مساء الخير ع اجمل متابعين اتمنى لكم قراءه ممتعه
عيونكم احلئ بارت مفاجئ
لاتنسون التصويت 😘😘
❣️❣️ #بالبارت 31❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
جان يكول للاسف مكملت اجراءات المحكمه اليوم خميس وتعرف نص دوام
اني تخبلت لا احمد لتكول مااطلع اليوم ولك روحي طلعت من السجن
حجه مهند اعصابك ياعيني لتنسى يامرتضى هذا كله من وراك انت ممصادق غير بس السكاره والساقطين وثانيه وبعد محد جبرك تنطي سيارتك لازم تدفع الثمن وتتحمل النتيجه
حجه احمد لعد لو اكلك شي بعد شراح تكول
احجي شكو بعد
لازم تتحمل ليوم الاثنين
ليش عود
لان باجر جمعه وراها سبت وحظك الاسود جملها الاحد عطله
خرب بيك محمد والله اذا اشوفك اله اكفر بيك
حيل ضجت وروحي طلعت
اتحمل ياعيني مابدينه شي والله عملنه المستحيل حتى انطلعك بس اجت عكس وياك
هاي هي مشكورين وتعبتكم ويايه
هاي شبيك مرتضى يمعود كول ياالله
بقينه شويه وراحوا ورجعت للسجن شعوري مينوصف ابد عبالي الحك ع العطله وكلت اطلع روان ونروح نزور سويه بس هذا حضي المصخم
لكيت رسائل من روان تسالني تكول خاله شتحب نسويلك غده هواي دازه ومخابرتني تركته للجهاز لان ضايج حيل
الي مضوجني اكثر وحدي لا احد احجي ويا لا اكو شي اتلها بي نمت بدون غده كعدت يمكن ماذن ومخلص
كعدت ميت جوع الشرطي صاحني ع مود العشه طبعا اكلهم مو طيب حيل والمشكله الاكل الي جابو الي مهند واحمد الي اكلته والي انطيته للحرس كلت هو راح اطلع شلي بي بس هسه جوعان كلت للشرطي فدوه خلي انطيك فلوس جيبلي عشه الي والكم اي شي
وهذا الاكل شبي
يااخي والله مينبلع مو طيب
شتريد اجيب
بكيفك جيبلنه نص كيلو كباب الي والكم وجيبلنه قواطي ببسي
انطيني الفلوس وخل اشوف بس يصير عندي مجال بسرعه اجيب
انطيته فلوس والله صدك وره فتره جابلي الكباب وصمون وقواطي
كتله ليش كله انطيتنياه
كال اخذ الي يكفيك وعود الي يزود دزه النه
اوكف اخذت كفايتي وانطيته الهم كعدت اتعشيت وشربت ببسي كملت غسلت ورجعت لفراشي كلبت بالفيس شويه مااكدر اعلق بعدها اتذكرت روان
رحت للفايبر لكيتها هواي مراسلتني وجانت قلقه عليه اني غبي المفروض اجاوبها ملازم هيج اخليهم قلقين عليه
دزيتلها الوووو
اسف مجنت اكدر اجاوب لان مراقب ماكدرت اكلها غير شي ماكو جواب بقيت انتظر بس ماكو جواب
بعدين كلت خل اراسل شهد واطلب منها تحجي وي روان
فعلا راسلت شهد وبقيت احجي وياها بعدها كتلها كلي لروان خل تجاوبني كاعد اراسلها ومتجاوب كالت جوه روان وجهازها هنا ملتهيه بالخطار ناس رايحه وناس جايه
لعد بس تصعد خلي تراسلني راح انتظرها
اوك
بقيت التهي بالفيس لان حتى احمد ومهند مجاوبوني الظاهر يم اهلي
طولت روان وحيل ضجت مااعرف ليش هي الوحيده الي اتمنى احجي وياها واني بالسجن
عيني ع الجهاز منتظر رساله منها ع نار واخيرا جاوبت ورجع الدم بوجهي
هلو مرتضى
هلو روان شلونج
تمام وانت
اني زين اذا انتم زينين
ليش مجاوبتني وخليتني بقلق
اسف مكدرت اجاوب ابد وهسه اكيد سويتيها وحده بوحده هم شلعتي كلبي يله جاوبتي
والله ملتهيه وي الخطار واكفه ع حيلي هسه يله سبحت وكعدت
منو الي اجه
والله ماادري ناس رايحه ناس راجعه اهل الولد صديقك همين
انت شتسوين
اسوي الجاي واحضر مي واكفه بالمطبخ
اسف تعبتي اكيد ومن ورايه
لا متعبت اصلا ماعندي شي
تعرف جهزنه كلشي تحبه خاله طبخت ع مودك وعبالنه تطلع وجنه فرحانين بس من سمعنه الخبر وقلبوا علينه حيل ضجنه
شنو منو الي قلب عليكم
غير اهل صديقك
ليش شلون قلبوا
شنو متعرف بالموضوع
لا مااعرف اي شي احجي خل اسمعج
لعد ماكو شي اني متوهمه اكيد
روان احجي الصدك شكو
ماكو شي لتخاف
احجي لخاطر الله كمت افور شنو الموضوع وشنو السالفه الي محجوها احمد ومهند
عفيه مرتضى خلي اهلك همه الي يحجون ميجوز اني احجي عيب منهم والله عبالي تدري
روان روحي طلعت وصبري نفذ لتكفريني بالدنيا كلها
اخاف تصير مشكله من ورايه
احجي مراح اكول روان كالت شي
اهل صديقك رفضوا يطلعون الرجال للخارج يكولون مانكدر للتكاليف هواي واحنه ماعدنه
واهل الرجال مقبلوا يتنازلون
شنو هالحجي بكيفهم غصبا عليهم يتكلفون علاج الرجال اني شنو ذنبي ابقى بالسجن
صارت عركه شكبرها بينهم وبين عمو ومهند واحمد راحوا هددوهم ومهند واحمد راحوا لاهل الرجال واتفاهموا وياهم كالولهم حرام عليكم تسجنون شخص بريئ والولد المذنب مسافر وهرب لازم تهددون اهله حتى يرجع وتاخذون حقكم وفعلا اقتنعوا بالكلام وبدوا يهددون بيهم يله جروا عدل واجوي كاموا يبوسون رجلين
حيل بيهم انعل ابوهم لا ابو خيرهم خلي الكفه لمحمد والله اله اعرف شغلي وياه بسيطه تهون
هسه شقرروا
اتفقوا يسافرون لاربيل يعالجون الرجال
هو شنو البي بالضبط
والله مااعرف
اكلج الجو شلونه يمكم
والله بارده حيل موجة برد كالوا تستمر اسبوع
عبالي بس يمي
شلون اكو بطانيات يمك تدفئه لا
لا يمعوده ليكون متصوره كاعد بفندق 5 نجوم
بس بطانيات اكو
زين اذا بارده شلون سبحتي هسه
تعبانه والله لو ماسبحت حيبقى التعب بيه
شعرج مبلل بعده لو لا
لا نشفته ومشغلين التدفئه اني وشهد
عبالي
شلونه السجن وياك
يمعوده خليني ناسي شويه لان متتوقعين شلون ضايج وروحي طالعه
انت شلون تنطي سيارتك المفروض تحسب حساب لهيج موقف
والله مااعرف شعماني وكلت عيب منه اول مره يطلب مني شي
يله صار الي صار وان شاء الله تهون وتبقى بس سوالف
ان شاء الله امي شلونها
بس تبجي ليل نهار وماكله كلب عمو خطيه روح كلف محامي روح للناس
والله ماكاسر ظهري غيرها خطيه لو تدرين شكد شايل الها هم
اليوم اجوي بيت عمك وبقوا يحجون عليها يله سكتت خطيه
شلون راح اصبر بعد 3 ايام مااعرف وفوكاها بوحدي بالسجن
الله كريم صلي واذكر الله
اكيد
اريد اطلب منج طلب
اطلب الي تريده
عفيه دائما جاوبيني لان ضايج وماعندي غيرج احجي وياها شويه اخفف عن نفسي
تدلل من عيوني سهله حتى اذا اجوي خطار ميهمني اجهز الجاي واراسلك باي وقت
حيل فرحت من هيج حجت
شوفي احسبي حسابج باجر نسهر سويه للصبح هسه نامي وباجر هم نامي الظهر اني اطلب من شهد تساعدج
لا عفيه عوفها شهد خطيه مريضه مو مالت شغل اني جبتها حتى ترتاح
لعد وانت
اني شعليه قابل شمسويه اشو بس الجاي وميتعبد
اي مبين
انت معليك باي وقت تريدني اني حاظره
اكيد راح اضوجج وراح ازعجج ويايه
لا بالعكس والله ماعندي شي اشو عطله وماعندي اي شي كاعده وساكته
هسه روحي نامي اكيد نعسانه
لا منعسانه ابقى شويه بس اخاف انت نعسان
اني قبل شويه كعدت اصلا نمت الظهر حتى بدون غده لليل يله كعدت
صدك شتاكل وشتشرب
والله اكلهم ابد مينوكل رغم ما دجاج ولحم بس مو طيب من يجون احمد ومهند افرح من يجيبولي اكل والبارحه تدرين الاكل الدزيتوا وزعته كله عبالي اطلع واليوم كتلني الجرع 😂
لو مخلي الكليجه
شمدريني بعد
اخاف يجي احد كلي لامي خلي ادزلي اهم شي كليجه وكيكه يفيدني
صار تدلل باجر الصبح اني وشهد نسويلك
اي والله ياريت
زين شاكلت اليوم
دزيت عشه من بره بيد الشرطي
زين والله شلون جابولك
انطيتهم فلوس وجابولي الي والهم
روان
ها
مشتاقلج
مااعرف شلون كتبتها
مجاوبت
اسف اعتذر منج
ع شنو تعتذر
ع زلت لساني
عادي ولا يهمك
لعلمك حتى احنه مشتاقيلك
منو انتوا
خاله وعمو
وبعد
شهد
وبعد ايات همين
وبعد
مهند همين
مهند شافني اليوم ومااعتقد مشتاقلي 😂
اي وبعد
ماادري بعد
لعد نسيتي اهم شخص
منو 🤔🤔🤔
هيج عوفيها مو مهم عبالي انت تعرفين من ذاتج
طبعا اتمنى تقوه علاقتي بروان واتمنى تتقبلني ك زوج لازم اني اتحرك واحجي وياها ميصير اسكت راح احاول وياها شويه شويه
سكتت مجاوبتني واني هم مراح الح عليها
روحي نامي اخاف تعبانه
تصبح ع خير
وانت من اهله
محبيت الح وياها خليها لباجر احاول احجي وياها
حاولت انام بس مكدرت بقيت بس افكر بروان هم يجي يوم وتتقبلني واني اتقبلها وننسه الماضي لو راح تتمسك برايها وتطلب الطلاك بعد ال 6 اشهر
مااكدر اجبرها تبقى ويايه يمكن راح تكون صدمه للكل اذا اطلكنه لازم ابدي اتقرب منها واحاول اقنعه اي لازم مراح ابقى مبتعد عنها
بقيت كاعد لمن صليت الصبح ونمت كعدت ثاني يوم ب1 الظهر ع هوسه جايبين يمي 2 شباب اخوان سلموا عليه وكعدوا
همه منعزلين بيناتهم يسولفون وره شويه جابولنه غده كعدنه سويه اكلنه بدوا يسالوني ع شنو مسجون كتلهم قصتي وهمه هم سولفوا قصتهم كالوا احنه عدنه محل احذيه اني واخويه واكو بسطيه اباب المحل اخوي بالمحل واني بالبسطيه اجني ثنين نسوان ام وبنتها سالني ع السعر كتلهن بالسعر اشو هاي البنيه دخلت ع اخوي اخو كمل فتحت عبايتها وجانت ملابسها مغريه كلش كالت تعال وين ميعجبك باي مكان اخذني مقابل ورقه اني بقيت مصدوم لحضات وكتلها روحي حبابه شغلتج مو يمي اطلعي بره
هاك شوف زين انت متاكد تطردني
اي متاكد روحي اطلعي عسى الله يهديج الصراحه اني ماانغر بهيج نماذج تعبانه وخاصه اني هستوني متزوج صارلي 3 اسابيع وزوجتي عن حب متزوجها
اشو هاي كامت تصيح امها تعالوا الحكوني هذا اتحارش ابنتي بقيت صافن اني
هاي شدتحجي اصلا اني طردتها لمت الناس عليه الي كام يحجي والي مصدك جماعتنه يدرون بينه هاي البنيه اتصلت بشخص لحضات وجان يجون اربع اشخاص فلشوا البسطيه وطشروا الاحذيه اتضاربنه احنه والولد جماعتهن ضربوني سجينه بظهري بس احنه هم مقصرنه وياهم اذيناهم اجتي المفرزه اخذونه همه قدموا بلاغ واحنه قدمنه بلاغ بس اشو سدوها كالوا دعوه مقابل دعوه ودم مقابل دم بقينه صافنين همه طلعوهم واحنه بقونه بتهمة التحرش
صدك تحجون هاي فوك محلكم وفوك ضربكم هيج يتهمونك
هاي بعد دولتنه تاه بيها الحق والباطل كله سوه
ذني الساقطات حشاك مشتكيات علينه وبدورهن نسوان الحق وياهن
هسه الشرطي يسولف يكول ذني متعودات هيج يسون ع مود ياخذن فصل يله يتنازلن
وهسه شراح تسوون
اخونه كلف محامي كال والله اله اسويهن عبره لغيرهن
الله كريم ان شاء الله براءه
الله يسمع منك حبيبي مشكور بقينه نسولف وغيرت جو وياهم الجهاز مطلعته خفت
للعصر جابولنه شاب شايل جمال مو طبيعي ومبين عليه ابن خير مو مالت سجن ابد
جان يكولون الشرطه بهدوءاحذروا منه هذا مجرم كتل ابوه
ياعلي دخيلك اكو شخص يكتل ابو اتفقنه نكون بعيدين عنه مراح نتقرب عليه
لليل اجوي اهل الاخوه جايبين عشه اشكال واللوان جميع انواع المشاوي ولبن وعصير وببسي وفواكه ناس رايحه ناس راجعه عليهم
صاحونه حتى الولد المجرم اجه كعد ويانه وجان حيل جوعان مبين عليه
مبين عليه حباب بس المفروض منحكم ع الشكل ابد
ذوله الاخوه مدخليلهم اجهزتهم واحد منهم بده يراسل همزين حتى اطلع جهازي مااخاف منهم
حجه هذا الولد المجرم وي واحد من الاخوه ممكن استعمل جهازك بس اطمأن بيها ع شخص ظروري
اي هاك حبيبي اتفضل
اتراسل الولد بس اشو هذا صار اعصاب وكام يغلط ويسب نريد نفهم الموضوع بس ماكو
كال مجبور احجي مخابره الله يخليكم والله الشغله ظروريه حياة وموت
مو اخاف احد يحس بينه والله نتعاقب
اني اواعدكم وعد شرف اني اتحمل اي شي يصير والله مسالت حياة او موت ميفيد رسائل
اتفضل انطيته جهازي لان خطيه مبين عليه محتاجه
الولد مقبل كال هذا جهازي كدامه مو مهم
خابر يحجي ع كيف بس باعصاب
اسمع امير وحق الله اذا صار شي ع زهراء لو حاولتوا تلمسون شعرايه منها راح ارتكب جريمه من صدك انتوا تعرفون ليش كتلته
لك لتكفرني وحق الله انطي العندي والماعندي وااجر قاتل اخلي يكتلكم واحد واحد اذا صار شي بزهراء
لك انت مو تعرفه عمك عار ومنحط لتخليني اكلب الدنيا
اخر كلام عندي والقران زهراء اذا نمست شعرايه منها احركم عدلين واحد واحد وطبكه بوجهم
الله يلعنكم ويلعن ابوي بالاخره
ع كيفك اعصابك يااخويه خشمك طك دم
يمكن ضغطه صعد غسلناله ونيمناه
هسه كون طير واطير للبيت اله احركهم واحد واحد
حسيناه اتخربط صحنه الشرطي كناله هذا اتخربط مقبلوا يسعفونه بس بعدين كمنه نحجي اجوي اخذوا بقينه بقلق عليه يمكن ساعتين ورجع
جابوا كبل نام خطيه
دخنه بي كلنه بلكي باجر نفهم موضوعه شنو
بدينه كل شخص التهى بجهازه
فتحته جهازي لان من اجوي الولد اقفلته خفت منهم وبعدين نسيته
اجني رسائل هواي من روان ومن احمد ومن مهند
احمد يسال عني وعن معنوياتي ومهند يسالني شمحتاج يردون يجون باجر راسلتهم اثنينهم وبعدها التفتت لروان
حيل قلقه عليه طبعا ممصدك بروان هيج قلقه
اول مدزيت هلووووو
دزتلي باللحظه هلووووو مرتضى
هاي وين صرت بربك لويش هيج تعيشنه بقلق
اسف والله مو قصدي بس اجوي مسجونين يمي وخفت افتحه للجهاز لمن هسه امنت يله
شلونج شخبارج امي وابويه شلونهم
زينين الحمد لله وولو عيشتهم بقلق اليوم خطيه لان ماكو اي جواب منك
خطيه والله مو بقصد
راح انزل اطمنهم عليك وارجع
لتتاخرين راح انتظرج
اوك
صدك ثواني ورجعت
كالت خطيه فرحوا وخاله تسلم عليك هي وعمو
الله يسلمج
شكو ماكو
ماكو شي سلامتك
شهوده شلونها شخبارها
تمام الحمدلله
اليوم هم اجوي خطار لا
اي اجوي واليوم خصموها وي الناس راح يرحون باجر مشيه لاهل الرجال وراح ينطون فصل وبعد معليهم لا بطبيب ولا بغيرها
بعد احسن اهم شي خلي يتنازلون لان من صدك مختنك بالسجن
ان شاء الله يتنازلون وتطلع
بس اطلع اخذج للنجف ولكربلاء نبقى يومين اكثر
صدك تحجي
اي والله بس خلي اطلع جنت حاسب اطلعج بالعطله يوميه بس طلعتلي هاي صفح اله وي عطلتج
عادي ماصار شي اهم شي تطلع من السجن والباقي مو مهم
الله يسمع منج
طبعا اني مطفي اليوم حيل نعسان لحضات وراح بالي بعيد لايامي وي مريم بين النايم وبين الكاعد اتخيلت مريم كبالي
دزيت لروان اكلج مريومه طبعا مجنت منتبه ابد وخطأت بالاسم
هي غلست محجت شي بالبدايه واني ممنتبه
تكدرين تتصلين فيديو بس بدون صوت
لويش
لان مشتاقلج هواي فوك متتصورين طك كلبي عليج
مجاوبتني وجان اخطئ نفس الخطئ واعيد الكلام
ها مريم اشو سكتي معقوله ممشتاقتلي ممشتاقه اللمساتي ممشتاقه لبوساتي وجان انتبه ع نفسي باللحضه احذف الرساله ماادري قرتها لو لا
انتبهت ع الرساله الي قبلها مااعرف شلون هيج خطأت بالاسم ومااعرف شلون اجه اسم مريم ابالي وشلون صارت صورتها كبالي مرات الواحد يروح بغير عالم مجرد لحضات ويرجع للواقع اني هذا الي صار ويايه شكد حنت نعسان باللحضه طفرت وطار النوم من عيني
هي مجاوبت شي واني بعد مااعرف شاحجي رحت غسلت وجهي وطبعا الجو اليوم مو طبيعي ثلج السجن عباره عن مجمده وشكد متغطين ولا كانو
رجعت دزيتلها اسف روان
مجاوبت شي لان اصلا ماقرتها
اني شكد غبي اريد اصلح وضعي وي روان رحت لصتها بالزايد
روان فدوه جاوبيني والله اسف مجان قصدي ابد
قرتهن ودزتلي
ع شنو تتاسف مصار شي اصلا لتهتم من حقك تتذكر زوجتك الله يرحمها ولتنسى علاقتنه اني وياك مجرد حبر ع ورق مومهم شنو تحجي كدامي لو شنو تغلط بالاسم عادي مو مهم مشاعري ابد
لاتحجين هيج روان انت زوجتي واكيد مشاعرج تهمني والله ماادري بنفسي وهيج حجيت اسف
لتتاسف مصار شي مثل مكتلك وهسه اذا تسمحلي اروح انام لان حيل نعسانه
ادري بيها ضاجت ومن حقها اني غبي المفروض مااذكر هيج كلام كدامها
روحي نامي اخذي راحتج
النوم طار من عيني وذوله الاخوه المتزوج هستوه مبين سهران هو زوجته بس الثاني نام وهذا الولد هم نايم
كمل الولد مراسله اني ملتهي بس بالفيس اكلب واحس بملل مو طبيعي
حجه ويايه ها اشو منمت
والله مااجاني نوم
متزوج انت لا
اي متزوج
عندك اطفال
لا بعدني صارلي 4 اشهر من متزوج
يعني مثل حالي جديد بعدك لعد شبيك ضايج
الصراحه حبيت احجي الي بكلبي حتى ارتاح
كتله اني متزوج قبلها بنت عمي واتوفت وهسه اتزوجته وقبل شويه اتوهمت باسمها وحجيت وياها ع انها زوجتي بنت عمي الله يرحمه
لا ياالله اكيد لصتها ع البنيه
اي والله حيل ضاجت وعافتني ونامت
لعد انت شلون هيج تسوي
والله ماادري رحت بغير عالم وصارت بنت عمي كبالي واتصورتها وكمت اكتب وماادري بنفسي
الله يساعدك 😂😂😂😂 اكيد البرد والبعد اثر عليك بس انت المفروض تتصور الجديده مو القديمه بس بيناتنه الحجي مبين تحب بنت عمك وهاي الجديده متحبها
بنت عمي الله يرحمها قصت حب قبل الزواج وبعد الزواج حبيتها بعد اكثر بس هاي انجبرت اتزوجها وعود كاعد احاول اتقرب الها رحت لصتها
ههههههههههههههههههههههههاي والله الظاهر انلاصت يخويه تعال طكلك جكاره وراح ترتاح وباجر راح تنسى وتراسلك اكيد
مااشرب جكاير عود صارلي فتره
وكطعتها
زين تسوي والله
اليوم حاب اشرب جكاره
لا يمعود اذا ممتعود عليها خلي تولي لان راح ادمرك اذا تعودت عليها
هم صدك خلي تولي
بقينه فتره كاعدين اتبادلنه الصفحات ودخلني بكروبات حيل حلوه
بعدها تعبنه ونمنه كعدنه اليوم صادف سبت لكينه الولد هذا المجرم وواحد من الاخوه كاعدين ويسولفون سلمت عليهم ورحت اتوضيت وصلينه وكعد هذا الولد الثاني سمعت اخو يصيحله سرمد واخو اسمه سيف كملنه صلاه وجابولنه غده تمن ومرك بيذنجان ردنه نتغده وجان يصيحون سيف وسرمد زياره طلعوا كلنه عيب خلي نتظرهم لمن يجون يله نتغده
وره فتره اجوي وجان جايبين وياهم غده وفواكه وعصائر
همزين بعدكم مماكلين منتظرينه جايبيلنه مندي وروبه
كعدنه اربعتنه اكلنه لمن شبعنه اتشكرنه منهم طبعا حيل طيب الاكل كملنه وجابولنه جاي طبعا بفلوس كملنه شفنه الولد هادئ سالناه ع اسمه كال اسمي ميثم
اتجرأنه وسالناه شنو السبب الي خلاك تكتل اخوك
راح اسولفلك قصتي بس اريد وعد منكم متحجون شي كدام الشرطه ولا كدام اي احد
واعدناه كلنه
كال اني اريد احجيلكم قصتي ولو مستحي شلون احجي هذا الكلام مااعرف بس لازم احجي لان احس كلبي راح يطك واتمنى تساعدوني
كول اامر امر من عيونه تدلل
مايامر عليك ظالم حبيبي
شوفوا احنه 2 ولد و3 بنات 2 متزوجات غربه وحده بعدهي بس هاي شايله جمال الكون كله حيل حلوه نخاف عليها من الهوى الي يمر ابوي للاسف سكير وطايح حضه الى ابعد الحدود دائما يدور بنات ومن بزره يوميه مفشلنه وي العالم ويوميه نتهدد امي خطيه مره سمعت بي متحارش وي خالتي متحملت الصدمه صار بيها جلطه وانشلت قبل سنه اخويه استشهد بسامراء وحيل اثر علينه وابوي ولا هامه الامر ايام الفاتحه كلها هو سكران وميدري بالدنيه شبيها مابيها
يروح للمدارس ويتحارش بالبنات وشكم مره اخذته الشرطه وينسجن وهو ولا كانو عرضته ع طبيب نفسي وبده يعالجه بس هو كام يرفض يروح
قبل شكم يوم شفت اختي مو طبيعيه وجها اصفر وخايفه سالتها شبيج تكول مبيه شي هي معتنيه بامي خطيه قايمه بواجبها ع اخر شي
اشو اختي احسها ورده وتذبل كبال عينه بدت متاكل هواي وضعفت شكد حاولت احجي وياها بس ماكو فايده لحد ما قبل يومين جنت طالع عندي شغل مو بالمحافظه رجعت بالليل وجان اشوف صدمت عمري اختي غركانه بالدم وترجف وابوي كبالها مقتول اني اتخبلت ركضت عليها حاولت اخليها تحجي بس ماكو فايده مصدومه امي بس تبجي ومينفهم شي منها اتصلت ع اخواتي حتى يجن يدخلنها للحمام حتى ترتاح ونفهم منها
اجت وحده من اخواتي كامت تصيح سكتتها كوه سبحت اختي وطلعن وجانت منهاره اعتقد من الي سمعته
اخذتني ع صفحه جان تكول ابوي مستغل غيابك وضعف امي ومحاول يعتدي عليه
لاختي ومدافعه عن نفسه وهي كاتلته لان ممتحمله الصدمه والله
تقبل ترضه حيل بي هذا حرامات هيج مات
بسهوله هذا المفروض ينحرك عدل حتى يصير عبره
لعد شلون انت نسجنت
اني اعترفت كلت اني قتلته مااكدر اخلي اختي تدخل السجن زحمه عليه وثانيه وبعد حالتها النفسيه مدمره دمار
وكلنه محامي وحجيت اله كل الحجي بس ماذكرت اختي الي قتلته كتله اني من شفته هيج مسوي باختي متحملت وقتلته وكال احاول اساعدك ولو اني متاكد محد راح يكدر يساعدني لان عمامي هم موكلين محامي لان اساسا يضوجون من عدنه لان عدهم ابن نسخه من ابوي يشرب ويكبسل ويدور بنات ويردون يزوجنه اختي هاي واني اتعاركت وياهم وعاندتهم كتلهم لو ع كص ركبتي مااقبل انطيها اله وهسه استغلوا الوضع يردون ينتقمون مني ويردون يزوجوها اله هسه ع ابو نستر عليها
طبعا اني جوابي الهم لو يموت لو يبقى بس هو بالعالم لو احس اختي تبقى بدون زواج مدى العمر مراح اوافق عليه
اني هسه الي اطلبه من سيف وسرمد شوفولي ناس ثقه من اقربائكم معارفكم يشوفولي بيت ايجار واتفق وي اختي ورجلها يجيبون امي واختي وبالليل حتى ياخذونهن للبيت بدون علم احد واريد انخاكم نخوه واريدكم متفشلوني تمرولهن بالاسبوع مره وحده تسوكولهن احنه حالتنه الماديه كلش زين واخلي اختي تنطيكم فلوس المسواك وراح اطلب منهن ابد ميطلعن ولا يلتقن باحد حتى اخواتي لان خطيه هاي اذا تزوجت راح يدمروها ع الاخير
غالي والطلب رخيص اني راح اتكلف موضوعهن كله وراح اخليهن بين عيوني والله
سالمه عيونك خطيه حضنه وتشكر منه
اني حجيت وياه راح احجي بس مااريدك تقاطعني ابد
تدري اذا تسلم اختك وتعترف اهون الك واله
اول شي راح تطلع باسرع وقت احتمال بس
حق العام لان دفاع عن النفس والقانون وياها
اكيد وثاني شي راح تكون اامن الها بالسجن
وانت راح ادير بالك ع امك وتكدر تساعد
اختك هسه اذا انت نسجنت هنه ماعدهن
احد وراح يتبهذلن بالايجار امك مريضه لا
سامح الله اخاف تتخربط عليها منو الها
خطيه وهاي اختك ماتكدر وحدها
اشو الاخوه هم شجعوه كالوا صدك والله
احسن وبيت عمك راح توكف بوجهم انت
ولتنسى اامن الها والله حتى لو سجن ارحم
من الوحوش الي بره
كدرنه نقنعه كال راح اخبر المحامي
اكول صدك الي يشوف مصايب العالم تهون عليه مصيبته
كال اريد جهاز خلي افهم اختي حتى تروح لامي ولاختي وتفهمهن
فعلا راسل وطول هالمره من جهازي كمل
واتشكر من عدنه كال حتى اخواتي هيج
تفكيرهن يكولن احسن لان بيت عمي كاعد
يضغطون ع امي واختي راح يروح نسيبي
هسه للمحامي ويفهمه
بعد فتره اجوي صاحوني كالوا زياره الك
رحت وجان اتفاجئ بلي جايين يزوروني ابد
ممتوقعهم نهائيا وجان افتح عيوني من الصدمه
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️البارت 32❣️❣️
❣️❣️الندم ما بعد الخطيئه ❣️❣️
❣️❣️للكاتبه رونق❣️❣️
طبعا الصراحه مجنت متوقع عمار
وكرار ذوله اخر اشخصاص متوقعهم
يزوروني لان علاقتي بعمار بعدهي مو تمام
جايين وياهم مهند واحمد وزوج ايات
مااعرف شلون متفقين كلهم الصراحه
فرحت من شفتهم اتمنى اكون صديق
عمار وكرار سلموا عليه جايبين وياهم
اشكال واللوان حتى عشه من المطعم
مطولوا شويه وراحوا ومهند اكد كال
فضت الشغله اجوي مشيه وحيل جبيره
وفصلوا وخلصنه يوم الاثنين يتنازلون لان
باجر عطله
رجعت فتحت العلاليك جايبين كليجه
وكيك وعصائر وفواكه وجايبين وياهم دجاجه شوي ولفات همبركر الولد صحتهم كلهم ضمينه اللفات والدجاجه للعشه واكلنه كيك وعصير كتلهم راح ادز للحرس هم خطيه
كالوا اي والله ياريت
دزيت شكم قطعه كيكه وكليجه اتشكروا من عدنه
صلينه واتعشينه ووره العشه اجوي زياره هم للاخوان وهم لهذا الولد الثاني وهم جايبيلهم عشه وفواكه
كالوا خلي نظم منه والباقي خلي ننطي للحرس بيومها شبعنه طبعا لليل اني مراقب جهازي اي رساله من روان ماكوا
كعدت شويه ع الفيس ضوجه لان مااكدر اعلق اخاف احد يعرفني مااكدر اجازف لان ممنوع الموبايل بالسجن
اخر شي متحملت لازم اراسل روان
دزيتلها هلووو روان
شلونج
امي شلونها ابوي
ماكو جواب معقوله نايمه حيل ضجت بديت افكر زين معقوله صار بخاطرها من البارحه اي اكيد وحقها هسه لو تحاجيني جان اعتذر مره ثانيه
ردت انام وجان تجيني رساله حيل فرحت احس كلبي كام يدك سريع
هلو مرتضى شلونك شخبارك
الحمد لله وانت
تمام الحمد لله
وامي شلونها وابوي
زينين الحمد لله
اشو اليوم مختفيه وين
موجوده اني بس انت الي مختفي
والله اني مااكدر اتواصل دائما لان مثل مكتلج اكو ولد جابوهم وياي
شخبار المشيه اليوم
عمو يسولف يكول هواي سيارات راحوا
زين ومن عدنه منو راح
راح احمد وابو وعمو وعمو ابو رسول وعمار وكرار وزوج ايات
ادري بيهم مروا بيه
شوكت رجعوا
ماادري بيهم
اريد اكلج شي روان
كول
اسف واعتذر منج
ع شنو
ع الي صار البارحه
شنو الي صار اصلا مااتذكر
طبعا مااعرف تحجي صدك لو لا
اتمنى صدك ناسيتها وعبرتها
شكو ماكو
ماكو شي سلامتك
امي خطيه شلونها بعدهي بس تبجي
اي والله بلتنه بالبجي
حيل مشتاقلها والله احسب لحضه لحضه شوكت اطلع
هانت ان شاء الله مبقى شي
اكلج روان نعسانه لو لا
لويش
حاب نبقى سويه شويه اذا ماعندج مانع
ماعندي شي شوكت ميعجبك انام انام ع راحتك
قبل كلشي امي كاعده لو نايمه
نايمه متبقى لهيج وقت ابد
لعد باجر اريد اخابر فيديو بس مااريد اي صوت منها بس اشوفها وتشوفني فهميها كليلها مااريد اي صوت لان ميقبلون
تمام اني راح افهمها
اريد افتح وياج موضوع اتمنى تفكرين بي ع راحتج واريد منج نتيجه بس مو باستعجال
شنو هالموضوع
حاب نكمل حياتنه ك اي زوجين يعني اذا كملن ال 6 اشهر منطلك بعدني ممكمل وجان تجاوبني
مرتضى اني وياك طريقنه مسدود يستحيل نستمر بزواجنه لان اصلا زواجنه غلط بغلط
مو كتلك فكري لتنطين جوابج هسه
ميحتاج افكر ابد لان مستحيل اني وياك نستمر
ليش مستحيل ممكن اعرف السبب
هواي اسباب
انطيني سبب واحد مقنع بس
انت متعلق بزوجتك الله يرحمها وتحبها يستحيل تحب غيرها لو تتقبل غيرها
متوهمه والله زوجتي الله يرحمه صارت من الماضي صحيح اني حبيتها وحبي الها صادق بس هي اتوفت الله يرحمها
اني حاب اقضي عمري وياج وثقي بالله مااخليج تتندمين راح اواعدج اسعدج ومراح ااذيج ولا اظلمج بيوم
اسفه مااكدر اقضي ايامي وي شخص يتصورني شخص ثاني اني مو الشخص الي ابالك ولا راح اكون الشخص الي ابالك
ليش تصعبين الامور روان كتلج اسف
واعتذرت منج والله اتوهمت وبلحضة ضعف مني ذكرتها
وهي هاي نفسها لحظة الضعف راح تكون عائق بيناتنه دائما
حيل ضجت بكلامها
بس روان استحق فرصه ثانيه اثبتلج كلامج مااله صحه
اني مااريد اجبرج ع شي ابد بس الي اريده منج ناجل الطلاك لسنه
سنو السبب
صعب علينه نطلك هسه بدون سبب واخاف
تتاثر علاقة شهد باخوج لازم سبب لطلاكنه مقنع
بس هم مترهم نبقى سنه سويه انت لازم تشوف حياتك واني اشوف حياتي انت ممجبور تصرف عليه ولامجبور تتحملني
شنو هذا الحجي روان مو عيب تحجي كدامي شنو مجبور شنو ممجبور انت زوجتي
بالقانون والشرع واني من حقي اصرف
عليج هذا الشي الي كاعد اسوي شي
بسيط بالنسبه الي سويته بيج وثانيه
وبعد عن نفسي معليج بيه لااشوف
نفسي بعد ولا غيرها مرتين اتزوجت
وهاي هي لان الظاهر معندي حظ بالزواج
بس انت من حقج تشوفين حياتج بس لازم
تصبرين واني مثل مواعدج قبل راح اواعدج
معليه بيج ابد لاازعجج ولا اضوجج ابد
اتحملي لمن نكمل السنه ويصير خير واذا انزعجتي بيوم من عندي الج حق اطلبين
الطلاك
تمام مثل متحب
هسه روحي نامي مااريد ازعجج اكثر
مثل متريد تصبح ع خير
جنت اتمنى منها تكلي لاماازعجتني لو ابقى
شويه بس مصار هذا الشي الظاهر تريد حجه حتى تروح تنام
جاوبتها وانت بالف خير بس لتنسين المخابره باجر
ان شاء الله
روان : البيت خبصه بعد مارجعت من اهلي
ناس رايحه وناس راجعه ع مود مرتضى
وكل شويه وصارت هوسه هذا الولد الي
ضارب الرجال شارد واهله كاعد يماطلعون بالكلام
كمنه نتراسل اني ومرتضى وحيل افرحت لهذا
الشي حسيت براحه من يراسلني ويذكرني
وخاصه من يكول مشتاقلج اكو شي بده
يجذبني بمرتضى جنت اتمنى يتقربلي حتى اني هم بدوري اتقربله
فرحت حيل من كلي خل نسهر سويه كملت
شغلي من وكت وحاولت انام حتى اقاوم
السهر جنت حيل متلهفه واباوع ع الجهاز
احسب شوكت يراسلني
واخيرا راسلني وجنت بقمة السعاده لحد
ماحجه ويايه بصفة مريم زوجته القديمه
الله يرحمها اول مره عبرتها كلت متوهم
بالاسم بس بالثانيه احس نار واشتعلت بيه
حيل ضجت منه ومن نفسي لان حاولت اتقرب اله
يمكن الله مكاتب النه نبقى سويه اني
ومرتضى هاي الشغله صحتني وخلتني اخلي حدود بعلاقتي وياه
لازم ماانطي بعد مجال نهائي
اعتذر مني بس مهتميت ابد ولا راح اهتم
نهائي ولا اضعف امامه بس طلب مني لازم
منطلك اله بعد سنه وفعلا هذا الشي انسب
النه مااكدر هسه اطلك لان محد يصدك بعد
هذا التعب والالحاح هيج نطلك بسهوله
منطيته مجال يحجي خصمتها وياه واول
مكلي روحي نامي فعلا قطعت ويا وعفته
بس مااجاني نوم ابد بقينه اني وشهد نسولف
شكد حاولت افهم شي بينها وبين عمار بس
ابد متحجي شي ومكدرت الح عليها ابد بس
لاحضت عمار مفكر يتصل بيها ولا حاول يطمأن عليها ابد اني متاكده اكو شي بيناتهم
بس متحجي ابد رغم العركه الي صارت هي ادافع عنه ومتنطي بي
راحت المشيه وفضت السالفه كلها وبقى بس يوم الاحد وبعدها يطلع من السجن
شهد ابد مخليتها تسوي شي لان خطيه تعبانه
اتصلت بعمار وحجيت وياه
هلو عمار شلونك
هو رونه شلونج شخبارج
تمام وانت
الحمد لله
اموري شلونه
زين الحمد لله
اكلك عمار شنو فلمك انت وشهد
يافلم
اني الي اسالك مو انت تسالني
اكو شي صاير حاجتج شي شهد
لا والله محجت شي بس اني دايخه بيكم
ع شنو دايخه
عمار معقوله علاقتك هيج بشهد هاي شهد نفسها الي حبيتها والي اتمنيتها بيوم تكون زوجتك
اي واذا يعني شنو مسويلها اني قابل
تحجي صدك عمار لو تضحك ع نفسك
ليش اضحك ولج شكو شبيج اليوم اكو احد حايلج عليه
لا محد بس اني كاعد اشوفك صارلها شهد شكد يمنه مفكرت تتصل بيها ولا تراسلها تطمان عليه ع صحتها
وانت شمدريج بينه ست روان
لك نايمه يمها 24ساعه عبالك مواضحه اذا تتخابرون
اكلج انت شدخلج بينه عود شعليج تقبلين احد يتدخل بينكم انت ومرتضى
لك عمار والله خطيه شهد حرام عليك هيج تسوي بيها
لج شمسويلها اني قابل
هاي اني كدامي اتهمتها وضربتها لعد شمسوي بيها بعد بالايام الراحن
بس اسالج شهد مشتكيه من شي
لا
لعد ماكو داعي لهذا الحجي الي بلا طعم ومااله صحه
واذا ع المخابره عفتها ع راحتها لان هي هاي الي تريده تريد يم اهلها كلت خليها ع راحتها لمن تمل وتشبع وترجع
بس ميصير هيج عمار خطيه والله حالتها النفسيه زفت وتعال اكولك انت من شوكت هيج علاقتك باسيل اشو تعبدها عباده
شنو لج اعبدها عباده اشايفتني انت
انت اكيد متدري بنفسك حقك اذا عامينك عمي
لج روان شنو قصتج اليوم متفهميني
ماكو لا فلم ولا شي بس اني اكلك دير بالك ع شهد لا تخسرها خطيه طبعا طولت وي عمار
نهيت المكالمه وياه
لكيت مرتضى هواي متصل بيه ومراسلني
هلو روان
خلي امي تخابرني منتظرها ليش نسيتي
لج روان مدامني وحدي يله يمعوده
هاي وي منو مشغول
لج صارلي ساعه اتصل وانت مشغول بس فهميني ويامن تحجين
😡😡😡😡😡 لج كافي مو طلعت روحي جاوبي
لج الكل اجه 😠😠😠😠 انعل يومج لا يوم الكلج اتصلي
بعد لتخابرين اصلا 😤😤😤😤
ضربت كصتي خطيه شلون نسيت وشلون توقيت وي عمار
دزيتله هلو مرتضى شلونك
موزين ابد 😤😤😤
لويش خيرك
لج ساعه كامله وي منو تحجين
وي عمار
لتكفريني روان ياعمار هذا الي اكثر من ساعه تحجين ويا
والله وي عمار هاي شبيك وي منو تشك بيه ذاك عمار اتصل بي واتاكد
لعد شعندج هاكد تحجين وياه وليش نسيتيني
عندي شغله وياه وحجينه ومنسيتك والله كلت شويه واتصل
شوكت لمن كلها رجعت وبعد مااكدر لتتصلين ولا تراسليني روحي كملي مخابرتج واسف ع الازعاج
شنو سالفتك مرتضى شدعوه هيج عصبي مااعتقد هيج سالفه تستوجب كل هاي العصبيه
اي حقج انت شهامج قابل تعانين مثل مااعاني واتمنى بس اشوف امي واسمع صوتها
مصار شي هسه راح اخابرك
ماكو داعي بعد لتخابرين
اسفه مرتضى والله مجان قصدي ابد وجانت عندي شغله مهمه وي عمار
مصار شي انسي
لعد راح اتصل حتى تشوفك خاله
مااكدر الكل يمي جماعتي الي بالسجن والشرطه بالباب قبل شويه جنت وحدي وحبيت اسمع صوتها بس مو مشكله
لعد وهي خطيه تريد تشوفك
كليلها باجر ان شاء الله اطلع والله كريم
دزيتله مثل متريد 😔
شبيج ضايجه
ماكو شي انسى
شكاعد تسوين
مااسوي شي
وين انت هسه
بالغرفه
وشهد وين
بغرفتها نايمه
شلونها شهوده
زينه الحمد لله
باجر شوكت ترجع
والله ماادري وره الاجراءات
راح يجونك احمد وعمو ومهند
مااصدك انام واكعد والكي نفسي يمكم
هانت انشاء الله
فدوه روان حاولي من اجي وادخل لتتواجدين يم اهلي
الصراحه استغربت من طلبه وضجت الصراحه
مثل متحب وحتى اذا تحب اروح يم اهلي حتى متشوفني اصلا
هاي وين راح بالج لبعيد لج بابا افتهمي حتى مننحط بموقف محرج امام اهلي لان مو من المعقول اشوفج وبعد فتره طويله قاضيها بالسجن واتصرف طبيعي وياج
هسه فهمت قصده واني فهمته غلط
وضحت الصوره مثل متريد
تمام
هم تحب نجهزلك شي للغده
يمعوده ياغده كولي عشه ع ماتخلص الاجراءات زين اذا طلعت ب2 الظهر ع مااجيكم يجوز وي الاذان اوصل
لعد اذا عشه اني اسوي شنو الي تريده كلي
مااريد اي شي اهم شي خلي اوصل يمكم وهاي هي
اكلك مرتضى خطيه خاله والله حيل فرحت من كتلها راح يخابرج مرتضى خل نخابرك ومنسمعك ولا صوت
لا ابد لتخابرين لان ادري امي متتحمل واخاف تحجي وتصيرلي سالفه
كليلها اخذوا منه الجهاز
اوك تمام
اكلج روان تكدرين بالليل نتراسل
الله كريم منا لليل
لعد روحي نامي اليوم مراح اخليج تنامين بالليل
هاي شلون ورطه 😭😭😭 اني اريد ابتعد منه وهو يحاول يتقربلي
يله لعد راح انام
الحمد لله اتخلصت منه 😂😂😂
فعلا رحت خبرت خاله ع مرتضى وخطيه حيل ضاجت بس عمو كللها هانت باجر راح يطلع
رحت نمت وكعدت متاخره صليت وسويت حمله ع البيت كله والاستقبال لان اذا طلع مرتضى راح تجي ناس هواي اكيد
سويت عشه اني وشهد اتعشينه وكملنه صعدنه اني وشهد بقينه نسولف اني وياها وحجيتلها ع اتفاقنه بالطلاك كتلها لازم بعد سنه كالت
روان اذا ترجعين للواقع راح تصدمون الكل اذا اطلكتوا لان ممعقوله هيج تطلكون بدون سبب مقنع
احنه هم هيج كلنه
شخبار عمار هم تتخابرون لو بعدكم زعلانين
بعدنه زعلانين هو السواه بيه قليل ياروان اتهمني كدام الكل وضربني ومفكر ولو تفكير واحد يعتذر مني
هم صدك خطيه الي سواه بيها عمار ابد مو هين بس شبيدي عليها
ها اشو سكتي
شتردين احاجيج ياشهد اني اعرف اخويه مذنب بس مابيدي شي والله
والله ياروان مضايجه غير محاول يطمن عليه ولا ع بنته الي ابطني
والله اني شاكه بعمار بي شي ابد مو طبيعي ولاجنه عمار اخويه حتى وي ماما مختلف هواي
والله مااعرف شاكلج ياروان
لتكولين شي اكيد راح يخابرج وراح يعتذر منج ويتوسل بيج توسل
كامت تبجي شوكت بالحلم مثلا
حيل ضجت عليها بس مابيدي شي حاولت اغير الموضوع
اكلج شهد باجر اذاطلع مرتضى ان شاءالله شنحضر للخطار جاي لو ببسي
والله ماادري
اني اكول ننطي ببسي والي ميريد ننطي جاي وخل نوصي عموا ع جكليت
اكيد لازم وماما خطيه حضرت جكليت اطشه ع مرتضى من يطلع
بهالاثناء اجتي رساله عرفتها من مرتضى
رحت لجهازي لكيتها مو من عنده من عمار
هلو روان شلونج
هلو عمار انت شلونك
تمام الحمد لله اكلج شهد وين
يمي بالغرفه لويش
كاعد اراسلها كليلها خل تشوف جهازها
حيل فرحت واخيرا اي راح اخبرها
لج شهد عمار يكول خل تجاوبني كاعد يراسلج
خطيه شفتها فرحت معقوله عمار راسلني
اي هو هسه كلي روحي راسلي اكيد يريد يعتذر منج
اتمنى هذا الشي ولو اني متاكده ميسويها
وشنو الي يخليج متاكده
هيج احساس مجرد
فوكاها تكول ماعدنه شي بس هاي المشكله
دروحي وعوفي احساسج والا اكولج وين جهازج اني اجيبه الج
لا اني راح اروح هناك انام وانت هنا نامي
ع راحتج شهوده
راحت باوعت ع الساعه ب11
عيني صارت ع جهازي منتظره رساله من مرتضى بس اشو ماكو كل ثانيه ادخل ع جهازي بقيت ممرتاحه ابد مرت ربع ساعه وهو ماكو عبالك ساعتين عندي هاي اني شبيه هيج قلقه
بعد ربع ساعه ثانيه متحملت راسلته
الووووو باللحضه اجاني الرد الووووو
هلو مرتضى ...... هلو روان
شلونك .... شخبارك ...... تمام الحمد لله وانت
تمام الحمد لله ..... لويش طولت مراسلتني
منتظرج والله ع نار كلت من تخلصلين شغلج تراسليني
لعد اني صارلي شكد منتظرتك عبالي انت تراسلني
ماكدرت اراسلج اخاف اكو احد وملتهيه لو عندج شغل
كملت كلشي من زمان
شهد وين
راحت لغرفتها تنام
يعني بوحدج اليوم
اي
شكو ماكو ..... ماكو شي سلامتك
امي شلونها شخبارها ...... زينه الحمد لله
مااصدك باجر يجي واطلع واشوفكم حيل مشتاقلكم والله
هانت ان شاء الله مبقه شي
الله كريم
اكلج روان هم مشتاقه الي لو مرتاحه بدوني
ع شنو ارتاح بدونك اصلا لو ما شهد يمي مااعرف شلون انام بوحدي بالغرفه
معقوله تخافين بوحدج لعد شلون جنتي يم اهلج تنامين بوحدج
هناممتعوده ابقى بوحدي يم اهلي متعوده ومأمنه بس هنا احس كلشي غريب عليه ولتنسى بعدني ممتعوده هنا
يعني افهم من كلامج هذا السبب الوحيد الي يخليج ترديني اطلع من السجن
ها لا مو بس هذا السبب .... لعد شنو
خاله خطيه وعمو منتظرينك ع نار .... بس
اي بس
حرامات 😔😔😔😔😔 عبالي مشتاقتلي مثل مااني مشتاقلج
مااعرف شاجاوبه سكتت
وينج .... وياك
ليش ساكته ..... منتظرتك انت تحجي
شتحبين تسمعين 🤔🤔🤔
مااعرف
لعد شلون راح نسهر
مااعرف
زين شرايج نتعرف ع بعض لان اصلا احن
ه ممتعرفين اصلا اكو اشياء هوايه مااعرفهن عنج
ع راحتك مثل متحب
نبدي من الصفر شرايج .... تمام
شنو دلعج ..... روان نفسه ☺️ .... حلووو
شنو لونج المفضل .... اسود .... حلوووو
اكلتج المفضله .... كنتاكي وفنكر .... حلووو
شكم مره مسافره خارج العراق ..... مره وحده بس ..... اكيد الي وحنه بيها سويه ...... اي
انت عصبيه لو هادئه .... حسب الموقف .... شلون يعني .... يعني مرات هادئه ومرات اعصب حسب المواقف الي تصير
تحبين الحلويات .... قبل اي بس هسه لا ..... قصدج من جنتي دبدوبه 😂
هاي شنو تضحك عليه 😔 ..... اسف مو قصدي ... لا عادي ماكو داعي للاسف
هسه نكمل ..... اي كمل
شنو مطربج المفضل .... احب نور الزين .... شنو تحبين 😡😡😡 اكو وحده تگل لرجلها اني احب هذا المطرب 😠😠😠
قصدي احب الاغاني مو هو .... 😏😏😏😏 عبالي
ضحكت معقوله هذا صدك هيج ضاج
يله كمل .... والله كطعتي واهسي بهذا كلامج
اي ياعيني غير انت سالتني واني جاوبتك
لو ادري اصلا مسائلج 😤😤😤
وهسه حتكمل لو لا ..... اي اكيد اكمل
اوك
اكثر محافظه تحبينها .... كربلاء واربيل
هم حبيتي بحياتج ...... No .... اشو حولنه انكليزي 😂
عجبني هيج اجاوب ☺️ .... اوك ع راحتج
شعجب محبيتي
مجنت افكر بهاي السالفه نهائي وجنت زغيره ع هاي السالفه وانت الي سويته بعد خلاني ماافكر اصلا
زين هم انعجبتي بشخص معين .... لا
معقوله .... اي والله مااجذب .... مو قصدي تجذبين
اخر سؤال شنو امنيتج بالدنيا
امنيتي اتخرج ..... بس ..... اي بس
هسه اني خلصت الاسئله الي ابالي هسه اجه
دورج اساليني واني هم اذا اجه ابالي سؤال هم ارجع اسالج
بس اني ماكو سؤال معين ابالي
وان يكن حتى لو روتيني مثل اسئلتي
شنو لونك المفضل .... اسود .... يعني نفسي ..... اي
اكلتك المفضله ...... برياني ودولمه ..... تمام
شنو امنيتك بالحياة
امنيتي تبقين ويايه ومتركيني
الصراحه اتفاجأت بامنيته ومجنت متوقعه منه هذا الشي ابد
بس انت تدري لازم اول وتالي نطلك
اعرف لهذا السبب كلت امنيه يعني صعب تتحقق
سكتت مااعرف شاحجي وياه
الوووو وين رحتي يله كملي
مااعرف شنو اسئله بعدين كلت خلي اسأل لا ع التعين
انت عصبي لو هادئ ...... يعني نص ونص بس اميل للعصبيه
انت حاقد لو لا .... لا ابد مااحقد انسى واسامح بسهوله
زين اكو سؤال دائما اتمنى اعرف اجابته منك
ليش حبيت تنتقم مني اني بالذات يعني تكدر تروح لعمار وتاخذ حقك منه
اوووووف شريد احجي مااعرف
اتمنى تحجيلي بالتفصيل
راح اكون صريح وياج بالبدايه شكيت
بعمار وشهد وبديت اراقبه لعمار وعرفته
يعوف محله ويرجع للبيت اذا شهد يمج اني
تخبلت كلت مستحيل يعوف محله وشغله اذا
مااكو شي بيناتهم والخبلني اكثر لمن همه
متواجدين بالبيت اني ك شاب اعرف البنيه
اذا التقت بالولد بالبيت شلون راح يكون
اللقاء اتوقعت عمار يلعب بمشاعر شهد
واتوقعتج انت متفقه وي اخوج ومااخفي
عليج بوقتها جنت معمي ع عيوني مااعرف
شاتصرف كل الي ابالي عمار لاعب بمشاعرها
وبعواطفها اتوقعته كل شي مسوي بيها لهذا السبب حبيت انتقم منكم بهاي الطريقه
زين مفكرت بالعواقب مفكرت راح ادمر مستقبل بنيه
مو كتلج مفكرت بوقتها ابد
زين وبعدها من عرفت بيه حامل شلون كدرت تتخله بسهوله عني
شوفي اني اتوقعتج جذابه تردين بس تخربين عليه زواجي
واني شمدريني بيك انت بهاي الفتره متزوج وبعدك عريس
مااعرف هيج اتوقعتج
زين من شهد اتزوجت وطلعت مبيها شي محسيت بندم ع الي سويته بيه
شوفي اتندمت بس بعد فوات الاوان بعد ماخسرت كل شي يله حسيت ع نفسي ابد
متوفقت بحياتي ولا شفت الراحه ابد وجان
المفروض مني انتبه ع هذا الشي بس اني غبي ولا حسبت لهذا الشي
وبعد ماتندمت شنو الي سويته
هواي حاولت احصلج باي طريقه وباي وسيله
ياما انتظرت بفرعكم وحاولت المحج بس مصار اي شي
زين من اجيتك للمحل عرفتني لو لا
لا ماعرفتج ودخت بيج كلت هاي البنيه تصرفها مو طبيعي ابد
تدرين بنفسج متغيره 180 اني مااتذكرج بالضبط بس اتذكر جنتي سمينه وما منتبه ع شكلج زين
بس من اجيتي جنتي ضعيفه وحيل حلوه
الصراحه جنتي ظالمه نفسج بالسمن معانيج كلهن متخربه بالسمن
اي صحيح
اكلج روان الله عليج شكد جان وزنج وهسه شكد وزنج
جان وزني 89 وهسه وزني 61
لا بربج جنتي 89 هاي شلون ماجنتي تضوجين من نفسج
جنت مااهتم ابد اهم شي عندي النوتيلا والاكل 🙈🙈
لعد وبعدين
شوف من سويت الي سويته ادمرت ع الاخير
كرهت الاكل وكرهت الدنيا كلها اكوم واكعد
اتذكر واضوج صارت بيه حاله نفسيه يمكن
سنه ونص مدري سنتين اني مطالعه من باب البيت
شعجب اهلج ملاحضوا شي عليج
كتلهم ع شهد ضايجه والكل يعرف علاقتي بشهد اني حاسبتها اكثر من اخت
كملي
بعدها اكتشفت طلعت حامل وجنت عاجزه
واتصلت بيك بعد معاناة وبيومها دعيت
عليكم انت وشهد من كل كلبي وبعدها
سقطته للطفل والله حابني جان بعد ممتكون
جان انلعب بيه طوبه بس اني جنت بوقتها نبها وجنت اترقب يوم يوم
والله لو ينعاد بيه الزمن جان معارضت عمار جان وافقت عليه ولا سويت الي سويته ابد
كل شي قسمه ونصيب وكل شي مكتوب علينه مو بكيفك ولا بكيفي
هم صدك تعرفين اني هسه اصفن وممصدك انت زوجتي ومصار شي عليج ابد لان متتوقعين لو صاير عليج شي شراح يكون موقفي
اني هم جنت حيل خايفه بس الحمد لله خلص كلشي ع خير
الحمد لله
اباوع ع الساعه ب3 ونص محسينه بالوقت ابد
مرتضى روح نام باجر وراك كعده من الصبح ع مود المحكمه لو التحقيق
لازم نعستي وتردين تتخلصين من عندي
لا والله اني مو مهم ماعندي شي بس ع مودك انت
معليج بيه واني سبق وكتلج حاب نسهر للصبح سويه لمن ياذن يله اصلي وانام
تمام مثل متحب
تدرين اتمنى الكيج كبالي اول ماادخل للبيت
لويش عود 🤔🤔🤔
هيج احب اشوفج وي اهلي منتظرتني
عادي انتظرك بس بشرط
شنو هذا الشرط ؟؟؟؟؟
تسلم عليه سلام عادي
شلون يعني سلام عادي مفهمت
يعني بس شلونج روان
لا بربج اخاف تزعلين ..... ع شنو ازعل
طبعا اني اعرف قصده شنو بس سويت نفسي كلشي ماافهم
يعني شلون هيج اسلم كدام اهلي حتى اكيد راح يشكون بينه
لعد شتريد شلون تسلم عليه
انت معليج شلون اسلم كل الي عليج انتظريني والباقي عليه ودزلي 😉😉
لا عفيه راح اسوي نفسي اني بالحمام اسبح لمن تجي دزلي رساله وخبرني
وليش هيج اسوي مثلا فرصه واجتني شلون ارفضها
شنو ناوي تسوي
معليج انت الله عليج انتظريني والباقي عليه
الله كريم طبعا هيج كتبت لان قررت مراح انتظره ابد لازم الهي نفسي باي شي
بقينه شويه نتراسل وبعدها اذن صلينه ونمنه كعدت ثاني يوم كلي نشاط وحيويه ولا عبالك سهرانه للصبح
لكيته دازلي مرتضى
صباح ال 🌹🌹🌹🌹
تعرفين لهسه منايم مجاني نوم ابد لان متلهف شوكت اطلع وارجع للبيت واشوفج كبالي
الله عليج انتظريني وي اهلي بداعت نبع الحنان
الصراحه بقيت حايره لااكدر انتظره لان اخجل هم من عنده وهم من اهله ولا اكدر اغلس هم عيب منه
بعدين كلت منا لمن يجي الله كريم
اتغدينه واتصلوا بينه كالوا كملت الاجراءات وراح نطلع
البيت مخبوص خبص بيت عمهم اجوي وايات وزوجها اجه وزوجة مهند هم اجتي
خاله حضرت جكليت والبيت كله فرحان بي اني وياهم فرحانه ع الواهس 😂😂😂 حلوه الاجواء صارت مهند واحمد وعمار وكرار راحوا يجيبونه كال عمو احسبوا حسابكم الولد هنا عشاهم
بدينه نجهز بالعشه والكل مخبوص اني صارت عندي فرصه كلت خلي اسبح وابدل مااعرف لويش اهتميت بنفسي زياده
لبست اسود لان عرفت بي يحب لون الاسود اختاريت
خليت ميك اب وخليت عطر ردت انزل راسلني مرتضى
ها رورو شكاعد تسوين
فوك بالغرفه
شتسوين 🤔🤔
جنت اسبح وراح انزل
عليج الله انزلي انتظريني وي الكل راح نوصل
اوك راح انزل بس الله عليك لتحرجني لان الكل بالبيت
منو يمنه
ايات وزوجها وبيت عمك
انزلي يله
اوك نزلت
صدك نزلت والكل جوه بنات عمه وايات وشهد
ايات نصبت عليه تعالي شهد اليوم شطالعه اشو يوميه مو. مثر كل يوم اليوم جنج العافيه شسامعه اليوم ولج
خطيه شهد متعرف بالسالفه
ولجن عليمن تحجن اصلا اني كل يوم هيج شنو الفرق
ها يعني اليوم زوجج مراح يجي
ها اي صدك هو راح يجي وي مرتضى
اي يحضي لعد مترحين تسوين مثل فلانه
اشو العطر ترس البيت مو مثلج كلج ريحة
بصل وثوم هسه تشردين الولد
تعالي شهد صدك ولج راح يتعطل عمار هنا
روحي الله عليج البسي واتمكيجي وخلي يشتعل وينطفي
يمعوده لو انصب من ذهب هو هو عمار
البنات شغلن اغاني ويركصن يكولن ضايجين نريدلنه حجه حتى نركص
اجت خاله كامت تحجي عليهن واني وشهد
نضحك صعدت شهد بدلت وصدك خلت ميك
اب وطلع تحيل حلوه لان شهد بالاصل حلوه
ع فجأه وجان يكولون وصلو اشو كلبي راد
يوكف مااعرف لويش احس بنفسي فرحانه
حيل وشعوري غريب مااكدر اوصفه ابد
اجه زوج ايات وكال مانريد ولا نفس منجن
لان هواي ولد جماعته بالباب منتظرينه وراح ندخلهم للاستقبال
خاله وعمو طلعوا للحديقه واحنه بقينه ننتظر
بالصاله احس كلبي راح يوكف مااعرف لويش
صاحوني للمطبخ احضر الببسي دخلت للمطبخ
اني وايات بقينه بالمطبخ ملتهين اجتي خاله
وخاله الثانيه مرة عمه لمرتضى وبدن
يتجمعن الكل بالمطبخ ع فجأه وجان يدخل
علينه مرتضى اول شخص اجت عينه عليه
هي اني يضحك وفتح اديه اثنينهن اليه جان
يقصد تعالي بحضني وجان نتفاجئ كلنه ب .......
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 33❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
فتحلي اديه وجان منتظرني اتقدم عليه
وجان تفاجأنه ايات وتحضنه نقذتني
من هذا الموقف هو هم حضنها وسلم
عليها بعدها اجت شهد وهمين هو عيونه
تاكلني اكل يباوعلي ويضحك
خاله كالتلهن متنطنه مجال ولجن
خل يسلم ع مرته تره ماميت عليجن
انتن شوفن عيونه وين
جان تكول زوجة عمه لج عيني المفروض
انت تتقدمين عليه شمنتظره هو يجيج
الكل يضحك
اني حيل خجلت هو حجه كال متشوفونها
شلون خجلانه تعالي حبيبتي متتصورين
شكد مشتاقلج
يا عزه بعينك مرتضى هاي شدتحجي
اني بهاي اللحضه اذا انذبح نقطة دم متطلع
مني
اتقدمت عليه وشايله هم
شراح يسوي مرتضى بيه
بعدني ماوصلت اخذني لحضنه
وجان يفرني فر وباسني بوسه بشفتي
بس ع الخفيف متعرفين شلون مشتاقلج
اني هم كتله واني
هم مشتاقه الك هواي طبعا حجينه
هيج لان الكل يمنه ولازم نتظاهر
كدامهم بس اني حيل خجلانه بهاي
الاثناء اجه مهند
لك مرتضى الناس منتظرتك وانت .... بس شافنه سكت نزلني مرتضى
شنو طايرين الخطار خلي اسبح وارجعلهم
اخذني من ايدي يله تعالي جهزيلي
ملابسي والحمام لان عفنت بالسجن
مهند طلع خاله كالت اي خاله روحي وياه خطيه تلكينها مشتاقلج
عاف ايدي وراح لامه باس راسها
اي والله يوم بس انت الي تحسين بيه
روح ماما بس لتتاخر عيب من الولد
صعدنه سويه اني مجهزتله ملابسه
ذني ملابسك ردت انزل سحبني اله هاي وين تردين
اريد انزل وي البنات نجهز العشه
لج بابا ياعشه يعني متفتهمين زوجج
طالع من السجن هستوه وانت تردين تنزلين
لعد شاسوي
يابه اتظاهري لتسوي شي خلي اسبح
وبعدها بللي شعرج جذب وبدلي
واتظاهري انت هم سبحتي
هسه فهمت دنكت راسي
فهمتي لو اعيد
لا فهمت
وهسه سدي الباب لا يجي احد
دخل للحمام واني نزعت حجابي
انتظرته لمن يطلع طول بالحمام اخر
شي طلع ينشف بشعره ويضحك تدرين ممصدك اني يمكم
ولا احنه مصدكين
يعني اليوم راح انام سويه هنا 😜
راح ادخل اسبح
تعالي بالاول عندي شغله وياج
اتقدمت عبالي شوشيريد اشو هذا باسني ب👈👄 خلاني لااخذ ولا انطي
لحضات ووخرت عنه راح اسبح وكتي راح
يمعوده لتتمرضين لتسبحين بس بللي شعرج بالجذب
تمام
اني راح انزل قبلج عيب من الولد
اوك
فعلا دخلت للحمام بس مرهمت
بس ابلل شعري كلت خلي اسبح بس
بمي لان قبل شويه سبحت لبست غير لبس وطلعت
نشفت شعري ع السريع ونزلت عيب من
البنات لكيت الكل مخبوص بالعشه
التهيت وياهن والحمد لله عبرت ع الكل احنه سابحين سويه
اذن الاذان وبعدها صبينه العشه وكملنه هوسة العشه
عمار كلي صيحيلي شهد اريد احجي وياها
عمار الله عليك دير بالك عليها خطيه تعبانه حيل ونفسيتها زفت
لعد شمسويلها اني
صحت شهد ورجعت اني ع شغلي
بدت الناس تجي واحنه واكفين ع حيلنه ل11 بالليل يله الكل راح لبيته
شهد كالت راح اروح وي عمار
ليش مبقيتي شكم يوم ع ما تصيرين زينه
صرت احسن بهواي وماعندي شي هناك
لعد خلي احجي وي عمار قبل لترحون
عمار الله عليك دير بالك عليها لتعبوها خطيه حيل تعبانه
الله كريم
راحوا ايات ورجلها ومهند وزوجته
وشهد وعمار وجماعت مرتضى كلهم راحوا
مرتضى كعد يم عمو وخاله واني نضفت
الاستقبال وفتحت المروحه لان ريحة
الجكاير تخنك ورجعت للمطبخ كاعد ارتب بي اجه مرتضى كعد
بدون زحمه اريد جاي لان راسي حيل يوجعني
تدلل
حميت الجاي لان بي وصبيتله
بس اخلص الجاي تصعدين لفوك بدون كلام
راح اكمل مبقى شي
من صدك تعبت جان يوم متعب بالنسبه الي
كملت كلشي وصعدنه سويه
افرشيلي خل انام صارلي يومين منايم ابد
اصعد نام واني راح انام بغرفة شهد
شنو هذا الحجي روان عصب حيل واتفاجأت بردة فعله الصراحه
هالمره حجيتيها مره ثانيه مراح
اقبل وراح ازعل والله شنو تنامين
بغير غرفه اذا حس بيج احد شيكول علينه
هيج وجودي يمج يضوجج اشو انت فوك
واني بالكاع انام حتى مزاعجج فماكو داعي لهذا الحجي
مرتضى مو قصدي شي بس حبيت تاخذ
راحتك ع الجربايه لان الكاع مو مريحه ابد
صارلي شكد انام بالكاع واصلا اتعودت شنو الجديد بالموضوع
لان تعبان وجنت مسجون حبيت تاخذ راحتك
بس راحتي بوجودج يمي بالغرفه مو بغير غرفه ترحين
مثل متريد اسفه اذا ضوجتك
مو بس ضوجتيني طلعتي روحي همين
راح اكرر اعتذاري منك اسفه مراح اعيدها
واعديني وعد لوشيصير متفكرين تنامين بغير غرفه ابد
ان شاء الله
وهسه افرشيلي بدون امر عليج
صار تدلل
فرشتله اني رحت لفراشي اريد انام حيل نعسانه
مرتضى يكلب بالجهاز
هم محتاج شي لان حيل نعسانه اريد انام
نامي ممحتاج شي
اول مخليت راسي ع المخده رحت
بغير عالم كعدت الصبح ع ايد تتلمس
بوجهي بهدوء بقيت مغمضه مااريد
اشوف شي لان متاكده هذا مرتضى
مااعرف شاتصرف بهيج موقف
انداريت للجها الثانيه كلت اذا شافني انداريت يجوز يعوفني
اشو هذا اندار للجها الثانيه وهم نفس الشي حيل ارتبكت بقيت ع نومتي اخاف اكعد ويتماده اكثر
لحضات واختفت الايد الحمد لله كدرت اتنفس وره شويه سمعت الباب انسد
الحمد لله كعدت لكيت نفسي عركانه
رغم ما شته والجو بارد شفت
الساعه ب10 ضربت ع وجهي عزه شلون
باقيه لهيج وقت عيب من خاله بسرعه غسلت وبدلت ونزلت
لكيت خاله وعمو ومرتضى كاعدين بالمطبخ
صباح الخير ..... الكل صباح النور ..... اسفه خاله اخذتني النومه
لاحبيبتي عادي لتهتمين ع راحتج اكعدي لان اصلا ماعدنه شي
سالت مرتضى اسويلك ريوك
اي ياريت جوعان حتى اتريك واروح للحلاق
سويت بيض وطماطا اني لحد الان اخجل منهم ممتعوده كلي تعالي اتريكي ويايه .... مااشتهي اكل انت اني راح انظف
تعالي اكلي التنظيف مطاير حجاها بعصبيه
كعدت اكل بس انقش لان مااشتهي من الصبح
شويه وكمت رتبت المطبخ
خاله محتاجه شي اساعدج بي للغده
نظفي التمن ونگعي بالمي بكلبي كلت اكيد
انكعه بالمي قابل انكعه بالخل 🤣🤣
كتله صار خاله تدللين
مرتضى كمل وكال رايح للحلاق بقينه اني وخاله نجهز بالاكل بعدها رجع
جهزتله ملابسه ودخل للحمام بعدها
نزل كال لعمو باجر ارجع لبغداد للمركز
ع مود السياره ... ان شاء الله
وراح ابيعها لان كرهتها واشتريلي
وحده ثانيه
شوف مرتضى اني لحد الان محجيت
شي منتظرك ترتاح حتى احجي وياك يعني
وين صايره سياره تنطلب هو هذا مرتضى
يعني حلوه من صديقك يشرد ويتركك
بهيج موقف هو هذا هم شخص يستحق
تثق بي وتنطي سيارتك
يابه غلطه وصارت ومتتكرر بعد واني اذا الگفه لهذا العار اله ابتلي بي
اجه يكحلها عماها يابه انت شوكت ناوي
تعقل يعني بينه حيل محاكم بعد وفصل
اوعدني معليك بي خل يولي مابي
خير مبين عليه لو بي خير منهزم
واذا ع دعمة السياره صلحها انت واسكت
لان انت تتحمل المسؤليه محد كلك انطي السياره
اني راح اصلحها وابيعها مااريدها بعد كرهتها
هذا شي راجع الك بس مسالت صديقك انساها
الله كريم
ثاني يوم كعدت لكيتها ماكو اكيد راح
لبغداد اتصلت بي كلي بالمركز اكمل
اجراءات السياره واطلع اتاخر للعصر
يله رجع وجايبها ويا
بعدها دزها للتصليح كال بس تكمل انزلها للمعارض
العطله ع وشك تخلص مبقى شي
بدت حياته ترجع مثل قبل رجع للشغل وكام بس بالليل يرجع ابقى متانيته اخاف يحتاج شي اسويله عشه
سبحت وكاعد اجفف بشعري اجه مرتضى
سلم عليه اسويلك عشه .... ياريت والله ميت جوع بس راح اسبح
اوك تخلص تلكي الاكل جاهز ... شكرا رورو
اتفاجات بي اول مره يدلعني هيج
نزلت سويتله كبه وطماطا وطرشي وخضره ردت اصعده لفوك التفتت لكيته يمي بالمطبخ محسيت عليه ابد
هاي انت هنا لويش نزلت اني ردت اصعد الاكل الك
لا هنا احسن ... رتبتهن ع الطبله .... ماكو عصير ببسي .... هسه اشوف
اكو بس مو بارد .... ميهم جيبي وتعالي اكلي وياي
لاشكرا مااريد اني متعشيه .... حتى لو تعالي اكلي وياي ع الواهس
والله مااشتهي ومااكدر اكل بهيج وقت ..... ليش عود لتكوليلي مسويه دايت
ضحكت كتله اي .... مو راح تنكطمين تحجين صدك انت يعني لو دبدوبه لو ضعيفه يحجي ويضحك
لا مو ضعيفه رشيقه اصلا ... وربج ضعيفه مو حلو حلو جسمج اذا ماشويه بيج لحمه مو حلوه هيج
بس اني عاجبني هيج مااريد اسمن وارجع مثل قبل
بس اني معاجبني وبصفتي زوجج لازم تاخذين كلامي وتسمنين شويه مو هواي
يله تعالي اكلي بدون اعذار
والله مااكدر اتقبل ولا لكمه ابد لان متعشيه وشبعانه
هيج راح تخجليني والله مااعرف اكل بوحدي اكلي شي بسيط بس لتخليني اكل بوحدي
صار ادلل بس مااكل هواي
مثل متحبين
كعدنه سويه هو ياكل ومنزل عينه مني ابد اول مره هيج يركز بيه حيل اتوترت وخجلت بقيت احجي بيني وبين نفسي معقوله بيه شي معقوله اكو شي بوجهي وممنتبها عليه
اخر شي متحملت لان حيل متوتره
ها مرتضى اكو شي بوجهي .... لا ماكو شي بي ابد
لعد لويش هيج تباوعلي ....
زوجتي وحر بيها عاجبني اباوع بوجها اكو مانع
حيل توترت اكثر .... ها اي اكو مانع ....
بعدني ممكمله كلي اششششششششششش
ولا نفس احنه متفقين بالغرفه شكل وبره
الغرفه شكل ثاني لتنسين هذا الشي
سكتت كلت هم صدك اخاف احد يسمعنه او يشوفنه
يله حبي كملي اكلج حتى نصعد
سكتت محجيت شي .... ها اشو ساكته
هيج ماكو شي ..... اممممم تمام
باجر تكمل السياره وراح انزلها للمعارض
اذا انباعت اشتري غيرها وبيوم الاشتري
ثاني يوم نروح زياره
مو الدوام حيبدي .... مومهم اخذي اجازه يومين وجمعه وسبت كلش كافي
الله كريم الصراحه اني محتاجه هيج طلعه لان ضايجه
كملنه وصعدنه طبعا مرتضى من طلع
من السجن لهسه احس تصرفاته غريبه
وعجيبه مااعرف السبب اني متاكده منه
يحب زوجته الله يرحمها ومستحيل
يفكر بيه ك زوجه بس احتمال يشفق عليه
يكول خطيه اطلكها اي اكيد هذا السبب
بس اني مستحيل اخلي يتقرب عليه ويحطمني
هو ينام جوه واني انام ع الجربايه بس
مرات اكعد صدفه الكي نايم يمي
ومن اكعد الصبح الكي بفراشه مرات
اكول حلمانه ومرات اكول لا حقيقه
مااكدر اساله لان مااريد يحرجني
من يلكيني يم خاله يتغزل بيه يكول
لازم هيج اسوي كدام اهلي طبعا اني
حيل اخجل ومرات يخجلني اكثر
من يكل لخاله شوفي الخجل الي بروان
اشتره سياره وبده الدوام اتفقنه نروح
الخميس الصبح خاله مقبلت تروح
ويانه ابد كالت من ترجعون الاسبوع
الثاني نروح اني وابوك
جهزت نفسي واخذنه ملابس راح نبقى
يومين لو 3 مااعرف
طلعنه ب8 الصبح رحنه لبغداد للامام الكاظم
كال ناذر نذر اذا تزوجنه نروح
سويه نزور بس نسيت طبعا لابسه عبايه
اتريكنه بالطريق وصلنه اجر فندق
كال خلي نرتاح وبعدين نزور
دخلنه للفندق الجو حلو رغم مابارد
كتله مرتضى عفيه اذا زرنه وخلصنه
خلي انزع العبايه والله مبهذله بيها ولحد
الان ممتعوده عليها
هاي السالفه انسيها لتجيبين طاريها ابد
العبايه استر الج بهواي
بس هنا بغداد يعني مو محافظتنه ماكو
لابسات عبايه الكل هيج تمشي وشوفة عينك بس هنا انزعها
روان سدي الموضوع نهائي
صدك ضجت وانقهرت يعني ميصير هيج يتحكم بيه
كال يله راح ياذن خلي نروح نزور ونصلي
ونتغده وبعدها نفتر بالسوك شويه
رحنه نزور بس اني ضايجه ومبين عليه
هو مهتم الي ابد وحتى مكلف نفسه
يحجي ويايه
دخلنه سويه واتفقنه ع مكان من نخرج
دخلت زرت وجانت الزياره تخبل خفيفه
مو كلش ازدحام بعدها صليت وطلعت
لكيته مرتضى منتظرني كتله اسفه اتاخرت
مو مشكله تعالي اكعدي شويه يله نطلع
تمام مثل متريد
شوفي روان لتصدكين العبايه اتأثر
ع جمال المرأه بالعكس تزيد جمالها
اكثر واكثر صحيح العبايه مو مقياس
للادب والاخلاق بس تبقى ستر للمرأه
متخلي اي انسان يتجرئ ينظرلها
نظره مو زينه بس البدون عبايه راح
تكون اكثر عرضه للحرشه بسبب ملابسها
وبسبب مفاتنها الي تبرز اكثر اتمنى
تفهميني ومتضوجين مني اني هذا
طبعي ويجوز تكولين متخلف عليه بس
اني هذا عقلي وهذا تفكيري وانت مدامج
بذمتي لازم اطيعيني بكلشي
هاي هي مراح اكول شي عليك ومن حقك
هيج تصرف ويايه لان بذمتك اني
لعد لويش ضايجه
منو يكول ضايجه اصلا عادي
اي مضبوط روحي للحمامات وشوفي
وجهج زين بالمرايه والا اگولج طلع جهازه
وجان ياخذلي صوره هاج شوفي وجهج واحكمي
هاي صدك اني واضح عليه بس مو بيدي
كتله مبيها شي صورتي واصلا مضايجه
اممممم راح احاول اصدكج ويله هسه خلي نروح نتغده بالمطعم
ورحنه للسوك الي يم الامام طبعا ازدحام
السوك سحب ايدي مرتضى ولزمني ومشينه
ايدي كامت توجعني لان حيل لازمني
مرتضى ايدي توجعني يعني شيصير لو
تلزمني ع كيفك امن مراح اطير ولا راح اشرد
بابا شوفي الازدحام يعني اذا ضعتي وين الكيج
دخلني محلات ملابس يله اختاري شنو حابه اشتري
الصراحه عندي ملابس كومه لان تعرفون
هستوني متزوجه اشكال الملابس عندي كتله
ماكو داعي اشتري لان عندي كومه ملابس بعدني ملابستهن
مو مهم اختاري شي يعجبج لو اني راح اختار ع ذوقي
حبيت اشوف ذوقه ولو هو واضح ذوقه نازك
والنبي مااحتاج شي كومه عندي
اخذله فره بالمحل كلت خلي اشوف شراح
يختار طبعا بعده لازم ايدي كلي شنو رايج
بهذا التراك الصراحه عجبني حيل وردي
واسود اني هذا عجبني بس اذا معجبج
اختاري غيره
لا مااختار غيره حلو هاي هي اخذه الي
تمام هم بعد يعجبج شي ..... لا والله مااحتاج اي شي ... مثل متحبين
اكلج اني جوعان خلي نتغده وبعدين نكمل .... مثل متحبين
رحنه للمطعم تغدينه وكملنه ورجعنه للسوك كال خلي اخذ لامي دشداشه ساعديني بالاختيار اختارينه وحده بعدها اخذنه كرزات وحلويات ورجعنه للفندق كال خلي نصلي ونطلع
وين نطلع مو هستونه رجعنه ..... نروح للاعضميه .... شنسوي .... هسه تحقيق بدلي واسكتي ..... الصراحه محبيت اطلع لان بالعبايه ومبهذله بعدني ممتعوده عليها
روح وحدك تعبانه ..... تعبانه لو ضايجه .... علويش ضايجه
ع اساس متعرفين مو .... يله مو مهم ابقي اروح بوحدي اصلا اني مقرر اخذج بدون عبايه وع اعصابي هيج قررت بس سويتي جميل عليه من رفضتي ترحين
اني طفرت كول والله بدون عبايه ... اي والله بس انت مبيج حيل تعبانه لهذا السبب راح اروح بوحدي
لا مبيه شي لا تعبانه ولا شي اروح كمت من مكاني حتى اجهز نفسي
ها وين تردين .... اريد ابدل .... مو مبيج حيل وتعبانه .... لا غيرت رايي
لعد اني هم غيرت رايي اروح بوحدي احسن
لويش برطمت .... هيج يعجبني .... يعني شلون ابقى بوحدي متخاف عليه
شعليج اقفلي الباب ومعليج شي
مرتضى… .
: قبل لااطلع من السجن بيوم جنت متفق وي روان تتصل بيه حتى اشوف امي
طبعا الولد الي مقتول ابوه بعد مقنعناه
اخته تعترف وهو يطلع اتصل من عدنه
واتفق وي زوج اخته وراح للمحامي
وفهمه وفعلا كال راح تسلم نفسها اجه
المحامي وطلب يشوفه وبنفس الوقت
ذوله الاخوان اجوهم زياره اني فرحت
كلت خلي احجي وياهم صوت وصوره
بس ادك ومشغول ادك ومشغول حيل
ضجت وي منو هاكد مشغول اكثر من
ساعه وماكو راسلتها وهي ولا كانو اخر
شي اجوي الولد حيل ضجت الولد يكول
المحامي شجعني وكال البنيه احتمال
متنحكم تعتبر دفاع عن النفس وشجعني
وكال اتفاهمت وي اختك وعلمتها كل شي
لاتخاف باجر اخلص الاجراءات انت تطلع وهي تنسحن
طبعا هذا احسن حل الهم
بدت روان تراسلني جان تكول وي اخويه
مااخفي عليكم حسيت بغيره مو طبيعيه
حتى لو كان اخوها وحسيت بنفسي صرت
اعصاب وعصبت عليها بعدين بدت تتعذر
وغيرنه موضوع وبالليل تراسلنه وحسيت
براحه مو طبيعيه حسيت بنفسي مشتاقلها
ومشتاق لكل تفاصيلها بقيت للاذان منمت
وبعدها كعدوا الولد تريكنه وبقينه ننتظر
رحمة الله الولد اليوم يمكن تنحل سالفتهم
وهم يطلعون واني هم منتظر اتريكنه وكملنه
اول شخص طلع من عدنه هو الي مقتول ابو
وبعدها طلعوا الولد الاخوان واني ماكو بقيت
كاعد ع نار معقوله هم مااطلع يمكن اتخبل
اذن وصليت واني بالي مو يمي بس افكر
كملت وكعدت انتظر طبعا جهزت جنطتي من
الصبح صارت ب1 واخيرا اجوي صاحوني
طبعا مينوصف شعوري ابد صدك معنى الحريه هاي جنت مخنوك جوه
طبعا اني متفاجئ بعمار جاي هو واحمد
وكرار طبعا هذا كرار مااعرف شلون اجازي وكف ويايه وكفة اخو
كملنه اجراءات وطلعنه
وبالطريق نتراسل اني وروان اتمنى اوصل
باسرع وقت لان من صدك حيل حيل مشتاقلها هي وامي اكثر شي
واخيرا وصلنه لكيت بيت عمي وزوج ايات
والكل استقبلني والجكليت ع فلس تكسر
راسي من وره امي وعمه البيت مليان اني
بالي بس يم روان حاب اشوف شراح تسوي
من تشوفني اترخصت من الولد كتلهم اسبح
واجيكم طبعا نصبوا عليه نصبه من هاي الزينه اتجاهلتهم ودخلت
واخيرا دخلت ولكيتها بالمطبخ شعوري
مينوصف اول مره هيج شعوري اتجاه
روان فتحت اديه الها وذني الخبيثات
اخواتي فهمن الوضع وجان يحضنني اني
ضحكت وعيني ع روان واخيرا خلصت منهن
بالكوه وجان تجيني روان واخيرا حضنتها
وبستها حبيت استغل الوضع ومتكدر تحجي
وفعلا اتصرفت طبيعي وهذا الشي فرحني
هوايه بعدها صعدت سبحت وارتاحيت ورجعت يم الولد
حسيت بعمار يتقربلي اكثر واكثر اني فرحت
بهذا الشي كال اكلكم خلي نسويلنه سفرة
لتركيا اربعتنه الكل ايده واتفقنه نروح بالصيف كال عمار من كثر مارحت لتركيا
اتسوك كمت اندلها منطقه منطقه
كرار كال نبقى هناك ع راحتنه منروح حمله
كله عمار اكيد من منروح حمله هيج بوحدنا احسن
حسيت براحه بنص اهلي مو طبيعيه لليل
البيت فرغ كلمن راح لبيته روان بقت تنظف
بس طلبت منها تصعد بس اشو هاي
استفزتني من رادت تروح تنام بغرفة شهد
طبعا اني رافض هاي الفكره لعدت اسباب من
ضمنهن مااحب تبتعد عني طبعا بيومها
نعسان لان منايم ولا لحضه من البارحه
واليوم نمت كبل بعدها جبت السياره
وصلحتها ونزلتها للمعارض خسرت بيها هواي
بس مو مهم لان كرهتها جملت فوكاها واشتريت جديده
يوميه انتظر روان تنام حتى انام يمها
اتلمس بوجها ابقى صافن عليها احس
بنفسي متعلق بيها مهتم لتفاصيلها وبنفس
الوقت احس اكو حاجز بيناتنه هي متريدني
ولا تريد تبقى ويايه اتحججت بالطلاك كتلها
خلي تعبر السنه يله نطلك حبيت اخذ وقتي بلكي تتغير وتكوم تتقبلني
اتمنى احضنها اتمنى ابوسها حيل اضعف
امامها بس مابيدي شي طبعا مااخليها تحس بيه ابد من انام يمها
قررنه نروح للزياره امي مقبلت تروح ويانه
رحنه بس اني وروان اول شي رحنه للامام الكاظم عليه السلام
طبعا روان كالبه خلقتها ع مود العبايه تريد
تنزعها بس اني رافض مااريد احد يشوفها
بدون عبايه غيري اني حتى اذا هذا الشي ضوجها
اني قررت وره الصلاه بالليل نطلع واخليها
تذبها للعبايه لان قررت نروح لمدينة الالعاب
وللمولات بس هي رفضت بسرعه وتوقعت
هذا الشي بعدين كلت خلي اللعب ع اعصابها
شويه كتلها راح اروح بوحدي وهي تخبلت
ها اخاف بوحدي ها مااخليك تروح بوحدك
شلون يعني متخليني .... والله اخاف
بوحدي .... لعد شلون قبل شويه رفضتي
ترحين .... جنت ضايجه لان البس عبايه واني ممتعوده عليها والله
كاعد تحجي وجان تنزل المخده والبطانيه وتريد تنام جوه
هاي شكاعد تسوين ... مااسوي شي بس راح راح انام
ولويش جوه .... لعد وين انام قابل سويه ع الجربايه
اي انام سويه لان ماكو فراش ولا بطانيه ثانيه
عادي انزل لجوه وجيب .... تحجين صدك مو عيب شيكولون علينه جايب صاحبته وجاي
زين عندي اقتراح الج ..... شنو ؟؟؟؟
اذا رحنه لازم انام سويه ع الجربايه .... اشو هاي طفرت ممتوقعها هيج اي موافقه بس خلي نروح
هيج الطلعه مهمه عندج
والله ضايجه ومن زمان مطالعه لمدينة الالعاب
انعل يومج صدك لو كالوا عقل المره عقل طفل وتتقشمر بسرعه
يله لعد جهزي نفسج راح اطلع اشرب جكاره وارجع الكيج جاهزه
اوك
طلعت اشرب جكاره وبعدها رجعت لكيتها بعدهي ممكمله
هاي وين صرتي لهسه مجاهزه
مابعد شي راح اكمل .... لعد هاي شكاعد تسوين بوجهج
مااسوي شي بس ميك اب خفيف .... اذا تخلين هواي ابطل
لا مااخلي هواي لتخاف
باوعت ع لبسها حلو ونازك ومستور
ومكياجها خفيف طبعا صار اكثر من نص
ساعه وهي بعدهي مجاهزه
ها روان بشري كملتي
بس الشال بقه .... وهذا شكد يطول ....
ثواني .... خل نشوف الثواني
اشو هاي تلبس وتنزع وكل شويه وعادت
اللفه
ها روان شرايج نبطل لان بعد متسوه
والله بعد وقت الليل طويل كدامنه
نتاخر ع كيفنه
زين وباجر روحتنه لكربلاء
يله كملت والله مبقى شي
اخر خمس دقايق وراها نبطل لا كملت يله
واخيرا كملت طلعت روحي 😂😂😂
ولج اني اذا طولت خمس دقايق
اكول اتاخرت هواي وانت راح يصيرلج ساعه 😂😂😂😭
مو احنه حجاب وميك اب
طلعنه للاعضميه اتعشينه ورحنه لمدينة
الالعاب وفرينه بالمولات بعد متعبنه رجعنه للفندق لان ورانه روحه
دخلت سبحت روان واني وراها كتلها طلعينه كرزات
طلعت كرزات كعدنه ناكل سويه
شوكت نروح .... وره تسهيل رب العالمين شوكت منكعد نروح
اني راح انام نعست محتاج شي لو لا
نامي معندي شي طبعا اني تمنيت اتنام حتى اخذ راحتي وياها
نامت واتاكدت منها رحت بصفها شعور حلو واني نايم يمها اتمنى تبقى هيجً
سويت نفسي نايم حضنتها وردت انام وجان تطفر مثل المخبله
سويت نفسي نايم وكعدت هستوني
هاي شدتسوي ..... ياالله بسترك شبيج خرعتيني واني نايم
شوف نفسك شدتسوي
شاسوي ماادري نايم جنت
لو تنزل تنام بالكاع لو اني انزل انام
ليش عيني شنو نسيتي الاتفاق
لا منسيته بس مكتلك احضني ونام
اني حاضنج هاي شوكت ويمته
ع اساس ماتدري مو
ولج نايم جنت ماادري بنفسي
ما عليه هسه لو انت تنزل لو اني
مو بكيفج لا اني ولا انتي
والله معليه ماانام يمك متخليني انام
لج لتتخبلين عليه بهالليل نامي واسكتي ووعد مني مراح اتقرب يمج بس نامي
والله تجذب
والله والامام الكاظم مااجذب
اريد بس افتك منها هيج حجيت وقررت ماعليه بيها
فعلا نمنه واحنه واحد مبتعد عن الثاني
كعدنه الصبح رحنه زرنه وودعنه الامام ورجعنه للفندق اتريكنه وصلينه الظهر وانطلقنه لكربلاء
وصلنه ودخلنه للفندق لان تعبانين سبحنه وارتاحينه ونزلنه كتلها نتغده بالاول لو نزور
خلي نزور ونصلي المغرب راح ياذن وبعدها ناكل هو غده وهو عشه
تمام يله
تواعدنه جوه نلتقي دخلنه زرنه وصلينه وبقينه شويه كاعدين بالامام الحسين بعدها اتوجهنا لابو فاضل سلام الله عليه هم زرنه وصلينه المغرب والعشاء اني جعت حيل
يله روان خلي نطلع لان جعت ... اني هم متت جوع
رحنه للمطعم تعشينه وكملنه نفتر شويه بالسوك لو نروح للفندق
بكيفك
خلي نفتر ... اوك .... افترينه اكلنه موطا ورجعنه للفندق
مرتضى نفس الاتفاق البارحه متتقرب ابد واذا تقربت انزل انام بالكاع
شسالفه روان الي يسمعج ميكول زوجج
شنو هالتصرفات طبعا من صدك ضجت اخذت جهازي وباكيت الجكاير ومحفظتي
وطلعت بره الفندق صاحت ورايه مهتميت ابد
نزلت وطلعت بره شربت جكاير وبقيت
افكر كعدت بين الحرمين دكت عليه روان
هواي مهتميت ولا فتحت خط
كمت التفتت بين الامام الحسين والعباس حيل مخنوك
فعلت نت ع الخط سويت بث مباشر
بكروب داخلين بي اني واحمد وعمار
وكرار وبعد اكو ولد جماعتي هواي صار
تفاعل بي هواي البث واندمجت بي وبقينه نسولف
طبعا لا كرار ولا عمار ولا احمد موجودين
واستغربت شنو الفلم سويتلهم دعوه بس ماكو
اكو ولد صديقي سلم عليه وكلي زياره مقبوله اتشكرت منه
كلي والله اني اتذكرتك اليوم اكول
شعجب مموجود بالمستشفى الدنيا مكلوبه كلاب وانت ماكو
شكو بالمستشفى شنو الي صاير
شنو متدري معقوله
احجي ولك شكو كلشي ماادري
ها لعد ماكو شي اتشاقه وياك
ليوثي فدوه احجي لان كلبي نار صار
ماكو شي يمعود
لك احجي صبري نفذ
جان يكول .........
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: