﻉ ﺧﺪﻱ
ﺍﻟﺮﺍﻳﺢ ﻭﺍﻟﺮﺍﺩ ﻳﺒﺎﻭﻉ ﻋﻠﻴﻪ
ﻋﺒﺎﻟﻚ ﻋﻠﻴﻪ ﻋﻼﻣﺔ ﺍﺳﺘﻔﻬﺎﻡ
ﻛﻮﻩ ﻭﺻﻠﺖ
ﻓﺘﺤﺖ ﺍﻟﺒﺎﺏ ﻭﺟﺎﻥ ﻣﺤﺪ ﺑﺎﻟﺒﻴﺖ ﺍﻟﺤﻤﺪ ﻟﻠﻪ
ﺭﺣﺖ ﻛﺒﻞ ﺩﺧﻠﺖ ﻟﻠﺤﻤﺎﻡ
ﺳﺒﺤﺖ ﻭﺑﻘﻴﺖ ﻓﺘﺮﻩ ﺑﺎﻟﺤﻤﺎﻡ
ﺍﺩﻙ ﻭﺍﻟﻄﻢ ﻭﺍﺿﺮﺏ ﻉ ﻭﺟﻬﻲ ﺣﻴﻞ
ﺍﻧﻲ ﺷﻠﻮﻥ ﺟﻨﺖ ﻣﺨﺪﻭﻋﻪ ﺑﺸﻬﺪ ﻭﺷﻠﻮﻥ ﻛﺪﺭﺕ ﻫﻴﺞ ﺗﺴﻮﻱ ﺑﻴﻪ
ﺗﻌﺒﺖ ﻭﻃﻠﻌﺖ
ﻣﻼﺑﺴﻲ ﺫﻧﻲ ﺫﺑﻴﺘﻬﻦ ﺑﺎﻟﺰﺑﻞ
ﺍﺗﺼﻞ ﺑﻴﻪ ﺑﺎﺑﺎ
ﻫﺎ ﺑﺎﺑﺎ ﺭﺟﻌﺘﻲ
ﺍﻱ
ﺷﺨﺒﺎﺭ ﻣﺎﻣﺎ
ﺯﻳﻨﻪ ﻭﺭﺍﺡ ﻧﻄﻠﻌﻬﺎ
ﺳﻮﻳﻠﻬﺎ ﺷﻮﺭﺑﻪ ﻉ ﻣﺎ ﻧﺠﻲ
ﺍﻥ ﺷﺎﺀ ﺍﻟﻠﻪ
ﻃﺒﻜﺘﻪ ﻭﺭﺣﺖ ﺍﺳﻮﻱ ﺷﻮﺭﺑﻪ
ﻭﻋﻘﻠﻲ ﻣﻜﺎﻋﺪ ﻳﺴﺘﻮﻋﻲ ﺍﻟﻲ ﺻﺎﺭ
ﺍﺣﺲ ﺑﺎﻟﻢ ﻗﻮﻱ
ﺑﺲ ﺑﻨﻔﺲ ﺍﻟﻮﻗﺖ ﺍﻟﻢ ﺭﻭﺣﻲ ﺍﺯﻳﺪ
ﻛﻮﻩ ﺳﻮﻳﺖ ﺍﻟﺸﻮﺭﺑﻪ ﻣﺎﺍﻋﺮﻑ ﺷﻠﻮﻥ ﺳﻮﻳﺘﻬﺎ
ﺧﺎﺑﺮﻧﻲ ﺑﺎﺑﺎ ﻛﻠﻲ ﻃﺒﺨﺘﻲ ﻏﺪﻩ
ﻻ ﺑﺎﺑﺎ ﻫﺴﻪ ﺍﺳﻮﻱ
ﻟﺘﺴﻮﻳﻦ ﺭﺍﺡ ﺍﺟﻴﺐ ﻣﻦ ﺑﺮﻩ
ﻧﻘﺬﻧﻲ ﻭﺍﻟﻠﻪ
ﺍﻟﻲ ﻣﺪﺍ ﺍﻓﺘﻬﻤﻪ ﻟﻴﺶ ﺷﻬﺪ ﻫﻴﺞ ﺳﻮﺕ ﺑﻴﻪ
ﺭﺟﻌﻮﺍ ﺍﻫﻠﻲ ﻭﻣﺎﻣﺎ ﻣﺴﺘﻘﺮﻩ ﺣﺎﻟﺘﻬﺎ
ﺍﺗﻐﺪﻭﺍ ﻭﺍﻧﻲ ﺑﻐﻴﺮ ﻋﺎﻟﻢ
ﺍﺣﺲ ﺑﻨﻔﺴﻲ ﻓﺎﺻﻠﻪ ﻋﻦ ﺍﻟﻌﺎﻟﻢ
ﺍﻫﻠﻲ ﺣﺴﻮﺍ ﺑﻴﻪ
ﺳﺎﻟﻮﻧﻲ ﺷﺒﻴﺞ
ﻛﺘﻠﻬﻢ ﻣﺎﺑﻴﻪ ﺷﻲ ﺑﺲ ﺗﻌﺒﺎﻧﻪ
ﻃﺒﻌﺎ ﻳﻮﻣﻴﻪ ﺍﻛﻠﻲ ﻓﻀﺎﻋﻪ ﺭﻏﻢ ﻋﻤﺎﺭ ﺑﺎﻟﺴﺠﻦ
ﻋﻨﺪﻱ ﺍﻫﻢ ﺷﻲ ﺍﻻﻛﻞ
ﻭﺍﻟﺤﻠﻮﻳﺎﺕ ﻋﺸﻖ ﻣﻮ ﻃﺒﻴﻌﻲ
ﺑﺲ ﺍﻟﻴﻮﻡ ﻛﺮﻫﺖ ﺍﻟﺪﻧﻴﻪ ﻛﻠﻬﺎ
ﻛﺮﻫﺖ ﺍﻻﻛﻞ
ﺍﺭﻳﺪ ﺑﺲ ﺍﺗﻬﺮﺏ ﻭﺍﺻﻌﺪ ﻟﻐﺮﻓﺘﻲ
ﻣﺎﻣﺎ ﺧﻄﻴﻪ ﺗﺒﺠﻲ ﻭﺗﻮﻥ
ﻓﺘﺮﻩ ﻭﻃﻠﻊ ﺧﺎﻟﻮ ﺑﻘﺖ ﺑﺲ ﺑﻴﺒﻲ
ﺑﺎﺑﺎ ﻛﺎﻝ ﺭﺍﺡ ﺍﺭﻭﺡ ﻟﻌﻤﺎﺭ
ﺑﻴﺒﻲ ﻭﻣﺎﻣﺎ ﺭﺍﺣﻦ ﻳﺮﺗﺎﺣﻦ ﺑﺎﻟﻐﺮﻓﻪ
ﺍﻧﻲ ﺻﻌﺪﺕ ﻟﻔﻮﻙ ﻛﻤﺖ ﺍﺑﺠﻲ
ﻣﺎﺍﻋﺮﻑ ﺷﺎﺳﻮﻱ
ﺍﻛﺘﻞ ﺭﻭﺣﻲ ﺍﻧﺘﺤﺮ ﻫﻢ ﺭﺍﺡ ﻳﻌﺮﻓﻮﻥ ﺍﻟﻨﺎﺱ ﺍﻟﺴﺒﺐ ﻭﺍﺷﻮﻩ ﺳﻤﻌﺖ ﺍﻫﻠﻲ
ﺍﻧﻲ ﺍﻟﺼﺮﺍﺣﻪ ﻟﺤﺪ ﺍﻻﻥ ﻣﺎﻋﻨﺪﻱ ﺍﻱ ﻋﻼﻗﻪ ﺑﺎﺣﺪ
ﻣﺎﺍﻋﺘﺮﻑ ﺑﻬﺎﻱ ﺍﻟﺴﻮﺍﻟﻒ
ﺟﻨﺖ ﺷﺎﻳﻠﻪ ﻫﺎﻱ ﺍﻻﻓﻜﺎﺭ ﻣﻦ ﺣﻴﺎﺗﻲ
ﻛﻠﺖ ﻟﻤﻦ ﺍﺩﺧﻞ ﻟﻠﺠﺎﻣﻌﻪ ﻋﻮﺩ ﻟﻮ ﺍﻓﻜﺮ ﻟﻮ ﻻ
ﺷﻮﻳﻪ ﻭﺍﺟﺘﻨﻲ ﺭﺳﺎﻟﻪ ﻉ ﺍﻟﻔﺎﻳﺒﺮ
ﻓﺘﺤﺘﻬﺎ ﻭﺟﺎﻧﺖ ﺻﻮﺭﺗﻲ ﻭﺍﻧﻲ ﺑﺎﺑﺸﻊ ﻣﻨﻈﺮ
ﺍﺗﺨﺒﻠﺖ
ﺩﺯﻳﺘﻠﻪ ﺍﻧﺖ ﻟﻮﻳﻦ ﺗﺮﻳﺪ ﺗﻮﺻﻞ
ﺩﻣﺮﺗﻨﻲ ﻭﺍﺧﺬﺕ ﻋﺬﺭﻳﺘﻲ ﺷﺘﺮﻳﺪ ﺑﻌﺪ
ﻟﺤﺪ ﺍﻻﻥ ﻣﺸﻔﻴﺖ ﻏﻠﻴﻠﻲ ﺑﻴﻜﻢ ﺍﻧﺖ ﻭﺍﺧﻮﺝ ﺍﻟﻌﺎﺭ
ﺷﻠﻮﻥ ﺗﻀﺤﻜﻮﻥ ﻉ ﺍﺧﺘﻲ ﻭﺍﺑﻴﺘﻜﻢ
ﻭﺍﻟﻠﻪ ﻣﻼﻣﺴﻬﺎ ﺍﺧﻮﻳﻪ ﻭﻋﻼﻗﺘﻬﻢ ﺷﺮﻳﻔﻪ
ﺍﺧﻮﻳﻪ ﺭﺟﺎﻝ ﻭﻋﺮﻑ ﺷﻠﻮﻥ ﻳﺘﻌﺎﻣﻞ ﻭﻱ ﺍﺧﺘﻚ
ﺍﻟﺒﺎﻗﻲ ﻭﺍﻟﺪﻭﺭ ﻋﻠﻴﻚ ﻣﻮ ﻣﺜﻠﻚ ﺫﻛﺮ ﻭﻋﺎﺭ
ﻣﺮﺗﻀﻰ : ﺍﻫﻠﻲ ﻛﻠﻬﻢ ﻟﺤﻮﺍ ﻋﻠﻴﻪ ﺍﺗﻨﺎﺯﻝ ﺍﺗﻨﺎﺯﻝ
ﺑﺲ ﻗﺮﺭﻧﻪ ﺍﺗﻨﺎﺯﻝ ﻭﺭﻩ ﺯﻭﺍﺟﻬﺎ ﻟﺸﻬﺪ
ﺍﻧﻲ ﻣﺎﺍﻛﺪﺭ ﺑﻬﺎﻟﺴﻬﻮﻟﻪ ﺍﺗﻨﺎﺯﻝ
ﻓﻀﺤﻨﻲ ﺑﺎﻟﻤﺤﻞ ﻭﻛﺪﺍﻡ ﺍﻟﻨﺎﺱ
ﻭﺍﻟﻜﻞ ﻋﺮﻑ ﻉ ﺍﺧﺘﻲ
ﻣﻌﻘﻮﻟﻪ ﺍﺗﻨﺎﺯﻝ ﺑﺴﻬﻮﻟﻪ
ﻣﻌﻘﻮﻟﻪ ﻣﺘﺤﺎﺭﺵ ﺑﺎﺧﺘﻲ ﻭﺍﺳﻜﺘﻠﻪ
ﺑﻌﺪﻳﻦ ﺍﺟﺘﻲ ﺍﺑﺎﻟﻲ ﺍﺩﺯ ﻉ ﺍﺧﺘﻪ ﺍﺑﻴﺘﻨﻪ
ﺟﺎﻥ ﺍﻟﻐﻀﺐ ﻋﺎﻣﻲ ﻋﻴﻨﻲ ﻣﺠﻨﺖ ﺍﻓﻜﺮ ﺑﺎﻱ ﺷﻲ ﻏﻴﺮ ﺍﻻﻧﺘﻘﺎﻡ
ﺣﺒﻴﺖ ﺍﻧﺘﻘﻢ ﻣﻨﻬﻢ ﺑﺎﻱ ﻃﺮﻳﻘﻪ
ﺩﺯﻳﺖ ﻉ ﺷﻬﺪ
ﺣﺠﻴﺖ ﻭﻳﺎﻫﺎ ﺗﺮﺩﻳﻦ ﺍﺗﻨﺎﺯﻝ ﻋﻨﻪ
ﺍﻱ ﻭﺍﻟﻠﻪ ﻳﺎﺭﻳﺖ
ﻭﺍﻟﻠﻪ ﻣﺎﻋﻠﻴﻪ ﺑﻲ ﺍﺑﺪ
ﺑﺲ ﺧﻠﻲ ﻳﻄﻠﻊ ﻣﻦ ﺍﻟﺴﺠﻦ
ﻻﻥ ﻣﺎﺍﺫﺍﻧﻲ ﻭﻻ ﻳﻮﻡ
ﻋﻨﺪﻱ ﺷﺮﻁ ﻭﺍﺗﻨﺎﺯﻝ ﻋﻨﻪ
ﺷﻨﻮ ﺍﺣﺴﺒﻨﻲ ﻣﻮﺍﻓﻘﻪ ﻉ ﺍﻱ ﺷﺮﻁ
ﺍﺩﺯﻳﻦ ﻉ ﺍﺧﺘﻪ ﺧﻞ ﺗﺠﻲ ﻟﻠﺒﻴﺖ
ﻟﻴﺶ ﺷﺘﺮﻳﺪ ﻣﻨﻬﺎ
ﻫﺬﺍ ﺍﻟﺸﻲ ﻣﻴﺨﺼﺞ
ﻭﺭﻭﺡ ﺟﺪﻱ ﻭﺑﻴﺒﻲ ﺛﺎﻧﻲ ﻳﻮﻡ ﺯﻭﺍﺟﺞ ﺍﺭﻭﺡ ﺍﺗﻨﺎﺯﻝ ﻋﻨﻪ
ﻭﺍﺫﺍ ﻻ ﺍﻋﺎﻧﺪ ﻭﺍﻟﻠﻪ ﻭﺍﺧﻠﻲ ﻳﺨﻴﺲ ﺑﺎﻟﺴﺠﻦ
ﻻ ﻣﺎﺍﺳﻮﻳﻬﺎ ﻭﺍﻟﻠﻪ ﺧﻄﻴﻪ ﺭﻭﺍﻥ
ﻭﺍﻟﻨﺒﻲ ﺣﺒﻪ ﺍﻟﻲ ﻃﺎﻫﺮ
ﺿﺮﺑﺘﻬﺎ ﺭﺍﺟﺪﻱ
ﻟﺞ ﺣﻘﻴﺮﻩ ﻟﺘﺤﺠﻴﻦ ﻫﻴﺞ ﻛﺪﺍﻣﻲ
ﺭﺍﺩﺕ ﺗﻄﻠﻊ
ﻓﻜﺮﻱ ﺯﻳﻦ
ﻭﺍﻧﻲ ﻣﺮﺍﺡ ﺍﺳﻮﻳﻠﻬﺎ ﺷﻲ
ﺑﺲ ﺣﺎﺏ ﺍﺧﻮﻓﻬﺎ ﺷﻮﻳﻪ ﻭﺍﺣﺠﻲ ﻭﻳﺎﻫﺎ ﻣﺮﺍﺡ ﺍﺍﺫﻳﻬﺎ ﺍﺑﺪ
ﻋﺎﻓﺘﻨﻲ ﻭﻃﻠﻌﺖ
ﺍﻧﻲ ﻣﺘﺎﻛﺪ ﺗﻮﺍﻓﻖ ﻉ ﻣﻮﺩ ﺍﻟﻜﻠﺐ ﺍﻟﺤﻘﻴﺮ
ﺛﺎﻧﻲ ﻳﻮﻡ ﺍﺟﺘﻲ
ﻛﺎﻟﺖ ﺍﺣﻠﻒ ﻣﺮﺍﺡ ﺗﺴﻮﻳﻠﻬﺎ ﺷﻲ
ﻟﺞ ﺑﺎﺑﺎ ﻣﺨﺒﻞ ﺍﺳﻮﻳﻠﻬﺎ ﺷﻲ ﺣﺘﻰ ﻳﻠﺰﻣﻮﻫﺎ ﻋﻠﻴﻪ
ﺑﺲ ﺣﺎﺏ ﺍﺧﻮﻓﻬﺎ ﺷﻮﻳﻪ ﻭﺍﻧﻄﻴﻬﺎ ﺭﺳﺎﻟﻪ ﻻﺧﻮﻫﺎ
ﻣﻮﺍﻓﻘﻪ
ﺑﺲ ﺍﻭﻋﺪﻧﻲ ﺗﺘﻨﺎﺯﻝ
ﻭﺍﻟﻠﻪ ﻭﺍﻟﻘﺮﺍﻥ ﺍﺫﺍ ﺳﻮﻳﺘﻬﺎ ﻭﺍﺟﺘﻲ ﺍﺧﺘﻪ ﺍﺗﻨﺎﺯﻝ ﻳﻮﻡ ﺍﻻﺣﺪ
ﻉ ﻣﻮﺩ ﺍﻟﻜﻌﺪﻩ ﺍﺧﻠﻴﻬﺎ ﻳﻮﻡ ﺍﻟﺠﻤﻌﻪ ﻟﻮ ﺍﻟﺴﺒﺖ ﻭﺭﻩ ﺯﻭﺍﺟﻜﻢ
ﻛﺎﻟﺖ ﺍﻧﻄﻴﻨﻲ ﺟﻬﺎﺯﻙ ﺧﻞ ﺍﺧﺎﺑﺮﻫﺎ
ﺍﻧﻲ ﺟﻬﺎﺯﻫﺎ ﻓﻠﺸﺘﻪ ﻭﺧﻄﻬﺎ ﻛﺴﺮﺗﻪ
ﺳﻮﻳﺖ ﻧﻔﺴﻲ ﻣﺮﻳﺾ ﻭﻃﻠﺒﺖ ﻣﻦ ﺍﻣﻲ ﺗﺮﻭﺡ ﻟﻠﻨﺠﻒ
ﺗﺰﻭﺭ ﻭﺗﺪﻋﻴﻠﻲ ﻭﻗﻨﻌﺘﻬﺎ
ﺍﺗﻔﻘﻮﺍ ﻳﺮﺣﻮﻥ ﻫﻲ ﻭﻣﻬﻨﺪ
ﻭﺍﺑﻮﻳﻪ ﺑﺎﻟﺪﻭﺍﻡ
ﻳﻌﻨﻲ ﺑﺎﺟﺮ ﻣﺎﻛﻮ ﺍﺣﺪ
ﺍﻧﻄﻴﺘﻬﺎ ﺟﻬﺎﺯﻱ ﻭﺧﺎﺑﺮﺗﻬﺎ
ﻛﺎﻟﺖ ﺭﺍﺡ ﺗﺠﻲ
ﺑﺲ ﻭﺍﻟﻠﻪ ﻳﺎﻣﺮﺗﻀﻰ ﺍﺫﺍ ﺳﻮﻳﺘﻠﻬﺎ ﺷﻲ
ﺍﺳﻮﻟﻒ ﻟﺒﺎﺑﺎ ﻋﻠﻴﻚ
ﺩﻭﻟﻲ ﻭﻟﺞ ﺷﺎﺳﻮﻳﻠﻬﺎ ﻗﺎﺑﻞ
ﺍﻟﺒﻨﻴﻪ ﺍﻧﻲ ﺷﺎﻳﻔﻬﺎ ﺑﺲ ﻣﻤﺮﻛﺰ ﺑﻴﻬﺎ ﺍﺑﺪ ﺍﻟﻲ ﺍﺩﺭﻱ ﺑﻴﻬﺎ ﺳﻤﻴﻨﻪ
ﺛﺎﻧﻲ ﻳﻮﻡ ﺍﻫﻠﻲ ﺭﺍﺣﻮ
ﻭﺍﻧﻲ ﻣﺎﺭﺣﺖ ﻟﻠﻤﺤﻞ
ﺍﺟﺘﻲ ﻭﺻﻌﺪﺗﻬﺎ ﺷﻬﺪ ﻟﻐﺮﻓﺘﻲ ﺣﺴﺐ ﺗﻌﻠﻴﻤﺎﺗﻲ
ﺩﺧﻠﺖ ﻭﻟﻜﻴﺘﻬﺎ ﻧﺎﺯﻋﻪ ﺍﻟﺤﺠﺎﺏ
ﺣﺠﺖ ﻭﻳﺎﻱ ﻋﺒﺎﻟﻬﺎ ﺷﻬﺪ
ﺑﺲ ﻣﻦ ﺷﺎﻓﺘﻨﻲ ﻭﺟﻬﺎ ﺍﻧﺨﻄﻒ ﻟﻮﻧﻪ
ﺍﻧﻲ ﻓﻘﺪﺕ ﺑﺬﻳﺞ ﺍﻟﻠﺤﻀﻪ ﻣﺎﺍﻋﺮﻑ ﺷﺘﺤﺠﻲ ﻭﻳﺎﻱ ﻓﺼﻠﺖ ﻛﺎﻧﻮ ﺑﻐﻴﺮ ﻋﺎﻟﻢ
ﺟﺎﻥ ﻫﺪﻓﻲ ﺍﺩﻣﺮﻫﺎ ﻭﺍﺩﻣﺮ ﺍﺧﻮﻫﺎ
ﺍﺗﺨﻴﻞ ﺍﺧﻮﻫﺎ ﺍﻟﻌﺎﺭ ﻫﻴﺞ ﻳﺴﻮﻱ ﺑﺸﻬﺪ
ﺍﻛﻴﺪ ﺑﺎﻳﺴﻬﺎ ﺍﻛﻴﺪ ﻻﺯﻣﻬﺎ ﺍﻛﻴﺪ ﺑﺎﻗﻴﻦ ﺑﻮﺣﺪﻫﻢ ﻭﺛﺎﻟﺜﻬﻢ ﺍﻟﺸﻴﻄﺎﻥ ﻋﻘﻠﻲ ﻓﺎﺻﻞ
ﻃﺒﻌﺎ ﺍﺗﻘﺮﺑﺖ ﻋﻠﻴﻬﺎ ﺑﻬﺪﻭﺀ ﻣﻮ ﺑﻮﺣﺸﻴﻪ
ﺍﺧﺎﻑ ﺗﺘﺎﺫﻩ ﻭﺗﻌﺎﻝ ﺟﻴﺒﻪ ﻭﺭﺩﻩ ﻭﺍﻟﻜﻞ ﻳﻌﺮﻑ ﺑﻴﻬﺎ
ﺍﺣﺴﻬﺎ ﻣﺜﻞ ﺍﻟﻮﺣﺶ
ﻟﻌﺒﺖ ﻟﻌﺐ ﺑﻴﻪ ﻏﻠﻄﺖ ﻫﻮﺍﻱ
ﺍﺗﺠﺎﻭﺯﺕ ﻋﻠﻴﻪ ﻫﻮﺍﻱ
ﻓﻘﺪﺕ ﺿﺮﺑﺘﻬﺎ ﻭﺑﺪﻳﺖ ﺍﻏﺘﺼﺒﻪ ﺑﺪﻭﻥ
ﻣﺎﺣﺲ ﺑﻨﻔﺴﻲ ﺍﻟﺤﻘﺪ ﻋﻤﻪ ﻋﻴﻮﻧﻲ ﻫﻢ ﺍﻧﺘﻔﻢ ﻣﻨﻬﻢ
ﻭﻃﺮﺩﺗﻬﺎ ﺑﻌﺪﻳﻦ ﻭﺣﺠﻴﺖ ﻭﻳﺎﻫﺎ ﺣﺠﻲ ﻗﺎﺳﻲ
ﺷﻬﺪ ﺗﺨﺒﻠﺖ
ﻫﺎﻱ ﺷﺴﻮﻳﺖ ﺑﻴﻬﺎ
ﺍﺵ ﻭﻻ ﺣﺮﻑ
ﺭﻭﺣﻲ ﺧﻞ ﺍﻧﺎﻡ
ﻭﺍﻟﻠﻪ ﺍﻟﻪ ﻳﺠﻲ ﺑﺎﺑﺎ ﻭﺍﮔﻠﻪ ﻋﻠﻴﻚ
ﻟﺞ ﺍﻃﻠﻌﻲ ﻋﺎﺭ ﻫﻢ ﺍﻟﺞ ﻋﻴﻦ ﻭﺗﺤﺠﻴﻦ ﻗﺴﻤﺎ ﺑﺎﻟﻠﻪ ﺍﺫﺍ ﻃﻠﻌﺖ ﺍﻟﺴﺎﻟﻔﻪ ﻣﺎﺍﺗﻨﺎﺯﻝ ﻟﻮ ﺗﻤﻮﺗﻮﻥ ﻭﺍﻟﻪ ﺍﺧﻴﺴﻪ ﺑﺎﻟﺴﺠﻦ ﻟﻠﻌﺎﺭ
ﻃﺮﺩﺗﻬﺎ ﻭﺩﺧﻠﺖ ﺳﺒﺤﺖ
ﻣﺤﺴﺒﺖ ﻟﻠﻌﻮﺍﻗﺐ ﺍﺑﺪ
ﻃﻠﻌﺖ ﻣﻦ ﺍﻟﺤﻤﺎﻡ ﺭﺩﺕ ﺍﻧﺎﻡ
ﺍﺗﺬﻛﺮﺕ ﻫﺎﻱ ﺷﻬﺪ ﺧﺎﻑ ﺗﻔﻀﺤﻨﻲ
ﺭﺣﺖ ﻋﻠﻴﻬﺎ
ﻗﺴﻤﺎ ﺑﺎﻟﻠﻪ ﺍﺫﺍ ﺣﺠﻴﺘﻲ ﺷﻲ ﺍﻧﺪﻣﺞ ﻭﺍﻟﻠﻪ
ﻭﻫﺬﺍ ﺍﻟﻌﺎﺭ ﻣﺎﺍﺗﻨﺎﺯﻝ ﻋﻨﻪ ﺍﺑﺪ
ﻭﺣﺘﻰ ﺍﺫﺍ ﺍﺗﻨﺎﺯﻝ ﺍﺩﺟﻪ ﺳﺠﻴﻨﻪ ﻭﺍﺧﻠﺺ ﻣﻨﻪ
ﺍﻻﻓﻀﻞ ﺍﻟﺞ ﺍﻧﺠﺒﻲ ﻭﺍﺳﻜﺘﻲ
ﺍﻧﺴﻰ ﻫﺬﺍ ﺍﻟﻌﺎﺭ ﻫﻮ ﺍﺧﺘﻪ ﻭﺣﻴﺮﻱ ﺑﺰﻭﺍﺟﺞ ﺍﻟﺨﻤﻴﺲ
ﺭﺣﺖ ﻧﻤﺖ ﻛﻌﺪﺕ ﺍﺗﻐﺪﻳﺖ ﻭﺭﺣﺖ ﻟﻠﻤﺤﻞ
ﺍﺗﻔﻘﺖ ﻭﻱ ﺍﻫﻠﻲ ﺍﺗﻨﺎﺯﻝ ﺑﺲ ﺑﻌﺪ ﺍﻟﺰﻭﺍﺝ
ﺧﺎﻑ ﻳﺴﻮﻳﻠﻨﻪ ﺳﺎﻟﻔﻪ
ﻟﻠﻴﻞ ﻃﻠﻌﺖ ﺭﻗﻤﻬﺎ ﻟﻬﺎﻱ ﺍﻟﺴﺎﻗﻄﻪ
ﻛﺘﺒﺖ ﻉ ﺭﻗﻤﻬﺎ ﺍﻟﻐﺜﻪ
ﻛﻠﺖ ﺍﺧﺎﻑ ﺗﺮﻭﺡ ﺗﻜﻮﻝ ﻻﻫﻠﻬﺎ ﻭﺭﺍﺡ ﻳﻨﻘﻠﺐ ﻛﻠﺸﻲ ﻋﻠﻴﻪ
ﺧﻞ ﺍﻫﺪﺩﻫﺎ
ﺩﺯﻳﺘﻠﻬﺎ ﺻﻮﺭﻩ ﻭﻫﻲ ﺑﺼﻮﺭﻩ ﻣﺘﻨﻮﺻﻒ
ﺩﺯﺗﻠﻲ ﺷﺘﺮﻳﺪ ﻭﺑﺪﺕ ﺗﻐﻠﻂ ﻭﺗﺘﺠﺎﻭﺯ
ﻃﺒﻌﺎ ﺍﺑﺪ ﻣﻤﺮﻛﺰ ﻉ ﺷﻜﻠﻬﺎ ﻭﻻ ﻉ ﺟﺴﻤﻬﺎ ﻻﻥ ﻣﺘﻬﻤﻨﻲ
ﻏﺎﻳﺘﻲ ﺍﻧﺘﻘﻢ ﻣﻨﻬﻢ ﺑﺲ
ﻣﻦ ﻏﻠﻄﺖ ﻛﺘﻠﻬﺎ
ﺍﻛﻠﻲ ﺗﺒﻦ ﻭﺍﻧﺠﺒﻲ
ﺍﺫﺍ ﻓﻜﺮﺗﻲ ﺗﻔﻜﻴﻦ ﺣﻠﻜﺞ ﻻﺣﺪ ﻭﺍﻟﻠﻪ ﺍﻓﻀﺤﻜﻢ ﻓﻀﻴﺤﻪ
ﺍﻧﻲ ﺍﻓﺮﺡ ﻣﻦ ﺗﺴﻮﻟﻔﻴﻦ ﻻﻫﻠﺞ
ﺗﻌﺮﻓﻴﻦ ﻟﻴﺶ
ﺣﺘﻰ ﺗﻨﻔﻀﺤﻮﻥ ﻓﻀﻴﺤﻪ ﻭﻫﺎﻱ ﻏﺎﻳﺘﻲ
ﻫﺎﻱ ﺻﻮﺭﺗﺞ ﺍﻧﺸﺮﻫﺎ ﺑﻜﻞ ﻣﻮﺍﻗﻊ ﺍﻟﺘﻮﺍﺻﻞ
ﺍﻻﻓﻀﻞ ﺍﺳﻜﺘﻲ
ﻭﺍﻟﻠﻪ ﺍﺳﻜﺖ ﺑﺲ ﺍﻣﺴﺤﻬﺎ
ﺍﻧﻲ ﺭﺍﺡ ﺍﺳﻠﻤﻚ ﺑﻴﺪ ﺍﻟﻠﻪ ﻫﻮ ﺍﻟﻲ ﻳﺎﺧﺬ ﺣﻮﺑﺘﻲ ﻣﻨﻚ
ﺩﻛﻠﻲ ﺥ ...... ﻭﺍﻧﺠﺒﻲ ﺍﺣﺴﻨﻠﺞ
ﺑﺪﺍﻋﺖ ﺍﻣﻚ ﻭﻋﻠﻴﻚ ﺍﻟﺰﻫﺮﺍﺀ ﺍﻣﺴﺤﻬﻦ ﻟﻠﺼﻮﺭ
ﻭﺍﻟﻠﻪ ﻣﺮﺍﺡ ﺍﺣﺠﻲ ﺷﻲ
ﺍﻧﻲ ﺍﺧﺎﻑ ﻉ ﺳﻤﻌﺖ ﺍﻫﻠﻲ
ﺣﺒﻴﺖ ﺍﻏﺜﻬﺎ ﺷﻮﻳﻪ
ﻟﺞ ﺷﻨﻮ ﻫﺬﺍ ﺟﺴﻤﺞ ﺍﻟﻴﻠﻌﺐ ﺍﻟﻨﻔﺲ
ﻫﺎﻱ ﺷﺘﺎﻛﻠﻴﻦ ﻳﻮﻣﻴﻪ
ﺳﻮﺩﻩ ﺑﻮﺟﻪ ﺍﻟﻴﺎﺧﺬﺝ ﻭﻳﺘﺰﻭﺟﺞ
ﻭﻟﻮ ﻧﺴﻴﺖ ﻣﻨﻮ ﺑﻌﺪ ﻳﻜﻠﺒﺞ
ﺍﻧﺖ ﻋﺎﺭ ﺍﺗﻤﻨﻰ ﺍﻫﻠﺞ ﻳﻌﺮﻓﻮﻥ ﺣﺘﻰ ﻳﻐﺴﻠﻮﻥ ﻋﺎﺭﻫﻢ
ﺑﺲ ﺍﺧﺎﻑ ﻉ ﻧﻔﺴﻲ
ﻣﺎﺍﻋﺮﻑ ﻟﻴﺶ ﻫﻴﺞ ﺣﺠﻴﺖ ﺑﺲ ﺣﺒﻴﺖ ﺍﺿﻮﺟﻬﺎ
ﺑﻌﺪ ﻣﺠﺎﻭﺑﺖ ﺷﻲ
ﺑﻴﻮﻣﻬﺎ ﻟﻠﺼﺒﺢ ﻣﺎﻛﺪﺭﺕ ﺍﻧﺎﻡ
ﻳﺎﺗﺮﻯ ﺍﻟﻲ ﺳﻮﻳﺘﻪ ﺻﺤﻴﺢ ﻟﻮ ﻏﻠﻂ
ﺍﺟﺬﺏ ﻋﻠﻴﻜﻢ ﺍﺫﺍ ﺍﻛﻮﻝ ﻣﺎﺗﻨﺪﻣﺖ
ﺑﺎﻟﻌﻜﺲ ﻛﻤﺖ ﺍﻛﻞ ﺑﻨﻔﺴﻲ ﺍﻛﻞ
ﺑﺲ ﺍﻟﺒﻨﻴﻪ ﻣﻮ ﺍﺑﺎﻟﻲ ﻻﺷﻜﻠﻬﺎ ﻭﻻ ﺟﺴﻤﻬﺎ
ﺑﻌﺪﻫﺎ ﺩﺯﻳﻨﻪ ﺧﺒﺮ ﺍﻟﻬﻢ ﻉ ﻣﻮﺩ ﺍﻟﻜﻌﺪﻩ
ﺍﺗﻔﻘﻨﻪ ﻳﻮﻡ ﺍﻟﺠﻤﻌﻪ ﺍﻟﻤﻮﻋﺪ
ﺍﻟﺨﻤﻴﺲ ﺍﺗﺰﻭﺟﺖ ﺷﻬﺪ
ﺑﺲ ﺷﻨﻮ ﻭﻻ ﻛﺎﻧﻮ ﻋﺮﻭﺳﻪ
ﺑﺲ ﺗﺒﺠﻲ ﻭﺣﺎﻗﺪﻩ ﻋﻠﻴﻪ
ﺗﻜﻮﻝ ﻟﻠﻤﻮﺕ ﻣﺎﺍﻃﺐ ﺑﻴﺘﻜﻢ ﻭﻻ ﺍﺣﺠﻲ ﻭﻳﺎﻛﻢ
ﻛﻨﺎﻟﻬﺎ ﻫﻮ ﺍﺣﻨﻪ ﺍﻟﻲ ﺭﺍﺡ ﻧﻨﺴﺎﺝ ﻻﻥ ﻣﻊ ﺍﻻﺳﻒ ﺧﻨﺘﻲ ﺛﻘﺘﻨﻪ ﺑﻴﺞ
ﺍﻛﻮ ﺧﻮﻑ ﺑﺪﺍﺧﻠﻲ
ﺍﺧﺎﻑ ﻣﺘﻘﺮﺑﻠﻬﺎ ﻭﻧﻨﻔﻀﺢ ﻛﺪﺍﻡ ﺍﻟﻨﺎﺱ
ﺍﻣﻲ ﺍﻛﺜﺮ ﻭﺣﺪﻩ ﺗﺒﺠﻲ ﻋﻠﻴﻬﺎ
ﻭﺍﺧﻴﺮﺍ ﺗﺰﻭﺟﺖ ﻭﺍﺟﻮﻱ ﺑﻴﺖ ﻋﻤﻲ ﻭﺍﺧﺬﻭﻫﺎ
ﺑﻘﻴﻨﻪ ﺑﺲ ﺍﻧﻲ ﻭﺍﻣﻲ ﻭﺍﺑﻮﻱ
ﺣﺴﻴﻨﻪ ﺍﻟﺒﻴﺖ ﻓﺎﺭﻍ
ﺍﺗﺬﻛﺮ ﻗﺒﻞ ﺟﻨﻪ ﻣﺪﻟﻠﻴﻬﺎ ﻟﺸﻬﺪ ﻭﺷﺤﺪﻩ ﺍﻟﻴﺤﺎﺟﻴﻬﺎ
ﻫﻲ ﺍﻛﺜﺮ ﻭﺣﺪﻩ ﻣﺪﻟﻠﺔ
ﺩﺍﺋﻤﺎ ﺍﺗﻌﺎﺭﻙ ﻭﻳﺎﻫﺎ ﺑﺎﻟﺸﻘﻰ ﻭﺗﺮﻭﺡ ﻻﺑﻮﻳﻪ ﺗﺸﻜﻴﻠﻪ ﻭﻳﻠﻌﺐ ﺑﻴﻪ ﻃﻮﺑﻪ
ﺣﺴﻴﺖ ﺍﻟﺒﻴﺖ ﻭﺣﺸﻪ ﺣﻴﻞ
ﻧﻤﺖ ﻭﺛﺎﻧﻲ ﺍﻟﻴﻮﻡ ﻣﻄﻠﻌﺖ ﻻﻥ ﺍﻟﻜﻌﺪﻩ ﻣﻮﻋﺪﻫﺎ ﺏ 4
ﺍﺟﻮﻱ ﺍﻗﺮﺑﺎﺋﻨﺎ ﻭﺍﻟﺸﻴﺦ ﻭﺍﺗﻔﻘﻨﻪ ﻧﻄﻠﺐ ﺗﻌﻮﻳﺾ ﻟﻠﻤﺤﻞ 200 ﻣﻠﻴﻮﻥ ﻭﻟﻠﻀﺮﺑﻪ 50 ﻣﻠﻴﻮﻥ
ﺍﻟﻜﻞ ﻋﺎﺭﺽ ﻛﺎﻟﻮﺍ ﻫﻮﺍﻱ ﻣﻴﺼﻴﺮ ﻫﻴﺞ ﻭﻫﺎﻱ ﻣﺒﺎﻟﻐﻪ ﺣﻴﻞ
ﻣﻴﺪﺭﻭﻥ ﺍﻧﻲ ﺳﺒﺒﻲ ﺍﺫﻟﻬﻢ ﻭﺍﺣﻄﻤﻬﻢ ﺣﻄﺎﻡ
ﺍﺭﻳﺪ ﺍﻋﻠﻤﻪ ﺷﻠﻮﻥ ﻫﻴﺞ ﻳﺴﻮﻱ ﺑﺎﺧﺘﻲ
ﻭﺷﻠﻮﻥ ﻳﺠﻴﻨﻲ ﻟﻠﻤﺤﻞ ﻭﻳﻔﻠﺸﻪ ﺗﻔﻠﻴﺶ ﻫﻮﺍﻱ ﺧﺴﺮﻧﻪ
ﻣﺤﻠﻲ ﺣﻴﻞ ﺟﺒﻴﺮ ﺍﻧﻮﺍﻉ ﺍﻻﺟﻬﺰﻩ ﺑﻲ ﻭﺍﻧﻮﺍﻉ ﺍﻟﻼﺑﺘﻮﺏ ﻭﺍﻻﻳﺒﺎﺩ
ﻏﻴﺮ ﺍﻟﺠﺎﻡ ﺍﻟﻤﻌﺮﺽ ﺍﻟﻲ ﺩﺍﻳﺮ ﻣﺪﺍﻳﺮ ﺍﻟﻤﺤﻞ ﻋﺎﺭﺿﻴﻦ ﺑﻲ
ﻏﻴﺮ ﺍﻟﺮﻓﻮﻑ
ﻳﻌﻨﻲ ﺣﻴﻞ ﺩﻣﺮ ﺍﻟﻤﺤﻞ
ﻛﺘﻠﻬﻢ ﺍﻧﻲ ﺗﻌﻮﻳﺾ ﻏﻴﺮ ﺍﻝ 200 ﻣﺎﺍﻗﺒﻞ
ﻣﺎﺍﺗﻨﺎﺯﻝ ﻭﻻ ﻉ ﻓﻠﺲ ﻏﻴﺮ ﻫﺬﺍ ﺍﻟﺸﻲ ﻣﺎﺍﺗﻨﺎﺯﻝ
ﺍﻟﻀﺮﺑﻪ ﺍﻧﺘﻮﺍ ﻣﻦ ﻳﻤﻜﻢ ﺣﻠﻮﻫﺎ
ﻛﺎﻡ ﻳﺤﺠﻮﻥ ﻣﻴﺼﻴﺮ ﻫﻴﺞ
ﻭﺍﻟﻠﻪ ﻭﺍﻟﺮﺳﻮﻝ ﻣﻴﻘﺒﻠﻮﻥ ﺑﺎﻟﺨﺴﺎﺭﻩ
ﻳﻜﻮﻟﻮﻥ ﻟﻌﻨﺔ ﺍﻟﻠﻪ ﻉ ﺍﻟﺨﺎﺳﺮ ﻭﺍﻟﻤﺨﺴﺮ
ﻳﻌﻨﻲ ﻣﻴﺠﻮﺯ
ﻣﺤﻠﻲ ﺫﺍﺏ ﻋﻠﻴﻪ ﺩﻡ ﻛﻠﺒﻲ ﻭﻛﻮﻩ ﻛﺪﺭﺕ ﺍﻭﺻﻠﻪ ﻟﻬﻴﺞ ﺷﻲ
ﺍﻻﺟﻬﺰﻩ ﻛﻠﻬﺎ ﻏﺎﻟﻴﻪ ﻭﺍﻟﻠﻪ
ﻋﻨﺪﻱ ﺍﺟﻬﺰﻩ ﻳﻌﺒﺮ ﺳﻌﺮﻫﺎ ﺍﻟﻤﻠﻴﻮﻥ ﻭﻧﺺ
ﺍﺫﺍ ﺍﺣﺴﺐ ﺍﺩﻕ ﺍﻟﺘﻔﺎﺻﻴﻞ ﻳﻄﻠﻊ ﻓﻮﻙ ﺍﻝ 200
ﻭﻫﻮ ﻓﻌﻼ ﺻﺤﻴﺢ ﺍﻧﻲ ﻣﺎﺟﺬﺑﺖ
ﻛﺎﻟﻮﺍ ﺧﻞ ﻳﺠﻮﻥ ﻭﻧﺸﻮﻑ
ﺍﺟﻮﻱ ﻭﺻﺒﻴﻨﻪ ﺍﻟﺠﺎﻱ ﻭﻗﺪﻣﻨﺎ
ﻃﺒﻌﺎ ﻣﺤﺪ ﺷﺮﺏ
ﻟﻤﻦ ﺣﺠﻴﻨﻪ ﻭﻃﻠﺒﻨﻪ 200 ﺗﻌﻮﻳﺾ ﺍﻟﻤﺤﻞ ﻭ 50 ﻉ ﺍﻟﻀﺮﺑﻪ
ﻛﺎﻟﻮ ﺣﺘﻰ ﺍﻧﺰﻝ ﺍﻟﻬﻢ ﺷﻮﻳﻪ ﺷﻮﻳﻪ
ﺣﺠﺎﻳﻪ ﻣﻨﺎ ﻭﺣﺠﺎﻳﻪ ﻣﻨﺎ ﻭﻉ ﺣﺴﺎﺏ ﻓﻼﻥ ﻭﻉ ﺣﺴﺎﺏ ﺍﻟﺴﻴﺪ
ﺍﺧﺮ ﺷﻲ ﻗﻔﻠﻨﻪ ﻉ 100 ﻻﻥ ﻧﺎﺱ ﻫﻮﺍﻱ ﺍﺩﺧﻠﺖ ﻭﻛﺎﻟﻮﺍ ﺍﻟﻠﻪ ﻳﻌﻮﺿﻚ ﻋﻦ ﺧﺴﺎﺭﺗﻚ
ﺍﻧﻲ ﻣﺤﺠﻴﺖ
ﺭﺍﺩﻭﺍ ﻳﻨﺰﻟﻮﻥ ﺑﻌﺪ ﻗﻔﻠﻨﻪ
ﻛﻨﺎﻟﻬﻢ ﻣﻦ ﺗﺠﻴﺒﻮﻫﻦ ﻳﻠﻪ ﺍﺗﻨﺎﺯﻝ
ﻛﺎﻟﻮﺍ ﺑﺲ ﻧﺮﻳﺪ ﺗﻌﻬﺪ ﺑﺎﻟﻤﺤﻜﻤﻪ ﺍﺑﺪ ﻣﺘﺘﻌﻮﺽ ﺍﻟﻪ
ﺍﺑﻮﻳﻪ ﻫﻢ ﻛﺎﻟﻠﻬﻢ ﺣﺘﻰ ﻫﻮ ﻳﺘﻌﻬﺪ
ﺍﺗﻔﻘﻮﺍ ﺍﻟﺸﻴﻮﺥ ﺍﻱ ﺍﺣﺪ ﻳﺨﻠﻒ ﺍﻟﻌﻬﺪ ﻳﺘﺤﺸﻢ ﻭﻳﺪﻓﻊ ﻓﺼﻞ 100
ﺑﻌﺪ ﺍﻻﺗﻔﺎﻕ ﻃﻠﻌﻮﺍ
ﺛﺎﻧﻲ ﻳﻮﻡ ﺍﻟﺴﺒﺖ ﺑﺎﻟﻠﻴﻞ ﺍﺟﻮﻱ ﺳﻠﻤﻮﺍ ﺍﻟﻔﻠﻮﺱ ﻭﻳﺎﻫﻢ ﺷﻬﻮﺩ ﺍﺧﺎﻑ ﻧﻘﻠﺐ ﻋﻮﺩ
ﻳﻮﻡ ﺍﻻﺣﺪ ﺭﺣﺖ ﻭﺍﺗﻨﺎﺯﻟﺖ
ﺳﻮﻳﻨﻪ ﺍﻟﺘﻌﻬﺪ ﻭﻓﻀﺖ ﺍﻟﻤﺴﺎﻟﻪ ﻧﻬﺎﺋﻴﺎ
ﺍﻧﻲ ﺑﺪﻳﺖ ﺍﺟﻬﺰ ﻣﺤﻠﻲ ﻣﻦ ﺟﺪﻳﺪ
ﻃﻠﺒﻮﺍ ﻣﻨﻲ ﺍﻫﻠﻲ ﺍﺗﺰﻭﺝ ﻻﻥ ﺍﻣﻲ ﻣﺘﻜﺪﺭ ﻭﺣﺪﻫﺎ
ﻛﻠﺖ ﻻﺑﻮﻱ ﻣﺎﺑﻌﺪ ﺷﻲ ﻭﺗﺨﻠﺺ
ﻛﺎﻝ ﻻ ﺍﺗﻔﻘﺖ ﻭﻱ ﻋﻤﻚ ﺗﺘﺰﻭﺟﻮﻥ ﻗﺒﻞ ﺍﻻﻣﺘﺤﺎﻧﺎﺕ
ﻻ ﻳﺎﺑﻪ ﺧﻠﻲ ﺍﻟﺒﻨﻴﻪ ﺗﻜﻤﻞ ﺍﺣﺴﻦ ﻣﻀﻞ ﺷﻲ ﺧﻼﻝ ﺷﻬﺮ ﺗﻜﻤﻞ
ﺧﻠﺼﺖ ﺍﻟﺴﺒﻌﻪ ﻣﺎﻟﺖ ﺷﻬﺪ
ﻋﺰﻣﻬﻢ ﺍﺑﻮﻳﻪ
ﺭﻓﻀﺖ ﺷﻬﺪ ﺗﺠﻲ ﻭﺍﻣﻲ ﻣﺘﺨﺒﻠﻪ
ﺭﺍﺣﻮﺍ ﺍﻟﻬﻢ ﻟﻠﺒﻴﺖ ﻫﻲ ﻭﺍﺑﻮﻱ
ﻣﻤﺴﻠﻤﻪ ﻉ ﺍﺑﻮﻱ ﺯﻋﻼﻧﻪ
ﺭﺟﻌﻮﺍ ﻭﺟﺎﻥ ﺍﺑﻮﻳﻪ ﺣﻴﻞ ﺿﺎﻳﺞ
ﻛﺎﻝ ﻭﺍﻟﻠﻪ ﻟﻮ ﻣﺎﻋﻴﺐ ﻣﻨﻬﻢ ﺟﺎﻥ ﺳﺤﻠﺘﻬﺎ ﺳﺤﻞ ﻣﻦ ﺷﻌﺮﻫﺎ ﻭﺍﻋﺮﻑ ﺷﺎﺗﺼﺮﻑ ﻭﻳﺎﻫﺎ
ﺍﻣﻲ ﻛﺎﻟﺖ ﻋﻮﻓﻮﻫﺎ ﻣﻜﻔﺎﻛﻢ ﺟﺒﺮﺗﻮﻫﺎ ﻟﻠﺒﻨﻴﻪ
ﻭﺍﻟﻠﻪ ﺍﻟﻴﺤﺠﻲ ﺑﻌﺪ ﻭﻳﺎﻫﺎ ﻟﻮ ﻳﺎﺫﻳﻬﺎ ﺍﻟﻌﺐ ﻟﻌﺐ ﺑﻴﻜﻢ
ﺍﺷﻮ ﺗﺰﻭﺟﺖ ﻭﺍﻧﺘﻬﻰ ﻛﻠﺸﻲ
ﺍﻧﻲ ﺗﻘﺮﻳﺒﺎ ﺍﻟﺒﻨﻴﻪ ﻣﺎﺍﻓﻜﺮ ﺑﻴﻬﺎ
ﺑﺲ ﺻﻮﺭﻫﺎ ﻣﺴﺤﺘﻬﻦ ﻛﻠﻬﻦ ﻛﻠﺖ ﻣﺮﺍﺡ ﺍﺧﻠﻲ ﺷﻲ ﻳﺬﻛﺮﻧﻲ ﺑﻴﻬﻢ
ﻛﻠﺖ ﺑﻌﺪ ﻣﺎﻋﻠﻴﻪ ﺑﻴﻬﻢ ﺍﺑﺪ ﻭﺭﺍﺡ ﺍﻧﺴﺎﻫﻢ
ﻣﺸﺖ ﺍﻻﻳﺎﻡ ﻭﺧﻠﺼﺖ ﻣﺮﻳﻢ ﺍﻻﻣﺘﺤﺎﻧﺎﺕ ﻭﺑﺪﻳﻨﻪ ﻧﺠﻬﺰ ﻟﻠﺰﻭﺍﺝ
ﺍﻧﻲ ﻏﺮﻓﺘﻲ ﺟﺎﻫﺰﻩ ﺑﺲ ﺍﺟﺘﻲ ﺍﻳﺎﺕ ﻭﺭﺗﺒﺘﻬﺎ ﻓﺮﺷﺖ ﺍﻟﻔﺮﺷﻪ ﻭﺭﺗﺒﺘﻬﺎ ﻛﻠﻬﺎ
ﺻﺎﺭ ﻳﻮﻡ ﺍﻟﺤﻨﻪ ﻭﺍﺑﻴﺘﻬﻢ
ﺭﺣﺖ ﺍﻧﻲ ﺣﻨﻴﺘﻬﺎ ﻭﻃﻠﻌﺖ
ﺟﻨﺖ ﺣﻴﻞ ﻓﺮﺣﺎﻥ
ﺑﺎﻟﻠﻴﻞ ﺳﻮﻳﺖ ﺣﻔﻠﺘﻲ ﺑﺎﻟﻘﺎﻋﻪ
ﻃﺒﻌﺎ ﺷﻬﺪ ﻟﺤﺪ ﺍﻻﻥ ﻣﺎﺍﺟﺖ ﺍﺑﺪ ﺣﺘﻰ ﺑﺎﻟﺤﻨﻪ ﻣﺘﻈﺎﻫﺮﻩ ﺑﺎﻟﻤﺮﺽ ﻭﻣﺤﺎﺿﺮﻩ ﺍﺑﺪ
ﺯﻭﺟﻬﺎ ﺑﺴﻮﺭﻳﺎ ﺣﺎﻟﻴﺎ
ﺛﺎﻧﻲ ﻳﻮﻡ ﻛﻌﺪﺕ ﻣﻦ ﺍﻟﺼﺒﺢ ﺍﻟﺒﻴﺖ ﻣﺨﺒﻮﺹ ﻭﻧﺎﺱ ﻫﻮﺍﻳﻪ
ﺑﻴﺖ ﺧﻮﺍﻟﻲ ﻭﺧﺎﻻﺗﻲ ﻭﻋﻤﺎﺗﻲ ﻭﻫﻮﺍﻱ ﻧﺎﺱ
ﺍﻟﻬﻼﻫﻞ ﻭﺍﻟﺪﻳﺠﻲ ﻣﻔﺘﻮﺡ
ﺳﺎﻟﺖ ﺍﻣﻲ ﻉ ﺷﻬﺪ
ﻛﺎﻟﺖ ﻣﺘﻘﺒﻞ ﺗﺠﻲ ﺍﺑﺪ
ﺍﺗﺮﻛﻮﻫﺎ ﻟﺤﺪ ﻳﺠﻴﺐ ﻃﺎﺭﻳﻬﺎ ﺧﻄﻴﻪ
ﻳﻮﻡ ﻣﻴﺼﻴﺮﺗﺸﺠﻌﻴﻬﺎ ﻋﻴﺐ ﻛﺪﺍﻡ ﺍﻟﻨﺎﺱ
ﻭﻫﺴﻪ ﺑﻴﺖ ﻋﻤﻲ ﺷﻴﻜﻮﻟﻮﻥ ﻫﺴﻪ ﻳﺸﻜﻮﻥ ﺍﻛﻮ ﺷﻲ
ﻟﺘﺨﺎﻑ ﻛﺎﻳﻠﺘﻠﻬﻢ ﻻﻥ ﺑﻄﻠﻮﻧﻲ
ﻭﺧﻄﻴﻪ ﺭﺟﻠﻬﺎ ﻛﺎﻳﻠﻠﻬﺎ ﺍﻟﺴﻨﻪ ﺍﻟﺘﺠﻲ ﺍﺧﻠﻴﺞ ﺗﺮﺟﻌﻴﻦ ﻟﻠﻤﺪﺭﺳﻪ
ﺣﺘﻰ ﻭﺍﻟﻠﻪ ﺍﺳﻮﻳﻬﺎ ﻛﺮﺑﻼﺀ ﺍﺫﺍ ﺩﺍﻭﻣﺖ
ﻫﻲ ﻭﺭﺟﻠﻬﺎ ﺍﻧﺖ ﺷﻌﻠﻴﻚ ﺑﻌﺪ
ﻣﻮ ﺑﻜﻴﻔﻬﻢ ﻣﺎﻛﻮ ﺩﻭﺍﻡ
ﻫﺴﻪ ﺩﺧﻠﻴﻨﻪ ﻋﺪﻟﻴﻦ ﻟﻠﺴﻨﻪ ﺍﻟﺘﺠﻲ ﻭﻋﻮﺩ ﺍﻟﻠﻪ ﻛﺮﻳﻢ
ﺍﻧﻲ ﺍﻟﺼﺮﺍﺣﻪ ﺣﻴﻞ ﺿﺎﻳﺞ ﻋﻠﻴﻬﺎ
ﻣﻬﻤﺎ ﺗﻜﻮﻥ ﺗﺒﻘﻰ ﺍﺧﺘﻲ ﺑﺲ ﺍﺧﺎﻑ ﻻ ﻳﺄﺫﻭﻫﺎ ﻋﻤﺎﺭ ﻭﺍﺧﺘﻪ
ﻭﻣﺪﺍﻡ ﺍﺗﺰﻭﺟﺖ ﻭﻣﺎﻛﻮ ﺷﻲ ﻣﻌﻨﺎﻫﺎ ﻣﻤﺘﻘﺮﺏ ﻋﻠﻴﻬﺎ ﻣﺜﻞ ﻣﺠﻨﺖ ﻣﺘﻮﻗﻊ ﻭﺧﺎﻳﻒ
ﺍﺑﻮﻱ ﺗﻌﺎﺭﻙ ﻭﻱ ﺍﻣﻲ ﻛﻠﻠﻬﺎ ﺍﻧﻔﻀﺤﻨﻪ ﺧﺎﺑﺮﻳﻬﺎ ﺧﻞ ﺗﺠﻲ
ﻣﻘﺒﻠﺖ ﻛﺎﻟﺖ ﻋﻮﻓﻮﻫﺎ ﻣﺎﺗﻘﺒﻞ ﺗﺠﻲ ﻟﻮ ﺷﻴﺼﻴﺮ
ﻟﻠﻌﺼﺮ ﺻﺎﺭﺕ ﺍﻟﺰﻓﻪ ﻭﺭﺣﺖ ﺟﺒﺖ ﺯﻭﺟﺘﻲ
ﻃﺒﻌﺎ ﺍﻟﻌﺮﺱ ﺑﺎﻟﺒﻴﺖ ﻻ ﻓﻨﺪﻕ ﻭﻻ ﻃﻠﻌﻪ ﺧﺎﺭﺝ ﺍﻟﻌﺮﺍﻕ
ﺑﺎﻟﻠﻴﻞ ﻗﻀﻴﺖ ﻟﻴﻠﺔ ﺍﻟﻌﻤﺮ ﻭﻱ ﺍﻻﻧﺴﺎﻧﻪ ﺍﻟﻲ ﺟﻨﺖ ﺍﺗﻤﻨﺎﻫﺎ ﻃﻮﻝ ﻋﻤﺮﻱ
ﺛﺎﻧﻲ ﻳﻮﻡ ﺑﺪﺕ ﺍﻟﻨﺎﺱ ﺗﺠﻲ ﻭﺗﺴﻠﻢ
ﻟﻠﻴﻞ ﻧﻤﻨﻪ ﺳﻮﻳﻪ ﺑﻌﺪﻫﺎ ﺭﺣﺖ ﺳﺒﺤﺖ
ﻛﻤﻠﺖ ﺳﺒﺢ ﻭﺑﻌﺪﻫﺎ ﺩﺧﻠﺖ ﻣﺮﻳﻢ
ﻓﺠﺄﻩ ﺩﻙ ﺟﻬﺎﺯﻱ
ﺍﺑﺎﻭﻉ ﺍﻟﺮﻗﻢ ﺍﺧﺮ ﺷﺨﺺ ﺟﻨﺖ ﻣﺘﻮﻗﻊ ﻳﺘﺼﻞ ﺑﻴﻪ
ﺭﻭﺍﻥ : ﻛﺮﻫﺖ ﺍﻟﺪﻧﻴﻪ ﻭﻣﺎﺑﻴﻬﺎ
ﻛﺮﻫﺖ ﺍﻻﻛﻞ ﻭﻗﻄﻌﺘﻪ ﺗﻘﺮﻳﺒﺎ
ﺍﻣﻲ ﺍﺩﻫﻮﺭﺕ ﺣﺎﻟﺘﻬﺎ ﺧﻄﻴﻪ
ﻋﻤﺎﺭ ﻣﺘﺨﺒﻞ ﺑﺎﻟﺴﺠﻦ
ﺍﻟﻤﺸﻜﻠﻪ ﻣﺎﻳﺪﺭﻱ ﺑﺸﻬﺪ ﺍﻟﺤﻘﻴﺮﻩ ﺷﺴﻮﺕ ﺑﻴﻪ
ﺍﻛﺒﺮ ﺧﺎﻳﻨﻪ ﻫﻲ
ﻣﺎﺍﻋﺮﻑ ﺷﻠﻮﻥ ﻛﺪﺭﺕ ﺗﺨﻮﻥ ﺍﻟﺰﺍﺩ ﻭﺍﻟﻤﻠﺢ
ﻫﻲ ﺗﻌﺮﻑ ﻛﻠﺶ ﺯﻳﻦ ﺷﻠﻮﻥ ﺟﻨﻪ ﻧﺘﻌﺎﻣﻞ ﻭﻳﺎﻫﺎ ﺍﻧﻲ ﻭﻋﻤﺎﺭ
ﺍﻟﻤﺸﻜﻠﻪ ﻣﺎﺍﻛﺪﺭ ﺍﻓﻀﺢ ﻧﻔﺴﻲ ﻭﺍﺣﺠﻲ
ﻫﻢ ﺍﻧﻜﺘﻞ ﻭﺍﻧﻲ ﻣﻤﺴﻮﻳﻪ ﺷﻲ
ﻭﻫﻢ ﺍﻫﻠﻲ ﻳﻨﻔﻀﺤﻮﻥ ﺧﻄﻴﻪ
ﻭﻫﻢ ﻋﻤﺎﺭ ﻳﺠﻮﺯ ﻳﻜﺘﻠﻪ ﻻﺧﻮﻫﺎ
ﻳﻌﻨﻲ ﺑﻴﻦ ﻗﻮﺳﻴﻦ ﻋﺎﺋﻠﺘﻴﻦ ﺗﺪﻣﺮ ﺩﻣﺎﺭ
ﺍﻧﻘﻄﻌﺖ ﻋﻼﻗﺘﻨﻪ ﺑﻴﻬﻢ
ﻗﺮﺭﻭﺍ ﺍﻟﻜﻌﺪﻩ ﻭﺭﺍﺣﻮﺍ ﺍﻟﻬﻢ
ﺑﺲ ﺍﻧﺼﺪﻣﻨﻪ ﻣﻦ ﻛﺎﻟﻮﺍ ﺍﺗﻔﻘﻨﻪ ﻉ 100 ﻣﻠﻴﻮﻥ
ﻣﺎﻧﻤﻠﻚ ﻫﺬﺍ ﺍﻟﻤﺒﻠﻎ ﺍﺑﺪ
ﻻﻥ ﻫﺬﺍ ﺑﻴﺘﻨﻪ ﻫﺴﺘﻮﻧﻪ ﻣﺸﺘﺮﻳﻨﻪ ﺑﺎﺭﻗﻰ ﻣﻨﻄﻘﻪ ﻭﻉ ﺷﺎﺭﻉ ﻋﺎﻡ ﻭﺟﺎﻧﺖ ﻣﺴﺎﺣﺘﻪ 800 ﻡ
ﺟﺎﻥ ﺣﻴﻞ ﻏﺎﻟﻲ ﺫﺑﻴﻨﻪ ﺍﻟﻌﺪﻧﻪ ﻭﺍﻟﻤﺎﻋﺪﻧﻪ ﻋﻠﻲ
ﻭﻣﺤﻞ ﻋﻤﺎﺭ ﻫﻢ ﻫﻮﺍﻱ ﺧﺴﺮﻧﺎ ﻋﻠﻴﻪ
ﺑﺎﺑﺎ ﻋﻨﺪﻩ ﺳﻴﺎﺭﻩ ﻋﺎﻟﻴﻪ
ﻭﻋﻤﺎﺭ ﺳﻴﺎﺭﻩ ﺯﻏﻴﺮﻩ
ﻣﺎﻣﺎ ﻛﺎﻣﺖ ﺍﺩﻙ ﻉ ﺭﺍﺳﻬﺎ
ﻣﻨﻴﻦ ﻧﺠﻴﺐ ﻭﺷﻠﻮﻥ
ﻛﻠﻠﻬﺎ ﺑﺎﺑﺎ ﻣﻮ ﻣﺸﻜﻠﻪ ﺍﺑﻴﻊ ﻧﺺ ﺍﻟﺒﻴﺖ
ﻋﺎﺭﺿﻨﻪ ﺍﻟﻔﻜﺮﻩ ﻻﻥ ﺍﺫﺍ ﺍﻧﻘﺴﻢ ﺍﻟﺒﻴﺖ ﺭﺍﺡ ﻳﺼﻴﺮ ﺑﻴﺘﻨﻪ ﻭﺭﻩ ﻳﻌﻨﻲ ﻣﻤﺮ ﻳﻠﻪ ﺍﻟﺒﻴﺖ ﻭﺍﻟﻤﻘﺪﻣﻪ ﻻﺯﻡ ﺗﻨﺒﺎﻉ ﻳﻌﻨﻲ ﺍﻟﺒﻴﺖ ﺭﺍﺡ ﻳﺨﺘﻨﻚ
ﻛﺎﻝ ﺑﺎﺑﺎ ﻟﻌﺪ ﺍﺑﻴﻊ ﺳﻴﺎﺭﺗﻲ ﻭﺳﻴﺎﺭﺕ ﻋﻤﺎﺭ
ﻭﻧﺒﻴﻊ ﺍﻟﻤﺤﻞ ﻣﺎﻟﺘﻪ
ﻛﺎﻟﺖ ﻣﺎﻣﺎ ﺍﻟﻤﺤﻞ ﺧﻄﻴﻪ ﻣﺘﻌﻮﺩ ﻋﻠﻲ ﻭﺗﻌﺐ ﻫﻮﺍﻱ ﻋﻠﻲ
ﻫﻨﺎ ﺑﺎﺑﺎ ﻓﻘﺪ ﺍﻋﺼﺎﺑﻪ ﻭﻛﺎﻡ ﻳﺴﺐ ﻭﻳﻐﻠﻂ ﻭﻳﺼﻴﺢ ﻟﻌﺪ ﻣﻨﻮ ﻛﻠﻪ ﻳﺴﻮﻱ ﻫﻴﺞ
ﻳﻌﻨﻲ ﻣﻦ ﻛﺴﺮ ﻣﺤﻞ ﺍﻟﻮﻟﺪ ﻣﺤﺴﺐ ﺣﺴﺎﺏ ﻟﻬﺎﻱ ﻣﻔﻜﺮ ﺑﻴﻨﻪ ﻉ ﻣﻮﺩ ﺑﻨﻴﻪ ﻫﻴﺞ ﻳﺴﻮﻱ ﺗﺤﺠﻴﻦ ﺻﺪﻛﺎﻧﺖ
ﻛﺎﻣﺖ ﺗﺒﺠﻲ
ﻛﻠﺘﻠﻪ ﺍﻧﻲ ﺍﻧﻄﻴﻚ ﺍﻟﺬﻫﺐ ﺑﻴﻌﻪ
ﻟﺞ ﺑﺎﺑﺎ 100 ﻣﻠﻴﻮﻥ ﺗﻌﺮﻓﻴﻦ ﺷﻨﻮ ﻳﻌﻨﻲ ﻟﻮ ﻻ
ﻛﻠﺘﻠﻪ ﺍﺧﻮﺗﻚ ﻣﺤﺪ ﻳﺴﺎﻋﺪﻙ
ﻟﺞ ﻳﺎﻣﺮﻩ ﺣﺘﻰ ﺍﻟﻲ ﻳﺮﻳﺪ ﻳﺴﺎﻋﺪ ﻣﻮ ﺍﻛﺜﺮ ﻣﻦ 5 ﻳﻌﻨﻲ ﻧﻔﺸﻞ ﺍﺭﻭﺍﺣﻨﻪ ﻫﻴﺞ
ﺍﻓﻀﻞ ﺣﻞ ﻧﺒﻴﻊ ﺍﻟﺴﻴﺎﺭﺍﺕ ﻭﺍﻟﻤﺤﻞ
ﺑﺲ ﺍﻟﻤﺸﻜﻠﻪ ﻣﻴﻨﺒﺎﻋﻦ ﺑﺴﺮﻋﻪ ﺍﻟﻪ ﺑﺨﺴﺎﺭﻩ
ﺳﻴﺎﺭﺗﻪ ﻧﺰﻟﻬﺎ ﻟﻠﻤﻌﺎﺭﺽ ﺧﺴﺮ ﺑﻴﻬﺎ ﺑﺲ ﻳﻜﻮﻝ ﻣﻴﺨﺎﻟﻒ
ﻭﺩﺍﻳﻦ ﻣﻦ ﺷﻜﻢ ﻭﺍﺣﺪ ﻣﻦ ﺟﻤﺎﻋﺘﻪ
ﻋﻤﺎﻣﻲ ﺟﺎﺑﻮ 10 ﻣﻨﻬﻢ
ﺧﻮﺍﻟﻲ ﻫﻢ ﺍﻧﻄﻮﺍ 10
ﻛﻤﻠﻮﺍ ﺍﻟﻤﺒﻠﻎ ﺑﺲ ﻛﻠﻪ ﺩﻳﻦ
ﺛﺎﻧﻲ ﻳﻮﻡ ﺳﻠﻤﻮﺍ ﺍﻟﻔﻠﻮﺱ
ﻳﻮﻡ ﺍﻻﺣﺪ ﺗﻨﺎﺯﻝ ﻋﻨﻪ
ﺑﻌﺪ ﺍﻟﻜﻔﺎﻟﻪ ﻭﺍﻻﺟﺮﺍﺀﺍﺕ ﻃﻠﻊ ﻭﺍﺧﻴﺮﺍ
ﺧﻄﻴﻪ ﺣﻴﻞ ﻣﺘﻐﻴﺮ ﻭﻟﺤﻴﺘﻬﺎ ﺷﻄﻮﻟﻬﺎ
ﻛﺎﻝ ﺑﺎﺑﺎ ﻟﺤﺪ ﻳﺤﺠﻲ ﻭﻳﺎ ﺷﻲ ﺧﻞ ﻳﺮﺗﺎﺡ
ﻓﻌﻼ ﺳﺒﺢ ﻭﺭﺍﺡ ﻛﺒﻞ ﻟﻠﺤﻼﻕ
ﺑﻌﺪﻫﺎ ﺭﺟﻊ
ﺻﺒﻴﺘﻠﻪ ﻏﺪﻩ ﺍﻛﻞ ﻭﺧﻠﺺ
ﺍﻭﻝ ﺳﺆﺍﻝ ﺳﺎﻟﻨﻲ
ﺍﺗﺰﻭﺟﺖ ﻣﻮ
ﺩﻣﻮﻋﻲ ﺟﺮﺕ
ﻛﺘﻠﻪ ﺍﻱ
ﺑﺲ ﺍﺗﻔﺎﺟﺄﺕ ﺑﻬﺪﻭﺋﻪ
ﺍﺗﻮﻗﻌﺖ ﻳﻌﺼﺐ ﻳﻜﺴﺮ
ﻛﻠﺖ ﺑﻜﻠﺒﻲ ﻭﺍﻟﻠﻪ ﻣﺎﺗﺴﺘﺎﻫﻠﻚ ﺧﻞ ﺗﻮﻟﻲ ﺣﻘﻴﺮﻩ
ﺑﺎﺑﺎ ﺧﺒﺮﻩ ﻉ ﺍﻟﺴﻴﺎﺭﻩ ﻭﺍﻟﻤﺤﻞ
ﺍﺑﺪ ﻣﻌﺎﺭﺽ ﺧﻄﻴﻪ
ﺑﺎﻉ ﺍﻟﻤﺤﻞ ﻫﻮ ﻭﺍﻟﻤﻼﺑﺲ
ﻛﺎﻝ ﻣﺎﻛﻮ ﺩﺍﻋﻲ ﺍﺑﻴﻊ ﺳﻴﺎﺭﺗﻲ
ﻛﻤﻠﻨﻪ ﺍﻟﻤﺒﻠﻎ ﻭﺭﺟﻌﻨﻪ ﺍﻟﺪﻳﻦ
ﺍﻧﻄﺎﻫﺎ ﻟﺒﺎﺑﺎ ﺍﻟﺴﻴﺎﺭﻩ
ﻛﺎﻝ ﺍﻧﻲ ﻣﺎﺍﺣﺘﺎﺟﻬﺎ
ﻟﻤﻦ ﺗﺮﺟﻊ ﻣﻦ ﺍﻟﺪﻭﺍﻡ ﺍﺷﺘﻐﻞ ﺑﻴﻬﺎ ﺗﻜﺴﻲ
ﻛﻤﻨﻪ ﻧﺒﺠﻲ ﺍﻧﻲ ﻭﻣﺎﻣﺎ
ﺑﻌﺪ ﺍﻟﻌﺰ ﻭﺍﻟﺪﻻﻝ ﻳﺸﺘﻐﻞ ﺗﻜﺴﻲ
ﻛﺎﻡ ﻳﺤﺠﻲ ﺑﺎﺑﺎ
ﺍﻟﺸﻐﻠﻪ ﺍﻟﺸﺮﻳﻔﻪ ﻣﻮ ﻋﻴﺐ ﻭﻻ ﺣﺮﺍﻡ
ﺧﻄﻴﻪ ﺑﺪﻩ ﻳﺸﺘﻐﻞ ﻭﺭﻩ ﺩﻭﺍﻡ ﺑﺎﺑﺎ
ﻳﺤﺼﻞ ﻣﺼﺮﻓﻪ ﻭﺟﻜﺎﻳﺮﻩ
ﻣﺠﺎﻥ ﻳﺸﺮﺏ ﺟﻜﺎﻳﺮ ﺍﺑﺪ
ﺑﺲ ﻳﻜﻮﻝ ﺑﺎﻟﺴﺠﻦ ﺍﻧﺠﺒﺮﺕ ﻭﺍﺗﻌﻮﺩﺕ ﻋﻠﻴﻬﺎ
ﺍﻧﻲ ﺗﻔﻜﻴﺮﻱ ﻛﻠﻪ ﺑﺬﻳﺞ ﺍﻟﺴﺎﻟﻔﻪ
ﺍﻧﺎﻡ ﻭﺍﻛﻌﺪ ﺍﺩﻋﻲ ﻋﻠﻴﻬﻢ ﺍﺛﻨﻴﻨﻬﻢ
ﺍﻟﻠﻪ ﻟﻴﻮﻓﻘﻬﻢ
ﺧﻄﻴﻪ ﻋﻤﺎﺭ ﺣﺎﻟﺘﻪ ﻣﺘﻨﻮﺻﻒ
ﺿﺎﻳﺞ ﺣﻴﻞ ﻭﺭﻭﺣﻪ ﻃﺎﻟﻌﻪ
ﺑﺪﻩ ﻳﻄﻠﻊ ﺑﺎﻟﺴﻴﺎﺭﻩ ﻳﺸﺘﻐﻞ ﻣﻦ ﺍﻟﻌﺼﺮ ﻟﻞ 1 ﺑﺎﻟﻠﻴﻞ ﻳﻠﻪ ﻳﺮﺟﻊ
ﺍﺳﻮﻳﻠﻪ ﻋﺸﻪ ﻭﻳﻨﺎﻡ ﻳﺒﻘﻰ ﻟﺜﺎﻧﻲ ﻳﻮﻡ ﻧﺎﻳﻢ ﺏ 3 ﻳﻜﻌﺪ
ﻛﺎﻋﺪ ﻳﻀﻐﻂ ﻉ ﻧﻔﺴﻪ ﺑﺎﻟﺸﻐﻞ ﻳﺮﻳﺪ ﻳﻠﻢ ﺷﻜﻢ ﻓﻠﺲ
ﻳﻮﻡ ﺍﻟﺠﻤﻌﻪ ﻭﺍﻟﺴﺒﺖ ﻳﻄﻠﻊ ﻣﻦ ﺍﻟﺼﺒﺢ ﻳﺮﺟﻊ ﻳﺘﻐﺪﻩ ﻭﻳﻨﺎﻡ ﺷﻮﻳﻪ ﻭﻳﺮﺟﻊ
ﺍﻧﻲ ﺧﺎﻳﻔﻪ ﺩﺍﺋﻤﺎ ﺍﺧﺎﻑ ﺍﻫﻠﻲ ﻳﺪﺭﻭﻥ ﺑﻴﻪ
ﺭﺩﺕ ﺍﺻﺎﺭﺡ ﻣﺎﻣﺎ ﺑﺲ ﺧﻔﺖ ﻋﻠﻴﻬﺎ
ﺍﺧﺎﻑ ﻣﺘﺘﺤﻤﻞ ﺍﻟﺼﺪﻣﻪ
ﻟﻮ ﺗﺮﻭﺡ ﻟﺒﺎﺑﺎ ﻭﻋﻤﺎﺭ ﻭﺗﻜﺒﺮ ﺍﻟﺴﺎﻟﻔﻪ
ﺍﻧﻲ ﻗﺮﺭﺕ ﺍﺑﻄﻞ ﺍﺑﺪ ﻣﺎﺍﺩﺍﻭﻡ ﺑﻌﺪ
ﺍﺧﺎﻑ ﻻ ﻳﺘﻌﺮﺿﻠﻲ ﺍﺧﻮ ﺷﻬﺪ
ﺑﺎﺑﺎ ﺭﺍﺡ ﺟﺎﺏ ﻧﺘﻴﺠﺘﻲ ﻭﺟﻨﺖ ﻧﺎﺟﺤﻪ ﺍﻟﺤﻤﺪ ﻟﻠﻪ
ﺑﺎﺑﺎ ﻛﺎﻝ ﺧﻞ ﺍﺩﺧﻠﺞ ﺩﻭﺭﺍﺕ ﺗﻘﻮﻳﻪ ﻣﻦ ﻫﺴﻪ
ﺍﻧﻲ ﺭﻓﻀﺖ ﻃﻠﻌﺖ ﺣﺠﺘﻲ ﻣﺎﻋﺪﻧﻪ
ﻛﻠﺖ ﻟﺒﺎﺑﺎ ﻭﻣﺎﻣﺎ ﻣﺎﺍﺩﺍﻭﻡ ﺍﻟﺴﻨﻪ
ﻣﺎﻗﺒﻠﻮﺍ ﻭﻣﺎﻣﺎ ﺭﻓﻀﺖ
ﻛﺘﻠﻬﻢ ﻣﺎﺍﺩﺍﻭﻡ ﻟﻮ ﺷﻴﺼﻴﺮ
ﺣﺎﻟﺘﻲ ﺍﻟﻨﻔﺴﻴﻪ ﺯﻓﺖ
ﻭﻣﺎﺍﻟﻲ ﻭﺍﻫﺲ
ﺧﻞ ﺍﻗﺮﻩ ﻭﻋﻮﺩ ﻟﻠﺴﻨﻪ ﺍﻟﺘﺠﻲ ﺍﺭﺟﻊ
ﺍﺟﻪ ﺧﺎﻟﻮ ﻭﺑﻴﺒﻲ ﻭﺟﺪﻭﺍ ﺍﻫﻞ ﻣﺎﻣﺎ
ﺣﺎﻭﻟﻮ ﻳﻘﻨﻌﻮﻧﻲ ﻣﺎﻗﺒﻠﺖ ﺍﺑﺪ
ﻣﻠﻮﺍ ﻣﻨﻲ ﻭﺗﺮﻛﻮﻧﻲ
ﺑﻴﺒﻲ ﻭﺟﺪﻭﺍ ﻛﺎﻋﺪﻳﻦ ﻭﻱ ﺧﺎﻟﻮ ﺍﻟﺠﺒﻴﺮ
ﻋﻨﺪﻩ ﻭﻟﺪ ﻳﺪﺭﺱ ﺑﺎﻟﺨﺎﺭﺝ ﻭﻋﻨﺪﻩ ﺑﻨﺎﺕ 2 ﻭﺣﺪﻩ ﺑﻌﻤﺮﻱ ﺍﺳﻤﻬﺎ ﺩﻳﻤﺎ ﻭﺣﺪﻫﺎﻛﺒﺮ ﺍﺳﻤﻬﺎ ﻻﺭﺍ ﻣﺘﺰﻭﺟﻪ
ﺑﻴﻦ ﻓﺘﺮﻩ ﻭﻓﺘﺮﻩ ﺟﻨﺖ ﺍﺭﻭﺡ ﺍﺑﻘﻰ ﻳﻤﻬﻢ ﺍﺳﺒﻮﻉ ﻭﺧﺎﺻﻪ ﺑﺎﻟﻌﻄﻠﻪ
ﻫﺎﻟﻤﺮﻩ ﺭﻓﻀﺖ ﺍﺭﻭﺡ
ﻛﻤﺖ ﺣﻴﻞ ﺍﺧﺎﻑ
ﻛﻤﺖ ﺍﺗﻬﻴﺊ ﺍﻟﻜﻲ ﺑﻜﻞ ﻣﻜﺎﻥ
ﺷﻜﺪ ﺟﺎﻧﻦ ﺑﻨﺎﺕ ﺧﺎﻟﺘﻲ ﻳﺘﻮﺳﻠﻦ ﺑﻴﻪ ﺍﺳﻮﻱ ﺭﺟﻴﻢ
ﺣﺘﻰ ﺍﺿﻌﻒ ﻻﻥ ﺟﺴﻤﻲ ﻣﻮ ﺣﻠﻮ
ﺑﺲ ﺍﻧﻲ ﺍﺭﻓﺾ
ﻻﻥ ﺣﺒﻲ ﻟﻠﺤﻠﻮﻳﺎﺕ ﺧﻮﺭﺍﻓﻲ
ﻫﺴﻪ ﺧﻄﻴﻪ ﻋﻤﺎﺭ ﻳﺠﻴﺒﻠﻲ ﻳﻮﻣﻴﻪ ﻋﻼﻛﻪ
ﺍﻧﻲ ﻛﺮﻫﺖ ﺍﻻﻛﻞ ﻭﺍﻟﺤﻠﻮﻳﺎﺕ
ﻳﻤﻜﻦ ﺑﺲ ﻭﺟﺒﻪ ﻭﺣﺪﻩ ﺍﻛﻞ
ﺍﺣﺲ ﺑﻮﺯﻧﻲ ﻧﺰﻝ
ﺑﺲ ﻣﻴﻬﻤﻨﻲ ﺍﻟﻨﺰﻝ ﻭﺍﻟﻤﺎﻧﺰﻝ
ﻛﻞ ﻣﺎﺍﻫﻠﻲ ﻳﺮﺩﻭﻥ ﻳﻄﻠﻌﻮﻥ ﻟﺒﻴﺖ ﺟﺪﻭ ﺍﻭ ﺑﻴﺖ ﻋﻤﻮ
ﺍﻧﻲ ﺍﺭﻓﺾ ﻫﻮﺍﻱ ﺍﺳﺘﻐﺮﺑﻮﺍ
ﻋﺒﺎﻟﻬﻢ ﻉ ﻣﻮﺩ ﺷﻬﺪ
ﻭﺍﻧﻲ ﻫﻢ ﺑﻴﻨﺖ ﻟﻠﻜﻞ ﻻﻥ ﺻﺪﻳﻘﺘﻲ ﻭﻣﻤﻔﺎﺭﻛﺘﻬﺎ
ﻭﺧﻄﻴﻪ ﻋﻤﺎﺭ ﺍﺷﻮﻓﻪ ﺍﻧﺴﺎﻥ ﺛﺎﻧﻲ ﺻﺎﺭ ﺧﺴﺮ ﻛﻠﺸﻲ ﺑﻠﻤﺢ ﺍﻟﺒﺼﺮ ﺧﺴﺮ ﺣﺒﻴﺒﺘﻪ ﻭﺧﺴﺮ ﻣﺤﻠﻪ
ﻣﺎﻣﺎ ﻛﺎﻋﺪ ﺗﻤﻮﺕ ﻣﻦ ﻭﺭﺍﻩ
ﺧﻄﻴﻪ ﻛﺎﻡ ﻳﻠﻢ ﺍﻟﻔﻠﻮﺱ ﻣﻴﺼﺮﻑ ﺍﺑﺪ
ﺣﺘﻰ ﺍﻟﺤﻠﻮﻳﺎﺕ ﻛﺘﻠﻪ ﻟﺘﺠﻴﺐ ﻣﺎﺍﺭﻳﺪ ﺑﻌﺪ
ﺣﺎﺑﻪ ﺍﺳﻮﻱ ﺭﺟﻴﻢ
ﻭﻫﻮ ﻳﻀﺤﻚ ﻋﻠﻴﻪ
ﻟﺞ ﻳﺎﺭﺟﻴﻢ ﻳﻨﺮﺍﺩﻟﺞ ﺳﻨﻪ ﺭﺟﻴﻢ ﺯﻳﻦ ﺍﺫﺍ ﻧﺰﻝ ﻭﺯﻧﺞ
ﻳﻤﺘﻪ ﺍﻧﻲ ﺳﻤﻴﻨﻪ ﺍﺷﻮ ﺟﺴﻤﻲ ﻳﺨﺒﻞ
ﻭﻟﻲ ﻭﻟﺞ ﺟﻨﺞ ﺛﻮﺭ ﺍﺳﺘﺮﺍﻟﻲ
ﺍﻧﻲ ﺍﺗﺨﺒﻠﺖ ﻣﻦ ﻛﻠﻲ ﻫﻴﺞ
ﺧﺒﻴﺚ ﻭﺍﻟﻠﻪ ﺟﺴﻤﻲ ﺣﻠﻮ
ﻟﺞ ﻳﺎﺣﻠﻮ
ﺍﻧﻲ ﺷﺎﻳﻞ ﻫﻢ ﺍﺫﺍ ﺍﻧﺨﻄﺒﺘﻲ
ﺑﺲ ﻳﺸﻮﻓﺞ ﻳﺸﺮﺩ ﺍﻟﻠﻪ ﻭﻛﻴﻠﺞ
ﻣﻦ ﻛﺎﻝ ﻫﻴﺞ ﻭﺍﻧﻲ ﺍﻧﻔﺠﺮﺕ ﺑﺎﻟﺒﻮﺍﺟﻲ
ﺍﺑﺠﻲ ﻉ ﺣﻀﻲ ﻭﺍﻛﻮﻝ ﻫﻮ ﻣﻨﻮ ﺑﻌﺪ ﻳﻔﻜﺮ ﻳﺨﻄﺒﻨﻲ
ﺍﻭ ﺑﺎﻻﺣﺮﻯ ﺍﻧﻲ ﺍﻟﻲ ﻣﺴﺘﺤﻴﻞ ﺍﻭﺍﻓﻖ
ﻫﻮ ﺍﺗﺨﺒﻞ
ﻟﺞ ﺍﺷﺎﻗﻪ ﻭﻳﺎﺝ ﻭﺍﻟﻠﻪ
ﺍﻧﻌﻞ ﺍﻣﻪ ﻓﻮﻙ ﺍﺑﻮ ﺍﺫﺍ ﻋﺎﻓﺞ
ﺍﻟﻌﺐ ﺑﻲ ﻃﻮﺑﻪ
ﻣﺎﻳﺪﺭﻱ ﺳﺒﺐ ﺑﻮﺍﺟﻴﻲ ﺍﻟﺤﻘﻴﻘﻴﻪ
ﺍﺟﺘﻲ ﻣﺎﻣﺎ ﻫﺎﻱ ﺷﺒﻴﻜﻢ ﺻﻮﺗﻜﻢ ﻭﻳﻦ ﻭﺍﺻﻞ
ﻫﺎﻱ ﺗﺒﺠﻲ ﻻﻥ ﺍﻗﻠﺪ ﻉ ﺟﺴﻤﻬﺎ
ﺩﻋﻮﻑ ﺍﺧﺘﻚ ﺑﺤﺎﻟﻬﺎ ﺍﺻﻼ ﺍﻟﻨﺎﺱ ﺍﺩﻭﺭ ﺳﻤﻦ
ﺷﻨﻮ ﺍﻟﻀﻌﻴﻔﻪ ﻋﺒﺎﻟﻚ ﺑﻴﻬﺎ ﺧﻴﺮ
ﺍﺗﺬﻛﺮﺕ ﻣﻦ ﻗﻠﺪ ﻉ ﺟﺴﻤﻲ ﺫﺍﻙ ﺍﻟﻤﺨﺒﻞ
ﺍﻟﻐﺴﻞ ﺍﻟﻪ
ﺍﻟﻪ ﺍﺿﻌﻒ ﻭﺍﻏﻴﺮ ﺟﺴﻤﻲ ﻛﻠﻪ
ﺧﻠﻴﺖ ﻫﺪﻑ ﺍﺑﺎﻟﻲ
ﺻﺎﺭ ﺍﻛﺜﺮ ﻣﻦ ﺷﻬﺮ ﻉ ﺍﻟﺤﺎﺩﺙ
ﻧﺴﻴﺖ ﻣﻮﻋﺪ ﺍﻟﺸﻬﺮﻳﻪ ﻭﻻ ﻉ ﺑﺎﻟﻲ
ﺑﺲ ﻛﻌﺪﺕ ﻣﻦ ﺍﻟﺼﺒﺢ ﻭﺍﻧﻀﻒ ﺍﻟﺒﻴﺖ ﻭﻱ ﻣﺎﻣﺎ
ﻟﺤﻀﺎﺕ ﻭﺍﻧﻐﻤﻪ ﻋﻠﻴﻪ
ﻛﻌﺪﺕ ﻟﻜﻴﺖ ﻳﺮﺷﻮﻥ ﻋﻠﻴﻪ ﻣﻲ
ﻣﺎﻣﺎ ﻭﺑﺎﺑﺎ ﺻﺎﺩﻑ ﻳﻮﻡ ﺟﻤﻌﻪ
ﻛﻌﺪﺕ ﻭﻛﺒﻞ ﻟﻠﺤﻤﺎﻡ ﺫﺑﻴﺖ ﻣﻦ ﺭﺍﺳﻲ
ﺑﺎﺑﺎ ﻭﻣﺎﻣﺎ ﻛﺎﻣﻮﺍ ﻳﺤﺠﻮﻥ ﻋﻠﻴﻪ ﻛﺎﻟﻮ ﻻﻥ ﻣﺘﺎﻛﻠﻴﻦ ﺍﻛﻴﺪ ﺿﻐﻄﺞ ﻫﺒﻂ
ﺻﻌﺪﺕ ﺍﺭﺗﺎﺡ ﻭﺍﺗﺬﻛﺮﺕ ﻣﻮﻋﺪ ﺷﻬﺮﻳﺘﻲ ﻓﺎﻳﺘﺘﻠﻲ
ﺑﺲ ﻻ ﺣﺎﻣﻞ ﻣﻌﻘﻮﻟﻪ
ﻻ ﻣﻤﻌﻘﻮﻟﻪ
ﺍﻛﺘﻞ ﻧﻔﺴﻲ ﻭﺍﻟﻠﻪ ﻭﻻ ﺍﻣﺮ ﺑﻬﻴﺞ ﻣﻮﻗﻒ
ﻃﻠﺒﺖ ﻣﻦ ﺑﺎﺑﺎ ﻳﺎﺧﺬﻧﻲ ﻟﻠﺼﻴﺪﻟﻴﻪ ﺍﻟﻈﻬﺮ ﻣﻦ ﻳﺠﻲ ﻋﻤﺎﺭ
ﺍﺗﺤﺠﺠﺖ ﺑﻌﻼﺝ ﺣﺒﻴﺖ ﺍﺟﻴﺐ ﺍﺧﺘﺒﺎﺭ ﺣﻤﻞ
ﻓﻌﻼ ﺍﺗﻐﺪﻭﺍ ﻭﺍﻧﻲ ﻛﺎﺭﻫﺎ ﺍﻻﻛﻞ
ﺍﺧﺬﻧﻲ ﺑﺎﺑﺎ
ﺭﺍﺩ ﻳﻨﺰﻝ ﻣﻘﺒﻠﺖ
ﻛﺘﻠﻪ ﺩﻭﺭ ﻟﻠﺠﻬﻪ ﺍﻟﺜﺎﻧﻴﻪ ﻉ ﻣﺎﺍﺟﻴﺐ
ﻭﻓﻌﻼ ﺟﺒﺖ ﺑﻨﺪﻭﻝ ﻭﻛﺒﺴﻮﻝ ﺍﻟﺘﻬﺎﺏ ﻻ ﻉ ﺍﻟﺘﻌﻴﻦ
ﻭﺟﺒﺖ ﺍﻟﺸﺮﻳﻂ ﺿﻤﻴﺘﻪ ﻭﺭﺟﻌﻨﻪ ﻟﻠﺒﻴﺖ
ﺩﺧﻠﺖ ﻛﺒﻞ ﻭﺻﻌﺪﺕ ﻟﻠﻐﺮﻓﻪ ﻭﻗﻔﻠﺖ ﺍﻟﺒﺎﺏ ﻋﻠﻴﻪ
ﺍﺟﺮﻳﺖ ﺍﻻﺧﺘﺒﺎﺭ ﻭﺟﺎﻧﺖ ﺻﺪﻣﺔ ﻋﻤﺮﻱ ﻃﻠﻊ ﺧﻄﻴﻦ ﻭﺍﺿﺢ
ﻳﻌﻨﻲ ﺣﺎﻣﻞ
ﺣﺎﻣﻞ ﺑﺎﺑﻦ ﺣﺮﺍﻡ
ﻳﺎﺭﺑﻲ ﻣﺎﺍﻋﺮﻑ ﺷﺎﺳﻮﻱ
ﺍﺧﺎﻑ ﺍﻫﻠﻲ ﻳﺸﻜﻮﻥ ﺑﻴﻪ
ﻭﺍﻟﻠﻪ ﺍﻫﻠﻲ ﻳﻤﻮﺗﻮﻥ ﻣﻦ ﻳﻌﺮﻓﻮﻥ ﺍﻟﺼﺎﺭ
ﺣﺮﺕ ﺷﺎﺳﻮﻱ ﻣﺎﺍﺩﺭﻱ
ﺍﻟﻤﺸﻜﻠﻪ ﻣﺎﺍﻋﺮﻑ ﺷﻠﻮﻥ ﺍﺗﺼﺮﻑ
ﻳﺎﺭﺑﻲ ﺳﺎﻋﺪﻧﻲ ﻣﺎﻋﻨﺪﻱ ﻏﻴﺮﻙ ﻳﺎﺭﺑﻲ
ﺭﺍﺳﻲ ﺍﻓﺘﺮ
ﻛﻤﺖ ﺍﺑﺠﻲ ﻣﺎﺍﻋﺮﻑ ﺷﺎﺗﺼﺮﻑ
ﺍﺧﺎﻑ ﻣﺎﻣﺎ ﺗﺸﻚ ﺑﻴﻪ
ﻟﻠﻴﻞ ﻗﺮﺭﺕ ﺍﺩﻙ ﻋﻠﻴﻪ ﺍﻟﻨﺬﻝ ﺧﻞ ﺍﺷﻮﻑ ﺷﻴﻜﺪﺭ ﻳﺴﺎﻋﺪﻧﻲ
ﺑﻠﻜﻲ ﻳﺸﻮﻓﻠﻲ ﺣﻞ
ﻻﻥ ﺍﻧﻲ ﻋﺎﺟﺰﻩ ﻋﻦ ﻛﻠﺸﻲ
ﺩﻛﻴﺖ ﻉ ﺭﻗﻤﻪ ﻭﺍﺩﻳﻪ ﺗﺮﺟﻒ
ﻭﻛﻠﺒﻲ ﺍﺣﺴﻪ ﺩﻛﺎﺗﻪ ﺍﻟﻒ ﺑﺎﻟﺪﻗﻴﻘﻪ
ﺣﻴﻞ ﺧﺎﻳﻔﻪ ﻭﻣﺎﺍﻋﺮﻑ ﺷﺎﻛﻮﻝ
ﻛﻞ ﺍﻟﻲ ﺍﻋﺮﻓﻪ ﻣﺎﺍﺭﻳﺪ ﺍﻫﻠﻲ ﻳﺪﺭﻭﻥ ﺑﻴﻪ
ﻭﺍﻟﻄﻔﻞ ﻻﺯﻡ ﺍﺷﻮﻓﻠﻪ ﺣﻞ
ﺩﻛﺎﺕ ﻛﻠﺒﻲ ﺍﺳﻤﻌﻬﻦ ﻭﺍﺿﺢ
ﺩﻙ ﻟﺤﺪ ﻣﺎﺍﻧﺘﻬﺖ ﺍﻟﻤﻜﺎﻟﻤﻪ ﻭﻫﻮ ﻣﺮﻓﻊ ﺧﻂ
ﺩﻛﻴﺖ ﻣﺮﻩ ﻟﺦ ﻫﻢ ﻣﺎﻛﻮ ﺟﻮﺍﺏ
ﻛﻤﺖ ﺍﺑﺠﻲ ﺷﺎﺳﻮﻱ ﻣﺎﺍﻋﺮﻑ
ﺷﻮﻳﻪ ﻭﺟﺎﻥ ﻳﺪﻙ ﻧﻔﺲ ﺍﻟﺮﻗﻢ
ﺷﻮﻳﻪ ﻭﺭﻓﻌﺖ ﺧﻂ
ﻭﺟﺎﻥ ﻳﻜﻮﻟﻲ .....
يتبع
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
️❣️❣ #ﺍﻟﺒﺎﺭﺕ ️❣️❣3
️❣️❣ #ﺍﻟﻨﺪﻡ_ﻣﺎﺑﻌﺪ_ﺍﻟﺨﻄﻴﺌﻪ ️❣️❣
️❣️❣ #ﻟﻠﻜﺎﺗﺒﻪ ﺭﻭﻧﻖ ️❣️❣
ﺟﺎﻥ ﻳﻜﻮﻝ ﺍﻟﻮﻭﻭﻭ
ﺍﻧﻲ ﻧﻌﻘﺪ ﻟﺴﺎﻧﻲ ﻣﺎﺍﻋﺮﻑ ﺷﺎﻛﻮﻝ
ﺟﺎﻥ ﻳﻜﻮﻝ ﺍﻥ ﺷﺎﺀ ﺍﻟﻠﻪ ﺣﻨﻴﺘﻲ ﺍﻟﻲ ﻭﺣﺎﺑﻪ ﺍﻋﻴﺪ ﺍﻟﻤﻮﻗﻒ
ﻣﻦ ﻫﺴﻪ ﺍﻛﻠﺞ ﻣﺎﺍﻛﻠﺒﺞ ﻟﻮ ﺗﻤﻮﺗﻴﻦ
ﺩﻣﻮﻋﻲ ﺗﺠﺮﻱ ﺑﺲ ﻣﺎﺗﺠﺮﺃﺕ ﺍﻧﻄﻖ ﺑﺤﺮﻑ
ﻟﺞ ﺳﺎﻗﻄﻪ ﺗﺤﺠﻴﻦ ﻟﻮ ﺍﻃﺒﻜﻪ ﻣﺎﺍﻟﻲ ﺧﻠﻜﺞ
ﻟﺤﻀﺎﺕ ﻭﺍﻧﻲ ﻗﻄﻌﺘﻪ ﺷﻜﺪ ﻧﺬﻝ ﻭﺣﻘﻴﺮ
ﻣﺎﻛﺪﺭﺕ ﺍﺣﺠﻲ ﻭﻻ ﺣﺮﻑ
ﺩﺯﻟﻲ ﺭﺳﺎﻟﻪ
ﻳﺎﺑﻪ ﺍﻧﺴﻴﻨﻲ ﻟﻮ ﺗﻤﻮﺗﻴﻦ ﻣﺎﺍﻛﻠﺒﺞ ﺑﻌﺪ
ﺍﺣﺘﻘﺮﺝ ﺍﻧﺖ ﻭﺍﺧﻮﺝ
ﺍﻧﻲ ﺩﺯﻳﺘﻠﻪ ﺭﺍﺳﺎ ﺑﺪﻭﻥ ﻣﻘﺪﻣﺎﺕ
ﺍﻧﻲ ﺣﺎﻣﻞ
ﻫﻬﻬﻬﻬﻬﻬﻬﻬﻬﻬﻪ ﺿﺤﻜﺘﻴﻨﻲ ﻋﺒﺎﻟﺞ ﺗﻌﺒﺮ ﻋﻠﻴﻪ ﻛﻼﻭﺍﺗﺞ
ﺑﺎﺑﺎ ﺍﺣﺐ ﺍﻃﻤﻨﺞ ﺍﻧﻲ ﺍﻟﺒﺎﺭﺣﻪ ﺍﺗﺰﻭﺟﺖ
ﻭﺍﺫﺍ ﻣﻤﺼﺪﻛﻪ ﺍﺩﺧﻠﻲ ﻉ ﺍﻟﺼﻔﺤﻪ ﻣﺎﻟﺘﻲ ﻭﺍﺗﺎﻛﺪﻱ
ﺩﺯﻟﻲ ﺍﺳﻢ ﺻﻔﺤﺘﻪ ﺍﻧﻲ ﺗﺨﺒﻠﺖ ﺑﺴﺮﻋﻪ ﺩﺧﻠﺖ ﺍﻟﺼﻔﺤﻪ
ﻭﺟﺎﻧﺖ ﺻﺪﻣﻪ ﺍﻟﻲ ﺻﺪﻙ ﻣﺘﺰﻭﺝ ﺍﻟﺒﺎﺭﺣﻪ
ﻳﻌﻨﻲ ﺑﻬﺎﻟﺴﻬﻮﻟﻪ ﻟﻌﺐ ﻋﻠﻴﻪ ﻭﺭﺍﺡ ﺍﺗﺰﻭﺝ
ﺩﺯﻳﺘﻠﻪ ﻭﺍﻟﻠﻪ ﻭﺍﻟﻘﺮﺍﻥ ﻟﻮ ﺗﺒﻘﻰ ﺑﺲ ﺍﻧﺖ ﺑﺎﻟﺪﻧﻴﻪ ﻣﺎﺍﻓﻜﺮ ﺑﻴﻚ ﻻﻥ ﺍﻧﺖ ﻣﻮ ﺭﺟﺎﻝ
ﺍﻧﺖ ﺫﻛﺮ ﻭﺍﻧﻲ ﻣﺴﺘﺤﻴﻞ ﺍﻓﻜﺮ ﺑﺬﻛﺮ
ﺍﻛﻠﻲ ﺥ ..... ﻭﺍﻧﺠﺒﻲ
ﺳﺎﻗﻄﻪ ﺑﻨﺖ ﺍﻟﺴﺎﻗﻄﻴﻦ
ﺍﺣﺘﺮﻡ ﻧﻔﺴﻚ ﻳﺎﻋﺎﺭ
ﻟﻮ ﺑﻴﻚ ﺧﻴﺮ ﻣﻠﻌﺒﺖ ﻉ ﺍﻋﺮﺍﺽ ﺍﻟﻨﺎﺱ
ﺷﻮﻓﻠﻲ ﺟﺎﺭﻩ ﺷﺎﺳﻮﻱ ﺑﻬﺬﺍ ﺍﻟﻄﻔﻞ
ﻣﻮ ﻣﺸﻜﻠﺘﻲ ﺑﺎﺑﺎ ﺭﻭﺣﻲ ﺷﺘﺮﺩﻳﻦ ﺗﺴﻮﻳﻦ ﺳﻮﻱ ﻣﻮ ﻣﺸﻜﻠﺘﻲ
ﺭﻭﺣﻲ ﺧﺒﺮﻱ ﺍﻫﻠﺞ ﻭﻫﻢ ﻳﺸﻮﻓﻮﻟﺞ ﺣﻞ
ﻟﻚ ﺑﺎﺑﺎ ﺍﻧﻲ ﺑﻨﻴﻪ ﻻ ﺣﻮﻟﻪ ﻭﻻ ﻗﻮﻩ ﺍﻟﻴﻪ ﻣﺎﺍﻋﺮﻑ ﺷﺎﺗﺼﺮﻑ
ﻭﺍﻧﻲ ﺍﺑﻄﻨﻲ ﻃﻔﻞ ﻣﻨﻚ
ﻫﺎﻱ ﻛﻼﻭﺍﺗﺞ ﻣﺘﻤﺸﻴﻬﻦ ﻋﻠﻴﻪ
ﺭﻭﺣﻲ ﺷﻮﻓﻴﻠﺞ ﻭﺍﺣﺪ ﻏﻴﺮﻱ ﻭﺍﺿﺤﻜﻲ ﻋﻠﻴﻪ
ﻭﺣﺘﻰ ﺍﺫﺍ ﺻﺪﻙ ﻫﺬﺍ ﺍﺑﻦ ﺣﺮﺍﻡ
ﻟﻴﻜﻮﻥ ﺍﺑﺎﻟﺞ ﺍﺗﺰﻭﺟﺞ ﻭﺍﺳﺘﺮ ﻋﻠﻴﺞ
ﺭﻭﺣﻲ ﺑﺎﺑﺎ ﺭﻭﺣﻲ ﺍﺿﺤﻜﻲ ﻉ ﻭﺍﺣﺪ ﻏﻴﺮﻱ
ﺍﻧﻲ ﺍﺗﺰﻭﺟﺖ ﻭﺍﻧﺖ ﻣﺎﺿﻲ ﻭﺍﻧﺘﻬﻰ
ﻭﺷﻬﺪ ﺗﺰﻭﺟﺖ ﻭﺍﺧﻮﺝ ﺍﻟﻌﺎﺭﻣﺎﺿﻲ ﻭﺍﻧﺘﻬﻰ
ﻭﻫﺴﻪ ﻭﻟﻲ ﺧﻞ ﺍﻧﺎﻡ ﻧﻌﺴﺎﻥ ﻟﺘﺰﻋﺠﻴﻨﻲ ﺑﻌﺪ
ﺷﻜﺪ ﻧﺬﻝ ﻭﻣﻨﺤﻂ ﻭﺳﺎﻗﻂ
ﺍﻧﺠﺒﻲ ﻭﺍﺳﻜﺘﻲ ﺳﺎﻗﻄﻪ
ﺑﻌﺪ ﻣﺮﺍﺳﻠﺘﻪ
ﻛﻤﺖ ﺍﺑﺠﻲ ﻣﺎﺍﻋﺮﻑ ﺷﺎﺗﺼﺮﻑ
ﺩﺧﻠﺖ ﻉ ﺍﻟﻨﺖ ﺷﻠﻮﻥ ﺍﺳﻘﻄﻪ ﻟﻠﻄﻔﻞ ﻫﻮﺍﻱ ﻃﻠﻌﺖ
ﻃﺮﻕ ﺑﺲ ﺷﻔﺖ ﺍﺳﻬﻞ ﻃﺮﻳﻘﻪ ﺯﻳﺖ ﺍﻟﺨﺮﻭﻉ
ﻻﺯﻡ ﺍﺷﺮﺏ ﺯﻳﺖ ﺍﻟﺨﺮﻭﻉ
ﺛﺎﻧﻲ ﻳﻮﻡ
ﻭﺻﻴﺖ ﺑﺎﺑﺎ ﻭﻛﺘﻠﻪ ﺍﺭﻳﺪﻩ ﻟﺸﻌﺮﻱ
ﺟﺎﺑﻪ ﻭﺷﺮﺑﺖ ﺍﻟﺸﻴﺸﻪ ﻛﻠﻬﺎ ﻉ ﺍﻋﺼﺎﺑﻲ ﻭﺣﻴﻞ ﺍﺗﺎﺫﻳﺖ ﻭﺑﻌﺪﻫﺎ ﺫﺑﻴﺖ ﻣﻦ ﺭﺍﺳﻲ
ﻭﻛﻤﺖ ﺍﺻﻌﺪ ﻭﺍﻧﺰﻝ ﺍﻟﺪﺭﺝ ﻳﻤﻜﻦ 50 ﻣﺮﻩ
ﻛﻤﺖ ﺍﻟﻌﺐ ﺣﺒﻞ ﺑﺤﻴﺚ ﺣﻴﻞ ﺗﻌﺒﺖ
ﺷﻜﻮ ﺯﻭﺍﻟﻲ ﻋﺪﻧﻪ ﻃﻠﻌﺘﻬﻦ ﻭﻏﺴﻠﺘﻬﻦ ﻭﺍﻟﺒﻴﺖ ﻛﻠﻪ ﻧﻀﻔﺘﻪ
ﻫﺬﺍ ﺍﻟﺤﺠﻲ ﺍﺳﺘﻤﺮﻳﺖ ﺍﺳﺒﻮﻉ ﻣﺎﺧﻠﻴﺖ ﺷﻲ
ﺟﺒﺖ ﻗﺮﻓﻪ ( ﺩﺍﺭﺳﻴﻦ )
ﺍﺧﺬﺕ ﺍﺳﺒﺮﻳﻦ ﺍﻛﻮ ﺭﻳﺎﺿﻪ ﺧﺎﺻﻪ ﻟﻠﺠﻬﺎﺽ
ﻭﺍﺳﺘﺨﺪﻣﺖ ﺑﻘﺪﻭﻧﺲ ﻭﺑﺬﻭﺭ ﺍﻟﺴﻤﺴﻢ
ﺍﻭﺻﻲ ﻣﺎﻣﺎ ﺍﻛﻠﻪ ﺍﺭﻳﺪ ﻟﺸﻌﺮﻱ
ﻣﺎﻋﻨﺪﻱ ﻏﻴﺮ ﺣﻞ ﺍﻛﻞ ﻣﺎﻛﻞ ﻧﻬﺎﺋﻲ
ﺣﺴﻴﺖ ﻧﻔﺴﻲ ﺗﻌﺒﺖ ﺣﻴﻞ ﻭﺿﻠﻴﺖ ﺑﺲ ﺍﺩﻋﻲ
ﺍﺧﻠﺺ ﻣﻦ ﻫﻞ ﻭﺭﻃﻪ ﻻﻥ ﺗﻌﺒﺖ ﺣﻴﻞ ﺍﺫﺍ ﺣﺴﻮ
ﺍﻫﻠﻲ ﻳﻤﻮﺗﻮﻥ ﻣﺎﻳﺘﺤﻤﻠﻮﻥ ﺿﻠﻴﺖ ﺍﺩﻋﻲ
ﻉ ﻫﺬﺍ ﺍﻟﻌﺎﺭ ﺍﻟﻠﻪ ﻻﻳﻮﻓﻘﻪ ﺩﻣﺮ
ﺣﻴﺎﺗﻲ ﻭﺭﺍﺡ ﺯﻭﺝ ﻭﻋﺎﻳﺶ ﺣﻴﺎﺗﻪ
ﻳﻮﻡ ﻣﻨﻬﻦ ﻟﻌﺒﺖ ﻫﻮﺍﻱ ﺭﻳﺎﺿﻪ
ﻟﻠﻴﻞ ﺣﺴﻴﺖ ﺣﺮﺍﺭﻩ ﺗﻨﺰﻝ ﻋﻠﻴﻪ
ﺭﻛﻀﺖ ﻟﻠﺤﻤﺎﻡ ﻟﻜﻴﺖ ﺩﻡ ﻭﺍﻛﻊ ﻋﻠﻴﻪ
ﺑﺪﻳﺖ ﺍﻃﻔﺮ ﺍﻛﺜﺮ ﻭﺍﻛﺜﺮ
ﺑﻘﻴﺖ ﻳﻮﻣﻴﻦ ﻉ ﻫﺎﻱ ﺍﻟﺤﺎﻟﻪ
ﻟﻤﻦ ﺣﺴﻴﺖ ﻣﺜﻞ ﺍﻟﺠﺒﺪﻩ ﺩﻡ ﻧﺰﻟﺖ
ﻋﺮﻓﺘﻬﺎ ﻫﺬﺍ ﺍﻟﻄﻔﻞ
ﺑﻘﻴﺖ ﺷﻜﻢ ﻳﻮﻡ ﺍﻧﺰﻑ ﺑﺲ ﻣﻮ ﻫﻮﺍﻱ
ﺍﻟﻲ ﺳﺎﻋﺪﻧﻲ ﺑﻌﺪﻧﻲ ﺍﺑﺪﺍﻳﻪ ﺍﻟﺤﻤﻞ ﺑﺴﺎﻉ ﺣﺴﻴﺖ
ﻉ ﻧﻔﺴﻲ ﻣﻦ ﻏﺎﺑﺘﻠﻲ ﺟﻨﺖ ﺧﺎﻳﻔﻪ ﻭﻣﺮﻛﺰﻩ ﻭﻳﺎﻩ ﻭﺍﺣﺴﺒﻠﻪ
ﻟﺬﺍﻟﻚ ﺑﺴﺎﻉ ﻭﻛﻊ
ﺑﻘﻪ ﻋﻨﺪﻱ ﺷﺮﻳﻂ ﻛﻠﺖ ﺍﺳﺒﻮﻉ ﻭﺍﻋﻴﺪ ﺍﻟﺘﺤﻠﻴﻞ
ﻓﻌﻼ ﻋﺪﺗﻪ ﻭﻃﻠﻊ ﺳﻠﺒﻲ ﻳﻌﻨﻲ ﻣﺎﻛﻮ ﺣﻤﻞ
ﺑﻴﻦ ﺍﻟﻔﺮﺣﺎﻧﻪ ﻭﺑﻴﻦ ﺍﻟﻀﺎﻳﺠﻪ
ﻓﺮﺣﺎﻧﻪ ﻻﻥ ﺧﻠﺼﺖ ﻣﻦ ﻫﻤﻲ
ﻭﺣﺰﻧﺎﻧﻪ ﺍﻛﻮﻝ ﺷﻨﻮ ﺫﻧﺒﻪ ﻫﺬﺍ ﺍﻟﻄﻔﻞ ﻫﻴﺞ ﺍﺟﻪ ﺑﺎﻟﺤﺮﺍﻡ ﻭﻫﻴﺞ ﻗﺘﻠﺘﻪ ﻭﻫﻮ ﻣﺎﺍﻟﻪ ﺫﻧﺐ
ﺩﺯﻳﺘﻠﻪ ﺭﺳﺎﻟﻪ
ﻣﺎﺍﻛﻮﻝ ﻏﻴﺮ ﺍﻟﻠﻪ ﻟﻴﻮﻓﻘﻚ ﺍﻧﺖ ﻭﺷﻬﺪ
ﺍﻟﻠﻪ ﻳﻄﻠﻊ ﺣﻮﺑﺘﻲ ﻭﺣﻮﺑﺔ ﺍﻟﻄﻔﻞ ﺑﻴﻜﻢ ﺍﻥ ﺷﺎﺀ ﺍﻟﻠﻪ
ﺍﻥ ﺷﺎﺀ ﺍﻟﻠﻪ ﺗﺘﻤﻨﻮﻥ ﺍﻟﻄﻔﻞ ﺍﺛﻨﻴﻨﻜﻢ ﻭﺗﺘﺤﺼﺮﻭﻥ ﻋﻠﻴﻪ ﻭﻣﺎﻛﻮ
ﺍﻟﻠﻪ ﻳﺎﺧﺬ ﺣﻮﺑﺘﻲ ﺍﻥ ﺷﺎﺀ ﺍﻟﻠﻪ
ﻣﺎﺍﺭﻳﺪ ﻳﻌﺎﻗﺒﻜﻢ ﺑﺲ ﻳﺤﺮﻣﻜﻢ ﺍﻻﻃﻔﺎﻝ
ﻣﻨﻄﻴﺘﻪ ﻣﺠﺎﻝ ﻳﺠﺎﻭﺑﻨﻲ
ﺍﻧﻄﻴﺘﻪ ﺣﻀﺮ ﻻﻥ ﻣﺎﺍﺗﺤﻤﻞ ﺍﻱ ﻛﻠﻤﻪ ﻣﻦ ﻋﻨﺪﻩ
ﻃﻠﺒﺖ ﻣﻦ ﻋﻤﺎﺭ ﻳﺠﻴﺒﻠﻲ ﺧﻂ ﺟﺪﻳﺪ
ﻣﺎﺍﺭﻳﺪﻩ ﺑﻌﺪ ﻫﺬﺍ ﺍﻟﺨﻂ
ﺑﻘﻪ ﺳﻴﻦ ﻭﺟﻴﻢ ﻭﺟﻴﺒﻪ ﻭﺭﺩﻩ
ﻛﺘﻠﻪ ﺍﻟﺒﻨﺎﺕ ﺍﻟﻮﻳﺎﻳﻪ ﺍﻛﻠﻦ ﻛﻠﺒﻲ ﻭﺿﻮﺟﻨﻲ
ﺍﻧﻲ ﻛﺮﻫﺖ ﺍﻟﻤﺪﺭﺳﻪ ﻛﻠﻬﺎ ﻭﻛﺮﻫﺖ ﻛﻞ ﺻﺪﻳﻘﻪ
ﺭﺍﺡ ﺍﻋﺰﻝ ﻧﻔﺴﻲ ﻋﻦ ﻛﻠﺸﻲ
ﺳﻜﺖ ﻣﺤﺎﺟﺎﻧﻲ
ﻓﻌﻼ ﻗﻔﻠﺘﻪ ﻭﺿﻤﻴﺘﻪ ﺍﻟﺨﻂ
ﺟﺎﺑﻠﻲ ﺧﻂ ﻭﻣﺤﺪ ﻳﻌﺮﻓﻪ
ﺍﻧﻄﻴﺘﻪ ﺑﺲ ﻟﻠﻤﻘﺮﺑﻴﻦ
ﺧﻮﺍﻟﻲ ﻭﺧﺎﻻﺗﻲ ﻭﺑﻨﺎﺕ ﺧﺎﻟﻮ ﻭﺑﻨﺎﺕ ﺧﺎﻟﻪ ﻭﻋﻤﻮ ﻭﻋﻤﻪ
ﻛﺮﻫﺖ ﺍﻟﺤﻴﺎﺓ ﻛﻠﻬﺎ
ﻛﺮﻫﺖ ﺍﻟﻄﻠﻌﻪ
ﻛﺮﻫﺖ ﺍﻻﻛﻞ
ﻛﺮﻫﺖ ﺷﻬﺪ ﻭ
ﻛﺮﻫﺖ ﻛﻞ ﺻﺪﻳﻘﻪ
ﻣﺮﺕ ﺍﻻﻳﺎﻡ ﻭﻗﺮﺑﺖ ﺗﺨﻠﺺ ﺍﻟﻌﻄﻠﻪ
ﺑﺲ ﻣﺎﺍﻛﺪﺭ ﺍﺩﺍﻭﻡ
ﻭﺯﻧﻲ ﻧﺰﻝ ﺣﻴﻞ ﺍﻟﻴﺸﻮﻓﻨﻲ ﻣﻴﻌﺮﻓﻨﻲ
ﻓﺮﺣﺖ ﺑﺠﺴﻤﻲ ﺍﻟﺠﺪﻳﺪ
ﺟﻨﺖ ﺩﺍﺋﻤﺎ ﻣﺘﻀﺎﻳﻘﻪ ﻣﻦ ﻭﺯﻧﻲ ﻭﺍﺗﻤﻨﻰ ﺍﻧﺰﻝ ﺑﺲ ﻣﺎﺍﻛﺪﺭ ﺍﻗﻄﻊ ﺍﻟﺤﻠﻮﻳﺎﺕ
ﻫﺴﻪ ﻛﺮﻫﺖ ﺍﻟﺤﻠﻮﻳﺎﺕ ﺍﻟﺤﻤﺪ ﻟﻠﻪ
ﺗﻐﻴﺮﺕ ﺟﺬﺭﻱ ﻭﺍﻟﻜﻞ ﻳﺴﺎﻟﻨﻲ ﺑﺲ ﺍﻧﻲ ﻛﺘﻠﻬﻢ ﻣﺘﺎﺛﺮﻩ ﺣﻴﻞ ﺑﺼﺪﻳﻘﺘﻲ ﻭﻣﺎﺍﻋﺮﻑ ﺻﺪﻛﻮﻧﻲ ﻟﻮ ﻻ
ﺍﺧﻮﻳﻪ ﻛﺪﺭ ﻳﺠﻤﻊ ﻣﺒﻠﻎ ﺯﻳﻦ
ﺑﺎﺑﺎ ﺍﻗﺘﺮﺡ ﻋﻠﻴﻪ ﻳﻔﺘﺢ ﻣﺤﻞ ﻣﻦ ﺑﻴﺘﻨﻪ ﺍﺣﻨﻪ ﺑﺸﺎﺭﻉ ﻋﺎﻡ ﻭﺑﻤﻨﻄﻘﻪ ﺭﺍﻗﻴﻪ
ﻛﻠﻪ ﻧﺎﺧﺬ ﻗﺮﺽ ﻣﻦ ﺍﻟﺒﻨﻚ ﻭﻧﺴﻮﻱ ﺳﻠﻔﻪ ﺑﺮﺍﺗﺒﻪ
ﻭﻛﻠﻪ ﺧﻞ ﻧﺴﻮﻱ ﺳﻮﺑﺮ ﻣﺎﺭﻛﺖ
ﻋﻤﺎﺭ ﺭﻓﺾ ﻛﺎﻝ ﺍﺭﻳﺪ ﺍﻓﺘﺢ ﻟﻮ ﻛﻮﺯﻣﺘﻚ ﻟﻮ ﻣﻼﺑﺲ ﻧﺴﺎﺋﻴﻪ
ﺫﻧﻲ ﺍﻛﺜﺮ ﺷﻲ ﻣﺮﻏﻮﺑﺎﺕ
ﺷﺠﻌﻮﺍ ﻉ ﻫﺎﻱ ﺍﻟﻔﻜﺮﻩ
ﺍﻟﻔﻠﻮﺱ ﺍﻟﺠﻤﻌﻬﻦ ﺑﻨﻪ ﺑﻲ ﺍﻟﻤﺤﻞ ﻭﺳﻮﺍﻩ ﺟﺒﻴﺮ ﺣﻴﻞ ﻻﻥ ﺣﺪﻳﻘﺘﻨﻪ ﺟﺒﻴﺮﻩ
ﻗﺪﻡ ﻉ ﻗﺮﺽ ﻭﺍﺳﺘﻠﻢ ﺍﻟﻤﺒﻠﻎ
ﻭﺑﺎﺑﺎ ﺳﻮﻩ ﺍﻟﺴﻠﻔﻪ ﻭﺍﺳﺘﻠﻤﻬﺎ ﺍﻭﻝ ﺍﺳﻢ
ﻭﺑﻴﺒﻲ ﺳﺎﻋﺪﺗﻪ
ﻭﺧﺎﻟﻮ ﻫﻤﻴﻦ ﺣﺎﻟﺘﻪ ﺯﻳﻨﻪ ﺍﺗﻘﺮﺽ ﻣﻨﻪ ﻭﻛﺎﻝ ﺍﺭﺟﻌﻬﻦ ﺍﻟﻬﻢ
ﻋﻨﺪﻩ ﻭﻟﺪ ﺻﺪﻳﻘﻪ ﻛﻠﻪ ﺧﻞ ﺍﺩﺧﻞ ﺷﺮﻳﻚ ﻭﻳﺎﻙ ﻭﻳﻤﺘﻪ ﻣﺘﺮﻳﺪ ﺍﻧﻔﻚ ﺍﻟﺸﺮﺍﻛﻪ ﻧﻔﻜﻬﺎ
ﺭﺣﺐ ﺑﺎﻟﻔﻜﺮﻩ ﻭﺑﺎﺑﺎ ﻭﻣﺎﻣﺎ ﺷﺠﻌﻮﺍ
ﺳﺎﻓﺮﻭﺍ ﻟﺘﺮﻛﻴﺎ
ﺟﺎﺑﻮ ﺑﻀﺎﻋﻪ ﻣﻦ ﺍﺭﻗﻰ ﺷﻲ
ﺟﺎﺑﻮ ﺍﺷﻴﺎﺀ ﻏﺮﻳﺒﻪ ﻭﺟﺎﻥ ﺑﺪﺍﻳﺔ ﻣﻮﺳﻢ ﻣﺪﺍﺭﺱ
ﺳﻮﻭﺍ ﺩﻋﺎﻳﻪ ﻟﻠﻤﺤﻞ ﻭﺳﻮﻭﺍ ﺑﻴﺞ ﺧﺎﺹ ﻟﻠﻤﺤﻞ
ﺧﻠﻮﺍ ﺍﻟﻤﺤﻞ ﻗﺴﻤﻴﻦ ﻗﺴﻢ ﻣﻼﺑﺲ ﻭﻗﺴﻢ ﻛﻮﺯﻣﺘﻚ
ﺧﻼﻝ ﺷﻬﺮ ﺍﻧﺒﺎﻋﺖ ﺑﻀﺎﻋﺔ ﺍﻟﻤﺪﺍﺭﺱ ﻛﻠﻬﻦ
ﻭﻫﻮﺍﻱ ﻣﻦ ﺍﻟﻤﻼﺑﺲ ﺍﻟﻌﺎﺩﻳﻪ
ﺣﻴﻞ ﻓﺮﺣﻨﻪ
ﺭﺍﺡ ﻋﻤﺎﺭ ﻣﺮﻩ ﻟﺦ ﻟﺘﺮﻛﻴﺎ ﻭﻫﻢ ﺍﺗﺴﻮﻙ ﻣﻨﺎﻙ
ﺧﻼﻝ 6 ﺍﺷﻬﺮ ﺭﺟﻊ ﻭﻛﻒ ﻉ ﺣﻴﻠﻪ
ﻛﺎﻝ ﺍﻛﺪﺭ ﺍﻓﻚ ﺍﻟﺸﺮﺍﻛﻪ ﺑﺲ ﺧﻠﻲ ﻭﻳﺎﻳﻪ ﺍﺣﺴﻦ ﻣﻨﺎ ﻟﺴﻨﻪ ﻳﻠﻪ
ﺭﺟﻊ ﺑﺲ ﻓﻠﻮﺱ ﺧﺎﻟﻮﺍ
ﺑﺪﻭﺍ ﻳﺠﻴﺒﻮﻥ ﺷﻜﻢ ﺳﻴﺖ ﺟﻨﻂ ﻭﺍﺣﺬﻳﻪ
ﺍﻧﻌﺮﻑ ﺍﻟﺒﻮﺗﻴﻚ ﻉ ﻣﺴﺘﻮﻯ
ﻛﺎﻝ ﺍﻟﺤﻤﺪ ﻟﻠﻪ ﺍﻟﻠﻪ ﻋﻮﺿﻨﻲ ﺍﺣﺴﻦ ﻣﻦ ﺫﺍﻙ ﻣﺤﻠﻲ ﺑﻬﻮﺍﻱ
ﻃﺒﻌﺎ ﻳﻄﻠﻌﻮﻥ ﻭﻳﻤﺸﻮﻥ ﻭﺍﻧﻲ ﺻﺪﻓﻪ ﺍﻃﻠﻊ
ﺍﺧﺎﻑ ﺍﻃﻠﻊ ﻋﻤﺎﺭ ﺗﻘﺮﻳﺒﺎ ﻧﺎﺳﻴﻬﺎ ﻟﺸﻬﺪ ﻻﻥ ﺍﺑﺪ ﻣﻴﺠﻴﺐ ﻃﺎﺭﻳﻬﺎ
ﺻﺮﺕ ﺍﻧﺴﺎﻧﻪ ﺛﺎﻧﻴﻪ ﻛﺮﻫﺖ ﻛﻠﺸﻲ ﻻﻃﻠﻌﻪ
ﻭﻻﺍﻛﻞ ﻭﻻﻧﻮﻡ ﻭﺍﻟﻜﻞ ﻣﻼﺣﻆ ﻫﻞ
ﻭﺷﻜﺪ ﺣﺎﻭﻟﺖ ﻣﻮ ﺑﻴﺪﻱ ﺍﻟﺼﺎﺭ ﺑﻴﻪ ﻣﻮ ﺷﻮﻳﻪ
ﺷﻨﻮ ﺫﻧﺒﻲ ﻭﺷﻨﻮ ﻣﺼﻴﺮﻱ ﺷﻜﻢ ﻣﺮﻩ ﺣﺎﻭﻟﺖ
ﺍﻧﺘﺤﺮ ﻭﻣﺎﻧﺠﺤﺖ ﺗﻌﺒﺖ ﻧﻔﺴﻴﺘﻲ
ﺍﺟﻮ ﻋﻠﻴﻪ ﺟﻴﺮﺍﻧﻪ ﺧﻄﺒﻮﻧﻲ ﺭﻓﻀﺖ
ﻭﻗﺮﺭﺕ ﺍﺷﻴﻞ ﻓﻜﺮﺓ ﺍﻟﺰﻭﺍﺝ ﻣﻦ ﺑﺎﻟﻲ ﺍﻓﻀﻞ ﺍﻟﻤﻮﺕ
ﻭﻻﺍﺯﻭﺝ ﻣﺎﺭﻳﺪ ﺍﺟﻴﺐ ﺍﻟﻌﺎﺭ ﻟﻬﻠﻲ
ﺍﺟﺘﻲ ﺍﻟﻌﻄﻠﻪ ﺍﻟﺜﺎﻧﻴﻪ
ﻳﻌﻨﻲ ﺻﺎﺭ ﺳﻨﻪ ﻉ ﺍﻟﺤﺎﺩﺛﻪ
ﺍﻱ ﺧﺒﺮ ﻣﻨﻌﺮﻑ ﻻ ﻋﻦ ﺷﻬﺪ ﻭﻻ ﻋﻦ ﺍﺧﻮﻫﺎ
ﺍﺑﻦ ﺧﺎﻟﻮ ﺭﺟﻊ ﻣﻦ ﺍﻟﺨﺎﺭﺝ ﻭﺟﺎﻥ ﻣﺘﺨﺮﺝ ﺍﻟﺴﻨﻪ ﺟﺎﻥ ﻳﺪﺭﺱ ﺧﺎﺭﺝ ﺍﻟﻌﺮﺍﻕ ﻃﺐ ﺑﺸﺮﻱ
ﺳﻮﻭﺍ ﻋﺰﻳﻤﻪ ﻉ ﻣﻮﺩﻩ
ﺍﺧﺬﻭﻧﻲ ﻗﺒﻞ ﻳﻮﻡ ﻛﺎﻟﻮﺍ ﺍﺧﺎﻑ ﻳﺤﺘﺎﺟﻮﺝ
ﻃﺒﻌﺎ ﺍﻧﻲ ﻣﻮ ﺯﻳﻨﻪ ﺑﺎﻟﻄﺒﺦ ﻛﻠﺸﻲ ﻣﺎﺍﻋﺮﻑ
ﺑﺲ ﺍﻋﺮﻑ ﺍﺳﻮﻱ ﺑﻴﻀﻪ
ﻭﺍﻛﻠﻲ ﻧﻮﺍﺷﻒ
ﻳﻌﻨﻲ ﺗﻤﻦ ﻭﻣﺮﻙ ﻣﺎﺍﻋﺮﻑ
ﺭﺣﺖ ﻭﺳﻠﻤﺖ ﻋﻠﻴﻪ ﺍﺑﻦ ﺧﺎﻟﻮ
ﺟﺎﻥ ﻣﺘﻔﺎﺟﺊ ﺑﻴﻪ
ﻭﻧﺼﺒﻮﺍ ﻋﻠﻴﻪ ﻫﻮ ﻭﻋﻤﺎﺭ
ﻳﻜﻠﻪ ﻟﻚ ﻫﺎﻱ ﺍﻟﻐﺰﺍﻟﻪ ﻣﻨﻮ ﻣﻌﺮﻓﺘﻬﺎ
ﺯﻳﻦ ﺭﻭﺍﻥ ﺍﻟﻔﻴﻠﻪ ﻭﻳﻦ ﺻﺎﺭﺕ
ﺍﺣﺘﺮﻣﻮﺍ ﻧﻔﺴﻜﻢ ﻭﺍﺳﻜﺘﻮ
ﻟﺘﺸﺒﻬﻮﻧﻲ ﺑﺎﻟﺤﻴﻮﺍﻧﺎﺕ
ﻭﺍﻟﻠﻪ ﻫﺴﻪ ﺍﻛﻮﻡ ﺍﻛﻞ ﻟﺨﺎﻟﻮ ﻋﻠﻴﻜﻢ
ﻟﻚ ﻳﺴﺘﺤﻴﻞ ﻫﺎﻱ ﺭﻭﺍﻥ ﻻﻥ ﻫﺎﻱ ﺣﻠﻮﻩ ﻭﻛﺮﺵ ﻣﺎﻛﻮ ﻣﻮ ﻛﺜﻞ ﺍﺧﺘﻚ ﺟﻨﻬﺎ ﻓﻴﻞ ﺍﺳﺘﺮﺍﻟﻲ
ﻋﻔﺘﻬﻢ ﻭﻛﻤﺖ ﻻﻥ ﺑﻘﻮﺍ ﻳﻘﻠﺪﻭﻥ ﻋﻠﻴﻪ ﻭﺿﻮﺟﻮﻧﻲ
ﺭﺍﺣﻮﺍ ﺍﻫﻠﻲ ﻭﺍﻧﻲ ﺑﻘﻴﺖ
ﺑﻘﻴﻨﻪ ﺑﺎﻟﻠﻴﻞ ﻧﺠﻬﺰ ﺑﺎﻻﺷﻴﺎﺀ
ﻭﻫﻮ ﻣﻘﺎﺑﻴﻠﻨﻪ ﻭﻳﺘﺎﻣﺮ
ﺳﻮﻥ ﻫﻴﺞ ﻭﻫﻴﺞ
ﺟﻬﺰﻧﻪ ﺍﻟﺘﻤﻦ ﻭﻧﻀﻔﻨﻪ ﺍﻟﺒﺎﻣﻴﺎ ﻭﺟﺎﻧﺖ ﻛﻤﻴﻪ ﺟﺒﻴﺮﻩ
ﻝ 3 ﻳﻠﻪ ﺧﻠﺼﻨﻪ
ﺭﺣﻨﻪ ﻧﻤﻨﻪ ﻭﻛﻌﺪﻭﻧﻪ ﻣﻦ ﺍﻝ 7 ﻛﻮﻩ
ﻟﻤﻦ ﻛﺮﺍﺭ ﺫﺏ ﻋﻠﻴﻨﻪ ﻣﻲ ﻳﻠﻪ ﻛﻮﻩ ﻛﻌﺪﻧﻪ
ﻟﻜﻴﻨﺎﻫﻢ ﺫﺍﺑﺤﻴﻦ ﺧﺮﻭﻓﻴﻦ ﻭﻣﺠﻬﺰﻳﻦ
ﻣﺎﻣﺎ ﺟﺎﻳﻪ ﻣﻦ ﻭﻛﺖ ﻭﺣﺘﻰ ﻋﻤﺎﺭ
ﺍﺣﻨﻪ ﺍﻟﺒﻨﺎﺕ ﺑﺲ ﻳﺼﺨﺮﻭﻥ ﺑﻴﻨﻪ
ﺟﻴﺒﻲ ﻫﻴﺞ ﻭﺭﺟﻌﻲ ﻫﻴﺞ
ﻫﻠﻜﻮﻧﻪ ﻭﺍﻟﻠﻪ
ﻛﻤﻠﻨﻪ ﻭﺍﺗﻐﺪﺕ ﺍﻟﻨﺎﺱ ﻭﺍﺗﻔﺮﻗﻮﺍ
ﺑﻘﻴﻨﻪ ﺑﺲ ﺍﺣﻨﻪ ﻭﺧﺎﻻﺗﻲ ﺍﻟﺘﻬﻴﻨﻪ ﺑﺎﻟﻤﻮﺍﻋﻴﻦ ﻭﺍﻟﻬﻮﺳﻪ
ﺍﻟﺒﻴﺖ ﺑﺎﺳﻢ ﺟﺪﻭﺍ ﺍﺑﻮ ﻣﺎﻣﺎ
ﻟﻠﻴﻞ ﺭﺩﺕ ﺍﺭﻭﺡ ﻣﻘﺒﻠﻮ ﻋﻄﻠﻮﻧﻲ
ﻛﺎﻝ ﻛﺮﺍﺭ ﺍﻧﻲ ﺑﺎﺟﺮ ﺍﺭﺟﻌﺞ
ﻛﺎﻝ ﺑﺎﺑﺎ ﺍﺑﻘﻲ
ﻓﺘﺤﻮﺍ ﻣﻮﺿﻮﻉ ﺍﻟﺪﺭﺍﺳﻪ
ﺍﻧﻲ ﻫﻢ ﺭﺍﻓﻀﻪ ﻭﺍﻟﻠﻪ ﺍﺧﺎﻑ ﻣﺎﺍﻛﺪﺭ
ﺑﺲ ﻟﺤﻮﺍ ﺣﻴﻞ ﻋﻠﻴﻪ ﻭﻣﺎﻣﺎ ﺯﻋﻠﺖ ﻋﻠﻴﻪ
ﻛﺘﻠﻬﻢ ﺍﻟﻠﻪ ﻛﺮﻳﻢ ﻟﻠﺴﻨﻪ ﺍﻟﺘﺠﻲ
ﺭﺍﺣﻮﺍ ﺍﻫﻠﻲ
ﺑﻘﻴﻨﻪ ﺍﻧﻲ ﻭﺍﻟﺒﻨﺎﺕ
ﺍﺟﻪ ﻛﺮﺍﺭ ﻳﻤﻨﻪ
ﻛﺎﻝ ﺍﻧﻲ ﺑﻌﺪ ﻣﺎﺍﺗﺤﺎﺟﻪ ﺻﺮﺕ ﺩﻛﺘﻮﺭ ﻣﻮ ﻣﺜﻞ ﺑﺎﻗﻲ ﺍﻟﻨﺎﺱ ﺗﺨﺎﻑ ﻣﻦ ﺍﻟﺴﺎﺩﺱ
ﺩﺭﻭﺡ ﻋﺎﺩ ﺷﻠﻮﻧﻚ ﻫﺴﻪ ﻗﺤﻂ ﻃﺐ
ﺷﺎﻳﻒ ﻧﻔﺴﻚ ﺷﻮﻓﻪ
ﺍﺫﺍ ﺑﻴﺞ ﺧﻴﺮ ﺍﺩﺧﻠﻲ ﺟﺎﻣﻌﻪ ﺣﻲ ﺍﻟﻠﻪ ﻳﻠﻪ ﻋﻮﺩ ﻗﻠﺪﻱ ﻉ ﺍﻟﻄﺐ
ﻭﺍﻟﻠﻪ ﺍﺫﺍ ﺍﺭﻳﺪ ﺍﺩﺧﻞ ﺍﺣﺴﻦ ﺟﺎﻣﻌﻪ
ﺍﻟﻠﻪ ﻭﺍﻳﺪﺝ ﺭﺍﻭﻳﻨﻪ ﻭﻳﻀﺤﻚ ﻋﻠﻴﻪ
ﺑﺲ ﺻﺪﻙ ﺗﻌﺎﻱ ﺳﻮﻟﻔﻴﻠﻲ ﺷﻠﻮﻥ ﺿﻌﻔﺘﻲ
ﻛﻠﺖ ﺑﻜﻠﺒﻲ ﻟﻮ ﺗﺪﺭﻱ ﺍﻟﺴﺒﺐ ﺍﻟﻲ ﺿﻌﻔﻨﻲ ﺟﺎﻥ ﻛﺘﻠﺘﻨﻲ ﻳﻤﻜﻦ ﺑﻴﺪﻙ
ﻛﺘﻠﻪ ﻋﺠﺒﻨﻲ ﺍﻏﻴﺮ ﺷﻜﻠﻲ ﻭﺍﺳﺘﺎﻳﻠﻲ
ﻫﺎﻱ ﻣﻨﻮ ﺍﻟﺘﺤﺠﻲ
ﻟﺞ ﺩﻳﻤﺎ ﻣﺘﺎﻛﺪﻩ ﻫﺎﻱ ﺭﻭﺍﻥ ﺍﻟﺘﺤﺠﻲ ﻟﻮ ﻏﻴﺮﻫﺎ
ﻟﺞ ﻣﻨﻮ ﺍﻟﻲ ﺟﺎﻧﺖ ﺗﻜﻮﻝ ﻣﻮ ﻣﻬﻢ ﺍﻟﺴﺘﺎﻳﻞ ﻭﺍﻟﺸﻜﻞ ﺍﻫﻢ ﺷﻲ ﺑﻄﻨﻲ
ﻭﺍﻟﻠﻪ ﻛﺮﺍﺭ ﺻﺎﻳﺮ ﻣﻠﻴﻖ ﻛﻠﺶ
ﺍﺳﻜﺖ ﺍﺣﺴﻦ
ﻛﺎﻟﺘﻠﻪ ﺩﻳﻤﺎ ﻟﻚ ﻫﺎﻱ ﻭﺣﺪﻩ ﺛﺎﻧﻴﻪ ﻣﻮ ﻧﻔﺴﻬﺎ ﺭﻭﺍﻥ
ﺑﻜﻠﺸﻲ ﺗﻐﻴﺮﺕ
ﻛﺎﻣﺖ ﻣﺘﺤﺐ ﺍﻟﻄﻠﻌﻪ ﻭﻻ ﺗﺤﺐ ﺍﻟﺤﻠﻮﻳﺎﺕ
ﻛﺮﻫﺖ ﺣﺘﻰ ﺍﻟﺪﺭﺍﺳﻪ
ﻟﺞ ﺭﻭﺍﻥ ﺍﺧﺎﻑ ﺍﺣﺪ ﻣﻀﺎﻳﻘﺞ ﻟﻮ ﻣﺴﻤﻌﺞ ﺣﺠﺎﻳﻪ
ﺍﺣﺴﺒﻲ ﺍﻣﻪ ﺩﺍﻋﻴﻪ ﻋﻠﻲ ﺍﻟﻲ ﻳﺘﺠﺮﺍ ﻭﻳﻀﺎﻳﻘﺞ
ﻻ ﻳﻤﻌﻮﺩ ﻭﻳﻦ ﺭﺍﺡ ﺑﺎﻟﻚ ﻟﺒﻌﻴﺪ
ﺑﺲ ﺍﻟﺼﺮﺍﺣﻪ ﺍﺣﺲ ﺑﻨﻔﺴﻲ ﺿﻌﻴﻔﻪ ﺑﺎﻟﺪﺭﺍﺳﻪ
ﻭﺣﻴﻞ ﺿﺠﺖ ﻣﻨﻬﺎ
ﻭﺍﻟﻀﻮﺟﻨﻲ ﺍﻛﺜﺮ ﺻﺪﻳﻘﺘﻲ ﺷﻬﺪ ﺍﺗﺰﻭﺟﺖ
ﻭﺍﺫﺍ ﺍﻧﺖ ﺷﻌﻠﻴﺞ ﺑﻴﻬﺎ
ﻟﺞ ﺑﺎﺑﺎ ﻫﺎﻱ ﺩﺭﺍﺳﺘﺞ ﺍﻫﻢ ﻣﻦ ﻛﻠﺸﻲ
ﺍﻟﺒﻨﻴﻪ ﺳﻼﺣﻬﺎ ﺍﻟﻮﺣﻴﺪ ﺷﻬﺎﺩﺓ ﺍﻟﺘﺨﺮﺝ
ﻟﺘﺼﻴﺮﻳﻦ ﻏﺒﻴﻪ
ﻛﻤﻠﻲ ﺩﺭﺍﺳﻪ ﺍﻟﺴﻨﻪ ﺍﺣﺴﻦ
ﺍﻗﺘﺮﺣﻮﺍ ﻋﻠﻴﻪ ﺍﻧﻘﻞ ﻭﻱ ﺍﻟﺒﻨﺎﺕ ﺑﻤﺪﺭﺳﺘﻬﻦ
ﻛﻠﺖ ﺧﻠﻲ ﺍﻓﻜﺮ ﻭﺍﺷﻮﻑ
ﺛﺎﻧﻲ ﻳﻮﻡ ﺑﺎﻟﻠﻴﻞ ﻛﻠﻲ ﻛﺮﺍﺭ ﻳﻠﻪ ﺧﻞ ﺍﻭﺩﻳﺞ
ﺭﺣﺖ ﻭﻳﺎ
ﺻﺎﺭﺣﻨﻲ ﺑﺎﻟﻄﺮﻳﻖ
ﻛﻠﻲ ﺭﻭﺍﻥ ﺣﺎﺏ ﺍﺗﻘﺪﻣﻠﺞ ﻭﺍﺧﻄﺒﺞ
ﺣﺒﻴﺖ ﺍﺧﺬ ﺭﺍﻳﻴﺞ ﻗﺒﻞ ﻻ ﺍﻛﻞ ﻻﻫﻠﻲ
ﻓﺎﺟﺄﻧﻲ
ﺍﻟﺼﺮﺍﺣﻪ ﺍﻧﻲ ﺣﺎﺳﺒﺘﻪ ﺍﺧﻮﻳﻪ ﻣﻦ ﻳﻮﻣﻪ ﻭﺳﺎﻋﺘﻪ
ﻭﻫﺬﺍ ﻭﺿﻌﻲ ﻭﻳﻦ ﺍﻓﻜﺮ ﺑﺎﻟﺰﻭﺍﺝ
ﻭﻟﻮ ﻣﺎﻭﺿﻌﻲ ﻋﻤﺎﺭ ﻣﺎﻳﻔﺘﻮﺕ ﺷﺎﺏ ﻣﻦ ﺷﻜﻞ ﻣﻦ ﺍﺧﻼﻕ ﻣﻦ ﺷﻬﺎﺩﻩ ﻣﻌﺎﻳﺰ ﺷﻲ
ﻛﺘﻠﻪ ﻛﺮﺍﺭ ﺍﻧﺖ ﺍﻱ ﻭﺣﺪﻩ ﺗﺘﻤﻨﺎﻙ ﺑﺲ ﺍﻧﻲ ﻻ
ﺣﺎﺳﺒﺘﻚ ﺣﺴﺒﺖ ﻋﻤﺎﺭ ﻭﺍﻟﻠﻪ ﺷﺎﻫﺪ ﻋﻠﻴﻪ
ﻛﻠﻲ ﻟﺘﻨﻄﻴﻨﻲ ﺭﺍﻳﺞ
ﻓﻜﺮﻱ ﺯﻳﻦ
ﺑﻜﻠﺒﻲ ﻛﺘﻠﻪ ﻳﺎﺍﻓﻜﺮ ﻭﺍﻧﻲ ﻣﺼﻴﺮﻱ ﻣﺤﺘﻮﻡ
ﻛﺘﻠﻪ ﺍﺑﺪ ﻣﺎﺍﻓﻜﺮ ﻭﻻ ﺭﺍﺡ ﺍﻓﻜﺮ
ﻻﻥ ﺭﺍﻳﻲ ﻭﺍﺿﺢ ﻣﺎﺍﻏﻴﺮﻩ ﺍﺑﺪ
ﻛﻠﻲ ﻫﺎﻱ ﻫﻲ ﻭﺍﻧﺴﻲ ﻓﺎﺗﺤﺘﺞ ﻭﺭﺍﺡ ﺍﺑﻘﻰ ﺍﻟﺞ ﺍﺥ
ﺷﻜﺮﺍ ﻛﺮﺍﺭ ﻻﻥ ﺍﺗﻔﻬﻤﺘﻨﻲ
ﻭﻟﻮ ﻣﺴﻮﻳﺖ ﺷﻲ ﺗﺪﻟﻠﻴﻦ ﺍﻧﺖ
ﻭﺻﻠﻨﻲ
ﻭﻣﺒﻘﻪ ﺍﺑﺎﻟﻲ ﺍﺑﺪ
ﻣﺮﺗﻀﻰ : ﺍﻟﺼﺮﺍﺣﻪ ﺍﺗﻔﺎﺟﺎﺕ ﻣﻦ ﺷﻔﺖ ﺭﻗﻤﻬﺎ ﻟﻠﻐﺜﻪ
ﻣﺠﺎﻭﺑﺖ ﻣﺮﺗﻴﻦ ﺩﻛﺖ
ﺍﻧﺘﻈﺮﺕ ﺗﻄﻠﻊ ﻣﺮﻳﻢ ﻣﻦ ﺍﻟﺤﻤﺎﻡ
ﺭﺣﺖ ﻟﻐﺮﻓﺔ ﺷﻬﺪ
ﺩﻛﻴﺖ ﺍﻧﻲ ﻋﻠﻴﻬﺎ ﺑﺲ ﻣﺎﻛﻮ ﺟﻮﺍﺏ ﻣﺴﻤﻌﺖ ﺻﻮﺗﻬﺎ ﺍﺑﺪ
ﻣﻦ ﺭﺍﺳﻠﺘﻠﻬﺎ ﺻﺪﻣﺘﻨﻲ ﻣﻦ ﻛﺎﻟﺖ ﺣﺎﻣﻞ
ﻣﺎﺍﻋﺮﻑ ﺍﺻﺪﻙ ﻟﻮ ﺍﺟﺬﺏ
ﻣﻌﻘﻮﻟﻪ ﻣﻦ ﻣﺮﻩ ﻭﺣﺪﻩ ﻳﺼﻴﺮ ﺣﻤﻞ
ﺍﻛﻴﺪ ﺗﺠﺬﺏ ﻋﻠﻴﻪ
ﻳﺠﻮﺯ ﺗﺮﻳﺪﻧﻲ ﺍﺳﺘﺮ ﻋﻠﻴﻬﺎ
ﻣﺎﺗﺪﺭﻱ ﻟﻮ ﺍﻣﻮﺕ ﻣﺎﺍﺧﻄﺒﻬﺎ ﻭﻻ ﺍﺯﻭﺟﻬﺎ
ﺻﺎﺭﺕ ﺣﻮﺍﺟﺰ ﻫﻮﺍﻱ ﺑﻴﻨﺎﺗﻨﻪ
ﺭﺯﻟﺘﻬﺎ ﺑﺲ ﺩﻋﺖ ﻫﻮﺍﻱ ﻋﻠﻴﻨﻪ ﺍﻧﻲ ﻭﺷﻬﺪ
ﻫﻲ ﻣﺎﺗﺪﺭﻱ ﺷﻬﺪ ﺟﺒﺮﺗﻬﺎ ﺟﺒﺮ ﻉ ﻫﺬﺍ ﺍﻟﺸﻲ
ﻃﺒﻌﺎ ﺍﻣﻮﺭﻱ ﻛﻠﻬﺎ ﺍﺗﻐﻴﺮﺕ ﻣﺎﺍﻋﺮﻑ ﺷﺎﺳﻮﻱ
ﺍﻛﻴﺪ ﺍﻧﻲ ﻏﻠﻄﺖ ﺑﺲ ﺻﻌﺐ ﻋﻠﻴﻪ ﺍﺻﺤﺢ ﻏﻠﻄﻲ ﻭﺧﺎﺻﻪ ﺍﻟﺒﺎﺭﺣﻪ ﻛﺎﻥ ﺯﻭﺍﺟﻲ
ﺍﻟﻤﻔﺮﻭﺽ ﻣﻨﻲ ﻣﺎﺍﺳﺘﻌﺠﻞ ﻭﻫﻴﺞ ﺍﺳﻮﻱ ﺑﻴﻬﺎ
ﺭﺩﺕ ﺍﺭﺍﺳﻠﻬﺎ ﻟﻜﻴﺘﻬﺎ ﻣﻨﻄﻴﺘﻨﻲ ﺣﻀﺮ
ﻟﻠﺼﺒﺢ ﻣﺎﻧﻤﺖ ﻣﻦ ﺍﻟﺘﻔﻜﻴﺮ
ﺣﺴﺒﻪ ﺗﺎﺧﺬﻧﻲ ﻭﺣﺴﺒﻪ ﺗﻮﺩﻳﻨﻲ
ﻣﺎﺍﻋﺮﻑ ﺷﺎﺗﺼﺮﻑ
ﺣﺘﻰ ﺍﺫﺍ ﺍﻓﻜﺮ ﺍﺳﺘﺮﻫﺎ ﺻﻌﺐ ﻋﻠﻴﻪ
ﺍﻭﻝ ﺷﻲ ﺍﺗﺰﻭﺟﺖ ﻭﺛﺎﻧﻲ ﺷﻲ ﺍﺟﻮﻧﻪ ﺑﻜﻞ ﺍﻟﻄﺮﻕ ﻭﺭﺍﺩﻭﺍ ﺷﻬﺪ ﻭﺭﻓﻀﻨﺎﻫﻢ
ﻏﻴﺮ ﺍﻟﻤﺸﺎﻛﻞ ﻭﺍﻟﻔﺼﻞ ﻭﻏﻴﺮﻫﺎ ﻳﻌﻨﻲ ﺣﺘﻰ ﺍﺫﺍ ﺍﻓﻜﺮ ﺍﺧﻄﺒﻬﺎ ﺭﺍﺡ ﻳﻄﺮﺩﻭﻧﻲ ﺍﻛﻴﺪ
ﺍﺧﺮ ﺷﻲ ﺗﺮﻛﺖ ﺍﻟﻤﻮﺿﻮﻉ
ﺑﺲ ﺍﻧﻲ ﺍﻛﻮ ﺑﺪﺍﺧﻠﻲ ﻧﺪﻡ ﻉ ﺍﻟﻲ ﺳﻮﻳﺘﻪ ﺍﻋﺘﺮﻑ ﻏﻠﻄﺖ ﻏﻠﻂ ﺟﺒﻴﺮ ﻭﻣﺠﻨﺖ ﻣﺤﺴﺐ ﻟﻠﻌﻮﺍﻗﺐ ﺍﺑﺪ ﺑﺲ ﺑﻌﺪﻳﺶ
ﻣﺸﺖ ﺣﻴﺎﺗﻲ ﻃﺒﻴﻌﻴﻪ ﺣﺎﻭﻟﺖ ﺍﻧﺴﻰ
ﺻﺎﺭ ﻉ ﺯﻭﺍﺟﻲ ﺷﻬﺮ ﺗﻘﺮﻳﺒﺎ
ﺷﻬﺪ ﻟﺤﺪ ﺍﻻﻥ ﻣﺎﺍﺟﺖ ﻭﻣﻦ ﻧﺮﻭﺡ ﺗﺨﺘﻔﻲ ﻣﻦ ﺍﻟﻮﺟﻮﺩ
ﺣﺎﻭﻟﻨﻪ ﻧﺘﺼﻞ ﺑﻴﻬﺎ ﻣﺘﺮﻓﻊ ﺧﻂ ﺍﺑﺪ
ﻃﺒﻌﺎ ﺟﺒﻨﺎﻟﻬﺎ ﺟﻬﺎﺯ ﺟﺪﻳﺪ ﻭﺧﻂ ﺟﺪﻳﺪ ﻗﺒﻞ ﻟﺘﺰﻭﺝ
ﻭﺭﻩ ﻓﺘﺮﻩ ﻣﺮﻳﻢ ﻛﺎﻟﺖ ﺷﺎﻛﻪ ﺑﻨﻔﺴﻲ ﺣﺎﻣﻞ ﺣﻴﻞ ﻓﺮﺣﺖ ﻭﺍﺧﺬﺗﻬﺎ ﻟﻠﺘﺤﻠﻴﻞ
ﺣﻠﻠﺖ ﻭﻃﻠﻌﺖ ﺣﺎﻣﻞ
ﺣﻴﻞ ﻓﺮﺣﻨﻪ ﺟﻨﺖ ﺍﺳﻌﺪ ﻭﺍﺣﺪ ﺑﺎﻟﺪﻧﻴﺎ
ﺑﺲ ﺗﻘﺮﻳﺒﺎ ﻣﻦ ﺩﺧﻠﺖ ﺑﺸﻬﺮ ﺍﻟﺜﺎﻟﺚ ﻛﺎﻟﺖ ﺑﻄﻨﻲ ﺫﺑﻠﺖ ﻭﻣﺎﺍﺣﺲ ﺑﻌﺪ ﺑﻨﺴﺎﺓ
ﺍﺧﺬﺗﻬﺎ ﻟﻠﺪﻛﺘﻮﺭﻩ ﻭﺟﺎﻧﺖ ﺍﻟﺼﺪﻣﻪ ﺍﻟﻄﻔﻞ ﻣﻴﺖ ﺍﺑﻄﻨﻬﺎ
ﺳﻘﻄﻮﺍ ﺍﻟﻬﺎ
ﻭﻛﺘﻠﻬﺎ ﻋﺎﺩﻱ ﺍﻻﻳﺎﻡ ﻃﻮﻳﻠﻪ ﻛﺪﺍﻣﻨﻪ ﺑﺲ ﺑﺪﺍﺧﻠﻲ ﻣﺘﺖ ﺣﻴﻞ ﺿﺠﺖ
ﻭﺭﻩ ﻓﺘﺮﻩ ﻋﺮﻓﻨﻪ ﺷﻬﺪ ﺣﺎﻣﻞ
ﻫﻢ ﻓﺮﺣﻨﻪ ﺍﻟﻬﺎ
ﻃﺒﻌﺎ ﻋﻤﻠﻨﻪ ﺍﻟﻤﺴﺘﺤﻴﻞ ﺣﺘﻰ ﻧﺘﺼﺎﻟﺢ ﻭﻳﺎﻫﺎ ﺑﺲ ﺭﻓﻀﺖ ﺍﻳﺎﺕ ﻭﻣﺎﻣﺎ ﺣﺎﻭﻟﻦ ﻭﻳﺎﻫﺎ ﻭﮔﻠﻠﻬﺎ ﻋﻴﺐ ﻣﻦ ﺑﻴﺖ ﻋﻤﺞ ﺑﺲ ﻫﻲ ﻗﺎﻓﻠﻪ
ﻋﻤﻲ ﻛﺎﻝ ﻋﻮﻓﻮﻫﺎ ﻉ ﺭﺍﺣﺘﻬﺎ
ﻻﻥ ﺿﺎﻳﺠﻪ ﻉ ﺍﻟﺪﺭﺍﺳﻪ
ﺣﺎﻭﻟﻮ ﻳﻌﺮﻓﻮﻥ ﺍﻟﺴﺒﺐ ﺍﻟﻲ ﺧﻠﻴﻨﺎﻫﺎ ﺗﺘﺮﻙ ﺍﻟﺪﺭﺍﺳﻪ ﺑﺲ ﺍﺑﺪ ﻣﺤﺠﻴﻨﻪ ﮔﻨﺎﻟﻬﻢ ﻣﻮ ﺯﻳﻨﻪ ﺑﺎﻟﺪﻭﺍﺳﻪ ﻭﺍﺩﻭﺭ ﻃﻼﻳﺐ ﻭﻱ ﺍﻟﺒﻨﺎﺕ ﻣﻌﺮﻑ ﺑﻌﺪ ﺻﺪﻛﻮﻧﻪ ﻟﻮ ﻻ
ﺯﻳﻦ ﻛﺎﻟﻮﺍ ﺍﻟﻮﻟﺪ ﻟﻴﺶ ﻛﺴﺮ ﻣﺤﻠﻚ
ﻛﺘﻠﻬﻢ ﺍﺷﺘﺮﻩ ﻣﻨﻲ ﺟﻬﺎﺯ ﻭﺭﻩ ﻓﺘﺮﻩ ﻋﻄﻞ ﻭﺭﺟﻊ ﻳﺮﻳﺪ ﻳﺒﺪﻟﻪ
ﻛﺎﻟﺖ ﻣﺮﻳﻢ ﺍﻟﺼﺮﺍﺣﻪ ﺍﺣﻨﻪ ﺷﺎﻛﻴﻦ ﺍﻛﻮ ﻋﻼﻗﻪ ﺑﻴﻦ ﺷﻬﺪ ﻭﻫﺬﺍ ﺍﻟﻮﻟﺪ
ﺑﻌﺪﻫﻲ ﻣﻤﻜﻤﻠﻪ ﺍﺗﻌﺎﺭﻛﺖ ﻭﻳﺎﻫﺎ ﻭﻛﺘﻠﻬﺎ ﺍﺫﺍ ﺣﺠﻴﺘﻲ ﻫﻴﺞ ﺷﻲ ﻣﺮﻩ ﺛﺎﻧﻴﻪ ﺍﻟﻌﺐ ﻟﻌﺐ ﺑﻴﺞ
ﺳﻜﺘﺖ ﺑﻌﺪ ﻣﻨﻔﺘﺢ ﺍﻟﻤﻮﺿﻮﻉ
ﺍﻟﻮﺣﻴﺪﻩ ﺍﻟﻲ ﺗﺤﺠﻲ ﻭﻳﺎﻫﺎ ﺍﻣﻲ ﻭﺍﻳﺎﺕ
ﺍﻣﻲ ﺧﻄﻴﻪ ﺩﺍﺋﻤﺎ ﺗﺮﻭﺣﻠﻬﺎ
ﻭﺭﻩ ﺗﻘﺮﻳﺒﺎ ﺑﺸﻬﺮﻳﻦ ﻣﻦ ﺳﻘﻄﺖ ﺍﻟﻄﻔﻞ ﻣﺮﻳﻢ ﻫﻢ ﺻﺎﺭ ﺣﻤﻞ ﺛﺎﻧﻲ
ﺗﻘﺮﻳﺒﺎ 4 ﺍﺷﻬﺮ ﻭﺻﺎﺭ ﻋﺪﻫﺎ ﻧﺰﻑ ﻗﻮﻱ ﺑﺪﻭﻥ ﺳﺒﺐ ﻭﻫﻢ ﺳﻘﻄﺘﻪ ﻟﻠﻄﻔﻞ
ﻃﺒﻌﺎ ﺍﻟﺒﻨﻴﻪ ﺻﺪﻳﻘﺔ ﺷﻬﺪ ﺗﻘﺮﻳﺒﺎ ﺭﺍﺣﺖ ﻣﻦ ﺑﺎﻟﻲ ﻭﻧﺴﻴﺘﻬﺎ ﻟﺴﺎﻟﻔﺘﻬﺎ ﻭﻧﺴﻴﺖ ﺩﻋﺎﺋﻬﺎ ﻋﻠﻴﻪ
ﺣﻴﻞ ﺿﺠﺖ ﻭﺍﻧﻘﻬﺮﺕ
ﺑﺲ ﺷﻨﺴﻮﻱ ﻛﻠﺖ ﻣﻤﻘﺴﻮﻡ ﺍﻟﻨﻪ
ﻭﺭﻩ ﺗﻘﺮﻳﺒﺎ ﻓﺘﺮﻩ ﺟﺎﺑﺖ ﺷﻬﺪ ﻭﻟﺪ
ﻭﺍﻟﻜﻞ ﻓﺮﺡ ﺣﺘﻰ ﺯﻭﺟﻬﺎ ﺧﻄﻴﻪ ﻃﺎﻟﺐ ﺍﺟﺎﺯﻩ ﻭﺟﺎﻱ
ﺭﺣﻨﻪ ﻟﻠﻤﺴﺘﺸﻔﻰ ﻭﻳﺎﻫﺎ
ﺑﺲ ﺷﻨﻮ ﻣﺤﺠﺖ ﻭﻻ ﺣﺮﻑ ﻭﻳﺎﻧﻪ
ﻻﺍﻧﻲ ﻭﻻ ﺍﺑﻮﻳﻪ ﻭﺍﻟﻜﻞ ﻣﻼﺣﻆ ﻫﺬﺍ ﺍﻟﺸﻲ
ﺧﻄﻴﻪ ﺍﺑﻮﻳﻪ ﻳﻜﻮﻝ ﺍﺣﺲ ﺑﻨﺪﻡ ﻻﻥ ﻇﻠﻤﺘﻬﺎ ﺧﻄﻴﻪ
ﺍﺧﺘﻔﺖ ﺍﻟﺒﺴﻤﻪ ﻣﻨﻬﺎ ﻧﻬﺎﺋﻲ
ﻣﺮﻳﻢ ﺗﻜﻮﻝ ﻋﺎﺯﻟﻪ ﻧﻔﺴﻬﺎ ﺑﺎﻟﺒﻴﺖ ﻻ ﺗﺴﻮﻟﻒ ﻭﻻ ﺗﻀﺤﻚ ﻭﻱ ﺍﻱ ﺷﺨﺺ
ﺣﺎﻭﻟﺖ ﺍﺣﺠﻲ ﻭﻳﺎﻫﺎ ﺍﻧﻲ ﺑﺎﻟﺬﺍﺕ ﺭﻓﻀﺖ ﺗﺒﺎﻭﻉ ﺑﻮﺟﻬﻲ
ﺍﻣﻲ ﺟﺎﺑﺘﻬﺎ ﺍﻟﻨﻪ ﺑﺲ ﺑﺎﻟﻜﻮﻩ ﻣﻘﺒﻠﺖ
ﺑﻘﺖ 10 ﺍﻳﺎﻡ ﺑﺲ ﻉ ﺍﻋﺼﺎﺑﻬﺎ
ﺣﺎﻭﻟﺖ ﺍﺩﺧﻞ ﻳﻤﻬﺎ ﻣﺮﻩ ﻭﺟﺎﻧﺖ ﺑﻮﺣﺪﻫﺎ
ﺍﺗﺨﺒﻠﺖ ﻛﺎﻣﺖ ﺗﺒﺠﻲ
ﺍﻃﻠﻊ ﻣﺎﺍﺭﻳﺪ ﺍﺷﻮﻓﻚ ﻭﻻ ﺍﺭﻳﺪ ﺍﺳﻤﻊ ﺻﻮﺗﻚ ﻣﺎﺍﻋﺮﻓﻚ ﺍﻧﺖ ﺍﻧﺴﺎﻥ ﻏﺮﻳﺐ ﻣﺘﺮﺑﻄﻨﻲ ﺑﻴﻚ ﺍﻱ ﻋﻼﻗﻪ
ﻛﻞ ﻫﺬﺍ ﻉ ﻣﻮ ﺍﻟﻨﺬﻝ ﺣﺒﻴﺐ ﺍﻟﻜﻠﺐ
ﻭﻟﺞ ﺍﺣﻨﻪ ﺍﻫﻠﺞ ﻏﺼﺒﺎ ﻣﺎﻋﻠﻴﺞ
ﻭﺍﺗﺰﻭﺟﺘﻲ ﻭﺻﺎﺭ ﻋﻨﺪﺝ ﻃﻔﻞ ﺗﻨﺴﻴﻦ ﻛﻠﺸﻲ ﻭﺗﺴﻮﻳﻦ ﺣﺪ ﻟﺘﺼﺮﻓﺎﺗﺞ
ﻳﻌﻨﻲ ﺗﺘﻮﻗﻊ ﻣﻘﺎﻃﻌﺘﻚ ﻉ ﻣﻮﺩ ﻫﺬﺍ ﺍﻟﺸﻲ ﻉ ﻣﻮﺩ ﻋﻤﺎﺭ ﻻ ﻋﻴﻮﻧﻲ ﻣﺘﻮﻫﻢ ﺍﻧﺖ ﻣﻮ ﺍﻧﻲ ﺍﻟﻲ ﺍﺧﻮﻥ ﺯﻭﺟﻲ ﺑﺘﻔﻜﻴﺮﻱ ﺑﺸﺨﺺ ﺛﺎﻧﻲ ﻋﻤﺎﺭ ﺻﺎﺭ ﻣﻦ ﺍﻟﻤﺎﺿﻲ ﻭﺍﻧﺘﻬﻰ
ﺍﻧﻲ ﻛﺮﻫﺘﻚ ﺑﻴﻮﻡ ﺍﻟﻔﻜﺮﺕ ﺗﺎﺫﻱ ﺻﺪﻳﻘﺘﻲ ﻭﻫﻲ ﻣﺎﺍﻟﻬﺎ ﺍﻱ ﺫﻧﺐ ﻭﺍﻟﻘﺮﺍﻥ ﺍﺷﺮﻑ ﻣﻦ ﺍﻟﺸﺮﻑ ﻧﺎﺱ ﺻﺎﻧﻮﻧﻲ ﻭﻣﻔﻜﺮﻭﺍ ﻳﺎﺫﻭﻧﻲ ﻭﻻ ﻳﻮﻡ ﺧﻠﻮﻧﻲ ﺑﻮﺣﺪﻱ ﻭﻱ ﻋﻤﺎﺭ ﺟﺎﻧﺖ ﺗﻜﻌﺪ ﻭﻳﺎﻧﻪ ﻣﺘﺘﺮﻛﻨﻪ ﻭﻻ ﺛﺎﻧﻴﻪ ﻭﺣﺪﻩ
ﻃﺒﻌﺎ ﺍﻧﻲ ﻣﻜﺎﻋﺪ ﺍﺻﺪﻙ ﺍﻭ ﺑﺎﻻﺣﺮﻯ ﻣﺎﺍﺭﻳﺪ ﺍﺻﺪﻙ
ﻣﺎﻛﻠﺖ ﺣﺮﺍﻡ ﻋﻠﻴﻪ
ﻣﺎﻛﻠﺖ ﺧﻄﻴﻪ ﺩﻣﺮﺕ ﺣﻴﺎﺗﻬﺎ ﻣﻨﻮ ﺑﻌﺪ ﻳﺘﺰﻭﺟﻬﺎ ﺑﺲ ﻳﻌﺮﻓﻮﻥ ﺍﻫﻠﻬﺎ ﺭﺍﺡ ﻳﻜﺘﻠﻮﻫﺎ ﺑﺲ ﺍﻧﺖ ﺍﻟﻲ ﺭﺍﺡ ﺗﺘﺤﻤﻞ ﺫﻧﺒﻬﺎ
ﺳﺪﻱ ﺍﻟﻤﻮﺿﻮﻉ ﻭﺍﺳﻜﺘﻲ
ﻻ ﻣﺎﺍﺳﻜﺖ ﻭﺻﺪﻙ ﻣﺮﺍﺡ ﺗﺘﻮﻓﻖ ﺑﺤﻴﺎﺗﻚ ﻻﻥ ﺩﻣﺮﺕ ﻣﺴﺘﻘﺒﻠﻬﺎ ﺟﺎﻥ ﺍﻟﻤﻔﺮﻭﺽ ﻣﻨﻚ ﺍﺫﺍ ﻋﻨﺪﻙ ﺷﻲ ﻭﺗﺼﻔﻴﺔ ﺣﺴﺎﺏ ﺟﺎﻥ ﺍﺧﺬﺕ ﺣﻘﻚ ﻣﻦ ﺍﺧﻮﻫﺎ ﻣﻮ ﻣﻨﻬﺎ ﻫﻲ ﻭﻫﻲ ﻻﺣﻮﻝ ﻭﻻ ﻗﻮﻩ ﺍﻟﻬﺎ
ﻋﻔﺘﻬﺎ ﻭﻃﻠﻌﺖ ﻻﻥ ﻛﻼﻣﻬﺎ ﺍﺫﺍﻧﻲ ﻭﺍﺣﺴﻬﺎ ﺳﺠﺎﺟﻴﻦ ﺑﻜﻠﺒﻲ ﻛﻼﻣﻬﺎ ﻛﻠﻪ ﺻﺪﻙ ﺍﻧﻲ ﻫﻮﺍﻱ ﺍﺗﺴﺮﻋﺖ ﻭﻋﻤﺎﻧﻲ ﺍﻟﺤﻘﺪ ﻭﺍﻻﻧﺘﻘﺎﻡ ﺑﺲ ﻣﺤﺪ ﺧﺴﺮ ﺑﻬﺎﻱ ﺍﻟﺴﺎﻟﻔﻪ ﻛﻠﻬﺎ ﻏﻴﺮ ﺻﺪﻳﻘﺔ ﺷﻬﺪ
ﺑﻘﻴﺖ ﺍﻛﻞ ﺑﻨﻔﺴﻲ ﺍﻛﻞ ﻣﺎﺍﻋﺮﻑ ﺷﻨﻮ ﺍﻟﻲ ﺍﺗﺼﺮﻓﻪ ﺍﻟﻨﺪﻡ ﺑﺪﻩ ﻳﺎﻛﻞ ﺑﻴﻪ ﺍﻛﻞ
ﺑﻌﺪ 10 ﺍﻳﺎﻡ ﺷﻬﺪ ﺻﺎﺭﺕ ﺯﻳﻨﻪ ﻭﺭﺟﻌﺖ ﻟﺒﻴﺖ ﻋﻤﻲ
ﻣﺮﻳﻢ ﻃﻠﺒﺖ ﻣﻨﻲ ﺍﺧﺬﻫﺎ ﻟﻠﺪﻛﺘﻮﺭﻩ
ﺍﺧﺬﺗﻬﺎ
ﻛﺎﻟﺘﻠﻬﺎ ﺑﺲ ﻳﺼﻴﺮ ﻋﻨﺪﺝ ﺗﻌﺎﻟﻲ ﺍﻧﻄﻴﺞ ﻣﺜﺒﺘﺎﺕ ﻭﻋﻼﺝ
ﻓﻌﻼ ﺻﺎﺭ ﻋﺪﻫﺎ ﻭﺍﺧﺬﺗﻬﺎ
ﻛﺎﻟﺖ ﺗﺤﺘﺎﺝ ﺭﺑﻂ ﻻﻥ ﺧﻄﺮ ﺍﻟﻄﻔﻞ ﻣﻬﺪﺩ ﺑﺎﻻﺳﻘﺎﻁ
ﺭﺑﻄﺖ ﺍﻟﻬﺎ ﺍﻟﺪﻛﺘﻮﺭﻩ ﻭﻧﺰﻟﻨﻪ ﺟﻮﻩ ﻧﻤﻨﻪ ﻣﻮ ﺯﻳﻦ ﻋﻠﻴﻬﺎ ﺍﻟﺪﺭﺝ
ﺍﺑﻦ ﺷﻬﺪ ﺧﻄﻴﻪ ﻛﺎﻡ ﻳﺘﺨﺮﺑﻂ ﻋﻠﻴﻬﻢ
ﺍﺧﺬﻭﺍ ﻟﻠﺪﻛﺘﻮﺭ ﻭﻃﻠﻊ ﺑﻲ ﻓﺘﺤﻪ ﺑﺎﻟﻘﻠﺐ
ﻛﺎﻝ ﺧﻞ ﻳﻜﺒﺮ ﺷﻮﻳﻪ ﻭﻧﺴﻮﻳﻠﻪ ﻋﻤﻠﻴﻪ ﻻﻥ ﺿﻌﻴﻒ ﻣﻴﺘﺤﻤﻞ ﻫﺴﻪ
ﺻﺎﺭ ﻋﻤﺮﻩ 3 ﺍﺷﻬﺮ
ﺭﺳﻮﻝ ﺯﻭﺟﻬﺎ ﺻﺎﺭﻟﻪ ﺗﻘﺮﻳﺒﺎ ﺷﻬﺮ ﺑﺴﻮﺭﻳﺎ ﻣﻨﺎﺯﻝ ﺑﺲ ﻳﺘﺼﻞ ﺑﻴﻬﻢ ﻭﻳﻄﻤﺄﻥ ﻋﻠﻴﻬﻢ
ﻃﻠﺒﺖ ﻣﻨﻲ ﻣﺮﻳﻢ ﺗﺮﻭﺡ ﻻﻫﻠﻬﺎ ﺗﺒﻘﻰ ﻫﻨﺎﻙ ﺍﺳﺒﻮﻉ
ﺩﺯﻳﺘﻬﺎ ﺑﻘﻴﻨﻪ ﺑﺲ ﺍﻧﻲ ﻭﺍﻣﻲ ﻭﺍﺑﻮﻳﻪ
ﻳﻮﻣﻴﻪ ﻧﺘﺨﺎﺑﺮﺍﻧﻲ ﻭﻣﺮﻳﻢ
ﻭﺍﺳﺎﻟﻬﺎ ﻉ ﻳﻮﻣﻬﺎ ﻭﺗﺨﺒﺮﻧﻲ
ﻃﺒﻌﺎ ﻣﺮﻳﻢ ﻣﻄﻴﻌﻪ ﺑﺸﻜﻞ ﻭﺗﺤﺒﻨﻲ ﺣﺐ ﻣﻮ ﻃﺒﻴﻌﻲ ﻭﺍﻧﻲ ﻫﻤﻴﻦ ﺍﺣﺒﻬﺎ ﻭﺍﻋﺸﻘﻬﺎ ﻣﺎﻛﻮ ﻣﺸﺎﻛﻞ ﺑﻴﻨﺎﺗﻨﻪ ﺍﺑﺪ ﻻﻥ ﻣﺘﻔﺎﻫﻤﻴﻦ ﺩﺍﺋﻤﺎ
ﺍﻟﻴﻮﻡ ﻧﺎﻳﻢ ﺑﻮﺣﺪﻱ ﺍﺟﺖ ﺻﻮﺭﺓ ﺍﻟﺒﻨﻴﻪ ﻛﺒﺎﻟﻲ ﻃﺒﻌﺎ ﺷﻜﻠﻬﺎ ﺗﻘﺮﻳﺒﺎ ﺍﺧﺘﻔﻰ ﻣﻦ ﻣﺨﻴﻠﺘﻲ ﻛﻞ ﺍﻟﻲ ﺍﺗﺬﻛﺮﻩ ﺳﻤﻴﻨﻪ ﻭﻣﻮ ﺣﻠﻮﻩ
ﺑﻘﻴﺖ ﺍﻓﻜﺮ ﻭﻳﻦ ﺻﻔﻪ ﺑﻴﻬﺎ ﺍﻟﺪﻫﺮ
ﺍﺩﺍﻭﻡ ﻻ
ﺍﻫﻠﻬﺎ ﺣﺴﻮﺍ ﺑﻴﻬﺎ ﻻ
ﻗﺮﺭﺕ ﺍﺭﻭﺡ ﺑﺎﺟﺮ ﻟﻠﻤﺪﺭﺳﻪ ﻭﺍﺷﻮﻑ
ﻓﻌﻼ ﺭﺣﺖ ﻟﻠﻤﺪﺭﺳﻪ ﻭﺭﺍﻗﺒﺖ ﺍﺳﺒﻮﻉ ﻛﺎﻣﻞ ﻭﻣﺎﻛﻮ ﻣﻠﻤﺤﺘﻬﺎ ﺍﺑﺪ
ﻗﺮﺭﺕ ﺑﺎﺟﺮ ﺍﺭﺍﻗﺐ ﺑﻴﺘﻬﻢ ﻣﻦ ﺑﻌﻴﺪ
ﻓﻌﻼ ﺭﺣﺖ
ﺍﻧﻲ ﺍﻟﻲ ﺳﻤﻌﺘﻪ ﺍﺧﻮﻫﺎ ﺑﺎﻳﻊ ﻣﺤﻠﻪ ﻉ ﻣﻮﺩ ﺍﻟﻔﺼﻞ
ﺣﺎﻟﺘﻬﻢ ﻣﺪﻫﻮﺭﻩ ﺑﺲ ﺣﻴﻞ ﺑﻲ ﻳﺴﺘﺎﻫﻞ
ﻭﻛﻔﺖ ﺑﻌﻴﺪ ﻋﻦ ﺍﻟﺒﻴﺖ
ﻃﻠﻊ ﺑﺲ ﺍﺑﻮﻫﺎ ﻭﻫﻲ ﻝ 8 ﻭﻧﺺ ﻣﺎﻛﻮ
ﺷﻔﺖ ﻣﺤﻞ ﺟﺒﻴﺮ ﻣﻄﻠﻌﻲ ﻣﻦ ﺑﻴﺘﻬﻢ
ﻻﻓﺘﻪ ﺟﺒﻴﺮﻩ ﻣﻜﺘﻮﺏ ﺍﻻﺳﻢ
ﺍﻛﻴﺪ ﻛﺪﺭ ﻳﻮﻛﻒ ﻉ ﺣﻴﻠﻪ ﻫﺬﺍ ﺍﻟﻌﺎﺭ ﻭﻫﻢ ﻳﻤﻜﻦ ﺍﻓﻀﻞ ﻣﻦ ﻗﺒﻞ ﻣﺎﺍﻋﺮﻑ ﺷﻠﻮﻥ ﺑﻬﺎﻱ ﺍﻟﺴﺮﻋﻪ ﻛﺪﺭ ﻫﻴﺞ ﻳﺴﻮﻱ
ﻃﺒﻌﺎ ﺑﻴﺘﻬﻢ ﺑﺎﺭﻗﻰ ﻣﻨﻄﻘﻪ ﻭﺟﺒﻴﺮ ﺣﻴﻞ ﻣﻮﻗﻌﻪ ﺑﻴﺘﻬﻢ ﻳﻤﻜﻦ ﺳﺎﻋﺪﻩ ﻟﻬﻴﺞ ﻣﺸﺮﻭﻉ ﻧﺎﺟﺢ
ﺑﻘﻴﺖ ﺍﺭﺍﻗﺐ ﺍﻻﺳﺒﻮﻉ ﻛﻠﻪ ﺑﺲ ﻫﻢ ﻣﺎﻛﻮ
ﺍﻛﻴﺪ ﺗﺎﺭﻛﻪ ﺍﻟﺪﺭﺍﺳﻪ
ﺗﺮﻛﺘﻬﺎ ﻟﻠﺴﺎﻟﻔﻪ ﻭﺭﺣﺖ ﺭﺟﻌﺖ ﻣﺮﻳﻢ ﻣﻦ ﺍﻫﻠﻬﺎ
ﺑﺲ ﺗﻜﻮﻝ ﺧﻄﻴﻪ ﺍﺑﻦ ﺭﺳﻮﻝ ﻛﺎﻋﺪ ﻳﺨﺘﻨﻚ ﻳﻮﻣﻴﻪ
ﻭﺍﺑﻮ ﻟﻬﺴﻪ ﻣﻨﺎﺯﻝ
ﻭﺻﻔﻮﻟﻨﻪ ﺑﺮﻓﺴﻮﺭ ﺑﺎﻟﻨﺠﻒ ﺟﺮﺍﺡ ﻗﻠﺐ
ﻛﻠﺖ ﺍﺧﺬﻩ ﺍﻧﻲ ﺑﻴﺪﻱ ﺍﻭﺩﻱ
ﺑﺲ ﻫﺎﻱ ﺍﻡ ﺧﺸﻢ ﺍﻟﻴﺎﺑﺲ ﺭﻓﻀﺖ
ﻛﺎﻟﺖ ﻣﻦ ﻳﺠﻲ ﺍﺑﻮ ﻳﻠﻪ ﻳﺎﺧﺬﻧﻪ
ﺭﺣﺖ ﻻﻣﻲ ﻭﻛﺘﻠﻬﺎ ﻗﻨﻌﻴﻬﺎ ﻟﺒﻨﺘﺞ
ﻛﺎﻟﺖ ﻣﺎﺗﻘﺒﻞ ﻗﺒﻠﻚ ﺍﻧﻲ ﺷﻔﺘﻬﺎ ﻭﺭﻓﻀﺖ
ﺍﻧﻲ ﻟﺨﺎﻃﺮ ﺍﻟﻄﻔﻞ ﺧﻄﻴﻪ
ﻣﺮﻳﻢ ﺩﺍﺋﻤﺎ ﺍﺧﺬﻫﺎ ﻟﻠﺪﻛﺘﻮﺭﻩ ﻭﺍﺟﻴﻜﻬﺎ
ﺍﻟﻴﻮﻡ ﺍﺧﺬﺗﻬﺎ ﻭﺟﺎﻧﺖ ﺍﻟﺼﺪﻣﻪ ﺑﺎﻧﺘﻈﺎﺭﻧﻪ
ﺍﻟﻄﻔﻞ ﻣﻴﺖ ﺍﺑﻄﻨﻬﺎ ﺭﻏﻢ ﻣﺎﻫﻲ ﻻﺗﺸﺘﻐﻞ ﻭﺭﺍﺑﻄﻪ ﻣﻌﺮﻓﻨﻪ ﺍﻟﺴﺒﺐ ﺍﺑﺪ
ﺍﺗﺨﺒﻠﻨﻪ ﻫﺎﻟﻤﺮﻩ
ﻭﺩﻳﺘﻬﺎ ﻻﺭﺑﻴﻞ ﻭﺳﻮﻳﺖ ﺗﺤﺎﻟﻴﻞ ﻛﺎﻟﻮﺍ ﻋﺪﻫﺎ ﺟﺮﺛﻮﻣﻪ
ﺗﺨﻠﻲ ﺍﻟﻄﻔﻞ ﻟﻮ ﻳﻤﻮﺕ ﻟﻮ ﻳﺴﻘﻂ ﻭﻛﻞ ﻫﺬﺍ ﺍﻟﺴﺒﺐ ﻳﺮﺟﻊ ﻟﺰﻭﺍﺝ ﺍﻻﻗﺎﺭﺏ ﺧﺎﺻﺘﺎ ﺍﻭﻻﺩ ﺍﻟﻌﻢ
ﺑﺪﻳﻨﻪ ﻧﺮﺍﺟﻊ ﺑﺎﺭﺑﻴﻞ ﻣﺪﺓ ﺷﻬﺮ ﺗﻘﺮﻳﺒﺎ
ﺑﻌﺪﻫﺎ ﻫﻢ ﺻﺎﺭ ﺣﻤﻞ
ﻭﻫﻢ ﺭﺑﻄﻮﻟﻬﺎ ﻭﺍﻧﻄﻮﻫﺎ ﻋﻼﺝ ﺗﺴﺘﻤﺮ ﻋﻠﻴﻪ
ﺍﻟﻴﻮﻡ ﺟﻨﺖ ﺑﺎﻟﻤﺤﻞ ﺍﻟﻌﺼﺮ
ﻭﺟﺎﻥ ﻳﺠﻴﻨﻲ ﺍﺗﺼﺎﻝ ﻣﻦ ﻣﺮﻳﻢ ﺗﺒﺠﻲ ﻭﻛﻮﻩ ﺍﻓﺘﻬﻤﻪ
ﻫﺎ ﺣﺒﻴﺒﺘﻲ ﺷﺒﻴﺞ
ﻣﺮﺗﻀﻰ ﺗﻌﺎﻝ ﺑﺴﺮﻋﻪ
ﺷﻜﻮ ﻣﺮﻳﻢ ﺑﻴﺞ ﺷﻲ ﺍﻟﻄﻔﻞ ﺑﻲ ﺷﻲ
ﻻ ﻣﺎﺑﻴﻨﻪ ﺷﻲ ﺍﺣﻨﻪ ﺯﻳﻨﻴﻦ ﺑﺲ
ﺷﻨﻮ ﺑﺲ ﺍﺣﺠﻲ ﻭﻛﻌﺘﻲ ﻛﻠﺒﻲ
ﺟﺎﻥ ﺗﻜﻮﻝ ....... ﻃﺒﻌﺎ ﺍﻟﺨﺒﺮ ﺻﺪﻣﻨﻲ ﺻﺪﻣﺔ ﻋﻤﺮﻱ ﻣﺘﻮﻗﻌﺖ ﻫﺬﺍ ﺍﻟﺸﻲ ﺍﺑﺪ
ﺗﻮﻗﻌﺎﺗﻜﻢ ﺣﺒﻴﺒﻲ ﺷﻨﻮ ﺍﻟﻲ ﺻﺎﻳﺮ ؟؟؟؟؟
ﻭﻫﺬﺍ ﺍﻟﺨﺒﺮ ﺭﺍﺡ ﻳﺄﺛﺮ ﻉ ﺣﻴﺎﺗﻬﻢ ﻟﻮ ﻻ ؟؟؟؟؟
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: