مساء الخير ع اجمل متابعين اتمنى لكم قراءه ممتعه
❣️❣️ #البارت 43❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️
جان تفاجئني وتدفعني قوي وتميل عني
بقيت صافن مااعرف شنو الي صار قبل
ثواني ذايبه بين اديه شنو الي صار مااعرف عقلي توقف من التفكير
لبست ملابسها وراحت للحمام اني مصدوم
اريد استوعب الي صار شنو تقصد بهاي حركتها
يعني اتقبلتني ومعارضتني ومن وصلت
للصدك انهزمت هاي تفسيرها شي واحد
اكيد متريدني ابد ومستحيل تتقبلني بيوم
هواي طولت بالحمام رحت دكيت الباب
روان وين صرتي يله اطلعي خلي اسبح
ردت اسبح لان حيل ضجت من نفسي ومنها راح انتظر منها تفسير لازم
طلعت ومبين ع وجها جانت تبجي
كتلها انتظريني اسبح وارجع احجي وياج
سبحت وطلعت لكيتها نايمه مااعرف
مسويه نفسها نايمه اجاني ردها يعني متريدني ابد ولا تريد تحجي ويايه
عفتها ع راحتها نمت وثاني يوم كعدت
لكيتها نايمه اتركتها وطلعت للمحل
حتى بدون ريوك رجعت بالليل لكيتها نايمه
اكيد كاعد تتهرب مني بعدها كعدت لكيتها
رايحه للدوام وبالليل هم نايمه
وهكذا اني حاليا ابتعد اكثر منها لان هواي
ذليت نفسي الها راح اتركها ع راحتها اريد اشوفها وين تريد توصل
اليوم اني كاعد بالمحل واجتني مخابره من روان تبجي ها روان شكو
مرتضى رهف بالمستشفى واكعه من الدرج
وحالتها كلش خطره تعال اخذني للمستشفى فدوه
لا ابقي اني رايح خلي اشوف الوضع وارجعلج
عفت كلشي ورحت للمستشفى لكيت شهد متخربطه وعمار حالته متنوصف ابد
سالت عمار شلون وكعت .... حالته متنوصف ابد كلي عفتها لحضه وحده وصعدت وي اخوها ووكعت مااعرف شلون ابد
شهد منتهيه لحضات وجان ننصدم بالخبر
اتوفت جان اصعب موقف علينه وع شهد خطيه هذا ثاني واحد يموت الها
فقدت شهد وكوه كدرت اخذها للبيت بالكوه
طبعا حالتها مانوصف ابد بجتنه كلنه حيل
انقهرنه عليها خطيه
تلوم عمار ع الي صار تكول حذرته لتاخذها بس عاند
كوه لازمها بيدي ملخت شعرها ووجها فاقده كلش
اخر شي لبسناها عبايتها واخذناها للمستشفى لان فقدت الوعي خبرنه عمار واجه حالته متنوصف ابد متقل عن حالت شهد
ضربوها ابر ومهدئات ورجعناها نامت بالليل روان راحت يمها لثاني يوم
كعدنه ع بواجيها كمنه نحجي عليها هذا امر الله ولازم تكونين مؤمنه ميصير هيج تسوين
ولكم هاي روحي وعمري وحياتي
هاي بنتي تعرفون شنو بنتي
يعني صدري ورم ..... يعني جوعانه هسه ......وتريد ترضع ....يعني هسه تبجي لان تريدني يمها ....يعني هسه وقت نومها تريدني انيمها .....
يعني حياتي بدونها عدم لحد يلومني هاي الي حملت بيها 9 اشهر واتحملت كلشي لخاطر اشوفها
هاي الي اتحملت كلشي لخاطرها هاي الي ضحيت بحياتي لخاطرها
طبعا تحجي وفاقده كوه لازمينها الكل يبجي وياها اجتي ام عمار وابو هو مااجه كالوا اخذها يدفنها هي سمعت وهي اتخبلت خبال
شنو يعني صدك ماتت صدك مااشوفها بعد صدك تركتني بسهوله
يوم فدوه ليش اطفالي ميحبوني ليش يتركوني وهمه ممكملين سنه ويايه
معقوله اني ام مو صالحه ويتركوني معقوله الخلل بيه وميحبوني
الصراحه اني تركت البيت متحملت ابد اشوف شهد بهذا المنظر حيل ضجت
رحت للمحل ربع ساعه واتصلت بيه روان كالت شهد تخربطت واخذوها للمستشفى روح وراهم
رحت للمستشفى لكيتهم مخليلها مغذي وضاربيها ابر مهدئه عمار يمها لكيته
كعدت بس هالمره هادئه بس دموعها تجري بدون اي صوت
راد ياخذها عمار وياها رفضت رفض نهائي محد عارض رجعتها للبيت
وعمار واهله راحوا لبيتهم مقبلوا يرحون ويانه
شهد هنا اتحولت لانسانه ثانيه نفس من مات ابنها دخلت بعالمها الخاص كئيبه 24 ساعه وعايشه بغير عالم متحجي وي اي بشر حتى وي روان
فاجئتنه من كالت اريد اطلك من عمار بعد مااريد ابقى ويا
حاولنه نحجي وياها ونقنعها بس هي رافضه وتكول اكتل روحي واروح يم اطفالي اذا احد عارض
عمار كام يتردد هواي لهنا ويحاول يحجي بس هي قافله تكول هو الي كتل بنتي مااسامحه ابد مااكدر اعيش وياه بنفس البيت وبنفس الغرفه
صار شهر من ماتت رهف وهي متحسنت ابد قافله ع الطلاك ومتحجي وي اي بشر بس وي روان الحمد لله روان عدها عطله واعتنت هواي بشهد
طبعا علاقتي بروان بارده اني كاعد احاول ابتعد وهي عكسي تحاول تتقرب
مااعرف شنو فلمها دايخ بيها احسها تريدني وتحبني وبنفس الوقت رافضتني
ابتعد عنها تحاول تتقرب مني ومن اتقرب الها هي باللحضه تبتعد مااعرف شنو فلمها
مرات تروح يم شهد تنام ماعارضتها ابد عفتها ع راحتها هم لاجل شهد خطيه وهم بعد مااهتم
طبعا الكروب تركناه تقريبا
طلبت من روان تجهز نفسها هي وشهد وامي كلت خلي اخذهن للنجف ع حساب شهد خطيه
فعلا شهد حيل فرحت بدلن هسه احنه بشهر الثالث صار شهرين ونص تقريبا ع وفاة رهوفه
الجو حلو بعده طلعنه وره الغده اول شي رحنه للمقبره طبعا هذا طلب شهد واني هم جنت حيل مشتاق ازور مريم رحنه لمريم ورسول الله يرحمهم
شهد راحت ذبت نفسها ع الكبر كالت اتمنى تعوفوني بوحدي وانتوا روحي يم مريم
همه نفس المكان طبعا بس كبر واحد يفصلهم
عفناها ع راحتها كعدت ع الكبر قريت الفاتحه وجبت مي ورد ومي عادي وبخور
روان كعدت قرت قران وعيونها تراقبني يمكن حابه تشوف ردة فعلي شنو هاي اول مره اجي وهي ويايه
اتصرفت طبيعي كملنه وهاي شهد بعدهي ذابه نفسها ع الكبر مااعرف شتحجي لان بصوت همس تحجي ودموعها ابد متوقفن
خليتها لمن من ذاتها كالت يله رشينه مي ورد ع قبره ومي عادي وشعلنه البخور وودعناهم ورحنه
رحنه للامام كعدنه بمكان واستقرينه يله كتلهن روحن زورن واني باقي هنا
شهد وروان دخلن سويه وامي راحت للمغاسل كالت اني اروح وحدي
وراحت زارت وكملت ورجعتلي بقت بمكاني واني رحت زرت وصليت ودعيت الامام علي يريحني
اتمنى روان تتقبلني اتمنى استقر وياها اتمنى تتغير حياتنه لان من صدك تعبت ومحتار مااعرف شاتصرف وياها
كملت وطبعا اتاخرت وطلعت اتفاجأت من لكيتهن لحد الان مجايات لكيت امي كلبها نار اني هم اتخبلت ممعقوله لهسه مراجعات
دزيت امي عليهن دخلت والدخله دخله بعد مرجعت خاف عايزه التمت
حيل قلقت والخوف اكلني اكل بقيت محتار شاسوي ماادري معقوله صاير شي معقوله وحده متخربطه معقوله متيهات حسبه تاخذني وحسبه تجيبني لمن نفذ صبري تقريبا
ع فجأه وجان يجن كلهن احس دمي رجعي لوجهي متت خوف والله
شنو السالفه وين جنتن كل هاي الفتره
امي كالت ماكو شي شهد نايمه ومكادره تكعدها روان
طبعا ممقتنع بهذا السبب ابد
بس سكتت شفت شهد حالتها شويه افضل وروان هاي سالفتها سالفه كل مااصد عليها الكيها صافنه بوجهي ومن تلاحضني تضحك بوجهي
دوختني شنو الفلم
بعدها كالت لشهد خلي نكوم للسوك اتوقعت راح ترفض شهد بس صار العكس فرحت وكالت ياريت حيل ضايجه
شلون ترحن وحدجن لو اني لو امي وياجن
اشو اثنينهن طفرن نفس الحجايه لا لتروح انت ناخذ امي
اني بقيت صافن احسهن مو طبيعيات شنو الفلم مااعرف
بقيت منتظر اذن المغرب صليت بمكاني وطولن
واخيرآ اجن بس اشو مجايبات علاليك علاكه وحده زغيره بس
لعد صار ساعتين شيسون سكتت محجيت شي يله صلن حتى نروح نتعشى ....
صلن وكملن تصرفات روان غريبه مااعرف افسرها ابد كالن راح نزور ع السريع ونجي منتاخر ابد
وكتنه راح لازم نتعشى ونرجع ....
شسالفه مرتضى والله بعد هواي وكت خلي نزور منتاخر وشهد خطيه حالتها اتحسنت بالزياره ....
امري ل الله يله روحن بس لتتاخرن ابد
احس امرهن عجيب وغريب سالت امي كالت والله مااعرف شبيهن من دخلت نشلع كلبي شلع يله لكيتهن
زين اشو ممشتريات شي .... ماادري بيهن
صدك مطولن ورجعن بسرعه رحنه للمطعم اتعشينه وكملنه ورجعنه كالت روان اريد ابات اليوم وي شهد اذا تقبل
شكو اليوم ....
ماكو شي بس هي طلبت مني ومااكدر اكلها لا ....
متاكده هذا السبب ....
اي متاكده ....
اوافق بس يشرط ....
شنو الشرط ....
نسوي حفله ونبقى سويه اليوم ....
اوك موافقه بس اني الي اسويها يعني حسب وقت فراغي ....
شعندج قابل ومشغوله سويها ب11 ونص ....
لا مااكدر خلي اشوف شهد عيب منها وبعدها اسوي اني حخبرك من اكمل ...
اوك راح انتظر
بقيت انتظر هسه تسوي هسه تسوي وماكو ولا كانو صارت ب1 وهي بعدهي اكيد ضحكت عليه ونامت رادت بس اوافق حتى تروح
الصراحه حيل ضجت وردت انام بس مكدرت ابد صارت ب1 ونص اجتني رساله منها حيل افرحت عبالك مو رساله فتحتها باللحضه لكيت بيها اسفه لان اتاخرت عليك بس هسه يله نامت شهد اذا كاعد تعال للحفله حسويها
جاوبتها اوك منتظرج
دخلت للكروب لكيتها هستوها مسويتها رحبت بيه سالتها ليش اتاخرتي
كالت عيب من شهد بقيت يمها نسولف وماكدرت اتركها بوحدها والتهي بالحفله
معلينه المهم شلونج شخبارج ...
تمام الحمد لله وانت
الحمد لله
شكو ماكو ...
ماكو شي سلامتك ....
اليوم شنو فلمج انت وشهد ....
فلميش مفهمت ...
اليوم احس تصرفاتجن مو طبيعيه ابد ....
بالعكس طبيعيه وماكو شي اكيد تتوهم
اتمنى اكون متوهم وماكو شي ....
بقينه كاعدين لوقت متاخر بس مطرقنه لمواضيع خاصه ابد بعدها نهت الحفله ونمنه
ثاني يوم لكيتهن كاعدات سويه اكيد اكو شي بس شنو مااعرف بعدين كلت مهما كاعد يصير اجه من صالح شهد خلي تنسى وتطلع وتخلي حياتها ترجع طبيعيه
اتريكت ورحت كل شويه ونتراسل اني وروان طبعا مو من عوايدها تراسلني هيج وتريد حجه حتى تحجي ويايه
استغربت موقفها بس بنفس الوكت افرحت لهذا التغير
سالتني تجي ع الغده لو لا ...
كتلها ماادري يمكن اجي تردين شي ...
لا شكرا بس اسال حتى مااتغده انتظرك
ممصدك هاي روان اكيد ملعوب باعداداتها احتمال محدثيها بس عجبني التحديث الصراحه
اذا هيج انتظريني راح اجي اكيد ...
رجعت ولكيتها منتظرتني اتغدينه سويه حسيت شخص ثاني ولا كانوا روان نفسها
كملنه الغده واجوي بيت عموا كالوا زواج نرجس الخميس واحنه اليوم سبت كال عمي اريد روان تروح وياها للصالون هي وشهد كال محد يكدر يروح وياها خطيه
صدك جذب عمي تدلل اني بيدي اخذهن وبيدي اجيبهن
باجر امر بنرجس واخذها
اتشكر مني هواي لليل رجعت وانطيت علم لروان حتى تروح وياها
ثاني يوم راحت بس روان شهد رفضت اخذتها للمركز وبقيتهن هناك كالت روان اطول للعصر عفتهن ورحت للمحل وكتلها خابريني من تكملن
خابرتني العصر رحت جبتهن ورجعتهن
ثاني يوم هم اخذتهن من الصبح للعصر يله كملن كالت روان نريد ناجر البدلات تاخذنه هسه لو باجر
خليها ع باجر افضل لان هسه الوقت متاخر ...
تمام
اخذتهن ثاني يوم اجرن البدلات وكملن باجر موعد الحنه الليل كله هذني يلبسن وينزعن خبلني اخر شي طردني واني هم ضجت عفتهن ونزلت جوه نمت
شهد هواي تحسنت حالتها وبدت تطلع تحجي تاكل ويانه
ثاني يوم كالت روان لازم تاخذنه من وكت ...
اوك
كالت شهد وامي ذبنه ابيت عمي من هسه واخذ نرجس وروان للصالون
صدك وديتهن وكالن خطيب نرجس يرجعهن
اني وصيت روان متخلي مكياج هواي ومتلبس لمن ترجع لبيت عمي وديتهن ورجعت للمحل
ع طول اتواصل وياها وتنطيني الاحداث صار العصر وكملت طلبت منها ادزلي صورتها بس مثولتها ولا دزت
قبل الاذان كلت خلي اروح اشوف شكو ماكو خابرت ع عمي وسالته ع الحفله خلصت لو بعدهي
كال كملت كتله راح اجيب عشه واجي ماقبل كال البنات يسوون كتله لا راح اجيب
جبت كباب وصمون ورحت اتمنى اشوف روان بملابس الحفله وبمكياجها بس هسه اكيد مبدله مباقيه لهيج وقت
دخلت للاستقبال بس عمي وابوي كاعدين سالتهم منو باقي جوه كال عمي ماكو غريب فوت للمطبخ انطي الاكل للبنات
رحت للمطبخ دكيت الباب كالن ادخل لكيت عمه وامي كاعدات انطيتهن الاكل
بقيت كاعد يمهن وخابرت روان كتلها تعالي للمطبخ اجتي وجانت المفاجئه بعدهي بملابسها طالعه تجنن بس ماقبلت بلبسها لان لابسه قصير حيل
باوعتلها من فوك لجوه هي اجت فاكه حلكها بس تضحك واني بكد مجنت متلهف اشوفها اتمنيت لو مشايفها هيج بهذا منظرها هواي افضل لان حيل عصبت
هلو مرتضى هاي شوكت اجيت ....
هسه اجيت
اتقربت عليها ماعندج بعد اكصر من هذا طويل هذا حرامات
ها صدك تحجي ....
اي قابل اجذب
والله ماعندي اكصر من هذا لو ادري بيك تقبل جان جبت من عمار ....
هاي ثوله صدك لو هي تستثول
عصبت حيل ....
بسيطه الج روان تستهزئين بيه
من سمحلج هيج تلبسين 😡😡😡😡
هاي شبيك مرتضى والله بس بنات ماكو اي رجال ومن اجه زوج نرجس اختفيت
لتكفريني بالدنيه لخاطر الله معقوله تقنعيني محد صورت
والله ماكو اي صور وحلفنه بالعباس
اي وانت صدكتي مراح تجي وحده ضعيفة النفس وتصور
هاي شبيك مرتضبى قابل بس اني هيج لابسه والله الكل هيج لابسه
روحي بدلي لا ابتلي بيج ومحمد معقوله عمي وابويه مشافوج هيج ...
والله محد شافني وراح ابدل العتب مو عليك العتب عليه الي حبيت تشوفني هيج 😤
راحت تتافاف وتحجي جنها عجوز عرب
فرحت من سمعتها حابه تشوفني هيج بس بنفس الوقت معصب
كلت لامي وعمه انتن شنو دورجن من تشوفن البنات هيج لابسات ...
غير حفله والكل هيج لابسه
واذا حفله يعني حلوه من يعرضن نفسهن هيج مفكرتن تجي وحده مريضه نفسيا وتصور بدون علم احد وتنشر الصور
لو تبيع الصور ويبقون يهددون ضربن ع وجهن عزه بس لا صدك
والله احجي صدك والقران قبل فتره ولد صاحبي سولف كال حفله لاقربائنا وحده مصوره البنات وبايعتهن
وانشرن الصور وصارت كاتل ومكتول ع ابو انو البنيه هي الي منطيه صورها وتعرفون شنو الي صار البنيه انقتلت تعرفن شنو انقتلت ....
عزه بعيونجن ولجن والله بعد ممنوع وحده تلبس هيج بعد
بعديش بعد ماخلصت الحفله
والنبي انهجمت بيوت من وره هاي الحفلات لو بالقاعه اامن لان ممنوع موبايل وممنوع تصوير
بس بالبيت مترهم ابد
رحت يم ابوي وعمي وجنت حيل ضايج من الموقف
جابولنه العشه اتعشينه وكملنه وطلبت من روان تجهز نفسها هي وشهد وامي حتى نرجع للبيت
بس فاجأتني روان من تتوسل بيه تريد تبات هنا المشكله كدام الكل طلبت مني مااكدر بعد اكول لا
مااعرف ليش هيج سوت وليش اصرت ماادري كتلها ابقي بس الصراحه ع اعصابي شهد هم كالت ابات رجعنه اني وامي وابوي
هواي حاولت اتواصل وياها وراسلتلها بس هي الظاهر بغير عالم ولا كانو
اني اعلمج روان افور دم اريدها بس تجاوب
صارت الساعه ب1 وهي اصلا مفتحت جهازها حتى ولا كلفت نفسها وكالت خلي اشوف الجهاز
ردت انام وجان تجيني رساله واخيرا
هلو مرتضى شلونك ....
مو زين ابد ومعصب كلش
خير شبيك ....
ولج من شوكت راسلتج وين جنتي
اسفه والله جنت يم البنات ومشغلين ام بي 3 وكلشي مااسمع
شعندج بايته هناك ....
وي البنات ع الواهس حبيت ابقى لان ضايجه ....
ليش فشلتيني كدام الكل متعرفين ادزيلي رساله وتخبريني
ادري بيك ترفض حبيت اكلك كدامهم حتى توافق 🙈
خوش حاسبتها بسيطه الج روان
تعالي كليلي منو سمحلج هيج تلبسين وليش مااخذتي رايي
متوقعت راح تمانع لان شي عادي البس بحفله بنات بس هيج
والقران لو ادري جان منعتج عندج كومة ملابس ملكيتي غير هذا 😡😡😡
هاي شبيك مرتضى معقوله معجبك اشو الكل اتعجب بيه
فوكاها الكل اتعجب 😡😡😡😡 وانت مكيفه تتباهين بهذا الشي مو
هاي شبيك مرتضى لويش هيج معصب الشغله متحتاج هيج تعصيب ابد
اي عندج عاديه وممهتمه بس اني لا من اشوف صورتج وهمه ناشريها وانت بهيج منظر مااكدر اسكت ويجوز اتهمج واكول انتي الي منطيه صورتج 😤
تحجي صدك مرتضى تشك بيه
اي اشك بيج لان متاكد ماكو تصوير بالحفله مثل ماكلتي
انت لو منطيتني علم شراح تلبسين مجان هيج سويت ابد
اسفه والله بعد مراح البس هيج واله اخبرك بس سد الموضوع
اشو انت عكس الناس كدام رجلج تستحين ومتلبسين هيج وكدام الناس الغربه عادي
حباب فدوه سد الموضوع والله بعد مااسويها
خلي نشوف .... وين انت هسه
بالغرفه يم البنات ....
شكاعد تسوون
كل وحده لازمه جهازها بيدها ورايحه بغير عالم
وانت هم رايحه بغير عالم مثلهن ...
اي ☺️
وين صاير هذا عالمج عاجبني اجي وياج
هو اني اصلا بعالمك هسه ....
شتسوين بعالمي ولج واني ماادري
معقوله متدري اني بعالمك ....
والله ماادري منو يكلي قابل
امممممم ححاول اصدكك ....
باجر هم راح ترحين وي نرجس ....
اي وياريت تجي انت تاخذنه
اكيد اجي اخذجن ومنو يرجعجن ....
هو زوجها يجي يرجعنه يمرون ياخذون صور ويجيبنه للبيت ....
زين انت شكو رايحه وياهم للتصوير ....
لعد شلون نعوفها بوحدها ميصير عيب كدام بيت عيالها وعيب من زوجها لازم ارتبها هناك لان بوحدها اكيد مرتبكه
امممم من شنو مرتبكه ....
كل عروسه ترتبك اكيد
من شنو ترتبك ....
مااعرف ....
شلون متعرفين وانت مريتي بهيج تجربه اكيد تعرفين ....
مااتذكر ....
روان حاب اسالج سؤال واتمنى تجاوبيني عليه بصراحه
تفضل اسال ....
انت مرتاحه ويايه لو لا ....
يمكن اي ويمكن لا
شنو من جواب هذا اريد جواب صريح
مااعرف بالضبط ....
زين حابه ننفصل لو نبدي صفحه جديده اني وياج واواعدج مراح تتندمين ابد
هم مااعرف ....
هاي شنو روان اليوم كلها متعرفين
مرتضى انطيني مهله والله حخصمها وياك لو اي لو لا بس اصبر عليه
ولج شاصبر مو خلص عمري كله واني صابر وياج وبده صبري ينفذ
هانت ان شاء الله مبقه شي ...
شنو تقصدين ....
بعدين افهمك
زين هم راح اجي وياج بيج امل تتقبليني بيوم لو راح يروح صبري هباء
ان شاء الله مراح يروح ....
طبعا هاي الكلمه حييتني وخلتني اروح بعالم خيالي مينوصف ابد
روان تحجين صدك لو تشاقين
والله مااشاقه كاعد افكر بالموضوع بس انطيني مهله وارجعلك الخبر باسرع وقت وعد مني
راح انتظر العمر كله بس حتى اسمع منج كلمه موافقه
تعرفين اسعد انسان هسه اني
وعد مني مااتقرب الج اله بموافقتج وبارادتج ومن تكليلي اني جاهزه اتقبلك
حتى لو تنامين بصفي بدون ملابس هذا وعد مني
اوك خلي نشوف راح اجربك شهر انام سويه ع الجربايه اذا كلامك صحيح راح اوافق عليك واذا مسيطرت ع نفسك راح تخسر ومراح اتقبلج
روان لتصيرين ظالمه شهر هواي شلون اتحمل
انحمل لخاطري خلي اشوف حبك الي شكد
اذا هيج موافق اكيد افوز عليج واخذج غصبا ماعليج
بقينه نسولف فتره ورحنه نمنه ثاني يوم اخذتهن للصالون واكدت ع روان لا مكياج هواي ولا لبس مو لائق
رحت للمحل بقيت مرجعت الظهر اجوي الولد يمي اتغدينه سويه طلبنه من المطعم
عمار وكرار واحمد كعدنه سويه نتغده وضحك وسوالف وكل شخص تكلم عنه شويه
احمد كال ممرتاح وي اهلي ابد مشاكل بين ديما ومرة اخويه وهاي خبيثه كرهتنه الدنيا كلها وحجيت وي اهلي وكاعد ادور بيت للايجار اريد اخلص من المشاكل
كرار كال اني احس عمري خلص وضل بنفسي الطفل اتمنى بس اسمع كلمة بابا وبعدها حتى اذا متت مو مهم الليل كله افكر واتصور واحلم بطفل يصيحلي بابا
كله عمار ليش متتزوج ع مود الطفل اذا هيج بنفسك
لو اموت مااسويها خطيه زوجتي اكسرها ماافكر بهذا الشي ابد واني مو اناني وافكر بنفسي
البنيه مبيها صوج ولا بيه الصوج اكيد الله كاتب النه هذا الشي
ومنو يكول اذا اكسرتها وازوجت عليها يصيرعندي طفل
احمد كله دير بالك تتزوج لان خطيه البنيه تكسرها وسالفتك مو اكيد يصير الطفل
كال وصفولنه دكتور باربيل حيل شاطروذكي خاص بالعقم حجزت يمه اني وزوجتي موعدنه الاربعاء التجي احنه نروح الثلاثاء والله كريم
الله يسهلك ان شاء الله والبي صالح يصير ان شاء الله
اجه الدور لعمار وجان يفاجئنه بمشكلته
والله اني اريد اسركم انتم ع سر محد يعرف بي واحس بنفسي راح انفجر واموت بس من وره هذا الشي
احجي شكو قلقتنه يمعود
جان يكول المفروض اني مااحجي كدام مرتضى هذا الكلام بس اني حاب احجي بس قبلها اوعدني مرتضى تساعدني ومتعصب مو توكف ضدي
وعد مني اوكف وياك ومراح اعصب
بداخلي دخل الشك وحرت شنو الي مسوي عمار
اني تصرفاتي وي شهد مو طبيعيه ابد
شلون يعني شنو تقصد ....
اقصد علاقتنه ابد مو تمام اني وشهد من يوم الي تزوجنه لليوم بس مشاكل وطلايب رغم اني احبها حب مو طبيعي
اجي يمها اتخبل منها واكرها وتصير بعيني عدو ومن اروح من يمها اتندم وارجع طبيعي
بينما ذيج مرتي اكرها بالحقيقه واكره تصرفاتها كلها بس من اشوفها كبالي تطلع ملاك بعيني ومن تغيب هم ارجع لطبيعتي
بعده ممكمل كله احمد ولك انت مسحور وسحر قوي
اني هم شكيت بنفسي ومعرفت شاسوي محتار
شنو الي تسوي شهد اضوج منه والي تسوي اسيل هو ولا غيره
اني منطقت ولا حرف هسه عرفت ليش شهد تريد تطلك
اني حاسبكم انتم اخوتي واريد تساعدوني شهد مصصمه ع الطلاك واني مااريد اطلك ابد لان والله والقران احبها واموت عليها
هي محملتني مسؤلية موت بنتها ومراح تسامحني حقها من هيج سوت لان بوقتها مقبلت اخذها واني كاعد احس بتانيب الضمير من وره هاي السالفه
كله احمد هي شلون ماتت
مخليها بغرفتي وبفراشي وابوس بيها والعبها وجنت حيل فرحان وياها نضراتها الي جانت غريبه معرفت افسر هاي النضرات اله بعد فوات الاوان عرفتهن نظرات وداع
هنا كام يبجي والله لو ادري جان رجعتها لامها
صاحتني اسيل كالت تعال اسحب التخم ويايه
والبنيه ويايه تزحف لحضه وحده وجان اشوفها سابحه بدمها شلون صعدت لفوك مااعرف مراح اسامح نفسي ع الي سويته ابد
كرار كال سمعنه ابنك الي دافعها
والله مااعرف لحد الان اتمنى اعرف الحقيقه هي ممعقوله تصعد بوحدها وبنفس الوقت امير فوك بلحضة الحادث
بس هو يبجي ويكول والله مو اني الي صعدتها ولا اني الي دفعتها
كله اني هسه كل الي اريده ارجع لطبيعتي واشوف الحقيقه بعيني مااريد اظلم شخص
كله احمد دواك عندي اني اخذك ع ولد اقربائنا مثل حالتك مسويله سحر وراحله ويكول مينوصف هذاالسيد بالمكان يوخر السحر
كله اخيك هسه خابره واخذلي العنوان كله تدلل واني وياك نروح اله لو وين مجان
الفت اليه عمار ها مرتضى اشو ساكت اكيد معصب مني
لا والله بس شويه مستغرب من الي حجيته
واكيد هذا الي سويته مو بارادتك اذا يطلع صدك سحر
مرتضى اخيي اريد سالفة شهد منك حاولوا قنعوها انت وروان متطلب الطلاك لان والله مااتحمل اطلكها وحيل متندم ع كلشي صاير
الله كريم خلي احمد ياخذك ووخر السحر اذا صدك ويصير خير
خابر احمد واخذ العنوان طلع بالناصريه واتفقوا باجر يرحون سويه اول مره اشوف عمار هيج منظره مو طبيعي ابد
لحيته شطولها ومبهذل نفسه ومهموم اني الصراحه ضجت عليه
بقينه للعصر نسولف وبعدها كل واحد راح لحال سبيله
خابرت روان كالت منتظرين الزفه بعدهي
لعد ابقوا لليل وره العشه اجي اخذكم ....
بالليل رحت جبتهم عيني ع شهد اكول الله يساعدج الله اليعلم شنو متحمله لحد الان
لازم احجي وي روان ....
فعلا كعدت حجيت وي روان وبقت صافنه انت شمدريك ومنو كلك كتلها معليج انت اريد منج تقنعين شهد متطلب الطلاك
والله قافله لااني ولا انت نكدر نقنعها ابد
خل نحاول والله كريم .... الله كريم
تعالي كوليلي اليوم انام هنا سويه ....
اي ☺️
زين شنو الي ممنوع عليه وشنو الي مسموح
كلشي ممنوع ....
شلون يعني ....
يعني كلشي ممنوع
بس هذا موعدل انام يم هذا الجمال كله واكعد عاقل ....
لعد روح انزل نام جوه ....
لا لا لا بطلت اصير عاقل
ثاني يوم راح احمد وعمار بالليل التقينه بالمحل وجانت الصدمه مو طبيعيه
جان يكول ......
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 44❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️
جان يكول احمد ولكم طلع الولد مدمرينه
دمار مسوياتله شجم سحر مو بس واحد
مسوياتله عقد لسان ومسوياتله محبه
ومسوياتله كره لاهله ولزوجته خاصه
مخليات بغرفة شهد وعامياته عمي
الرجال متخبل يكول لو باقي فتره ومجاي
جان تسودنت علني والمفاجئه الكبري الي
صدمتنه يكول بنتك ماتت مقتوله يعني مو صدفه
لا ياالله لتكولها ولك هاي مصيبه اذا صدك ومصيبه اذا درت شهد
اي والله خبلنه حجالنه حجي مو طبيعي عمار
يكول اني اكول معقوله اطيع اسيل هيج
طاعه عمياء شتطلب مني اكول اي شتريد اكول اي
كلمه لا انلغت بقاموسي
والحل ... الحل كال لازم توخر السحر دلانه
بيهن بغرفته وبغرفة شهد وعلمه ع اشياء يسويهن و بعد يومين نرجعله
روح عمي سوي الي يكلك بي كله
جان يكول عمار حتى لروان مسوين ماثر عليها السحر
شنو روان شدخلها وشلون ماثره عليه
سالني عمار وكال احجي الحقيقه روان من تبتعد عنها هي تتقرب عليك ومن تتقرب عليها انت تبتعد
اي صحيح وهذا الشي دائما مدوخني
هاي الخبيثه اكيد لان رفضنه اخوها هيج
مسويه بس لتخاف روح ويانه الاحد حتى هم يسوي الك
روان : اكثر شي خبلني بعلاقتي وي مرتضى اريده واحبه واتمنى قربه وبنفس الوقت من يتقربلي اتخبل ومااقبل
ذاك اليوم من بده يتقربلي رحت بغير عالم وذبت بين ادي وجنت مسلمه نفسي اله ع اخر حبه
بس فجأه اتحولت لشخص ثاني صار كبالي
عدو
واجتي سوالفه الموزينه كلهن كبالي دفعته ووخرت رحت للحمام بس ابجي
مااعرف شلون اطلع لان خجلانه منه شلون هيج سويت مااعرف بقيت مطوله لمن
حاجاني طلعت ونمت كبل مااكدر اواجها
هو ابتعد عني واني هم ابتعدت بس انصدمنه من سمعنه خبر وفاة رهوفه الله يرحمها
شهد موتتنه والله اني ابجي دم ع شهد بس
تكول ماعندي حض لا وي ابن عمي ولا وي اخوج واطفالي ميردوني ابد بس يشردون
مني لان اني الظاهر مو خوش ام
بقيت انام وياها واهدئ بيها بس مخبله بفراك بنتها وحقها
ولج روان عمار الي كتلها بيده ولج منعته بس بعناده اخذها حتى يقهرني بيها مايدري مو
قهرني بس موتني ع البطيئ كاعد اموت والله
لج شهد هذا امر الله الله مكاتبلج هذا الشي لازم تؤمنين بالله
دخلت بعالم معرفت افهمه ابد متقبل تحجي ويانه وماكو شي بلسانها غير اريد عمار يطلكني
اني طاوعتها بهذا الشي لان عمار دمرها خطيه واذاها حيل
شكد كاعد احاول اطلعها من جو الكآبه بس مكدرت
رحت لاهلي حبيت اعرف التفاصيل من عمار شلون وكعت رهف من الدرج وشصعدها
كل الي اساله ميعرف حتى امير يبجي يكول والله مو اني الي وكعتها هواي حاولت اخذ منه شي بس فشلت
مستحيل تصعد بوحدها لان متكدر بعدهي تزحف ومتفتهم جان من اول بايه وكعت
عمار لكيته بمنظر مينوصف ابد كاعد بغرفة شهد وحاضن ملابس رهف ويبجي يكول بيدي كتلتها اخذتها من امها غصبا ومن ورايه ماتت
امي تكول حالته متنوصف ساكن هاي الغرفه صارله هواي
حجه ويايه كلي روان فدوه قنعي شهد مااريد اطلكها ابد
والنبي احبها ومشبعت منها ولا تهنيت بيها ابد
والله ياعمار اذا تشوف حالتها تبقى صافن عليها رايحه بغير عالم لاتحجي وي واحد ولاتاكل ولا تشرب شحالها صايره
اني لازم احجي وياها واتفاهم مستحيل اطلكها
عمار انت اذيتها هواي وشلعت كلبها لهنا وكافي خلي اسيل هي تفيدك جنت تهدد بيها ابنتها وهسه شنو حجتك خطيه عوفها كافي ظلم
رجعت وشكد حاولت احجي وياها بس بدون فايده لحد مكال مرتضى جهزن نفسجن نروح للنجف حيل فرحنه هم شهد وهم اني من صدك محتاجين نزور
كالت اخذي رايي عمار ميصير اروح بدون اذنه
خابرت عمار وكال ع راحتها خلي تروح
رحنه وحسيت شهد شخص ثاني فرحانه وحزنانه بنفس الوقت معرفت افسر هذا الشي
كالوا نروح للمقبره احساس غريب انتابني صعب اوصفه
مرتضى يزور زوجته الله يرحمها كدامي وهذا الشي اول مره يصير
حسيت بغيره منها رغم ميته زوجته
وصلنه وشفت شهد لهفته لزوجها الله يرحمها اكثر من مرتضى طلبت تبقى وحدها بجت هواي وحجت هواي لمن فاخت وذبت همومها
اني عيوني متوجها لمرتضى اراقب حركاته كعدت قريت قران وقريت الفاتحه هو هم غسل القبر بمي وحسيت بي متلهف الها
كملنه ورحنه للزياره دخلنه اني وشهد سويه هي تبجي واني ابجي
تكله ياابا الايتام صبرني انطيني القوه حتى اكدر اوكف ع حيلي ياعلي دخيلك برد كلبي والله راح يوكف
طبعا نسيت نفسي ونسيت ادعي لنفسي اتوجهت بس لشهد دعيت الها لان خطيه دمرتني دمار
هواي بجت وهواي دعت بحيث الكل بقه صافن عليها وكل شويه وحده سالتني شبيها خطيه
كتلهن بنتها ميته خليتها ع راحتها لمن شبعت من كيفها زياره رحنه للجامع صلينه وكملنه لحضات وجان تفقد توازنها شهد انغمى عليها انخبصت جبت مي ورشيته عليها بدت تفيق بس احسها دايخه
احذتها لزاويه وخليتها تنام ع رجلي شويه حتى ترتاح
هي كاعده بس مغمضه عيونها والدمع مغركهن طبعا
شهوده حبيبتي والله حرام عليج هيج تسوين هذا امر الله واحسبيها طير من طيور الجنه وهناك تتلكاج وتسحبج للجنه
تعرفين شنو الي مخليني هيج اتاثر ....
شنو
عمار تعمد ياخذها مني وتعمد يموتها حتى يحرك كلبي ويتخلص مني بنفس الوقت
ولج انت شنحجين اذا تشوفين حالة عمار جان ماحجيتي هيج ولج والله مكابل غرفتجن وبس يبجي
فتحت عيونها روان اروحلج فدوه اندعيلي كون يبرد كلبي والله راح انفجر مااتحمل هذا كله
والله تندمت لان تزوجت عمار ومو بس هاي تندمت لان حبيته بيوم لان لو ماحبيته مجان مرتضى هيج سوه بيج ولا اني انجبرت اوافق ع عمار
بهالاثناء اجتي حجيه كعدت يمنه هي وبتها متوسطه بالعمر سلمن علينه ردينه السلام
صلت الحجيه اني وشهد بس ساكتين كل وحده صافنه بهمها
جان تكول الحجيه تعالن خاله حدرن هون اني وشهد وحده صفنت بوجه الثانيه
ويانه خاله .... اي خاله تعالن يمي ادنن
اتقربنه جان تكول لشهد شنو هاي خاله الحزن والهم الي عندج شبي رجلج وياج ماذيج مو....
ترددنه اني وشهد بالبدايه ومحجيته شي
جان تكول تعالن يمه لتخافن اني دزني عليجن امير المؤمنين
من دون هاي الناس كلها اجيت يمجن وحسيت بيجن محتاجاتني
شهد كامت تبجي ....
خاله الله يطيج الصبر ان شاء الله
شوفي بنيتي انت عندج تابعه الطفل ميعيش عندج ابد بغض النظر عن طريقة موته
اثنين اطفال ماتو الج مو
اي خاله وكامت تبجي ....
الله يصبرج بنيتي هاي عندج تابعه قويه هسه اعلمج شتسوين وتروح منج مستحيل يبقى الج طفل عايش اذا متسوين الي اكلج بي
وهذا رجلج مكفخاته سحوره امره مو بيده يحبج ويهواج بس من يشوفج تصيرين كباله عبالك خنزير
اكو وحده مواصفاتها حنطيه طولها متوسط اكو علامه بايده طبعا هاي مواصفات اسيل
عده نساه بايده
هاي مسويه الكم عمل قوي بينج وبين رجلج بعينه انت صفر وشنو الي تسوينه يثير اعصابه
صدك خاله يتخبل من يشوفني ....
اني فاكه حلكي اني جنت ابد مااؤومن بهاي السوالف بس من سمعت عقلي وكف كلشي حجت لشهد صحيح
كالت هذا الولد رجلج مدوهناته ميعرف راسه من رجليه حتى لامه وابو هم مسويله مخلايته ميشوف بعينه غير بس هاي الي وصفتها الجن
يمه احذرن من هاي البنيه مستعده حتى تكتل وكلشي تسوي
شوفي بنتي هسه انت مطيقينه وهو ميطيقج وكت النومه انتم اعداء ومن واحد يروح من يم الثاني هو يتندم ويكول ليش هيج سويت ويحاول يعتذر بس السحر قوي يمنعه
وانت تبقين تاكلين بروحج اكل
شنو الحل خاله والله تعبت اني اريد ارتاح
راح ترتاحين وراح تنامين الليل ونفسيتج راح تتغير بس ينراد صبر
غرفتج بدليها انت ورجلج لاتبقين بيها ابد ملابسج البيها اتبرعي بيهن كلهن اي شي يخصج بذيج الغرفه انسي لان راشات بغرقتج ومخلياتلج عمل هم بالغرفه
بحيث من يجيج ينكلب عليج هذا لتلومينهً خاله شيسوي امره مو بيده خطيه هذا رجل
زين هم مره اجه احد وراد يخنكج وانت نايمه
اي خاله بس معرفت منو
بهذا اليوم جانوا ناوين يكتلوج فد مره بس الله راد العكس
يمه احذرن من هاي البلوه
التفتت الي جان تكلي وانت يحبابه هم لايحج شراره من ذوله
هاي نفسها رايدج لاخوها قبل لتتزوجين مو ...اي صح
رادتج بس حتى تذلج وتهينج لو صايره عدهم مروايج نجوم الظهر الله حابج موافقتوا عليهم
بس من شافتج ماتردين وانخطبتي صدك سوت الج عمل
شيطاني
حتى متتقربين لزوجج ابد كاعد تنفرين منه بس يتقرب عليج ومن يروح تتندمين وتردينه يتقربلج
اي والله خاله صدك
انتن شتصيرن من بعض .... اني ماخذه اخوها وهي ماخذه اخويه
شوفن خاله اريد منجن ترحن هسه لاقرب عطار هنا بالنجف تجيبلي الاشياء الي راح اوصيجن بيها وتعالن لهنا اعلمجن شتسوون وان شاء الله راح ترتاحن وتتغير حياتجن
كعدت تقره ايات قرانيه ع راس شهد وهواي قرت ادعيه مااعرف شنو اني هم بس مو مثل شهد شهد اكثر هواي
كالت ترحن للگيم الي هنا كلله نريد كطعه هو يعرفها راح ينطيجن اياها البسنها لو تخلنها جوه المخده الي تنامن بيها
حاولن تتجنبن هاي البنيه لا تاكلن من ايدها ولا تشربن شي ابد منها وصن الجميع لان هاي خطره حيل ومتخاف الله
مستعده كلشي تسوي مو محبة برجلها هيج سوت بس بعناده لان تزوج عليها
وكف عقلنه اني وشهد ...
شكد حقيره اسيل
قررت اسولف كلشي لامي ...
كالت انصحجن خلي حجينه سر لتخبرن اي شخص لان مو من صالحجن
لان اول شي مراح يصدكوجن وثاني شي اذا عرفت راح تجدد السحر تشتغل ع البسكوت
انت لتخلين زوجج هاي الفتره يتقربلج ابد ابد مو زين لان راح تنفرين منه للموت كملي الي راح اوصيج بي وراح تشوفين الفرق
هذا الولد زوجج يحبج ويموت عليج بس انت اكو خوف داخلج وتشكين بي مو
اي صح ... لتخافين يحبج ويموت عليج ومكاعد يشوف احد غيرج كاعد اشوفكم بعيني احلى زوجين
خاله عندي بس سؤال شلون عرفتي هاي الاشياء كلهن
حجت بنتها والله جنه بره كاعدين ومندمجين اشو طفرت امي وكالت راح ادخل ازور مره ثانيه
والله يمه اكو احد اثر عليه وكلي ادخلي عرفت اكو احد محتاجني وانتن طلعتن المعنيات
اني راح ابقى متانيتجن حتى لو نص الليل روحن جيبن الاشياء وتعالن
كتبنه الاشياء جان قلم بجنطتي ودفتر صغير
بهالاثناء اجت خاله وادور علينه طبعا نسينه ارواحنه ماندري شكد اتاخرنه
سلمت وكامت تحجي علينه كتلها شهد انغمى عليها ونيمتها حتى ترتاح محجينه شي
طلعنه ولكينه مرتضى حيل قلقان علينه اتغيرت نضرتي لمرتضى كمت اشوفه بغير عين
من عرفته يحبني من صدك جنت خايفه وممتاكده منه ابد بس هسه لا بس اضحك بوجها هو صافن اكيد مستغرب
رحنه للسوك اتفقت وي شهد هي تلهي خاله واني اشتري اتصرفنه مثل الحراميه كدرنه نرهمها بدون محد يدري
شهد تكول تغيرت نفسيتي واحس بنفسي برد كلبي من ناحية بنتي
رجعنه للمره وبدت تكتب بحروزه وعلمتنه اكو قسم سبوح كل ثنين وجمعه واكو قسم حرز نشيله وقسم نرشه بغرفنه وبالبيت واكو بخور قرت عليه كالت بين يوم ويوم شعلنه واهم شي سون حرمل
طبعا كتبت بالزعفران اكو اقلام خاصه وبي زعفران بالنجف لكيناه ماقبلت تاخذ ولا ربع واستغربنه اني وشهد بقينه وحده صافنه بوجه الثانيه
زين خاله نكدر نتواصل وياج تكدرين تنطينه رقمج
اي يمه اطيهن رقمي وخلي بخابرني ويبشرني الي عرفناه هنه من النجف والمريه ماتاخذ خيره لاي واحد صدفه هيج تسوي
تكول تجيني اشاره مو بكيفي احجي وطلعت علويه صدك الله هداها النه طلبنه من خاله تجيبلنه الكطع من رحنه للسوك
شهد تكول هواي ارتاحيت واني همين
سوينه كل الي طلبته منه بديت اتغير وي مرتضى اني وشهد بدت ترجع لحياتها الطبيعيه بس قافله ع عمار تكول مستحيل افكر ارجعله ابد
تحدد موعد زواج نرجس وجنه متلهفين نغير جو حتى شهد حسيتها الها رغبه قررت البس فستان حيل قصير لون ماروني
وبدون ردن مااخذت رايي مرتضى لان ممتعوده وهي حفلة بنات يعني مو اله البس طويل
شهد طلبت مني اخبر عمار طبعا اي تواصل وي عمار ماكو هواي اجه وترفض تشوفه بس اخر مره شافته وبعد مااجه ابد
انطيته علم ووافق
كالت اني مااطلع من الباب انت روحي وي نرجس للصالون وفعلا رحنه اخذنه مرتضى وهو رجعنه بدت الحفله رغم ماابيتهم صارت حيل حلوه الحفله
هم سوينه الها الميز ورتبنا كلشي اتعاونه اني والبنات بس هاي مرة حماها مو راحه ابد مبين عليها طبعا منعنه اي وحده تصور وحلفنه بالعباس
شهد رغم وجودها ويانه بس احسها بغير عالم
كومناها كوه وركصنه وغيرنه جو كالت شهد والله جاي ع بالي هاي المره اسحولها من شعرها والعب بيها طوبه دقتني دق ماخلت شي ماحشرت نفسها بي
من اجه الولد يحني نرجس اني اختفيت مبقيت ادري بمرتضى مايقبل ويسويلي سالفه
خلصت الحفله وبدينه ناخذ صور باجهزتنه الناس بدت تروح بقينه اني وشهد وبنات خال نرجس 2 وحده بنت خالتها بعمرنه
البنات طبعا عائله راقيه بشكل باسلوبهن وبتعاملن حيل حبابات
ردنه نسوي عشه بس اجانه الاشعار لتسوون حبيبي مرتضى حيجيب الاكل حيل فرحت وتعمدت ماانزع ملابسي ولا اغسل وجهي لمن يجي ويشوفني
دز عليه وحيل افرحت بس هو ضاج من شاف لبسي متوقعته هيج كلت هسه يفرح من يشوفني بس اطلعت غلطانه
حيل عصبب مني وضجت لان المفروض اخذ رايه صدك
بعدها رحت بدلت وغسلت وجهي
تعشينه والبنات جلبن بيه وكالن ابقي ع الواهس ويانه ونسوي حفله بيناتنه عجبتني الفكره وحبيت احرج مرتضى كدام الكل حتى ميرفض لان متاكده مايقبل
فعلا كال ابقي وحيل افرحت ميهمني بعدين يحجي عليه لو لا
رحت اركص كتلهن حصلت الموافقه وشهد تضحك عليه كالت هسه موافقه وبالبيت يطلعها من خشمج
مو مهم خلي اعيش اللحضه وبعدين الباقي
بقينه نسولف ونضحك ونركص ونسينه الدنيا كلها كعدت شهد تحجي وي نرجس ع مرة حماها تكلها اقل متاذيج خبري رجلج لو عمتج لتسكتين الها
لان راح تركبج اذا سكتي
كلنه وصيناها هي فقيره بشكل وحبابه وذيج خبيثه مبين عليها
راسلني عمار كلي كلي لشهد خلي تفتح الحضر اريد احجي وياها
كتله فدوه عمار اتركها بس اليوم لان خطيه كوه منسينها بنتها ومندمجه ويانه اخاف تضوج وتذكر واول وتالي مراح توافق كدرت اقنعه وعافها خطيه
طبعا منطيته حضر شهد بكل شي
بعدها لكيت مرتضى هواي مراسلني جاوبته واتفقنه ع مدة شهر كلت هاي الفتره راح اكمل السبوحات كلهن واكيد هاي الفتره راح نتعود ع بعض
راح اخلي ينام يمي وطبعا اني متلهفه لهذا الشي حابه اشوفه ينضبط بموعده لو لا
ثاني يوم صار الزواج رحت وياها للصالون واجه الولد اخذنه للصور رتبتها وانتظرتهم بره
طبعا اني لابسه عبايه اكول وكت خلاني بهيج مناسبه البس عبايه ☺️
كملوا كلشي ورحنه للبيت بقت شويه واجوي الزفه واخذوها راحت وياها خالتها وبنات خالتها 2
احنه رجعنه للبيت عموا رجعنه منتظرنه مرتضى
رحت كبل سبحت لان الجو حار كملت ورتبت الغرفه ونزلنه جوه اني وشهد سوينه عشه وبقينه كاعدين سويه ونسولف
حجيت وي شهد
اكلج شهوده لويش متفتحين الحضر عن عمار والله سباني سبي حاجيها حاجيها
روان فدوه اروحلج لا تددخلين ابد اطلعي منها عمار ماارجعله لو السما تنطبق ع الارض
ع راحتج شهوده
فاجأني مرتضى من فتح موضوع عمار وشهد سولفلي المقتل كله واتاكدت بوقتها كلام المره العلويه كله صحيح
اني هنا سولفتله ع المريه وشعلمتني طبعا كام يحجي عليه ليش سكتي ماتعرفين تسولفيلي
مااكدر اسولف كلت مراح تصدكني وراح تكول جذب ومااعترف بهيج سوالف
لا بالعكس السحر مذكور بالقران تعرفين هاي المقابر الي بيها كومه اغلبيتهم بالسحر يموتون من وره هاي السوالف التعبانه
بقينه نحجي بهذا الموضوع لمن ملينه وبعدها كلي ع شهد
لج عمار خطيه مدهوره حالته وجان مو بوعيه اكيد من هيج اتصرف وياها خطيه قنعيها خلي ترجعله
بعد مااحجي وياها ابد لان اليوم فتحت الموضوع ومقبلت ابد اكمل وسدتها وكلتلي لتدخلين ابد قافله ع الطلاك
لا ماكو طلاك مو بكيفها نست حبهم ونست العشره وتريد تطلك
انت سولفيلها ع هذا الرجال الي بالناصريه وسولفيلها ع السحر وبعدين الله كريم
رجع التفت الي تعالي كليلي بديتي تحبيني انت
خجلت منه مااكدر اكله اي
لا مااحبك بعدني .... ردت اكوم من يمه سحبني اله خلاني بحضنه
خلي عيونج بعيوني وكولي مااحبك ولا اريدك
مرتضى راح وكتي باجر عندي دوام
مو مهم الدوام اهم شي احنه وحبنه
راح اصير وكح شويه مو هواي
لا حباب خلي انام وكتي راح
لا مراح تنامين بدون وكاحه انت حددي النسبه الي تعجبج
اني اختار 1%
شنووووو ايا بخيله ولج هذا الجمال كله وحلالي وتردين وكاحه 1 كولي 100 كولي 90
عزه لا مستحيل هيج حسويها 5
ايا ظالمه شنو 5 حتى بوسه مابيها
راح اروح وي عمار حتى نشوف شيسوي النه متلهف اروح حتى بعدها اصير وكح 100 واكثر
هسه صير عاقل ع ماتشوف الرجال
لا حبابه بس شويه وكاحه 50
شنو شنو 50 لا عيني 5 بس ....
حبابه لتصيرين ظالمه اريد بوسه وشمه وهاي هي ....
لا حباب ذني قليلات
صدك 😍😍😍 ....
لا يابه والله كلشي متسوي
سحبني لحضني ومنطاني مجال ابد بده يبوس ب 👈👄 لمن قطع نفسي بعدها كام يشتم بشعري
عفيه مرتضى كافي خلي انام باجر ورايه دوام
روحي نامي عفته ورحت نمت كعدت لكيته حاضني حيل ونايم كوه سحبت نفسي بدون ميحس
بعدها راحو عمار ومرتضى اخذوا فلوس للرجال الي بالناصريه وحتى يكمل شغلهم جنه متلهفين اني ويا حتى نخلص من هاي السالفه كلها
رجعوا وكالوا نهينه كلشي بقه علينه السبوحات وغيرها علمني كلشي
كال منا لاسبوع ينتهي كلشي بس عمار لا كال عمله كلش قوي وعلمه ع هواي اشياء يسويهن
بيومها طلبت منه انام يم شهد خطيه حسيتها حيل ضايجه
بالبدايه رفض بعدين قنعته
رحت يم شهد ورفضت كالت روحي يم رجلج احسن
انت معليج برجلي تعاي اكلج شي خلي نروح باجر لبيت جدو ونخلي ديما تجي لان ضايجين والله
والله ماالي واهس اطلع من الباب ....
لازم تحاولين تغيرين جو نخابر ديما هم تجي وخلي نسهر سويه
لا دخيلج مااكدر ابات يمهم ابد ....
خلي نروح من الصبح لليل ....
تمام خلي نخابر ديما ونشوفها ....
خابرتها لديما واتفقت وياها كالت خلي اشوف احمد ....
لازم تقنعينه حبابه والله ضايجين ....
ان شاء الله .... هو اصلا الثلاثاء راح يرحون لاربيل كرار ونوره
شعدهم سفره سياحيه ....
لا يمعوده راح يرحون للدكتور ع مود الطفل خطيه يشوفون شيكلهم حتى لو طفل انابيب يسوون
خطيه والله اتمنى يصير عدهم ....
اي والله حتى اني اتمنى لان من زمان اتزوجوا
بقينه نحجي وشويه وطبكته كالت اشوف احمد واخابرج
سولفت لشهد ع كرار ونوره
كالت تصدكين نوره حبيتها من كلبي لان انسانه مو طبيعيه بسيطه وحبابه تمنى الله يرزقهم بطفل خطيه
شويه وخابرتني ديما وانطتنه الموافقه حيل فرحنه اتصلنه بنوره وخبرناها وجانت الفرحه حيل واضحه عليها كالت اروح اداوم نص دوام وارجع ع مودجن
كلت الشهد ابقي احجي وي نوره واني حروح لمرتضى اخذ راييه
رحت يمه لكيته بالحمام انتظرته لمن طلع هو اتفاجئ بيه من شافني
اكيد اشتاقيتيلي ومتحملتي ع فراكي مو ....
لا مو مو
لعد ....
اجيت اخذ راييك بشغله .....
شنو هي يحجي وينشف بشعره
اريد باجر تاخذنه اني وشهد....
وين ....
لبيت جدو
شتسوون هناك ....
والله ضايجين وخابرنه ديما كالت راح اجي نريد نتجمع ديما ونوره وشهد واني خلي نغير جو
اجه تقدم عليه ....
يعني هسه اجيتي بس ع مود هاي السالفه
اي لويش ....
اتقرب عليه كلش عبالي تكولين مشتاقتلك حبيبي تعال بوسني حبيبي تعال نام ويايه حبيبي
ارتبكت ووترني قربه حيل ....
جوعان اروح اسويلك اكل....
اي والله ميت جوع وحاب اكلج كلج ماابقي بيج شي ابد....
عزه بعيني شلون تاكلني اني اسويلك اكل ....
سحبني اله تعال اعلمج شلون اكلج
وجان يعضني من خدي حيل كمت اصيح اخ اخ وخر عني وخر
جان يكول بعدني مشبعت تعالي سحبني وعضني بالخد الثاني هالمره اقوى كمت اصيح اخ والله اخ وخر عني
وخر جان يكول مو طيبه ابد بطلت مااريد اكلج
عابتلك والله ردت اطلع ....
سحب ايدي وين تردين ...
اريد ارجع لشهد ....
تعالي ياشهد يا صخام اني مشعول جد جدي وهي تكلي شهد
مرتضى شنو نسيت الاتفاق ....
انعل ابو الاتفاق انت زوجتي ماكو اي اتفاق بيناتنه
مو بكيفك خلي يكمل هذا الاسبوع مبقى شي
لعد تعالي عطشان جنت جوعان ومن اكلتج شبعت بقه بس العطش
حجيبلك مي واجي ....
تعالي لج انت ثوله ادري بيج تردين بس تشردين اني اعرف شلون اروي عطشي هم سحبني وباسني من 👈👄 حيل اذاني هالمره
وبده يتعمق اكثر حتى عيونه صارت حمر خفت منه كوه شردت منه محجه شي
رحت لشهد وبقت صافنه بوجهي
هاي شمسوين بيج وتضحك ....
هاي بزونه وكحه وهيج سوت بيه
لج متاكده بزونه اخاف عتوي 😂😂😂
رحت شفت خدودي كمت ابجي باجر شلون اروح هيج
اكو خافي عيوب ويحذف اثر العتوي والبزون وكل شي
اكلج هاي ثمن الموافقه مو ....
ضربت ع كصتي ولج نسيت اخذ الموافقه ....
كولي والله ....
اي والله انعل يومك مرتضى
لعد المن رحتي يافهيمه...
والله رحت ع مود الموافقه وهو نساني ....
روحي ارجعي واخذي الموافقه ....
دخيلج ماارجع هو اني كوه نفذت بريشاتي ماارجع لو شيصير
لعد والحل شنسوي منروح باجر ..
اكيد نروح
راح اخابره لو اراسله ...
يله لعد شمتانيه
راسلته وجان يضحك عليه شلون شردت ويتوعدلي وين تشردين مني الله كريم
اخر شي كلي جهزن نفسجن اخذجن الصبح من اروح للمحل وبالليل امر بيجن
ثاني يوم كعدت وجهزت الريوك وخبرنه عمو وخاله
رحت اصيح مرتضى لان لهسه نايم كعدت هم جلب بيه وكوه خلصت نزل هو واني جهزت نفسي اخذنه مرتضى ولكينه ديما قبلنه جايه
الكل فرح بينه التهينه كلنه بالمطبخ كالت خاله راح اخابر امج تجي ويانه ع الواهس فرحنه حتى شهد كالت مشتاقه لخاله هواي
تساعدنه كلنه بالغده تقريبا ب11اجتي نوره وجان وجها يضحك 24 ساعه
راحت بدلت ونزلت ويانه كبل طبعا الكل يحبها خاله وخالو وبيبي وجدو بعدها اجتي امي جابها بابا ورجع مقبل يتاخر كال اخذت اجازه زمنيه وراح ارجع
سالناه ع عمار كال ابغداد
احنه بالمطبخ وطلعنه خاله وامي وبقينه وحده نسولف ونضحك صار الاجتماع بالمطبخ احنه وبالصاله خاله وماما وبيبي
دزن ع شهد وعرفنه اكو انه بالموضوع طردناها يله روحي لذاك الاجتماع
نوره كالت والله اتمنى ترجع شهد لعمار خطيه هواي تعذبت وكله بسبب اسيل الخبيثه
اي والله صدك خطيه هواي اتعذبت بالبدايه بسبب مرتضى وبعدين بسبب اسيل
نوره كالت مرتضى شدخله بالموضوع الظاهر متعرف السالفه كعدنه سولفنه الها المقتل
اشو هاي كامت تبجي تكول خطيه شهد هواي نظلمت وعابت لمرتضى ولعمار والغسل لاسيل
ضحكنه عليها اني وديما لان تحجي بحركه
طولت شهد وياهن كملنه كلشي واذن الكل صله وخلصنه كعدنه كلنه سويه لمن اجه خالو وكرار
صبينه غده كرار وخالو وجدو وحد واحنه وحد
كملنه وذبن المواعين عليه وكمت اغسل وادردم عليهن
كملنه وصعدنه نسولف سويه وحاولنه نقنع شهد بس قافله قفله من هاي الزينه نوره كالتلها والله امنيتي اشوفكم تتحاجون انت وعمار
بقينه للعصر ندك سوالف لمن كالو اجه عمار وتفاجأنه شهد كامت ترجف
هاي شبيج شهوده ليش هيج ترجفين
مااريد اشوفه ولا اريد احجي وياه
هاي هي بس اهدئي والله منخلي يجي ابد
بعدين كعدنه قنعناها كلنه بس شوفي شيكول وممجبوره ترجعين بس اسمعي منه
شلعت كلبنه وبعد الحاح من الكل يله وافقت
عفناهم سويه وطلعنه طولوا بعدين طلع عمار وجها يفسر النتيجه
محد ساله ولا واحد حجه وياه وهو هم باللحضه راح
اتفقنه محد تحجي وياها خطيه لان حقها ترفضه الي صار مو هين
طلعت النه ومبين عليها باجيه هواي كالت خابري مرتضى خلي يجي يرجعنه
شهد عمار راح وعيب من بيت جدو من نروح هيج وقت واحنه متفقين وياهم نبقى للعشه ومرتضى راح يقلق
كوه قنعناها تبقى بس حسينه بيها بعالم ثاني
لليل اجه مرتضى رجعنه للبيت
سالني ع الي صار وسولفتله كلشي كلي روحي نامي يمها خطيه يجوز هسه ضايجه ومحتاجه تحجي وي شخص
متاكد ...
شبيج روان ليش متعجبه
اكول معقوله انت تطلب مني انام بره
ولج اني روحي طالعه ع شهد والنبي كل همي هي خطيه من اشوفها هيج تعيسه احس بذنب مو طبيعي اني لو من البدايه موافق ع عمار مصار الي صار ولا عمار اتزوج اسيل ولا كدرت تسوي سحر
فعلا هو السبب الرئيسي بلي صار بس محبيت ازيدهاعليه
مرتضى هذا الي صار هو قدر مكتوب علينه ولازم نشوفه مو انت السبب لتلوم نفسك
روحي يمها خطيه
فعلا رحت يمها وسولفتلي شنو الي دار بينها وبين عمار حسيتها ارتاحت شويه
معلقت ابد وهي جانت تطلب مني بعيونها مااحجي شي
نمنه وثاني يوم كعدت لكيت مرتضى رايح خابرته ع الغده تجي كال اي
اجه جهزنه الغده وكعدنه كلنه حتى شهد ع فجأه دك جهاز مرتضى كال هذا عمار استغربنه ممعقوله هيج يخابره
اشو بس كال الووو جان مرتضى ينخطف لونه
لا بربك تحجي صدك كول غيرها يمعود لا ياالله لتكولها فدوه كول غيرها
وين هسه اني جايكم انتظرني لونه انخطف
ها مرتضى شكو
جان يكول ..... لا عفيه مرتضى لتكولها فدوه كول غيرها 😭😭😭😭
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 45❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️
جان يكول كرار ونوره مسوين حادث ونوره اتوفت الله يرحمها
كمت اصيح اني وشهد بنفس الوقت
لا عفيه مرتضى لتكولها فدوه كول غيرها 😭😭😭😭
هذا الي صار راح اروح وي عمار
مرتضى الله يخليك كول جذب لتكول نوره ماتت
عافني وصعد يبدل ع السريع صعدت وراه مرتضى الله يخليك اخذني وياك
روحي البسي اسود خلي اخذج لازم اروح وي عمار لان كرار بين الحياة والموت
رحت بدلت واني ارجف وابجي معقوله ماتت نوره معقوله تركتنه لا مااصدك
اخذنه اذن خاله وعمو ورحنه خاله كالت اني اجي وراكم شهد هم كالت انتظروني هم اروح وياكم
رحنه كبل لبيت جدو ولكينه الامه مكلوبه اهل نوره كلهم واقربائنه منعرف شلون صار الحادث
لمن شفت الكل يبجي ويصيح عرفت بوقتها نوره صدك ماتت والمشكله كرار بخطر جبير
راحوا ابويه وخالو ومرتضى وعمار واحمد كالوا نجيبهم اثنينهم ونجي
بالليل بوقت متاخر حيل جابو جثة نوره وبوقتها الكل فقد جانت محبوبه وبعمرها مغثت احد وتساعد الكل
اكثر شخص متاثر امها وابوها خطيه يكولون ابوها فقد
كرار جابوا بالاسعاف دخلوا بالانعاش كبل حالته خطره رجليه اثنينهن متكطمات 😭😭😭 حالته متنوصف ابد
بقيت يم بيت جدوا وخاله شهد رجعن
ثاني يوم اجت شهد لزمنه المطبخ اني وشهد وديما وشكم بنيه اتكلفنه المي والجاي والتنظيف الطبخ ع الزلم
جنه منتظرين خبر عن كرار باحر من الجمر بس كالو بعده فاقد الوعي
طبعا مرتضى صدفه اشوفه بقيت هنا اليوم الرابع خلصت الفاتحه واتفق ويايه مرتضى كال بالليل اجي اخذجن انت وشهد
طبعا شهد بقت ويانه حيل متاثرين بنوره نحبها هواي اني وشهد وديما
اجه عمار كعد يمنه وخالوا يم كرار بقه كال راح اسبح وارجعله اجه مرتضى سويتله عشه هو وعمار
كعدوا ياكلون الحزن واضح عليهم ع كرار خطيه
كملوا وطلب من عدنه مرتضى نرجع رجعنه للبيت اني دخلت كبل للحمام سبحت وارتاحيت
وبعدي مرتضى هم سبح وطلع بعده ينشف بشعره اجاه اتصال مااعرف لويش كلبي نغزني عين ع الجهاز وعين عليه كتله عمار مو
كلي لا احمد بس ومينطيني كلبي افتحه اخاف صاير شي ع كرار ...
الله ليكولها افتح خط فدوه
انتهت المخابره وباللحضه رجع دك هالمره رفع خط
وجانت الصدمه واضحه ع مرتضى اني صرخت بدون مااعرف شي اكيد كرار
شفت مرتضى دموعه جرن هاي اول مره اشوفه يبجي
اجتي شهد ع صرختي شكو
كال كرار مات ....
لا ياالله شعوري مينوصف ابد كال ارجعن بدلن خلي نروح
شهد : بعد وفات رهوفه الدنيه كلها طلعت من عيني بعد مااحس بطعم الحياة كلها حبست نفسي بغرفتي ومحبيت احجي وي اي شخص حتى روان
اول شغله سويتها انطيت عمار حضر من كل شي حتى من كلبي حضرته
عمار كرهته كره محد يتصوره احمله مسؤلية وفاة بنتي مااعرف شنوالي صار وشبيها بنتي ومحبيت اعرف شي حتى ماانصدم
كل همي صار احطم عمار مثل محطمني لازم ادفعه الثمن وغالي اله اخلي يحلم يشوفني بعينه ويحلم يحجي ويايه
شعوري مينوصف ابد فقدت اثنين اطفال صعب عليه والاصعب من هذا كله بنتي ماتت مقتوله اتعمدوا ع اذيتها
الليل الي يمر ع العالم نايمين واني عيني متاخذ نوم ولا لحضه بديت اتخربط وياخذوني للمستشفى يخلولي مغذي وارجع كطعت الاكل ماالي واهس
اتمنى اموت واروح يم رسول ويم اطفالي حسيت بذنب جبير اتجاه رسول اكيد هاي حوبته هيج سوت بيه
مكدرت اتقبله وشلعت كلبه ومتعاملت وياه بصوره صحيحه اكيد الله عاباني بهذا الشي
بده الندم ياكل بيه اكل اتجاه رسول متندمه ع كل لحضه اذيته وع كل لحضه متقبلته وع كل لحضه منطيته حقه اووووف لو يرجع الزمن لوره شويه
كام عمار يتردد علينه هواي واني بكل مره ارفض اشوفه ومنطيته اي مجال
طلبت الطلاك ومصصمه عليه غير الطلاك مااقبل ابد
لازم اخذ حقي من عنده هواي اذاني وهواي جرحني وجنت متحمله لخاطر بنتي بس لهنا وكافي
احس نولدت شهد ثانيه تختلف عن شهد القديمه شهد الجديده انمله كلبها حقد وكره مو طبيعي
عمو وخاله دائما يجون ويحجون ويايه ويقنعوني بس اني اعتذر منهم وارفض اتوسلت بيها حاله بس خلي يطلكني مااحب ابقى بذمته
سمعت بي متاثر بموتت رهف بس مصدكت ابد لان هو الي كتلها بيده هو الي هملها وهو الي اخذها من حضني بالكوه
شويه شويه بديت اتغير من ناحية اهلي لازم اطلع يمهم احجي وياهم ميصير هيج
فعلا بديت اطلع اساعد امي وروان اضحك بالجذب وياهم بس بداخلي مهظومه ومجروحه ومكسوره
محد يقبل يدزني لكبر بنتي ابد ومحد يندل يكولون بس عمار اذا حابه ترحين الها روحي وي عمار
مااعرف صدك لو جذب هذا الكلام بس رغم كلشي مااروح وي عمار ابد ابد
حلمت برسول لابس دشداشه بيضه وطالع يخبل بيها كاعد بحديقه مزورعه اشكال واللوان فواكه وخضروات وورد
مخلي بحضنه من جها ابني ومن جها بنتي اثنينهم عدهم جناحات صغار ع فجاه طاروا مثل الفراشات من تطير
هو يباوعلهم ويضحك ياشرلهم تعالوا وهم يجون يمه شويه ويطيرون يحجي وياهم بس مااسمعهم ابد مكاعد اسمع اي كلمه رسول بس ضحكته
اتقربت عليهم اني هنا فحط كلبي من البواجي خلاهم وراه مثل الي خاف من عندي اخاف اخذهم
رسول هاي اني شهد امهم لتخاف مني فدوه رسول خلي ابوسهم خلي احضنهم والله مشتاقه الهم
اشرلهم اثنينهم اجوي بحضني حرت المن ابوس والمن احضن ابجي وهمه يضحكون كمت ابوس بيهم واحضنهم بس فجاه انسحبوا مني
رسول اخذهم والله بعدني مشبعت منهم الله يخليك رسول فدوه خليهم يمي شويه
ولا كانو احجي اشرلهم طاروا واختفوا من يمي كمت ابجي حيل هو رجع كعد نفس مكانه
رسول فدوه تعال اخذني وياكم خلي اعيش يمكم مااريد عمار ابد فدوه تعال
من ذكرت اسم عمار هو ضاج وعافني وراح اصيح وراه اصيح ولا كانو اختفى واني فزيت من نومتي
كمت ابجي ابجي لمن مليت
ياالله صبرني ع الفراك والله مااتحمله ابد اتمنى اروح للنجف لكبر رسول اريد اطلب منه السماح اريد احجي وياه
مكدرت احجي لاحد ولا كدرت اطلب من احد ياخذني للنجف
بعد فتره مرتضى من ذاته حب ياخذنه اني حيل فرحت حتى ازور رسول جنت حيل متلهفه كلت لروان تحجي وي عمار وتنطي علم اخاف يسويلي سالفه
رحه وطلبت ابقى وحدي ذبيت حملي كله يم الكبر احسه كبالي واحجي ويا
رسول فدوه سامحني والله متندمه ع الي سويته بيك اتمنى تبريني الذمه والله كاعد احس بذنب اتجاهك
هواي غلطت وياك وهواي ظلمتك هواي جرحتك هواي اذيتك بس والله مو بقصدي جنت ماافتهم وعقلي مو براسي جان
اتمنى تدعيلي يم ربك ياخذ امانته مني فدوه رسول مشتاقه الك ومشتاقه لاطفالي حسيت كلبي راح يوكف ليش ماعندي حظ مااعرف
بقيت هواي لمن فاخ كلبي يله كتلهم خلي نروح الحمد لله خلوني ع راحتي
رحنه زرنه وهاي بوحدها قصه طلبت من الامير ينطيني الصبر ويبرد كلبي
هواي بجيت وهواي دعيت والكل صافن عليه محد يحس بنار الي بكلبي بس الي ميت اله طفل مثلي
الصلاه كوه كدرت اصلي وبعدها تخربطت من كعدت لكيت روان خطيه مخطوف لونها وخايفه عليه
شويه واجتي هاي المريه العلويه وغيرت عقلنه كله بقينه صافنين اني وروان
فعلا مسحورين واني تابعه لان اطفالي كاعد يموتون سوينه الي طلبته من عدنه المريه حسيت براحه نفسيه مو طبيعيه الكوابيس الي حانت تجيني اختفت
بس عمار رغم ماعرفت بي مسويتله اسيل سحر بس ميهمني بعد ولا اهتم لهذا الشي ابد
هذا مو سبب كافي يخلي يعيشني بجحيم هيج
مره حلمت حلم غريب وبقه عالق بمخيلتي وره مارجعت من النجف جنت ابجي حيل واطلب الصبر من رب العالمين اجتي مريه مبوشه ولابسه اسود كلشي مطالع منها
بقت تمسح براسي وتقره ايات مااتذكر شنو الي قرته بس بلحضتها حسيت بامان وحسيت بسعاده
فتحت عيوني كانو حقيقه احس بلمسات دافيه ع راسي وحسيت بهمومي كلهن انزاحن احس كلبي برد
بديت استرجع حياتي الطبيعيه شويه شويه وعمار يوميه يراسلني من رقم وانطي حضر اتحول حبي لعمار لكره مو طبيعي
اتحدد موعد زواج نرجس بنت عمو حضرت نفسي الصراحه مو ذاك الواهس الي عندي قبل بعقد القران والمشيه
هم كلت لروان تاخذ رايي عمار طبعا اني مصدومه شعجب يخليني وميعارض رحت وي روان نظفت وجهي لان من زمان ممسويته
رحنه من الصبح لبيت عمو متوقعت راح تتهيج المواجع عليه من يوم الي مات بي رسول لليوم اني مطابه بيت عمو
اول مدخلت صارت كبال عيني صورة رسول الدمعه بطرف عيني كانو اريد حجه بس حتى ابجي كوه اتمالكت اعصابي
سلمت ع الكل وبدوا يلتهون كل شخص بشغله روان راحت وي نرجس للصالون اني رفضت لان ماالي واهس بكل شي
رجليه اخذني غصبا ماعليه لغرفتنه القديمه اني ورسول رجع شريط حياتي كله كبالي من اول يوم دخلت للبيت من جنت مغصوبه
لكيت الغرفه بيها بس فراش كاع دموعي نزلن كل مكان بي ذكرى الي اني ورسول
بقيت بالغرفه ابجي واعاتب بي اكول ليش استعجلت ورحت ليش مااجيت وشفتني شلون اتغيرت
لو ما ميت رسول اني مجان اتزوجت عمار ولا هيج يصير بيه
ع لحضه اجت عمه وقطعت سلسلة افكاري لكتني ابجي
هاي الثانيه يمكن امر من حالي كانو تريد حجه حتى تبجي ها عمه اتذكرتي
والله مانسيته لحضه حتى اذكره هسه والله غيابه اثر عليه
هي خطيه تبجي وتبجي الصخر شفتي لوعة فكد الضنى عمه
اني مثلج فكدت اثنين بس الفرق بيني وبينج هواي
اني ربيت وتعبت وكبرت وجان املي يشيل جنازتي هو اثاري دفنته بيدي وراها راحت مريم
تدرين انت الله حابج بهيج عمر ماتوا اطفالج لان طيور جنه ذوله يمكن اتكبرين واتعبين ومن يحلون بعينج الله ياخذ امانته
صدك حجيها فعلا بقينه نسولف ونبجي لمن دخلت امي وكامت تحجي مايصلح ع نرجس خطيه اليوم فرحه ميصير تذكرن الميت عسى الله يرحم الجميع
فعلا كلام امي كمنه غسلنه واتغدينه وكملنه بدت اقربائنا يجون كدرت اغير جو
خلصت الحفله وقررت ابات اغير جو
حبيت انام بغرفتنه القديمه البنات اجن يمي بالغرفه كوه كدرت انام هم حلمت بنفس المريه المبوشه هم قرت فوك راسي وبعدها اختفت اشو اجه بعدها رسول هم مسح راسي وفزيت من النوم
مااعرف هاي منو المره وشنو سالفة رسول دائما يتردد عليه بالحلم كعدت ومكدرت انام بوقتها
ثاني يوم بعد الزفه رجعنه للبيت لليل اجتني رساله من رقم غريب
شهد فدوه انطيني فرصه وحده بس احجي وياج لتحضريني افتهمي السالفه وبعدها شتسوين سوي
مهتميت انطيت حضرومرفلي رمش ابد عمار اعتبره انتهى من حياتي طلعته بره حياتي مستحيل ارجعه بيوم ابد لو السمه تنطبق ع الارض
وره فتره اجتي روان وسولفتلي ع عمار وطلع سحر نفس المريه الي سولفتلنه كالت راحوا للناصريه وانطتني اشياء علمتني بيهن اسويهن
بس المفاجئه جانت من كالت بنتي مقتوله يعني اسيل الها ايد بيها حيل ضجت وسلمتها بيد الواحد الاحد هو الي ياخذ حقي منها ومن كل شخص ظلمني
نفذنه كلشي طبعا ارتاحيت هواي بهاي الفتره حتى كلبي برد شويه من ناحية بنتي وبديت اتقبل هي مو من نصيبي وهي طير من طيور الجنه
روان تنطيني اخبار عمار وكالت راح يطلك اسيل لان هي راس البله كله بس تكول والله متغير هواي والليل كله نايم بغرفتجن ويبجي دم والله وحيل متندم
اني ميهمني بعد عمار ابد احسبته مموجود وميت حاله حال رسول الله يرحمه
طلبت مني روان نروح لبيت جدها كالت نتجمع وي البنات الصراحه فرحت لان حيل مشتاقتلهن
رحت وجانت احلى لمه النه رغم كل شي صار راح تبقى عالقه بمخيلتي لان اخر لقاء وي نوره 😔😔😔
اجتي خاله وعمو وجنت حيل مشتاقتلهم ماانسى وكفتهم ويايه بكلشي دزن عليه خاله وبيبي وخاله ام كرار
حجن ويايه شهد الي صار كله طلع سحر هاي الحقيره اسيل مدمرتكم دمار وخطيه عمار مبهذله احواله وكل الي سواه بيج مو بارادته ابد ولا بوعيه
يعني هسه متندم حيل والله وحالته متسر لا عدو ولا صديق حاولي تشوفينه وتحجين وياه بلكي تتفاهمون
خاله انت اكثر وحده شفتي ظلم عمار اليه شفتي شعذبني وشسوه بيه كل هذا الشي يهون واكدر اسامحه لعمار بس بنتي والي سواه بيها مستحيل انساه
تذكرين خاله شكد توسلت بي قبل لاياخذها طبعا احجي وابجي
اني وعمار طريقنه مسدود مااكدر ارجعله ابد اتمنى تساعدوني كلكم واطلبون منه يطلكني لان من سابع المستحيلات ارجعله
حاولن ويايه هواي بس بدون فائده لان قافله وعمار لو يركع جوه رجليه مااسامحه ابد
للعصر اجه عمار الصراحه كمت ارجف مااعرف لويش مااحب اتواجه وياه ابد هواي صارلي ماملتقيه بي ابد
كوه اقتنعت احجي وياه قررت اصير قويه لازم اواجها الى متى ابقى اهرب من المواجها وخايفه لازم اتغلب ع كل العوائق
دخلت سلم عليه شلونج شهد
هو عمار شلونك
اني مو زين ابد انت شلونج
شتتوقعني شلوني بدون بنتي
الصراحه انصدمت بي هواي متغير وضعفان حيل اسلوبه وياي مختلف يحجي بكل هدوء عكس قبل
شهد لو شاعتذر منج لو شاحجي واكول اسف متاكد قليل هواي بحقج
اسف واعتذر منج من كل كلبي ع كل شي بدر مني
دموعي نزلن اتقرب يمي راد يمسح دموعي ابتعدت عنه
عمار دير بالك تحاول ولو بالغلط تلمسني لمس
تذكر من كتلي روحي لاهلج يطبج مرض متهميني بس اخذ بنتي
هسه بنتي بيدك كتلتها هي جانت الرابط الوحيد الي تربطنه سويه وهسه هذا الرابط انكطع وانتهى كل شي
فدوه شهد انطيني فرصه اصحح اخطائي وياج والله ماجنت بوعيي ابد ولا جنت ادري شنو اسوي
هذا كلامك متاخر هواي هواي هواي
تعرف عمار اني متندمه ع كل لحضه حبيتك بيها 😔وكرهت الساعه الي تعرفتك عليك بيها 😔
متندمه لان حاربت الدنيا ع مودك 😔
متندمه لان ضحيت بحياتي وبمستقبلي ع مودك 😔 ها ومرتين مو مره وحده
متندمه ع كل لحضه رفضت بيها ابن عمي الله يرحمه 😔
متندمه ع كل مره منعته يتقربلي لاجلك 😔
متندمه ع كل مره سببتله الحزن والتعاسه ع مودك 😔
متندمه ع كل مره جرحته وحسسته اني مااحبه واحب شخص ثاني 😔
متندمه لان مات وهو مراضي عليه لان شالعه كلبه ع مودك 😔
متندمه لان تصورت انت حبيتني بيوم 😔
متندمه لان وافقت اتزوجك وهاي اعتبرها غلطة عمري مراح انسى هاي الغلطه للموت ابد 😔
متندمه لان فكرت اطيعك بيوم ونفذت كل شي طلبته 😔
متندمه لان بقيت وياك متحمله الذل والاهانه 😔
متندمه لان محجيت لاهلي من البدايه كل شي وخليتهم هم يتصرفون 😔
متندمه معاندتك واخذت بنتي ورحت لاهلي مجان صار لي صار 😔
هنا اني فقدت احس كلبي راح يوكف من القهر والبجي
هو ساكت منطق ولا حرف
عمار اذا عندك ذرة ندم اتجاهي وتكول صدك متندم ع الي سويته بيه طلكني
عمار فدوه طلكني
عمار فدوه حررني منك
عمار لتصدك اكدر اعيش وياك بنفس المكان
عمار اني اكرهك تعرف شنو اكرهك
تعرف لو يرجع بيه الزمن مجان افكر احبك بيوم جان كرهتك
اتمنى منك متحاول تفكر ترجعني ولتتصور اني افكر ارجع الك بيوم
منطق ولا حرف وجنت متفاجئه توقعته يعصب يصيح يضربني يجبرني بس مصار هذا الشي
طلع وجنت حيل منهاره ومهظومه لان تهيجت المواجع كلهن
ردت ارجع للبيت بس محد قبل وبقيت ع اعصابي وتضاهرت اني قويه بس بالحقيقه منهاره اريد اوصل لغرفتي اريد ابجي
عمار اختفى مبقى ولا لحضه
بالعشه اجه كرار ويانه كعد اتعشينه وهواي بوقتها شاقانه وهواي ضحكنه جان وجها فرحان هو ونوره وكانو كاعدين يوادعونه
طلب مني افكر ارجع لعمار كلي لخاطري فكري والله خطيه عمار حيل تغير وهاي اسيل سبب البلاوي وراح يطلكها
اذا تعزيني فدوه فكري مجاوبته بوقتها نوره هم كامت تحجي تكول امنيتي اشوفكم عايشين احلى عيشه
جانت كعدتنه سويه اعتبرها من العمر راح تبقى عالقه بذاكرتي للموت ماانسى نوره وكرار
بعدها سمعت بالحادث وسمعت نوره ماتت حيل اتاثرت بيها احبها هواي هي اكثر وحده جانت واكفه ويايه وتحجي ويايه وتحاول تهدئني
رحت بقيت يم بيت جدهم طول فترة الفاتحه الكل قلقان ع كرار وجانوا عدهم امل ضعيف حيل يبقى عايش
التقيت بعمار هواي لان اني موجوده بالمطبخ وهو يجي ياخذ المي والجاي حيل متغير
ابد مباوع بوجهي ابد ماادري لان محاب يشوفني او خجلان مني مااعرف
اسيل اجتي شويه هي وامها خطار مطولن نص ساعه يمكن وراحن حيل حاقده عليها
كملت الفاتحه ورجعنه لبيتنه وجنه حيل تعبانين
رحت سبحت وطلعت هستوني وجان اسمع روان تصرخ رحت اركض وجان نسمع خبر وفاة كرار 😭😭😭 حيل اتاذينه وانقهرنه عليه
كال مرتضى عيب منهم روحن اثنينجن ويايه واني لازم اروح للمستشفى
اخذنه ورحنه ولكينه الامه مكلوبه كلاب بالصايح واللطم
امه متنوصف ابد حالتها مو طبيعيه خطيه
ديما ملخت نفسها واختهم الثانيه بالخارج عايشه فاتحين وياها فيديوا وجانت منهاره خطيه
الكل متاذي ومنهار
مكدرنه انام للصبح جابوا التابوت وهنا جانت الفاجعه الحقيقيه امه وبيبيته وعمته ام عمار وابو وجده وديما حالتهم متنوصف ابد حتى عمارشفته بمنظر ماانساه ابد
يبجي مثل النسوان جانت علاقته قويه بكرار كانو اخوه واكثر
اني وروان هم بجينه بعدين اخذوا التابوت وراحوا للنجف
بدت الفاتحه وحسينه بتعب مو طبيعي وارهاق لان صارت فاتحة كرار مباشرتا وره نوره
عمار بده يحجي ويايه ويطلب مني اي شي يحتاجه ومره طلب مني اغسله ملابسه واكويهن لان باقي هنا ابد ميروح للبيت بس بالليل
لاحظت عليه يحاول يتقربلي باي فرصه تصير كدامه بس اني ولاهمني ابد ومتجاهلته ع الاخير
خلصت الفاتحه ورجعنه للبيت خلال هاي الفتره عمار كام يوميه رايح جاي النه حتى يقنعني ارجع واني ارفض
الكل بده يقنعني حتى ارجع واني غير الطلاك مااقبل ابد
حاول يقنعني عمار وهواي اتوسل بس مستحيل ارجع اله وقافله نهائي
علاقة مرتضى وروان تحسنت وجان واضح عليهم اتمنى يعيشون سويه ويتقبلون بعض لان واحد يحب الثاني
اليوم صدفه اجه مهند هو وزوجته وايات هي وزوجها وبيت عمي كلهم التهينه بالمطبخ والعشه جهزنه كل شي واتعشينه وراها وجان اتفاجئ من فتحوا موضوع عمار والكل يحجي ويقنعني
كالوا كافي هواي زودتيها ميصير هيج الولد هواي اعتذر منج ميصير هيج ترفضين لان ماتت بنتج
لا انتي اول وحده تموت بنتها ولا اخر وحده انسي الماضي وعيشي الحاضر الراح راح وبنتج الله الي انطاها والله الي اخذها
ايات تحاول تقنعني من جها هي ورجلها ومهند وزوجته من جها كلتلهم لحد يتعب نفسه وياي مااقبل بشي
اني وعمار مستحيل اوافق ارجعله بعد هو سبب وفاة بنتي
طبعا هاي اكبر حجه اكدر اطلك بيها بدون مشاكل وي العائلتين
محد قبل بقرار الطلاك ابد والكل يحاول يقنعني بس اني مااهتم
صار الاربعين مالت كرار ونوره وقرروا يسوونه سوه بيوم واحد رحنه اني وروان اول يوم سوينه المجلس وثاني يوم العشه والثالث رحنه للنجف نروح الصبح ونرجع بالليل مبتنه ابد
طبعا عمار ذبح نفسه بس يريد فرصه حتى يحجي وياي بس اني مخليت اي فرصه تصير
بيوم العشه هم هواي حاول وتوسل والكل اجه حجه ويايه بس اني رفضت
بيوم الي رحنه للنجف مرتضى اخذنه اني وروان وامي رحنه للمقبره لكرار ونوره حسيت بنفسي مشتاقه هواي لنوره خطيه الله يرحمها جانت انسانه طيبه بشكل
مرينه برسول ومريم وجانت المفاجئه عمار ورانه اجه لقبر رسول كال حاب ازوره
الكل راح يم قبر مريم بقينه اني وعمار
مشتاقتله موو
حبيت اغثه واضوجه ... هواي مشتاقتله فوك متتصور
تعرفين ليش اجيت هسه لكبره
لا مااعرف
اجيت حتى اطلب منه السماح لان حجيت عليه مو بوعيي جان اتمنى يسامحني
شهد اتمنى بعده عدل واطلب منه السماح حتى يسامحني جان رجال بمعنى الكلمه اتحملني رغم كل شي ومتخله عني ابد
حسيت بي ضاج واني هذا الشي هو الي اريده
قره الفاتحه واترخص وراح
رحنه زرنه هناك يم الامام لكيناهم وجانوا جايبين غده وياهم
عمار بغير عالم عايش ولا كانو وياهم ابد راح دخل يزور وهواي اتاخر حتى متغده ابد
رجع وجان مبين عليه باجي لان عيونه حمر اكيد الندم كاتله بعد الي سواه بيه
رجعنه للبيت وبهاي الفتره خبلته خبال لعمار اريد يطلكني بس هو معاند يكول ابد مااطلكج ابقي يم اهلج بس مااطلك
اهلي ملوا مني وعمار هم مل وسمعته متعارك وي اسيل عركه جبيره ومطلكها مكتشفها هي الي محرضه امير حتى يدفع رهف وبوقتها ناهيها من الضرب اخر دازها لاهلها ومطلكها
الصراحه مستغربت اسيل هي ورهمتت بنتي اريد الله ياخذ حوبتي وحوبت بنتي ان شاء الله
حيل بيهم الي صار اثنينهم هي هاي نفسها الي يكول اشرف منج ومن عشيرتج خوش طلعت شريفه
فتحت الحضر ودزيله رساله
هي هاي اسيل الي جنت ادافع عنها
هي هاي اسيل الي جنت تهيني كدامها
هي هاي اسيل الي خليتني خدامه الها
هيرهاي اسيل الي جنت تكول اشرف منج ومن عشيرتج
هي هاي اسيل الي جنت تتباها كدامي بيها
تعرف انت تستاهيل وحده مثل اسيل لان من ثوبك ومن طينتك حرامات طلكتها هسه بعد وكت
جان انتظرت فد مره لمن تقتل اهلك كلهم وتقتلك انت بالاخير
رجعت الحضر ونمت مرتاحه رغم ماعرفت منو الي قتل بنتي
قررت اكمل جامعتي بس مسائي لان بعد ميحقلي اداوم صباحي
طلبت من روان تحجي وي عمار وتاخذ راييه بس صدمني عمار بجوابه من كال ممنوع تطلع من الباب لا للجامعه ولا لغير الجامعه ومشكوله ذمتها اذا طلعت بدون علمي
دزلي رساله من رقم غريب اذا تحبين اداومين تعالي من بيتج ومن يم رجلج وروحي مو من اهلج
حيل ضجت منه ومن تصرفه يعني دراستي شلها علاقه اذا كنت يم اهلي لو يمه
طلبت من مرتضى يحجي وياه وجان جوابه نفسه الرفض
الكل ايده وكالوا ميصير من عدنه اطلعين بدون علمه
بقيت حايره احجي وياه لو لا واخاف احجي ويفشلني وهم يرفض
اخر شي قررت اترك الجامعه مااريد اتنازل اله ابد
روان تكول حيل متغير والله وحالت اهلي مدهوره خاله مريضه ماتكدر وعمو هم خطيه
كامت تروح تبات يمهم اكثر المرات
اليوم اهلي بالزياره ومرتضى بالمحل وروان يم اهلها كالت العصر اجي بس اني بالبيت
اندك بابنا ورحت اشوف منو اتفاجات بعمار بالباب ردت ماافتح وكتله ماكو احد موجود هنا
كام يصيح اني زوجج مو عشيقج وهيج تحجين ومرتضى عنده علم اني هنا
فتحته اله جان عصبي بوقتها دخل واني وراه
كعد بالصاله واني رحت للمطبخ جبتله مي وببسي
تعالي اكعدي نتفاهم مااريد اي شي
عمار ماعندي اي شي اتفاهم وياك بي بس شي واحد هو الطلاك
شهد فدوه اروحلج هاي الكلمه انسيها لان توكف عقلي وتخليني من صدك انجن
عمار نسيت الي سويته بيه نسيت من عاملتني معاملت الساقطات نسيت من عاملتني معاملة الخدامه ومو اي خدامه
اذا انت نسيت ماانسى اني للموت وحتى اذا نسيت مستحيل انسى رهف انت الي كتلتها بايدك
ولج والله والحسين مو اني نيمتها بيدي والله وردت اجيبها الج بس صاحتني اسيل بنت الكلب ماادري شلون جانت عاميتني عمي
هستوني طلعت وكلتلي تعال سوي الكنتور مشكل مينفتح لحضات ووكعت
والله مو اني الي كتلها ولج والله روحي من الدنيا هي شلون اكتلها
كتلتها باهمالك كتلتها من عاندتني واخذتها شكد توسلت بيك شكد طلبت منك تخليها بس مسمعت مني
اني ابجي بحركه هو جرني لحضنه شبكني حيل اش ولا حرف فدوه لتعذبيني اكثر والله لحد الان اكل بنفسي اكل والليل ماانامه والحسين
فدوه شهد ابوس ايدج ورجلج سامحيني شنو الي تردينه والله انفذه الج بس سامحيني وارجعي
بعدته عني الصراحه مات من كلبي حبه وبعد ميهمني عمار ابد
عمار اذا تريد اسامحك ع كل شي طلكني بس والله اسامحك اذا طلكتني
شهد بروح رسول
شهد بروح ابنج
شهد بروح رهوفه
شهد بغلات امج وابوج
شهد بغلات حبنه القديم
لتكولين طلكني ابد والله مستعد هسه اموت واخلصج مني بس مااطلكج والله الموت اهون الي ولا اطلكج
والله ماجنت بوعيي ابد شنو الي جنت احجي وشنو الي اكوله مااعرف ومحمد
شهد والله احبج واعشقج جنت اراقب بيت عمج ايام وليالي بس حتى المحج
وحيل افرحت من سمعت استشهد زوجج رغم ادري اني وياج مراح ننجمع
تعرفين شكد كرهت مرتضى وجنت رافض يتزوج روان بس لخاطرج وخاطر حبنه وافقت والله
من خطبتج جنت اسعد واحد بالدنيه كلها وممصدك ابد وجنت طاير من الفرح
عرفت اسيل بالموضوع ودزت عليه للبيت كالت عندي شغله مهمه وياك قبل لتتزوج هذا الحجي قبل لنسافر باسبوع
انطتني عصير وجبرتني بوقتها اشربه حرجتني كدام اهلها طبعا هو السحر جان بي لان اتغيرت عنج من يومها
كمت اشوف اسيل بعيني ملاك وانت وحش كدامي احسج عدوي الوحيد اريد بس انتقم منج
تعرفين من اروح للمحل اتندم ع كل شي سويته بيج واقرر اعتذر منج بس اكو حاجز قوي يمنعني
هواي رحت لاهل البيت واتوسلت بيهم اتغير وياج بس بدون جدوى ادري بوقتها كاعد اجرحج وااذيج بس جنت مكتف مابيدي اي شي
قبل لاتموت رهوفه حلمت بابن عمج رغم اني مااعرفه بس شفت صورته بالقبر وعرفته هو
شفته اجاني لبيتي واخذ رهف مني يكلي هاي بنتي مو بنتك
اتعاركت وياه
يكلي شهد حبيبتي وزوجتي اني لان مااذيتها بيوم بس انت لا هواي اذيتها
هو يسحب برهف واني اسحب اخر شي هو الي تغلب عليه واخذها
الصراحه مجان ابالي الحلم ابد لمن ماتت رهف وبعدها بفتره يله اتذكرت
يحجي واني صافنه عليه صحيح كلامه كله هو مسحور وميتصرف بوعيه وحتى العلويه الي لكيتها بالنجف هم خبرتني بس اني قافله
شوف عمار هذا الحجي الي حجيته اجه متاخر انت بالنسبه الي متت من كلبي بعد متهمني ابد ابد
مستحيل اكدر اعيش وياك بنفس الغرفه مااكدر والله
لج شهد فدوه اروحلج لتستعجلين بقراراتج والله احبج ومستعد كل شي اسوي لخاطرج
كل الي اريده منك اطلكني بروح رهوفه طلكني
هو حيل ضاج منطق شي بس قربني اله وباسني ب👈👄
هواي طول رغم ماادفع بي بس مفاد
هاي اخر بوسه ابوسج بيها اتمنى تبقى ذكرى اخيره بيناتنه
اني راح اروح باجر لبغداد عندي شغل
اذا متت ابريني الذمه واذا رجعت بخير ان شاء الله انفذلج الي تردينه
بس اتمنى منج تدعيلي بالصلاه كون الله ياخذ امانته مني قبل لا يجي يوم الي اطلكج بي
مااعرف لويش نغزني كلبي من كلامه وحيل ضجت صحيح اني عمار حاقده عليه واكرها بس مااتمناله الموت ابد
عافني وطلع اول مره اشوف الحزن بعيونه قبل ليوصل لباب باوعلي بنظره معرفت افسرها ابد طول بيها حسيت بهاي النضره نضرة وداع مااعرف ليش ضجت وانقهرت
طلع واحسه اخذ روحي وياه هواي اتندمت لمن لحيت بالطلاك لو باقيه متانيه افضل
بقيت الوقت كله افكر وقلقانه شعنده باجر يروح لبغداد وليش هيج حجه وليش باوعلي هيج ليش باسني ويكلي اعتبريها الاخيره دخت
اجتي روان وسالتها شعنده باجر يروح عمار لبغداد كالت مااعرف والله وماعندي اي علم
بالليل دزلي رساله
هلو شهوده شلونج شخبارج
اتمنى تسامحيني وتبريني الذمه ادري هواي اذيتج وهواي جرحتج ومن حقج ماتسامحيني وماترجعيلي ابد
بس امانه بركبتج اذا صار شي ابريني الذمه وسامحيني
دوختني الرساله اكثر لااكدر ارد عليه ولا اكدر اسكت بقيت للصبح منايمه والتفكير كتلني
ثاني يوم عشت بقلق وبخوف مااعرف لويش كل شويه وطلبت من روان تخابر عمار وتطمان عليه
استغربت من موقفي كتلها اشو ممرتاحه لروحته ابد فتحت حاكيه وكام يحجي عليها لتخابرين كل شويه ولج مابيه شي شبيج انت اليوم مو طبيعيه
كلتله والله اني طبيعيه بس اكو وحده قلقه عليك وسبتني سديت حلكها لتحجين شي ولج الله عليج
عرفت السالفه كليلها ان شاء الله يصير الي ابالها حتى ترتاح
حيل ضجت ورحت للغرفه والله مااريده يصير عليه شي ولا راح ادعي ابد
كالت روان رايحين هو واحمد واخو احمد اخو احمد مكلفه ع شغله يريد يسوك من الشورجه فاتح محل جديد وهو ميعرف حب ياخذه ويا كالت راح يباتون هناك
لليل سمعنه خبر انفجار ابغداد اكو ضحايا وجرحى ماادري ليش كلبي نغزني حيل ع عمار
نسيت الزعل ونسيت كلشي خابرته باللحضه مغلق نزلت لروان بالمطبخ ابجي روان فدوه خابري مرتضى خلي يتصل باحمد
شكو شبيج صاير شي
اكو انفجار ابغداد وكاعد ادك ع عمار ومغلق نسبت روان فعلا تخابر مغلق
ديما باللحضه خابرت روان وهم جانت قلقه حيل كالت نخابر واجهزتهم مغلقه تقصد احمد وحماها
هنا بده الشك الحقيقي عدنه اتصلت روان بمرتضى خبرته كاللها ماكو شي
نص ساعه وجان يجي مرتضى ولونه مخطوف عرفنه اكو شي
ها مرتضى احجي صاير شي
جان يكول عمار واحمد ومحمد موجودين بالانفجار صحنه اني وروان
الله عليك مرتضى بي شي عمار
جان يكول .....
توقعاتكم حبايب شنو الي صار
مااعرف لويش نغزني كلبي من كلامه وحيل ضجت صحيح اني عمار حاقده عليه واكرها بس مااتمناله الموت ابد
عافني وطلع اول مره اشوف الحزن بعيونه قبل ليوصل لباب باوعلي بنظره معرفت افسرها ابد طول بيها حسيت بهاي النضره نضرة وداع مااعرف ليش ضجت وانقهرت
طلع واحسه اخذ روحي وياه هواي اتندمت لمن لحيت بالطلاك لو باقيه متانيه افضل
بقيت الوقت كله افكر وقلقانه شعنده باجر يروح لبغداد وليش هيج حجه وليش باوعلي هيج ليش باسني ويكلي اعتبريها الاخيره دخت
اجتي روان وسالتها شعنده باجر يروح عمار لبغداد كالت مااعرف والله وماعندي اي علم
بالليل دزلي رساله
هلو شهوده شلونج شخبارج
اتمنى تسامحيني وتبريني الذمه ادري هواي اذيتج وهواي جرحتج ومن حقج ماتسامحيني وماترجعيلي ابد
بس امانه بركبتج اذا صار شي ابريني الذمه وسامحيني
دوختني الرساله اكثر لااكدر ارد عليه ولا اكدر اسكت بقيت للصبح منايمه والتفكير كتلني
ثاني يوم عشت بقلق وبخوف مااعرف لويش كل شويه وطلبت من روان تخابر عمار وتطمان عليه
استغربت من موقفي كتلها اشو ممرتاحه لروحته ابد فتحت حاكيه وكام يحجي عليها لتخابرين كل شويه ولج مابيه شي شبيج انت اليوم مو طبيعيه
كلتله والله اني طبيعيه بس اكو وحده قلقه عليك وسبتني سديت حلها لتحجين شي ولج الله عليج
عرفت السالفه كليلها ان شاء الله يصير الي ابالها حتى ترتاح
حيل ضجت ورحت للغرفه والله مااريده يصير عليه شي ولا راح ادعي ابد
كالت روان رايحين هو واحمد واخو احمد اخو احمد مكلفه ع شغله يريد يسوك من الشورجه فاتح محل جديد وهو ميعرف حب ياخذه ويا كالت راح يباتون هناك
لليل سمعنه خبر انفجار ابغداد اكو ضحايا وجرحى ماادري ليش كلبي نغزني حيل ع عمار
نسيت الزعل ونسيت كلشي خابرته باللحضه مغلق نزلت لروان بالمطبخ ابجي روان فدوه خابري مرتضى خلي يتصل باحمد
شكو شبيج صاير شي
اكو انفجار ابغداد وكاعد ادك ع عمار ومغلق نسبت روان فعلا تخابر مغلق
ديما باللحضه خابرت روان وهم جانت قلقه حيل كالت نخابر واجهزتهم مغلقه تقصد احمد وحماها
هنا بده الشك الحقيقي عدنه اتصلت روان بمرتضى خبرته كاللها ماكو شي
نص ساعه وجان يجي مرتضى ولونه مخطوف عرفنه اكو شي
ها مرتضى احجي صاير شي
جان يكول عمار واحمد ومحمد 3 موجودين بالانفجار صحنه اني وروان
الله عليك مرتضى بي شي عمار
جان يكول .....
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 46❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️
جان يكول الكل متاذين وداخلين بالمستشفى راح نروح هسه الهم اني واهل احمد وعمي ابو عمار
اتخبلت اني والله مااريده يتاذه ولااريده يموت كمت ابجي وروان تخبلت همين بس تبجي
مرتضى صعد بدل ونزل مستعجل جهازه ابد مسكت روان طلبت منه تروح يم امها خطيه وحدها
اخذها وطلعوا بديت اصلي وادعي مااعرف شاتصرف وشاسوي
اني ابد مااريد ارجع لعمار بس مااريده يصير عليه شي بنفس الوقت
اكو حب اتجاها بداخل كلبي بس عقلي يرفضه هذا الحب ومااريد ارجعله
بقيت للصبح ع نار ماكو اي خبر لا من مرتضى ولا من روان متعرف شي ابد
تقريبا ب10 الصبح سمعنه بخبر وفاة اخو احمد خطيه امي راحت الهم هي وابويه كالوا عيب منهم
بقوا للعصر وياهم مرتضى راجع وياهم ماخذينه للنجف ورجعو
اول مدخل مرتضى سالته ع عمار
كال والله الصراحه حالته خطره وبالانعاش مخلينه اتخبلت من سمعته هيج يكول
شنو البي متاذي الله عليك احجي الصدك
والله هواي شضايا بجسمه ومتاذي حيل واحمد اخطر بعد منه
شلون تخلوهم ابغداد لو ترجعوهم هنا
بالوقت الحالي مستحيل نجيبهم لمن يزول الخطر عنهم وع الاكثر ننقلهم لمستشفى الكفيل
مرتضى : رحنه اني وعمار للناصريه لهذا الرجال الي كلونه عليه وكف عقلنه من حجه عبالك كاعد ويانه بس مذكر اسماء ابد
كل الي صار بينه من وره السحر حتى اني وروان متاثرين واني دايخ جنت
اكول ليش من اتقربلها تبتعد ومن ابتعد تتقرب
علمنه ع اشياء هواي ورجعنه
بدينه نتغير هواي اني وروان كمنه نتقرب اكثر
قررت يوم الخميس يله اتقربلها لان عدها دوام مااكدر اسهرها
اليوم وكت الغده دك عليه عمار ومبين موطبيعي كلي بحادث كرار والصراحه حيل اتاثرت بيهم خطيه
كرار شاوصفه قليل بحقه انسان دره ومينوصف صعب الواحد يلكي هيج شخص بسهوله
رحنه اني وعمار واحمد وابو كرار وابو عمار وابو نوره واخوها لمكان الحادث
نوره نفس لحظه متوفيه خطيه وصارت ضجه ابوها واخوها وابو عمار
رحنه ع كرار وياريتنه مشفناه ابد
رجليه اثنينهن مكطمات واديه متاذيات وراسه مضروب بي قوي يعني حالته متنوصف ابد
الدكتور منطه امل بي ابد وحتى اذا اكو امل شلون راح يعيش هيج واذا سمع وفاة نوره راح يتحمل لا
الي عرفناه كاسره عليهم شاحنه جبيره وماذيتهم حيل
رجعنه للبيت ع مود الفاتحه عيب منهم وبنفس الوقت بقينه رايحين راجعين ع كرار ابد مصحه ولا ثانيه وحده
كملت الفاتحه ورجعنه وجان يجينه خبر كرار صحيح متوقعينه يموت باي لحضه
بس من سمعت الخبر انصدمت ممصدك ابد حيل اتاثرنه اني وعمار واحمد حتى بجينه عليه خطيه الله يرحمه
هذا حد يومه بعد لااعتراض ع حكم الله
التهينه بالفاتحه 3 ايام طبعا واكف وياهم كل وقت لان عيب منهم وهم واجب عليه اتجاه كرار جان اخويه قبل ليكون صديقي
كملت الفاتحه ورجعنه للبيت وجنه حيل متاثرين هم روان وهم شهد وهم اني
لبسن البنات اسود رغم ماجنت متلهف لروان وعطشان عليها بس تركتها لخاطر كرار مو مالت افرح وهو بعده هستوه ميت
روان طلبت مني اتركها هاي الفتره وكامت تروح لاهلها هواي ومناك يرحن لبيت جدها
عفتها ع راحتها ومن تريد تبات مااعارضها لمن اجه يوم الاربعين كمت اخذهن الصبح هي وشهد وارجعهن بالليل
بعد مرجعنه من النجف قررت اتقرب لروان لان صبري بده ينفذ
رحت للمحل وراسلتها
هلوو روان
هلووو مرتضى
روان حاب اليوم بالليل اخذج لعالمي اتمنى منج تجهزين نفسج وتجين ويايه
وين صاير هذا عالمك وشنو بي
عالمي صاير بالسما وي النجوم اذا اجيتي اخليج اطيرين بي مثل العصافير
والبي اشياء متتوقعينها ابد بي سعاده وبي فرح وبي راحه واشكال بعد بي
تمام
يعني حابه تجين ويايه لو لا
اكيد حابه اشوف عالمك وراح انتظرك
طبعا سعادتي ماتنوصف ابد احس بنفسي طاير فوك باعلي شي بالسما
دزيتله راح انتظر الليل ع احر من الجمر وراح اشتاقلج منا لليل هواي هواي هواي
اني هم حشتاقلك هواي هواي هواي 🙈
اوووويلي من هسه اني ذبت شلون بيه لعد بالليل
دزتلي ☺️
روان
ها
احبج
اعشقج
الهوى الي اتنفسه انت
لعد اني هم احبك واعشقك
اوووويلي ع هذا الكلام اكيد اليوم ناويه تخبليني مو
تدرين اني هسه دخت وع الاكثر مراح اندل بيتنه اذا رجعت
ليش عود دخت
هو الي يسمع هيج كلام شلون تردينه ميدوخ
اسفه بعد مااحجي هيج
ليش ولج
حتى مدوخ
بس اني اريد ادوخ انت شعليج
اخاف صدك اتيه البيت ومتندل
وشنو يعني وين المشكله اكو دليل بجهازي وهو يدليني انت معليج عليج ادوخيني وو بس
بقينه نحجي شويه وبعدها كل واحد راح ع شغله
الصراحه حيل متلهف حتى ارجع للبيت قررت ارجع من وكت احنه هسه تقريبا بداية شهر الرابع الجو بده يحتر وكمنه نتاخر بالليل لان الناس اكثر شي بالليل تطلع
وصيت الولد ورجعت من ال 10 خابرتها متعشين لو لا
كالت الكل متعشي
وانت
هم متعشيه
يعني مااجيب عشه ويايه
لا مانشتهي ابد
اخذت حلويات وكرزات النه ولاهلي وشهد
رجعت البيت هدوء امي وابويه متعودين ينامون من وكت وشهد اكيد بغرفتها
خليت العلاكه ع الكاونتر وصعدت متلهف هواي هواي
دخلت للغرفه لكيت الاجواء تخبل الغرفه بارده مشغله السبلت بي
مسويه تحضيرات بالغرفه شموع وعطر وغيرها بس هي ماكو استغربت وين هي
اتصورتها بالحمام بس ماكو عجيب امرها وين الكيها
رحت للحمام سبحت وطلعت لكيت روان بالغرفه شاعله الشموع ومطفيه الاضويه مكدرت اشوفها زين شنو لابسه
فتحت الضوه لكيتها لابسه اسود
شنو هاي حبيبتي رونه ميصير تلبسين اسود
لعد شلون مااكدر البس اللوان والله
تعاي اسمعيني حبيبتي الحزن بالكلب مو باللبس وبعدين تكدرين تلبسين اللوان بالغرفه ومن اطلعين البسي اسود
مثل متحب
لبست دشداشة نوم كلش حلوه اخذت عقلي بيه
برزت ملامح جسمه
بديت اتقربلها بستها من 👈👄 ذوبتني ع الاخير وهي ذايبه بين اديه
حا حبيبتي جاهزه مخايفه
جاهزه وان شاء الله مخايفه
سحبتها للفراش نيمتها وقبل كلشي طردنه المزعجه رونق 🤪
بعدها عشنه اجمل ليله بعمرنه
طردوني من الغرفه عابتلهم اي والله صارلي شكد وياهم ومتحمله الاهانه ع مودهم وبالاخير طردوني 😏😏😏
عبالهم فد مصيبه
يله حبيباتي بعنادهم انتوا ارسموها بمخيلتكم
يله مو مهم اهم شي اتصافوا وانتصر حبهم رغم كل الظروف
مرتضى… بدينه علاقه جديده تركنا الماضي ورانه وتركنه كل الصعوبات وكل المشاكل
عشنه اجمل ايام حياتنا سويه روان صارت قطعه من كلبي صارت حياتي كلها
روان طلبت مني احجي وي شهد واقنعها حتى ترجع لعمار بس هاي قافله دزيت ع مهند وايات وبيت عمي الكل ادخل بس هي رافضه
روان اتخرجت واخيرا هم وانزاح مني قررت العبايه بعد متنزعها ولا لحضه وهي الحمد لله ابد معارضتني
عمار طلك زوجته بعد معرف هي سبب وفاة بنته رهوفه خطيه الله يرحمها
روان كامت تروح يم اهلها اغلب المرات من الصبح لليل ومرات تتوسل بيه اتبات
تكول ماعدهم احد ابد معارضتها خطيه كلت
اتمنى شهد ترجع لعماربس متقبل ابد
صار هواي من توفت بيته وهيه مصره ع
الطلاك وعمار معاند ميطلك ابد ايسنه من شهد ابد ماتقبل ترجع صار اربع اشهر من
من تصافينه اني وروان ورجعت حياتنه طبيعيه
وحنت اسعد انسان بالدنيا الكل لاحظ
هل شي جنت متلهف ارجع للبيت عكس
قبل جنت اضوج من ارجع من حنت منتحاجه
اليوم كالت راح اروح وي امي للدكتور كتلها روحي كالت عمار يرجعني
اجيت من الشغل ودخلت للغرفه لكيت الغرفه مكلوبه شنو الفلم مااعرف
الغرفه اضائه خافته وشموع وكيك وكرزات وعصائر
هلووو حبي .... هلووو مرتضى
شنو هاي التحضيرات كلها الي وع مودي
اي حبيبي الك وعندي مفاجئه الك
اتقربت عليها انطيني بوستي وبعدين فاجئيني حبي
فعلا بستها لمن اختنكت ودفعتني
يله حبيبتي تعالي خبريني شنو المفاجئه
اخذت اديه وخلتهن ع بطنها حبيبي حتصير اب عن قريب
شنو تقصدين الصراحه اتفاجأت
اقصد اني حامل حبيبي جانت فرحتها متنوصف
روان : حيل اتاثرنه كلنه بموتت كرار ونوره امي خطيه بس تبجي هو ابن اخوها الوحيد وتحبه حاله حال عمار
بيبي تخربطت هم وخاله والكل متاذي
اني ومرتضى انتصر حبنا بالاخير بعد كل الصعوبات واعترفتله بحبي وعشنه اجمل ايامنه سويه
كمت اروح يم اهلي انظفه الهم وارتبه وارجع
عمار مينوصف ابد خطيه حيل ضايجه عليه مينام اذا مو بغرفة شهد ويخلي ملابس رهف ع وجها
امير الحقير اعترف كال ماما كلتلي اخذ اختك واصعد ومناك ااشمرها الي واني الزمها
عمار فقد وياها وطلكها بس اتفاجئنه من كالت مااريد امير خلي يمكم
واصلا عمار ناوي ياخذ امير
عمار كال راح اعيد تربيته من جديد معلمته امه ع كل سالفه طايح حظها
طبعا بعده زغير اكيد راح يتغير بسهوله
بس اهلي تبهذلوا تبهذل بعد ماشهد عافتهم ووفاة كرار اثر عليهم خاصه امي
امي بده ضغطها يتخربط ابد ميستقر كمت اروح يمهم انظف واساعدهم بكل شي وارجع
مرتضى انتظرني لمن طلع الاربعين جانت وفاة كرار بنهايه شهر الثاني وهسه احنه بدايه شهر الرابع
قررت هاي هي بعد لازم نطوي صفحه جديده اني ومرتضى وفعلا اتحدنه سويه
صرنه جسدين بروح وحده نسينه الماضي ونسينه كل شي عشنه اجمل ايام حياتنه اني ومرتضى
اكثر شخص فرحلنه هو شهد حانت فرحانه
كلش كالت واخيرا تصافيتو
همنه الوحيد هو عمار وشهد هواي حاولنه بس شهد ابد متريد عمار
صار فتره احس دوخه ماذيتني خيل
ولعبان نفس حجيت لامي كالت هم فايتتلج
كتله اي كالت يمكن حامل
اليوم عند اهلي وحسيت بدوخه قويه بيومها ردت اروح وي ماما للدكتور كلت خلي اسوي تحليل حمل بطريقي
سويت وجانت النتيجه حامل حيل افرحت فرحتي متنوصف الناس الها الظاهر هسه اني بنظر الكل متزوجه صارلي اكثر من سنه ونص يعني الكل هسه عبالهم ميصير عندي
امي فرحت واني رجعت للبيت فرحانه اول مخبرت خاله خطيه لان بنفسها يصير عدنه طفل
شهد هم فرحت هواي وبوستني خطيه عمو هم كلوله وباركلي طلبت منهم محد يحجي شي لمرتضى حبيت افاجئه
رتبت الغرفه وشعلت شموع وجبت ويايه كيكه وكرزات وعصائر حبيت اسويله مفاجئه نحتفل سويه واخبره
جنت متلهفه حيل حتى اشوف ردة فعله بس انصدمت بردة فعله اشو حيل ضاج وجها مينوصف
ع فجأه وجان انصدم ب .....
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت الاخير ❣️❣️
❣️❣️ #الندم_مابعد_الخطيئه ❣️❣️
جان يكول احمد استفاق من الغيبوبه
من كال هيج رجع الدم بوجهي الصراحه حيل خفت توقعت صار بي شي
واخيرا بعد معاناة خطيه حيل اذانه اني واهله وحتى عمار متاذي عليه خطيه
رحنه للمستشفى اني وابويه وابو عمار زرناه
خطيه كام يبجي من شافنه حضني ويبجي
ولك من ورايه صار هذا الشي اني الي طلبت منهم مروح لمكان الانفجار
هذا الحجي محد كاله ع اخوه عباله عايش
احمد لتلوم نفسك انت شمدريك قابل راح
يصير الانفجار ولتنسى كلشي قضاء وقدر هذا مكتوب الكم لازم يصير
بقه يومين وبعدها طلع من المستشفى
ذبحوله ذبيحه لوجه الله ع مود سلامته
من سمع باخوه تخبل خطيه وبقه يلوم بنفسه
وذب الوم ع نفسه يكول بسببي اخوي مات
وبس يبجي
بس خطيه حيل متاثر باخو وضايج حالته
النفسيه متدهوره بس بده يسترجع عافيته
شي وره شي والحمد لله كدر يتغلب ع كل المصاعب
روان : جان خبر عمار صدمه النه وحيل خفنه عليه وقلقنه وبقينه عايشين ع نار نترقب خبر عنه
امي خطيه ادمرت دمار وبس تبجي خبلتنه كل شويه واتخربطت
بعد معانات اتحسنت حالته وكدروا اهلي
يزورونه بالمستشفى واطمانوا عليه
اني ردت اروح بس مقبل مرتضى كال مو زين ع حملج
اني نساتي متاذيه حيل بعدين استقرت حالتي والحمد لله صرت زينه
طلع عمار من المستشفى وذبحناله خروف جوه رجله وحيل فرحنه بي
سولف النه يكول والله بيني وبين الموت شعرايه بس اجتني دفعه مااعرف منين وبعدتني عن الخطر
امير خطيه هواي اتاذه من جها فراك امه وهي الي رفضته ومن جها ابو ماكو بعدين عدنه
تربيته من جديد هواي كمنه نحجي ويا بابا تعب عليه وعلمه ع الصح والغلط
صار شكد ومحاولت اسيل تشوفه ولو مره وحده ستغنت عنه وماما وبابا
مخلو بعازت احد
ديما خطيه تبجي ليل نهار ع احمد الي راح
بغيبوبه ومصحه ابد تكول ادعوله فدوه يكوم بسلامه
كالت اموت بدونه هسه حامل صارلها 3 اشهر
عمار يتوسل هواي بشهد واني هم هواي
حجيت بس بدون فايده متقبل ابد
كال عمار مراح اطلكها ابد راح ابقيها بذمتي لو شيصير مااطلكها ولا راح اضحي بيها
امي كامت تحجي عليه حرام عليك تعلكها طلكها واتزوج خلي تساعدني مااكدر اني وحدي وروان ميصير يوميه عايفه رجلها
وبيتها وتجي تخدم بينه
يوم هذا الموضوع سدي للموت محد يجيب
طاريه ابد مراح اطلك ولا راح اتزوج
واذا ع البيت راح اشوفلي وحده تساعدج وانطيها راتب من عندي
صدك كامت تجيهم وحده تنظف البيت
وتغسل ملابس وتروح ماما بس تطبخ
تكول ارتاحييت هواي لان حيل تعبانه خطيه
علاقتي بمرتضى متنوصف ابد هواي شكرت الله لان مرتضى من نصيبي
تحدد جنس الجنين وطلع بيه بنوته وحيل فرحت حتى مرتضى يكول احب البنات حيل
قرب موعد ولادتي امي جهزتلي كلشي وصت عمار من راح لتركيا
شهد : من سمعت بخبر عمار تخبلت حيل اتاذيت كلت هسه يكول صدك دعت عليه وصار الي تريده
دمرت ع عمار داخلي احبه بس ماكدر
ارجعله ماريد بس ماريد يتاذه اموت اذا صار عليه شي طول ماهوه بالعمليه
دعيتله وهواي صليت لاجله حتى يتعافه وفعلا تعافه وصار زين حيل افرحت اله
بس بقه وضعه موزين ودوم اسال عليه روان
متخبله تكلي اذا هيج تحبي وتخافين عليه ليش ماترجعين
كتله مو اخاف هذا الشي مو معناها ارجعله وانسى الي صار تجربتي وياه خلتني اخاف افكر ارجعله حتى لو بالحلم
طلع من المستشفى وكالت روان اتعافه والحمد لله ردت ادزله رساله اتحمدله ع السلامه وبعدين بطلت
خفت اضعف وارجعله
بعد فتره راسلني هو
هلو شهد
هلو عمار
شلونج شخبارج
تمام الحمد لله وانت شلونك
مو زين اني ابد
محبيت اساله ع هذا الشي لان جوابه واضح
كتله الحمد لله ع السلامه
بعد وكت يمعوده خلي يصير سنه ع الحادث يله
غلست معرف شاجاوب
وين صفنتي
وياك
شهد مو كافي ممليتي والله تعبت بدونج والنبي حيل اتاذيت
عمار جوابي واحد مراح يتغير ابد ماارجع ابد
ليش والله متندم وهواي متندم اتمنى تسامحيني فدوه
مااكدر اعذرني والله مااتحمل اعيش وياك بعد الي صار
بس اني ماجنت اتصرف بطبيعتي جنت مسحور وشفتي بعينج شنو الي صار
عمار حابه اسالك سؤال بس بروح رهوفه جاوبني الحقيقه
اساله والله احجي الحقيقه
رهف شلون ماتت وشنو الي صار وشسويت للمجرم الي كتلها
شوفي شهد والله العظيم من جبتها من عندج جنت حيل مشتاقلها جنت اموت عليها احب
البنات حيل وجنت حذر من امير اخاف ياذيها
لعبتها ووكلتها وجانت حيل فرحانه واني جنت اسعد واحد بالدنيا
بس الحقيره اسيل طلبت مني اساعدها بالكنتور عفتها بالكاع حتى متوكع من الجربايه
ماخذها امير لان امه الي كلتله نلعب سويه انت اشمرها واني الزمها واذا ملزمتها انت تفوز
هذا الطفل شمعرفه بنوايا امه شمرها من صدك
كاعد اسويله الكنتور ماعرف شبيه
كالتلي دقايق وارجعلك
صدك. شوي ورجعت كملت الكنتور هيه وياي تساعدني
وري شوي اجه امير يركض بابا الحك
رهف وكعت وطلع دمه
واني ركضت اخذته للمستشفئ
زين شلون عرفت امير موكعه
اسيل مخوفه امير تكله اذبحك بالسجينه اذا
حجيت وراح اروح شوي وتعال كل لابوك
رهف وكعت لاتجيب طاري ابد
لاحظت الطفل اتغيرت احواله وبده يذبل
ومياكل مثل قبل ويخاف من امه حيل
مدري شمسوي وباسطته حيل ولازمتله
السجينه دخلت فجاه عليهم واخترعت من شفت هذا المنظر
من شافني اجه يركض بحضني ويبجي ويكول بابا فدوه خلصني من ماما تريد تذبحني
رحت عليها ضربتها وموتتها بساعتها تكول جذاب
كتلها شسوه وهيج ماذيته
تكول باك مني فلوس وراح اشتره وحده
والله بابا جذب لان كمت ابجي ع اختي رهف هيج سوت بيه
اني هنا اتخبلت اخذت امير ورحت للمحل
اامنته وخليته يسولفلي كل شي واعترفلي واني اتخبلت
رحت ع اسيل وجنت ناوي اكتلها خلاص بس اتفاجات باهلها اجوي اثاري مخابرتهم لكدام
سحلتها سحل من فوك لجوه واذيتها حيل حتى ايدها كسرتها فقدت
ماخليت مكان بجسمه صاحي كوت اهلها خلصوه مني
ويكلولي تتبله عليه بتنه متسوي هيج
تجذبه وتصدك طفل ضلو يصيحون لعبو لعب
اهلها كالوا نشتكي عليك لان اذيتها هددتهم
وكتلهم عادي اكلهم هي الي كتلت بنتي
والحسين اكتلها بيدي خلاص
اهله يسحبوها مني وارجع اضرب بيه
اهلي اجو ع اصياحنه اهلي تخبلو من سمعوا هي وره وفاة بنتي
امي ضلت تدعي عليه وتتحسب
اخذوها اهلها وراحو ماقبلت تاخذ امير
واصلا جنت مناوي اخليه تاخذه بس هيه سبقتني
بعدين اتفقوا اطلكها وكل شخص يروح لحال سبيله. وتتنازل عن كلشي حته امير متاخذه
راحت وره فتره خابرت اخوه ع الطلاك حته تتنازل
كتله تتنازل عن امير اخذت التيلفون من اخوه
كال امير هم ماريده اريد اشوف حياتي
خلي الك انت ابتلي بي
قبل لاانطق كالت اخذ امير ماريده بس حقي اريده منك
ع اي اساس اتنازل عن حقي يكول بديت
اصيح عليه وج الج عين وبصلافته خابرتني تحجي بعين صلفه
كتله اشتكي عليج وانتي الخسرانه ادخلج سجن ومحمد
وراها سكتت ماحجت واتفقنه ع الطلاك طلكته وتنازلت عن امير وعن الحاضر
والغايب اني ماميت ع الفلوس بس ماتستاهل انطيها وجع
اخذته لاموري وبدينه وياه من الصفر غيرنه حياته كلها
وبقيت بس اعلم بي ليل ونهار هاي كل السالفه
شهد دموعي ابد منشفن ابد الله ليوفقج اسيل حيل اذتنه ودمرتنه كلنه هم اني وهم عمار
ها شهوده وين صفنتي
صفنت ع اسيل شلون كدرت هيج تسوي
حقيره وساقطه خلي تولي والله كل دقيقه العن الساعه الي تزوجت بيها اسيل
فدوه شهد ارجعي والله مااتحمل بعد تعرفين باثناء الانفجار حسيت بنفسي هاي نهايتي
اتمنيت بس تسامحيني وعرفتج بذيج الساعه دعيتي عليه والله استجاب دعوتج
والله مدعيت عليك ابد ولا اريد ادعي عليك مااريد يصير بيك شي
يعني تحبيني بعدج
لا مااحبك ابد
كولي والله
مااعرف اني احبه لو لا مااكدر احلف كل الي اعرفه مااريد ارجعله ابد سكتت
ها اشو هم صفنتي
عمار لا احبك ولا اكرهك اني حاليا
مااريد غير الطلاك اريدك اطلكني وانت وعدتني اطلكني
ولج افهميني مااطلكج والله مااطلكج
والخلقج مااطلكج والقران مااطلكج
وروح رهف مااطلكج وروح كرار مااطلكج
والسماوات مااطلكج افتهمتي لو لا
ابقي عند اهلج مستعد انتظر راسج اليابس
لمن يلين كلبج عليه وارجعج بس مااتحمل اطلكج
للموت مستعد اخليج هيج بس مامستعد اطلكج
عافني وراح
اني هم بعد مراسلته
هواي اذاني وهواي مسح كرامتي بالكاع
مااكدر ارجع ابد مااكدر اعيش وياه بنفس الغرفه
كلت خليني هيج بدون طلاك مو مهم اهم شي ماارجعلها
ولدت روان بنيه وحيل فرحنالها مرتضى دمه
بشيشه جان من يوم الي دخلت بشهرها لحد ماولدت
جان فرحان حيل لان صحتهم تمام اثنينهم
ذبح ذبيحه لوجه الله وعزم اهل روان
والباقي وزعوا لحم اجه عمار وياهم وايات
هي وزوجها ومهند هو وزوجته
بيوم الكل توسل بيه ارجع بس اني معانده كلشي وقررت ماارجع ابد
رغم رفضي عمار بس يضحك بيومها وفرحان معرفت شنو السبب
كلي حاب احجي وياج شويه لوحدنه
صدك صعدنه لفوك لغرفتي سد الباب قبل كلشي باسني 👈👄 ولج حيل مشتاقلج والله
اتمنى انام وياج مره وحده بدون سحر
وبدون عنف حاب استمتع وياج ع اخر شي بدون ضغط اسيل ولا ضغط سحر
عمار اني شنو كلت مراح اغير رايي ابد
لعد راح اتزوج عليج
اني اتخبلت شنو تتزوج بكيفك
لعد بكيفمن اريد اشوف حياتي اريد ارتاح ابقى هيج معلك وراج
طلكني وروح اتزوج
كطنه وطلعيها من اذنج
لعد متتزوج ابد
شنو تغارين
لا
لعد خلي اتزوج
حيل ضجت وعصبت
والله متتزوج اذا مطلكتني مو بكيفك
ابقى معانده ويصيرخير
عافني وطلع وتركني بغيرتي
اتخبلت مااريد يتزوج اني اريد ارجعله
بس خايفه منه خاف بعده اثر السحر بي
وياذيني مره ثانيه لو ترجع اسيل وتسويلنه سحر
اخاف هم يصير عندي طفل منه وهم افقده والله مابيه حيل صدمه ابد
روان ..صرت زينه هل فتره راحت النساه خف
كمت اكل براحتي ونومي قل مو مثل بالبدايه
مرتضى جان طاير بيه ومتلهف كلش بالاخص من
عرف بيه بينه تخبل يكلي جنت اتمنى
تجيني بنيه قررنه نسميه سلسبيل جان عاجبني هل الاسم
كلش مرتضى كال بكيفج اذا عاجبج الاسم
خلاص بكيفج
دخلت بشهر السابع بدت ماما تجهزلي
لطفله وفرحانه كلش بس مرتضى مرات احسه فرحان ومرات احسه ضايج
بس ها مره عرفت شنو السبب وهم حقه ماكدر الومه
المر بي مو شويه فقد شكم طفل وبالاخير فقد زوجته وابنه
حقه يخاف عليه. تدرون شنو خطر بالي
وحته اني خفت من فكرت زين
اتذكرت دعوتي ع مرتضى انو ماريد يشوف الطفل
سره الخوف بجسمي كلت خاف هم افقد بنتي بسبب دعوتي خاف تاثر عليه
نرعبت حيل وذكرت شهد هم دعيت
عليه وحته بتها فقدتها حيل خفت افكار
موحلوه كام تراودني
حته مرتضى لاحظ كالي هل ايام موطبيعه
كتله مابيه شي هيج من الحمل
قررت اروح لنجف واطلب بنتي من الامام علي
فتحت الموضوع وي مرتضى رفض
وماقبل نروح كال حامل ماكدر اخاطر واخذج
ضليت بس ابجي كتله حباب لخاطري
محتاجه ازور والله طاكه روحي
وضل يصيح عليه ماتشوفين
ناس هوسه ومضاهرات
والطرق كله مسدوده
منين نوصل صادف بشهر الثاني
بس احسن شويه نفتح الطريق
ضليت يومين اتوسل بي وشهد هم ضلت تقنع بي شيب راسي يله وافق
كال واذا صار شي بالطريق لاانتقم منجن
صدك رحنه اني وشهد وخالتي وعمو
طلعنه من الفجر
زرنه وجانت ناس قليله بيومه كدرت. الزم الشباك
بجيت من كل كلبي دخلت الامام وكتله اريد بنتي منك دعيت
اخلص من هل دعاء وماريده ياثر ع واحد
لان تاذيت هواي ماريد بعد اتاذه
ستوني شفت طريقي ورتاحيت ماريد
اخسر بنتي اموت وربي
وحته لشهد دعيت الله يهديها وترجع لعمار والله يرزقهم بطفل
شبعت زياره طلعت مرتاحه
ماتاخرنه رجعنه. من وكت بس رجعت
حيل مرتاحه هم ونزاح عليه
شهد شكد احجي عليه معانده ماترجع
المشكله اعرف تحب عمار بس تخاف
الصراحه حقها مالومها الصار بيها مو شويه
بالاخص من فقدت بتها كلشي جانت متحمله
لاجل بتها
هسه لا تكول ماعندي شي اخسره
بس يبقى حب عمار بكلبها
دوم تسالني عليه بصوره غير مباشره
واحسها ادور اخباره
بطني واصله لخشمي دخلت بالتاسع
ومرتضى ميصيحلي غير البطه
واني اضوج ومرات نتناكر وخالتي تضحك علينه
الدكتوره كالت امشي هواي وين بهاي الاوضاع اكدر امشي
اصلا حضر ماكو احد يطلع صادف رمضان الكل صايم اني صايمه عاندت ماافطر
وهذا متخبل بس يحجي عليه كتله والله
من احس نفسي اتخربط افطر
جنت تعبانه حيل بس اقاوم كوه
دائما نروح يم الي مشي
من افطر انتهي اكثر الاوقات انام من وكت
مرتضئ خطيه مايحجي صابر عليه اتعب
حيل
يوم منهن
بليل نايمه بحضن مرتضى
كلي روان تدرين حيل خايف كتله
من شنو خليف من دعائج
بيوم الخابرتيني من جنتي حامل وطردتج
والله استجاب دعائج لج اخاف
اخسر بعد والله اموت والله روحتي لنجف ر
مخصوصه الله يكومج بالسلامه انتي وبتج
كتله تعرف نفس تفكيري وروحتي
لزياره مخصوص ع هل شي ودعيت ربي العالمين يخلصني من هل دعاء
واشوف بنتي بحضني
ويوميه هذا الدعاء ميفارك لساني
كلي روان تعرفين حته شهد مرتين
خسرت جهاله بسبب دعائج
نقهرت كلش كتله والله ماقصدي هيج جنت
محترك كلبي بساعتها ودعيت عليك
كال حقج والله السويته بيج موهين
وعفيه عليج قويه وشلون وكعتي الطفل
وكلي تعالي احجيلي شلون وكعتي الطفل
وشلون وهذا وضعج ونساتج صعبه شلون دبرتيها وي اهلج
كعدت اسولفله بالاخير حضني
وكال الحمد لله الله عداها عليج
ونسترتي وجان هسه انتي بخبر كانه
ومالك اي اثر
رجع كال يمه اسم الله حبيبتي همزين
الله نبهني وكدرت ارجعج اليه
يجوز موتت جهالي وموتت مريم
بيه صالح حته انتي تصيرين اليه
تدرين لو مريم باقيه عايشه
وعندي جهال يمكن مستحيل صيرين اليه
اله بيه ارداه ربي الحمد لله والشكر
ع كل حال ضل يبوس بيه
وبده يتحارش بيه باوعت لساعه ب 2اله ربع
كتله نام وراك طلعه للمحل كال يمعوده شو تعاي يامحل هذا مشتاقلج
اريد اضوك شوي عسل البارحه نمتي ماحصلت شي منج 😏😏
اليوم ممنوع تتهربين مابيه مفر
والسوالف اخذتنه ومادري بالوقت
بده يتقرب عليه ويصنف لان بطني جبيره
🤣🤣 مرات ازعل كوه يراضيني
اخذني بغير عالم ذبت بحضنه ووووو….
كملنه وبعدها رحت اسبح حسيت وجع بطني
بس عاد ي دوم تجيني هيج لويات
بس بدت شوي شوي يزود الوجع
كوه بدلت بس اريد اوصل للغرفه
رحت لغرفه شافني مرتضى كال لج
شبيج وجهج اصفر كتله مابيه شي
راح سبح
اني بعد مااكدر حسيت وجع كطع بطني تكطع
عبالك سجاجين بطني
طلع مرتضى شافني
كال ها خيرج
كتله وجع ذبحني ماكدر بعد
من شافني هيج ركض ع امه وشهد اجو يركضون عليه
بديت اصرخ من الوجع بعد ماتحمل خالتي كالت
اركض مرتضئ حضر السياره هاي عدها ولاده
وشهد طلعت شالي وعباتي
وطلعت الجنطه
نزلت خالتي كدامنه اجاني مرتضئ
نزلني هو وشهد كوه كدرت انزل بس ابجي
اريد امي خابر مرتضى ع امي
نزلنه بالكوه
اخذني مرتضئ وخالتي وشهد رادت تجي ماقبل مرتضى
صعدت بالسياره والوجع اخذني كلبت الدنيا بالصايح
والبواجي مرتضئ نخبص بعد حته مايعرف
يسوق وسيطرات تارسه الشارع
واني بس اصرخ احنه متفقين بالاهلي تصير
ولادتي لان وضع موزين ومستشفيات موزينه
كلها كورونا
كوه وصلنه المستشفئ بس شنو روحي احسه طلعت كبل دزوني
لصاله الولاده التمو عليه امي لكيته كدامي
موجوده دخلت وياي اصعب لحضات تمر
بيهت المره هيه ساعات الولاده صعب وصفه
الالم الي نمر بي محد يحس بي
احس طلعت روحي منا لمن طلعت الطفله
من سمعت صوته حسيت براحه
جنت حيل خايفه افقد بنتي
بس من سمعت صوته الحمد لله اطمانيت ضليت ادعي
ساعات الولاده الله يحفظها اليه
بدو ينظفون بيه واني روحي رايحه
وراه طلعت بغرفه جابولي بنتي
احلئ شعور
من تشوف الطفل بحضنك التعب والالم كله يهون
مرتضئ جانت الفرحه مبينه بعيونه
اسعد انسان اجه باسني براسي
وتحمدلي ع السلامه
وره ساعه طلعت من المستشفئ
وبنتي بحضني جنت حيل فرحانه
ردت اروح وي امي خالتي ومرتضئ
ماقبلو كالو امج خطيه ماتكدر
شهد هناك تعتني بيج
وفعلا رحت وي مرتضئ لكيت
شهد محضرتلي جربايه بالصاله
ومنزله كريكوت بنتي والكل ملتم عليه
باوعت لساعه ب 5الفجر واني بنتي
بحضني مرتضئ مكيف همس باذني
كال فديت الصارت ام
كال ودي احضنج وج ممصدك انتم بخير
جنت حيل تعبانه رضعت الطفله نمت
كعدت لصبح لكيت مرتضى جايب ذبيحه
لسلامتنه واجو اهلي واجه مهند وبيت عمهم
فطرو يمنه
عمار متخبل يحوس ع شهد
وشهد بعدها بعنادها راد يحجي وياها ماعرف
شنو حجه رجع ضايج
خالتي وشهد هواي دارني اني وبنتي
جنت حيل فرحانه بنتي سميناه سلسبيل
قسم اعترضو ع هل اسم بس عاندت اله هيج
اسميه ادلعه سوسايه لو سلاوي
مرتضئ طاير بالطفله ماوده يفاركها
صادف حضر ماكو طلعه
صارت ولادتي بنص رمضان
صادف حضر ومرتضئ مكابلنه مرات يطلع
يكول ماتحمل كعدت البيت
بوقته مشددين ماكو ابد طلعه قبل العيد بيوم
بده يلح عليه اصعد وفعلا اني هم اريد
الغرفتي بس ماعرف لطفله
كلت لشهد كالت اني يمج بس رمشيلي
وتدرين بيه مانام بليل
فعلا صعدت لغرفتي لكيت شهد تخبل مسويته
ماجازي شهد لو شاسويله
ونعم من هيج صداقه ضحت بنفسه وتاذت
وتمرمرت كله بسببي وهسه شايلتني بالصلاوات
اني وبنتي تعلقت بالطفله حيل تبدل وتغسل
وتكمط
عمار ابد مامل ولاتعب
يحاول وي شهد الي عرفته بيوم
ولادتي عمار كايله راح ازوج وهاي متخبله
ادري بي يريد يضوجها ميسويها ابد
وهاي محترك كلبها تكسر خاطري شهد
اجه العيد اهلي همه اجوني ماكدرت اروح
وجان احلئ عيد عندي رغم الحضر
بس جنت فرحانه بوجود بنتي بحضني
بشلاع لكلب يله طلعت الاربعين
جان مرتضئ متخبل عليه
بيومها رتبت الغرفه وشعلت شموع
وجبت كرزات وسويت حلويات وصارت الغرفه غير شكل
مرتضى كتله ع باجر يطلع الاربعين هو حاسب بس وهمته
مايدري اليوم شهد اخذت سلسبيل او سلاوي
جان جوه مندمج ع اللعبه
دزيتله رساله كتله تعال سلاوي ماعرف شبيها
تعال شوفها كال شهد مويمج
كتله صحته ماسمعت يمكن نايمه
كال صاعد
جنت لابسه اكثر شي يحبه اكو ثوب يفقد من البسه
طفيت الاضويه وشغلت الشموع والسبلت مشتغل بارده الغرفه
سمعت صوته ع الدرج صرت وره باب الغرفه من دخل نصدم
شفت البسمه ع شفته
وحضني كال افيشش يابعد كل ناسي
لج شنو هل مفاجئه
شالني ويفتر بيه بالغرفه جان فرحان ع الاخر
ضل يبوس بيه ومامصدك كال واخير
تحررت اليوم اخذني لعالم ثاني ووووو..
صارت ليله مميزه
خلاني بحضنه كال تدرين اسعد انسان بالدنيا
وشكد محظوظ بيج
الله عوضني بيج ويوميه احمد الله واشكره
لان بنتي بحضني بساع طفرت كتله اروح اسبح
واجيب بنتي لك شتاقيتلها
فعلا سبحت ورحت اجيب سلاوي ماقبلت تنطينياها شهد كالت اليوم خليها عليه
روحي لمرتضئ اليوم خطيه طاكه الجفاف
اكيد محتاجج بنتج بامان ماقبلت اخذها
كالت خطيه اخوي خلي اليوم يتمتع
فعلا رحت لمرتضئ وكتله اليوم اني
بس الك محد يشغلني عنك غمزلي
كال اويلي اليوم شيخلصج مني رحت بحضنه
وحجينه ع شهد كال تره عمار حيل متاذي
احجي عليه كتله والله معانده ماتقبل
كال ماريد اضغط عليها
خليه براحته وماتركني بليلته لمن رتوه مني
ضلينه سهرانين لصبح ماكعدنه غير ب 12
الظهر مادري يروحي فزيت ادور ع بنتي
مفزوعه باوعت لساعه تخبلت كبل نزلت
لكيت سلاوي نايمه
شهد كالت صح النوم يحلو
كل هذا نوم مو عوايدج لازم سهرانه 😜
ضحكت كتله كله بسببج
كال خرب فوك ماسوي زين بوست سلاوي
ورحت للمطبخ لكيته مكمله الغده فدوه لكلبه
مشت الايام حلوت ومرتاحين
واني مرتضئ اسعد ثنين بالدنيا وبنتي
بدت تكبر حاليا عمر سلاوي 5اشهر
وبدت تفتهم وتعرف ابوه مخبله ابوه خبال
وابوه متخبل عليه يكلي ماودي اعوفه واطلع
متعلق بيها حيل
شهد: بقيت انتظر الاخبار ع نار كل يوم وسالت
روان عنه وهي تكلي باخباره اول باول
لحد الان اني مراجعتله ابد ولا مفكره ارجعله
مرات اكول اي ارجع واقرر بعدين اتراجع
ولحد الان بعدني يم اهلي
يوميه اكعد الصبح ع رساله من عمار وماانام اذا مااختمها برساله منه
بديت اتعلق من جديد بي بس خايفه ارجعله احس اكو حاجز بيني وبينه لحد الان
وباقبه يم اهلي
واشكر البنات الي شجعوني والي نطوني قوه
والي وكفو وياي حسيتهم عائلتي الثانيه
جنت
افرح بعض التعلقات بس ها اضوج
من تدعون
ع عمار ماقبل واحد يحجي عليه 😏
واشكر الست رونق لان تعبت هواي وياي
وشكد حاولت تقنعني ارجع لعمار بس تعبت وايست
روان : لهنا ونتهت قصتي واشكر كل وحده
وكفتي وياي وشجعتي واشكر الي حجو عليه
كل تعليقاتكم جنت اقراه اكو تعليقات تفرحني واكو تضوجني حيل بس رغم كلشي
مامتندمه لان نشرت قصتي حته تصير عبره
لكل البنات
واتمنئ تدعون لعمار وشهد يرجعون لان
متاذيه ع وضعهم وعمار حيل متاذي حته تمرض
بسبب شهد وهاي معانده
وها نسيت شغله اكو بنيه وصلني حجي عنه
تريد مرتضى ومستعده تزوجه حته اذا بالشقه اخنكج لج عنيي ديري
بالج تفكرين بحبيبي صح بالبدايه صديته
اولا تعرفون وضعي وي مرتضئ وثانيا طلع سحر
والكل يعرف شكد احب مرتضى عيني ديري بالج
مرتضى خط احمر ممنوع وحده تخلي عينه علي بالاخص الي بالي ديري بالج اذ انتي
صدك خلي عينج ع عمار حته شهد تغار منج
🤣🤣🤣
حبايبَ گلبي ولهنـا وتنتهـي رحلتي وياكم اتمنئ وفقت بنقل الاحداث مثل معاشو ابطالنه عشنـة وي ابطالنـة ضحگنة وياهم
حـزنة وياهم اتمـنة جنت خفيفة ضَل عليكم
اللـه شاهَد كل تاخيره مني جان اكو سَبب
بس بنفس الوقت عوضتكم واتمنئ استمتعتو بيـهه
نتمنالهم حياة سعيده لمرتضى وروان
ولو فرحتنه متمت من شهد مرجعت لعمار بس منكدر نلوم ع شهد لان الي شافته مو هين ابد
نكدر ندعي لشهد ولعمار كون الله يجمعهم مره ثانيه واتمنى صوتي وصوتكم يوصل لشهد ونطلب منها تتراجع بقرارها وتفكر بعمار
احب اكلج ياشهد عمار الي سواه وياج جان مو بارادته جان سحر والسحر قوي وهو هواي طلب منج السماح واتندم ع كل شي اتمنى تفكرين مره ثانيه بقرارج
ولتنسين امنية نوره وكرار ترجعين
ارجعي فكري مره ثانيه محد يفيدج غير عمار
اهلج مدايميلج واكيد متفكرين بزواج بعد
افضل ترجعين لعمار
لهنا وتنتهي قصتي وانتضروني بقصه جديده
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
1 التعليقات:
عاشت ايدج رونق