مساء الخير ع اجمل متابعين اتمنى لكم قراءه ممتعه
❣️❣️ #البارت 34❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
جان يكول احمد بالمستشفى مسوي عمليه
عملية شنو .... زائده
اشو اني مااعرف ليش ..... احتمال لان انت بالزياره محبوا يقلقونك
مااعرف والله بقينه نحجي شويه ونهيت الاتصال
روان كاعد ادك عليه بس مهتميت قررت نرجع من الصبح منروح للنجف عيب من احمد لازم اروح اوكف وياه لان وكفاته وياي ماانساهن ابد
رحت زرت مره ثانيه وجانت خفيفه مو مثل اول مره
دخلت مخنوك بس من طلعت مرتاح اتصلت بيه روان رفعت خط
شسالفه مرتضى وين رحت وعفتني وحدي والله اخاف
جنت ازور راح ارجع ... اوك راح انتظرك ... تمام
رجعت بوقت متاخر دخلت وجانت حيل خايفه روان
ليش هيج سويت وين رحت وعفتني
روان نعسان ومابيه حيل احجي راح انام وانت هم نامي ورانه كعدنه من الصبح حتى نرجع للبيت
ليش منروح للنجف
لا مااكدر غير وقت نروح .... ع راحتك
اخذت مخده ونزلت جوه
هاي وين راح تنام تعال اصعد
نامي واسكتي معليج بيه اريد انام
اسفه والله مجان قصدي عفيه تعال اصعد نام مو زين عليك هيج تنام بالكاع بدون فراش وغطه
رحمه للحسين نامي وخليني انام
اشو هاي نزلت يمي اذا نمت جوه اني هم راح انام جوه
اسفه والله ابد مو قصدي جان
اني ممتعوده ع هيج شي وحجيت بدون ماانتبه ع نفسي
مصار شي كومي اصعدي نامي .... كوم اصعد ويايه يله
الصراحه متوقعتها هيج تعتذر وهيج تسوي
صعدت وياها وفعلا نمت حيل نعسان جنت كعدت الصبح وهي نايمه كعدتها ورجعنه كتلها احمد مسوي عمليه وعيب منه لازم ارجع وغير مره نجي للنجف
ماكو مشكله عادي بس خطيه احمد شبي شنو من عمليه مسوي
زائده ... خطيه اشو البارحه احجي وي ماما مكالت شي عليه
لعد امج شمدريها قابل
مو رايحه هي وخاله وي ديما البارحه ولدت
هاي شلون صدفه خطيه وي عمليته
اي والله خطيه اكول تكول احنه اخذناها كرار ماخذهن
شنو جابت ديما .... ولد ..... الله يحفظه الهم .... ان شاء الله
رحت بغير عالم كمت افكر هم يجي يوم ويصير عندي ولد اكيد حلم هذا وحلم بعيد
اذا احنه صار 5 اشهر واحنه مثل الاخوان
اكلج روان هم داعيه عليه كون ميصير عندي اطفال
والله الصراحه هواي دعيت بوقتها لان حيل اتاذيت والاذاني اكثر الطفل الي سقطته وانت ولا عبالك دعيت من كل كلبي
زين شلون تروح هاي الدعوه اخاف للموت بعد ميصير عندي طفل وابقى بحسرة الطفل
والله اني سامحتك من يوم الي فكرت تخطبني وتستر عليه نسيت كلشي
الله يخليج روان ادعيلي وياج لان من صدك تعبت وحتى نفسيتي تعبت
ان شاء الله بس تعال اكولك منين يجي الطفل اذا انت ممتزوج اصلا
حبيت اتلاعب باعصابها شويه واشوف ردة فعلها
شنو تقصدين ممتزوج لعد انت شنو موقعج من الاعراب
ها اني وياك ممتفاهمين غير
شلون يعني ممتفاهمين مفهمت عليج
انت تعرف قصدي شنو كلش زين
لا مااعرف قصدك وخل نفرض ممتفاهمين مثل متكولين نحاول نتفاهم وراح ننسجم اكيد
مااعتقد نكدر
وين المشكله وليش منكدر
مااعرف السبب بس كل الي اعرفه اني وياك طريقنه مسدود
اذا هيج حجيج ع راحتج راح اخلي امي تشوفلي وحده ع معرفتها وتزوجنياها
هاي شوكت عود
من ارجع افاتح امي بالموضوع
اشو هاي انكلبت طنطل
شنو ع اي اساس تتزوج
وانت شعليج .... شلون شعليه غير زوجتك امام الناس اذا تزوجت هسه شيكولون
ميكولون شي بس يكولون اكيد ممرتاح وياها وشالعه كلبه
قابل اني صدك هيج
لا مو صدك بس محد يدري بينه اني وياج هيج
لعد والحل .... شمدريني اني من حقي اريد ارتاح
عادي من حقك بس انتظر لمن نطلك
مااعرف خلي افكر والله كريم
حسيت بيها ضايجه وهو هذا المطلوب بعد منطقت ولا حرف واحد
روان ... ها ... شبيج ضايجه .... لا مبيه شي وما ضايجه
مبين واضح .... شنو ممصدك .... وليش مااصدك قابل
بعدها وصلنه نزلتها بااباب ورحت لاحمد كبل
عاتبته ولك شلون ماادري ولا خبرتني
ماكو داعي محبيت اقلقك وانت مسافر
تحجي صدك والله زعلت منك لو مو زياره جان رجعت
بعدها باركتله ع الطفل
تعال كلي شنو شعورك من صرت ابو
شعوري مينوصف ابد بس ضايج لان مااكدر اروح واشوفه ولا وكفت وي مرتي بهيج ايام محتاجتني اكيد
اي ياعيني مجبور انت قابل بارادتك
تعال كولي شلونها زيارتك
حيل حلوه .... زياره مقبوله ... قبل الله اعمالك
شلونها عمليتك
زينه ان شاء الله
بقه يسولفلي شلون تخربط فجأه
ردت اروح لاهلي مقبلوا ابد عطلوني للغده
دزيت رساله لروان كتلها مااجي ع الغده
بعدها رجعت سبحت وبدلت ورحت للمحل
علاقتي بروان عاديه لااحتك بيها ولا هي تحتك بيه
اجتي ديما لبيت احمد ودزيت امي وروان الهم
احمد صار زين
مشت الايام عاديه
شهد دخلت بشهرها اتمنى متتاذه هالمره لا هي ولا بنتها الي ابطنها ياالهي لتعاقبنه اكثر خطيه شهد هواي انظلمت بحياتها حتى بهذا زواجها احسها هم انظلمت بس مجان بيدي القرار محبيت اجبرها وهي الي انطت موافقتها من ارادتها
قررت تجي يمنه تبقى لمن تصير زينه هنا يعتنن بيها امي وزوجتي
ردتت اروح لبغداد اتسوك وقررت ابات هناك
قررنه نروح اني واحمد وفعلا رحنه وره الاذان الفجر كملت مسواك ورحنه زرنه وبعدها اجرنه فندق قررنه بالليل نطلع ونفتر بمول المنصور
للعصر اجت مخابره لاحمد لونه تغير شويه وطبكه
هااحمد خير اكو شي
لازم ارجع هسه
خير شكو شصاير
والله مااعرف بس اشو خابرني هسه علي يقصد اخو كلي لتبات تعال لان ابويه شويه تعبان وكلبي ناغزني مااعرف ليش
يله لعد خلي نرجع شمتاني
لا اني ارجع بوحدي ااجر سياره انت ابقى معليك
ولك تحجي صدك متستحي انت مو عيب عليك
رجعنه والطريق كله يتصل باهله ويطمنونه بس هو يكول ممرتاح ابد
وصلنه بالليل ورحنه للمستشفى كبل لكيناه مخلينه بالعنايه المركزه خطيه ضاربته جلطه بقيت وياهم لوقت متاخر عيب منهم
طلبوا مني ارجع للبيت لان وجودنه بدون فايده من صدك حتى احمد كال ارجع اسبح وابدل رجعت وطبعا محد يعرف بيه راجع حتى روان مخابرتها ولا حجيت شي
دخلت للبيت وصعدت اول مدخلت الغرفه وجان انصدم ب......
توقعاتكم حبايبي شنو الي شافه مرتضى ؟؟؟؟؟؟
روان : طبعا زيارتنه للامام الكاظم حيل حلوه وروحتنه للكراده بعد احلى
بس انزعجت من نام يمي مرتضى مااعرف شنو السبب اكيد لان ممتعوده
ومن رحنه لكربلاء هم حلوه بس بالليل من راد ينام يمي حيل اتنرفزت مااعرف لويش من ينام يمي اضوج واتذكر اغتصابي
هو زعل مني والصراحه اتندمت لان حجيت وياه بهيج اسلوب بس هو ولا كانو عافني وطلع اني حيل اخاف بوحدي واحس الغرفه تريد تاكلني احس عيون تراقبني هواي اتصلت بي ميجاوب ولا يفتح رسائل ياربي ساعدني والله اخاف
اتصلت بامي لهيت بنفسي كالت اني يم بيت خالج ديما جابت خطيه
حيل فرحتلها خطيه بقيت احجي وي ماما اريد الهي بنفسي بعد نهيت المخابره حايره شاسوي مااعرف
بقيت الح ع مرتضى واخيرا جاوب وكال راح ارجع قررت اعتذر منه لان صدك سويتها بدون معنى وياه
رجع وحاولت اعتذر بس هو قافل مبين مخنوك وضجت من كال راح مرجع منروح للنجف اكيد من ورايه هيج سوه
مقبلت ينام جوه واصريت عليه وفعلا نمنه وعرفت احمد مسوي عمليه لهذا السبب راد نرجع
رجعنه وصلني مدخل ويايه ابد وراح لاحمد
بدلت ونزلت سويت حمله ع البيت كله وخاله لكيتها مجهزه الغده
مرتضى مرجع ع الغده اني اتغديت وي خاله وعمو وبعدها صعدت نمت رجع مرتضى بدل وطلع
اتصلت بديما واتحمدت الها ع السلامه دزتلي صور ابنها كتلها مااكدر اجيج اله لمن ترجعين لبيت عيالج لان اني وخاله نجيج
كالت ان شاء الله
بعدها اتصلت بشهد شكد احاول اخليها تحجيلي الي بكلبها ابد متقبل اني متاكده علاقتها مو تمام وي عمار بس مابيدي شي عليها لان متحجي ابد سالتها ع اسيل شلونها وياها تكول زينه
اني ومرتضى حياتنه عاديه مبيها شي ابد
رجعت ديما لبيت عيالها اخذنه مرتضى اني وخاله رحنه بيومها عطلونه للعشه ابد مقبلوا نروح غيرت جو وي ديما
مشت الايام عتديه صار عمر ابن ديما شهرين
وفرحانين بي ويوميه دزلي صوره يخبل
بعدها راحوا احمد ومرتضى لبغداد وكال راح ابات هناك اني اخذت راحتي بيومها قررت انظف جسمي حبيت اخلي ميك اب غامق لان بوحدي وبقيت بس بملابسي الداخليه طبعا مقفلت الباب لان متاكده محد يصعد لفوك وهو اصلا عمو وخاله ناموا
بديت انظف جسمي كله بس ظهري مكدرت اوصله مندمجه وماخذه راحتي وطبعا جسمي كله صار دبك من الحلاوه 🙈 ع فجأه وجان ينفتح الباب عليه شفت مرتضى كبالي الصراحه من الصدمه معرفت شنو الي اسوي وشنو الي اتصرفه
هو هم انصدم وبقى صافن بوجهي اني حيل اخجلت من الموقف ركضت ع الفراش سحبت البطانيه ولفيت نفسي سمعته كال اني طالع من تبدلين خبريني
المفروض منه بسرعه يطلع ميبقى يباوع بوجهي وبجسمي مااعرف شلون راح اكدر اباوع بوجها مره ثانيه
اخذت ملابس وركضت للحمام سبحت وطلعت لكيته بعده بره
مااعرف شلون راح اصيحه وشلون راح اكدر اواجها
دزلي رساله كملتي لان تعبان ونعسان اريد اسبح وانام
اي كملت تعال لان مو حلوه بحقي اماطل اكثر
اجه كال اني اسف ممتوقعج هيج الكيج جان دكيت الباب يله ادخل
مصار الشي الغلط غلطي المفروض اقفل الباب
يله انسي ما شفت شي
اجهزلك ملابسك .... ياريت واكون ممنون الج
تدلل جهزتله ملابسه بس شنو اني اريد اموت من الخجل
سالته اسويلك عشه لو متعشي
سويلي شي خفيف لان اريد انام مااكدر اثكل بالاكل
صار تدلل
سويتله كباب وطماطا كمل سبح ونزل جوه اكل هم طلب مني اكل بس اني رفضت
كمل وغسلت المواعين وصعدنه
لويش رجعت مو ع اساس تبات
ابو احمد متخربط ومدخلينه مستشفى اضطرينه نرجع
خطيه شبي
جلطه مفاجئه
ياا خطيه وهسه شلونه
بعده بالعنعاش مانعرف وضعه
محتاج شي لو لا
ممحتاج شي شكرا اخذي راحتج
راح انام تصبح ع خير
وانت بالف خير
ماكدرت انام الموقف كبالي شلون هيج شافني هو هم اشوفه بس يتگلب بعد فتره نمت
كعدت ثاني يوم صادف جمعه كعدت متاخره ب10 لكيت مرتضى ماكو نزلت لجوه لكيته بالمطبخ سلمت عليهم صباح الخير الكل صباح النور مرتضى كلي صباح الورد يباوعلي ويضحك خجلت مااعرف لويش هيج يباوعلي وبس يضحك
لويش مكعدتني .... وليش اكعدج اكو شي ... خاله خطيه وحدها كاعده تطبخ
ليش اذا كعدتي من وكت اطبخين بمكانها مثلا
لا بس اساعدها .... ماكو داعي انت عليج بالتنظيف وبس بس احسبي حسابج اذا كملتي امتحاناتج لازم تتعلمين للطبخ مو زغيرونه
ان شاء الله وفعلا كلامه لازم اتعلم ع الطبخ بس خلي اكمل دراستي كتلها خاله خلي اطبخ التمن اليوم اني خلي اتعلم شويه شويه ... لا خاله خلي تجي العطله واطبخي ع راحتج
بديت انظف وارتب بس احس عيون مرتضى ملاحقتني وين مااروح ارتبكت مااعرف شنو سالفته اليوم اكيد من وره منظري البارحه 🙈 والله خجلانه ومااعرف شاسوي رحت للصاله اشو هذا هم اجه ورايه لا اليوم مرتضى بي شي
التفتت عليه شنو متروح للمحل اليوم ... ليش شكو
مجرد سؤال ... لا مااطلع نتغده ونروح اني وابوي للمستشفى لازم نشوف عمي ابو احمد
بقيت الهي بنفسي بالتنظيف بس اشو مرتضى مناوي يحل عني
اكول روان من شوكت انت هيج حلوه حيل
اني اتفاجات بي هيج باوعت اله 😳 شنو شكلت
ليش هيج صايره حلوه ... مااعرف شاجاوبه بين المصدومه والخجلانه
غلست ورحت للمطبخ لكيت خاله تسوي التمن بديت اجهز الطرشي لان اليوم جمعه ومسوين سمج وسويت زلاطه اريد بس الهي بنفسي ثواني وجان مرتضى هم يجي كبالي
حيل توترت مااعرف شاسوي وشاتصرف
جان يحجي وي خاله يوم فدوه اريدج بشغله ... اي يوم احجي شتريد
اني جنت اشرب بمي كللها اريدج تزوجيني اني باللحضه غصيت بالمي هو اجاني بسرعه وانخبص كام يدك ع ظهري
لك مرتضى هسه انت وقت شقاك ياماما البنت غصت من وراك
بس اني مدا اشاقه احجي صدك .... ولي ولك ماالي خلكك ابد
هاي شنو يوم معقوله متردين سعادتي .... ولك ياسعاده شحال لو ما سويت المستحيل حتى تتزوج روان وهسه مصارلك شكم شهر تريد تتزوج عليها شنو مقصره بشي
هاي يمج واساليها ها روان شتكولين مقصره ويايه انت لولا
مااعرف شاجاوب اكول مقصره مترهم اكول لا اخاف يفشلني ويكول جذب
مااعرف اني انت شتكول .... اني اكول اي مقصره وبهواي اشياء
خاله التفتت كالت مثل شنو اشو علاقتكم حلوه ومشفتكم تتعاركون بيوم بعد بيمن مقصره
خلاني بموقف ماانحسد عليه ابد حيل ضجت من موقفه هذا ردت اطلع جان يصيح ورايه هاي وين شارده يمعوده ترى اشاقه وياجن حبيت اشوف ردت فعلجن اثنينجن الحمد لله رجع الدم بوجهي
خاله ضربته بالشقه ولك هاي المساله مو مالت ضحك جان راحت بيها بنت العالم
لتخافين عليها تدري بيه روان احبها واعشقها لو اموت ماافكر اتزوج عليها شتكولين انت روان صدك لو لا
انت اعرف ماادري اني .... اني اكول ماابدلج باملاك الدنيا كلها
يعصافير الحب اذا انتوا هيج تحبون بعض ليش طولتوا متفرحونه ابيبي اي شي ولد بنت اهم شي اشوف بيبي منكم
اني مااعرف شاجاوب هو حجه ها روان شتكولين خوش فكره هاي خلي نسويها اني خجلانه وبنفس الوقت معصبه منه ماادري اليوم شبي ويايه
ها اشو ساكته متحجين ... ها بكيفك انت
اذا بكيفي لعد اسمعي قراري يوم اني حاليا ممفكر باي طفل هي كاعد اداوم واني عندي خوفه من الطفل بالوقت الحالي لاغينها هاي الفكره
لك يوم العمر يركض ركض والله واذا ع دوام روان لتخاف اني الطفل اعتني بي واخلي بعيوني والله مااخليها تتعب بي ابد
يوم نسيتي تجربتي السابقه اني اخاف من هاي السالفه
يوم مريم الله يرحمها تختلف اول شي انتوا اقرباء وثاني شي هاي قسمة رب العالمين
الله كريم يوم خليها وره الله رايح اصعد بالغرفه اذا جهز الغده تعالي صيحيني روان
واخيرا راح اخلص منه الحمد لله عافنه وصعد
خاله فدوه اروحلج قنعي ع مود الطفل لان البيت المابي طفل مينراد والعمر كاعد يركض ركض اني بعدني بحيلي اربي الكم والله
تدللين خاله ان شاء الله احجي وياه واقنعه
الله يرضى عليج بنيتي
اذن صليت جوه يم خاله بعدها كالت صيحي مرتضى خلي نصب غده لان يردون يوحون
صعدت للغرفه لكيته مخلي اديه ع وجها ونايم كعدته من بعيد بس هو ولا كانو اتقربت عليه اكثر مرتضى مرتضى اكعد اتغده وخر ادي عن وجها ها شكو اكعد اتغده ..... خليني نايم شويه نعسان ..... مو عمو منتظرك وراح يروح وكتكم ... يله كعدت
درت وجهي وردت اطلع جان يسحبني اله ياالله اليوم مرتضى موطبيعي ابد
وين تردين .... اريد اصب غده غير .... بس الغده مطاير .... رايد مني شي
اي رايد .... كعد وسحبني اله اكثر .... حيل اتوترت حاولت ابتعد بس هو لازم ايدي .... وين تردين تشردين .... اريد اصب غده .... يبوو ع الغده الي اكلتي كلبي بي اصبري شويه .... سكتت بعدها كتله شرايد مني .... حاب اباوع بوجه مرتي اشواليوم عاجبتني حيل وطالعه حلوه كلش .... حبيت اتهرب منه من نظراته ومن كلامه .... مرتضى خاله تصيحني عيب منها
ممنوع اطلعين اله تنطيني بوسه يله .... هاي اليوم شبيك مرتضى اكو شي .... ماكو شي مرتي ومن حقي ابوسج اكو اعتراض حتى اسوي اكثر .... اي اكو اعتراض نسيت الاتفاق .... هذا يااتفاق عيني انسي كلشي انت مرتي ومن حقي ابوسج هسه اني مطالب شي منج وهم خلي يكون بعلمج مطالب اذن منج
اشوهذا صدك اخذ شفايفي وبده يبوس ويتفنن طبعا اني رفضت هذا الشي مااريد اضعف امامه ولا اريده يتقربلي اكثر لان هو ميريدني ومتاكده منه يجوز هسه عجبته مجرد نزوه لا اكثر ولا اقل واني متاكده يتندم ع السواه كوه كدرت اوخره عني
هاي شبيج روان اني ممسويلج شي ولا طلبت منج شي مو قانوني انت مرتي ومن حقي اطلب الي اريده
صاحت خاله روان وين صرتي عفته ونزلت احس بنفسي سخنت من الخجل مااعرف ليش هيج يسوي مرتضى بس لازم اوكفه عند حده مااريده يتقربلي وقت نزوته وبعدها يتندم واني اصلا مااريده
صبينه الغده وكعدنه سويه اني كوه اكل انقش تنقش لان ماالي نفس وبس افكر بالموضوع مرتضى ياكل واحسه عيونه تراقبني بعدين صفنت شويه افكر شلون اخلي ابد ميتقربلي ابد
فجأه وحان اسمع مرتضى هاي وين صافنه احجي ومتسمعيني ياالله والله عيب كدام عمو وخاله اسفه منتبهت
هاي بيمن تفكرين اكيد بلي صار قبل شويه يضحك وغمزلي خاف جانت عايزه التمت خاله حجت ونقذتني يوم حقها تفكر يجوز هي هم خطيه بنفسها الطفل وانت ترفض ميصير هيج هو ضحك كال ها روان شرايج بحجي امي سكتت مااعرف لويش هيج يحرجني
حجه عمو كال شنو السالفه شعدكم وي البنيه كلتله خاله طلبت منهم يفكرون يجيبولنه طفل .... لعد هو بكيفهم لو بيد الله هذا الشي .... لا والله بيدهم ابنك يكول مااريد بسبب تجربته السابقه يخاف
شوف ابني لازم تؤمن بالقضاء والقدر كلشي كاتبه ربك لازم تشوفه غلط هذا تفكيرك هنا مرتضى تحول للجد يابه اني متاني روان تكمل دراسه لان صعبه عليها تدرس وعدها طفل .... بس امك موجوده تساعدها اكيد ماعدها مانع .... الله كريم يابا ومثل مكلت كلشي بيد رب العالمين
كملنه الغده وراحوا الحمد لله افتكيت من مرتضى رجع عمو وحده كال وصلني وراح للمحل
لليل سويت نفسي نايمه مااريد اتواجه وياه رجع بس نام گبل همزين اني هم نمت صدك وره شويه دك جهازي كعدت لكيت عمار يتصل راحت روحي نسيت شهد اباوع ع الساعه ب2 ونص خفت لصاير شي
الووو .... الووو .... ها عمار .... ها روان شلونج شخبارج
الحمد لله وانت .... الحمد لله .... ها عمار خيرك روحي راحت اكو شي
لا ماكو شي بس شهد كاعد تطلك راح امر لامها تريدها خلي تروح ويانه
راح اكعدها هسه طبكته منه كعد مرتضى ع الصوت
ها روان شكو خير من خابرج ..... خابرني عمار شهد كاعد تطلك وتريد خاله تروح وياها
خطيه راح ابدل اروح وياهم روحي انت كعدي امي ...انزل انت كعدها عيب اني انزل الهم .... لج ياعيب دكي الباب وهي تطلع الج
رحت كعدتها وخطيه انخبصوا هي وعمو راد يروح عمو بس مقبلو كالوا لازم احد يبقى يمي اجه عمار وراحوا وبقينه اني وعمو قلقانين صارت ب4 خابر مرتضى كال جهزي فراش لشهد بالغرفه الجوه
جابت خطيه ... اي جابت الحمد لله وراح نجي
الحمد لله راح اجهز الها كل شي فعلاجهزت ورجعوا التهيت وياها اني وخاله ماما اجتي وبيبي ومرة خالو وعمار هم كام يجينه هوايه سمت بنتها رهف اعتنينه بيها هواي واجتي ايات بقت يمنه يومين هواي ساعدتنه اجوي بيت عمهم ع حساب شهد وكالوا مخطوبه بنتهم اخذوا رايي عمو گللهم اخلي الولد يسالون عليهم طبعا بناتهم حبابات بشكل وحتى الرجال ومرته ماشايفه هيج ناس طيبين ابد
اني انام يم شهد اريد حجه من اخر موقف صار ويايه وي مرتضى وفرحت من نزلت اعتني بشهد وبنتها خاله بقت تحجي عليه شنو عايفه رجلج خطيه بوحده وانت مكيفه هنا وي شهد خاله والله ماعنده شي وهو كلي ابقي يم شهد لتصعدين
حتى لو خاله هيج تسوين هم خطيه هو شنو ذنبه اليوم اصعدي واني يم شهد معليها بعد مااكدر اجادلها لان هي من تحجي هيج حقها لان متعرف بعلاقتنه شنو
شهد صارلها اسبوع اليوم اجت ماما وعمار عطلناهم للعشه كوه قبل عمار يتاخر خابرت مرتضى واجه جاب ويا عشه جاهز واني هم سويت مرتضى خابر احمد كله جيب ديما وتعال اتعشو ويانه وكل لعمار خابر كرار همين خلي يجي خل نغير جو كلنه فعلا اجتي ديما والولد كلهم دزينالهم العشه للاستقبال جان يسولفون ويضحكون حيل قوت علاقتهم سويه اني وشهد فرحانين كرار هم جاب زوجته وجنه متجمعين احلى جمعه بس شهد احسها حيل ضايجه وممرتاحه ابد سالتها شبيج كالت عمار يريد ياخذني واني احس بنفسي بعدني تعبانه ردت 10 ايام يله ارجع
بسيطه اني هسه ادز عليه واحجي ويا فعلا طلبت من مرتضى يصيحه الي وحجيت وياه عمار شهد بعدهي مريضه فدوه خليها تبقى لمن يسبحون يوم العاشر يله تاخذهم هي كلتلج مو
مو مسالت هي كلتلي بس حتى عيب من اهلها ميصير هيج تاخذها خطيه خليها هي كلها 3 ايام وتعال رفض رفض نهائي بعدين كوه كدرت اقنعه ووافق بقوا حيل متاخرين يلعبون دومله وطاولي تقريبا ب12 يله راحوا
خاله كلتلي اليوم اصعدي فوك نامي يم رجلج ماعدنه شي صدك صعدت دخلت للحمام سبحت ولبست تراك لون خردلي بقيت شعري ع طوله وانشف بي دخل مرتضى بقى صافن هاي شنو اليوم الغرفه منوره شنو السالفه هم تعرفين ليش ها لا مااعرف لويش .... اي مبين متعرفين جانت الغرفه ضلمه يوميه بدونج
معرفت شاجاوبه لان حيل خجلت كتله راح انزل اشوف شهد وخاله اخاف محتاجات شي ردت اطلع جان يسحب ايدي .... وين تردين تشردين ؟؟؟ مااشرد بس اشوف خاله وشهد واجي
روحي شوفيهن وتعاي الج مهله عشر دقائق بعدها تصعدين
اوك تمام بس اريد اشرد منه مااعرف شعنده ويايه وليش يحاول يزعجني نزلت وخاله اخترعت ها ولج شبسرعه نزلتي خاله اجيت اشوف اخاف محتاجين شي كامت تضحك كالت ولج شهد هاي صعدت قشمرت الولد وسبحت ع السريع ونزلت كمنه نضحك لا والله خاله مو هيج بس اشتاقيت لرهوفه واجيت اشوفها .... اي هنا الحجي هاي لان بنت اخوها هيج تسوي لو غريبه مشفنه شكلها ابد .... اي والله ماما هم صدك يضحكن ها شهد قلبتي عليه شحال لو ماصديقتي انت واحبج قبل لتكونين زوجة اخويه
اي والله رونه صدك الله شاهد عليه اني هم احبج واموت عليج مو لان زوجة اخويه ولا لان حماتي بس لان انت اعز صديقه عندي بقينه نسولف كالت خاله روان طلعينه الكرزات الي جابهن عمار بذيج العلاكه طلعتهن وكعدنه ناكل الصراحه نسيت مرتضى ولا اجه ابالي ابد مندمجين ناكل ونسولف ونضحك مااحس اله مرتضى فوك راسنه
ها ولج كاعده تكرزين حب واني هناك متانيج اني شكتلج
ها شكتلي نسيت .... التفت ع خاله يوم ترضيها عايفتني نايم بوحدي وهي هنا بس تريد تشرد وتخلص مني تعالي انت تصرفي وياها
ها ولج اني شكتلج وعبالي قشمرتك وسبحت ونزلت .... هي كالتلج .... لا والله مكلت شي .... انت اسكتي حسابج بعدين اي يوم كملي والله يوم كتلها اليوم اصعدي يم رجلج بس اشو نزلت عبالنه انت كتلها
والله يوم كالت راح انزل اشوف اخاف محتاجات شي واصعد بسرعه انطيتها مهله 10 دقايق وهي صارلها ساعه جوه تكرز حب واني مصموط جد جدي ومنتظرها
شهد كامت تضحك لتبقى تلغث اخذ مرتك واصعد لتكعد بنتي اسكتي ولج انت عابت الج ولبنتج من وراجن مرتي عافتني وباقيه يمج تعالي يوم اتصرفي وي جنتج خليها تصعد وادير بالها عليه
صدك جذب هسه املص اذاناتها تعاي ولج روان كلشي ولا مرتضى ترحين تصعدين واذا نزلتي وعفتي بوحده راح اعرف شاتصرف وياج
اي والله ماما خلي تصعد نايمه ع كلبنه 24 ساعه خلي نفتك منها
ها شهد هيج صار الحجي بسيطه 😡😡😡 خلي اصعد واشوف باجر منو راح ينزل يمج
ولج اشاقه وياج تعالي باتي يمي معليج بمرتضى
ها ولج لتخليني هسه اخابر رجلج يجي ياخذج ويخلصنه منج
حجت خاله روان اصعدي واسكتي وي رجلج يله
اشو هذا سحبني من ايدي وصدني عبالك راح اشرد واعوفه جان يكلي اليوم اني اعلمج شلون تشردين وتجذبين عليه بس خلي ندخل للغرفه
ياالله اليوم شراح يخلصني منه اليوم
دخلنه للغرفه وقفل الباب وجان يكلي .....
توقعاتكم شنو راح يكول مرتضى لروان
يتبع….
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 35❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
جان يكول اي يحلوه تعالي كليلي وين شردتي واني شكتلج ع الوقت
نسيت والله التهيت وي شهد
حقج تنسيني هو اني منو وشاعنيلج قابل
والله نسيت هاي شبيك مرتضى اسفه والله مجان قصدي
معلينه بهاي السالفه تعالي تعرفين مشتاقلج حيل حيل بعد ممنوع تنامين بغير مكان ابد مفهوم لو اعيد
لتعيد مفهوم بس انت هم لتحاول تزعجني مفهوم لو اعيد
هاي شنو تقلديني كاعد
ممنوع تقلديني مفهوم لو اعيد
شوكت قلدتك اني
اسالي نفسج .... اكيد متوهم ويله اني حنام حيل نعسانه
شنو تنامين معقوله ممشتاقتلي .... شنو مشتاقتلك شنو قابل جنت مسافر مثلا حتى اشتاق
يعني اذا سافرت راح تشتاقيلي لعد راح نسافر اني والولد اتفقنه اليوم
حبيت اغير الموضوع افرش الك تريد تنام لو بعدك
اليوم اريد انام فوك لان تعبتني نومة الكاع
عادي انت نام فوك واني انزل انام بالكاع
يعني حرام اذا نمنه سويه ؟؟؟؟ اعذرني مااكدر انام وياك لو انت جوه لو اني.... اوك ع راحتج افرشيلي جوه
لا انت نام ع الجربايه واني حنام جوه ماعندي مشكله ابد
افرشيلي جوه خلي انام مااحب العناد ولا احب الي يعاند
فرشتله وبقه يتكلب بالفراش اني نمت بعد ماادري. بهلي الفتره مرتضى اتغير عليه هملني ع الاخير ولا كانو كباله بعد ميطلب مني اسويله اي شي لا اكل ولا مي هو يكوم يجيب ومرات بالليل الكي هو بوحده يسوي العشه مااعرف لويش هيج يسوي
اجتي الامتحانات وخلصت ونجحت الحمد لله رحت مرحله اخيره قررت احجي ويا مرتضى ميصير هيج واحنه اصلا مبقى شي حتى يصير سنه ع زواجنه اليوم قررت انتظره واحجي ويا وافتهم الموضوع
اجه بالليل سلم لكاني مجهزتله الملابس اشو هذا عافهن وطلع من الكنتور غيرهن
شسالفه مرتضى مو ذني ملابس مطلعه الك لويش هيج تسوي
مااحب تخدميني ولا احب تسوي اي شي يخصني خليج انت بطريق واني بطريق مثل متحبين انت
منو كلك اني احب هيج اني زوجتك الي حق اغسل ملابسك واجهزلك اكلك وشنو الي اطلبه مني اسوي الك
بس اني مااريد اي شي احنه زواجنه ع ورق لهذا السبب ماالي حق عليج باي شي مابعد شي للسنه وكل واحد يروح بطريقه ويذكر صاحبه بخير
لويش هيج تصعب الامور اني شنو الي سويته حتى هيج تسوي
مسويتي شي ابد
والله دوختني مرتضى يعني شتكول عليه خاله من تشوفك تخدم نفسك وتسوي ريوكك لو عشاك
متكول شي وحتى اذا كالت شي فهذا من صالحنه حتى من نطلك عدنه اسبابنه احنه ممتفاهمين وهي شاهده
سكتت بعد محجيت شي ابد هو قافل ع هذا الشي راح اعوفه ع راحته
استمر وضعنه هيج عايشين مثل الغربه اليوم طلب مني طلب غريب كلي اليوم حاب انام ع الجربايه وانت بالكاع بس اليوم واتمنى ترتبين الفراش زين وتخلين فرشه حلوه الصراحه استغربت هذا الشي بس مااكدر اساله كتله مثل متحب
صعد ع الفراش وفتح بث كلي مااريد اي صوت منج. وضل بسولف
وره اسبوع تقريبا من العطله قررت اروح
لاهلي وابقى هناك يومين لان حيل ضايجه
من كلشي وهم مشتاقتلهم من زمان مارحت
كتله ومجان عنده مانع خبرت خاله وعمو وكلولي ابقي ع راحتج فعلا رحت ولكيت اسيل يم اهلها وماما وبابا ماهمه بالزياره
بقينه اني وشهد بس شفت شهد حيل متغيره سالتها شبيج كالت مابيه شي بس تعرفين سهر ورضاعه اكيد اتغير
رهوفه حبيبتي شويه كبرانه طالعه تخبل سوينه غده كالت شخبارج انت ومرتضى ع حطتنه ماكو شي جديد سولفت الها كلشي
حقه هيج يسوي ياعيني اذا انت ابسط شي متخلينه ينام يمج بنفس الفراش يحس بنفسه عبئ عليج انت لازم تنطينه فرصه ياروان مو عبالج هين الطلاك اول شي تصيرين منبوذه وخاصه بهذا مجتمعنه المابي حظ وثاني شي منو يكول تلكين احسن من مرتضى مو لان اخويه ادافع عنه بس والله متلكين احسن منه
شهد والله لو احسه يريدني من صدك جان فكرت بالموضوع بس هوولا كانو حب جسدي من شافني بدون ملابس لليوم هو تغير ويايه اني اريده يتقبلني كلي يحبني قبل ليلمسني مااريد يتندم بعدين
والله مااعرف شاكلج بس ياريت تفكرين بالموضوع
الله كريم اكلج اسيل شكد صارلها يم اهلها
من اتزوج اخوها لليوم ساكنه اهلها تجي يوم وتروح اسبوع شنو شوكت اتزوج اخوها
صارله شهر من اتزوج وباجر عازمهم عمار هو وزوجته
زين اذا معزومين هي شوكت باقيه غير تجي تشوف شتسوي اكل لو تريد ع الجاهز
والله ماادري باي شي ... انت شنو سالفتج ماالج دور هنا عمار متتحاجين ويا
لا ليش معدنه شي بس منطرق لمواضيع بيها اسيل
ابد ممقتنعه بيج والله ... بهالاثناء اجه عمار سلمت عليه وهو سلم بعدين صعد للغرفه وصاح شهد خلت رهوفه يمي لحضات ونزلت بس مبين عليها مضروبه استغربت وجها احمر سالتها شبي خدج عمار ضربج
لا مبيه شي ولا ضاربني عمار ع شنو يضربني
بهالاثناء نزل هو كال ليش تجذبين كولي عمار ضربني لان لكه ملابسه وسخه
سكتت هي ... بس عمار ماتسوه الضرب تعرف بيها ملتهيه وي بنتك والبيت كله براسها متكربس وتطبخ هواي ضغط عليها ليش متجيب اسيل من اهلها وهيج تحاسبها
ومنو كلج اسيل مااحاسبها بس هاي الفتره اتغيرت هواي حتى اتندمت لان اتزوجت عليها عبالي ارتاح طلعت متوهم زادت المشاكل اكثر هنا شهد كامت تبجي
عمار طلكني وخلي ننهي كلشي لويش هيج تسوي بيه
اس ولا نفس تحلمين اطلكج ذبيت كومه فلوس عليج وتردين تطلكين .... والله اتنازل عن كلشي الحاضر والغايب بس طلكني ... هنا عمار فقد كام يضربها شنو عندج واحد تردين تطلكين حتى تتزوجينه
اني هنا اتدخلت عمار اهدئ شنو واحد شنو تتزوجه انت ملاحظ تصرفاتك وي شهد
والله عجيبه عجيبتكم وين الحب وين الحنان الي جان عدكم
لج هاي وحده ساقطه تعرف الحب شنو
عمار احترم نفسك اني اشرف من الشرف مااسمحلك هيج تححي عليه
شنو شنو منو الي متسمحلي انت شنو حتى تسمحيلي لو لا
عمار اهدئ ميصير هيج تحجي والله كلبي علمني انتو اكو شي بيناتكم التفتت ع شهد ها شهد كلشي ماكو ومتفاهمين واني متوهمه مو
شهد بس تبجي منطقت بعد ولا بحرف اخذت بنتها وصعدت
لك عمار شبيك وي شهد معقوله متحبها بعد
اي مااحبها واموت منها
تحجي صدك انت
اي احجي صدك ولو مابنتي جان طلكتها مااطيقها اصلا اتندمت لان اتزوجت اشو اسيل معايزه شي اصلا
طبعا مكاعد استوعب الي اسمعه مستحيل هذا عمار اخويه اكيد ملعوب باعداداته
لك عمار من شوكت اسيل صايره الكل بالكل
من زمان بس اني جنت اريد حجه عليها من وره شهد وبعدين حسيت بخطأيي
مستحيل انت نفسك عمار اكيد اكو شي
هو نفسي اني بس وعيت ع زماني لان جنت مخدوع
جهزيلي الغده لان هم جوعان وهم نعسان اريد انام
صبيت الغده خلي اصيح شهد تتغده ويانه
اكعدي خليها لاتجي وتسد نفسي بس اشوفها وي هاي كلمته اجت شهد هو ولا كانو اني حيل ضجت والله مااعرف شاسوي وشاتصرف
حجت شهد كوم عمار دزني لاهلي
روحي منا ماالي خلكج ابد
راح اخابر مرتضى اخلي يجي ياخذني
خابري وشوفي شاسوي بيج اله ادفنج عدله قبل ليوصل ومحمد
ميصير هيج عمار انت مطيقني واني هم مااطيقك لويش باقين سويه
باقين لخاطر رهف اذا يعجبج تروحين لاهلج روحي بس بنتي تبقى يمي
عمار ليش تصير ظالم شنو ذنبي وهيج تعاملني
شهد روحي خلي اتغده لا ومحمد مراح يتعده اليوم ع خير
اخذت شهد وصعدت يمها شهد فدوه اهدئي خلي افتهم السالفه كلها
بدت تحجيلي شهد من اول يوم زواجهم لهذا اليوم اني تخبلت وعقلي وكف من التفكير شنو هاي شكد متحمله خطيه
ليش ماترحين لاهلج
والله اخاف يتعاركون مرتضى وعمار وهمه هستوهم علاقتهم قوت واني عندي امل يتغير ويرجع لوضعه الطبيعي وهم اخاف ع بنتي دومه يهددني بيها لهذا السبب ماكله خره وساكته
لج طز بالدنيه كلها اهم شي راحتج ياعيني روحي كلي لاهلج لان عمار مو طبيعي ولو اني شاكه بي مو طبيعي هو واسيل
ولج روان راح اموت والله من اشوفه شلون يعاملها وشلون يعاملني اتخبل وانجن والله
ياالله والله خطيه عاجزه شنو الي اسوي بس خلي تجي امي وابويه واني اعرف شغلي وياهم
شهد : ادمرت نفسيتي ع الاخير حيل تعبني عمار ومااعرف شنو اسوي حايره بزماني
رحت يم اهلي وارتاحيت هواي لان هناك يعاملني بدون رحمه رغم ما مريضه مفكر يوم يخابرني ويطمأن عليه استغربت من اجتني مره روان وكالت عمار يدك عليج عبالي يريد يساني ع حالي لو يعتذر مني بس اشو هذا رزلني شنو باقيه لهسه وشنو متخابرين وتسالين عليه كتله عمار هو منو المفروض يسال الثاني اني لو انت هو منو الاذى الثاني اني لو انت
اشو هذا كام يسب ويغلط لحد ممل ونهى المخابره انتظرت مرتضى من طلع من السجن يله رجعت اشو هذا اتخبل ازيد عليه ولا كانو مريضه مااعرف ليش هيج يتصرف وياي زين اذا يريد ينتقم مني الطفل شنو ذنبه خطيه
يعامل اسيل باحسن معامله واني العكس اموت حركه وقهر واحس بغيره مو طبيعيه احس بنفسي اريد انفجر اتظاهربالقوه امامهم بس داخلي منهاره الى ابعد الحدود من يحب يتقربلي ميباوع ع وجهي ابد ياخذ الي يريده ويتركني ويرجع لغرفته يم اسيل
اتمنى اصرخ واصيح ياعالم ياناس راح اتخبل اكرها لعمار كره محد يتوقعه ابد اتمنى يطلكني ويعوفني بس دائما يهددني من تجيبين عوفي الطفله وروحي ماامنعج احس سجينه ويدجني بنص كليي
خلي اشوف شنو تاليها وي عمار
قرب موعد ولادتي وامي جهزت للبنوته قررت اسميها رهف وجنت خايفه ليعارض بس الحمد لله معارض ابد كتله اروح ابقى يم اهلي لمن اصير زينه محجه شي مدري شعجب بديت اطلك خلال يومين ومحجيت لمن وصلت ويايه حدها اتصلت بعمار حسيت بي مخبوص كتله خابر امي اريدها ويايه
وين اجيب امج خطيه اكيد هسه نايمه الوقت متاخر
كمت ابجي ماعليه اريد امي اريدها ويايه اخاف اموت
سد حلكي اش لتحجين هيج مراح يصير شي هسه تجيبين وتصير سوالف بس لتنخبصين
لعد خابر امي فدوه اريدها روحي اتعلكت يم امي بذيج اللحضه
فعلا رحنه اني وخاله وعمار مرينه ع امي واحتى مرتضى اجه ويانه قبل ليدخلوني حجيت وي عمار فدوه عمار اذا صار بيه شي بنتي امانه يمك دير بالك عليها
لج لخاطر الله اسكتي مراح يصير شي ان شاء الله تجبين وتكومين بسلامه لتفكرين بشي وروحي اتوكلي ع الله
حسيت براحه ودخلت بعد معاناة الطلوك كدرت اولد بنتي وكانوا نولدت وياها من جديد
فعلا اتغيرت حياتي كلها بعد هاي اللحضه حسيت بعمار انسان ثاني ولا كانو نفسه الي ابيتهم حسسني بحنان باسني براسي واتحمدلي ع السلامه جان فرحان بالبنيه وسالني شاسميها وكتله رهف اني حسيت الفرحه فرحتين وحسيت هاي البنيه خير عليه
طلعوني من المستشفى ورحت لاهلي وطبعا ماانسى وكفة روان ويايه ابد هي وامي اكيد حيل اعتنوا بيه ومصعدت الغرفتها ابد بقت يمي طبعا عمار بقه يتردد علينه هواي حسيت انسان ثاني وحيل افرحت بس يافرحه مادامت بس رجعت لبيتنه وجان يرجع لنفس طبعا ميطيقني ولا يطيق سيرتي ابد رجع ازيد من كبل بمعاملته السيئه ويايه الشي الوحيد الي تغير بحياتي كام يتردد هواي لغرفتي ع مود بنته يحبها
مااعرف شلون اوصف شعوري ابد حاقده عليه وبنفس الوقت احبه مااعرف تفسير لهذا الشي ابد بس هو ابد ميحس بيه
كل خميس يرحون هو واسيل للمطعم واني لليوم مفكر ابد يطلعني وياه ابد ولا فكر يشتريلي شي او ينطيني شي من المحل
رغم بنتي الليل كله كاعده لازم بالنهار اطبخ وانظف وكلشي اسوي وحضرت اسيل كلشي متسوي مكضيتها لو عند اهلها لو طلعات خاله وعمو ابد ميقبلون ودائما يتعاركون وي عمار بس هو ميهتم ابد اني انجبر اشتغل واسكت بس خاله هواي تساعدني خطيه
رادوا يرحون للزياره عمو وخاله وطلبوا مني اروح والله حيل فرحت لان محتاجه هيج زياره اريد افرغ همومي بس المفاجئه رفض عمار ورفض قاطع بحجة بنتها حاره عليها حيل ضجت بس مابيدي شي
اجتي روان يمنه وفرحت من كالت راح ابقى يومين حسيت براحه لان محتاجه روان هواي بقينه نحجي شويه واجه عمار صاحني لغرفته وجان يشمر الملابس بوجهي هاي شنو ملابسي كلهن وسخه شنو شغلتج هنا بس اكل ونوم
اني شمعرفني بملابسك وسخه غير الي بهاي الغرفه اسيل مسؤله عنهن
لا كلهن عليج غصبن تغسلين كل ملابسي وتنجبين وتسكتين
عمار ميصير هيج هذا مو حجي اني مو خدامه اشتغل عندك وهيج تطلب مني
ضربني وكال تنجبين خدامه وغصبا عليج
بس غرفتك اني ماادخلها وماعليه باي شي يخصك هنا
شهد لتعاندين لا اندمج والله
عمار اروح فدوه الك طلكني واخلص مني
تحلمين بهذا الشي ولتعيدينها هاي الجمله كل شويه وهسه اغسلي ملابسي وانجبي واسكتي
اخذتهن وطلعت بره نزلت جوه شغلت الغساله وبده يرزلني كدام روان وكام يهددني ابنتي ياخذها اني اعترف اني جبانه بهيج شي فضلت اسكت اخذت بنتي نيمتها ونزلت اكمل الملابس سمعته يحجي وي روان ويكلها تسد نفسي ياالله كاعد يجرحني كل جرح اكبر من الثاني طبعا بديت اكرها من صدك وحقددت عليه مااعتقد راح اكدر اسامحا بيوم
صعدت وبديت اسولف كلشي لروان احس بنفسي ارتاحيت هسه لان جنت محتاجه احجي همومي لاحد لان من صدك وصلت لمرحله انهار من اقل شي بعد مااتحمل ابد اتمنى اصرخ اتمنى ابجي بعلو صوتي اتمنى اروح لاهلي واكلهم طلكوني بس اخاف من المشاكل
العصر اتسوك ع مود العزيمه مالت باجر كال تحسبون حساب اهل اسيل كلهم راح يجون
حجت روان لعد متجي ويانه لو تجي مثل الخطار وي اهلها تلكي كلشي جاهز
بالليل اروح اجيبها عود
اجوي بالليل خاله وعمو طبعا روان حجت وياهم ع عمار وكالت ميصير هيج يعاملها واني بالمقابل اهل شهد معامليني معامله متنوصف ولازم الكم دور ميصير هيج يتصرف
ميصير البنيه تبقى تخدم بيهم
خاله كالت لا فدوه مااكدر افاركه خلي نبنيله بالحديقه مشتمل هم قريب علينه وهم يعزلون بوحدهم
الكل ايد الفكره كال عمو خلي قبل ليجيب مرته من اهلها نتفاهم وياه دز عليه هو بالمحل اجه وانفتح الموضوع هو تخبل بالبدايه وكال اكيد شهد الي حشت راسكم بسيطه الج روان كلتله اصلا فكرتي اني ميصير اسيل اكل ونوم وفوكاها امي وشهد يخدمن بيها اعزلوا احسن ع الاقل نكول بيتها وحدها طبعا بعد جر وعر اخر شي وافق بس غصب مبين عليه
خاله كلتله يمه مراح ياثر عليك المشتمل يمنه وهذا يبقى بيتك شوكت ميعجبك تعال غرفتك تبقى ع حطته وهاي زوجتك شهد وبنتك يمنه يعني بالاسم راح تعزل ع مود اسيل تحرك روحها شويه الى متى نبقى نخدم بيها
هاي هي يوم راح ابلش من الاسبوع اليجي ان شاء الله
حيل فرحت ع الاقل بعد مااشوفهم سويه ولا مجبوره اخدم اسيل احلى خبر سمعته حقيقه
بالليل اتصلت بامي وشفتها اخاف عدهم شي لان روان يمنه كالت ماعدنه شي اشو الطبخ هو اصلا عليه والبيت نظيف تعالي اكلج ليش ماتجين همين وتباتين والله كاعد نشتاقلج
يوم والله بنتي تبهذلني هنا مكانها وفراشها صعبه عليه ابات بغير مكان
عادي جيبي غراضها وتعالي والنبي حيل مشتاقتلجن اثنينجن
الله كريم مااكدر اخبرها واكلها عمار ميقبل ابات ابد بس مااكدر باجر لان عدنه خطار
نهيت المخابره وكعدت ارضع بنتي فجأه وجان يدخل عمار مثل العاصفه كلبه حقيره شحاجيه كدام اهلي وهيج محرضتهم عليه والله اله اندمج ندم مراح تتوقعينه
بس اني محجيت شي ابد كدام خاله وعمو
انجبي واسكتي حقيره لتجذبين بس خلي يكون بعلمج راح اطلع بس ابقى ع كلبج وغصبا ماعليج تجين لبيتي اطبخين وتنظفين غصبا ماعليج افتهمتي لو
بس اني مو خدامه عندك ولا عند مرتك اخذ بنتي واروح لاهلي
عادي روحي وشوفي شراح يصير وهسه تعالي بدون لغوه زايده اتقرب عليه بوحشيه وعافني وطلع
سبحت وطلعت لكيت روان يمي بالغرفه بسرعه انفجرت بالبجي ليش ماعندي حظ ولج روان راح اتخبل بالاول اتزوجت شخص مااحبه بس هو يحبني ويموت عليه ومره ثانيه اتزوجت واحد اني احبه وهو بالمقابل يكرهني ويحقد عليه ليش هيج يصير ويايه انصحيني شاسوي اروح لاهلي واخبرهم كلشي لو اسكت لخاطر بنتي
والله مااعرف شاكلج ياشهد كل الي اعرفه لازم كرامتج فوك كلشي مستحيل ياخذ بنتج منج
ادري وبنفس الوقت مستحيل يخليني اروح لاهلي راح يسوي المستحيل حتى مااروح لاهلي
روان تعبت والله مااعرف شاتصرف وي اخوج
اني راح احجي وي عمار وراح اتصرف وياه لا فدوه بس تحجين راح يرجع عليه اتركي اني راح اتصرف ويا بقينه نحجي وبعدها نمنه طبعا اسيل بقت هناك
ثاني يوم كعدنه من وكت لان عزيمه وخبصه اول شي سوينه الغده وكملنه خاله كامت تحجي ع عمار فوك معازمين اهلها وفوكاها راح تجي مثل الخطار يعني شيسمونها هاي المفروض تجي تساعدنه ميصير هيج ابني
يوم اني الي كتلها ابقي لان مريضه خطيه
شبيها مريضه ؟؟؟؟
اسيل حامل واني كتلها ابقي هناك لان متخربطه حيل
الصراحه حيل ضجت ومتت حركه مااعرف هل السبب لان عرفت اسيل حامل لو اهتمام عمار الزايد بيها احس بنفسي مخنوكه حيل قررت احجي ويا بلكي يخليني اروح لاهلي بالليل وي روان
صعد للغرفه يريد ينام يرتاح طبعا نومته وكعدته كلها بغرفة اسيل رحت ودكيت الباب ودخلت
عمار اريد اروح لاهلي بالليل وي روان شكم يوم وارجع
جان منطرح بالفراش كعد ع حيله شنو عيدي الي كتي لان مسمعتج ابد
اريد اروح لاهلي ابقى شكم يوم
شنو المناسبه بالله
بدون مناسبه بس ضايجه ومخنوكه ومشتاقه لاهلي هواي
مااقبل سدي الموضوع واطلعي بره اريد انام
بس شنو السبب والله مشتاقه حيل لاهلي
اطلعي بره .... عمار ليش هيج تسوي بيه اني شنو الي سويته الك وهيج تعاقبني
اطلعي بره اخر مره احجيها
مراح اطلع ليش بس اني من اريد لاهلي متقبل ليش هيج حاقد عليه اني شنو السويته
عافني ونام ولا كانو احجي حيل ضجت نزلت للمطبخ بس الدمعه بطرف عيني اتعاونه اني وخاله وروان جهزنه العشه وقسم كالت خاله عمار يجيبه من بره كملنه كلشي تقريبا كعد عمار ونزل حاولت اتجاهله وهو هم اصلا متجاهلني مراح للمحل ابد حجه وي روان كللها خابري مرتضى خلي يجي يتعشه ويانه مهما تكون علاقتي بعمار افرح من اشوف علاقة عمار ومرتضى اتطورت بقى فوك روسنه هاي شنو وهاي شنو كال راح اروح احجز اكل من المطعم وارجع
راح وبعدها اجوي اهل اسيل امها وابوها وهي واختها واخوها وزوجته وبعدهم بربع ساعه اجوي بيت جد عمار وكرار وزوجته وياهم فرحنه اني وروان بنوره زوجة كرار خطيه كامت ويانه تساعدنه انسانه متنوصف ابد بسيطه ولاجنها دكتوره اتغيرت نفسيتي شويه بدينه نسولف ونضحك بشرتنه وكالت انقبلت دراسات عليه راح اكمل فرحنالها كلنه كملنه ورحنه كعدنه سويه طبعا الرياجيل بالاستقبال والنسوان بالصاله
الكل يسال روان شنو ليش لهسه ماكو طفل شعجب راجعي دكتوره كلتلهم مرتضى ميريد هسه ميقبل يكول لمن تكملين الدراسه هي بعدلي سنه والله كريم لاحكين ع شلاع الكلب
بنتي شلعت كلبي بس تبجي ساعه تاخذها خاله وساعه روان وبدينه نصب الاكل وجهزنه كلشي اني الوحيده الي ماكعدت وياهم لان نفسيتي مسدوده وبنتي مدري شبيها بس تبجي اخذتها وكعدت بالمطبخ اجهز بالجاي واني ارضعها اجه عمار للمطبخ راد ملح ياخذه من شافني مخبوصه مدري شعجب كام يحجي شتسوين هنا انت ورهف حاره عليها
كاعد اسوي الجاي .... لعد ماكو غيرج بس انت
الكل كاعد يتعشه ..... وانت متتعشين .... مااشتهي
مو هو بكيفج تشتهين لو لا هاي الطفله شنو ذنبها
كام يصيح اسيل .. اسيل .. اجتي اسيل تعالي اتكلفي الجاي ومن يخلصون اكل اغسلي المواعين انت التفت الي وانت روحي اخذي بنتج وروحي نيميها واكلي خطيه الطفله شنو ذنبها تجوعينها بعنادج
اسيل كلتله شنو هاي عمار لعد انت كومتني ع مود الجاي تحجي صدك انت حتى عيب من اهلي شيكولون هسه
اسيل سوي الكتلج عليه بدون لغوه زايده
اني عفتهم ودخلت من صدك تبهذلت بنتي خطيه دخلت جوه الكل طلبوا مني اكل وياهم كعدت وياهم شويه واجتي اسيل ومبينه ضايجه حيل اول مره افرح من موقف عمار
كملوا واتعمدت ابقى هي ضايجه كامت للمطبخ وسولفت لروان ونوره وحيل فرحن كالن خلي نكعد ونغلس وره شويه كالوا علي يريد يدخل يسلم ع خاله اني وروان ونوره دخلنه بغرفة خاله بقينه لمن كالوا راحوا طلعنه اجه كرار كعد يمنه سوالف وضحك كالوا مرتضى راح يدخل احنه جنه كاعدين وي كرار نحجي بصوت ناصي ع اسيل ونضحك وهو يقلد ع اخوها يكول نافش ريشاته وعبالك بس هو بالدنيا متزوج وي كل كلمه وكال مرتي واهل مرتي واحنه نضحك دخلو عمار ومرتضى وصادف نضحك روان كاعده بصف كرار وزوجته بالجها الثانيه اشو عمار يخزر بيه ومرتضى يخزر بروان مفهمنه شنو الفلم بقينه كاعدين ومندمجين مرتضى سلم ع الكل وطلب من روان تجهز نفسها كلتله بعد وكت تعال اكعد شويه الكل طلب منه كعد بس مبين ع اعصابه مااعرف شبي
بعدين كللها يله نروح لان تعبان راحوا وراهم بيت جدهم هم راحوا اسيل اتكربسن المراعين براسها هذا الشي خله كلبي يبرد اخذت بنتي وصعدت نمنه سويه مااعرف شكد نمت بس حسيت باحد يخنكني محطوطه المخده عليه عبالي حلمانه اختنكت حاولت افتح عيوني بس المخده منعتني كمت اصيح بس بدون فائده بدت طاقتي تنفذ دموعي جرن مااعرف منو هذا بالضبط وليش هيج يسوي بيه اتشاهدت ع نفسي لان حسيت الروح كاعد تطلع مني كمت ارفس باديه ورجليه بالاخير استسلمت للامر الواقع اكيد حموت مابيها مجان
ع فجأه وجان اتفاجئ ب .....
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 36❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
اتفاجأت راحت الادين من يمي حاولت افتح عيوني بس بتثاكل فتحتهن احسهن مغوشات شفت الباب انسد معرفت منوالي جان يمي معقوله عمار يريد يخنكني لو اسيل مااعرف كعدت مخنوكه كوه اتنفس خابرت عمار ميجاوب بعدها خابرت عمو خطيه اجاني باللحضه
خبرته بلي صاير ويايه كال اخاف حلمانه لا والله عمو مو حلمانه حقيقه وهسه مخنوكه
راح كعد عمار كال اكيد تتبلين علينه اني واسيل نايمين وانت تتوهمين
ماكدرت اثبت شي بس قررت ابد مااعوف الباب بالليل مفتوح قبل لاانام اقفله
اني متاكده مو حلم حقيقه بعدين وهمت نفسي يجوز صدك حلمانه
مرتضى : من رجعت من بغداد وشفت روان بذاك المنظر مبقى عقل براسي ابد حسيت بنفسي محتاجها هواي محتاج تتقبلني زوج الها اكو شي يجذبني بيها مااعرف شنو شكد احاول اتقرب الها بس هي احسها تبتعد مااعرف ليش مكاعد تتقبلني اتمنى نعيش حياتنه طبيعيه اني وياها بس مااعتقد هذا الشي يصير لان هي متريدني اصلا
حسيت بيها تضوج وتتنرفز مني قررت ابتعد عنها وماعليه بيها ابد وقررت حتى مراح اطلب منها اي شي كمت اغسل ملابسي من ادخل للحمام والاكل اني اجهزه وحسيتها ضاجت بس مهتميت ابد
احس بنفسي اتعلقت بيها احب تصرفاتها حركاتها كلشي بيها حبيته بس مااعرف شلون اوصل لكلبها وشلون اصارحها
طلبت مني تروح يم اهلها وتبقى يومين الصراحه ضجت بس كلت خليها خطيه هم من حقها تروح يم اهلها وتبات اني اتعودت ع وجودها بغرفتي من دزيتها لاهلها بقيت بالمحل لليل بوقت متاخر يله رجعت الغرفه وحشه بدونها وضوجه حيل مااعرف شلون راح اعيش بدونها بعد الزواج حسيت الدنيه سوده بعيني لان مموجوده بيومها نمت بفراشها جنت حيل ضايج كلت خلي اراسلها اشوفها دزيتلها
هلووو .... باللحظه جاوبتني هلووو ....
شلونج .... تمام وانت .... بخير الحمد لله
شخبارج مرتاحه ان شاء الله .... الحمد لله مرتاحه
عساج دوم .... شكرا .... العفووو
شكو ماكو .... ماكو شي سلامتك
رهوفه شلونها كبرانه لو بعدهي زغيره
كبرانه وصايره حلوه .... فدوه بوسيها الي مشتاقلها والله
ان شاء الله .... شوكت ترجعين .... بكيفك ....
شلون يعني بكيفي اذا اجيج هسه ترجعين
ها لا مو هسه الكل نايم باجر باي وقت تعال
انت ياوقت يعجبج .... ها ياريت بالليل يله
شمعنى بالليل .... باجر اهل اسيل معزومين عدنه ع مود اخوها متزوج وعازمهم عمار .... لعد انت شدخلج بالعزيمه
مو شهد وحدها خطيه ولازم اساعدها هاي رهف متخليها تشوف دربها .... لعد وين راحت زوجة عمار .... يم اهلها مريضه وراح تجي وياهم باجر
شوفي روان ايالج وابالج يلمحج اخو اسيل والحسين ادفنج عدله خاف تكولين
وين اشوفه قابل راح ينعزلون الزلم وحد والنسوان وحد
اي بعد احسن بس هم الحذر واجب ديري بالج خاف تكولين ماادري ماكتلي .... اوك تمام والله مااطيق اشوفه اصلا
بعد شكو ماكو .... ماكو شي .... ماتعلمتي من امج من شهد الطبخ .... ها شلون اتعلم بيوم واحد قابل
بس ميصير ياعيني انت نايمه وامي الي تطبخ عيب تقبليها ع امج لو حابه تقلدين مرة اخوج
شنو هذا الحجي مرتضى اني مااحب اقلد احد ولا اقبل ع امي ولا ع خاله واني الي اخجل كدام خاله من هي تطبخ واني اكل متحتاج تكول وتذكرني اني راح اتعلم الطبخ باسرع وقت باذن الله
ان شاء الله
اني حبيت اغثها وهيج حجيت وكتلها نايمه وع مرة اخوها لازم تتعلم امي خطيه ماتكدر وميجوز روان تشوف امي تطبخ وساكته
بعد مدزت شي ولا اني دزيت حاولت انام وفعلا نمت
ثاني يوم كعدت امي سوتلي ريوك اكلت ورحت للمحل اتمنيت تتصل بيه ادزلي رساله حتى لو بالجذب تسالني بس ولا كانو ولا بحالي اصلا هم مارجعت للبيت قررت امر عليها بالليل وارجعها ولازم انسى الزعل واحاول اتقرب منها ملازم ايأس راح اصر عليها مثل مصريت قبل واتزوجتها لازم اهتم بيها وابين الها اني اريدها
دزيت الها رساله هلووو روان شلونج شخبارج
تعرفين حيل مشتاقلج والغرفه بدونج متنطاق ابد راح امرلج بالليل من وكت جهزي نفسج بقيت انتظر جواب منها بس ماكو حتى مقرت الرسائل حيل ضجت لان ممفكره بيه ولا واحد بالميه
للعصر خابرني عمار وعزمني ع العشه كلت عيب منه لازم اروح وهم اخلي عيني ع نسيبه اخاف يفكر يلعب بذيله
للمغرب اتصلت بيه روان حيل فرحت كلت احتمال اشتاقتلي بس انصدمت من ولا كانو مراسلها بس خبرتني اجي للعشه كتلها الله كريم
رحت من وكت عيب منهم ولكيت كرار فرحت همزين لان حيل ارتاحله كرار انسان خلوق بشكل
اتعشينه وكملنه طبعا اني ونسيب عمار واحد ميطيق الثاني وهذا الشي واضح علينه اثنينه
فجأه كل لعمار اريد ادخل اسلم ع خاله يقصد ام عمار احس بنفسي دخنت بس مااكدر احجي شي ولا اتصرف اخاف روان هناك ويتعمد يشوفها
دزيت رساله لروان روحي ادخلي جوه وديري بالج تراوينه وجهج ولا قرتها ولا بحال جهازها اصلا دكيت عليها ولا تجاوب عيوني صارن بكصتي
طولوا جوه واني افور دم بعدين متحملت صحت ابن عمار كتله روح لعمه روان كللها جاوبي عمو مرتضى راح واني اخابر رجع كال عمه كاعد تحجي وي خالو بس تخلص تخابرك اني هنا فقدت اعصابي من صدك يمكن اذا تصير روان كبالي اله اشرب من دمها بسيطه الها هاي وصيتها وهيج تسوي لعد لو مموصيها جان شسوت
كمت افور دم بس مابيدي شي بقيت منتظر ع نار لمن طلعوا اشو هذا الحقير يباوعلي بنظرة حقد ويضحك فار دمي فور بس مجبور اسكت من وره روان لو ما كاعده يمه جان عرفت شغلي وياه
اخر شي راحوا لبيتهم بعد مخلصت روحي كرار راح جوه بقيت كاعد شويه يم خال روان وجدها وابوها وره شويه كلت لعمار خلي اسلم ع الحجيه بيبية روان اقصد وع خاله دخلت لجوه ولكيتها كاعده بصف كرار وتسولف وتضحك ومندمجه بالكلام ورايحه بغير عالم خزرتها وهي ولاكانو طلبت منها نمشي اريد بس اوصل واعلمها ع هذا تصرفها صحيح كرار الولد حباب وخلوق بس رغم كلشي ماالها حق تكعد بصفه بهيج قرب ويهمسون ويضحكون طلعنه واني افور دم هي ولا كانو شي صاير شخطت السياره شخطه اريد بس اوصل للبيت
هي كامت تصيح مرتضى والله اخاف من السرعه عفيه لتمشي سريع ع كيفج اني مهتميت ابد فصلت عن العالم شكاعد تحجي ماادري ابد وصلنه للبيت لكيت امي وابويه كاعدين بالصاله ويمهم مهند وزوجته سلمنه عليهم روان صعدت لفوك بدلت ملابسها ونزلت اني افور دم اريد بس اشوفها بوحدنا بقينه كاعدين لمن طلعوا بيت مهند صعدت قبلها وافور دم انتظرتها لمن دخلت للغرفه
وين جهازج ... هذا لويش ... افتحي ... فتحته ... هاي شوكت داك عليه ماادري
حقج متدرين وينج ويني اني شنو حجيت امس وشنبهتج
ع مود شنو .... ع مود العار اخو زوجة عمار
وين المشكله سويت مثل مكتلي اني .... ضربتها راجدي ليش تجذبين .... ممجذبه والله .... لتكفريني ب الله لتحلفين جذب كاعد اكلك والله ماطلعت يمه ابد .... ضربتها مره ثانيه لان عقل مبقى براسي ابد
لتحلفين ولتجذبين افتهمتي لو اعيد
مرتضى هاي شبيك ممجذبه ابد والله تكدر تخابر شهد وتتاكد
تعاي اكلج شنو هالميانه بينج وبين كرار
كرار حاله حال عمار اخويه الله ... بصفي العطر شلته وركعته بالكاع شنو اخوج ولج محرم عليج لو لا وتعالي كليلي لويش متجاوبين ع رسائلي
مجتني ولا رساله منك ابد ... اللهم طولج ياروح انطيني الجهاز فتحته هاج شوفي ذني شنو شلت الجهاز وركعته بالكاع اتفلش هي بقت صافنه اني هنا ماادري شاحجي وشاتصرف من العصبيه
انت الظاهر متمشين بالعيني واغاتي كاعد تعاندين عبالج حلو العناد
بعد ممنوع ترحين لاهلج اله رجلي ع رجلج وتكعدين يمي
هاي شبيك مرتضى والله ماادري مراسلني لان جان فوك جهازي واني جوه وثانيه وبعد روح اتاكد من شهد اني وين جنت من دخل اخو اسيل
هذا الحجي قنعي نفسج بي خابرت لمن مليت وراسلتج لمن جزعت معقوله ماسمعتي وع اي اساس تعوفينه فوك وانت جوه
ع راحتك لاتصدكني عافتني واخذت ملابس ودخلت للحمام
عفت الغرفه وطلعت للحديقه حيل ضايج ومعصب رحت للمحل اشتريت جكاير وبقيت بالحديقه ادخن لمن نعست دخلت للغرفه لكيتها ظلمه ونايمه وفارشتلي جوه
فتحت ضوه جهازي لكيت جهازها ع مكانه اباوعلها متفلش تفلش حرامات اني شنو الي سويته المفروض مااكسره الشاشه كلها مكسوره جبته خليته يمي كلت باجر اجيبلها جهاز جديد
كعدت الصبح لكيتها كاعده مو بفراشها سبحت وبدلت اخذت الجهاز بجيبي ونزلت لكيتها تنظف بالبيت تعالي سوي ريوك
اجت للمطبخ بدون صوت سوتلي بيضه وطلعت قشطه وصبت جاي وطلعت
تريكت ورحت للمحل انطيت الجهاز للولد كتله شوف شنو البي غير الشاشه ويسوه اصلحه لو لا
فحصه كال ميسوه تصلحه الشاشه غاليه والجهاز تعبان الافضل ياخذون جهاز جديد
طلعت الخط من الجهاز وضميته اخذت جهاز جديد وخليت بي خطها فعلت الها الفايبر والواتساب ونزلتها الفيس والماسنجر كلت هي ادخل الرمز وتفعله قررت الظهر ارجع هم اتغده وهم انطيها الجهاز فعلا ب2 رجعت للبيت لكيت الكل نايم حتى هي نايمه كعدتها روان روان ... ها كعدت وتفرك بعيونها .... اكعدي جهزيلي الغده ... اوك ... نزلت خليت الجهاز الها ع الميز سبحت ونزلت لكيتها مجهزه الغده ... كعدت خلت الجاي ع النار يله تعالي اتغدي
متغديه ... كولي والله ... وعليمن احلف ... لعد تعالي اكلي واسكتي ... مااشتهي ... تعالي اكعدي مااحب اكرر كلامي ... واني هم كتلك مااشتهي ... لعد تعالي شيلي الغده مااريد ... اتوقعتها راح تجي تاكل بس ولا كانو حجيت وياها مو احجي وياج بقت تلهي بنفسها بالطبخ شلت الغده وشمرته بالكاع لان من صدك نرفزتني هي طفرت من مكانها عفتها وصعدت اخذت السويج والمحفظه والجهاز ونزلت رحت للمحل حتى نفسيتي نسدت بقيت للعصر دزيتلي ع لفه وببسي واكلت للعصر اجه احمد وبقه يمي وكال عازمك ع العشه اليوم
شكو اليوم شنو المناسبه ... ماكو مناسبه بس عزمت كرار وعمار وانت فعلا رحنه ولكيناهم كدامنه طلبنه اكل واتعشينه واتفقنه ع موعد السفر بعد اسبوعين كالوا منروح كروب حتى عمار يتسوك فرد مره بطريقه كالوا هناك نقرر شكد نبقى وافقنه كملنه ورحنه للمحل بقوا يمي لوقت متاخر بعدها راحوا واني رجعت بوقت متاخر لكيت الكل نايم حتى روان اني متاكد منايمه لان ممتعوده هيج وقت تنام لان عطله وصيف تركتها بس لكيت الجهاز ع مكانه ابد ملامسته كلت باجر احجي وياها نمت وكعدت لكيتها نايمه كلت خليها نايمه اني اتريك بوحدي للظهر رجعت للبيت لكيت بيت عمي يمنه كلهم وبعدهم ممتغدين
لكيت البنات وي روان بالمطبخ صعدت سبحت وبدلت ونزلت جوه لكيت امي وعمه ام رسول يحجن ع روان امي تكلها متعرف تطبخ ابد اني الطبخ كله عليه اني شفت روان صدفه اجت حبيت اغثها شويه كاعد تجيب بالاكل
كتلها والله ياعمه فاهيه كلش واريد اتزوج عليها
تحجي صدك والله مو هاي نفسها الي ذبحت نفسك عليها
بس تندمت تصدكين مره طلبت منها تسويلي بيضه للريوك خلصت السيت كله والريوك مكمل اخر شي اكلت قشطه وكمت اضحك مره حركتهن ومره ممستويات
حسيت بيها حيل ضاجت اني اريدلي وحده تطبخ تساعد امي مو امي تخدمها امي وعمه ياشرن عود روان وراك ميدرن اني متعمد هيج اسمعها خلت الاكل وكملت كلشي واختفت صاحلها ابويه گلتله مااشتهي ابد
كام يحجي علينه ابويه اني وامي كال اشو البنيه ممقصره البيت كله عليها وحتى ملابسنه هي تغسلهن شنو هسه الطبخ قحط
يابه اني اتشاقه وياها واتعمدت اسمعها بس والله ماجنت احجي صدك
بس البنيه ضاجت وهذا الشي واضح عليها ... عادي اني اراضيها
كال عمي المشيه مالت بنته هنا راح نسويها لان البيت اكبر وحتى عقد السيد بيومها بيتهم صغير ميكفي وكال المشيه راح تكون ضخمه كتله اني ااجر كراسي واخليهن بالطارمه وبالحديقه اخاف ميكفي الاستقبال كتله عمي كل التحضيرات عليه انت عليك الصافي كال لا عمي اني كلها اتكلفها مشكوره ابني
والله ازعل منك اني اتكلف كلشي معليك تعالوا انتوا الصبح بيومها بس شوكت
كال يوم الجمعه واليوم صادف ثلاثاء كتله هواي وقت هاي هيه راح اجهز كلشي ع الموعد
بقه بالي يم روان هاي اخاف صدك صارلها يومين مماكله ادري بيها عنوديه بشكل رحت للمطبخ بحجة اجيب ملح لكيتها عيونها حمر مبين عليها تبجي جانت حيل ضجت مااعرف ليش اني هيج جرحتها لكيتها ترتب بالكاونتر
وين الملح ... انطته بدون صوت ... تعالي اتغدي ... مااشتهي ... شنو ماتشتهين ... يعني مااشتهي ... بعدني احجي وياها عافتني وطلعت مبين عليها ضايجه فول
رجعت اتغده بس مااعرف وينها روان عيوني ادور عليها دائما اني مستعجل ومتهور اتجاها هسه لوين حجيت هيج وزودتها عليها هاي فوك ماضربتها وكسرت جهازها رحت عقدتها اكثر
كملنه الغده وصبت الجاي هي التهت تغسل المواعين بيت عمي راحوا لبيتهم ابويه وامي راحو لغرفتهم ينامون
رحت للمطبخ لكيتها بعدهي تنظف عفيه تنظيف ميخلص حجيتها بصوت عالي وهي ولا كانو
اتغديتي لو لا ... مااشتهي ... تعالي اتغدي واتركي العناد
منو كلك كاعد اعاند ... ميحتاج احد يكلي واضح عليج
متوهم اصلا ... اذا متوهم ليش مااخذتي الجهاز الجديد الي جبته الج ... شكرا مااريده ميحتاج ... شلون يعني ميحتاج
يعني مااريد اي جهاز مااحتاجه
شلون يعني متحتاجينه لعد واهلج من يخابروج شتكوليلهم ... مااكول شي ... روان رجاءآ لتعاندين اخذي الجهاز واتصلي باهلج ... اني حوصي عمو من يكعد يشتريلي جهاز عادي واتصل باهلي مااريده هذا .... سكتت عنها ادري بيها عنوديه
روان : حيل ضجت من موقف عمار اتجاه شهد وبقيت احجي ع امي وابويه كتلهم ميصير هيج تقبلون اهل شهد هيج موقفهم ويايه انتو شلون تقبلونها اسيل نايمه وساكته وشهد البيت كله عليها بنتها مبهذلتها ميصير هيج
والله ياماما ملينه من عمار ماانعرف شنو فلمه اسيل يعبدها عباده وشهد يضوج منها واني دائما مشاكل وياه وي اسيل بس بدون فائده
اي والحل شلون ... والله مااعرف ... اني اعرف الحل ... الكل شنو ... خلي يبني مشتمل بالحديقه اله ولاسيل وشهد تبقى يمكم ع الاقل وفعلا حجوا وي عمار واتفقوا اسيل هسه حامل ورافعه خشمها عبالك فد نمونه
بالليل راسلني مرتضى وحذرني ادخل يم اهل اسيل هو اصلا اني لو اموت مااراوي وجهي لعلي اخو اسيل لو شيصير
ثاني يوم بدينه بتجهيزات العزيمه جهازي تركته فوك
عمار كلي خابري رجلج اعزمي ع العشه خابرته ونزلت نسيت الجهاز ولا اجه ابالي احد يتصل بيه لان اني يم اهلي ومرتضى يمي اتعشينه وكملنه قبل ليدخل علي دخلنه للغرفه لمن راحوا يله طلعنه دخل مرتضى بس معجبني ابد بس يخزرني وكاعد ع اعصابه اخر شي رحنه للبيت اشو هذا اتخبل كام يمشي سريع واني تخبلت احجي ويا ولا كانو فاصل ومااعرف شنو سالفته
وصلنه وجان معصب بعدها عرفت لويش هيج يسوي شاك بيه اني كاعده وي علي وضربني وكسر جهازي حيل ضجت حرامات حسابي بي ومااعرف الباسبورد ناسيته وبي الصور كومه وغير الارقام الي كلهن بالجهاز متت حركه وقهر كطعت الاكل ثاني يوم كله مااكلت لليل يله سويتلي لفه اكلت نصها بعدها اجوي بيت عمهم دخلت فجاه ولكيت مرتضى وخاله يحجون عليه ويقلدون لان مااطبخ البيت كله عليه والعشه همين دائما اني اسوي يعني ممقصره بس الغده خاله تسوي لان مااعرف
حيل ضجت وفوك ضوجتي ع جهازي قررت لازم اتعلم ع الطبخ وباجر لازم اني اسوي بعد مااخليها لخاله تسوي لمن اطلك وكلشي يروح وينتهي
مرتضى هواي حقدت عليه المفروض مينطي بيه كدام بيت عمه عيب جابلي جهاز ولو يموت مااخذه منه ولا اريده اخلي يجيبه الي واني ادزه بيد عمو للتصليح
عفته وصعدت لفوك وجنت حيل ضايجه حاولت انام لان ماعندي شي التهي بي حتى ماانام اجه مرتضى روان .... روان ....
سويت نفسي نايمه مكعدت .... ادري بيج كاعده لتحاولين تجذبين .... كعدت ها شنو تريد ... اريد احجي وياج
احجي كاعد اسمع ... اسف اعتذر منج ... ع شنو ؟؟؟ ع كلشي ... مصار شي اصلا ماكو داعي للاسف
لعد اخذي الجهاز ولتعاندين ... مااريده الجهاز اصلا اريد جهازي القديم ... ميسوه يتصلح ... ميهم بي صوري وارقامي وحسابي اخذهن واذبه
لعد اني راح اصلحه واجيبه بالليل ويايه .... لا متصلحه اخلي عمو يصلحه ... وشنو الفرق هو اول وتالي راح يجيبه يمي اصلحه ... عادي ماكو مشكله بس اهم شي انطي فلوس التصليح ... روان تره زوديتها هواي لاتخليني انزل الدنيه كلها بس تعيدين هذا الكلام راح اطلعيني من طوري الجهاز اني كسرته واني مسؤل اصلحه وارجعه الج
سكتت اهم شي خلي يتصلح جهازي وبعدين اتصرف
بعدين هو راح للمحل قررت لازم اتعلم الطبخ وباجر الغده اني اسوي لو شيصير اتقرر يوم الجمعه المشيه والعقد لازم اتهيئ واجهز نفسي سويت العشه اني وبعدها اخذت جهاز خاله وصعدت خابرت شهد وخبرتها ع الموعد كالت منو يكول يقبل عمار كتلها اني راح اخابره وفعلا خابرته وكتله عارض كتله عيب من بيت عمها حتى ماما عزموها كال اني اجيبها الجمعه الصبح خابرت شهد وحيل فرحت عندي ملابس هواي مالت مناسبات الي جايبهن الي عمار كلت بعدين اختار شالبس
نمت ومن اجه مرتضى كعدني وانطاني الجهاز همزين مسوي لازم ادخل ع النت واتعلم شلون اطبخ سالته ع العشه كال جوعان بعدني ممتعشي نزلت سويتله العشه وطلب مني اصعده هم طلب اكل ويا واني رفضت حسيته ضايج بس مهتميت انتظرته لمن خلص نزلت غسلت المواعين وحاولت انام مجاني نوم من التفكير مااعرف شنو لازم اطبخ باجر ان شاء الله ومااعرف راح يعجبهم لو لا
اخر شي قررت اسوي تبسي بيدنجان سهل مو صعب واسوي تمن وقتت المنبه ب8 لازم اطبخ من وقت قبل خاله لتكعد وتطبخ كوه كدرت انام كعدت ع الموعد اول شي سويت الريوك وبعدها دخلت ع الكوكل وشفت شلون تنطبخ اتبعت خطوه بخطوه كملتها ولازم اضوكها واشوف طلعت حيل طيبه بس اكو مشكله مالحه حيل 😭😭😭😭
مااعرف شلون اعالجها كعدت خاله وعموا انصدموا من لكوني بالمطبخ هاي شكاعد تسوين ها مااسوي شي بس حبيت اسوي الغده
عمو كلي روحي بنتي اصعدي نامي ومعليج بالطبخ عود من تتخرجين ذاك الوكت نريدج اطبخين
لا عمو هاي عطله وكاعده ماعندي شي لازم اتعلم
خاله اسفه والله مو قصدي هيج حجيت مجان ابالي تزعلين اصلا البيت كله عليج واني مااعرف اكعد واسكت
مو مهم خاله انت حسبت امي ماازعل منج بس اتمنى تعلميني لان كلشي مااعرف
تعالوا اتريكوا وبعدين علميني
اتريكوا وبعدها عموا طلع من المطبخ كتلها خاله المركه طلعت مالحه شاسويلها
خلي اشوفها كالت طيبه عاشت ايدج بس حيل مالحه وبهاي الحاله لو تكلين بعد بيذنجان وبتيته راح تخف الملوحه لو لو تخلين مي ومعجون وانت مره ثانيه ميصير هيج تخلين خلي شويه شويه وضوكي الاكل صار خاله بس فدوه خاله تجامليني لو صدك طيبه
والله طيبه بس حيل مالحه متوالمنه اني وعمج راح اسوي بتيته وبيذنجان حيل فرحت من شجعتني خاله وكالت طيبه كعدت علمتني ع التمن نزل مرتضى وجهزتله الريوك وجهي ثكيل عليه هواي حاول يحجي ويايه واني مهتميت
كال اكتبولي كلشي تحتاجونه ع مود المشيه كال روحن ويايه انت وامي حتى نروح لمحل كيك خلي نتفق وياهم ع قطع كيك وجكليت وبعد اختارن شنخلي بالمواعين
عمو كال شتخسرون اني حاضر ابد لتقصر كون ينرفع راسنه كدام الناس
كله لا يابه كلشي عليه اني راح اتكلف كلشي وراح ااجر كراسي اخاف ميكفي الاستقبال بس شوف عمي شكد احسب حسابي
جهز 200 ماعون لان نسوان وزلم كالت خاله ولازم نجهز صينية المهر
كتلها خاله عند اهلي غراض الحنه مالتي كله موجود اني اشتغلته كلش حلو راح اكل لشهد تجيبه وياها
ياريت خاله خطيه خلي نسويلها شي لائق بيها
كالت روحي جهزي نفسج خلي نروح وي مرتضى نجيب غراض المشيه كلهن ونوصي ع كيكه بس خل اخابر اتاكد من اسم الولد حتى يكتبون ع الكيكه
خاله خلي نجيب اكياس خاصه للمهر حلوات ونخلي بيهن كرزات وجكليت ونشوف بعد
كال عمو روان عمو شنو الي يعجبج جيبي ميهمج السعر اهم شي ينرفع راسنه ومري باهلج جيبي الغراض حتى تتاكدن منهن واني راح اخابر عمار واطلب منه شهد تجي باجر الصبح لو اليوم بالليل حتى تساعدج وايات هم راح ادزعليها
صار عمو صعدت جهزت نفسي ونزلت اخذنه اول شي لاهلي جبتهن كل الغراض لكيتهن ع نظافتهن وحتى تلبيسة الميز جبتهن واني ارتب كلشي طلعنه من اهلي كال مرتضى خلي نمر ابيت عمي نسالهم اخاف يحتاجون شي خطيه جانوا خجلانين بس مرتضى كام يحجي كال ذني اخواتي واني مسؤل عن كلشي يخصهن طلب من عمته تروح ويانه مقبلت ابد كتلها لعد خلي تجي ويانه نرجس حتى اخذها احجزلها يم الصالون كالو ماكو داعي للصالون
لا خاله شلون ماكو داعي غير عقد وناس راح تجي هواي يجوز ميصير لازم انطف وجها واختارلها فستان هواي اتشكرن مني واجتي كتلها خلوها يمنه حتى بالليل نروح لاهلي هم نجيب شهد وهم ناخذ بدلتها من عمار حلوات عنده خاله ايدتني ومرتضى همين
رحنه طبعا البنيه حلوه بس فقيره حيل مينسمع صوتها كلت لخاله خو متعبين بالفره ... لا خاله ماعندي شي
رحنه للصالون واتفقت وياها وحجزت كتلها اني وياها اجي انطتنه الموعد ورجعنه بعدها اخذنه لمحل كيك واتفقنه ع كلشي وانطينه اسماءهم واتفقنه ع كصات كالوا احنه نرتب كلشي وببسي وعلاكه حيل حلوه بيها يخلون وبعدها رحنه للسوك جهزنه كلشي وكال مرتضى خلي نمر بالمطعم نتعشه
نرجس خجلانه حيل حاولت اتقرب الها واكون صديقه وفعلا شويه اخذت عليه واتقربت الي اتعشينه وطول العشه مرتضى يباوع عليه ويبتسم اني متجاهلته كملنه كالت خاله رجعوني للبيت تعبت حيل وانتو روحوا جيبوا شهد واختاروا البدله لنرجس
رجعنه خاله وكلت لمرتضى خلي اسبح يله نروح لان الجو حار حيل طلبت من نرجس تسبح وتبدل انطيتها ملابس مني جدد مملبوسات ابد رفضت بالبدايه بعدين كمت احجي عليها وراحت سبحت كملنه وانتظرنه مرتضى خابرت عمار وانطيته خبر ع شهد ومعارض ابد كال خابرني عمي ابوها وانطاني علم رحنه لاهلي ودخلنه لعمار اجتي شهد ويانه واتساعدنه واختارينه فستان مناسبات لون ماروني كلش حلو طويل وهي بشرتها بيضه طلع يجنن عليها ماما كالت اخذولها شي ابيض لازم تلبسه باثناء العقد كالت ماما مني الها هديه اخذنالها فستان حيل بسيط وقصير بس هم كلش حلو هي مقبلت بس مو بكيفها كملنه وبقينه شويه يم اهلي ورجعنه عزمت ماما لان خاله طلبت مني
رجعنه وشهد ويانه قررنه نبقى نسهر انظف جسمنه كلنه لازم نكمل كلشي اليوم وباجر نلتهي بالتجهيزات والتنظيف مرتضى وصلنه وراح دخلنه بغرفتي وكمت البس وانزع لمن استقريت ع تنوره قصيره وبدي قصير كالن حيل حلوات عليج قررنه نروح بغرفة شهد حتى اني وياهن
اجه مرتضى مطول بره اخذت الاشياء الي احتاجهن هو بقى صافن ها ع وين
اريد انام يم البنات ... شتسوين يمهن تعالي نامي هنا واسكتي لا مراح انام هنا عندي شغل يم البنات ... شنو هذا الشغل
هذا الشي ميخصك انت .... كام يتقرب عليه عيدي شنو كلتي
اني توترت من قربه ها ميخصك انت .... لعد يخص منو هذا الشي .... معليك انت ... كمت ارجع وهو يتقدم اخرشي حصرني اباب الغرفه وين تردين تعوفيني وترحين ... وترني قربه مني حاولت ابتعد اتقرب اكثر خله شفته بشفتي وجان يبوسني ...........
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: