مساء الخير ع اجمل متابعين اتمنى لكم قراءه ممتعه
❣️❣️ #البارت 22❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
جان يكول اتعاركت وي مرتضى وضربته بسجينه وهسه هو بالمستشفى
ماما لطمت ع وجها عزه العزاني هم راح تدخل للسجن ويعاند وياك وميطلعك لو راح يجبرك وياخذ اختك بالكوه
هاي اذا بقى عايش
شنو يعني بس لا مات الولد
ياالله بس لا يموت مرتضى خطيه هسه اهله شكالوا
بابا كام يغلط عليه ويحجي شلون هيج تسوي
مرتضى : جنت منتظر الرد ع نار كلت مستحيل ميوافقون بعد ماجبت هاي الشيوخ والساده
بس انصدمت من اجاني الرد وهو الرفض
مااكدر اوصف شعوري بهاي اللحضه يمكن من سمعت خبر وفاة زوجتي مريم الله يرحمها اهون عليه من هذا الخبر
ذليت نفسي اكثر من اللازم وخطيه ابويه هم هواي ذليته
اتعارك ابوي وياي كدام عمامي وكلي تنساها هاي السالفه نهائي مايدرون حياة البنيه مهدده اذا مااتزوجها
اذا اكول ندمان شويه بحقي واذا اكول جنت مو بوعيي ولا هذا تفكيري هم تكول الناس عليه جذاب بس والله العظيم ندمان ولو يرجع الزمن بيه مجان هيج اسوي ابد
طلعت من البيت وروحي طافره من الدنيه كلها
بيومها رجعت للبيت بوقت متاخر حيل ضايج واحس هموم الدنيه كلها فوك راسي
اتمنى اراسلها لروان اتمنى اعرف شكالت ضاجت لو فرحت لان انذليت هواي
بس مااكدر اراسلها ابد
ثاني يوم رحت لبغداد ع مود بضاعه للمحل كملت كل شغلي ورحت للامام الكاظم عليه السلام
دخلت زرت وطلبت منه يسهلي امري كتله للامام طلبتي الوحيده الاريدها منك هي روان اريد الله يهدي اخوها ويوافق ونذرت نذر اذا صارت القسمه اجيبها لروان واجي ونزور سويه واذبح ذبيحه لوجه الله واوزعها بيدي للفقراء
كملت زياره ورجعت للبيت لان تعبان سبحت ونمت كعدت وي الاذان صليت واتعشيت وردت اطلع صاحتني شهد للغرفه
ها شهوده خيرج
اكلك خطيه هاي روان مسويه عمل شعبي وباقيه للصبح تنظف والعصر راحت المشيه ولاعبين بيها طوبه يكلولها انت تدرين بالمشيه
بس لا هذا اخوها العار ضاربها لو ماذيها
لا بس حجي وتكول ابد لحد يراسلني لان كاعد ياخذه منها فجأه ويخلي للصبح يمه
اني اله عمار والله اله اندمه ع كلشي سواه بيه
اكلك اكعد واسكت مابينه حيل مشاكل ولتصعب الامور علينه اكثر
الله كريم يصير خير
رحت للمحل والتقيت باحمد وجان ضايج عليه حيل كال البنيه مو من نصيبك مدام اخوها معاند اتركها وخليها تروح لحال سبيلها
هسه هذا شيفهمه بالسالفه شاكله
لك احمد مااعيش بدونها احبها حب متتصوره ابد
حتلو اهلها رافضينك
اني اخليهم غصبا ماعليهم يوافقون
شلون بله
بعدين اكلك شلون
ثاني يوم كالت شهد روان واهلها بكربلاء يزورون ويباتون لباجر يله يرجعون
اجه ابالي ابا الحسن علي عليه السلام
رحت للمحل والظهر خبرتهم راح اروح للنجف
رجعت للبيت كلت لامي تروحين للنجف فرحت بس كلتلي شنو الخلاك تروح فجأه
مشتاق للزياره ماكو شي
خل تروح ويانه شهوده اني راح اخبرها وانت شوفي ابوي يروح ويانه
خبرت شهد وخطيه حيل فرحت
طلعنه تقريبا بالوحده
كالت شهد هم نمر بالمقبره
والله ماادري خل اشوف
حباب فدوه وديني نقره الفاتحه ومنتاخر ابد
امي مقبلت كالت تخوف المقبره العصر
شكو قابل يا يوم
وصلنه من وكت ورحنه للمقبره خطيه رسول ومريم واحد بصف اللاخ والطفل وياهم
شهوده دموعها الطريق كله يجرن واول موصلنه ذبت نفسها ع القبر
قرينا الفاتحه ومكدرنه نتاخر لان اخاف ع امي وشهد كلشي يصير والمقبره تقريبا فارغه
اتوجهنا للامام علي عليه السلام
تواعدنه نلتقي جوه وفعلا دخلنه واتلاكينه واتفقنه منو يطلع الاول هنا ينتظر
دخلت زرت واحس هموم الدنيه كلها شايلها
كتله دخيلك يبو الايتام اريد حاجتي انت تقضيها اليه اريد تسهلي امري وتهديلي اهل روان وينطوها اليه
اني خطأت واعترف بخطئي واريد اصحح خطئي وكل وسيله مابقت عندي بس املي بربي وبيكم كلش جبير
اني هاي البنيه رايدها حتى استر عليها ومااريد تتاذه بسببي
اني عاجز ماعندي اي وسيله بعد واهلي ملوا مني اني اريد البنيه باي طريقه واريدك يااميري بجاهك عند رب العالمين تسهلي كل امري
كملت الزياره والصلاه واذن المغرب هم صليت وكملت وطلعت لكيت امي كاعده بس شهد ماكو
هاي هم خطيه والله حيل ضايج عليها لان انظلمت هواي بسببي لا اتهنت وي حبيبها ولا اتهنت وي زوجها لو يرجع بيه الزمن ابد مااعارض عمار من يخطبها بس هاي ال لو انزرعت وماخضرت
سالت امي عليها كالت هي كالت اتاخر شويه
بقينه اني وامي ننتظر شهد كاعدين امام القبه
يوم فدوه اروحلج ادعيلي كون الله يهدي اهلها وينطونياها لان حيل تعبت
يوم والله لو مو ادعيلك مايقبلون الناس قافلين عليك والله الي يسووا حقهم لان انت سويت اكثر بيهم
بس يوم والله كاعد اتعذب والليل اليمر ع الناس كلها نايمه اني كاعد اتعذب
يوم والله متفيدك هواي تعذبت من وراها
بس يوم ابنج ميتزوج غيرها ولا يفكر بوحده غيره
هيج تحبها وين راح حبك لمريم
شريد اكلها مااعرف
يوم مريم الله يرحمها ماتت والحي ابدى من الميت لازم اشوف نفسي مااكدر ابقى ع ذكرتها
طبعا حجيت هيج حتى متشك بيه
اي ميخالف يوم شوف نفسك بس شلون تقنعني تحب بنيه حب اعمى بعد وفاة مريم الله يرحمه ع الاقل المفروض تتزوج زواج تقليدي لان الحب ميجي بهالسهوله
يوم الكلب اذا دك لشخص ميهمه لا وقت ولا يهمه التقاليد ولا ايدشي يوكف بوجها
اني البنيه عجبتني حيل واخلاقها عاليه وبديت احبها شويه شويه
والله يوم مااعرف شاكلك
بس اشوفها مو من ثوبك ابد
شلون يعني
البنيه مدلله هالوحده لاهلها وبدون عبايه وانت اكثر واحد تضوج من البنيه السافره والبنيه لاحضت عليها مو ام بيت وشاطره
يوم هاي كلها امور جانبيه اذا ع العبايه بس نتزوج البسها العبايه ومالت مدلله حقها لان هالوحده ومن تجي هنا انت علميها ع كلشي
هسه خل يوافقون اهلها والله كريم
يوم فدوه لعمرج ادعيلي دعوه حلوه واذا تكدرين ارجعي لابو الحسن زوري مره لخ وادعيلي
مو تدلل يوم اني شاريد غير راحتكم
راحت تزور واجتي شهد وجانت العيون حمر مبين عليها هواي باجيه
محجيت وياها شي
شنو ماما لهسه مجايه
لا اجت ورجعت مره ثانيه
عبالي اكول مستحيل لهسه
هم تخابرتي وي روان
لا والله ماصارلي مجال ابد
بقينه شويه كاعدين واجتي امي
ودعنه الامام ورحنه تعشينه بالمطعم وبعدها رجعنه للبيت
احس بنفسي مرتاح نفسيا وكلبي مطمأن تقريبا من ناحية روان صارلي امل جبير اهلها الله يهديهم
نمت من وكت لان تعبان وصارلي يومين سفر وتعب
كعدت من وكت تريكت بالبيت وبعدها رحت للمحل بقيت هناك لحد الظهر مرجعت للبيت جبنه غده للمحل واتغديت اني والشباب الي ويايه
اجه احمد وبقينه نحجي اني ويا طلبت منه يصير واسطه بيني وبين عمار اريد احجي وياه واعتذر منه واشوف شيريد وشيطلب مني اني حاضر ماعندي مانع
كلي زين تسوي خطوه جيده
كتله خل نشوفه بالمحل مالته الي بصفنه اذا موجود خل نحجي وياه واذا مموجود خل نروحله لبيته
اني قررت احجي وياه بهدوء ولازم نتوصل لحل
اتمشينه اني واحمد للمحل ولكينا موجود الحمد لله حتى نحجي وياه
دخلنه للمحل سلمنه عليه بس فاجئنه برده بدون سلام ولا كلام
اطلع بره لا اراويك شي مشايفه بعمرك وحياتك
عمار رد السلام ع الاقل لان السلام لله مو لبشر
مرتضى اطلع بره لتجبرني ع شي اسوي بيك
احمد كله عمار صلي ع النبي جاينك حتى نقدم الاعتذار الك
مرتضى حاب يتعذر منك
بعده يحجي احمد وهو حجه احمد انت كلشي متعرف شنو الي سواه بيه مرتضى لهذا السبب مااطيق اشوفه ولا اطيق اسمع صوته الافضل الك واله اطلعون بره
اني هنا فقدت هاي شبيك عمار شنو شايف نفسك شوفه ومحد يوكف بوجهك اجيتك بكل ادب واخلاق حبيت اعتذر منك وكلت اسف واعتذر منك واي شي اطلبه اني حاضر
واني اكلك مااطلب منك غير تطلع بره
مااطلع اله تسمع مني اني احب اختك واحب اكلك اذا موافقت بارادتك راح يجي يوم الي تتندم بي مثل مااني اتندمت
وها اسمعني اختك متصير لغيري لو ع جثتي مستعد اخذها وانهزم من العراق كله يمكن رحت زايد شويه وجان المفروض مااحجي شي بس نرفزني عمار هواي
باللحضه هجم عليه طاحلي دك بوكسيات
حاولت مااتعده عليه بس اذاني كمت ارجعله الضربه
احمد واكف بنصنه يريد يفكنه بس ماكدر ابد
لك ساقط والله اكتلك واخلص منك بس تفكر ولو تفكير تتعده ع اختي لو تحاول تهرب وياها
لو اطير لسابع سماء هم اطير وياك وهذا وعد شرف مني
والله اذا موافقت اله اكسر خشمك واشرد بيها
اعترف الك واكلك احبها واموت عليها ومااعيش بدونها ومستعد اهرب بيها اذا موافقتوا عليه
هنا هجم عليه وضربني ع راسي مااعرف بيش عيوني غوشن لحضات وضربني بسجينه ابطني وكعت فاجأني بيها ومااعرف منيله ومنين جابها
هنا احس امعائي تكطعت تكطع كمت انزف واحمد اتخبل
حسيت بدوخه قويه لحضات وفقدت مااعرف شصار بعد
كعدت لكيت نفسي بالمستشفى ومشكليلي كانيولا ومغذي والم فضيع مينوصف ابطني ردت اتحرك منعوني كالوا مو زين عليك لان سوينالك عمليه
لكيت ابوي ومهند واحمد يمي
اتذكرت الصار اتحمدلوا ع السلامه كوه احجي بس كمت اون من الالم
طلبت منهم مي حيل عطشان مقبلوا ينطوني كالوا مو زين عليك بس بللوا شفتي
كمت اصيح اجوي ضربوني ابر مهدئه وضربوني براسيتمول هدئت لحضات ونمت
كمت انام واكعد احتاجيت حمام طلبت من احمد ياخذني
كوه امشي سالته شنو من عمليه
ضربتك بالامعاء بس الحمد لله ممتاذيه حيل
وهذا العار وين ومنو جابني
اني جبتك صحت الولد ويايه وجبناك واتصلت بابوك
اكلك ماحجيت كدام اهلك والشرطه ع عمار
ليش عود
مرتضى مو من صالحك ينسجن وانت ادك وتنوح ع روان منريد مشاكل اكثر
خل نحلها ابيناتنه بلكي ينطوك روان وتفض السالفه
لعد شاكل لابويه اذا سالني
كله اني اتجاوزت عليه وعلت بي وهو فقد بس الخطئ خطئي
الشرطه شويه ويجون ياخذون اقوالك
كللهم اجوني للمحل رادوا يسرقوا وماعرفتهم منو
مراح يصدكون
مو مهم
رجعت لكيت ابو روان وخاله بالغرفه
ساعدوني مهند واحمد ونيموني
اتحمدولي ع السلامه
ابوي ومهند صافنين ميفتهمون السالفه
بهاي الاثناء دخل ضابط وبده يتحقق وخبرتهم مثل متفقنه وفعلا مصدكوني وكلي ع راحتك اذا متريد تشتكي ع احد
عافني وطلع وبقوا ابوها وخالها يتشكرون وكالوا شنو التريده احنه حاضرين
ابوي كال فهمونه شنو السالفه
كتلهم بعدين افهمكم
كمت اتغفه وفعلا نمت يمكن من المسكنات
كعدت لكيت امي خطيه يمي وعمي ابو رسول ومهند وابوي
كعدت ميت من العطش والجوع كالوا ميجوز هسه بعد فتره يله تقريبا ب12 بالليل
بللوا شفتي وكعدت اون من الالم
لكيت احمد حاجيلهم ومفهمهم بان اني متجاوز عليه وهو فعلا اني استفزيته وجنت قاسي لان مستحيل احد يتحمل احد يحجي ع اخته ويكول اخذها وانهزم اني مجنت اعني الحجيته بس حبيت اخوفه
بقوا يحجون عليه وكلولي مهما يكون المفروض ترفع قضيه عليه وهاي ثاني مره تدخل مستشفى من وراه لازم نسويله حل
يابه اني مااكدر اتعب نفسي واحجي مثل مكللكم احمد اني الي علت بي واتجاوزت عليه
هاي القضيه تهمني اني واني مااريد اشتكي ولا اريد مشيه حتى منطلع نريد حجه عليهم
امي بس تبجي فوك راسي
يوم والله مابيه شي هاي اني كدامج وباجر اطلع
بقيت يومين بالمستشفى وابو روان وخالها وجدها مفاتوا حالنه ابد
اني داخل خاص ومن البدايه دافعين تامينات رادوا يتحاسبون همه ومقبلوا احنه ندفع بس اصرينه وكنالهم اصلا دافعينهن لكدام
حالتي اتحسنت شويه
لحد الان مااكدر اكل بس سوائل
الالم قوي بعده بس كاعد ينطوني مهدئات
طلعت من المستشفى للبيت وذبحوا ذبيحه لوجه الله
بدت الناس تجي اصدقائي واقربائنا
بقه ابو روان يجينه ويطمان علينه
ابوي ميحب المشاكل ابد كال مدامك انت العايل بي ننهي السالفه لا مشيه ولا تشتكي
اجوي خالهم وجدهم وكالوا راح نجي مشيه الكم ماقبل ابوي كال سدوا الموضوع ومنريد لا مشيه ولا شي بس نريد ابنكم يفوت حال ابنه لان هاي ثاني مره يأذيي والله يستر بس المره التجي منمضمن هم تسلم اذا نعادت لتلومونه بلي نسوي
كالوا لا ننطيكم ضمان وحجايه اكيده مستحيل بعد يفكر ولو تفكير ياذي لو يتقرب يمه بس احنه هم نريد منه ليجيب طاري البنيه بعد وانتوا تعرفون الزواج قسمه ونصيب والبنيه قسمتها مو وي ابنكم نتمنى هم تحترمون رايينه
اكيد هذا حقكم وهم يستحيل بعد نزعجكم بهذا الموضوع
اني متكلمت ولا بحرف لان مو مالت اخذ وانطي وياهم بس عمار يستحيل اعوفه بحاله لازم اخذ حقي منه وزياده بس خلي اصير زين ويصير خير
رغم ماكنالهم منريد مشيه فاجأونه واجوي تقريبا 20 نفر وياهم سيد ورادوا يدفعون فلوس رفضنه رفض نهائي
وره 3 ايام اجوي اصدقائي جنه نحجي سويه بهالاثناء كامت تجيني اشعارات وحده وره اللخ شفته من روان كلبي كام يدك سريع مااعرف ليش راسلتني اخاف صاير شي
مااكدر افتحه واشوف عيب منهم بقيت ع نار
وذوله لزكوا ميقبلون يرحون وناصبين عليه يردون يرحون للشمال
اني كتلهم اصلا مااروح لان ثلوج بالشمال حاليا
يكولون هي حلاتها بالثلج ابقى هنا بفراشك واسكت
احمد كللهم اني مااروح ابقى يم مرتضى
لتكول ابقى يم مرتضى كول الحكومه متقبل
لا الحكومه شعليها بس هذا صديق العمر شلون اروح واخلي بوحده
عفيه بضلعي خل اطيب ونروح اني وياك بعنادهم
ان شاء الله
بقوا لوقت متاخر تقريبا ل11 يله راحوا
نسيت الرسائل
اخذت علاجي وردت انام دك عليه احمد استغربت
الووو
ها مرتضى بس لا نمت
لا بعدني خيرك
اكلك خطيه رامي نضربت سيارته هسه
تحجي صدك
اي والله هسه من رجعنه منك اني ذبوني يم اهلي وهمه راحوا للكوفي
لحضات وخابروني كالوا اندعمنه
خطيه بس لا اتاذوا
لا الحمد لله بس السياره متاذيه
لا بربك
اي والله يكول اتاذت
حيل ضجت عليه لان سيارته جديده خطيه طبعا سيارته جارجر
فدوه السياره اهم شي سلامتهم
لاوالله حيل ضايج رامي
بيمن الصوج بي لو لا
لا مو بي بالسياره الثانيه
التهيت وياه وبعدها اتصلت برامي ونسيت الرسائل بس من طبكته صارت كبالي الرسائل
ضربت كصتي شلون نسيت لا ياالله بس لا هسه نامت الوقت اتاخر فوك 12 الساعه
فتحت الرسائل
مرحبا
شلونك مرتضى
الحمد لله ع السلامه اسفه مراسلتك لان كلت خطيه خاف بعدك تعبان
طبعا اني اسفه واعتذر منك لان الصار بيك من ورايه
اتمنى منك لهنا وكافي عوفني وشوف حياتك واني عن نفسي مسامتحك ع كل السويته بيه
دزيتلها مراحب
شلونج روان شخبارج
ماكدرت ادز اكثر اله تجاوبني اخاف مو عدها الجهاز
بقت تقريبا خمس دقائق ومنقرت الرسائل كلت اكيد نامت ممعقوله باقيه لهيج وقت
ضجت وردت انام هو اني ممصدك راسلتني واني الغبي ضيعت هاي الفرصه
لحضات وجان تنقري الرسائل حيل فرحت بس ماكو جواب
هنا الخوف امتلكني اخاف عند عمار الجهاز
لحضات واجاني الجواب
هلو مرتضى شلونك انت
الحمد لله وانت
تمام بخير
شلون صرت
الحمد لله
شنو الخلاك تروح لعمار وتستفزه
والله رحت اله باسلوب حلو وحبيت اتفاهم ويا بس اخوج عنده مشكله بعقله وايده والضرب وشكد يحب ياذي المقابل
والله مااعرف شاكلك بس كل الاعرفه هسه اتمنى تعوف سالفة الخطوبه نهائي انساه الموضوع ومثل مكتلك اني عن نفسي مسامحتك وشيصير بيه انت متتحمل مسؤليته
روان شنو كاعد تضحكين عليه لو تضحكين ع نفسج
انت الي ويستحيل تصيرين لغيري لو ع جثتي هاي اخر مره اسمعج هيج تحجين
اني مراح اسكت لعمار وراح اتصرف ويا تصرف افاجئه بي
لا مرتضى الله يخليك بروح زوجتك عوف عمار بحاله ادري بي اذاك بس لتنسى انت هم اذيته هواي
لج بابا اني اذيته مره هو اذاني 10 مرات واكثر
عفيه مرتضى عوف عمار بحال سبيله واترك سالفة الخطوبه وانساها ع الاقل لمن اتخرج ويصير خير
واذا تقدملج احد ووافق عليه عمار
لا يستحيل اوافق ع اي شخص ويستحيل يجبروني مره ثانيه وانت تعرف السبب
والله مااعرف شاكلج ياروان اخوج منطاني امل ولو قليل يقبل بيه ودايخ شاسوي وشلون اقنعه مااعرف
تدرين اني اكدر ارفع عليه قضيه واكدر اسجنه مثل قبل واكدر مااتنازل عنه اله يوافقون عليه وينطوج اليه بس ماسويتها تعرفين شنو السبب
لا والله معرفنه كلنه دايخين بهذا قرارك لان صدك اتوقعنه هيج راح تسوي وفاجئتنه من مارفعت قضيه ضده
شنو السبب تكدر تخبرني
بسببج انت مااشتكيت عليه حتى متضوجين مني اكثر ولاردت اشوه سمعتي كدام اهلج واني كاعد اعمل المستحيل حتى يرضون عليه وعندي امل يوافقون عليه
والله اني اشوف بعد لتحاول تخطبني انطي مجال خل ينسون وبعدين ارجع اخطب
الله كريم هم بيناتنه الحجي حاليا ماعندي اي وسيله او طريقه حتى اجي بيها لاهلج راح اترك السالفه منا للعطله ويصير خير
شلونها عمليتك متاذي حيل لا
والله حيل متاذي وخاصه الجو بارد ميلتام الجرح بسهوله واكلي بس سوائل
طبعا اني اسفه واعتذر بالنيابه عن عمار عن الي سواه بيك
ماكو داعي تتاسفين نيابه عن اخوج والمفروض اني الي اعتذر منج عن كل شي بدر مني وسببلج كل هاي الهوسه والازعاج
مرتضى الي صار صار وخلص وانت من اعترفت بذنبك وخطأك يكفي والي سويته يجبر الواحد غصبا ماعليه يسامحك بغض النضر عن الذنب الي ارتكبته
لهذا السبب اني اكلك والله العظيم وهذا قسم عليه اكلك روح شوف حياتك وي الانسانه الي تعجبك والي تشوفها مناسبه الك ومعليك بيه واني مسامحتك من كل كلبي ولتتقيد بيه ابد لان اني مااعتقد راح يوافقون اهلي عليك الافضل الي والك نبتعد عن بعض
صار شكم مره احجي وياج واكلج هاي السالفه انسيها مالت اشوف حياتي واعوفج هيج كطنه وطلعيها من اذانج وانسي هاي السالفه واهلج اني اعمل المستحيل حتى اخليهم يوافقون مراح استسلم ابد ولا راح اعوفج ابد بس راح اترك السالفه للعطله الجبيره
تعاي كوليلي اهلج شكالوا عليه من مااشتكيت
والله بابا وخالو وجدو هواي مدحوا بيك وكالوا طلع ابن اوادم واحنه جنه فاهمينه غلط
الحمد لله اتمنى يرضون عليه ويوافقون
الله كريم
اني اسفه لان دوختك وازعجتك وانت مريض ولازم ترتاح اخذ راحتك
لا بالعكس لا دوختيني ولا زعجتيني بالعكس هواي ارتاحيت من راسلتيني واتمنى منج دائما اطمنيني عليج من يصير مجال عندج
الله كريم تصبح ع خير
وانت من اهله
حسيت براحه نفسيه مو طبيعيه لان راسلتني وسالت عليه حتى الالم حسيته اختفى نمت واني افكر بيها وصورتها كبالي
ثاني يوم كعدت مرتاح واحس نفسي هواي احسن
ردت اروح لرامي بس رفض وكلي ازعل عليك اذا اجيت لان بعدني مريض
حيل ضجت من الكعده ممتعود بس هم مااكدر اطلع لان الجو بارد ومو زين ع العمليه
مااكدر اراسل روان لان اخاف بيد عمار
بقيت هيج وضايج لحد مااجه اليوم الي فتحت الخيط وحسيت براحه جبيره
رجعت للبيت وسبحت لان هاي الفتره كلها ممنوع عليه
حسيت بنفسي نولدت من جديد بيومها ماطلعت
ثاني يوم بديت امارس حياتي الطبيعيه وبديت ارجع لشغلي وبده الدوام وخلصت العطله
وره اسبوع من دوام شهد اجت وكالت اريد اترك الجامعه سالناها شنو السبب كالت ماعندي واهس بالجامعه طبعا رفضنه ورفض قاطع وهي هم صممت اله تترك الدوام
كلت لازم اراسل روان واستفسر منها
اتصلت بيها الصبح وهي بالجامعه بس مجاوبت ابد
وره ربع ساعه اتصلت بيه انطيتها رفض واني اتصلت بيها
الوووو
الووو
هلو روان شلونج
تمام الحمد لله وانت
الحمد لله
اكلج هم تعرفين شهد شعدها بالجامعه ليش تريد تترك الدوام
والله مااعرف اني وديما توسلنه بيها وردنه نفهم السبب تكول هيج بدون سبب مااريد اكمل تكول محبيت اجواء الجامعه ابد
وانت مقتنعه بهذا السبب
لاوالله ابد ممقتنعه هواي توسلت بيها حتى تصارحني بس رفضت
والله دوختني اتمنى اعرف السبب بس يستحيل اخليها تترك الجامعه
اي عفيه حرامات والله اكيد راح تتندم بعدين
ان شاء الله مااخليها تترك الجامعه لو تموت
انت شلونج شخبارج
تمام وانت
بخير الحمد لله
عمليتك شلون صارت
زينه صارت شكو ماكو
ماكو شي
عمار شلونه وياج
زين ماكو شي بيناتنه
يله عيني اخذي راحتج اخاف عندج محاضره
اي والله راح تبدي محاضرتي مع السلامه
الله وياج طبكته منها
بدينه نضغط عليها حتى اداوم وفعلا داومت بس احسها بدون واهس ولا لهفه مثل قبل معرفت شنو السبب
اجه الصيف وع ابواب امتحانات النهائيه
صدفه اتواصل وي روان لان مااكدر اني اراسلها اخاف عليها ومن اداوم بالجامعه لو تنطيني رفض لو متجاوب وادزلي رساله مااكدر لو تحجي ويايه لحضات
حجيت وي احمد وطلبت منه يفتح الموضوع وي اخو ديما حتى يحجي وي عمار عله وانه يوافق ولو اني مأيس منه
فعلا احمد راح لنسيبه واتفقوا ويا وراحوا لعمار
بقيت منتظر الجواب ع نار رغم اني متاكد من الرفض بس رغم كلشي بداخلي امل ولو ضعيف جدا
جنت كاعد بالمحل واجوي احمد واخو ديما استغربت جيته الولد الي اعرفه هو دكتور
سلموا عليه رديت السلام
ماسالت لان كلت عيب من الولد دزيت ع كابتشينو شربوا وكملوا وحجه احمد اشو مسالت عن رد عمار
ميحتاج اسال لان اكيد احساسي يكول رافض مثل كل مره
حجه الولد شنو المخليك متاكد من رد عمار
والله ياعزيزي عمار عنده عداوه ويايه جبيره مااعتقد راح يفكر بيوم يوافق عليه بسهوله
بس هالمره اكلك انت متوهم احساسك غلط
شلون يعني
يعني عمار موافق ينطيك روان بس عنده شرط واحد اذا وافقت عليه راح يوافق تتزوج اخته
تحجي صدك لو تشاقه ويايه
لاوالله مااتشاقه احجي صدك
شعوري مينوصف بهاي اللحضه يمكن اذا اكول اسعد واحد شويه بحقي مستعد انفذ اي شرط اهم شي يوافقون اهلها
ها اشو سكتت
حجه احمد كال اكيد من الصدمه لان ممصدك
اي والله لحد الان ممصدك
لا حبيبي صدك
زين شنو الشرط اكدر اعرفه
جان يكول شرط عمار الوحيد هو ..........
توقعاتكم حبايب شنو شرط عمار ؟؟؟؟
شنو السبب الي خله عمار يوافق ؟؟؟؟
راح يوافق مرتضى ع الشرط لو لا ؟؟؟
🌹🌹🌹🌹🌹🌹
❣️❣️ #البارت 23❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
جان يكول شرطه الوحيد يخطب اختك ويتزوجها
بقيت صافن هاي لا ع البال ولا ع الخاطر
كلشي اتوقعت اله هذا الشي متوقعته ابد
بقيت ع صفنتي لمن كلي احمد هاي شبيك اليوم بس تصفن
والله يااحمد الصراحه اتفاجات من شرط عمار
لتنطينه الجواب هسه فكر ع راحتك وشوف اختك واهلك وبعدين رجع الجواب
مكدرت انطي رايي ولا كدرت احجي ولا كلمه
ودعوني وطلعوا وبقيت حسبه تاخذني وحسبه توديني
مااكدر لا افاتح اهلي ولا اكدر افاتح شهد بالموضوع لان مااريد شهد تنجبر وتوافق ع مودي لان اكيد صعبه عليها توافق ع واحد متزوج وعنده طفل حتى لو جانت تحبه
اني جانت امنيتي يوافقون اهل روان عليه بس يستحيل هذا الشي يصير ع حساب اختي
مااعرف شلون اعرف جوابها وشلون افاتحها ماادري
رجعت للبيت واني عاجز افتح الموضوع
بقيت تقريبا اسبوع ومكدرت افتح الموضوع ابد
كلت خل تخلص الامتحانات واشوف شلون افتح الموضوع وياها
قبل متخلص الامتحانات بيوم راسلت روان
مرحبا
مكدرت ادز اكثر
جاوبتني
مراحب
شخبارج
الحمد لله وانت
الحمد لله
شكو ماكو
سلامتك ماكو شي
شخبار عمار
زين ليش تسال عليه
هيج مجرد سؤال
هم تعرفين السبب الي اثر ع عمار ووافق ع خطوبتنه
شنو منو كلك عمار موافق
لتكوليلي متدرين بعمار وافق عليه
لا والله مااعرف اكيد دتجذب عليه
لاوالله مااجذب وافق بس بشرط يريد يتزوج شهد
كول والله
اي والله بس معقوله مخبرج شي
لا والله ابد ماادري بشي بس اتمنى يتزوج شهد لان اثنينهم خطيه تعبوا وضاعت شكم سنه من عمرهم
والله ياروان اني اتمنى اهلج يوافقون بس بنفس الوقت اريد شهد متنجبر ع اخوج
هاي انت شدتحجي يا جبر اكيد الحب بداخلهم بعده عايش
والله صار اسبوع اجاني رد اخوج بس مااكدر افاتحها بالموضوع مااكدر
خليها عليه اني احجي وياها واردلك ردها
اي والله ياريت لان راسلتج ع مود هاي السالفه
بسيطه اني اشوفها لشهد
تصدك اذا وافقت شهد ع عمار اني اسعد وحده بالدنيه ع مودهم خطيه
منو يكول توافق شهد
وليش متوافق وهذا جان حلم حياتهم
همزين حجيتها جان يعني بالزمن الماضي مو المستقبل
لتنسين اخوج متزوج وعنده حياته الخاصه
حياته جحيم عمار ليغرك متزوج وعنده طفل اصلا ممتفقين هو وزوجته ابد
والله مااعرف شاكلج بس يبقى القرار راجع لشهد
اتمنى تحجين وياها باجر انت وديما وانطيني جوابها بس اهم شي مااريد تنجبر ابد
ان شاء الله
اكلج اشو اني لحد الان ممصدك بعمار اخاف يطلع ناصب عليه
والله ماادري تدري اني هسه مصدومه ومدا اصدك ابد
والله حتى اني بس ابن خالج واحمد اكدوا الي وكالو راح ينتظر ردك
ممكن اسالج سؤال وتجاوبيني عليه بصراحه
اي عادي اسال
شنو شعورج اذا اهلج وافقوا ع زواجنه من صدك
شتتوقع شعوري بعد مامات الامل بيه وحسبت لموتي لحضه لحضه لان كل ما اهلي يرفضوك احسهم يوافقون ع موتي بس ع البطيئ بس الصراحه مراح اصدك لمن تصير حقيقه وننخطب رسمي
بس مجاوبتي ع سؤالي بالضبط يعني فرحانه لا
اكيد فرحانه بس حتى انستر وينسد الموضوع
اني عندي طلب يمك واتمنى تنفذه الي
كولي طلباتج اوامر ان شاء الله
اني اريد منك اذا صدك نتزوج يبقى زواجنا بس ع الورق ونبقى شكم شهر وكلمن يروح لحال سبيله
روان : من سمعنه عمار متعارك وي مرتضى تخبلنه
هو جان خايف واول مره اشوف عمار هيج
بقيت قلقه حيل ع مرتضى بس لا يصير بي شي لا ياالله
ماما ادك وتلطم
بابا اتصل بعمو وخالو واتواعدوا يرحون للمستشفى
عمار وجها اصفر وخايف اكيد ماذي لمرتضى
صعد عمار لغرفته لحضات ونزل ويسحل باسيل سحل من شعرها
هاي شبيك يوم البنيه حامل ع كيفك وياها
يوم لخاطر الله خلصيني منها لا احركها وابتلي بيها
اسيل تبجي وتكله مراح ابقى لحضه نريد نفهم شي ماكو
خل نفهم يوم شكو شصاير
يوم رايحه مفيزه لتركيا هي واهلها وناويه تسافر
والله خاله كتله وهو وافق
لج بنت الكلب شوكت اني وافقت
والله خاله سالتها وكلي الله كريم
كتلج الله كريم خل افكر بس مكتلج روحي
يوم انت تقبليها تروح تسافر وهي حامل وفوكها ابنها تخلي هنا تكول يبقى يم خاله ماعليه
هاي شلون يااسيل شلون تسافرين وانت حامل
خاله والله ماعليه وسالت الدكتوره وكلتلي ابد معليج
هاي هي يوم خليها تروح وي اهلها خطيه واموري يبقه يمي ماعليه واخلي بعيوني
هاي شتحجين يوم هاي بمكان ماتنصحيها تشجعيها
شلون تسافر واحنه هسه بمشكله جبيره وممعروف مصيري
لعد اني كتلك روح اتعارك وي الولد
لا مكتيلي المفروض انتظرج لمن تكليلي
اسمعيني تروحين تبلغين اهلج تلغين السفره ومتجيبين طاريها
لا الله يخليك خل اروح والله بس هالمره مااسويها بعد بعد يومين السفر
تحجين من كل عقلج بعد يومين ترحين وهسه يله جايه تكليلي
والله اني كتلك وانت وافقت
بعد جر وعر وهواي طولوا كال عمار
يوم انت شاهده عليه راح اتركها تروح وي اهلها بس قسما بالله اذا صار شي ع الطفل الي ابطنج اندم ندم متتوقعينه شلون
طفرت حضنته والله ادير بالي ع ابنك ومراح اتعب نفسي ابد
بابا وخالو وعمو راحوا للمستشفى وبقينه ع نار ننتظر الجواب
اني صعدت لفوك اتصلت بشهد خطيه بس تبجي ع مرتضى
سالتها كالت دخلوا للعمليات ومنتظرين يطلع
بس كليلي عمار شبي شنو الي صابه وخلاه هيج
والله ماادري ياشهد ابد مجان هيج احسه صاير شخص ثاني ومو بوعيه والله تصدكين قبل شويه رغم ظروفه وافق زوجته تسافر لتركيا وهي حامل وابنها تخلي يمنه شلون وافق مااعرف
والله ماادري شاكلج بس يستحيل هذا نفسه عمار
عفيه شهوده طمنيني ع مرتضى بس تسمعين خبر
ان شاء الله
وره فتره خابرتني وطمنتني عليه
وهم رجع بابا وكام يحجي ع عمار ولعب طوبه بي وكله انت تعبتنه ويوميه مشكله وي الولد شنو ابتله ع عمره من زوج اخته لابن عمه
لا مبتله ع عمره ولا اني راح ابتلي ع عمري من ماانطي اختي
انت لو تدري شكلي واستفزني
شكلك
كلي اذا موافقت عليه راح اخذ اختك واهرب بيها
شنو اني قابل طرطور اسمع هيج واسكت
لا يابه حشاك وزين سويت وعاشت ايدك لك انت مناوي تعقل يعني سواها وهرب بيها وانت كتلته
لك عمار اعقل وفكر زين انت هسه مو صغير فكر ب ابنك والي ابطن مرتك يعني لازم تفكر تعقل لخاطر اطفالك
يابه والله هو الي استفزني وخله عقلي يطير من راسي
هذا الحجي ميفيد فكر زين ولتتهور لا تخسر مستقبلك بلحضة طيش
الله كريم يابه
ماما سالته اكيد اشتكه ويريدله حجه ويجوز مراح يتنازل اله نوافق ع زواجه بروان
طفر عمار والله ابقى مؤبد ولا اوافق عليه لو يموت
بالله هذا شاحجي ويا لك بابا اعقل ولتستعجل افهم قبل كلشي
الولد ممشتكي ابد ولا مفكر يشتكي ولا يريد يستغلنه بالعكس اثبت هو شهم وعاقل اعقل منك وخل يكون بعلمك اذا تقدم مره ثانيه لاختك راح انطيها بدون تردد
والله والقران ع جثتي مااوافق اني لو يموت
بابا كام يسب ويغلط وهو يجاوبه بس بلحضه بدون مننتبه ع بابا اتخربط ووكع اتخبلنه كلنه
اخذه عمار للمستشفى وبقينه عايشين بقلق نتصل بعمار وينطي رفض اخر شي اجه وبابا حيل تعبان كال ضغطه حيل مرتفع والدكتور كال بعدوا عن التوتر بالوقت الحالي
البيت دخل انذار ولا نفس منه نخاف ع بابا حيل
بقيت ع تواصل وي شهد وطمنتني ع مرتضى وبابا خطيه بقه رايح راجع لبيتهم
اخر شي كال مقبلوا ناخذ مشيه بس رغم كلشي راح اجمع شكم واحد ونروح حتى المستشفى تكاليفها مقبلوا ندفعها
راحوا اهلي مشيه الهم واني فرحت لان بابا كال حيل كبروا بعيني ناس دره
عمار ابد مفتح الموضوع بعد واسيل سافرت وبقت اموري يمنه
اني وماما ملتهين بي
لازم اراسل مرتضى واطمان علي واتحمدله ع السلامه
وفعلا راسلته وشلع كلبي وميقبل يجاوبني وين يله جاوبني
خلصت العطله واجه الدوام واسيل رجعت بس المشكله بعد يومين من رجعوها اتخربطت بالليل واخذوها للمستشفى ماما وعمار وجانت المفاجئه تسقط الطفل
هذا الشي خلق فجوه جبيره بين عمار واسيل
عمار اتخبل وهو متحمل عليها دزها لاهلها واتعارك وياهم لان هو كللها احملج المسؤليه اذا صار شي ع الطفل وفعلا صار الي جنه خايفين منه
اصر ع الطلاك وقرر يطلكها بس ماما وبابا ابد مقبلوا كالوا خطيه اموري شنو ذنبه كلوله بقيها يم اهلها اتزوج عليها عاقبها بس لتنفصلون
ادخلوا خالووخاله وبيبي وجدو وهم نفس حجي ماما وبابا
بقوا زعلانين وطولوا هالمره اموري ساعه هنا وساعه هناك يم امه
اني ومرتضى منتراسل ابد اله صدفه
مره جنه كاعدين بالكليه اني وديما واجتي شهد جان تكول اريد اترك الدوام عبالنه تشاقه بس اكدت معرفنه السبب
هواي حاولنه نحجي وياها بس ترفض بعدين كالت من المضايقات الي امر بيهن بالكليه محبيت اجواء الجامعه بس اني وديما ابد مقتنعه
اسبوع كامل مداومت هواي توسلت بيها بس بدون جدوى
اتصل بيه مرتضى وحجينه بالموضوع بعدها رجعت للدوام وجان ع اعصابها حسيناها مو طبيعيه وقلت جياتها النه شكد حاولنه اني وديما نعرف السبب مكدرنه
عمار وزوجته صارلهم 4 اشهر زعلانين معاند ميقبل يرجعها
بيبي تتوسل بي يتزوج غيرها لان تكول ابد محبيتها اسيل بس تكله رجعها لطلكها ع حساب ابنك وهم تنكسر لان السوته ابد مو طبيعي
احنه الصراحه مو ضد سفرها ابد بس لان حامل واكيد الي يسافر يستحيل ينام ويسكت لازم يروح مولات وفرات وسياحه وهي حامل
لهذا السبب بيبي تكول لازم تتعاقب
طبعا الوحيده اني الي ماالي دور بهاي السالفه كلها ماالي علاقه ابد الي تزوج والي متزوج ميهمني اهم شي يعوفني بحالي عمار
رحنه لبيت جدو اني وماما وبابا من الصبح وبقينه لليل اجتي ديما وحيل فرحت
اجه عمار وطبعا صدفه عمار يجي بس فاجئنه من كال لبيبي
بيبي سمعت حجيج ونصيحتج وشفت احسن عقاب لاسيل هو زواجي عليها واني قررت اتزوج
ماما بقت فاكه حلكها وحتى اني عبالنه ديشاقه بس حجه وكال
وليش اتشاقه شنو الزواج بي شقه
منو هاي الي فكرت بيها
حبيبتي ماما مو هذا الوقت المناسب حتى اكلكم منو
من يجي الوقت المناسب اخبركم منو
صاحته بيبي تعال ولك تظم عليه اني صويحبتك ولك افرحلك حتى اكثر من امك تعال خبرني وسرك ابير
كام يضحك اي اني هم ادري سري ابير بس اكلج ولتكولين لمن اطش السالفه
افه عليك تشك بيه احجي لاحد
لا بيبي استغفر الله اني اشك بيج مستحيل اشك
بس منتظر موافقة البنيه الي ابالي وبعدين اخبركم
هواي حاولوا وياه بس محجه شي
طبعا ابد ممتوقع عمار يخطب شهد ولا واحد بالميه
قبل لنخلص امتحاناتنه بيوم بالليل انصدمت من خبرني مرتضى ع عمار موافق عبالي ديجذب ويشاقه ويايه بس اكدلي
مااعرف شعوري افرح لشهد لان راح تنجمع بحبها لو افرح لنفسي لان راح انستر لو احزن ع نفسي لان راح اتزوج مرتضى
طبعا اني ومرتضى يستحيل راح نتزوج زواج فعلي لان هو مجبور يتزوجني واني كذلك
لو مغلطان وياي يستحيل يفكر بيه ك زوجه ولا اني راح افكر بي
اني اعترف اكو حاجز كلش جبير بيني وبينه
الي ادري بي هو جان يحب بنت عمه ويحبها بجنون وخطبها واتزوجوا ف اكيد يستحيل راح يفكر بيه ك زوجه حتى لو زوجته توفت الله يرحمها
اني جان حلمي احب شخص حالي حال البنات واتزوج عن حب واعيش حياتي طبيعي بس هذا حلمي مات بيوم الي اغتصبني مرتضى
اني هسه همي الوحيد الستر وبعدها مو مهم
اني لازم اتزوج وره فتره اخلي يطلكني حتى يتحرر من كل المسؤليه اتجاهي
كلتله رايي بهذا الاتجاه واتفقنه اني ويا
كال مو مشكله اهم شي نتزوج وبعد فتره نكول متفقنه وكلمن يروح لحال سبيله ومنا لذاك الوقت الله كريم
هسه لازم اخذ رأيي شهد ومتنفع مخابره
داومت اخر يوم وحجيت وي ديما وفهمتها حتى تساعدني
وفعلا فتحنه الموضوع وي شهد كالت خلي افكر واني انطيج الجواب بس كانو عدها علم بالموضوع لان ابد متفاجأت بطلب عمار حاولنه تحجي ويانه وتفهمنه بس رفضت تحجي شي عفناها ع راحتها منكدر نجبرها
رجعت وبيومها نمت وشبعت نوم
ثاني يوم سويت حمله شافني عمار وعيونه عليه واني انظف وحتى ماما يمي
كتله هم كول عندج شي البيت مو نظيف وعطله ضحك كال لا هالمره اني اكلج نظفي لان عن قريب راح يجون خطار ومو اي خطار عرفته قصده ع مرتضى سويت نفسي مااعرف شي
منو الخطار
معقوله متعرفين شهد مكلتلج شي
لاوالله ابد محجت شي
كال لعد اسمعني انت وامي
اني راح اوافق ع مرتضى بس شرطي الوحيد يوافق ع شهد لان راح اتزوج شهد
سويت نفسي مااريده لمرتضى 😬😂
وانت منو كلك اني راح اوافق ع مرتضى
هسه خلي يوافقون وانت موافقتج بسيطه اكو واحد يخطبج اكثر من مره وانت ترفضين بابا الولد يحبج وراح يدللج اذا وافقتي
مستحيل اوافق ع عمار انت مو بكيفك
هاي كلاواتج متعبر عليه ولج
ماما كالت لك انت شنو تخطب وتنطي اختك بدون علمنه لعد ابوك وين عن هذا الحجي
ماما اني ماخاطب بعدني بس اريد الموافقه وبعدها انتو ترحون ع حسب الاصول وتخطبونها
ومرتك وابنك
شبيهم
شنو مصيرهم
خليها يم اهلها تتادب وعود بعدين افكر لو ارجعها لو لا
اني كلبي ممرتاح لا لشهد ولا لاخوها
تحجين صدك ماما عود
هاي شهد الي حبيتها من كلبج وانت كتلتي نفسج عليها وكلتي ادب واخلاق وجمال ليش هسه صارت مو مريحه
اختلف الحجي لان يايوم البنيه ارمله
واذا شنو المشكله اني همين متزوج
اروحلج فدوه يوم لاتعترضين وقنعي ابوي لان حلم حياتي اتزوج شهد
اذا تردين سعادتي وافقي واذا ردتي تعاستي لاتوافقين
انت تدرين بيه مايوم ارتاحيت وي اسيل هواي شلعت كلبي لو بيها امل مجان اتزوج عليها
والله مااعرف شاحجي وياك يا ابني
لاتحجين بس وافقي وخابري بيبي بشريها خل تفرح
الله كريم
اني بداخلي فرحانه حيل لان اخيرا وافق عمار
كلي فدوه رونه خابريها لشهد واخذي الموافقه منها حتى نخطبها واخيج فدوه وافقي من اجل سعادتي
خل افكر مااكدر اوافق هيج ولتنسى اني بعدني ممكمله دراستي ولا شهد مكمله
اي عادي وره الزواج كملن
كملت تنظيفي وصعدت اتصلت بشهد وكالت بعدني ممقرره
وره يومين كلتلي موافقه
خابرت مرتضى وانطيته جواب شهد
الوو
الووو
شلونك مرتضى
تمام الحمد لله وانت
تمام
اكلك شهد موافقه
والله
اي والله
اخاف ع مودنا
لا والله ماكتلها بالشرط ابد
صارلها شكم يوم تفكر ورجعتلي جواب ولتنسى المفروض من زمان يتزوجون اثنينهم
لتذكريني فدوه مااريد اذكر اي شي من الماضي لان الماضي دمرني دمار
شلون راح ترجع جواب لعمار
اكل لااحمد ولابن خالج صدك هو شنو اسمه لان مااعرفه
كرار اسمه
شلونها علاقتج بي
عادي علاقتي بي ك اخت واخو
اها هسه ارتاحيت وراح احبه لكرار
زين انت تخطب بالبدايه لو عمار
والله مااعرف بكيفه هو يريد يخطب يريد اني اخطب ماكو فرق ولعلمج اذا هو قبلي اني ثاني يوم وراح استعجل اني
ليش عود
اخاف يقلبون اهلج عمار ماعليه امان ابد
هم صدك ماعليهم امان 😂😂
ممكن اسالك سؤال
اسالي
راح تخليني اكمل جامعه لو لا
اكيد اخليج تكملين ماعليه بيج
هم من كلبي وانزاح جنت خايفه ليعارضني
بس راح البسج عبايه لان بعائلتنه وعشيرتنه ماعدنه وحده بدون عبايه
زين وانت شعليك بعشيرتك
ماعليه بيهم بس هاي عادتنه وتقاليدنه الي ربينه عليها
يعني مو بدينه الغيره تمشي بدمنه ونريد حلالنه محد يشوفه لو ينظرله نظرة سوء ابد
ممكن اتناقش وياك بهذا الموضوع اذا عندك مجال
اي عادي ماعندي شي
وين انت هسه
بالمحل
لعد خليها بالليل لمن ترجع ونتراسل اخاف عندك شغل
اي عادي بعد احسن خليها لليل وهسه راح اخابر احمد وارجعله خبر
اوك يله لعد مع السلامه
الله وياج
طبكته وجنت مرتاحه ع الاخير
ردت اخبر عمار بعدين كلت خليها مفاجئه اله احسن
فعلا لليل اجانه يطك اصبع ويغني ويكول واخيرا راح اتزوج شهد
كام يبوس ماما ويدك ناعم كللها انت خبري بابا وقنعي وباجر اروح اجيب بيبي حتى ترحون تخطبوها الي
ماما ممقتنعه ابد بس سايرته لعمار تكول خطيه اكسر فرحته وهو صدك الفرحه واضحه عليه
كالت ماما ابد ممقتنعه انطيج لاخو شهد لان متزوج قبلج
كللها عمار واذا متزوج قبل يعني حرام يتزوج بعد
لا مو هذا قصدي بس يتزوج هم ارمله او مطلقه
يوم من شوكت وهيج تفكيرج صاير يعني لو اني بمكانه تقبليها
سكتت بعد مااقتنعت وخبرت ابويه بالبدايه بابا رفض بعدين كالت ماما تجي بيبي وخالو وجدو وهمه يقنعونه
بالليل راسلني مرتضى
هلو روان
هلو مرتضى
اشو ماراسلتيني
اتوقعتك بعدك بالمحل لان بعد وكت
ياوكت هذا ب11 الساعه
مااعرف بعد
شكو ماكو
ماكو شي سلامتك
شنو شعور عمار
حيل فرحان وطاير طيور
وزوجته خطيه شكالت
هي وينها زوجته صارلها اكثر من 4 اشهر عند اهلها زعلانه
بيمن الصوج
بيها والله عمار ابد معايل بيها
اخاف لان اخوج ادافعين عنه
لا والله بس من صدك هي العايله وبيها الصوج
معلينه بيهم سولفيلي انت شنو الموضوع الي حابه تتناقشين بي
اني اكول خل نفرض البس العبايه من اروح للجامعه انزعها لو ابقى بيها
اكيد تنزعيها مو لهالدرجه اني ماافتهم واخليج بيها
لعد شنو المشكله بعد اذا نزعتها بالجامعه والكل شافني وين المشكله بعد اشو سياره تاخذني وتجيبني من الباب منو يشوفني بعد
روان اتمنى تفتهميني اني مو قصدي اتحكم بيج لو اجبرج بس اني اشوف الافضل تلبسينها ولمن ننفصل كلمن يروح لحال سبيلها انزعيها البسيها انت حره
اني اتمنى تلبسينها حتى يكولون اهلي تاخذ كلام زوجها مو تعانده
اني مو ضد العبايه ابد بس اكول اذا الجامعه شافتني بدون عبايه المن بعد البسها
زين انزعيها من تروحين للجامعه ووين مطلعين غيرها تلبسينها
اذا هيج اوك ماعندي مشكله
موافقه لان مراح اطلع بس لاهلي اروح
بعد شنو الي ابالج
لا ماابالي شي
لعد اني هم ماعندي شي غير العبايه اهم شي تلبسيها والله احسها هي الي تزين المرأه وتنطيها جمال اكثر
الله كريم
بقينه شويه وطبكنا
ثاني يوم اجتي بيبي ومرة خالو اكثر وحده فرحانه بيبي تكول احبهم شهد واخوها لان احسهم همه راح يسعدوكم اثنينكم هم انت وهم اخوج
راحن لبيت شهد حتى يخطبنها طبعا بيبي طايره طيور
بقن هواي يمهم للاذان يله اجن
كالن بعدين يردون خبر النه
شهد كالت اهلي مموافقين ع عمار لان متزوج يكولون خطيه زوجته شنو ذنبها
بس مرتضى يتوسل بيهم ويكلهم يعدل بينهن وهو اصلا ممرتاح وياها
بعد معاناة وجر وعر رجعولنه الموافقه
جانت فرحه الي ولعمار ولشهد ولمرتضى
اتفقوا بالبدايه عمار وبعدها احنه
مرتضى جان خايف يكول اخاف عمار يقلب علينه لهذا السبب كال مرتضى اني وره عمار ادز مشيه واعقد سيد وبعدها محكمه وبعد معليه بيهم يمته منتزوج عادي
وفعلا هم اجن ام مرتضى وياهن 2 نسوان معرفتهن بعدين كال مرتضى وحده خالتي ووحده عمتي
وبعدها رجعوا الجواب بموافقتنه بس ماما كالت لشهر العاشر يله تتزوجون مااعرف السبب بالضبط
بينما عمار مراح يتاخر ابد
قرروا وي المشيه يعقدون سيد
رحنه للبيت قبل المشيه حاول مرتضى يشوفني مقبلت لان جان ثوبي فاضح كال حتى محد يشك بينه
اجتي المشيه وعقدوا وبعدها اجه عمار لبسها الذهب وطلع
بقينه شويه مطولنه وبعدها طلعنه مخليت مرتضى يلمحني ابد
رجعنه للبيت وجان عمار فرحان واني هم بداخلي فرحانه لفرحه
راحوا ثاني يوم للمحكمه وعقدوا خلال يومين كمل العقد
لحد الان اسيل متعرف ابد ولا حاول يكللها عمار يكول اني راح اخبرها انتوا معليكم ابد
اجوي المشيه الي بس مقبلت نفس اليوم العقد مااريد البس ويشوفني ابد اقترحت عليه نروح للنجف نعقد ووافق
طبعا لحد الان عمار ومرتضى ممتواجهين بوحدهم بس بمشية عمار وممتحاجين ابد
اتفقنه نروح الخميس للنجف حتى نعقد
رحنه اني وماما وبابا بسيارتنه وبيبي وجدو وخالو وخاله بسيارتهم
وهمه راحوا ابو وامه وشهد وهو بسياره وبيت عمه ابو زوجته الله يرحمها هو وزوجته وياهم بنيه
احنه مو ع مود العقد هالكد رحنه بس حبينه نزور ونتعاوف كالوا وهذا جان اقتراح مرتضى
اتفاجأنه باحمد هو وديما وامه وابو
كلش حلوه صارت اللمه
دخلنه وعقدنه السيد وكملنه علنه زوج وزوجه وطشوا علينه جكليت
رحنه كعدنه يم الكل متجمع اللمه جانت كلش حلوه
الكل باركلي وبعدها طلب منهم مرتضى نروح للمطعم حتى نتغده
خالوا اترخص وراد يروح للمقبره ابد مقبل هواي حاولوا ويا مقبل
عمه هم اترخص كالوا نروح للمقبره هم ابد مقبلوا هواي توسلوا بيهم
مرتضى كللهم لحضات واجي راح مطول طلع جايبلهم غده هم لخالو وهم لعمه زين سوه بقوا يحجون عليه وهو مهتم
بقينه بس احنه وهمه واحمد وعائلته
رحنه للمطعم اتغدينه حسيت بي فرحان جان الصراحه اني ممصدكه راح نتزوج بعد هاي المعاناة
كملنه احمد واهله اترخصوا ورجعوا
احنه بقينه كالوا نبقه لليل محد عارض
دزلي رساله كال خل نكوم نمشي ونشتري اشياء حتى محد يشك بشي ويكولون باردين
دزيتله اوك وشهد هم تروح ويانه
بابا شبيج خطيب وخطيبته يردون يمشون شهد شتسوي ويانه
اي مو شهد تعرف بينه
حتى لو بس اهلنه ميدرون واخاف يشكون
خطيه احسها ضايجه ومينطيني كلبي اعوفها وحدها
امري ل الله شوفيها وكومي
كال من رخصتكم نريد نتمشى بالسوك شويه ونرجع
الكل كال روحوا اخذوا راحتكم
يله شهوده روحي ويانه
لا مااروح راح ادخل ازور مره ثانيه
لا حبابه روحي
والله مااكدر تعبانه واريد ازور
ردنه نمشي اشو هذا صاح روان هاي شنو ايدج
شبيها انتبهت ملابسه حلقه
يوه والله نسينه ملبسنه الحلقات
طلعت حلقته ولبستهيا بدون ماالمسه
وهو اتعمد يلزم ايدي واصابيعي ولبسني اياها
كال يله اشو هذا لزم ايدي ويريد يمشي وجان انسى نفسي واصيح عليه انت شلون تنسى نفسك وتلزمني هيج شنو نسيت الاتفاق لو شنو والله مااخليك تلمسني لو شيصير وجان يخزرني
جان يكول ..........
توقعاتكم حبايبي شراح تكون ردة فعل مرتضى ؟؟؟؟
واهلهم شراح يگولون ؟؟؟
راح تتعده ع سلامات لو راح تتعقد اكثر ؟؟؟؟
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 24❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
جان يخزرني ويكول هذا يااتفاق بابا احنه عقدنه وصرتي حلالي وياشرلي بعيونه ع اهلنه
بابا كال لج بنتي شنو اتفاق غير زوجج هسه صار
اني انتبهت ع نفسي كتله بابا حتى لو مايلمسني لمن نتزوج يله
ماما كامت تكرص بيه مااعرف شاتصرف حيل خجلت منهم وهو حسيته يريد ينفجر
امشي ماالمسج منا لمن نتزوج امري ل الله يحجي بس الغضب واضح عليه
اجيت اكحلها ادور عميتها كتله مااروح اله شهد ويانه
باوعلي بنفاذ صبر هاي شبيج معقوله ماعندج ثقه بيه
ماما كالت لا شنو السالفه مو قصدها هيج بس هي ممتعوده وتخجل اعذرها ابني
ياالله شبيه اليوم حيل متوتره وخايفه مااعرف شبيه
كال لشهد كومي ويانه
والله تعبانه مااكدر وراح ادخل ازور
باوع عليه وكلي يله مو لازم نروح مو مهم
ماما تخزر بيه وبابا ابد مقبل عليه
كال لا ابني اصبر لتكعد كومي روحي وي رجلج وشيلي كل الاوهام من راسج
لا عمي عوفها ع راحتها مو مهم والايام الجايه هواي نطلع وتتعود عليه ان شاء الله
ماما كامت تحجي عليه والله عيب من الولد شبيج تخبلتي
ها والله ماما مجنت متوقعته يلزم ايدي حيل خجلت وادور كدامكم
اي عادي واذا كدامنه صار رجلج بعد
كومي روحي ويا خطيه لتخربين فرحته
اباوع عليه بس يشرب جكاير
دزيتله رساله اسفه والله مجان قصدي
وصلتله ولا اهتم ولا فتح الجهاز حتى
دزيتله يله كوم خل نمشي شويه ونرجع
هالمره فتح الجهاز وقراهن بس مهتم ولا كانوا شي
والمشكله متجاهلني ولا كانو كباله
كال راح ادخل ازور انطه محفظته وجهازه لامه
دخل ولا عبرني
بقيت اكل بنفسي ليش استعجلت وهيج اتصرفت ماادري والله عيب من الكل
وره شويه كالت ماما لخاله ام مرتضى خل نروح للسوك شو شنشتري
باوعت عليه صفح ترحين
هزيت راسي لا
كالت خاله هاج ذني محفظت وجهاز مرتضى خليهن يمج
اخذتهن منها
بقيت وحيل خجلانه هم من بابا وهم عمو ابو مرتضى لان السويته ابد مو لائق
بقوا يحجون بمواضيع سياسيه وغيرها اني بغير عالم
يحجون بينهم واني بغير عالم ممنتبها ع حجيهم
بهاي الاثناء سمعت صوت مرتضى انتبهت شوكت اجه ابد محسيت بي
سحب الجهاز والمحفظه من ايدي حيل
ابد مباوع بوجهي
كام بابا كال يله ابو مهند تروح نزور مره ثانيه كله اي والله ياريت
يمكن اتعمدوا يخلونه بوحدنه
راحوا وبقينه اني ويا كاعد بعيد عني وعيونه بجهازه ويشرب جكاير
بقه ملتزم الصمت
حجيت وياه اني اسفه واعتذر منك والله مجان قصدي ابد
ولا كانوا احجي
هاي شبيك مرتضى ليش ساكت
باوعلي صفح ورافع تك حاجب
اسفج ممقبول ورجع بكل برود عينه ع جهازه
حيل ضجت من نفسي ومن مرتضى
دك جهاز شهد هو بالجنطه عفته ع مكانه بقه يلح بس ماعليه بي وهو هم مهتم
كلت خل ادخل ازور احسن من الكعده كمت وخليت جنطتي وجنطت شهد بصفه وردت اروح جان يسحبني واني واكفه كعدني كباله بحركه مفاجئه منه خلتني جمدت بمكاني
اسمعيني زين يابنت الناس منا ورايح احسبي حسابج لتصرفاتج ولحجيج ومالت تجاهليني وتجاهلين رايي كطنه وطلعيها من اذنج لان راح ادوسج بقن... وسكت مكملها
استغفر الله لتجبريني ع تصرفات اندمج بيها منا ورايح احسبي حسابج انت محسوبه عليه مالت اطلعين بكيفج بدون علمي حلكج اشكه افتهمتي لو لا
اني هنا دموعي خانني مكدرت اسيطر عليهن
وين تردين تولين وشكالولج عليه كاعد هنا طرطور من يجون ويسالوني وين شاكلهم ماادري بيها وين راحت
سكتت ماكدرت انطق ولا حرف
ماتحجين وين تردين ترحين
اريد ازور
زين متعرفين تحجين وتكولين اريد اروح ازور لو هاي هم متعرفيها
سكتت بديت امسح بدموعي
يله روحي زوري ومرة الثانيه لتتجاهليني وترحين بكيفج
كعدت اصلا مااروح بعد حيل ضجت
بقيت الهي نفسي بالجنطه طلعت كلينكس وامسح دموعي
درت وجهي للجهه الثانيه اليوم مدري شبيه الحظ كاعد يمشي عكس ويايه
كاعد اتصرف تصرفات خطئ المفروض اني مااتصرف هيج مااعرف شنو السبب يمكن مرتبكه وبعدني ممتأقلمه بالوضع والعبايه هم ربكتني اكثر
قررت بعد مااحجي ولا اتحرك راح اكعد واسكت
اشو كعدتي مو اكلج كومي روحي زوري وتعاي
هزيت راسي لا
ماتحجين بلسانج عظم لو شنو ؟؟؟
سكتت محجيت شي
اتقرب يمي كعد بصفي وحجه
شنو انعديتي مني لو تقلديني قبل شويه انت تحجين واني ساكت وهسه صار العكس
المفروض بهيج يوم نكون اسعد اثنين بالدنيه لان واخيرا صار الي ردنا وعقدنه
بس اشو صار العكس
روان لازم الي بيناتنه ابد محد يعرف بي ولا بشر بس اني وانت
صحيح اني وياج متفقين اتفاق وملازم نخلف بي بس بنفس الوقت النه حق كلشي نغير بالاتفاق حتى محد يشك بينه
يعني لازم نتصرف طبيعي كدام اهلنه ك مخطوبين يعني الزم ايدج كدامهم عادي لان همه ميعرفون باتفاقنه
ولازم تعرفين ميصير تحجين شي كدام اي احد مااقبل مره ثانيه يزل لسانج هالمره راح اعديها الج لان متعرفين شي ولان اليوم المفروض مميز النه حتلوا احنه مجبورين بس لازم نفرح ونحتفل بهذا الشي
مفهوم الحجي دبدوبه
باوعتله صفح شنو دبدوبه اصلا وزني نازل
ليش شكد وزنج هسه دبدوبه
وزني 58
هم دبدوبه تعاي سولفيلي انت مو جنتي دبدوبه شخلاج هيج
من وراك غير كرهت نفسي وكرهت الاكل والي ااثر عليه من سقطت الطفل
اوووف لتذكريني عفيه والنبي لهسه من اتذكر مااعرف شيصير بيه
جنت ميت واليوم يله احتييت هسه مأمن حتى اذا متت لو يصير عليه شي مهتم لان امنت عليج تكدرين تكوليلهم زوجي وحلالي واخذني محد يكدر يحجي بعد
سكتت
تجهزين نفسج الاحد نعقد محكمه حتى اامن اكثر
ان شاء الله
بس يجي احد نروح للسوك وهم اوصيج هم صيحي اذا لزمت ايدج
تدرين الله حابنه معقدنه بالبيت
ليش عود
يعني اذا بستج يم الحاضرين يمكن تكومين تصيحين وتلمين الزلم علينه
لا مااسويها 😂😂😂
اي صدكتج 🤣🤣🤣
روان لازم تاخذين الاشياء بمحمل الجد اي شي يصير بالغرفه مايطلع بره لو شيصير حتى شهد ماعليج بيها
بالغرفه غرباء وبره الغرفه العكس
ان شاء الله
اذا تردين اطلعين ماامنعج ابد بس انطيني علم
اوك
شلون عرفتي قياس حلقتي
شهد ساعدتني
شلون 🤔
انطتني محبس الك واخذته وجبت ع قياسه
اجوي بابا وعمو
اترخصنه منهم ورحنه
حسيته يخاف عليه كلش من الازدحام وكل شويه وجار ايدي ولازمني اني سكتت بعد مااكدر احجي
اول شي دخلني لمحل ذهب
سالني شتحبين اهديلج بهاي المناسبه
شكرا مااريد
لو انتيِ تختارين لو اني اختار وها لازم تلبسينه كدام اهلج واهلي ومتنزعينه ابد وتكولين هديه من مرتضى
والله مااريد شي كلشي عندي
واذا عندج بس هذا راح يكون مميز اول هديه من خطيبج والاصول تكول ميصير ترفضين الهديه
سكتت
يله تعالي اختاري شي
تردين زنجيل لو سوار
اي شي مو مهم
يعني تردين ع ذوقي
اي شي عادي وع ذوقك
بقه يدور بالمحل وياخذ رايي
اختارلي زنجيل ناعم ايطالي وبي مداليه كلش نازكه واختارلي سوار نفس موديله طبعا حيل نازكات خفيفات ونازكات بنفس الوقت
خلاهن بعلبه وانطانياهن وطلعنه
شكرا جزيلا
ع شنو
ع الهديه
لاشكر ع واجب
بعدها اخذني لمحل ملابس وهم كلي اخذي شنو الي يعجبج
مرتضى : لحد الان ممصدك عمار وافق ع زواجنه واعتبرها موافقته معجزه
بس هم صعبت عليه موافقت شهد ومااكدر اني افاتحها لهذا السبب طلبت من روان هي تاخذ رايها بقت شكم يوم يله خابرتني وانطتني الموافقه وحيل فرحت بس بنفس الوقت خفت لا تكون موافقتها ع مودي
بس بعدت هاي الفكره لان اعرف مدى حبهم لبعض
هسه اكدر احجي وي مهند وهو يفاتح اهلي بالموضوع افضل
رحت لمهند وحجيت وياه وفاتحته بالموضوع وجانت الصدمه واضحه عليه
كلي وانت هسه يله وافقت عليه لان مصلحتك صارت وياه ليش ما من البدايه وافقت وفضت السالفه
مهند فدوه اروحلك لا تزيدها عليه والله متندم اكثر من شعر راسي ع السويته بس هذا الشي مكتوب علينه
زين وهسه شنو المطلوب مني اذا انت طابخها للطبخه ومهدرها ع نار هادئه وجاهزه طبختك شتريد بعد
اريدك تفاتح اهلي بالموضوع وخلي امي تفتح الموضوع وي شهد وتشوفها
اذا ع هذا الشي بسيطه بس اكو شغله مااعتقد انت حاسب حسابها بس هي جبيره ومهمه
وشنو هي
عمي ابو رسول متشوفها صعبه عليه هم مرة ابنه وهم رجل بنته اثنينهم يتزوجون والمشكله هم لاخوان
والله يامهند اجذب عليك اذا اكلك ممفكر بهذا الشي وشايل هم شكبره بس هاي سنة الحياة بالنسبه لشهد بعدهي شابه لازم تشوف حياتها واول وتالي تتزوج
واني لازم يجي يوم واتزوج وهمه لازم يتقبلون الوضع واني بنفسي اروح لعمي واحجي ويا
ان شاء الله البي صالح يصير
اني راح احجي وي امي وابوي وشهد وانت تكلف عمي لان عيب منه
رجعت للمحل كلت خل ناخذ الموافقه من اهلي يله اروح لعمي
رجعت للبيت وجان هدوء الكل نايم
ثاني يوم اجه مهند هو وزوجته واطفاله يمنه بقيت اني بالبيت محبيت اطلع حتى اخذ راييهم
كعدنه اني وابويه ومهند فتح الموضوع
الصراحه ابويه نصدم ومعرف شيحجي بالبدايه
بعدين كال مو تشوفوها صعبه شويه يعني هم مرتضى وهم شهد شراح يكولون بيت عمكم
كله عمار يابه انت تعرف هذا حقهم لان اثنينهم شباب ومن حقهم يشوفون حياتهم والحي ابقى من الميت
الله كاتبلهم يتزوجون ويموتون ازواجهم والصدفه اخوه بس هذا امر الله محد يكدر يغيره
والله مااعرف شاكول
كتله يابه انت ماعليك بعمي اني احجي ويا واقنعه انت عليك امي وشهد انت خبرهم
اني راح اخبر عمي واكله طلبوا مني شهد مقابل البنيه
اني فهمته قبل بساع وكتله البنيه رايدها واتفهمني
اني اروح لبيتهم واتفاهم وياهم واكيد راح يعذرونه
والله اني دخت بس من وره هاي السالفه ماادري بيك شعجبك بالبنيه وخلاك تلزك بيها
هسه لو واحد منكم يتزوج سهله نكدر نحجي وياهم بس مو اثنينكم
يابه انت تعرف لو رسول عنده اخو اكيد راح ننطي شهد اذا رادوا بس تعرف ماعنده اخ ولا ربطهم طفل حتى الطفل الله اخذ امانته
انت وافق يابه ومعليك بالباقي
حجه عمار ويا يابه شهد هم خطيه انتو ضلمتوها وزوجتوها غصب عنها
وخطيه من حقها تعيش حياتها حالها حال البقيه والولد احنه نعرفه كلش زين يحبها وهي هم تحبه
انطوني مهله خل افكر وانت مرتضى باجر روح لعمك وخبره
ان شاء الله
اتغدينه ورحت للمحل اجه احمد وسالني كال شنو السالفه لهسه مفكرتوا ولا رجعتوا خبر
كتله مو سهله السالفه مثل ممتوقعها كعدت سولفتله بالبدايه خفت من ردة فعلها وهسه موضوع عمي
كال بس انت هم لازم تستعجل وتروح لعمك
ان شاء الله باجر اروح والصراحه مااعرف شلون افاتحه لان صدك صعبه عليه عمي خطيه ابنه وبنته جوه التراب واني واختي نتزوج
اي بس هاي سنة الحياة ياعيني يعني شلون تموتون ارواحكم وراهم لو تبقون هيج بدون زواج هم ميصير ولا ترهم
الله كريم منا لباجر ويصير خير
ثاني يوم رحت لبيت عمي وجنت حيل خجلان منه قبل كلشي قريت الفاتحه لام البنين تسهيل امر وكوه كدرت افتح الموضوع وياهم
مرة عمي خطيه كامت تبجي
عمي كال ابني وصية رسول الله يرحمه قبل ليموت كال لجماعته خبروا زوجتي وبنت عمي اذا تحبني وتريد سعادتي بالاخره خلي تتزوج بعدي وتشوف حياتها
ابني هاي سنة الحياة لازم تتزوجون وتشوفون حياتكم
مرة عمي بس تبجي خطيه التفتت عليها انت شتكولين عمه
عمه مااكول غير الله يوفقكم وشوفوا حياتكم لان هذا من حقكم وانتوا بعدكم شباب من حقكم تتزوجون ماكو داعي تاخذ اذنه
لاعمه شلون ماناخذ رايكم والله مستحي منكم وع اعصابي اجيت احجي لان حيل خجلان منكم
لا عمه ماكو داعي للمستحه شنو الي يعجبكم سوا والله يوفقكم ان شاء الله
اتشكرت منهم ورجعت للبيت وخبرت ابوي وكال هاي هي رجع خبر بالموافقه لان امك هم حجت وي شهد وانطت موافقتها
فعلا رجعت الخبر بيد احمد واحمد خبر نسيبه
بعدها اجني النسوان واتفقوا ع كلشي وبعدها اجتي المشيه وجانت جبيره وبعدها عقدوا سيد
بعدها عقدوا محكمه طبعا كل شي ع السريع
وادور لازم التفت لنفسي طلبت من امي تروح تخطب روان
راحت هي وعمه ام رسول وراحت عمتي وياهن وخطبوها واتفقوا ع الحاضر والغايب
اتفقنه نعقد سيد بالنجف ورحنه وعقدنه وجنت احس بسعاده متنوصف ابد صراحه حتى من عقدت اول مره مجنت هيجي فرحان
واخيرا راح انام الليل مرتاح لان صارت الي واخيرا
شعور غريب ينتابني مااعرفه شنو بالضبط
جانت طالعه تخبل روان وخاصه بالعبايه حيل عجبتني من لابستها
جنت حيل متلهف وقررت نفتر بالسوك اني وياها واحس نفسي طاير من الفرح بس طفت فرحتي من فشلتني كدام الكل كامت تصيح من لزمت ايدها
اني مجانت نيتي غير بس ردت اثبت كدام الجميع خطوبتنه طبيعيه حالها حال غيرها لان مساله طبيعيه كل خطيب يلزم ايد خطيبته بس فاجئتني بردها والي زودها عليه من رفضت تروح وحدها ويايه
جان صعب موقفي امام الكل صرت اعصاب
صرت نار لازم ادخل ازور حتى اخف شويه من عصبيتي اخاف انفجر امام الجميع
دخلت زرت وطلعت لكيتها بس وحدها هي وابوها وابوي
حاولت تحجي وراسلتني واني هملتها ولا كانو لان من صدك جنت معصب واتمنيت هي كبالي بدون ناس اله اراويها نجوم الظهر بعينها
بعدها راحوا يزورون وبقينه بس احنه وهم اتجاهلتها هواي حاولت تحجي واني مهتميت
بس فجأه كامت مدري وين تريد هنا عيوني صارن بكصتي مااعرف شنو معناها يعني بدون متخبرني ولافكرت تاخذ رايي
انفعلت وسحبتها من ايدها وحجيت وياها بس هي بسرعه دموعها نزلن وجانت نقطة ضعفي لازم اعلمها وانصحها مو اعاملها ابرود وعصبيه
حجيت وياها وفهمتها ورحنه للسوك اني وياها
اشتريتلها زنجيل وسوار حيل عجبني وبعدها رحنه لمحل ملابس سالتها شاشتريلج ماقبلت تاخذ اي شي
راح اخذلج ع ذوقي سكتت
اخذتلها ع ذوقي تراك ودشداشه قصيره
بعدها بقينه نفتر رحنه لمحل مثلاجات اكلنه موطا ورجعنه
لكينه الكل كاعد كالت راح ادخل ازور
طلبت من شهد تروح وياها
زارن ورجعن صلينه وتعشينه ورجعنه
بيومها نمت مرتاح
ثاني يوم رحت للمحل وره يومين رحنه عقدنه محكمه
وهنا بدن يجهزن هي وشهد
اهلها كالوا بشهر العاشر الزواج مااعرف ليش
بس شهد يردوها هاي الايام
ماقبلت اني كلت لازم ماكو فرق بينهن لان محد يبقى يساعد امي هم خطيه تبقى وحدها بس ماقبلوا هم امي وهم ابوي كالوا شعدنه ماكو اشكال
اني وروان هم بعدنه صدفه نتراسل
بس كمت اتصل بيها من رقمي الخاص
اليوم اتصلت بيها
الووو
الووو
شلونج روان
تمام وانت
الحمد لله
شكو ماكو
ماكو شي
تكفرين اذا تتصلين لو اتراسليني
والله ملتهيه اني وماما هم زواج عمار وهم اجهز الي
شبعدلج ممشتريه
هو شنو الي اشتريته اصلا بعدني
لتخبليني كل هاي الطلعات للسوك وبعدج
والله جنت وي شهد نجهز الها واني بعد زواج عمار اشتري
شكاعد تسوين
ارتب غرفة عمار
شخبار زوجته الاولى هم تدري بزواجه
يكول خبرتها بس بعدهي زعلانه
شوكت راح يكون الزواج
يمكن بعد اسبوعين
تعاي اكلج اهلج ليش مصممين اله بشهر العاشر
والله مااعرف شنو السبب واخجل اسال امي كلت خلينه لهيج وقت افضل
ابوج بالبيت
اي موجود
انطي الجهاز اريد احجي وياه
شعندك ويا
انت شعليج دزي الجهاز ومعليج
انطته الجهاز سمعتها تكله هذا مرتضى يريد يحجي وياك
سلمت علي وطلبت منه نطلع اني وروان نتعشه بالمطعم ونروح لشكم محل نشتري شكم حاجه
اي عادي ابني باي وقت يعجبك تعال اخذها البنيه مرتك صارت وانت حر بيها
لتخبرها اي شي من اجي اني اكلها
تدلل ابني
انطينياها بدون امر عليك
اي عمو تدلل هاك
شحجيت ويا ووين تريد تاخذني
باجر نريد نروح اني وياج
وين
نروح نفتر بالمولات ونروح للمنتزه
اشو حجيت وي بابا قبل لتشوف رايي
اهم شي ابوج واذا وافق سهله انت بعدها توافقين
حاولت ابقى احجي وياها حتى من اوصل الهم وتطلعلي هم تتفاجئ وهم حبيت اشوفها ع الطبيعه قبل لاتلبس حجاب
بقيت الهي بيها وكل شويه وسالتني انت وين
اني بالمحل
اشو مبين بالسياره
لا متوهمه
واخيرا وكفت مقابيل البيت لحد هاي اللحضه ممصدك نفسي معقوله اني مقابيل بيتهم وبدون خوف ولا قلق جان حلم هذا الشي بالنسبه الي
بعدني احجي وياها كتلها تعاي افتحي الباب بس ديري بالج تلبسين حجاب لو تغيرين ملابس
اول شي ليش افتح الباب وثاني شي ليش ابقى هيج ع الطبيعه
لان امي وشهد جايات يشوفنج وامي تكول اريد اشوفها ع الطبيعه
لا عفيه مرتضى والنبي شعري مهوس ع الاقل بس خل امشط
لج افتحي الباب عيب منهن صارلهن ساعتين بالشارع ولتخافين مراح تعيب ع شعرج
راح اطلع ماما واني بعدين انزل
لا ممنوع تريد تشوفج ع الطبيعه اخاف غشيتينه وهي مقرره تكفش شعرج تكول حتى اتاكد من شعرها
كول والله يعني تحجي صدك
ولج افتحي الباب خطيه كتلهن الحر
راح اطبكه وعود من يدخلن خابريني
اوك
كوه مصبر نفسي من الضحك
انفتح الباب بس ماكو احد
صاحت بصوت ناعم واشبه للهمس تفضلي خاله
دخلت هي شافتني وهي تفاجأت
وجها مثل 👈😡
هذا انت وتجذب عليه
كمت اضحك لتفضحينه ام كفشه ردت اشوف كفشتج وعرفتج راح تفضحينه كدام اهلج وتلبسين حجاب حتى يشكون اكو شي بيناتنه
بسيطه الك هيج تضحك عليه
امشي سويلي طريق خل ادخل لو ناويه تخليني هنا واكف
اباوع عليها حلوه حيل ع الطبيعه ولابسه تراك شعرها حيل ناعم بس مخربط ظايفلها جمال
هي خجلانه مني ع اعصابها تمشي كدامي
كالت تعال ادخل ماكو احد
دخلتني للاستقبال وكالت خل اصيح بابا واجي
جريتها عليه مو ترحين تبدلين تصرفي ع طبيعتج
اوك
صاحت ابوها واجت امها هم سلمت عليه
جابت ببسي ومي بارد حبيت اشلع كلبها شويه
مااريد ببسي اريد جاي
راحت سوتلي جاي وجابته
كتلها روحي بدلي وجهزي نفسج وتعالي
ليش وين تريد
معليج روح بدلي وبعدين اكلج
بقيت انتظر قريب الساعه عجيب امرها شكاعد تسوي اشو اني خمس دقايق هواي عليه
دزيتلها رساله
كملتي لبخ
دزتلي 🤔🤔🤔 شنو لبخ
تقنعيني متعرفين شنو
دزتلي 🙈🙈🙈 لا اعرف بس والله مكاعد البخ
لعد متفضيها شكاعد تسوين لخاطر ربج صارلج ساعه كامله
والله اذا تشوف غرفتي طكت بيها عبوه
ليش شبيها
البس وانزع محتاره شالبس
ليش عود
لان اخاف ميعجبك وتكول ضيك وتفشلني 😢😢😢
يابه البسي اي شي وفضيها راح ياذن
والا اكولج ابقي ع راحتج راح اصلي
صليت وكملت وجان تجي واخيرا
جانت لابسه هيجملابسه حلوه
باوعتلها مابي شي لبسها زين
سالتني كالت شنو رايك
هذا هو يله خلي نطلع
زين وين راح نروح
خل نطلع وبالطريق نحجي
اوك
طلعنه وجان الجو حيل حار نهاية شهر السابع مشغل تبريد بالسياره
حجت ويايه انت شلون هيج تسوي بيه
شسويت
هيج تحرجني كدام اهلي وتجيني فجأه
يعني شلون احرجتج خطيب اجه لخطيبته شلون يعني احرجتج
لو ادري بيك جان بدلت ولبست حجاب
اها قصدج تمشطين كفشتج
هاي انت كل شكد تمشطين
والله يوميه اكعد وامشط بس اليوم جان اموري هنا وكل شويه ولزمني من شعري
هذا منو اموري وشلون تخلي يلزم شعرج
مدري شصار بيه من هيج حجت
هاي شبيك ابن عمار هذا
اها عبالي
شعبالك هو منو الي شايف شعري
شحدج تراوي لغيري
بس عفيه من صدك لتسويها مره ثانيه
ليش حتى تمشطين قبل لااجي واضحك
لا والله مو هذا قصدي بس حتى البس شي مستور
وشبي لبسج لتنسين انت حاليا زوجتي
اعرف والله بس عفيه انت خبرني ومعليك بالاخير
عوفك من هذا هسه وين راح نروح
نروح نتعشه بالمطعم وبعدها نروح لشكم محل نشتري الج شكم شغله لازم نتصرف طبيعي كدام الكل
مو شرط كل مخطوبين يطلعون ولا كل مخطوبين يلتقون بالبيت بلبس البيت وبدون حجاب وهاي اختك شهد اكبر دليل
يابه اختي تعتبر ارمله واخوج متزوج
انت لا تختلفين
وصلنه للمطعم واتعشينه وبعدها رحنه افترينا واشتريتلها شكم شغله ورجعنه
بداية شهر الثامن اتزوجوا شهد وعمار بدون حنه مقبلوا يسوون لاحنه ولا زفه راحوا لتركيا بقوا هناك 20يوم
روان كالت وصيت عمار وشهد ع ملابس وبدلات وفرشات وجنط واحذيه يعني تقريبا كل جهازها من تركيا
طلعنه اني وياها ع مود الغرفه واختارت وخلال هاي الفتره نصبتها وجهزتها
كالت ماعندي اي نقص لان تقريبا جابولي كلشي من تركيا
بقه لازم نتفق اني وياها ع الحنه وع الزفه
كالت اريد الحنه بالقاعه لان صديقاتي هواي واقربائي
كتلها ع راحتج بكيفج سوي الي تردي
زين وين تردين نتزوج
بكيفك بلي يعجبك
حابه نسافر نبقى اسبوع
لا مااريد اسافر لان لتنسى احنه زواجنه بس شكلي امام اهلنه والناس بس احنه نعرف شنو راح يكون زواجنه
ياالله ابد مكاعد تتقبلني اني متاكد يستحيل راح توافق عليه ك زوج حقيقي
لازم اطاوعها بكلشي
زين وين تردين نبقى بالبيت نتزوج
بكيفك بلي يعجبك
زين شنو رايج نتزوج بكربلاء بالفندق نبقى يومين حتى منلكي مضايقات من الاهل ومراح انجبر اجرح نفسي
عادي بلي يعجبك اي شي تريده غير السفر اني حاضره
هاي هي لعد اتفقنه نروح لكربلاء
بس اكو شغله هم لازم نتفق عليها لازم نطك صور ونسوي البوم حتى متنحرجين
عادي ماكو مشكله
حددنه موعد الزواج باتفاق العائلتين
رجعوا شهد وعمار وراحوا اهلي الهم وبدت الناس تروح تزورهم
اختي ايات هي وزوجها هم راحوا
هنا بدينه احنه نجهز للزواج الغرفه اتكلفتها ايات فرشتها ورتبتها
حجزت بالفندق 3 ايام
بالنسبه الي مراح اسوي حنه لان اني ثاني مره راح اتزوج
بس اصدقائي مقبلوا كالوا نروح بمزرعه لصديقي هناك كالوا نحتفل احنه شكم واحد
عزمنه شهد اجتي هي وعمار
اني ويا مو هاكد نحجي ونتعامل برسميه
بده العد التنازلي للزواج
راحت هي وشهد وحجزن بالصالون
كتلها لو اني لو عمار ناخذج ونوديج للقاعه
كالت عمار ياخذني ويوديني للقاعه
كتلها هو خلي ياخذج واني اجيج ع مود نروح ناخذ صور
اجه اليوم الموعود وجان يوم الحنه
الصراحه جنت شايل هم جبير شلون راح اكدر اخذ صور وياها وشلون راح احضر بالقاعه واحنيها الصراحه حيل صعبه عليه اشوفها لان ناس غربه هوايه واني راح اكون بوحدي مرتبك كانو اول مره اتزوج
جهزت نفسي لبست قميص ابيض وبنطرون بيجي
انتظرت اتصال من روان
رايحه وياها ديما بنت خالها مااعرف ليش شهد مرايحه
الكل راح للقاعه امي وايات وزوجة مهند واقربائنا
اتصلت بيه روان كالت تعال كملت
رحت للصالون صعدناها بالسياره وجانت مستوره مطالع منها شي
رحنه لجلسة تصوير حيل متلهف اشوفها شطالعه
احس كلبي دمام ويدك سريع
دخلنه للستوديو بقيت انتظرهن بره ع ما ديما تجهزها كملت صاحتني
دخلت وجان ادوخ بيها طالعه لعابه شاوصفها قليل بحقها مااعرف شلون راح اقاومها مااعرف
جانت حيل خجلانه مني
جاهزه اصيح المصوره
اي بلي جاهزه صيحها
بس قبل لتجي شتطلب منج تسوين لا ترفضين لازم نتصرف طبيعي
طبعا حجيت هيج ردتها حجه حتى اكدر المسها واخذ صور جريئه وياها
صحت للبنيه وجان تبدي باللقطات احسها هي ذابت بين اديه
اما اني انتهيت وهي بين اديه
بعدنه باول لقطه وجان ......
توقعاتكم حبايبي شنو الي صار ....
روان راح تتقبل مرتضى لو لا ؟؟؟؟؟
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: