قصة حب في ازقة بغداد الجزء 1-2-3 في 7:15 م مرسلة بواسطة أحمد التكريتي

السلام عليكم

اليكم قصة جديدة بعنوان

حب في ازقة بغداد

للكاتبة 

ام مصطفى

القصص منقولة وليس لي علاقة بها

 القصة مكونة من 20 جزء فقط

يومية راح انزل ثلاثة أجزاء

#حب_في_ازقة_بغداد

#للكاتبة ام مصطفى 

#البارت الاول والثاني

 

عندما يغشي الظلام الارض وتهدأ النفوس وتغفوا الجفون تبدأ التسبيحات وقراءه القران والدعاء 

عملي الذي لااتهاون به ولا امل منه

لي غايه وطمع..

غايتي رضى الله عني

وطمعي استجابه الرحمن للاشياء الي اتمناها وانا هنا في بلاد الغربه بعيده عن اهلي عن وطني عن احبتي...

في مكان اخر....

حاولت انهض من السرير مكدرت جسمي مكسر وايدي مربوطه وحده بالثانيه احس رطوبه والم تأكدت هذا نزف بسبب الي صاردموعي تجري اسمع صوته بالحمام يعاني من الم بمعدته من كثره التقيأ واني جالسه على السرير اعاني الالم والخوف شلون راح اواجه الحياه منو الي يرحمني سعد اخويه ؟؟لو عمامي..

دخل عليه وعيونه حمر ودموعه تساقط ندم فتح ايدي من الحبل الي ربطهن بي اباوع عليه واحجي بداخلي واكول ليش سويت هيج راد يتكلم..سويت اشاره بيدي بمعنى اسكت مااريد اسمع ولا كلمه

منك..ظرب راسه بالحايط مره واثنين الى ان جرى الدم منه ..

اسف..والله مااعرف شلون سويت هيجي باعي عليه عيني بيج شي اخذج للمسنشفى ..

ظليت ابجي وهو صافن عليه ويصيح ويحاول يرفعني من الفراش واني اعيط واكوله عوفني واطلع بره الغرفه سمعته اتصل وكال...يووووم ...يووووم..

اني ساره عمري ٢٢ سنه خريجه متوسطه لم اكمل دراستي بسبب اخي الذي عزم على ترك تركي للدراسه بالرغم مستواي الدراسي المقبول نوع ما..لم اكن متتطلبه ومتسامحه لكن كرامتي خط احمر لااحب الذي يسخر مني او يحاول اهانتي..

لديه اخ اكبر مني اسمه سعد والذي كان سبب في تسميه بيت ابو سعد واختين رنا وهبه..

رنا تبلغ من العمر ٢١ سنه وهبه اخر العنقود ١٦ سنه 

في مكان اخر..

اسمي احمد عمري ٢٥ سنه عسكري عائلتي امي الحنونه واخي مهند اصغر مني بسنه واحده واختي رند عمرها ١٧ سنه والدي متوفي،احب رنا بنت خالتي عشق المراهقه عندما رائتها في حديقه المنزل وكأنني اول مره آراها فيها جميله فاتنه هادئه تميل الى الشبه لوالدتي .

هلو رناوي شلونج..

هلو احمد الحمدلله انت شلونك اخبارك ان شاالله بخير 

هاي شبيه وجههج ازرك سعد هم مد ايده عليج..

طبعا سعد يمرن ايده بالضرب عليه وعلى اختي ساره وهبه وهذا الشي كان يرضي نفسيته..

رنا بخجل..نزلت وجههي للارض ودموعي على خدي 

احمد..كافي ليش تبجين اروح احجي ويا حتى يبطل يمد ايده عليكم..

رنا..لا احمد الله يخليك ماكو داعي لان اساسا سعد مايسمع كلام اي شخص نفسه وبس واذا تكلمت ويا يزيد مينقص ..ماادري ابقى الى متى متحمله اخويه وضربه واهانته

احبه بس صعب انهان وانضرب على اتفه الاسباب..

كافي لتبجين تعالي جبتلكم حلويات وعصاىر الج وال رند ..مااريد اشوف الدموع بعينج..تعالي دخلي جوه ..جانت امي وخالتي بالهول يشربون شاي وامي تسولف خالتي على مشاكل سعد ويانه..

يريد اترك الدراسه واني اريد اكمل حلمي ادخل جامعه ومستحيل انفذ طلب سعد

ساره..منطقتنا شعبيه وكولش حلوه العلاقات الموجوده بيها الجيران هم اهل وكولشي مايخفى عنهم جيرانا الي عشنا وياهم بيت ابو كرار رجال كبير بالعمر ومنتهى صديقتي واحبها حيل تشتغل خياطه حتى تساعد اهلها لان حالتهم الماديه اقل من المتوسط وابنهم كرار اكبر من منتهى يشتغل عامل بناء بعد ماترك الدراسه لااعانته اهله وخاصه والده االذي تعب ونال منه الزمن..

كرار كان حلمه يدخل هندسه لان حيل شاطر خاصه بالرياضيات عكسي اني كنت ضعيفه بالماده كان يدرسني اني ومنتهى ..منتهى تفهم من اول تمرين واني يضل يعيد الماده اكثر من مره حتىافهمها كرار بالنسبه الي الحياه بكل معانيها الفرح والحزن والدمعه والابتسامه

ماما..راح اودي الصينيه مال ثواب لبيت ابو كرار حتى اخذ القماش لمنتهى تفصله..

ام اسعد..روحي بسرعه ولتتأخرين  تعالي قبل جيه سعد..

هلو منتهى شلونج تفضلي هذا ثواب .ولو زعلانه منج يعني اذا مااجيت متكولين عندي صديقه اروح اشوفها..

منتهى..هلو سراوي والله لسفه تعرفين ابويه مريض مااكدر اتركه وحده تسلمين على هذا الثواب يجعله واصل ويغمد روح ابوج الله بالرحمه..

طبعا منتهى تحجي ويايه واني عيني على غرفه كرار اريد اشوفه 

منتهى انتبهت عليه وكال ترى بعده مااجه..

ساره..بس مو اتاخر ظل بالي عليه

هاي اوامر ابو الشغل بعدتعالي شوفيني القماش حتى انطيج فصالات تختارين منها 

دخلت  ويه منتهى اني اخيط عدها وكل بنات عمي وصيتهن اذا يردن خياط يخيطن عند منتهى حتى تسترزق منتهىتحجي ويايه واني اختار بالفصالات الى ان سمعت صوته وهو يكول نهاوي حظري الحمام..كلبي طار وعيوني على الباب حتى حسبت خطواته الي يخطيها ودكت الباب احسها بكلبي

كرار..هلو سوره شلونج نور البيت

البيت منور بااصحابه الله يساعدك

شلونك صحتك احوالك..

منتهى..راح احظر الحمام..

ساره..منتجي على البار مكتف ايده واني كاعده بالكاع وبيدي الاقمشه وعيوني بعيونه..

كرار..صار هوايه مجايه ليش سوريه مو تعىفين شوفتج جنها العيد الي

ساره..والله موبيدي سعد كل هاي الفتره مطالع من البيت وتعرف بي عصبي وايده والضرب ويانه

ضرب الحايط باايده اويلي ساره والله مجاي تجي عدله ويايه والاجان هسه انتي مرتي واملي عيوني بشوفتج..

ساره ضحكت وعيوني بالكاع 

فدوه الج والهل الضحكه هاي يابعد عشيرتي كلها..

ليش عشيرتك؟؟.

شسوي بيها لعد عشيره بس بالاسم والا مابيهم خير

صدوك محجيت ويه ابن خالتك علمود التعين..

كرار..يمعوده يوميه اوصي خالتي لان هو ميفتح خط مو من مقامه..

ساره..يروحلك فدوه الله كريم لو اعرف انتظرك العمر كله واعيش وياك على حصيره هم قابله

كرار..اووف منج ومن طبيتج والله محد مهون الدنيا بعيني الا انتي 

راح اروح سلملي على منتهى

كرار..بعد وكت وين رايحه

سعد هسه على جيه اخاف اتاخر ويسوي مشكله 

منتهى كرار عيني حمامك جاهز وراح احظرلك الفطور

ساره موجديده على كرار صلاه وصوم حتى باايام الشغل الله ينطي الصحه والعافيه

حياتي عباره عن شغل البيت واساعد امي بالطبخ وكلي كولش طيب كرار يعجبه طبخي ويتمنى يكون نفسه ويخطبني حاولت اساعده بس رفض وزعل مني ضل اسبوع ميحجي ويايه 

اني شبه مخطوبه اله لان امه الله يرحمها خطبتني بحياه ابويه وابويه وافق وكان كلامه خلي يكون نفسه ويجي يخطب بس صاره عرقله امه كانت مريضه  واتوفت وابويه بسبب مشاكل سعد هم اتوفه

من عرضت على كرار المساعده رفض ومقبل يتكلم ويايه تمرضت حيل ومنتهى شافتني وحجت ويا وكال بعد لتعيديها اني اكون نفسي لو اعىف اشتغل ليل ونهار كرار شخصيه قويه كلامه رزن واذا صار عصبي مجرد ميدخن جكاره يهدى يحب عائلته هوايه وبار ويه اهله مرات احس نفسي اعشقه لحد الجنون

احمد..هلو رنا..

رنا هلو احمد شلونك حبيبي حيل مشتاقتلك شوكت رجعت

اليوم الصبح رجعت جنت تعبان سبحت واتغديت ونمت وهسه كعدت..

حيل احمد من الصبح اجيت وهسه اتصلت 

والله تعبان ياروحي لزعلين عليه سولفيلي شلونج شخبارج..

ظليت احجي ويه رناوي الى ان اترخصت مني وراحت رنا حنينه حيل تشبه امي اموت عليها من تجي للبيت تكعد هيه ورند اسمعها تحجي كلامها بي عذوبيه ماخذه هوايه من امي طريقه كلامها نظرتها من صير عصبيه لهذا تعلقت بيها وحسيتها جزء مني من اشوف او اسمع سعد ماد ايده عليها اتنمنى اضربه واسحله بس يبقى اخوها الاكبرمنها اريد اتقدملها بس منتظر تخلص كليه باقيتلها سنه وحده ولو اخاف بيت عمها ليخطبوها لواحد من ولدهم بس لا بيت عمهم بغير محافظه بعدين عنها 

هبه اخر العنقود بيت ابو سعد شابه يافعه وتصرفات طفوليه جميله من اني صغيره عيني على مهند ابن خالتي مهند مكمل جامعه تكلنوجيا  وحاليا موظف تربطني بي علاقه بس محد يعرف بس رنا لان احمد يعرف وهو وحجه وياها من يجي لبيتنا احاول اسوي نفسي اشتغل وارتب لكن بالنهايه يكشفني ويفشلني ويكول هاي ترتيب ساره

مره اجه للبيت كنت واكفه بصف الطباخ اكل برياني لان بعد وقت للغدا وكنت جوعانه دخل سلم  عليه وسالني هاي شنو واكفه هنا بس لاتريدين تطبخين؟

لاعيني اساسا كملت طبخ اكل شويه وشوف شكد طيب

لاعليج الله اخاف اكل واروح اسوي غسيل معده بالمستشفى

موصوجك صوجي اني 

اجتي ساره سلمت عليه وسالها كالها ساره الله عليج البرياني من. سواه

ساره..اني ليش؟؟

مهند..لا مو اكو ناس تريد تدبرها متكدر وتخلي اسمها على الجاهز

هبه ..شنو ساره اني وياج طبخنا..

ساره..يعني الي تكلب التمن معناه مشاركه بالطبخ  

ظلينا نضحك بيومها مهند بقى يمنا على الغدا كلما ارفع عيني اشوفه يباوعلي ونظره حب ..

ماوقعت عينيا على عيناه الا حباً 

وشوقا ..اليه..

ياعشقا..بان مثل الشمسي

نوره لاح بالافق

اقريب ام بعيد ادركه

وان كان..فوق القمري .

يامسكن لك في قلبي

وقفل ومفتاحه بالفكري

يامنبع للطيبه..

وبلسم لكل جرحي..

 هبه..ظل مهند يمنا الى ان اجه سعد

سعد مرتبط ويا بسلفه يريد يشتري سياره ومهند سواها ويه جماعته بالدائره الي يشتغل وياهم

سعد يشتغل معمل للكاشي لبيت عمي بيت عمي ساكنين منطقه راقيه حيل ابنهم ثائر الكبير عايش بالسويد طالب اللجوء  ابن عمي الثاني اصغر من ثائر عصام اكبر من رنا بسنه سمين ويلبس نظارات شكله مو حلوه موظف بااحدى الشركات للقطاع الخاص كان من يجي لبيتنا يشاقه ويه ساره ورنا بس اني اضوج منه بالرغم دائما يجيب هدايه غاليه اليه مره ساعه ماركه كولش حلوه ومره كلاده ذهب كنت اتمنى من اكمل مدرسه اتعين واداوم كليه بنفس الوقت احب اعتمد على نفسي واشتري الي اريده ولو امي الله يخليها ممخليتنا محتاجين بس بعد كل شخص وطبيعته..

ساره دائما اضل سهرانه بليل اقراء قراءان واصلي وبعد دعواتي لااهلي ادعي ال كرار بالرزق والفرج كرار مثل نسمه هواه بارد بصيف حار مثل قطره مطر بصحراء،جافه هيبه وسندكلمته مصير اثنين اسمع صوت الطابوق يسفط اكيد هذا هو كرار...اصعد الدرج ويه كل بايه احس كلبي يريد يطلع ويوصل قبلي من محبتي اله ولهفتي لشوفته بيتهن بصف بيتنا والسطح ملاصق لسطحنا مثل اغلب البيوت بمنطقتنا لكن الي يميز بيتنا بناءه حديث لان جددنا البنلء قبل وفاه والدي على الطراز الحديث فتحت باب السطح وانتعش بالهواء النقي وادعوا ربي واني رافعه عيوني للسما يجمعنا بالحلال وعيني مغمضه واسمع صوت كرار..

بعدج كاعده؟؟

همزين حتى اشوفج لان وجههج كل الخير بي ساره..شدسوي كرار ليش مانمت ساعه قبل ماتروح للشغل

كرار تعرفين حبيبه جبت  طابوك زاد من ابو البيت الي اشتغلت عنده ورتبتها هنا وشار بيده على المكان مال الغرفه الي يريد يبنيها النا حتى نزوج بيها شوفي ساره بقى بس هذا الظلع وهذا وتكمل الغرفه ياريت عندي عصا سحريه حتى أشار للغرفه تنبني بسرعه وتكمل من صبغ واخشاب وكولشي..صدوك يالون تردين الاخشاب؟؟

بلون كلبك ابيض وظلينا نحلم سويه كملت كلامي ويا نزلت على كيف اخاف سعد يكعد ولو ه. غرفته جوه واني والبنات فوك بس كنت احس بخوف على كرار اكثر من الخوف على نفسي..

سعد...

بالنهار احاول اشتغل اكثر من الوقت المحدد الي حتى لترجع الذكريات تزاحم افكاري واذكر كل الي صار والي حصل ليش الي يحب حب صادق ينضحك عليه اصدقاىي عرفوا هوايه بنات واكانوا يستغلوهن بالوعود الكاذبه حتى يحصلون الي يردو ومن انصحهم هذا خطاء وميجوز يقابلون نصيحتي بالاستهزاء حبيت وفيت وياها كل نظره مني وكل كلمه كانت نابعه من احساسي اتاني الليل ينجلي حتى اطلع اشوفها راجعه من المدرسه طولها وشعرها ولبسها كولها عباره عن صوره لفتاه جميله بل قمه بالجمال..ندى هلو سعودي

شو ماكو البارحه؟؟

والله جان عندي شغل  بالمعمل ومصار وقت حتى اجي اشوفج مشتاقلج نداوي حيل..والله بليل احلم بيج واكول شوكت تجي زين حياتي وتونس وحدتي 

ندى..غير من ايدك لوسامع كلام اهلي ومشتري بيت بغير منطقه جان هسه اني مرتك وبحظنك..

نداوي صعبه اهلي

ميطلعون من هاي المنطقه هسه ابوج ليش مصعبها وعيونج اسوي طابق الثاني بس النا غرفه نوم كبيره وغرفه اصغر وحمام ومطبخ بس خلي يقتنع ايوج

ندى..والله ميقبل سعد ثانيا انتوا شعاجبكم من هل المنطقه شو هوسه وناسها همج..ومااحس عدهم ثقافه 

سعد هسه احنا شعلينا بالناس ياعيني كل واحد بيته وساد بابه عليه..

ندى..يمعود ياباب هايه اذا عرض الفرع مالتك متر ونص يعني اذا عطست جيرانكم يكول يرحمكم الله هسه معليه وين هديتي بس لتكول نسيتها .

سعد..انسى نفسي وماانساج..بيومها استلمت سلفه مسويها بالمحل مليونين ورحت جبت الها اسوارات اثنين ذهب 

الله حبيبي يخبلن بس لو مسويها اربعه جان صارت احلى 

سعد..والله ماعندي على السلفه الجايه ان شاالله

صعبة اتشوف انسان ياخذ منك مجرد اخذ لاعطاء ولو بكلمة حلوة اني اعرف هذا الشي بس مكدرد اقاوم مثل التنويم المغناطيسي الي ايخليك اتسوي كل شي حتى اذا مكنت مقتنع بي ندى كان حبه مثل فايروس من يدخل الجسم كانت مناعتي ومقاومتي ضعيفة او معدومة اذا صح القول 

يوم الله ايخليج قنعي ابوية خلي نبيع البيت ونشتري بغير مكان

هسه من جددنا البناء سعر البيت زاد

الام..سعد وين نلكه بيت بهذا السعر شنو انت متعرف اسعار البيوت؟

ثانيا المنطقه الي تريد تشتري بيها حتى مشتمل بسعر هذا البيت مجيب 

زين وخواتك وين الهن مكان.

سعد يمه خواتي باجر مزوجات الله يخليج لتخليني اهج من البيت بعد ماارجع وارتفع صوتي على ريحه الجنه وكان ابويه نايم بالغرفه الجوه وظغطه مرتفع طلع من الغرفه صارا مشكله جبيره بيني وبينه انتهت بوفاه والدي اثر جلطه بعد ما مريومين بالمستشفى

وللحكاية بقية ام مصطفى 

ملاحظه

القصة منقولة نصا من صاحبة القصة قصة حقيقية من متابعيني لم يتغير بها ولا حرف

#حب_في_ازقة_بغداد 

#للكاتبة ام مصطفى 

#البارت الثالث 

اتأزمت حالتي حيل وبعد مطلعت الاربعين ابويه قررت اروح الاابوها عسى ان يوافقون هل المره بس ندى اتصلت بيه وكالت لتجي ولتعب نفسك خطبني ابن خالتي وابويه وافق لو تشوف شلون جبروني عليه جان كلت حقج انت ضيعتني من ايدك..سدت الموبايل اتصل عليها مترد اخر شي الرقم غيرته كلت حقها اكيد اهلها جبروها 

بيوم ردت اشوفها اشتاقتلها اقتربت من البيت مالتهم شفتها طلعت هي وخطيبها والفرحه تارسه وجهه وهي تفتح باب السياره وتضحك جانت من تطلع ويايه تضوخ لان اخذ تكسي وتكولي شوكت تشتري سياره مثل الناس اسودت الدنيا بعيني حقدت على الناس بدون سبب حتى خواتي من اذكر ندى اصيح عليهن واضربهن قبل ميتوفى ابويه جارتنا ام كرار رادت تخطب ساره ال ابنها كرار بعدها اتمرضت وحاروا بيها الى ان ماتت امهم كرار جارنا فكر وحالته تعبانه ومع هذا قريت الرضى والقبول بعيون ساره رغم وضعهم المادي اقل حيل من وضعنا واسأل نفسي ليش ساره قبلت رغم حالتهم التعبانه وندى كولشي وفرتلها وقبلت ابن خالتها؟صبيت كل حقدي على كرار وكتلهم خلي يكون نفسه ويجي يخطب وابويه الله يرحمه من شافني مصر وافق ورجعلهم خبر خلي كون نفسه والله كريم..

رنا..احلى شي بالكون من تحس اكو شخص نفس تفكيرك وعقلك بكل ثانيه تشعر بيه قريب عليك واحساسه نفس احساسك احمد اصبح كل مااملك بهل الدنيا قرر يخطبني من اكمل كليتي لان كان يخاف من بيت عمي ليتقدم لخطوبتي وابويه الله يرحمه كان شرطه اكمل دراسه خاصه من خطب عمي الي بالناصريه ساره لاابنهم وكانت ساره بعدها طالبه لهذا ابويه كال تكمل دراسه وهي الكم فاابن عمي هو جبير اهله زوجوا وحده ثانيه من اقارب امه عمامي واحد ساكن بغداد عمي ابو ثائر والثاني ساكن الناصريه علاقتهم قويه ودائما يسالون عنا منو الي كملت دراسه منو الي بعدها تدرس..قبل كم يوم سعد كال بيت عمي ستار الي ساكنين بالناصريه راح يجون لزيارتنا يوم الجمعه على الغدا حضروا نفسكم بيومها كعدنا من الصبح نظفنا الاستقبال وامي سوت سمج بالتنور لان حسب كلامها عمي يحبها وساره لفت جدر دولمه وبرياني لحم  وصلوا بيت عمي ساعه ١١ الظهر الي اجه عمي ابو ستار وابنه اصغر من ستار اسمه مؤمل وعمتي وبناتها اثنين نسرين وانتصار بعمر هبه تقريبا بس ممكملات دراسه نسرين مخطوبه وانتصار بعدها الي اعرفه ابنهم مؤمل مزوج صار فتره بس ماعنده اطفال اصغر من ساره واكبر مني

دخلت سلمت عليهم عمي باسني من راسي وحظني ومرت عمي سلمت عليه والبنات هم ومؤمل كان كاعد منزل راسه ظلينا نسولف وياهم الى ان عمي سألني رنا انتي كملتي لو بعدج؟؟

رنا..لاعمي بعدسنه واتخرج كنا كاعدين سويه بالاستقبال..عمي ترخص منا لان يريد يسلم على عمي ابو ثائر فطلع هو وسعد ومؤمل..بس قبل ليطلع سمعته حجه ويه مرت عمي وكال فتحي الموظوع ويه ام سعد وان شاالله خير ظليت بفضول شنو الموضوع كانت امي ومرت عمي كاعدات سمعت نسرين تكول ال انتصار امي راح تفتح الموظوع مال خطبه رنا ال مؤمل ..

 واكيد راح يوافقون لان ابن عمها اولى بيها على الاقل يصير عنده طفل 

انتصار_ زين منو يكول رنا توافق لان مؤمل مزوج ؟؟كال ناخذرنا ال مؤمل هم بت اخويه وهم صير مرت ابني  طبع عمي اذا راد شي ياخذه اني هنا تخبلت ظليت حايره شنو الي اسويه وانهي هذا الموظوع خطرت على بالي فكره وحجيت ال ساره عليها وفهتمتها شسويه 

بنات عمي كانوا بالمطبخ ويه هبه يسولفون اشرت ال هبه بدون محد يشوفني تطلع حتى يظلن وحدهن بالمطبخ..

اني وساره ظلينا نسولف بالممر الي قريب على المطبخ..

رنا.ساره تدرين شنو سبب الزياره مال بيت عمي

_ماادري ليش؟؟

رنا..سمعت عمتي تريدني ال مؤمل الحمد لله من الله استجاب دعوتي وابن عمي راح تقدم الي على الاقل امي ترتاح مني

_اي صح رنا تدرين انتي الكلى مالتج تعبانه وجكد صرفنا عليج علاج والمصيبه الدكتور يكول بعد سنه لازم نسوي غسل للكله لان بعد متستجاب للعلاج..

من غير ادويه مال شقيقه مالتج..

رنا..اي ساره على الاقل بيت عمي يتحملوني طلعنا للمطبخ شفت نسرين تحجي ويه امها وامها ايدها على حلكها وساكته

دخلت وايدي على خاصرتي اون منها امي كالت شبيج رنا..كتلها الكلى بس حجيتها بصوت ناصي حتى امي متأكد على الكلمه ومرت عمي عين عليه وعين بالكاع بعدها فرشنا فراش بالاستقبال ال عمي وعمتي والبنات ناموا بغرفتنا ومؤمل نام ويه سعد بغرفته كان لازم اتصرف بعقل لان سعد اذا عرف بيت عمي يردوني ال ابنهم اكيد راح يوافق واذا حجيت ويه احمد راح تكبر السالفه باعتبار ابن عمج اولى بيج احمد حبي الوحيد ومستحيل اتخلى عنه..

اتصل علي احمد مكدرت ارد اخاف يسمعون دزيت مسج اله كتله بيت عمي يمنا والبنات نايمات بغرفتنا

لو ..لي..قلبان..لتخاصما..في..

حبك..مرتين..

فقلب..يهوى..العين..

والاخر..يهوى..الشفتين..

لو كان..لي..قلبان..لتخاصما..

في..حبك..مرتين..

قلب..يهوى..الرمش..

والاخر..يهوى..الوجنتين..

ثاني يوم كالعاده طلعت للكليه ومن رجعت كان مؤمل بالاستقبال سلمت عليه وصعدت ال غرفتي غيرت هدومي ونزلت جوه امي كالت رنا مؤمل ابن عمج يريد يحجي وياج 

اني صخنت..كلت شيريد مني..

دخلت كتله مؤمل امي تكول رايد تتكلم ويايه اتفضل ..

مؤمل..رناوي ردت اتكلم وياج بس الكلام يضل بيني وبينج

رنا..ان شاالله يضل سر بيناتنا كول ابن عمي

مؤمل. شوفي بت عمي انتي على عيني وراسي واتشرفج بيج انتي دمي ولحمي وعرضي والي يغثج بكلمه متطلع عليه شمس واني ابن عمج بس انتي تعرفين بيه مزوج وزوجتي الله مقسملها اطفال يمكن بعد يراد صبر واني احب زوحتي وماكو اي سبب لمنع الحمل لابيها ولا بيه بس ماادري ليش مصار الى هسه ابويه ضل يلح عليه ازوج وكل مايشوفون مره اليه اطلع بيها الف عيب حتى ماازوج بس من ابويه كال نخطب رنا بت عمك صعبه عليه اتكلم عليج كلمه وحده لهذا امي كالتي اابارحه انتي مريضه باامراض الدنيا كلها..كالها وابتسم بس اني اعرف كلامج كذب ..

_اني دنكت واستحيت حيل

حقج وماالومج لاعيشتنا تناسبج ولا اني لان رجال مزوج وانتي بدايه حياتج وعندج دراستج  عالمج الخاص.بس هسه نريد  تكمل القصه على خير لازم امج تعرف بالسالفه لان متاكد ابويه راح يسألها حتى يصير الكلام واحد ويا بت عمي انتي على عيني وراسي بس طريقه زواجنا مو بمحلها ولا بوقتها..

رنا..رد الدم بوجهي وكتله مؤمل مااعرف شنو اكولك بس اشكرك هوايه خفت لاانت تريد هذا الزواج يتم وعمي مصر واني عندي اهم شي دراستي واحمد(كلتها ❤بكلبي)

واذا على امي هسه اكلمها بالموظوع وان شاالله ينملي بيتك جهال ولد وبنات ..ترخصت منه وطلعت وبالفعل عمي سأل امي عليه بعد مافهمتها بالموظوع ورجعوا للناصريه ثالث يوم هم وانزاح من كلبي امي سولف خالتي وخالتي كالت احمد بيوم اجازته خطيه بليل اتصل احمد..هلو احمد حمدلله على السلامه حبي..

_بعد وكت رنا ليش مكلتيلي على بيت عمج ابو ستار وشنو موضوع الخطبه

رنا..على كيفك حبيبي القضيه انخصمت بيومين ورجعوا لديارهم سالمين بعد متأكدوا بااني غير صالحه للزواج

احمد انتي تحجين صدوك لو تشاقين شنو هذا الكلام مظل عندي عقل من كالتلي امي اليوم واني انتظر الليل حتى اتصل واعرف منج الحقيقه

حبيبي بيت عمي رادوني ال ابنهم مؤمل لان زوحته ميصير عدها اطفال فسويت نفسي مريضه باامراض الدنيا كولها وانتهت المسأله حتى مؤمل حجه ويايه وكال اني احب زوجتي ومااريد اخذ مره عليها 

احمد..شنو؟ليش مؤمل جان جاي وياهم؟؟

رنا..خرب حظي اني سويت بنفسي ياربي

احمد..الو وينج.

وياك حبيبي اي طبعا موجود غير الخطبه اله 

وانتي كاعده ويا وسولفين عادي وبالجذب مكلتي اتصل بااحمد واكوله..

والله خفت عليك تتأخذ قرار مو بصالحنه وبالتالي اصير لاابن عمي لان هاي عادات العشائر بت العم لاابن العم مو لاابن الخاله

ظليت احجي ويا واقنع بي لحد ماسكت وغيرنا الموظوع 

بعدين كال اني هاي السنه خاطبج مابيها مجال بعد تكمليها واتقدم الج..

وللحكاية بقية ام مصطفى.

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad