#بين_الفقر_والطغيان
بارت35
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 35 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﻋﻴﺪﻱ ﺍﻟﻜﻠﺘﻲ ﻻﻥ ﻣﺴﻤﻌﺖ ﺯﻳﻦ
ﺍﺫﺍ ﻭﺍﻓﻘﺖ ﻉ ﻃﻠﺒﻲ ﺯﻳﻦ ﻉ ﺯﻳﻦ
ﻭﺍﺫﺍ ﻻ ﺍﻧﻲ ﺍﻃﻠﺐ ﺍﻟﻄﻼﻙ ﻣﻨﻚ
ﺍﺭﻳﺪ ﺍﺷﻮﻑ ﻣﺴﺘﻘﺐ ......
ﺑﻌﺪﻫﻲ ﻣﻤﻜﻤﻠﻪ ﺿﺮﺑﺘﻬﺎ ﺭﺍﺟﺪﻱ ﻗﻮﻱ
ﻻﻥ ﻓﻘﺪﺕ ﺍﻋﺼﺎﺑﻲ
ﻫﺎﻱ ﺍﻟﻔﻜﺮﻩ ﻻﻏﻴﻬﺎ ﻣﻦ ﺑﺎﻟﻲ ﺍﻟﻄﻼﻙ
ﺍﺳﻤﻌﻴﻨﻲ ﺯﻳﻨﺐ ﻫﺎﻱ ﺍﻟﻤﺮﻩ ﺣﺠﻴﺘﻬﺎ
ﻣﺮﻩ ﻟﺦ ﺍﺫﺍ ﻋﺪﺗﻴﻬﺎ ﻭﺍﻟﻠﻪ ﺍﻧﺪﻣﺞ ﻭﺍﺩﻓﻨﺞ ﻋﺪﻟﻪ
ﻻﻃﻼﻙ ﻭﻻ ﺩﻭﺍﻡ
ﺳﺪﻱ ﺍﻟﻤﻮﺿﻮﻉ ﻧﻬﺎﺋﻲ
ﻟﻴﺶ ﻋﻮﺩ ﺍﺳﺪﻩ
ﺍﺷﻮ ﺣﻨﺎﻥ ﺍﺩﺍﻭﻡ ﻭﺍﺧﻮﺍﺗﻚ ﻛﻠﻬﻦ ﻳﺪﺍﻭﻣﻦ
ﻧﺴﻮﺍﻥ ﺍﺧﻮﺗﻚ ﻫﻤﻴﻦ ﻭﺣﺘﻰ ﺍﻣﻚ
ﻟﻴﺶ ﺍﻧﻲ ﻻ
ﻻﻥ ﺍﻧﺖ ﻏﻴﺮ ﺗﺨﺘﻠﻔﻴﻦ ﻋﻨﻬﻦ ﻛﻠﻬﻦ
ﺍﻱ ﻫﺴﻪ ﻭﺿﺤﺖ ﺍﻟﺼﻮﺭﻩ
ﺑﻬﺎﻱ ﺍﻧﺖ ﺣﻘﻚ
ﺍﻧﻲ ﺍﺧﺘﻠﻒ ﻋﻨﻬﻦ
ﻫﻨﻪ ﺑﻨﺎﺕ ﻋﻮﺍﺋﻞ ﻭﺍﻧﻲ ﺑﻨﺖ ﺷﻮﺍﺭﻉ
ﻇﺮﺑﺘﻬﺎ ﺭﺍﺟﺪﻱ ﺍﺳﻜﺘﻲ ﻛﺎﻓﻲ ﻟﺘﺨﺮﺑﻄﻴﻦ ﺑﺎﻟﺤﺠﻲ
ﻻ ﻟﻴﺶ ﺍﺳﻜﺖ ﺧﻞ ﺍﻛﻤﻞ
ﻫﻨﻪ ﺷﺮﻳﻔﺎﺕ ﻭﺍﺗﺰﻭﺟﻦ ﻋﻠﻨﻲ
ﺍﻧﻲ ﺳﺎﻗﻄﻪ ﻭﺍﺗﺰﻭﺟﺖ ﺑﺎﻟﺴﺮ
ﺿﺮﺑﺘﻬﺎ ﻣﺮﻩ ﻟﺦ
ﻛﺎﻓﻲ ﺍﺳﻜﺘﻲ
ﻫﻨﻪ ﺑﻨﺎﺕ ﻧﺎﺱ ﻣﻌﺮﻭﻓﻴﻦ ﻭﺍﻧﻲ ﺑﻨﺖ ﺍﻟﻔﻜﺮ
ﻫﻨﻪ ﻳﺼﻠﺤﻦ ﻳﻜﻮﻧﻦ ﺍﻣﻬﺎﺕ ﻭﺯﻭﺟﺎﺕ
ﻭﺍﻧﻲ ﻻ ﻣﺎﺍﺻﻠﺢ ﻏﻴﺮ ﺧﺪﺍﻣﻪ ﻭﻣﺮﺑﻴﻪ
ﻫﻨﻪ ﺗﺎﻣﻨﻮﻥ ﺑﻴﻬﻦ ﻣﻦ ﻳﻄﻠﻌﻦ
ﺑﺲ ﺍﻧﻲ ﻻ ﻣﻴﺘﺎﻣﻦ ﺑﻴﻪ ﻳﺠﻮﺯ ﺍﺧﻮﻥ
ﺗﺤﺠﻲ ﻭﺗﺒﺠﻲ
ﻋﺎﻓﺘﻨﻲ ﻭﺭﺍﺣﺖ ﺗﺮﻛﺾ ﺩﺧﻠﺖ ﻟﻠﺒﻴﺖ
ﺍﻧﻲ ﺗﺨﺒﻠﺖ
ﻫﺎﻱ ﺑﺎﻟﻠﻪ ﺷﺎﻓﻬﻤﻬﺎ
ﺷﻮﻑ ﺍﻟﻨﻈﺮﻩ ﺍﻟﻤﺎﺧﺬﺗﻬﺎ ﻋﻠﻴﻪ
ﻋﺒﺎﻟﻬﺎ ﻫﻴﺞ ﺍﻓﻜﺮ ﺑﻴﻬﺎ
ﻣﺎﺗﺪﺭﻱ ﻫﻲ ﻏﻴﺮ ﻻﻥ ﻫﻲ ﺍﻟﻮﺣﻴﺪﻩ ﺍﻟﻲ ﺍﻏﺎﺭ ﻋﻠﻴﻬﺎ
ﺣﺒﻴﺘﻬﺎ ﻭﻫﺎﻱ ﺍﻭﻝ ﻣﺮﻩ ﺍﺣﺐ ﺑﻴﻬﺎ
ﺍﺗﺨﺒﻞ ﺍﺫﺍ ﺍﺣﺪ ﺷﺎﻑ ﺟﻤﺎﻟﻬﺎ
ﺣﻴﻞ ﺍﻏﺎﺭ ﻋﻠﻴﻬﺎ
ﻣﺎﺍﻛﺪﺭ ﺍﺧﻠﻴﻬﺎ ﺍﺩﻭﺍﻡ ﺑﺎﻟﺠﺎﻣﻌﻪ ﻭﻱ ﺍﻟﺸﺒﺎﺏ
ﻳﻤﻜﻦ ﺍﻣﻮﺕ ﻭﻻ ﺍﺧﻠﻴﻬﺎ ﺗﺪﺍﻭﻡ
ﻭﻻ ﺍﻛﺪﺭ ﺍﻃﻠﻜﻬﺎ
ﻧﻘﻄﺔ ﺿﻌﻔﻲ ﺯﻳﻨﺐ
ﻭﺑﺼﻔﺔ ﻋﻤﻠﻲ ﻭﻱ ﺍﻟﻤﺠﺮﻣﻴﻦ
ﺑﺲ ﻳﻌﺮﻓﻮﻫﺎ ﺯﻭﺟﺘﻲ ﺍﺩﺍﻭﻡ ﺑﺎﻟﺠﺎﻣﻌﻪ ﻭﺣﻠﻮﻩ ﻭﺯﻏﻴﺮﻩ
ﺍﻛﻴﺪ ﻳﺴﺘﻐﻠﻮﻫﺎ ﻭﻳﻬﺪﺩﻭﻧﻲ ﺑﻴﻬﺎ
ﻛﻤﺖ ﺍﺷﺮﺏ ﺟﻜﺎﻳﺮ
ﻫﺴﻪ ﻋﺮﻓﺖ ﺳﺒﺐ ﺭﻓﻀﻬﺎ ﺍﻟﻲ ﻭﻫﺎﻱ ﺳﺒﺐ ﺍﻟﺤﻮﺍﺟﺰ ﺍﻟﺒﻴﻨﻲ ﻭﺑﻴﻨﻬﺎ
ﻣﺘﺎﻛﺪ ﺟﺎﻧﺖ ﻣﺨﻄﻄﻪ ﻟﻬﺬﺍ ﺍﻟﺸﻲ
ﻭﺧﺎﻓﺖ ﻳﺼﻴﺮ ﻃﻔﻞ ﻭﺗﻨﺮﺑﻂ ﺑﻴﻪ
ﺍﻛﻴﺪ ﻣﻔﻜﺮﻩ ﺑﺎﻟﻄﻼﻙ
ﺍﺗﻨﺪﻣﺖ ﻻﻥ ﺿﺮﺑﺘﻬﺎ
ﺑﻘﻴﺖ ﺍﺷﺮﺏ ﺟﻜﺎﻳﺮ ﻭﺣﺪﻩ ﻭﺭﻩ ﺍﻟﺜﺎﻧﻴﻪ ﺑﺪﻭﻥ ﻣﺎﺍﻃﻔﻴﻬﺎ
ﺍﺫﻥ ﺻﻠﻴﺖ
ﻭﺑﺪﻟﺖ ﻭﻃﻠﻌﺖ ﺟﻨﻄﺘﻲ
ﺻﻌﺪﺕ ﻟﻜﻴﺘﻬﺎ ﻗﺎﻓﻠﻪ ﺍﻟﺒﺎﺏ
ﻣﺎﺍﻛﺪﺭ ﺍﺩﻛﻪ ﺍﺧﺎﻑ ﻳﻜﻌﺪﻭﻥ ﺍﻟﺠﻬﺎﻝ
ﺩﺯﻳﺘﻠﻪ ﺭﺳﺎﻟﻪ
ﻛﺎﻋﺪﻩ
ﻣﺎﻛﻮ ﺟﻮﺍﺏ ﻭﻻ ﻗﺮﺗﻬﺎ ﺍﺑﺪ
ﺗﻌﺎﻟﻲ ﺳﻮﻳﻠﻲ ﺭﻳﻮﻙ
ﻫﻢ ﻣﺎﻛﻮ ﺟﻮﺍﺏ
ﻫﻮ ﺍﻧﻲ ﺍﺻﻼ ﻣﺎﺍﺷﺘﻬﻲ
ﺑﺲ ﺣﺒﻴﺖ ﺍﻋﺘﺬﺭ ﻣﻨﻬﺎ ﻗﺒﻞ ﻻ ﺍﺭﻭﺡ
ﺍﺩﺭﻱ ﺑﻴﺞ ﻛﺎﻋﺪﻩ ﺑﺲ ﻟﺤﻀﻪ ﻭﺣﺪﻩ ﺗﻌﺎﻱ ﺧﻞ ﺍﺷﻮﻓﺞ ﻗﺒﻞ ﻻ ﺍﺭﻭﺡ
ﻫﻢ ﻣﺎﻛﻮ ﺟﻮﺍﺏ
ﺻﻌﺪﺕ
ﺩﻛﻴﺖ ﺍﻟﺒﺎﺏ ﻭﻻﻛﺎﻧﻮ
ﺭﻣﺸﻮﻟﻲ ﻭﻃﻠﻌﺖ ﺑﺲ ﺭﻭﺣﻲ ﻃﺎﻟﻌﻪ ﻣﻦ ﺍﻟﺪﻧﻴﻪ
ﺍﻧﻌﻞ ﻳﻮﻣﻬﺎ ﻣﻮﻗﺘﺘﻬﺎ ﺗﻮﻗﻴﺖ ﻭﻱ ﺭﻭﺣﺘﻲ
ﺣﺘﻰ ﻣﺎﻋﻨﺪﻱ ﻣﺠﺎﻝ ﺍﻋﺘﺬﺭ ﻣﻨﻬﺎ
ﻛﻞ ﻣﺮﻩ ﺑﺎﻟﻄﺮﻳﻖ ﺍﻧﺎﻡ
ﻫﺎﻟﻤﺮﻩ ﻋﻴﻨﻲ ﻣﺎﺍﺧﺬﺕ ﻧﻮﻡ ﺍﺑﺪ
ﻛﻞ ﺷﻮﻳﻪ ﻭﺍﺗﺼﻞ ﺑﻴﻬﺎ ﻣﺎﻛﻮ
ﺩﺯﻳﺘﻠﻬﺎ ﺭﺳﺎﻟﻪ
ﺍﺳﻒ ﻻﻥ ﺿﺮﺑﺘﺞ
ﺑﺲ ﻣﻦ ﺻﺪﻙ ﻋﺼﺒﺘﻴﻨﻲ
ﺍﺗﺨﺒﻞ ﺍﺫﺍ ﺟﺒﺘﻲ ﻃﺎﺭﻱ ﺍﻟﻄﻼﻙ
ﻛﻠﺸﻲ ﺍﻧﻔﺬﻩ ﺍﻟﺞ ﺑﺲ ﺍﻟﺪﻭﺍﻡ ﺍﻋﺬﺭﻳﻨﻲ ﻣﺎﺍﻛﺪﺭ
ﻭﺍﻟﻨﺒﻲ ﺍﺧﺎﻑ ﻋﻠﻴﺞ ﻣﻦ ﻋﻴﻮﻥ ﺍﻟﻌﺎﻟﻢ ﺍﻟﻲ ﻣﺘﺮﺣﻢ
ﻣﺎﻛﻮ ﺍﻱ ﺟﻮﺍﺏ
ﻭﺻﻠﻨﻪ ﻭﺭﺗﺒﺖ ﻣﻼﺑﺴﻲ
ﻫﻮ ﺩﻭﺍﻣﻲ ﺑﺪﻭﻥ ﺷﻲ ﺩﻣﺎﺭ
ﻫﺴﻪ ﺍﺟﺘﻲ ﻫﺎﻱ ﺍﻟﺴﺎﻟﻔﻪ ﺻﻔﺢ
ﺧﻠﺘﻪ ﻣﻴﻨﻄﺎﻕ ﺍﺑﺪ
ﺑﺪﻩ ﺍﻟﺘﻌﺐ ﻭﺍﻻﺭﻫﺎﻕ
ﻭﺭﻏﻢ ﻛﻠﺸﻲ ﻛﻞ ﺷﻮﻳﻪ ﺍﻓﻜﺮ ﺑﻴﻬﺎ
ﻧﺖ ﻣﺎﻋﻨﺪﻱ ﻣﺎﺍﺷﺘﺮﻙ ﺍﻟﻪ ﺑﻴﻮﻡ ﺍﺳﺘﺮﺍﺣﺘﻲ ﻳﻮﻡ 11
ﻻﻥ ﺣﺘﻰ ﺍﺫﺍ ﺍﺷﺘﺮﻛﺖ ﻣﺎﺍﻛﺪﺭ ﺍﺗﻮﺍﺻﻞ ﻭﻳﺎﻫﻢ
ﻻﻥ ﻣﺎﻋﻨﺪﻱ ﻭﻗﺖ
ﺩﻭﺍﻣﻲ ﺩﻣﺎﺭ ﻭﻣﺮﻫﻖ ﺑﺸﻜﻞ
ﺑﺲ ﺷﻨﺴﻮﻱ
ﺍﺫﺍ ﺧﻠﺼﺖ ﻫﺎﻱ ﺍﻟﻔﺘﺮﻩ ﻳﺒﻘﺎﻟﻲ 3 ﺍﺷﻬﺮ
ﺍﺣﺘﻤﺎﻝ ﻳﺪﻭﺯﻧﻪ ﻟﺴﺎﻣﺮﺍﺀ ﺍﻟﺸﻬﺮ ﺍﻟﻴﺠﻲ
ﺍﺣﺴﺐ ﻟﺤﻀﻪ ﻟﺤﻀﻪ ﺷﻮﻛﺖ ﻳﺠﻴﻨﻲ ﻳﻮﻡ ﺍﻻﺳﺘﺮﺍﺣﻪ
ﺣﺘﻰ ﺍﺭﺍﺳﻠﻬﺎ
ﺩﺍﺋﻤﺎ ﺍﺧﺎﺑﺮ ﻣﺤﻤﺪ ﺑﺲ ﺍﻃﻤﺄﻥ ﻉ ﺍﻟﻜﻞ
ﻣﺎﺍﻛﺪﺭ ﺍﺣﺠﻲ ﻭﻱ ﺍﻱ ﺷﺨﺺ
ﻻﻥ ﺍﺣﻨﻪ ﻣﺠﻤﻮﻋﻪ ﺿﺒﺎﻁ ﺑﻨﻔﺲ ﺍﻟﻤﻜﺎﻥ
ﺑﺲ ﻭﻱ ﻣﺤﻤﺪ ﺍﻭ ﺍﻣﻴﺮ
ﻭﻣﻦ ﺭﺟﻊ ﺍﺑﻮﻳﻪ ﻣﻦ ﺍﻟﺴﻔﺮ ﻫﻤﻴﻦ ﺧﺎﺑﺮﺗﻪ ﻭﺣﺠﻴﺖ ﻭﻳﺎ ﻭﺍﻃﻤﺄﻧﻴﺖ ﻋﻠﻴﻬﻢ
ﻭﺳﻠﻤﺖ ﻉ ﺍﻣﻲ ﻫﻤﻴﻦ
ﻃﺒﻌﺎ ﺣﻴﻞ ﻣﺸﺘﺎﻗﻠﻬﻢ
ﺍﻭﻝ ﻣﺮﻩ ﺍﺑﺘﻌﺪ ﻋﻨﻬﻢ ﻛﻞ ﻫﺎﻱ ﺍﻟﻤﺪﻩ
ﺍﺟﻪ ﻣﻮﻋﺪ ﺍﻻﺳﺘﺮﺍﺣﻪ ﻭﺍﺧﻴﺮﺍ
ﺍﺷﺘﺮﻛﺖ ﻧﺖ
ﺟﻨﺖ ﻣﺘﻠﻬﻒ ﺑﻠﻜﻲ ﺩﺍﺯﻩ ﺭﺳﺎﻟﻪ
ﺑﺲ ﺍﺑﺪ
ﺣﺘﻰ ﺫﻳﺞ ﺣﻨﺎﻥ ﺑﻨﺖ ﺍﻟﻠﺬﻳﻦ ﻭﻻﻛﺎﻧﻮ ﺻﺎﺭﻟﻬﺎ ﺷﻜﺪ ﻻﻣﺨﺎﺑﺮﻩ ﻭﻻ ﻣﺮﺍﺳﻠﺘﻨﻲ
ﻧﻤﺖ ﻭﻛﻌﺪﺕ
ﺩﺯﻳﺘﻠﻬة فديو راحتي النفسية
ﺍﻧﻔﺘﺢ ﺑﺲ ﻣﺎﻛﻮ ﺟﻮﺍﺏ
ﻣﺮﺣﺒﺎ
ﻫﻢ ﻣﺎﻛﻮ
ﺟﺎﻭﺑﻲ
ﻫﻢ ﻣﺎﻛﻮ
ﻟﺘﻜﻔﺮﻳﻨﻲ ﻟﺨﺎﻃﺮ ﺭﺑﺞ ﺟﺎﻭﺑﻲ
ﻣﺮﺋﻲ ﻭﻣﺎﻛﻮ ﺟﻮﺍﺏ
ﻣﺸﻜﻠﺘﻲ ﻣﺎﺍﻛﺪﺭ ﺍﺗﺼﻞ
ﺣﺮﺕ ﺷﺎﺳﻮﻱ ﻛﻤﺖ ﺍﻓﻮﺭ ﺩﻡ
ﺑﻬﺎﻻﺛﻨﺎﺀ ﺍﺟﺖ ﺍﺑﺎﻟﻲ ﺣﻨﺎﻥ
ﻛﻠﺖ ﺧﻞ ﺍﺭﺍﺳﻠﻬﺎ
ﻣﻌﻘﻮﻟﻪ ﺍﻛﻮ ﻭﺣﺪﻩ ﺭﺟﻠﻬﺎ ﻏﺎﻳﺐ ﻋﻨﻬﺎ ﺍﻛﺜﺮ ﻣﻦ ﺷﻬﺮ
ﻣﻔﻜﺮﺕ ﺗﺨﺎﺑﺮ ﻟﻮ ﺗﺮﺍﺳﻞ
ﺩﺯﻳﺘﻠﻬﺎ
ﺍﻟﻮﻭﻭﻭ
ﺟﺎﻭﺑﺖ ﻫﻠﻮﻭﻭ
ﻫﻠﻮﻭﻭﻭ
ﻫﻤﺰﻳﻦ ﺫﻛﺮﺗﻨﻲ ﻭﺭﺍﺳﻠﺘﻨﻲ
ﺍﺧﺎﻑ ﺗﺰﻋﻠﻴﻦ
ﻟﺞ ﻫﻮ ﺍﻧﻲ ﺍﻟﻤﻔﺮﻭﺽ ﺍﺳﺎﻝ ﻟﻮ ﺍﻧﺖ
ﻟﺞ ﺻﺎﺭ ﺷﻜﺪ ﺑﺎﻟﺠﺬﺏ ﻣﺴﺎﻟﺘﻲ ﻋﺪﻝ ﻣﻴﺖ
ﺷﻨﻮ ﺍﻟﻲ ﻣﻠﻬﻴﺞ
ﻻﻭﺍﻟﻠﻪ ﻣﻤﻠﻬﻴﻨﻲ ﺷﻲ
ﺑﺲ ﺍﻧﻲ ﺍﻋﺘﺐ ﻋﻠﻴﻚ ﻻ ﺳﺎﻟﺖ ﻋﻠﻴﻪ ﻻ ﺧﺎﺑﺮﺗﻨﻲ
ﻟﻴﺶ ﻫﻮ ﻣﻨﻮ ﺍﻟﻲ ﺑﺎﻟﻈﻴﻢ
ﻭﺗﻌﺎﻱ ﺍﻛﻠﺞ
ﺷﻨﻮ ﻫﺎﻟﻮﺳﺦ ﺍﻟﺒﻴﺖ ﻛﻠﻪ ﻣﻜﻠﻮﺏ ﻭﺍﻟﻤﻮﺍﻋﻴﻦ ﻭﺳﺨﻪ
ﻭﺍﻟﻘﺮﺍﻥ ﻫﺎﻟﻤﺮﻩ ﺍﺫﺍ ﺍﺟﻴﺖ ﻭﻟﻜﻴﺖ ﺍﻟﺒﻴﺖ ﻫﻢ ﻣﺜﻞ ﺫﺍﻙ ﺍﻟﻴﻮﻡ
ﺍﻟﻪ ﺍﻛﻠﺒﻬﺎ ﺍﻟﺪﻧﻴﻪ ﻋﻠﻴﺞ
ﻭﺍﻟﺜﻼﺟﻪ ﺍﻟﺨﺎﻳﺴﻪ ﻧﻈﻔﻴﻬﺎ
ﺭﺣﺘﻲ ﺳﺎﻓﺮﺗﻲ ﻭﺷﺒﻌﺘﻲ
ﻟﻬﻨﺎ ﻭﻛﺎﻓﻲ
ﺍﻧﺘﺒﻬﻲ ﻟﻠﺒﻴﺖ ﺯﻳﻦ
ﺍﺷﻮ ﻣﺘﺤﺎﻣﻲ ﻋﻠﻴﻪ
ﻧﻈﻔﺖ ﺍﻟﺒﻴﺖ ﻭﺧﻠﻴﺘﻪ ﻳﺨﺒﻞ ﻗﺒﻞ ﻻ ﺍﺭﻭﺡ
ﻳﺠﻮﺯ ﺍﺟﻪ ﺍﺣﺪ ﻏﻴﺮﻱ ﺷﻤﺪﺭﻳﻚ ﺍﻧﺖ
ﺍﻛﻠﻲ ﺗﺒﻦ ﻭﺍﻧﺠﺒﻲ
ﺍﻓﺘﺤﻲ ﺍﻟﺜﻼﺟﻪ ﻭﺷﻮﻓﻴﻬﺎ
ﺧﻞ ﺍﺟﻲ ﻭﺍﺍﺷﻮﻑ ﺷﻐﻠﻲ ﻭﻳﺎﺝ
ﺷﺪﻋﻮﻩ ﻋﻠﻴﻚ ﻳﺎﺑﻪ ﻫﺎﻱ ﻫﻴﺞ ﺗﺤﺠﻲ ﻭﻳﺎﻱ
ﺻﺎﺭﻟﻚ ﺍﻛﺜﺮ ﻣﻦ ﺷﻬﺮ
ﻳﻌﻨﻲ ﺣﺮﺍﻡ ﺍﺫﺍ ﺍﻧﺖ ﻣﻦ ﺫﺍﺗﺞ ﺗﺨﺎﺑﺮﻳﻨﻲ
ﻫﺎ ﻣﻮ ﺟﻨﺖ ﺗﻌﺒﺎﻧﻪ ﻣﻦ ﺍﻟﺴﻔﺮ ﻭﺍﻟﻠﻪ
ﻭﻫﺴﻪ ﺍﻥ ﺷﺎﺀ ﺍﻟﻠﻪ ﺍﺭﺗﺎﺣﻴﺘﻲ
ﺍﻱ ﺍﻟﺤﻤﺪ ﻟﻠﻪ
ﺷﻠﻮﻧﻬﺎ ﺳﻔﺮﺗﻜﻢ
ﺣﻠﻮﻩ ﺣﻴﻞ
ﺍﻟﺤﻤﺪ ﻟﻠﻪ
ﺭﺍﺡ ﺍﻧﺎﻡ ﺑﻌﺪ ﻟﺘﺮﺍﺳﻠﻴﻨﻲ
ﻣﻦ ﺻﺪﻙ ﺍﺑﺪﻱ ﺍﻧﺎﻡ ﺣﻴﻞ ﻧﻌﺴﺎﻧﻪ
ﺭﺟﻌﺖ ﻉ ﻫﺎﻱ ﺍﻟﺒﻠﻮﻩ
ﺷﻠﻮﻥ ﺍﻗﻨﻌﻬﺎ ﻣﺎﺍﻋﺮﻑ
ﻟﻴﺶ ﻣﺘﺠﺎﻭﺑﻴﻦ
ﺑﺲ ﺧﻠﻲ ﻧﺘﻔﺎﻫﻢ
ﺍﺭﻭﺣﻠﺞ ﻓﺪﻭﻩ ﺟﺎﻭﺑﻲ
ﺗﻘﺮﻩ ﻭﻣﺘﺠﺎﻭﺏ
ﻭﻟﺞ ﻣﻮﺗﻴﻨﻲ ﺟﺎﻭﺑﻴﻨﻲ ﻟﺨﺎﻃﺮ ﺭﺑﺞ
ﻭﺍﻟﻨﺒﻲ ﺭﺍﺡ ﺍﻋﻮﻑ ﺍﻟﺪﻭﺍﻡ ﻭﺍﺟﻲ
ﺣﺘﻰ ﻟﻮ ﺍﻧﻔﺼﻞ
ﺑﺲ ﻣﺘﺠﺎﻭﺑﻴﻦ ﺑﺎﺟﺮ ﺍﺭﺟﻊ
ﻭﺭﻭﺣﻪ ﻟﻤﺮﻭﺍﻥ ﺍﺫﺍ ﻣﺠﺎﻭﺑﺘﻲ ﺑﺎﺟﺮ ﺍﻧﻲ ﻳﻤﺞ
ﺯﻳﻨﺐ : ﺍﺟﻤﻞ ﺣﻴﺎﺗﻲ ﺫﻧﻲ ﺍﻝ 10 ﺍﻳﺎﻡ
ﺣﺴﻴﺖ ﺑﻨﻔﺴﻲ ﻃﺎﻳﺮﻩ ﻣﻦ ﺍﻟﻔﺮﺡ
ﺍﺧﺬﻧﻲ ﺍﺷﺘﺮﻳﺖ ﺣﻠﻘﻪ ﻭﻟﺒﺴﺘﻬﺎ
ﺣﺴﻴﺖ ﺑﻨﻔﺴﻲ ﺯﻭﺟﺘﻪ ﻣﻦ ﺻﺪﻙ
ﺍﻭﻝ ﻣﺮﻩ ﺍﻟﺒﺲ ﺍﻟﺤﻠﻘﻪ
ﻭﺍﺷﺘﺮﺍﻟﻲ ﻃﻘﻢ ﻛﻠﺶ ﺣﻠﻮ ﻭﻧﺎﺯﻙ
ﺣﺴﻴﺖ ﺑﻲ ﺍﻧﺴﺎﻥ ﺛﺎﻧﻲ
ﻭﻻ ﻋﺒﺎﻟﻚ ﻧﻔﺴﻪ ﺍﻟﻤﻐﺮﻭﺭ ﻭﺍﻻﻧﺎﻧﻲ
ﺍﺗﻌﻮﺩﺕ ﻉ ﻭﺟﻮﺩﻩ ﻳﻤﻨﻪ
ﻛﻤﻨﻪ ﻧﻄﻠﻊ ﺑﺎﻟﻠﻴﻞ
ﺭﺟﻌﺖ ﻓﺎﻃﻤﻪ ﻭﺍﺗﻔﻘﺖ ﻭﻱ ﻣﺎﻣﺎ ﻭﺭﺳﻞ
ﺭﺣﻨﺎﻟﻬﺎ ﻭﺣﻴﻞ ﻓﺮﺣﺖ ﺑﻴﻪ
ﺍﻟﻜﻮﻝ ﺍﺗﻌﺠﺐ ﺑﻴﻪ ﺍﻧﻲ ﻭﻣﺎﻣﺎ
ﻋﺒﺎﻟﻬﻢ ﺗﻮﻡ
ﻭﺑﻘﻦ ﺻﺎﻓﻨﺎﺕ ﻣﺎﻣﺎ ﺑﺪﻭﻥ ﻋﺒﺎﻳﻪ ﻭﺍﻧﻲ ﻋﺒﺎﻳﻪ ﻭﺑﻮﺷﻴﻪ
ﻛﻠﺘﻠﻬﻦ ﻓﺎﻃﻤﻪ ﺍﺧﻮﻳﻪ ﻳﻐﺎﺭ ﻋﻠﻴﻬﺎ ﻻﻥ ﺟﻨﻬﺎ ﻛﻤﺮ ﺍﺧﺎﻑ ﺗﻨﺤﺴﺪ
ﻏﻴﺮﺕ ﺟﻮ ﻭﺣﺴﻴﺖ ﺑﺎﺣﺴﺎﺱ ﻏﺮﻳﺐ
ﺣﺴﻴﺖ ﺑﻨﻔﺴﻲ ﺍﻧﺴﺎﻧﻪ ﺣﺎﻟﻲ ﺣﺎﻝ ﺍﻟﺒﻨﺎﺕ
ﺍﺗﻤﻨﻰ ﻳﻮﺍﻓﻖ ﺣﻴﺪﺭ ﻭﻳﺨﻠﻴﻨﻲ ﺍﺩﺭﺱ
ﻻﻥ ﺑﺲ ﻳﺮﻓﺾ ﺍﻃﻠﺐ ﺍﻟﻄﻼﻙ
ﺟﻬﺰﺗﻠﻪ ﻛﻠﺸﻲ ﺟﻨﻄﺘﻪ ﻭﻣﻼﺑﺴﻪ ﻭﺍﻟﻜﻠﻴﺠﻪ
ﻛﻠﺖ ﻻﺯﻡ ﺍﺣﺠﻲ ﻭﻳﺎ
ﺣﺘﻰ ﻳﻔﻜﺮ ﻟﻤﻦ ﻳﺮﺟﻊ
ﺑﺲ ﻓﺎﺟﺄﻧﻲ ﻣﻦ ﺭﻓﺾ ﻭﺭﻓﻀﻪ ﻣﻮ ﻣﺎﻟﺖ ﻳﻔﻜﺮ
ﻭﻣﺴﺘﺤﻴﻞ ﻳﻘﺘﻨﻊ
ﻗﺎﻓﻞ ﺍﺑﺪ ﻣﻴﻘﺒﻞ
ﺍﻟﻀﻮﺟﻨﻲ ﻣﻦ ﻳﻜﻠﻲ ﺍﻧﺖ ﻏﻴﺮ
ﻳﻌﻨﻲ ﺑﻌﺪﻩ ﻳﻔﻜﺮﻧﻲ ﻣﻮ ﺯﻳﻨﻪ ﻭﻣﻴﺎﻣﻦ ﺑﻴﻪ
ﻭﺍﻧﻲ ﺍﻟﻐﺒﻴﻪ ﻋﺒﺎﻟﻲ ﺣﺒﻨﻲ ﻭﻧﺴﻪ ﺍﻟﻤﺎﺿﻲ
ﺑﺲ ﻣﺴﺘﺤﻴﻞ ﻳﺘﻐﻴﺮ
ﻳﺒﻘﻰ ﺫﺍﻙ ﻫﻮ ﺍﻻﻧﺎﻧﻲ
ﺿﺮﺑﻨﻲ ﺷﻜﻢ ﻛﻒ ﺑﺲ ﻣﻬﻤﻨﻲ
ﻣﺜﻞ ﻣﺎﺟﺮﺣﻨﻲ ﺑﺎﻟﺤﺠﻲ
ﻳﻌﻨﻲ ﻳﺮﻳﺪﻧﻲ ﺍﺑﻘﻰ ﺧﺪﺍﻣﻪ ﻭﻣﺮﺑﻴﻪ
ﻋﻔﺘﻪ ﻭﺻﻌﺪﺕ ﺣﻴﻞ ﻣﻘﻬﻮﺭﻩ
ﻭﺍﺑﺠﻲ
ﻗﻔﻠﺘﻪ ﺍﻟﺒﺎﺏ ﻭﻗﺮﺭﺕ ﻟﻮ ﺷﻴﺼﻴﺮ ﻣﺎﺍﻓﺘﺤﻪ
ﺣﻴﻞ ﺿﺠﺖ ﻣﻨﻪ
ﺍﻧﻲ ﻣﺮﺩﺕ ﻳﺘﻘﺮﺑﻠﻲ ﺣﺘﻰ ﻣﻴﻠﺰﻣﻨﻲ ﺑﺎﻟﻄﻔﻞ
ﺍﻟﻪ ﻣﻬﻠﻪ ﺑﺲ ﻳﺮﺟﻊ ﺍﻟﻘﺒﻞ ﺍﺩﺍﻭﻡ ﺯﻳﻦ ﻉ ﺯﻳﻦ
ﻭﺍﺫﺍ ﻻ ﺍﺭﻭﺡ ﻻﻫﻠﻲ ﻭﺍﻃﻠﻚ
ﻣﻴﻬﻤﻨﻲ ﻳﺤﺠﻲ ﻻﻫﻠﻲ ﻻ
ﺑﺲ ﺍﺑﻨﻲ ﻣﺎﺍﻟﻪ ﺣﻖ ﻳﺎﺧﺬﻩ
ﺣﺎﻭﻝ ﺍﻓﺘﺢ ﺍﻟﺒﺎﺏ ﻭﻻ ﻛﺎﻧﻮ
ﺣﺎﻭﻟﺖ ﺍﻧﺎﻡ ﺑﺲ ﻣﺎﻛﺪﺭﺕ
ﺍﺟﻨﻲ ﺍﺷﻌﺎﺭﺍﺕ
ﻣﺎﻓﺘﺤﺘﻬﻦ ﺍﺑﺪ
ﻛﻮﻩ ﻧﻤﺖ ﻭﻛﻮﻩ ﻛﻌﺪﺕ
ﻟﻠﻌﺼﺮ ﺍﺟﻮﻧﻲ ﺍﻫﻠﻲ ﺑﻘﻮﺍ ﻳﻤﻲ
ﺳﻮﻳﺖ ﻋﺸﻪ ﻭﺍﺟﺖ ﺭﺳﻞ ﻭﻣﺤﻤﺪ ﻭﻳﺎﻧﻪ
ﺑﻘﻴﻨﻪ ﺑﺎﻟﺤﺪﻳﻘﻪ
ﺷﻮﻳﻪ ﻏﻴﺮﺕ ﺟﻮ
ﺑﺲ ﺟﻨﺖ ﺣﻴﻞ ﺿﺎﻳﺠﻪ ﻭﻛﻞ ﺷﻮﻳﻪ ﺗﺴﺎﻟﻨﻪ ﻭﺣﺪﻩ ﺷﺒﻴﺞ
ﻋﺒﺎﻟﻬﻢ ﻻﻥ ﺍﻟﺘﺤﻖ ﺣﻴﺪﺭ
ﺑﺎﻟﻠﻴﻞ ﺭﺍﺣﻮ ﻭﺧﻠﻮﺍ ﺭﻗﺎﻭﻱ ﻳﻤﻲ
ﺍﻧﻘﻄﻊ ﻋﻨﻪ ﺍﻻﺗﺼﺎﻝ
ﺣﺎﻟﺘﻲ ﺍﻟﻨﻔﺴﻴﻪ ﺯﻓﺖ
ﻣﺸﺖ ﺍﻻﻳﺎﻡ ﻭﺍﺟﻮﻱ ﺧﺎﻟﻪ ﻭﻋﻤﻮ ﻭﺣﻨﺎﻥ
ﻓﺮﺣﺖ ﺑﻴﻬﻢ ﻭﺟﻨﺖ ﺣﻴﻞ ﻣﺸﺘﺎﻗﺘﻠﻬﻢ
ﺟﺎﻳﺒﻴﻦ ﺍﺷﻜﺎﻝ ﺍﻟﺤﻠﻮﻳﺎﺕ ﺍﻟﻲ ﻭﻟﻠﺠﻬﺎﻝ
ﻭﻣﻼﺑﺲ ﻛﻮﻣﻪ
ﺟﺎﻳﺒﻴﻦ ﺍﻟﻤﻼﻛﻤﻪ ﻟﻨﻈﻮﺭﻱ ﻭﻃﻴﺎﺭﻩ ﺍﻟﻲ ﻉ ﺍﻟﻠﻤﺲ ﺍﻃﻴﺮ ﻛﻠﺶ ﺣﻠﻮﻩ
ﻭﺟﺎﻥ ﻓﺮﺣﺎﻥ ﺑﻴﻬﻦ
ﻭﻧﻮﺭ ﺟﺎﻳﺒﻴﻠﻬﺎ ﻟﻌﺎﺑﻪ ﺟﺒﻴﺮﻩ ﻭﺑﻴﺖ ﻟﻌﺎﺑﻪ
ﺣﻨﺎﻥ ﺳﻠﻤﺖ ﻋﻠﻴﻪ ﻣﻦ ﻭﺭﻩ ﺧﺸﻤﻬﺎ
ﻣﻦ ﺷﺎﻓﺖ ﻭﺟﻬﻲ ﻭﺍﻟﺬﻫﺐ
ﻭﻟﺒﺴﻲ ﺍﻟﺠﺪﻳﺪ
ﺍﻧﺘﺒﻬﺖ ﻉ ﺍﻟﺤﻠﻘﻪ
ﻋﺒﺎﻟﻚ ﺑﺎﻳﻜﻪ ﺑﻴﺘﻬﺎ
ﻫﻤﻠﺘﻬﺎ ﻭﻻ ﻋﻠﻴﻪ ﺑﻴﻬﺎ
ﺍﻟﺘﻬﻴﻨﻪ ﻭﻳﺎﻫﻢ
ﺛﺎﻧﻲ ﻳﻮﻡ ﻋﺰﻣﻮﺍ ﻓﺎﻃﻤﻪ ﻫﻲ ﻭﺯﻭﺟﻬﺎ ﻭﺍﻫﻠﻪ
ﺍﻟﺘﻬﻴﺖ ﺑﺎﻟﻄﺒﺦ ﻭﻟﻠﻌﺼﺮ ﺭﺍﺣﻮﺍ
ﺧﺎﻟﻪ ﺍﻧﻄﺘﻬﺎ ﻃﻘﻢ ﺫﻫﺐ ﻛﻠﺘﻠﻬﺎ ﻣﻨﻲ ﻭﻣﻦ ﺍﺑﻮﺝ
ﺑﻌﺪﻫﺎ ﺭﺍﺣﻮ ﻋﻤﻮ ﻭﺧﺎﻟﻪ ﻻﻫﻠﻲ ﻭﻣﺎﺧﺬﻳﻠﻬﻢ ﻫﺪﻳﻪ
ﺑﻘﻮﺍ ﻫﻨﺎﻙ ﺍﺗﻌﺸﻮﺍ
ﻃﻠﺒﻮ ﻣﻨﻲ ﺍﺭﻭﺡ ﻭﺍﻧﻲ ﺭﻓﻀﺖ
ﻛﻠﺖ ﺧﻠﻴﻨﻲ ﻟﻤﻦ ﻳﺠﻲ ﻭﺍﺧﺼﻤﻬﺎ ﻭﻳﺎ
ﺍﻧﻲ ﺍﻋﺮﻑ ﻣﻮﻋﺪ ﺍﺳﺘﺮﺍﺣﺘﻪ ﻳﻮﻡ 11 ﻣﻦ ﺍﻟﺘﺤﺎﻗﻪ
ﻓﻌﻼ ﺑﺎﻟﻠﻴﻞ ﺑﻴﻮﻣﻬﺎ ﺭﺍﺳﻠﻨﻲ
ﺍﻗﺮﻩ ﻭﻣﺎﺍﺟﺎﻭﺑﻪ
ﻻﻥ ﺣﻴﻞ ﺿﺎﻳﺠﻪ ﻣﻨﻪ
ﺑﺲ ﻣﻦ ﻛﻠﻲ ﺍﺟﻲ ﺑﺎﺟﺮ ﻻ ﻭﺻﻠﺖ ﺣﺪﻫﺎ
ﻻﺯﻡ ﺍﺣﺠﻲ ﻻﻥ ﺍﺩﺭﻱ ﺑﻲ ﻣﺨﺒﻞ ﻳﺴﻮﻳﻬﺎ 🠾😂😂
ﺟﺎﻭﺑﺘﻪ
ﻫﺎ ﺧﻴﺮﻙ ﺷﺘﺮﻳﺪ ﻣﻨﻲ
ﻟﺞ ﺷﻨﻮ ﺧﻴﺮﻙ
ﺯﻋﻄﻮﻁ ﻛﺪﺍﻣﺞ ﻭﺗﺴﺘﻬﻴﻨﻴﻦ ﺑﻴﻪ
ﻟﻴﺶ ﻣﺘﺠﺎﻭﺑﻴﻦ ﻣﺜﻞ ﺍﻻﻭﺍﺩﻡ
ﺟﻨﺖ ﻣﺸﻐﻮﻟﻪ
ﻭﺑﻴﻤﻦ ﻣﺸﻐﻮﻟﻪ
ﺍﺳﺒﺢ ﻟﻨﻈﻮﺭﻱ ﻭﻧﻮﺭ
ﻳﻌﻨﻲ ﺻﺎﺭﻟﺞ 11 ﻳﻮﻡ ﺑﺎﻟﺤﻤﺎﻡ
ﻣﺠﺎﻭﺑﺘﻪ
ﺍﻫﺎ ﻭﻫﺴﻪ ﻓﺮﻏﺘﻲ
ﺍﻱ ﻣﺎﻋﻨﺪﻱ ﺷﻲ
ﻟﻴﺶ ﻣﺠﺎﻭﺑﺘﻴﻨﻲ ﺑﻴﻮﻡ ﺍﻟﺘﺤﺎﻗﻲ
ﻣﺠﺎﻥ ﺍﻟﻲ ﺧﻠﻚ
ﺯﻳﻨﺐ ﻟﺘﺴﺘﻐﻠﻴﻦ ﻧﻘﻄﺔ ﺿﻌﻔﻲ
ﻭﺗﻬﺪﺩﻳﻦ ﺑﻴﻪ
ﺻﺤﻴﺢ ﺍﻧﻲ ﺣﺒﻴﺘﺞ ﻭﻋﺸﻘﺘﺞ
ﺑﺲ ﻣﻮ ﻣﻌﻨﺎﻫﺎ ﺍﻃﺎﻭﻋﺞ ﺑﻜﻠﺸﻲ
ﺍﺳﻤﻌﻨﻲ ﺯﻳﻦ ﺣﻴﺪﺭ
ﻟﺘﻌﺐ ﻧﻔﺴﻚ ﺍﻧﻲ ﻗﺎﻓﻠﻪ
ﻟﻮ ﺗﺨﻠﻴﻨﻲ ﺍﺩﻭﻡ
ﻟﻮ ﺍﻃﻠﻜﻨﻲ
ﺣﻴﻞ ﺗﻌﺒﺖ ﻭﻳﺎﻙ
ﺍﺭﻳﺪ ﺍﻋﻴﺶ ﻙ ﺍﻧﺴﺎﻧﻪ ﺣﺎﻟﻲ ﺣﺎﻝ ﺍﻟﺒﻘﻴﻪ
ﻏﻴﺮ ﺫﻧﻲ ﻣﺎﻋﻨﺪﻱ
ﻳﻌﻨﻲ ﻟﻮﺗﺨﻠﻴﻨﻲ ﺍﺩﺍﻭﻡ ﻟﻮ ﺍﻃﻠﻜﻨﻲ
ﻫﻴﺞ ﻣﻦ ﺭﺑﺞ ﻫﻢ ﺗﻜﻠﻲ ﻃﻠﻜﻨﻲ
ﺍﺧﺬ ﺍﺑﻨﻲ ﻭﺍﻃﻠﻜﺞ
ﺑﺲ ﺍﺣﻨﻪ ﺍﺗﻔﻘﻨﻪ ﺍﺗﻔﺎﻕ ﻭﺍﻟﻜﻮﻝ ﺷﺎﻫﺪ
ﺍﺫﺍ ﺗﻘﺮﺑﺘﻠﻲ ﺑﺪﻭﻥ ﺭﺿﺎﺗﻲ
ﻧﻄﻠﻚ ﻭﺍﺑﻨﻲ ﻣﻦ ﺣﻘﻲ
ﻭﺍﻧﺖ ﺧﻠﻔﺖ ﺍﻟﻤﻮﻋﺪ
ﻣﻮ ﻣﻬﻢ ﺍﻫﻢ ﺷﻲ ﻃﻼﻙ ﻣﺎﻛﻮ
ﻓﺪﻭﻩ ﺣﻴﺪﺭ ﻟﺘﺼﻌﺒﻬﺎ ﻋﻠﻴﻪ
ﻭﺍﻟﻠﻪ ﻫﻮﺍﻱ ﺍﺫﻳﺘﻮﻧﻲ ﻭﻫﻮﺍﻱ ﺟﺮﺣﺘﻮﻧﻲ
ﺧﻠﻴﻨﻲ ﻫﺴﻪ ﺍﻋﻴﺶ ﺣﻴﺎﺗﻲ ﻣﺜﻞ ﻣﺎﺍﺭﻳﺪ
ﺩﻓﻌﺖ ﻋﻤﺮﻱ ﺛﻤﻦ ﻛﻠﻪ ﻉ ﻣﻮﺩ 15 ﻣﻠﻴﻮﻥ
ﺍﻧﻌﻞ ﺍﺑﻮ ﺍﻟﻔﻠﻮﺱ ﺍﻟﻲ ﺗﺬﻝ ﺍﻟﻮﺍﺣﺪ
ﻭﺍﻟﻠﻪ ﺍﺫﺍ ﺗﺮﻳﺪﻫﻦ ﺍﻝ 15 ﻓﻠﻮﺱ ﺗﻜﺎﻟﻴﻒ ﻋﻤﻠﻴﺔ ﺍﺧﻮﻱ
ﻭﺍﻟﻨﺒﻲ ﺍﻧﻄﻴﻬﻦ ﺑﺲ ﺍﻋﺘﻘﻨﻲ
ﺗﺪﺭﻳﻦ ﻟﻮ ﻫﺴﻪ ﻛﺒﺎﻟﻲ ﺷﺎﺳﻮﻱ ﺑﻴﺞ ﻉ ﻫﺬﺍ ﺣﺠﻴﺞ
ﺍﻟﻪ ﺍﺣﻴﺮ ﺷﺎﺳﻮﻱ ﺑﻴﺞ
ﺷﻨﻮ ﺍﻟﺘﺮﻳﺪﻩ ﻣﻨﻲ ﺑﺎﻟﻀﺒﻂ
ﻣﺎﺍﺭﻳﺪ ﻻ ﺍﺩﺍﻭﻣﻴﻦ ﻭﻻ ﺍﻃﻠﻜﺞ
ﻫﺎﻱ ﺍﻧﺎﻧﻴﻪ ﻳﺴﻤﻮﻫﺎ
ﺍﻱ ﺍﻧﻲ ﺍﻧﺎﻧﻲ ﻣﺎﺍﺣﺐ ﺍﺣﺪ ﻳﺸﻮﻑ ﻃﻮﻟﺞ
ﻭﺍﻧﺖ ﺑﻄﺮﺍﻧﻪ ﺗﺮﺩﻳﻦ ﺍﺩﺍﻭﻣﻴﻦ ﻭﻱ ﺍﻟﺸﺒﺎﺏ
ﺑﺲ ﺍﻧﻲ ﻣﺎﻋﻨﺪﻱ ﺣﻞ ﺛﺎﻧﻲ
ﻟﻮ ﺗﺨﻠﻴﻨﻲ ﺍﺩﺍﻭﻡ ﻟﻮ ﺍﻃﻠﻜﻨﻲ
ﺭﺍﺡ ﺍﺭﻭﺡ ﻻﻫﻠﻲ ﻭﻋﻮﺩ ﻣﻦ ﺗﻘﺮﺭ ﺗﺨﻠﻴﻨﻲ ﺍﺩﺍﻭﻡ ﺗﻌﺎﻝ ﺑﻠﻐﻨﻲ ﻭﺭﺟﻌﻨﻲ
ﺯﻳﻨﺐ ﻻﺗﺨﺘﺒﺮﻳﻦ ﺻﺒﺮﻱ
ﻭﺍﻟﺨﻠﻘﺞ ﺍﺫﺍ ﺭﺣﺘﻲ ﻻﻫﻠﺞ ﺍﺩﻓﻨﺞ ﻋﺪﻟﻪ
ﻭﻫﻮ ﻣﻨﻮ ﻛﻠﻚ ﺍﻧﻲ ﻋﺎﻳﺸﻪ
ﺍﺷﻮ ﺍﻧﺖ ﺩﺍﻓﻨﻲ ﻭﺍﻧﻲ ﻋﺪﻟﻪ ﻣﻦ ﺯﻣﺎﻥ ﻣﻦ ﻳﻮﻡ ﺍﻟﻌﻘﺪﺕ ﻋﻠﻴﻪ
ﻻ ﻃﻠﻌﻪ ﻻ ﻃﺒﻪ ﻻ ﻟﺒﺲ ﻻﻣﻜﻴﺎﺝ
ﻛﻮﻟﻲ ﻫﻴﺞ
ﻳﻌﻨﻲ ﻫﺬﺍ ﺍﻟﻬﻤﺞ
ﻟﺒﺲ ﻭﻣﻜﻴﺎﺝ ﻭﻃﻠﻌﻪ
ﻭﺍﻟﻠﻪ ﺍﺑﻘﻪ ﺑﺎﻟﻌﺒﺎﻳﻪ ﻭﻣﺎﺍﻧﺰﻋﻬﺎ ﻭﻻ ﻟﺤﻀﻪ ﺣﺘﻰ ﺑﺎﻟﻤﺤﺎﺿﺮﺍﺕ
ﻭﻭﺟﻬﻲ ﺍﺧﻠﻲ ﺻﺎﻓﻲ ﺍﻱ ﻣﻜﻴﺎﺝ ﻣﺎﺍﺧﻠﻲ
ﻭﺍﻛﻌﺪ ﺑﻮﺣﺪﻱ ﺣﺘﻰ ﺑﻨﺎﺕ ﻣﺎﺍﺻﺎﺩﻕ ﻭﻻ ﺍﺣﺠﻲ ﻭﻱ ﺍﻱ ﺑﺸﺮ
ﻭﻣﺎﺍﻟﺒﺲ ﺑﺲ ﺟﻮﺯﻱ ﻭﺍﺧﺘﺎﺭ ﻣﻮ ﺣﻠﻮﺍﺕ
ﻓﺪﻭﻩ ﺑﺲ ﺧﻠﻴﻨﻲ ﺍﺩﺍﻭﻡ
ﺍﻫﻢ ﺷﻲ ﺍﺧﺬ ﺷﻬﺎﺩﺗﻲ
ﺣﺮﺍﻣﺎﺕ
ﻟﻮ ﻉ ﻛﺺ ﺭﻛﺒﺘﻲ ﻣﺎﺍﺧﻠﻴﺞ ﺍﺩﺍﻭﻣﻴﻦ
ﻟﻌﺪ ﻃﻠﻜﻨﻲ
ﺍﻱ ﻋﺎﺩﻱ ﻫﺴﻪ ﺍﻧﺖ ﻓﺪ ﻗﻨﺪﺭﻩ ﺍﻃﻠﻜﺞ ﻫﻮ ﺍﻧﻲ ﺍﻟﻲ ﻣﺎﺍﺭﻳﺪﺝ
ﺳﺎﻋﺔ ﺍﻟﺴﻮﺩﻩ ﺍﻟﻌﺮﻓﺘﺞ ﺑﻴﻬﺎ
ﺑﺲ ﺍﻫﻢ ﺷﻲ ﺍﺑﻨﻲ
ﻟﻴﺶ ﺗﻠﺰﻣﻨﻲ ﻣﻦ ﺍﻻﻳﺪ ﺍﻟﺘﻮﺟﻌﻨﻲ
ﺧﻞ ﺗﺨﻠﺺ ﺍﻟﻤﻬﻤﻪ ﻭﺍﺭﺟﻊ
ﻭﻳﺼﻴﺮ ﺧﻴﺮ
ﺍﺧﺬﻩ ﻟﻨﻈﻮﺭﻱ
ﻋﺎﺩﻱ ﻣﺎﻋﻨﺪﻱ ﻣﺸﻜﻠﻪ
ﺍﻫﻢ ﺷﻲ ﻃﻠﻜﻨﻲ
ﻫﻴﺞ ﺻﺎﺭ ﺍﻟﺤﺠﻲ ﺯﻳﻨﺐ
ﺗﺘﺨﻠﻴﻦ ﻋﻦ ﺍﺑﻨﺞ ﻉ ﻣﻮﺩ ﺩﻭﺍﻣﺞ
ﺻﺎﺭ ﺗﺪﻟﻠﻴﻦ ﺯﻧﻮﺑﻪ ﻳﺼﻴﺮ ﺧﻴﺮ ﺍﺟﻲ ﻭﺍﻟﺘﺮﺩﻱ ﻳﺠﺮﺍﻟﺞ
ﺍﻟﺼﺮﺍﺣﻪ ﺍﻧﻲ ﺣﺠﻴﺖ ﻫﻴﺞ ﻉ ﻧﻈﻮﺭﻱ
ﻻﻥ ﻣﺘﺎﻛﺪﻩ ﻣﺎﻳﻜﺪﺭ ﻳﺨﻠﻲ
ﺍﺷﻮ ﺧﺎﻟﻪ ﺍﺩﺍﻭﻡ ﻭﺣﻨﺎﻥ ﻫﻤﻴﻦ
ﻳﻤﻦ ﻳﺨﻠﻲ
ﺍﻛﻴﺪ ﻳﺒﻘﻲ ﻳﻤﻲ
ﻗﺮﺭﺕ ﻻﺯﻡ ﺍﻃﻠﻚ ﺑﻌﺪ ﻣﺎﺍﺭﻳﺪﻩ
ﻻﻥ ﺍﻟﺼﺮﺍﺣﻪ ﺍﻧﺴﺎﻥ ﻫﻤﺠﻲ ﻣﻮ ﻣﺎﻟﺖ ﺗﻔﺎﻫﻢ
ﻋﺎﺋﻠﺘﻪ ﻛﻠﻬﺎ ﻋﺪﻫﻢ ﺩﻭﺍﻡ ﻭﻧﺎﺱ ﻣﺜﻘﻔﻴﻦ ﺑﺲ ﺍﻧﻲ ﻻ
ﺍﻧﺎﻧﻲ ﻳﺮﻳﺪﻧﻲ ﻣﺮﺑﻴﻪ ﻭﺧﺪﺍﻣﻪ
ﻭﺿﺤﻚ ﻋﻠﻴﻪ ﺍﺣﺒﺞ ﺍﺣﺒﺞ
ﻫﻤﺰﻳﻦ ﻛﺸﻔﺘﻪ ﻉ ﺣﻘﻴﻘﺘﻪ
ﺩﺯﻳﺘﻠﻪ ﻣﺴﺞ
ﺍﺭﻭﺡ ﻣﻦ ﺑﺎﺟﺮ ﻻﻫﻠﻲ
ﻫﻴﺞ ﻣﺘﻮﺍﺯﻳﻪ ﻉ ﺍﻟﺮﻭﺣﻪ
ﻻ ﺑﺲ ﺣﺘﻰ ﺍﺭﺗﺐ ﺍﻣﻮﺭﻱ ﻭﺍﺟﻴﺐ ﺍﻭﺭﺍﻗﻲ
ﺍﺩﻓﻊ ﻋﻤﺮﻱ ﻛﻠﻪ ﺛﻤﻦ ﻭﺍﻋﺮﻑ ﻣﻨﻮ ﺍﻟﻀﺤﻚ ﻋﻠﻴﺞ
ﺷﻨﻮ ﺍﻧﻲ ﻃﻔﻠﻪ ﻭﻳﻨﻀﺤﻚ ﻋﻠﻴﻪ
ﻻ ﻳﺎﺑﻪ ﻣﻮ ﻃﻔﻠﻪ
ﺛﻘﻲ ﺑﺎﻟﻠﻪ ﻭﺍﻟﺤﺴﻴﻦ ﺍﻟﻪ ﺍﺧﻠﻴﺞ ﺗﺘﻨﺪﻣﻴﻦ ﺯﻳﻨﺐ
ﻉ ﺷﻨﻮ ﺍﺗﻨﺪﻡ
ﺗﺮﻳﺪ ﺗﺤﺠﻲ ﻻﻫﻠﻲ ﻉ ﻣﺮﻭﺍﻥ
ﻋﺎﺩﻱ ﺍﺣﺠﻲ ﺍﻧﻲ ﻫﻢ ﻣﻠﻴﺖ ﻣﻦ ﻫﺬﺍ ﺍﻟﻬﻢ
ﻳﺎﺭﻳﺖ ﺗﺤﺠﻲ ﺑﻠﻜﻲ ﺍﻧﻘﺘﻞ ﻭﺍﺭﺗﺎﺡ ﻭﺍﺭﻳﺤﻜﻢ ﻣﻨﻲ
ﻻﻥ ﺍﻧﻲ ﻋﺎﺭ ﺣﺮﺍﻡ ﺍﻋﻴﺶ
ﺍﺗﺰﻭﺟﺖ ﺑﺎﻟﺴﺮ ﺑﺪﻭﻥ ﻋﻠﻢ ﺍﺣﺪ
ﻭﻫﺬﺍ ﺍﻟﻌﺎﺭ ﻻﺯﻣﻨﻲ ﺍﺭﻳﺪ ﺍﺭﺗﺎﺡ
ﻻﻥ ﺍﻛﻮ ﻧﺎﺱ ﺍﺑﺎﻟﻬﻢ ﻣﻦ ﺍﻃﻠﻊ ﺍﺭﻭﺡ ﺍﺻﺎﺩﻕ ﻭﺍﺧﻮﻥ
ﻳﺎﺑﻮﻳﻪ ﺍﺗﻤﻨﻰ ﻫﺬﺍ ﺍﻟﺤﺠﻲ ﺍﻟﻜﺎﻋﺪ ﺗﺤﺠﻲ ﻛﻮﻥ ﻛﺒﺎﻟﺞ ﺍﻧﻲ
ﺍﻟﻪ ﺍﺷﻮﻩ ﻭﺟﻬﺞ ﻭﺍﻟﻠﻪ
ﺗﺪﺭﻳﻦ ﺭﺍﺡ ﺍﻃﻠﻜﺞ ﻭﺑﺴﻬﻮﻟﻪ
ﻻﻥ ﺍﻧﻲ ﻣﻠﻴﺖ ﻣﻦ ﻋﻨﺎﺩﺝ
ﻭﺍﻧﻲ ﺍﺗﺨﺒﻞ ﻣﻦ ﺍﻟﻌﻨﺎﺩ ﺗﺪﺭﻳﻦ ﺑﻴﻪ
ﺑﺲ ﺭﺍﺡ ﺍﺩﻓﻌﺞ ﺍﻟﺜﻤﻦ ﻏﺎﻟﻲ ﻭﺍﻟﻠﻪ
ﺍﻟﺞ ﻣﻬﻠﻪ ﻣﻨﺎ ﻟﻤﻦ ﺍﺭﺟﻊ
ﺍﺫﺍ ﻟﻜﻴﺘﺞ ﺑﺎﻟﺒﻴﺖ ﻣﻮﺟﻮﺩﻩ ﻣﻌﻨﺎﻫﺎ ﻭﺧﺮﺗﻲ ﻓﻜﺮﺓ ﺍﻟﻄﻼﻙ ﻭﺍﻟﺪﺭﺍﺳﻪ ﻣﻨﺞ
ﺭﺍﺡ ﺍﺧﻠﻴﺞ ﻣﻠﻜﻪ ﻭﺍﺳﻌﺪ ﻭﺣﺪﻩ ﺑﺎﻟﺪﻧﻴﻪ
ﻭﻣﺮﺍﺡ ﺍﺧﻠﻴﺞ ﺗﺘﻨﺪﻣﻴﻦ ﻉ ﻗﺮﺍﺭﺝ ﻭﻋﺪ ﻣﻨﻲ ﺍﻱ ﺷﻲ ﺗﺮﺩﻳﻦ ﻣﻨﻲ ﺍﻧﻔﺬﻩ ﺍﻟﺞ
ﺍﻟﻰ ﺍﻟﺪﻭﺍﻡ ﻣﻤﻨﻮﻉ
ﺑﺲ ﺍﺫﺍ ﻟﻜﻴﺘﺞ ﻳﻢ ﺍﻫﻠﺞ ﻣﻌﻨﺎﻫﺎ ﺍﺧﺘﺎﺭﻳﺘﻲ ﺍﻟﺪﺭﺍﺳﻪ ﻭﻓﻀﻠﺘﻴﻬﺎ ﻉ ﺍﻟﺠﻬﺎﻝ ﻭﻋﻠﻴﻪ
ﻭﻫﺬﺍ ﺍﻟﺸﻲ ﻣﻌﻨﺎﻫﺎ ﻃﻼﻛﺞ ﺭﺍﺡ ﻳﻮﺻﻠﺞ
ﺑﺲ ﻭﺭﻭﺣﻪ ﻻﺧﻮﻳﻪ ﺍﻟﻪ ﺍﻧﺪﻣﺞ ﻭﺍﺧﻠﻴﺞ ﺗﺒﺠﻴﻦ ﺩﻡ
ﺍﻟﺼﺮﺍﺣﻪ ﺧﻔﺖ ﺣﻴﻞ ﻣﻦ ﺗﻬﺪﻳﺪﻩ ﻣﺎﺍﺧﻔﻲ ﻋﻠﻴﻜﻢ
ﺑﻘﻴﺖ ﺣﺎﻳﺮﻩ ﻣﺎﺍﻋﺮﻑ ﺷﺎﺳﻮﻱ
ﻣﺎﺍﻛﺪﺭ ﺍﺳﻮﻟﻒ ﻻﺣﺪ
ﻻﻥ ﺍﻟﺼﺮﺍﺣﻪ ﻣﺎﺍﺣﺐ ﺍﺳﻮﻟﻒ ﺍﺳﺮﺍﺭﻱ ﻻﺣﺪ
ﺑﻘﻴﺖ ﺑﺼﺮﺍﻉ ﻭﻱ ﻧﻔﺴﻲ
ﺍﻟﺼﺮﺍﺣﻪ ﻣﺎﺍﻛﺪﺭ ﺍﺗﻨﺎﺯﻝ ﻋﻦ ﺣﻘﻲ ﺑﺎﻟﺪﺭﺍﺳﻪ
ﺍﺭﻳﺪ ﺍﺣﺲ ﻧﻔﺴﻲ ﺍﻧﺴﺎﻧﻪ
ﺍﻟﻲ ﺣﻖ ﺍﻟﻘﺮﺍﺭ ﻭﺍﻻﺧﺘﻴﺎﺭ
ﻫﻮﺍﻱ ﺩﻓﻌﺖ ﺛﻤﻦ ﻣﻦ ﺣﻴﺎﺗﻲ
ﻣﺎﺍﻋﺮﻑ ﻋﻠﻴﻤﻦ ﺍﻋﺘﺐ
ﺍﻋﺘﺐ ﻉ ﻣﺮﻭﺍﻥ ﺍﻟﻲ ﺩﻣﺮ ﺣﻴﺎﺗﻲ
ﻟﻮ ﻣﻨﻄﻴﻨﻲ ﺳﻠﻔﻪ ﺟﺎﻥ ﻣﺴﺪﺩﻳﻬﺎ ﺍﻟﻬﺎ
ﻟﻮ ﺍﻋﺘﺐ ﻉ ﺑﺎﺑﺎ ﺍﻟﻲ ﻫﻮ ﺳﺒﺐ ﺩﻣﺎﺭﻧﺎ ﺍﻟﺤﻘﻴﻘﻲ ﻭﺧﺴﺮﻧﻪ ﺍﻣﻼﻛﻨﻪ
ﻟﻮ ﺍﻋﺘﺐ ﻉ ﺳﻴﻮﻓﻲ ﺍﻟﻲ ﺧﺬﻟﻨﻲ ﻭﻣﺎﺕ
ﻟﻮ ﺍﻋﺘﺐ ﻉ ﺍﻟﻮﻛﺖ ﺍﻟﻲ ﻭﻛﻒ ﺿﺪﻱ ﺑﻜﻠﺸﻲ
ﻟﻮ ﺍﻋﺘﺐ ﻉ ﻧﻔﺴﻲ ﺍﻟﻲ ﻗﺒﻠﺖ ﺑﺎﻟﻮﺿﻊ
ﺍﻛﺒﺮ ﻏﻠﻄﻪ ﺑﺤﻴﺎﺗﻲ ﺯﻭﺍﺟﻲ ﺑﺎﻟﺴﺮ
ﻫﻢ ﺍﻧﻲ ﻟﻮ ﻣﻨﺰﻟﺘﻪ ﻟﻠﻄﻔﻞ
ﻭﻫﺴﻪ ﺍﻧﻲ ﻋﺎﻳﺸﻪ ﻃﺒﻴﻌﻲ
ﻻ ﻭﻟﻮ ﻣﺎﺍﻋﻴﺶ ﻃﺒﻴﻌﻲ
ﻭﻫﺴﻪ ﺍﻧﻲ ﻛﺎﺗﻠﻪ ﻧﻈﻮﺭﻱ ﺑﻴﺪﻱ
ﻳﻤﻜﻦ ﻫﻮ ﺍﻟﻨﻔﺲ ﺍﻟﻲ ﺍﺗﻨﻔﺴﻪ
ﺍﻣﻮﺕ ﺑﺪﻭﻧﻪ
ﻫﻮ ﺍﻟﻮﺣﻴﺪ ﺍﻟﺤﻠﻮ ﺑﺤﻴﺎﺗﻲ ﻛﻠﻬﺎ
ﺻﺤﻴﺢ ﺿﺤﻴﺖ ﻫﻮﺍﻱ ﺑﺲ ﺭﺑﺤﺖ ﺣﺒﻴﺒﻲ ﻧﻈﻮﺭﻱ
ﺣﺘﻰ ﻧﻮﺭ ﺣﺒﻴﺘﻬﺎ ﻣﻦ ﻛﻞ ﻛﻠﺒﻲ
ﻭﺣﺴﻴﺘﻬﺎ ﺑﻤﻌﺰﺓ ﻧﻈﻮﺭﻱ
ﻛﻠﺖ ﺧﻞ ﺍﻓﻜﺮ ﻭﺍﺧﺬ ﻗﺮﺍﺭ ﻧﻬﺎﺋﻲ
ﻗﺒﻞ ﻻ ﻳﺠﻲ ﺑﻴﻮﻡ
ﺍﺟﻮﻱ ﺍﻣﻴﺮ ﻭﺯﻫﺮﺍﺀ ﻭﺟﺎﻧﻮﺍ ﺣﻴﻞ ﻓﺮﺣﺎﻧﻴﻦ
ﺭﺍﻭﺗﻨﻲ ﺍﻟﺼﻮﺭ ﻭﺟﺎﻳﺒﻴﻦ ﻫﺪﺍﻳﻪ ﻭﻳﺎﻫﻢ ﻛﻮﻣﻪ
ﻛﻠﺖ ﺧﻞ ﺍﺧﺬ ﺭﺍﻳﻲ ﺯﻫﺮﺍﺀ ﻭﺭﺳﻞ
ﺍﺣﺘﺎﺟﻴﺖ ﺍﺣﺠﻲ ﻭﻱ ﺷﺨﺺ
ﻓﻌﻼ ﻛﻌﺪﻧﻪ ﺑﺎﻟﺤﺪﻳﻘﻪ ﻭﺣﺠﻴﺘﻠﻬﻦ ﻛﻠﺸﻲ
ﻛﺎﻟﻦ ﺍﻫﻢ ﺷﻲ ﺍﻟﺸﻬﺎﺩﻩ ﻭﺍﻧﺖ ﻣﻮ ﺍﻱ ﺷﻬﺎﺩﻩ ﺣﺮﺍﻣﺎﺕ
ﺭﺳﻞ ﻛﺎﻟﺖ ﺍﻧﺼﺤﺞ ﻧﺼﻴﺤﻪ ﻟﺘﺮﻭﺣﻴﻦ ﻃﺐ
ﺭﻭﺣﻲ ﺻﻴﺪﻟﻪ ﺍﻓﻀﻞ ﻟﻠﺒﻨﻴﻪ
ﺍﻟﻄﺐ ﻟﻠﻤﺘﺰﻭﺟﻪ ﻓﺎﺷﻞ
ﺩﺭﺍﺳﻪ ﺻﻌﺒﻪ ﻭﻣﺴﺆﻟﻴﻪ
ﺯﻫﺮﺍﺀ ﻫﻢ ﺍﻳﺪﺗﻬﺎ
ﻛﺎﻟﺖ ﺭﻭﺣﻲ ﺻﻴﺪﻟﻪ ﺍﻓﻀﻞ
ﺍﻟﻄﺐ ﺣﻴﻞ ﺻﻌﺐ ﻭﻣﺴﺘﺤﻴﻞ ﺗﻮﻓﻘﻴﻦ ﺑﻴﻦ ﺍﻟﺪﺭﺍﺳﻪ ﻭﺍﻟﺒﻴﺖ
ﻭﻳﺠﻮﺯ ﻣﻴﻄﻠﻜﺞ
ﻣﺎﺍﻋﺘﻘﺪ ﻳﺴﺘﻐﻨﻲ ﻋﻨﻜﻢ ﺣﻴﺪﺭ
ﺑﺲ ﺍﻧﺖ ﺻﻤﻤﻲ
ﻉ ﻗﺮﺍﺭﺝ ﻣﻬﻤﺎ ﻛﺎﻧﺖ ﺍﻟﻌﻮﺍﻗﺐ
ﺧﻠﺺ ﻗﺮﺭﺕ ﻫﺎﻱ ﻫﻲ
ﻭﻳﻦ ﻣﺘﻮﺻﻞ ﺧﻞ ﺗﻮﺻﻞ
ﻭﺑﺎﻟﻨﺴﺒﻪ ﻟﻠﻄﺐ ﺍﻭ ﺍﻟﺼﻴﺪﻟﻪ ﺭﺍﺡ ﺍﺷﻮﻑ ﺍﻫﻠﻲ
ﺍﻛﻮ ﺧﻮﻑ ﺑﺪﺍﺧﻠﻲ ﻣﻦ ﺗﻬﺪﻳﺪﻩ
ﺑﺲ ﻣﺮﺍﺡ ﻳﻬﻤﻨﻲ ﻻﻥ ﺗﻌﺒﺖ ﻣﻦ ﺻﺪﻙ
ﻋﻔﺖ ﻛﻠﺸﻲ ﻣﺎﺍﺭﻳﺪ ﺍﺧﺬ ﺷﻲ ﻣﻦ ﺍﻟﻐﺮﻓﻪ
ﻧﺰﻋﺖ ﺍﻟﺤﻠﻘﻪ ﻭﺧﻠﻴﺘﻬﺎ ﺑﺎﻟﻌﻠﺒﻪ ﻭﻱ ﺍﻟﺬﻫﺐ
ﺧﻠﻴﺘﻬﻦ ﻉ ﺍﻟﻤﻴز
ﻋﻔﺖ ﻛﻞ ﻏﺮﺍﺿﻲ ﻣﺜﻞ ﻣﺎﺍﺟﻴﺖ ﺭﺍﺡ ﺍﻃﻠﻊ
ﺍﺧﺬﺕ ﻣﻼﺑﺲ ﻧﻈﻮﺭﻱ ﺍﻟﻤﻬﻤﻪ
ﻭﻣﻼﻋﻴﺒﻪ ﺍﻟﻲ ﻣﺴﺘﻌﺰ ﺑﻴﻬﻦ
ﻃﺒﻌﺎ ﻣﺎﺣﺠﻴﺖ ﻛﺪﺍﻡ ﺍﺣﺪ
ﻣﺤﺪ ﻳﺪﺭﻱ ﺑﺲ ﺭﺳﻞ ﻭﺯﻫﺮﺍﺀ
ﻛﻠﺖ ﻟﻌﻤﻮ ﻭﺧﺎﻟﻪ ﺭﺍﺡ ﺍﺭﻭﺡ ﻻﻫﻠﻲ
ﺑﺎﺑﺎ ﻳﻤﺮ ﻋﻠﻴﻪ
ﻟﻠﻌﺼﺮ ﺍﺟﺎﻧﻲ ﺑﺎﺑﺎ ﻭﺭﺣﺖ ﻭﻳﺎ
ﺍﺧﺬﺕ ﻧﻮﺭ ﻭﻛﻠﺖ ﻟﻤﻦ ﻳﺠﻲ ﻫﻮ ﻳﻤﺮ ﻋﻠﻴﻬﺎ ﻭﻳﺎﺧﺬﻫﺎ
ﺑﺎﻟﻠﻴﻞ ﻓﺘﺤﺖ ﺍﻟﻤﻮﺿﻮﻉ ﻭﻱ ﺍﻫﻠﻲ
ﻛﺘﻠﻬﻢ ﺍﺭﻳﺪ ﺍﻛﻤﻞ ﻭﺣﻴﺪﺭ ﻣﻌﺎﺭﺽ
ﺍﻧﻲ ﻃﻠﺒﺖ ﻣﻨﻪ ﺍﻟﻄﻼﻙ
ﺍﺗﺨﺒﻠﻮﺍ ﻣﺎﻣﺎ ﻭﺑﺎﺑﺎ
ﻛﺎﻟﻮ ﻣﻮ ﻋﺒﺎﻟﺞ ﻫﻴﻦ ﺍﻟﻄﻼﻙ
ﺑﻲ ﺩﻣﺎﺭ ﻭﻣﺤﺪ ﻳﺘﺎﺫﻩ ﺑﺲ ﺍﻻﻃﻔﺎﻝ
ﻛﺘﻠﻬﻢ ﺍﻧﻲ ﻣﺼﻤﻤﻪ ﺍﻟﻪ ﺍﻛﻤﻞ
ﻭﻫﻮ ﺭﺍﻓﺾ ﺭﻓﺾ ﻧﻬﺎﺋﻲ
ﺍﺣﻨﻪ ﻧﺘﻔﺎﻫﻢ ﻭﻳﺎ ﻭﻧﻘﻨﻌﻪ
ﻏﻠﻂ ﺗﺠﻴﻦ ﺑﻬﺎﻱ ﺍﻟﺼﻮﺭﻩ
ﺍﻟﻤﻔﺮﻭﺽ ﻟﻮ ﺍﺣﻨﻪ ﻧﺠﻴﺞ ﻟﻮ ﺍﻧﺘﻮ ﺗﺠﻮﻥ ﻭﻧﻔﺘﺢ ﺍﻟﻤﻮﺿﻮﻉ ﻭﻳﺎ
ﺑﺎﺑﺎ ﺣﻴﺪﺭ ﺍﻋﺮﻓﻪ ﻛﻠﺶ ﺯﻳﻦ ﻗﺎﻓﻞ ﻣﻴﻘﺒﻞ ﺍﺑﺪ ﺍﺩﺍﻭﻡ
ﻭﺍﻧﻲ ﺣﺮﺍﻣﺎﺕ ﺗﻌﺒﻲ ﻫﻴﺞ ﻳﺮﻭﺡ
ﺍﻧﺖ ﻋﻨﺪﺝ ﻋﻠﻢ ﻣﺘﻨﻘﺒﻠﻴﻦ ﺑﺎﻟﺤﻜﻮﻣﻲ
ﺍﻟﻰ ﺍﻫﻠﻲ
ﻻﻥ ﺻﺎﺭﻟﺞ 3 ﺳﻨﻮﺍﺕ ﻣﻦ ﺗﺮﻛﺘﻲ ﺍﻟﺪﺭﺍﺳﻪ
ﻣﻴﻬﻤﻨﻲ ﺍﻫﻢ ﺷﻲ ﺍﺭﻳﺪ ﺍﻛﻤﻞ
ﺣﺎﻭﻟﻮ ﻳﻘﻨﻌﻮﻧﻲ ﺍﺭﺟﻊ ﻣﻘﺒﻠﺖ
ﺑﻘﻴﺖ ﻛﺎﻋﺪﻩ ﻟﻠﺼﺒﺢ ﻣﺎﺍﻛﺪﺭ ﺍﻧﺎﻡ ﻣﻦ ﺍﻟﺘﻔﻜﻴﺮ
ﺍﺧﺎﻑ ﺍﻛﻮﻥ ﺍﺳﺘﻌﺠﻠﺖ ﺑﻘﺮﺍﺭﻱ ﻭﺻﺪﻙ ﺍﺗﻨﺪﻡ
ﻣﺎﺍﻋﺮﻑ
ﺍﺭﺍﻗﺐ ﺍﻟﻮﻗﺖ ﻫﺎ ﻫﺴﻪ ﻃﻠﻊ
ﻫﺴﻪ ﻭﺻﻞ ﻟﻬﻴﺞ ﻣﻜﺎﻥ
ﺻﺎﺭﺕ ﺏ 1 ﺍﻟﻰ ﺭﺑﻊ ﻫﺬﺍ ﻭﻗﺖ ﻭﺻﻮﻟﻪ
ﻫﺴﻪ ﻋﺮﻓﻨﻲ ﻋﻨﺪ ﺍﻫﻠﻲ
ﺑﻘﻴﺖ ﺍﻓﻜﺮ ﻟﺤﺪ ﻣﻨﻤﺖ
ﻭﺭﻩ ﺷﻮﻳﻪ ﻛﻌﺪﻭﺍ ﺍﻟﺠﻬﺎﻝ
ﻛﻌﺪﺕ ﻛﺒﻞ ﻋﻴﻨﻲ ﻉ ﺍﻟﺠﻬﺎﺯ
ﺧﺎﻑ ﻣﺮﺍﺳﻠﻨﻲ ﻣﺨﺎﺑﺮﻧﻲ
ﺑﺲ ﻣﺎﻛﻮ ﻫﺪﻭﺀ
ﻟﻠﻌﺼﺮ ﻧﻔﺲ ﺍﻟﻬﺪﻭﺀ
ﻟﻠﻴﻞ ﻛﺬﻟﻚ
ﺍﻛﻴﺪ ﻫﺬﺍ ﺍﻟﻬﺪﻭﺀ ﺍﻟﻲ ﻳﺴﺒﻖ ﺍﻟﻌﺎﺻﻔﻪ
ﺛﺎﻧﻲ ﻳﻮﻡ ﻛﺬﻟﻚ
ﺛﺎﻟﺚ ﻳﻮﻡ ﺍﺟﻪ ﻋﻤﻮ ﻭﺧﺎﻟﻪ
ﻭﻃﻠﺒﻮﺍ ﻣﻨﻲ ﺍﻏﻴﺮ ﺭﺍﻳﻲ ﻣﻘﺒﻠﺖ
ﻛﺘﻠﻬﻢ ﺍﻧﻲ ﻣﺼﻤﻤﻪ ﺍﺭﻳﺪ ﺍﻛﻤﻞ ﺩﺭﺍﺳﺘﻲ
ﻃﻠﺒﻮﺍ ﻣﻦ ﻧﻮﺭ ﺗﺮﻭﺡ ﻭﻳﺎﻫﻢ ﺣﺘﻰ ﻳﺸﻮﻓﻬﺎ ﺍﺑﻮﻫﺎ
ﺭﺍﺣﻮﺍ ﻭﺍﺧﺬﻭﺍ ﻧﻮﺭ
ﻟﻠﻴﻞ ﺍﺟﺘﻨﻲ ﺭﻗﻴﻪ ﻛﺎﻟﺖ ﺣﻴﺪﺭ ﺟﻮﻩ ﻭﻳﺮﻳﺪﺝ
ﻟﺰﻣﺖ ﻛﻠﺒﻲ
ﻭﺣﻴﻞ ﺧﻔﺖ ﻳﺎﺭﺑﻲ ﺳﺎﻋﺪﻧﻲ
ﺧﻠﻴﻨﻲ ﻗﻮﻳﻪ ﺍﺩﺭﻱ ﺑﺸﺨﺼﻴﺘﻲ ﺿﻌﻴﻔﻪ ﺍﻣﺎﻣﻪ
ﺑﺲ ﻻﺯﻡ ﺍﺻﻴﺮ ﻗﻮﻳﻪ
ﻧﺰﻟﺖ ﻭﺟﺎﻥ ﺑﺎﺑﺎ ﻭﻣﺎﻣﺎ ﻛﺎﻋﺪﻳﻦ
ﺳﻠﻤﺖ ﺭﺩ ﺍﻟﺴﻼﻡ ﻣﻦ ﻭﺭﻩ ﺧﺸﻤﻪ ﻭﻻ ﺑﺎﻭﻉ ﺑﻮﺟﻬﻲ ﺍﺑﺪ
ﻛﺎﻝ ﺑﺎﺑﺎ ﺍﺗﺮﻛﻢ ﺗﺎﺧﺬﻭﻥ ﺭﺍﺣﺘﻜﻢ
ﻻﺯﻡ ﻭﺍﺣﺪ ﻣﻨﻜﻢ ﻳﻘﺪﻡ ﺗﻀﺤﻴﻪ ﻟﻠﺜﺎﻧﻲ
ﻣﻴﺼﻴﺮ ﻫﻴﺞ ﺗﻌﺎﻧﺪﻭﻥ ﺍﺛﻨﻴﻨﻜﻢ
ﻭﻟﺘﻨﺴﻮﻥ ﺍﻟﻄﻼﻙ ﻣﻮ ﻫﻴﻦ ﺍﺑﺪ
ﺍﻛﻮ ﺍﻃﻔﺎﻝ ﺭﺍﺡ ﺗﺘﺎﺫﻩ ﻣﻦ ﻗﺮﺍﺭﻛﻢ
ﻋﺎﻓﻮﻧﻪ ﻭﻃﻠﻌﻮﺍ
ﻣﺨﻠﻲ ﻧﻈﻮﺭﻱ ﺑﺤﻀﻨﻪ ﺍﺑﺪ ﻭﻻ ﻳﺒﺎﻭﻉ ﻋﻠﻴﻪ
ﺑﻌﺪﻳﻦ ﺣﺠﻪ ﻭﻋﻴﻨﻪ ﻉ ﻧﻈﻮﺭﻱ
ﺍﻱ ﺯﻳﻨﺐ ﻗﺮﺭﺗﻲ ﻭﺍﻧﺘﻪ ﻛﻠﺸﻲ
ﺑﻬﺎﻟﺴﻬﻮﻟﻪ ﻋﻔﺘﻲ ﺍﻟﺒﻴﺖ
ﻻ ﺑﺎﻟﻌﻜﺲ ﻣﻮ ﺑﺴﻬﻮﻟﻪ ﺑﺲ ﺍﻧﺖ ﺍﻟﻲ ﻣﻨﻄﻴﺘﻨﻲ ﺧﻴﺎﺭ ﺛﺎﻧﻲ
ﺍﻟﺘﻔﺖ ﻋﻠﻴﻪ ﺭﺍﺡ ﺍﻧﻄﻴﺞ ﻓﺮﺻﻪ ﺍﺧﻴﺮﻩ
ﻟﺨﺎﻃﺮ ﻧﻈﻮﺭﻱ ﻭﻧﻮﺭ ﺍﻟﻲ ﺭﺍﺡ ﻳﺘﻌﺬﺑﻮﻥ
ﺍﺭﺟﻌﻲ ﻭﻳﺎﻳﻪ ﻭﺍﻧﺴﻲ ﺍﻟﺪﺭﺍﺳﻪ
ﺍﻋﺬﺭﻧﻲ ﻣﺎﺍﻛﺪﺭ ﺍﺗﺨﻠﻰ ﻋﻦ ﺩﺭﺍﺳﺘﻲ
ﻓﺪﻭﻩ ﺍﺭﻭﺣﻠﻚ ﻭﺍﻓﻖ ﻭﺍﻱ ﺷﺮﻁ ﺗﺸﺮﻃﻪ ﻋﻠﻴﻪ ﺭﺍﺡ ﺍﻭﺍﻓﻖ ﻋﻠﻲ
ﻣﺴﺘﺤﻴﻞ ﺍﻗﺒﻞ
ﻟﻌﺪ ﺍﻧﻲ ﻫﻢ ﻣﺎﺍﻏﻴﺮ ﺭﺍﻳﻲ
ﻫﺬﺍ ﺍﺧﺮ ﻗﺮﺍﺭ
ﺍﻱ ﺍﺧﺮ ﻗﺮﺍﺭ
ﺑﻌﺪ ﻣﺎﻋﻠﻴﻪ ﻋﺘﺐ
ﻋﺎﻓﻨﻲ ﻭﻃﻠﻊ
ﺳﺎﻟﻮﻧﻲ ﺍﻫﻠﻲ
ﻛﺘﻠﻬﻢ ﺍﻟﺼﺎﺭ
ﺑﻘﻮﺍ ﻳﺤﺠﻮﻥ ﻋﻠﻴﻪ
ﻛﺘﻠﻬﻢ ﻫﺬﺍ ﻣﺼﻴﺮﻱ ﺍﻧﻲ ﻭﺍﻧﻲ ﺍﺗﺤﻤﻞ ﺍﻟﻌﻮﺍﻗﺐ
ﺩﺭﺍﺳﺘﻲ ﺍﻛﻤﻠﻬﺎ ﻟﻮ ﺷﻴﺼﻴﺮ
ﺛﺎﻧﻲ ﻳﻮﻡ ﺍﺗﻔﺎﺟﺄﺕ ﺑﻮﺭﻗﺔ ﻃﻼﻛﻲ ﻣﻦ ﺍﻟﺴﻴﺪ
ﻣﺘﻮﻗﻌﺘﻪ ﺑﻬﺎﻱ ﺍﻟﺴﻬﻮﻟﻪ ﻭﺑﻬﺎﻱ ﺍﻟﺴﺮﻋﻪ ﺭﺍﺡ ﻳﻄﻠﻜﻨﻲ
ﺍﺟﺬﺏ ﻋﻠﻴﻜﻢ ﺍﺫﺍ ﺍﻛﻠﻜﻢ ﻓﺮﺣﺖ
ﻻ ﺑﺎﻟﻌﻜﺲ ﺣﻴﻞ ﺿﺠﺖ ﻭﺑﺠﻴﺖ ﻣﻦ ﻛﻞ ﻛﻠﺒﻲ
ﻳﻌﻨﻲ ﻃﻠﻊ ﺣﺠﻪ ﻛﻠﻪ ﺟﺬﺏ ﺍﺑﺪ ﻣﻴﺤﺒﻨﻲ
ﻭﻻ ﻳﺮﻳﺪﻧﻲ
ﺣﺎﺳﺒﻨﻲ ﺧﺪﺍﻣﻪ ﻭﻣﺮﺑﻴﻪ ﻓﻘﻂ
ﺟﻨﺖ ﺍﺗﻤﻨﻰ ﻳﺨﻠﻴﻨﻲ ﺍﻛﻤﻞ
ﺟﺎﻥ ﻋﺸﺖ ﻭﻳﺎ ﺍﺟﻤﻞ ﺍﻳﺎﻡ
ﻻﻥ ﺍﺑﻨﻲ ﻣﺎﺍﺭﻳﺪﻩ ﻳﻌﻴﺶ ﺑﺪﻭﻥ ﺍﺏ
ﻣﺎﺍﻛﺪﺭ ﺍﺗﻨﺎﺯﻝ ﻋﻨﻪ ﻭﻻ ﺍﻛﺪﺭ ﺍﺭﺑﻲ ﺑﺪﻭﻥ ﺍﺏ
ﺑﺎﺑﺎ ﻛﻠﻲ ﺍﻧﺖ ﺗﺘﺤﻤﻠﻴﻦ ﺍﻟﻌﻮﺍﻗﺐ ﻭﺣﺘﻰ ﺍﺫﺍ ﺍﺧﺬ ﺍﺑﻨﻪ ﻣﺘﺤﺠﻴﻦ
ﺳﻜﺘﺖ
ﺍﺟﻮﻱ ﺑﺎﻟﻠﻴﻞ ﺧﺎﻟﻪ ﻭﻋﻤﻮ ﻣﺘﺨﺒﻠﻴﻦ
ﺍﻛﻴﺪ ﻋﺮﻓﻮﺍ ﺑﺎﻟﻄﻼﻙ
ﺍﻟﻜﻞ ﻻﻣﻨﻲ ﺍﻧﻲ
ﺍﻫﻠﻲ ﻭﺍﻫﻠﻪ
ﻣﺤﺪ ﻓﻜﺮ ﺑﻴﻪ ﻭﺑﻠﻲ ﻋﺎﻳﺸﺘﻪ
ﺟﺎﻳﺒﻴﻦ ﺍﻟﺬﻫﺐ ﻭ 10 ﻣﻼﻳﻴﻦ ﺍﻟﻐﺎﻳﺐ ﺍﻟﻲ ﻣﺨﻠﻴﻬﻦ
ﻫﻮ ﺩﺍﺯﻫﻦ
ﻭﻛﺎﻝ ﺑﺎﻱ ﻭﻗﺖ ﺗﺠﻲ ﺗﺎﺧﺬ ﺍﻟﻐﺮﻓﻪ ﻭﻛﻠﺸﻲ ﻳﺨﺼﻬﺎ
ﻣﺎﻗﺒﻠﺖ ﺍﺧﺬﻫﻦ ﺍﺑﺪ
ﻣﺎﺍﺭﻳﺪ ﺍﻱ ﺷﻲ ﻣﻨﻪ ﺍﻧﻲ ﻣﺘﻨﺎﺯﻟﻪ ﻋﻦ ﻛﻠﺸﻲ
ﻣﺎﻗﺒﻠﻮﺍ ﻋﻤﻮ ﻭﺧﺎﻟﻪ
ﻛﺘﻠﻬﻢ ﻭﺍﻟﻠﻪ ﻭﺩﺍﻋﺖ ﺍﺑﻨﻲ ﻣﺎﺍﺧﺬﻫﻦ ﻟﻮ ﻉ ﻛﺺ ﺭﻛﺒﺘﻲ
ﺭﺍﺣﻮﺍ ﺣﺎﻟﺘﻲ ﺍﻟﻨﻔﺴﻴﻪ ﺯﻓﺖ
ﺟﻨﺖ ﺍﺗﻮﻗﻊ ﻣﻦ ﺍﻃﻠﻚ ﺍﺧﺬ ﺭﺍﺣﺘﻲ ﺍﻃﻠﻊ ﻭﺍﻣﺸﻲ
ﺑﺲ ﺻﺎﺭ ﺍﻟﻌﻜﺲ
ﻋﻤﺎﻣﻲ ﺍﻟﻜﻞ ﻋﺮﻑ ﺑﻄﻼﻛﻲ ﺑﺎﺑﺎ ﺧﺒﺮﻫﻢ
ﺩﺯﻟﻲ ﺭﺳﺎﻟﻪ ﻟﻴﺶ ﻣﺎﺍﺧﺬﺗﻲ ﺣﻘﺞ
ﻋﺒﺎﻟﺞ ﺍﻛﻮﻝ ﺧﻄﻴﻪ ﻣﺎﺑﺤﺎﻝ ﺍﻟﻔﻠﻮﺱ
ﻏﺼﺒﺎ ﻣﺎﻋﻠﻴﺞ ﺗﺎﺧﺬﻳﻬﻦ ﻭﺣﺘﻰ ﺍﻟﻐﺮﻓﻪ ﺗﺠﻴﻦ ﺗﺎﺧﺬﻳﻬﺎ
ﻻ ﺍﻛﺴﺮﻫﺎ ﻭﺍﺫﺑﻬﺎ ﺑﺎﻟﺸﺎﺭﻉ
ﻣﺎﺍﺭﻳﺪ ﻳﺒﻘﻰ ﺑﺎﻟﺒﻴﺖ ﺍﻱ ﺍﺛﺮ ﻣﻨﺞ
ﻣﻴﻬﻤﻨﻲ ﺗﻜﺴﺮﻫﺎ ﺗﺬﺑﻬﺎ
ﻣﺎﺍﺭﻳﺪ ﺍﻱ ﺷﻲ ﻣﻨﻚ
ﻣﺜﻞ ﻣﺎﺍﺟﻴﺖ ﻃﻠﻌﺖ
ﻭﻟﺘﻨﺴﻰ ﺍﻧﻲ ﺣﻘﻲ ﻣﺎﺧﺬﺗﻪ ﻣﻦ ﺍﻟﺒﺪﺍﻳﻪ
ﺍﻝ 15 ﻣﻠﻴﻮﻥ
ﺍﻫﺎ ﺑﻬﺎﻱ ﻭﻳﺎﺝ ﺣﻖ ﺍﺧﺬﺗﻲ ﺣﻘﺞ ﻟﻜﺪﺍﻡ ﺑﺲ ﻣﻦ ﺍﺧﻮﻳﻪ
ﻭﻫﺬﺍ ﺣﻘﺞ ﻣﻨﻲ
ﺑﺲ ﻣﺎﺍﺭﻳﺪ ﺍﻱ ﺷﻲ ﻣﻨﻚ
ﻣﺘﻬﻤﻨﻲ ﺍﻟﻔﻠﻮﺱ ﻭﻻﺗﻬﻤﻨﻲ ﺍﻟﻐﺮﻓﻪ
ﻟﻌﺪ ﺷﺘﻬﻤﺞ ﺍﻟﺪﺭﺍﺳﻪ
ﺩﺭﺍﺳﺘﻲ ﺗﻬﻤﻨﻲ ﺍﻛﻴﺪ
ﺗﺨﻠﻴﻨﻲ ﺍﺣﺲ ﺑﻘﻴﻤﺘﻲ
ﻣﺘﺨﻠﻴﻨﻲ ﻣﺠﺮﺩ ﺧﺪﺍﻣﻪ ﻭﻣﺮﺑﻴﻪ
ﻋﻮﻓﻴﻨﻲ ﻣﻦ ﻫﺬﺍ ﺍﻟﺤﺠﻲ ﺍﻟﺘﻌﺒﺎﻥ
ﻃﻼﻙ ﻣﺤﻜﻤﻪ ﻣﺮﺍﺡ ﺍﻃﻠﻚ
ﺑﻴﻮﻡ ﺍﻟﻲ ﺍﻃﻠﻜﺞ ﺍﺧﺬ ﻧﻈﻮﺭﻱ ﻭﺑﻌﺪ ﻣﺘﺸﻮﻓﻴﻨﻪ ﺍﻟﻰ ﺣﺴﺐ ﺍﻟﻮﻗﺖ
ﺍﻟﻲ ﻳﺤﻜﻤﻪ ﺍﻟﻘﺎﻧﻮﻥ
ﻭﻫﺬﺍ ﺍﻟﺸﻲ ﺭﺍﺡ ﻳﺮﺟﻊ ﺍﻟﺞ ﺑﺎﻱ ﻳﻮﻡ ﻳﻌﺠﺒﺞ ﺍﻃﻠﻜﺞ
ﺑﺲ ﺧﺒﺮﻳﻨﻲ ﻗﺒﻞ ﻳﻮﻡ
ﺣﺘﻰ ﺗﺸﻮﻓﻴﻦ ﺣﻴﺎﺗﺞ ﻭﺗﺘﺰﻭﺟﻴﻦ ﺍﻻﺣﺴﻦ ﻣﻨﻲ
ﺍﺫﺍ ﻫﻴﺞ ﺍﻟﺤﺠﻲ
ﺧﻠﻴﻨﻲ ﻣﺪﻯ ﺍﻟﻌﻤﺮ ﺯﻭﺟﺘﻚ ﺑﺎﻟﻘﺎﻧﻮﻥ
ﻻﻥ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ﺍﻓﻜﺮ ﺑﺎﻟﺰﻭﺍﺝ ﻭﺍﺗﺨﻠﻰ ﻋﻦ ﺍﺑﻨﻲ
ﻋﻨﺪﻱ ﺍﺑﻨﻲ ﻳﺴﻮﻯ ﺍﻟﺪﻧﻴﺎ ﻭﻣﺎﺑﻴﻬﺎ
ﻳﺎﺯﻭﺍﺝ ﻳﺎﺑﻄﺮﻳﻖ
ﻭﻟﺘﻨﺴﻰ ﺍﻧﺖ ﻭﺍﺧﻮﻙ ﺍﻟﻠﻪ ﻳﺮﺣﻤﻪ ﺧﻠﻴﺘﻮﻧﻲ ﺍﻛﺮﻩ ﺍﻟﺰﻭﺍﺝ ﻛﻠﻪ
ﺑﺎﻱ ﻭﻗﺖ ﺍﻟﻲ ﺣﻖ ﺍﺟﻲ ﺍﺷﻮﻑ ﺍﺑﻨﻲ
ﻭﺑﺎﻱ ﻭﻗﺖ ﺍﻟﻲ ﺣﻖ ﺍﺑﻴﺘﻪ ﻳﻤﻲ
ﺍﻭﻙ ﺍﺗﻔﻘﻨﻪ
ﻭﻧﻮﺭ
ﻧﻮﺭ ﺷﺪﺧﻠﺞ ﺑﻴﻬﺎ
ﻧﻮﺭ ﻫﻢ ﺑﻨﺘﻲ ﻭﻣﺎﺍﻛﺪﺭ ﺍﺳﺘﻐﻨﻲ ﻋﻨﻬﺎ ﻭﻻ ﻫﻲ ﺗﺴﺘﻐﻨﻲ ﻋﻨﻲ
ﻧﻮﺭ ﻣﻌﻠﻴﺞ ﺑﻴﻬﺎ ﻭﺗﻨﺴﻴﻨﻬﺎ ﻧﻬﺎﺋﻲ
ﻭﻳﻠﻪ ﻧﻌﺴﺎﻥ ﻣﺎﺑﻴﻪ ﺣﻴﻞ ﺍﻛﺘﺐ ﺑﻌﺪ
ﺧﻞ ﻳﻜﻮﻥ ﺑﻌﻠﻤﺞ ﻟﻮ ﻣﻮﺍﻓﻘﻪ ﻭﺭﺍﺟﻌﻪ ﻭﻳﺎﻳﻪ ﺟﺎﻥ ﺧﻠﻴﺘﺞ ﺍﺩﺭﺳﻴﻦ
ﺑﺲ ﺍﺣﺐ ﺍﻛﻠﺞ ﺍﻧﺖ ﺍﻟﺨﺴﺮﺍﻧﻪ
ﻭﺣﺒﻴﺖ ﺍﺧﺘﺒﺮﺝ ﺑﺲ ﻟﻼﺳﻒ ﻓﺸﻠﺘﻲ ﺑﺎﻻﺧﺘﺒﺎﺭ
ﻋﺒﺎﻟﻲ ﺗﻔﻀﻠﻴﻨﻪ ﻉ ﺩﺭﺍﺳﺘﺞ ﺑﺲ ﻃﻠﻌﺖ ﻣﺘﻮﻫﻢ
ﺣﻴﺪﺭ : ﺍﺗﺨﺒﻠﺖ ﻣﻦ ﺣﺠﺖ ﻭﻳﺎﻱ ﺑﺎﻟﺮﺳﺎﺋﻞ
ﻭﻛﻞ ﺣﺠﺎﻳﻪ ﻭﻛﺎﻟﺖ ﻃﻠﻜﻨﻲ
ﻭﺍﻟﻠﻪ ﻟﻮ ﻳﻤﻬﺎ ﺍﻧﻲ ﺟﺎﻥ ﺍﺭﺗﻜﺒﺖ ﺑﺤﻘﻬﺎ ﺟﺮﻳﻤﻪ
ﺍﻧﻄﻴﺘﻬﺎ ﻣﻬﻠﻪ ﻟﺤﺪ ﻣﺎﺍﺭﺟﻊ
ﻭﺟﺎﻥ ﺍﻣﻠﻲ ﺟﺒﻴﺮ ﺭﺍﺡ ﺍﺭﺟﻊ ﻭﺍﻟﻜﻴﻬﺎ ﻛﺒﺎﻟﻲ
ﺻﺤﻴﺢ ﺍﻧﻲ ﻫﺪﺩﺗﻬﺎ ﺑﺲ ﻣﺎﺍﻛﺪﺭ ﺍﺍﺫﻳﻬﺎ
ﺭﺩﺕ ﺑﺲ ﺍﺧﻮﻓﻬﺎ
ﻃﺒﻌﺎ ﺳﺮﻫﺎ ﻃﻤﻴﺘﻪ ﺟﻮﻩ ﺍﻟﺘﺮﺍﺏ
ﻣﺴﺘﺤﻴﻞ ﻳﻄﻠﻊ ﺑﻴﻮﻡ
ﺟﻨﺖ ﺑﻴﻦ ﺍﻟﻤﺘﻠﻬﻒ ﺍﺭﺟﻊ ﻭﺑﻴﻦ ﺍﻟﺨﺎﻳﻒ
ﻭﺻﻠﺖ ﻟﻠﺒﻴﺖ ﻭﻣﻦ ﻣﺎﻟﻜﻴﺘﻬﺎ ﻋﺮﻓﺘﻬﺎ ﺭﺍﻳﺤﻪ
ﺭﺣﺖ ﻛﺒﻞ ﻻﻣﻲ ﺣﻴﻞ ﻣﺸﺘﺎﻗﻠﻬﺎ
ﺫﺑﻴﺖ ﻧﻔﺴﻲ ﻋﻠﻴﻬﺎ ﻭﺑﻮﺳﺘﻬﺎ ﻣﻦ ﻛﻞ ﻣﻜﺎﻥ
ﻭﺭﺟﻌﺖ ﻻﺑﻮﻳﻪ ﻫﻤﻴﻦ
ﺳﺎﻟﺘﻬﻢ ﺯﻳﻨﺐ ﻋﻨﺪ ﺍﻫﻠﻬﺎ
ﻛﺎﻟﻮ ﺍﻱ
ﺍﺟﻪ ﺍﻣﻴﺮ ﺍﻟﺜﺎﻧﻲ ﻫﻢ ﺣﻴﻞ ﻣﺸﺘﺎﻗﻠﻪ
ﻭﻣﺤﻤﺪ ﻛﺬﻟﻚ
ﺍﻟﻴﻮﻡ ﺻﺎﺩﻑ ﺟﻤﻌﻪ
ﺭﺣﺖ ﻟﻠﺒﻴﺖ ﻭﻫﺎﻱ ﻧﺎﻳﻤﻪ ﻭﻻﺟﻨﻬﺎ
ﻋﻔﺘﻬﺎ ﻣﺎﺍﻟﻲ ﺧﻠﻜﻬﺎ ﺍﺑﺪ
ﻳﻤﻜﻦ ﺍﻗﻞ ﺷﻲ ﺍﻧﻔﺠﺮ ﺑﻴﻬﺎ
ﺩﺧﻠﺖ ﺳﺒﺤﺖ
ﻭﻃﻠﻌﺖ
ﺭﻏﻢ ﻣﺎﺣﻴﻞ ﺟﻮﻋﺎﻥ ﺑﺲ ﻣﺎﺍﻛﻠﺖ
ﻻﻥ ﺣﻴﻞ ﺿﺎﻳﺞ
ﻛﻌﺪﺕ ﺣﻨﺎﻥ ﻭﺍﺣﻨﻪ ﻧﺸﺮﺏ ﺟﺎﻱ
ﺣﺘﻰ ﺳﻼﻡ ﻣﺜﻞ ﺍﻟﺒﺸﺮ ﻣﺴﻠﻤﺖ
ﺑﺎﻟﺠﺬﺏ ﺣﻤﺪ ﻟﻠﻪ ﻉ ﺍﻟﺴﻼﻣﻪ ﻣﺎﻛﻮ
ﻛﺒﻞ ﻫﺎﻱ ﺷﻮﻛﺖ ﺍﺟﻴﺖ
ﻣﻦ ﺯﻣﺎﻥ
ﻛﻤﻠﺖ ﻭﺭﺣﺖ ﺍﺗﻤﺪﺩ ﺑﺎﻟﻐﺮﻓﻪ
ﺍﺟﺘﻲ ﺷﺒﻜﺘﻨﻲ
ﻫﻨﻴﺎﻧﻲ ﻋﻠﻴﺞ ﺍﻱ ﻭﺍﻟﻠﻪ
ﺣﺒﻴﺒﻲ ﺣﻴﻞ ﻣﺸﺘﺎﻗﺘﻠﻚ
ﻣﺒﻴﻦ ﻣﻮ ﻟﻜﻴﺘﺞ ﻛﺎﻋﺪﻩ ﻭﻣﻨﺘﻈﺮﺗﻨﻲ ﻭﻣﺠﻬﺰﻩ ﺍﻟﺤﻤﺎﻡ
ﻫﻮ ﺍﻧﻲ ﺟﻨﺖ ﻣﻨﺘﻈﺮﻩ ﺑﺲ ﻣﺪﺭﻱ ﺷﻠﻮﻥ ﻧﻤﺖ
ﺍﻱ ﻣﺒﻴﻦ ﻋﻠﻴﺞ ﺗﻌﺒﺎﻧﻪ ﺧﻄﻴﻪ
ﺍﻱ ﺍﻟﻠﻪ ﺻﺎﺭﻟﻲ ﻳﻮﻣﻴﻦ ﺍﺭﺗﺐ ﺍﻟﺒﻴﺖ
ﺑﺎﻭﻋﺖ ﺑﻄﺮﻑ ﻋﻴﻨﻲ ﻟﻠﺒﻴﺖ
ﺍﻱ ﻭﺍﺿﺢ ﺧﻄﻴﻪ ﺣﻴﻞ ﺗﻌﺒﺎﻧﻪ
ﻉ ﻣﻮﺩﻙ ﻏﻴﺮ
ﺍﺿﺤﻚ ﻋﻠﻴﻬﺎ ﺑﺪﺍﺧﻠﻲ
ﺍﻛﻮﻝ ﺯﻳﻨﺐ ﻋﻔﺘﻬﺎ ﺳﺎﻋﻪ ﻟﻜﻴﺖ ﺍﻟﺒﻴﺖ ﻳﺨﺒﻞ
ﻭﻫﺎﻱ ﻳﻮﻣﻴﻦ ﻭﺍﻱ ﺗﻐﻴﺮ ﻣﺎﻛﻮ
ﻛﺘﻠﻬﺎ ﻣﺎﺗﻜﻌﺪﻳﻨﻲ ﻟﻮ ﺷﻴﺼﻴﺮ
ﺑﻘﻴﺖ ﻧﺎﻳﻢ ﻟﺜﺎﻧﻲ ﻳﻮﻡ
ﻻﻥ ﺟﻨﺖ ﺣﻴﻞ ﺗﻌﺒﺎﻥ ﻧﻔﺴﻴﺎ ﻭﺟﺴﺪﻳﺎ
ﺛﺎﻧﻲ ﻳﻮﻡ ﺭﺣﺖ ﻟﻠﺤﻼﻕ ﺯﻳﻨﺖ
ﻭﺍﻟﻌﺼﺮ ﺭﺣﺖ ﻳﻢ ﺟﻤﺎﻋﺘﻲ ﺍﺗﻌﺸﻴﻨﻪ ﻭﺷﺮﺑﺖ ﻟﻤﻦ ﺳﻜﺮﺕ
ﻭﺍﺗﻘﺮﺑﺖ ﻟﻮﺣﺪﻩ ﺑﺪﻭﻥ ﻣﺎﺍﻧﺘﺒﻪ ﻻﻥ ﺿﻌﻔﺖ
ﺟﻨﺖ ﻣﺤﺘﺎﺝ ﺍﻧﺴﻰ
ﺑﻌﺪﻫﺎ ﺭﺟﻌﺖ ﺳﻜﺮﺍﻥ
ﺩﺧﻠﺖ ﻭﻫﺎﻱ ﺍﻟﺜﻮﻟﻪ ﻓﻀﺤﺘﻨﻲ
ﻛﺎﻣﺖ ﺗﺼﻴﺢ
ﺷﻨﻮ ﺟﺎﻱ ﺳﻜﺮﺍﻥ
ﺭﺩﺕ ﺍﺳﺪ ﺣﻠﻜﻬﺎ ﻭﻛﺎﻣﺖ ﺗﺼﻴﺢ
ﺍﺟﻮﻱ ﻣﺤﻤﺪ ﻭﺍﻣﻴﺮ ﻉ ﺍﻟﺼﻮﺕ
ﺷﺎﻓﻮﻧﻲ ﺳﻜﺮﺍﻥ
ﺍﺗﺨﺒﻠﻮ
ﺍﻧﻲ ﺻﺤﻴﺢ ﺟﻨﺖ ﺍﺷﺮﺏ ﺑﺲ ﻣﺎﺍﺳﻜﺮ ﺍﺑﺪ
ﻟﻬﺬﺍ ﺍﻟﺴﺒﺐ ﻣﺤﺪ ﺣﺲ ﺑﻴﻪ
ﺑﺲ ﺍﻟﻴﻮﻡ ﺍﻭﻝ ﻣﺮﻩ ﻳﻌﺮﻓﻮﻥ ﺑﻴﻪ ﺍﺷﺮﺏ
ﻛﺎﻣﻮ ﻳﺤﺠﻮﻥ ﻋﻠﻴﻪ
ﺍﺑﻮﻳﻪ ﺿﺮﺑﻨﻲ ﺭﺍﺟﺪﻱ
ﻣﺤﻤﺪ ﻟﻌﺐ ﺑﻴﻪ ﻃﻮﺑﻪ
ﺟﺮﻭﻧﻲ ﻟﻠﻤﻐﺴﻠﻪ ﻏﺴﻠﻮ ﺭﺍﺳﻲ
ﺻﺤﻴﺖ ﺑﺲ ﻣﻮ ﻛﻠﺶ
ﺭﺣﺖ ﺳﺒﺤﺖ ﻭﻃﻠﻌﺖ
ﻟﻜﻴﺘﻬﻢ ﻛﻠﻬﻢ ﻣﻨﺘﻈﺮﻳﻨﻲ
ﺑﺪﻭﺍ ﻳﺮﺯﻟﻮﻧﻲ
ﺍﻧﻲ ﺳﻜﺘﺖ ﺍﺑﺪ ﻣﺠﺎﻭﺑﺖ ﺍﺣﺪ
ﺑﻌﺪﻫﺎ ﻧﻤﺖ
ﺛﺎﻧﻲ ﻳﻮﻡ ﺩﺯﻳﺖ ﻫﺎﻱ ﺍﻟﺜﻮﻟﻪ ﻉ ﻏﺪﻩ ﺗﺠﻴﺒﻠﻲ ﻟﻬﻨﺎ
ﺍﻻﻛﻞ ﻣﻮ ﻃﻴﺐ ﺍﺑﺪ 😔😔😔 ﺍﻻﻛﻞ ﻣﻮ ﺣﺎﺭ
ﻛﻮﻩ ﻛﺪﺭﺕ ﺍﻛﻞ ﻻﻥ ﺟﻮﻋﺎﻥ
ﺑﻌﺪﻫﺎ ﺭﺣﺖ ﻳﻢ ﺍﻣﻲ ﻭﻛﺘﻠﻬﺎ ﺭﺍﺡ ﺍﻃﻠﻚ ﺯﻳﻨﺐ
ﺑﻘﺖ ﺻﺎﻓﻨﻪ ﻣﻤﺼﺪﻛﻪ
ﻟﻴﺶ ﻳﻮﻡ ﺷﺒﻴﻬﺎ ﺍﻟﺒﻨﻴﻪ
ﻣﻌﺎﻧﺪﻩ ﺗﺮﻳﺪ ﺍﺩﺍﻭﻡ
ﺍﻱ ﻭﻳﻦ ﺍﻟﻤﺸﻜﻠﻪ
ﻣﺎﺍﺧﻠﻴﻬﺎ ﻟﻮ ﺗﻤﻮﺕ
ﻣﺎﺍﺭﻳﺪﻫﺎ ﺍﺩﺍﻭﻡ ﺍﺑﺪ
ﻟﻚ ﻣﺎﻣﺎ ﺍﻧﺖ ﻟﻴﺶ ﺗﺼﻴﺮ ﻫﻤﺠﻲ
ﺷﻨﻮ ﺍﻟﻤﺎﻧﻊ ﺍﻟﺒﻨﻴﻪ ﺗﻜﻤﻞ ﺩﺭﺍﺳﺘﻬﺎ
ﺍﺷﻮ ﺍﺑﻨﻬﺎ ﻛﺒﺮ ﻭﺗﻜﺪﺭ ﺗﺨﻠﻲ ﻳﻢ ﺍﻣﻬﺎ ﺍﻭ ﺑﺤﻀﺎﻧﻪ
ﻭﺧﻄﻴﻪ ﻣﻌﺪﻟﻬﺎ ﻋﺎﻟﻲ
ﻣﺎﺍﺧﻠﻴﻬﺎ ﻳﻌﻨﻲ ﻣﺎﺍﺧﻠﻴﻬﺎ
ﻭﺍﺫﺍ ﺗﺮﻳﺪ ﻃﻼﻙ ﻳﻄﺒﻬﺎ ﻣﺮﺽ
ﺑﺲ ﺭﻭﺣﻮﺍ ﺍﻟﻌﺼﺮ ﺟﻴﺒﻮﻟﻲ ﻧﻮﺭ
ﻭﺷﻮﻓﻮﻫﺎ ﺑﻠﻜﻲ ﻏﻴﺮﺕ ﺭﺍﻳﻬﺎ
ﺟﻨﺖ ﺍﺗﻤﻨﻰ ﺗﻐﻴﺮ ﺭﺍﻳﻬﺎ ﻳﺠﻮﺯ ﺍﻧﻲ ﺍﺧﻠﻴﻬﺎ ﺗﻜﻤﻞ ﻻ ﻣﻮ ﻳﺠﻮﺯ ﺍﻛﻴﺪ
ﻣﻦ ﺍﺷﻮﻓﻬﺎ ﺿﺤﺖ ﻉ ﻣﻮﺩﻱ ﻭﻉ ﻣﻮﺩ ﺍﻟﺠﻬﺎﻝ
ﺭﺟﻌﻮﺍ ﺍﻫﻠﻲ ﻭﺟﺎﻥ ﺍﻟﺠﻮﺍﺏ ﻭﺍﺿﺢ
ﺑﺪﻭﻥ ﻣﻴﺤﺠﻮﻥ
ﻗﺮﺭﺕ ﺍﺭﻭﺡ ﺍﺧﺮ ﻣﺮﻩ ﺍﺣﺎﻭﻝ ﻭﻳﺎﻫﺎ
ﺑﺲ ﺗﺘﻨﺎﺯﻝ ﻭﺗﺮﺟﻊ ﺍﻧﻲ ﻣﻦ ﺫﺍﺗﻲ ﺭﺍﺡ ﺍﺧﻠﻴﻬﺎ ﺗﺮﺟﻊ ﻟﻠﺪﻭﺍﻡ
ﺳﻠﻤﺖ ﻉ ﺍﻫﻠﻬﺎ ﻭﻓﻬﻤﺘﻬﻢ ﺑﺎﻟﺴﺎﻟﻔﻪ
ﻛﺘﻠﻬﻢ ﺍﻧﻲ ﺍﺧﺎﻑ ﻋﻠﻴﻬﺎ
ﻭﺍﻧﻲ ﻣﺴﺘﻬﺪﻑ ﻣﻦ ﻫﻮﺍﻱ ﻧﺎﺱ
ﺍﻧﻲ ﺿﺎﺑﻂ ﺗﺤﻘﻴﻖ
ﺷﻐﻠﻲ ﻭﻱ ﺍﻟﻤﺠﺮﻣﻴﻦ
ﺑﺲ ﻳﻌﺮﻓﻮﻥ ﺯﻭﺟﺘﻲ ﺣﻠﻮﻩ ﻭﺗﺪﺭﺱ
ﻣﺴﺘﻌﺪﻳﻦ ﻛﻠﺸﻲ ﻳﺴﻮﻭﻥ
ﺑﺎﻟﻨﺴﺒﻪ ﻟﻨﺴﻮﺍﻥ ﺍﺧﻮﺗﻲ ﻣﺎﺍﻟﻲ ﻋﻼﻗﻪ ﺑﻴﻬﻦ ﻭﻻ ﺍﺧﻮﺍﺗﻲ
ﻛﻠﻤﻦ ﻭﺭﺟﻠﻬﺎ ﻫﻮ ﻳﺘﺤﻜﻢ ﺑﻴﻬﺎ
ﻭﺣﻨﺎﻥ ﻣﻦ ﺍﻟﺒﺪﺍﻳﻪ ﻋﻨﺪ ﺍﻫﻠﻬﺎ ﻣﻜﻤﻠﻪ ﻭﻣﺘﻌﻴﻨﻪ
ﺑﺲ ﺯﻳﻨﺐ ﻻ ﺯﻳﻨﺐ ﺗﺨﺘﻠﻒ
ﺯﻳﻨﺐ ﺣﺒﻴﺒﺘﻲ ﻭﺍﻡ ﺍﻃﻔﺎﻟﻲ
ﻭﺗﻌﻨﻴﻠﻲ ﻫﻮﺍﻱ
ﺍﻟﻴﺎﺫﻳﻬﺎ ﻳﺎﺫﻳﻨﻲ
ﻭﺍﻟﻴﺠﺮﺣﻬﺎ ﻳﺠﺮﺣﻨﻲ
ﺍﻣﺎﻧﻪ ﺍﻫﻠﻬﺎ ﻭﻳﺎﻳﻪ
ﺣﺘﻰ ﺍﺑﻮﻫﺎ ﻛﺎﻝ ﺍﻧﻲ ﻣﺮﻳﺖ ﺑﻨﻔﺲ ﻣﻮﻗﻔﻚ
ﺑﺲ ﻓﺮﻕ ﺍﻫﻠﻬﺎ ﺷﺮﻃﻮﺍ ﺗﻜﻤﻞ ﺩﺭﺍﺳﻪ ﻭﺍﻧﻲ ﺍﻧﻄﻴﺖ ﺣﺠﺎﻳﻪ
ﻣﺎﺍﻛﺪﺭ ﺍﺧﻠﻒ ﺣﺠﺎﻳﺘﻲ
ﺑﺲ ﻣﻦ ﻛﻤﻠﺖ ﺭﻓﻀﺖ ﺗﺘﻌﻴﻦ ﻻﻥ ﺟﻨﺖ ﺣﻴﻞ ﺍﺧﺎﻑ ﻋﻠﻴﻬﺎ
ﺷﻨﻮ ﺧﺎﻟﻪ ﻣﻜﻤﻠﻪ ﺟﺎﻣﻌﻪ
ﺿﺤﻜﺖ ﻛﺎﻟﺖ ﻣﻜﻤﻠﻪ ﻗﺎﻧﻮﻥ
ﻻ ﻳﺎﺍﻟﻠﻪ ﻭﺍﻧﻲ ﺟﻨﺖ ﻣﺘﻮﻗﻌﻬﻢ ﻫﻤﺞ ﺍﻫﻠﻬﺎ ﺯﻳﻨﺐ
ﻃﻠﻌﻮﺍ ﻭﺍﺻﻠﻴﻦ ﻭﻣﺜﻘﻔﻴﻦ
ﺍﻟﻤﻬﻢ ﻛﺎﻝ ﺍﺑﻮﻫﺎ ﺍﻧﻲ ﻭﻳﺎﻙ ﻳﺎﺍﺑﻨﻲ
ﺑﺲ ﻫﻲ ﻣﺼﺮﻩ ﻭﻫﻢ ﺣﻘﻬﺎ ﺗﺤﻘﻖ ﺣﻠﻤﻬﺎ
ﻻﻥ ﺗﻌﺒﺖ ﻭﻣﻌﺪﻟﻬﺎ ﻣﺎﺍﺟﻪ ﺑﺎﻟﻬﻴﻦ
ﺑﺲ ﺧﻠﻮ ﺍﺑﺎﻟﻜﻢ ﺍﻟﻄﻼﻙ ﻣﻮ ﻟﻌﺒﻪ ﻭﻻ ﻫﻴﻦ ﻋﻠﻴﻜﻢ
ﺍﻻﻃﻔﺎﻝ ﻳﺪﻓﻌﻮﻥ ﺍﻟﺜﻤﻦ
ﻛﺘﻠﻬﻢ ﺍﻧﻲ ﻟﺤﺪ ﺍﻻﻥ ﻣﺘﻤﺴﻚ ﺑﻴﻬﺎ ﻭﻣﺎﺍﺭﻳﺪ ﺍﺧﺴﺮﻫﺎ
ﺑﺎﺑﺎ ﺍﺣﺠﻲ ﻭﻳﺎﻫﺎ ﻭﺍﺗﻔﺎﻫﻤﻮ ﺑﻠﻜﻲ ﺗﻮﺻﻠﻮﻥ ﻟﺤﻞ
ﻃﺒﻌﺎ ﺍﺧﺠﻞ ﻣﻦ ﺍﻛﻠﻬﻢ ﻋﻤﻲ ﻟﻮ ﺧﺎﻟﻪ
ﻻﻥ ﻋﻤﺮﻫﻢ ﺯﻏﻴﺮ ﻣﺎﻛﻮ ﻓﺮﻕ ﺑﻴﻨﻲ ﻭﺑﻴﻨﻬﻢ ﻭﺧﺎﺻﺘﺎ ﺍﻣﻬﺎ
ﺩﺯﻭﺍ ﻋﻠﻴﻬﺎ
ﻧﻈﻮﺭﻱ ﺑﻴﺪﻱ ﻭﻣﺠﻠﺐ ﺑﻴﻪ
ﻭﻻ ﺍﻫﺘﻤﻴﺖ ﺍﻟﻬﺎ ﻭﺣﺴﺴﺘﻬﺎ ﺍﻧﻲ ﻣﻮ ﺑﺤﺎﻟﻬﺎ
ﺑﺲ ﺑﺎﻟﺤﻘﻴﻘﻪ ﻻ ﺍﺗﻜﻄﻊ ﺗﻜﻄﻊ ﻣﻦ ﺩﺍﺧﻠﻲ
ﺣﺎﻭﻟﺖ ﻭﻳﺎﻫﺎ ﺑﺲ ﻗﺎﻓﻠﻪ
ﺍﺗﻤﻨﻴﺖ ﺗﻮﺍﻓﻖ ﻭﺗﺮﺟﻊ ﻭﻳﺎﻳﻪ ﺟﺎﻥ ﻓﻜﺮﺕ ﻭﺧﻠﻴﺘﻬﺎ ﺍﺩﺍﻭﻡ
ﻋﻔﺘﻬﺎ ﻭﻃﻠﻌﺖ ﺣﻴﻞ ﺿﺎﻳﺞ
ﺭﻭﺣﻲ ﻃﺎﻟﻌﻪ
ﺭﺟﻌﺖ ﻟﻠﺒﻴﺖ
ﺍﻫﻠﻲ ﻛﻠﻬﻢ ﺣﺠﻮﺍ ﻋﻠﻴﻪ
ﻣﺤﻤﺪ ﻛﻠﻲ ﻭﺍﻟﻠﻪ ﺗﺘﻨﺪﻡ
ﻭﻣﻦ ﺣﻘﻬﺎ ﺍﺩﺍﻭﻡ ﺧﻄﻴﻪ
ﻛﺘﻠﻬﻢ ﻣﺎﺍﺭﻳﺪ ﺍﺣﺪ ﻳﺪﺧﻞ ﺑﻴﻨﺎﺗﻨﻪ
ﻭﻟﻚ ﻭﺍﻟﻠﻪ ﺍﻧﺸﻠﻊ ﻛﻠﺒﻬﺎ ﺧﻄﻴﻪ
ﺧﻠﻲ ﺍﺩﺍﻭﻡ ﻭﻟﺘﺨﻠﻴﻬﺎ ﺗﺘﻌﻴﻦ ﺑﺲ ﺗﻜﻤﻞ
ﻻ ﻣﺴﺘﺤﻴﻞ ﺍﺧﻠﻴﻬﺎ
ﻭﺍﻟﻠﻪ ﺍﺧﺎﻑ ﻋﻠﻴﻬﺎ ﺑﺲ ﻣﺤﺪ ﻳﻔﺘﻬﻯﻤﻨﻲ ﻻﺍﻫﻠﻲ ﻭﻻﻫﻲ
ﺛﺎﻧﻲ ﻳﻮﻡ ﺭﺣﺖ ﺑﺪﻭﻥ ﺗﻔﻜﻴﺮ ﻃﻠﻜﺘﻬﺎ
ﻻﻥ ﺣﻴﻞ ﺍﺫﺍﻧﻲ ﻋﻨﺎﺩﻫﺎ
ﻭﺭﺍﺡ ﺍﺷﻄﺐ ﻋﻠﻴﻬﺎ ﻟﻠﻤﻮﺕ
ﺑﺲ ﺍﻧﻲ ﻣﺘﺎﻛﺪ ﺭﺍﺡ ﺗﻨﺪﻡ
ﻣﺮﺍﺡ ﺗﺘﻮﻗﻊ ﺷﺮﺍﺡ ﺍﺳﻮﻱ ﺑﻴﻬﺎ
ﻭﻋﺪ ﻣﻨﻲ ﺍﻟﻪ ﺍﺧﻠﻴﻬﺎ ﺗﺘﻮﺳﻞ ﺑﻴﻪ ﺣﺘﻰ ﺗﺮﺟﻌﻠﻲ
ﺍﻧﻲ ﻣﺮﺍﺡ ﻳﻜﻮﻥ ﺍﺳﻤﻲ ﺣﻴﺪﺭ
ﺩﺯﻳﺘﻠﻬﺎ ﺑﺎﻟﻠﻴﻞ ﺍﻟﻐﺎﻳﺐ ﻭﻭﺍﻟﺬﻫﺐ
ﺑﺲ ﺭﺟﻌﺘﻬﻦ ﺑﻴﺪ ﺍﻫﻠﻲ
ﺍﺗﺨﺒﻠﺖ ﻳﻌﻨﻲ ﺗﺮﻳﺪ ﺗﺒﻴﻦ ﺑﺎﻥ ﺑﺎﻥ ﻫﻲ ﻣﻤﻬﺘﻤﺘﻠﻲ ﻻ ﺍﻟﻲ ﻭﻟﻔﺎ ﻟﻔﻠﻮﺳﻲ
ﺣﻨﺎﻥ ﻓﺮﺣﺎﻧﻪ ﺣﻴﻞ ﻭﻳﻤﻜﻦ ﺍﺳﻌﺪ ﻭﺣﺪﻩ
ﺍﻧﻲ ﺍﻋﻠﻤﻬﺎ ﻟﺰﻳﻨﺐ ﺑﺲ ﺧﻠﻲ ﻳﺼﺒﺢ ﺍﻟﺼﺒﺢ
ﺛﺎﻧﻲ ﻳﻮﻡ ﻛﻌﺪﺕ ﻣﻦ ﻭﻛﺖ ﺳﺒﺤﺖ ﻭﺑﺪﻟﺖ
ﺭﺣﺖ ﻟﺒﻴﺘﻬﻢ
ﺩﻛﻴﺖ ﺍﻟﺒﺎﺏ ﻭﺟﺎﻥ .......
مساء الخير ع اجمل متابعين اتمنى لكم قراءه ممتعه
🌹🦋 البارت 36 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
وجان تطلع امها سلمت عليها
وانطيتها الفلوس والذهب
كتلها ممنوع ترجعهن ذني حقها
كالت تعال ادخل
لاشكرا مستعجل عندي شغل
وخبري عمي العصر راح ادز الغرفه
عفتها ورحت
اتغديت بالمطعم ادري الطبخ مراح يعجبني
رجعت وهاي بعدهي نايمه
لكيت نور تبجي
اريد اروح يم ماما
كمت اصيح عليها
بعد ماكو ماما
انسيها راحت وبعد مترجع
كامت تبجي عافتني وراحت
حيل ضجت عليها
رحت ادور عليها
لكيتها بغرفتهم
تبجي وتكول بعد مااحب اي واحد
يوميه احب ماما شكل وتعوفني وتروح
حضنتها وبوستها
كتلها حبيبتي ميصير تروحين هناك عيب
ماما زينب راحت لاهلها
وانت احنه اهلج
مو اخذت نظوري وحد
نظوري زغير مايفتهم شي
بس انت جبيره وتفتهمين
زين من تروح اروح ابقى يمهم والله اشتاقلهم حيل
الله كريم هسه خليني اشبع منج
وادور تنزلين تنامين يمي
اجاني اشعار فتحته
جان من زينب
اني مو كتلك كلشي مااريد منك
هذا حقج وغصبا ماعليج تاخذينه
بس مااريد اي شي منك
مو بكيفج
والنبي احركهن الفلوس اذا مااخذتهن
كلشي منك مااريد
حتى احركج واحرك عشيرتج وياج
الغرفه لتجيبها مااريدها
والنبي اكسرها واذبها بالزبل
ميهمني لتجيبها مااريدها
يابه استحي ع نفسج وبعد لتراسليني ولتخابريني
اني هسه رجال غريب عنج
اذا انت متستحين اني استحي من ابوج
بعد ماالي كلمه وياج
عود اتفاهم وي ابوج
راح انطيج بلوك
انطيتها بلوك من كل البرامج
حتى ابين الها اني مو بحالج
مخليتها تجاوبني
للعصر اتصلت بابوها وخبرته ع الغرفه
كال عمي احنه متنازلين عنها وين متوديها وديها
اتبرع بيها لفقير خليها بمكانها
لان شوفت عينك ماعدنه مكان الها
خجلت من ابوها مااعرف شاجاوبه
كلت خل ابقيها ع حطتها حتى الملابس راح ابقيهن
قررت اقفلها الغرفه
نور نزلتها يمي
حياتي صارت باهته
اي معنى مابيها
احسب لحضه لحضه شوكت التحق
تذكرت اخر مره من تمنيت ماتخلص اجازتي
اجني البنات حتى يروحن لفاطمه
الكل اتفاجئ بقرارنه
اتخبلن
طلبن من ابويه يروحن للبيت الهم
كتلهن اني اخذجن حتى تنطني نظوري ومن تخلصن خابرني
حتى ارجعه
نور كالت حباب خل اروح وابقه يمهم
مو راح تلتحق باجر
كتلها روحي بس لتسوين اذيه
انطيت للبنات 250 كتلهن مصرف لنور ولنظوري
اني باجر التحق
كالت امي خطيه خل تروح
اخذتهن وبقيت بالباب
طلع ابوها جلب بيه كتله اريد اخذ نظوري ويايه
ماقبلت ادخل
بقه يمي وجابولي نظوري
ونور هم اجت
اخذتهم للالعاب بعدنه مدخلنه
دكت بنين عليه استغربت
رفعت خط ها بنونه
شبسرعه ترجعن
جان يجيني صوتها الوووو
غيرت نبرتي خيرج
انطيتج حضر ومخلصت منج
لويش دازلي فلوس
لويش دائما تحسسني بالذل
هاي الفلوس مو الج لجهالي
واذا معاجبج تاخذيهن كولي عادي
حتى جهالي اخذهم واخليهم يمي واني اصرف عليهم
حبيت استتفزها
وخلي ابالج كل شهر ادز 250 لنظوري مصرفه
هاي هي ع راحتك
يله باي مفارغلج طبكته بوجها
بديت العبهم
بعدها رحت للسوبر ماركت
اخذتلهم اشكال واللوان حلويات وكورن فلكس
بعدها رحنه ناكل موطه
بعدها رحت لمحل موبايلات
اشتريت جهاز وخليت بي سيم كارت
كلت اخابر نور واطمأن عليها
مااريد اخابرها من زينب
طولن بالساعتين
بعدها اتصلت بيه بنين
كالت يله تعال
من ارمش اطلعن
اوك
رجعت ورمشت وطلعن
وطلعت امها وابوها
حجه ابوها
يابه تره تبقى انت ابنه
لتعاملنه مثل الغربه
هذا بيتك باي وقت تعال بدون مدك الباب
خجلني بكلامه
والله مو قصدي ماادخل
بس حبيت اطلعهم واغير جو خطيه
انطيت الجهاز لنور كتلها خل رقيه ادخلج فايبر
حتى اتصل بيج
خل تعلمج شلون تراسليني بي
اوك بابا
بوستهم وودعتهم ورجعنه للبيت
اتظاهر ممهتم بس بالحقيقه
كلبي يريد ينفجر
اني ادري بنفسي كاعد اكابر
لان بعدها ياذيني
واني كوه كدرت اخليها تستجاب وياي
وصلنه وانطني علاكه بيها كليجه وكروسان
اني بقيت صافن
يعني حتى بعد طلاكنه منست
مااعرف فرحت لان بعدني ابالها
لو احزنت لان حرمتني منها
مااعرف اخذهن لو اخليهن بعنادها
بعدين كلت مو وكت عناد اخذهن لان حيل يفيدني
ماكو لامحل قريب علينه واكلهم نمله مو حيل طيب
جهزت جنطتي وحاولت انام مااكدر اسهر
وقتت المنبه
نمت وكعدت سبحت وصليت ورحت
بالطريق خليت السماعات باذني
وشغلت نغمة ياسر عبد الوهاب وحيدر نبيل يدكلك كلبي
غمضت عيوني كل ماتخلص اعيدها لحد مانمت
وصلت ونفس روتين كل مره
ارهاق وتعب
خلصن ال10 ايام وثاني يوم الاوف
هم نمت ومن كعدت اتصلت بنور
مرفعت خط
تقريبا 3 مرات وماكو جواب
عفتها وراسلت حنان شويه مطولت
بعدها اتصلت بامي وابوي
وبعدها محمد وامير
طبكته وجان لكيتها نور داكه هواي عليه
خابرتها رفعت خط
الووو ها بابا شلونك
هلو حبيبتي شلونج انت
اني زينه وانت
اني هم زين
نظوري شلونه
زين تريد تحجي ويا
هسه اصبري
ليش مرفعتي خط مساع
مو جنت بالحديقه وماادري بي
هم سويتي اذيه
لاوالله حتى اسال ماما زينب
بابا
ها حبيبتي
اني مشتاقتلك
واني همين
بس اجي تبقين يمي
اي ان شاء الله
انطيني نظوري
اسمعها تكله هذا بابا يريدك
الووو بابا
شلونك حبيبي نظوري
زين اني مينفهم حجيه كلش
شويه وطبكته
كملت ال 10 الايام ونزلت للبيت
اول يوم نمت وارتاحيت
بالليل رحت للحلاق وخلصت
حتى باجر اجيبهم نور ونظوري
اخليهم يمي
خابرت نور
كتلها جهزي نفسج باجر اجيكم اخذج انت ونظوري
حيل فرحت
بعدها اتصلت بابو زينب
انطيته خبر
كتله من يكعدون خبروني حتى اجيهم حتى لو الظهر
ميخالف بابا تدلل
فعلا ثاني يوم ب2 اتصلت بيه نور
كالت جاهزين
رحت عليهم ادري بابو زينب عنده دوام
خابرت نور كتلها اطلعوا
اني واكف بالباب
طلعوا اثنينهم
نور شايله جنطه وبيدها علاكه
شفت خيال بس
اكيد هي واكفه بالباب
اجوي بوستهم واخذتهم كبل لابو الموطه
حيل يفرحون
بعدها اشتريتلهم
كتلها شنو هاي العلاكه والجنطه
ماما زينب جابتهن الي من سافرت
وين سافرت
مااعرف راحت هي وجدوا من الصبح واجوي العصر
جابت اوراق
عرفتها جايبه اوراقها وشهادتها
كالت جابتلي بيبي همين
ملابس للمدرسه وقراصات وجواريب
وحتى حذاء
لان راح اداوم
رحت للبيت واهلي حيل فرحانين
وراوتنه شجايبتلها
ملابس يخبلن والجنطه همين
سالت امي ع المدرسه شوكت تبدي
كالت بعد اسبوع
نظوري راح لعمه امير وراها لعمه محمد
وحيل فرحان وهمه همين
كلي محمد مناوي تعقل وترجعها لمرتك
شكلولك عليه مخبل واعقل
والله من يوم يومك وانت مو صاحي
رحم الله والديك بس ماارجعها
لك لتصير اثول والله تتندم
مستحيل اندم
بداخلي اكول هو هسه اني ندمان
سالتني امي بنور شلون بيها بالدوام
شنو شلون
تبقى هنا يم حنان وهي تاخذها وتجيبها
بس اذا تريد تروح خميس وجمعه وترجع السبت عادي
يوم ام زينب كالت خلوها يمنه من انت بالدوام
حيل متعلقين بيها
وهمه يدرسوها هناك احسن الها
وهي زينب هم فرحانه
ونخلي السايق ياخذها ويجيبها
يوم هذا الموضوع ينسد نهائي
نور تبقى هنا وتسكت
شيكولون علينه منتحمل بنتنه
هو هذا حجي يوم
لك ابني البنيه متعلقه بنور وتبجي بواجي عليها
واحنه كاعد ندز مصرف
يعني ممانين علينه
وانت عاشرتهم وعرفت نفسيتهم
يوم لخاطر الله سدي الموضوع
نور تبقى هنا وخلاص
تاخذها حنان بيدها وترجعها بيدها
سكتت بعد محجت شي
زينب : ضجت من حيدر من يعاملني ابرود
ومان عليه بكلشي
اكثر شي نرفزني من انطاني حضر
ويكلي عيب عليج تخابريني لو تراسليني
عباله ميته علي
خل يولي لو يموت مااراسله
اجن البنات لان نتراسل اني وياهن
كالن باجر نمر بيج
كلت خل اسوي كليجه وكروسان
كلت خطيه لان يفرح بيهن
كلبي مابي حظ يفكر بي وهو فرحان خلص مني
ماما تكلي
اذا تحبينه هيج لويش ماضحيتي
منو كلج احبه
واضح من الكليجه الي دسويها اله
لا والله ماما بس كلت خطيه
هناك يجوعون
ومو لخاطره بس لخاطر الي ويا هم خطيه
اجني بالليل وكالن بدلي لنظوري يريد ياخذه ويا
بدلتله واخذهم هو ونور
وقدمت الهن كليجه وببسي
حيل فرحت من كالن نور تبقى هنا
رقيه تموت عليها
كل شويه تعاي خابري خل يجيبوها
بقينه نسولف وغيرنه جو
انطتني ساره فلوس كالت مصرف للجهال دزهن حيدر
حيل ضجت مارريد اي شي منه
اخذت جهاز بنين وكتلها راح اخابر منه
اتصلت بي وجان متفاجئ
بس يجاوبني من وره خشمه
حيل ضجت وقررت مااتصل بي بعد لو شيصير
هددني لو اخذ الفلوس لو ياخذ الجهال
انجبرت اخذهن
اخر شي رجع وجاب الاطفال وراحوا
انتبهت لنور بيدها جهاز جديد
سالتها شنو هذا
كالت بابا جابه اليه حتى اخابره بي
عرفت قصده
دخلتلها بس الفايبر وكتلها ممنوع تلمسينه بس اذا خابر ابوج
اي تغير بحياتي ماكو
فقدت رغبتي لكلشي
لااحب اطلع من يطلعون اهلي
ولا احب من يجينه احد ادخل يمهم
اهلي كامو يروحون بيت عمامي وعماتي
محد من عدنه تمشي
محبينه قربهم
بس وحده من عماتي احبها
وحسيتها من صدك حنينه علينه
رنا العطله كلها تقره تكول حيل صعب الطب
وتبارك السنه سادس
رفضت تدخل خصوصي
بس جبرها بابا تدخل دورات
تطلع ب8 وترجع ب1 بايام العطله
خطيه تروح وترجع احنه نايمين
وهي وره ماتجي تسبح وتنام
اجه بالليل عمو وابنه الدكتور مصطفى
انفتح موضوعي
سالني مصطفى شراح تقدمين
كتلها ماادري حايره
طب لو صيدله لو طب اسنان مااعرف
اخذت رايي ماما وبابا
كلولي مندخل بيج
شنو الي تردينه منجبرج
كلي مصطفى والله اذا تردين نصيحتي روحي لو طب اسنان لو صيدله
الطب حيل صعب وينرادلج قراءه ليل نهار وسهر
وخفارت بالليل
وانت عندج نظوري ونور
ينرادلهم هم تعب
وبالنسبه الي الصيدله تلوك للبنيه اكثر
انت ميهمج السمعه والفلوس
لا اكيد ميهمني
واصلا منو يكول اتعين
اهم شي شهادتي
لعد لويش اتعبين نفسج
اريد اخذ الشهاده وبس
واني هواي نصحوني بالصيدله
وحتى رنا
صدك هي وينها رنا اشو متبين
تقره خطيه
غير عطله لويش مترتاح
هم احجي عليها ولا كانو
صيحيها خل احجي وياها
رحت صحتها كالت اخجل منه والله مااريد ادخل
كتلها عيب من الولد شوفي شيريد
كوه قنعتها
رنا هم حلوه بس مو مثلي
اني وسيوفي نسخة ماما
بس البنات لا حلوات همين بس مو نفسنه
سلمت عليهم وكعدت يمي
كللها شلونج بالتشريح
كلش زينه مااعاني منه
اهم شي واصعب شي هو التشريح
اذا زينه بي مينخاف عليج
احبه كلش وتوب بي اني
اخذي رقمي وانطيني رقمج
اي صعوبه تواجهج بس راسليني
اني ادرسج وافهمج
اتبادلو الارقام
بعدها كتله هم تعرف كلية الصيدله الاهلي شكد ياخذون بالسنه
9 ملايين السنه
اخر شي قررت اروح صيدله
الصيدله مابي تعب بالمستقبل
مو مثل الطب
عمليات ودوخه
صحيح جان حلمي الطب
بس هسه لا
اهلي شجعوني بالصيدله
اتفقت وي بابا يروح يحجزلي حتى نسافر انقل اوراقي
وحتى رنا لازم نقدملها نقل
مصطفى كال رنا عليه اني اخذلها استضافه من الكليه وبعدين ننقلها
بعدها راح بابا للجامعه وسال
وحجزلي مقعد
جبنه ورقه قبول من اعداديه لتبارك ورقه قبول من المتوسطه لرقاوي
بعدها رحنه اني وبابا سافرنا
بقيت بالعبايه والبوشيه
مااعرف لويش
مااعرف بعدني اخاف من حيدر اخاف ميقبل
لو اني تعودت مااعرف
بقت ماما تحجي عليه انزعي العبايه والبوشيه
بابا كال لا اني اشجعها ع العبايه بس البوشيه لا لازم تنزعيها
حتى انت ياام سيف لازم تلبسين عبايه
لان ستر وحلوه بعمرج
وتعرفين انت الوحيده بلا عبايه
كلتله اني مااعرف البسها
وزينب ع راحتها ماعليه بيها
كتلهم من اداوم انزع بس البوشيه
بس العبايه اتعودت عليها
رحنه كملنه كلشي النقل مالت البنات واني سحبت الوثيقه
كملنه كلشي ورحنه للجامعه كملنه اوراق رنا
بابا جان عنده هواي عرف وسهلونه كلشي
من طلعنه من الجامعه
لكيت مولات كلت لبابا خل نمر نشوف
لكيت جنط يخبلن
اخذت وحده لرقاوي ووحده لنور
وجبتلها ملابس للدوام
رجعنه
لليل نمت جنت تعبانه
سمعت جهاز نور يدك
بس مابيه حيل اصيحها لان بالحديقه
عفته يدك لمن سكت
اكيد ابوها
لمن صعدت علمتها ادك
خابرته كله مشغول
اكيد وي حنان
مثل مجان يسهر ويايه
اخر شي اتصل وحجه وياها
وي نظوري
حافضه كل مواعيده شوكت ينزل وشوكت يخابر
رحت للجامعه وكملت الاوراق كلهن وهم رحت بالبوشيه 🙈🙈
كلت من اداوم يله انزعها
قرب موعد الدوام للمدارس
بس الجامعه بعد
اجه موعد نزوله
بالليل اتصل بنور وكللها جهزي نفسج انت ونظوري
ثاني يوم من كعدوا سبحتهم وبدلتلهم وغديتهم
وكلت لبابا يخابره
انطيت الجنطه والملابس لنور
اخاف هناك اداوم
احس كلبي راح وياهم
بس مترهم هم خطيه اهلهم
كضيت اليوم كله نوم
حيل ضايجه ماارهم بدون نظوري
لليل وماكو
كتله بابا حباب اتصل بي
كال بابا عيب اتصل بي
هم خطيه من زمان مشايفهم
خليهم حتى يباتون
لا بابا والله ماارهم بدون ابني
لعد وهو هم خطيه
لتصيرين انانيه
ياالله القلق كتلني اخاف بعد ميرجعهم
هسه منطيني حضر جان راسلته
وجهاز نور انطيتهيا
بقيت حايره
شويه واجتي رقيه كالت بابا يصيحج
نزلت اركض حتى وكعت من السرعه 😔😔
كال شبيج بابا بعد متشوفين دربج
ها بابا خابرك حيدر
اي كال راح ابيت نظوري راح يبقي يمه
هذا الجنت خايفه منه
لا بابا فدوه خابره
والله مااعرف انام بدونه
لج بابا هذا ابو قابل غريب
وهذا حقه
عيب اخابره
كمت 👈😢😢😢😭😭😭
لج بابا مخبله انت
غير يم اهله راح ينام
ماعليه اريد ابني
باجر بس يكعد اخلي يجيبه
بقوا يحجون عليه
صعدت وروحي طالعه
ابجي ياربي مااتحمل ياخذ ابني
صارت ب1 موعد نومته
مااعرف راح يسكت لو يبجي
صارت ب2 بعد متحملت
جبت موبايل رقاوي
راسلته
الووو
يقره وماكو جواب
الله يخليك بس طمني ع نظوري
هم ماكو جواب
لويش هيج تسوي بيه
يطلع مرئي
كام دمي يفور
من يوم العرفتك بي لليوم انت اناني
ميهمك شعور الاخرين
اهم شي مصلحتك فوك كلشي
دزلي
هاي شلون ورطه وياج يابنت العالم
مو عيب عليج تراسلين نص الليل
شلون اجي لابوج احجي ويا
انطيتج حضر ومفاد بيج
الظاهر انت متعوده ع هذا الشي
مترهمين بدوني اكيد متندمه ع فراكي
دزيتله 😲😲😡😡😤😤😠😠
اكيد انت دتحلم لو مرتفعه حرارتك وكاعد تهذي
روحي بابا روحي مفارغلج
حنان منتظرتني نريد 💏
لعد اني شعليه بيك لازمتك متروح يمها
يله لتزعجيني بعد
اوكف لحضه وحده
كاعد مابيه حيل اوكف
عفيه بس طمني ع نظوري
الله يخليك والله كلبي نار
اليسمعج يكول مخليته بيد الدواعش
بابا احنه اهله واحق بي منج
مو تردي بس الج
احسبي حسابج
الايام ال10 يبقه يمي
وعود من التحق ادزه الج
لا عفيه لتسوي هيج بيه
مااتحمل والله
لعد احنه وحد نتحمل
هم خطيه جده وبيبته وعمامه
واني همين حيل اشتاقله مفاركه 20 يوم
عفيه ادري بيك ع عنادي تريد تاذيني
بس والله مااتحمل فراكه
مو مشكلتي
ويله بعد لتزعجيني
لا والنبي اجي لابوج واخلي يربيج من جديد
استحي ع روحج بعد لتزعجيني بالليل
حيل ضوجني بالحجي
اني مربايه احسن تربيه وتدري بيه لو ما ابني
جان تحلم تسمع صوتي لو تشوف رساله مني
دزلي اي واضح كلش 😏😏😏
دزيتله 😔😔😔 والله ع مود ابني
دزلي راح اضطر احضر اهلج كلهم بس من وراج
ماكو داعي وعد مني تحلم بعد اراسلك لو شيصير
خل نشوف شكد تصبرين بدوني 😜
يله اهم شي اخلص منج لان حبيبتي منتظرتني
من صدك حيل جرحني
دزيتله فيديو نور الزين صوتي بعد متسمعه
خل يولي بعد لو شيصير اله مااراسله
دزلي خل نشوف يابه تصبرين لو لا
بقيت ع نار لثاني يوم
هم ماجابهم
كلت لبابا خابره
مقبل لج بابا خطيه خلي يم ابو
بس يبجي عليج اكيد راح يجيبه الج
بقاه يمه 5 ايام
كوه صبرت والله ع اعصابي
لا اكلي مثل العالم ولا نومي مثلهم
عشت بغير عالم
دخوعي تجري ليل نهار
ظغطت ع نفسي ومراسلته ولا سالت عنه
جابلي بابا نظوري وشبكته وكمت ابجي
شلون انطاك كلبك تعوفني هاكد
معقوله مبجيت عليه مكتله لابوك وديني لماما
اني اشتاقيتلج
باسني خطيه
اني ادري بقراري جان صعب
واكيد راح ادمر ابني
حيل متعلق بحيدر
وحيدر همين يحبه حيل وحاسبه ابنه
بس شاسوي لازم اشوف مستقبلي
انطيت لبابا 9 ملايين الي انطانياهن حيدر
كتله هذني قصد الجامعه
والسنه التجي يحلها الحلال
لج بابا اني بعدني بالوجود لتشيلين هم ابد
فلوسج ذني الج من حقج
واني ادفع القصد
لان الورث الي اجاني رحمه
عود من احتاج اكلج
بسته براسه الله يخليك النه بابا
بس والله مااحتاجهن
بابا راح اخذلج سياره بيهن
انت تعرفين تسوقين
وراح تاخذين اخواتج الصبح بطريقج
والرجعه اشوف شلون
ورنا ترجع وياج
كلتله حبيت فكره
خابر مصطفى ابن عمو وكلفه ع السياره
وره فتره كال حصلت وحده النترا حديثه
كال صحيح مو نسائيه بس حلوه وقويه
ومضمونه من اخو صديقي
ابد ممصلحه ونظيفه
كله بابا هاي هي اذا عجبتك
كتله بابا والسعر
كال ماعليج انت
انطينه العشره وبعد معليج
ادري غاليه بس مااعرف شكد راح ينطي فوكاهن
ثاني يوم رحنه اتكاتبنه
بابا مقبل اله تسجل باسمي
رادوا يدخلوني دوره
كتلهم ميحتاج اني ظابطتها للسياقه
وهم راح ادخل ع النت واتعلم
السياره رقمها اربيل
انطينه لمعقب فلوس والمستمسكات وكمل الوكاله
خلال يومين ضبطتها للسياقه
علمنه رنا ويانه حتى تستعملها ويايه
هي دوامها قبلي
فعلا علمها مصطفى وضبطتها
داومت بيها وجانت فرحانه
كال بابا هم اخذلها وحده
نور دائما اخابرها ع رقمها
ودومها تبجي خطيه
مابيدي شي عليها
يجيبوها اليه خميس وجمعه وسبت
اسبحها وامشط الها
واقريها واكتبها
نزل حيدر ومثل كل مره ثاني يوم اخذ نظوري
ابد بعد لا اخابره ولا اراسله
هالمره 3 ايام ورجعه
بده دوامي وداومت وجان اذب البوشيه اول مره
احس العالم كلها تباوع عليه
مااعرف لان من زمان مطالعه هيج ويتوهملي
مااعرف صدك كلها تباوعلي
اول يوم جان صعب عليه
اجه علينه مصطفى
هو يمشي واني ورا لان مااندل
وصلت رنا للكليه ورجعت اني
ابد محجيت ولا واي وحده
لا بنيه ولا ولد
قررت ماالي علاقه باي بشر
نظوري بقيته يم ماما
وكل شويه اتصل بيها
وره 3 ايام هم اجه ع نظوري
اخذه ورجعه قبل يوم
داز ويا 250 واشكال حلويات
لكيت كاتب بالفلوس
الف مبروك الدوام
بديت اتعود ع حياتي الجديده
وع دوامي
لبست الحلقه بايدي
حتى ابين اني متزوجه
الكل عرفني اني متزوجه
وجانوا يسموني المعقده
الصراحه مذبيت عباتي بالجامعه ولا بالمحاضره ابد
احس بنفسي عبالك ملابسه شي من انزعها
اتعودت عليها
هواي لحوا عليه اهلي ومصطفى
كتلهم عوفوني ع راحتي
كمت اروح بطريقي وارجع بطريقي
اندليت الطريق وضبطت السياقه
رنا كلتلي مصطفى فاتحني بالموضوع ويريد يخطبني
كتلها مصطفى حباب ومؤدب وخلوق
كالت اني متردده لاسباب هواي
اني بعدني لازم اكمل دراستي
ومااحب اكعد وي بيت عمو
شنو السبب
مااحب المشاكل
اريد اعيش بوحدي
اي عادي اشرطي علي هاي الشروط
وشوفي شيكلج
كالت اخجل منه
زين انت موافقه علي
لو لا
مااعرف شعوري اتجاها ابد
يعني شلون
يعني افرح من اشوفه كبالي
واغار اذا حجت ويا وحده
لعد حبيبتي انت حابته لمصطفى
وهو همين فاضحته عيونه
صارحي من البدايه ع شروطج احسن
كالت اشوف اريد افكر قبل لا انطي حجايه
حيدر : احس البيت فارغ بدونها
بس الهون عليه وجود نظوري
حيل اتعلقت بي وحبيته اكثر من نور
هالمره قررت ابقي يمي خل اشبع منه
وهم اهلي خطيه حيل يحبونه لان من ريحة المرحوم
وكلت خل ينشلع كلبها
بلكي تحس بذنب ع السوته
ادري بيها متعلقه بي كلش
نور مدمرتهم دمار
تبجي ع زينب ونظوري
اني كتلهم خلي تروح كل خميس وجمعه وسبت
بس من اجيت مخليتها
طلعتهم واشتريتلهم ويردون موطه اخذتلهم
سالوني اهلي شوكت ترجعه
كتلهم راح يبقى
وامه
عدها علم
بعدها كالت امي خليهم ينامون يمي
وانت اخذ راحتك
كتلها لا يوم اريد اشبع منهم
حيل مشتاقلهم
كلت لحنان افرشينا بالغرفه الثانيه
نريد انام بالكاع
خليتهم واحد منا وواحد منا
افكر واكول هسه شصار لو ممعانده
جان اسعد عائله احنه
والله جان خليتها تكمل
بس دمرتنه دمار بعنادها
نظوري ماذكرها ابد
حيل متعلق بيه
نيمتهم واباوع الموبايل
اكول شعجب اتحملت وماخابرت ولا راسلت
بعدين اتذكرت منطيها حضر
وره فتره وجان تجي رسائل منها
اتعمدت اقره ومااجاوب
خليها تحس بلي احسه من افاركهم
بعدين استفزيتها وحجيت عليها
اني الحقيقه حيل افرح من تراسلني
بس احب اضوجها وابين اني مبحالها ولا مهتم
بس هالمره الظاهر ضغطت ع الوتر الحساس
قررت بعد متراسلني ابد
شسويت ياربي
وادري بيها وبعنادها
حيل ضجت واتندمت
هسه اني ليش حجيت وياها هيج
واني ادري كلش زين لو ماابنها متراسلني لو تموت
حيل وياي وره شويه دزتلي فيديو نور الزين
صوتي بعد متسمعه
تدري بيه مطربي المفضل هو
ودزتها بالصميم
كوه كدرت انام من التفكير
حيل تندمت حيل ويايه حتى صوتها بعد مااسمعه
ثاني يوم عادي ماذكرها نظوري
بس سالني
كتله بيها اوا
سكت
بقيته يمي 5 ايام
وفعلا مراسلتني ابد
اتاكدت بوقتها مستحيل بعد اسمع صوتها
رجعته نظوري
ودزيت فلوس بيده
رحت التحقت هالمره بدون كليجه 😢😢😢
كتلني الجوع هناك 😂😂
تقريبا 5 ايام ودزونه لسامراء
بده التعب الحقيقي
والقلق النفسي
بنص الدواعش عشنه
حيل صعبه جانت مهمتي
بعدلي بس هاي الايام وانزل
ويبقالي اخر 20 يوم واخلص
التعب اتضاعف 3 مرات
والنوم قل حيل
وحتى شبكه ماكو كوه اتصل واطمنهم عليه
بينه وبين الموت خطوات
خلصت الفتره ونزلت
ورغم تعبي ثاني يوم جبته لحبيبي
بس هالمره حيل تعبان كضيتها كلها نوم
بقيته 3 ايام ورجعته
سالت ع الدوام مالت الكليه
جابولي معلومات كامله عن الدوام
عرفتها مقدمه كلية صيدله
همزين مو طب
اكره مهنة الطب
لان احس الدكتور ميت كلبه وميهمه شي
واكو خفارات بالليل وهذا الشي يطير عقلي حتى لو مطلكها
الصيدله حيل تعجبني
بعدها جبته نظوري وقبل لا التحق رجعته
ثاني يوم التحقت هالمره لسامراء كبل
الطريق بعيد
نمت بالطريق
وكعدت من وصلنه
نروح بملابس مدنيه
مو مثل بالتاجي
هالمره اصعب ايام عمري قضيتهن هناك
ابد راحه ماكو
ولا نوم
مهمتنه جانت حيل صعبه
حجه ويانه اللواء كال راح انمدد المهمه
حيل محتاجينكم
وهالمره احتمال منزلكم اله شهر
اني بالنسبه الي عادي
ماكو شي يخليني ارجع بلهفه
كوه كدرت اخابر محمد وانطيته علم
صار الشهر ونزلنه وجنه حيل مرهقين
هالمره مااكدر اجيبه لنظوري
حيل تعبان يومين اني نايم من التعب
علاقتي بحنان عاديه مثل قبل
صحيح اتقرب عليها بس بدون لهفه
ابد مااطلع وي جماعتي ولا اشرب
من يوم الي ترزلت
ثالث يوم خابرت ابو زينب واتفقت ويا اجي اخذه لنظوري
رحت ع الموعد وواكف بالباب منتظر
لحضات وطلع ابو زينب وبيده نظوري
كاعد نحجي وجلب بيه ادخل ماقبلت
كتله تعبان حيل
سالني ع الوضع بسامراء وخبرته
كتله والله مو امان والدواعش منتشرين هواي
بهالاثناء وجان يركض من ايدي نظوري
حيل خفت لايندعم سمعت سياره شخطت
وجان انصدم .........
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: