مساء الخير ع اجمل متابعين اتمنى لكم قراءه ممتعه
❣️❣️#البارت 10❣️❣️
#الندم_مابعد_الخطيئه ❣️❣️
❣️❣️#للكاتبه رونق❣️❣️
دازه لاحمد باجر مراح نسافر وياكم للشمال
راح نرجع ع الاكثر للعراق
لان روان خطيه حيل ماذيها صديقك وضاربها
وتكول لازم اقنع اهلي وارجع مااروح للشمال لو تنطبق السما ع الارض
طلعت السفره من عيني
اتخبلت شنو ترجع
احمد فدوه قنعها لديما هي تاثر عليها
لتخليهن يرجعن
لازم اصحح غلطي وياها
ماعليه بيها ابد والله
كللها لاازعجها بعد ولا ادخل بيها
انت راسلها وشوف
واني هم راح اراسل روان
جن جناني مااريدها ترجع ابد
دزيتلها الوو
كاعده لو نايمه
دزتلي كاعده
شنو تردين ترجعين للعراق
منو كلك
معليج منو كلي بس كولي صدك
اي راح اقنع اهلي وارجع
ليش شنو السبب
حيل ضجت مااريد ابقى ولا اريد اسافر باجر وياكم
روان رحمه للحسين لتصعبين الامور اكثر
اهلج خطيه دافعين فلوس كامله ميصير ترجعيهم وانتم بعدكم
وثانيه وبعد لتعاندين وثقي بالله وبالرسول ماعليه بيج ابد
انت تريد حجه عليه ومتعجبك تصرفاتي
اني احب اكلك شي واحد
انت ممجبور تتزوجني ولا مجبور تتقبلني لان اني وحده ساقطه ادور نضرات من الشباب وممربايه ابد
تسكتين لو اطلعلج من الشاشه ولسانج اكصه
بس لتعاندين وراح اختفي من يمج
لا ازعجج ولا اعرفج ولا تعرفيني
ماعليه بيج ابد
اهم شي لتلبسين ملابس حصر ع جسمج
الله عليج لترجعين
حتى بعد مااباوع بوجهج بس اذا تصرفتي تصرف مو حلو لا احاسبج
ماكو جواب
ها شكلتي جاوبيني
ارجع يعني ارجع كافي هواي اذيتني وطلعت روحي من السفره
اني جايه حتى اغير جو واتونس مجايه حتى انضرب وانهان
وعد مني مراح اتقرب يمج ابد ولا ااذيج بس غيري رايج
مجاوبت شي
ها روان فدوه جاوبي لتسكتين
الله كريم
بس دير بالك تحاول تستفزني وتذب ع ملابسي شي
والنبي هالمره مراح اسامحك
اوك وعد مراح اذب شي ع ملابسج ابد
بعد مجاوبت
دزيتلها تصبحين ع خير
هم ماكو جواب
نمت لان الوقت حيل اتاخر
كعدنه ثاني يوم سبحت وبدلت ونزلنه كلنه
صار موعد انطلاقنه للشمال
المنشأه اباب الفندق كالوا كبل للشمال
يعني مو للكراج وبعدين غير منشاه مثل من اجينه لمشهد
عيوني تراقب روان غصبا ماعليه
شفت لبسها حلو وهالمره معقول
بس لاحظت الولد نفسه الي اشرلها تكسي
عيونه اكلتها اكل ويوزع ابتسامات بوجها
حيل ضجت وروحي طلعت
بس هي ولا كانو
كلت لاحمد خل نصعد قريب عليهن
فعلا صعدنه وراهن كلت لاحمد وين يكعدن نكعد لو مقابيلهن لو خلفهن
حصلنه مكان مقابيلهن
اهل ديما كدامهن واهلها مقابيلهم يعني نفس المستوى
وهنه واحنه بنفس المستوى
انطلقنه وحسيت نفسي فرحان حيل
بعد يومين للعيد راح نقضي بالشمال
كل شويه وعيني وحدهن يباوعن عليها
عينها ع المناضر
هم كمت اباوع المناضر
طريق الشمال مينوصف ابد
جمال مو طبيعي
جانت هادئه بشكل
تسولف وي بنت خالها وتضحك
من دون الحمله معزولات
البقيه اندمجن سوالف وضحك سويه بس هنه لا
نزلونه يم استراحه اتغدينه
مااعرف ليش عيوني تراقب كل تفصيل بيها
خلصت الاستراحه ومشينه
وره فتره نزلونه يم محلات خاصه بس بالكرزات انواع واشكال
حتى قسم اول مره اشوفهن
الكل نزل واشترينه ابد مضايقناهن
بعدها هم صعدنه
نزلنه بالليل للصلاه والعشه
لاحضت نضرات متبادله بين احمد وديما
سالته احمد
لك شصاير من ورانه
مصاير شي ليش شكو
وهاي النضرات
لك لحكتني ع النضرات الله وكيلك ماكو شي
مجرد اعجاب
بس اذا ترجع للواقع والله البنيه مبين عليها مؤدبه واخلاقها عاليه
لعد متشوفني البنيه عجبتني
تدري ابطبعي كلش صعب
مااحب اضحك ع بنات الناس
بس هاي اشو احسها مختلفه
متلهف اشوفها وحيل عجبتني
اني جنت متردد من شغله بس اتاكدت منها
هي شنو شعورها اتجاهك
واني شمدريني
ماحجيت وياها اي شي
بس نضرات بيناتنا
ان شاء الله يتحول لحب واضحك عليك مثل مجنت تضحك عليه
بده الجذب ولك وين ضاحك عليك
دمشي اصعد الكل صعد
اشو هالمره ماكو لا ببسي لا عصير
دمشي واسكت
صعدنه وبعدها انطلقنه
شويه وكامت روان يم اهلها
كعدت يمهم تحجي
اهلها كدامنه
اسمع حجيهم وياها
مبين عليها مدللينها هواي
كالت هذا عمار يدك عليه
كلتلها امها راسلي عيب الناس نايمين
بقت فتره يمهم
بعدها رجعت
الكل تقريبا ناموا
احمد يراسل
محجيت ويا ادري بي ديراسل ديما
شفت روان كاعده وتكلب بجهازها
دزيتلها رساله
هلوووو
مدزت شي
متحبين تسمعين اخبار صديقتج
دزتلي ماعندي اي صديقه ولا احب اعرف اي شي عنها
بس ظالمتها اتمنى تسمعين قصتها وشصار بيها
رجاءا لتحجي شي لان مااحب اسمع اي شي يخصها
بس والله خطيه والرضا الزرته متدري بيه شجنت ناوي اسوي
واكثر من سنه متحجي ويايه
وقبلت تواعدج بس ع مود اخوج يطلع من السجن
ضحت بكلشي بس ع مود اخوج
عفيه سد الموضوع مااحب اسمع اي شي
انتوا دمرتوني دمار
مااعتقد يجي يوم واسامحكم اثنينكم
اني الج حق متسامحيني بس شهد لا خطيه
والنبي هواي ظلمتها اني
وانت همين كاعد اظلميها
لو تدرين شصار بينه من وراج
اني مراح احجي شي
بس اذا حابه احجيلج كولي انطيج التفاصيل كلها
لا مااحب اسمع شي
بس جان عندي سؤالين مدوخاتني جنت امنيتي اعرف جوابهن
شنو اسالي
اول سؤال شنو الي استفاديته من دمرتني
والله الصراحه كلشي مستفاديت بالعكس خسرت هواي اشياء بسبب غبائي
جنت عبالي انتقم من اخوج
والي جان ابالي انتوا مقشمرين اختي
والمصيبه يتواعدون ابيتكم
يعني من حقي اشك ومن حقي هيج اتصرف
لان جان ابالي العين بالعين والسن بالسن والبادي اظلم
مجنت اعرف علاقت اخوج وي شهد بالضبط
وهسه عرفت شنو جانت علاقتهم
اي اعرفت بس بعد فوات الاوان
بس اني الي اترجى منج تنطيني فرصه اصحح خطئي
راح انطيك اياها من الاخير
من المستحيل اني وياك نتزوج
وليش من المستحيلات
شنو يعني معقوله انت من كل عقلك
اهلي يوافقون بيك
لتنسى انت الي طردتهم من خطبو اختك
لو لتنسى انت نفسك الي خليت عمار ينام بالسجن وهواي اتوسلوا بيك حتى تتنازل
ولتنسى انت نفسك الي دمرته لاخويه وخليته يبيع الاول والتالي ع مود الفصل
والاهم من كلشي لتنسى انت متزوج يعني من المستحيل يوافقون عليك
اني ميهموني الي ذكرتيهن اهم شي عندي موافقتج
والباقي عليه اني اقنعم
ادز مشيه واثين و3 ومراح امل
راح اخذلهم ساده ومعممين واحاول اخليهم يوافقون
اني مستحيل اوافق ع عدو اخويه
ولا اوافق ع الي ذل اخوي وذل بابا
ولا راح اوافق ع واحد متزوج
مااقبل ع نفسي اصير ثانيه واكسر بخاطرها لزوجتك
انت مفكرت بيها
بس زوجتي اتوفت الله يرحمها
شنو اكيد تشاقه
لاوالله احجي صدك
خطيه الله يرحمها
اكيد ماتت من وراك يجوز خنكتها خنك الله يساعدها
وليش اخنكها جانت تسمع الكلمه وابد متعاند
وجانت محترمه نفسها
لابسه عبايه ومحتشمه
والاهم من كلشي جانت حبيبتي
زواجي جان عن طريق الحب
احبها وتحبني
لعد اذا تحبها ليش متوفي الها
شلون تريد تتزوج مره ثانيه
اني خطأت بحقج خطأء مينغفر ابد
لازم اصحح غلطي
ادري بيج تكرهيني وتضوجين مني
ماالومج ع هذا الشي
بس لازم نتزوج ع مود سمعتج وسترج وع مود اهلج خطيه
بس اني مااريد اتزوج ابد
اريد ابقى حره مااحب القيود ولا احب واحد يتحكم بيه
اي عادي ماكو مشكله نتزوج فتره معينه ونطلك
اهم شي تنسترين
اذا اهلج دروا بيج شتتوقعين ردة فعلهم
مستحيل اخليهم يدرون
بابا اول شخص يموت والله
عليك الله وبداعت امك للموت لتجيب طاريها لاي شخص
ولتفكر بلي صار مو مهم اتزوج
اني ارفض الزواج من اي احد يتقدملي
لا ميجوز هيج تفكرين
اني اتقدملج مره مرتين حتلو الف مره مراح استسلم ابد
واواعدج وعد ماالي علاقه بيج ابد
لمن تبرد السالفه وتنسه اطلكج
وبعدها تشوفين حياتج
هيج بكل بساطه عندك
لاوالله ابد مو بسيطه عندي
بس والله العظيم اني مو طبعي الغدر ولا طبعي العب باعراض الناس
بس جنت معمي ع وجهي بذيج الساعه
مدزت شي
كتلها وسؤالج الثاني شنو
كلتلي اريد اسالك من انتقمت مني واخذت شرفي شفكرت بوقتها
يعني حلوه بحقك تنتقم من بنيه بهاي الطريقه
المفروض اذا انت صدك رجال شهم تفكر تنتقم من اخويه ع تفكيرك الوسخ بساعتها مو تغدر بيه وادز عليه لبيتك
الصراحه ماعندي جواب الها
رجعت كتبت تدري انت لان تفكيرك وسخ ومستعد تغدر بصديقات اختك
عبالك الناس كلها مثلك
لان الظاهر من صدك كلمن يشوف الناس بعين طبعه
كتلها والله اذا اكول شي مراح تصدكيني
بعمري وحياتي ممسوي علاقه وي بنيه ولا حاجي وي وحده
بس بنت عمي حبيتها لان نيتي صافيه وياها
وهم مقللت احترامي وياها ابد
بس اني اتخبلت من عرفتها شهد عندها علاقه وي اخوج
وانت الواسطه بيناتهم اتخبلت اكثر
فكرت انتقم منج
روان : اتخبلت من سمعت صوته اباب غرفتنه
اتوسلت يروح
فتحت الحضر واتراسلنه
طلب مني يشوفني هسه
واني صعبه عليه حيل
بعدين رحت لماما وكتلها نروح نزور
رفضت هي وبابا
بس هذا خبل شيقنعه
كوه قنعت ماما وبابا
كتلها ويانه بنات من الحمله وياهن امهاتهن
رحنه وهذا كام يضربني ويتجاوز عليه
حيل ضجت منه بس مااكدر احجي ويا لان لازمني من الايد التوجعني
رجعنه للفندق وقررت ارجع للعراق وخلص
كمت ابجي وكلت لديما راح اكل لماما وبابا اتخربطت ونرجع
ماقبلت ابد وكالت معناها نرجع سويه
اني ع واهسج اجيت شنو ترجعين
كتلها والله طلعت روحي من هاي السفره
ولا اتهنيت ولا اتونست من وره هذا الهمجي
كالت شسوالج
كتلها ضربني
ليش لازم اتجاوزتي عليه
اي دزيتله رزاله ناشفه وغلطت عليه وكتله انت كلب
ضربت ع خدها
عزه لج روان شلون هيج تسوين
شلون تتجاوزين عليه مايصير هيج هاي شبيج
منو يتحمل ينغلط عليه ويسكت
خل يولي بس يعرف كل يوم وذاب عليه شي
والله كاعد يحرجني هواي
هسه اخابر صديقه وخل يحجي ويا
لازم واحد يسويله حل
سكتت بقت تراسل
لحضات وراسلني
وطلب مني ماارجع
وكلي ابد معليه بيج
كلت اهلي هم خطيه
ثاني يوم سافرنه وكعد مقابيلي
ابد ماعليه بيه
جان وجها يضحك
راسلني وبدينه نحجي اني ويا
اول مره بدون مشاكل
حيل ضجت من كلي مرتي شريفه ومحترمه نفسها
يعني قصده اني مو زينه
بس اتفاجأت من كلي زوجتي اتوفت
جنت رافضه الزواج محبيت اخرب عائله
صحيح كلامه لازم نتزوج ع مود اهلي خطيه
ميجوز ابقى هيج
واني متاكده اذا انخطبت اهلي ميعارضون
يعني اذا كملت دراستي اول وتالي اتزوج
بس مرتضى مستحيل راح يوافقون علي
اني متاكده وواثقه
بس كلت شعليه بي خل يحاول
بعدين نمت وكعدنه الصبح
بكد ماهي حلوه الشمال بس خطره حيل
جنت لازمه كلبي وبس اقره ايات الطريق حيل طويل
بقينهلثاني يوم العصر يله وصلنه وجان الجو حيل بارد
اخذونه لمنطقه نسيت اسمها ابعد من جالوس بهواي
بس بالجبال موقعها
بحيث الڤله بنص الغيم
دخلونه شلون المنطقه المنعزله
داير مدايرها سياج
وزعونه حسب العوائل
احنه ڤلتنه بيها 3 غرف
اهلي بغرفه وبيت خالو بغرفه واحنه بغرفه
فتحنه صوبات لان الجو ثلج ورطب حيل
گلونه متروح الرطوبه اله تفتحون صوبه
دخلنه سبحنه وارتاحينه
اجو دكوا الباب كالو الي يريد يروح يتسوك خل يجي
راح ياخذنه ابو الحمله
مجان اكو مطعم قريب يعني لازم يتسوك واحد
راحوا بس خالو وبابا احنه بقينه
اذن صلينه وخلصنه
رجعوا جايبين عشه النه من المطعم ومتسوكين
اتعشينه ونمنه من وكت لان ام الحمله كالت باجر انزلكم للبحر
كعدنه الصبح بس اهلي اتريكوا احنه لا مااشتهينه
طلعنه وجان المنضر رهيب
احنه بالجبل وانواع الزهور والورود
الحديقه جنه وجبيره
اخذنه فره اني وديما
طلعت ڤلتهم مقابيلنه معقوله صدفه لازمااصدك
طلعوا وضحك بوجهي مرتضى
سلموا علينه كلنه
رحنه للسياره
بعيد البحر علينه
وصلنه وجنه بانين امالنه اني وديما
ناوين نرسم ونكتب ع الرمل
حتى نصور
وصلنه والكل كعد سوه
الي طلب جاي والي اكل والي نزل للبحر واكو شباب دخلو سبحوا بالبحر
اني وديما ابتعدنه شويه وكمنه نصور ع راحتنه
رسمنه بالرمل وكتبنه اسماء صفحاتنه وهم صورنه
شفنه الولد نفسهم الي صعدوا ويانه بالعباره
اجوا اتجاهنه سلموا علينه
ردينه السلام وباللحضه رجعنه
لاگونه مرتضى واحمد والعيون حمر
رحنه كعدنه يم اهلي
اجه مسج هم ضوجوجن
لا بس سلمو احنه ابتعدنه
لاتنزلين للبحر ابد
لان مو حلوه بحقجن من ملابسجن ينترسن مي والملابس تلزك بالجسم
هو اصلا مننزل بدون متكول متشوفنه كعدنه
البنات الويانه لعبن طوبه نزلن للبحر لنص جسمهن فعلا منظرهن مو حلو ومو لائق
اني وديما الوحيدين منزلنه البحر ابد
حسيت عيون الكل علينه
مااعرف هل مستهزئين بينه او غير شي
مهتمينه
كالت ام الحمله اكو مطعم قريب الي يحب ياكل خل يروح
دلونه بي وكتبت النه الاكل بالعجمي بالموبايل وكالت انطوهم الهم وهمه راح ينطوكم الاكل رحنه
الشمال ميحجون ولا حرف عربي ابد
انطيناهم الجهاز وفعلا جابولنه الاكل
وره لحضات اجوي مرتضى واحمد ووياهم بعد اثنين
كعدوا مقابيلنه احمد ومرتضى
بدت الناس هم تجي
عينه عليه ابد منزلها
حتى ارتبكت كوه اكلت
بعدها رجعنه ومررونه باسواق
اشترينه حاجياتنه
رجعنه العصر وقت متاخر للفله
سبحنه وسوينه عشه
طلبنه منهم ياخذونه للمحلات نشوف شكو ماكو
كالوا تعبانين مانكدر
باجر العيد كلنه خل انام ونسكت
رحنه كلمن لغرفته
شفت ديما تراسل وتضحك
كتلها خيرج شبيج تضحكين
كالت هذا احمد يكول والله الصراحه بس انتن الوحيدات العجبتنه بالحمله
كل وحده جنها ثور وداخله للبحر ويلعبن بالمي
هاي من كل عقلهن
يكول لو داخلات جان سحلناجن اني ومرتضى
وره شويه كالت يسالني هم اطلعون
كتله لا
كال ديرن بالجن لطلعن بوحدجن خطره هنا
كتلها صدك تخوف وعبالك مكطوعه المنطقه
خليتها تراسل وردت انام
اجاني مسج من مرتضى
هلو
مجاوبت
عفيه لطلعن بوحدجن ابد والنبي خطره
هم مجاوبت
ياعيني ليش متجاوبين
هم غلست
نمت كعدنه تقريبا ب8 موعد البرنامج مالتنه ب9
لكيت مسج فتحته
بي تهنئه من مرتضى ع مود العيد
جان اول شخص يهنيني
هم غلست
رحنه لاهلنه لكيناهم متريكين ومبدلين
هنيناهم كلهم
وانطونه عيديتنه مثل ممتعودين
رحنه بدلنه
ضحكت ديما
كالت هم مرتضى هنأج بالعيد
ليش
كالت احمد هم دزلي ويكلي خطيه مرتضى بنت عمتج متجاوبه
كتله راح اتجنبه ومعليه بي
لبست مااعرف هم راح ينزعج لو عادي
اتجمعنه والحلو واحد يسلم ع الثاني وواحد يهني بالثاني
هالمره سلمنه ع البنات والنسوان كلهن لان ماما وخاله كالت عيب
الشباب هم سلموا ع النسوان وع الرياجيل الكبار
هالمره مرتضى يضحك بوجهي
مااعرف ليش فرحت همزين يعني قابل ع لبسي
صعدنه بالسياره
دزلي مسج
شعجب هالمره معاندتيني ولبستي حصر
مجاوبت
لج بابا ليش متجاوبين
عفته
نزلونه بالطريق اكو محلات كلش حلوه فرينه واشترينه
بعدها اخذونه لمدينة العاب صايره بالجبل نعكب الغيم تجنن ولا بالاحلام
وين منصعد الزوج ويانه يصعدون
اخر شي تعبنه
رجعنه يم ماما وخاله
هالمره غير حلوه وبدون مضايقات
اجواء العيد حلوه
بعدها اتغدينه ابمطعم ورجعونه للبحر
حسب طلب الاغلبيه
اني وديما اكتفينه بس بالمشاهده
محبينه ننزل البحر ابد
بعدين سالنه ام الحمله ع موعد رجوعنه
انطتنه الوقت
عفناهم ورحنه نفتر بالمحلات القريبه
مجانت اكو مولات قريبه
بس سوبر ماركت وفواكه ومكسرات
اشترينه ورجعنه
كال بابا خل نكعد بالسياره لان تعبوا
فعلا كعدنه
دزلي مسج انتوا وين
مجاوبت
رجع احمد سال ديما
كلتله بالسياره
لحضات واجوا
صعدوا يمنه
كل شويه وكلي جاوبي
لج شلعتي كلبي جاوبي خل نتواصل عفيه
خليت راسي ع السياره وسويت نفسي نمت
بدت الناس تجي للسياره
رجعنه للبيت هالمره من وقت
من نزلنه من السياره
كلنه لاهلنه راح نفتر بالمنطقه هاي
هي هاي المنطقه الي ساكنين بيها مو جبيره وبيها حدائق وورود
بس امان ومو مالت واحد يتيه ومسيجه
بدينه نفتر وجانت جنه
احنه بالجبال الغيم يمشي ويانه
بقينه ناخذ صور
منحس اله احمد ومرتضى فوك راسنه
كلت لديما اخاف احد يشوفنه وتصير سالفه
احنه جنه كاعدين يم الورد وناخذ صور
كعدوا يمنه
سلمو وهنونه ع مود العيد
جاوبناهم
يله ديما خل نرجع
لا وين ترجعون بعد وقت
خل نبقى شويه وارجعوا
لااخاف احد يشوفنه
لتخافين محد يجي لهنا
وحتى اذا اجو ممسوين شي غلط
ليش متجاوبين
ماعندي شي اجاوبك عليه
هم اطلعن بالليل
ماادري يجوز نطلع
يكولون كلها سكاره وهذا بار قريب ع السكن ديرن بالجن لطلعن بوحدجن بالليل
ان شاء الله
يله ديما خل ندخل
بعد وكت وين
لا ندخل بالفله احسن
رحنه سوينه عشه من وكت اني وديما
وسالنه ماما وخاله
كالن وره العشه نروح
بس خل نشوف شكم وحده تروح ويانه لان منندل
راحن سويه ماما وخاله مااعرف وين
صلينه وبدلنه وكملنه
اجن كالن راح نروح احنه وعوائل 3 ويانه
ماما هم اكو رجال ويانه
لا ماعدهن رجال نروح وحدنه
اوك
صار الموعد وطلعنه
من ضمن العوائل ذني المو راحه
بس معلينه بيهن
مشينه مسافة ربع ساعه او اكثر بعيد عنه
الصراحه خفنه وكل شويه تمر سياره سكاره
كالن خل نرجع احسن
بس قسم عارضن وكالن ماعلينه
ملكينه سياره
وصلنه للشارع الرئيس
احنه تقريبا 15 وحده
كلنه لو ناخذ كيه ونرهم شلون مجان
لو ناشر شكم تكسي
بعدين اجتنه كيه صعدنه بيها وكوه كفت
كتبنه بالمترجم للسايق
كناله مولات ملابس
اتفق ويانه هم يرجعنه فرح
وصلنه لشارع كله مولات يجنن
لكينه محل يبيع ورود طبيعيه تجنن
يسويها بشكل باقه بس احنه لازم نختار نوع الورد
ردنه ناخذ اني وديما مقبلت ماما وخاله
كالت منا لباجر يذبل الورد ميفيدجن
فعلا صدك
دخلنه لمولات هواي وعجبنه ملابس اشترينه
الملابس بالشمال غير جمال
نمشي سويه منتفارك لان نخاف
اكو مثلجات قريبه علينه
رحنه اكلنه وخلصنه
كالوا اكو سوبر ماركت فوك كلشي بي وحتى مكياج وعطور
صاير فوك نصعد بالمصعد لازم
النسوان الكبار كالن منصعد هنا نبقى ننتظرجن
ماما وخاله همين بقن
صعدنه جان يجنن واشكال بي
هواي عجبنه اشياء اني وديما
البنات الويانه همين
بس ذني ابد مو راحه بس يضحكن
السوبر ماركت بي موضفات وموضفين شباب
بدينا نختار ان وديما هواي اشياء
وكل شويه نتصل بماما وخاله ونسالهن عن اشياء وهنه يكولن اي
اكثر شي احنه اشترينه
وصلنه للمكياج وبدينه نختار
سالتهم عن عطر زغير بس يجنن عطره
كلي بوقتها ب40 تومان عجبني حيل
التمن البنات كلهن وبدينه نختار كل وحده اخذت 4 منه بالذات لان عطره يجنن
كاموا يضحكون علينه مستهزئين
كالو سعرهن ب80 تومان
من شافونه اخذنه هواي
ضجنه بوقتها
بقوا يضحكون وياشرون الموضفين والموضفات
بما معناه مشوهات واحد ياشر عن الثاني
حيل ضجنه بس سكتنه لان منعرف لغتهم
البنات تحاسبن ونزلن
بقينه اني وديما ووحده من ذني المو راحه
بده يحسب الي
يحسبون ويضحكون
هواي ضحكوا واني متاكده علينه
كامو يزودون بالاسعار هواي
همه عدهم لافتات للاسعار
ثار انتباهي اكو اقلام حمره يمي مكتوب سعرهن
من حسبوهن زودوا بالسعر
كملت طلع السعر خيالي حيل مزودين
كلت لديما لج شنو هاي كلهن مو نفس الاسعار زودوهن
كالت اي لاحظتهم
كالت خل نرجعهن
ذوله كاعد يضحكون علينه
رجعناهن
بس المشكله ليفتهمونه ولا نفتهمهم
كامو ياشرون شنو
كمنه نطلع بيهن ونرجعهن
هم اتخبلوا
كامو يصيحون ني ني يعني لا
احنه كمنه نحجي ونغلط وهمه كذلك
بس اكيد محد يفتهم ع الثاني
اني الضوجني يضحكون علينه
كلت هو احنه مابينه خير ونجيهم ونشتري منهم
هم لوما العراق جان حال الظيم حالهم
ردنه ننزل لزموا الطريق علينه منعونه
الصراحه حيل خفنه لان المول بطابق ثاني ماادري ثالث
ومابي بس احنه وهمه بيهم 4 بنات و5 شباب
كامو ياشرون رجعن كلمن لمكانها
احنه رفضنه
وكفوا كانو سيطره
كالت ديما خل نخابر بوليس
همه سبقونه واتصلوا بالامن مااعرف بالشرطه صدك
هاي البنيه اتصلت مااعرف بيمن
لحضات وجان يجون شباب اثنين ذوله الي يمشون وي مرتضى واحمد
واجه وياهم امن
الولد اجو وعيونهم نار
سالونه شسوولجن اذوجن لا
كناله لا بس حجي
البنيه حجت وياهم وفهمتهم
كالتهم يضحكون علينه وكانو يكولون مشوهات
مااعرف شلون اجوا ومااعرف مرتضى واحمد وياهم لا
اكيد هسه يسولنه سالفه شكبرها
اجوي الامن وبدوا يترجمون الهم بالقاموس بجهازهم
همه يقرون وذوله يحجون همين
كلمن كام يترجم بجهازه
كالوا احنه هيج نضحك مو يمهن
وهنه اشترن هواي اشياء
كنالهم كاتبين شكل وحسبونه شكل
كلولهم هسه بطلنه منريد الغراض
همه اتعصبوا كالوا رجعوهن نفس ماهنه
واحد منهم لزم العلاليك وطشرهن بالكاع
كللهم راح اخابر البوليس وهمه يتصرفون
حيل خافوا
كاموا يحجون ويانه
هم حيل يخافون من الشرطه
وهمه الظاهر مستغليجن
اشروا روحوا
حسينه بنصر عليهم كمنه نضحك ونزلنه
بس بالحقيقه ميتين خوف
كتلهم الله يخليكم لحد يحجي كدام ماما وخاله
انتن شمطلعجن وحدجن بدون رجال
كالت البنيه هواي احنه جايين وجنه صاعدين سويه
نزلنه لجوه ولكينه الجو محترك حرك علينه
وجان اتفاجئ .........
توقعاتكم حبايبي بشنو اتفاجأت روان ؟؟؟؟
هم راح تصير مشكله لروان لو لا ؟؟؟؟
احمد راح يعرف بلي صار لو لا ؟؟؟؟
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️البارت 11❣️❣️
#الندم_مابعد_الخطيئه ❣️❣️
❣️❣️للكاتبه رونق❣️❣️
جان اتفاجئ بماما تضربني راجدي
هاي اول مره تضربني وكدام الكل
خاله هم ضربت ديما
انتن ماتستحن من دون امة محمد بس انتن تتعاركن وياهم
احنه ابلد غربه واكيد الشرطه توكف وياهم
منطقته ولا حرف
خاله مصار شي
بس اهم شي لطلعون بعد بدون رجال طبعا الولد حجو
رحنه للسياره ننتظر وماما وخاله همين طبعا اكلن روسنه اكل
والله عيب كدامهم هسه شيكولون علينه
حيل ويانه هسه لوين صعدنه بدون ماما وخاله
اكلن كلبنه اكل
مااطلعن بعد وحدجن ابد
منطقنه ولا بحرف
بقينه فتره بالسياره ع مايجن البنات بعدهن
نزلت ماما وخاله جابن اكل من يم السياره
السايق عينه زايغه حيل ضوجنه
واخيرا بدت الناس تجي
سالت ديما ذوله الولد شجابهم
كالت والله ماادري بس زينب شفتها تخابر يجوز خابرتهم
بس همزين نقذونه والنبي جمدت بدمي من شفتهم منعونه
والله اني هم متت من الخوف
رجعنه وجنه ضايجين حيل
انطنه الاكل رفضنه ناخذهن
دخلنه للغرفه وسديناها علينه سمعناهن يحجن يطبجن مرض
الصراحه بده الخوف بداخلي
اخاف اذا سولفوا كدام مرتضى شراح يسوي بيه
اكيد يلعب طوبه بيه يريد حجه عليه متاكده منه
كالت ديما وعليمن نخاف مسوينه شي غلط
كتلها اني باجر مراح اروح وياهم بالبرنامج
كالت حتى اني
والله مابدي اراويهم وجهي والله عيب
فشلنه كدام الولد وكدام البنات
وهم نزعل منهن حتى بعد ميضربنه كدام الناس
ردت انام وجان تجيني الرسائل وحده وره الثانيه
كتلها اشتغلت رحمة الله هاج استلمي
ذوله شكد خبثاء مكدروا يضمون السالفه ابد
راح اغلس ماافتحهن
ضحكت ديما كالت حتى اني
خل نغلس وانام احسن
بس حسيت الجهاز احترك حرك بالرسائل
كالت عمي افتحي خل نفتهم ونفهمهم
مرتضى : قررت ابد مااحجي وياها ولا اضوجها
وصلنه للشمال وزعونه ع الغرف
كل اثنين بغرفه
اول يوم ارتاحينه وثاني يوم رحنه للبحر
شفت البنات دخلن للبحر ولعبن طوبه
جنت شايل هم بس لا هم يدخلن
التهينه شويه
بس شفناهن ماكو
سالت احمد كال ماشفتهن
بعدين انتبهنه لكيناهن معزولات عن الكل
بس ذوله المزعجين راحوا باتجاهن
باللحضه هنه انسحبن حيل فرحت
عجبنه ابد منزلن البحر ابد
لو نازلات جان مقبلنه ابد
دخلنه للبحر وبيومها حيل اتونسنه ركبنه بدراجات افترينه حول البحر
للعصر رجعنه
سبحنه وملابسنه شلعن كلبنه بالغسل
بقن كلهن رمل
ارتاحينه وبالليل طلعنه
اتجمعنه ولد الحمله ورحنه نتمشى بالمنطقه
جان المكان مو راحه ابد
اكو بار كلش قريب علينه عرفنا كل شويه ويطلع واحد سكران لو مكبسل
دخلناله بالبدايه مخلين اركيله وبليارد وطاولي واكو غرفه جوه للشرب والكبسله
انسحبنه وطلعنه
ابد مو امان اذا النسوان يطلعن بوحدهن بالليل خطره عليهن اكيد
الولد الي ويانه اني واحمد نسقوا وي بنات ويانه بالحمله
رجعنه ونمنه
راسلت روان وطلبت منها ابد متطلع بوحدها
بس ولاتجاوبني
ثاني يوم عيد كعدنه من وكت
خابرت امي وابوي واخوي واخواتي هنيتهم
وبعدها جماعتي
ودزيت لروان همين
كعدوا اصدقائي وسلمنه ع بعض
بدلنه واتجمعنه وبده السلام بيناتنه
ابو روان مايعرفني ابد
لان الظاهر مجان مركز عليه بالكعده
لو يعرفني مجان راويته وجهي
اجني روان وديما
ضحكت بوجها لان جان لبسها حلو ومستور مو نفس الجانت تلبسهن
اراسلها ولا كانو
متجاهلتني ومعبرتني ابد
حيل ضجت بس مااكدر اجبرها
هالمره رافقناهن مثل ظلهن ابد مفاركناهن
هواي لعبنه العاب وبعدها رحنه للبحر
رجعنه من وكت
ارتاحينه وبدلنه
كال احمد خل نطلع نفتر ونشوف المكان
رحنه وصدفه لكينه روان وديما
بس لحضات وكامن
احنه امنه مايطلعن ابد
الولد اصدقائنا بدلوا وكالوا راح نطلع
شكو ليش وحدكم
ضحكوا كالوا مو شغلكم مثل مطلعون بوحدكم نطلع بوحدنه
شنو متواعدين ؟؟؟؟ استغفر الله احنه نواعد لا يمعودين
كاللهم احمد اي مبين خطيه يمكن راح يرحون للجامع يصلون ويجون
يابه مواعدين يله اسكتوا
اكيد الي ابالنه .... اي بس اسكتو اكلتوا كلبنه مو
ابد مو راحه ذني همزين ميختلطن وياهن روان وديما
راحوا واتاخروا
بعدين رجعوا
جانوا فايرين فور
سولفوا المقتل واني واحمد واحد يباوع بوجه الثاني
كتلهم شلون سكتو وماضربتوهم
انعل ابوهم لا ابو الخلفهم
لك مرتضى شنضرب احنه بغربه واكيد الدوله توكف وياهم ضدنه
حلينه الامر بالتي احسن
همه الظاهر مستغليهن لان بنات وبوحدهن
بس والله الصراحه ضجنه عليهن خطيه
فوك الهبطه امهاتهن ضربنهن كدامنه وهاننهن
حيل وياهن يستاهلن
شمطلعهن بهالليل بوحدهن
لك ياوحدهن كيه كامله وكوه مكفيتهن
مو مهم اهم شي بدون رجال
جان المفروض نروح سويه حتى ميتعرضن لهيج موقف
اني كام دمي يفور
شكد حذرتهن
يعني بختهن بالولد
جان الله اليعلم شصار بيهن لو ما همه
خليتهم ينامون
بديت اراسل اني من جها واحمد من جها
كتلها جاوبي لا احرك عشيرتج حرك
اني مو حذرتج مااطلعين اله وي رجال
ليش تحبين العناد
شناويه بهذا عنادج
انت كاعد تثبتين بهذا العناد انت حره بتصرفاتج وماالج واحد الي يكسر راسج
وربج مو بس اكسر راسج حتى رجليج اكسرهن ومااخليج تتحركين خطوه بعد
ماكو اي جواب
احمد هم يكول ماكو جواب
اتخبلت اني اعلمها
دزيتلها والله مو من صالحج متجاوبين
مجربتني شاسوي بيج نصيحه جاوبي قبل لا اتهور
فتحت الرسائل
دزت شكو ياستار يارب صاير شي
غشمي نفسج
والله لو اني من ابوج اكسر رجليج ومااخليج تخطين خطوه وحده
اني شكايلج وشاكدت عليج
مو كتلج خطره هنا لااطلعين اله وي رجال
اي ياعيني غير طلعنه مجموعه ويانه نسوان كبار
يابه وربج احرك عشيرتج نفر نفر بس اطلعين بعد بوحدجن
مجاوبت
راح اخابرج افتحي خط
مااكدر احجي اخاف اهلي يكعدون
عود احجي بصوت ناصي مابيه حيل اكتب
وانت محد يسمعك شلون راح تحجي ويايه كدامهم
راح اطلع بره
مااكدر احجي والله اخاف الصوت مسموع
بس اريد اعرف اكو عقل براسج لو فارغ
يعني متفكرين شيصير ميصير انتن بوحدجن
مجاوبت
ها اشو خنستي
بس اني مسويت شي غلط
لايعمي انت تسوين غلط لاكالها الله
سولفيلي بالتفصيل
بدت تسولفلي بالتفصيل
يعني لو متعرضيلجن شتسوين بالله
شحدهم غير نلعب لعب بيهم
اكلي تبن لج تلعب لعب ام حلك
لج بابا الشرطه وياهم مستحيل تبررج
فدوه اروحلج لتسويها بعد
لاوالله توبه بعد مااطلع ابد
خل نشوف
ذوله جماعتك شدعوه عليهم بسرعه فضحونه وكلولكم
اكيد انتم حاجيلهم عنه
لاوالله ناقص غيره الي يسولف عليجن
بس اجوي مشتعلين نار من وره العجمين
شكد حقراء
اي والله احقر خلق اللهً
بس لعبنه بيهم طوبه
شكد اشتريت منهم اشياء كلهن رجعتهن
حيل وياهم
والقران لو اني بمكان الولد اله مدميهم واعلمهم بالعراقين
باجر شراح تلبسين الله عليج مو تلبسين ضيك
امن باجر ابقى هنا مااروح لاي مكان
ليش عود 🤔🤔
من وره ماما حرجتني كدام جماعتك وكدام البنات
اي صدك تعاي سولفيلي صدك ضربتج
اي ضربتني وفشلتني 😢😢😢
اروحلها فدوه عمتي مي بارد نزل ع كلبي من عرفتها ضاربتج
هاي لو اني يمج جان سحلتج سحل مو بس اضربج
عمي دطير انت وعمتك
هاي بس الناس الهمج تضرب
لاوالله مو همج
عين العقل لان المقابل ميفتهم الى بالضرب
مجاوبت
باجر ترحين وتسكتين
والله مااتحرك باجر من الباب
والنبي لو ادري هيج السفره فلا اجيت
لان روحي طلعت ولا اتونست ابد
بس مااقبل تبقين هنا بوحدج
مااعرف شيصير مايصير
ذوله مايتامن بيهم العجم
اني وديما نبقى نقفل الباب ونسكت
عود شيسمونها هاي
ميسمونها شي
هم استحي كدام البنات والولد وهم بعناد ماما
همزين اعترفتي بعناد
شتستفادين من هذا العناد
ارتاح نفسيا من اعاند ☺️☺️
تحجين صدك
اي والله
ابصم بالعشره انت مو صاحيه
ههه ضحكتني 😏😏
هذا شبي حلكج انعوج يمكن صار بيج شرجي
هذا شنو الشرجي 🤔🤔
روحي اسالي امج ابوج وهمه يعلمونج بي
يله راح انام نعست
احسبي حسابج اذا مارحتي اني هم مااروح
الله عليك لتخلي احد يشك بينا بس تبقى واحنه نبقى كلها تشك بين
لعد روحي واسكتي
والنبي مااكدر حتى اخجل بعد اراوي وجهي لاحد
لعد ابقى وسدي الموضوع
يله راح انام نعست
يله تصبحين ع خير
وانت من اهله
احسها راح اتعبني بعنادها
نمت وثاني يوم كعدت
دزيتلها صباح الخير
ماكو جواب
تروحين لو تبقين حتى هم مااروح
هم ماكو
بدلنه وطلعنه ع الموعد
اليوم البرنامج نروح للغابه وللتلفريك
كلت لاحمد راسل ديما شوفهن يروحن لو لا
راسلها يكول مايرحن ابد
يابه شكد عنيده هاي روان
هههههه لك حتى ديما تكول
كاعد يتوسلون بيها اهلها وهي قافله
كللها راح نبقى وياجن
كمنه نلعب طوبه ع مايجهزن البنات
ضحكنه كلنه الشباب خلال خمس دقايق يجهزون
اما البنات ميحتاج اكول شكد يله يجهزن
كال احمد لك مرتضى الروحه متتفوت ابد
اني بالنسبه الي اروح لو شيصير
راسلتها حبابه روان فدوه اروحلج روحي
خل نتونس سويه اتركي العناد
والله اذا مارحتي ابقى وياج وادك الباب عليج
دزتلي مو بكيفك ادك الباب
اهلي راح يبقون ويانه
والله لو مو اهلج ميهمني
صيري حبابه وبدلي وتعاي
بقينه نلعب وبدت العوائل تجمع
اجني ذني البنات المو راحه ولابسات برمودات كابوي
تفاجأنه ولعبن ويانه طوبهواحد بقه صافن بوجه بالثاني
ضحك وسوالف
الولد الويانه منسقين وياهن ع الاخير
بقينه شويه واجت روان واخيرا
هالمره لبسها يخبل حيل مستور
صار مرتين يعجبني لبسها من صدك
ضحكت بوجها
بس هي الخجل واضح عليها
انطلقت السياره بينه
رحنه للغابه وجانت حلوه
بس روان احسها بغير عالم
وي امها وين متروح تروح وياها
احسها ضايجه ومقهوره
اخذونه بعدها لمطعم اتغدينه وبعدها رحنه للتلفريك
راسلت روان كتلها خل نصعد سويه اني واحمد وانت وديما
كالت لا وي ماما وخاله راح نصعد
صعدنه وهناك اتلاكينه حتى ابوها وخالها
بقينه للعصر
ابد ماحجينه وياهن
رجعنه بعدها دزونه لمدينة العاب بقينه لليل ورجعنه
بعد محد طلع ابد
راسلتها قبل لاانام
هلو روان
دزت هلووو
فرحت من جاوبت
ليش ضايجه اليوم
اتمنى ارجع لان روحي طالعه
ليش شصاير
مصاير شي بس هاي اتعس سفره بحياتي
احد مضوجج اليوم
لاوالله محد
اي لعد ليش
هيج وحدي ضايجه
عفيه باجر اذا طلعتوا لتجبرني اطلع
خل نبقى سويه اني واحمد وانت وديما
خل نكعد هنا بالحديقه نتفاهم ع كلشي
اريد اتوصل لنتيجه اني وانت شلون اقنع اهلج من اخطبج
بس ابقى ماما وبابا يبقون ميقبلون يعوفوني بوحدي
قنعيهم كليلهم ماعلينه وانتو روحوا واتونسوا
مااعرف خل اشوف
لان ضايجه مااريد اطلع بعد ابد
شنو سبب الضوجه
لان امج ضربتج
لايمعود واذا ضربتني ماما عادي
بس اني احس بنفسي مخنوكه
راسليني الصبح ضروري اذا ترحين لو تبقين
اوك
يله تصبح ع خير
وانت من اهله
كلت لاحمد شوف ديما خلي تقنع اهلها ويبقن بس هنه
حتى نبقى وياهن
راسل ديما وكال راح يحاولن
ثاني يوم كعدنه
اليوم البرنامج يدزونه لقصر الشاه وللجبال اكو منطقه خاصه بالعسل الطبيعي والكرزات وبعدها هم يرجعون للبحر
دزيتلها صباح الخير
صباح النور
ها بشري قبلوا لو لا
كاعد نقنعهم
احمد راح يتظاهر مريض حتى محد يشك بينه
اوك
فعلا احمد كعد وسوه نفسه حيل مريض
كال مااكدر اروح وياكم
كتله اني ابقى وياك
الولد كالو حتى احنه نبقى وخل ناخذه لدكتور
كتلهم ماكو داعي اني يمه
واذا احتاج دكتور اني اخذه
كال احمد اخاف ننضرب بوري ويرحن
كتله اكيد مايرحن
بس احتمال اهلهن يبقون ومو مشكله
كل شويه وراسلتها
اخرشي دزتلي راح يبقون ويانه
لعد احنه هم باقين مومشكله
بدلوا الولد وطلعوا واني طلعت وياهم
واكف بالباب واتفاجأت باهلهن مبدلين وطالعين
معقوله راح يرحن ويضربنه بوري
راسلتها شنو راح ترحين
لا مااروح
واهلج
يبقون يمنه
مااعرف شنو غايتها من الجذب
سويت نفسي مصدكها
رحت يم السياره حبيت اراقب منو يروح ومنو يبقى
اخاف احد يبقى ويشوفنه سويه
مو حلوه بحقهن
الكل راحوا
سالوني ليش متروح
كتلهم صديقي حيل مريض
انطلقت السياره
رجعت سولفت لاحمد
كال ذني مايردن يطلعن ويانه هيج سون
خل نتريك ويصير خير
اتريكنه وراسلتها
الووو
الوووو
وين انت
بغرفتنه
واهلج
ذوله يمنه
يعني متكدرين اطلعين
لا مااكدر
ممكن اسال سؤال وتجاوبين بصراحه
اسال
ليش تجذبين وتكولين اهلي يمي
واني شفتهم بنفسي صعدوا بالسياره
دزتلي 🙈🙈🙈🙈🙈 يعني اذا تدري بيهم راحوا ليش هيج تتضاهر انت متعرف
حبيت اعرف ليش تجذبين
مااكدر اطلع والله
اي عادي وين المشكله كولي مااكدر اطلع
شتتوقعين الزم الج السيف واطلعج بالقوه مثلا
لا مو هيج بس خاف تجبرني
لا مااجبرج
اني ردت ابقى بس حتى خاف يصير شي اني موجود واحميج
وحبيت بس احجي وياج ع مود نوصل لحل ع مود اهلج
اذا تحبين اطلعين هنا بالباب نكعد مانبتعد بس نحجي شويه
انتظر خل ابدل واطلع
اوك راح انتظر
حيل فرحت الحمد لله اقنعت احسها كاعد تتجاوب ويايه
طلعنه بره اني واحمد
كتله نسق امورك وي ديما
اني وروان وحد وانتوا وحد
خل اشوفها
دزيتلها منتظرج بره
ربع ساعه وطلعن
اكو درجات بكل فله
كنالهن خل نفتر شويه
الدنيا تمطر قليل والجو يخبل بارد
اخذنالنه فره وطكينه صور بس مو سويه لو اني واحمد لو بوحدي
وهنه همين اخذن جماعيه لو وحده تاخذ للثانيه
بعدين رجعنه اني وياها اباب الفله مالتنه
واحمد وديما اباب فلتهم
كعدنه بس واحد مبتعد عن الثاني
بعدين حجيت وياها
شنو الي ياثر ع اهلج حتى يوافقون
مااعرف
الي متاكده منه مستحيل يوافقون عليك
راح انتظر السنويه مالت زوجتي الله يرحمها
بعدها راح ادز امي وشهد وايات
اذا رفضوا راح ادز ابوي واشوفلي واحد عرف من جماعت ابوج
ومراح اكطع الامل ابد
ومثل ماكتلج 6 اشهر المهله اذا عجبج تطلكين اطلكج
واذا حبيتي تبقين اخليج بين عيوني
الخيار يبقى الج
هسه خل يوافقون بالاول وعود بعدين نتفاهم ع هاي الاشياء
عادي نتواصل اذا رجعنه للعراق
مااقبل تراسلني ابد الى للضروره فقط
اذا اكو شي مهم اي راسلني واجاوبك واذا لا اعذرني مراح اكدر اجاوبك
اوك اتفقنه
بس اني عندي شكم ملاحضه
اذا داومتي جامعه مااحب تختلطين بالشباب ابد
ع كد السلام وبس
ومااحب تلبسين ملابس ضيكه اتخبل والله مااضمن نفسي شاسوي بهيج موقف
انت ضامنج الي متصيرين لغيري لو شيصير
لهذا السبب مااقبل يحجون عليج بالمو زين
ومن هسه اكلج بس نتزوج البسج عبايه
لا مااقبل مااعرف البسها ابد
اي عادي تتعلمين
والافضل تبدين من هسه تتعلمين عليها
سكتت
شبيج البارحه ضايجه
ضجت من السفره كلها مو حلوه
لو ادري هيج والله مجايه ابد روحي طلعت وحيل ضجت لو باقيه بالبيت افضل بهواي
بالعكس حلوه وغيرنه جو
بس اني لا بس المشاكل ملاحكتني وين مااروح
من ايدج غير ياعيني
ماتحبين اسولفلج ع شهد
لا مااحب اعرف عنها اي شي
بهالاثناء دكت شهد
ضحكت كتلها هاي شهد
الله عليج حاجيها والنبي حيل متاذيه عليج
الله اخذ حقج منها ومني
اذا تعرفين قصتنه راح تعذرينه
والله شهد ابد ماتدري شجنت ناوي اسوي
عفيه راح ادخل للغرفه نعست
مجاوبت شهد
تعاي مراح اجاوبها والله بس خل نكمل
ماعندي شي بعد وياك ونعست
راحت باتجاه ڤلتهم
وصلت يم احمد وديما
رادت تدخل كتلها اوكفي خل احاجيج
ها كول
اذا سويتن غده دزن النه لان مانعرف نطبخ
كال احمد اي والله ياريت خل نجرب طبخجن
روان كالت والله مااعرف اسوي شي بس اعرف اكلي غيرها مااعرف
ديما كالت اني اعرف نص ونص
مو مشكلتنه اي شي اهم شي ناكل من طبخجن
اوك
دخلن وحنه بقينه نفتر
اذن صلينه وكملنه
وره فتره دزن النه تعالوا
طلعنه وجنه متلهفين ناكل من طبخهن
طلعنه فراش وكعدنه
بس هنه مقبلن يكعدن يمنه
جانن مسويات فنكر جاهز ومسويات تبسي بيذنجان وتمن ومسويات دجاج
رادن يدخلن
اوكفن وين تردن خل نضوك الاكل ونحكم علي وننطيجن راينه بي وعود ادخلن
كعدن يمنه
الصراحه التبسي حيل طيب
اني واحمد واحد يغمز للثاني
كنالهن شنو هالاكل الي مو طيب
هم حاسبات نفسجن نسوان
حيل ضاجن بس ماحجن
كملنا كله
احمد كال اكو بعد
هاي ديما طفرت
لا ماكو اذا مو طيب شلكم بي
غير يموت والله
عاشت ايد الطبخته
منو الي سوا
ديما كالت اني
لعد وانت روان شنو الي سويتي
اني كليت الفنكر والدجاج
بس هم طيبات والله الصراحه عاشت اديجن
واذا اكو بعد صبن النه بدون زحمه
صبن واكلنه وصدك شبعنه
بعدها رحنه نمنه
كعدنه العصر لكيناهم جايين
سولفوا ع الرحله وجانت مو كلش حلوه
يكولون حيل حاره اليوم
عكس مكانه الي بارده ثلج
كال وره الصلاه ياخذونه للسوك كلنه بالمنشاه
مااشتهينه عشه كلنه مناك نشتري
سالوا ع احمد ع صحته وكللهم صرت زين
صلينه وجهزنه نفسنه
باجر اخر يوم النه بالشمال
التمينه ولكينه الكل جاهز
حتى روان وديما جايات
همزين فرحت
رحنه واتفرقنه وانطونه موعد نتجمع بي
رحنه لمحلات هواي ملابس واحذيه
اشترينه شكم شغله
حيل اسعارهم مرتفعه هنا بس حاجتهم توب
رحنه اكلنه موطا وشربنه عصائر
بعدها رجعنه
ثاني يوم البرنامج دزونه ع شلالات طبيعيه وجداول وغابات
روان وديما راحن ويانه
اجمل ايام السفره اليوم
كلش حلو واتونسنه
اكو نضرات متبادله بيني وبينها
بس ابد مضايقتها ولا تابعتها حتى محد يشك
باثناء العوده اقترحوا يسوون عشاء جماعي لكروبنه كلنه
يعني كل عائله تطبخ الي يعجبها وراح يكون العشاء بالحديقه
احنه الشباب طلبوا منه نجيب الي ببسي والي لبن والي فواكه والي مي
وقسم اتبرعوا بحلويات
نزلونه بالطريق اخذنا الاشياء الي نحتاجها
حبينه الفكره والكل ايدها
محد اعترض
الي اخذ دجاج والي لحم والي تمن
احنه الشباب كلنه جمعنه سويه واخذنا الي كالوا عليه
رجعنه والكل بده يجهز
اخذنه سفره جبيره
صلينه وكملنه
طلعنه الشباب كلنه
جهزنه السفره
وزعنه اللبن والببسي والمي والروبه
جبنه للكل
الخبز عفنا مطلعناه من الاكياس
الحلو بيها بدت العوائل تجمع سويه
ويطبخن سويه
صار تعاون ملحوظ
بدت العوائل تتجمع
كعدنه الرياجيل سويه
والنساء ع جها
بدن يرتبن الاكل
مخلين من كل نوع النه والهن
اليوم يعتبر من اجمل الايام بكل تفاصيله
لمتنه كلش حلوه
اشكال طابخين من صدك تحس نفسك بنص العراق
طابخين تمن ومرك ودجاج وكباب دجاج وفنكر وبيذنجان شوي
انواع السلطات مسوين
انواع واشكال والصراحه كل الاكل كلش طيب
حلوه اللمه اخذنه صور للسفره
وابو الحمله اخذنه صوره احنه الشباب جماعيه
كملنه العشه ووزعنه الحلويات
بدت تمطر بس حيل خفيف
الجو صار يخبل
صار جدال حول المواعين
البنات يكولن الشباب يغسلوهن
واحنه الشباب نكول لا البنات يغسلنهن
كمنه نضحك ونتشاقه
بس الصراحه الله يعينهن
كومه مواعين
بدت العوائل تنسحب
اتجمعن بالفله مالت البنات المو راحه
لان جانت قريبه ع الحديقه
اتعاونن بالغسل
بعدين رحنه كلمن لمكانه
باجر موعد الانطلاق ب8 الصبح
نرجع لقم
رتبنه جنطنه
الحلو بسفرة الشمال
نفس المنشاه من مشهد لهنا ونفسها راح ترجعنه لقم وبعدين ترجعنه للحدود
قبل لاانام راسلت روان
حسيت بنفسي مدمن عليها
حبيت اعرف شنو من اكل من عدهم
راسلتها وسالتها
كالت اني سويت البيذنجانيه والجاجيك
وكالت ديما سوت كباب الدجاج
والفنكر همين
سالتها ليش انت مااطبخين ماتعرفين
لاوالله ابد مااعرف بس الگلي اعرف والمقبلات
يعني ع هذا حجيج يكتلني الجوع اذا اتزوجنه
هنه 6 اشهراتحملهن شلون مجان
بعدها كلمن يروح لحال سبيله
هاي اذا وافقوا اهلي
ان شاء الله يوافقون
بقينه شويه نتراسل بعدها نمنه
ثاني يوم سافرنه اتوجهنا لقم
راح نرتاح شكم يوم ونرجع للعراق
احلى شي بالسياره والمناظر
بالاستراحه توقفنه للغده والصلاه
لكينه اكو مرجوحه مااعرف شنو اسمها
يسموها لعبة الموت
مثبتيها باحبال قويه بالاشجار
بالاسفل وادي مينوصف العمق مالته
يعني بس الي ينظر للاسفل روحه تروح كلها
جانت حيل خطره بس حلوه بشكل
قسم خافوا من الشباب وقسم لا
اني صعدت حبيت اجربها وجانت حلوه حيل
صعدت اكثر من 4 مرات
اكو بنات رادن يصعدن بس ماقبل ابو الحمله كال خطره
الي يزل شويه ويترك الحبل يمكن محد يعثر عليه ابد
اكو ايرانيات يركبن عادي لان متعودات اكيد
بس العراقيات اكيد خطره لان اول مره يصعدن
خلصنه ورحنه اتغدينه وصلينه
اكو محل بصف المطعم اشترينه منه
صدفه لكيت روان وديما
اخذن موطا وحلويات
دفعت الفلوس ماقبلن
بس اصريت ادفع
بعدها رجعنه وصلنه لقم بالليل
استقرينا بالفندق
بقينه شكم يوم ابد ماالتقينه سويه
ولا ضايقتها ابد
وحسيتها فرحانه لهذا الشي
رجعنه للحدود العراقيه
اصعب شي بالسفره هي الرجوع
لان محملين جنط وتعبانين بنفس الوقت
وتقريبا يوم كامل بالطريق
نوم قليل
وصلنه تقريبا الصبح للحدود
بس اجراءات والتاشيرات طولنه
بعدها دخلنه الحدود العراقيه
بهالاثناء كلمن محتار بنفسه وبجنطه
السياره منتظرتنه
واخيرا كملنه واستقرينا وانطلقت السياره
اجت الشبكه والكل بده يتصل باهله
اني همين اتصلت بابويه واخويه
كالوا راح ننتظرك يم المكتب
فرق جبير بين جو ايران وجو العراق
هنا حيل حاره والجو بي تراب
بس الكل يصيح افيش ياريحة العراق
حر العراق يسوه ايران واهلها من عده الامام
نزلونه للغده بالطريق
اتغدينه وصلينه وكملنه الطريق
تقريبا وصلنه ب4
لكيت اهلي منتظريني
نزلنه وبدينه انزل بالجنط وجنت ملتهي رفعت راسي
وجان انصدم ب.......... ابد محسبت حساب لهذا الشي
توقعاتكم حبايبي شنو الي شافه مرتضى ؟؟؟؟؟
شراح ينتظر روان ومرتضى بالعراق ؟؟؟؟
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️#البارت 12❣️❣️
#الندم_مابعد_الخطيئه ❣️❣️
❣️❣️#للكاتبه رونق❣️❣️
جان اتفاجئ بعمار اخو روان
عيونه صارن بكصته
واحسه يريد ياكلني بسنونه
شلون محسبت حسابه جان نزلت بالطريق واخلي اهلي ينتظروني
مهتميت اله نزلت الجنط ورحت ع ابويه
سلمت عليه وبعدها اخويه
قبل لاننطلق
لاحظت واكف يمهم ولد شباب
وجانت روان مندمجه وياه
حتى ديما حاضنها
مااعرف ليش مرتاحيتله ابد لهذا الشخص
رحنه للبيت
جنت حيل مشتاق لامي ولشهد
خطيه لكيتها تبجي امي
بوستها وحضنتها
لكيتها مسويه دولمه تدري بيه احبها واعشقها من ايدها
سبحت وارتاحيت وصليت
بعدها اتعشينه
بالليل وزعتلهم الهدايا ورحت نمت
من التعب لثاني يوم ب3 الظهر يله كعدت
اتغديت وكملت للعصر اجوي بيت عمي اهل مريم
هم انطيتهم الهدايا مالتهم
للمغرب صليت ورحت للمحل
الولد هم جبتلهم وياي انطيتهم كلمن علاكته
رادوا يحاسبوني مقبلت
كتلهم تعبان لباجر يله
رجعت وهم نمت من وكت
ثاني يوم بديت امارس حياتي طبيعيه
كلت وره السنويه مالت مريم
يله اخطبها لروان
اني متاكد ماينطونياها بس مراح اايس ابد
يوميه الصبح ادزلها صباح الخير
اكتفيت بهاي بس ولا مره جاوبتني
بس مره وحده
كالت لاتنتظر مني رساله ابد
بس اذا اكو شي مهم عود اجاوبك الافضل هم مترسل ابد حتى محد يشك بينه
حاولت ابتعد عنها
بدت المدارس
سالتها ع قبولها
كالت انقبلت كلية تربيه قسم رياضيات
هم اكو داعي اوصيج ع لبسج
لا ماكو داعي
اتمنى ماتدخل بيه ابد منا لمن اصير زوجتك عود ذاك الوكت اتحكم بيه
روان رجاءا لاتتصرفين هيج
انت الي ومستحيل تصيرين لغيري وانت متاكده من هذا الشي
الافضل طيعيني لا تتندمين
كام يتواجد عمار بالمحل
من الكي بالباب اسلم عليه
يسلم بس من وره خشمه
مو مهم اهم شي يرد السلام
كمت احاول اتقرب اله
بس هو دائما يبتعد كانو يعرف شاريد بالضبط
اجتي السنويه مالت مريم الله يرحمها
سوينه عشه ورحنه للنجف
معزتها بكلبي متنوصف ابد مستحيل انساها ابد
والله لو ما عملتي السوده وي روان مجان فكرت اتزوج مره ثانيه ابد
امي وابوي طلبوا مني اتزوج وحده من اخواتها
رفضت بدون تفكير لو اموت مااسويها
ابد ماالي نفس بيهن اخواتها ابد
احسهن اخواتي
ماقبلوا امي وابوي
كتلهم حاسبهن مثل اخواتي ماافكر اتزوج وحده منهن لو اموت
ابوي يكول عيب من عمك هو طلب مني هذا الشي
كتلها اني ممفكر بالزواج حاليا ابد
وحتى اذا فكرت اكيد مو بنات عمي
شهد سجلتلها خارجي السنه
كلت بلكي تمتحن وتنجح
دخلت دورات تقويه
بين فتره وفتره اروح اراقبها لروان من بعيد لبعيد
مرات مايعجبني لبسها اراسلها واحذرها
ثاني يوم تلبس لبس مستور وحلو
اتفقت وي شهد كتلها ابدي راسليها ورجعي علاقتج بيها
حتى ادزج انت وامي تخطبنها
روان : بعد اخر موقف وي ماما من ضربتني تغيرت نفسيتي
لان سببتلي احراجات كدام البنات والشباب
قررت بعد مااطلع
مرتضى ماقبل بس ميهمني
الصبح ماما وخاله حاولن نروح ماقبلنه ابد
اجه بابا وخالو كلولنه هم مقبلنه
كنالهم خلونه وحدنه لان تعبانين
بقينه ومخبرناهم مرتضى واحمد
عبالنه تعبر عليهم بس طلعنه متوهمين
بس بعدين كلت لاباس اطلع واتفاهم ويا
طلعنه اني وديما
كعدنه شويه بعدها طلبو منه نسوي غده
سوينالهم
ديما جانت متلهفه عكسي
بعدها اتغدينه ونمنه
بالليل هم طلعونه بالبدايه رفضت بعدين بابا اصر
بعدها مشت الايام عاديه ورجعنه للعراق
ابد مضايقني ولا احرجني
وصلنه للعراق وجان عمار منتظرنه هو وابن خالو
راحت من بالي راح يتواجهون عمار ومرتضى
وفعلا جانت مشاحنات ابيناتهم بس بلغة العيون
حسيت عمار ضايج حيل
رجعنه للبيت جان تبدي السين والجيم
لزمني عمار اكل كلبي بالاسئله
هم ضايقكم
هم عرفكم
هم عرفتوا
سويت نفسي مااعرفه ابد ومتفاجئه بي
كتله ابد مضايقنه ويجوز معرفنه
سكت بس اني متاكده مامقتنع
لكينه اسيل عند اهلها زعلانه
بقوا اهلي يحجون عليه
كال والله طلعت روحي موتتني
من رحتوا اتبهذلت احوالي
لا لكمه مثل العالم ولا ملابس نظيفه
ابنها هاملته ولا كانو
بس يبجي
اني بالمحل واسمعه يبجي
اجي الكيها تخابر باهلها ومخليه الهيتفون باذنها
تكول ماسمعته من يبجي
هالمره مراح ارجعها خليها تحس بالغلط يله عود افكر ارجعها
بقت زعلانه تقريبا شهر ونص
راحوا ماما وبابا لاهلها وشافوا امير
واهلها بادين يحجون عليه وطلعوا هو ابو المشاكل
بعد الحاح من اهلي واهلها همين يله فكر يرجعها
وره رجعتي من ايران تقريبا باسبوع اجاني مسج
هلو يحلوه شلونج شخبارج
سفره سعيده ان شاء الله تونستي
دخت بهذا الشخص
اكيد يعرفني ويعرف كل تفاصيلي
بس منو مااعرف
بقيت دايخه معقوله مرتضى يريد يجربني
انطيته حضر وسكتت
طلعت القبولات وانقبلت تربيه فرع رياضيات
جنت قويه بالرياضيات لهذا السبب قدمت ع هذا الفرع
بده الدوام وداومت
هم اجاني مسج
لو مو تحضريني يوميه مستعد اشتري خط حتى اراسلج
وكل ما تعاندين وترفضين تنطيني فرصه راح اتعلق بيج اكثر
حبيت اهنيج ع قبولج بفرع الرياضيات وان شاء الله من الاوائل ونفتخر بيج
ياربي والله دخت منو هذا وشيريد مني
مااعرف اكل لعمار لو لا
انطيت حضر وسكتت
حياتي اتغيرت بالكليه
لكيتها عالم ثاني
بالبدايه واجهت صعوبات حيل
بعدين كدرت اتغلب عليهن
بالنسبه لمرتضى يوميه يدزلي رساله
بس مااجاوب ولا حبيت هاي الرسائل
احس بي يراقبني يوميه
مرات يعترض ع لبسي
مااعرف ليش اغلب المرات اطيعه
عمار رجعها لزوجته
اليوم جنت بالجامعه كاعده اني وصديقه تعرفت عليها
اجاني مسج من رقم غريب
هلو روان شلونج
مثل مكتلج لاتنطيني حضر افضل الج
انطيني فرصه خل نتعرف ع بعض
دزيتله منو انت وشتريد مني
اني معجب بيج من اول نضره
واريد منج تنطيني فرصه اتعرف عليج
مادزيت شي
معقوله مرتضى ويريد يختبرني
دزلي اللون البنك يجنن عليج
اني بيومها لابسه سويتر لون وردي وبنطرون اسود
بوقتها تخبلت .كلت اكيد هذا يعرفني ويجوز مرتضى
بقيت ع اعصابي بالجامعه
انطيت الرقم حضر
رجعت للبيت وقررت بالليل اتصل بمرتضى واتاكد
صار الليل ودزيتله مسج
هلوووو
ممكن تتصل بيه عندي موضوع وياك
دزلي هلووو
بس خل ارجع للبيت مااكدر احجي هسه بالمحل
اوك
بقيت انتظر وع اعصابي
تقريبا ب12 دزلي
هلوو
هلووو
اتصل
اوك ماعندي شي
اتصل ع الواتساب من رقم غريب كلي ثبتي يمج
ومااتصل بيج ولا تتصلين بيه بس ع هذا الرقم
اوك
خيرج صاير شي خليتيني قلق حيل
عليك الله وبروح زوجتك اذا تحبها انت دائما تراسلني من ارقام غريبه
لاوالله ابد ليش تسالين
اكو شخص دائما يراسلني ويعرف معلومات كامله عني
دائما انطي حضر
دزيلي الرقم
ليش متكلين لاهلج
كلت لعمار وحجه وياه ورزله
بس المشكله خفت لا انت وبعد مخبرت عمار ابد
شيريد منج
يكلي اريد اتعرف عليج واني معجب
يعرف اسمي وهواي معلومات تخصني يعرفها
يعني مالت واحد يعرفني حق المعرفه
تصور اليوم حتى لبسي يعرفه
واني دخت
دائما انطي حضر ويرجع يراسلني من غير رقم
سمعته ورث جكاره وكام يتافاف
من شوكت هذا الحجي
من زمان
عندكم اقارب تشكين بي
لا مستحيل
لعد وهذا الي اسقبلكم من رجعتتوا من ايران
هذا ابن خالو اخو ديما ومتزوج وهو دكتور ومثقف مو مالت هيج سوالف
المشكله اني متاكد اذا راسلته اني او اتصل بي راح اسببلج مشكله اذا طلع عرف
لان اكيد يراسلج من رقم محد يعرفه
ومن اتصل بي راح يعرف من طرفج
واخاف هم سين وجيم ومنيلج هذا
الافضل تخبرين عمار وهو يتصرف
واريد تنطيني كل الارقام الحاضرتهن بلكي مسوي حساب لواحد منهن
ونتعرف عليه
انت خبري اخوج والباقي عليه
هذا واحد منكم بيكم
اني اخاف ادخل واتصل بي ويطلع اقاربكم ويحققون وياج منو هذا وليش خبرتي
دزيتله الارقام الاخيره بس لان القديمات حاذفتهن
بقه يسالني بعدها عن دوامي
كلي عندي طلب يمج واتمنى متفشليني عليه
كتله شنو الطلب
كلي اريد انطي رقمج لشهد ع مود تتواصلن
اعذرني مااكدر اتواصل وياها ولا اكدر احاجيها
والله العظيم مظلومه شهد اني جبرتها لخاطر اخوج هيج سوت
راح اسولفلج السالفه من البدايه وانت واحكمي
حجالي بالتفصيل وشلون قبلت تتزوج ابن عمها
وشلون جبرها ادز عليه
وخبرني شكد هي متحجي وياه حتى بزواجه محاضره ابد
كلي اني اريدج تتواصلين وياها حتى تجي هي وامي يخطبنج
حتى بالبدايه يجون ع اساس صديقتج ومشتاقتلج
تقريبا اقتنعت ووافقت كتله اوك انطيها الرقم وخل نتواصل
بس ارجع واكلك اهلي من المستحيل يوافقون
ليش تشائمين اتفائلي ياعيني
شلون اتفائل وانت مخليت خط رجعه ابد
اختك زوجتها واخوي سجنته
لتكملين اعرف القوانه وحافضها لتذكريني كل شويه
بس رغم كلشي لازم نتزوج اني وانت مهما كلفني هذا الشي
الله عليج اريدج بكلشي توكفين ويايه وتساعديني
حاولي تقنعين امج ع الاقل
الله كريم
بقينه نسولف شويه وبعدها طبكته
ثاني يوم خبرت عمار بالرقم
انطيتهيا وكتله يعرف هواي تفاصيل عني
كال اني راح اتصرف
وره تقريبا اسبوع راسلتني شهد
بالبدايه جنت اراسلها من وره خشمي
لان هي واخوها دمروني ودمروا حياتي
بقينه يوميه نتراسل اني وشهد بس مو مثل قبل ابد
بدت تسولفلي بالبدايه ع علاقتها باهلها بعد الزواج
بس الفاجأني من سولفتلي ع زواجها
كالت والله ياروان انجبرت اوافق ع ابن عمي الله يرحمه
تعرفين اهلي جبروني ومو هذا الهمني
مثل مهمني عمار ردت يطلع من السجن باي ثمن
لاجهزت مثل البنات ولا فرحت ابد
اتزوجت وجان عقلي وكلبي كله يم عمار
جنت كئيبه بيوم زواجي
خطيه ابن عمي عرف اكو ان بالموضوع
حاول يستدرجني وافتحله كلبي
بس اني بقيت ملتزمه الصمت
حاول يتقربلي ابد مسلمته نفسي
هو عباله جنت مو بنيه وخايفه منه
خلصت اجازته وعجز مني خطيه الله يرحمه
راح التحق وجان دوامه بسوريا
ابد مكدرت اتاقلم ويا ولا كدرت اسلمه نفسي
بده يراسلني ع وقت فراغه
كلي اوعدج ووعد شرف راح استرج مهما كانت حالتج
اني تخبلت
كتله اني اشرف من الشرف والله
لو بيه شي جان مااتزوجت
كلي اني ادري بيج اهلج جبروج عليه
مااعرف السبب بالضبط
كل الي اعرفه ومتاكد منه انت كلبج مو يمي
وانت خايفه من شي
اني انطيج الامان بس افتحيلي كلبج وكولي وراح اساعدج والله
اني حسيت بيج زعلانه وي اهلج وهذا الشي خلاني اعيش بقلق
كتله والله العضيم اني اشرف من الشرف واني بعدني عذراء الطير ملامسني
بس كل ماهنالك اهلي جبروني عليك وجبروني اترك دراستي
لهذا السبب صعبه عليه اتقبلك بسهوله
اذا ع هاي السالفه بسيطه يابنت عمي
اني صبري طويل وياج راح اتحملج
لمن تستقر حالتج النفسيه
اني عفتج ع راحتج مو ضعف مني
لا بالعكس حبيت من اتقرب عليج برضاتج مااريد اجبرج ابد
راح انطيج مهله لمن انزل باجازه اتمنى تحنين عليه
حيل اتعب بالدوام واتمنى من ارجع ارتاح الكي مرتي تتلكاني بضحكه بوجه بشوش مو معبسه
اتمنى تفتح كلبها الي
اوعدج وعد شرف مااجبرج ع شي ولا ااذيج بيوم ولا اسمعج كلمه موطيبه ابد
مااجذب عليج ارتاحيت لحجي ابن عمي
بس بنفس الوقت صعب عليه اتقبله
بعدين امي بدت تحجي حرام عليج تمنعين زوجج
الله ميوفقج ابد وحرام عليج ترحين لنار جهنم
انطي فرصه لنفسج بلكي تنسين وتتقبلينه لزوجج
بقيت افكر لمن اجه باجازه
وجان متلهف خطيه
هم حاول وياي واني مو بايدي متقبلته ابد
هو ضاج حيل بس ابد مبين كدام احد
نطلع بره الغرفه نضحك ونسولف ولاكانو شي ابيناتنه
بينما بالغرفه احنه كلمن ينام بصفحه
اخر شي اتهمني بشرفي وكلي هسه اثبتيلي انت بنيه
ضجت حيل سلمت امري لا الله وسلمت نفسي اله
بس فاجأني من اعترفلي بعد مخلص وصرت مرته بالفعل
كلي ثقي بالله ماشكيت بيج ولا لحضه
بس حبيت اخليج توافقين ع قربي وبارادتج وحبيت استفزج
وردت تشيلين الحاجز البيني وبينج
اتمنى تفتحين قلبج اليه لان اني ابن عمج قبل لااكون رجلج
اتمنى تتقبليني لان من المستحيل ننفصل
بقيت اعيش ويا جسد بلا روح
مرات يضوج مني ويعوفني ويطلع
ومرات ميهتم يتقربلي ويكمل وينام
ابد مصار حديث ابيناتنه
ولا اتوالمنه
يمكن اذا اكلج شي مراح تصدكيني
ايام معدودات الي اتقربلي بيهن
اني من يوم الي اتقربلي بعد مامنعته كلت حرام عليه
بس هو الله يرحمه حس بكلبي مو يمه
شكد حاولت انسه عمار وانسى الي صار بس ماكدرت
بعدين اكتشفت حامل هو خطيه بين الفرحان وبين الضايج
اني بعدين نسيت والتهيت بحملي الي دمرني دمار
اعتنه بيه رسول الله يرحمه وجان يخاف عليه
اني من صارت روح ابطني اتغيرت من ناحية رجلي الصراحه
كلت هاي هي لازم اقبل بقسمتي ونصيبي
فعلا اتحسنت علاقتي وي ابن عمي وهذا الشي خلاه اسعد واحد بالدنيه
هواي حاول يصالحني وي اهلي بس اني جنت ارفض دائما
بعدين جبت ولد وجانت فرحتنه متنوصف
بس اكتشفنه الطفل مريض بي فتحه بالقلب
حاول مرتضى ياخذه للنجف واني رفضت
رسول زوجي بقه هواي منازل
اول مره يسويها ويتاخر
وخطيه دائما يتصل بيه ويسالني عن ابني
بس مخبرته بمرضه ابد اخاف يقلق اكثر
قبل استشهاده بدقايق اتصل بيه وكوه يحجي
كلي فدوه سامحيني شهد
لان جبرتج تتقبليني
امانه ديري بالج ع نفسج وع ابني وبوسي وكليله صير بطل مثل ابوك
كليله ضحى بنفسه ع مود مرقد السيده زينب
كلي لامي خل تبريني الذمه
اني كمت ابجي فقدت
فدوه رسول لاتفاركنه الله يخليك
والله اني اسفه فدوه ابريلي الذمه لان جرحتك واذيتك
بس تعال سالم والله اعوضك عن كل شي
لتيتم ابنك والله اني ويا بامس الحاجه الك
بوسيلي امي وابوي واخواتي ووصيتي الج اتزوجي بعدي وعيشي حياتج بس ديري بالج ع ابني
بهالاثناء نطق الشهادتين واستشهد
متتوقعين شكد اتاذيت بوقتها
اكول ليش هيج صار بيه
لو ماجابرني مرتضى مصار هيج بيه
بعدها اتعذبت بابني الي جان يصارع الموت
طلعته للخارج ع مود العمليه
بس جان مستعجل هواي حتى يشوف ابوه
وتركوني بوحدي
ساعه اكول هاي حوبة عمار بيه لان وافقت ع رسول الله يرحمه
ساعه اكول لا حوبة روان بيه لان السويته بيج مو هين
ساعه اكول لا هاي قسمة ربي العالمين وكلشي مكتوب
بس ورحه لرسول وروحه لابني لو ادري مرتضى راح هيج يسوي بيج
مجان دزيت عليج ابد
الصراح اني ابجي وهي تبجي
حيل ضلمتها لشهد
سولفتلها اني همين ع حياتي وشصار بيه
سالتني ع عمار
كتلها متزوج وعنده ولد
بس دائما مشاكل هو وزوجته
ابد ممتفاهمين
بعدين سولفتلي عن مرتضى وزوجته
شلون ماتت خطيه
الي عرفته تصير اخت زوج شهد
كمت ابجي من عرفت الله بالمرصاد جان
اني انجبرت اقتل طفلي بيدي بسببه
وهو الله عاقبه
كالت راح مرتضى يحجي وي امي
حتى نجي نخطبج
كتلها والله مااعتقد اهلي يوافقون ابد
شتتوقعين بعد الي صار عمار يوافق
والله مااعرف شاكلج بس ان شاء الله يوافق
سالتها عن دراستها
كالت السنه امتحن خارجي
ان شاء الله تنجحين
ان شاء الله ولو اني مأيسه لان حيل صعب السادس
الله كريم
بقينه بعدها شويه ورحنه كلمن نامت
ثاني يوم صادف جمعه
اجوي اهل اسيل زوجة عمار
من ضمنهم اخوها
حسيته مو راحه ابد عيونه عليه ياكلني اكل بنظراته
اني بقيت بالمطبخ ابد مطلعت بعدها
اجاني عمار خطيه سالني ليش ماتجين تاكلين ويانه
مااشتهي وعيب من اخوها لاسيل اكعد يمهم
خليني هنا احسن
اجتي اسيل كالت هاي شبيج روان عيب من اهلي يسالون عليج
ليش ماتجين تكعدين يمنه
مااشتهي وراسي يوجعني
شكد حاولت وياي بس ماكدرت
عفتهم وصعدت لغرفتي
لكيت شهد هواي داكه عليه
حتى مرتضى استغربت اكو شي
دكيت ع شهد
كالت وين صرتي يمعوده من يمته ندك عليج
خيرج شهد بقيت قلقه صاير شي
لا بس العصر نجي اني وامي
شنو راح تحجن بالخطبه
اي ليش
لا عفيه مو هيج
تعاي بالبدايه بحجة مشتاقتلي وحبيتي تشوفيني وتعرفين اخباري
بحجة صديقتي وحبيتي تعرفين اخباري
وشويه شويه نمهل الطريق
بقينه شويه نحجي وبعدها طبكته
وره شويه راسلني مرتضى
هلوووو
هلووو
شجنتي تسوين ليش ماتجاوبين
عدنه خطار وملتهيه بالمطبخ
منو عدكم
اهل زوجة عمار
هم وياهم شباب جايين
ليش
دجاوبيني
اي اخوها جاي
متزوج
شلقصه مرتضى تريد تخطبه
اكلي تبن وجاوبي
ممتزوج بعده
وانت جنت كاعده يمهم
اللهم صبرج ياروح
لا مكعدت يمهم
همه كاعد يتغدون واني فوك بغرفتي
يابه وحق ربج اذا نزلتي وكعدتي يمهم اكسر رجليج
بدون متكول اصلا ماارتاحلهم ولا ارتاح لاخوها لاسيل
ليش مضايقج
لا بس احس نضراته مو طبيعيه
لج اخاف يطلع هو الي يراسلج
ها مااعرف
طبعا ماتدرين لان انت ثوله ومتفكرين ابد
حيل ضجت منه وغثني
مجاوبته عفته خل يولي بعد ماعليه بي
خبري عمار وكليله اشك بي وهو يتصرف
مجاوبت
ليش متجاوبين
وين صرتي روان
التهيت امسح الرسائل
هو اتخبل حيل
هاي شبيج ليش متردين
لان ثوله وماافتهم
اها وصلت الفكره
لعد منا ورايح صيري نبها وانتبهي زين
العصر راح اجيب امي وشهد بيدي ومن يخلصن يدزن عليه
مااريد عمار يدخل يمهن ابد
افتهمتي لو لا
لا ماافتهمت
اعتقد عمار يعرف حدوده كلش زين
ومااعتقد لهاي الدرجه هو نذل ويدخل كدام امك واختك
لاتخلي الشك يعمي ع عيونك مره ثانيه وميخليك تعرف الصح من الخطأ
سكت مجاوبني
مسحت المحادثه كلها
بقيت اكلب بالفيس شويه
اجه عمار يمي
ليش ماتغديتي
مااشتهي والله
حاب اسالج سؤال واتمنى تجاوبيني عليه بصراحه
اسال
هذا المطي سجاد يقصد اخو اسيل هم غاثج بحجايه او ماذيج
الصراحه لا بس اني ماارتاحله ابد
ليش شنو السبب
مكدرت اكله عيونه زايغه
اكتفيت ب ماارتاحله ابد من الله
طبعا اني شاك بي هو الي يراسلج واريد اتاكد
اني هم مثل تفكيرك شاكه بي
زين اذا شاكه ليش مخبرتيني
والله قبل شويه يله فكرت بي
يابه والله اذا طلع هو اله اندمه ع الساعه الي نولد بيها
بس عمار خل نكون واقعيين
متجاوز عليه ولا سمعني كلمه مو حلوه ماالنه حق عليه
انجبي ولج هاي كدامي هيج تحجين من ورايه شتحجين عليه
ليكون عاجبج الوضع
لتفهمني غلط والله وداعتك وداعت ماما وبابا ماارتاحله ابد ومايعجبني ابد
بس حجيت حق الله لاطلب مني شي ولا سمعني كلمه مو حلوه
اتذكرت شهد
كتله عوفك من هاي السالفه
عندي الك خبر مااعرف راح يضوجك لو يفرحك
كولي سمعيني
قبل كلشي ذوله الغثه راحوا لو بعدهم
راحوا من زمان
لعد اسمع
اليوم راح تجيني صديقة عمري القديمه
بعدني ممكمله كلي الله عليج لتگوليلي شهد
اي شهد
حسيت بي ضاج حيل
شعدها جايه وشتريد بعد
تريد تشوفني وتكول مشتاقتلج هواي
لج خل تولي جذابه لتصدكين بيها بعد
لتظلمها عمار مثل ماظلمتها اني خطيه
هذا اخوها العار شلون راح يخليها تجي لو بدون علمه
محبيت ابين شي لو يشك ع شي
كتله ماسالتها مااعرف بدون علمه تجي لو لا
مااحب اشوف شكلها ابد من تجي عود خبريني حتى اطلع قبل لتجي
معقوله عمار !!!!! تحجي صدك
هاي شهد الي ذبحت نفسك عليها
هاي قبل مو هسه
اتمنى اخر مره تجي لهنا لان مااقبل مره لخ تجي
سكتت مااعرف شاحجي
كتله تعرف شهد زوجها استشهد
الله يرحمه بس ميهمني عادي
العدل ولا ميت ليقدم ولاياخر
دزيت لشهد وكتلها شوكت تجين
كلتلي اجي ب 4 ونص
اوك
خبرت عمار بالوقت
كال لعد راح اطلع هسه للمحل
حباب تكدر تجيب كيكه جاهزه عيب منها هي وامها
مابيه حيل والله
حباب والله عيب من امها اول مره راح تزورنا
امري لا الله خل اروح اجيب واجي
طلع وره فتره رجع جايب كيكه وعصائر
شكرا حبيبي وبوسته
حيل مشتاقه لشهد الصراحه
جنت حيل قلقه وخايفه مااعرف لويش
حرت شالبس مرتبكه
اخاف احد يشك بيه
بعدين طلعت تراك لون وردي
رحت سبحت وبدلت
خليت ميك اب خفيف
نزلت جوه سويت نفسي طبيعيه
اباوع ع الساعه
كاعده بالصاله يمنه اسيل
سالتني ماما هاي الكيكه شنو والمن ومنو جابها
كتلها ماما هاي عمار جابها اني وصيته
راح يجون خطار اليه
منو ماما
صديقتي شهد وامها
ماما كالت ياشهد بس لا .... وسكتت
كتلها اي ماما
عزه ولج شذكرج بيها
ماما اشتاقيتلها حيل وهي همين وجايه تريد تشوفني
شناويه ولج تفتحين دفاتر قديمه واحنه كوه سديناهن
هاي شبيج ماما لتكبرين السالفه
كالت اسيل شكو هاي البنيه شبيها بس لا مشبوها والعياذ بالله
لا يمعوده يامشبوها
البنيه اشرف من الشرف
بس جنه متزاعلين اني وياها
سكتت اسيل
رحت قسمت الكيك ورتبته
اندك الباب رحت فتحته للباب
وجان كلبي يدك بالدقيقه الف يمكن
سلمت ع خاله ام شهد
وشهد واني وحده جلبت بالثانيه وحده حاضنه الثانيه ونبجي
حيل مشتاقتلها وهي همين
دخلنه لجوه وسلمت ع ماما وامها همين سلمت ع ماما
هالمره ماما من وره خشمها سلمت
رحت قدمت الكيك والعصير
اجتي اسيل سلمت عليهم
شهد عيونها ع اسيل
بقينه ناكل ونسولف
شهد كلتلي خل نصعد للغرفه مالتج شويه
صعدنه وبدت تراويني صور ابنها وتبجي خطيه
دموعي تجري وياها
سالتني ع عمار كالت شلونه
كتلها زين بس ممرتاح وي زوجته ابد
ليش خطيه
حقيره زوجته وشالعه كلبه شلع
بهالاثناء وجان تدخل اسيل علينه وهي مثعوله فول
هاي منو الحقيره وشالعه كلبه
والتفتت ع شهد وجان تكول .......
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: