مساء الخير ع اجمل متابعين اتمنى لكم قراءه ممتعه
❣️❣️ #البارت 25❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
بعدنا باول لقطه وجان المصوره تطلب منه لقطة القبله
اني فرحت كلت ادري بنفسي مراح احصل شي منها كلت بلكي هنا احصل ولو بوسه ع الماشي 😂😂😂😂
يستحيل احد يصدك ذبحت نفسي عليها ويوميه خاطبها وعملت المستحيل ودفعت 10 ملايين مهر وبالتالي كلشي مااحصل منها 🤪🤪
رفضت روان وجان تضربني بوري
كالت خليها ع باجر الزفه اللقطات الجريئه حركت فلمي
اخذنه شكم لقطه وهم اكو جريئات طبعا بدلت اكثر من 5 مرات
بعدها دزيتهن للقاعه وكتلهن راح انتظر لمن تنادون بالسماعه ادخل
بقيت منتظر وجان القلق والتوتر مسيطر عليه
نادوني ودخلت وجانت القاعه مليانه لمحت امي واخواتي شويه هدأت
اول شي اخذونه صور وانطيت جهازي لايات اخذتنه شكم لقطه
اكدت عليهن مااريد احد يصور غير بس المصوره الي احنه جايبيها
قطعنه الكيكه وحنيتها العرك يصب مني مااعرف شلون راح اتحمل تنام ويايه بنفس الغرفه بدون ماالمسها لان الصراحه تخبل وجسمها انوثي بشكل
همست باذنها مالكيتي غير ذني البدلات تلبسيهن
ليش شبيهن مو حلوات
لا بالعكس طالعه بيهن عبالك لعابه يخبلن واخاف عليج لا تنحسدين اقري المعوذات
ضحكت كالت صرت مثل بيبي تمشي مثل ضلي وتقره ايات
حقها يابه تخاف عليج هو شكم روان عدنه
سكتت
كتلها راح اطلع لان الظاهر اني عنصر غير مرغوب بيه الكل يباوعلي صفح يمكن يردن ياخذن راحتهن
بس تعاي اكلج هاي البنيه الحلوه منين وشتصير منج
عيونها طارن وينها ومنو
هو اني لو اعرفها منو اسالج قابل
وينها بس اشرلي عليها
لج فضحتينه احجي بهدوء خرب وين راحت الانوثه
حبيت اضوجها شويه
هو اني كاعد احجي بهدوء
وعيونج الجنهن عيون مطيرجيه
هو اني لو انت كاعد تبصبص ع البنات واليوم حنتك هسه شيكولن عليه
كلشي ميكولن بس العروسه مو حلوه ويباوع ع الاحلى منها
ها صرت مو حلوه بسيطه
خل اصيح شهد تشوفلي هاي البنيه منو لان حيل عجبتني حتى انسق وياها منا لمن ننفصل حتى اخطبها
هاي يامخبله تقبل بواحد متزوج مرتين
وحده الله اخذ امانته منها ووحده متزوجها بس ع الورق بس اصارحها اكيد راح تعذرني
مرتضى رجاءآ صير عاقل منا لمن نطلك وعود شتسوي سوي
هسه عيب شيكولون عليه
زين شبيج عصبتي وليش ضجتي ليكون غرتي
شنو اغار منين منك لو تبقى بس انت بالدنيه هم مااغار اامن
خوش لعد نشوف
اشرت لشهد اجتي
ها حبيبي كول
غمزتلها بدون متحس عليه روان
تعالي شوفيلي هاي الحلوه منين
عيونها صارن بكصتها
تقبلين شهد بيوم حنته وعيونه تبصبص ع البنات والله عيب هسه شيكولن عليه مو حلوه ومعاجبته وبرطمت تريد تبجي
اهو راح تكلبها مناحه خل اروح احسن
لا وين تريد تروح ابقى لمن تخلص الحفله وترجعون سويه انت وماما
وانت هم تعاي ويانه
لا اني وين اجي هم مخبوصين خبص
وانت شعليج بيهم غير اخت العريس انت حبيت امازحهن
هي انزعجت اكثر
واذا اخت العريس هم تصير مرة اخو العروسه وواجبها تساعدني
انتوا ابقوا اتعاركو واني خل اروح احسن
اي روحي اشردي احسن
زين وشبيج ضايجه وراح تبجين
لا عليمن ابجي
يابه لتضوجين دنشاقه وياج ولتخافين هو الي يشوف هذا الجمال كله شلون بعد تردين يباوع لثانيه
شنو قصدك
لامقصدي شي خل اروح انتظر بره احسن لان العيون كاعد تفترسني ويجوز يلعنن بيه هسه اكيد يردن ياخذن راحتهن
والله الصراحه تسوي جميل علينه اذا صدك طلعت
راح اطلع لان ع اعصابي باقي الصراحه اريد بس اشرد من روان لان طالعه تجنن والبدلات عليها مو طبيعيات
طلعت وكلت لايات راح انتظر بره
بقيت بره ولكيت هواي شباب منتضرين بره من ضمنهم احمد ونسيبه وحتى عمار سلمت عليهم
احمد ضحك كال اني متحلف اخرب حنتك بس نسيت وعلي هستوني يله اتذكرت ضحك نسيبه كرار بعد وكت هستوك اذكرت جان خليتها وره الزواج فرد مره
عوفك منه هذا واحد مريض نفسي ويغار مني وها خل يكون بعلمك حاط عينه ع وحده ويريد يتزوجها روح شوفلك جاره لاختك من هسه خطيه لاتنصدم بي
غير مرايد روحه اذا يسويها انت عليك بس خبرني اذا باوع ع وحده والباقي عليه
هاي شنو اتفقتوا عليه يمعودين ساعه وسمعتكم ديما معناها انطرد بره الغرفه الله وكيلكم
ايا جبان تخاف من مره
ولك مجربها النومه بالسطح وي البك والحر
متنه ضحك عليه
شجم مره لك نايم بالسطح
اووووووو هواي 😂😂😂😂
حصره عليه اعلق لبنيه بسرعه انطرد 🤣🤣🤣
كاموا يضحكون كرار وعمار
كله عمار هاي انت تحجي صدك لو تشاقه
هو هذا الحجي هم بي شقه 😂😂😂😂
روان : عقدت محكمه اني ومرتضى وحسيت براحه مو طبيعيه لان جنت حيل قلقه وماانام الليل اخاف يجي يوم وينكشف السر واكيد راح انكتل ومتهمني حياتي كد اهتمامي بسمعة اهلي لان اكيد راح يلاحقهم هذا العار اجيال اجيال
بعد العقد التهينه بزواج عمار وتحضيراته
بيتنه بي غرف فوك 3 وحده الي ووحده لعمار ووحده مخلينها مخزن
بدينه نرتب المخزن صعدنه الغراض كلهن لفوك اكو مثل المخزن بي
خلال اسبوع كملته لان بوحدي وع كيفي
صبغها الغرفه ورتبها وجاب غرفه تركيه ورتبناها اله
هذا الحجي اسيل ابد ماتدري بي
بدينه نطلع اني وشهد نشتري احتياجاتها
طبعا اغلب الملابس من عمار بس اكو اشياء ماعنده
كال نسافر لتركيا
ماما وبابا حجوا عليه وكلوله خبر زوجتك ميصير هيج تسوي
كال اني اراسلها واكلها
ماما دائما تروح تسال عليهم وتطمأن ع اموري ومرات تجيبه وياها وبابا يرجعه
بعدها كال خبرتها وطلبت الطلاك
اتخبلوا اهلي مقبلوا ابد كالوا نرجعه ع حساب ابنها
هو مقبل كال عوفوها هيج معلكه لا اطلكها ولا ارجعها معليكم بيها
كاموا يحجون عليه ومقبلوا
بعدين كال اني ارجعها بس مو هسه اني اخبركم شوكت
اتصل بيه مرتضى وطلب يحجي وي بابا
ابد مشكيت بشي ولا توقعته راح يجي
جنت لابسه تراك وشعري مكفش من وره اموري ابن عمار عدنه من الصبح سولته بشعري يتعارك وياي ويكفشني
ردت اصعد اعدل شعري بس ماما كل شويه روحي سوي هيج وروحي جيبي هيج
من كال امي اجتكم ردت اصعد بسرعه ابدل امشط بس منطاني مجال كلت عيب منهن
بس اتفاجأت بي ومعرفت شاسوي والله عيب منه يشوفني بهيج منظر
صرت اعصاب لان اجه فجأه معرفت سبب الزياره المفاجئ
بعدين طلب مني ابدل ونطلع
حرت شالبس واتذكر بايران شسوه بيه ع لبسي وهو جان بالنسبه الي غريب مو هسه صرت زوجته
كمت البس وانزع لان لبسي ميقبل بي اكيد
اني من هسه شايله هم من اصير ابيته صدك راح يلبسني عبايه مااعرف البس ولا متعوده عليها ابد
اخر شي لبست وجنت حيل خايفه ليفشلني ونزلت بس الحمد لله سكت يمكن من الايات الي قريتهن
طلعنه اخذني للمطعم اتعشينه وبعدها كمنه نفتر ورجعنه
كملوا كلشي عمار وشهد واتحدد موعد الزواج
حجز عمار وره 3 ايام سافروا
اتفق ويايه عمار كال اجيبلج كل نيشانج مناك اراسلج وادزلج الصور واختاري حيل فرحت لان جنت شايله هم الفره
بديت اعتني ابشرتي وشعري وهواي سويت خبطات طبيعيه لوجهي حته يضبط بالمكياج
ماريد يبين عليه لان الفتره الاخيره
تعبت حيل ودوام ومنا جانو معارضين
تعبت حيل
بعد شهر تقريبا للزواج عفت الطلعات كلها لان الجو حيل حار واني اخاف ع بشرتي لان ع ابواب الزواج
بدوا شهد وعمار يدزولي صور واني اختار حتى بدلات بسيطه مو هوسه اختاريت
كلي راح اجيبلج بدلات الحنه والزواج تلبسيهن وترجعيهن الي ااجرهن اخليهن بالمحل حيل فرحت لان يخبلن
اختاريت لون جويتي ولون ماروني ولون وردي وسخ واختاريت وحده لون زيتوني
حتى المكياج كامل جابلي والجنط والاحذيه
بقن ملابس نوم اني مااريد بس مترهم لازم اشتري كدامهم مترهم هيج
كامت شهد تراويني كتلها جيبيلي ع ذوقج لان اخجل كدام عمار
اتلهفت يجون حتى اشوف الملابس
وصيته حتى ع ملابس للجامعه
اجوي وراح بابا استقبلهم وجنت حيل فرحانه لان شهد راح تسكن ويانه
والفرحه الجبيره متلهفه للملابس
بس اتفاجأت من جايب شي قليل كلش والباقيات كال بالشحن وي مسواكي يجي بعد اسبوع
لعد شلون مو ماكو بعد وكت اخاف يتاخرن
لا لتخافين مضبوطين بالموعد
اخذت شهد وردنه نصعد
جان يصيح يمعوده جايين من سفر وتعبانين نريد نرتاح بعدين عود سولفن ادري وحدتجن متمل من الحجي
هاي شبيك يمعود هو بس شكم سؤال ع شكم تفسير
انجبي واسكتي نريد نروح انام
درح قحط هسه شهد خبيث فشلني 🤣🤣
محد شاف شكلهم لثاني يوم
لزمتها تعاي سولفيلي
شاسولفلج ولج
ع كلشي
مو هسه عيب من خاله لازم اشوفها شمحتاجه
التهينه بالغده والتنظيف
صارت الساعه تقريبا ب1 وعمار ماكو
اتصل بي بابا كال اجيت بالطريق
واخيرا اجه لان ميتين من الجوع
بس الصدمه جانت ويا اسيل وامير
بقينه صافنين وحده بوجه الثانيه حتى شهد مثلنه نصدمت يمكن متعرف بشي
بابا وماما فرحوا ع حساب اموري
سلمت ع الكل ومن وصلت يمنه من وره خشمها سلمت
اني مهتميت ابد بس شهد خطيه كامت ترجف
اخذت ابنها وصعدت
هدئت شهد لج شبيج ترجفين متكليلي
والله ماادري يمكن تفاجأت
شنو متدرين بي
لا والله بس هو كال اريد ارجعها بس متوقعته اليوم
يله حبي هو اول وتالي لازم يرجعها ع حساب ابنه ولتنسين هو ميحبها ويحبج الج
اي مبين عليه هواي
شنو ممصدكه
لا مصدكه ومتاكده
اها عبالي
بس انت صيري ذكيه ولتخليها تفر عقله وتاخذه منج
صبينه الاكل واتغدينه واسيل ماقبلت تاكل كالت متغديه
شفت عمار فرحان بجيت اسيل مااعرف يتصورلي
بس كاعد اشوف هاملها لشهد
بس يضحك ويسولف وي اسيل
سالت شهد ع علاقتها بعمار
كالت كلش زينه وكاعد يعدل بيناتنه يوم يمي ويوم يمها
وصلت البضاعه وبيها كل جهازي وممخلي شي مجايبه طبعا انطيته فلوس الي خسرهن كلهن
كملت كلشي وبده العد التنازلي وبنفس الوقت بده الخوف الحقيقي الي امتلكني
مااعرف شلون راح اعيش وياه بنفس البيت وبنفس الغرفه
هل راح يجبرني ع شي ياذيني لو لا
رحت حجزت الصالون وحجزت بالقاعه
طبعا وجهي طلع يخبل من الخبطات الطبيعيه
صار يوم الحنه عزمت كل صديقاتي وماما عزمت اقاربنه
ردت شهد وديما يرحن ويايه بس عمار ماقبل تروح شهد كال ديما خل تروح وياج هي واسيل
كتله لا اسيل اني وياها منتراهم عوفها اروح بس اني وديما
اخذنه هو وبدت ام الصالون تجهزني
اتغير شكلي جذري وطلعت واووو
اتفق ويايه مرتضى هو يرجعني حتى ناخذ صور
شلون راح هيج يشوفني مااعرف بس لازم نتصرف طبيعي امام الكل
حرجتنه المصوره بشكم لقطات واني رفضت بس هم مقبلت هواي سوت صور ع ذوقها
رحنه بعدها للقاعه
جانت الحنه حيل حلوه وحسيت بنفسي ملكه لازم افرح واعيش هاي الاجواء كلها حتى لو زواجنه ع ورق لازم اشيل حاجز الخوف والخجل بيناتنه لان راح نعيش بغرفه بوحده
ركصت وي صديقاتي وي ديما رغم حملها خطيه متعبها بس مهتمت ركصنه وفرحنه بعدها دخل مرتضى جنت حيل خجلانه من لبسي امامه
بس هو مو بحالي اصلا ملتهي يباوع ع البنات وحيل نرفزني لان ادري بي ميحبني ولا يرتاحلي ولا راح يتقبلني بس المفروض منه يحترمني امام الناس وميتصرف هيج تصرف حيل ضجت بس مابيدي شي
طلع من القاعه وبقيت حيل ضايجه اجتي شهد وسالتني شبيج كتلها ماشفتي اخوج شسوه
كالت والله غمزلي ويتشاقه وياج يستحيل يباوع لغيرج انت تدرين بنفسج شطالعه معقوله يعوف هذا الجمال كله ويباوع ع غيرج يستحيل
انت دافعي عنه لان اخوج هاي لو عمار هيج سوه راح تسكتين
لتصيرين عوبه هاي اني كدامج شوفي شيتعامل وي اسيل كدامي واني ولا كانو ماعليه بي
صدك هاي شلون متحمله
عادي ماكو مشكله مثل مااني زوجته هي زوجته همين
اجني صديقاتي وكومني ركصنه وغيرت جو ماكو داعي ازعج نفسي
خلصت الحنه ورجعنه للبيت طكيت صور وي بابا وعمار وخالو وجدو
اتعشينا وبقينه بالبيت مجموعة بنات اقربائنا وديما هم باتت وشهد بقت يمنه ماراحت لاهلها
بقن يركصن ل12 اني طفيت لان منايمه زين وتعبت هواي صالون وحفله وورايه باجر هم تعب
بيبي كامت تحجي خل البنت تنام اطلعن بره
طلعت الكل بس ديما بقيتها يمي
كعدت تريد تشرحلي ع ليلة العرس 😔ماتدري اني قضيتها من زمان ومن اسوء ماتكون
هستوها تريد تشرح دك جهازي مرتضى اول مره افرح باتصاله لان هم راح يخلصني من ديما وهم كدامها لان اكلت كلبي ليش مخابرج واني احمد بيومها منطاني مجال معرفت شاجاوبها
اتخذتها حجه كتلها روحي اطلعي نامي يم البنات اريد اخذ راحتي وي حبيبي
بسرعه سوت نفسها نايمه احسبيني مموجوده او نايمه حتى اذاناتي راح اسدهن
لا عفيه اخجل احجي شي كدامج روحي خابري احمد احسن اريد اخذ راحتي وي حبيبي
والله اله مااطلع نايمه ع كلبج
لعد اني الج
رفعت خط بس كال الووو
كتله عفيه مرتضى خابر احمد كله اتصل بمرتك وخلي يخلصني منها نايمه ع كلبي مااكدر احجي ولاتنطيني مجال ابد
جان يضحك ضحك مو طبيعي
اذا متكدرين تحجين هاكد حجيتي لو تكدرين جان شحجيتي
قصفني بالجبها 😂
سكتت بعد شاحجي
هاي وين رحتي اشو سكتي
بعد مااحجي احسن
لا يمعوده احجي وهسه راح اخابر احمد انعل يومه لا يوم مرته راح اخابره وارجعلج
هاي فوك راسي تضربني لمن موتتني
طبكته وجان تحجي لج خبيثه سوييتها صدك والله عيب من الولد شيكول عليه
يكول عليج لزكه لج اذا ماعندج احساس شاسويلج
طبعا دائما هيج نتشاقه اني وياها وتعرفني اشاقه وياها
بهالاثناء دك جهازها وجان يطلع احمد
يله اطلعي وخلصيني منج
اني اعلمج هسه ارجع وانام ع كلبج
عافتني وطلعت قفلت الباب اخاف احد يسمعني
اتصل بيه مره لخ
الووو
الووو
شلونج
تمام
شلونها معنوياتج
مو تمام متحطمه نفسيا شعوري صعب اوصفه
ليش شنو شعورج حاليا
خوف ع قلقل ع تعب ع خجل
هاي شنو صايره كوكتيل تعاي خل نشوفهن وحده وحده
الخوف من شنو
منك اكيد اخاف راح تخلف الاتفاق بيناتنه
لتخافين وامني يستحيل انسى الاتفاق بيوم وافكر ااذيج
زين والقلق
هم منك القلق
انسي القلق والخوف ونامي مطمئنه
التعب معروف بس ان شاء الله هانت وراح اخليج بالفندق 3 ايام بس نايمه 😂😂😂 راح يروح التعب كله
الخجل طبيعي عند كل عروسه وبمرور الايام ان شاء الله يروح الخجل وتتعودين عليه وع اهلي
بس اني هم عندي شكم نقطه مهمه حبيت اوضحها الج هسه لهذا السبب اتصلت بيج هسه
اريد اني وانت حياتنه بالغرفه شكل وامام اهلي واهلج والناس شكل ثاني
يعني شلون مافهمتك
يعني بالغرفه ماعليه بيج ولا عليج بيه بس كدام الكل لا اني وياج متزوجين وعايشين حياتنه طبيعي نضحك ونسولف وتقومين بواجبي مثلا ريوكي غداي ملابسي المسج صدفه كدامهم مو تصيحين وتفضحينه وتكولين الاتفاق
ها لا بس انت حاول قدر الامكان تتجنبي
اوك
عفيه باجر لتخلي المصوره تاخذلنه صور جريئه
شلون يعني جريئه 😉
انت تعرف كلش زين شنو قصدي 😡
لا مااعرف وضحي اكثر 😜
عفيه مرتضى لتسوي هيج انت تعرف قصدي 😔
اوك بس لتضوجين اني راح اترك جلسة التصوير كلها لخاطرج
لا شلون تتركها حتى صديقاتي ياكلن كلبي شيخلصني
لعد شلون اذا طلبت منه المصوره لقطه شاكلها زوجتي ماتقبل
زين انت صديقاتج اكو بيهن متزوجات
اي هواي
زين شفتي صورهن بالزواج
اكيد
زين اشفتيهن مبوشات مثلا كل وحده تبعد ميل عن زوجها وكاتبه ممنوع القرب
ها لا
لعد شلون نكسر القاعده اني وياج
ماادري 😔😔😔
خليها ع الله ونامي مرتاحه ويصير خير
الله كريم
يله راح انام ورايه كعده
روحي نامي تصبحين ع خير
وانت من اهله
ردت انام بس اندك الباب فتحتها طلعت ديما
تحقيق كامل ويايه سين وجيم عفتها ونمت لان من صدك ماالي خلك لكلشي
كوه نمت من التفكير ثاني يوم كعدوني من وكت
سبحت واتريكت كوه لان مااشتهي
شهد كالت الجنط اني اخذهن وياي بس رتبت الجنطه الي اخذها ويايه للفندق اخذتها شهد اني خليت بيها دشداشه مستوره بالجيب السري اخاف احد يشوفها كالت راح ياخذها مرتضى حتى يخلي ملابسه وياهن
رحت للصالون اني وديما
كملت ورجعت للبيت عمار رجعني
شعوري مينوصف صعب اوصفه وبده الخوف يمتلكني
اجه بابا وخالو وجدو واخذو ويايه صور وحتى بيبي وماما اني هنا متحملت دموعي كامت تجري حضنت بابا وكمت ابجي مجنت متوقعه هاي اللحضات راح تكون عليه صعبه
مقبلوا ابجي والكل كام يحجي عليه وديما عدلت مكياجي
وره شويه سمعنه الاصوات مالت السيارات كالوا اجوي
اني هنا كلبي كام يدك الف يمكن حسيته راح يتوقف
اديه ترجف وجسمي احس بنفسي راح ينغمى عليه
غطوا وجهي دخلوا لجوه اني لا اشوف ولا اسمع حسيت بمرتضى باس راسي ورفع البركع من وجهي
طكولنه صور ولحضات وجان تبدي اسوء لحضات بحياتي لحضات الوداع
حضنت ماما هي تبجي واني ابجي حتى المكياج خربته بابا كام يصيح ع ماما ودخلها وكال لمرتضى اخذ مرتك واطلع حرامات خربت وجها
ذبيت نفسي عليه مسح دموعي خله ايدي بايد مرتضى وكله هاي امانتنه عندك نتمنى تصون الامانه هاي الغاليه
بعيوني اخليها وان شاء الله اكون عند حسن ضنكم
اجتي ديما عدلت المكياج ولبسوني البركع ردت اطلع وجان عمار يسحبني ويحضني مجنت منتبها عليه
ديري بالج ع نفسج وانت مرتضى دير بالك يوم تاذيها لو تجرحها ماتدري بمعزتها عندي شكد
والله بعيوني اخليها ولتتوقعون بيوم ااذيها لو اجرحها هاي خبيبتي وعمري وكل حياتي
خلص الوداع السياره بداخل البيت كلشي مااشوف ابد صعدوني بالسياره الي يسوق اخو الجبير لان سلم عليه وباركلي اني لحد الان ماشايفته ابد وبالصدر ابو
اخذونه للمصور وجنت شايه هم شكبره
وصلنه ولكيت ديما قبلي همزين دخلنه ورتبتني وطلعت
اجتي المصوره وبدت تعلمنه ع مود الجلسه
كل اللقطات جانن جريئات وهو يضحك عليه ادري بي يريد يغثني عود
طبعا انتبهت عليه طالع كلش حلو وانيق بشكل هو شكله كلش حلو
بس اللقطه الي ردت من صدك ينغمي عليه من الخجل من طلبت منه يقبلني ب👈👄 انتهيت بلحضتها حاولت ااشرله ردت يرفضها بس هيهات بانت محاولاتي بالفشل الظاهر هو فرحان بهذا الشي
قبلني وطكينه اللقطه بس شنو بعد ماطلعت روحي 🙃
كملنه ورجعنه للسياره طبعا لا اشوف ولا اسمع
وصلونه يمكن لحدود المحافظه ووكفت السيارات يودعونه وترجع الزفه
الكل نزل بس اني بقيت
وره فتره رجع مرتضى كعد يمي
مشت السياره لحضات وجان اسمع صوت ديما حيل فرحت واحس الدمع رجع لوجهي
احمد سلم عليه وباركلي اني يادوب ينسمع صوتي لان خجلانه
اني اعلمها ديما ولا حجت ولا كالت اروح وياكم
شاورني مرتضى اسف
ع شنو
ع مود الصور تعرفين اني مجبور اطاوعها المصوره لخاطرج
اي مبين 😏
بس لا ممصدكه
لا وعلويش مااصدكك
تعال كولي هاي ديما واحمد يروحون ويانه للفندق
اشو هذا عله صوته اي ذوله ناس لزكه لاعدهم احساس ولا كرامه
هاي شبيك عيب منهم ليش تصيح
وليش عيب
احمد ضحك يابه ع كلبكم وين متروحون وياكم وامن لا عندنه كرامه ولا احساس ولزكه ع كلوبكم
اني حجيت بصوت ناصي لا بالعكس والله اني فرحت لان ديما وياي
ديما حجت شلونها المفاجئه
اني اعلمج خل نوصل والله كريم
لا عيني لا نعرفكم ولا تعرفونه رجلج يبتلي بينا اذا حاولنه ندخل يمكم اجلي العتب بعدين
كام يضحك مرتضى شحدك انت ومرتك تزعجونه والله اشردكم من الفندق كله
ها خو سمعتي هذا فد واحد مايستحي يحجيها بوجهي ميكول عيب من اخويه وصديقه
وعليمن عيب شنو اني جايبك داز عليك اشو انت حشرت نفسك كوه
لتصدكين بي هذا واحد جذاب اسبوع كامل يتوسل بيه واني مااقبل بس قبلت لخاطرج لان كلت خطيه اجيب ديما تنام وياج بالليل وتخلصج من هذا الغثه
هههههه شحدكم ادخلون للغرفه دقيقه وحده
اكلك دوختنه شغل اغاني وعينك ع الطريق ركز بالسياقه ولتزعجنه بعد خل ناخذ راحتنه اني ومرتي
اني بداخلي اضحك عليهم حلوه علاقتهم سويه
شغلوا اغاني وعلوا الصوت
كلي لازم نبقى نسولف اخاف هذا يشك بشي لان فد واحد مااريده يلزم عليه لزمه ويضحك شيخلصني منه
اني ساكته
اشو ساكته
ها شاحجي
اي شي يعجبج احجي
ماابالي اي شي احجي
لعد شلون رايج تخليني احجي بوحدي
اي عادي انت احجي واني اسمع
بقينه كل شويه نحجي بمواضيع عامه
نص الطريق وجان تتخربط علينا ديما خطيه كامت تتقيئ لان هي حامل واكيد السفر مو زين عليها ابدايه الحمل هي
نزلت وغسلت وارتاحت وكملنه الطريق
حجه احمد ها مرتضى هسه ارتاحيت من خليتني اجيب ديما والله اذا صار شي بيها لو بالطفل احملك المسؤليه انت ومرتك خاف تكول ماكلت يحجي ويضحك
هذا جاوبه لاوفوكاها انت تحملني المسؤليه هاي فوك ماخربت زفتي والله انت بطران
اني متاكد هاي انت حسدتنه
ع شنو احسدك ولك
اسال نفسك بس والله حرامات خرب فلمي عبالي اعرس وياك مينطيني كلبي اخليك تعرس بوحدك بس الظاهر انظربت بوري
مرتضى كام يضحك عليه حيل وياك تستاهل
بقوا يحجون واني وديما ولا يمهم ديما خطيه حيل تخربطت واني متت تعب
واخيرا وصلنه ورحنه للفندق اني تبهذلت بالبدله كوه وصلت للغرفه بعد عناء
دخلت ويايه ديما وطلبت من مرتضى ينتظر يم احمد شويه
واخيرا رفعت البركع لان حيل احتريت واختنكت
قبل كلشي كتلها تعاي كوليلي ليش ماعندي علم بجيتج وياي
والله اني مثلج اتفاجأت وجان مسويها مفاجئه الي
خطيه شصار بيج حيل انقهرت عليج
والله صارت الي مساله طبيعيه هاي يوميه متخربطه هيج
هسه شلون صرتي
احسن وهم وره العشه اخذ علاجي وانام وارتاح
تعاي خل اعدلج
شتعدلين مني عوفيني اني اعدل نفسي انت ارتاحي ومعليج بيه
لا مابيه شي ليضل بالج يمي
عدلت التسريحه والميك اب خابرها احمد فتحت الحاكيه متكدر تخلي باذنها
كللها اروحلج فدوه لطلعين من الغرفه اليوم باتي يم بنت عمتج احسن الج والها
ليش عود
انت اخلصي مني لان ناويلج غير نيه وهي خل تخلص من هذا اللزكه
سمعنه مرتضى يحجي ايا خره هذا منو اللزكه لك ابو البنات اطلع سوالفك واخلي ديما اطردك اليوم
لك اني ابو البنات لو انت حبيبتي ديومه معليج بهذا الخبل ابقي هناك احسن
لا اخيج ديما استعجلي بعناد هذا ابو البنات
خرب يومك راح يشحنها عليه وين انطي وجهي اليوم
همه يضحكون واحنه متنه ضحك
كلتله تعال اني راح اطلع
رشت ورد مجفف ع الفراش
نزلت البركع ع وجهي
هاي ليش
احسن هو الي يشيله من وجهج
صدك الجنطه اشو محد نزلها اريد اجهزلج ملابسج
عوفي كلشي وروحي ارتاحي اني ارتب كلشي
معقوله اهمج اكيد تردين تتخلصين مني 😂
هاي وين تفكيرج راح لبعيد والله العظيم لو يطيح بيدي جان بقيتج يمي للصبح لان خايفه حيل
والله ولتخافين اصلا عادي ماكو شي ان شاء الله
هي وين تفكر واني وين افكر
شلون راح انام ويا بنفس الفراش شلون راح انزع البدله
قررت ارفع البركع من وجهي بس تطلع ديما لان ماكو داعي لهاي السالفه اخاف يروح باله لبعيد وعباله اني اريد هذا الشي
لحضات واندكت الباب فتحته ديما وعافتنه وطلعت قفل الباب وراها ملحكت انزع البركع
بده يتقدم باتجاهي واني كلبي احسه راح يوكف صار مقابيلي ورفع البركع وجان يفاجئني ب......
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 26❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
رفه البركع وجان يفاجئني يبوسني براسي حيل اتوترت وخفت
جسمي كله يرجف
هاي شبيج ترجفين بردانه اطفي السبلت
اشرت براسي لا
لعد شبيج لتكليلي خايفه
هزيت براسي اي
من شنو خايفه هاي شبيج صلي ع محمد يمعوده احد كلج اكل بشر وحتى اذا اكل بشر يستحيل اكلج انت حجاها ويضحك
اني عيوني بالكاع ابد مرفعتهن
كومي بدلي وغسلي وارتاحي حتى بعدها اني هم ابدل حتى نصلي سويه
استحي اساله وين ابدل بقيت حايره
كلي مااكدر اطلع بره حتى تبدلين بس راح ادير وجهي واواعدج ماالتفت لمن تكملين
ارتاحيت شويه
وين الجنطه
هياتها هاج
بس قبل لتبدلين تعالي ناخذ شكم لقطه سلفي سويه اكيد هم راح يسالنج صديقاتج
اذا صور عاديه موافقه واذا بيهن وكاحه لا
شنو قصدج بالوكاحه 😉
انت تعرف قصدي شنو
مااعرف قصدج اصلا
سكتت مااعرف شاكول
اخذنه شكم لقطه وبعدها دار وجها كال يله بدلي
طلعت الدشداشه حاولت افتح السحاب بس ماكدرت 😔 ردت ابجي
حرت شاسوي وشاتصرف بعدين كتله مرتضى اكدر اتصل بديما
ليش شكو وليش ممبدله بعدج
مو السحاب مااكدر افتحه
جان يفتح عيونه اي وشتردين من ديما
اريدها تجي تساعدني
لا بربج تحجين صدك
اي وين المشكله
شنو انت غشيمه لو تغشمين نفسج
يعني تقنعيني متعرفين انو العريس يفتح السحاب للعروس وانت تردين تفضحيني وفوكاها كدام احمد حتى يزفني زفه من هاي الزينه
لعد شاسوي
تعاي اني افتحها الج
تحجي صدك عود
اي اكيد احجي صدك
لا بطلت راح انام بالبدله اليوم
لج لتصيرين مخبله تعاي افتحها وفضيها بدلي حتى نصلي ونتعشه
ما والله لو اموت مااخليك تفتحها
لعد ابقي اني راح اسبح وابدل
عافني ودار وجها بده ينزع اني درت وجهي وغمضت عيوني
بقيت هيج لمن سمعت صوته ديري بالج تفتحين عيونج لان بس تفتحيهن راح اكلج
ها لامتاكلني بس بدل وخلص وكولي
لج حتى سبح سبحت وانت من كل عقلج مغمضه
فتحت عيوني شفته ينشف بشعره
لعد شو محسيت اباب الحمام انفتح
يجوز حتى سمعج ثكل من الخجل 😜
زين الحل شلون اني ميت جوع تبقين بالبدله
ردت ابجي والله مااعرف شاسوي
زين طفي الضوه ودير وجهك وافتحها
كام يضحك هاي شلون دبرتيها هم ضوه ماكو وهم ادير وجهي
اريد ترك وحده لان يستحيل ادبرها 😂
ماادري شتختار انت بس الله عليك لا تباوع ابد
يابه والله مااباوع بس فضيها تعالي راح ادير وجهي بس الج مهله دقيقه وحده وتكملين 😂
هاي شلون دقيقه 🤔 والله ماالحك
يابه ع راحتج واليوم ان شاء الله حجه للصبح راح ابقى اتاني العشه لمن تكملين
سكتت محجيت شي
اتقربت يمه وكتله بداعت امك وابوك لتباوع
يابه والله العظيم مااباوع بس فضيها
جسمي كله يرجف واتذكرت لمن اغتصبني حيل خايفه منه
فتح السحاب وهو ميباوع
كال زين نظر ممنوع يصير المس لو هم ممنوع
اني طفرت دير بالك تلمسني عليك الله لتلمسني
هو اتفاجئ يمكن بردة فعلي بس اني حيل خايفه مااريد يلمسني ابد
يابه تره اشاقه وياج هاي شبيج نزيتي حبيت الاطفج لااقل ولا اكثر حسيت بي ضاج حيل
اخذي راحتج بدلي راح انزل اجيب العشه واجي
عافني وطلع ارتاحيت من ناحية طلعته حتى اخذ راحتي بالتبديله بس ضجت لان يمكن اتسرعت بردة فعلي
سد الباب وراه اني استغليتها دخلت للحمام غسلت بس جسمي ووجهي بقيت شعري لان لازم اوخر البلاوي الي بي وبدلت وطلعت
طلعت لكيته بعده لبست دشداشه طويله بس نص ردن لون وردي فاتح
علكت البدله وبديت اسحب الماشات من شعري كملت وهو بعده مجاي حيل اتاخر مااعرف وين راح
رحت اتوضيت وصليت وكعدت انتظره وره دقايق اندكت الباب كلت منو بصوت همس جاوبني اني فتحت الباب
دخل وجان يتفاجئ بيه
هاي شلابسه شنو ناويه تفضحينه كدام بنت خالج وصديقي
ليش اني شسويت
هاي شلابسه يعني اذا اجت ديما وشافتج هيج بدون سيتج الابيض شراح تكول عليج وعليه
بس مراح تجي اني متاكده منها
وشنو الي يخليج متاكده
يستحيل يجون يزعجونه
واذا اكلج راح تجي هسه
لا تجذب عليه
وهو هذا الموضوع بي جذب بربج
لعد شلون والله اخجل منه
يابه اتصرفي طبيعي واحسبيني مموجود لاتحاولين تفضحينه خل هالكم يوم يتعدن ع سلامه
بس ش..... بعدني ممكمله لابس ولا هم يحزنون اتمنى منج متعاندين ابد لان الصراحه مااحب البنيه العنوديه
سكتت مااكدر اجاوبه بعد لان حسيت بي حيل مزعوج مني
رحت بدلت السيت بالحمام وجنت حيل خجلانه منه لان مفضوح حيل بس مجبوره
طلعت لكيته يصلي كعدت انتظره وحيل خجلانه
كلي يله تعالي ورايه خل نصلي
كملنه وخله الاكل يله تعالي اتعشي
مااشتهي وفعلا مااشتهي ويني وين الاكل
احنه شكلنه روان مااريد اعناد تعالي خل نتعشه سويه
اتقربت يم الاكل بس جسمي يرجف مااعرف ليش
بدينه ناكل خليت اول لكمه بحلكي جان يكلي
روان ميصير هيج عوفي الخوف وعوفي الخجل ع صفحه يعني اذا رجعت للبيت وهيج اتصرفتي شراح يكولون اهلي
يابه اطمئني وحق الحق ماالمسج ولا اتقربلج اله برضاتج لو شيصير ف انت امني ونامي رغد
منطقت ولا حرف
كملنه العشه هو راح يغسل واني بقيت الم بالمواعين دك جهازه وهو بالحمام بقه يلح
اجه رفع خط
انعل عشيرتك واحد واحد ماتكلي شتريد مني
يابه وانت شعليك اتاخرت متاخرت لتكون ولي امري وماادري
يابه دطير انت ومرتك ساعة السوده الفكرت بيها اجيبكم
اهووووو يابه خل تجي امرنه لا الله اني راح اجيك وهي خل تجي
سده الجهاز والتفتلي
هايابه شكلنه راح تجيج ديما مااريد اي بشر يعرف الي بينه اتصرفي طبيعي وكليلها بالليل يله نفضها السالفه
اوك
وياريت تتصرفين طبيعي واضحكي وعوفي الخجل
دنكت اوك
بده يعدل بدشداشته واخذ جهازه ومحفظته
هم محتاجه شي اجيبلج وياي
لا شكرا
اندك الباب
الدشداشه هاي اخفيها وين مخليتها هنا اخذها مني وشمرها بالحمام هيج لا ع التعين يمكن ارتبك لان ديما اجت
فتح الباب هو طلع وديما دخلت
لج ذوله مايستحون لو شايفه شيحجون بالقلم العريض
ضحكت اي سمعت
تعالي كليلي فضيتوها لا
لا لليل يادوب بدلنه وصلينه واتعشينه
انت رايده شي مني
ليش
مو مرتضى كال لاحمد وره العشه خل تجي يمها خطيه خايفه ومرتبكه
لج ياخايفه جسمي كله يرجف
ع شنو بله
هيج
والله مساله طبيعيه وخري الخوف وسلمي نفسج وهاي هي
تعاي كوليلي شنو هذا وجهج ولا جنج عروس بليلتها
شبسرعه غسلتي وجهج ماتسوه كومة الفلوس الي ذبيناهن بالصالون
اي والنبي 😂😂 بس مااحب المكياج هيج
دتعاي خل اسوي وجهج
اني اسوي اكعدي انت وارتاحي
بديت ارتب وجهي بس ماعجبها ديما كالت شنو انت بنت بيت وهيج تخلين بابه انت عروس تعالي
وجان تخلي حمره طوخ ماقبلت مااحب الهيج احب الهادئ
تسكتين لو اموتج والله مايصير انت عروس
لعبت طوبه بوجهي سكتت عنها كلت بس تطلع اغسل
بقت تعلمني واني ولا يمها افكر شلون راح انام ويا سويه اليوم هل راح يلتزم بلي كاله لو لا
بقينه شويه مو هواي وخابرت ديما احمد كلتله خل يجي اني اريد انام تعبت
كتلها روحي ليش خابرتي احمد خلي ع راحته شوكت مايجي يجي
اي عفيه خوش فكره حتى تبقين بوحدج وره مااعوفج وتغسلين وجهج واطلعين جنج جبار
هذا منو جبار ولج والله اني بالطبيعه احلى من بالمكياج مااحب هيج احس بنفسي اوڤر
يعني توقعي بمحله لو تموتين ماانطيج مجال من يجي رجلج يله اطلع
انت متحبين المكياج بس هو لا الرجال يحب هيج مرته يوميه تتلكاه
اندك الباب ضحكت كالت الاخ شكد مستعجل بعدني ماخابرت اجه 😂
فتحت الباب وطلعت هي وهو دخل وقفل الباب
باوعلي لحضات ودنك دخل للحمام وبعدها طلع كبل نام بالجربايه
مرتضى : خلصت الحنه ورجعنه للبيت بقوا ناس يمنه للعشه بيت عمي وعمه وخالاتي
وره العشه طلعت تواعدنه اني واحمد واثنين من جماعتي
لكيتهم محضريلي مفاجئه حفله ع طريقتهم الخاصه احتفلنه ورجعت بوقت متاخر
رجعت للبيت وخابرتها كلت اخاف بنات يمها واخليها بموقف محرج
اشو هاي انهدت عليه ومتت ضحك عليها كلتلي خابر احمد عرفت ديما كاعد تضايقها احتمال
اتصلت باحمد لك عار تعال اخذ مرتك لان نايمه ع كلب مرتي
يابه دطير يامرتي يامرتك خليني ماخذ راحتي اليوم ويضحك 😂😂
لك سربوت والنبي اخلي روان تحجيلها كلشي عن الحفله
دسويها وشوف شاسوي بيك هم اكل لروان عليك
عادي اني قابل لان يستحيل تزعل عليه بليلة عرسنه
وهسه المطلوب مني شنو
المطلوب تخابر مرتك واطلعها من غرفة حبيبتي لان اريد اخذ راحتي وياها ميصير انت نايم ع كلبي وهي نايمه ع كلبها
لك اكلتني وشربتني دكافي راح اخابرها بس جفيني شرك
وره شويه اتصلت بيها واتفقنه ع كلشي
الصراحه اني جنت فرحان بس من حجيت وياها هبطت معنوياتي يعني مراح تتقبلني ابد راح اتركها ع راحتها
ثاني يوم جابت الجنطه شهد الي ناخذها للفندق لكيتها مرتبتها ومخليه بس ملابس نوم ووياهن مكياج وملابس ترجع بيهن
شلون راح انام وياها بنفس الغرفه وبهذا اللبس مااعرف اني من شفت الملابس عركت اذا شفتها لابستهن شراح يصير بيه 🤔
رتبت ملابسي وكملت احمد تكفل السياره ومسوين اهلي غده بسيط
صليت واتغديت وبديت اجهز نفسي هيج جان ستايلي
اجه موعد الزفه وطلعنه زفه بسيطه جماعتي وشكم واحد من اقربائي
وصلنه طبعا من الخبصه والخجل ابد مركزت بيها بس كامت تبجي ونلعب بيها طوبه
بعدين سكتت كوه وصعدنه بالسياره هي ابد متعرف احمد وشهد ويانه
نزلنه لجلسة التصوير طبعا احلى فقره بالعرس كله لان كدرت المسها وابوسها حسيت بنفسي ذايب بين اديها مااعرف شلون راح اصبر عليها ماادري
كملنه وانطلقنه للفندق خليت المساله طبيعيه كدام احمد وديما وسولفنه اني وياها
وصلنه هي دخلتها ديما واني واحمد بره شويه ودخلت جانت طالعه لعابه كلش حلوه استغليت الصور واخذنه سويه همين
رادت تبدل بس المشكله السحابه
رفضت افتحها ومن كل عقلها تريد تصيح ديما تفتحها
كوه قنعتها واني داير وجها وحبيت اتشاقه وياها وهم اقيس نضبظها
كتلها واللمس هم ممنوع وهي طفرت طفره اني من يمي نزيت عبالي شو شبيها
الصراحه حيل ضجت من ردت فعلها حتى لو ممتقبلتني المفروض متجرحني هيج تحجي ويايه بهدوء وهو اصلا اني قررت ماالمسها بس حبيت اتشاقه
طلعت من الغرفه وجنت حيل مخنوك لدرجه متنوصف
طلعت بره الفندق ورحت لسوبر ماركت اخذت جكاير وكرزات وحلويات كلت اخاف تستحي متاكل
بقيت افتر شويه لو يطيح بيدي ماارجع للفندق لان حيل ضايج
لكيت احمد هناك وبقيت حاير شاكله سالني شمطلعك هسه
كتله جبت كرزات وحبشكلات وجكاير
بقينه نسولف شويه كتله شويه ودز ديما خطيه حيل خايفه ومتوتره
صار تدلل
رجعنه للفندق دخلت للغرفه واتفاجئت بيها لابسه دشداشه مااعرف منين جابتها هاي اذا اجت ديما وشافتها راح ننفضح اكيد
طلبت منها تبدل مبين عليها عنوديه وراح اتعبني وياها بس لازم اتحملها لمن تمر فتره واطلكها لان يستحيل راح توافق عليه بيوم
صلينه واتعشينه طبعا هي مثل العصفور تنقش تنقش
اخذت الدشداشه وذبيتها بالحمام بالكاع اتعمدت حتى متسويها وتلبسها بعد
اجتي ديما واني طلعت يم احمد سالني فضيت السالفه كتله لا خليها بعدين الليل طويل كدامنه
حس عليه ضايج لان مبين واني هم احس روحي طالعه من الدنيا كلها وبس اشرب جكاير
كتله ضايج اتذكرت زوجتي الله يرحمها
وانت متتذكرها اله بهيج يوم
هاي بعد اجت كبالي
يمعود اذكر الله وكول الله يرحمها ولتخلي هاي السالفه تعكر ليلتك واخاف البنيه تحس بيك عيب منها
الله كريم بس ادخل راح انسى كلشي اكيد
بعدها رجعت وديما راحت وي احمد باوعت عليها لكيتها مخليه مكياج وطالعه حيل حلوه بس الخجل واضح عليها اني نضره مني واتجاهلتها رحت للفراش وانطرحت وغمضت عيوني بايدي
كتلها هاي حلويات وكرزات اخاف تجوعين واذا ماعندج شي طفي الضوه وتعالي نامي
احجي ومغمض عيوني
هي ولاكانو موجوده حسيتها راحت للحمام اكيد ع الدشداشه تركتها ودرت وجهي للجها الثانيه لازم احاول انام لان الموبايل مااكدر افتحها لان الي يشوفني شيكول عايف مرته وحاير بالجهاز
طلعت كلتلي ماكو بطانيه لخ
ليش شتردين بيها
اليه اريدها
تحجين صدك انت اكيد ناويه تفضحينه اكو عرسان بليلة عرسهم يطلبون بطانيتين
لعد شلون مااعرف اتغطه وي احد
تعاي نامي واني راح اروح بالامام انام لان حيل ضجت الصراحه كلامها استفزازي
سكتت منطقت شي
كمت ولبست الدشداشه وردت اطلع وكلت اليشوفني والميشوفني
جان تكول لا تطلع اسفه والله مو قصدي اضوجك لو ازعلك راح انام واسكت
لج بابا اتحملي هنه يومين اتلاثه ونرجع هناك شنو التردي اسوي الج بس لتفضحينه
اني اسفه والله بعد مراح احجي شي
لعد يله تعالي نامي واسكتي
صدك نامت بالطرف اني نزعت الدشداشه وطفيت الضوه ونمت بفراشي
حجيت وياها والنبي مابيه جرب ولا مرض معدي واعديج لتخافين تعاي ادني ولتخافين
ادنت شويه
كتلها اذا كعدتي من وكت اسبحي واغسلي السيت الابيض حتى ديما ماتشك بشي وكليلها فضيناها للسالفه
سكتت محجت شي
حاولت انام بس مااكدر لان نايمه يمي شعوري مينوصف ابد بهاي اللحضات والمشكله هي متثبت ابد
لج بابا اثبتي اريد انام لتخافين لااكل بشر ولا اشرب دم
هدئت شويه وبعدها اني نمت رحت بسابع نومه ماادري بيها نامت لا كعدت لكيتها ماكو بالفراش سمعت صوت المي بالحمام
وره شويه طلعت وجانت لابسه سيت احمر بس شطالعه غير تموت بنت اللذين
صباخ الخير
صباح الورد
بالعافيه
شكرا الله يعافيك
اخذت الخاولي وملابس الي ودخلت للحمام سبحت
طلعت لكيتها تجفف بشعرها جان طويل ومخليته ع الطبيعه يعني لاصبغ ولا شي وهو سرح كلش حلو
جهازك هواي دك
منو
ماادري
انشف بشعري وجبته طلع احمد
دك عليه كلت الوو
لك هاي كله نوم
ايا عار انت شعليك بيك حتى بليلة عرسي ماعفتني بحالي
لك غير منتظرك ع نار اخاف مدبرتها 😂 ادري بيك جبان
ماكو جبان غيرك وع عنادك للصبح منمت شتريد بعد
اي مبين حضوض مو مثل حضي احط ايدي منا تجيني دفره منا من ابن النعال يمكن يكلي لتلمس امي لا اطيح حظك 😂😂😂
حيل وياك 😂😂😂😂
اعرف شعندك سابيني من الصبح شتريد مني
غير احوص عليك ومااعولك تكعد
ليش شتريد مني
مااريد شي بس اريد اريكك
هاي هي
اي وداعتك اريد اريكك وشكم سؤال عندي وهاي هي
عوفني بحالي ماالي خلك اسئلتك ومراح اطلع من باب الغرفه
شنو بكيفك اذا مطلعت عادي اني ومرتي نجي ع كلبكم
شحدك غير اكسر رجلك
يله ولك بدون لغوه زايده اطلع اباب الغرفه حباب بدون صوت
امري لا الله اطلع بس اهم شي لتجيب مرتك تنام ع كلبنه
اني الك ولك هيج صار الحجي بسيطه
طلعت بره والخاولي وخرته بس شعري مبلل بعده
لكيته واكف بالباب
ها ولك مسويها صدك وكل شويه تسبح شنو مشايف مشوه 😂😂
اكل تبن ولك انت شعليك بيه حتى ع هاي راح تحسدني
لا يابه ع شنو احسدك بوسني وباركلي وانطاني الريوك وراح
دخلت والضحكه مرسومه ع وجهي كلت الناس وين بالها واني وين بالي
دخلت لكيتها مخليه مكياج بس خفيف بس احس الخجل واضح عليها
كتلها تعالي اتريكي
مااشتهي اكل بوحدكً
روان ايالج وابالج اكعد اكل ومتاكلين وياي ممنوع اعذار حتى لو قبل دقيقه ماكله لازم تكعدين وياي وانسي الخجل
بس والله مااشتهي صدك
مو مهم تعالي اكعدي
كعدت وفتحت العلاليك لكيت جايب كيمر عرب وعسل وكاهي ضحكت خرب يومك احمد هاي شلون دبرتها
اني بديت اكل بس هي صافنه ها وين صافنه
مااحب الكيمر العرب
لعد شمتعوده شتاكلين وي الكاهي
قشطه عاديه
سهله راح اجيبلج واجي واجيب جاي
نزلت جبت من المحل قريب ع الفندق وصعدت
وصلت للغرفه دكيت الباب هواي بس ماكو وين صارت
دكيت عليها رفعت خط بس مبين عليها جانت نايمه
كتلها افتحي الباب
فتحتها وين جنتي من شوكت ادك الباب
اسفه بس نمت ماادري بنفسي
اعتقد للصبح منايمه
اي صحيح
ليش هالخوف والقلق والله وعد مني مااذيج ابد
ادري ومتاكده بس ممتعوده ع وجودي وياك
ان شاء الله تتعودين وتصير مساله طبيعيه بس ديري بالج تتوهمين كدام اهلي واهلج لان كدامهم حبايب وطبيعين وخلفهم فاره وبزونه 😂
تعالي اتريكي وصلي لان راح ياذن وبعدها نامي وشوكت متكعدين نروح نزور
اوك
كعدنه ناكل سويه هي شكم لكمه معدودات واني لا اكلت لمن شبعت لان اموت وافقد ع الكاهي والكيمر
كملنه واتوضينه هي شالت الهوسه والبقه كتلها خلي بالثلاجه
صلينه وكملنه دك جهازه اعتقد امها
كلتلها تم كلشي والحمد لله هسه زينه
من خلال حجيها اتاكدت امها بس كوه تحجي لان مبين عليها خجلانه
نهت المكالمه واجت للجربايه كالت راح انام لان بعد مااقاوم ابد منمت بالليل
عادي نامي واطماني مراح اكلج ابد اذا جعت وشوكت ميعجبج اكعدي
اني فتحت جهازي لكيت هواي تهنئه من اصدقائي وخابرت امي وابوي وباروكولي بعدها بقيت اتصفح بالجهاز اباوع عليها نايمه مثل الملاك ولافه نفسها لف بالبطانيه
نمت يمها وبقيت اتامل ملامحها اول مره انتبه عليها من قرب جانت حيل حلوه اول مره من شفتها جانت سمينه ومضيعه ملامحها بس من ضعفت لا طلعت حيل حلوه
اتمنى المسها بس اخاف تكعد ومبين عليها الخوف
حاولت انام وفعلا غفيت كعدت ع صوت الجهاز يدك لكيت الدنيا ظلمه
باوعت للجهاز احمد يتصل بيه
جاوبت الووو
تحجي صدك هاي نايم لهسه
ليش شكو وين المشكله عرسان وسهرانين الليل الكله ورانه سهر همين
لك بابا كافي نوم خل نطلع خل نزور خل نشوف العالم
ماتطلع انت ومرتك احد لازمك
وبطنها لواصله لخشمها تمشي خطوه وحده وتكلي صعدني عربانه حتى لو مطي هم اقبل لان تعبت امده حضي ع هاي القسمه ويضحك
سمعتها تحجي ويا بسيطه الك حمودي اني هيج اكول
كمت اضحك ع صوتي كعدت روان تفرك بعيونها
حيل بي تعاي اكتلي ديومه وخلصيني منه كعدني من احلى نومه بحياتي
لك راح اموت من الغيره 😂 اريد اتزوج مره لخ احسن من هاي الليل كله اخ بطني ها دفرني ها تقلصات كلشي ممفتهم من حياتي
ضحكت من كلبي
انت اضحك وان شاء الله عن قريب مثلي وعود تعال نتكابل اني وياك دك ولطم
تعال كولي شتغديتوا معرفت تكول ذوله العرسان خطيه جوعانين خل اخذلهم غده
لتكول بعدكم بلا غده
اي والله اتريكنه ونمنه وهستونه كعدنه
كول غيرها يمعود احنه تعشينه هسه
لا احنه منريد عشه انريد غده وبعدين نتعشه لان الليل طويل بعده
راح اجيبلكم غده امري لا الله ابتليت بيكم
انتظرني خل اسبح واصلي ونروح سويه
هم تسبح لك انت معقوله هيج وسخ وكل شويه تسبح 😏😏😏😏
لك مو بس وسخ وبطه همين احب المي
ههههههاي بسيطه الك
طبكته ورحت صليت وهي همين صلت
شتحبين اجيبلج اكل
اي شي
يعني مثل شنو
بكيفك ماكو مشكله
اوك
راح تجيج ديما واكيد راح تسالج مو تجفصين بحجايه
شسالفه كل شويه وذكرتني شكلولك عليه طفله وماافتهم
اعصابج يابه شحجيت اني
مثل الزعلت عليه
طلعت وطلبت من احمد يدز ديما يمها
نسيت محفظتي رجعت للغرفه هواي دكيت يله فتحته
طلعت بالحمام وسابحه
اسف ماادري بيج بس نسيت المحفظه
عادي ماكو مشكله
شلون سبحتي ورجعتي نفس الملابس
مو بعدني ع النص وطلعت الك راح ارجع اكمل
امممممم يله لعد كملي بس خلي الباب مفتوح راح تجي ديما
اوك
دخلت للحمام واجتي ديما وطلعنه
رحنه جبنه مشاوي ورجعنه
كتله شويه وراح نروح نزور ونفتر شويه تعالوا ويانه
لا انتو روحوا خطيه ديومه متكدر واخذتها العصر زورتها
باجر شوكت نرجع
والله ماادري بكيفكم
انت بكيفك شوف ابو الفندق ورجعلي خبر
مو اخاف تشلعون كلبنه ومتكعدون
لا لتخاف اوقت المنبه 😂 لو اكلك نبقى كاعدين افضل
خل نسالهم هسه
فعلا استفسرنه وكالوا الوقت ينتهي ب12 الظهر
اتفقنه وياهم وره الصلاه نطلع
رجعنه واحمد بقه منتظر ديما خابرها
طلعت واني دخلت لكيتها ترتب الفراش
جانت لابسه دشداشه قصيره لون وردي طالعه بيها تخبل ومخليه حمره وردي طوخ اكيد لان ديما موجوده هيج تخلي
يله تعالي اتغدي مدري اتعشي
اجت اخذت مني العلاكه رتبت المواعين وخلت القواطي وكعدنه
بدينه ناكل هي نفس الخجل
يابه عوفي الخجل واكلي لان محد يفيدج اذا جعتي
كاعد اكل
لا كولي كاعد انقش
كملنه ولمت السفره
كتلها جهزي نفسج خل نروح نزور
اوك
دخلت للحمام وطلعت لابسه ملابس الطلعه ووجها غاسلته احتمال توضت
رجعت خلت ميك اب خفيف اني هم بدلت كتلها يله
اشو هاي تريد تطلع هيج بدون عبايه
هيج راح اطلعين
طبعا هيج اطلع وين المشكله
تحجين صدك لو تشاقين
احجي صدك وين المشكله
اعتقد اني فهمتج قبل الزواج كتلج راح البسج عبايه من نتزوج وانت وافقتي
لا عفيه لتكول ناوي صدك تلبسني عبايه
لعد كاعد اجذب عليج مطلعين من الباب بدون عبايه
لاحباب والله مااعرف البسها
عادي اتعلمي عليها ديما قبلج جانت متلبس وهسه لابستها وشحلاتها بيها
زين هسه شاسوي اصلا ماعندي عبايه ولا فكرت اجيب ويايه
خل نبقى مو لازم الزياره
هاي شلون معقوله صارلنه يومين وباجر نرجع ومنزور
راح اروح اشتريلج عبايه واجي
لا دخيلك متعرف قياسي ولا ذوقي خل اطلع واخر مره ونشتري قبل لنزور
روحي بدلي لبسج بالاول
مجايبه ويايه بس هذا والباقي مالت بيت
راح اجيبلج عباية ديما
والله متلبسني ديما اطول مني معناها اوكع بالعبايه لا محال
والحل
عفيه خل نروح سويه واشتري ع ذوقي وقياسي
امري ل الله اطلعي
طلعنه سويه وع اعصابي
احس الناس كلها تباوع عليها واني افور دم اخر مره اطلعها هيج
بعدنا هستونه طلعنه وجان نتفاجئ ب......
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 27❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️❣️
جان اتفاجئ بصديق الي هو وعائلته وهذا شلون غثه وعيونه زايغه
سلم عليه ولو يطيح بيدي ابوشها لروان محبيت احد يشوفها بهاي الصوره روان بدون عبايه معولت اخلص منه لان جان لزكه يريد يبقى سين وجيم واني روحي بخشمي اعتذرت منه واترخصت
كمت افور دم مشينه لزمتها بايدي ومشيت سريع اتفاجأت بيه
وصلنه لمحل يبيع عبي كتلها يله اختاري ع ذوقج
حسيتها ضاجت بس شاسويلها قابل اني ماعندي وحده باقربائي سافره بدون عبايه
نقناقيه بشكل كوه اقتنعت بوحده معجبتني بس مضطر من ارجع اخلي امي تشتريلها
رحنه زرنه وكملنه هي ضايجه فول واني معصب فول
كلت لازم نكعد ونحجي عن كلشي بلكي نهدئ اثنينه ونوصل لحل
كتلها تعالي خل نكعد بين الحرمين
كعدنه صرنه واحد مقابيل الثاني بس هي عيونها بالكاع
روان اسمعيني اتمنى تفهميني انت هسه زوجتي كدام الناس ومحد يعرف بلي ديصير بيناتنه لازم تلتزمين بلي اطلبه منج
اني مااحب احد يتفرج ع عرضي
بس انت كاعد تجبرني ع شي مااحبه
اني مااجبرج لاجل غايه مو زينه بالعكس اني لصالحج اريد تلبسين عبايه حتى محد يكدر يمسج بحرف
ممكن اسالج سؤال وتجاوبيني عليه بصراحه
اسال
اذا اخلي جكليتين بالكاع مدة يوم كامل وحده بغلافها ووحده بدون غلاف ثاني يوم منو الي راح تختاريها
اكيد الي مغلفه
والسبب
البلا غلاف تلوثت ويجوز حشره اكلت منها
عفيه عليج وهذا الشي نفسه ينطبق ع ام العبايه والسافره
اكيد العبايه تزيد المراه جمال وستر
تدرين طالعه تخبلين بالعبايه
اي اضحك عليه عبالك تقشمرني اكيد الكل يضحك عليه وانت اولهم
ليش نضحك عليج
لان مااعرف امشي بيها ابد ومبهذلتني
اذا هيج بسيطه اتعلمي عليها يوميه تبقين بالبيت وحدج والبسيها بالغرفه واتعلمي عليها
اني مااجي من الصبح لليل ابقى بالمحل وصدفه ارجع الظهر واخذي راحتج
وصدكي عليج تخبل ابد ممبهذلتج اكيد هاي توهمات
زين اني اذا داومت بالكليه شنو فائدتها اذا لبستها بالسياره وانزعها بالجامعه هم الكل راح يشوفني
شوفي راح اخليج بالجامعه تنزعيها بس غير مكان ممنوع لاي مكان ممنوع غير الجامعه
اوك موافقه
هسه ادبريها نفتر شويه بالمحلات لو لا
والله ماادري ممتعوده عليها بس راح احاول بلكي مااوكع
من هسه اكلج اذا وكعتي لااعرفج ولا تعرفيني 😂😂😂 اختفي من يمج
لعد بطلت مااروح خل نرجع للفندق
كومي يابه ابتليت بعد بيج ميفيد التراجع 😂😂😂
كامت لزمت ايدها كالت مو لهالدرجه مراح اوكع
اس ولا نفس
اخذتها كبل لمحل احذيه كتلها اختاري شوز رياضي لان هذا الكعب العالي هو الي راح يوكعج
شلون اطلعين بي
مو نسيت اجيب ويايه حذاء ثاني
يله مو مهم اختاري الي تعجبج
اخذت وحده ناصيه وطلعنه بقينه نفتر وكتلها اي شي يعجبج كولي حتى اخذه الج بس مقبلت تختار اي شي
اشتريت كرزات وحلويات ورجعنه
بالطريق كتلها خل ندخل للمطعم اني جوعان
يله خل ندخل بس اني مااشتهي
هسه خل ندخل والله كريم
كعدنه سالتها اجيبلج كص لو كباب لو تكه
والله مااشتهي ومااكدر اكل بالليل
واذا اكلج ع حسابي مااعرف اكل وحدي
لعد جيبلي لفة كص
اوك طلبت لفتين كص وببسي
اني اراقبها بدون متحس بيه
كوه اكلت نص لفه وعافتها
اني هم شبعت لان اصلا متعشين
رجعنه للفندق دخلت سبحت وطلعت واني هم وراها لان الجو هم بعده حار
بعدها كعدت ع الفيس بس اتصفح مااكدر اشارك لو اعلق
هي مثلي مبين عليها مجايها نوم لان هواي نمنه
بقينه كل واحد بعالمه الخاص لحد منمنه
ثاني يوم كعدنه واتهيأنه ورجعنه
لكيت البنات ومهند وبيت عمي يمنه
شهد اخذتها وصعدتها للغرفه بعد ماسلموا اهلي عليها وباركولها
مسوين غده وعازمين اقربائنا وجماعتي
بيومها بقينه مخبوصين لليل يله فرغ البيت
صعدت يمها لكيتها مبدله ومخليه مكياج الحمد تتصرف طبيعي كدام اهلي
روان : حياتي انكلبت راس ع عقب بعد الزواج
حيل خجلانه من مرتضى بلبسي وبمكياجي وحركتي امامه مااعرف انام وخاصتا بنفس الفراش حيل متوتره وخايفه
بليلة العرس ابد منمت ولا لحضه وحده وثاني يوم يله نمت واستسلمت
لازم اتعود ع الوضع وملازم ابين شي كدام اهلنا
رجعنه للبيت وجان البيت هوسه ناس هواي سلمت ع عمو ابو لمرتضى وامه وجانن اخواته وزوجة اخو واخو كلهم بالبيت سلموا عليه
صعدت لفوك جنت حيل تعبانه كبل سبحت وبدلت فستان وردي قصير وسويت شعري تسريحه بسيطه وخليت ميك اب طلعت بالصاله الي فوك لكيت ناس هواي سلمن عليه
حسيت بنفسي غريبه بينهم اتمنيت تجي ماما حتى اشوفها حيل مشتاقه الها وحتى لبابا
جابو الغده اني خجلانه واحس العيون مراقبتني مكدرت اكل يادوب لكمتين
بقيت للمغرب ع فرد كعده ناس طابه وناس طالعه
اخر شي كلتلي شهد روحي للغرفه ارتاحي
حيل فرحت دخلت وكبل للحمام سبحت وطلعت عدلت نفسي
وره شويه دخل مرتضى طبعا حيل اخجل منه بس مابيدي شي
سد الباب ودخل للحمام سبح وطلع
اني كاعده ع الجربايه وحيل خجلانه
اندك الباب فتحها جايبين العشه
اني حيل جوعانه بس خجلانه حيل
خلاها بالكاع وكلي يله تعالي اتعشي
مااشتهي اكل معليك بيه
روان اروحلج فدوه اتصرفي طبيعي وعوفي المستحه ع جانب انت صرتي منه وبينه المفروض تنسين المستحه
وخل يكون بعلمج لو شيصير من نخلي الاكل تكعدين تاكلين حتلو صدك متشتهين اتمنى متعاندين
سكتت منطقت ولا حرف نزلت كعدت يمه
بدينه ناكل هو ملتهي ياكل ولا كانو كباله واني هم مهتميت اكلت بس المشكله بسرعه شبعت
كوه خلصت منه اكل كلبي
ردت انزل الصينيه مقبل كال ابقي
اخذها الصينيه ونزل هو
اباوع للغرفه حلوه ونازكه موديل تركي
بس المشكله مابيها لا مخده لا فراش لا بطانيه غير بس الي ع الجربايه
اجه مرتضى بقيت شايله هم شلون راح انام مااعرف انام بنفس المكان اني ويا
قفل الباب مااعرف شيصير بيه من بقفل الباب روحي كلها تروح
كمت للكنتور كلت خل الهي نفسي
الملابس كلهن مرتبات مااعرف منو الي مرتبهن
التفتت لكيته فرش اله بالكاع بقيت صافنه هذا منين جابه الفراش ماادري
ردت اساله بس استحيت
يكلب بجهازه ولا يمي
كتله اصعد انت فوك واني انام جوه
لا انت ابقي ومعليج بيه
صعدت ع الجربايه بس الخوف ممتلكني
مااعرف شنو السبب
بعدين كتله اكدر اتصل باهلي
وين المشكله خابريهم اله تاخذين رايي
اخاف ازعجك
لا ماكو ازعاج
اتصلت باهلي واطمانيت عليهم بعدها نمت
كعدت الصبح لكيته بعده نايم
دخلت للحمام وسبحت طلعت لكيته كاعد
صباح الخير
صباح الورد
اجهزلك ملابسك حتى تسبح
اني احضرهن مااريد اتعبج
لا ماكو تعب
فتحت الكنتور بس محتاره شاجهزله مااعرف
هو حس بيه كلي انطيني اي تراك وملابس داخليه
اوك
طلعتله ع ذوقي
دخل للحمام واني جهزت نفسي وخليت ميك اب
طلع من الحمام
كال راح انزل اجيب الريوك واجي
لا ماكو داعي خلي ننزل سويه ونتريك جوه
اوك يله خل ننزل
نزلنه جوه ماكو احد بس عمو وخاله
سلمنه عليهم
رادت خاله تسوي ريوك مقبلت كتلها خاله اني اسوي النه والكم
كالت متريكين احنه معليكم بينه
سالت مرتضى شتحب تتريك
اي شي مو مهم
سويت بيض عيون واكو جاي حميته
هو طلع كيمر وعسل وجبن
اني مااحب البيض صدفه اكله
اكلت كيمر وعسل وهو اكل البيض
خاله تجهز بالغده
كملنه وغسلنه
اني رتبت المطبخ والمواعين صايره هوسه
كالت خاله عوفي معليج بي واصعدي وي زوجج
لا خاله ماعندي شي
مرتضى راح هو عمو للصاله
بقيت ارتب بالمطبخ لمن اذن الاذان رحت صليت ورجعت كملت خاله صبت غده الها ولعمو اني ومرتضى منشتهي
بقيت ارتب بالمطبخ لمن صارت ب3 كملته
صعدت للغرفه لكيت مرتضى نايم
دخلت للحمام سبحت وطلعت رتبت نفسي هم اتمددت
حيل نعست بس مااكدر انام اخاف يكعد مرتضى
لحضات وكعد
كملتي المطبخ
اي كملت اصب الغده
ياريت لان حيل جوعان
نزلت حميت الاكل وصبيت
نزل مرتضى واتغدينه اني بعدني اخجل منه
كوه اكلت شكم لكمه
بعدها اجوي خطار واجوي اهلي
بعدها خلص اسبوع وخلصت الهوسه وعلاقتي بي مرتضى عاديه
بعدها فتحت موضوع الكليه كلي عادي داومي واني اخذج وارجعج
بديت بتنظيف البيت شي شي رتبته كله وخليته يلمع
مرتضى كام يروح للشغل مرات يرجع الظهر ومرات لا
بالليل يرجع بوقت متاخر
يوميه انتظره ع مود العشه واجهزله ملابسه
بس هو اغلب الاوقات يجي متعشي
مشكلتي كلشي مااعرف اطبخ بس انظف وكاعد استحي من خاله
بده الدوام سجلت خط احسن وافق هو
اكعد الصبح هو نايم اعوفه اسوي ريوك لعمو وخاله وارتب البيت واروح من ارجع الكي خاله متغديه وغاسله المواعين
مرتضى مرات يجي ومرات لا
علاقتنه طبيعيه ماكو شي
هو يجي متاخر وكبل يسبح وينام
اني التهيت بدراستي من اجه الشتاء كمت مااشوفه مرتضى اله صدفه
اكعد الصبح هو نايم والظهر ميرجع وبالليل اغلب المرات يراسلني ويكلي لتنتظرين نامي وفعلا مااقاوم ابقى لان اكعد من وكت
اغلب الايام منلتقي بس الجمعه والسبت
وكل اسبوع تقريبا يدزني لاهلي وره الغده وارجع بالليل
وشهد هم تجي بس مو دائما وابد معاجبتني لان دراستها تركتها واحسها تضحك جذب دائما اسالها وحاولت اعرف البيها بس بدون جدوى دائما تكول مبيه شي
من تزوجنه لليوم لااني بتت يم اهلي ولاشهد باتت يم اهلها
شهد حامل حاليا بشهرالسادس
اجت نصف السنه وبلشت بالامتحانات وابد مرحت لاهلي لان يادوب اكدر اقره وانظف
اليوم صادف جمعه ومرتضى كاعد سويت حمله ع المطبخ رغم عندي امتحانات بس مااكدر اترك البيت لان مترهم هم مااطبخ وهم ماانظف
اجه للمطبخ وطلب اسويله ريوك بيض سلك
خليت البيض ع النار لحضات وانفجرن هو كاعد بالمطبخ
ذبيتهن وخليت غيرهن كال رايح للحديقه من تكملين صيحيني
نسيت نفسي بالتنظيف ونسيت البيض همين 😂😂
لمن احتركن 🤦🏼♀️🤦🏼♀️🤦🏼♀️ اليوم الحظ مكاعد ويايه معاكسني
ذبيتهن وخليت غيرهن بهالاثناء دخل عليه خجلت منه والله عيب شيكول عليه هسه
كال ها الباجه مكملت سكتت مااعرف شاكول هو عرف السالفه
كعد يمي هالمره بقيت حذره وكبالهن شويه ونزلتهن جهزت الريوك اله وحميت صمونه بس تفاجات من ردت اقطع البيض لكيتهن نص ستاوو يبووو عليه وع حضي اليوم
هو ضحك كال بعد مااريد بيض لتسوين غيرهن اخاف يخلص البيض ويصير الظهر والريوك ماكو
جيبيلي جبن قشطه اي شي
والله حيل خجلت واتمنيت اختفي من الوجود
طلعتله وهو عادي ولاكانو اكل وكام
اجتي خاله وطبخت الغده واني استمريت بالتنظيف حيل تعبت وورايه دراسه بس مو مهم
صار وقت الغده جهزت وي خاله كعدوا كلهم اليوم ابد ماطلع مرتضى مااعرف لويش
الكل كعد ع الغده اني مااشتهيت ابد لان تعبت وبعدني ممكمله
الكل كام يحجي عليه بس اني اصريت مااكل
كملوا اني اتكلفت كلشي الكل راح لغرفته بقيت اني بوحدي
شويه واجه مرتضى كلي كافي روحي اتغدي و اصعدي اقري
خلي اكمل شغلي والله كريم
واني اكلج كافي خلي شغلج للعطله
والله مبقالي شي حكمل واصعد
الج مهله نص ساعه مو اكثر افتهمتي لو اعيد
اوك حكمل
كملت ع السريع وصعدت سبحت وجففت شعري لان حيأذن ومرتضى مطالع ابد ردت اساله وكلت اخاف عيب منه وياخذها بغير شي
جففت شعري وكملت اذن وصليت حسيت بجوع
سالت مرتضى شتحب تتعشه
ضحك كال لا دخيلج خلي امي تسوي العشه انت ابقي اقره احسن
عرفت قصده شنو بداخلي حيل ضجت مو منه لا من نفسي لان كلشي مااعرف
نزلت يم خاله لكيت عمو رايح يجيب عشه جاهز
كالت خاله حيجون مهند هو وزوجته
شنو نجهز للعشه غير الجاهز
كلشي ماكو عمج راج يجيب اكل كافي
اجوي ونزل مرتضى وبدينه نجهز بالعشه اتعشوا وبقوا متاخرين يله راحوا نظفت المطبخ وصعدت لحد الان مقاريه شي
حجيت وي مرتضى كتله حروح بغرفة شهد حتى ابقى اقره
لا ابقي هنا عادي ماعندي مشكله
مواريد افتح الضوه ع مود اقره
ميهم هو اني اصلا منعسان
ميخالف مااحب ازعجك خليك ع راحتك
روان تعرفين اكثر شي يضوجني شنو
من احجي والمقابل يعاندني مااحب اعيد الكلام مرتين
الصراحه ضجت منه من حجه هيج يعني شنو اعانده وهو اصلا مااله حق يجبرني ع اي شي مااحب اسوي
هو بقه ع الموبايل يتصفح مااعرف يلعب بلعبه واني اقره
بقيت ل3 تقريبا كملت نمت بس هو بعده كاعد
ثاني يوم رحت للدوام امتحنت وكملت ورجعت اتفاجات بمرتضى هم مرايح للمحل استغربت من هذا الشي
سلمت ودخلت للحمام بدلت وطلعت
لازم احجي ويا وافهم الموضوع
كعدت بصفه وسالته
مرتضى لويش صارلك يومين مرايح للمحل
تعبان وماالي واهس للشغل
بيك شي مريض لو هيج
لامببه شي بس تعبان شويه
زين سيارتك وين اشومموجده صارلها يومين
بالتصليح عاطله
اتغديت لو بعدك
بعدني منتظرج
اروح اجهز الغده لعد انزل ورايه
جيبي هنا بدون زحمه عليج
تمام
عمو وخاله لكيتهم متغدين ونايمين اعتقد
جهزت الصينيه وصعدت كعدنه نتغده هو ذابها ع الصامت واني همين
كملنه اني نزلت غسلت المواعين ورتبت المطبخ وسويتلي شكم شغله وصعدت لكيته نايم اني رغم منعسانه بس كلت خلي اقره هسه حتى بالليل انام من وقت
كعدت اقره وهو نايم بس جهازه مخلي هزاز وكل شويه يدك مااعرف اكعده لو لا بقيت متردده اخر شي كلت خلي اكعده
مرتضى مرتضى
جان نومه شويه ثكيل
بقيت الح عليه كعد
اسفه كعدتك بس جهازك يدك وحيل لح عليك
هو وجها انخطف لونه
ليش ماكعدتيني من البدايه
هو صارلي ساعه اكعد بيك وماكو
اخذ الجهاز وطلع بره يحجي استغربت منه
طول نص ساعه يله رجع للغرفه وجان وضعه مو طبيعي ابد
ها مرتضى خيرك اكو شي
ها لا ماكو شي
منو اتصل بيك ولويش وجهك مخطوف لونه
ماكوًشي
بس وجهك مو طبيعي
لتلحين روان ماكو شي انسي الموضوع
حيل قلقت عليه لان وضعه مو طبيعي ابد
بدل وطلع
سيارته صارلها يمكن يومين ماكو مااعرف وين مااعتقد بالتصليح مثل ماكال
حاولت انسى الموضوع
كملت دراستي ونزلت جوه نظفت شويه واذن
صليت ورجعت للمطبخ
عمو سالني رجلج ليش مكاعد يطلع للمحل وسيارته وين
والله عمو ماادري سالته كال ماالي خلك
وينه هسه روحي صيحي خل احجي وياه
طلع مو بالبيت
وين راح
والله ماادري يجوز للمحل
راح اتصل بي
اتصل عمو بس ميجاوب ابد
وره شويه رجع بس وضعه ابد ميطمن
السلام عليكم
الكل وعليكم السلام
وين جنت وليش متجاوب
صديقي مريض ورحتله للمستشفى
زين شعندك متروح للمحل صارلك يومين
ها ماكو شي بس ماالي خلك والله
اكو شي ابني احجي
ها لا ماكو شي
وسيارتك شنو فلمها
عاطله وبالتصليح
شنو عاطله هيج فجاه عطلت
اي والله يابه
اكلك يابه باجر راح اسافر وي صديقي لاربيل
شنو تسافر وشعندك
مريض خطيه وماعنده احد
اتفاجأنه بالخبر بس محد حجه شي
كلبي حاسني اكو شي بس شنو مااعرفه
جهزت العشه الهم طبعا اني مااشتهيت ابد
مرتضى هم مااكل كال مااشتهي
بعدين كلي اذا تردين جهزي نفسج ادزج لاهلج ابقي شكم يوم ودزوا شهد هنا خلي تبقى يم اهلي
الصراحه انصدمت من قراره هذا صحيح اتمنى اروح يم اهلي واتمنى ابقى بس عيب من خاله وعمو شلون هيج اعوفهم هسه يكولون ع حساب زوجها باقيه يمنه
كتله لا مااروح ابقى هنا
هو مثل الي اتفاجئ
عمو كال بنتي روحي لاهلج معليج بينه وهاي فرصه الج تبقين يم اهلج
وبالنسبه لشهد مو اله تجي ماعدنه شي اني وخالتج
لاعمو ابقى يمكم افضل
مرتضى كال لتعاندين روحي جهزي نفسج وتعالي اخاف اني اطول
عمو كال عمو روحي لان اصلا اني وخالتج نريد ناخذ راحتنه وحدنه نبقى ويضحك
اصروا عليه رحت جهزت نفسي واني دايخه الصراحه
كتله شاخلي بالجنطه مالتك كلي معليج اني اجهزها
رحت لاهلي ماقبل مرتضى يدخل كال ماالحك اريد اجهز جنطتي
دخلت لاهلي والكل اتفاجئ لان جنطتي بيدي
الكل بده يسال كتلهم ماكو شي والله بس مرتضى يريد يسافر وكلي ابقي هنا
التفتت ع شهد كتلها باجر اذا تكدرين روحي يم عمو وخاله ابقى شكم يوم
جان يفاجئنه عمار لا متروح اكسر رجلها اذا فكرت تروح
هي سكتت بس ضاجت اني اتفاجات بتصرف عمار المفروض ميخجلها كدامنه بهاي الطريقه
شفت شهد عايشه بغير عالم ولاكانو ويانه وعمار ولا بحالها وبس يضحك ويسولف وي اسيل وممعبر شهد ابد
كلت اليوم انام وي شهد واحجي وياها وافهم الفلم شنو
بقينه كاعدين ونسولف لوقت متاخر
كتلها شهد اليوم انام يمج احسبي حسابج
كالت ياريت والله مشتاقه لسوالفنه هواي
عمار ولا كانو التفتت عليه ها عمار خو ماعندك مانع
لا وع شنو مانع اصلا تسوين جميل عليه ويضحك
شهد وجها ميتفسر وحيل ضايجه
عافتنه وصعدت
عمار شنو سالفتك وي شهد اشو احسك مو طبيعي
ماكو شي اصلا شنو حاجيه وياج شي
لا والله ابد بس احسك مو طبيعي
جان تكول اسيل خلي تولي هاي ام الرجوله ولا تكعد راحه
شنو هذا الحجي اسيل مو عيب هيج تكولين ساعه وسمعتج
واذا سمعت شنو مجذبه قابل
عمار ولا حجه حرف
ماما كامت تحجي عليهم كالت مو عيب هيج تحجين وانت عمار هاي مو نفسها الي كلبت الدنيا ع مودها وسويت الي مصاير
قابل شنو الي مسوي الها اشو طبكتن عليه اثنينجن
خل اروح انام افضل
صعدوا وبقينه اني وماما
شنو الفلم ماما لويش هيج وي شهد
والله ماما مااعرف اي شي ودائما يصيح عليها ويفشلها كدام بيت جدج واني احجي عليه بس بدون فايده
زين لويش متجي لاهلها خطيه دائما يسالون عنها
والله ماما مااعرف لويش من اسالها تكول مااكدر اروح
مو طبيعين ابد اليوم احجي وياها وافهم الفلم كامل
اي والله ياريت يوم
راح اصعد انام لان باجر ورايه دوام
منو الياخذج ويجيبج
السايق مرتضى خابره واتفق وياه بس ميندلنه لازم اروح وحدي كلي لبابا اروح ويا يوصلني بطريقه وارجع وي السايق حتى يندلنه
اني اكله ان شاء الله روحي نامي والله كريم
صعدت لكيت شهد بغرفتي
بدلت ملابسي وكتلها تعالي سولفيلي كلشي بالتفصيل شنو علاقتج بعمار
عوفج مني بالبدايه انت سولفيلي عنج انت ومرتضى وباجر الدور عليه
والله ياشهد علاقتنه ك اخوه مابيناتنه اي شي
ليش محاولتوا تتقربون لبعض
بالنسبه الي مااكدر. وهو هم اكيد مايكدر
شنو السبب ياعيني
والله مااعرف السبب كل الي اعرفه اني ويا مستحيل نتقرب لبعض
لج والله مرتضى حباب وطيب كلب مو لان اخوي احجي هيج
مو مهم هذا الحجي
اريد اكلج شي كلبي لاعب واحس اكو شي صاير ومرتضى ميريد يحجي
حجيتلها ع وضعه المرتضى
كالت ان شاء الله ماكو شي انت يتهيالج
الله يسمع منج
بقينه نحجي بهواي مواضيع وبعدها نمنه
ثاني يوم رحت للكليه وامتحنت ورجعت
حاولت اتصل بمرتضى بس جهازه مغلق
حبيت اطمان عليه بس حرامات مغلق
اتغديت وصعدت اقره لكيت شهد بغرفتها يمكن نايمه
حاولت اركز واقره بس مكدرت بالي مشوش
عفت كلشي ورحت نمت كعدت لكيت الاذان ماذن ومخلص والدنيا ليل
كبل فتحت جهازي عبالي الگي رساله او مخابره من مرتضى بس للاسف كلشي ماكو
غسلت واتوضيت وصليت ونزلت جوه يم اهلي
لكيت شهد خطيه مخبوصه بالعشه لان بيت جدو كلهم يمنه وذيج الحيه مدري وين مختفيه هاي شهد تعبانه خطيه حامل وكوه تكدر تشتغل اني متعجبه شلون عماريشوفها هيج وساكت
بقيت احجي كلت لماما ميصير هيج العروس مكملت السبعه مالتها حتى تنزل تشتغل
يوم فدوه اروحلج اسكتي مابيه حيل مشاكل كدام بيت خالج عيب منهم خلي يطلعون والله كريم لان كل مايجون لازم تصير طلابه وعركه
وخرت شهد من الطباخ وهاي ثوله متقبل ابد كوه كعدت خليتها تسوي زلاطه
اجتي زوجة كرارتساعدنه طبعا بسيطه وحبابه بشكل
غيرنه جو حتى شهد حسيتها انسانه ثانيه اليوم لازم افهم الفلم منها كلها بس خلي يروحون بيت جدو
جهزنه العشه وكملنه وجان تنزل العروسه الوجه عبالك مصبوغ صبغ
سلمت والكل صافن عليها
اني من صدك فار دمي كتلها جان بقيتي فوك فرد مره لمن نخلص العشه
جان تكول والله الصراحه اني منازله لو ما حبيبي عمار يلح عليه انزلي اتعشي ويايه مااعرف اكل اله انت وياي
عمار وجها كام ينطي اللوان شهد احسها راحت بغيرعالم اما البقيه واحد صافن بوجه الثاني
اتندمت حجيت لو باقيه ساكته هواي افضل الي
الجو اتوترهواي بابا بسرعه غيرالموضوع كال يله يابه كوموا اتفضلو ع العشه
الكل كام للاكل شهد اعتذرت وكالت راح اصعد انام لان احس بتعب شويه ومااشتهي الاكل
الكل مقبل كالولها اكلي ع الواهس حتى لو شي بسيط
كرار كللها مو زين ع طفلج تنامين بدون اكل
مااشتهي هسه لان اكلت قبل شويه طبعا جذب مااكلت اي شي بس خطيه ضايجه اكيد
جان يكلها عمار خدري الجاي وجهزي قبل لتصعدين
اني متحملت كتله تعبانه شهد خطيه متشوفها خلي تصعد واسيل عود تجهز الجاي
سكت عمار وشهد صعدت احس نار ومشتعله بيه
عمار الي جان ميطيق اسيل ابد شنو الي خلاه يباوع لحلكها وهيج يحجي مااعرف
الكل بده ياكل وبدوا يسالوني ع حياتي وي بيت عيالي وشلونهم ويايه وطبعا مدحت بيهم هواي وهمه فعلا كلش زينين ويايه
اكلت شي قليل وكمت اني جهزت الجاي
كملوا وشربو جاي وراحوا
عمار صعد لفوك هو والحيه
صحت اسيل انزلي اغسلي المواعين
جان تكول اكلج روان ياريت انت متدخلين بشغل البيت انت خطار صرتي احنه مقسمين الشغل بيناتنه
امي كامت تحجي اسيل هاي شوكت مقسماتها اني ماادري لتشوفيني ساكته ومتحمله لان مااحب المشاكل والعتب ع ابني الشفيه الي مفرق تفرقه مو طبيعيه ابد بيناتجن
يوم لدخليني بشغل النسوان اني معليه ذني جناينج اثنينهن وانت قسمي الشغل بيناتهن معليه اني
زين لعد مدام هيج الحجي باجر اني اقسم واي قصور من وحده انت تتصرف وياها وها كون حق الله تمشي مو تتنحاز لوحده
الله كريم بس خلي اصعد اريد انام حيل تعبان
صعدوا اثنينهم وبقينه اني وماما وبابا حجيت وياهم
شلون تقبلون عمار يعامل شهد بهاي الطريقه وبالمقابل اهلها لشهد شايليني بالصلوات ويباوعون ع حلكي
حجه بابا والله يابنتي ملينه من عمار هواي حجينه وهواي رزلنه بس هوقافل
متعجبين بي شلون كاعد يعاملها لشهد وهي نفسها الي ذبح نفسه عليها قبل
بابا والله موطبيعي عمار ولا جنه ذاك عمارالي يتخبل من الحيه ويوميه عركه ويوميه ضاربها
حجت ماما لج الله يرحم ذيج الايام هسه فاك حلكه عليها
وشنو السبب
والله ماما علمي علمج حتى ويانه متغير
والله اني ضايجه بس ع بنت العالم خطيه شالع كلبها
اني اريد احجي ويا وافهم السالفه شنو
حجينه قبلج وملينه وحتى بيبيتج هم حجت وماكو فايده
بعدنه كاعد نحجي وجان نسمع صايح عمار وين واصل
كمنه نريد نصعد نشوف شكو وجان نتفاجئ ب ....
توقعاتكم حبايبي شنو الي صاير ؟؟؟
شبي عمار وي شهد ؟؟؟؟
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: