#الضابط_والجميلة
#البـارت الخـامس والثلاثون
للكـاتبةه : ࢪَ࣪يࢪَ࣪فـون ♥️
___________
لا تسألني عَنها ،
الوجع ما ينگال .
_______
قحطان:ولككك عوووفني عووووفني
اني ضليت ارچف وابچي
جررررني ححيل للدرچ مصطفى ماگدر يدخل خالتي تحجي ويـا وهو ابـد
ضلت تصيح عليـة وهو جرني وصـار يصعدني ع الدرَچ
خالتي وموچ صعدن ورا نوب ططبني للغرفة وسـد البـاب
ضلوا يدگون بالبـاب وهوه ولاچنـة شمرني ع الجربـاية
وكعت و اني ابچي اچة وعيونـة نـاررررر لزم شعري حيلل
وجررره وگال بكل عصبيـة
قحطان:شاااافچ بدوووووون حجااااببب احجججييي شااااافچ
ضليت امتمت اباوعلة وابچي ردت اگلة بس افهمني راسـاااا
ضربني راشـدي وگال
قحطان:چااااوبيننيييي ااااييي لوووووو لااااا
حايره شگلة ابچي وراسي بالفراش جررر راسي الـة
احس شعري اتگطع بيـده زعك بية بكل عصبية وهو يشد بشعري حيل
قحطان:احجي ووولجج شااااااافچ هاااااا
باوعتلة واني ابچي والهث وگتلة واللة م مادري
ضربني راشدي ثـاني ويصيح ويگول
قحطان:يعنننني شاااافچ هااااا شاااافچ
گام مني و صـار يكسر شكو شي ع الميـزز ويزعك بعصبية
لجج ححقيره اني شگتلج مووو گتلج ماطلعين رجلج ع رججل اااامي ههههاااا ليششش طلعتتتي ليـش
ضليـت ابچي من عصبيتة والخوف ومن القلق من شنو ماعرف
باوعلي وگال بتوعـد
قحطان: بسيطة ل اربيچ من جـديد يـا مريم
باوعتلة وگتلة وني اشهك بالبچي وهووو يباوعلي بعصبية
اصلاااااا مرررراح ابقةةة ويااااك لحضة وحده مووو ماعندي اهههل اني
رحَت للكنتـورر هوه بسرعة اچة وراي لـزم ايدي وگال
قحطان:لچ ااااشصررتيلي ميسوووون الثانيه هههااا جررري عدددل مريممم لااا اطلعيلي اعصااابي
طلعتيشش ماتگليلي انعَلللل عشيرتج اذاااا تطلعين من باب البيت قصص وروايات عراقية كرار صلاح
م مارررريددددك ماررريدك اخخذني لاهلي واللة اذا م تاخذني لاهلي هسه احرگ روحي
رگعني راشدي فرررني فررر وگعني ع حافة الجرباية احس راسي اتـأذه صحت اخ واني ابچي
قحطان:اااي ااااي تحرگ رووححههه لچ اگص لسااانج اذااا يلفض هيج شي بعدد خوشش
ماعدي مررره هيجج لسانههه اطول من عدههه گضبي لسـانچ واتچفي الشـر لا بالحُسينن تصيرررر مو خوش
ضليت ساكته بس ابجي ولازمة راسي و دافنة راسي بالفراش
شفتـه طَلع وطبَن خالتي وموچ ذبيت نفسي بحضن خالتي وصرت ابچي
وهيه تگول سوده بوجهي ضربچ ضلت تحجي وتصيح علية
وتگلة من يمتة مره تنضرب عدنة ضلت تحچي وني ابچي
گتلهه خاله اريد اروح لاهلي واللة مابقة ولا دقيقه هاي مو اول مره
هيه ضلت تهدي بية اني قفلت ضليتت بس ابچي نوب
مصطفى من وره البـاب گال اريد اطب لبست حچابي ودرت وجهي واني ابچي
گالي انعلي الشيطـان واهدي وساعة عصبيـة ماحجيت شَي ضليـت بس ابچي
يـاللة كلهه بجهه وچهه ضـربني يم كل اهلهه شيگولون هسه
واللة اليوم اروح اروح مابقة يمه بعد لو شيصير بعد لو شيسوي مارچع
خَالتي گالتلي شنو السالفة حجيتلهه واني ابچي گالت اني اعلمهه
خالتي نـزلت لقحطان وهاي ميسون ماكو اصـلا وموچ تهـَدي بية
سمعنـة جوه شوية عياط و صيـاح قحطان چوة ضليت ارچف
موچ نزلت تشوف شكو رحَت لموبايلي راسا
خابرت امي واني ابچي كتلهه ماما تعالوا اخذوني
حاولت تحچي وياي كتلهه بس تعالوا
سديت الموبايل اجتي موچ كالتلي امي حجتلة
ماهتميـت الهه ولا لحجيهه گمت بسرعة واني ابچي
حتة مالميت ملابسي ولا اخذت اي شي
طلعت صايتي بسرعة وشالي لبسـتهن
وموچ تكلي شبيج اني مارديت عليهه
لميت جنطة المـدرسة مالتي
شويـة وشفت قحطان اچة باوعلي وخزرني وزعگ بيـة
قحطان:وانتي الثااانيه شععععدججج لااابسسسه ههههااااا
ماچاوبتـة ردت انزل لزم ايـدي وگالي بعصبية
قحطان:لچ شنوووو تچااااهههلينيي انتي
قحطان عوفَني اريد انزل
تنهـد وراد يحچي اندگ الچرص
باوعتلة وگتلة
اهلي اجو اريد انزل
باوعلي بكل عصبية وگال
قحطان:لچ سوويتههه وخـااابرتي ابوووج مووو
ماچـاوبت علية جررر ايدي وموچ طلعت
طلع وسد البـاب وگال خلشووف شلـون ترحَين
عافني بالغرفة ضليـت بس ابچي
كل ما اذكر شلون ضربني كدام اهله
وعلمود ميسون احس گلبي هيج يگوم يعصرني عصـر
ضليـت بالغرفة تقريبا ربع ساعه وانفتح البـاب
شفَت قحطان طَب للغرفـة
اجة يمي باوعلي وگال
قحطان:بعدين احاسبج شلون توصلين لاهلج هسوالف
وهسة تمسحين دموعج وتنزليـن تسلمين ع اهلج
وتكليلهم شي عـادي ضچت شوية وختنگت وخابرت خوشش؟
باوعتلة وگتلة
موو بكيفكك اررريد ارروح ل اهلي ماااضل ويـاكك ثااانيه
لزم ايدي وگال بغضب هامس
قحطان:مريم ليـش تاحدديني لا تيبسين راسچ طلعة من البيـت ماطلعين
بچيت وگتلة
لعـد تهيني يم اهلك ويم ميسون وانت كلشي مافهمت وحتة ماسمعت شرردت احچي راسـا تصدگ بيهه
حطيت ادية ع وچهي وگمت ابچي سحبني لحضنـة بعدت عنه ماگدرت
هوه اقوه مني ضل حاضني ويحچي
تنهَد وگال
قحطان:واللة العضيم اسودنت فكره انو واحـد يجي و يشوفچ اموت
ضَليـت ابچي بحضنـة گتلة
اي وگدام اهلك و ميسون تضربني ها!
هسه شيكولون يكولون دائما يضربهه وعده عـادي يضربني يم واحـد قصص وروايات عراقية كرار صلاح
قحطان:اعرف غلطان اعرف بس ماگدرت الزم اعصـابي بوقتهه وهيه لاتخـافين من الصبح تروح لبغداد
وخرت وچهي منة وگتلة
قحطان اريد اروح وي اهلي عوفني
قحطان:مريم لا تخبلني شتروحين وي اهلج ماتروحين ماكو لا روحة ولاشي
بس اوكي خليني اروح ابـات يمهم وباچر اچي!
قحطان:ابـد سدي الموضوع
اي ليششش ابددد بس گلي ليشش تره ذووولا اهههلي والللة اختنگتتت هنااااا ماگدرررر احط عيني بعيووون اهلكك انتتت تفهعهمني لوو شنووو
قحطاااان الللة يخليكك عوووفني مخنوووگة تعبـاااانه من شييي لشي ع ساااعه و امووت واخلص من كل هل دنيـا
يعني شممما اررريد انسةة من اذگر شلووون ضررربتني انچن واللة
يعني انت من صـاررت سالفة موچ خليتهه الامور بيناتنه وماگلت لاحـد ويمهم خليتهه معززهرمكرمة بس انت ذالهه جنت
وهسـة اني قحطان هسه شيگولون هـا بربك بضميرك تقبلهه تضررربني وتهيني وتجررني من گدامهم وتريدني ابقة ساكتة
واللة شنوو مافهمتني موحجي ههذا قحطان انت برهنتلي هسه
انو اني ماعنـدي اي قيمة عنـدك يجوز لا شنو يچوز مية بالمية ميسـون احسن من عنـدي
ميسون انطيتهه حقهه حتة تحچي وحججتلك كلشي جذب وگلبت المواضيـع
و اني هه اني اصـلاااا ماطيتني غير فرصه حتة احچي وبعدني مامكلمة متنطيني مجال اكمل حتة
وادلة تححسنني اني لاااشيء عنـدك امنيتي ماصار الي صار
امنيتي ماصـارت هل طلعة ولا صار الي صـار امنيتي اموت بهل لحضة واخلص من الكل
تعبتتت تعبتتت شذنبي هها منـااا انتتت منـااا الدنيا منـا ياااخي تعتبتتتت حسووووا بية عااااد
اريد ارجع لغرفتي اضل ابچي بيـهه حـدما انـام وحـدي
شحصلت منكم ههـا شحصلت غير المرض والهم والغـم
خاصتـا انت ياقحطان متوقعتك هيچ واللة جاي احسك تغيرت
مو قحطـان قَبل الي مداريني مثل المَي البلصينيه وهسـة
هههههههه هسـةة احسكك اكثررر شي تكرهني احس نفسي عنـدك سجينـه وتعذبني هيچ
حيـاتي عدكم صارت لاشي مثل اللعابة الي عنـدي الطفل
بكيفة ساعه يـداريهه ساعه يشمرهه بالگاع اني هيچ صرررت بنسبه الك
قحطان اررحمني اعتقني تررريد تموتني ع ايـدك بس گلي تره والقران تعبتتت تعبتت
كل هل حچي احچي واني واگفة گبالة وابچي
تقـرب مني وصـار گباالي مسح دموعي بـاديه الثنين حاولت اوخر منة حضني وصار يمسح ع راسي
قحطان:اشش كافي اعرف واللة اعرف شگد تعذبتي اعرف كلشي لا تذگريني بهل شي
بَس مـريم بداعت ابوچ گليلي تچي ميسون و اني بالدوام تگلج شفَت قحطان وي وحـده بالفراش شتگليلهه هـا تضحكين بوجهه
وخرت راسي وگتلة
بس شي عن شي يختلف شجاب هاي ع هاي شلگيتيني اني شنـووو قصص وروايات عراقية كرار صلاح
قحطان:موهيچ قصـدي المره تختلف عن الرچال عدهم هذني الثنين نفس الشي بنسبه البعَض
يعني مثلا الرجال من يشوف مرتة احد كاشف عليهه عنـده شلون من بنيه تشوفة وي وحده بالفراش
خومـا مثل اذا بنيه حجت وي الرجال لا كلشي يختلف
ضلَيت ابچي ع صـدره وهو يطبطب ع ضهـري
قحطان:نگعتي التراك ولج كافي ادموع هل ادموع اسههـام ينبتن بگلبي امسحيههَن
وخَرت عنده واني امسح بدموعي
قحطان:اروح فدوة للصـارت حمرة يمعوده اضحكي اضحكي ماتحمل اشوفچ هيج
رحت للمراية واني اعدل بشعري وگتلة
هو انت الي اسوييني هيج وتكلي ماتحمل اشوفچ هه
حاوطَني من وره وگال
قحطان: وعيونچ احبچ اسف ثم اسف ثم اسف ثم نعتـذر بعد شتردين
ضحكت ع حجايته لان حچاهه بطريقة تضحك گرص خـدي وگال
قحطان:شتعلو عشيرتچ معلعلة گلبي تعلعل
يلا حبيبي نفس ماوصيتچ البخي لبخ واخفي هل حمـار اريدچ تبينيلي كونكريت مسلح بنيـان من بنيـان
ضحكـت احس شوية طيب خاطري مشكلتي حالي حال حور بسرعة ازعل وبسرعة ارضـة
غسلت ورتبت نفَسي نزلنه اني ويـا بس شنو مستحية من خالتي و موچ و مصطفى بفد شي
قحطان ينزل واني ورا ضحك وگال
قحطان:عمي بتكم سالمة غانمة واللة مز ماكل شي منـهه بس دلال شوية
ضحكـت ويـا ورحت لامي مبين القلق عليـهه حضنتهه وسلمت عليـهه
ضلت تحجيي وتكلي شبيج وخرعتيني
ماما ختنگت وضچَت حيَل وگمت ابچي وقحطان يحجي وياية يكلي شبيج احجي وني ماحجي
اباوع لخالتي ابتسمتلي وموچ كذالك ميسـون ماهيه وقحطـان واگف ويبتسمَلي
بـابا بالاستقـبال گاعد
شوية وطلعت ميسون تبچي و وجهه احمـرر
ميسون:ححقيررره كلبة بواكة الزلَم ارررتاحيتي بگتي مووووو خالةة لاااصدگيننن ترررره بتچ جانت وي واحد وشافههه وقحطان ضرررربههه
اني شههكت قحطـان راحلهه وخالتي كام تصيح عليَهه
جان صوتـهه حَيل عالي طب مصطفى وگال
فضحتووونة الررررجال سمممع كلششي شبيككمم
باوعتلي امي وگالتلي
شنوووووو هل حجي مرررريمم
خالتي رررادت تحجي ويـاهه امي ضلت تعيط عليه وتگي احجي شكوو
قحطان طبب ميسون للغرفة وماسمع غير صوت البچي والعياط وتصيح گحب... وحقيره
امي گالتلهه ام قحطان اني مـاقبل هل حچي تررره هـذااا جبير بانو تحچي هيچ
حلفتني وگالتلي صـدكك ضـاربچ طلع قحطـان عيونة حمممر من العصبيـة
ماحچيت شي بابا گام يصيح من باب المطبخ امم مريم وينچ
امي گام تصيح عليهه حيل
كالتلي جااااي اكلچ شنوووو السالللفة احجيلي
قحطان گاللهه خالة كلشي ماكو من حجيهه لا صدكيهه حقيره وحده مغثوثة
ام مريم:مممريم بددداعت ابوچ كليلي الي صاررر كلة احجيلي كلشي
باوعت لقحطان واني ابلعم وهو هم ضل حاير مايعرف شيحجي
ماما هو انو
ضلبت امتمت اجة قحطان وگال
قحطان:ام مريم يرحم ربج اني ومرتي لحدد يدددخل بينة تصيرررر مشاكل بين كل مرة ورجال وتهدئ الامور
امي تتتخبل من رجال يمد ايده ع مره تكره هل شي وبابا ولا مررره ابدددد مايمد ايددده ع مره
وسمعتني ابچي واني عدهه خط احمـر كلشي ولا احد يعيط علية
لهيچ تدمرت من گام تصيح علسه بفَتره مويد وتگلي اخذچ للدكتور ومن كبرت
عرفت انو حقها من حجي النـاس خاصتـا بيبي بوقتهـا مووتهه
المهم امي گالت لخالتي
ام قحطتن كلشي ع عيني وراسي بس مال يمد ايده عليهه هاي احنه ماتمشي عدنه ومريم جانت تبجي الله اعلم شسوه وهيج سكتت وكل ههذا وحچي بت اختچ عليهه
هالشي ابوههه يـدخل احسن شي يلا مريم بدلي وخل نروح
قحطان بغضب هـادئ:شنووو هل حجي ام مريم وين تاخذوهه استهدوا بالرحمن
لا تنسين تره مريم مثل ماهيه بتكم هيه صارت مرتي واني الي سلطة عليهه اكثر منكم حتة
امي ضَلت تحجي وي قحطان وتگلة لو ابوهه يدري يلعب جولا و مريم مريضة وشلون تضربهه
عرفت قحطان عصب بس مـاگدر يحجي اكدر خلة وطلَع
امي گالت هسه ترحين تبدلين وتچين ضليـت محتـاره يعني واللة حيره بس اريد افهم
اني شمسوية وهيج اللة ديعاقبني من الراحة تجيني هيج يصير بية
صعـدت لبسـت صايتيي وشالي و نزلَت باوعت لخالتي انو مو بيدي هزت راسـهه
طلعنه بابا بالطارمة وداير وجهه عن قحطان حتة الضاهر متلاغين بينهم
طلَعت اخذ بايدي وگال
هيمن: امشي بابا امشي ماعاش اليمد ايده عليچ وابوچ عـايش قصص وروايات عراقية كرار صلاح
رَدت احچي ماگدرت اباوع لقحطان گتله مال اعصـاب مع كل الي سوووا احس نفسي فهمته شوية
والي صـار صح غلط بي بس اني غلطت نفسة شلون اصـدگ ميسون واگوم للمطبخ
المهم طلعنة وطول الطريق بابا يحجي ويگول ع اي اسـاس وماما تگلة اصلا بعد ما ننطيهميا 😂 ححسووني انو مشايفين بنات وعرك
وفعلا اني جنت وحيده اهلي وستوني معرسة عدهم جرم انو بتم تنضرب شمهما يصير وياي ابوية وامي ضد الضرب يموتون مَن هللشي
ف عدهم جبيره انو بتهم تطلع من بيت رجلهه مضروبة بس مع مرور الايام صارت عـادية ومن ازعل همه يگلولي
هـذا بيت رجلج وعادي وكلشي يصير بين المره والرجال 😂😂
المهـم وصلنه لبيتنة وامي احسهه معصبة ع تريدني ابقة يمهه ومكيفة ماعرف
گالت ههذا بيتچ وغرفتج وتكملين دراسة وماعليچ وابوية سكَت
اني راسـا طبيت لغرفتي طلعت موبايلي من جيبي جبته وويـايه
قحطان ممراسل ولا مخابر خابرت موچ كالتلي سبه الامه سبااااية ويخابر ع اخو ميسون يكله تعال اخذهه يكله اني ماعليه بيهه
وامي تكلهه حقهم ولو اني بمكانهم اسوي الاكثر هسة خلة وطَلع بسيـارتة والبيـت نـاررر جحيمم ولچ
گتلهه موچ واللة موبيدي كلشي گبالج كالت اي ادري وحقچ كتلهه انطيني خالتي
انطتنياهه هم خطية واگعة بين ناريـن گتلهه خالة اعذريني گالت لايمة اصلا انتي بت اصول من مابنتي مشاكل بيتچ وكلتي لامچ ماكو شي
بس الصوج صوج بت اختي و ابني
ضليت احجي ويـاهه وگتلهه اني اهدي اهلي واللة سديت الموبـايل وضليت گاعده وبالي يَم قَحطان
اخابره مغلق مو من عوايده موبايله مغلق
اني سديت الغرفة وگتلهم حنـام مالي خلـگ
لوين ودگ علية قحطان صوتة تعبـان احسة
قحطان بيك شي
قحطان:مابية
تنهدت وگتلة واللة موبيدي واللة وين انت هسه
قحطان:طالع
وين طالع قحطان ارجع للبيت
قحطان:اي هسه راح اوصل
بداعتي قحطـان
قحطان:اي واللة شبيج راجع للبيت تاخر الوقت
ضليت احجي ويـا وهو روحة طالعة حـدما وصَل للبيت نزل وصعَد وهو ويـاية ع اللخط
صدك حسيته ضايچ وابوية الي عرفتة كلش مـأذي بالحجي
المهم اسمعـة يارگل وميحجي شي واني نفس الحالة
قحطان:تصدكين مشتـاقلج ماعرف انام اذا ما انتي يمي عادي تزعلين ترضين المهم انتي يمي
من تنامين احضنچ و عطرچ يتضارب وي عطري
اخ اگلج لا تخليني هسة اچي اخذچ واللة العضيم
قحطان موبيدي هل شي واللة موبيدي كلة ابسبب عصبيتك وبسبي غبـائي وبسبب صلافة ميسون شنوو ذنبي
قحطان:چااااا اني شنووو ذنننبييي هههههااا لججج ممنن تجي وووتگلي مرررتك وووي واححدد
ونتتتي الغبية تمتيننن وماددااافعين لنفسچ شترررديني اصفگلچ گليللللي
ووواخوههه مايريدهه شترررردين اذبههه بل شااارع لچ هههاي عرررضي عرررضي
يعد يومين ثلاثةة او صـاررر شي تنحسبب علية يكولوووون بت خالته
بالقرررران جزززعت حتة من نفسي شههل عيشة يعني هسه امج تسووة هيج اتسوي الهه عليهه
قحطان بس لاتعصب امي موبيدهه واللة يعني كلشي گباللهه حقهه يـاقحطان
قحطان:اسكتي مريم لخاطَر اللة روحي نـامي ها لا تنسين علاجج باجر ديربالج اني انبهچ علية
ماتبقيـن انشاللة بالنسبه لدوامج ما اوصيج ع اللبس ماتبقين لباجر بليل ابد
وانتي اذا حاجوج تكليلهم اريد ارچع خوش
حتنـام
قحطان:بوية ب2 الصبح هم يلا انطمر باچر دوامي الخفررر اهوووو چا منا لعگبة يلا
خرب اني اللة غاضب علية غضب من ههذا الززززين شووون عيشة ههاي
امشي نامي امشي خليني انامم يلا بوية امشي
تنهـدت وگتلة اوكي تصبح ع خير لاتعصب كلشي ينحَل انتبه ع نفسك
بادلني بنفس الشي سديت الموبايل شكلة حَيل ضايچ
ضليت افكر بي ماعرف ليـش مع كل الي سوى بالي وعقلي ويـاي اذكرت كلشي سوالفة وضحكة اخر فتره تنهدت ونمت وحَدي
گعدت الصبَح امي تحاجيني گالتلي اگعدي يلا مدرستـچ
گتلهه تمـام گمت احس نفسي مكسره مالي خلك حتة ااداوم
لبست صدريتي عنـدي مال العـام بالكنتور وقميصي وفوگهن صايتي وشالي
صفنت جنطتي بالبيت يبوو شون نسيت يعني نروح يابعد احسن
طلعت صبحت ع بابا وگتله ع جنطتي گال من نطلع اخذيـهه
تريگنه وطلعنة اني ويـا هو حولوا كله صباحي ماكو خفارات بعـد
فطلعنـة سوه بسيارتـة نزلت راح دگ البـاب هوه طَلع قحطان
سلَم من وره خشمة و گال جنطة مريم
قحطـان لوتي گال اني ماندلهه خل اطب هيه تـاخذهه
بابا باوعلي گتلة اي بابا اني اروح اجيبهه ابتسم قحطان ابتسـامة جانبـية طبيت وهو ضل واگف بالبـاب سلمت ع خالتي و ع موچ ميسون ماكو
صعـدت راسا لفوگ حضرت الجدول رَدت اطلَع قحطـان طَب
فتح ادية بسرتة اشاره بمعنة تعـاي لحضني
ابتسمـت ورحَت لحضنـة ضل يبوس براسي ويشم بيـة
گتلة واللة حتـأخر وهو يگلي
قحطان:اشتعـل شيب هيمن الي خلاج بعيده عني
گمت اضحَك عليـه ضل يتمـاده ويـچرئ حسيته شوهني ششوه وخرته بانزعاچ وكتلة
يا قحطان وراية دوووم شلوون يعني
زعگ بية وگال: غيرررررر مننن ورة ابوووووج وامج
ضحكتت عليه عدلت ننفسي وبالكوة نزلت ابوية زعك بية كلي وين صرتي
ضليت امتمت كتلة هـا خالتي ضلت تحجي ويـاي
شفت حـور طلعت هيه وعمـار استغربت عمار سام علينه بابا كال اني اخذهن روح انت
امم الضاهر عمار راجع لبيت عمو المهم صعدنة اني وحور بسياره بابا وهيه تكلي شكو و شكوو
كتلهه بالمدرسة احجيلچ
وبالفعل وصلنه للمدرسة واجت موچ وحجيتلهه كلشي
خَلص الـدوام واجة عليـنة ضـاهر موچ اني كلت لقحطان ترجع ويـانه
صعدنـة بالسيـاره وحـور مالهه خلگ نسـألهه شبيچ ماتحچي
ضاهر:سمعتن بالعجيبة ال8 شنية
لا شنو
ضاهـر:هل تشوفون ما اشوف اشو اليوم الگمر سـاكت شنو السـالفة
باوعتلة صفح ورجعت حطت ايدهه ع عيونـهه
ماتحچي مغنـدبة بهل درسين شبيهه مـادري
ضاهـر:شبيج يابه احد زاعجج
حور:مابية شي بس عوفوني وحدي اللة يخليكم
ضـاهر:خاب شو احجي عدل شنخليج وحدج احجي منو وياج منو مضوجج هـا
حور:ههاي الكلبة بت الكلب الحقيره النعاله تگلي ههذا منو الي يجيبج مـرات حسبالي ع عمار گتلهه اخوي تكلي لا لا اعرف اخوچ ههذا الثاني
گتلهه ابن عمي شتردين تكلي ممكن رقمة واللة حلو واللة ينات ماتستحي قصص وروايات عراقية كرار صلاح
هيه گالت هيج وضـاهر مات من الضحك نوب وگف السياره ويباوعلهه ويضحك واحنه ويـا
صارلهه شگد مغندبة وطلع السبب ههذا يمة
حور:تضحك علية مووو نزززلني افتتتح السياااره يلاا خل انزززل امممشي احسلي
شغل السيـاره وهو يضحك عليـهه
ضاهر:لاعمي لا سكتنة ها اها خرب ابليسج اي چا ماتخلينة انششوف درب اللة شبيج سادتة بوجهنه
حور:ضاهر اسسكت حبـاب
باوعلـهه وابتـسم وهيه دارت وجهه شنو معقولة الكره والنگرة الي بينهم تحولت ل حب وهيج حور تغـار ع ضـاهر
وصلنة للبيت ضـاهر و نزلنه نفس الروتين اجة بابا من دوام مبين قحطان حاجي ويـا اسمعة يحجي وي امي
ويكلهه لا وبيت عيالهه ومدري شنو بيني وبينكم الحجي اني كيفت ماعرف بدون قحطان تعودت علية
مضة الوقت واني وقحطـان نتخابر وگالي ها شونة ابوچ
حبيت اشاقة ويا كتلة كلشش ويگول مارجعهه مارجعهه ابد
هو ضل يصيح ويحجي ويسب 😂
بعدين گتلة لا واللة هيج وهيج الحجي
رزلني رزالة بيهه حظ بعدين كال عندي تحقيق بعدين نحجي
كضيت اليوم بين قررراية بين قحطان احس نفسي رجعت للايـام الاولة
المهمَ بليل خالتي اجتي وحجت وي امي وامي شوية احسَن
بليل ضلينه بس نحچي سـوى كال حضري نفسچ حتة الضههَر اخـذچ اني اجيج للمـدرسة حتلا اهلج مايدرون 😂
كال اخمطج اخمطج اليوم 😂
بدلت وكملت رحنه للمدرسة مـاشفته
كمل الدوام طلعنه لگينه عمـار واگف
اجة وكف كبالنه بس احس نضراتة ع موچ بشكل خيالي
المهم شوية وكتلهم اني اغسل واچي بسرعة من الحديقة هاي
طبيت غسلت وطلعت لگيتـه لابس زَي خليچي والسبحة بيده ويفر بيـهه و موچ بصفة و عمار وحور ماكو شافني ضحگ احس العيون علينـة
ابتسمت ورحَت الة فتحلي البـاب وگال
قحطان:هلااا بالرهينـه الحلوه
ضحكت عليـه صعدنة وطول الطريق مشغل اغـاني ويضحك وي نفسة بس شنو اغاني قديمة
يگول اغاني هسه كلهه طربگة ومايحبهن
وصلنـة للبيت راسـا نزلنه طب يضحك ويصيح
قحطان:يمة جبتلج رهينه بگتهه حضرولي السچَن اريد احقق وياهه
واحنه نضحك عليه تغدينه وصلينه سـوى وسولفنـة وصعـدنه لغرفتنه
خـابر بابا راسـا وهو يضحك بدون سلام ولا مقدمـات گالة
قحطان:بتك يمَي اخذتهه رهينـه ماطيهه بعد ابد خوش خلينه انام تعبانين مو تزعجنه سياده النقيب
اسمع ضحكة بابا ضحكت ويـا واللة مخبل قحطان
حجة وي بابا ويكلة اللة يسلمك واحنه اهل ومدري شنـو
اني طبيت للحمام لبست تراك وطلعَت هو متغطَي ونازع الدشداشة وبالگاع شمررر 🤦🏻♀️😂
رحَت نمت يمة وهو يحجي وي بابا فتح ايـده ونمت عليهه گمت افكر ميسون وين
كتلة بهمس ميسون اشرلي جوة اضايقَت نمَت ودرت وجهي سحبني الـه وحط راسـه برگبتي
سمعتة ودعَ بـابـا سد الموبـايل وگال
قحطان:لَزگ هيمن
ابتسمـت
قحطان:تعاااي ولج مشتـااااق
چرني الـة وصـار يبوس بية واني اتدلل علية عوفني ماعوفني اخر شَي عض رگبتي وگال راح اگوملچ
ضلينه نضحك سوه نومني بحضنة ويشم برگبتي ويگول
قحطان:هيمن الضالم فوگ ما بتة حارمتني هوه اجة وكملهه فردور عليه لا يردون يموتني
ضليت اضحك عَلية گتلة تعبانه حيل اريد انام تنهد وگال نامي بابا نامي اني هم تعبـان من التحقيق اليوم خل انام
صدگ واللة اني هم نمَت
گعدت من النوم ع صوت ضَرب بسم الللة الرحمن الرحيم هـاي شكو
كل ضني جاي اتحلم كملت نومتي نفس الشي بس احس ثگل فوگاي وضرب
فتحت عيوني قحطان نايم فوگاية ويضرررب بية حيل اني تخبلت
بين الحلم بين الحقيقه صاررر يضرررب بيـة حيللل استوعبت انو هاي حقيقه مو حلم
ضليـت ابچي حطيت اديه ع عيوني في سبيـل ماياذيني وهو يضرب ويگول
لكك سااااقط لللككك حححيووووان اعتترررررف لا اگص رررراسك
ضللل يضرررب ويرررددد بهل الفاااض واني بس ابچي واصيححح گمتتتت اصيحح كل قووتي
اسمع مصطفى اچة من ورة الباب گال
شكوووو شبيكم
گتلة الحكني مصطفى ررراح اموووت
واني ابچي واحچي خطية هوه نازل لخالتي كايلللهه وصـاعد همزين الباب موقفل
خالتي طبت لگته يضرب بية واني ميته بجي احاول ابعده ماگدر
وخرتة خالتي بسرررعة مايتوخـرر انطتني شال وكالت حطي ع راسچ يمة الووولددد تخبلل
انوب يگل لخالتي
وخررررر ابنننن الكككلبب خل اربي 😂💔
نوب خالتي جابتلي شال لبستة طب مصطفى بلگوة وخره
من وخره احسة جان نايم وفَز اني گعدت وضليت ابچي
اجة مذهول لزم ايدي وگال
قحطان:ها ها شبيچ
خالتي تگلة ولك ياااشبيككك موت البنيه
اشوفة فرك وجهه وباوعلي وگال
قحطان:قسم برب الكعبة جنت حالم اعذب المجرمين وروح ابوي قصص وروايات عراقية كرار صلاح
هو من گال هيج مصطفى يكلة لا اسمحلي اكلك مخبل انت وخالتي ترزل بي وتكلة خرعت البنيه واني اباوعلة وابچي
اجة تقرررب مني كتلة وخررر عني گال واللة ماذيك يلةة عفوووو عليكك اطلع من سجن
ضلينه نضحك وني اضحك وابجي مصطفى طلع
مسحت دموعي وهو يبوس بية وخالتي فرحانه بينه طلعت واني زعلت منة واگلة وخر
وهو يضحك ويكلي واللة اتحلمم شمدريني واني اگلة لا متعمد 😂
ضلينه نگرة حـدما اتصالحنـا
نزلنه جوة اني ويـا كعدنة سوه كمت نضفت البيـت
كلت خل اطب لغرفة خالتي اشوف ميسون
اجيت افتح البـاب وچان ....
يتبع
#الضابط_والجميلة -
#البـارت السـادس والثلاثون
#alshabaniuh
___________
للكـاتبةه : ࢪَ࣪يࢪَ࣪فـون ♥️
___________
تعبـانين چَن حطيان مفطورهـٰۃه 💔
________
مسحت دموعي وهو يبوس بية وخالتي فرحانه بينه طلعت واني زعلت منة واگلة وخر
وهو يضحك ويكلي واللة اتحلمم شمدريني واني اگلة لا متعمد 😂
ضلينه نگرة حـدما اتصالحنـا
نزلنه جوة اني ويـا كعدنة سوه كمت نضفت البيـت
كلت خل اطب لغرفة خالتي اشوف ميسون
اجيت افتح البـاب وچان يصيح قحطان بية
قحطان:ممريمم سويلي چاااي
انداريت خزرني گتله اي ورحت
اففف ياااا عشتووو هسة شسووويت اني وهيج صـارر
رحت للمطبخ سويتـله چاي وصبيتلهم واخـذتة الهَم
خالتي وقحطان يسولفون مر الوقَت عادي اني صعـدت بديت اقره وحـدي المـاده اني مخلصتـهه من نجحت للخـامس بديت اقره للـسادس
ابوية خلاني بمعهـد بحيث ضبطت كلشي ومدرسين چانو كلش زينين فگدرت اكمل المواد حتة الدرخ قَريت
ضليَت اقـره شويـة وصعـد قحطان يدندن وي نفسـة شافنـي اقره غمـز وضحك وگال
قحطان:لَك اروح فـدوه لليقـره الشاعلني شعَل
ضحكت بخفة وابتسمـت نزلت راسي وصرت اقره باوعَتله فاتح الكنتور وصـافن
شنو تريد تطلَع لمكان
قحطان:اي ليـوم معـزوم
وين معـزوم
عقچ حواچبـة وباوعلي
قحطان:بوية عنـدي حنة وعرس مل صاحبي شهل تحقَيق
ممم ماحقق بس غير اعرف
گمت وكفت يمة وگتلة
ويمتة تچي !؟
قحطان: ل10 اجي تعـاي حضريلي ملابَسي
حيللل وشدعوه ل10
قحطان:استغفراللة ربي بوية مو حنه وزفة بنفس اليوم دخفي ايدچ يلا شوفيلي شي البسة
شحضرلك
قحطان:حضريلي العربي
حضرتلـة ملابسـة شفته طلَع نفس الحـزام يصير لونة جووزي جلـد و طلَع مسدسة و مدري شنو شغلات كومة
راح طَب للحمام اني گعدت اقـره شوية وصـاح مريم الملابًس
رحت انطيته الملابس مالاتة واچيت طَلع شغلتله الشسوارر
شسور شعره بسـرعة حَط العطـر ورتبَ الشماغ الي لابسـه نوب لبَس الحـزام بادينة ووره ضهره صـار وحط المـسدس بي
اني اباوعلة ومبستـمة
باوعلي وابتسـم وگال
قحطان:يلا راح اطلَع ماوصيچ ع نفسچ
ابتسمت وهزيت راسي اچة بـاس خـدي وگال
قحطان:ماعليج بميسون تحجي وياج تسكتين اذاا امي ماسمعت اجي اني واحجيلي واني اردعهه خوش
هـزيت راسي
قحطان:يـابة شهل هـدوء رحمه لربچ
ضحكَت و ضحك ويـاية طلَع وني نزلت ورا شفَت ميسون گاعده جوة ماهتميت ولا باوعتلهه
نزل يضحك وني ويـا طلَع وگال انتبهي نفسچ هزيت راسي و راح هَوه قصص وروايات عراقية كرار صلاح
طَبيـت ميسون نفس گعدتهه تهز برجلهه و تخـزر بيـه ماهتميتلـهه
رحَت يم خاالتي گعدت كمنـة نسولف شويـة گالت اصعدي اقري يمـة بعد وقت شوية ونسوي عشة خفايف قحطان ومموجود
اني هَم واللـة صعـدت كلت خلشوف موچ عايشة ميتـه طبيـت لغرفتـهه راسـا لان قحطان كسر القفل مالتهه
طبيتـلهه شفَتـهه گاعده بالگاع والكتب يمـهه وتبچي
گتلهه موچ شبيچ هيه راسـا مسحت دموعهه وگالت بصوت كلـه هَم هـا لا ماكو مـابية شي
اتقربت الـهه وگعدت وگتلها احجي انتي مو تگولين انتي هم اختي احچي شكو
اني بَس گتلها هيج هيه انفچررت بالبچي حضنتهه ضَلت تبچي بحضَني وتنـاشغ
عرفتـهه ع عمـار تبچي حاولت اهديهه وهيـه ابـد بس تبچي
انوب صـارت بس ترچف صحت بيـهه گتلها صَدگ تحچين شبيچ موچ
نوب هيـه بس ترچف وتبچي وتريد تحچي تتلعثم بالحچي الوچـه انگلب احمـر
سودنتني گوة هديتههـا
اخذتها للحمام وغسلت وجهـا گوة يلا شويـة هـدأت
اوووف شـذنبهه ليـش هيج يـاقحطان شسويـت بيـهه
تنههـدت وحـاولت حتة تنـام صـدك هيـة نـامت
اني رحت لغرفتي بين افكر بين اقـره شويـة حسيت وجع اچـاني
ماهتميتلهه اريد اخلص الفصل زاد عليـة الالم بحيث موووتني گمت بسرعة اخـذت علاچي وگعدت شوية يلا صَرت احسـن
نزلت جوة سوينـة عشة اني وخـاالتي مـيسون بس تخزر جنهه مريضة نفـسيـا
المهَم كملنـه العشة صعدت لموچ گوة شلعتها مَن الفراش
نزلنـة تعشينه كليتنه حتة مصطفى مرچود
غسلت المـاعين ورتبت البيت وسويتلهم چـاي شگد مكانة فارغ خـاصتـا بالچـاي
دگَيـت عليـة مـارد عفتة كلت يجـوز مشغـوَل هسة
شويـة ودگ عليـة صوت الاغاني عـالي كلش
گال هسة راح نزفهم ناخذلنة فـره ونچي سديت الموبايل وصعدت لغرفتـي
ضليـت اقره واقـره خابرتني امَي ضلت تحچي ويـاية گالت شجاي اسوين
گتلهه داقره حجيتلها كلشي كالت يعوبة يجي رجلج تعبان تتلگي بالقراية حتة يجزع ويمل منچ
يمة هو هم بشر وان ماشاف الدلال بمچ يشوفة يم غيرچ گومي بدلي وتعطري رتبي غرفتج لاتصيرين فاهيه
امي الي تعـرفة انو اخذني بالجديد ابد ماگلنة لاحد غير لجور وموج لان هنه متصـدرات بهالشي 🤦🏻♀️😂
المهم سـديتة مَن امي بطرانة هـاي ضليـت اقره شويـة و سمعت صوت سيـارتة وخرت البـرده من ع شبـاك هوه
اجاني شعـور انو اگوم وارتب نفسي بسـرعة صدك واللة نظفت غرفتـي ورتبتتهه
وفرشت فرشة ومفرش نفس اللون چَدد طلعَت دشداشة رصـاصية گصيره وبيهه كتابات بالاسـود
طبيَت للحمـام وسبحَت ونضفت وطلَعت نشفت شعري بسرعة مبيـن جوة گاعد
سمعت يصيحني گتلة اااي هسةة جايـة
نشفت شعـري بسرعـة لفيتة كعكة بسرعة حطيـت مكياچ حـلوو ولبست صـايتي وشالي ونزلت ولو بهل وقت مصطفى مو بالبيت بس حتلا مالي خلك قحطان
نزلت اتعـثرر طبيت للصالة شفتـه گتلة
هـا هلا واللة
باوعلي وكانه مركـز بوجهي هواية عقج حواچبة وگال
قحطان:هلا بيج فد استـكين جاي
تغيرت ملامحي واللة يالله فوگ ما حاطة يعقج حواجبة معاجبة الافنـدي
رحَت سويت جاي وصبيتلة ولايشبع مـن الچاي دخَيل اللة
گعدت يمـة هو يباوعلي ويشرب شويـة وطبت ميسـون اللبس ع اخر حبـاية ومكيب كذالك ماخذه راحتهه مصطفى موبالبيـت
اجَت وبكل صلافة گالت
ميسون:خالة حبابة بس شوية ادني اريد اگعد هنانه
خالتي بكل فطارية سوتلها مكان بينهه وابين قحطـان
گعدت يم قحطان، قحطان انطاني الستكـان حتة اودي للمطبخ عيوني عليـههم
وديتـه بَسرعة واچيت گعدت اكبالهم اباوعلهه حطت ايـددهه ع رجل قحطان وتحجي
ميسون:اسفة قحطان لاتقسي علية هيج ماتحمل زعلك واللة ماعيدهه ابـد صدگني
نزلت دموع التماسيح وخالتي تگلة اي يمة خطية اعـذرهه
شغَل چكـاره وباوعلهه وگال
قحطان:شوفي ميسـون خليني محترمج ك بت خالة و ك ضيفة مال تدخلين بهل امور اني ابددد مراضي ،ياختي انة ما راضي تدخلين بالزيـنات خو مو بالشينـات والتلفيـق
راح احسب هل مواقف ماصـارن بس مره ثانيه ان صـارت وحق الحق تتنـدمين
ميسون:اي اي وااللة ماسويـهه بعد قحطان اني ماعندي اي شي انت امي وابوية
هه اي يحسبـهه مصـارت بس الوجع عليـه شفتـهه حضنته وتبچي وتكلة محد الي غيـرك
اني شطتتت احس عيوني يطلع منهن نـار بس سكتت گلت هسه اذا اصعد لغرفتي فشلة من خـاالتي
طبطب ع ضهرهه ويگللهه احنـه اهلچ بس صيري خوش مره
اني خَليت ورحَت للمطبخ احس نفسي نفجرت بعـد مـاگدر
ضلن دموعي يطـافرن ع خـدي واللـة ياللـة وفوگاهه هم هوه اهلـهه قصص وروايات عراقية كرار صلاح
مسحَت دموعي ورتبت المطبخ ودموعي ينـزلن كملـت وطلعت للطازمة رتبتهه ورتبت الاستتقبـال واني ابچي
طبيت للصالة گال قحطان
قحطان:وين جنتي
ماباوعتلة واني امشي گتلة جنت انظف
طبيت لغرفة خالتي رتبتـهه وفراش هاي الحقيره عفتـه ودي اموتـهه بـأيدي
كملت من غرفة خـالتي وهيه تحجي بصوت عالي ولج خالة تعتبي اصعدي نامي
كتلها لاخالة ماعدي شي كملت طبيت للصالة ولا اباوعلههم ضلبت اعدل بالطخم
وصلـت يمة جر ردَن صايتي وگال شبيج وخزرني
مـارديـت عليـة كملت الصالة وصعدت الغرفتي بسرعة
صايتي توصخت لان نضفت بيـههه نزعتهه وحطيتـهه يالحمام ودموعي بدن ينزلن واللة ياللة فوگاهه قحطان
نزعت شالي شفت شعري و ودي اگطعة بيـدي مالي خلـگ حتة الـة شوية وطَب قحطان
طلعت الكلينس المبللل وصرت امسح بوجهي
اجة وكف يمي وزعك بيـه
قحطان:شبيج مغندبة واصيحج تحجين وانتتيي تمشيننن وماتهتمين لكلامي
راسـا نزلت دمعتي بس ماباوعتلة ضليت امسح بوجهي حيللل
لزززم ايدي ووخر الكلينس من ايـدي دارني الة بسرعة وگال
قحطان:شبيج تخبلتي انتي موووو چاااي احاجيج
دموعي ينـزلن باوعتلة ودرَت وچهي وگتلة
روح قحطان روح وصيرللهه بمكان اهلهه خطية
قحطان:اووو شنـو ههـاي اشتم ريحة غيـره
قربني الة وحضني حيَل جعصني بحضنـة ضليت ادفع بي وهو يضحك
قحطان:لج ليـش هل بجي باوعيلي شووو شكللهه متكليلي شگللهه بعدين هاي طايشةة واللة ومالهه واحـد هم خطية يتيمـة لاتبچيننن شوووباوعيلي
لزم وجهي بـأيده ويمسح بـدموعي ابچي واحجي
جا ليـش تكلك انت امي وابوية وماعندي غيـرك هـا
ضحك وگال
قحطان:متصوريـن شگد فرحـان تغـارين علية يعني تحبيني ولچ
دغدني بـأدي ضحكني واني ابچي حضني ويگلي
قحطان:مستحَيلل تحلة بعيني غيرچ
انتبـه للغرفة وخرني وگال
قحطان:اهاا شهل ترتيب ليوم حضريلي ملابس حبيبي خلي اسبح
مسحت دموعي ورحَت للكنتـور طلعتله تراك وحضرتله ااحمـام
طب للحمام وگفت ع المراية عزززه ماسحة صفحة وصفحة صاير مكياج تك وتك 🤦🏻♀️😐
مسحته كلة وسويـت ثـاني جـديد حضرتلة الشسوار شوية وطلَع بس بالداخليـات ولا يبطلهه شگد استحي خرب
رحَت لفراشي اتمـددت و حطيت موبايلي وضليت اباوعـلة
شسور شعره بسرعة واچة للجرباية
ليش ماتلبس ملابسك حتجي الوطني بـاررده قحطان
طب جوة الغطـة وگال
قحطان:مـاريد مختنگ تعاي انتي دفيني اذا تخـافين علية
ابتسمـت عليـة اچـة حضَني وضل يبوس بيـة وني اگلة وخر قحطان وهو يگلي انجبي خليني بوااهسي
ضَل مستمـر حدما حسيتـه اچرئ بلمـساته هنانه خُفت احس جسمي كزبر اذكرت مـؤيد جسمي گام يرچف
وعيت من الخيـال شفت قحطـان نايم فوگاية تخبلت وخرت عنة بسرعة هو تنـرررفزززز
عدلت دشداشتي بسرعة ودرت وجهي واني ارچف ونمت وني دايره وجهي
قحطان:لااااااااا اكككككيددددددد بيجججج ششششييي لججججج شبيجججج زعطوططط وتعووووفينيي وتممممشييننننن شگللللولج عليةة
جر ايـدي وصـار يحجي بعصبيـة ويباوعلي
لججج مريممممم لاااتخلينيييي اغصببججج ع. شيييي ترررره بالقررران اعصاااابييي موووبديي وهوووواي تحمممملتج وهسةةة تنجبيننن وتصيرررين نفس الاوادم وماااادفعينننن
سحبني مره ثانيه اتخبلتتت كمت ابچي حطيت اديه ع عيوني وابجي
لا قحطان لا وللة اخافن داحسك مـؤيد اخاااف حبـاب عووووفني
هو گعد ع الجرباية وجار ايدي ويحجي
قحطمان:لچ مـؤيديشش مريممم لاااتكفررريني اننني قحطططان ليـششش اذكرييينيي بي ههههها الى متتتتى يعنننني الى متى
ضليـت سـاكتة بس ابچي
قحطان:ضلي ابجي بوية ابجي بس الرچال مو حديد وشما ضربوا علية ماينكسر لا متوهمه اذا تشوفيني هادي ويـاچ
ف هم الي وقت واطگ اتحملج اتحملچ حدما انفچر بوجهج وذيج السـاعة لا تلوميني ابـد
گام مني وراح حسبالي طلع بس البـاب مانفتح اكيد كگاعد بالصالة لان ضواهه انفتح
ضليـت ابچي وخايفة واللة كل مايتقربلي اذكره موبيدي واللة موبيدي اخافن ضليـت ابچي
سمعتـة يدخـن احس الدخـان طب للغرفـة ضليت گاعده وبطني لوتني لوي
ردت امشي للحمام بس شلون هوه گاعد بالصالة ضليت بمكاني ابچي قصص وروايات عراقية كرار صلاح
ضليت افكر بيني وبيني وبين نفسي حدمـا نمت من كثرر ما تعبـانة
گعـدت الصبح وهو يگعدني
گمـت اباوعلة ماهتملي اخذ ملابسة وطب للحمـام حتة ماگالي حضيرليـاهن
كعدت ع جربـاية وتنهدت اذكرت كلشي ودموعي نزلن
صعبة صعبة محد يگدر يفهم الي اني ماره بي مو هينـه علية
مسحَت دموعي ولبست وطلعَت للحمام البلصـالة غسلت ورچَعت بدلت ملابسي وكملـت ونزلت قَبلة
سويت الرويـگ وي خالتي ميسون نـايمة همزين مالي خلگهه
خالتي سالتني شبيج گتلهه مابيه خالة مجرد تعب شويـة
شوية ونزلوا مصطفى و قحطان و موچ كلهم سـوى
حطيتلهم الاكل اجوي بالمطبخ گعدوا حطيتلهم الاكل والچاي وردت اروح للصـالة
ام قحطان:تعاي يمة اكليلج لگمة
لاخالة ماشتهي بالمدرسة اكل
قحطان:تعـاي اكلي وراج علاج لازم تـاخذي
بس ماشتهي اني بالمدرسة اكل واخذ العلاچ
ذب خـاشوگة الچاي حيل وگال
قحطان:اللهم طولج يـاروح صبرك يـا ايوب صبرك
سكَتت ورحَت للصالة مالي خلك گعـدت شوية وگالوا يلا
لبست جنطتي وطلعنـة ضاهر واگف يم سيارتة
سلَم قحطان عليـة وضلوا يسولفون ني هم سلمت وصعَدت مالي خلـگ
اجة صعد قحطـان وصلنة للمدرسة والصمت سيد الموقف
من ردنة ننـزل گال ممنوع تصعدن وي غير ضاهر بالرجعة اني وصيتة عليجن هو يطلع من وقـت خوش
گلنة تمام باوعلي وگال اوكفي
موج نـزلت اباوعلة طلع من جيبة الكبسول مالتي
اطانيـا وگال
قحطان: حاولي تتحملين مسولية نفسج بس ماطالبين اكثر مـن هذا
ماحجيت شي اخـذته وطبينـه اني وموج
بده الدوام والبنـات يسالن علية شكو شبيج گتلهن مـاكو شي ماحبيت ادخل شخص بهل شي ماعرف هل خوفة بيه اني ويجوز يضحكون علية
خلص الـدوام طلعنـة محد اجة علينة شوية واچة عمـار يفضحنـة قحطان بس نصعـد ويـا
سلمت عليـة وعيونه ع موچ وموج مـدنگة كال يلا امشن گتلة عمار حباب مالنة خلگ مشاكل قحطان موصي ضـاهر البينه مكفينة واللة
ضَل ساكت بس احسة حيـلللل انزعج
عمار:زين طبن بالسيـاره خوما واگفـات يلا
عمـار شبيك هسة يجي ضـاهر مالنة خلگ قحطان
عمـار:خرررب ابووووو ضـاهههر شللللووون تتتتضلللن هههننناااا واگفاتت شنووووو اني يمچننن
ني سكتت مالي خلگ انوب ههـذا شال موبـايلة وضل يخـابر بضاهر ويحچَي علية
گال امشي طبن جوة واني اصيحلچن وانعل عشيره قحطان
احنة هم طبينة جوة ضلينة گاعدين كل احنة مالنة خلگ حتة حور لسانهه ماكو تگول الحـر موعة 😂
ماكو 5 د وصاحلنة الحـارس طلعنة اچة ضاهر اي همـزين
صعـدنة ويـا وحور راسـا وي عمـار صعـدت
گال المحـاضره شوية طولت واعتـذر گتلة لاعـادي يمعـود
وصلنـة للبيـت من جهه هـاي و عمار وحور اجوي عكسنـة
وصلنة سوه نزلنة اباوع عمـار يباوعلنة بعصبية
عمار:مره الثانيه كلي لرجلج المحترم لايخليجن بالشارع واكفات اذاا يريد يچي ههوه وان ماگدر يجي ف احنة موجودين وانتن عرضنة موو كوة كوة ضاهر بلااا صار شي الة ضاهر عمارر بي چَرب موو
باوعتلة وگتلة
عمار والنبي حالي حالك ماكلة خر.. وساكتة
خَليت وطبيت وموچ تريد تنفچر احسهه
تلكتنة ميسون برمودتهه وتضحك وتسـولف بللموبـايل
طبيت سلمت ع خالتي وصليت نضفت البيت وصعدت مالي خلك حتة اكل
راسـا نمَت گعدت لگيت مكالمة من قحطان دگيت علية مـارد خليت ونزلت
خالتي گالتلي اكلي يلا واشربي علاجج رجلج وصاني عليج
اني هم ماريد المضر لنفسي اكلت واخـذت علاچي الكل نايم بس ني وخالتي
كملت كلشي بالبيـت وگعدت اقره
ضليت طول اليوم ضايجة صح جنت اقه بس اغلب الاوقات اصفـن بالي صـار
ميسون تطلع اني اطَب ابد ماحب اجادلهه او احجي ويـاهه شگد ذب حجي واني اسكت
مدري شلون خَلص اليوم
گعدت من الصبـح ع صوتـة جاي من الدوام اشتاقيتله واللة
اجذب اذا اكول ممشتاقتلـة
گال يلا كومي بدلي للدوام
گمت بدلَت وكملت اخذنة هوه للـدوام
وكمل الـدوام هَو جان واگفلنة
صعـدنة ويـا ورحنة للبيت
لگينه الطارمة مغسولة شوية وطلعت ميسون عود دتغسلهه
قحطان كاللهه ليش تعذبين نفسج وهيه تگله البيت بيتي ماحتاج هسوالف وتضحك ني طبيـت موج صعـدت و خالتي نـايمة نزعت ملابسي اجة قحطان گعد ع التخم
اجددت وصليت شفت ميسون جايبه صينيه الاكل وجاية يم قحطان وتگلة
ميسون: ما تغديت منتضرتك تجي ونتغده سوه
وتضحك ويَا ماهتميـت لحجيهم سكتت بس احس اكو غصة ببلعومـي
شفتـه يكللهه ماشتهي اكلي بالعافية انتي اني ماريد
اخـذ جنطتي وگالي
قحطان:يلا حبيبتي امشي خل نصَعد
هـزيت راسي ونزعت الجادر و اخذت صايتي وصعـدنة
حط الجنطة ع الطخم البلصالـة و طب للغرفة طبيت ورا راسـا نزع دشداشتة ونـام ردت احجي گال سدي الضوه
تـتاففت وسـديت الضوه طبيت للحمام بدلت ملابسي واني حـايره بالي سويتـة ماعرف بس كلي الي اعرفة خايفة موووت
طبيـت للغرفة نايم ع ضهره و حط اديه ع عيونـة ملامحة ميكصهن السًيف مبين گاعد
نمـت ودرَت وچهي وتغطيـت سمعته يتـاففف
قحطان:ليش ماكلتي
ماشتهي
قحطان:وعلاجج؟ شنووو هيَة لعبة گومي اكلي حتة تاخذين
بس ماشتهي من اگعد من النوم اكل
قحطان:مريمم لاتعصبيني كووومي اكككلي واخذي علاجج لا تخلبيني قصص وروايات عراقية كرار صلاح
اووف تنهَدت ورحت لجنطتي طلعت العلاج و طلعت كيكة وعصير اجيت للغرفة
قحطان:باااابااا شنووو هاي اكي شي يلزم كلبج
كتلك من اكعد اكل
دار وچهه وتغطة ونام اني هم اكلت وبلعت علاجي ونمَت
مر الوقًت وقحطـان مجاهلني بس بوقت العلاج بنوب هو يكلي مريم كومي اخذي ويضل يلح علية لان اني بهسالفة كلشش مستهينه
بالنسبـه الميسون تحرگ كلبي حرگ تشعوط كلبي بس كل ههذا زاد حبي لقحطان
اي زاد خاصتـا من جان يضحك ويـاي يمهه ومينطي اي لزمة عليـه او يصيح عليـه ويهتم بية هواية بس من نصعـد هه
مرت الايـام بين الدراسة بين البيت بين قحطان مرات اللاحضـة من عبالة اني نايمة يچي يبوس بيـة ويشمني ويحضني وينـامومني بحضنة
هواية يتنههـد ويجر اوفـاات من يشوفني احسة هواية تعـذب
مرات اگول لازم ابـادر اني ومرات اگول واللة ماگدر توصل للحقيقه اگوم ارچف واخـاف
موچ بدت تذبل شوية شوية مرات اخليهَا تحجي وي عمار من موباياي تگضيها بس بچي لتفقوا يكملون دراستهم ولقائهم بالكلية يكون ويشدون حيلهم وبهالشي صاررر دافع الهم ثنينهم انو يقروون و يتخرچون
* عمـار عمره 20 سنـة بس راسب سنتيـن فبقة بالسـادس وجان الة نية يعيد السنة هم بس كلشي تغير المهم
ميسون بدت تشتغل ولبسهه اوفررر كلشش يم قحطان بس يم مصطفى لا تلبس حجاب كلاوات
تنضف وتشتغل وضحك وسوالف وي خالتي احسهه مطيرررره خالتي اتطير وخالتي مامصدكة بت اختها بعد
صرت انتبه لقحطان انو شويـة فكهـا للزعلـة صـار بليل يحجي ويـاي ويضحك واني مكيفة
لان صدك احس بهل ايام تعلقت بي كلشش
حـور وما ادراك مـاحور عركهه ومشاكلهه وي ضـاهر متخَلص ابـد 24 سـاعة يتتعـاركون سوه
وانوب عمتي ميته ع بت اختهه وتريدهه لضـاهر وحور تخابرني ضايجة اسالهه ليـش تكلي شنو هيه بكيفة يزوج 🤦🏻♀️😂
تضل تلوص بالحجي من اگلللهها كليلي تحبينة تگلي لا تضل مصره ع لا من اكللها خلي يزوج لعد تكول ها لا وللة احبة بس شسمة ماعرف 😂
الي عرفتـه هيه تحبة وهو يحبـهه نفس الشي بس حـور غبية حيل وفاهيه حتلا جانت تحبة متعرف شلون يكون الحب
لان جان مصطفى تكول اني مجنت اعرف الحب ومن كلت احبة جان طيش ومجرد اعچاب وخاف ضاهر مثلة
دائما جنت اكلها لا وضاهر عشـره عمر ويحبچ ماتحچي تضل سـاكتة
شوية شوية رچعَت العلاقة ابيني وبيـن قحطان احسة صـار يداريني ويضحك ويـاي ويشيل كل همي
بهل ايـام ابد ماتخربطت و قحطـان مكيف بيـة اصر علية انو يعرضني ع دكتـورر مدلينـة علية
وفعـلا رحنـه لهل دكتـور راوينة التقارير قَبل سوالي فحوصـات كال اكو فرق بس صغير مو جبير حيل لان العلاج الدتـاخذي مو كلش قوي
اني معنوياتي نزلن و قحطان لزم ايدي حيل وگلة دكتور وشنو هسه
گال عمرهه صغير تگدر تشافة بسرعة بس بنفس الوقت خطر جبير اقللل شي تروح بيهه
كتبلنه العللاج وگال هل علاج حيل قوووي وحيفيـدهه
طلعنة من دكتور بس اني مكسوره كلشش قحطان مو اقل مني بس يحاول يضحك ويسولف وياية ويبين انو هو مرتاح ويريد يونسني
لسة اذكر بيومـهه اخذني للمول وفرني واخذني لمطعم مـارچعنة غيـر ب11 بلييل
دوام قحطـان حيل متعبني خاصتـا من عنـده خفر كلش اضوچ واروح يم موچ او هية تچي يمي
بس اليَل كلـة احنـة سوه مخـابره نگضيهه حـدما انام
بـابـا ومـاما بين يوم ويوم اروحلهم مـا اتاخر سـاعتين واچي بحيث لا اقصر وي بيت اهلي ولا اقصر وي بيتي
بس يوم الچمعة لا ابقة يمهم واتعشة ومرات حتة خالتي تچي ويـانـة
بس مال ابـات يم اهلي قحطان يگلي گطنة وتشيليهه من اذانج ابد ماكو يگلي شسوين انتي جاي ترحين بين يوم ويوم
حَياتي مـاشية مرن فوگ الاسوعيـن والهدوء معمم عليـة
حسيت هل ايـام كلش حلوه لو مـا مرضي
قحطـان بده يتقرب من عنـدي صرت ما انام الا ع صـدره
صرت احجيلة كلشي حتة شيصير ميصير بالمـدرسة
الي تعبني خالتي چانـت هوايةة تحچي حسيتهه تغيرررت شويـة حسيـت ميسون دتقره براسـهه دائما اتگلي
يمتة اشوف ولد ابني ويمتة ويمتـة قحطان جان يباوعلي ويچر نفس ويگلهه اللـة كريم يمة هـاي نعمة ربچ وهو يمتة مـايريد يطينياهه
هيه تگلة يمتة اشوفهم يايمة لمن اموتن يـلا هوه يتهرب من هالشي احسة يتعبة هل شي
شگد اكعد وي اروحي اقنع بروحي مـاگدر
من تكون قريبة وي قحطان افكرر واكول ههذا قحطتن مووو مؤيد بس من يتقرب اكثررر اموت وانفعل حيللل
قحطان يعديههه صـار بس مرات يزههك ومـايتحملَ بس اليوم الثـاني يچي يراضيني
مرات يگول احجي شنو الي بگلبج ليش تخافين مـؤيد راح واللة انسي اني مـاگدر مـچرد يرچع الموقف بيـة اموت واخـاف حيللل اضل بس ارچف
قحطـان بهل ايـام صـار هواية يطَلع مهمـات جان يگلي الوضـع كلش خطر بهل فتـره شسوي موبيـدي
اچاني قحطـان وگال وهو مبين ضـايچ گال عنـدي شغلة ابغداد لازززم اروح گتلك كم يوم گال اسبوع من گال اسبوع صدك ضچت
حضني وگال واللة مو بگدي كلشش ضجت بس موبيدي گلي لسيـاده العقيد ابوج هو الي كلفني بهل شي
بيومـهه ضَلينه للصبح اني نايمة ع صـدره ونحجي ونسولف وهو بس يتنهد ويكلي ليمتـة صرت اعرف قصـده زين بس اسكت
جربت احچي لحـور بس مـاگدر احسـهه ماتفهمني بهل امور وامي ماعرف واللة اوتعرف لسة شسوي بيـة
قحطـان راح لبغـداد مع انو ضاچ مني لان صـديته اخر شي بس ضل ع اتصـال ويـاي كل ساااعه اخـابره وبليل نگضيها سوه
بس شنوو احس غيبتة موووتني صرت مـاگدر بليـا
مر ع روحتة 5 ايـام ماما خابرتني وكالت بيت عمج حسام يردون يشوفوج تعاي اليوم معزومة ع العشـة
اني هم مشتاقة لبيبي والجدو خابرت قحطان گوة رضة گتلة خل اخذ موچ وياية يبووووووو لعب بية جولا كال تردين تكعدين انتي هم خليت وسكتت 😐 گلت لخالتي كالت لا خالة روحي انتـي
صدگ واللة اجوي علية اهَلي ورحت يمـهم سوالف وضَحك
اجت اسيل وتحجي ويـاي وتكلي شلونة قحطان ويـاچ اسيل بنت عمو و مثل اختي گلت خلي اجرب واحجيـلهه بلكت تفهمني بـما انو هيه مزوچة
گعدنة سوه وحدنة وحجيتلها كلشي واني حـايره والدموع بعيوني وچان ردهه
اسيل:امداج يالفاهيه ولج رجلج شناقصة ها جمال مال ولج واللة يدور غيرج اذا تضلين هيج
يا ولج اني احمد غير لو بمكانة يشنقني هو بليلة العرس وردت اشرد منة كتلة الشهرية علية يگلي واللة جذابة گتله صدكني يكلي تعاي اشوف حتة اصدگ
ولج حارمة الرجال واللة يدور غيرج تره وبعدين تعضعضين باصابعج ندم وانتي ترگضين ورا وهو ما بحالج
شما حال انتي يـا غمة هاي طليقتة يمة، يمةة لووو اني بالقران الزگ لرجلي وادللة شبيج ياعوبة اوعي شوية
ضلتتت تحجي وياية وتوصيني كتلهه واللة اخافن كالت افتحي قران واقري كتبتلي اية قرانية وكالت خليها بصدرج دوووم قصص وروايات عراقية كرار صلاح
وضلت تحجي ويـاي وتكلي مؤيد ماضي ولاتخسرين قحطان وخوش ولد وكلهه تريده وديربالج
باوعت لوجهي وتغمني وتكلي خلي الدراسة تفيدج اهتمي لنفسج شبيج انتي عوووبة اباوع لوجهي صدك من عرس مصطفى لسة محـافة
اني احس حجيها وعـاني ع كومة شغلات وبنفس الوقت خفت اخسر قحطان وخفت ع قحطان من ميسون
گالت باچر نروح للصـالون وماعليچ كتلهه شسوي مـايقَبل اكيد هسه يكلي من اچي اني يلا
گالتلي كليلة امي متخربطة شو شنو وبعدين احجي ويـا وفهمي
كتلهه ابد اسيل مابية حيل وجذبتي بسرعة تطلع عليـة اني گالت جا خوش راح اخابر صديقتي ام الصالون ونلتقي ابيـت عمي هيمن باجر لان هوه عگبة يجي
صدك ولللة احس ارتاحت نفسيتي اليوم الثاني من رحت لاهَلي اجتي البنيه بدت حفافة وجهي وغيرتلي شمره الحواچَب
اسيل باوعت لشعري وگالت
اسيل:شمحلصين منة ماتكليلي ولج بس الفگر والحسد والتعب دگصي
گتلهه قحطان ميقبل كالتلي دطيري هو بس يشوفج بعد بحال شعرج
ضحكت وقبلت اني هم مـاريده لان كلش يتعب
بدت ام الصالون تگصليـا والنبي ردت ابچي واللة لو يشوفني قحطان عزه بالمتر راح من شعري
گصته ل يم كتوفي وگصت كذلتي بنفس المستـوه صاررر كلششش واوو يخبل
گالت اصبغي كتلها ابد ماريد اتعبة كلش حابتـه شعري اسود وعلية خصل نفس السلفري الرصاصي قليلاااتت فوگا كلشش حلوو
المهم رحَت للبيـت وبطاقة وحيوية كملتتت كلشي والحض الحلوو انو اليوم الي حيجي بي يوم الخميس
طبعا طول هل ايام مصطفى ياخذنة و ضاهر يجيبنه عمار بنوب
وصَيت امي جيبلي فرشة چـديده وكون راقية گالت اني اجيبهه الج امي متعجبة بية 😂🤦🏻♀️
المهم مضة هل يومين واجة اليوم الي يجي بي قحطان
ميسون بس تذب حجي راح يجي عمود البيت وراح يجي الشمعة وني ساكتة
رتبَـت غرفتي وكملَتهه لاخـر حبـايه حبيت اسويلهيا مفاچة لليـل كلت مخلي يطب للغرفة ابدددد
صدك واللة اجة الساعه بـ 4 العصـر
رحت علية حضنتة واني مكيفة انو اجة وهاي ميسون بكل صلافة باست خده اني متتت بس هو ياشرلي اسكـت
شاف التغير بوجهي ويغمزلي بمعنة شكو. 😁
طب للصالة وسوالف اخذنها ومصطفى ينكَت گاعدين سوه واني بالي شنو حيكون رده فعلـة
المهم صـاح الاذان وني ماخدتنة السوالف راد يصعد كتله لا لا اني اجيبلك ملابس اسبح جوة
استغرب مني بس سكت نزلتلة دشداشة بيت خفيفه و اخذت ملابسة وسبَح چوة سويتلهم العشـة وكملنة ضلينة جوة
وهاي ميسون الحية كلساع دابتلها حجاية
صارت بـ11 صعدت لفوگ اگمز بين الفرحانه بين الخايفة رتبتت بعد ومخبوصة شعلت الشموع وكلشي نزعت الي لابسته ولبَست فستـان احمـر
قَصير ومنفوش كلش حلووو ونـازگ عدلت شعري و سويـت گذلتي بَڤ حطيت مكياج قوووي قبل بيوم اني منزلتة ع نت سويتة فـدشي
كمَلت كلشي وني ارچف من الخوف وبنفس الوقت فرحـانه
گعدت ع الجرباية واكل باصابعيي من توتر خابرت قحطان رفضـة شوية وفتحَ البـاب مال الصالة اني ركضت صرت وره البـاب الغرفة
وگف بالغرفـة والغرفة الضوه مطفي وبس الشموع مفتوحة ضحك بصوت عَالي وگال
قحطان:يـا يابةةة يااا بويـة شلوووون بهههل دللال الراح يجلطنَي
طلَعت وصرت ورا وحضنتـة من ورَه
دارني وهو يضحگ حضني حيَللل بعدني من حضنـة ولزم وچهي بـايده وصـار يمشي للضـوه وهو يگول
قحطان:اليوم مـا هدج لو يجي منو خلييني اشوف الخلقة حيـللل مشتاقلها
فتَح الضـوه واني مبتسمة واضحك وفرحـانة ورايحة بعالم ثـاني
اول ما فتح الضوه تحولت ضحكتة لـ خزرررررره
زعگ وصـاااااح بصووووووت عالللي
قحطان:.........
يتبع
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: