مساء الخير ع اجمل متابعين اتمنى لكم قراءه ممتعه
❣️❣️ #البارت 37❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
باسني وهواي اخذه الواهس بس منطيته مجال ابد لان حيل ضايجه منه من وره الضرب وكسرة جهازي وهم من حجه عليه كدام بيت عمه
ماالك حق هيج تسوي ابد وخر من يمي خل اطلع .... واذا موخرت شراح تسوين رجع باسني هالمره لزم ديه بايد وحده والايد الثانيه كام يمشي بيها ع وجهي ذبت بين اديه بس كدرت اتمالك نفسي وحاولت ابعده عني بس هو ولا كانو لمن كمل البوسه ع الاخر يله تركني
رجعي نامي هنا واسكتي .... انت منو سمحلك هبج تسوي.... شنو شنو عيدي الي كلتي... شنو تستهزئ بيه مو .... لج بابا انت زوجتي بالشرع والقانون ومن حقي كلشي اسوي مو بس بوسه فهمتي لو اعيد ...لا مفهمت ولا حابه افهم اصلا
الي افهمه زواجنه ع الورق بس هذا اتفاقنه اثنيناتنه
زين واذا خلفت الاتفاق شراح تسوين مثلا ... مو بكيفك ماالك حق تجبرني ع اي شي ... اكو احد كلج راح اجبرج ؟؟؟ لعد شلون ... هذا الشي ميخصج افتهمتي لو لا ... وخر عني خلي اروح بم البنات .... واني كتلج ابقي هنا واسكتي
والله منتظراتني ضروري اروح يمهن .... شنو تردن تسون ... سوالف بنات انت لتدخل ... مثل شنو.... معليك انت هذا الشي ميخصك .... ولج احجي عدل شبيج هيج تحجين متكليلي .... مبيه شي اصلا
يله عفيه راح الوكت والله عيب منهن .... مااخليج ترحين اله تكليلي شتسون ... نريد انظف جسمنه ارتاحيت هسه 😡😡😡😭 حجيتها بعصبيه
لتكوليلي راح تنزعين كدام البنات نفس ذاك اليوم من شفتج
لا ماانزع ... كولي والله ... اي والله هاي شبيك ... ومحمد اذا عرفت بيج مسويتها العب بيج لعب فهمتي لو لا ... فهمت وهسه وخر من يمي .... عندي اقتراح تعالي هنا اخذي راحتج انزعي ونضفي جسمج شتكولين يحجي وغمزلي 😉 هاي شنو مرتضى اريد يم البنات هي شبيك
لج غير صورتج ذاك اليوم لهسه مطبوعه بمخيلتي متقبل اتروح ابد
حيل وترني وخجلني بهذا كلامه ... فدوه مرتضى وخر خلي اروح ... انطيني بوسه وروحي ... صدك ضجت ذبيت الغراض وكتله يله مراح اروح ارتاح
احلى خبر سمعته تسوين جميل عليه من حجه هيج كلت اله اروح بعناده رجعت لميت الغراض وطلعت بسرعه منطيته مجال يحجي ابد
رحت ع البنات كبل ليش اتاخرتي ...مو جهزت الغراض جبت حلاوه ومكينه وجبت منضفات بشره وماسكات اول شي طلبت من نرجس تغسل وجها بالغسول بعدها بلشت بيها تنظيف بشره وسنفره وغيرها وخليتلها قناع واني وشهد نفس الشي بس هاي بنتها شلعت كلبها خطيه بس تبجي اخر شي نيمتها
بلشنه اني وشهد سويه نظفنه ادين ورجلين نرجس هي بيضه حيل طلعن حلوات لان شويه سمينه بس مو حيل حلو جسمها
كملنها وبدينه اني وشهد كل وحده تسوي لنفسها خابرني مرتضى مرفعت خط كللي ارفعي خط كتلهن غلسن اليوم اني نايمه هنا ع كلبجن وخلنه وحده مرتضى كمنه نضحك ونسولف بس هذا مفات حالي دزلي رساله جوعان تعالي سويلي شي اكله متاكده جذاب بس خلي اروح اسويله لفه وارجع رحت نزلت سويت لفه وصعدت لكيته يحجي بالموبايل استغربت وي منو يحجي بهيج وقت الساعه ب2 تقريبا يكلها اي حبي كملي شافني وضل مستمر يحجي حجيت بصوت عالي هاي اللفه اتقرب عليه شكرا حيل ضجت مااعرف لويش دخنت
اي حبي كملي ليش سكتي ردت اعوفه واطلع جان يكول حبيبتي انتظريني لحضات واخابرج نها المكالمه تعالي وين تردين لعد وين الجاي هيج اكل اللفه
متعرف انت تنزل جوه تشرب جاي طبعا احجي بعصبيه ... لا مااعرف لعد انت شغلج شنو .... اني مشغوله وتعرفني ... بيمن مشغوله اكو شي اهم من زوجج ... اي اكو وهسه عطلتني ووكتي راح 😡😡😡😡 وشبيج معصبه لتكونين غرتي .... من شنو اغار .... مااعرف اسالي نفسج ... متوهم اصلا وهسه وخر من طريقي خلي اجيب الجاي واجي
اوك يله انتظرج سدي الباب وراج خلي اخابر احس نار ومشتعله بداخلي
سويتله جاي وحاولت اسمع كلامه من وره الباب بس مفهمت كلشي اخر شي دخلت وانطيته الجاي لكيته نايم فوك بفراشي ومنطلق بالكلام ع الاخر من دخلت سكت كللها لحضات واخابرج حبي
انطيني .... انطيته الجاي واللفه جان يكول لعد والمي وينه .... انت شنو تتعمد اتاخرني واتعبني .... بالعكس حاب اخذ راحتي وي حبيبتي انت اصلا اخرتيني وتتعمدين
هاي منو حبيبتك ومن شوكت حبيت احجي بهدوء بس بالحقيقه بداخلي بركان احاول اكون هادئه وحبيت ابين اني طبيعيه وعادي عندي هذا الشي .... من زمان زمان حبيتها ومنيه هاي
اعتقد هذا الشي ميخصج يله جيبيلي مي وتعالي
مااجيب انت روح حرك روحك اني وكتي راح عندي شغل باي
جرني من ايدي ... وين يحلوه رايحه وباي .... اريد اروح يم البنات .... مو عيب كدامهن عايفه رجلج ورايحه يمهن انت متستحين .... لا مو عيب واني مااستحي ووخر عني خلي اروح .... زين واذا ماوخرت شراح تسوين مثلا .... مو بكيفك متوخر عوفني خلي اروح وانت روح احجي وي حبيبة الكلب ... لعد شبيج معصبه معقوله تغارين .... اخاف تزعل اني اغار شنو تخبلت مثلا ... ع اساس انت عاقله مو .... روحي بابا روحي الغيره فاضحتج فضيحه
الج مهله نص ساعه وتجين هنا تنامين .... مراح انام هنا اخذ راحتك خابر واحجي مراح ازعجك ... اني شكلت مااحب اعيد كلامي ... نص ساعه اذا مااجيتي اني اعرف شاتصرف
كتله اوك اريد بس اطلع ومخبله اذا رجعت حيل ضجت منه رحت للبنات لكيت مكملات كلشي بلشت شهد بيه وكملتني ولكيت شهد مسويه لفات كعدنه اكلنه وسوالف وضحك بالي كله يم مرتضى منو هاي الييحجي وياها وشنو يكلها حبي وحبيبتي شهد كالت راح انام بعد مااقاوم ونرجس هم نامت اني بقيت بس افكر بدت تجيني رسائل من مرتضى مهتميت ومجاىبت لان ماردت انام بالغرفه خليته صامت ونمت
كعدت الصبح متاخره لكيت خاله مسويه غده ومرتضى ماهو الحمد لله محبيت اتواجه ويا
اعتذرت من خاله لان متاخره كالت عادي ماعندي شي اصلا لكيت ايات جايه اتغدينه وكملنه اجه مرتضى وجان عصبي واضح عليه صبيت غده اله اكل وصعد لفوك وصاحني
صعدت وراه لكيته يجهز بملابسه يريد يسبح
ها مرتضى رايد شي .... باوعلي من فوك لجوه .... سلامتج مرايد شي .... لعد حنزل جوه عندي شغل .... ابقي هنا خل اسبح واطلع .... دخل بسرعه منطاني مجال احجي بس حيل اتاخر متحملت عندي شغل هواي نزلت يم البنات كالن راح يجون بيت عمي نرجس كالت اني ارجع وياهم وباجر اجي مقبلنه كنالها ابقي ع الواهس لازم نجهز التوزيعات واني ارتب الميز لازم اليوم اشتغله واكمله
فجأه وجان ينزل بس هالمره نار صاير اول مره اخاف منه صبيلي جاي .... صبيتله اشو هذا شمر الاستكان بالكاع متعرفين تحمينه مو تدرين احب الجاي يكون حار ... حيل فاجئني بردة فعله واني متاكده جذب يريد حجه عليه لان حميته ومتاكده حار محجيت شي همزين محد بالمطبخ بس اني ويا
حميته مره ثانيه صبيتله وانطيتهيا كال شيلي مااريد بعد
راح اصعد لحضات والكيج كبالي ... حيل خايفه منه ومن ردة فعله لحد الان مشايفته هيج معصب ابد
صعدت وراه لان مو مالت اعاند دخلت كلي سدي الباب وتعالي سديته وبقيت وره الباب ... تعاي وين شارده.... شنو الي تريده ماعندي وقت والله مشغوله .... وجان يكوم يذب الميك اب الي مخليته ع ميز المرايه كله بعصبيه .... اني طفرت من الخوف ... عبالج حلو عنادج هذا من تعاندين ترتاحين نفسيا اني البارحه شكلت وشحجيت ... اني ساكته مااكدر انطق ولا حرف لان عصبي نار
كام يصيح مو احجي وياج ليش ساكته ... مااعرف شاجاوبه شال العطر وشمره بالكاع صار طحين الكزاز مو احجي وياج
قبل شويه شكتلج اني مو كتلج انتظريني لتنزلين ليش تعاندين
مو عدنه شغل .... يعني الشغل اهم من كلمتي ... يحجي باعصاب ... سكتت محجيت شي ... مو احجي وياج حجاها بصوت عالي يمكن البيت كله سمع ... عيب من اهلك صوتك نصي ... تستحين من اهلي ومتستحين من تعانديني
هاي شبيك مرتضى ممعاندك ابد وانت تعرف عدنه شغل
بس الخمس دقايق مااعتقد تاثر عليج ... سكتت ... ها اشو سكتي .... احجي لتبقين ساكته ... شاحجي مااعرف ... اتقرب عليه وجان يضربني راجدي فر راسي فر بي .... اطلعي بره مااريد اشوفج ابد لا ابتلي بيج اطلعي بسرعه باعلى صوته حجاها
صدك صدمني وخلاني مبنجه مااعرف شاتصرف بس دموعي ترجمت ردة فعلي كلها
طلعت بره وسديت الباب مااعرف وين اروح لان عيوني فاضحاتني مشيت شويه عن الغرفه لا كتني شهد ها ولج شكو شبيكم بس دموعي ينزلن جرتني لغرفتها القديمه تعالي غسلي اجوي بيت عمو عيب منهم دخلت غسلت كالت شبيج اتعاركنه اني ومرتضى هاي ضاربج ... اي ... ع شنو .... هيج شغله بسيطه بيناتنه عرفتني مااريد احجي غيرت الموضوع كالت كومي غسلي وخلي ميك اب خفيف وتعالي خلي نكمل ... بس خليني ارتاح شويه وانزل ... اوك مثل متحبين عافتني وراحت بقيت ابجي بدون مااسيطر ع نفسي بعدين كلت عيب لازم انزل واكمل كل الشغل وي البنات حاولت اتماسك نفسي غسلت وعدلت وجهي ونزلت اكيد واضح ع وجهي سلمت ع الكل ورحت للمطبخ اريد بس اتهرب بعدين صاحوني ع مود نرتب التوزيعات رحت يم البنات
حاولت الهي نفسي وانسى كلشي بس مكاعد اكدر كل شويه واريد ابجي كوه مصبره ع نفسي الكل كاعد بالصاله بس عمو وعمو ابو رسول ناموا بالاستقبال خاله ام رسول تشكرت هواي مني وتكلي مااعرف شلون اجازيج خاله ... صدك جذب خاله شمسويه قابل ذني اخواتي اعتبرهن والله ... الله يخليج خاله ويحفظج
بقينه شويه ونزل مرتضى مباوعت بوجها ابد ولا عليه بي ابد اتجاهلته
سلم ع الكل وكعد كال شنو محتاجينه لباجر كلولي لان مراح اطلع سالوني كتلهم بس كاسات المي بعدين كالت خاله شلون نوزع ببسي وحد والتوزيعه وحد لو نسوي جاي والببسي وي التوزيعه
كال عمو لا التوزيعه بيها ببسي ع جها ونوزع ببسي بارد وحد كال مرتضى لعد راح اجيب ببسي وكاسات مي والتوزيعات اني متفق وياهم يخلون ببسي ... هاي هي
خطيه عمو ابو رسول كال كلهن سجلوهن وكلولي عليهن عمو بقه يحجي عليه وكله والله ازعل عليك نرجس بنتي حالها حال شهد وايات اذا حجيت هيج مره ثانيه نزعل والله راد يطلع مرتضى كال لتسوون عشه راح اجيب ويايه استغليت خروجه وصعدت للغرفه حتى ارتبها لكيته لام الكزاز مالت العطر والمكياج مكومه كله بمكان واحد الاغلبيه متكسرات والي خربانات حيل ضجت والله لزمتهن كلهن وذبيتهن بالزبل من حركتي
نظفت الغرفه ورتبتها ونزلت وره الاذان رجع مرتضى جايب كلشي وحتى العشه اتعاونه كلنه احنه البنات جهزنه العشه والكل كعد اني مااشتهيت ابد الكل طلب مني اكعد واني اعتذرت من الكل كتلهم مااشتهي ابد بقوا يحجون عليه حتى مرتضى بقى يحجي وياهم مهتميت ابد رحت كعدت اكمل بالتجهيزات واخيرا كملت بقن بس لمسات اخيره نسويهن كلهن شوي بعد
رحت للمطبخ جهزت الجاي والصينيه اجه مرتضى قبل الكل .... ليش ماتعشيتي .... مااشتهي .... لا تشتهين واذا مااشتهيتي غصبا ماعليج ترحين تاكلين .... مو اقل شي وكطعتي الاكل مو عيب كدام اهلي شيكولون .... ميكولون شي مااشتهي اكل عود من اجوع اروح اكل .... روان مااحب تعاندين وافقد اعصابي من تعاندين لهذا السبب روحي اتعشي واسكتي .... شنو كوه اروح اتعشه مااشتهي وخلص بصفه كلاص مي شاله وركعه بالكاع طفرت طفره كلبي وكع من الخوف انعل يومج لا يوم عنادج
اجن البنات شهد وايات ... ها شكو ... كال ماكو شي وكع من ايدي الكلاص .... يله فدوه طرد الشر وياه رادت ايات تلم الكزاز سبقتها اني ولميته هو طلع من المطبخ
راح بالصاله بدوا يكملون الاكل المواعين تكلفتهم ايات اني اخذت البنات للغرفه كتلهن تعالن عندي ملابس هواي مملبوسات لحد الان اختارن الي يعجبنجن حتى تلبسنهن باجر رفضن رفض نهائي بس شهد وايات كامن يحجن عليهن كوه اقتنعن خطيه عدهن عزة نفس هنه 4 بنات وي نرجس يعني 3 اختاريت الهن اني وشهد وبعدها رادوا يرحون ونرجس كالت اروح وي اهلي ومروا عليه باجر
ام الصالون كالت ب 11 اريدجن ملابسها خليناهن هنا لان هنا تبدل افضل راحوا وصلهم مرتضى ايات واني نظفنه الاستقبال وكملنه كلشي تقريبا شهد خطيه محتاره بس ابنتها مكروها بس تبجي حجيت وياها شهوده فدوه محتاجتج بشغله ... كولي حبيبتي شتردين احجي ويايه كدام مرتضى وكولي نريدج تنامين يمنه ضروري فدوه
شكو بس لا زعلانين ... اي فدوه اريدج تنقذيني مااريد ابقى بالغرفه ... سهله بسيطه راح اخلي ايات تحجي وياه حتى ميشك بيني وبينج اكو شي ... اي والله ياريت تقنعه ... تدللين ...
بعدها صعدت للغرفه وسبحت وطلعت لكيت مرتضى بالغرفه عينه ع الزباله الي بيهن الميك اب .... همزين العطور بالكنتور مخليتهن جانن ع الميز بس يمكن كلبي حس هيج راح يصير وضميتهن خليت عطر وبقيت انشف شعري هو نايم بالجربايه ويكلب بالجهاز اكيد كاعد يراسل حبيبته مهتميت اله ابد اجتي ايات وخلت المساله طبيعيه وطلبت مني اجي يمهن هو ساكت منطق ولا حرف سالته كلتله تقبل لا ... هاي كدامج واساليها اني ماعليه
ها روان ترحين ويايه محتاجتج تكدرين لو لا .... انتظريني ثواني واجي وياج ... رايحه قبلج وتعالي ورايه ... اوك
حجه مرتضى اشو اشم ريحة اتفاقيه بينج وبين البنات ... متوهم ... لا ممتوهم بس تعالي نتفاهم وروحي بعدها .... ع شنو نتفاهم .... وين وديتي مكياجج .... ذبيته مااريده .... ليش عود .... مااحتاجه ومااريده ....اي صدكتج ... يله مو مهمم اصلا سويتي جميل عليه لان اصلا اضوج ومااقبل تخلين مكياج من اطلعين مااحبه ابد ... وهو كذلك ... ردت اطلع ... هاي وين .... يم البنات .... ومنو سمحلج ترحين .... مااعرف شاجاوبه بنفسي ادير وجهي بدون كلام واعاند بس مترهم ... انت مو كلت بكيفج ... هذا الكلام كدام اختي بس مو بيناتنه ... شنو يعني ؟؟؟؟ يعني المفروض تاخذين رايي واني بدوري لو ارفض لو اقبل ... بهذا كلامه استفزني وخلاني اضوج من صدك ... اني رايحه .... وين ... يم البنات .... شتسوين .... انام يمهن ... ومنو سمحلج .... مااحتاج احد يسمحلي ... شنو تقصدين.... اقصد اني مااحب انام هنا ... شنو معنى هذا حجيج ... معناها راح انام يم البنات اليوم وباجر تخلص الحفله وبالليل اروح وي شهد لاهلي .... شتسوين ترحين وي شهد .... اروح ابقى هنا لان اجه وقت الي كل شخص يشوف حياته الخاصه ع مزاجه
مرتضى : شلعت كلبي روان بعنادها حيل عنوديه واني اتخبل من العناد قررت اخذ امي وروان حتى نجهز للمشيه والعقد لان مااعرف شنو الي يحتاجنه بيومها كعدت الصبح واتفاجأت بروان طابخه الغده معقوله مصدكت بس امي اكددت وكالت هي رغم ماالاكل مالح بس الكل شجعها كالت امي لحد يحجي شي حتى منكسر واهسها حيل فرحت بداخلي اخذتهن العصر وتقريبا كملنه كلشي ورجعنه
اليوم عندي احساس اتجاه روان مو طبيعي حيل مشتاقله ومحتاجه واتمنى توافق ومترفضني بديت اتعلق بيها ويمكن حبيتها كوه كاعد اقاومها مااحب اجبرها ولااحب اضغط عليها اريدها تتقبلني من ذاتها اغار عليها بشكل جنوني بس هي ماعدها احساس ابد مااعرف شاسويلها حتى تحس بيه كلت خلي احاول اتقرب منها وفعلا حاولت اتقربلها بس هي مو يمي ابد بستها وذبت حيل دوختني بوستها قررت اليوم لازم احجي وياها واحاول اقنعها واتقرب الها بس ضربتني بوري من راحت يم البنات بقيت ع نار لازم احاول اجيبها للغرفه باي وسيله كلت خلي ادز عليها بحجة جوعان وراح احاول اسوي نفسي احجي وي بنيه حاب اعرف ردة فعلها تغار لا
اجت وجايبتلي لفه واني سويت نفسي احجي وحسيتها مو طبيعيه مثل الي ضاجت كمت اضحك بكلبي عليها وفرحت طلبت منها جاي مجان قصدي لاجاي ولا لفه بس حبيت اوصل للبالي
وفعلا جابته وهم سويت نفسي احجي وعبرت عليها هالمره الغيره فول وطلبت منها ترجع تنام هنا انطيتها مهله نص ساعه كلت اكلها جذب وافاتحها بالموضوع بس ولا كانو حجيت اخذت كلامي عرض الحايط راسلت اتصلت يمعوده تعالي ولا كانو حيل ضجت وفرت مااحب العناد ابد ومااحب متاخذ بكلمتي وتاخذها عرض الحايط
الصراحه للصبح منمت من التفكير والضوجه حيل نرفزتني بهذا تصرفها كعدت الصبح وهي ماكو كالت امي خطيه للصبح يشتغلن اني اسويلك ريوك لتكعدها تريكت وطلعت للظهر رجعت طلبت منها تصعد لفوك صعدت كتلها انتظريني ردت احجي وياها طلعت من الحمام وهم مااكيتها راح تخبلني بعنادها يعني شنو معناها متسمع كلامي ابد صحت صوت عالي وهي اجت الصراحه حيل عصبت بوكتها من اعصب مااعرف شاسوي وشاتصرف صيحت وكسرت وضربتها والمشكله مو هنا المشكله طردتها من الغرفه وهذا كان غباء مني مااعرف شلون هيج سويت لحظة عصبيه وفقدت طلعت وحسيتها ضاجت ودموعها بعينها شربت جكاره وهدئت حيل تندمت ع السويتها جان غلط هذا تصرفي لان بمكان مااقربها عليه بعدتها اميال عني
لميت الكزاز من الكاع ولميت مكياجها بس حسيته الاغلبيه تلفن ميهم راح اشتريلها غيرهن واعوضها للعصر نزلت ولكيت بيت عمي هنا كلهم سلمت عليهم وعيوني تراقب روان حسيتها حيل ضايجه اكيد اذيتها
رحت كملت التجهيزات وجبت عشه ويايه ادري بيهن تعبن الكل كعد ع الاكل اله روان ملاحظها من تزعل متاكل ابد هواي حاولنه وياها بس ولا اهتمت ولا اكلت رحت وديت بيت عمي ورجعت صعدت لكيتها تسبح مرتبه الغرفه بس ذابه مكياجها كله بالزباله اكيد ضايجه معصبه لان كسرتهن لازم اعتذر منها واشتريلها اي شي تريده ويعجبها حجيت وياها ع المكياج وسويت نفسي ممهتم لان ذبيتهن
اجتي ايات وكالتلها تعالي محتاجينج مدري ليش عندي احساس هي طلبت منها تحجي وياها وفعلا ثبتلي من شفتها تريد تروح وهم بدون متاخذ رايي من حجيت وياها فاجأتني من گلتلي بس اليوم هنا وباجر اروح اهلي كل واحد يروح لحال سبيله طبعا جنت ناسي هذا الموضوع ومتوقعت الايام تركض ركض كلشي حسبت اله حساب اله روان تروح لاهلها لا ممتوقع اكدر اخليها تروح يم اهلها واني اتركها
شنو معنى هذا الكلام روان ... معناه واضح كان اكو اتفاق بيناتنه وهسه نكدر كل شخص يروح بحال سبيله ... بس مو بكيفج بعده الاتفاق قررنه سنه يله نترك بعضنا وهسه بعده موعد السنه ... بس اني بعد مااكدر اعيش وياك بنفس الغرفه ... شنو السبب ... بدون سبب وخلص .... روان روحي نامي يم البنات هسه انت معصبه متعرفين تحجين منا لباجر اهدئي ونحجي بالموضوع .... عافتني وطلعت بقيت افكر اني شنو الي سويته ليش هيج اذيتها شلون اذا صممت اله تروح لاهلها لازم ابقيها واعتذر منها واحاول استغل هالفتره الباقيه بقيت قلق والندم ياكلني ليش هيج اذيتها يالله شاسوي مااعرف
بديت ادزلها رسائل روان كاعده ... روان حاب احجي وياج اذا تكدرين تعالي شويه وارجعي متجاوب ولا قرتهن اصلا خلي اتركها لباجر ويصير خير
كوه كدرت انام كعدت الصبح لكيتها كاعده من وكت سوتلي ريوك بس وجها ثكيل عليه سالتها شوكت اخذجن انت ونرجس ... الساعه ب11 ... لعد راح اروح اجيب الكيك واجي الكيج جاهزه ... اوك
رحت جبت التوزيعات والكيك والكراسي اجرتهن واجيت رتبنه الطارمه والكراسي وروان جهزت الميز بالصاله واجه الوقت الي اخذ بي روان ونرجس كلت لروان تعالي شويه لفوك احجي وياج
اجتي ... شراح تلبسين ... مااعرف من ارجع اشوف ... انطيتها فلوس .... شنو ذني .... فلوس الصالون الج ولنرجس والباقي جيبي مكياج وياج .... ماكو داعي مااريد مكياج ... روان اني اسف واعتذر منج والله انت استفزيتيني بعنادج
محجت شي انت جاهزه .... اي معندي شي ... اخذتها ورحت ع بيت عمي ولانطقت بحرف وصلتهن وكتلها من تكملن خابرني ... اوك ... رجعت للبيت قسم من اقربائنه اجوي وسوينالهم غده طبعا بيت عمي اجو همزين لان شهد بنتها متخليها تشوف دربها وبس ايات متلحك بردنه المي والببسي وجهزنه كلشي اتصلت بيه روان كالت كملنه رحت ارجعهن قبل ليجون الناس وصلت وخابرتها طلعت هي ونرجس بس شنو هاي فضيحه وجوهن ميصير هيج يطلعن بدون شي صحيح لافات نفسهن بس اخاف احد يشوفهن حيل عصبت صعدن كمت اصيح انتن شلون هيج اطلعن متعرفن تلسن شي ع وجهجن شال صخام .... نرجس ساكته بس روان حجت ... اول شي الدنيه ظهر ومحد بالشارع وثاني شي اذا نلبس شي ع وجهنه يخرب الميك اب .... اللهم انعل الشيطان .... اني متاكده هيج تسوين بالعناد ترديني افور دم لان تموتين ع العناد .... مرتضى مو وكت عناد هسه حتى اعاندك كل ماهنالك طلعنه هيج من نشوف احد نغطي وجهنه بالعبايه مااعتقد تستوجب تضوج .... سكتت بس عيني ع الطريق اخاف اشوف احد كوه وصلنه احس الطريق شطوله صار الصراحه مركزت بوجوهن ابد نزلتهن جوه واني رحت يم الزلم بالاستقبال الكل اجه مبعد شي ع الموعد
لازم اشوف روان شلابسه باي طريقه يجوز ادز عليها للمطبخ باي حجه اجه الموعد واجتي المشيه وجان عددهم هواي تفاجئنه بيهم ومبينين خوش ناس قروا الفاتحه وانطيناهم الضيافه والتوزيعه وراحوا بقوا بس شكم شخص ع مود العقد كالوا قربوا البنيه لاقرب مكان حتى تسمعنه استغليت هذا الشي وكلت خل ادز ع روان طبعا لحد هاي اللحضه المطبخ ولا وحده من البنات بي تكلفنا احنه الولد بس هسه اجه دورهن رحت دزيت ع روان
اجتي بس ريتني مشفتها تخبل طالعه لابسه فستان لون ماروني ربع ردن وطويل بس بي فتحه من جانب ومكياجها حلو وهادئ بقيت صافن اشو يم الصالون شفته مكياجها طوخ اشو هسه لا ليش ماادري المهم بقيت صافن عليها تحجي ويايه واني فاصل لمن عافتني وتريد تطلع حسيت ع نفسي سحبتها هاي وين تردين ... مو صارلي شكد احجي وي نفسي ... اسف بس الصراحه صافن ع جمالج شطالعه اليوم تخبلين .... شكرا ع المجامله .... لج يامجامله غير مبقى عقل براسي والله .... شردت دزيت عليه .... اهووو والله نسيت لج جهزن نرجس وخلنها قريبه ع الباب حتى يعقدون وبعدها راح يدخل الولد حتى يلبسها الذهب بس ها ديري بالج تبقين بهذا شكلج تختفين من الوجود .... اوك .... دخلت واني رجعت بس رايح بغير عالم دوختني روان حيل حبيتها بس مااعرف شلون اخليها تفهم
عقدوا وكملوا وسويتله طريق واكدت ع روان متدخل اله تلبس عبايه بعد فتره كملت الحفله وكمل كلشي والناس راحوا الصراحه حيل اتاخروا وطلب الولد ياخذ نرجس ويرحون يتعشون بره محد عارض عمي خطيه اتشكرن من عدنه وجايب مبلغ منعرف شكد ويريد ينطينيا بس زعلنه وياه ورفضنه رفض نهائي رادوا يرحون بس مقبلنه ابد كنالهم ابقوا ع العشه
سون البنات عشه واني بالمطبخ احوس 😂😂😂 ع روان لاحظتها مصلت وبقت بالمكياج بس بدلت اكيد معذوره لان مو من عوايدها الصراحه حيل عجبني مكياجها وخاصه وي التراك الي لابسته هالمره كعدت تاكل ويانه الحمد لله ارتاحيت ايات كالت شويه واروح مااكدر ابقى وشهد هم كالت اروح ماابقى بنتها لعبت بيها لعب كملنه العشه ورحت وصلت بيت عمي ورجعت للبيت وجان اتفاجئ ب ......
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 38❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
دخلت للبيت وجان اتفاجئ بروان لامه ملابسها من صدك ومتهيأه وي شهد ....
هاي وين تردين .... لبيت اهلي .... شتسوين .... اريد اروح انتهى وقت الاتفاق .... مو بكيفج الاتفاق بعده لمن يصير سنه يله ترحين لتأثرين ع شهد .... لتخاف متتاثر شهد ابد .... بس ميصير هيج ترحين لامشاكل بيناتنه ولا شي يعني شنگول شنو سبب انفصالنه .... بسيطه نكول ممتفاهمين .... روان المساله مو مثل متتصورين معقده والله لازم نكعد ونتفق وندرسها زين .... مستحيل اتحمل اكعد وياك بنفس الغرفه .... شنو السبب .... هواي اسباب اسال نفسك .... انطيني سبب واحد والبقيه عليه .... اهم سبب اخذ راحتك بالغرفه لويش اضايقك واسببلك ازعاج .... منو يكول تسببيلي ازعاج .... اني اكول
روان فدوه اروحلج اكعدي خلي نتفاهم وبعدين ادزج والله اذا متفاهمنه .... مااكدر ابقى والله مااتحمل بحاله وحده ابقى لمن يخلص الاتفاق .... شنو احجي .... انت هنا تنام واني اروح بغرفة شهد .... تحجين صدك عود .... اي والله احجي صدك .... يعني شلون كدام اهلي انت بمكان واني بمكان .... ميكولون شي لان اصلا منخلي احد يحس بينه لان ملابسي يبقن بالغرفه واذا صار واحد شافنه نكول صدفه اتعاركنه .... ابقي رجعي ملابسج والله كريم خلي اروح ادز شهد وايات وارجع نحجي
رحت دزيت شهد وايات ورجعت لكيتها مرجعه كلشي لمكانه بس هي ماكو اكيد راحت لغرفة شهد دخلت سبحت حتى ارتاح لان اليوم جان حيل متعب بالنسبه الي كملت ورحت يمها حتى احجي وياها بس لكيتها نايمه بسابع نومه اكيد تعبانه اليوم جان متعب بالنسبه النه كلنه عفتها ع راحتها ورحت كبل نمت
ثاني يوم كعدت لكيت روان بالمطبخ يمكن تطبخ غده
صباح الخير .... صباح النور .... شكاعد تسوين .... اجهز الغده اسويلك ريوك .... ياريت جوعان ولو راح ازحمج ويايه .... هذا واجبي .... راحت سوتلي بيض سلك هالمره ماكو غلط .... تعالي اكلي ويايه .... مااشتهي اكل .... شراح تسوين غده .... تمن وباميا .... بديت اكل وهي اختفت من يمي كملت ورحت للمحل للظهر رجعت لان الجو حار هم اسبح وهم اتغده وهم انام شويه
رجعت ولكيتهم بعدهم ممتغدين اتغديت وياهم وروان كاعده همين بس مو شي اكلها ابد كملنه وشربنه جاي والكل راح لغرفته هي دخلت لغرفة شهد رحت وراها هي اتفاجات من شافتني ممكن نحجي شويه .... لا مو ممكن .... شنو السبب ..... اصلا ماكو كلام نحجي سويه .... بس اني عندي كلام وهواي .... سكتت شوفي روان اني اسف ع كلشي والله مجان قصدي هيج اسوي بس اني عقلي يوكف من العناد وشكم مره اكدت عليج لتعاندين .... هي ساكته منطقت ولا حرف احجي روان ليش ساكته .... ميفيد الكلام بعد .... لا يفيد احجي اي شي اني اتقبله والله
مرتضى انت دائما عصبي ومتتفاهم ودائما تضربني يعني من رحت لاهلي واجه اخو اسيل شكد حلفت الك مشفته ولا حجيت ويا مصدكتني ابد وطلعتني جذابه بس راح اثبت الك اني مو جذابه اتصلت ماادري بمنو ....هاي شتسوين .... انتظر ثواني .... حجت وفتحت سبيكر هلو شهد ... هلو رونه .... شلونج شخبارج ... الحمد لله وانت .... الحمد لله ... رهوفه شلونه .... زينه ... عمار وينه يمج .... لا والله مو يمي يم اسيل ليش خيرج ....ردت اسالج سؤال وبداعت رهوفه جاوبيني الصدك .... خيرج رونه احجي .... بالعزيمه ذاك اليوم هم دخلنه اني وياج يم علي اخو اسيل .... لا ليش اكو شي .... لا حبيبتي ماكو شي بس اكو شخص بوقتها عصب عليه وضربني ويكلي اني متاكد دخلتي .... لا والله مادخلنه ولا لمحنه شكله اصلا .... اني الصراحه هنا حسيت بدوخه لعد ابن عمار مو كلي معقوله يجذب وهو طفل ماادري والله نهت المكالمه ومااعرف شاجاوبها الصراحه
شوفي روان اني اعرف بنفسي متسرع ومن اعصب افقد بس اني ماعندي ذنب بهذا الشي سالت ابن عمار عليج وكلي كاعده وي خالو تحجي واني من حقي اتخبل لان هذا النذل نفسه الي جان مملي عينه عليج ونفسه الي خطبج ونفسه الي حذرتج وكتلج لادخلين عليه
انت شنو تقصد امير كلك عليه اني يم خاله .... اي والله لعد اني شلون تخبلت .... بسيطه هاي اكيد سوالف اسيل الخبيثه اني اعلمها هي وابنها الجذاب .... وهسه حاب اعرف الي سويته من حقي لو لا ... اكيد مو من حقك تجذبني وتصدك طفل المفروض انت تصدكني وتسمع مني واني هواي حلفت الك بس انت فضلت تصدك بولد صغير وتجذب مرتك .... طبعا احساس غريب انتابني من كالت مرتك اول مره تنطقها حيل فرحان بهاي اللحظه
اني اسف واعتذر منج وشنو الي اطلبينه مني موافق عليه بس سامحيني وتعالي ارجعي للغرفه .... خلي نفرض سامحتك ع هاي زين لعد وتعصيبتك عليه بدون سبب وكسرت مكياجي كله وضربتني هم اسامحك عليهن لو شنو
هاي بسيطه مراح اطلع اليوم وراح اخذج العصر لاي مكان يعجبج واشتري مكياج الي يعجبج لو شكد مجان
لا مااريد اي شي منك بعد عوفني وروح لغرفتك اخذ راحتك حتى تخابر براحتك اخاف ازعجك
لج لتتخبلين والله جنت اجذب عليج حبيت اشوفج تغارين لو لا .... اني اغار ع شنو اغار ... والله غرتي وجانت واضحه الغيره .... متوهم ع شنو اغار .... عوفج من هذا الحجي تعالي ارجعي فدوه والله مااذيج ولا اغثج ووعد مني بعد مااضربج .... مو هسه ارجع خلي افكر عود انطيني مهله .... ميحتاج تفكير تعالي هسه حتى شويه ونطلع ترحين تشترين مكياج ادري بيج مترهمين بدونه .... شنو تقصد ماارهم بدونه يعني اني مو حلوه اله اخلي مكياج 😡😡😡 تحجي بعصبيه طبعا .... ماعاش الي يكول عليج مو حلوه اصلا تموتين والله اصلا جمالج رباني ومتحتاجين مكياج والله احجي الصدك .... اكيد حلوه اني 😏بالمكياج لو بدونه
يله تعالي حتى تغسليلي ملابسي وسخات صارلج يومين هاملتني .... هسه اجي اغسلهن روح كدامي ... عفتها ورحت احس براحه مو طبيعيه وره شويه اجتي غسلت ملابسي كلهن كتلها راح انام شويه وكعديني اروح للمحل عندي شغل شويه وارجعلج حتى اطلعج .... لا مااطلع العصر روح للمحل وتعال بالليل نطلع .... اوك ع راحتج ولتتعشين نتعشه بالمطعم ... تمام .... فعلا نمت وكعدتني رحت للمحل وبالليل اجيت ولكيتها جاهزه رحنه بالبدايه للمطعم طلبت طلب غريب شويه كالت ممكن نطك صوره للاكل وخلي ايدك يم ايدي الصراحه استغربت ... كتلها اي عادي بس ممكن اعرف السبب ... حابه انزلها بصفحتي لان صديقاتي اغلبهن هيج يسوون بس اني لا ... اها فهمت بعيوني اليوم تخلين صديقاتج كلهن يحسدنج عليه ... ها شلون .... سوينه هواي حركات وطكينه صور وحده ايدي فوك ايدها ووحده كعدنه سويه وكتلها خلي سمايل فوك الوجه وحده وكلتها بايدي الصراحه عجبتني فكرة الصور حتى اتقرب الها اكثر هواي اخذنه وحسيتها فرحانه كملنه واخذتها لمحل خاص مكياج بس ياالله قطتني قطه من هاي الزينه 😂😂😂 متوقعت هيج غالي المكياج بس مو مهم فدوه الها ردت امررها بمحل ملابس رفضت كالت مااحتاج شي عندي هواي بس طلبت مني تمر يم اهلها شويه ونرجع اخذتها صدك اني بقيت يم عمار واجه ابوها هم شويه ودزوا ع عمار مطول وكال روان منتظرتك رجعنه للبيت مطولنه اصلا
هواي حاولت اتقرب منها بس هي تبتعد ولا يمي اصلا وحيل هذا الشي كاعد يضوجني لازم اقنعها قبل ليصير سنه شكد حاولت وياها انام ع الجربايه ترفض وبيوم الي المسها تكلب خلقتها وعجزت وياها طبعا
قررنه نسافر لتركيا اني وعمار وكرار واحمد بعد يومين نسافر فيزنه وراح نروح وحدنه يعني مو كروب شفت احتياجات اهلي ورحت لبيت عمي اتسوكت الهم وانطيت لعمي مبلغ طبعا بين فتره وفتره اني وابويه نساعدهم بس شنو گوه ويتعارك ويانه بس احنه بالاخير نكدر ننتصر ونجبره ياخذهن طبعا خطيه عمي عنده بنات وشابات وهو ماعنده راتب ولا مصدر زين بس هو بنفس الوقت عنده عزة نفسه تمنعه ياخذ من احد
جهزتلي روان جنطتي وخليت يمها فلوس كتلها اخاف تحتاجين شي وباي وقت يعجبج ترحين يم اهلج روحي بس حاولي متباتين اذا اهلي وحدهم بس اذا اجت وحده من البنات روحي بليلة الي اريد اسافر بيها طلبت من روان انام يمها
اكلج رونه اليوم لازم انام ع الجربايه .... لويش شكو .... لازم اريح ظهري باجر ورايه سفر والكاع مو مريحه ابد .... اي عادي تعال نام ... استغربت معقوله وافقت بهالسهوله بس فاجئتني من كالت راح انام اني جوه ... ضجت حيل تعالي نامي هنا ماكو داعي اخذت جنطتني ووالجهاز والمحفظه واتاكدت من الجواز واخذت ملابسي الي البسهن باجر ورحت لغرفة شهد منطيتها مجال تحجي ابد حيل ضجت شكد كاعد احاول وياها بس هي قافله نمت ووقت المنبه ثاني يوم سافرنه وجنه متلهفين لان لمتنه اربعتنه حلوه حيل جانت
حيل اتونسنه وفرينه هواي اماكن ورحنه بغير عالم الصراحه تركيا حيل حلوه بكلشي
دائما نتراسل اني وروان واتصل بيهم واطمأن ع الكل تقريبا صارلنه 10 ايام نتجول من مدينه لمدينه عمار كال باجر اروح اتسوك الي يحب يجي ويايه خلي يجي رحنه وياه الحلو الي بمحلات تركيا من احد يشتري منهم جمله اله هديه هو يختارها ع ذوقه كال عمار كل محل ع واحد يختارله هديه لزوجته اجه دوري واحتاريت شاختار لروان بعدها عجبني اختارلها كوت شتوي حيل عجبني وجان سعره غالي نصبوا عليه كلهم ويضحكون يكولون شلون انت عندك حظ الي اختاريته لمرتك سعره اضعاف الي اختاريناهن احنه
بيومها ضحكنه هوايه طبعا الكل اشتره هدايه واني من ضمنهن اخذت للكل بس اكثر شي لروان وطلبت من عمار ياخذني وياه من يتسوك مكياج كلت اخذلها ويايه شكم شغله
بالليل راسلتها طبعا حيل حيل حيل مشتاقلها ومن اكللها متجاوبني وتتجاهلني وهذا الشي حيل كاعد ياذيني
روان : بعد اخر موقف من مرتضى حيل ضجت منه وحقدت عليه لان مو من حقه يضربني كل شويه بدون سبب مقنع
رحنه للصالون اني ونرجس حيل حلوه طلعت نرجس كملتها واجه دوري حبيت تسويله تسريحه بسيطه وميك اب خفيف احسه احلى رجعنه للبيت وبدت الحفله وجانت حيل حلوه هواي جايين ناس من طرف الولد جانن متفاجأت بالميز والتحضيرات ممتوقعين هيج نسوي طبعا مرة اخو الولد حسيتها تريد تنفجر مااعرف السبب نضراتها لنرجس محبيتها بس محجيت كدام احد اخاف اني متوهمه
بس هواي غثتني هواي تسال ليش عدكم الحفله وهاي التحضيرات منو سواها وهم عدها ابن عم غير زوجج وصدعت راسي من كثر الاسئله طبعا مقصرت وياها وعرفت شلون اخجلها واسكتها ابد ماارتاحيت الها نهائي خبرت ايات وشهد وهم طاوعني كالت حتى احنه لاحضنه تكل لشهد همه حالتهم ع كدهم شلون هيج سوو ترتيبات وراده عليها شهد كايلتها اصلا حالتهم كلش زين بس همه متواضعين ميحبون التكبر عفيه عليج خوش رد خلي تولي مبينه حقيره واخاف تخبث ع نرجس خطيه فقيره حيل
كالت ايات اتركن الموضوع عليه اني اعرف شلون اتصرف راحت ايات وحجت وي اخت الولد الجبيره وفهمتها شنو اتصرفت مرة اخوها وطبعا ابد مقبلت ع هذا التصرف كالت اني اعرف شلون اردها بعدها اجه الولد وجان شخصيه وحلو طبعا الكل لبست عبايه لبسها الذهب وكصوا الكيكه وسوو كل الاشياء وبعدها طلع الولد بقينه وحدنه واخذنه راحتنه طبعا ركصنه هواي وفرحنه وغيرت جو ونسيت مرتضى والي سواه بيه
بس هو هم خبيث كل شويه ودز عليه وفصلني تفصال يباوعلي من فوك لجوه واحسه اكلني بنظراته الصراحه اتوترت هوايه بس حاولت اكون طبيعيه بعدها حجيت وياه وقطعت سلسلة افكاره بس وترني اكثر بكلامه
خلصت الحفله والكل راح حتى نرجس اخذها خطيبها وراح اني صعدت بدلت بس مغسلت وجهي لان مااصلي حبيت ابقى بي وقررت اروح وي شهد لاهلي قررت ابقى شكم يوم حتى اتوبه بعد ميعيدها مره ثانيه
التهينا بالعشه وهذا خبيث مكابلنه بالمطبخ وكاعد مدري شعنده اليوم بعدها اتعشينه كلنه هو راح يوصل بيت عمه واني لميت الجنطه طبعا مناويه اخذ الجنطه ويايه مترهم كدام اهلي بس حبيت اشوف ردة فعله شنو وجانت مفاجئه الي هواي اتوسل ابقى وقررت انام بغرفة شهد وهو وافق فعلا رحت لغرفة شهد ونمت باللحضه لان حيل تعبانه وجان اليوم متعب حيل طبعي ماانلم بسهوله بغير مكان بس ساعدني التعب ثاني كعدت كلي نشاط وحيويه لان نمت هواي كلت خلي اسوي الغده جنت حايره شنو اسوي بعدين قررت اسوي باميا بس المشكله مااعرف وماعدنه طازجه بس مجمده بحثت بالنت هواي واخر شي سويتها بس هالمره ماسخه مااعرف شكد اخلي ملح
كعدت خاله وهي الي خلتها جانت متفاجئه منين جبت باميا كتله من المجمده طبعا هواي شجعتني ومدحت بطبخي مااعرف كاعد تجاملني لو صدك بس من صبينه محد حجه وكال طيب لو لا اني احسه مو طيب بس لا باس بي يعني هم مو معناها مو طيب ومينوكل اني ك تجربه اولى بطبخ الباميا اعتبرها كلش زين
بعد الغده اتوسل بيه مرتضى واعتذر مني هواي وفاجأني من كلي امير كايله ع خاله بسيطه اله هو وامه وقررت اوافق بس اله اتوبه من اخذني اشتري ميك اب قطيته قطه مراح يفكر مره ثانيه يتقرب لمكياجي كمت اجيب واخلي لا ع التعين واختاريت كلها ماركات لان غاليه هو انصدم الصراحه بالسعر بس حيل بي دفع وهو الي ممنون 😂😂😂😂 هذا الشي نساني كل شي هو محجه شي واني متاكده لو شيصير مراح يتقرب لمكياجي ابد ابد طلبت منه ناخذ صور لان دائما البنات يطلبن مني وحتى ديما ونوره وصديقاتي قررت اخذ شكم صوره واخذنه هواي وحيل فرحت بيومها بعدها طلبت منه يدزني لاهلي شويه فعلا قبل ياخذني اول مدخلت دزيت ع امير طبعا ضربته راجدي لان جنت حيل افور دم من وره الجذب الكل انصدم واولهم الحيه اسيل الكل سال كتلهم حتى ميجذب مره لخ تقبلون يساله مرتضى عليه ويكله يم خالو كاعده اكيد هذا تدريس امه اشو مدت لسانها شطوله عليه
انت جذابه وماالج حق اضربين ابني وانتي دومج تجذبين علينه واطلعين ابني كلش
ادخلوا امي وابوي كتلهم والله العظيم هذا الولد اذا مطلع سايب وحرامي تعالوا عاتبوني بعده هالطوله وجذب وبوك اذا كبر شلون لعبت لعب اسيل بس ماسكتلها ابد دزينه ع عمار وهي تبجي وسوتها كلش كام يصيح عليها اسكتي خلي افهم سولفتله كلشي كتله صارت مشكله بيني وبين مرتضى من وره هاي الجذبه وابنك هالمره جذب ومره باك الله يستر منه اذا كبر طبعا امير نشف بدمه صاحه عمار كله تعال شرد يم بيبيته بس كله مااضربك تعال بس احجي وياك فعلا اجه وبده يحجي وياه كله والله ماما طلبت مني هيج احجي عمار وجها مينوصف ابد احسه نار مشتعله ضربه راجدي خله دمه يجري مانعرف من خشمه لو حلكه
اسيل كامت تصيح واحرك واشعل وكله جذب تحرضون عمار علينه واله ادفعجن الثمن انتي وشهد هنا عمار فقد سحلها من شعرها وصعد بعد منعرف شنو الي صار شويه ونزل كتله عمار اني احجي من صالح الطفل ليش يتعود ع هيج اسلوب بالتالي انت تتندم كال اعرف معليج اني راح اتصرف وياهم كتله العتب ع امه الي اتعلمه هيج كلام بعدها رجعت للبيت
رجعت للغرفه بس بديت ابيع عليه ثكل عود ممهتمه بي بس اشو بديت اراقب كل حركاته كل مالزم الجهاز اتخبل ها هسه يحجي وي حبيبته ها وي صديقته واتخبل بوقتها رغم مااكدلي جان يجذب عليه بس اني مكاعد اصدكه ابد مرات يحاول يتقرب الي واني اصده الصراحه عندي شعور غريب ومحاسته قبل هذا الوقت من يتقربلي ابتعد عنه واحاول ابعده ومن يبتعد عني اتخبل واتمنى يتقرب الي ويسمعني كلام حلو معرفت افسر هذا الشي
حيل اضوج من يهملني وافرح من يحاول يرضيني ويتقرب عليه بس بديت اغار من كلشي يخصه اغار من يتاخر وابقى افكر اغار من يلزم جهازه ويتراسل واغار من اسمع صوت الاشعارات من توصله مرات ادخل ويا بالحفله الي يسويها بكروبات اضوج من اشوفه يتشاقه وي البنات ويضحك وياهن واضوج من يصعد وحده ويا بالحفله اشوفه ينزل منشورات ويحب يعلق هواي ومرات اشتعل نار من ادخل ع تعليقه هو وبنيه تعبر 30 تعليق طبعا ميعرف بيه مراقبته صار همي الوحيد اراقبه بالفيس هواي ابتعدت عن البنات بالكروب شهد ونوره وديما دائما اكلهن مشغوله قرروا يرحون الولد لتركيا جنت شايله هم اذا سافر مرتضى حيلعب لعب بتركيا اخلي عمار ينطيني كل تحركاته وخاصه بنات تركيا هناك حلوات ولبسهن ماشاء الله يخلي البنات يفكن حلكهن عليهن مو ادور الشباب حيل ضايجه من هاي السفره
سافروا وصدفه يراسلني خيل ضجت يعني ماعنده وقت اصلا الي وهذا عمار خبيث من راسلته وطلبت منه يكلي عنه لعب بيه لعب وكلي انت متعوفين الولد بحاله متستحين تتجسسين عليه اذا مكتله عليج اني اعلمج عابتله فشلني كوه اتوسلت بي ميخبره والله حموت بس من التفكير اشوفه كل شويه ونزل منشور لو بث مباشر وميراسلني يكلي مشغول 😡😡😡😡
اجتي ايات وكلتلي روحي باتي يم اهلج واني اخابر شهد حتى تجي اشوفها تخابرني وجان الرفض من شهد مثل متوقعت المهم كالوا نروح كلنه وياج نشوف شهد اخذنه عمو وبقينه من الصبح لليل حيل تونسنه بيومها حتى عمو بقيناه ويانه الكل غير جو كالت ايات راح ابقى يومين اذا تردين ابقي يم شهد خطيه كتلها ان شاء الله بعد مارجعوا بقينه اني وشهد طلبت منها تسولفلي كلشي يخصها كالت احسب لحضه لحضه شوكت يكمل بيت عمار حتى اخلص من اسيل طبعا اسيل عدها اهلها شوكت ميعجبها تروح وشوكت ميعجبها متروح وهاي المكروده مانعها تطلع وهو مموجود حيل ضجت ع شهد كتلها بس نطلك اني ومرتضى انت اطلكي
كالت مااطلك لان ياخذ مني بنتي واني مااتحمل بدونها .... شنو بكيفه ياخذها منقبل كلنه .... مو حقكم محد يعرف عمار شكد حاقد عليه ويكرهني .... اني راح ارتاح اذا كمل بيته ع الاقل مراح اشوف اسيل
دخلنه بالكروب اني وشهد ونوره وديما اتفقنه باجر ديما تروح لاهلها وتجي وياهم النه كلنه نجمع واذا نبات هنا بعد احس ديما اخذت الموافقه من احمد ونوره همين واتفقنه انام كلنه سويه اهم شي الحيه اسيل ماكو
ثاني يوم اجوي بيت جدو وحيل فرحانين حتى شهد خطيه حسيتها انسانه ثانيه كدرنه انسيها ولو شويه همها
كلمن كعدت تسولف همها كل شخص مهما كان لابد عنده هم ديما خطيه مرة حماها شاده وياها وتكول توز عمتي وعمو عليه ودائما مشاكل تكول كاعد اتوسل باحمد حتى نطلع بوحدنه لان كاعد اعاني اما نوره هاي خطيه مرتاحه من كل النواحي بس طفل ماكو تكول هذا الشي مدمرني ع الاخير اتمنى يصير عندي طفل خطيه كرار من حقه يصير ابد واخاف يجي يوم ويتغير عليه ويفكر يتزوج لان من حقه يصير اب بس بنفس الوقت اذا فكر يتزوج مااتحمل يمكن اموت من الغيره
اتحولن ع شهد تعالي سولفينه شلون متحمله الغيره وشلون تكدرين تسكتين
شهد : بعد اخر موقف وي عمار من قرر يبني مصار اي شي بيناتنه تقريبا متجنبني يجي صدفه ياخذ الي يريده ويختفي لحد الان مبايت بغرفتي ابد تقريبا مرتاحه من ناحية ممضايقني ومن اهلي رادوني اجي ع مود عقد نرجس اتفاجأت من خلاني اروح وابقى وجنت حيل فرحانه غيرت جو هناك وفرحت وي البنات بس يافرحه مادامتلي من رجعت جان عمار يريدله حجه عليه اقل زله وضربني اقل شي سمعني كلام جارح الصراحه حيل كاعد اضوج ومااعرف شاتصرف اسيل متتحاجه والعود متجيسه بحجة حامل وتخاف ع نفسها بده عمار ابناء بيته تكلفه مقاول واني مبتليه بالعمال مااكدر احجي لان ياعب بيه طوبه خطيه بنتي تبهذلت وهو يشوف بعينه من يشوفها تبجي يحجي عليه عوفي البيدج وتعاليلها ومن يشوفني مخليتها بحضني واريد انيمها هم يكوم يحجي ويكلي مخليه الطفله حجه حتى تكعدين واحتاريت وي عمار شنو الي يرضي مااعرفه بيوم الي اجتنه روان وحجت لعمار ع ابنه سحلها سحيل حيل افرحت بيومها ثاني يوم وجها مورم مبين كاتلها حيل بيها
بعدها تقرر يسافرون الصراحه فرحت لان ارتاح منه فتره واسيل هم راح تروح يم اهلها بس المشكله اني منعني اروح يم اهلي اله لمن ارجع بحجة محد يبقى يمهم كتله من تجي روان اروح هم رفض وحيل ضوجني بس شاسوي بس اعترف من راح البيت هدوء ومرتاحين حيل عمو خطيه ميقبل نسوي عشه ابد يكول اجيبلكم من بره ويوميه يجيب شكل بعدها اتصلت بيه ايات خطيه ورادتني ابات بس مقبلت ابد واعتذرت بحجة بنتي تتبهذل بس فاجئوني من اجوي كلهم وبقوا يمنه لليل حتى بابا فرحتي متنوصف ابد حيل اتونسنه بيومها وحسيت بنفسي انسانه طبيعيه اضحك واسولف ونسيت عمار اصلا طبعا طول هاي الفتره ممراسلني ابد بس مره وحده
ها الظاهر فرحنه ومرتاحه بدون عمار متعرفين تراسليني وتطمأنين عليه كتله اخاف اراسلك وتكلي شعندج وتفشلني بقيت ادزله وميجاوبني ابد حيل اضوج من تصرفه لعمار
عمو وخاله قرروا يزورون اهلي وهم كالوا نبقى لليل لان حلوه اللمه واهلي اصلا همه الي اصروا عليهم كالوا منا لاسبوع نروح لو لمن يجي عمار ثاني يوم اجني ديما ونوره وجانت فرحتي متنوصف ابد بالليل كعدنه سويه وبدينه نشكي همومنه من وصل الي السره معرفت شاحجي سالني ع الغيره كتلها اه يالغيره وماادراكم ما الغيره نار وتشتعل بداخلنه تخلي الواحد يموت الف موته بالدقيقه كتلهن احساسي صعب اوصفه يعني شخص تحبينه وتعزينه وتضحين بسعادتج ع موده اني ضحيت بسعادتي وافقت ع ابن عمي لخاطره حتى يطلع من السجن عيشت ابن عمي اسوء ايام ع موده وفجاه هذا الشخص يطلع حاقد وياذي متندمه لان حبيته متندمه لان وافقت ع الزواج بي متندمه ع كلشي صار ويايه
بس شيفيد الندم حجيت الي بداخلي وحسيت هم وانزاح مني هواي واسني البنات وكللي روحي لاهلج وبنتج مستحيل ياخذها منج بس ديما كالت عمار مو طبيعي واكيد هاي الحقيره مسويتله سحر وهيج اتخبل وياج وقلب عليها وحبها اني متاكده كلشي يسوي وياخذ بنتج لان مو بوعيه ابد
ديما اني مااعترف لا بسحر ولا بغير شي بس عمار حب ينتقم من عندي واكيد هذا الشي عنده عادي لان غايته الانتقام واصلا محبني بيوم كله جذب لااقتنع سحر ولا غير شي
اجه دور روان يله احجي انت وليش لهسه ماكو طفل كالت اني مرتاحه من كل النواحي الحمد لله والطفل اني ومرتضى منريد هسه ابد بقينه نسولف وحلوه لمتنه بعدها اقترحت ديما كالت خلي نتبادل بالاجهزه وندز رساله موحده لكل واحد تقصد ازواجنه وكلمن تقره الرساله خلي نضحك بلكي وحده يدز رساله ممنوعه اني وروان رفضنه بس نوره وديما صممن كالن خلي نضحك اني اخاف من ردت فعل عمار
كالن الي ميتجاوب زوجها وياها باجر نخسرها كيكه جاهزه وعشه والتنظيف عليها
اخر شي قررن ندز هلووو حبي شلونك شخبارك مشتاقتلك موت هاي الك 😘😘😘 شكد مشتاقلي الله عليك اني متلهفه لجيتك حبيبي احسب دقيقه دقيقه شوكت تجي حتى احضنك للصبح وانام بحضنك
اني راح اتفشل كدام البنات متاكده وروان هم مابينها وبين مرتضى اي شي بس دزن بعد اني جهاز نوره عندي ونوره عندها جهاز روان وديما عدها جهازي وجهاز ديما عند روان وصلن الرسائل الهم اني جنت ادعي كون عمار ابد ميجاوبني ولا يفتحها ابد مثل كل مره لان ميجاوبني ولا مره بقينه ننتظر تقريبا نص ساعه وبدت تجي الرسائل اول رساله نوره فتحتها وحجيت بصوت عالي
هلو حياتي شلونج مشتاقلج وعلي يمين عليه بيوم الي اجي اله اكسر ضلوعج من كثر الحضن احسبي حسابج للصبح منام بيومها واطلع فرق السفر كله وهاي احلى بوسه 😘 الاحلى زوجه
كامت تضحك فزت اني الحمد لله
بعدها اجه دور ديما قرت روان الرساله هله بالحب هله بام الغالي هله بحبيبتي وام جهالي لج ذبت بالبوسه والله اتمنى هسه يمج اله اخليج تبجين ومحمد مشتهي عسل من شفايفج وينج كون هسه يمي اله اكفر بيج وحجه للصبح احسبي حسابج تنيمين ابنج للصبح مااريده يكول أه
ضحكت كالت فزت الحمد لله .... بقينه اني وروان وحده تباوع للثانيه وجها مخطوف خطيه روان واني مااقل عنها
عندي امل ميجاوبني قريت الفاتحه بكلبي بعدني ممكملتها وجان تجي الرساله لجهازي وجانت صدمه الي ابد ممتوقعه هيج يكول قرتها ديما جان تكول .......
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 39❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️
جان تكول ديما اسمعن عمار شيكول هلو حبي شلونج شخبارج مشتاقلج موت بكد رحمة الله انت ورهوفه طبعا مااصدك عمار هيج يحجي ابد اخذت الجهاز منها وبديت اقره الحقيقه
هاي منو الي مشتاقتلي الكح.... شهد لج هاي كلاواتج متعبر عليه ابد اني مو كتلج لو تموتين مااحبج واتزوجتج بس حتى انتقم منج اني ميشرفني احب فضالت رجال اتمنى تفهمين هذا الشي مااحبج واموت منج
احب اسيل.. واسيل تشرفج وتشرف
عشيرتج كلها اني هنا فقدت كمت ابجي وعفتهن ورحت للغرفه كتلهن فدوه لحد تجيني خلني بوحدي دخلت للغرفه فقدت كمت ابجي دزيتله رساله
شوف عمار لتصدك اشتاقلك بيوم ولتصدك…… اني اكتب هيج بس جنه كاعدين اني والبنات والجهاز جان بيد ديما وهي دزت وهي قرت الدزيته انت .... لحضات وجان تجيني رساله ولج انت منو سمحلج
تنطين جهازج لديما تتعمدين تخليني بموقف محرج والله لو هسه كبالي اله ابتلي بيج حقيره كلبه اله اندمج والله
مجاوبته واتجاهلته خلي يولي رحت يم البنات عيب منهن وسوينه المساله طبيعيه محد حجت بالموضوع بس حركني حرك بالرسائل عمار
اني اعلمج من ارجع شلون تتجاهليني
بسيطه الج اله اندمج اله اخليج تكرهين الساعه الوافقتي بيها واشكال بعد مجاوبت اصلا ماالي خلكه ابد
ثاني يوم راحن بالليل ديما ونوره بس روان بقت ويايه لثاني يوم البيت راح يكمل عن قريب مبقى شي بعدها راحت روان واجه
عمار من السفر قبل ليله وحده اجت اسيل وجانت كالبه الخلقه كلب صابغه شعرها
ومسويه حواجبها تاتو وفلر لشفتها ومسويه شامه متغيره جذريا
اني وخاله بقينه صافنين والله طالعه عبالك سعلوه اجه عمار وجان متلهف ع اسيل والكل اله اني يباوعلي بحقد وكانو يتواعدلي
وصلوا العصر بيومها راح كبل لاسيل بات يمها بالليل نايمه وجان يكعدني عمار برفسه ع بطني اني اتفاجات واخترعت
كعدت جان يكول اي ست شهد ممشتاقتلي
مو ومتشتاقيلي ابد مو المن تشتاقين لابن
عمج الخايس اني هنا اتخبلت كعدت ع حيلي عمار احترم نفسك احسن عيب هذا الكلام الولد الله يرحمه لايمك ولا كرباك
اي عيني وفوكاها ادافعيله مو هذا حبيب الكلب .... عمار رجاءآ سد الموضوع .... واذا مسديته شراح تسوين مثلا ....
مااسوي شي بس ياريت تحترم الميت ....…
واذا محترمت .... سكتت .... جان يضربني راجدي اسمعيني ولج مالت تتجاهليني احركج عدله ومالت تخليني بموقف محرج كدام البنات ادوسج بقندرتي ادري بيج متعمده هيج سويتي ذاك اليوم بس اني اعلمج
عمار دزني لاهلي وطلكني كافي انتقام ....
ههههههاي ضحكتيني هو انت اشفتي من
الانتقام بعدنه باوله .... تحجي صدك عمار
اني شنو الي سويته الك وهيج تنتقم مني .... كولي هو شنو الي ماسويتي يخليني اتراجع عن الانتقام
كعدت بنتي تبجي هو عافني وطلع مااعرف شاسوي لعمار واخلي يعوفني بحال سبيلي
مشت الايام وكمل بيته وانتقل بي وجان عندي اسعد يوم بحياتي حتى مااشوفهم كبالي هو واسيل
اعترف هواي ارتاحيت شوكت ميعجبني اكعد وشوكت يعجبني انام وخاله خطيه حبابه
وزينه ويايه هي وعمو العشه اكثر المرات عمو يجيب جاهز
عمار دائما يجي للبيت وياكل ويشرب
صدفه يجي ينام ويايه ياخذ الي يريده
ويروح بس احسه موطبيعي بس يريد يطلع من الغرفه مايطيقها ابد :
قررنه نروح لاهلي عمو وخاله وكالوا نبقى لليل حيل فرحت كالت خاله اني اخبر عمار
فعلا كالتله ومحجه شي رحنه لاهلي وحيل فرحت وغيرت جو عمو وابويه انطلقوا سويه وخاله وماما كذلك واني وروان همين
بالليل رجعنه وصعدت للغرفه نيمت بنتي وكلت خلي اسبح واطلع ع نومتها سبحت وطلعت لكيت عماربالغرفه بس موطبيعي وجها ميتفسر ابد
اشو هو شافني وهو انكلب ثور عليه شبعني كتل اريد اعرف شكو مااعرف يغط ويسب ويضرب اخر شي عافني
انت شلون ترحين لاهلج بدون علمي .... شلون بدون علمك مو خاله اجت كالتلك .... بنت الكلب شنو خاله وانت شنو دورج يعني ترحين وترجعين واني ماادري بيج ع اي اساس ترحين ....
معرفت شنو اجاوبه بس دموعي نزلن
عمار فدوه طلكني فدوه فوت حالي والله اتنازل عن كلشي مااريد بس بنتي
هنا ركعني ركعه وكعني ع حافة الجربايه
صارت الحافه بظهري هنا حسيت انزرف
ظهري حسيت روحي طلعت من الدنيه كمت ابجي اخ ظهري
شوفي اذا جبتي طاري الطلاك ع لسانج اكفر بيج ومحمد اتنازلي عن بنتي وروحي لاهلج يطبج مرض
حسيت بحراره تنزل بظهري اكيد دم عفته
واخذت ملابسي ودخلت للحمام بعدني مساده الباب دخل وسد الباب حيل كرهته وحقدت عليه
عمار اطلع .... اس ولا نفس .... عمار والنبي اكتل روحي وخطيتي بركبتك .... يطبج مرض .... عمار كافي لخاطر الله البيه مكفيني والله اطلع بره
.... اكلي خره وانجبي يله انزعي واسكتي .... اني راح اطلع ابقى انت هنا جرني اله بالكوه .... ديري بالج تمنعيني من حقي لا والله اندمج .... شتندمني اكثر من هذا الندم
بعد .... بعد اكثر واكثر .... طبعا الالم
شاوصفه مينوصف ابد حيل اتاذيت جرني اله بالكوه ونزعني اخذ الي يريده بس كاعد
يظغط ع ظهري حيل اتاذيت دموعي ينزلن
من الالم كمل
وقبل ليطلع شاف ظهري انترس دم .... هذا شنو الدم دارني وشاف ظهري .... اني
محجيت ولا حرف لان من صدك متاذيه
جسديا ونفسيا .... مو احجي وياج شنو هذا الدم وين اتعورتي ....
عمار الله يخليك عوفني واطلع .... صدك وين هاي مجروحه هيج ظهرج مزورف زرف .... ع اساس متعرف وتسالني ....
والله مااعرف .... هاي انت من دفعتني بحافة الجربايه .... تحجين صدك انت .... اي صدك .... ليش ماحجيتي .... ع اساس اذا حجيت راح تهتم مو 😔😔 ....
عافني وطلع حيل يوجعني وخاصه
من يلوحه المي سبحت وطلعت طبعا
متوقف الدم بس مااكدر اسيطر ع الجرح
مااعرف شلوه اشده .... طلعت حتى ماالي
واهس انشف شعري لو امشطه اباوع ع بنتي
مراح اتنازل عنج ابد حياتي بدونج عدم راح
اتحمل كل الم ع مودج اريد اشوف تاليها وي عمار شنو
حاليا احنه بشهر التاسع السبلت مفتوح واني شعري كله مي احس بنفسي مبنجه هم الضرب وهم ظهري حيل ضايجه احس دم
ينزل ع ظهري مااعرف شاسوي ع فجأه
انفتحت الباب انفاجأت بعمار اجه وبيده
تعقيم وشاش وكطن معقوله مكاعد اصدك
الي اشوفه اني دموعي مكاعد اسيطر عليهن ابد ابد
ليش ممنشفه شعرج والسبلت مفتوح .... محجيت احس بنفسي مخنوكه حيل ... كعد كبالي انزعي الدشداشه خلي اعقملج الجرح .... نزعتها لان من صدك اتاذيت
نمت ع ظهري بده يضغط ع الجرح حيل حتى يتوقف الدم روحي طلعت من الالم كمل وعقمها ولفها وخلالي لزكه
كومي بدلي طلعت غير ملابس لان كلهن دم
ورحت للحمام غسلت وبدلت وطلعت لكيته ماهو نشفت شعري وبدلت ونمت
طبعا كوه كدرت اغفى معرفت تصرف عمار
هذا شنو ثاني يوم مختفي عمار نزلت مثل كل مره بس احس بنفسي ماالي خلك
يمكن مسخنه والله لليل حيل اتاذيت وبينت بيه الحراره نزلت لعمو اخذت منه بندول وكبسول التهاب انطاني كوه نمت
ثاني يوم اجه عمار اتغده يمنه اسيل ماهي
عند اهلها اني كوه امشي ودايخه حيل الكل لاحظوا عليه وسالوني كتلهم مبيه شي بس انفلاونزا
كلي عمو بابا جهزي نفسج العصر اخذج للطبيب لان مبين عليج حيل متخربطه عمار منطق ولا حرف كتله لا عمو ميحتاج مبيه شي لا عموجهزي نفسك ومااريد اسمع نفس منج
باوعت لعمار ردت اشوف ردة فعله جان عادي ولا كانو شي صاير كدامه كملت كلشي
وصعدت للغرفه كلت اراسله واشوفه يقبل لا بس هو سبقني وصعد للغرفه
ها شهد اشو لاغيه وجودي ولاغيه موافقتي شنو السالفه شوكت ميعجبج اطلعين عادي ....
والله هسه كلت اراسلك اصلا ماافكر اطلع اذا مااكلك .... شتكليلي ... اكلك تقبل اروح للطبيب .... واذا كتلج لا مااقبل شراح تسوين ....
مااسوي اي شي وعادي مو لازم .... لعد مترحين .... مو مشكله مااروح احجيها بس العبره خانكتني كلش ....
اخذ رهف مني وكعد يلعبها ويبوس بيها .... شويه ونامت صاحني تعالي اخذيها مني ... اخذتها ونيمتها ....
تعالي خلي اشوف ظهرج ... ماكو داعي مابي شي .... تعالي وانجبي ... اسلوبه ابد مو حلو ويايه بس شاسوي اتقربت يمه
وخر اللفاف وطلع لازك بالجلد الكطن اخذ
روحي كلها من شلعها جان يكول هاي مخزنه جراحه ليش هيج هاملتها ....
مااكدر الوحها لان بظهري .... راح جاب المعقم
واللفاف كتله لتخليلي كطن ابد لان تلزك طب
عا احجي وابجي من الالم نظف الجرح وعقمه بس متت والله من الالم كمل بس بعد ماطلعت روحي 😭😭😭😭
گمت اكح كحتي قويه واحس بنفسي حرارتي مرتفعه وبلاعيمي مورمه كوه كمت احجي
كلي يله كومي بدلي وخلي رهف يم امي .... وين .... خلي اني اخذج للطبيب .... طبعا مكاعد اصدك معقوله عمار هيج يحجي ويريد ياخذني للطبيب بس رهف تكوم تبجي مااكدر اخليها يم خاله
لعد خليها لمن تكعد وناخذها ويانه بس خلي امي تروح ويانه حتى تلزمها .... طبعا ممصدكه ابد معقوله هذا عمار لو غيره عافني وطلع واني بقيت صافنه معقوله صدك لو يتهيألي
كعدت رهوفه بدلتلها واني بدلت نزلت اخبر
خاله لكيتها مبدله وجاهزه كالت عمار كلي واني جاهزه بهالاثناء اجه عمار مبدل
كال يله طلعنه وهاي اول مره اطلع وي عمار
لمكان غير بيت اهلي لان بس لاهلي ماخذني
اخذني للدكتور ودخل ويايه فحصني وانطاني علاج كال الافضل تلبسين كمامه ع مود الطفله اخاف تنعدي
لان نشلتج حيل قويه شديت كانوله
وانطوني ابر وبراسيتول مغذي كتله دزني يم اهلي حتى هناك روان تساعدني ابنتي ....
لا ابقي هنا وامي تاخذها لرهوفه .... اخجل
ابقى نايمه بس هذا شنو يفهمه رجعت خاله خطيه كالت ابد لتنزلين لمن تصيرين زينه
وعمار يجيج يضربج ابرج وينزلي رهوفه بس من تنام انصعدها يمج
فعلا كام يصعد يضربني وياخذ رهف وينزل لمن تبجي لو عمو يجيبها لو عمار لوخاله عمار احسه انسان ثاني
واخيرا صرت زينه وكمت انزل بس المشكله عمار رجع نفس طبعا ويمكن اكثر وخاصه من يشوف اسيل يمي يتخبل ويتحول طنطل
روان : الصراحه حيل ضجت ع شهد وروحي طلعت كعدت حجت الي بداخلها وحسيتها شويه ارتاحت بس خطيه
انحرجت واني هم انحرجت من كالن خلي
ندز الرسائل اني خوف بداخلي مينوصف
اخاف يزل بكلمه مرتضى لو يصدكني اني
هيج احجي كلبي كام يدك سريع بس اجتي
الرسائل للكل اله اني بس رسالة عمار جانت
صدمه للكل وخطيه شهد انهضمت وطلعت بره
كامت تحجي ديما ونوره كالن ميصير هيج
يعاملها عمار ابد وهاي مسالة اسيل مو طبيعيه ابد اذا مطلعت مسويه سحر لعمار شوفن
طبعا هاي ديما الي تحجي كتلها اني باجر احجي كدام امي وخلي تشوفلها جاره لعمار بقينه نحجي وجان يجي الاشعار جهازي عند نوره جنت حيل خايفه من مرتضى
بدت تقره واني هيج فاتحه عيوني وحلكي 😵😵😵
هلو حبي ... هلو عمري ... هلو حياتي ... هلو كلبي ... هلو كبدي ... هلو رونتي ... لج مشتاقلج موت كلبي راح ينفجر عليج بعد مااتحمل فراكج باجر يجوز ارجع بس ع مودج حبيبتي لج ذوله كلهم سرسريه مناوين يرجعون كلمن شافله تركيه ومحتار بيها بس اني فقير مخلي صورتج
كبالي وكل لحضه ابوسج من 👈👄 لج احسب باللحضات شوكت ارجع وانام ع
صدرج واشتم عطرج وابوسج من 👈👄 يمين عليه اله اكطع نفسج بيها
طلع بي بله اسود اكيد عباله صدك اني دزيتها اله زفني زف نوره وديما اي عيني لو هذا الحب لو مينراد
لعد شبيج ضامته علينه ولو حقج يابه تخافين لتنحسدين مااعرف افرح لان هيج سوه كدام البنات لو اخجل كدامه هسه شيكول عليه
كل وحده توعدت لرجلها شلون يشوفله تركيه
بقينه نسولف وحلوه لمتنه بس شهد خطيه اخذتلها شويه واجتي قررنه انام سويه بقينه نسولف فتره وكلمن التهت بجهازها شهد نامت
راسلني مرتضى هلووو رونه ... هلو مرتضى ... شلونج شخبارج ... تمام الحمد لله وانت ... الحمد لله ... شكو ماكو ....
ماكو شي سلامتك ... شنو هاي التطورات من شوكت تشتاقيلي ومن شوكت تحسبين لرجوعي لحضه لحضه ...
مرتضى لتفهمي غلط هاي جانت لعبه لعبنها بيناتنه احنه البنات وكلمن جهاز غيرها عندها
وانت جهازج عدمن ... جهازي عند نوره زوجة كرار ... زين انتن شلون تقبلن تحجن كلام غيرجن مو عيب متستحن ...
وعليمن نستحي قابل شنو من كلام هو اصلا عادي ... تحجين صدك روان ...
مجاوبته ... طبعا الي سويناه اكبر غلط جان واني وشهد اصلا مقابلين بس ديما ونوره الي صممن ع هذا الشي
ها روان اشو سكتي تعالي كليلي هم مشتاقتلي لو لا
لا ممشتاقه ابد .... معقوله .... اي معقوله .... كولي والله ....
اي والله .... طبعا حلفت جذب لان الصراحه مشتاقتله وهاي اول مره هيج اشتاقتله اكثر من جان بالسجن
هاي انت شنو روان معقوله انت بشر وعندج
احاسيس ومشاعر يعني اكو وحده يسافر زوجها ومتشتاقله يابذات
طبعا هذا حجيك صحيح لو كان زواجنه عادي لتنسى الاتفاق شنو
انعل ابو الاتفاق لا ابو الاتفقوا ارجع ويصير خير روان
بعد ابد مراسلني ولا اني جاوبته معقوله
حيطلكني من يرجع
مااعرف بعد بقيت اراقب صفحته من بعيد
وره يومين نزل منشور وجان يسولف
ويضحك وي بنيه وتعليقاتهم وصلن 120 تعليق اني اتخبلت خبال ع اي اساس يحجي
وياها لااكدر اعلق ولا اكدر اسكت
لليل بعد مااتحمل لو يراسلني جان حجيت
وياه بس من ذاك اليوم كطع بيه مراسلني ابد
نزلت منشور وهاي اول مره انزل منشور
بمجموعه مختلطه دائما اتابع بصمت اليوم بعناد مرتضى نزلت
طبعا باللحضه الي نزلت بيها المنشور اجني كون اشعارات وطبعا الاغلبيه شباب كاموا يعلقون
كمت ارد بس بالمعقول مااطول وياهم رغم مااكو لزكه ويحاولون اتجاوب اكثر بس مهتميت حبيت بس اغث مرتضى
وفعلا كدرت انجح اتصل بيه اتصال مو مراسله شلعت كلبه يله جاوبت
الووو .... الووو .... طبعا لاسلام ولا كلام كبل
دخل بالموضوع ....بعد وين لو ممجاوبه فرد
مره احسن
ولو حقج ملتهيه بالتعليقات
روحي احذفي المنشور لا اشعل عشيرتج
واحد واحد .... لويش بي شي منشوري .... انت منو سمحلج تنشرين ومنو سمحلج
تعلقين ....
مااحتاج احد يسمحلي لان ممسويه شي غلط ابد ....
روان تدرين بنفسج صايره تعاندين هواي
وانت تعرفيني شلون اضوج من العناد....
اني ممعانده هاي انت كاعد تنشر وتعلق هم
ادخل بيك لو امنعك ماعليه بيك وانت هم
معليك بيه عود من تشوف غلط تعال حاجيني
لج بابا اني رجال اعلق انشر مو مهم بس انت بنيه وشفتي منشورج شلون ملتمين عليج
قسما بالله العظيم اذا محذفتي المنشور اله احذف حسابج كله مفهوم الكلام لو لا
مااحب اعيد الكلام مرتين ....
عادي احذف المنشور هسه بس انت هم
احذف منشورك هسه كدامي .... يامنشور تقصدين .... الي ناشره اخر مره ....
شبي هذا منشوري وليش احذفه .... هيج بدون سبب معجبني ... روان انت صاحيه لو بيج شي .... مبيه شي ....
احذفي منشورج وعندج كروبات هواي بس
بنات اتفاعلي انشري انعل عشيرته الي يمنعج مو جايتني وي شباب تنشرين وتعلقين احرك
الدنيه والله ....
مرتضى اني حجيت الي عندي احذف انت واني احذف
عمي امري لله احذف وخلي اشوف شلون تاليتها وياج .... طبعا هذا منشوره خبلني لان
التعليقات هو والبنيه وصلن 150 راقبت كل تعليقاتهم صحيح كان كلام عادي بس هي
لزكه لزكتله وسولفتله قصة حياتها كلها
طبعا مرتضى كلش حلو وشخصيه وناشر
صورته وهو بتركيا بهذا المنشور
حذفه وفرحت رحت حذفته باللحضه رجع خابرني
حذفتي ... اي حذفته ... هسه اتخرجين من
الكروب كله .... لويش عود .... يعجبني هسه تخرجين ....
حتى تاخذ راحتك بالتعليقات مو .... شنو
تقصدين .... مااقصد شي وسد الموضوع
مراح اخرج وعود بعد مااعلق ولا انزل منشور ....
اكلج انت اعتقد تغارين من البنات الي يعلقن
الي .... اني اغار منو يكول وع شنو اغار .... اي هم صدك ع شنو تغارين عادي عندج
وحتى متهتمين اذا نزلت منشور وعلقتلي
بنيه وسولفت وياها وبقينه تعليقاتنه اتجاوزن 100 تعليق عادي عندج
اني متاكد لدرجه الغيره فول صعدت وهيج سويتي ....
شوف مرتضى حكون صريحه وياك اني مو
غيره مني بس ميصير انت متزوج وهيج تسوي من يشوفونك احمد وكرار وعمار شيكولون ....
اني اكلج شيكولون
يكولون روان هاملته وشالعه كلبه وممنطيته
حقه ومو زينه وياه ابد لان لو زينه مجان
هيج يسوي والكل يعرفني اني ماادور بنات قبل بس هسه لا صرت ادور لان انت شالعه
كلبي من صدك
تحجي صدك مرتضى .... اي قابل جذب .... يعني شلون شالعه كلبك ...
ولج انت لحد الان ممخليتني لامسج لمس ولا مخليتني انام بالجربايه يمج ولا حاسبتني رجلج اصلا
مو احنه اصلا زواجنه بس ع الورق شلون بعد اعاملك لتنسى احنه فتره ونطلك ....
لعد اذا هيج ليش تضوجين من احجي وي
بنات ... مضايجه من هذا الشي بس لان عيب من الولد ...
اتركي العيب ومعليج روحي شوفي عمار
وكرار واحمد شينشرون وشيعلقون عود تعاي
حاجيني وخلي يكون بعلمج كلهم ممتزوجين بالفيس ....
بقيت لا اخذ ولا انطي من سمعت هذا الكلام
اشو سكتي .... انشر ع راحتك وعلق ع راحتك بعد معليه بيك ....
هذا الحجي الحلو عفيه بنيتي صيري حبابه ومطيعه من البدايه ليش عاندتي وخليتيني احذف المنشور ....
يله اريد انام تصبح ع خير .... وين تنامين بعد وكت تعالي اكلج شي ....
گول اسمعك .... ليش متغارين عليه عود ....
وليش اغار اصلا ....
غير رجلج ....
واذا رجلي شنو يعني ....
هاي انت شنو اشك بيج ماعندج احاسيس ولا مشاعر .... سكتت ....
الوووو ..... وياك .... شوفي اذا انت ممشتاقتلي احب اكلج اني مشتاقلج موت صورتج مفاركتني ولا لحضه امشي احلم بيج اكعد احلم بيج انام احلم بيج صرت مدمن بس افكر بيج ....
اني ساكته مااعرف شاجاوبه احس كلبي يدك سريع ودكاته ممنتظمه ابد اتوترت واخجلت عبالك كبالي هو ويحجي ...
حاب اكلج شي روان اني احبج والله احبج
والاسلام احبج واتمنى اعيش كل عمري وياج
مااعرف شوكت وليش حبيبتج كل الي اعرفه اني احبج ومااعيش بدونج ....
الصراحه هاي الكلمه نهتني ع الاخير خلتني
راح ينغمى عليه الحمد لله مكالمه مو وجه لوجه جان انتهيت كباله ....
الوووو نحن هنا ..... مااعرف شاجاوبه لساني ثكيل احسه اخر شي سويت نفسي مااسمعه كمت اصيح الوووو الوووو وهو هم يصيح الووو طبكته
اريد بس اخلص منه اباوع ع وجهي احمر دم وعركت ودكاتي تقره الف احس كلبي دمام رحت للحمام بسرعه غسلت
واحس بنفسي حرانه حيل رحت جبت ملابس وسبحت ارتاحيت وطلعت لكيته هواي متصل بعدها داز رسائل
الوووو .... وين رحتي يمعوده .... بقيت قلق عليج صار شي .... روان وين رحتي يمعوده .... بقى يلح عليه بين مخابره وبين رساله واني دايخه شنو اجاوبه مااعرف ....
اني يمكن هم احبه مو يمكن اكيد لان كاعد اغار واراقبه من بعيد اضوج من يهملني وافرح من يسال عليه بس مااعرف اعترفله
لو لا بعدين كلت خلي لمن يجي واذا صارحني وجه لوجه راح هم اعترفله ونعيش سوه
جاوبته الووو ... هاي وين رحتي .... اسفه راح النت ورحت سبحت معبالي تراسلني ... مو جنه نحجي لويش مخليتيني اكمل اسفه منتبهت...
انت سمعتي شنو حجيت .... لا مسمعت راحت الشبكه .... تمام حرسل الي حجيته الج واريد جواب منج ضروري .... هاي مو خوش سالفه بكلبي حجيت
روان اني احبج واعشقج ومااكدر اعيش بدونج ابد والله احبج شوكت وشلون مااعرف اتمنى تنطيني فرصه اتقرب الج ومراح اخليج تتندمين والله اتمنى متكولين لا
حبيت امزح ويا وكلت لمن يرجع من السفر يله اعترفله ع حبي اله وحبيت اشوف ردة فعله شراح تكون جاوبته
برساله .... بس اني مااحبك ولا احب قربك واتمنى تبقى ع وعدك من تصير سنه ع زواجنه اطلكني
تحجين صدك روان معقوله كل هاي الفتره ومكدرتي تتقبليني ابد ....
اي صدك ....
اوك ع راحتج مراح اجبرج ع شي واني عند كلمتي ان شاء الله مراح ازعجج لمن تكمل السنه ويصير خير .....
الصراحه متوقعته هيج راح يحجي بس لا يسويها صدك عود حيل اتندمت من هيج حجيت لو ساكته احسن بس بعد مااكدر اتشاقه لو جذب ولااكدر اكول احبك همين واتمنى تبقيني يمك
هو باللحضه يمكن طفه النت وحتى اذا عنده مااعرف شاجاوب بقيت اكل بنفسي اكل لويش هيج سويت حاولت انام ابد مكدرت
بس من التفكير بقيت اكل بنفسي اكل بعدين كلت اكيد راح يغير راييه مستحيل يطلكني اذا يحبني صدك بس يصارحني والله اعترفله بكلشي بس خلي يصارحني
كوه كدرت انام ثاني يوم كعدت وجنت اتمنى الكي منه رساله بس ماكو اي شي بقيت اليوم كله اراقبه ماعنده نت ابد
لامتصل بالفيس ولا فايبر ولا شي بقه يومين والصراحه حيل قلقه عليه بس عمار متصل وماكو شي عدهم عرفته ضايج اكيد بعده
ثالث يوم نزل منشور راقبته وراقبت تعليقاته اجتي نفس البنيه علقتله واندمجوا سويه هالمره مرتضى اتفاعل وياها زياده احس نار واشتعلت بيه وخاصه من كلتله جاوب خاص
اختفوا هو والبنيه ردت اخابره لان بعد مااتحمل بس باخر لحضه بطلت افور دم بس مااكدر اخابر
لليل سوه حفله اشو صعد البنيه وياه هو يختار وحده وهي تختار وحده وضحك وسوالف سويه اني داخله وياهم بالحفله بس متجاهلني ع الاخير
كل الي يدخل للحفله يشارك ميشارك يرحب بي اله اني صدك ضجت متحملت خرجت
وره شويه تندمت لان خرجت هسه لو باقيه ع الاقل اراقب تعليقاتهم بقيت متردده ادخل مره ثانيه لو لا اخر شي متحملت دخلت
وياريت مدخلت لكيتهم سوالف وضحك ضجت اكثر عفتها وطلعت نهائي مفكر يراسلني ولا يطمأن علينه ابد
بعدها بده يوميه يدزلي رساله وحده يسال ع خاله وعمو بس بقيت اراقبه واحس علاقته اطورت وي هاي البنيه اني دمي كاعد يفور والغيره عندي تقره فول
واخيرا قرروا يرجعون باجر وجنت متلهفه كلت بس يحجي ويايه اعترفله بكلشي بقيت للصبح بيومها منمت
ثاني يوم اجه وجنت متوقعته يكون ملهوف ع شوفتي مثل مدخل للسجن بس طلعت متوهمه سلم عليه سلام عادي بارد حسيت بمرتضى انسان ثاني يختلف جذريا عن مرتضى قبل ليسافر
انطاني الهدايا الي جايبهن الي
بديت احاول اتقربله بس هو يبتعد عني لا يطلب مني شي ولا يحجي وياي اي شي حتى ملابسه الكي هو غاسلهن ومن اساله ليش هيج تسوي يكلي احسن
كام بس يرجع للبيت لازم جهازه 24 ساعه ميرمش ابد وواضح عليه يتراسل اكيد وياها بديت اضوج واعصب من اقل شي
يوميه يسوي حفله بوقت متاخر ويبقى للصبح كاعد واطورت علاقتهم من صارت اتصالات بيناتهم لان اشوفه يطلع بالحديقه ويحجي مااعرف شاسوي عاجزه عن اي شي
لازم احجي وياه ميصير هيج يسوي بيه خلي يوديني لاهلي وشيريد يسوي يسوي يخابر يراسل يسهر معليه بي
فد يوم اجه للغرفه الظهر نام وره شويه دك جهازه رحت قريته كاتب ع الرقم الحب حيل ضجت
همزين مضحك عليه بكلامه لان مستحيل يحبني صدك لو يحبني مينساني بسهوله وينسق وي وحده ثانيه مااعرف شلون حبيته واني متاكده منه ميحبني ولا يفكر يحبني
كعد هو وشافني مركزه ع الاسم صفن بوجهي لحضات ورفع خط طبعا هاي اول مره يحجي كدامي
هلو حبي شلونج شخبارج نايم جنت اسف شكو ماكو بيش الساعه اوك اكيد بهيج وقت اني موجود ان شاء الله
لويش تسالين احنه شنو متفقين سدي الموضوع ليش تلحين اني شكتلج اهوووو اي يمي هاي يله ارتاحيتي
اي والله شبيج هاي يمي وكاعد تسمعني اي وشنو يعني واذا حبيبتي تسدينه للموضوع
لو اروح انام لان محاب احجي بالموضوع اني هنا متحملت ابد طلعت من الغرفه ودموعي ع خدي المفروض ميجرحني هيج مينطي بيه كدام وحده غريبه
رحت لغرفة شهد وقفلتها عليه نمت وكعدت لكيت الاذان ماذن نزلت جوه صليت وكملت وسويت عشه بقيت يم خاله وعمو بس احس بنفسي مخنوكه وكوه كاعده ع اعصابي
بعدين صعدت لغرفتي سبحت واخذت شكم دشداشه الي وشكم شي محتاجته ورحت لغرفة شهد تركت صفحته بعد ماعليه بي ابد مراح اراقبه ولا الي علاقه بي ابد بعد
محاول يحجي ويايه ولا حاول يسالني ليش رحتي لغرفة شهد ابد بقيت تقريبا اسبوع حتى منلتقي ابد ادخل للغرفه انظفها واغسل ملابسه واطلع
اليوم اجتي شهد وحيل افرحت كالت راح ابات لان كلبي راح يوكف من القهر مسافر عمار هو واسيل وهاي باقيه من الباب متطلع
خطيه والله انظلمنه اني وشهد بسبب مرتضى
كعدنه اني وياها وحده تسولف للثانيه وتبجي اني سولفتلها كلشي
كالت ولج انت تحبينه لمرتضى وحبج جبير اله وهاي غيرتج اكبر دليل ... ادري والله بس والله ميستاهل احبه ابد
دزلي رساله من رجع للمحل تعالي نامي هنا .... مجاوبته ابد ولا اهتميت كلت انام يم شهد واسكت
طفيت الشبكه وردت انام بس اجتي لشهد اشعارات كالت لحضات واجيج ديري بالج ع رهوفه ....
تدللين لحضات وجان يجي مرتضى للغرفه عيونه حمر من العصبيه اني بقيت ع نومتي
اكعدي خلي اتفاهم وياج .... نعسانه خليها ع باجر .... كومي كاعد اكولج .... غطيت وجهي وردت انام جان يجر البطانيه حيل وجرني حيل ....
تعرفين اكثر شي ينرفزني ويضوجني هو عنادج واني شلون احب العناد ...
كعدت شنو الي تريده ... كومي للغرفه ... مااريد اروح للغرفه خليني هنا وشتريد احجي هنا
روان لتتصرفين تصرفات اطفال عيب عليج انت جبيره ع هاي السوالف ....
اخذني من ايدي وسحبني حيل طلعني من غرفة شهد ودخلني بغرفتنه ....
شنو هالتصرف مرتضى انت متكدر تجبرني ع شي لان ماالك حق بهذا الشي ...
لتكفريني بالدنيا كلها انت مرتي غصبا عليج وماالج حق تتصرفين بشي بدون اذن مني
منوسمحلج تنامين هناك ...
مااحتاج احد يسمحلي حبيت تاخذ راحتك ...
انت معليج براحتي ابد عليج بروحج ميصير تنامين هناك ومااحب تحجين اسرارنه لاي شخص ....
مثل شنو اسرارنا نسيت انت شهد تعرف بقصتنه كلها وتدري بينه زواجنه ع ورق ....
وان يكن مااحب تحجين شي ....
صار ادلل مااحجي شي لاي شخص بس ماانام هنا ابد .... تنامين وغصبا ماعليج ....
مو بكيفك تغصبني ولا بكيفك تمشي راييك ....
روان انعلي الشيطان واسكتي
واذا ماسكتت شراح تسوي ....
اخر مره اكلج اسكتي
واني اكلك اخر مره تمشي راييك عليه لان مو من حقك هنا حسيت بي فقد اعصابه من صدك ضربني راجدي
لتعانديني ابد ....
مهتميت للضربه درت وجهي وردت اطلع جان يجرني حيل ضربني مره ثانيه
مااحب العناد ومااحب تتجاهليني ...
خلصت كلامك اريد اروح ...
واني اكلج ابقى اذا طلعتي من باب الغرفه اسويها كربله
حبيت اعاند هالمره اكثر لان اريدلي حجه عليه عفته ودرت وجهي ردت اطلع
هنا مرتضى فقد تحول لشخص ثاني ممتوقعته هيج حيسوي بده يضربني وفقد ويايه حيل اذاني بس اتحملت ماصيحت ولا دافعت عن نفسي ولا اتوسلت بي
مااعرف منين اجتني هاي القوه والشجاعه
حتى اسكت هو احسه ياذيني اكثر يريدني
بس احجي اخر شي تعب وعافني منطقت
ولا حرف واحد ردت اطلع سحبني وحجه .....
وجانت صدمه اليه ممتوقعته هيج راح يسوي ويحجي بعد هذا الضرب كله
جان يكول .....
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: