#الندم_مابعد_الخطيئه -
الثالث عشر -
مساء الخير ع اجمل متابعين اتمنى لكم قراءه ممتعه
❣️❣️البارت 13❣️❣️
❣️❣️الندم ما بعد الخطيئه ❣️❣️
❣️❣️للكاتبه رونق❣️❣️
جان تكول لشهد انت بصفتج شنو تسالين ع رجلي
بقينه صافنين اني وشهد
رادت تحجي شهد سكتتها
اسيل اتجفي الشر واطلعي
انت منو الي انطاج الحق تتجسسين علينه وره الباب
كلبي علمني هاي صديقتج مو راحه
اسيل احترمي نفسج واسكتي
لاوالله فلا اسكت اريد اشوف شلون تكولين عليه حقيره وشالعه كلب عمار
انت متوهمه محجينه هيج ابد
بسيطه الج روان هسه اصيح عمار واخلي يتصرف وياج
خطيه شهد بقت لاتاخذ ولا تنطي
كتلها اسيل عيب عليج هيج تتصرفين كدام صديقتي
خل يطلعون وعود نتفاهم
كالت شهد يله حبيبتي روان خل نروح وعود نتخابر
تحجين صدك شهوده هستوكم اجيتوا
عافتنه اسيل وطلعت
كتلها لتهتمين الها خل تولي
نزلنه جوه حتى محجينه شي ابد بسرعه سوتلنه سالفه هاي الخبيثه
كالت شهد يله ماما خل نروح
بقن صافنات ماما وخاله ام شهد
عبالهن زعلانين لو اتعاركنه من جديد
ماما جلبت بيهن بس طلعن
اول مطلعن اجه عمار وعيونه بكصته
اجت اسيل وجانت تبجي وفاقده
ماما بقت صافنه
شكو عمه بيج شي
اسالوا روان كلولها شجانت تحجي هي وصديقتها
سالني عمار احجي روان شحاجيات انت وشهد
بعد منطق شهد وهي تخبلت
وين تعرف اسمها لصديقتها روان
انت شنو بيها اعرفها مااعرفها هذا الشي ميخصج
اجه بابا ع الصوت جان نايم
كال شنو السالفه
بدت اسيل تبجي وتكول تقبلون روان تحجي عليه هي وصديقتها
تكول حقيره وشالعه كلب اخويه عمار
التفت عليه عمار كال صدك هيج حجيتي وجان عصبي
كتله جذابه اسيل هي الي كانت تتجسس علينه انه وشهد
والله جذابه وداعت اموري سمعتها باذني
تكللها حقيره وشالعه كلبه
كتلها من يكول احنه جنه نحجي عليج
اتقرب عليه عمار وضربني راجدي فر راسي فر
دموعي نزلن اول مره عمار يضربني
ردت اصعد صاحني بابا
هم ضربني راجدي
انت صايره مو مؤدبه ابد
ع اي اساس هيج تحجين وي صديقتج ع مرة اخوج هاي اسرار ميصير تحجين بيهن وين مجان
وتعاي كليلي بس لا هاي نفسها شهد القديمه
سكتت
بابا كال عمار مااريد مشاكل من جديد
وانت روان اذا اجت شهد مره ثانيه للبيت حسابج راح يكون عسير
حيل انهظمت وكمت ابجي وصعدت فوك
قفلت الباب عليه
اذن صليت بعدها نمت
مااعرف شكد نمت كعدت ع صوت الباب يندك حيل
كمت فتحتها واني افرك بعيوني
صارت ماما مقابيلي
ليش قافله الباب حبيبتي
جنت نايمه
تعالي انزلي تعشي
مااريد مااشتهي
مايقبل ابوج كام يصيح يكول خل تنزل تتعشه
والنبي مااشتهي
الله يخليج ماما تركيني اريد انام حيل نعسانه
عافتني وراحت
راسلتني شهد وسالتني ع الوضع
سولفتلها شصار من بعدها
كالت راسلني عمار واتفاجأت مااعرف منين جاب رقمي اكيد منج
لا والنبي مو اني انطيتهيا ولا ادري
شراد منج
لعب بيه طوبه يكلي انت منو انطاج الحق وتحجين ع مرتي
كتله ابد ماحجيت اني ولا جبت طاريها
اكلج هاي السوالف التعبانه عوفيها ع جها متقشمريني بيهن
ادري بيج مو حبا بروان رجعتي
اكيد رجعتي ع مودي حتى ارجعلج
بس احب اكلج مرتاح وي مرتي والحمد لله
والحجي الوصلج كله جذب
لو اموت ماافكر بيج بعد ابد ولاافكر ارجع الج
منطاني مجال احجي وادافع عن نفسي ابد باللحضه حضرني
والنبي دموعي مانشفن ابد من دزلي الرساله لهسه
خل يولي حتى اني ضربني بدون ماافتهم السالفه
اكلج صارت طلابه شكبرها قبل لنخطبج
اذا خطبناج شراح يصير
والله مااعرف اني لو يطيح بيدي ابد متفتحون السيره لان الجواب واضح
كالت راح ادزلج رساله لعمار الله عليج من تتحاجين ويا دزيها اله
كليله دزتها شهد الك
اوك دزيها
دزتها كاتبه بيها
اول شي مع الاسف تفكيرك صاير وصخ وهيج تفكر بيه
وثاني شي مو اني الي تذب نفسها ع الرجال لو تبقى بس انت بالدنيه والله ماافكر ولا لحضه احجي وياك لان البيناتنه انتهى من زمان
بس عتبي عليك كلش جبير معقوله مفكرني هيج رخيصه وساقطه وفكرت ارجع الك بهاي البساطه
احب اكلك شي واحد اتمنى ماتنطيني حضر مره لخ بس ياريت تمسحه لرقمي من جهازك نهائي
لان ميشرفني رقمي يكون عند واحد مثلك
حيل ويا عمار حيل ضجت منه
ثاني يوم اجوي بيت جدو وخالو
اجتي ديما وحيل فرحت صعدت يمي
سولفتلها الصار كتلها والله حيه مسمومه اسيل واكفه وره الباب وتتجسس علينه
خل تولي انزلي بعنادها اكول فرحانه اليوم لان انت فوك
خل ننزل بعنادها ونسولف ونضحك وخل تموت بحركتها
صدك بدلت سالتها ع كرار جاي
كالت لا مااجه لان مسافر ليش تسالين عليه
ع مود الحجاب ولبسي
لبست دشداشه قصيره ونزلت
سلمت ع بيبي وجدو وخاله وخالو
عمار ماموجود اكيد بالمحل
بابا ولا كانو شي صاير يحجي وياي
بس اني محجيت وياه ابد وهو لاحظ هذا الشي
رحت للمطيخ سويت ريوك وتريكنه اني وديما
ماما واسيل يجهزن بالغده
اني مااعرف اطبخ ابد بس العشه اعرف اكلي
كملنه ريوكنه
كالت ماما جهزي اللبن والزلاطه والخضره والفواكه
فعلا جهزت كلشي وردت اصعد
كاموا يحجون عليه تعالي تغدي
كتلهم مااشتهي قبل شويه تريكت
اجه عمار ولاكانو شي صاير ولا كانو ضاربني
يسولف ويتشاقه اني مهتميت اله ابد
عفتهم وصعدت
صعدت وياي ديما
بقينه نسولف
حجتلي ع احمد صديق مرتضى
علاقتهم متطوره بس بحدود
كالت بس رسائل ابيناتنه
حتى مخابره ماكو
والله زين تسوون اثنينكم
خلي حدود لعلاقتكم
حتى اذا ماخطبج عادي ماكو مشكله
هو اني هم هيج كلت
انت شخبارج وي مرتضى
اني هم ماكو شي جديد ع حطتي صدفه نتراسل اذا شي مهم
دخل علينه عمار وكعد يمنه
اني اتجاهلته
لج ديما ليش زعلانه عليه
لاوالله مازعلانه ليش ازعل منك
لعد ليش وجهج ثكيل
يا اني وجهي ثكيل
عرفته يقصدني
ردت اطلع بره سحبني من ايدي
وين تردين
محجيت شي ويا
تعاي اكعدي اريد احجي وياج
كعدت بس بدون كلام
ديما كالت راح اشرب مي واجي
يمكن هو اشرلها مااعرف وحدهي
باسني براسي وكلي اسف روان لان ضربتج
بس جنتي غلطانه مجان لازم تحجين كدام شهد هيج
تدرين بيه علاقتي مو تمام وي اسيل بس المفروض هذا الشي محد يعرف بي بس احنه
غلط تخبرين الغربه وخاصه شهد اكيد هسه متشمته بيه
ومو بس هيج
انت غلطتي بحق اسيل المفروض اضربج كدامها ميجوز اسكت
اني بجيت والله انت ممفتهم السالفه
يعني عاقبتوني امنت بالله
زين من وكفت وره الباب وتتجسس علينه اني وشهد اشو محد عاقبها
هي جان عدها عذر
اجت جابت العصير والكيك وسمعتكم بالصدفه
والله جذابه اصلا اني الي قدمت العصير والكيك
وشربنه واكلنه وبعدين صعدنه
هستونه دخلنه للغرفه حتى بعدنه مكعدنه وهي دخلت علينه
هسه اواجهجن واني اعلمها اذا صدك
زين انت شلون تحجين وي شهد هيج
اني وياها علاقتنه رجعت مثل الاول وانت تعرف زين شكد جانت علاقتنه قويه قبل
هي سولفتلي عن زواجها كلها وشلون مستشهد رجلها وابنها ميت
وماسالتني عليك ابد
بس سالتني ع اسيل واني كتلها الحقيقه لا اقل ولا اكثر
بس خطيه شمسوي بيها البارحه شمراسلها
خابرتني تبجي
ودزتلك رساله بجهازي وكالت امانه عليج انطيهيا
خل تولي تستاهل
اتمنى تقطعين علاقتج بيها
ليش عمار والله ماصدكت رجعنه اني وياها
ماارتاحلها بعد والله
امن والله جانت مغصوبه ع ابن عمها والله اخذه خطيه ابد متمهلت بحياتها
لو اسولفلك الي سولفتياه جان تخبلت
مااريد اعرف اي شي يخصها
لعد ماعليك بيه اني وياها
راح ادزلك الرساله اقراها ع مهلك
اوك وخل يطلعون بيت جدوا واواجهج انت وذيج
حتى اعرف شاتصرف وياها
دزيتله الرساله
يله روحي اتغدي وانسي الزعل
مااشتهي والله
اني وديما اتريكنه متاخرين
اني راح اروح للمحل وبالليل نتفاهم
اوك
عافني ونزل
صعدت ديما وسولفت وياها
كالت ديما لازم تكونين حذره منا وجاي
هاي حيه اسيل
ابد لتخلين مرتضى يراسلج ابد اله انت تراسلي يله
اي هم كلت هيج احسن
بقينه نسولف للعصر نزلنه اتغدينه وكعدنه يمهم
لليل اني وديما سوينه العشه
مرتضى : سولفتلي شهد ع علاقتها بروان حيل فرحت
كالت رجعت علاقتنه مثل قبل الحمد لله
قررت ادز امي وشهد بس قبل كلشي لازم افاتحهم بالموضوع
مااعرف شلون راح افاتحهم واني متاكد راح يرفضون ميوافقون
بس لازم اني اصر عليهم
ردت افاتح امي بس كالت شهد خل نروح زياره عاديه
وبعدين نحجي وي ماما
فعلا راسلت روان واتفقت وياها
ثار انتباهي خطارهم اهل زوجته لعمار
وكالت اخوها وياهم شكيت بي هذا نفسه الي يزعجها نبهتها عليه
بعدها كتلها راح يجن شهد وامي
الصراحه اتفاجأت امي وحتى ابوي وماقبلو
بس شهد اصرت عليهم وكلتلهم صديقتي حيل مشتاقتلها
واذا ع اخوها هو اتزوج وشاف حياته
واني همين بعد مستحيل افكر بالزواج مره ثانيه
وماما راح تكعد يمنه ابد متفاركنه
اني ادخلت وكتلهم خل تروح خطيه خل تنفه عن نفسها
شهد صعدت واني حجيت كتلهم اني الصراحه حيل استعجلت بالحكم عليها
وع صديقتها واهلها لان الظاهر جنت متوهم واخذت نضره مو حلوه عليهم
وجبرنه شهد بس شنو الفايده
رجعت مكسوره واني اتحمل خطيتها
امي كالت شكد رفضت شكد حجيت بس بدون فايده
ابوي كال الله يرحمه لرسول ابد ماندمت عليه
وهذا مكتوب الهم وكلشي بالقسمه والنصيب
بس اخاف تروح وتبدي المشاكل من جديد
لا يابه اني واثق من شهد هسه ومتاكد مراح تسوي شي بدون علمنه
هاي هي لعد خل انام واني اخذهن بيدي
اخذهن ابوي العصر واني بالمحل ماكدرت اتصل لو اراسل
لليل يله خابرت شهد وسولفتلي ع روحتهم
كالت امها جان وجها ثكيل
واني ماالومهم لان الصار بيهم مو شويه
شكد حاولوا وياك اطلع ابنهم من السجن بس انت رفضت
مو جانت غايتي لمن تتزوجين حتى ميسوينه مشكله
من رجعت للبيت لكيت الكل نايم
ثاني يوم الظهر من رجعت اتغده
سولفتلي شهد ع الصاير بينهن وبين مرة اخوها لروان
وكالت خطيه ضاربيها اهلها وتكول صارلي يومين مااحجي وياها
كلت خل بالليل واراسلها
اخاف لان جايه شهد ضاربيها
رجعت متاخر من المحل جنت متعشي بس سبحت وبدلت وارتاحيت
بعدها دزيتلها هلوووو
طبعا جهاز مخلي بالبيت بي رقم محد يعرفه بس هي
ممسجل اسم للفايبر بس مخلي صورة
لازم اكون حذر منا ورايح
مااريد احد يشك بيها
بقيت انتظر شويه وانقرت
دزتلي هلووو
شلونج
تمام
شخبارج
ع الله
شكو ماكو
ماكو شي
شخبار اهلج شكالوا مكالوا ع شهد
مكالوا شي بس محبوا اتواصل وياها
شنو السبب
بابا يخاف من المشاكل عباله انت هم مراح ترضى وتسوي سالفه
ياالله هاي شلون سالفه
لعد اذا اخطبج شتتصورين راح تكون ردة فعلهم
والله اني من البدايه فهمتك ردة فعلهم بس انت الظاهر متقتنع بسهوله
اني مو مااقتنع بسهوله بس لازم اعمل المستحيل حتى يوافقون
والله هسه مره مرتين وتمل وتعوفني
والله وروحها لمريم ماراح امل ابد لمن اخليهم همه يملون وينطوج الي
وهسه تعاي فهميني ع شنو ضاربينج اخوج وابوج
ع مود شهد لو لان حجيتي ع مرة اخوج
ع مود مرة اخوي
وشدعوه عليه اخوج يضربج ع مود مرته
مو اني الخطات بحقها
زين انت وياها ع خلاف لو صلح
لادائما مشاكل اني وياها
زين هو محاسبها من تتصنت الجن وتسمع حجيجن
رفضت تكوله جبت كيك وعصير الهن
لعد هاي مبين عليها حيه
اي والله وازيد بعد
بعدج زعلانه وياهم
لا اجه عمار واعتذر مني وصالحني
وبابا همين
الحمد لله
انت هم خبرت اهلك
لاوالله بعدني
هم اعتقد مراح يوافقون عليه
مو مهم رايهم المهم انت تصيرين الي ومتصيرين لغيري
شلون مو مهم رايهم
اذا موافقوا منو الي راح يجي يخطب
اكيد اهلي ادزهم بعد مااقنعهم
والله اذا تريد نصيحتي اترك السالفه كلها
لتخلي اهلك بموقف محرج
اني متاكده مراح يوافقون اهلي ابد
انت لو تبطلين تشائمين جان احنه بخير
يابه ابو المثل يكول تفائلوا بالخير تجدوه
مو العكس
يعني شتتوقعين اذا مخطبتج شراح تتصرفين
سهله وبسيطه ارفض اي شخص يتقدملي ومراح اتزوج وفضت راحت
بهالبساطه ترفضين
اي عادي اهلي ميجبروني ع شي ابد
منو يكول
اني اكول
لج بابا متوهمه والله
اكيد يجي يوم الي يملون من رفضج وذاك الوكت راح يجبروج
عادي اذا جبروني انتحر وينتهي كلشي
ان شاء الله مراح توصل لهيج مرحله
باجر راح اداومين
اي اداوم
شخبار ديما
زينه اليوم يمنه
شخبارها هي واحمد
مااعرف ماسالتها
معقوله متسولفن
لا اليوم التهينه وي عمار
اي صدكتج
اكلك بعد ابد لتراسلني الى اني اراسلك
ليش صاير شي
لا بس خاف هاي الخبيثه زوجة عمار تكوم تنبش ورايه
وانت شعجب ممخليه رمز لجهازج
مخليه بس كلشي يصير الاحتياط واجب
خلي نخلي بيناتنه اشاره او علامه حتى منخربط
مثل شنو انت قرر وخبرني
شنو دلعج بالبيت
يسموني رورو
هاي هي لعد من ادزلج هلووو
دزيلي هلوووو رورو
اوك تمام
دير بالك تجاوب لو تكتب شي الى ادزلك
اوك اتفقنه
يله لعد راح انام ورايه دوام
يله روحي نامي تصبحين ع خير
وانت من اهله
عمار… بقيت افكر مااعرف شلون راح افاتح اهلي بالموضوع
وهل ياترى راح يطاوعوني لو هم يرفضون
زين معقوله مراح يملون من ينرفضون مره ومرتين
مااعرف كلشي راح انتظر واشوف شلون راح تصفى
بعدها مشت الايام عادي ماكو شي جديد
شهد اداوم وع تواصل وي روان
اني مااتواصل وياها ولا هي تتواصل وياي
اني الصراحه ماعندي مشاعر اتجاها ابد
دائما تفكيري ابنت عمي الله يرحمها مريم
جنت حيل احبها وكاعد اشتاقلها هواي هواي
دائما نروح للنجف الها ولرسول الله يرحمهم
قربت امتحانات نصف السنه
لازم افاتح اهلي حتى بالعطله يخطبوها الي روان
طلبت من شهد تساعدني
كلنه خل نحجي وي امي بالبدايه
اختارينه وقت جانت هادئه ومزاجها زين
فتحت الموضوع وياها
يوم اريدج تخطبيلي حاب اتزوج
لان مترهم هيج ابقى بدون زواج
يوم عيد عندي يوم الله وايدك بس اشر باصبعك
هاي بنات عمك تارسات الكاع هواي اختار الي تعجبك وبيك خير وادلل
لا يوم مااريد من بنات عمي
وليش يوم اشو ادب واخلاق وجمال
عمك دائما يكول اذا يريد مرتضى وحده من البنات خل يجي يكبع ويروح
يوم بنات عمي مثل اخواتي ومااكدر اتزوج وحده منهن لان اخوات مريم الله يرحمها
لعد شتريد يوم ابالك وحده لو اخطبلك اني بكيفي
والله يوم ابالي وحده واني حيل معجب بيها واتمنى تخطبيها الي
منو هي اعرفها لا
تقريبا تعرفيها واتمنى تعجبج
منو يوم كلي واشوف تناسبك لا
يوم روان صديقة شهد
ياروان بس لا اخت عمار الي اتعاركتو
ها اي يوم وفدوه الج لتعارضين
لك عزه يوم هاي انت تحجي صدك لو دتتشاقه
لا يوم احجي صدك
اكيد تخبلت يوم انت مو بوعيك
مشكوره يوم طلعتيني مخبل مو بوعيي
لك يوم احجي غيرها
هاي نفسها الي خليتني اطرد اهلها من خطبوا اختك
هاي نفسها الي اتعاركت وي اخوها
هاي نفسها الي سجنت اخوها وخليت اهلها يتوسلون ايام وليالي يلى وافقت تتنازل عنه
وهي نفسها الي فصلوا اهلها 100 مليون الك
نفسها الي جبرت اختك تتزوج رسول ع مود اخوها ميتزوجها
شلون هسه تريد تقنعني تريد تخطبها
ومنو كلك راح يوافقون
يوم اروح فدوه الج لتصعبين الامور عليه
البنيه عاجبتني واني جنت متوهم من اخذت نضره مو حلوه عليها هي واخوها
والله متندم ع كلشي سويته بيهم
حجت شهد
يوم الراح راح وكلشي جان قسمه ونصيب واني مكتوبلي اتزوج غيره
ولتصدكين اني متندمه ع الزواج برسول لا بالعكس اني افتخر بهذا الشي
يجوز يطلع عمار افضل من مرتضى وراح يوافق عليه
لج يوم شنو تضحكين ع روحج انت لو كاعد تضحكين ع اخوج
والله يايوم مراح يوافقون ابد
الافضل منفشل نفسنا ابد
اني بالنسبه الي مااروح واخطبها لو تبقى بس هي بالدنيه
ينطيج كلبج اتعذب يوم
لك يوم اني واختك رحنه زياره بسيطه لكينه الوجوه مكلوبه
شلون اذا رحنه خطابه
اعتقد واحنه بالباب ننطرد بدون حساب وكتاب
هاي شنو يوم فدوه لعينج اتفائلي بالخير ولتشأمين لكدام
ادعيلي بالصلاه فدوه اروحلج
لك عزه بعينك هاي من شوكت حابها
من زمان صدفه سافرت لايران ويانه
عرفتها وجانت مؤدبه بشكل وحيل عجبتني ودخلت بعقلي
لك يوم وانت عفت البنات كلها ورحت لاخت عدوك
الكلب دك بعد مايعرف صديق لو عدو
وانت بهالسهوله نسيت حبك لبنت عمك الله يرحمها وحبيت غيرها
يوم الحي ابقى من الميت وانت تعرفين هذا الشي
طبعا اني ع اعصابي هيج احجي لان من المستحيل انسى حب مريم
ولو بيدي والله مااتزوج غيرها ابد بس هذا حضي وقسمتي بعد
يوم اجيبها الك من الاخيرمااخطبها ولا افشل نفسي ابد لو تطلع نخله براسك
ع بختج ام مهند ينطيج كلبج تعذبين ابنج وتشلعين كلبه
لك يوم اختار اي وحده اله روان
والنبي خشمها يابس ولاتعرف تطبخ ولا تعرف تنظف
اختارلك وحده ام بيت ونادره هسه اخطبها الك والله
بس روان لا
واني من هسه اكلج غير راون مااتزوج ولا راح اتزوج ابد
حجت شهد
يوم شبيها روان والله ادب واخلاق ونظيفه بشكل
صدك متعرف تطبخ بس البيت كله ع راسها
حتى لو مااخطبها يعني مااخطبها وسدوا الموضوع
عافتنه وراحت للغرفه
لج شهد حاجيها قنعيها
اذا اقتنعت هي تقنع ابويه
واذا رفضت اكيد تخلي ابوي هم يرفض
خل تهدئ والله كريم
بس والله كلامها صحيح
بس نروح ونخطبها راح يطردونا ويرفضون اكيد
والنبي لعبت نفسي هم انت وهم امي وهم روان
محضرات الرفض لكدام
هسه تنكلب الدنيا اذا تفائلتن
عفتها ورحت للمحل
حيل ضجت من هاي السالفه كلها
مااعرف شاسوي وشاتصرف
هم خطيه اهلي راح اشلع كلبهم ويايه
لان صعبه عليهم ينرفضون
مااعرف وين جان عقلي من خطأت هيج خطئ
حاولت اقنع امي يوميه اتوسل بيها وطلبت منها هي تقنع ابوي
واخيرا وافقت بس ابد ممقتنعه بس لخاطري كالت راح افاتح ابوك بالموضوع
فعلا خبرت ابوي وجانت المفاجئه رفض رفض نهائي
دز عليه وع مهند وحجه وياي
كال اول شغله عيب من عمك هسه شيكول شبسرعه نسه زوجته وكام يدور حب
وثاني شغله بنات عمامك خير من الله اي وحده تعجبك اشر باصبعك والباقي علينه
والشغله الي اهم من كلشي بابا مستحيل اهل البنيه يوافقون
لتغشم نفسك وتسوي نفسك متعرف ردة فعلهم
وتعال اكلك انت اذا حاط عينك ع اخته للولد لوين رحت اتعاركت ويا ورحت جبرت اختك وطلعتهم اسقط خلق الله
يابه جنت بذاك الوكت معمي ع عيوني ومتوقعتهم هيج ناس شرفاء وحبابين
حجه مهند كال مرتضى انت مو زغير ولا مراهق واحنه انصحك وانعلمك
انت جبير وواعي ولازم تعرف تتصرف زين
البنيه صعب علينه نخطبها
لان هسه يكلولك من خطبنه اختك ليش منطيتها النه
هسه خل نحاول منخسر شي
زين واذا رفضوا تسد الموضوع
لا مستحيل اسده البنيه الي ومتصير لغيري لو ع كص ركبتي
احاول وياهم مره واثنين لمن يملون وينطونياها
كال ابويه وانت ان شاء الله ناوي يوميه نروح نخطبها الك وهمه يطردون بينا ويفشلونه
لا يابه مو هيج مره وحده ادز امي
ومره لخ انت ومهند وعمي
وبعدها ندز ناس ياثرون عليهم
لك بابا انت مو صاحي اكيد
انت لازم طاكه فيوزاتك وهيج تحجي
يابه البنيه عاجبتني حيل وهي ادب واخلاق وقفلت عليها
بالنسبه لبنات عمامي لحد يجيب طاريهن ابد
لو ابقى بدون زواج مدى العمر هم مراح افكر بوحده ابد
بده ابويه يصيح عليه ويكلي ابقه بلا زواج
لان من المستحيل نفشل نفسنه كدام ذوله الناس
حجايه مني وحجايه من ابوي اتعاركنه
كام يغلط عليه ويسبني
حيل ضجت عفتهم وطلعت
بقيت بره البيت تقريبا اسبوع ابات بالمحل
حيل اتبهذلت وجهازي ماسكت ولا دقيقه
امي وشهد ابد مجاوبت
اجه مهند وحاول ارجع للبيت مقبلت
اخر شي اجوني امي وابوي للمحل
كالوا نروح نخطبها اذا انطوها زين ع زين واذا منطوها نترك الموضوع
كتلهم مستحيل اتركه للموضوع
ابقه احاول اني وحدي
ادز ناس الهم ياثرون عليهم
كال الله كريم ارجع ويصير خير
هاي الفتره كلها تركتها ولا راسلتها
بدت امتحانات نصف السنه
راسلتها بالليل وجاوبتني
هلوو روان شلونج
تمام الحمد لله
شكو ماكو
ماكو شي
باجر راح اجي للجامعه حاب اشوفج
خير اكو شي
لا ماكو شي بس حبيت اشوفج
لا عفيه لاتجي اذا ماكو شي مهم لان اخاف ع لحضه يجي عمار ويشوفني
حبيت احجي وياج بموضوع
عادي احجي هنا
راح ادز اهلي يخطبوج
بالعطله ادز امي وشهد وايات
والله خايفه اخاف تصير سالفه الها اول ماالها تالي
كولي يالله ان شاء الله يوافقون
شنو كاعد تضحك ع نفسك لو تضحك عليه
والنبي كفرتني بالدنيه انت وشهد
هسه بالجذب كولي ان شاء الله يوافقون
شلون تخبرين امج لو تخليها مفاجئه
لا مااكدر اخبر امي ابد مااريد احد يشك بشي
خليها فجأه
اوك بس حاولي تقنعينها لامج وهي بدورها تقنع البقيه
الله كريم بس بيومها دير بالك تراسلني او ادز شي
لان كلشي اتوقع عمار ياخذ الجهاز ويشوف ويتاكد خاف عندي علاقه بيك
عادي مااراسل ابد لمن انت اطمنيني
ان شاء الله
اذا رفضوا شلون
خليها عليه والله كريم
يله اخذي راحتج ومن يجون اخلي شهد تنطيج علم
تمام يله تصبح ع خير
وانت من اهله
اجت العطله وتقرر الخميس يرحن امي واخواتي
واليوم صادف ثلاثاء
جنت حيل متلهف ومتحمس حتى اعرف ردة فعلهم ولو هو واضح
خبرتها شهد وطلبت منها تسوي نفسها ماتدري بينه ابد
فعلا ابوي وصلهن واني بقيت ع نار
طلبت من شهد تخبرني الاحداث اول باول
عكبت ساعه ولاحس ولا خبر
صار ساعاتين وهم ماكو شي
ادك وتنطيني رفض شهد
ادك ع ايات همين تنطي رفض
رجعت للبيت لان متحملت
اخر شي اجني وي الاذان
الوجوه متتفسر ابد وجانت واضحه النتيجه
ردت اسال وبطلت اكيد موافقوا
ردت اطلع وجان تكول امي
ها مرتضى حبيبي متريد تعرف النتيجه
واضحه من وجوهجن ماكو داعي تكولين شي
جان تضحك وتكول موافقين وماعدهم مانع
اني الصراحه انصدمت وممصدك ابد
لان من المستحيل هيج يوافقون بسهوله
لج شهد احجي الصدك شنو الموضوع
جان تكول والله يامرتضى البنيه طلعت مخطوبه واحنه مندري
شنو مخطوبه معقوله حبت تنتقم وجذبت علينه وكالت تعالوا
عقلي وكف شنو وافقوا شنو مخطوبه
جان تكول ايات الحقيقه هي ..........
توقعاتكم حبايبي شنو الحقيقه ؟؟؟؟
هل راح تتغير حياة مرتضى وروان بعد هاي الخطوه ؟؟؟
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️البارت 14❣️❣️
#الندم_مابعد_الخطيئه ❣️❣️
❣️❣️للكاتبه رونق❣️❣️
#بارت مفاجئ عيديه
جان تكول ايات مرتضى تعال اكعد وخل نتفاهم وياك
البنيه اول محجينه بيها وكنالهم جايين خطابه الكم
انصدمت امها وجانت الصدمه واضحه عليها
وكوه اتمالكت اعصابها يمكن لو يطيح بيده جان طردتنا
بسرعه كالت مرة اخوها
روان اصلا مخطوبه لاخويه وجنه منتظريها تكمل امتحاناتها حتى نعقدلهم بالعطله يعني هاي الايام
اني اتخبلت شنو مخطوبه شنو تعقد زين ليش ابد ممصارحتني ليش ماحجت الي
معقوله هاي مرة اخوها جذابه
اي اكيد جذابه
بس هاي السالفه اجتي صفح
شلون اذا جبروها شلون اذا طلعت صدك
مااعرف شاسوي وشاتصرف
حجت امي يوم بعد ماعلينه عتب منروح ولا نخطبها لان اهلها خصموها
حتى منطونا مهله وكالوا خلي نفكر
يوم البنيه ممخطوبه ابد
يوم حتى اذا جذب منكدر نحجي وياهم احتمال سووها وحده بوحده تذكر من اجوي يخطبون شهد هم بسرعه خصمناها وياهم وكنالهم شهد مخطوبه
مستحيل اخليها تتزوج غيري غير اكلب الدنيا فوك روسهم
لك يوم صلي ع محمد هاي شبيك
انت معقوله هيج تحجي يوم
اي احبها ومااخليها تتزوج غيري ابد
لك شنو الخلاك تتعلق بالبنيه هيج
من اخوها خطب اختك انت شسويت يوم لازم الموقف ينعاد عليك
فعلا صحيح الله راد يعاقبني ويخليني بنفس موقفهم
يوم اني مثل ماكلت جنت مو بوعيي وجنت متوهم
والبنيه هسه احبها واموت عليها
مستعد اخذها واشرد وشيسوون خل يسوون
يمه دخيلك لتسويلنه مشاكل اعقل لخاطر الله
هاي معمعه لدخلنه بيها انت تعرف كلش زين
هاي المشكله الها اول ماالها تالي لازم تنهي الموضوع وتخلي البنيه تروح لحال سبيلها وكلشي بالقسمه والنصيب
يوم راح اكول حجايه ومتتغير للموت
روان الي ومتصير الغيري لو تنكلب الدنيه
عفتهم وطلعت
الصراحه مااعرف شاسوي وشاتصرف
معقوله يسووها صدك ويجبروها تتزوج
لو بس حبوا يطردونا بنازكه
مااعرف كلشي ولا اكدر اراسل روان
خليها لليل افتهم السالفه منها
زين هذا الولد منو
يمكن نفسه الي يراسلها ومضوجها
احس بنفسي عاجز مااعرف شاسوي
اكيد اهلها يرفضون مستحيل يوافقون عليه لو شيصير
لازم اروح لعمار واحجي ويا بهدوء بلكي يتفهمني
لليل رجعت راسلت روان طلع ماكو نت
اتصلت ع خطها طلع مغلق
حيل خفت عليها
حيل اتندمت اني ليش هيج سويت خطوه خطيره وبنفس الوقت غبيه
دمرت مستقبل البنيه وخليتها بموقف متنحسد عليه
دزيت رساله الها
هلو روان شلونج شخبارج
ليش جهازج مقفول بس تفتحينه لجهازج راسليني
البنات بقن قلقات عليج
بقيت يومين اتصل وماكو
حتى شهد تخابرها وماكو
المشكله عطله جان اطمانيت عليها بالجامعه
قررت ادز شهد لبيتهم وتطمأن عليها
طلبت من شهد تجهز نفسها
كالت امي خيرك وين تريد بيها
اريد ادزها لبيت روان
اتخبلت امي
لك انت اكيد اتخبلت شلون ادز اختك
ماتكول شو شيسوون بيها
اخاف اخوها يطلبك ثار ويأذي اختك
يوم صل ع محمد وين عايشين احنه
بكلبي كلت حقج هيج تفكرين لان ابنج نذل وسواها باخته ودمر حياتها
بس اني الصراحه مطمأن من عمار ميسويها بشهد لو يموت
يوم راح تروح بس تسال ع روان وراح انتظرها بالباب
والله لا تروح لا انت ولا اختك
راح اسولف لابوك وهو يتصرف
شنو ماعندك حيا وهيج تسوي
الولد من خطب اختك شسويتوا بي كلكم
خلي نفسك بمكانهم وعيد الموقف
مااكدر اخليكم ترحون لا تتعاركون
والله مااتعارك لو شيصير مجرد تسال ع البنيه وترجع
البنيه جهازها مقفول واني كلبي نار عليها
فدوه اروحلج يوم لاتعارضين
مانتعطل ابد
مستحيل اخليكم ترحون
لك يوم والله اخاف عليكم
لخاطر الله لاتعرضين النه مراح يصير شي
اني اخاف ع البنيه خاف سوالها اخوها شي
لك يوم شفت حوبت اختك والولد شسوت بيك
خلوك بنفس الموقف
صحت بصوت عالي
شههههههههههد فضيها لا تصير السالفه غير شي
امي ابد ماعجبها الوضع وبقت ادردم ورايه مهتميت
اخذت شهد ورحنه
جانت هاي الخطوه جريئه وخطره
مااعرف ردة فعل اهلها من يشوفون شهد
بس بنفس الوقت لازم اطمأن ع البنيه
من المستحيل اخليهم يجبروها
معناها راح تنتحر قبل الزواج وهذا الشي مراح اسمحله يصير
اعترف جان اكو خوف بداخلي جبير من جبت شهد مااكدر امن ردة فعلهم ابد
بدينه نقترب ودكات كلبي بدت تتسارع
اباوع ع شهد احس لونها مخطوف
ها شهوده شبيج
اذا خايفه خل نرجع
لا ماخايفه خل نكمل
متاكده ؟؟؟؟ اي متاكده
وصلنه قريب ع البيت
وكفت الها براس الشارع وكتلها راح انتظرج هنا من تكملين خابريني
اوك
راحت ووصلت للباب كام ادكه واني اراقب من بعيد
احس كلبي كام يدك سريع
دخلت شهد وبقيت ع نار منتظر
تقريبا نص ساعه بقيت بس مااكدر اوصف شعوري
دكت عليه شهد
اجتي وجنت منتظرها ع نار
جان وجها مكلوب كلاب
من شفتها مدري شصار بيه
ردت انزل صعدت كالت تعال
شكو منو اذاج وشبيج
مابيه شي ولا احد اذاني ابد
لعد شبي وجهج مخطوف
مابيه شي والله ابد
بس امشي منا ونتفاهم
شهد متاكده مابيج شي اذا عمار متعرضلك كولي
والله مابيه شي بس شويه منصدمه
مشينا
بشريني شلونها روان ومن شنو مصدومه
الصراحه ابد مختليت بيها ولا كدرت افهم اي شي منها
بس مرة اخوها كالت روان اعزمي صديقتج ع حفلة العقد
وهي شفتها خزرتها
جانت امها كاعده ومرة اخوها ابد منطنه مجال نحجي شي
وره لحضات طردتني بنزاكه مرة اخوها
بس لا صدك يجبروها ياربي شاسوي
وصلت شهد للبيت ورجعت للمحل
دايخ مااعرف شاسوي
جان الجو مغيم وبدت الدنيا تمطر
رحت لمحل عمار ابو الجنط والاحذيه
لكيت الولد الصانع
سلمت عليه وكعدت كتله مايجي عمار اليوم
لا والله اتصل بيه وكال مراح اجي
رايد شي أمرني
مايامر عليك ظالم حبيبي
بس عندي شغله ويا لمن يجي اني احجي وياه
رجعت للمحل واني دايخ بزماني
خابرني احمد صديقي كتله اذا تكدر مرلي للمحل
فعلا وره دقايق اجه كال جنت قريب عليك
سالني ع روان
سولفتله ع الي صار
كال والله امك واختك خطيه لا ادزهن بعد
لان متاكد راح يسوون بيكم نفس ماانتم سويتوا بيهم
كتله راح اموت اريد بس اعرف اخبارها
دزيت اختي وماحصلت خبر
ومااعرف شاسوي
كلي اذا ع اخبار روان هينه
هسه اجيبلك التفاصيل
واذا ع الياثر عليه
اسال ع ابوها منو الصديق المقرب وخل نشوف بلكي احد عرف وياثر عليه
زين شلون تجيبلي اخبار روان
هسه اراسل ديما
ظربت ع كصتي اي والله اني شلون فاتتني ديما
دزلها رساله بس ماكو جواب
بقينه مكابلين الجهاز شوكت تقره الرساله
اذن كمنه صلينه بعدها كال خل نتعشى سويه اليوم عازمك
كتله يله لان اليوم اني بدون اكل والله نسيت نفسي من وره روان
طلعنه لمطعم قريب كلش ع المحل دائما ناكل بي
طلبنه اكل لفات همبركر اتعشينه ورجعنه للمحل
اول مدخلنه وجان يجي الاشعار لاحمد
بدوا يتواصلون سويه
واني كل شويه ها بشر
لك خل افتهم واني اخبرك
اخر شي مل مني وطلع اباب المحل
اني ع نار منتظر
رجع ها بشر
تكول ديما جهازها ماخذه منها اخوها ومن تحتاج شي من صديقه تراسلها بوجوده وترجع تقفله
وتكول جابريها حاليا ع اخو مرة اخوها
رغم الكل ميرتاح الهم بس موافقين
هي متخبله تكلهم ع كص ركبتي مااوافق
روان : تراسلنه اني ومرتضى واتفقنه ع جية امه واخواته اثنينهن
جنت حيل خايفه من ردة فعل اهلي
اني جنت رافضه الزواج بمرتضى وقررت ابد مااوافق ع اي شخص
بس شفت السالفه مترهم لازم نتزوج اني ومرتضى ع مود انستر
نبقى 6 اشهربعدها ننفصل
اني ابد مااوافق ع مرتضى لوما مجبوره
لان ابد ماارتاحله ولا اطيقه لان سوايته وياي مالت شخص نذل
بس من شفته مصر يصحح غلطه وافقت
اتصرفت طبيعي بيومها ومن الصبح سبحت ولبست دشداشه قصيره
لازم مااخلي احد يشك بيه
اتصرفت طبيعي بيومها
اندك الباب وماما فتحت الباب
لحضات وكالت تعاي ماما هاي شهد وامها واختها
بس من هسه اكلج اني مامرتاحه لجياتهن المفاجئه
هاي شبيج ماما غير صديقتي شهد
هسه صارت صديقتج
وين عن اخوها من سجن اخوج وبهذلنه
من كسروا بخاطر اخوج خطيه
اي ماما بس هي ماعليها باهلها همه غصبوها ع ابن عمها وانت تعرفين السالفه
وهسه مو وكتها عيب منهم
دخلت وسلمت عليهم
امهم مبينه عليها غصبا جايه هم مراضيه واضح عليها
رحت جبتلهم ببسي وكليجه جنه مسوين
اجتي الخبيثه اسيل وكعدت يمنه
احس الجو متكهرب بين ماما وخاله ام مرتضى
وبين شهد واسيل
هواي طولوا بس مفاتحتنه بالموضوع
احس دكات كلبي كامت تتسارع
واخيرا فتحت الموضوع ام شهد
كالت اني الصراحه جايه بموضوع واني مستحيه منج ام عمار مااعرف شلون افاتحج بي
احجي ام شهد لا تستحين اامري امر
ميامر عليج ظالم
شكرا ام عمار
والله الصراحه اني جايه اخطب روان لابني مرتضى
ماما انصدمت ومثل الي متكدر تستوعب الموضوع
بقت صافنه شويه
وتفاجئنه اسيل جاوبت
بس خاله روان مخطوبه لاخويه وهاي الايام راح يعقدون
اني بقيت صافنه شنو مخطوبه لاخوها
شنو هاي الايام العقد
ردت احجي بس ماما خزرتني وسكتتني وكالت
والله الصراحه البنيه مخطوبه من زمان
وناوين نعلن الخطوبه بهاي الفتره
اني بقيت صافنه
معقوله ماما تحجي صدك
معقوله خاطبيني لاخو اسيل واني ماادري
لو يموت مااقبل بي حتى لو مو مرتضى بحياتي اني مااقبل بي
انسحبن بسهوله شهد وامها واختها خلن وطلعن
ماكدرت اتنفس نفس واحد كدامهن حتى محد يشك بيه
انتظرت لمن يطلعون يله احجي
اول مطلعن اجه عمار والعيون تجدح نار
الظاهر اسيل مخبرته لكدام
جرني عمار وضربني راجدي بدون مقدمات
لج كلبه شلون تسمحين لنفسج هيج واحد سافل وحقير يخطبج
الصراحه فاجئني متوقعت هيج يتصرف قبل لا يسالني
ماما دفعته كالتله خل نفتهم السالفه
دموعي كامت تجري
احجي شوكت حبج وحبيتي حتى يجي يخطبج
هاي شبيك عمار معقوله هيج تحجي وتشك بيه
شلون تشك اني افكر احبه بيوم
لعد شلون تقنعيني اجوج خطبوج هيج
ماعندي علم ابد ولا خبرتني شهد
شوفيلج زوج غيري واضحكي عليه
تقنعيني 24 ساعه انت وشهد مخابرات معقوله ماتدرين بيها تريد تخطبج لاخوها
مااعرف والله مثلكم متفاجئه
التفت ع ماما شكتولهم
كنالهم مخطوبه لاخو اسيل
زين سويتوا
خل يكون بعلمج لو عندي 100اخت مو اخت وحده هم ماافكر ولا 1 % انطي وحده لهذا العار
احسبي حسابج اخو اسيل خطبج والاسبوع اليجي الكعده والعقد
اني هنا اتخبلت
والله لو يبقى بس هو بالدنيا مااقبل بي
مااريده ولا اريد غيره
اريد اكمل دراستي
لتخافين راح يخليج تكملين دراستج ع حسب الاصول
مااقبل بي لو اموت مااريده
اجه جرني من شعري حيل
لعد شتردين تزوجين هذا العار
لا مااريده ولا اريد اي واحد
مااريد اتزوج ابد
انطيني جهازج
انطيتهيا بكل ثقه
همزين اتفقنه اني ومرتضى
اخذه مني وبده يدور بي
اجه بابا جان طالع
لكاني ابجي اتخبل
منو وياج بابا
ردت احجي منطاني مجال عمار
كله العار مرتضى اخو شهد دز اهله يخطبون الهانم
شنو شنو تعالوا اكعدوا خل افتهم السالفه
تعاي بابا فهميني السالفه
والله بابا ماعندي علاقه بي ولا ادري بي يريد يتزوجني
فجأه اجوي خطبوني
وهذا عمار بسرعه ضربني واتهمني عندي علاقه بي
يابه تقنعني ولد عدوي ويتخبل مني هيج بسهوله يخطب اختي
اذا ماجان عنده علاقه بيها
عمار لتتهم اختك بدون دليل
عندك دليل واضح عدها علاقه بي
يابه اكبر دليل من اجه خطبها ع الرغم هو متاكد احنه راح نرفضه وبشده
بس هذا مو دليل كافي حتى تتهم اختك
اني من شفته رايح وياكم لايران كلبي نغزني وعرفت اكو ان بالموضوع
شوكت راح ويانه
من رجعتوا واستقبلتكم اتفاجأت بي وياكم رايح
بس ياابني يجوز صدفه
والله يابابا وداعتك انت صدفه ماادري بي رايح ويانه
اصلا مااعرفه ولااعرف شكله ناسي
حتلو راح ويانه مو معناها هو عنده علاقه
اختك ويانه هي وديما
يابه خصم الحجي روان خطبوها نسابتي لابنهم
شتكول يابه الولد حباب وخلوق ومهندس
انطونه مجال ابني مو كلشي بالاستعجال ينحل
لازم ناخذ رايي البنيه قبل كلشي
وانت لتخلي الانتقام يعمي ع عيونك
لتتصرف بتهور ابد
يابه بس احب اكول شي
مستحيل انطي روان لاخو شهد الحقير لو ع كص ركبتي
غير هذا الحجي ماعندي
عافنه وطلع وهاي اسيل الخبيثه بقت يمنه
كالت لخاله عود ليش عمار يتخبل من شهد واخوها
ماما كلتلها خاله الافضل الج ماتدخذين ابيناتنه
واذا عندج شي روحي لرجلج وهو يفهمج
اخذت ابنها وصعدت
صاحني بابا
روان بابا روحي غسلي وجهج وتعاي يمي
غسلت وشربت مي ورحتله لغرفته
كلي تعاي سولفيلي السالفه
كعدت بصفه
والله بابا ماعندي علاقه بي ولا احبه وتدري بيه اموت منهم وقطعت علاقتي بيهم
بعدين رجعت شهد واعتذرت مني وكالت اهلي جبروني
زين شمعنى وره رجعتنه من ايران يله اجت
والله مااعرف بابا
بس كالت من شافج بالسفره متعجب باخلاقج وكال اريد تخطبوها الي
زين ممكن اعرف ردج شنو
مااوافق لا عليه ولا ع اخو اسيل
مااريد اتزوج ابد اريد اكمل دراستي يادوب بعدني مرحله اولى
الله يخليك بابا لتوافق ع اخو اسيل اموت منه وماارتاحله ابد
الله كريم روحي اصعدي لغرفتج
انخليت بموقف ماانحسد عليه ابد
راح اضطر ارفض حتى مرتضى حتى ميشكون بيه
بقيت فوك وحتى للعشه مانزلت
كوه نمت
ثاني يوم كعدت راسي يريد ينفجر
نزلت تريكت واخذت مسكن الام
احس راسي حينفجر من الالم
بديت انظف بالبيت
اني دائما التنظيف عليه بس الطبخ لا
مااريد احد يحجي
ماما وجها ثكيل عليه ويمكن زعلانه
مهتميت لكلشي كملت شغلي وصعدت
جهازي بعده عند عمار
كلشي ولا يجبروني ع اخو اسيل اتخبل والله
اني مو بس لان فاقده عذريتي مااوافق عليه
بس ماارتاحله ابد
حاولت انام لان ماعندي شي يشغلني
كاعد افكر بلي راح يصير بيه وشنو راح يكون مصيري
بهالاثناء دخل عمار فجأه عليه بدون ميدك الباب
اتفاجات بتصرفه
اعتقد حب يتاكد مني شاسوي
من شافني نايمه سكت
بعدين كلي اسمعيني زين
مو من صالحج ترفضين اخو اسيل
اني وبابا وماما موافقين
الافضل الج توافقين بارادتج احسن من ماتنجبرين
مالت نوافق ع العار اخو شهد كطنه وطلعيها من اذنج
ومالت تمثلين دور البريئه علينه هم وخريها من بالج
لان من سابع المستحيل يفكر يخطبج اذا مماخذ الموافقه منج
عافني وطلع بدون مينطيني مجال ادافع عن نفسي
اني استعجلت من خليت مرتضى يخطبني
المفروض اتانه ومااستعجل واخلي ياجل الموضوع فد سنه سنتين لان اني باعتباري ادرس بعدني
جان تصرفنه غلط واني جنت متوقعه رفضهم اهلي
بقيت عايشه بقلق اخاف انجبر
نمت ومااعرف شكد بقيت نايمه
صعدتلي ماما وكالت انزلي اتغدي
كتلها مااريد مااشتهي
بيه طبع من اضوج لو ازعل اقطع الاكل ابد مااشتهي
وفعلا بقيت اليوم كامل ابد منزلت
لليل صعدلي بابا كام يحجي عليه
انزلي اكلي ميصير تكطعين الاكل
والله بابا ابد مااشتهي
بس اجوع انزل اكل
حبيبتي لتسوين هيج بنفسج
بابا الله عليك لتجبرني ع اخو اسيل
كمت ابجي
ممكن اعرف السبب
ماارتاحلهم ابد وانت تدري بيه من زمان
بس بابا اخو صديقتج مستحيل تفكرين بي ولو تفكير لان من المستحيل نوافق عليه
والله ماافكر بي وادري بي من المستحيل نوافق عليه
بس اني هسه ماافكر اتزوج ابد
يصير خير بابا انزلي اكلي والله كريم
املي راح يكون ابابا يرفض
نزلت واكلت شي قليل
رتبت المطبخ وصعدت
حيل ضوجه وملل بدون موبايل
اتمنى تجي ديما واحجي وياها
بقيت تقريبا شكم يوم ع وضعي ماكو شي جديد
اليوم جنت كاعده انظف واتفاجات من كلولي شهد تريدج
مااعرف افرح لو احزن بشوفتها
ماما واسيل منطونه مجال ابد ابد كاعدات يمنه والله فجأه وجان يجي عمار والوجه مينوصف ابد جان يطرد شهد من البيت اطلعي من البيت كلبه ساقطه لو تموتون منوافق ع اخوج العار
عمار عيب ميصير هيج تصرف هاي تبقى ضيفه ابيتنه
دزج اخوج العار حتى تاخذين الاخبار احب اطمنج روان مخطوبه وموافقه همين وياريت توصلين هذا الكلام لاخوج وهسه يله اطلعي بره ومااريد اشوف شكلج مره ثانيه
خطيه شهد كامت تبجي ومنطقت ولا حرف ابد طلعت واني ردت اطلع وراها وجان يجرني عمار خيرج وين تردين اطلعين ادخلي كومي اسيل وصليها وذبي وراها سبع طابوكات عود
ياالله متت حركه ع شهد والله خطيه بس مابيدي شي عليها
اسمعيني ولج والقران اذبحج بيدي ومايرفلي جفن اذا ماكطعتي علاقتج بيهم واحسبي حسابج توافقين ع اخو اسيل بالقوه لو بالمروه انت اله ومتصيرين لهذا العار
جان عصبي مكدرت انطق ولا حرف خليت وصعدت فوك
بعد هذا الموقف عمار ابد مااتواجه ويا اتحول انسان ثاني ميطيقني ابد وانسان عصبي 24 ساعه
ماما كل ماتشوفني تحجي عليه وتكلي لا تسوين مشكله جبيره
وافقي ع اخو اسيل واتكفي الشر
مابينه حيل مشاكل اخوج واخو شهد
والله مااوافق ع كص ركبتي
اسيل جانت كاعده
وليش ياحبيبتي روان شبي اخويه اشو مهندس وحلو والف وحده تتمناه
بس اني الظاهر مو من الالف الي يتمننه
اني مااحب اتزوج هسه
بس عمه والله راح تتندم اذا موافقت عليه
لان من المستحيل تلكي شخص مثل اخويه حبيبي
عفتهن وصعدت
للعصر اجتي بيبي وجدو وديما
حيل فرحت وصعدنه سويه وسولفتلها كلشي
كلتلي خابري واحجي ويا خطيه
لا عوفيني خاف عمار يحس بيه
بس اذا خابرج احمد سولفيله
كليله ناوين يجبروني بس مستحيل اوافق
تعاي فهميني شاسوي اذا جبروني
مستحيل عمو يجبرج حتى عمه
بس هاي اسيل حيه مسمومه اكيد تاثر عليهم وراح اطلع اخوها ملاك
مو مهم والله عمو وعمه مايرتاحولها ودومهم يسولفون بخباثتها
نزلت يم بيبي وجدو
كامت تحجي بيبي
ليش كلما نجيكم نلكيج زعلانه وقاطعه الاكل
منو كلج زعلانه وقاطعه الاكل كلشي مابيه
وهياتني يمكم مابيه شي
تعاي بيبي كعدي يمي
كعدت يمها
اي رونه سولفيلي شكو ماكو
ماكو شيي سلامتج بيبي
انت سامعه شي وتردين تحجين
اي سمعت جايينج ناس خطابه وانت كالبه الخلقه
بيبي مااريد اتزوج ابد اريد اكمل دراستي
اي عادي اتزوجي وكملي محد يمنعج ابد
مو هاي مرة اخوج منو منعها من الدراسه
اشو اتزوجت وكملت وين المشكله
بيبي اسيل جانت مرحله اخيره مو مثلي مرحله اولى
بهالاثناء اجه عمار واسيل
حجت اسيل
حبيبتي رونه ماكو مشكله
انخطبوا رسمي واعقدوا محكمه وسيد وبعدها انت حددي الوقت الي يعجبج للزواج احنه ممتوازين
عمار كال هذا الحجي المضبوط
خل نطلع حجتها
التفتت لبيبي وجدو وبابا ودموعي نزلن ع خدي
بس اني مااريده لاخو اسيل ماارتاحله ابد
حجت اسيل اشو انت دائما تكرريها هاي السالفه
شنو مترتاحيله معترض طريقج قبل بساع لو مسمعج احجايه لو ماذيج
اسيل رجاءآ لاتدخلين بيني وبين اهلي ابد اطلعي منها
الزواج مو لعبه والواحد يوافق هيج بسهوله
اني الشخص ماارتاحله وخلص
حجت بيبي وكالت بيبي حتلوا ماارتاحيتله هسه بعد الزواج يتغير كلشي
وتكومين تموتين عليه والي يجيب طاريه بالموزين تلعبين فلك بي
بيبي فدوه اروحلج لاتجبروني عليه
والنبي مااوافق لو اموت
حجه عمار والله توافقين غصبا ماعليج الرضيتي والمارضيتي مو مهم
اهم شي الجمعه الكعده راح تصير
والنبي انتحر ولا اوافق واذا جبرتوني اكتل روحي بسهوله والله
بابا كال بنتي احنه منريد نجبرج بس حبينه انصحج
الولد مابي لوله ابد واحنه كلنه موافقين عليه
بس اني مموافقه عليه ابد
ممكن اعرف السبب
ماكو سبب بس اني ماارتاحله ابد
بس هذا مو سبب كافي حتى ترفضين
بابا الله يخليك لتجبروني ع الزواج
مااتزوج ابد والله خل اكمل دراستي والله كريم
حجه عمار
مو بكيفج توافقين غصبا ماعليج
عمار رجاءا انت لتدخل بيه هاي حياتي اني مو حياتك انت
مو بكيفج والله غصبا ماعليج ترضين وتسكتين
بيبي وجدوا كاموا يحجون عليه
عمار اسكت انت ماالك حق تحجي وتقرر نيابه عنها وابوك موجود
القرار راجع لامك وابوك واختك
انت لتدخل ابد مو ادافع لنسابتك ع حساب تعاسة اختك
بس بيبي مستحيل اوافق ع هذا العار اخو صديقتها
منو كلك اني رايدته
اكو دليل اني موافقه عليه
اكبر دليل هو من تقدملج لو ماجان ماخذ الموافقه منج مجان اتجرأه وخطب
وخل يكون بعلمكم هو متزوج وزوجته ميته
يعني هذا الشي كلش كافي يخلينه نرفضه رفض قاطع ونهائي
هنا صارت ضجه شنو متزوج شنو زوجته متوفيه
كاللهم اي متزوج من زمان
كال بابا خلاص الولد منفكر بي ولو تفكير
وانت بابا اتمنى تفكرين وتغيرين رايج
بابا اني مااريده ولا كتلكم اني افكر بي
بس بنفس الوقت ماافكر باي زواج
من رخصتكم راسي كام يوجعني
عفتهم وصعدت اجتي ورايه ديما
كمنه نحجي فتره وراحوا
بقيت حايره مااعرف شاتصرف ابد
المشكله ماعندي جهاز حتى اخابر
بقيت ع هالحال مده واتحاشه عمار
حتى ماما كلما تشوفني تحجي ويايه وتقنعني ع اخو اسيل
مايدرون بيه اموت ولا اوافق ع اي شخص غيرمرتضى
لان اني مسيره مو مخيره مجبوره ارفض كل شخص
هسه اني خايفه خاف تخلص العطله وميخليني عماراداوم بالكليه
خلص اسبوع وبدينه بالاسبوع الثاني ومبقه شي للدوام
نزلت يم بابا وطلبت منه يحجي وي عمار يرجعلي جهازي
وكتله شلون راح تخلص العطله وعيب اداوم وماعندي جهاز
وثق بالله بابا مااخونكم لو اموت
وهاي كلها توهمات
وغلاتك عندي ماعندي شي وي الولد لا قصة حب ولا غيرها
وانت تعرفني كلشي زين مااعترف بهاي السوالف
حجه بابا اشو اني ماعندي علم بجهازج عند عمار
ومنو سمحله يسحبه منج
كل لماما روحي صيحي ابنج المصون خل اتفاهم ويا منو منطي الحق يتصرف هيج بوحده
كالتله ماما راح لنسابته يدز مرته ويجي
كومي بابا ساعدي امج واني اتصرف ويا عمار
ماما كامت تحجي عليه ليش ادورين مشاكل ماما
شلون يعني ادور مشاكل
اريد جهازي ومحمد ماعندي شي وي الولد
اني مو مخبله لهاي الدرجه اروح احب عدو اخويه
شلون تفسرين خطوبتج
والله ماادري حتى منطيتوني مجال استفسر من شهد
كبل حكمتو عليه وسحبتوا الجهاز مني
لج تقنعيني ماتدرين بشهد جايه تخطبج لاخوها
لو ادري بيها اصلا مااخليها تجي لان اعرف جوابكم بدون متحجون
ماما فدوه لتوكفين ضدي اريد جهازي راح تخلص العطله
اني اهم شي عندي ابني مااريده يتعارك وي هذا الولد
لو يبقى بس هو بالدنيه منطي مره لو يموت
نصيحه لوجه الله لاتبنون امالكم اذا جنتو متفقين
وايالج وابالج تتواعدون لو تفكرين تشوفينه
بذيج الساعه مااضمن اخوج شراح يسوي بيج
هاي شبيج ماما والنبي ماافكر بيوم اتواعد وياه ولا افكر اشوفه ابد
رجع عمار وصاحه بابا يريد يحجي ويا
مااكدر اسمع حجيهم
لحضات ودزوا عليه
رحت وجانن عيون عمار حمر دم
كال بابا تعاي بنتي اكعدي
كعدت
بابا دوامج لازم يستمر وجهازج يرجع بس بشروط
شنو من شروط بابا
جان يكول الشرط الاول هو ........
توقعاتكم حبايب شنو الشروط ؟؟؟؟
راح توافق روان ع الشروط لو لا ؟؟؟
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️البارت 15❣️❣️
#الندم_مابعد_الخطيئه ❣️❣️
❣️❣️للكاتبه رونق❣️❣️
الشرط الاول توافقين ع اخو اسيل
الشرط الثاني مانريدج تتواصلين وي شهد لو اخوها ابد
الشرط الثالث منا ورايح اني ادزج بيدي واخوج يرجعج ممنوع ترحين لا وي سايق ولا غيره
دموعي خانني غصبا ماعليه
بابا معقوله انعدمت الثقه بينه وهيج تعاملوني
اني مراح اوافق ع الشروط تعرفون ليش لان مااريد اداوم
اريد ابقى هنا مقابيلكم افضل واحسن
عفتهم وصعدت
صاح ورايه بابا مهتميت
صعدت لغرفتي وقفلتها عليه
بقيت بيومها ابد منزلت ولا اكلت حيل ضايجه كل الي يصير بيه من وره الحقير مرتضى دمر حياتي دمار
ماما كل شويه تجي ادك الباب ماافتحها
اخر شي بالليل فتحتها الغرفه كلت مااكدر اقفلها كلشي يصير
بديت احس بجوع بس كابرت ونمت
حسيت بايد تمسد ع راسي
بابا رونه باباتي حبيبتي اكعدي
محبيت احجي وي اي شخص ابد
سويت نفسي نايمه
من شافني نايمه تركني وراح
راحت نومتي بعد من كعدت
بقيت اتكلب حيل جوعانه
دورت بالثلاجه ماكو شي
بقيت حايره مااعرف انزل لو لا
الساعه تقريبا ب12
رجعت جبرت نفسي انام بس حيل اتاذيت بيومها
لان لا ريوك ولا غده ولا عشه
كعدت الصبح
نزلت كبل للمطبخ لان الجوع ظالم 😢
لكيت كبالي ماما ماسلمت عليها ابد
كبل سلكت بيضتين
سويت حليب وياهن
ماما ماحجت ولا حرف
بديت اكل فجأه نزل عمار
سلم ع ماما واني اتجاهلني
اني هم اتجاهلت الكل
كملت ريوكي وبلشت انظف البيت
حتى الكراج والحديقه الي بالجها الثانيه نضفتها
بقيت ل12 الظهر يله كملت
رجعت ع المطبخ همين نضفته
ماما طابخه
هو الطبخ كله ع ماما
خلصت كلشي وصعدت سبحت كبل
وطلعت ردت انام بس دخل بابا
سلم عليه رديت السلام بوجه ثكيل
ليش حابسه نفسج هنا
وين حابسه نفسي هستوني صعدت
والبارحه ليش لا اكلتي ولا نزلتي
ماجنت اشتهي
زين واليوم
اتريكت وهسه اريد انام
انزلي اتغدي وياي وبعدين اصعدي نامي
والله مااشتهي
مو بكيفج انزلي واذا رفضتي معناها اني هم مااكل
وشلون جاي ميت من الجوع
نزلت ويا بدون نقاش لان خطيه متاكده اذا مانزلت مراح ياكل
كوه جبرت نفسي اكل لان اتريكت متاخره وهواي اكلت
كلي بابا لتصعدين خل اكمل وصبيلي جاي وجيبي لغرفتي
بقيت منتظرته وفعلا رحت للغرفه
اكعدي بابا
كعدت مقابيله واجت ماما
كال اسمعيني بنتي
اني من حجيت وياج هيج مو لان مثاق بيج لا بالعكس
اني متاكد منج مستحيل تتواعدين واطلعين
بس احنه نخاف من الولد اخو صديقتج اخاف يتعرضلج لو يصير بطريقج
بابا كلشي تكوله اقبل بي بس مالت اوافق ع اخو اسيل مستحيل
انت ماما مو تدرين بيه اكرها لاسيل ومااحب تصرفاتها ابد
انت مو تدرين بيها خبيثه
معليج بيها انت راح تتزوجين اخوها هي شعليها
ماما اضوج من عائلتها واهله كلهم
ابد ماارتاحلهم وانت تدرين كلش زين
بس ماتكدرين تحكمين ع الولد من تصرفات اخته
والنبي بابا ماارتاحلهم ولا اوافق عليه لو اموت
زين قابلي الولد احجي ويا اذا اتفاهمتوا زين ع زين
متتفاهمون نرفظهم
بقيت حايره بهذا الطلب
بس لازم اوافق مااكدر ارفض
ومن اشوفه للولد اكلهم ماتفاهمنه ابد
كتله توعدني اذا مااقتنعت بي وارفضه مراح تجبروني
اوعدج بس اريدج تحجين الحقيقه بضميرج
مو ع حساب اخو صديقتج ترفضين كل شخص
ماشي بابا
طلع جهازي وانطانيا وكلي راح اداومين يوم الاحد ولا كانو شي صار
بس اوعديني مراح تتقابلين بي ولا تحجين ويا
بابا وداعتك وداعت ماما مابيناتنه لا لقاءات ولا غيرها
مجرد خطبني ومااعرف شنو السبب
بس هذا الشي مو معناها اني احبه لو التقي بي
بنتي اني ثاق بيج ثقه عمياء بس الحذر واجب
هذا الولد من المستحيل نوافق عليه لو يركع جوه رجلينه
لهذا السبب خلي هذا الشي ابالج
حسيت الدنيه طلعت من عيني هذا الشي جنت متوقعته
اخذت جهازي وصعدت لكيت رقم شهد ماكو
جنت حافظته دخلته بس لكيته محضور من الفايبر ومن الخط
مااكدر اراسل مرتضى اخاف جهازي مراقب
احتمال فاتح الفايبر والواتساب عنده
الفيس متاكده مراح يدخله لان اني مسويته حسابي مو ع رقم بس بجميل
لازم مااراسل ابد مااستعجل
عفته ونمت كعدت المغرب صليت ونزلت يم ماما
سويت عشه واكلت وصعدت
سمعت صوت اسيل يمكن رجعت
اتخبل منها لان خبيثه بشكل
نمت وكعدت تقريبا مااحجي صرت شبه خرسه
كملت شغلي واخذت اموري وخليته بغرفتي
لعبنه شويه وبعدها نام خطيه
نمت بصفه مطول شويه وكام يبجي يمكن جوعان
نزلته انطيته لماما
صعدت وبعدها خابوت ديما ع الماسنجر
طلبت منها تخبر احمد ميراسلني مرتضى خاف جهازي مراقب
لا هو ولا شهد لمن اخابرهم اني
رجعتلي الجواب ب تم
بقيت اتعمد ابقى جوه ومااصعد
خلصت العطله وبده الدوام
رجعت اروح وي ابو الخط وارجع ويا لان ميكدرون بابا وعمار ينتظمون ويايه
طلبت من ديما تمرلي حتى اخابر مرتضى وافهمه
فعلا اجتي واتصلت بي
الوووو
الوووو
هلو مرتضى
هلو بيج منو وياي
اني روان
هلو روان شلونج شخبارج طمنيني عليج
وين مختفيه يمعوده
اني زينه تمام وانت
بخير اذا انت بخير
والنبي كتلني القلق عليج ردت اتخبل
هم اذاج اخوج
لا مااذاني
حبيت اخبرك منتواصل بالوقت الحاضر لحد مااتاكد اخاف عمار مراقبني
لو نتراسل بالماسنجر
اوك بس نفس الشفره يله تكتب
اوك اتفقنه ولازم تكون حذر
وانت همين
اوك
راح اسوي حساب ثاني مو صفحتي هاي وادز الرابط بيد ديما وراسليني عليه
اوك
صدك اهلج يردون يجبروج ع اخو مرة عمار
اي من وراك كتلك اهلي ميوافقون عليك بس مصدكت
لمن هسه وكعت بيها اني
لوما خاطبني افضل ع الاقل محد يكدر يجبرني
راح ادز ابوي وصديقه يصير جوارينكم بلكي ياثر عليه
عفيه لتلح عليهم اخاف يجبروني اكثر
مو بكيفهمً يجبروج اكلب الدنيا
اخذج واشرد
اخاف تزعل من كل عقلك انهزم وياك
لعد شلون اخليهم يجبروج
اني مااخليهم يجبروني حتلو اكتل نفسي
مو هي بكيفج تكتلين نفسج
كل هذا الشي انت تتحمل مسؤليته
والله اعرف والحسين متندم هواي
بعدين ودعته ونهيت الاتصال ورجعت الجهاز لديما
شخبارج انت واحمد
عادي ماعدنه شي
مجرد اصدقاء
احسن والله لتتعلقين باحد
متعرفين يخطبج لو يضحك عليج لو اهلج يرفضون
اني هم هيج افكر والله
ماانكر الولد عاجبني حيل احسه يختلف عن البقيه
لحد الان مطرقنه لمواضيع حب وغيرها
مجرد كلام عادي لايوم اتجاوز ولايوم طلب مني يشوفني
ولا طلب مني غير شي ابد
احسه صريح ومو ملعب ابد
بس رغم كلشي احذري ابد لتامنين باي شخص
بقينه نسولف وبعدها كلمن راحت لمحاضرتها
وره شكم يوم كاعده اقره دخل عليه عمار فجأه
كلي انطيني جهازج صادف خميس خلي يمي
انطيتهيا بدون كلام
اعرف قصده يريد يشوف شكو ماكو
الحمد لله ماعندي شي ولا خايفه من شي
اني رغم مرتضى ماخذه منه موقف
بس امانه من رجعنه من ايران لليوم لا ضايقني ولا سمعني كلام مو حلو
ولا جبرني ع شي حتى مراسله ميراسلني اله للضروره كلش
يعني مامنه هسه مستحيل يراسلني وخاصه اخر مره طلبت منه ابد ميتصل ولا يراسلني لمن اني اراسله
بس رغم كلشي ضجت من موقف عمار
المفروض ميسوي هيج
اني متاكده يريد ينتقم من مرتضى وشهد
بقه عنده الجهاز يومين
اليوم سبت كال بابا جهزن جاي واذا اكو كيك
جيرانه ابو مسلم يريد يجيني عنده شغله ويانه
استغربنه من جيته
الصراحه راحت من بالي من كلي مرتضى راح يدز ابو وجيرانه
ماما سالته اكو شي
والله مااعرف خابرني وكلي جايك بشغله واتمنى متفشلني بيها
بقينه بقلق شكو وشعنده
جهزت ماما كليجه وخدرت جاي
صارت ب4 اجه هو ورجال
بابا انخبص وعمار اجه عيونه بكصته
بابا كام يحجي عليه ويكله عيب من الناس خطار جاين
يكله والله اكلب الدنيه كلاب اذا ماطلع هسه من البيت
يابه ميجوز هيج تسوي عيب من العالم
ارجع لمحلك واني احل المساله
سالتهم ماما شكو
عمار كللها ابو العار جاي وجايب ويا ابو مسلم
حتى يخطبون بنتج عبالهم راح ياثرون علينه
من هسه اسمعوني لو ع كص ركبتي مااقبل بي ولا نطي مره لو يموت
مرتضى : تخبلت من ماسمعت اي خبر يخص روان
خفت خاف ياذوها اهلها
بس من خابرت ديما احمد ودزتلي رساله وياهم
اطمانيت وخاصه من كالت مااوافق ع طلب الزواج لو اموت
كدرت اطمان بس مو 100% لا هم ابقى خايف
اخاف يجبروها غصبا ماعليها
بس لازم اكون حذر مااراسلها ابد اخاف عليها
بقيت ع اعصابي ساكت
بعدين سالت ع ابوها ردت بلكي احد يعرفه صديق او جار او قريب وهو نفسه يكون يعرف ابوي
وفعلا اتوصلت الى صديق ابوي جيرانهم
طلبت من ابوي يحجي ويا حتى ياخذه ويرحون يحجون وي ابوها
رفض رفض نهائي
طلب مني انسى الموضوع كله
وكلي مااروح اخطبها الك لو شيصير
لان نعرف جوابهم كلش زين والي هو الرفض
يابه مخسرانين شي خلي نحاول وياهم
مرتضى سد الموضوع نهائي
اي وحده تريدها غير هاي البنيه اني حاضر
بس اني مااريد اي وحده اريدها هي وماارضه بغيرها لو شيصير
ليش رفضت اخوها قبل من تقدم لاختك
رفضتهم عبالي لاعبين بعقل شهد
بس اكتشفت اني جنت متوهم
وهسه حسيت ع خطأي
بس ابني هذا مو حجي يعني حلال عليك وحرام ع غيرك
الولد خسرته هواي
خسرته اختك وخسرته 100 مليون وخليته شهر نايم بالسجن
شكد العالم توسلوا بينه ورفضنه نقبل
يعني شلون بكل بساطه جاي وتريد تخطب منهم
خليك بمكانهم راح توافق
اني ادري بنفسي مذنب وخطأت بحقهم
هسه اجه الدور عليه اعوضهم عن كلشي
يعني شلون تعوضهم مثلا
تعرض اختك عليهم
لو ترجعلهم الفلوس
لا يابه لتفتهمني غلط
اعتذر الهم الم عشيرتنه ونقدم الهم اعتذار امام الناس
بهالبساطه تحجي
مرتضى ابني اعقل هذا حجيك كله مو منطقي
انسى الموضوع كله
ذني بنات عمك موجودات اي وحده تعجبك اشر عليها
وبيك خير وادلل
بس اني مااريد من بنات عمي شكم مره كتلكم مثل اخواتي
عوفك من بنات عمك اي وحده غير هاي البنيه احنه حاضرين نخطبها من الصبح
اني احب روان ومااقبل بغيرها ابد
اتمنى منكم اطاوعوني لا تصيرون ضدي
لايابه مانكدر لان الجواب واضح
ومراح يوافقون لو شيصير
الافضل نحفظ كرامتنا ونكعد ونسكت
حاولت اقنعه بكل الطرق ومفاد جان قافل
بعدين رحت ع مهند وطلبت منه يجي يقنع ابوي
وهم كوه اقتنع
اجه لابويه وحجينه ويا سويه وكدرنه نقنعه بالكوه
كتله ع صديقه ابو مسلم جان جيران بيت ابو عمار
وكال اني راح اتفق ويا
بده الدوام واتمنى اعرف راح يخلوها اداوم لو لا
بس المشكله مراح اكدر اروح للجامعه
مااريد احد يشك بيه
بقيت اراقبها من بعيد يم منطقتهم
والحمد لله لمحتها صعدت بالخط فرحت
هاي النقطه من صالحي
مستحيل افكر اراسلها لو ااذيها
بقيت ع نار لا هي راسلتني ولا ابوي اتفق وي الرجال
يوميه وكلي من يفرغ هو يحاجيني
بعد فتره اتصل بيه رقم غريب
رفعت خط وجانت روان حيل فرحت
واتفقنه ع كلشي
هو اني اصلا مفكر مستحيل اراسلها
كالت بس الفيس والماسنجر مو مراقب احتمال برامجي مراقبه
بعدها طمني ابوي وكلي راح نروح اني وابو مسلم يوم السبت العصر
جنت احسب لحضه لحضه
ماانكر جنت خايف من الجواب ولو متاكد من الجواب
بس مستحيل اايس لازم ابقى مصر ع رايي
وراح احاول بكل الطرق اني خطأت ولازم اصحح خطأي
اجه السبت وراح ابوي وبقيت ع نار
بيومها بقيت بالبيت افتر منا وارجع منا
امي بقت صافنه عليه
لك يوم مستحيل انت صاحي اكيد مسويتلك سحر وهيج ذابح نفسك عليها
يوم لخاطر الله لاتحجين هيج
هو خلي تقبل البنيه واهلها وعود كولي سحر
لايوم اكيد يردون يذلوك حتى يسوون بيك اعدال السويته بابنهم
يوم البنيه عجبتني وحبيتها وقفلت عليها
اخذها غصبا ما ع اهلها
ابقى يوميه ادز ناس لمن يملون وينطونياها
سكتت ماحجت
للمغرب ومااجه
نتصل بي ينطينه رفض
اذن وصليت وخلصت وهو ماكو
بعدها بده القلق الحقيقي ينتابني
وره فتره وبعد عناء كبير وصل ابويه
وجان وجها ميتفسر ابد
مكدرت اساله ابد لان الجواب جان مبين من وجها
شرب مي وكعد
كال مرتضى اسمعني زين
مستحيل بعد تفكر بالبنيه
البنيه مخطوبه وقارين فاتحتها وخصموها ويانه
ميجوز بعد نخطبها تعتبر اهانه الهم
لهنا وكافي انهي الموضوع وسده
يابه والله جذب مامخطوبه ابد
حتلو جذب ميجوز نخطبها لان اهلها رافضينه وباصرار
لاتنسه السويته بيهم مو قليل
شصار يابه بالضبط هم قللوا من شانك
لا بالعكس استقبلني ابوها احسن استقبال
بس اعتذر من عدنه وكال مخطوبه وقارين فاتحتها
بعد ماعلينه حجه عليهم
انسى الموضوع
سكتت لان مو وكتها احجي هسه
خل افكر بغير طريقه ولذاك الوكت يحلها الحلال
صار همي الوحيد شلون اقنع اهلها ولو هذا الشي مستحيل
انتظرت من روان تراسلني حتى استفسر منها
بس ماكو اي رساله
اكيد اخوها ضاغط عليها
ردت اروح للجامعه بس هم خفت عليها
طلبت من احمد يتصل بديما ويستفسر منها
رجعلي جواب وكال دير بالك تفكر تشوفها لو تراسلها
اهلها اشددوا عليها
هسه يردون حجه عليها حتى يبطلوها دير بالك
احس بنفسي عاجز مااعرف شاتصرف
احمد كام يحجي وياي كلي ابقه هادئ هاي الفتره
لاتعم ع البنيه خطيه
وتعال فهمني شنو فلمك انت وياها
الي اعرفه عنك تحب بنت عمك الله يرحمها وتموت عليها
من شوكت وانت تحبها لروان
هاي اخت عدوك
لك الكلب اذا نبض ميعرف عدو لو صديق
واني كلبي نبض وانتهى
والله مااعرف شاكلك
كل الي اكدر اكوله وراك سر جبير الله اليعلم بي
لك لا سر ولا شي
بس حبيتها حب جنوني
كلت بكلبي والله لو تدري بسري جان ساعدتني
بس مااكدر اخبر اي شخص مااكدر اشوه سمعتها
بقينه نسولف لمن عزلنه المحل ورجعت
بقيت مدة اسبوع لاخبر ولا رساله
اكو شي بداخلي يخليني اتمنى اشوفها
صورتها كبالي 24 ساعه
لازم اروح اشوفها لو اروحلها للجامعه لو اراقبها بمنطقتهم
انتظرت الاحد وع اعصابي جان
احسب لحضه لحضه
وفعلا وكفت السياره بعيده عن بيتهم وفرعهم بس جنت مسيطر ع بيتهم
بقيت انتظر من الساعه ب7 وعشر دقائق
لحد مصارت ب8 الى ربع يله طلعت اجاها الخط
حسيت بسعاده من شفتها
مخليتهم يحسون بيه ابد
بقيت وراهم امشي
وصلها للجامعه وراح
قررت اجازف وادخل واشوفها
ردت ادخل بس باخر لحضه اتراجعت
فكرت بيها خطيه اخاف مراقبه
لازم احاول اخابرها حتى لو من ديما واحاول اشوفها
خابرت ديما وطلبت منها تروح يم روان حتى احجي وياها
بقيت انتظر وعيني ع الجهاز
لحد مااتصلت وجانت الفرحه واضحه عليه
الوووو
الوووو
هلو روان
هلو مرتضى
شلونج شخبارج
تمام الحمد لله وانت
اني ابد مو زين لان تفكيري وبالي كله يمج
ليش متراسليني واطمنيني عليج
مااكدر والله اخاف عمار يطلع مراقب جهازي
وع فجأه ياخذه مني
شلونهم اهلج وياج
شانين الحرب عليه اكيد
كتلك ابد لتخطبني لان ميوافقون بس انت اله تخطب
تعرف فتحت باب جهنم عليه
جنت عايشه بسلام وهدوء
وهسه تحولت حياتي جحيم من وراه ضغطهم عليه
يردون يزوجوني غصبا لاخو مرة عمار
والله ع كص ركبتي اخليهم يزوجونج
لو كاتل لو مكتول العب لعب اذا سوها صدك
عفيه مرتضى لهنا وكافي
كفيت ووفيت ورحم الله والديك
انت اديت العليك وبعد هاي هيه
انسحب من حياتي وانسى الموضوع ولاكانو شي صاير
تحجين من كل عقلج انت
هاي المره هيج حجيتي مره لخ العب طوبه بيج والله
انت الي ومستحيل تصيرين لغيري
اني غلطت وياج ولازم اصحح غلطي وادفع الثمن
اني راح اهدئ هاي الفتره بلكي يسكتون عنج
واني راح احاول بلكي اعرف شخص من اقربائكم ياثر ع ابوج
لا عفيه مرتضى بعد لتحاول تخطبني
بلكي ترجع ثقتهم بيه مثل قبل
اذا راح اسكت بس هاي فترة المدارس اخاف يجبروج اتركين دراستج
اول يوم العطله ادز ناس عليهم
الي اطلبه منج تراسليني شلون مجان
انت مو كلتي الفيس ممراقبه
اي بس هم اخاف
اسوي صفحة باسم بنيه وراسليني عليها
وامسحي اول باول
زين لعد سوي الصفحه وراسلني خاص حتى اعرفك
اوك
راح ادزلج بس سمايل حتى تعرفيني
اوك
يله بعد مااكدر احجي ديما خطيه عدها محاضره
نهيت الاتصال وطلبت منها تنتظرني بالليل اراسلها
عندي صفحه قديمه غيرت الاسم والصوره
حتى ميشك هستوها الصفحه جديده
راسلتها بسمايل
مجاني رد منها ابد
بقيت انتظر لليل ماكو
بعدين ردت انام وجان يوصلني الجواب
حيل فرحت احس بنفسي رجعلي الهوى
جنت مخنوك كوه اتنفس
هلو روان
هلو مرتضى
شنو هستوج يله قريتيها
اي والله جنت ملتهيه
شكو
ماكو شي من رجعت من الدوام نمت تعبانه
وبعدها نظفت البيت وقريت
هستوني كملت
شكو ماكو
ماكو شي جديد
سولفيلي ع اهلج وموقفهم اتجاهي
الكل معارض بس اكثر واحد معارض عمار
من يوم الدزيت اهلك لليوم ميحجي ويايه
يكلي اكيد منطيته مجال
وشاد ويايه شده من هاي الزينه
زين واخو مرته شخباره
هذا بحد ذاته قصه
شلون يعني
الكل كاعد يقنعني بي
وطلع هو ولا غيره
وللعلم جانوا الكل يضوجون منهم
بس هسه لا اتغير الحجي طلع هو الزين وماكو منه ابد
وهو الوحيد الي يناسبني
ممكن اسالج سؤال وحاب تجاوبيني بصراحه
اسال وراح اجاوبك الصدك
لو ما الي سويته بيج ومتقدملج اخو زوجته لعمار شتتوقعين راح توافقين عليه لو لا
والله الصراحه لو اموت مراح اوافق عليه
والسبب
اضوج منه وماارتاحله ابد
زين وشكله شلونه
اذا اكلك شي مراح تصدكني
اذا الكي بالشارع مراح اعرفه لان من اشوفه خطف ومامركزه ابد ع شكله لان ممخليته ع بالي ولا مفكره اخلي ابالي
زين هم اكو شخص جان ابالج تحبينه مثلا او اعجاب
هذا السؤال المفروض مااجاوبك عليه لان شخصي واعتقد ميخصك
شلون يعني ميخصني انت كلج ملكي وكلشي يخصج يخصني
انت الي ومستحيل تصيرين لغيري
هذا الحجي اضحك ع نفسك بي
لان اهلي من سابع المستحيلات يقبلون بيك
بس اني اوعدج وعد شرف متصيرين لغيري لو شيصير
مااعتقد راح يصير الي تريده
فدوه اروحلج لا تشائمين اتفائلي مره وحده بحياتج
ويله جاوبيني ع سؤالي
ياسؤال
لاغشمين نفسج وجاوبيني
اي جنت احب شخص بس من عرفتك ودمرت حياتي نسيته
منو هذا الشخص
اتشاقه وياك والله مااعرف الحب ولا اعترف بي ولا اؤمن بي
وليش يابه ماتعترفين بي شبي الحب اشو اجمل شي بالدنيه هو الحب
وين اجمل شي اشو احسه اسوء شي بالدنيه
واختك شهد واخوي عمار اكبر دليل
حبوا بعض وباخلاص بس شستفادوا منه غير البعد والاذيه
وكل الحب فاشل وحتى اذا تزوجوا مراح يكدرون يعيشون بسعاده
اني بالنسبه الي نضرتي تختلف عنج
اجمل شي بالدنيا الحب
بدونه الحياة متسوه شي
كلمن ورئيه الخاص بعد
تصبح ع خير نعست ورايه دوام من الصبح
وانت من اهله
يوميه خبريني شيصير وياج وطمنيني حتى لو رساله
ان شاء الله
نمت مرتاح بيومها
ثاني يوم انتظرت الليل ع نار حتى نتراسل
بده الجو يحتر حاليا بشهر الرابع
معناها اتاخر بالمحل
مرات ارجع قريب الوحده بالليل او اكثر
لان الحركه اكثر شي بالليل
اليوم حاولت ارجع من وكت بس ماكدرت اله الساعه ب12 الى ربع
كبل راسلتها
هلوووو
ماكو جواب مانقرت
مااكدر اكتب اكثر اخاف بيد احد ويشك بيه
اكيد نامت
بقيت الليل كله ممرتاح انام شويه واكعد شويه اباوع ع الجهاز
بس ماكو جواب
ثاني يوم للعصر اجاني اشعار
هلوووو
مرتضى اتمنى تعذرني مااكدر اجاوبك دائما واتمنى منك ماتراسلني الى للضروره
اذا اكو شي جديد راسلني
لان اذا اخذه الجهاز مني عمار فجأه وانت راسلتني بالليل حتى لو ماتكتب شي اكيد راح يشك بيك لان مامعقوله بنيه تراسل بنيه نص الليل
صفنت اكيد كلامها صحيح ومنطقي
دزيتلها اسف مو قصدي ازعجج ابد
بس حبيت نتواصل بلكي نتوصل لحل سويه
اعذرني مااكدر اجازف اتمنى تفهمني
اذا صار شي ضروري يستوجب المراسله عادي غيرها اعذرني
تمام مراح اراسلج ابد ولا راح ازعجج اسف واعتذر منج
بس هم اطلب منج طلب اي شي جديد يصير راسليني وخبريني
ان شاء الله
الصراحه حيل ضجت لان الواضح
مبين عليها مااطيق تراسلني ولا اطيق تحجي وياي
وتخاف ع سمعت اهلها بنفس الوقت
هي اكيد مجبوره عليه بس متاكد منها لو ما اخذت عذريتها مجان تقبل بيه لو تموت لاسباب عده
بس هي مجبوره اكيد
كل هذا جان بسب خطئ مني بلحضه شيطانيه جانت دمرت حيات البنيه وبنفس الوقت دمرت حياتي وياها
بس مابيدي شي بس الندم ماكلني
بقيت تقريبا شهر كامل لا راسلتني يوم ولا راسلتها لان مااكدر بعد اراسلها
خلال هذا الشهر كاعد اسال واستفسر ع اي احد ياثر ع اهلها لروان بس للاسف فشلت
بس ابد مايأست
احمد صديقي فاتحني بموضوع ديما كال حاب اتقدملها شنو رايك
كتله رايي لايقدم ولا ياخر
انت اسال عليها وشوف
انت شنو راييك بيها
البنيه حيل عجبتني وجانت مؤدبه بشكل وهواي جربتها باشياء واختبرتها ونجحت بجداره
سالت ع اهلها وهواي مدحوا بيهم
هاي هي لعد اتقدم واتوكل ع الله
بعدين من تناسب بيت خال روان تاثرون عليهم ياريت عله وانه تأثرون ع اهل روان
كال دخل يوافقون عليه وبعدين الله كريم
كتله بهاي المناسبه تعال اعزمني ع عشه
لك يامناسبه هو اني خطبت وافقوا عليه حتى من صدك اعزمك
لتصير بخيل لك مو انطيتك موافقتي وهذا الشي كافي حتى تعزمني
ههههههههههاي لك شلي بموافقتك لتكون اخو العروس لو ابن عمها او ابن خالها
لا بس اني زوج بنت عمتها المستقبلي ورأيي مهم جدا
لك اكل تبن انت مستحيل تزوج اذا مو بموافقتي اني
كمنه نضحك اثنينه
لك امشي اني اعزمك وامري لاالله
لا لتمن عليه اني اعزمك وعود من اخطب واتم الخطوبه عود اعزمني انت
كتله بسيطه سهله هسه خل يوافقون عليك والله كريم
رحنه للمطعم القريب ع المحل جان مطعمنه المفضل اني واحمد
وصلنه ودخلنه وجان انصدم بمنظر مخله عقل براسي
جان اشوف ...........
أنه الأول وتالي أندارلك فدوة ،
أنه الـ بعيونه بس عيونك الحلوة .🖤✨
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: