مساء الخير ع اجمل متابعين اتمنى لكم قراءه ممتعه
❣️❣️البارت 16❣️❣️
#الندم_مابعد_الخطيئه ❣️❣️
❣️❣️للكاتبه رونق❣️❣️
جان اشوف روان هي وشاب كاعدين يتعشون ويسولفون
باوعت ع الي بصفهم وجان عمار ويا وحده
ع الاكثر زوجته واحتمال الولد هذا اخوها
الي دوخني ليش مخبرتني ليش مكالت
معقوله تطلع مخطوبه اله
اي اكيد واله شلون يقبل اخوها تكعد ويا بوحدهم
بقيت بقلق ونار مشتعله بداخلي
اتخبلت لو يطيح بيدي اخنك عمار وهذا الحقير الي كاعد وي روان
سالني احمد شبيك
كتله هذا عمار وروان وياهم هذا الحقير يمكن هو هذا خطيبها
كاعدين سويه
وين شفتهم
اول مادخلنه شفتهم كبالي
شافوك لو لا
ماادري انتبهوا الي لو لا
طلب عشه احمد النه واني انسدت نفسيتي كلش
بس عيب منه لازم اكل لان اني الي جبته
وره شويه طلعوا ومروا من يمنه
هي شافتني وانصدمت بيه
اما عمار هذا قصه ثانيه
يمكن لو يطيح بيده جان حركني عدل عيونه الغضب بيهن واضح
من وصل يمي كل لروان
روحي انت وي خطيبج بالسياره واحنه نرجع بوحدنه
هنا احس الدخان كام يطلع من اذاني
كوه تمالكت اعصابي
احمد حس بيه
كام يحجي ويايه واتعمد يلهيني
اكلك الولد يردون يرحون لتركيا خل نروح وياهم
اني وين وهذا وين
احمد اسكت لا والقران اعوفك واكوم
طلعوا من المطعم وعيوني تراقبهم
هسه من اعوفها واتركها واخلي نارها تاكل حطبها هم يجيني احد يلومني
حاولت استر عليها واصحح غلطي وياها بس هي بالمقابل مقابله الظاهر عاجبها لهذا الحقير
لك احمد بداعت امك منو الاحلى اني لو هو
هنا احمد كام يضحك ضحك مضاحكه بعمره وحياته
لك شبيك تخبلت
اي تخبلت من وراك
شنو الشكل من يمته مقياس ع الرجوله
مو مهم الشكل
حتلو جاوبني بس بداعت الغوالي احجي الصدك
لك انت هم مصدك نفسك محسوب ع الحلوين
انت بخانة القروده هواي عليك
لو اني بنيه مااباوع بوجهك لو اموت
ايا منحط يا واطي طلعتني قرد لعد انت شنو شمبانزي
عليك الله احجي الصدك وبرد كلبي
والله الصراحه وللامانه انت احلى بهواي وشخصيتك بعد احلى بس بين قوسين ( القرد بعين امه غزال ) ههههههههههاي
لك اعوفك واروح هواي افضلي احسن من مكابلي شمبانزي
ردت اكوم وكعدني
اني من صدك اعصاب هسه وحبيت ارجع للبيت افضل
لك اكعد والله اتشاقه وياك بس جديات هذا مسحتل واني متاكد متوافق عليه لو تموت شنو ماعدها ذوق وتقبل بي
اشو هي جنها العافيه الياخذها المفروض يحطها بجام خانه ويبقى بس يباوع عليها
ايا ساقط ايا منحرف لك شلون تباوع عليها وتكصها كص
ع كيفك يابه شنو نسيت من رحنه سويه لايران شلون جانن كبالنه
والله قصدي شريف من اباوع عليها 😬🙈 غير اني مااحجي
والله اذا باوعت مره لخ عليها اله ادفنك عدل
والا اكولك اروح لديما واكلها هذا حبيبج يغشج وحاطله 20 وحده يضحك عليهن
ههههههه روح كلها ميهمني لان واثقه مني حبيبتي
دسويها واعلمك بالثقه شلون تكون
كدر ينسيني ولو شويه سالفة روان
كملنه عشانه وشربنه جاي ورجعنه للمحل
بقيت فتره ورجعت للبيت
اغلي بداخلي
دخلت للغرفه رحت للحمام سبحت وطلعت
لكيت الجهاز محترك حرك بالرسائل والمخابرات من روان
فتحته
هلووو
شلونك مرتضى
لازم نحجي سويه
لاتفهمني غلط
الوووو
وينك
عفيه جاوبني
اريد انام عفيه جاوبني
ورايه دوام وين صرت
الووووو
عفيه جاوب 😭😭😭😭😭😭😭
وينك يمعود
راح انام
بس لتراسلني بعد اخاف انام واحد يقره رسالتك
باي
ياالله اني منا افور واريد افهم سالفتها وجملتها مجاوبتها لان ماادري
شيصبرني لباجر بالليل
ماكدرت انام ابد
ثاني يوم بقيت نايم لمن دك جهازي كعدت كوه افتح عيوني
ركزت ع المتصل طلعت روان
طفرت من الفراش بسرعه بس انقطع الاتصال
باوعت ع الساعه ب11
اتصلت بيها فتحت خط
روان : صارت عركه جبيره بين بابا وعمار من اجوي ابو مرتضى وجوارينه
عمار كال هسه ادخل واطرده مايبقه ولا دقيقه ابيتنه
وبابا صار عصبي وحتى ضربه لعمار
كله عيب ناس ظيوفنا ودكوا بابنا ميجوز نطردهم
يابه والله اكلبها للدنيه اذا انطيتهم مجال
لك بابا اني راح ارفضهم بس بطريقتي
بدون منطردهم من بيتنه
اني متت من الخوف اباوع ع عمار بوده يشرب من دمي
التفت عليه وكال والله والقران اكص اديه اثنينهم اذا ممتفقين هي ويا
ممعقوله هيج يذبح نفسه عليها وهي ممنطيته مجال
عمار رجاءآ لا تتهمني باطل
معقوله تصدك اني احب عدو اخويه شلون اسويها واحبه
اذا حجيج صدك اقبلي باخو اسيل وفضيها
لو اموت مااقبل بي اموت منه ومن اخته وانت اكثر واحد تعرفني شكد اضوج منهم
بس بهذا حجيج كاعد تثبتين النه انت رافضه اخو اسيل بس ع مود هذا العار
لاوالله وداعت ماما وبابا رافضته لان ماارتاح الهم ابد
سكت بعد ماحجه
بابا طلب منه يروح للمحل وفعلا راح
بعدها بابا دخل يم الرياجيل
قدمنالهم الظيافه وبعدها بقيت اذني ع الباب اريد اسمع
اجتي ماما كامت تحجي عليه مهتميت
حيل ضجت وكرهت الدنيه من بابا اكد الهم وكللهم قارين فاتحتها
هواي حاولوا ويا بس هو جان مصمم بالرفض
الصراحه بعد ماعندي امل بالموافقه ابد
اني متاكده من رفضهم بس جان عندي امل بسيط عله وانه يوافقون بس اليوم اتاكدت من سابع المستحيلات يوافقون
همه حقهم اهلي واني لو ما مرتضى مغتصبني لو يصبني ذهب لو يكضي عمره كله يركع جوه رجليه مااوافق عليه
السواه بينه ابد مو شويه اني مجبوره اوافق بي بس ع مود الستر لااقل ولا اكثر
ابد ماكدرت اتواصل ويا اخاف عمار يحس بيه
حسيت الكل يشدد عليه
اتواصلت وي ديما وكتلها خبري احمد ليخابرني مرتضى ولا يراسلني ابد
وفعلا ابد لا راسلني ولا راسلته ابد
عمار خبلني خبال يريدني اوافق ع اخو زوجته
اذا وصلت للجبر وفكروا يجبروني اقتل نفسي بدون تردد اكيد
بديت اداوم بس باثناء الدوام ع فجأه الكي عمار كبالي لو مراقبني بدون علمي مرات ديما تكول شفته
بقيت ع هالحال وابد محاولت اراسله ولا هو راسلني
الحمد لله من اخذ بكلامنه
وره فتره تواصلنه سويه وراسلني من صفحه ثانيه
بس اشو هذا تعود يوميه وراسلني واني اخاف يحس بيه عمار
حتى لو بنيه ميعقلها بنص الليالي نتواصل
منطيته مجال ابد
بعدها نكطعت الاخبار
بدت ماما تلح عليه وافقي ع اخو اسيل
اني رفضت بس بابا اصر عليه كلي قابلي واحجي ويا وانطينه سبب مقنع لرفضج يله نقبل متتزوجينه
غير هذا الشي توافقين وتسكتين
الكل بده يلح عليه
كالت ماما بنتي قابلي الولد وشوفي يجوز اطلعين متوهمه بحكمج عليه
ماما يعني كوه تردون تجبروني ع الزواج
هيج ضجتوا مني بس تردون تتخلصون مني
والنبي انتحر واخلصكم مني
لج ماما والله من صالحج وصالح اخوج
اخاف هم يتعارك وي هذا الميتسمه وذاك الوقت تكومين تعضين اصابيعج ندم
وعليش يتعاركون
شلون عليش ولج وهو كل شويه وداز احد عليج
واذا دز احنه رفضنه شنو بعد
يوم اروحلج فدوه وافقي وخلصينه
والله لو اموت مااوافق ع اخو اسيل لو يبقى بس هو بالدنيه
عافتني وراحت ماما بس تحجي عليه
بهالاثناء دخلت اسيل وجان تلعب لعب
شنو معنى هذا الحجي روان اخويه شبي شنو عايزه اشو الف من تتمناه
بس اني مو من الالف اكيد
وليش يابه شنو اخويه شنو الي عايزه لو انت بالج بغير مكان
اسيل احترمي نفسج واحجي عدل
اخوج ماارتاحله وخلص
روحي شوفيله وحده من الالف شنو بس اني بالدنيه
لا عيني شنو قابل بس انتي
والله لو عليه لو اموت مااقبل بيج زوجه لاخويه بس هو الي مصر اله يخطبج
ع اساس اني الميته عليكم
يابه فوتو حالي وخبري اخر شخص افكر بي هو
يابه دطيري انت الخسرانه واصلا برفضج هذا سويتي جميل علينا
لان الصراحه مو انت الي ابالنه لاخويه
زين لعد اذا هيج الحجي احجي وي اخوج خل يشيلني من باله احسن
لا بهاي اعذريني ماعليه بي ولا بيج
ذوله اهلج وانت قنعيهم خل يرفضونه لاخويه
ياالله شكد خبيثه بودي ارفس ابطنها
عفتها ورحت
مرتضى مااحب اتواصل ويا لان ماعندي شي الي يخليني ادردش ويا
دز عليه بابا بيوم وحاول يقنعني اشوفه للولد واحجي ويا واذا معجبني مراح يجبرني ابد
اجوي بيبي وجدو وخالو وهم كان راييهم هيج وافقت بس كتلهم اذا معجبني محد يجبرني وافقوا
كال عمار نطلع سويه اني وياج واسيل وهناك يلاكينه الولد
اتفقوا بمطعم كالوا نتعشى ونتفاهم هناك
ردت اراسل مرتضى واخبره بعدين كلت ع شنو اخبره
قابل ولي امري لو خطيبي من صدك لو حبيبي اشو اني اصلا اضوج منه وبس اكله راح اطلع متاكده يسويله سالفه ويطلع هو ولا غيره براسي
قررنه اليوم بالليل
اسيل احسها فرحانه ومااعرف السبب
لان مستحيل تفرح الي لان راح اكون زوجة اخوها
اكيد بعنادي ولان انجبرت ع هذا القرار او حتى اوافق ع اخوها وتخبث عليه وهذا ولا بالاحلام يصير الها
بدلنه وطلعنه ووصلنه للمطعم وهذا الحجي اني ابد محجيت لا وي عمار ولا وي اسيل
وره لحضات وصل اخوها لاسيل
الصراحه الولد شكله حلو بس مو احلى من مرتضى 🙈
مرتضى شخصيته كلش حلوه واحسه مو راحه ابد
بس اني اضوج منه وماارتاحله ابد ومااعرف السبب بالضبط
سلم علينه وكعد رادوا يطلبون اكل بس اسيل كالت علاوي اخذ روان واكعدوا بغير طاوله اخذوا راحتكم واتعشوا بوحدكم واحنه وحدنه
اني باوعتلها صفح وهي ولاكانو
عيني اتحولت لعمار كلت اكيد مراح يوافق بس تفاجأت بموافقته وكال اي علاوي روحوا اخذوا راحتكم حتى تتفاهمون
اني هنا احس دخان يطلع من اذاناتي حيل ضجت بس ماكدرت احجي ابد
رحنه للطاوله الثانيه كعد مقابيلي حيل ضجت من هذا الموقف
سالني شنو تحبين اطلبلج للعشا
كتله مااشتهي ابد
لا شلون متشتهين ميصير
اسال اسيل وهي تكلك اني مااتعشه يوميه ابد بس فواكه
مااقبل ابد اليوم اكسري نضامج ميصير هيج راح اطلبلج ع ذوقي
سكتت محجيت شي
طلب اكل اله والي وجان بالي مو يمه ابد حتى مركزت شطلب
بعدين حجه وكال
اي روان شلونج شخبارج
تمام الحمد لله
شلونج بالجامعه هم تواجهج مشكله اكو احد ضايقجً
لا ماكو اي مشكله ولا مضايقه ابد
الحمد لله
ممكن اعرف راييج بيه
من يا ناحيه
يعني راييج ك زوج وانت تعرفين اني حاب اتزوجج ع سنة الله ورسوله
الصراحه اني مموافقه عليك مااعرف اسيل خبرتك لو لا وطبعا اني رفضي للزواج كله مو رفضي لشخصك انت بالذات لا بس رافضه الفكره نهائي
ممكن اعرف السبب
اني حاليا رافضه الزواج لان اريد اكمل دراستي اول
واني مو ضد الدوام ابد بالعكس راح اشجعج وماعندي اي مانع تكملين دراستج
بس اني مااريد اشتت بالي بزواج واطفال وعيال ماافكر باي شي اله وره التخرج
هذا مو سبب مقنع لان اني اكدر اطلعج ابيت وحدج وعندي بيتي جاهز واضمنلج منسوي اطفال اله لمن تتخرجين
اني الصراحه معجب هواي بيج وبشخصيتج وحاب تكونين الانسانه الي اكمل حياتي وياها
اسفه منك واعتذر ممفكره بالزواج حاليا ابد
زين هم راح اجي وياج مستعد انتظرج هاي السنه لمن تخلص والسنه التجي بالعطله نتزوج يعني تبقالج سنتين
اجه الاكل سكتنه
فكري زين ولتنطيني هسه جواب ابد
الله كريم الصراحه معرفت شاحجي ويا بالضبط يمكن هذا الحجي الي حجاه الي اي وحده تتمنى تسمعه بس اني لا
طالب مشاوي اشكال واللوان
بالجذب نقشت بالاكل لان هم استحي وهم مااشتهي ابد بس كلت عيب منه
كاعد اكل وجان المح مرتضى وجان احس بخوف مو طبيعي دمي نشف
بعد مااشوف دربي حيل اتوترت وارتبكت
حتى بعد مااعرف اكل ولا احجي
عقلي فصل عن اي تفكير
علي اخو اسيل عيونه ابد منزلهن مني وجان جريئ كلش
كلي تعرفين من شفتج ابيتنه اول مره اخذتي عقلي من راسي من يومها واني انام واكعد بس افكر بيج فدوه وافقي ومراح تندمين
مستعد انتظرج لمن تخلصين دراسه عادي ماعندي مانع ابد بس نعقد حتى اضمنج وخلص مستعد انتظرج طول العمر
عقلي وكف عن التفكير لان ماعندي اي سبب مقنع حتى ارفضه
الولد شكله حلو وعنده شهاده واسمه طالع بالتعين ومستعد يطلعني ابيت بوحدي ومستعد ينتظرني فمااعرف شاجاوب
كتله افكر وارجعلك خبر
جان بالي مشتت بينه وبين مرتضى الي شفته بالمطعم اخاف يسويله سالفه ويانه
كملنه العشه وكتله يله خل نروح اريد بس اطلع من المطعم اخاف عمار يشوفه ويسويلي سالفه لو هو الي يريدله حجه حتى يتعارك ويانه
كلي علي بعد وكت شنو السالفه عمار واسيل بعدهم دياكلون
راسي يوجعني حيل والله حابه ارجع بس خل نكعد وياهم حتى احجي وي عمار
زين انطيني رقمج قبل لنروح يمهم حتى اكدر اتواصل وياج
معقوله تقنعني ماعندك رقمي ولا مراسلني قبل ولا حاضره رقمك
منين اجيب رقمج واني مو طبعي اراسل بنات بدون شي رسمي
ضحكت بكلبي كلت مضبوط
وهسه رديلي الرقم
عود اخذه من اسيل بس من هسه اكلك مراح اكدر اجاوبك ولا اراسلك
والسبب
هيج بدون سبب مااحب احجي وي الغربه
بس اني مو غريب اني خطيبج
عود خلي ننخطب رسمي وعود ذاك الوكت نسولف
عفته ورحت يم عمار
اجه ورايه ومبين علي مقابل بحجيي
يطبه مرض ميهمني
يله عمار اريد ارجع للبيت راسي يوجعني
بسرعه حجت اسيل لا وين نرجع بعد وكت هستونه اجينه
هاي شبسرعه ضجتي
لاماضجت بس راسي ديوجعني حيل موتني
التفتت لاخوها كلتله علي روح انت وصلها واخذوا راحتكم واحنه نجي وراكم
بسرعه حجه عمار كال لا ماكو داعي اكعدوا خل نشرب جاي ونروح سويه
هاي شبيك عمار هستونه اجينه وبعد ورانه المول اريد اشتري لاموري ملابس
خليها غير وقت
حجه علي يابه عمار ابقوا انتو ع راحتكم واني اوصلها واختك بالحفظ والصون اامن مراح اسويلها شي
لا علي مو هذا قصدي بس متاكد منها مراح تقبل ومااريد اتعبك وياي
ع راحتكم
مي بارد ونزل ع كلبي من حجه هيج عمار
طلبوا جاي وشربوا ورحنه وجان عمار توكع عينه ع مرتضى
اني دنكت ورحت
حسيت الاجواء مو طبيعيه عمار عيونه بكصته وهذا الثاني مرتضى كذلك
طلعنه عمار صار نار ومشتعل يمكن اي احد يحجي ويا ينفجر وفعلا صعدنه بالسياره كالت اسيل خل اروح وي علي لاهلي وباجر ارجع
صاح بيها خو ماكو شي اسيل مصارلج يومين يم اهلج
بقوا صافنين هي واخوها لان حرجها
حيل بيها
ودعنه اخوها ورحنه
كلتله عمار حبيبي شبيك
مبيه شي
لعد خل نمر بالمول
شخط السياره شخطه مو طبيعيه بحيث صاحت اسيل صوت
هنا وجان ينفجر عمار بس مو بوجهي 😂😂 بوجه اسيل
انت كل همج مول ومطعم واهلي متكليلي متشبعين شنو مشوها مشايفه ملابس مماكله
كتلج غير يوم غير تسكتين
هي اتفشلت لان كدامي هيج رزلها
سكتت بعد محجت
طول الطريق يشرب جكاير ويمشي سريع
كلتله هاي شبيك راح تكلبنه متكلي شنو سالفتك انت
هنا عيونه بالمرايه عليه بس الحجي وي اسيل
غير من وراج وره لحج اله مول واله طلعه واله اهلي
وجان يهز براسه بالمرايه بمعنه اني اعلمج هنا اني كمت ابلعم وحسيت الدنيه من صدك كامت تفتر بيه
هسه اني شعليه قابل متواعده ويا اشو حضي المصخم جابه للمطعم
وصلنه ونزلنه ماما جانت منتظره ع نار اكيد تريد تاخذ الجواب
ها ماما بشري عجبج الولد لا
اسيل جانت معصبه بدون كلام صعدت لفوك
ماما كالت هاي شبيها الثانيه
عمار كللها معليج بيها اني رزلتها
ابشرج ماما روان انطت موافقتها بعلي خبري بابا
اني هنا فكيت حلكي وعيوني
شوكت اني انطيت موافقتي اصلا مموافقه
مو ع اساس بكيفج هو توافقين لو ترفضين مو
غصبا ماعليج توافقين وباجر ارجع خبر الهم
والرسول محمد انتحر بس تسوي هيج
اجه جرني من الحجاب حيل وبده يضربني تاكلين خ..... وتنجبين
غصبا ماعليج توافقين مو بس يله تتواعدين وي هذا الصايع
ماما كوه وخرته مني
والله مااقبل لو اموت وخاف جانت عندي نيه افكر وانطي موافقتي هسه من سويت هيج وداعت ماما وبابا مااوافق لو شيصير
اني جنت شايله هم شلون راح ارفض اجتني هاي حجه من الله حتى ارفض
طلع بابا ع الصوت ولكاني شعري مكفش وابجي
شنو السالفه صوتكم واصل لسابع جار
سبقني وحجه تقبل يابه نروح للمطعم والكيها متواعده وي هذا النذل لكينا هناك منتظرنه
بابا وغلاتك عندي وغلات ماما ممتواعده ويا ولا متصله بي ولا مراسلته ولا ادري بي بالمطعم
اسكتي لج جذابه تقنعيني صدفه جاي
واني شمدريني والله بابا اصلا مااعرف اسم المطعم ولا ادري بيا مطعم راح ياخذنه عمار حتى اتواعد ويا
يجوز وانت هناك بالمطعم راسلتي
اصلا جهازي مماخذته ويايه ناسيته هنا صدفه دك عليه واسمعه
فعلا دك وصعد لفوك جابه بس جنت حيل خايفه اخاف مرتضى مراسلني يمكن عمار ينهيني
هنا بابا كام يرزل بي ويحجي علي
كله ميصير تتهم اختك هيج وتضربها بدون دليل يجوز صدك الولد صدفه جاي
سكت عمار يمكن حس بخطئه
لميت شعري ورحت غسلت وجهي لكيت جهازي ع الكاونتر همزين مااخذه
كلي بابا اصعدي ارتاحي وباجر نتفاهم
صعدت سبحت وطلعت راسلت مرتضى لمن مليت ماكو جواب
ردت افهمه ولازم اخلي لو شيصير ميراسلني ابد اله اني اراسله
نعست وثاني يوم عندي دوام مكدرت اسهر اكثر صارت الساعه ب12 وربع وخفت بنفس الوقت اخاف عمار يدخل فجأه
وفعلا دخل عمار واخذ جهازي عباله نايمه كلب بي ورجعه اكيد كلبه كله
نمت وثاني يوم رحت للجامعه دخلت للمحاضره الاولى وجانت ع اعصابي
صارت ب11 اتصلت بي بس ماكو جواب شنو السالفه معقوله زعلان المفروض يسمع مني يله يزعل
اتصلت تقريبا 3 مرات وماكو جواب بس ثواني وجان يتصل بيه رفعت خط
الوووو
الووووو
صباح الخير بصوت ناعس واضح علي جان نايم
صباح النور لويش متجاوبني من البارحه واليوم
والله البارحه رجعت متاخر وع ما سبحت انت نمتي
وهسه جنت نايم
اسفه لان كعدتك
تعرفين من البارحه واليوم اني افور دم الصبح نمت من وره التفكير
انت منو سمحلج اطلعين وي هذا العار وليش مخبرتيني وليش طلعتي
انجبرت اطلع ويا
لتكفريني بالدنيه شنو انجبرتي ليكون عجبج وحبيتي تقضين وقت ويا وتعيشين دور المخطوبه
احترم نفسك وثمن حجيك زين قبل لتكوله
اني محترم نفسي كلش زين بس الدور والباقي عليج
بصفته شنو وطلعتي ويا وتكعدين بوحدج ويا وتتعشين
مرتضى انت ماالك حق تحقق ويايه هيج
حياتي واني حره اطلع وي منو وشاسوي هذا الشي ميخصك اخر مره اسمحلك هيج تحجي وياي
تدرين لو هسه انت كبالي شاسوي بيج
جان دفنتج عدله واعلمج بحياتج الحره بيها
انت ملكي تعرفين شنو ملكي لو افهمج
كام يصيح يعني ممنوع تحجين وي واحد وممنوع اطلعين وي واحد وممنوع تزقنبين وي واحد لاوربج والاسلام ادفنج عدله انت ماالج حق تتصرفين بدون علمي ولا الج حق اطلعين وي هذا بالذات اكدر اعرف ليش مخبرتيني وشعندج طالعه وياه
موكتلك مجبوره طلعت
كام يصيح انعل ابوج لا ابو عمار لا ابو شهد لاابو العرفني بيكم احجي لا والقران اجيج للجامعه واعلمج شلون تحجين
مااسمحلك تصيح عليه ولا اسمحلك تغلط عليه وهيج تتحكم بيه عود خل اهلي يوافقون عليك وتعال اخطبني رسمي ذاك الوكت تعال وحاسبني طبكته بوجها
بقه يتصل بس مهتميت خليته صامت
بعدها دخلت للمحاضره وجان بالي يم كلامه
ع اي اساس هيج يتحكم بيه واحنه بعدنه لامخطوبين ولا شي
خلصت المحاضره ولكيت متصل بيه يمكن 20 مره ورسائل كومه منه
بنت اللذين ليش طبكتي بوجهي اني اعلمج
ارفعي خط لااحرك عشيرتج واحد واحد
طلعتي ع حقيقتج تردين تنتقمين مني
موافقه ع هذا العار عبالج راح اهتم يطبج مرض نارج تاكل حطبج اني عليمن ذابح نفسي ع مود استرج
العليه سويته وبعد ماعليه بيج روحي للعار يسترج اضحكي علي بكلمتين ع بوسه ع شبكه والباقي انت تعرفي بالنسبه الي ميشرفني اتزوج وحده تطلع وي الولد وتتعشه بالمطاعم ومخابرات بيناتهم
بس اله اندمج والله ع طبكتج للخط بوجهي
حيل ضجت منه وانقهرت حيل
خلي يولي يطبه مرض
دزيتله اني اشرف منك ياعار وخل يكون بعلمك اني ميشرفني اكون زوجة واحد نذل وحقير يلعب باعراض الناس
انطيته حضر اديه ترجف وحيل مقهوره وضايجه منه ثبتلي بهاي عملته نذل وحقير وعار
صار وقت الطلعه ولكيت عمار واكفلي وجان المح من بعيد مرتضى اني هنا قطرة دم مبقه بيه اخاف يشوفه عمار ويسويلي سالفه
مشه عمار وجان الجو متكهرب بيني وبين عمار
وصلنه للبيت وصعدت كبل بدلت وخليت جهازي بالشحن ونزلت اتغديت
لكيت بابا وماما اثنينهم بالمطبخ
كملت وبدوا يسالوني ع علي
يابه ممرتاحه اله ابد والله ولا الي رغبه للزواج لمن اتخرج
قنعينه بسبب واحنه نرفض بدون نقاش
يكفي هو اخو اسيل وتعرف علاقتي باسيل شنو
هذا ابد مو سبب انطيني سبب مقنع
بابا والله جايه تعبانه خل انام وبعدين نتفاهم
صعدت وكبل للجهاز فتحته
لكيت رقم غريب داك عليه عرفته هو مهتميت ابد
انطيته حضر
لكيته مراسلني ع الماسنجر كومه
بسيطه الج ع هذا الغلط اذا مخليتج تتندمين اني مو اسمي مرتضى
واحب اكلج شي واحد من هاي اللحضه ماعليه
بيج ابد انت حره بنفسج شتسوين سوي يطبج ش
مرض وانسي بعد تفكرين بيه اجي يوم واخطبج
وماكو داعي تنطين حضر لان من سابع المستحيلات بعد افكر بيج
بقيت صافنه عليه معقوله هو هذا مرتضى مو غيره ....... اي اكيد هو وطلع ع حقيقته اصلا يحب زوجته وهو كالها بلسانه حتى لو ماتت يبقى وفي الها ومجبور عليه
اني راح انسى ويستحيل افكر ولو تفكير اتزوجه لو يصبني من ذهب
محملني منيه لان يريد يتزوجني ويستر عليه
انطيته حضر من الفيس وجميع البرنامج
لليل نزلت يم اهلي وكلت لازم اخلي النقط ع الحروف وقررت اتخذ قرارحاسم وشيصير خل يصير
لكيت الكل متجمع بابا وماما وعمار واسيل
كعدت يمهم وجان اكلهم ........
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️البارت 17❣️❣️
#الندم_مابعد_الخطيئه ❣️❣️
❣️❣️للكاتبه رونق❣️❣️
جان اكلهم مدامكم متجمعين كلكم حابه اخبركم قراري النهائي واتمنى بعد محد يحجي ويايه
اني مموافقه ع اخو اسيل ولو تذبحوني ذبح مااوافق عليه
عمار طفر جرني من شعري صحت اخ وخر عني انت ماالك حق تتحكم بيه
كام بابا يصيح ع عمار وغلط علي
بعدنه عدلين وهيج تسوي باختك الوحيده لعد اذا متنه شراح تسوي بيها
ماتسمعها بابا شكاعد تحجي
هذا الشي ميخصك اني ابوها واني المسؤل عنها انت ماالك حق ترفع صوتك وتضربها بوجودنه
زعل صعد لفوك واسيل هم راحت ويا
اني كمت ابجي وحيل ضجت من تصرف عمار
تعاي بابا فهميني فلمج شنو
كعدني يمه بابا احجيلي الحقيقه الولد اخو صديقتج تحبينه عندج علاقه بي
بابا وغلاتك وغلات ماما وداعت عافيتي مااحبه ولا اريده ابد
لعد شنو فلمج ليش ترفضينه لعلي
الولد خلوق وخريج وراح يتعين بيته جاهز بوحده مستعد ينتظرج لمن تتخرجين انطيني سبب واحد مقنع لرفضج
والله مامرتاحتله ولا اكدر افكر بي زوج الي
ابد مااحبه ولا الي رغبه بي
مو مشكله الحب بعد الزواج تحبينه واهم من كلشي الولد هاويج ومشتريج
بس بابا اني مو سلعه حتى يشتريني
اني اريد اعيش حياتي مثل البنات بدون ارتباط وبحريه بدون تقيد وبدون اوامر لمن اخلص فترة الجامعه وبعدها افكر اتزوج
خل يبقى ينتظر لمن اتخرج وعود يخطبني اذا هيج ماعندي مانع ابد
هذا مو حجي يابنتي ماكو واحد يبقى منتظر كل هالمده وبالتالي لو توافقين لو ترفضين
فدوه اروحلك بابا لتجبروني اوافق علي وحق الحق اذا جبرتوني اكتل نفسي
بنتي فكري زين ولاتستعجلين حتى متتندمين لان هاي الفرصه مو دائما تجيج مره بالعمر واذا خسرتيها متتعوض
ماما انت ليش متحجين ليش ساكته انت مو تدرين بيه اضوج من اسيل واهلها من زمان واكلج ماارتاحلهم ابد
بس ماما العالم زينين ولحد الان مطلعت منهم المو زينه
وانت كارهتهم من وره اسيل انت راح ترتبطين بالولد هو مو اهله
يعني ميهم اهله وهو اكد راح يطلعج ابيت وحدج
يعني لازم توافقين وتشوفين مصلحتج
واذا جنتي تفكرين بهذا اخو شهد لو تموتين مراح نوافق عليه لان هو نفسه الي دمر حياة اخوج وحول حياته لجحيم لو نسيتي
اني اشوف توخرين هاي الافكار السوده من بالج هواي افضل الج
راح نتركج تفكرين زين وانت جبيره وواعيه مو صغيره واكيد تعرفين مصلحتج وين
عفتهم وصعدت احس الدنيه ظلمه بعيني
منا اهلي وعمار الي ضاغطين عليه
ومنا مرتضى والي سواه بيه وشلون تخله عني بسهوله
حسبه تاخذني وحسبه تجيبني احس بنفسي عاجزه عن اي تصرف
مااعرف مرتضى راح يخبث وياي لو شراح يسوي لان مستحيل بعد الغلط يدك عليه
الصراحه اتندمت لان حجيت وياه بهيج طريقه المفروض مااتجاوز عليه اخاف لا ياذيني من صدك لا يعوفني هيج متعلكه
حالتي الصحيه اتدهورت من التفكير
كطعت الاكل لان اني من اضوج اكره الاكل
ماما حارت وياي وحسيت بنفسي حيل ضعفت حتى دوخه بدت بيه
مرتضى انقطعت اخباره عني ولا اشوفه ابد
بدت الامتحانات وجنت جسد بلا روح اروح للجامعه بس امتحن وارجع
عمار مايحجي وياي ابد
الكل يسالني ع حالي حتى بيت خالوا حسوا اكو شي
شكد يتوسلون بيه حتى اجيهم بس اني ارفض
كرهت الدنيه كلها وماالي واهس لكلشي تقريبا صار شهر ونص ومرتضى ماالي اي تواصل ويا وفاجئني من صدك تركني ولا فكر يشوفني ولا فكر يراسلني ويحاول يعرف اخباري
اليوم بيت جدو عدنه وكاعدين اني وديما نسولف
كالت احمد راح يخطبني كال بالعطله واذا وافقوا اهلي نتزوج بنهاية العطله
لعد ودراستج
كال ماعندي مانع السنه التجي اخر سنه الي واكملها يمهم
ان شاء الله يوافقون خالو وخاله
الله يسمع منج ان شاء الله
اخاف تعاي منين تعرفي وشلون اجوي وسين وجيم
هم صدك شلون راح يخطبج شيكل لخاله ولخالو شلون عرفتها
حاجي وي امه وكلتله نكول اكو ناس دزونه عليكم
زين لعد
تعاي فهميني شنو فلمج انت اشو صايره معقده لا اطلعين ولا تمشين ولا تجينه شنو فلمج
والله ياديما روحي طالعه من الدنيه كلها من وره اهلي ومرتضى
شبيهم وياج
ع اساس متعرفين شبيهم وياي
اشو اهلي شادين ويايه ويردوني اوافق ع هذا اخو اسيل واني لو اموت مااوافق عليه لو يبقى بس هو بالدنيه هم مااوافق عليه
ليش ولج شبي اشو يكولون حلو وطاك شتردين بعد
لو اله حبيب الكلب
كون اهلج يرفضون احمد ويجبروج ع غيره وذاك الوكت تعاي كليلي شبي
لا يمعوده اسحب كلامي من هسه اني اسفه
هههه ايا جبانه بسرعه قلبتي
عوفج مني وتعاي سولفيلي بعد مرتضى شبي
خل يولي طلع نذل من اول عثره عافني وتركني
حتى منطاني مجال افسرله الي صار
سولفتلها كل الي صار وشحجه وياي
معقوله زعلانين اشو اني واحمد منعرف معقوله احمد يعرف ومحاجي
ماادري والله
بس تعاي اكولج اذا انت منطيته حضر شلون يتواصل وياج
يكدر يراسلني من غير رقم لو يكدر يسال عني عن طريقج انت واحمد
والله ياروان مااعرف شاكلج بالليل اراسل احمد واستفسر منه
خل يولي الله عليج لاتسالين احمد هسه يكول ذابحه نفسها عليه
لاوالله مااكله هي سولفتلي اني اعرف بطريقتي الخاصه استفسر منه
لليل رجعوا لبيتهم بيت جدو
خلصت الامتحانات ولا لمحت مرتضى ابد
بين فتره وفتره افتح الحضر بس اشوف شكو ماكو وارجع الحضر بعدها
بدوا اهلي من صدك يضغطون عليه حتى اوافق وهذا الشي كله من وره عمار واسيل النهار كله يوزون بماما ويقنعوها حتى توافق وفعلا تخبلت عليه اله اوافق
عمار خبلني خبال لايحجي وياي واتغير ويايه تغير جذري مايطيقني ويكول لماما اريد بس اخلص منها
حيل ضجت منه عمار ومن صدك اخذت موقف منه
بعدين ماما هم طبكت ويا وضغطوا ع بابا
اخر شي اتفقوا كلهم بالموافقه ع اخو اسيل وحددوا موعد يجون يخطبون رسمي
لا بابا الله يخليك لتجبروني فدوه اروحلك ارفضهم
بنتي احنه نريد مصلحتج وانت بعدج صغيره متعرفين مصلحتج زين بعد شكم يوم تشكرينه ع هذا الاختيار
لا بابا والله اموت ولا اقبل بي
حجت ماما وياي ع جها
انت بيج شي احد مهددج هذا الحقير لاعب بعقلج
لا ماما والله بس اني اكرها لاخو اسيل
هذا الحجي اضحكي بي طفل عمره سنتين مو اني امج
وافقي بارادتج احسن ماتنجبرين
ماما شبيج انت امي لو عدوتي ليش توكفين ضدي
ماما والله اني لمصلحتج هيج اسوي لتصدكين اكرهج ومااحبج
بس ماما الولد اخو شهد ميفيدج ابد ومن سابع المستحيلات عمار يوافق عليه حتى اذا فكرنه اني وابوج نوافق
بس يوم والله اذا وافقتوا ع علي معناها توافقون ع موتي وراح ادزوني للنجف بيدكم
لج ماما من شوكت طلع الزواج يودي للنجف
اله اذا جان اكو وراج سر وسر جبير
تعالي سولفيلي شنو الفلم يجوز اكدر اساعد
ماكو فلم ماما بس والله مااريد اتزوج اتمنى تفهميني انت بالذات
فكرت اسولف لامي كلشي بس باللحضه الاخيره اتراجعت معرف لويش حسيت بخوف مو طبيعي
مرتضى : تخبلت من حجت ويايه بهاي الطريقه صحيح اني تسرعت وغلطت عليها بس من وراها اكيد حاولت وياها تفهمني بس هي رفضت
بعدين بدت تتجاوز عليه وانطتني حضر اني اعلمها عبالها ابقى اتوسل بيها لان اني غلطان وياها
صحيح اني غلطان واغتصبتها بس مو معناها تستغفلني ولا تاخذ بحجيي
ع اي اساس تطلع وي هذا العار بدون علمي وحتى مفكرت تبررلي موقفها كلشي مفتهمت منها غير مجبوره طلعت ويا
قررت بعد ماعليه بيها ولا راح احاول اخطبها لان الظاهر هي موافقه ع هذا العار واحتمال تتزوجه يجوز تروح لدكتوره تسويلها حل
تركتها وعاندت وقررت ابد مااتصل بيها ولا اراسلها من غير رقم لان حاضرتني
اني متاكد هي متصوره لازمتني من الايد التوجعني وكالت لو شاسوي بي عادي مراح يتركني
بس راح اثبتلها العكس
مرت الايام والحضر ع حطته ابد ملغته مني
الصراحه اني ع اعصابي هيج ابتعدت لان كرامتي متسمحلي اروح اتوسل بيها
بس بنفس الوقت اتمنى اعرف اخبارها واطمان عليها
كمت اراقبها من بعيد لبعيد بدون متحس بيه ابد
جانت حيل ضعفانه والتعب واضح عليها
مااعرف السبب بالضبط هل هو ضغط اهلها مثل متكول
هل هو بعدي عليها ولان اتخليت عنها هيج صار بيها
مااعرف السبب بالضبط ومااعرف شاسوي وشاتصرف وياها
اني لحد الان مااعرف ردها لاخو زوجة عمار هل موافقه عليه لو لا
لازم اشوفلي حل واعرف اخبارها
خلصت امتحاناتها وكعدت
بعد مااعرف شلون راح اشوفها بعد
لازم اشوف ديما واحاول اعرف الاخبار منها
اليوم اجاني احمد وسالني ع روان
صدك انت وروان متتحاجون
حيل فرحت من جاب طاريها
شمدريك بينه
هسه دحجي من شوكت وانت تضم عليه
دكلي منو كلك بالاول واني احجيلك بالتفصيل
من ديما سالتني كلتلي معقوله تدري بمرتضى وروان ميتحاجون وساكت متخبرني
اني اتفاجأت كتلها مااعرف والله
وهي معقوله هم ماتدري بينه وروان محاجيه شي وياها
لا والله ابد ماتدري البارحه همه يمهم وصدفه ديما سائلتها عليك
اي وشكلتلها الله عليك لتجذب عليه بحرف
والله ماحجينه بالتفاصيل بس تكول كلتلي مانتحاجه اني ويا وعلاقتنه انتهت وكلمن راح لحال سبيله
الله عليك هيج كايلتلها
اي والله شبيك
تعال سولفلي
كعدت سولفتله السالفه كلها هو اتخبل
شلون هيج تسوي بيها بربك فوك ضيم اهلها انت فوكاها
غير تفتهم منها السالفه
ياسالفه لخاطر ربك شحال لو ما شفتها كاعده بس هي ويا بعيني وانت شاهد
اي ميخالف بس انت متعرف ظروفها وشنو الي خلاها تطلع ويا
اي ليش مخبرتني وكالتلي ليش من اسالها تكلي انت ماالك حق تحاسبني
من ضيمها هيج تحجي والله تسولف عليها ديما تكول كاطعه الاكل ومقاطعه الناس كلها واهلها شادين وياها وهذا اخوها يكومها بضربه ويكعدها بضربه
ايا نذل تنشل ايده ان شاء الله
اي يا عيني غير اخوها ويعرف بيها ع علاقه وي عدوه شلون تريد يتعامل وياها
زين وشخبار خطوبتها
لك ياخطوبه انت من كل عقلك توافق عليه
تكول ديما من شفت هاي حالتها كلت خطيه خل اقنعها توافق عليه لان الولد كايل انفذ كل طلباتها بس خل توافق بيت وحدها وانتظرها لمن تتخرج تكول بعدني ماحجيت شي وياها بسرعه طفرت كال مااكول غير كون الله اهلج يرفضون احمد ويجبروج ع غيره وذاك الوكت تعاي قنعيني
لا ياالله اني اشسويت بيها ومن غبائي عفتها وقررت اقطع علاقتي بيها
اتوقعتها موافقه عليه بعنادي
وهسه شتكول عليها ديما بعدهم مصممين ع الخطوبه
تكول اي قرروا اخر شي يحددون موعد الخطوبه وغصبا ماعليها ترضه
شنو بكيفهم يجبروها اذا ماتريده وماتحبه حرام عليهم يجبروها
ذاك اخوها وروح احجي ويا اني شمدريني بي
اشو انت الي تخليت عنها بسهوله بعد لادزيت احد ياثر ع اهلها ولا سعيت
وهي خطيه الواكعه بيها
عفته ورحت كام يصيح وراي وين تريد يمعود مهتميت
خابرت الولد بالمحل كتلهم مااكدر اجي انتو عزلوا المحل
رجعت للبيت وجنت حيل ضايج من نفسي لان فكرت اتخله عنها بسهوله
هي لو ما مغتصبها ماعدها مانع توافق ع اي شخص بس شلون هسه وهي تعرف بس يدري احد بيها راح تكون نهايتها واهلها راح يرحون بالرجلين من وره سمعتهم
صعدت للغرفه اجتي امي وراي وسالتني شبيك
كتلها راسي يوجعني واريد بس انام وارتاح لحد يكعدني
طفت الضوه وطلعت
احس بنفسي عاجز مااعرف شاتصرف وشاسوي
مااعرف شاسوي لاهلها حتى ااثر عليهم واخليهم يوافقون
اكيد هاي حوبة شهد وعمار بيه اني هم جبرت شهد خطيه وهم هيج سويت بيها بوكتها مجنت اعرف شاسوي وشاتصرف
اكيد اخوها هم كاعد يتصرف تصرف اي واحد بمكانه يسوي واني اول واحد هيج سويت من عرفت بشهد وعمار
اصعب شي ع الواحد من يعرف اخته عدها علاقه بولد يمكن لو ينذبح اهون من هذا الموقف
اتمنى تفتح الحضر عني حتى اراسلها
اذن المغرب كلت خلي اتوضه واصلي وادعي ربي هو يحلها الي
صليت ودعيت ربي كون يخليها من نصيبي وتتحقق معجزه وتخلي اهلها يوافقون
حسيت براحه نزلت جوه كلت خل اروح للمحل افضل واخذ خط حتى اراسلها منه
رحت واتفاجأوا بيه الولد كتلهم عندي شغله جانت خلصتها ورجعت
اخذت خط وعندي جهاز بالبيت كلت من ارجع اخلي الخط واراسلها
طلعت اباب المحل وكفت وعيني ع محل عمار
صافن واكول يجوز اطخ عندي واحجي ويا واتفاهم بلكي الله يهدي
باثناء التفكير وجان يمر من يمي يباوعلي بنضرة حقد
ماالومه ابد لان السويته بي جان قاسي ولو يدري شمسوي باخته يمكن يذبحني ومايشفي غليله
دخل للمحل كلت بس يطلع هذا الصانع الي مخلي ويبقى بوحده ادخل واتفاهم ويا مستعد كلشي اسوي حتى يوافقون عليه
بس ماكو ماطلع ابد وره لحضات هو طلع
بعدها اني هم دخلت لمن عزلت ورجعت للبيت كبل خليت الخط
خابرت بالاول ع احمد كتله فدوه خل ديما تخابر روان وتتاكد من الجهاز عدها لو لا اريد اخابرها هسه واخاف عند اخوها
كلي راح اكلها وارجعلك خبر
بس الله عليك لتخبرها اني اريد اراسلها اخاف متجاوب خلي تحجي وياها بصوره غير مباشره
اوك
دخلت سبحت وطلعت لكيت متصل بيه احمد
رجعت خابرته كلي عدها الجهاز راسلها
ماشي راح اراسلها يله باي
مااعرف شاكتبلها لو شلون اعتذر منها
مااكدر اتصل اخاف الصوت ينسمع ويجوز متجاوبني
بسرعه فعلت الفايبر وبديت اكتب
هلو روان شلونج شخبارج ان شاء الله مرتاحه من دوني سمعت بيج مخطوبه وموافقه وحبيت اباركلج دزيتها
دزيت هيج حتى تنفعل وتجاوبني
قرت الرساله وبدت تكتب
حبيت تباركلي لو تشمت بيه احب اهنيك لان وصلت للهدف الي ابالك من اغتصبتني وخليتني بهذا الموقف اشكرك واشكر موقفك ويايه
بس رجائي الك انسى اسمي وانسى رقمي وانسى كلشي يخصني وروح مبري الذمه ع كلشي سويته بيه
لج تحجين صدك الله وكيلج كلبي ينزف دم عليج واني اسف واعتذر منج ع كلشي بدر مني والله ساعة عصبيه ومو قصدي الحجيته عليج والله بس انتي عصبتيني من مبررتي موقفج وطلعتج وي العار والله مبقه عقل براسي من شفتج ويا اتخبلت انت شي يخصني وملكي ومستحيل اخليج تصيرين لغيري لو ع عكص ركبتي
مرتضى هذا حجيك ميفيد بعد ولا راح تضحك عليه بي ومثل مكتلك روح انت حر شوفلك وحده بنت اوادم مو بنت شوارع وتطلع وي الولد وتحجي
هاي شبيج روان لاتحجين هيج والله لا اضحك عليج ولا مفكر بيوم اضحك عليج والله راح اسوي المستحيل حتى اقنع اهلج انت تحجين من كل عقلج اعوفج واخليج بحلك الموت يستحيل
رسلتها واتفاجأت منطيتني حضر خرب يومها شبسرعه
سويت برنامج الواتساب ورسلتلها انقرت بس ماكو جواب
دزيتلها فدوه اروحلج لاتنطيني حضر مابيه حيل يوميه جايبلي خط وانت تحضرين
لكيتها هم حاضرتني
انعل يومج روان ع هاي الدكه
ياربي شاسويلها هاي غير عنوديه وراسها يابس ولو اني جفصت بالحجي وياها هواي واكيد جرحتها
كلت خل اتركها لروان لمن تهدئ اهم شي خل اشوفلي حل وي اهلها ولو اني مااعرف شلون اخليهم يقتنعون بيه
هسه لو احمد يتزوج ديما جان اخذت ابو احمد لخالها وحجيت وياهم
ثاني يوم حجيت وي احمد كتله متفضها وتخطبها لديما
ليش شكو شصاير
لا مصاير شي بس اريدك تتزوج باسرع وقت حتى اخذكم انت وعمي ابوك مشيه لخال روان بلكي ياثر عليهم
والله حجيت وي امي واكلت كلبي سين وجيم وين تعرفها وشلون وحلوه لا نادره لو فاهيه من ذني ام الاندومي وجمالها طبيعي لو اصطناعي وهم نافخه شفايفها وهم مسرحه شعرها وهم داگه تاتو وصارلي اسبوع دك تحقيق ويايه
لابربك تحجي صدك 😂😂😂😂😂
اي وربي 😭😭😭😭
اي وشكلتلها
كتلها البنيه مشايفها وممركز بيها ابد انت روحي وحققي وياها بس ع كيفج وي البنيه مو تسحوليها من شعرها حتى تتاكدين من شعرها
وين عرفتها وشلون مشايفها
كلتلها جيران ولد صديقي
اجيت اكحلها عميتها 😂😂😂😂
اي وبعدين
كالت شوفلي ام صديقك جوارينهم خل تروح وياي
😂😂😂😂😂😂كول والله
اي والله
كمت امتمت مااعرف شاكلها
بعدين كتلها يوم الله يخليج مااريد صديقي يعرف اخاف يطلع مخلي عينه عليها خليها لمن اخطب وعود يله احجي كدامه
لك احمد احجي الصدك ممعقوله الي تحجي
وعيونج ممجذب عليج هي هاي الحقيقه
زين من اروح اخطبها شاكل لاهلها منين نعرفكم
كليلهم ناس كلولنه عنكم ومدحو بيكم وبسمعتكم الزينه وانت لسانج ينكط عسل بعد بيج ومتمدحين بيكم
موافقه بس من هسه اكلك اذا جمالها صناعي مااقبل تتزوجها ابد
موافق يوم هو اهم شي راييج الي توافقين عليها اني اوافق والي ترفضيها اكيد ارفضها
الله وكيلك حجيت وياها هيج حتى تفرح بحجيي ومتشك بيه ابد
اني اذا ابقى وره امي مستحيل اتزوج يوميه جايبتلي وحده شكل ومن اكلها مو حلوه تكلي اهم شي الاخلاق
اي يايوم والشكل شلون
اي عادي اكو صالونات ويلعبن بخلقتها وتتغير الله وكيلك
والزبده ولك
باجر راح تروح هي واختي حتى تشوفها وتحجي وياها
كتلها يوم اهم شي جيبيلي صورتها حتى اشوفها 😂😂😂😂😂
وصدكت بيه واتمنى متجفص جفصه كدام الناس
ياالله كون خاله تقتنع بديما حتى تتزوجون واني وراكم
الله يسمع منك
يعني باجر عشانه عليك
ليش يابه ليكون اني الخاطب وماادري
لا انت متلهف للموافقه ازيد مني
لتستغلني لك
العشه عليك اذا امك اقتنعت والعشه عليه اذا اهل ديما وافقوا عليك
اتفقنه لعد هاي هي
صار عندي امل ولو ضعيف
ثاني يوم راحت ام احمد وشافت ديما وجنه ننتظر اني واحمد ع نار
كل شويه واتصل بامه وماكو جواب
بعدين كال راح اروح انتظر بالبيت احسن
الله عليك خبرني بس تعرف شي
ان شاء الله
بقيت اني منتظر ع نار بلكي تصير القسمه
وره الاذان اجاني احمد للمحل وجان وجها مكلوب كلاب
لتكلي امك معجبتها ديما
😭😭😭😭😭اي معجبتها وهو عوزه ميبجي
انقطع الامل مني وحسيت بنفسي عاجز
يله خل نروح نتعشه لان حيل جوعان واني منا فرحان
لتكلي تجذب عليه
كام يضحك لك شبيك بسرعه ايست من رحمة الله لك اتشاقه وياك نبع الحنان اجتي متخبله خبال عليها تكول هي هاي الي احلم بيها
بس ادعيلي كون الله يوافقون اهلها
ان شاء الله والله راح ادعيلك
حسيت بفرحه متنوصف
رحنه للمطعم وجانت الفرحه واضحه علينه اثنينه
كال لك لو تشوف امي تكول ابوس بيها واتلمس بشعرها وبخدودها وبشفايفها حتى اتاكد من جمالها 😂😂😂😂
كول والله 😂😂😂😂😂
وحق الله ورسوله
خابرتني ديما تبجي تكول امك فصختني تفصخ وكل شويه وسالتني هذا شعرج طبيعي لون عيونج طبيعي زين ورموشج وشفايفج
اخر شي جاوبتها من حركتي كتلها خاله بعد نسيتي شي مسالتيني علي
شنو خاله النسيته
طولي و وزني هل طبيعي لو صناعي
ها هم صدك نسيت
خاله امني مواصله لا صالون ولا مركز تجميل يعني كلي طبيعيه
هنا امك سكتت وبعد متنفست ابد
لعد شلون اقتنعت بيها
مااعرف اجت تكول عجبتني كلش
هاي هي الحمد لله بعد موافقت اهلها لديما
كالوا اسبوع ونرجعلكم خبر
بقينه ننتظر ردهم
بس ديما اكدت لاحمد ماعدهم مانع لان سائلين عنه هواي ومقتنعين بي
وفعلا رجعوا الموافقه وانخطبوا رسمي ودزوا مشيه وجان بنفس الوقت يوم العقد
اني مارحت واتعمدت مااروح اخاف يشوفني عمار ويخرب الخطبه واني مااريد هذا الشي يصير
بيومها عزمت احمد مثل متفقنه ورحنه للمطعم
باركتله لاحمد وجنت فرحان اله هواي
سالته ع روان جايه لو لا
كلي اي ديما كالت اجت
بعدها عقدوا محكمه راسا متعطلوا
اتفقوا الزواج بعد شهر
احمد مكمل غرفته وماعنده شي
كملوا العقد وره تقريبا 3 ايام جنه اني واحمد سويه نتعشه وجان تخابر ديما ع احمد
سمعته نخبص خبص
لج اسكتي خل افتهمج كلشي ماافهم
لتخبليني شبيج تبجين لخاطر الله
هسه اجيج بس فهميني
شنو تحجين صدك
لا اله الا الله
شوكت وليش هيج يسوون
وين انتي ..... هسه اجي انتظريني
ان شاء الله ماكو شي حبيبتي بس اسكتي لتبجين
كلبي لعب من هاي المخابره بس مااكدر احجي خل يخلص واشوف شكو
كمل كلامه والتفتلي وكلي
مرتضى راح اكلك شي بس اتمنى تتمالك اعصابك
شكو احجي شصاير
جان يكول روان انتحرت ...........
هاي الكلمه قضت عليه ع التخير
🌹🌹🌹🌹🌹🌹
#الندم_مابعد_الخطيئه
مساء الخير ع اجمل متابعين اتمنى لكم قراءه ممتعه
❣️❣️البارت 18❣️❣️
❣️❣️الندم ما بعد الخطيئه ❣️❣️
❣️❣️للكاتبه رونق❣️❣️
هاي الكلمه قضيت عليه ع الاخير
شنو انتحرت احمد فهمني
مااعرف هسه ديما تبجي وكلشي مفتهمت منها غير روان انتحرت
وهسه راح اروح لديما واخذها للمستشفى وافتهم
بس كلي شلونها بعدها عدله بيها شي
هذا الحجي نمشي ونحجي جان مستعجل
والله مااعرف ولا هي تعرف
يابه قسما بالله العضيم اذا صار بيها شي اله عمار اكتله بيدي ومااخلي يتنفس الهوى لحضه وحده
صعد احمد بالسياره واني ردت اصعد ويا
هاي وين مرتضى فدوه اروحلك اتمالك اعصابك شلون اخذك وياي وبصفتك شنو لتصعبها ع البنيه
تحجي صدك احمد والله اليوم اكلبها المستشفى كلاب ع اهلها اذا صار بيها شي
لتستعجل مرتضى اني خل اروح وافتهم وارجع اخابرك وافهمك والله انطيك الاحداث اول باول
مستحيل ابقى هنا كلبي نار عليها تحجي صدك احمد
والله مومن صالحها واكيد راح تتعاركون بالمستشفى وراح تصعب الامور كلها خليني اروح واني اطمنك والله واذا شفت اكو فرصه ومحد متواجد بس امها اخابرك واكلك تعال
استغفر الله واتوب اليه امري لاالله بس امانه عليك اتصل بيه لان احس كلبي راح يطك والله
عافني وراح لازم اتمالك اعصابي من صدك
بس والله اذا صار بيها شي مستحيل اسامح نفسي
كل الي ديصير بيها من وره استعجالي وغبائي عبالي انتقم منهم هي واخوها وكعت بيها والله جازاني بشر اعمالي
وشسويت بعمار وشهد الله عاباني وسوه بيه هيج
بقيت منتظر ع نار اتصل باحمد وينطيني رفض
بعدها دزلي رساله كلي الجوء متكهرب هنا ايالك وابالك تفكر تجي
البنيه فاقده الوعي وغسلولها معدتها ممخليه علاج يعتب عليها مماخذته
وهسه مخليها بالعنايه
لا ياالله خطيه اني الي وصلتها لهاي المرحله اكيد تنتحر لان اهلها ضاغطين عليها واني عبالي فرحانه بهذا الحقير ورزلتها وزودتها عليها
مااعرف شاسوي وشاتصرف
خابرت ع مهند اخويه وكتله وين انت اريد اجيك
لازم الكيلي حل ميصير هيج تبقى السالفه لازم اضغط ع اهلها واخليهم يوافقون بس بنفس الوقت مااكدر احجي واكول السر الي يخليني متمسك بيها مااكدر اكول اغتصبتها مااخاف ع نفسي بس خوفي عليها اكيد لان راح يكتلوها اهلها اكيد وراح ينفضحون
رحت لمهند وكتله فدوه مهند احجي وي ابويه خل يلم عمامي ويروح لبيت عمار اريد اخطب اخته
مرتضى اعتقد حجينه بهذا الموضوع وحسمناه مستحيل بعد نفكر نخطبها لان البنيه مخطوبه وهمه اصلا رافضينك ويضوجون منك وبينك وبينهم عداوه
مو مهم هذا الحجي اهم شي تخطبونها لا والله اخذها وانهزم واخليكم انتم واهلها بالامر الواقع
مرتضى انت لا طفل ولا مراهق وهيج تسوي شنو بس هي بالدنيه الخلقها مخلق غيرها اعقل وشوف طريقك بعيد عن هاي العائله
مهند والله البنيه الي ومتصير لغيري واني اكول الافضل الكم تشوفولي حل احسن مااني اتصرف
البنيه ممخطوبه بعدها واكو ناس حاجين بيها واهلها جبروها حتى توافق بس هي انتحرت وهسه حالتها خطره بين الحياة والموت وبس يصير عليها شي اكلب الدنيه والله فوك روس اهلها
تحجي صدك ولك اعقل لاوالله اني العب بيك لعب
هي واهلها نارهم تاكل حطبهم انت لتدخل بيهم وتبلينه
مهند والله البنيه اريدها وماافكر بغيرها ابد
معقوله نسيت مريم وحبك الها وبهاي البساطه تحب غيرها
لا منسيتها بس مريم الله يرحمها ماتت وهذا امر الله لااعتراض ع امره وحكمه واني هاي البنيه كدرت تنسيني مريم
والله البنيه متاذيه من وراي واهلها شالعين كلبها خطيه
مااعرف شاكلك بس والله ابوي مايقبل ابد لان خطيه كاعد ينذل من وراك واهلها كاعد يطردون بينه
ميخالف خل نحاول بس هالمره خل نشوف عمامي شكم واحد وانت وابوي
الله كريم بس خل البنيه اطيب
عفته ورحت
رجعت للبيت واني روحي طالعه من الدنيه
خابرني احمد بسرعه جاوبته
ها بشر
البنيه بعدها فاقده وكاعد تعاني من صعوبة التنفس
واهلها شيكولون
شيكولون بعد متخبلين خبال امها مثل المخبله وابوها يكسر الخاطر
وعمار العار
هذا بحث اخر دمعته بطرف عينه ومتخبل عليها
مااكدر اجي اشوفها
دير بالك تفكر والله مو من صالحك ولا من صالحه خطيه
انت وين هسه
بالبيت اني رحنه اني وديما وخالها وخالتها ورجعنه
جدها وبيبيتها كالوا مستحيل نخليهم بعد يجبروها ع الزواج راح يطردونه اخو مرت عمار
ياالله الله يبشرك بخير ع هذا الخبر
مرتضى رجاءا لتستعجل وتسوي شي وتتندم عليه ابد لتفكر تروح للمستشفى ابد
الله كريم بس امانه عليك شتعرف خبرني وطمني
والله اي شي اعرفه بسرعه اخابرك واخبرك
نهيت المكامله وي احمد وحاولت انام مكدرت اله لوجه الصبح
ثاني يوم اول مكعدت اتصلت باحمد وسالته ع روان
كلي بعدهي لهسه ممستقره حالته وبعدها فاقده الوعي
تريكت ورحت للمحل وبقيت هناك حتى الظهر مرجعت
العصر اجه احمد يمي وبده يحجي وياي ويقنعني حتى مااروح للمستشفى
وكلي صارت فرصه الك هسه بس لازم تستغلها زين متحمل غلط ابد
حاول تبتعد عن الانضار وان شاء الله راح تصير زينه
واوعدك بس اتزوج اعمل المستحيل واقنع خالها حتى ياثر عليهم
ان شاء الله بس اهم شي طمني من تسمع شي جديد
اكيد اول مااسمع اطمنك
بقت يومين فاقده وثالث يوم جنت كاعد بالمحل تقريبا ب4 العصر اتصل بيه احمد وطمني وكالت صحت وحالتها مستقره بس هي متحجي وي اهلها ولا كلمه
الحمد لله والشكر ياربي الله يبشرك بالخير وبالنسبه لاهلها يطبهم مرض خليهم هيج تعاملهم احسن حتى بعد محد يفكر يجبرها
فدوه احمد كل لديما بس تروحلها خل تتصل بيه حتى احجي وياها واتحمدلها ع السلامه لان منطيتني حضر بكل ارقامي
بسيطه ان شاء الله من اروح يمها اني احجي وياها
بالليل نروح يمهم اني وامي
بقيت انتظر الليل ع نار
بس ماكو اي مخابره
خابرته اني انطاني رفض بقيت بقلق لحيت عليه وهو ينطيني رفض
اخر شي جاوبني شبيك لخاطر اله ماتعرف شنو رفض يعني مااكدر اجاوب اي متحس شبيك
لك والله ع نار كاعد انتظر
ليش تنطيني رفض
جانوا اهلها كلهم هناك ومصارلي مجال ابد احجي وياها وحتى ديما تكول مصارتلي فرصه وجانوا مشغولين كلهم عليها لان الظاهر بعدهي متخربطه
رجائي الك اكعد واسكت لمن تتعافه زين
فعلا تركتها وره اسبوع طلعت من المستشفى وحالتها مستقره هالمره مااكدر اشتري خط جديد ولا اكدر اراسلها اتامل بديما بلكي تحجي وياها وتقنعها تفك الحضر عني
كل هذا الشي مو مهم اهم شي صحتها اتعافت والحمد لله
اريد اشوف احمد انتظره لمن يتزوج حتى يكدرون ياثرون ع اهلها هو وابو بس يقنعون خالها لواشوف عمامي واخليهم يرحولهم ويطلبوها منهم
اخذت رايي احمد كلي اصبر لدز احد هسه خليها وره زواجي والله اخذ ابوي واحنه نسعالك بس انطينه مهله
والله ماعندي صبر اريدها تطمن حتى متفكر بعد تنتحر
تعال اكلك ليش ديما ماحجت وياها حتى تفك الحضر مني
والله ياعيني تكول حاولت وياها وايست منها تكول قافله تكول خل ينساني وينسى اسمي وليفكر يحاول يحجي ويايه لو يفكر يخطبني بعد لان حتى اذا اهلي وافقوا اني الي ارفض
اي مو بكيفها اني اعلمها خل اشتري خط جديد وامري لا الله واني اعلمها ع هذا العناد
حيل ضوجتني ليش هيج تسوي واني اعتذرت منها وكتلها حالة عصبيه وماادري بنفسي شحجيت وفعلا تندمت بس بنفس الوقت هي اتجاوزت عليه هواي وهي الي جفصت بالحجي وجبرتني احجي ويها هيج
روان : بعد اخر موقف وي ماما حسيت الدنيا ضلمت بوجهي مااعرف شاتصرف وهمه اتفقوا وحددوا موعد للخطوبه
شكد حاولت اقنعهم ولا فاد
اجت بيبي وجدو وهم كمت ابجي وحاولت اقنعهم كالوا انت متعرفين مصلحتج اهلج اعرف بمصلحتج
انقطع اخر امل الي وعجزت اقنعهم ميجبروني بس مفاد
لليل اجتني رساله من رقم غريب وعرفته مرتضى وجنت حيل ضايجه منه ومن حجه عليه
انطيته حضر ومهتميت لا اله ولا لاعتذاره اصلا اني مااريده ولا اطيقه يمكن يتصورني لازمني من الايد التوجعني ويكلك لو شاسوي بيها مجبوره تسكت لان اول وتالي لازم اطاوعني
بس اكيد متوهم افضل الموت ولا اتنازل اله وابقى اتوسل بي حتى يتزوجني
كطعت الاكل يومين وثاني يوم موعد الخطوبه اشوف اسيل فرحانه وجان قصدها لان نجبرت
كمت ادور بالصيدليه مالت البيت ع حبوب ولميت شكو علاج بالبيت بدون علم احد من ضمنهن حب الضغط مالت بابا
انتظرت الصلاه صليت وطلبت المغفره من رب العالمين وطلبت من ربي ان يسامحني ع الراح اسوي
كملت ورحت لماما حضنتها وكتلها ماما سامحيني
ع شنو ماما اسامحج
ع كلشي
وشنو مناسبة هذا الحجي
ماكو اي مناسبه هيج حبيت اطلب السماح منج
رحت لبابا وهمين طلبت السماح
بابا تخبل بنتي بيج شي
لا مابيه شي
لعد شنو مناسبة هذا الحجي
هيج بدون مناسبه
بعدها صعدت وبديت ابلع بالحبوب جانن هواي ومااعرف لشنو
بقيت ربع ساعه معدتي تكطعت تكطع وكمت اصيح من الالم اجوي ماما وبابا لحضات وانغمه عليه بعد ماادري بالدنيه شبيها مابيها
وره فتره فتحت عيوني ع الم مو طبيعي احس احشائي متكطعه تكطع
لكيت نفسي بالمستشفى واهلي داير مدايري مااعرف شكد صارلي بالمستشفى
كمت ابجي من الالم واصيح اجوي ضربوني ابر نمت
كمت اكعد وانام من اكعد اكوم اصرخ من الالم ومن يضربوني اهدئ
اهلي محد حجه وياي ولا كلمه بس حسيت الخوف ماكلهم اكل
مااعرف ليلي من نهاري ابد حسيت بديما يمي وبيبي وجدو بس احس لساني ثكيل مااكدر اجاوبهم ابد
بقيت بالمستشفى لمن صرت زينه وحسيت نفسي زينه احسن من قبل
كتبلي الدكتور خروج
حيل اعتنوا بيه من عرفوني قريبة كرارابن خالو
رجعنه للبيت بس راح يكون اكلي خفيف لان معدتي متاذيه ولازم حميه حتى اتعالج
صعدت كبل لغرفتي صعدوني بابا وماما وبدوا يحجون عليه ليش هيج سويتي
بابا فدوه اروحلك تعبانه اريد ارتاح وبعدين نسولف اريد بس اتهرب منهم
تركوني وفعلا نمت وعبالك مخدره بس اغمض عيوني انام بسرعه
لليل اجوي بيت جدو
والكل صعدوا يمي وهنا انفتح الموضوع بيبي وجدوا كاموا يحجون عليه
كتلهم اموت احسن من ماانجبر
والنبي اذا انفتحت سيرة اخو اسيل مااتردد ابد وانتحر مره ثانيه
ماما حجت هاي هي والله محد يجبرج بعد بس لتفكرين تنتحرين والله اموت وراج تدرين بينه اتخبلت وحتى ضغط شكل ويايه من وراج
ماما مو كتلكم مااريده علي وانتحر اذا جبرتوني
حجه جدوا بعد شحده الي يجبرج اني العب بيهم طوبه هو شكم رونه عدنه
فرحت من حجوا هيج
كامت ديما تلح عليه افتحي الحضر عن مرتضى وتقنعني
والله خطيه يريد يموت من وراج لو شايفه شيسولف عليه احمد والنبي يكسر الخاطر
مو مهم يطبه مرض اصلا كل الي دا امر بي من وراه هو سبب كل معاناتي
هو شعليه قابل كل لعمار روح اجبرها
هو لو ماخاطبني مجان عمار يجبرني
عوفج من هذا الحجي افتحي الحضر واتفاهموا ع كلشي
عوفيني هيج افضل الي واله وهو الي اختار هذا الطريق وهو الي كلي ميشرفني اتزوج وحده مثلج
اي ياعيني مو حالة عصبيه جان وميعرف شجان يحجي بوقتها
فدوه ديما سدي الموضوع لان دخت وراسي كام يوجعني منه
تعاي سولفيلي شوكت الزواج
اتاجل الزواج
ليش شصاير
عندهم اقربائهم توفه وكال عيب لمن يطلع الاربعين يله نتزوج
الله يرحمه
جهزتي لو بعدج
والله الصراحه بعدني لان جنه ملتهين وياج يوميه احنه بالمستشفى
من باجر نطلع نشتري وهسه راح امر بعمار واشوف شاخذ منه بس اله. اقطه قطه من هاي الزينه حتى اخذ حقج منه
هههه هاي شلج بيها انت شعليج بحقي كولي اني اريد اقطه
اي فعلا هسه راح اعوفج واروحله خل اشوف شعنده ماعنده
راحت لعمار واني نمت ماكدرت انزل ابد لان بعدني ماالي خلك ابد
كعدتني ماما ومسويتلي شوربه لكيت بيت جدو متعشين ورايحين
بديت استرجع عافيتي وعمار كاعد يحاول يحجي ويايه بس اني ابد مفكرت احجي ويا ولا كلمه لان حيل اذاني ونسه افعال زوجته وبكل سهوله يريد ينطيني لاخوها اني لو غير اخو زوجته ماانقهر من عمار واكول حقه
كمت انزل جوه وبديت انظف البيت لان ماشاء الله اسيل نضافتها فول ومخليه البيت يخبل يمكن لو ما ماما جان البيت مينوصف من القذاره
بديت بالبيت كله سويت حمله عمل شعبي ماما كامت تحجي عليه تكلي بعدج مريضه كتله صرت زينه
الي عرفته من ماما كالت عمار كايل لاسيل لا يجون اهلج لان روان رافضته لاخوج وهي متخبله ومتعاركه ويا تكله شنو تضحك ع اهلي
خل تولي هي كوه مااريده والله ماما تنتقم مني بس اوافق ع اخوها
والله ادري بس مجبورين ووافقنه عليه لان نخاف ع اخوج اخاف هم يتعارك وي الولد اخو صديقتج
بس يوم ماخفتي عليه وع مصلحتي والله تعاستي وياهم ميحبوني كلهم لااسيل ولا امها ولا اخواتها ولا حتى هو اخوها
يوم الراح مات وبعد منجيب طاريه ولا تقهرين نفسج بس اريد اطلب منج طلب بغلاتي عندج عوفي اخو شهد ماالي خلك اخوج يذبحج والله
والله يا ماما لامتواعده ويا ولا مخابرته ابد
هو يريدني بس اني اني ماعليه بي ابد
يوم فدوه اروحلج اتركي حتى لو تحبي مدام حبه بي مشاكل اتركي افضل
ان شاء الله
علاقة عمار باسيل رجعت مثل قبل بس مشاكل ابيناتهم
هي اصلا متنطاق ابد واني متاكده لا عمار ولا ماما وبابا مقتنعين باخوها يكون زوج الي بس همه رادوا بس يتخلصون من مرتضى
قرروا اهلي يسافرون لسوريا لمرقد السيده زينب
طلب مني بابا جوازي حتى يفيزه وياهم كلي ناخذج ويانه
اني ماقبلت ابد ورفضت مااريد اطلع من الباب ماالي واهس لكلشي
عمار حسيته مقابل اروح كال خلوها هنا احسن عباله اتواعد وي مرتضى
مايدري بيه كارهه شكو واحد اسمه مرتضى مو بس هو لو يطيح بيدي مااوافق عليه لو يصبني ذهب
جان الخوف واضح بعيون ماما وبابا امنتهم وكتلهم والله ماعليه شي ابقى هنا واسكت من الباب ماامد راسي وحتى جهازي راح انطي لعمار حتى تطمنون مااسوي اي شي
بابا كلي لج ثوله احنه نخاف عليج اخاف نفسيتج تتعب وانت بوحدج لو تفكرين تبلعين حبوب بعد
لا بابا اامن والله مااسويها بعد وروحوا وانت مطمنين عليه
قرروا يرحون بابا وماما وجدو وبيبي وخاله وياهم
خالوا بقه مراح وياهم
سافروا وصادف يوم خميس حسيت بفراغ مو طبيعي
حياتي صارت فاهيه بدون ماما وبابا
بقيت وي اسيل الي كل شويه وذابتلها حجايه تدري بعلاقتي وي عمار مو تمام فماخذه راحتها
جان من يسمعها يلعب بيها طوبه بس هاي الايام الفاتت اتغير وبعد ميحجي وياها بس هو تغير وره ماانتحرت
هملتها لاسيل ولا اهتميت ابد
جهازي انطيته لعمار حتى ارتاح بس هو رفض وماقبل ياخذه مني ابد
طلبت من ديما تجي يمي وتبقى هنا كالت راح اشوف احمد اذا قبل اجي
وفعلا قبل واجت يمي واتغيرت نفسيتي
بقينه نسوي كيك ويخرب ونذبه ونسوي معجنات وعود بيتزا وهم نخربها وذبيتها
بقت يمي 3 ايام حيل اتونست وياها
ديما تختلف عني تعرف تطبخ بس ماتعرف تسوي لا حلويات ولا معجنات
كمنه نطلع من النت وهم يفشل وعمار يضحك علينه ويكول خل تجي نبع الحنان واني اعلمجن اله اكلها خلصن الشكر والطحين
جاوبته ديما وعابت الك قحط شكر وقحط طحين اله اخلي خطيبي يجيبلي
عابت الج ولخطيبج هو لو بي خير ماخطبله وحده مخبله مثلج
والله ماكو مخبل غيرك انت شوف روحك بالمرايه وتعال احجي عليه عالاقل خطيبي يخبش مو مثلك
😂😂😂😂😂😂😂 قصدج مخبل مثلج
اسيل تريد تنتحر من تسمعهم هيج يسولفون
مخبل بحبي قصدك مو
عابت الج ام الوسخ لسانج شطوله
بهالاثناء خابرها احمد وهي طفرت
هذا خطيبي فديته عن اذنكم
ضحكنه عليها لان سوت الدرج خطوتين
حجه عمار كال ابصم بالعشره مخبله
روان فدوه كومي سويلي عصير بطيخ
صار تدلل
هاي اول مره يطلب مني طلب حيل فرحت بداخلي
كملت العصير ونزلت ديما يمنه لكينه عمار ماهو
سالنه اسيل كالت ماادري وين راح
رجعنه العصير وخليناه بالمجمده وره فتره اجه عمار وجايب وياه كيكه كال وين العصير طلعناه واسيل بودها تاكلنه بسنونها اكل
كال كملن وتعالن للمحل جبت بضاعه جديده
ديما فرحت كالت ياريت اريد اكمل ملابسي مابقه شي للزواج
كملنه واموري لعب لعب بالكيكه وجان اسيل تنفجر بوجها وتذب حركتها بي
عمار اتخبل وكام يصيح عليها وفشلها كدامنه اخذته وصعدت
رحنه للمحل وجان المحل معزل
فعلا جايب بضاعه تخبل ديما احتارت شتختار لان كلش حلوات حتى مكياج اخذت وعنده ملابس نوم بس كلتلي اخجل من عمار خل يعوفنه واني اختار وبعدين نتحاسب
كتله لعمار اتركنه وبعدين تعال هو افتهمنه وطلع
وفعلا اشترت هواي اشياء منه وبعدها صحنا وخليناهن هو يحسبهن كلتله ديما مو تضرب بالعالي احسبلي بسعر الجمله 😂😂😂
وليش يابه احسبهم بسعر الجمله خايفه ع المخبل العريس
عابتلك شكد غثيث
التفت الي وكلي وانت رونه اشو كلشي مختاريتي
ممحتاجه شي ابد شكرا
هاي منو العاقله الي متريد شي
مطلعين منا الى لمن تاخذين الي ابالج
دمعتي بطرف عيني واخيرا رجع عمار اخويه الاولي حيل فرحت
والله مااريد شي عود ع زواج ديما اخذ
كام يدور بالمحل بعدين اختار دشداشه بينصل قصيره وتراك وانطانياهن كتله شكرا
اتحاسب وي ديما وقطته قط من هذا الزين وفوكاها اختارت هديه مثل دشداشتي
كال لج هاي شكد بخيله الله يعين المخبل عليها اخذيها من المحل وانعل غيرته الي يطلب منجن تجن للمحل 😂😂😂😂
طلعنه وجانت فرحانه ديما وجان تلاكينه اسيل ووجها ميتفسر ابد
صعدنه فوك ومهتمينه
بقت تقنع بيه ع مود مرتضى
لج والله اكلوا كلبي اكل احمد ومرتضى يكولون بس خل تفتح الحضر احسن من مايشتري خط جديد
والله لو يشتري الف خط هم مراح اغير رايي
وخليني مستقره احسن ماشفتي عمار شلون اتغير والله قبل شويه ردت ابجي والله لان رجع يعاملني مثل الاول بلغي احمد كليله خل ينساني للابد مرتضى مااريد بعد اخون اهلي ولا اريد اتزوجه ابد
والله مااعرف شاكلج
لاتكولين شي الي بس كولي لمرتضى وفهمي
طبعا قررت قرار نهائي ابد ماانطي مجال مرتضى ولا اريده بعد يخطبني حتى مترجع المشاكل ابد
رجعت ديما لاهلها وبعدها اجوي اهلي ورجعت الفرحه للبيت لان جان البيت بدونهم اظلم
ورجعت حياتي لسابق عهدها مثل قبل ودعيت ربي كون ابقى هيج
وره فتره هم اجتني رساله من رقم غريب واكيد هذا مرتضى
بس اتفاجأت طلعت شهد
فرحت وبنفس الوقت خفت اخاف عمار يحس ومايقبل
كالت اني شهد واريد اتصل بيج اذا ماعندج شي
كتلها بالليل نتخابر
وفعلا تخابرنه اني وشهد وعاتبتني شلون مافتحت الحضر
كتلها والله اخاف عمار مراقب جهازي ودائما ياخذه مني
شخبارج والله مشتاقتلج
اني اكثر والله بس تدرين بلي صار بيه
ماادري والله شصار بيج كل الي ادري بي هو منطيتني حضر
ليش اخوج ميخبرج بلي صار بيه
لا والله ابد
حقه ميحجي شي لان سوه عملته الوسخه ويايه والباقي مو مهم
سولفيلي والله بقيت قلقه احجي
سولفتلها كلشي واتخبلت كالت اشو محجه مرتضى واني الغبيه اكول شبي متغير وصاير عصبي واكله قل
يمعوده لتبرريله ابد اصلا بلسانه كلي مااتشرف بيج زوجه الي
خل يولي مو هو بكيفه
عوفج منه انت شخبارج
الحمد لله بس والله مشتاقتلج هواي هواي
اني اكثر والله
تدرين لو ما جايين وخاطبيني مصار الي صار
والله مااعرف شاكلج صار الي صار بعد مابدينه شي
بقينه نسولف لوقت متاخر بعدها نمت
اتحدد موعد زواج ديما واحمد بعد اسبوعين
رحنه لبيت جدو وبقيت هناك يومين
بعدها قرروا نروح للنجف بيبي وجدوا ووخالو وخاله وديما واني وماما وبابا
قررنه نروح يوم الاربعاء كرار وعمار مقبلوا يرحون وحتى اسيل مقبلت تريد تروح وي اهلها اني فرحت من راحت
يوم الاربعاء طلعنه تقريبا ب 5 العصر لان الجو جان حار مو طبيعي
وصلنه قبل الاذان دخلنه زرنه وصلينه المغرب وطلعنه
حسيت بديما مو طبيعيه الجهاز بيدها وكل شويه لو تخابر لو ادز رساله
سالتها شبيج
كالت احمد هنا وصدفه
معقوله صدفه
والنبي ماادري بي جاي وهسه اتفاجات بي ومااعرف ليش هيج سوه واني دايخه
اجوي اهلنه وره لحضات وجان يجي احمد وسلم ع الجميع والكل متفاجئ بجيته
كعد شويه يمنه كال صدفه اني هنا من الصبح عبرت ع الكل بس عليه وع ديما لا مستحيل حجيه صحيح
بقه يمنه وره فتره كال عمي تسمحلي اخذ ديما وروان للسوك لشارع الروان نشتري النواقص العدنه
كال روحوا عمي وع راحتك شتردون تشترون اشتروا
كلبي لاعب رفضت اروح بس احمد صمم وماما وبابا كالوا روحي وي ديما
رحنه مسافه وصلنه للشارع العام جنت اسمع احمد يتصل بس بالغاز مفتهمت شي
كل الي افتهمته وصلنه للشارع وين السياره
بهالاثناء وكفت السياره كبالنه وجانت سيارة احمد
صعدنه ومسالنه منو الي ديسوق
اول مصعدت وجان اتفاجئ بمرتضى كبالي هو الي ديسوق.........
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: