مساء الخير ع اجمل متابعين اتمنى لكم قراءه ممتعه
❣️❣️ #البارت 40❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️
جان يكول والله اذا طلعتي من باب الغرفه مراح ترجعيلها لو اموت اكسر رجلج كسر اذا لمحتج بيها
عفته وطلعت سويت نفسي ممهتمه للكلام ابد بس بالحقيقه لا مزقني كلامه وجرحني
رحت لشهد لكيتها كاعده ع موبايلها
هنا اني طكيت بالبواجي كمت ابجي شهد من شافتني تسودنت طبعا ماادري بوجهي خرائط حتى دم طالع من خشمي مااعرف من حلكي
هذا شمسوي بيج الحقير كسر بايده ان شاء الله ... تعالي اكعدي سولفيلي شنو الي صاير
مااكدر احجي خلي ادخل للحمام اغسل واطلع دخلت للحمام سبحت وطلعت هذا الحجي دموعي متوقفن ولا دقيقه وحده
كعدت سولفت لشهد كلشي بالبدايه
لامتني ليش تعاندينه وتدرين بي عصبي ويكره العناد من زمان هذا طبعه
شهد شلون تردين ابقى ويا بنفس الغرفه وهو يخابر بحبيبته كدامي ماعندي كرامه
لعد شتكولين عليه من بليلة العرس يخابر اسيل وكله غزل وحب شتكولين عليه من تزوجنه لليوم منايم بغرفتي ولا يوم شتكولين عليه من يحاسبني حالي حال الحيوان ياخذ الي يريده بالقوه لو برضاتي ويعوفني ويطلع
حيل انقهرت عليها والله طبعا اني لا شيء بالنسبه لشهد
شهد انت ممجبوره تتقبلين هذا الوضع تكدرين اطلبين الطلاك واني هم راح اطلب الطلاك
هيج هين عليج الطلاك عبالج سهل يجوز سهل عليج انت لان ماعندج طفل يربطج بالزواج تعرفين شنو شعور ياخذون منج طفلج ويحرمونج منه تعرفين شنو معنى ترجع العداوه للعائلتين ويرجع الكره
هالمره اكدلج ميه بالميه واحد منهم يموت لو عمار لو مرتضى
اني مخليه عيني بعين الله لابد يجي يوم وعمار يتندم بس ذاك الوكت مراح اسامحه وراح اطلب الطلاك بهدوء بدون مشاكل حتى ميتاثر هذا الشي ع العائلتين
كلام شهد صحيح اني متاكده لو عمار يموت لو مرتضى اذا رجعت العداوه بيناتهم
شهد اني من راح يطلكني مرتضى مراح تكون مشاكل لان نكول ممتفاهمين ابد واطلكنه ...
ديري بالج يمعوده الكل حيصدكج واتاثر بيج
لتنسين زواجكم عن حب امام الناس والي سواه مرتضى مستحيل احد قبله سواه ومستحيل احد يصدك يطلكج بسهوله
لعد والحل مااتحمل ابقى هيج والله اني حبيت الشخص الغلط مرتضى ميستاهل اسامحه ولا يستاهل احبه ابد
شوفي راح ننتظر فتره بس هاي الفتره راح نتعارك ونخلق المشكله حتى الكل يصدك بينه احنه ممتفاهمين بس راح ابقى بغرفتج ابد مااروح بغرفتنه ابد
اي عفيه هيج احسن واني راح اروح احجي وي مرتضى وافهم شنو فلمه
بس اهم شي كليله روان حتبقى هنا ماتجيك ابد
اوك رايحه بس ديري بالج ع رهف واذا بجت صيحيني
راحت شهد وطولت يم مرتضى وبعدها رجعت وجنت متلهفه شهد تسولفلي
جان تكول هاي هي يكول خليها تبقى هنا وخلي نبدي نتعارك يم اهلي والله كريم ...
صارلج اكثر من ساعه عن شنو تسولفون ... هيج مو شي مهم ...
اكيد متريد تسولف واني هم اصلا ممهتمه يطبه طوب خلي يولي
شوكت اداومين .... بعد 10 ايام ان شاء الله ويبدي الدوام
همزين ذكرتيني مناويه ترجعين السنه ....
حلم يخليني اخوج ارجع ....
محاولتي تحجين وياه واني وامي وابوي هم راح نحجي عليه يمكن يقتنع ....
ياريت روان والله حيل ضايجه ع دوامي وهم من الباب مكاعد اطلع .... الله كريم
رحت نمت بس حيل مهضومه وضايجه ثاني يوم كعدت طبيعي نزلت واتصرفت طبيعي لكيت شهد كاعده قبلي وحتى مرتضى كاعد بالمطبخ
شافوني عمو وخاله واتخبلوا حتى مرتضى بقى صافن عليه طبعا وحده من عيوني زركه وعيني الثانيه حمره سالوني عمو وخاله محجيت شي
كالتلهم شهد اتعاركوا بالليل عمو كام يحجي عليه انت شمسوي بالبنيه
كله يطبها مرض محد كللها تعاند
حيل ضجت بس سكتت رد ابوه لك شنو تعاند ميصير هيج تسوي بيها والله اكسر راسك تكسر اذا مديت ايدك ع روان
فرحت بكلام عمو يعني يحبني الله يخلي
كله والله اذا عاندت مره ثانيه مو بس ضرب اضربها اكسر راسها همين
عفتهم يحجون وطلعت لهيت نفسي بالتنظيف اجتي شهد ويايه كامت تنظف عوفيني شهد وروحي ارتاحي انت اصلا تعبانه
لا يمعوده شعندي وتعبانه اصلا من طلع عمار لهسه اني مرتاحه هواي والشغل خف هواي عليه
بقينه نسولف ونلهي نفسنه كالت مرتضى حجه هيج ع مود يبين لاهلي انتو ممتفاهمين ... تمام
رجعنه للمطبخ لكينه مرتضى ماهو كالت شهد اليوم الغده عليه عمو كله فدوه اروحلج عمي امسحي بينه ومره ثانيه اذا ضربج اني اكسر راسه تكسر بس انتي هم يابنتي لتعاندينه ابد لان مرتضى يتخبل خبال من العناد
صار عمو تدلل .... عفيه بنيتي ربي يحفظج .... راح اروح للصيدليه اجيبلج شي لوجهج حتى يروح الاثر ....
شكرا عمو ماكو داعي .... شلون ماكو داعي يابنتي
طلع وجابلي خطيه مرتضى مارجع الظهر ابد كلت لشهد فدوه شهوده اتفقي وي مرتضى كليله اذا يريد شي مني يراسلني ع غده لو عشه واذا عنده ملابس خلي يجيبهن الي لان مراح ادخل للغرفه ابد ....
صار ادللي اني هسه اتفق وياه
رحت للغرفه اخذت شكم شغله حتى بعد صدك ماادخل حتى ملابسي ملات الجامعه جبت قسم منهن وكلت اشتري من عمار بس اروح لاهلي
راسلته شهد واني بصفها حبيت اقره شيدزلها جاوبها كلها كليلها مااحتاج اي شي منها ملابسي اني اغسلهن والظهر مراح اجي وبالليل اتعشه يله اجي
كلتلها بعد احسن سوالي جميل ماانساه خلي يولي ....
اكلج روان والله اني اشوف لو تكعدون سويه وتتفاهمون افضل ماكو داعي للطلاك لان انتوا اصلا واحد يحب الثاني
شهد انت لو تسكتين هواي افضل ... والله ماابقى وياه ولا اتفاهم لو يموت خلي يولي اصلا مااحبه ابد ...
اي مضبط صدكتج اجتي ايات بيومها بقت لليل ورجعت
لليل راحت شهد دزها عمو بقيت بوحدي بالغرفه كل مااريد اراقب حسابه اتذكر الي سواه واكول خلي يولي تركت حسابه ابد عفت الفيس كله والتهيت اقره قصص افضل
صار 4 ايام واني ومرتضى مملتقين ابد بس اليوم اجه مهند هو وزوجته غداهم يمنه طبعا وجهي بعد بي اثر بس محد سالني الحمد لله
بيومها اجه مرتضى من وكت بقه للغده يباوعلي من جوه لجوه اني ذابتها ع الصامت بيومها ابد محجيت ولا شاركت بحجي ابد
التهيت وي خاله بالغده كملنه وصبينه وكملنه وكعدنه سويه نتغده اني كعدت وياهم بس مااكلت شويه وكمت
كلهم كاموا يحجون عليه كتلهم مااشتهي ابد وفعلا مااشتهي ابد اني عجيب امري بس اضوج اكره الاكل للعصر رجعوا مبقوا للعشه مقبلوا ابد
للعصر كلت خلي ادخل للغرفه انظفها واغسل ملابسه واطلع بعدين اتذكرت من كلي اكسر رجلج اذا دخلتي عفتها وطلعت
ثاني يوم الصبح كعدت ونزلت لكيته جوه بالمطبخ جان يصيح عليه عمو وخاله كاعدين شنو لهسه نايمه ومخليه امي وحدها
كالت خاله يوم اصلا ماعندي اي شي انت شعليك بيه
يوم انت اسكتي مو ادافعيلها روحي اصعدي للغرفه شوفيها شلون وسخه وملابسي صارلها شكم يوم ملامستهم ابد
كالت خاله مااصدك والله اصلا روان نظيفه
هاي كدامج واساليها النظيفه باوعتلي اني سكتت مااعرف شاحجي ها اشو سكتي سويلي ريوك وتصعدين تنظفيها والله اذا لكيتها مو نظيفه اله اكلب الدنيه فوك راسج طبعا هذا الحجي يحجي بصياح وبحركه هذا شبي لويش هيج يسوي حيل ضجت
رحت سويتله ريوك وخليته كدامه ورحت صعدت للغرفه وياريتني ماشفتها صدك نصدمت
مرتضى : روان طلبت مني تروح لاهلها وكالت ابقى يومين وكتلها روحي التمينه اني والولد ورحنه كعدنه بحديقه الجو حلو اجتنه رسائل موحده كلنه بنفس الوقت واحد كام يباوع بوجه الثاني وضحكنه عرفناهن متفقات ع هذا الشي كرار زوجته هم بايته يم اهل روان وديما كذلك كالوا لا هاي هي هنه ملتمات هناك واحنه هنا ملتمين سويه بس الله يستر من تجمعهن
توقعنه كل وحده جهازها بيدها ابد متوقعنه متبادلات بالاجهزه اني حبيت احجي الي بداخلي وكلت استغل الموقف اني ادري بيها مستحيل ادزلي هيج كلام ابد لو شيصير بس عشت الموقف وحسيتها كانو صدك دازتلي وبيومها تراسلنه وحجيت وياها بس المشكله مااحس بيها عندها ذرة مشاعر عندها اتجاهي
تعرفت ع بنيه بالفيس بالبدايه حجينه كلام عادي طلعت من نفس محافظتي بدت تعلقلي وجانت هي تعلق الي اكثر شي
من كمت اسوي بث من تركيا جان تدخل وتسال وتريد حجه حتى تتقربلي بس اني منطيتها مجال ابد
نزلت منشور وبيومها هواي لحت عليه حتى دخلتلي خاص مهتميت ابد بس عقلي وكف من شفت روان منزله منشور طبعا اني مدخلها ويايه بهذا الكروب لحد الان مشفتها لا تعلق ولا تنشر
وطبعا بدون مااكلها هي من ذاتها مرات اشوفها تدخل حفلات بس متعلق ابد
بس اليوم صدك فاجئتني ومو هنا المشكله بس المشكله من شفت الولد ملتمين ع منشورها عبالك مدري شنو
عقلي طار واتخبلت خابرتها بس فاجأتني من تقارن نفسها ويايه وتكلي امسح واني امسح
بالبدايه معرفت السبب بعدين عرفتها بسبب البنيه لان الغيره واضحه عليها حذفته لخاطرها
وهي حذفتها بعدين كلت خلي اصارحها بحبي وبكلشي بس هم صدتني وهالمره مو مثل كل مره حسيتها صادقه ومستحيل تتقبلني بيوم حيل ضجت وروحي طلعت
يعني حتى امل بسيط منطتني ضجت لان هواي لحيت وحسيت بنفسي ذاب نفسي كوه عليها قررت ابتعد عنها واطلكها من صدك لان هواي حاولت وياها بدون فائده ابد مكاعد تتقبلني ابد
سديت النت وعفت الجهاز كله يومين التهينه بالسفرات والطلعه طبعا هاي الطلعه اعتبرها من العمر لان حيل تونسنه
بعدها فتحت نت قررت اتركها لروان ولا راح اراسلها بعد نزلت منشور وهاي البنيه جانت اول وحده تعلقلي
التجأت للبنيه لان من صدك ضايج من روان حبيت ابين الها اني هم مو بحالج ولا ومتوقفه عليج الدنيا ابد
كمت اتراسل وياها ع الخاص هاي اول مره التجئ لهيج سالفه ممسويها ابد بدت البنيه تتقربلي هي
رجعت من تركيا وجنت حيل بارد بكلشي وي روان قررت ابتعد ولازم اطلكها
بس مااعرف شلون اطلكها لازم ابدي افكر بعدين قررت اتقرب لهاي البنيه واكتب ع رقمها حبيبتي لان انطتني رقمها
وكالت اني راح امر عليك باجر لمحلك
حتى اشوفك وتشوفني طبعا عرفتها بوقتها مو راحه اني كتلها متزوج بس مااحب تجيبن طاري اي شي يخص زواجي ووافقت
فعلا اجتي للمحل وجانت حيل حلوه بس ذيج وينها مبينه مو راحه ابد
اعترف كدرت تأثر عليه بكلشي جنت محتاج احد يحجي ويايه كلام حلو وكلام غزل واجتني الفرصه كل هذا الشي بسبب روان
حبيت انساها بديت اسوي حفلات وااصعدها ويايه بدينه نتخابر بس لا اني واعدتها بشي ولا هي رادت شي
كتلها اني مو مالت حب وزواج ولا احب بس مجرد تسليه وقبلت وكالت هو اني اصلا مااريد زواج
كلتلي شنو الي تريده اني حاضره تريد نلتقي ابيت بمحلك بمكان عام اي شي تريده اني حاضر فكرت نلتقي بمكان خاص وحدنه بعدين صارت روان كبالي كلت لا ميصير اخونها خيانه فعليه
وهي بذمتي خلي اطلكها عود يله
هاي الفتره صارت فجوه جبيره بيني وبين روان ومهتميت ابد تركتها مااطلب منها اي شي حتى ملابسي اغسلهن بيدي من اسبح
بيوم اجيت الظهر كلت انام وارتاح شويه وارجع للمحل كعدتني روان وجانت مركزه ع الجهاز لان كاعد يدك
طلعت نفسها حسيت بفرح لان قرته روان لان هو هذا سبب الي خلاني اكتب عليها هيج رفعت خط
وكمت احجي حبي وحبيبتي هي حست بيه زوجتي يمي لان محاجي هيج وياها ابد وبقت تلح زوجتك يمك كتلها الي وجانت صافنه شلون هيج تحجي كتلها عادي
بالي يم روان راقبت تحركاتها وحسيتها تريد تنفجر مااعرف غيره لو غيرها عافتني وطلعت
طبعا طلبت مني اجيها للبيت كالت وحدي ومحد يمي من اهلي رفضت اني لان مااكدر هيج اجازف بعدها كالت راح اجيك للمحل وفعلا اجتي للمحل وجانت تتماوع كدامي
مستحيل احد يكدر يقاومها وحسيت بضعف امامها بس مالت اروح لاهلها هاي حيل صعبه عليه وخطره مااكدر اجازف
طبعا روان راحت لغرفة شهد عفتها ع راحتها بس من اجتي شهد كلت عيب كدامها وع اي اساس تنام هناك واني هنا
دزيتلها رساله بس ولا كانو متجاهلتني ع الاخير راسلت شهد كتلها تعالي سويلي عشه وحاب احجي وي روان
رحتلها للغرفه ومقبلت اخذتها للغرفه بس هواي نرفزتني من تعاند ومتجاهلتني ع الاخير احجي وياها ادير وجها وتطلع صدك فقدت وياها ضربتها وجنت ماادري بنفسي لان عصبتني حيل
ماادري بوقتها مأذيها هيج اخر شي طلعت رغم ماكتلها بعد مطبين الغرفه وهي ولا اهتمت صدك حيل ضجت
رحت غسلت وكمت اشرب جكاير وره شويه اجتي شهد وكامت تحجي عليه اني صدك تندمت لان ضربتها هيج اتوقعتها راح تروح لاهلها وتطلب الطلاك بس اشو صار العكس
اني بوقتها قررت اذا طلبت الطلاك اطلكها وشيصير خلي يصير
شهد لعبت بيه طوبه وكامت تحجي عليه ليش هيج مسوي بيها ولك خطيه والله ماذيها حيل
حيل بيها ليش تعاند ... بس حقها من تعاند ميصيرتخابر كدامها ابد ...
شهد انت متعرفين شي الافضل لتلوميني ...
والله روان تحبك بس متكدر تعترف ... شهد اسكتي لخاطر الله
لج شكد حاولت وياها مخليت طريقه تعتب عليه وهي ولا كانو
بس مرتضى من تريد اطلكها شراح تحجي وتكول هي هاي الي ذليت اهلك ع مودها هي الي دزيت مشيه لا الها اول ولا تالي وبالتالي اطلكها بهاي البساطه
لازم تبقون سويه فتره اكثر وخلي تبدي المشاكل بيناتكم وخليها بغرفتي ابد معليك بيها بس دائما اتعاركوا كدام اهلي ...
فعلا كلام شهد كتلها وهو كذلك بعد معليه بيها ابد وراح احاول اتعارك وياها هواي كدام اهلي خلي تتحملني اذا احجي عليها
حيل اتندمت ع الي سويته بروان ماعندي جرأه اباوع بوجها بعد
نزلت الصبح وجنت حيل ضايج بس من نزلت وشفت وجها كرهت روحي والله وطلعت روحي هاي اني بمكان مااتقرب الها بعدتها عني اكثر واكثر
اخاف جان اكو امل قليل توافق هسه كطعته الامل كله سويت نفسي احجي كدام اهلي عليها وابويه لعب بيه لعب
كمت اطلع من الصبح ابد ماارجع لليل مااتواجد بالبيت ابد صارلي جم يوم مشايفها ابد احس بنقص بحياتي مو طبيعي
الغرفه وحشه عليها طبعا هاي البنيه بديت ابتعد عنها حسيتها هي الي فرقتني عن روان بدت تلح عليه واني كتلها صارت مشكله بيني وبين زوجتي من وره علاقتي بيج
بقت تلح مااثر عليك واني اتعلقت بيك منطيتها مجال ابد خابرني مهند وكلي تعال اريد اشوفك بالبيت
اني رحت وكت الغده وعيوني تراقب روان احسها ضعفانه ومتغيره مسمعت منها نفس واحد
كعدت ع الغده بس اكلت قليل حيل وكامت
هواي هواي ضايج عليها رغم صدها الي اني بعدني احبها وحيل اتندمت ع الي سويته بيها
اتمنى ترجع للغرفه حتى لو متتقبلني وحتى لو لو نعيش غرباء اهم شي تبقى يمي بنفس المكان واشتم نفس الهوى الي تشتمه
بديت اضوج من وضعي واحس بنفسي مشتاقلها حيل
اليوم الليل كله مكدت انام بس افكر بيها سويت حفله وسويتلها دعوه بس ابد مااجت انزل منشور وهي ولا كانو
قبل جانت تنطيني اعجاب بس كوه كدرت انام الصبح كعدت قررت اهوس الغرفه وطلعت ملابس نظيفه ووسخه حتى اريد حجه تدخل للغرفه
تعمدت اصيح كدام اهلي واحجي عليها حتى هم تحجي وهم تصعد للغرفه وهم اذا عدنه نية طلاك صدك عندي حجه واكول مشاكل
اتوقعتها تحجي تعصب بس مفتحت حلحها ابد بس كالت هسه من اخلص الي بيدي اصعد انظفها
رحت للشغل ومااعرف شنو اسوي ابقى ع هاي وضعيتي واطلكها لان مطيقني ولا تتقبلني
لو اعتذر منها واحاول وياها مره ثانيه
جنت بالمحل كاعد وحدي الظهر جان تجيني هاي البنيه وبدت تتموع كدامي وتتوسل
اني جنت عبالي ميته عليه طلعت متوهم تريد ايفون مني هاي بطرانه ع ربها منطيتها مجال ابد
بعدهي كاعد نحجي شويه واتفاجأت بعمار وكرار واحمد مااعرف شلون متجمعين سويه شافوا هاي هنا وفوكاها مخليه ايدها فوك ايدي وجانت تحاول تقنعني
بقيت لا اخذ ولا انطي بهذا الموقف بسرعه وخرتها كتلها روحي وبعدين نتفاهم اشو هاي كامت تتماوع اكثر
لا حبيبي مراح اطلع راح انتظر لمن يرحون الولد حجت بصوت مسموع ومبين عليها متعمده تسمعهم هاي شلون ورطه تورطت بيها
الكل صافن علينه كتلهم تعالوا ادخلوا كالوا كلهم نفس الوقت ونفس الكلام اخذ راحتك الظاهر اجينه بوقت مو مناسب
لا تعالوا يمعودين شعندي قابل راح تطلع اصلا خزرتها واشرتلها اطلعي
طلعت بس شنو معاجبها الوضع الكل صافن عليها بس طلعت وجان يحاوطوني كلهم
تعال سولف منيلك هاي وشنو فلمها شعندك وياها ووين لكيتها عمار يكول لك اني اذبح واخلي الدم للركاب تحب غير اختي
كرار كال اني وياك عمار كلشي ولا خاطر رونه اني لو كاتل لو مكتول
احمد كال اني وي اخويه وصديقي مرتضى
كرار خنكه لك انت محسوب علينه لازم تصير ويانه لا احيل ديما عليك ....
دخيلك لا كلشي ولا ديما اني وياك ....
هاي شنو طبكتوا كلكم عليه ميصير هيج ولكم والله معندي شي وياها
سولفتلهم شلون اتعرفت عليها عمار يكلي انطيني صفحتها ولك كرار يكلي لا اخيك اليه انطينياها احمد كللهم والله محد ياهذ الصفحه غيري
ها ولكم كبل شويه طبكتوا عليه نذبح ونحرك ونفجر اشو هسه تردون صفحتها
كلمن يكلي اني اخيك الي انطيني الرقم بس تنطينه الصفحه مراح نفتن عليك ....
كلت بكلبي هو اصلا تعرف كلشي
بقينه نسولف ونضحك بعدين رحنه للمطعم اتغدينه ورجعنه اني واحمد وعمار وكرار راحوا لاهلهم
بقه احمد ويايه للعصر بعدها رجع بقيت بالمحل ناس ماكو قليل
سويت حفله وهم سويت دعوه لروان اتمنى تحضر الحفله حتى اعتذر منها بالاغاني بس ابد متدخل ولا ثانيه
رجعت للبيت دخلت للغرفه لكيتها منظفتها ومعطرتها وغاسله ملابسي ومرتبتهن والله مشتاق الها هواي
ياالله والله استعجلت بقراراتي
كرهت الفيس من وراها والله متعود وين مااروح هي ورايه وحتى تراقبني اكثر المرات هسه ماكو ابد لان ممتصله ولا داخله ع الفيس نهائي
ثاني يوم هم سويت الغرفه هوسه حبيت اعصبها حتى تجي تحجي ويايه
هم بقيت اصيح عليها كدام امي وكتلها اني شكتلج امس كدام امي مو كتلج نضفي الغرفه
هي بقت صافنه بس منطقت ولا حرف بقت تلهي نفسها وسوت نفسها ممهتمه الي
امي كامت تحجي يوم انت تحجي صدك لو تشاقه البارحه كدامي صعدت نضفت وغسلت ملابسك كدامي
اي الملابس غسلتهن بس الغرفه بعنادي عافتها وصايره هواي تعاندني وشالعه كلبي شلع
مااصدك روان هيج تسوي .... معقوله
هاي كدامج واساليها ... ها روان انت تعانديني لو لا .....
محجت ابد ها يوم شوفي بعينج لو جذب جان حجت شي عافتنه وطلعت اني هم رحت للمحل
مرجعت الظهر اجيت بالليل لكيتها منظفتها ومرتبتها معقوله روان مكاعد تعاندني وتنفذ الي اطلبه منها بدون نقاش
دخت بيها بس هالمره اني حبيت العناد حبيت يوميه اخبث اريد اشوف لشوكت راح تصبر بدون حجي
كعدت سويت حفله هم سويتلها دعوه هالمره متصله بس مدخلت ابد اتمنى تدخل اتمنى اعتذر الها
معتذرت الها لسبب لازم احترم قرارها بالطلاك ولازم نبقى مشاكل بيناتنه
قبل لا انام هالمره خبثت ذبيت ملابسها كلهن بالكاع وخلطتهن وي ملابسي وهم ذبيتهن
الفراش هم هوسته الصبح كعدت كوه طلعت ملابسي من الهوسه
لبست ونزلت جوه لكيتها يم امي كاعده صايره هواي مطيعه تكعد من الصبح وتطبخ مااعرف شنو فلمها
بعدني منطقت ولا حرف خلت الريوك كدامي مااعرف شوكت سوته سبحان الخله روان هيج يمكن ملعوب باعداداتها
تريكت وخلصت كتلها عود اصعدي نظفي الغرفه يوم احجي وياها ميصير هيج كل يوم اكعد الكيها مكلوبه الغرفه كلاب بعناد بيه هيج تسوي ...
لك مرتضى كول غيرها والله مااصدك ....
اذا متصدكين تعالي لعد بعينج شوفي
صعدتها وجانت الغرفه عباره عن قنبله مفجوره امي بقت صافنه ....
معقوله روان هيج تخلي الغرفه ....
اي عناد بيه يوميه ااكد عليها تنظفها وهي ولا كانو ....
اشو من اسالها تكلي والله منظفتها بس انت الي هيج كاعد تسوي ....
تحجين صدك يوم شنو غايتي وهيج اسوي ولو صدك ليش تسكت كدامي متحجي ....
والله ماادري بعد يايوم اصدك منو مااعرف ....
لعد اسكتي خليني اني احجي وارزلها .....
سكتت
نزلت رحت للمحل ورجعت الظهر هالمره لكيتها الهوسه ع حطتها ردت حجه حتى ادز عليها
رحت لغرفة شهد بس لكيتها نايمه بسابع نومه كلت خطيه اكعدها عفتها وطلعت
رحت للمحل واجيت للبيت لكيتها الغرفه تخبل مسويتها
شلون بيه محتار اريد طريقه اخليها تضوج وتعصب وتحجي ويايه لان حيل ضجت من هدوئها وممتعود ع هاي روان المطيعه
هم سويت حفله لان ضايج فول وسويتلها دعوه بس هم ماكو مااجت
نهيت الحفله ونمت ثاني يوم كعدت وبقيت حاير هم اخبث لو لا
بعدين كلت خلي اخبث بلكي تضوج هم لعبت لعب بالغرفه
هالمره راح ازود الحجي لازم اعصبها
انت شنو فلمج روان ليش تعاندين يوميه احجي واكول نظفي الغرفه وين تردين توصلين بهذا العناد
امي سكتت هالمره ... يله كومي هسه نظفيها وهذا اخر تحذير الج مره ثانيه كدام امي راح اتصرف وياج غير تصرف ...
هي ساكته ...
مو احجي وياج اتخورستي ...
ع كيفك يوم لتصيح ....
اذا غبيه وثوله ومطيه متفتهم شاسويلها اتعمدت هيج احجي حتى اغثها
حسيت بيها ضاجت بس محجت شي حيل ضجت من سكوتها
طلعت من البيت مرجعت للبيت الظهر
دزتلي رساله وحيل فرحت من شفت الاشعار منها عبالك جنت ميت وهسه احتييت
اريد اروح لاهلي اخلي عمو ياخذني وباجر بالليل ارجع
قريتها ومجاوبت كلت خل افكر قبل لا اجاوبها شنو الي يضوجها قررت اجاوبها واكلها
لترحين مااقبل ....
كلت بس تجاوبني اكلها روحي ....
بس اشو قرتها ومجاوبت ابد تفاجأت بردة فعلها
قرب الدوام لازم انطيها فلوس حتى تجهز نفسها كلت خليها للجمعه اني بيدي اخذها لاهلها وانطيها الفلوس
رجعت بالليل لكيتها منظفه الغرفه قررت بعد مااهوس الغرفه
جعت حيل نزلت للمطبخ بس ملكيت شي جاهز ينوكل كت خلي ادز عليها تسويلي شي
راسلتها هلوووو روان ... شلونج .... تكدرين تنزلين تسويلي عشه ....
قرتهن بس مجاوبت ...
كتلني تجاهلها ردت اصعد انام حتى لو جوعان بس شفتها نزلت واجتي بدت تجهز بالعشه بس بدون صوت
اني هم محجيت شي كملت وخلته كدامي حتى جاي صبته كلتلها شكرا تعبتج ويايه
محجت شي ابد ... تعالي اكلي ويايه ...
ماشتهي ...
حتى لو ع الواهس مثل كل مره ...
لا مااكدر حروح انام ... عافتني وصعدت اكلت وخلصت وهم صعدت
محتار بامري نشلع كلبي من يوم الي اغتصبت روان لليوم بالبدايه تانيب الضمير بعدها الخطوبه وهسه الزواج اتمنى ارتاح وياها
سويت حفله لان مجايني نوم ابد هالمره مسويت دعوه لروان لان كلت اكيد هسه نايمه وحتى اذا كاعده ودزيت الدعوه مراح تدخل ابد
بديت الحفله وهواي صار بيها تفاعل وسوالف وضحك وكدرت اغير جو دخلت للحفله البنيه الي نسقت وياها
صارلها هواي مداخله بس هسه دخلت سلمت ورديت السلام طلبت مني اصعدها ويايه وفعلا صعدتها
وبدت تسولف وتذب بسامير وتختار اغنيه وتكول مقصوده اني مهتميت كلت بس هاي الاغنيه وانهي الحفله
علقتلي مشتاقه هواي هواي هواي ردت اجاوبها وجان اتفاجئ واشوف روان داخله للحفله
ابد مو خوش توقيت لا ياالله هم مدزيت الدعوه وهم هاي الغثه هنا وحجت هيج
باللحظه كتبت نورتي وذكرت اسمها طبعا اسم مستعار لحضات وجان تصدمني ....
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 41❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️
انصدمت من خرجت وانطتني حضر
باللحضه لا ياالله واني جنت تتمنى بس
تدخل حتى اعتذر منها بالاغاني بس هاي
الكلبه اجتي وحركت فلمي حرك طبعا انطيتها حضر وخلصت منها
راسلت روان
روان فدوه ارجعي للحفله تعالي .... ماعدها نت اكيد طفت الشبكه
رحت للغرفه فتحت الباب جان مقفول
دكيته ع كيف بس مفتحت الباب ابد
مااكدر ادك اكثر اخاف اهلي يكعدون
خابرتها يدك ومتجاوب بقيت اكل بنفسي لو مامسوي الحفله هواي افضل الي
بقيت للصبح منايم ابد مكدرت انام الصبح
نمت وبقيت نايم لمن دك جهازي احمد
خابرني يسالني ليش مموجود بالمحل
كتله اخذتني نومه كعدت بدلت ونزلت روان
مو بالمطبخ مااكدر اسال امي هسه تكلي غير
يمك نايمه يجوز لهسه مكاعده طلعت بلا ريوك لان متاخر
ها مرتضى اشو اليوم مسويتلك هوسه ع
الغرفه
.. ها مو نظيفه اليوم مبيها شي مرتبتها روان
تعال اتريك ... لا يوم ماالحك هناك اكل
رحت للمحل ورجعت هم مشفتها لروان
هالمره جهازه مغلق وحتى اذا ادك الباب متفتح الباب ابد
تقريبا اسبوع كامل ملمحتها ابد
بعدها كلت خلي ادزها لاهلها اليوم اجيت
وقت الغده حتى هم اشوفها وهم ادزها
لاهله لان بده الدوام وهي بعدهي ممداومه هاي السنه الاخيره الها
كملنه الغده وبقيت بس اني وياها بالمطبخ كتلها جهزي نفسج حتى اخذج لاهلج
مااروح ماكو داعي اروح ....
ليش ...
هيج ....
شنو هيج
هم ان شاء الله تعاندين بروحة اهلج
عليمن اعاند بس مااروح وخلص ...
روان اخر مره اكلج كومي بدلي خلي ادزج
حتى تاخذين ملابس من عمار واداومين الاسبوع اليجي
مااريد اروح ...
روان تعرفين من تعاندين راح اعاند اكثر وياج تكومين لا اقسم قسم لااخليج بعد ترحين لاهلج ولا اخليج حتى اداومين
مو مهم عادي اتوقع كلشي منك عافتني وطلعت والله عنادها مو طبيعي ابد انعل يومها
صعدت وراها دخلت لغرفة شهد لكيتها بالحمام بقيت منتظرها طلعت واتفاجات بيه من شافتني
طلعت لابسه دشداشه قصيره لون ماروني
طالعه حيل حلوه بقيت صافن بوجها حسيتها
تتهرب مني اخذت دشداشه ورادت تدخل للحمام اكيد تبدل
عفتها خلي تبدل افضل الي والها مااريد اضعف كدامها
بقيت منتظرها لمن طلعت
كتلها وين جهازج اشرتلي ع الميز لكيته
مقفول فتحته طلع مقفول برمز
وطلبت منها تفتح الرمز فتحته فعلت نت
بالجهاز ودخلت ع الفيس وخرت الحضر
روان ممنوع تنطيني حضر ابد وممنوع تقفلين الجهاز باي وقت احتاج شي منج اراسلج
هزت راسها بمعنى اي .... تعالي اكعدي حاب احجي وياج
احجي اسمعك مو اله اكعد ....
مترهم وانت واكفه تعالي اكعدي ....
كعدت ...
روان اني اسف واعتذر منج ....
ع شنو هذا الاعتذار ....
عن كلشي بدر مني ....
تمام .....
شنو هو التمام .....
تمام يعني تمام .....
يعني شنو ....
ماكوشي انسى ....
من اسوي حفله واسويلج دعوه تعالي ....
الله كريم
يله كومي بدلي خلي ادزج بس هالمره مااريد
عناد وهاج هاي فلوس اخذي ملابس من
عمار لو اطلعي وي امج وشهد للسوك واشتري بلي يعجبج
اني راح اروح انتظرج من تكملين دزيلي رساله ....
هزت راسها بمعنى اي
واخيرا قتنعت نزلت لامي خبرتها كتلها راح اخليها تبات حتى تجهز نفسها ع مود الجامعه كالت ع راحتها ماعدنه شي اصلا
اباوع ع الساعه صارلها ساعه كامله وهي بعدهي معقوله متروح دزيتلها رساله ها رونه وين صرتي منتظرج
دزتلي يله كملت اجيت
هاي شنو بلوه النسوان ساعه كامله يله جهزت مااعرف شيسون بهذا الوقت كله
اخذتها كتلها باجر بالليل امرلج ارجعج بس اريد منج تشترين كل الي تحتاجيهن والج حق وين مترحين روحي بس مااقبل بعد اطلعين ابد ابد للسوك مو نسيت ...
اوك
وصلنه سلمت ع اهلها وطلعت بسرعه لليل راسلتها
هلووو روان .... انتظرت تجاوبني مقرتها ابد
سويت حفله ودزيت دعوه بس ابد مااجت ضجت سديتها
ونمت ثاني يوم مريت بالليل اخذتها حجيت وياها بالطريق
روان مو حلوه منج تتجاهليني هيج اني مو طفل وهيج تتعاملين ويايه هيج .... هم ذابتها ع الصامت
روان كاعد احجي وياج ع مااعتقد المفروض تجاوبيني مو تتجاهليني ....
شاجاوبك ....
شنو طفل كدامج وهيج تتجاهليني يعني البارحه راسلتج وانت ولا كانو
جنت نايمه وماادري بيك ....
راح احاول اصدكج بس اني اكلج مااحب هيج تصرف ابد مره ثانيه مااقبل بهيج شي
الله كريم ....
كملتي كل ملابسج لو لا
اي كملت كلشي ...
شوكت اداومين ...
الاسبوع اليجي
هم محتاجه شي بعد ...
لا ماعندي شي ....
نفسه السايق اتفق وياه لو لا ....
اي هو نفسه واحنه نفسنه البنات ....
طبعا احاول اخليها تحجي
روان فدوه اروحلج جاوبيني ولتتجاهليني ابد ومن اسويلج دعوه تعالي اروحلج فدوه حتى لو بس مره وحده
الله كريم ....
خلي نشوف بس اوصل وره العشه اسوي
وصلنه وخليتها تسويلي عشه هي التهت تنظف وترتب بالمطبخ كملت انتظرتها لمن كملت كتلها تعالي ارجعي للغرفه ...
اعذرني مااكدر ارجع اخذ راحتك بوحدك ...
هاي ياراحه ولج والله العظيم ماانام للصبح من يوم الي نمتي بغرفة شهد لليوم ....
اكيد متنام اذا تخابر للصبح شلون تنام
والله مااخابر وتركتها اصلا ...
هذا الشي ميخصني ابد تركتها لو لا هذا الشي راجع الك
من رخصتك حصعد انام نعست ...
لا وين تنامين راح اسوي حفله تعالي بيها الله عليج ...
بس نعسانه اريد انام ....
فدوه لخاطري تعالي ....
اوك بس ع لحضه اخرج ...
ميخالف يله
صعدت وبديت بالحفله اختاريت اغاني كلهن حزينه واعتذار سويت دعوه شويه ودخلت حيل فرحت صعدتها ويايه بس مختارت ابد ولا اغنيه
صار تفاعل قوي بيها واني بالي بس يمها كل الاغنيه الي انزلها اكول مقصوده
اكيد تعرف نفسها هي المقصوده بعدها كتبت احب اعتذر امامكم لشخص هنا اذيته وجرحته واتمنى يسامحني من كل كلبي
طبعا هي لاتنطي اعجاب ولا تحجي خرسه
اكو ولد ويانه بالكروب صديق الي بس صديق بالفيس يعني مااعرفه اشو هذا خله باله كله يم روان كل شويه وذبله كلمه عليها مره نورتي ويكتب اسمها المستعار مره ليش متحجين مره انت من وين وبده كل شويه يذبله كلمه الصراحه
متحملت كتله اترك البنيه بحالها كلي حاب اتعرف عليها حيل عجبتني
باللحضه نهيت الحفله متحملت لان كلت راح اسويلي عركه ومردت اجيب الشبها الها
اتخبلت والله بعد مراح اسوي اي حفله مااتحمل احد يحجي وياها ولا اتحمل فكرة روان اتركها لان حبيتها وعشقتها بس مااعرف شوكت تحس بيه روان
حاولت اخليها ترجع للغرفه مقبلت ابد بده دوامها كامت تحجي ويايه بس قليل كلش
كالت مااكدر ابقى هيج لازم تشوف حل حتى نطلك وكل شخص يشوف حياته
حيل ضجت من دزتلي هيج يعني مصممه تطلك
دزيتلها من باجر نبدي نتعارك كدام اهلي وان شاء الله مااطول وانفذلج الي تردينه
اكيد حتى اذا حاولت وياها راح ترفض وتذلني اكثر
عفتها ع راحتها لازم ابدي مشاكل كدام اهلي
كعدت الصبح لكيتها بالدوام مااعرف شلون افاتح اهلي والله حيل صعبه شاكلهم ليش اطلكها ردت احجي بس معرفت شاحجي سكتت
رحت مرجعت لليل
روان : مرتضى ضوجني حيل بتصرفه من كام يصيح عليه كدام خاله وصعدت للغرفه لكيته مخبث ويايه هواي بديت ارتب الغرفه وغسلت ملابسه ورتبتهن اله طبعا مشتاقه لغرفتي متعوده عليها بغرفة شهد ممتعوده عليها بس كاعد احاول اتعود عليها لان شغلتي مطوله الظاهر
ثاني يوم كعدت من وكت اشو هذا هم فاجأني من كال ممنظفه الغرفه احس نار ومشتعله بس مااكدر احجي
سكتت وصعدت وهم لكيتها لاعب بي طوبه الغرفه عرفت غايته يريد يغثني ويضوجني بس مراح اسمحله ابد قررت مااحجي ابد ويا وشيطلب مني انفذه اله
بس هو اتماده ويايه كام يهيني كدام خاله حيل ضجت بس اتمالكت اعصابي وخاله كامت تحجي عليه
كتلها والله خاله يوميه انظفه بعنادي يهوس الغرفه الصبح راح انظف وتعالي اصعدي شوفيها صدك رتبتها وكملت كلشي هذا الحجي انظف وادردم عليه واحجي ابو البنات عابتله والله
طبعا الجهاز تركته وبعد مااراقبه ابد وماعليه بي
كام يدزلي دعوه لحفلته ماادخل ابد ثاني يوم اتعمدت ماانزل لمن يطلع حتى ميرزلني حسيت بي نزل وطلع نزلت ها خاله هم حجه لا اليوم يكول منظفه
ايا خبيث خلاني جذابه كدام خاله اني الك
اليوم عجبني اتصفح بالفيس شفته مسوي حفله بس ممسويلي دعوه شكيت اكو شي كلبي حس
ددخلت للحفله حتى اشوف شكو لويش ممسويلي دعوه اول مادخلت لكيت حبيبته وياه يسولفون ويضحكون ومصعدها وياه
احس نار اشتعلت بيه لهذا السبب مدزلي دعوه خلي يولي هو وياها عفت الحفله وطلعت اول شي سويته حضرته حتى مااشوفه هو وياها
وثاني شي قفلته للجهاز حتى ميتواصل ويايه ابد حاولت انام مكدرت ابد سمعت الباب يندك اكيد هو غلست وسويت نفسي نايمه حيل حيل ضجت مااعرف شلون حبيته وهو اصلا ميستاهلني ابد حاير بالبنات عابتله والله
حسيت بنفسي مخنوكه كلش وواصله ويايه حدها طلبت منه اروح لاهلي بس هو خبيث رفض محجيت شي من رفض بس ثعولت بوكتها
بعدها حاول ياخذني اني رفضت لان مو بكيفه شوكت يعجبه يوديني وشوكت يعجبه ميوديني
بس هو بقه يلح ومن سمعت يبطلني خفت ليسويها صدك رحت لاهلي وانطاني فلوس مجبوره اخذهن لان لازم اشتري ملابس صعبه عليه اخذ من اهلي مترهم ابد
رحت كبل لشهد حيل متلهفه الها بس لكيت وجها خريطه حيل ضجت شنو هاي شهد شبيج
شهد : رغم عمار شال ابيته بس بقه يزعجني وياذيني دائما يجيب اسيل ويجي ياكلون هنا ويطلعون
خاله تكول عيب اطردهم وهمه لزكه ميحسون ابد فتره ودزها لاهلها كال سقطت الطفل اسيل بقت هناك هواي
وهو التجئ اليه ينام ويايه ويطلع ولا مره حسسني اني انسانه من يتقربلي بهذا تصرفه اموت الف موته بالدقيقه
يحسسني كاني لعابه شوكت ميعجبه يلعب بيه وشوكت ميمل يشمرني وكانو بنت ليلي ياخذ الي يريده ويرجع لمرته
علاقته وي رهوفه زينه ياخذها ويلعبها الحمد لله مماثره علاقتنه بيها
بيته ابد مطبيتله وماعندي اي نيه ادخل ملابسه خاله كلتله جيبهن هنا نغسلهن الك
كال لا خلي تجي شهد تنظف البيت وتغسل ملابسي
كتلها خاله كليله ماادخل بوحدي لو انت لو هو يبقى يمي ماالي خلك يتهموني بسالفه
بقه يحجي عليه اوكلج خ... اذا حجيتي هيج مره ثانيه
جيبي رهف وتعالي
اخذتها ورحت لكيت البيت حيل مبهذل مو مرتب ابد بس معليه بي ابد اسوي الي عليه واطلع
اخذ من رهف واول شي غسلت ملابسه لكيتهن كومه وحتى ملابس اسيل وامير خليت بالغساله ملابسه وملابس ابنه بس
كملت وشريتهن بعدها رتبت فراشه وردت اطلع
تعالي وين تردين ....
اريد اروح اكمل الغده
الغده مطاير تعالي نظفي زين وملابس اسيل ليش مغسلتيهن
معليه بيهن ملابسه ...
غصبا ماعليج تغسليهن وانت الي ممنونه افتهمتي لو لا .... لا مفهمت ...
كام ضربني راجدي
وهسه فهمتي لو لا
عمار اني مو خدامه عدكم وهيج تتصرف ويايه ....
خدامه ونص فهمتي لو لا ....
دموعي نزلن عمار معقوله استاهل منك هاي المعامله شنو الي سويته واستاهل هيج معامله
تستاهلين اكثر واكثر بعد وهسه سوي الي كتلج عليه بدون صوت ...
ممجبوره هيج اسوي ....
شنو عيدي الي كلتي ....
ممجبوره اخدم اسيل الي حق اخدمك انت بس غيرك لا
انت ملاحضه نفسج شكاعد تحجين
اي مراح انظف بيت اسيل ولا اغسل ملابسها ابد
اشو هذا تحول وحش كام يصيح ويسب ويغلط ويضرب حيل اذاني
وهسه يله نظفي وانجبي ....
ماانظف ابد ....
رجع ضربني بس مهمني اهم شي مااسوي اي شي مل مني طردني
اخذت بنتي ورحت شافتني خاله شهكت شبيج ولج
كمت ابجي كتلها خاله تقبلين يكلي انت خدامه الي ولاسيل يريد اغسل ملابسها لاسيل وانطف بيتها
هذا شبي تسودن تخبل مايروح يجيبها للوسخه الجايفه اشو صارلها شهر نايمه عند اهلها شنو كدرته بس عليج
روحي خاله غسلي ونيمي بنتج اني راح اروح احجي وياه
صعدت كارهتها الدنيه كلها والله من وره عمار
اتجمعنه بالغده اني مااشتهيت ابد عمو شافني اتخبل خاله سولفتله هو ياكل وساكت
اسمعني عمار لهنا وكافي ممنوع شهد تخدمك لو تخدم مرتك الوسخه انت كدرتك عليها لان فقيره بس اسيل لا تخاف منها متحجي ابد
هو اتخبل من سمع هيج كام يصيح وشال ماعونه وشمره بالكاع
شنو اخاف وشنو هذا الحجي انتوا تكرهونها لاسيل وهيج تحجون عليها بس شهد ع مود بنتكم تخافون لا اهلها يعاملون روان هيج من يعرفون بشهد
عمو كام ضربه راجدي لتعلي صوتك عليه اول شي وثاني شي انت صاير طلي وتكود بيك اسيل معليك عتب بعد
هو تخبل كام يسب ويغلط شنو هيج تحجي عمو زاد اكثر وعصب عليه وطرده كله بعد مااريد اشوفك ابد
هو رجع عليه كام يضربني هسه ارتاحيتي من سويتيلي مشكله وي اهلي
خاله وعمو كوه جروني منه كال عمو والله اكلب الدنيا اذا دخلت هنا مااريد اشوفك ابد
هو طلع ويتوعدلي خاله بس تبجي تكول هذا ابد مو ابني الي ربيته هاي اسيل سودنته وساعه ولا كتل بنت العالم ونبتلي
عمو خطيه اتخربطت ومقبل يتغده بعدين كمنه نحجي عليه كوه اتغدوا بس بدون واهس ابد
عمار بعد مشفته ابد صار 4 ايام وماادي اسيل هنا لو لا
بعدين خاله تكول جايه لان امير جايهم
خاله تحجي تكول متستحي اسيل متعرف تجي تسلم علينه تريدني اني اروح اسلم عليها طبعا من سقطت الطفل خاله راحت الهم مرتين
المفروض من تجي من اهله اول شي تسوي تجي تسلم ع خاله وع عمو
صار اسبوع واي خبر عنهم ماكو بس امانه هواي مرتاحين بس خاله احسها حيل ضايجه ومقهوره
اليوم اجتي رونه وحيل فرحنه كلنه شافت وجهي واخترعت هاي عود طبت لوشايفتني بوقتها جان اسويتي
سولفتلها كلشي كالت ولج والله ابد تصرفات عمار مو طبيعيه واذا مطلعت مسويتله سحر اني مو روان
مااعرف شاكول والله نزلنه جوه يم خاله لكيناها تبجي تكول راح التعب وي عمار صارله اسبوع لا خابرني ولا سالني كل هذا الشي ع مود اسيل
ماما خلي يولي هذا طلي مرته بعد ميهمونه لا انت ولا بابا اهم شي الخايسه اسيل الغسل الهم اثنينهم
والله كلبي طك عليه وهو ولا كانو ... يوم لتهتمين ابد ميستاهل دموعج والله
كالت خلي بالليل ياخذنه بابا اني وياج وشهد للمولات حتى اشتري ملابس
ليش مو من اخوج ولج ....
خلي يولي مااشتري منه
لا يوم خطيه اخذي منه يبقى هذا اخوج
والله كمت اضوج منه من وره تصرفاته
لا يوم خطيه يبقى اخوج مااقبل اني ابد روحي خابري حتى اذا محد يمه روحي واخذي منه
كامت تحجي روان بعدين اتصلت بي كللها تعالي راحت وحدها وطولت اخر شي رجعت وماخذه منه
والله قطيته قطه من هاي الزينه حيل بي خليته يبجي والله
اذن صلينه وخلصنه روان رادت تسوي عشه عمو كال لا تعالوا اخذكم للمطعم نتعشه هناك
اني دنكت شافتني روان ها شهوده شبيج ...
اكيد ميقبل عمار
مو بكيفه اني راح اروح اكله ....
حتى اذا كلج اي يسويلي طلابه مثل ذاك اليوم من اجيناكم
معليج هسه اروح واشوفه راحت ورجعت كالت وافق
رحت دزيتله رساله كتله اروح وياهم لو لا
دزلي روحي ... ممصدكه طبعا حيل فرحت رحت بدلت اخاف يقلب عليه
اخذنه عمو للمطعم اتعشينه وكملنه كالت روان خلي نروح للمولات اكمل الملابس
صدك اخذنه اخذت شكم شغله مناك اخذت تراكات ودشاديش واخذت عطور وشامبو معندي واخذت لرهوفه ملابس
طبعا عمار من تزوجنه لليوم مشفت منه لاربع ولا شي من محله ابد حتى من سافر ورجع جاب للكل الى اني ومن سالوا كاللهم جبتلها وخليتهن بالغرفه
بس عمو كل مايستلم راتب ينطيني وبابا خطيه هم ينطيني دائما رغم ماارفض بس ميقبل
اتاخرنه بيومها ورجعنه جنت احس براحه مو طبيعيه
وصلنه للبيت ولكينه عمار واكف اباب المحل يباوع للعلاليك الي بيدي
دخلنه اخذ مني رهف ودخلنه صعدنه اني وروان بدت تلبس وتنزع تكدر بالملابس كتلها راح اسبح اذا جابوا رهوفه ديري بالج عليها
دخلت سبحت ولبست واحد من التراكات الي جبتهن برموده وسترابلس ملبست الي فوك السترابلس كلت هسه البسه حبيت اخلي مكياج من هذا الجديد انفتح الباب اتوقعت روان
تعالي رونه شوفي التراك شلونه عليه حلو لو لا
جان يكول عمار مو حلو روحي بدلي وتعاي اخذي رهوفه
نيميها اخذتها من عنده ونيمتها بس كعدت تبجي الظاهر جوعانه بدلتلها ورضعتها ونيمتها وعمار باقي بالغرفه يباوعلي من فوك لجوه
تعالي راويني شنو اشتريتي ...
العلاليك بعدهن ع الجربايه سحبهن كام يشوف بيهن
منين اشتريتيهن ...
من المولات ....
وانت شوداج للمولات انت مو كلتي رايحين للمطعم ...
هو رحنه للمطعم ومناك اخذنه عمو ع مود روان ....
وانت متعرفين ترفضين ....
مو حلوه بحقي ارفض وهي خطيه ماعدها احد تطلع وياه
اها يعني مو حلوه بحقج من ترفضين بس حلوه بحقج من اطلعين مولات بدون اذن رجلج ....
اني مطلعت بدون اذنك روان كلتلك واني هم كتلك قبل لااروح ...
زين ليش تشترين من المولات ليش مااخذتي مني ...
ماادري بيك عندك ملابس بيت ....
زين منين الفلوس ....
من عمو كل شهر ينطيني مصرف الي ولرهف ....
ممنوع بعد تاخذين ربع دينار من اي شخص واذا اخذتي واعرف العب بيج لعب
تعالي للمحل اخذي الي يعجبج ورهف اني اجيبلها ملابس واي شي تحتاجينه انت لو رهف ادزيلي رساله مفهوم لو لا
تمام طبعا يحجي وممصدكه هذا عمار الي يحجي والمشكله يحجي بكل هدوء سحبني اله باسني هنا 👈👄
طبعا اول مره يبوسني بدون عنف حسيت بي انسان ثاني بس لحضات وعافني وطلع
استغربت من موقفه هذا بعدين كلت همزين راح يطبه مرض
اجتي روان وكالت راح انام هناك لان ع اساس انام سويه سالتها ليش كالت احسن اخاف مرتضى بخابرني وتكعد بنتج
هاي شلج بيها شحال لو ماادري انت ومرتضى فاره وبزون ومتتحاجون
لا متوهمه اتصالحنه وكلي بالليل اخابرج
راح احاول اصدكج بس ياويلج اذا جذب وضامه عليه شي
والله صدك راحت ونمت لان حيل نعسانه وتعبانه مااعرف شكد مر الوقت حسيت حركه تتلمس جسمي
كعدت مخترعه لكيت عمار نايم بصفي استغربت موقفه بده يبوس بيه ويتلمس بجسمي اني جامده طبعا ماعندي اي ردة فعل اتجاها
اول مره هيج يسوي طبعا احسه ذايب بين اديه يبوسني بطريقه اول مره اشوفها منه
من صارت عينه بعيني اتحول لوحش مثل كل مره اخذ الي يريده بوحشيه وعافني وطلع
معرفت افسر هذا تصرفه ابد
ثاني يوم اجه عمار واعتذر من عمو وخاله وصالحهم وكللهم معليه بشهد ابد
استغليتها فرصه وطلبنه منه اني وروان ارجع للجامعه بس رفض رفض نهائي كال هاي السالفه انسيها للموت متصير
حيل ضجت وانقهرت بس مابيدي شي
بعدها مشفته ولا لمحته ابد
صار اسبوع مشايفته ابد بعدها رجع مثل قبل ياخذ الي يريده ويختفي بعد فتره كالت خاله راح يسافرون لتركيا هو واسيل والكل متفاجئ امير يبقونه هنا كالت خاله بعد 3 ايام ويسافرون
اجه للغرفه قبل يوم من سفره كعد كال تعالي اسمعيني زين ومااريد اعيد الكلام ولا اريد تنسين حرف واحد من الي راح اكوله
لو الامه تنكلب كلاب مااطلعين من الباب واذا عرفت بيج طالعه لاي سبب كان اكلب الدنيه فوك راسج
فهمتي لو لا
وشغله ثانيه مو الصغيره والجبيره الكيها بحلك روان وامي بطلي الفتن واتعلمي تحفظين اسرارنه فهمتي لو لا
شوكت ترجع ان شاء الله ....
هذا الشي ميخصج
شلون ميخصني يعني ميصير ابقى بالبيت هم اريد اروح لاهلي احتاج شي يعني شلون بسجن مخليني قابل
سجن مو سجن هذا الموجود قسما بالله اذا طلعتي اله اندمج ندم متتوقعينه ابد وهسه تعالي اتقرب الي مثل كل مره وعافني وطلع
والله اكثر شي يضوجني من هيج يسوي ياخذ الي يريده ويدير وجها ويروح ممصبرني عليه غير بنتي انسى الدنيا وياها واخاف ياخذها مني اتحمل كل شي لخاطرها
سافروا وخلوا ابنهم يمنه طبعا كل الصفات المو حلوه بي يجذب ويمد ايده ويحلف ويغلط ابد ميعجبني هيج شي مدللينه زايد حيل شلع كلبنه اني وعمو وخاله حتى ضربوا لان شلع كلبهم وكام يبجي بيومها كوه سكتناه
يغار من رهوفه حيل ويخبث وياها دائما اني وخاله حيل حذرين منخليهم سويه ابد
اليوم خليتها يم خاله ورحت اسوي عشه كملت العشه وبديت اجهز بي سمعت خاله صاحت الحكوني
رحت اركض اشوف شكو لكيت بنتي سابحه بالمي جان الجو بارد حيل بشهر ال 12 وبنتي زركه ومختنكه
خاله ادك ع ظهرها وتصيح ماتت البت اني اتخبلت جسمي كله كام يرجف سمعت بنتي صرخت ركضت اخذتها منها اريد افهم شكو وعمو هم انخبص ويانه
شبيها خاله جان تكول هذا الكلب الحقير جاب دولكة المي وشمرها عليها وهي نايمه
اتخبلت اني اخذتها ورحت بدلتلها بس الطفله مختنكه مااعرف شاسويلها كابلتها وكمت ابجي
نزلت لكيت عمو لاعب لعب بخاله يكلها انت وين خامله عنه شلون تخلينه هيج يسوي تكوله والله كاعد انيم بالطفله وملتهيه بيها واجانه من وره
هسه تخابرينه لابنج العار خلي يرجع ياخذ ابنه وياه لو يودي لبيت جده ممربي ابد ومهيلكه ويعوفه ويسافر شهر عسل وي المسعده
انت متعرفين تكليله مااكدر اتحمله .... والله حجيت وكتله ابنك مؤذي صاير بس هو يكول لا عاقل اصلا
خاله شاسويلها مختنكه ... فدوه الحكيني
والله مااعرف ياخاله تعالي انطينياها اخذتها وكامت ادك ع ظهرها بس واضح عليها مختنكه
كال عمو كومي خلي ناخذها للمستشفى ....
ميقبل عمار اطلع ابد .... وحذرني مااطلع لو شيصير
تحجين صدك انت مخبله اكيد بابا الطفله راح تموت اذا مااخذناها
لعد خلي اخابره .... بابا امشي ماكو وقت
صعدت مااعرف شنو الي اسوي دزيتله رساله
عمار راح اروح للمستشفى وي عمو تخربطت رهف خلي شيصير خلي يصير
رحت بدلت ع السريع وطلعت رحنه للمستشفى اتخبل الدكتور كال شنو هاي شمسوين بالطفله اخذوها بسرعه اخذولها اشعه
اخذنه الاشعه وجان يكول الدكتور مي داخل بالرئه ومأثر عليها حيل خلوها ع الاوكسجين وشدولها كانويلا وبدوا ينطوها علاجات
اني عقل مبنج مااعرف شاتصرف بس دموعي تجري
الصراحه عندي رهبه من المستشفى لان مات ابني بي ومات ابن مرتضى هم وهسه هم خايفه اخاف افقد بنتي
ع لحضه وجان تتخربطت اتخبلت رحت صحت الدكتور فحصها وجان يكول لتخافون راح نضربها ابره وان شاء الله تصير زينه لتخافين
رجع الدم لوجهي كلت لعمو راح اخابر امي حتى تجي تدخل ويايه
كال لا اني راح اجيب خالتج واني ابقى يم امير
لا عمو خطيه خليها ادز ع امي ماعدها شي خابرت امي واتخبلت بوقتها اجتي هي وروان ومرتضى
سولفتلهم الي صار واني ابجي حيل خايفه ع بنتي كدروا يطمنوني شويه وهي هدئت شويه
رجع وجها طبيعي بس كامت تعطس وسخنت راح مرتضى صاح للدكتور انطوها ابر وجابلي مرتضى كمدات جاهزه
بعدها رجعوا بقت بس امي للصبح مكدرت انام ابد صارت زينه الصبح بس بدت تكح وخشمها يجري
اجه الدكتور الصبح فحصها كلي روحي عيدي الاشعه عدتها وجان يكول بيها ذات الرئه صاير كال لازم تبقى داخله
مطلعينها ابد كال مرتضى العصر نطلع ع حسابنه ونرجع ندخل خلي الدكتور الاختصاص هو الي يقرر علاجه
فعلا رحنه العصر جان يكول لازم دخول ابد مطلعون ابد مو زين عليها رجعنه للمستشفى اجه عمو بالليل وخبرته كال خابرت عمار وراح يرجع باجر
كل شويه وتختنك عليه رغم ممخليلها الاوكسجين
بقيت داخله 3 ايام وعمار ماكو عنه اي خبر من اسال عمو يكول والله ماادري
هو كال باجر ارجع ... لعد مخابرته اخاف بي شي .... لا مبي شي بس الظاهر الهانم مسويتله غسل دماغ ...
حيل ضجت معقوله مهمته بنته ...
قررت افعل نت بالخط حتى اراسله ... فعلا فعله الي مرتضى وجان تجيني الرسائل كومه
اني اعلمج شهد تعانديني واطلعين اني شكتلج
بسيطه الج مناك وروحي لاهلج واعلمج ع العناد
بنت الكلب شمسويه للطفله اذا صار شي احركج عدله انت وعشيرتج
وين ملتهيه عن الطفله وهيج تهمليها
انعل عشيرتج واحد واحد اذا صار بيها شي بسيطه بس خلي ارجع
هذا شبي مخبل اكيد
معرفت بعد هذا الكلام شنو احجي وياه وشنو ادزله
لحضات وجان يراسلني
ها ولج شلون صارت رهوفه والله احركج عدله اذا صار بيها شي
الغسل الك كون غسل يعني متعرف تسلم بالبدايه
كتله اول شي الواحد المفروض يسلم وثاني شي بعدهي متخربطه وثالث شي لو تهمك رهوفه جان رجعت واجيت وكفت ويايه بهاي ازمتي
نسيتي رابع شي بس اجي احركج انت وعشيرتج بس انتظريني
هاي شبيك عمار هاي بمكان متلوم نفسك ذاب ابنك ع كلبنه ورايح تتونس بتركيا ...
اي كولي هذا السبب ضايجه لان مسافرين ....
وع شنو اغار عمار فدوه ماالي خلك لهاي السوالف لان البيه مكفيني مااتحمل اكثر
بسيطه شهد هانت ان شاء الله
وره يومين يله رجع بيومها صارت زينه وطلعنه اول مرجعنه بعد ربع ساعه رجعوا
اول مرجع صعدلي جنه ثور هايج كام يضربني اول شي منو سمحلج ترحين للمستشفى وثاني شي شلون هامله الطفله بيمن حايره لو اتعمدتي حتى اعوف السفره وارجع
كمت ابجي عمار شبيك انت صاحي وهيج تحجي هاي بنتي تعرف شنو بنتي
يعني النفس الي اتنفسه يعني الي ضحيت ابقى بالذل والاهانه ع مودها يعني كلشي بحياتي انت شلون تفكر ولو تفكير اسوي بيها هيج وع شنوع مود ترجع
خل يكون بعلمك اخر همي انت واسيل طبعا ابجي واحجي
هاي بمكان متحاسب ابنك ع الي سواه ترجع عليه
كام يضرب وطلع حتى محاول يطمأن عليها حيل ضجت وانقهرت حتى فرحتي ابنتي مدامت الي
خاله كالت سولفتله كلشي وفهمته كتلها خاله اجه رجع عليه بمكان ميحاسب ابنه يكلي انت هاملتها
خلي يولي ياكل تبن ميحاسب نفسه اله ذب ابنه علينه وراح اخذ العروس شهر عسل
بدت تتحسن بنتي وهذا الشي فرحني حيل ورجعت عافيتها مثل قبل بعد ماامن عليها وين مروح متفاركني ابد صدفه امير يجي ومن يجي الكل يدخل انذار
اليوم اجه عمار كلي انطيني رهف اخذها ويايه مشتاقلها ومن تبجي عود ارجعها
عمار اني ماامن تاخذها اخاف من امير ...
دكلي خره وانجبي متامن بابا هاي بنتي واكيد اني حريص عليها اكثر منج
يله بلا لغوه بدليلها ورضعيها وانطينياها
فدوه عمار ابقى هنا انت وياها واني اروح انزل والله اخاف عليها من امير
انت شنو متفتهمين بالحجي اله بالضرب مثل المطي يله تفتهمين
عمار فدوه اروحلك لتاخذها كلبي ناغزني وعلي
اخذها مني بالقوه ونزل مااعرف ليش كلبي يوجعني
نزلت يم خاله كتلها خاله والله ممطمأنه لامير حيل يضوج منها واني اخاف عليها ...
ان شاء الله ماكو شي لتخافين واني رايحه اشوفها واجي .... اي فدوه خاله بس طمنيني عنها .....
راحت واجت كالت نايمه وي ابوها وتلعب وفرحانه وامير وامه مو يمهم ابد ....
حيل فرحت
طلعت بالحديقه وعيني ع باب بيتهم كلبي ممرتاح لحضات وجان اشوف عمار شايل بنتي وهي سابحه بدمها المنظر ماانساه للموت
اني هنا فقدت مااشوف بعد دربي تخبلت رحت اركض عليه
عمار بنتي شبيها
جان يكول ......
🌹🌹🌹🌹🌹🌹
مساء الخير ع اجمل متابعين اتمنى لكم قراءه ممتعه
❣️❣️ #البارت 42❣️❣️
❣️❣️ #الندم_مابعد_الخطيئه ❣️❣️
❣️❣️ #للكاتبه رونق❣️
جان يكول بسرعه البسي عباتج وتعالي رحت اركض عليه
شبيها بنتي عمار
مو وكت حجي بسرعه البسي عباتج لو اكلج ماالحك رايح بوحدي ....
تخبلت طلعت بدون عبايه وراه كام يصيح عليه
انتظرني لحضات اموت اذا ابقى عنا
ركضت لبست عباتي وحجابي جني مخبله طلعت لكيته رايح واني تخبلت اريد اشوف دربي مااشوفه
رجعت للبيت تلكتني خاله ها خاله شبيج
خاله فدوه اخذوني للمستشفى بنتي سابحه بدمها مااعرف شبيها كوه افتهمتني طبعا اجه عمو سمع اتخبلوا فدوه عمو اخذني كلبي راح يوكف ومحمد
يله بس خلي اجيب السويج ثواني واجه بس احسهن شهور اتخبلت رحنه حتى خاله ويانه واني كلبي راح يوكف
خابره عمو ينطي رفض انطاني الجهاز هواي دكيت عليه لو ينطي رفض لو ميجاوب
وصلنه ولكيناه بالطوارئ حولوه للمستشفى العام كالو مو يمنه
اخذها ويركض ركض جنه مخبل
اني ركضت وراه عمو خطيه يريد يلحك بينه ماكو اشرلهم ارجعوا اني صعدت وياه
حطيت بنتي فاقده الوعي والدم بكل مكان بجسمها راسها مفتوح فتح عمار شبيها بنتي
ميقبل يحجي راد يدعمنه كام يصيح عليه هاي كلها من وره نغيطج
عمار والحسين مااسامحك اذا صار شي ابنتي
اسكتيييييييييي مراح يصير شي
وصلنه اخيرا نزلنه اخذها وركض واني جني مخبله اركض وراه
اخذوها كالوا خلي نسويلها عمليه فوريه اخذوها واخذوا روحي كلها وياها
كلبي راح يوكف بقيت لحضات وغوشن عيوني لحضات بعد ماادري شنو الي صار
كعدت لكيت كانولا بيدي خاله وعمو وامي ومرتضى كلهم موجودين
فقدت اكيد بنتي ماتت وجايين كل اهلي
كمت ابجي فدوه لتكلولي ماتت رهف والله اموت وراها
الكل مخبوص وعمار مشفته ابد كالت خاله بعدهي بالعمليه ان شاء الله تصير زينه لتخافين
مرتضى فدوه تعال اشلع المغذي اريد اروح يمها
اكعدي واسكتي احنه نطمنج عليها ....
مرتضى اروحلك فدوه وديني والنبي كلبي راح يوكف
وخره عني ورحت لباب الصاله لكيت عمار بموقف ماينحسد عليه ابد بس والله ثم والله مراح اسامحه ابد اذا صار شي ع بنتي
حيل طولوا بعدها طلع الدكتور واخيرا جان يكول البقيه بحياتكم
ماتت الطفله سوينه الي علينه بس هاي ارادة الله
اني هنا رحت للدكتور هجمت عليه هجوم انت اكيد تجذب عليه بنتي متموت ابد بنتي عدله بس متوهم اكيد
اجه مرتضى جرني كوه ووخرني عمار متحرك ع نفس مكانه رحت لعمار كمت اضرب بي انت الي كتلتها انت الي موتتها مراح اسامحك ابد اكرهك اكرهك
هو هنا كام يبجي
مرتضى سحبني لحضنه حضني حيل صير قويه هذا امر الله
لتكول امر الله هو الي كتلها بيده اكيد اني لحد الان طبعا مااعرف شنو الي صار
خلي ادخل اشوفها مقبلوا ابد بعدين كالت امي خطيه خلي تودع بنتها اتركوها
دخلت ويا ريت مداخله ولا اشوفها ابد هنا اني فقدت مبقى عقل براسي طلعت صدري وحطيتها بحضني اكيد جوعانه هاج ارضعي صدري مورم اكيد جوعانه
الكل يبجي التفتت الهم لحد يبجي هاي نايمه وراح اكعدها ترضع
اخذوها مني بالكوه وكوموني كلبت المستشفى كلاب طبعا متت مااتحمل والله هواي عليه هذا العذاب
اخذوه يردون يدفنوه تخبلت اله اروح وياهم
ماقبلو محد اخذني تخبلت اجتي خالتي وعمو
رادو ياخذوني وياهم ماقبلت
كلت لامي اخذوني وياكم بعد ماارجع لعمار
صدك رجعت لاهلي مكسوره وللمره الثانيه وان شاء الله الاخيره
مستحيل افكر ارجع لعمار لو الامه تنكلب كلاب
روان : رحت لاهلي ورحت اخذت من عمار ملابس كمت احجي عليه شلون هيج يتصرف وي ابويا وامي خطيه
كتله امي تبجي عليك انت شنو الي غيرك عمار مستحيل انت نفسك مو طبيعي انت ابد
روان ماالي خلكج انت الثانيه اني اصلا طبيعي بس الكل يدافع لشهد واسيل مكروها
هو هذا واقع حال اسيل مكروها مو هي نفسها الي جنت تحجي عليها وتتعارك يوميه وياها
روان اسيل اتغيرت وصارت زينه بس انتوا بعدكم ماخذين نظره مو زينه ....
عمار انت مقتنع بهذا حجيك لو تقشمر ع نفسك ...
والله اسيل هي هي نفسها متغير شي غير بس العمل الي مسويته الك عاميتك بي عمي
ولي ولج عوفج من هاي الخرفات وتعالي اشتري خلي اشوف دربي
بديت اخذ من عمار هواي اشتريت السنه الاخيره الي
بعدها ردنه نروح للمطعم رحت حجيت وي عمار كال
متروح ابد شهد خلي تكعد وتسكت
عمار انت مقتنع بلي تسوي بشهد .....
شمسويلها قابل
والله ثم والله مو طبيعي انت خطيه شنو ساجنها سجن لاطلعه لا مشيه والله خطيه وحرام عليك هيج تسوي بيها
اهوووو مخلصت المحاضره ....
لامخلصت لمن تكلها روحي ....
خلي تروح بس فوتي حالي
فرحت رحنه وغيرنه جو وكملت كل غراضي ورجعنه انفقنه اني وشهد انام سويه بغرفتها بس عمار كلي اريد احجي وياها لتنامين يمها
رحت للغرفه ومرتضى راسلني ودزلي دعوه مهتميت ابد نمت ثاني يوم حجينه وي عمار وحاولنه نقنعه ع شهد خطيه حتى ترجع للجامعه بس هو رفض خبيث
بالليل اجه مرتضى اخذني وحجه ويايه اقتنعت بكلامه مو لائق اتجاهله اجاوبه ع كد الي يطلبه مني طلب مني ادخل بالحفله كلت لا باس ادخل صامته شويه واخرج
سوه حفله بس هاي الغثه ماكو اكيد من يدزلي دعوه هي ماكو ومن ميدرلي معناها هي موجوده
بقيت شويه هو كام يختار كل اغاني اعتذار ويكول مقصوده بعدها قدملي اعتذار كدام الكل حيل فرحت من هيج سوه
اكو شخص ذبح نفسه عليه وحاول يحجي ويايه ويخليني احجي حسيت بمرتضى راح ينفجر واضح عليه اخر شي متحمل نهاها للحفله معرف ليش حيل فرحت وقررت ادخل بكل حفلاته حتى اغثه
ثاني يوم انتظرته يسوي بس ماكو وراها هم ماكو بده الدوام والتهيت بي مرتضى صدفه اشوفه
بس هم ميصير هيج حياتنه تبقى حجيت ويا لازم نتعارك لو يشوفلي حل بس اشو هو ولا كانو بده يتقربلي يحاول يخليني ارجع للغرفه واني رافضه
كل مايسوي حفله يدزلي دعوه اني كمت افرح انتظر شخص يتحرش بيه حتى اضوجه
وفعلا كل مره ينهي الحفله لان يضوج بسرعه وميتحمل اخر شي دزلي رساله كلي راح اسوي كروب خاص بيناتنه بس اني وانت نسوي بي حفلاتنه مااحب احد ويانه لان ماتحمل احد يحجي وياج
دزيتله ماكو داعي للحفلات كلهن ولااكو داعي للكروب
لا اكو داعي وعاجبني نسوي كروب بس اني وياج ومحد يدخل ويانه راح اسوي هسه وادزلج الرابط
سكتت مجاوبته فتره ودزلي الرابط صدك دخلت للكروب اول مدخلت نزل منشور ترحيب بيه
عجبتني فكرة الكروب كلي اطلب منج دائما نتواجد بالكروب خلي نحسبه بيتنا الخاص
الي يزعل والي ميزعل ماالنه حق نخرج منه هنا نزعل وهنا نعتذر وهنا نتراضه ....
جاوبته بتمام
كتله مااكدر بعد ادخل حفلات لان انام من وكت وعندي دراسه ....
عادي نسوي الخميس والجمعه بس .... اوك
كام كل شويه وينزل منشور اعتذار وبعدها كام ينزل منشور ع مود ارجع للغرفه بس اني مهتميت وكتله ماارجع ابد
ابد
ممل مني ابد كل ماادخل للكروب الكي منزل منشور جديد
تعودت ع الكروب وع المنشورات
وبديت ارجع اتعلق بمرتضى بس خايفه لا نفس ذاك اليوم يصير يعوفني ويروح يصادق كلت خلي اساله عن البنيه خلي اشوف ردة فعله
سوه حفله واستغليتها اكلك مرتضى لويش مدخل حبيبتك ويانه ...
ياحبيبة تقصدين ...
كل لروحك شكم حبيبه عندك
ماعندي بس حبيبه وحده ....
لعد هي المقصوده لويش مدخلها لاكروب ....
هي اصلا موجوده بالكروب ....
وينها موجوده اذا اصلا ماكو بالكروب بس انت واني وينها بعد
معقوله حبيبتي ثوله ومتفهمها وهي طاره ....
مفهمتك
مفهمتيني لو مغلسه ....
والله مفهمت ....
الصراحه صدك مفهمت قصده بوقتها ابد
جان يكلي حبي الوحيد هو انت ... انت حبيبتي الوحيده وماكو غيرها
الصراحه فاجأني ومجنت متوقعته راح يحجيها معرف شعوري بوقتها شنو
من جها فرحانه حيل بهذا كلامه وحابه اصدكه ومن جها ضايجه لان اكيد يجذب عليه لان كدامي جان يخابر ويكول حبيبتي وحبي
مرتضى اكيد متوهم بهذا كلامك ....
منو كلج متوهم ....
اني اكلك شنو نسيت البنيه الحبيتها...
يابنيه تقصدين ....
مااعرفها منو هاي الي جنت تخابرها وتكلها حبي
لج انت مخبله من كل عقلج احب وحده ساقطه واترك الجوهره الي عندي ...
حيل فرحت بهذا كلامه بس مراح ابين اله ....
لعد اذا تدري بيها ساقطه شلون كدرت تكللها حبي اذا متحبها صدك ...
حبيت اغثج لان ضوجتيني وشلعتي كلبي .....
اني مضوجتك وشالعه كلبك معقوله
اي معقوله والله حيل شالعه كلبي كلما اتقرب الج انت تبتعدين
اكلج والله احبج والرسول احبج والامام علي احبج واموت عليج وكاعد اتعذب ابعدج والله
همزين هذا كلامه بالموبايل جان ارتبكت كدامه اباوع لوجهي صار احمر واحس بنفسي سخنت والله
معرفت شاجاوبه وشاكله
ها رونه اشو سكتي ....
مااصدك كلامك ....
ليش ولج
لو صدك كلامك مجان سويت بيه هيج تروح تصادق وحده ساقطه حتى تضوجني وتضربني ع مودها وتغثني
الي يحب ميسوي هيج ....
بس اني جنت عاجز جبتج بكل طريقه وبكل واسلوب بس انت كاعد تصديني
شاسويلج واثبتلج حبي والله العظيم كاعد اتاذه اذيه لان انت مو يمي بالغرفه
روان والله العظيم حبيتج من كل كلبي اذا تقبلتي حبي مراح تتندمين ابد مدى العمر
مااعرف شاجاوبه اكو خوف بداخلي اتجاها احسه بعدي يحب زوجته وبعده متعلق بيها وبنفس الوقت اني محتاجني ك نزوه بحياته لااقل ولا اكثر
سكتت مجاوبته ابد
راح اتركج تفكرين زين بكلامي وانطيج مهله بس اتمنى ترجعيلي الجواب باقرب وقت وراح احترم رايج مهما كان
بقيت افكر ليل نهار
التهيت بدراستي وبقيت اتهرب من مرتضى مااعرف شنو السبب اني لحد الان دايخه بنفسي من يتقرب اني اتهرب منه ومن يتهرب هو اني اتقرب
اليوم اجاني للغرفه كعد كال روان لهنا وكافي تعالي ارجعي للغرفه ووعد مراح ازعجج وتدرين بوعدي اوفي بي لو شيصير
مو حلوه بحقنه كل شخص ينام بغرفه اذا اهلي حسوا بينه عيب منهم تعالي ارجعي
نسيت انت شطلبت مني مو كتلي بعد مدخلين للغرفه ابد اذا طلعتي اذا نسيت حذكرك
نسيت هذا الكلام تعرفين ليش لان كان بوقت عصبيه وساعة شيطان وانت بوقتها هواي استفزيتني وجبرتيني هيج اتصرف وهواي اتندمت ع فكره بس معرفت شاتصرف بوقتها
زين وين راحت حبيبتك هسه
خلي تولي حضرتها وطردتها اخر مره من اجت
والله مفكر ولو تفكير بسيط ادخلها بحياتي ك صديقه مو ادور ك حبيبه امني وخلي راسج بارد من هاي النهايه
الصراحه حيل فرحت بهذا كلامه وحسيت اني اسعد وحده بالدنيا كلها
كتله مرتضى حرجع للغرفه بس عندي شرط واحد
شنو هالشرط .....
طبعا حبيت اجربه واشوف حيتحمل كلشي يصير ويثبتلي هو يحبني لو بس مجرد كلام
شرطي ابد متتقربلي ونبقى مثل قبل كل شخص ينام بوحد وهالمره اني الي انام بالكاع وانت ع الجربايه
شمعنى انت بالكاع 🤔 ....
عاجبني انام بالكاع ...
بس اني ميعجبني ....
شنو تقصد شنو الي ميعجبك ....
ميعجبني تنامين بالكاع واني بالجربايه لو انام سويه ع الجربايه وعد مني مراح امسج ابد بدون موافقتج لو اني انام بالكاع عادي
لا مو سويه خليني انام مثل قبل لمن اتعود ....
شنو هالكلام روان صارلنه اكثر من سنه وممتعوده تحجين صدك متعودتي وجودي
متعوده وجودك من زمان بس ممتعوده انام سويه ولتنسى اخر موقف خله حاجز جبير بيناتنه
انت حاول تكسر الحاجز الي بيناتنه خليني اتعود عليك شويه شويه وذاك الوكت اكيد انام سويه مراح امنعك
اوك لعد موافق يله تعالي لمي ملابسج وارجعي اريد من ارجع بالليل الكيج موجوده بالغرفه ومنتظرتني بلا عشه حتى نتعشى سويه راح اجيب عشه ويايه
اوك حنتظر ....
عافني وطلع وجنت مبتسمه وفرحانه فرح مو طبيعي اعترف اكو حب بداخلي اتجاه مرتضى بس مااعرف لويش مااكدر اصارحه واحجي
بديت الم ملابسي وادزهن للغرفه محد بيها واتوقعت مرتضى رايح للمحل
كعدت ارتب بكنتوري التفتت حتى اروح اجيب الملابس البقيه لكيته واكف ومكتف اديه وصافن عليه
باوعتله وبعدها نزلت عيوني لان عيونه اكلتني اكل وارتبكت حيل
ردت اطلع جان يجرني من ايدي ويسحبني للجربايه استغربت من موقفه
كعدني وكعد بصفي ودار وجهي اله صرنه قريبين ع بعض وعيونه ع بعض
روان حاب اطلب منج طلب واتمنى مترديني ابد ....
اتفضل اذا اكدر عليه مقصر ان شاء الله
اريد منج وعد تواعديني بي متركين الغرفه ابد لو مو نتعارك لو مو اطردج بحالة عصبيه نفس ذاك اليوم
تعرفين الغرفه ظلمه بدونج ومحمد هسه احسها نورت بوجودج وحسيت رجعلي الهوى لان جنت مخنوك بدون وجودج ....
حيل اربكني قربه وكلامه
كتله الله كريم بس انت هم حاول متعيد الغلط الي غلطته
هو شنو غلطي بالضبط حتى بعد مااعيده
معقوله متعرفه ....
اي والله ذكريني حتى اعرفه
مااقبل تحجي وي وحده بغرفتنه ...
صار ادللي بعد شتامرين ....
اذا عصبت مني متطردني ابد لان بذاك الوقت مراح افكر ارجع للغرفه لو الامه تنكلب كلاب ....
صار ادللي بعد شطلبين ....
هاي هي اذا ذني الشغلتين مسويتها مراح اطلع ابد حتى اذا تعاركنه .....
اوك لعد اتفقنه ....
حكمل ملابسي ....
ها كومي يله واني هم راح اروح اتاخرت
كملت كلشي الصراحه حيل مشتاقه لغرفتي ولفراشي بديت ارتب الغرفه وخليت فرشه جديده وعطرت الغرفه كلها
رحت للحمام غسلت الملابس الوسخه وبعدها نزلت سويت عشه لعمو وخاله ورتبت كلشي
وصعدت سبحت وكملت كلشي اليوم معندي دراسه كلت خلي ارتب العطور والمكياج
بقيت الهي بنفسي اتاخرت يله كملت
رحت للجهاز طلع ناسيته صامت ابد ممنتبها عليه لكيته محترك حرك عليه
ع الفايبر وع الواتساب وع الماسنجر متخبل مرتضى بس يسال عني ويكلي لويش مااجاوب
هواي دازلي وفتحت الفيس لكيته منزل منشور منزل صورة غرفتنه وكاتب بيها نورتي الغرفه حبيبتي
باوعت الساعه ب11 ابد ممنتبه للوقت ونسيت نفسي كلت خلي اجاوبه واطمنه عليه ....
جاوبته بس مجان عنده نت ابد اعتذرت منه وكتله صامت ناسيته واني جنت ملتهيه
بعدها كلت خلي اتصل بي افضل صدك دكيت بس انصدمت من سمعته دك اباب الغرفه يعني راجع للبيت مو من طبيعته يرجع بهيج وقت دائما يتاخر
دخل للغرفه جايب ويا علاليك اكيد عشه
وين جنتي شنو السالفه قلقتيني والله ...
جان صامت ماادري بي والله وجنت ملتهيه ارتب بالغرفه ....
كام يباوع داير مداير الغرفه اتنفس بعمق كلي الله شنو هالترتيب وشنو هالعطر عاشت ايدج
شكرا .... ماكو داعي للشكر هذا واجبي
تعرفين الصراحه خوفي وقلقي كله يهون امام هذا الشي الي شفته هسه
يوميه الغرفه ضلمه بكل معنى الكلمه واليوم تضوي
مااعرف لويش يحب يحرجني معرفت شاجاوبه
بعدين كلي راح اغسل واجي جهزيلنه العشه هنا ماننزل
تمام رحت رتبت جايب بيتزا ولفات كص ومقبلات وببسي
اني هم رحت غسلت وكعدنه سويه نتعشى
كالت جبت لهلي عشاهم وحد
ياكل وعيونه عليه بعد مااعرف اكل احسه يراقبني بكل شي اسوي
تعرفين ممصدك كاعدين سويه ونتعشى اذا اكول اسعد واحد بالدنيا اني هسه يجوز شويه بحقي ويجوز تكولين يبالغ بس والله العظيم هاي الحقيقه
معرفت شاحجي حيل اتوترت سكتت هو هم سكت محجه شي كملنه اكلنه بس اني رغم جوعي كوه كدرت اكل بسببه
بس هو عكسي اكل لمن شبع ردت اكوم بس فاجئني من بده يوكلني وبالقوه مقبل ابد ارفض ارتاحيت لهذا الشي هم جوعانه بعدني وهم حبيت اهتمامه بيه ☺️
كملنه وغسلنه كال راح اسوي حفله ونحجي شويه
عادي سوي لان باجر ماعندي دوام حتى اذا اسهر ماكو مشكله
بده سوه الحفله واحلى شي بالحفله تعاليقنه عبالك مو متزوجين عبالك نتعرف ع بعض
وواحد متعلق بالثاني هو يختار وحده واني اختار وحده هو جوه نايم واني ع الجربايه اباوعله يبتسم ويعلق واني هم ابتسم واعلق
عندي افضل فتره بيني وبين مرتضى هاي الفتره احس بنفسي حيل اتعلقت بي وحبيته اكثر بس خايفه مااعرف من شنو وشنو السبب كل الي اعرفه خايفه
مرتضى : هواي ارتاحيت من حجيت وي روان بالموبايل كمنه نتواصل بالفايبر لو بالماسنجر
بس ضجت من وره الحفلات كل مااسوي دعوه لازم واحد يطلع صفح ويغثني محبيت احد يحجي وياها ابد عقلي يوكف عن التفكير بوقتها
واتمنى اصيح بعلو صوتي هاي حبيبتي وهاي زوجتي حتى محد يتجرئ يحجي وياها بس مااكدر اسوي هذا الشي
قررت اسوي كروب خاص بيناتنه هذا افضل حل رفضت هي بس مهمني سويته ودزيتلها الرابط دخلت بي
واحسها دخلت بكلبي احس هذا الكروب هو الي راح يكون مفتاح الي ادخل من خلاله الكلب روان احسه هو الي راح يقربني منها اكثر
فعلا بديت اتقرب الها واول خطوه صارت هي رجعتها للغرفه شعوري مينوصف ابد
حتى لو كل شخص ينام بوحده مو مهم المهم انام سويه واتنفس نفس الهوى الي تتنفسه
اليوم احس الدنيا غير شكل بعيني فرحان فرح مو طبيعي وقررت نتعشه سويه وطلبت منها تنتظرني وفرحت من وافقت
نزلت منشور معلقت ابد دزيتلها رسائل ع الفايبر ع الواتساب ع الماسنجر ع الخط الكل ماكو جواب
اتخبلت ليش متجاوبني ليش متجاهلتني معقوله غيرت راييها خابرتها ع الخط ونفس الشي ماكو جواب
حيل ضجت وانقهرت اكيد غيرت راييها والا ليش متجاوب عفت المحل ورجعت من وكت مريت اخذت عشه
وجنت خايف كلما اتقرب للبيت تزيد دكات كلبي لان مااعرف شراح تكون ردة فعلي اذا صدك قلبت راييها واتندمت
هالمره راح يكون رفضها من صدك يكون صعبه عليه دخلت للبيت وجانت امي نايمه وابوي همين نطيتهم عشاهم كالو تعشينه
صعدت لفوك وبده الخوف الحقيقي ينتابني بس قبل لا اوصل للغرفه خابرتني واخيرا دكت عليه فرحت ودخلت للغرفه وجان انصدم بالمنظر
الغرفه تخبل واضوي بوجودها العطر يجنن والترتيب يخبل مبدله الفرشه والبرده
الاجواء تخبل تقريبا هسه احنه بنهاية شهر ال 12 الجو بارد
تمنيت بهيج ليله احضنها وانام للصبح يمكن احلى نومه راح تكون بس هي قافله بعدهي ممتقبلتني
راح اتحملها ماعندي خيار ثاني
فرحت من لكيتها هيج مسويه واني عبالي قلبت عليه طلعت مخلية جهازها صامت
تعشينه واني ممصدك كبالي كاعده بس هي مبين عليها خجوله واكثر المرات تسكت متجاوبني من احجي وياها
وهسه مااكلت رغم اني متاكد جوعانه بديت اوكلها بالكوه كملنه وسويت الحفله وبدينه نحجي سويه اتغازل بيها ادزلها حبي حياتي متعارضني ابد وهاي اعتبرها خطوه لصالحي اباوعلها تضحك من تقره بالتعليقات
لازم اتخذ خطوه جريئه وياها حتى اعودها وامهلها للطريق
راح ابدي وياها من باجر انزل منشورات جريئه ادزلها كلام جريئ حتى اشوف ردة فعلها
بقينه لوقت متاخر سهرانين لمن كالت حيل نعست راح انام كتلها روحي نامي
فعلا نامت واني هم نمت ثاني يوم كعدنه متاخرين اثنينه وجنت احس بنفسي ملك رغم وكتي راح ع المحل بس مو مهم
كعدت سلمت عليه ونزلت جهزت الريوك اتريكنه سويه وطلعت بسرعه لان وكتي راح
اليوم كله نتراسل سويه بكل وقت مكدرت ارجع الظهر
لليل اتصلوا بيه كالوا بنت شهد داخله مستشفى رجعت للبيت غسلت وبدلت اخذت امي وروان همين للمستشفى
افتهمنه انو مسافر عمار هو وزوجته الثانيه بس هذا ابنه بدون قصد ذاب مي ع الطفله حيل انشغلنه ع الطفله وقلقنه هواي
لان حالتها مو تمام بقت تقريبا اسبوع كامل داخله امي وياها واني وابويه مكدرنه نتركها بوحدها
طبعا عمها مقصر ابد ولا ام عمار بس واجبنا احنه لازم نوكف وياها وخاصه عمار مسافر
هاي الفتره ابتعدت عن روان غصبا ماعليه مو مالت حفله اسوي ووقتي اغلبيته بالمستشفى لمن طلعت شهد يله ارتاحينه واستقرينه صارت زينه رهوفه الحمد لله
طلعتهم بيدي ورجعت للبيت بقيت اتغديت وياهم بعدها رحت للمحل لليل يله رجعت
لكيت روان نايمه حرامات عبالي نسهر سويه كلت اسوي حفله بس كلت خطيه اكيد تعبانه ونعسانه ونامت
بقيت اتكلب مااجاني نوم ابد
شويه وحسيت بيها كعدت سالتني متعشي كتلها لا حبيت بس تكعد
والله صدك كعدت كتلها سويلي شي خفيف مااكدر اثكل بالليل لان اصلا اني شبعان بس مااكدر احجي كدامها
كتلها الافضل سويلي لفة جبن راحت ورجعت جابتلي اكلتها بالكوه
كتلها لتنامين انتظريني راح اسوي حفله اذا تكدرين شويه منطول
عادي ماعندي شي اصلا نمت من وكت
سويت الحفله هالمره لازم احجي وياها واتعمق اكثر واكثر
كتلها تعرفين مشتاقلج موت ....
مدزت شي
ليش تسكتين جاوبي اي شي ....
مااعرف شاجاوبك ....
اي شي مثلا كولي اني مثلك ....
دزتلي 😱😱😱😱 منو يكول اني مشاقه ....
حتى لو جذب جامليني وجذبي اي قابل ....
دزتلي تمام
وهسه خلي نعيد ...
تعرفين مشتاقلج هواي هواي هواي والله
دزتلي اني مثلك 🤭 .....
شتتوقعين منو اكثر اني لو انت ....
اكيد انت .....
منو يكول اني مشتاقلج
انت كلت غير 🤔 ....
عبالي
شلونج شخبارج ...
تمام الحمد لله وانت ....
اني بخير اذا حبيبتي وعمري بخير ...
منو حبيبتك وعمرك ....
وحده شالعه كلبي شلع خبيثه تسوي نفسها متعرف منو هي
اني متاكد هي تحبني همين بس كاعد تتهرب ومااعرف ليش
خليتني اتحمس اعرف حبيبتك منو ....
حبيبتي وحده حلوه حيل اخذت عقلي غصبا عليه من اشوفها كلبي يكوم يدك مثل الدمام
بس هي ولا كانو تعاملني ابرود رغم ماعدها مشاعر اتجاهي وهذا الشي واضح عليها
هم معرفتها منو ؟؟؟؟
اني حكلج اول حرف من اسمها هو ❤️𝗥❤️
غير الموضوع لان مكاعد افهم عليك
وليش اغير خلي اكمل لازم اخليج اليوم تعرفينها
وشلون اعرفها اذا انت تحجي بالالغاز
راح احجي طك بطك حبيبتي هي انت روان
دزتلي من شوكت اني صرت حبيبتك ....
من يوم الي تزوجنه بي صرتي كل حياتي وكوه كاعد اقاومج والله
روان فدوه خلي نفتح صفحه جديده مااتحمل بعد والله انت زوجتي وحلالي ميصير هيج تبعديني عنج
راح انام نعست انهي الحفله ....
تعالي اوكفي بعد وكت خلي نكمل ....
باجر نكمل حيل نعست ...
اوك ع راحتج
حيل ضجت من ردة فعلها حبيت تكون متجاوبه ويايه اكثر بس مصار هذا الشي ابد
نمت ضايج ثاني يوم تركت الحفلات وبديت ابتعد عنها لان واضح عليها متحب تتقربلي
بس المشكله كل ماابتعد كل ما اشتاق اكثر واحبها اكثر
اليوم اجيت من وكت كلت خلي اعوف الموبايل واحجي وياها وجه لوجه
واذا رفضتني راح اتركها من صدك
اتعشيت وكملت وصعدت بقيت انتظرها لمن اجتي
روان عندي موضوع وياج حاب احجي اذا ممكن
اي عادي اتفضل اسمعك
روان حاب اطلب منج شي اتمنى متفشليني هالمره
بديت اتقرب عليها بس اشو هي خافت ترجع واني اتقدم لمن حصرتها بالحايط
هاي شبيج خايفه ....
ها مخايفه بس انت لويش هيج تتقرب مني
زوجتي وعاجبني اتقرب حرام لو عيب ....
بديت اتقرب لدرجه ميفصلنه شي ابد اختلط نفسي بنفسها بديت ابوسها من 👈👄
حسيتها ذايبه بين اديه مقاومتني ابد بديت اتعمق اكثر واكثر
وهي ذايبه بين اديه الصراحه ممصدك روان هيج ذايبه وساكته
بديت اتلمس بجسمها دوختني وخلتني افقد ع الاخير لان ذايبه ع الاخير
بديت اسحبها للجربايه وهي مطاوعتني ع الاخير اليوم لازم اخصمها واخليها زوجتي من صدك
نيمتها ع الجربايه وبديت ابوس بيها ذابت ع الاخير نزعتها ملابسها بديت افقد واتعمقت اكثر ع فجأه وجان .......
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: