#الضابط_والجميلة -
#مفاجئ/السـابع والعشـرون
#alshabaniuh
للكـاتبةه : ࢪَ࣪يࢪَ࣪فـون ♥️
_
شنطاك غيري وكيفت
معقوله مثلي وأزيد
باچيلك بگدي دمع !
متوسل بكل مرقد ؟
_
طبيـت للبيـت صعدت لغرفتي راسـا شفتهه نايمة وتشاههك بالبچس تخبلت
ردت اروح واگلهه لاتبجين احضنـهه اتذكرت كلامة وكلامهه شطتت خليت ونمت شوية اختنگت اخذت ارگيلتي ونـزلت للحديقة
سمعت صوت ميسون وهيه تخـابر بالحديقة اتقربـت الهه ولَن اشوفهه بـاخر الحديقة وتحچي بهمَس
ضليتت بالخمس دقايق احاول افرزن الـصوت مـاگدرت
قحطان:شتسوووين هنا بنص اليل جاي اتخابريمـن
طبگـت الموبايل بسرعة و اشوفهه ارتبكت
ميسون:ها قحطان م مداسوي شي بس داخابر صديقتي
عقچَت حواچبي وگتلها :تمام روحي نامي
مشت بسرعة بتوتر هاي لو ماكو شي جان لزگـت
اخَذت كرسي وگعـدت ضليـت صافن وافكر بيهه تنـدمت لان مديت ايدي عليهه كرهت نفسي
اخ اخ خرب يومچ ياامريم كلشي ولا الممره تعلي صوتهه علة الرجال وهالشي كرهني بميسون اريدها تلزم حـدها و ماتعلي صوتـهه مره ثانيه
ضل بالي يمـهه كمت صعـدت للغرفـة
حطيت الارگيـله بالصالـة وطبيـت للغرفـة مبينـه نايمـة شلت الغطة الدموع بخدودها
مسحـتهن وتنهدت سديت الضوه و وقتت موبايلي بالسبعـة اگعـد حتة اوصل خالتي
نمَت بصفـهه وجريتـهه لحضني حطيـت راسي بَرگبتها وگمـت اشمـهه حضنتهه حَيل ونمنت
گعدت ع صوت الموبـايل حاطة ايدهه ع صدري ونـايمة واني حاضنهه احلة صباح
بسَـت شفتـهه بهدوء وبست خـدهه وگمت غطيتهه زيَـن
طبيت سبحت بسرعـة وطلعـت نزلت لگيـت خالتي وميسون وامي گاعدات
صبحَت عليههن و صعـدت بدلَت وكملت باوعتلهه وتنههـدت
خليـت و طلعـَت تريگنـة وطلعنـة طول الطريق ساكتين وصلنه لبغـداد نزلت غراضهم ميسون استوقفتني
ميسـون:قحطان فكر بيهه حباب واللـة اريدك
خزرتـهه وسلمت ع خالتـي وطلعَـت
طول الطَـريق افكر بيـهه وتعبـان ضليـت بس انفخ بالچكـاير
وصَلـت بغـداد تقريبـا وره الضهَر شفَت هيمـن طب هو و ام مريم ابيـت حسـام سلمَت عليهم گتلهم اتفضلـوا يمنـه گالوا شويـة ونچي خليـت وطبيـت للبيـت
__
مـريم : ضليـت ابچي بليل ولازمة خَدي احس نفسي كرهت قحطان
سَـآعــه اكوول مـن ورايه لَو ممعلية صوتي وسـاعة اكول لاا بسببـه
ضليَـت ابچي حـدما نمت گعـدت ع صوت موبايلي وهو يـدگ
گمـت بنعـاس اجاني وجع بصـدري گحيـت قوي شفت الموبـايل
مـامـا يتصـل ...
رديـت راسـا مشتاقتلها هواية وراسـا گلتلـهه
هلوووو ماااامااا شلووونج مشتاقتلججج كوووومةة كووومة
ام مريم: هله بيچ يمةة شلونج شخبارچ كليلي مرتـاحة جاي تاكلين يمة تشربيـن گليلي قحطان شلونة وياج ام قحطان شونهه
مامـا كلش زينه لاتخـافين خالتي ام قحطان فـدوه لگلبهه واللة ماتقصـر
گمت مَن فراشي داعـدل الغرفـة اباوع لوچهي خـدي احمـر
ام مريم:وقحطان شلونه
تنههـدت وحاولت مابينلههـا وگتلها
كلش زيَن ماما لاتخافين انتـي شلونچ بابا الكل شلونـة
ام مريم:زينين بنيتـي بس تصير السبعه نعزمكم انشاللة
مريم يمة شصـار علة ذيج الشغلة؟
ارتبكت وگتلهه:ياهيه ماما
ام مريم : مـريم لاتستغبيـن يمـة قحطان اتقربلچ احجيلي شلعتي لكلبي صدك تحجين يمةة كليَلي شصـارر؟
ضليـت مرتبكة ماعرف شگلهه گتلهه
م ماما انو السالفة باعي
ضليـت مرتبكة ماعرف شحجي شگللهه
ام مريم: مرررريَمم لااااتخبلييني لاااتكليلي مامقتبرلچ يعني لاااترضيننن بدددكتوره لاااترضيننن بقحححطان اددددري هيههه شنووو مريمم شوووفي قسمم بالله الج اخررر فرصةة
هسههه الولد شيگول ههااا باعي واللة العضيـممم اني اگلللة تره واحيلة عليچ منطيچ علة مايچ
مـررريم الشغلـة باااجر تنهيـههه يعننني اذااا مووباحر يااابه والللة العضيم ماحججي وياج ابـدد
گالت هلل حچي ودموعي نـزلن ردت احچي سدت الفون راسَـا
لهل درچـة يـاربي اني مو حمل هل امتحـان حتتة امي ضدي محَـد يدري بنـار گلبي
خابرتهه مره ثانيـه ماردت عليـة
گمـت نضفت الغرفة ودموعي تچري اكيـد هسة هو ديوصلهم
بَدلت ملابسي ولميت شعري مالبست شال البيت مابي احد مصطفى بده يداوم خليت ونزلت
البيت هدوء مبين موچ نايمة طبيت لغرفة خالتي لگيتـهه نايمة
نضفت بالبيـت شويـة و غسلت الطارمـة
صارت تقريبـا الساعه ب11 ونَص گلت خلي اطبخ
شوية وگعدت خالتي ام قحطـان كعدت يمي بالمطبخ وبدت تدليني ع الغراض وشي ونسولف ونضحگ
حطيتهم ع النار وكملت نضفـت المطبَخ شويـة وصاح الاذان رحنـه صلينه وكملنـه موچ لسة ماكاعده
كعدنه اني وخالتي بالمطبخ داراقب الطبخ شوية وسمعنـه سياره قحطان
فتحَ الباب وطب
طب للمطبخ نـزع حـذائة وسلم مبيـن تعبان گعد ع الطبلة رحَت جبتله مَي
خالتي ام قحطـان تحجي ويـا فمانتبهلي
خالتي گالتله اخـَذ المَي من مريم التفـت باوع لوچهي بتفحَص واخـذ المَي
گام اچـدد وصلـة اچينـه بالمطبخ ردت احط الاكل ع الطبلة خالتي كلتلي قحطان يحب ياكل بالگاع
صدوك واللـة فرشـت السفره بالگاع بينما راح بَدل واچـة
نزَل بملابسـه العسكريـة گال اكل واروح مـا الحگ بعَد
حطيت الاكل ع السفره گعد قحطان وخالتي خالتي گالتلي تعـاي اكعدي گتلهه ماشتهي
رفع راسة وگلي تعاي اگعدي اكلي واشرلي ع المكان الي بصفـة ابتسمت حتة خالتي متبيـن بشي ورحَت گعـدت يمـة صبيت الي شويـة و اچتي موچ تفرك بعيونهها مَن النعـاس
موچ:صباح الخيـر
الكل: صباح الضهر
قحطان:شنو هاي بابا الدنيـا الضهر ياصباح و دوامچ مبقالة شي عگب باچر اداومن ليَش جاي اتگعدين متاخر عدلي نومتچ موچ والموبايل قللي تره انتي سـادس
اني باوعتلهه وغمزتلهه اعرفـهه تبقة كاعده تحچي وي عمـار غسلـت واچَت گعدت
اكلنـه وكملنـه شوية وگال قحطـان
قحطان:شويـة واضن امچ تچي هنـا هيمن اكيد عنـده ليوم دوام ويـاي
فرحَت انو ماما حتچي بَس اذكرت حجيهه و تنهـدت گمـت سويت چـاي لقحطان بسـرعة وصعدت چبت موبايلي
خابرت حـور ماترد العوبة ردتهه تچي وي امي
مليـت ونـزلت لميت المـاعيَن ردت اغسلهن موچ گالت
موچ:لاتمثلين دور مرت الاخ الحبابه عود وبعدين اتسوگيني بغسل الماعين خليني اتعود من هسه 😂💔
يااا عزه هههههه عليـمن ولچ اني اسويهن وخـري هو شيرادلهن
موچ:لاعيني اني ولاطخة بالطبخ انتي عليچ الطبخ والچـاي واني عليـة الترتيب والماعيـن والبيـت عادي انضفه سوه
هههههه اوكي
صبيـت چـاي ثاني شويـة وگال يلا اطلَع اني
باوعلي احسه منتضر شي منَي طلـع للـدوام
اني وموچ كلشي كملنـه گعدنـه شويـة و انـدگت البـاب امي گالت امج اچت يمة
طلعت فتحـَت الباب صدك ماما
فرحَت من شفتهه بوستهه وگتلهه
هلا مامااا تعاي اتفضلي
اباوعلهه وچـهه ثكيل عليه ماحجت ولا شي وياية
اتنههـدت و سديت الباب ورحَت وراهه لگيتهه تسلم ع خالتي ام قحطـان طبينه گعدنه بالصالة ضلن يحچن سوه اني الدمعة بطرف عيوني
شوية ونـدگت الباب اچة مصطفى صبتله موچ غده وسلم ع امي وصعَد نـام
امَي شوية وگالت لازم اروح خالتي جلبت بيهه ماقبـلت وراحت مرت من يمي اباوعلهه وجهه كلش ثكيل علية اوووف اووف هيه هاي العـايزه
طَلعـت من البيَـت اني صعَدت لشقة راسـا
سديتـهه وضليت ابچي يعني من شغلة لشغله شلون بيـه
شوية ونـدگـت الباب مسحت دموعي فتحته موچ
موچ:شدسوين
مداسوي شي وواللة تعاي اگعدي يمي
موچ:عنـدي خبر الج يخبل
هههه اي واللة اطربيني مَن زمان ما سامعة خبر بي حض
موچ:عمـار
شَبي
موچ:اشترره سيـاررره اليـووم بقـت بَس اللمعاملـة
ههههه صدوك بربچ هلگد فرحانه تره واللـة عمـار چان عنـده سياره وارقة شي بس مَن سوه حادث عافهه شسالفتج انتي
موچ:اف لج مريم فرحانه تدرين ليش مو لان اشتره سياره لا لان گالي راح اجيبهه مَن تعبي وفعلاا اشتراهه
ضليـت اضحك عليهه فرحـانه حيل
خابرنه حور ايدگ وماتشيلة شسالفتهه هـاي
ضلينـه نحچي اني و موچ گالت ضوچة گامت فتحت التلفـزون طلعت mbc2 طالع فلم طفت الضوه واچينـه نباوعلة الفلم حلَو ضلينه نباوعلة حدما شفتـهه نـامت
غطيتهه و نصيت السبلـت وگعدت بالصالة وضليـت افكر بقههري وضيمي
نزلن دموعي بشكل لا ارادي حطيت اديـه ع وجهي وصعـدت رجليه ولميـت روحي وصرت ابچي
ع معاملة بابا وياي
نوب معاملة قحطان وياي
نوب ماما !!
واللـة لو اموت احسلي مَن هاي الحيـاه
شفت السـاعة ب3:30 د
گمـت رحَت لغرفتي نمَت يم موچ و وقـت الموبايل بـ 4:30
___
حـور: واللة العضيم اذاا متسوووليااا اطلعكمم كلكم ع الخط الاحمر ببـرنامج الارههـاب و اشتكي عليكم بالعنـف الاسررري
احمد: ولج ماتگعـدين انتي اول مره اشوف واحـد يداعي بعيـد ميلاده
عمار :شلون دگة هاي ولج اكعدي خل نزقنب
الجده:ازقنب انت ابن المطي احجي عـدل
حور: ههههههههههههههههه حلللللل ارتاحيت استاااذ عمـارر
ضاهر:صوتهه يلعلع ولج نصي صوتج
حـور: ضاهر لا تدخل اني ماحجي وياك داحجي وي اههلي بابااااااااااا شنووو يعني ماسووون عيد ميلادددي
حسام: اللله واكبررر ولج شتررردين صرت مطي من وراج انعمالله يمة
ولج بعـد بال7 ايام علة عيـد ميلادچ من هسه شعدچ چاي نكلج نسوي يا باباا ليـش تلحين
حـور: اي اي علة عنادد المضغوطيَن مني راح اسوي عيـد ميلاَد
ضاهر: العقـل منين عمـار ؟
عمـار: مَن اللـة ضلعي
حـور: مضغوطيـن مني نننن
وبعيددد ميلااادي اليوووم
اله العب جوووولا كوووليششش
رحَت للمطبخ واني اغني واركص مكيفة عيد ميـلادي مابقالـة شي بابا راح نام وبيبي وجدو هم وماما لحگت رجلهه متكدر بدونه 😂
واحمـد ومرتة طبوا لغرفتهم
ضلينه گاعدين اني وضاهر و عمار
ضاهر استوه جاي من الدوام و بيـت عمو اليوم بالزيـازه فحيبقة يمنـه بابا گله تعال يمنـه اكلك شي وخاصتا مرت محمد كلساع يم اهلهه وراحَت لاهلهه هيه
اچيتت لكيت عمار گاعد ع الموبايل ويضحك و ضاههـر صافَن
حور: الصفنـه للمطي مو الك ابو الضواههـر
ضـاهر: لانخليني اگوملچ چـاي اكلچ اتادبي ولاتگليلي مطي عمَار
التفت لعمار عمار يراسل بموچ اكيد 😂😂
باوعتلـه وگتلـه: كوليشششش بعد 7 ايام عيددد ميلادددي
باوعَلي وضحك حاجة عمـار رد علية
ضاهر: تعال شوف منو زحفلي اليـوم لك بنيه بالعبااس كل ولد الجامعـة مفهههيـن عليَهه
حـور: ابو الوصخ منو بحالك😒😒
ضاهر: راح اكوملج تعاي شوووفي منيه الزحفتلي وبساعتهه گولي ابو الوصخ
رحت گعدت يمـة عمـار يريد يباوع گتلة
ها ها تره اكول لذولاك النـاس
موبايلة دگ عرفتـهه موچ خلة و طلع
طب ضاهر ع الفَيس طلع صفحة بنيـة اسمهها
مَيار الدراچي
لسة اذكر اسمهه 😂
حاطة صورتهه طب ع الصفحة وگال
ضاهر: شووفي
باوعت البنيـة عيونهها عسلي طووخ وبيضة كُلشش وحلوووه كلش
اااي اي قشمرني هاي تزحفلك
ردت اگوم لزم ايدي
ضاهر: اوكفي خل اراويچ
طلع الماسنچَر وطلع رسـائل منـهه جانن كومة رسـائل مطلعلي غيَر الاخير ومطلع رده الـهه كاتبة
🏷️ضاهر بصراحة اني احبَك حيل ♥️
شفتهه اباوعلة وهو يضحك مدري شحسيت ماحسيت بروحي مَن برطمتت وباوعتلـه
ليش ضااام هل رسااائل انطينياا
ردت اخـذ منه الموبايل سده راسـا وحطة بجيبه وهو يضحك
انطيننننننناااا ماعليةة يلااا ضـاهههر انطيـنيااا
ضاهر: مانطي ولي بعدچ جاهله بي حجي كبار
عقجت حواجبي و دكيت رجلي بعصبيـة وگتلة
لاااا والللة شااايفني زعطوطة بلة كلي شگتلهه اي لو لا
ضاهر: ههههههههههه بررربج مخبل و اكول لااا اكيد اي اصلااا مكيف يمعوده
باوعتلة بقههر وبرطمـت وگتلة: زين تزوچهه
ضاهر: اكيد وبهاي السنـة
گتلة واني ع وشك انو ابچي: و بعد ماتحاجيني انوب لان هيه راح اتغـار عليك
ضاهر: لا مو ما احاجيج بت عمي انتي بعَد ع گد السلام وياج اوووف علمود عيونههها كلشي يههـون
وتزوج وحده كلهه حاطه عيونهم عليهه
ضاهر: المهم ازوجتني وحبتني الي ههههههههههه
حاجيتهه وعيوني مغرغرات بالدمع
ويمته تزوچـهه
ضاهر: لهل شههر يچـوز
نزلن دموعي بشكل لا ارادي وگتلة: لااا الللة عليك لااا تزوچ خليك اهنانه بعَد ما اعاركك واللة و ولا اعـاندك بس لا تزوچ
مچَرد شعور انو ضاهر هايهيه بعد مايتعارك ولا يشاقة وياية ماتحمله نوب گالي هيج راسا برطمت وبجيت من الصغر اني وضاهر دگ عرك يعني مستحيل اگدر اتقبل شعور انو يزوج ويعوفني ومن وحـده ونوب تغـار علية
گاملي والضحكة بحلگة وجرني من ايدي وصار گبالي
ضاهر: لابربج
جنت مدنكة ودموعي ينـزلن
رفع فكي بايـده باوعتلـة وعيوني مليانه دمع وگتلة
تره عيوني احلة من عيونهها
طگـهه ضحكه بصوت عـالي وگال
ضاهر: عود ليش تبجين قابل شنو مازوچ تره كبرت لازم ازوچ
گتلة اي اي ورحَت انجريت من ايدي
ضاهر عوفني خل اروح
صرت ع الحايط وصـار گبالي گالي بهمس
ضاهر: بس لو اعرف ليـش تبجين
صرت امسح بدموعي واحاجي عووفني يلا مابچي
اتقرب منَي و حط راسـه يم شعـري وگال بهمَس
ضاهر: عيوني ابتلَن بحب وحـده طفلة ومخبلة وگلبي عشـگهه وصـار ميشوف غيـرهه واللة جذب شبيج ههههههههههه جانت تحاجيني ونوب كالتلي احبك گتلههه مرتبط
كلامة مـاعرف شنو معنـا ارتبكت شلت راسي وگتلة
اااي ووومنـووو الخبلة الطفلة المرتبط بيهه
ضحك حَيللل وگال
ضاهر: وحَيـده شنو دفاع لنف اا قصد لمرت اخوچ مَن هسـة
مـدري ليـش احس كلامة زعجني دفعته حيَل ومشيـت وگتلة
تتهنون انت و ويـاهه
اسمـع ضحكتـه ورايـة خليت وصعـدت لغرفتي
گعدت ع الجرباية وصرت العب بشعري مثل المخبلة
ممم منو يقصـد لبنيه يعني معقولة ضاهر يزوچ ونوب مايحجي وياية واللة اكتلهه واموتهه ☹️
شنو هيـه بكيفهم هو ابن عمي قبل مايصير رجلـهه
__
مَريم: گعدت من النوم ع صوت المنبـه يدگ وماگعد بالخمسه خرب موچ نايـمة
گمـت غسلت ونـزلت شفت خالتي كاعده بالمطبخ وحاطة ع النـار مبينه دتطبخ
كتلها اخذتنه النومة كالت نوم العافيـة يمـة
شويـة وگعَد مصطفى ساعدت خالتي بالطبـخ موچ نايمة لسَه
كالتلي خالتي روحي كعديها دنيا مغرب رحت اكعدهه ماتقبل تگعد نفس حور كلش غثيثه بنومهه
كلت خليهه خطية نـزلت جوه شوية وصاح الاذان اجددنـه وصلينـه شويـة وطب قحطـان
مبين تعبـان رحت جبتله مَي واچيَـت يحجي لخالتي واني منتبهه لكلامة
يگلهه اليوم طلعنه من حلگ الموت
اني كلبي نغزني مَن گال هيچ
بده يحجي عن المهمه وشلـون اجتهن اخبارية انو 5 بالمكان ورايح بس قحطان و عدنان وطالعين 15 واحـد وكلهم مسلحيَن
گام صلـة وصعَد للغرفة يبدل خالتي گالتلي
ام قحطـان: يمة روحي وي رجلج خاف يريدلة شي
صعَدت ورا شفتـه يبوس راس موچ
گال بصوت هامس
قحطان:طفي السبلت بارده عليـهه
ابتسمت عليـهم و طفيـت السبلت هاي يمتـه تگعـد بعد شلون بيهه بلـدوام
رحَت للكنتـور طلعتلة اتراك مَال بيـت الـة هو واكف يكلب بموبايلـة شويـة و دگ موبايلة
قحطان:هههلا محمـد هههلا بيك خوية
ههههههههه عدنان مايخلي شي بالعباس لاتخاف ماصارلنه شي
اللـة يسلمك اي
هلههه بيكم ياابه هلا اي موجودين باالبيـت
ههههههه لا يمعود ويني وين الطلعة وي المـره ديلا منتضركم اللة وياك
سد الموبايل والضحكـة بحلكـة انطيتـه التراك وردت اطلع استوقفني كلامة
قحطان:تره الينطي الملابس لازم يـاخذ الملاَبس
نزع القميـص الي فوگ اني مـدنگة انطاني القمَيص واني متوتره هل حچي درت وجهي وسويـت روحي داسوي بالقميـص انطاني البنطرون اخذته سمعتـه يگول
قحطان:محمَـد ومرتة راح يجون يباركولنـة اتحضري
گتلة انشاللة رحَت حطيـت الملابَس بالحمام حتة اغسلهن
طلعَت لكيته لابَس التراك ويريد يطلع طلعَت ورا ماحچيت ويا شي غير انشاللة
كلما اشوفه اذكر شلون ضربني واحس كلبي ينمـرد
نزلنـه سوى خالتي تقـره قران
حطيت العشة لان اكيد جوعان هسـة كملت خالتي گتلهم يلا حطيت الاكل
خالتي گام تحجي ع موچ و ع نومـهه وتگول صايره ماتنشاف
قحطان: يمة شبيج خلي البنيه نايمة
ام قحطان: ولك يمـة يا اخليهه نوم العافية بس موهجي صعدن هيه ومريتك من يمتة وكعدنه وطبخنة وحجينه وصلينه وراح ناكل وهيه نايمة هم وراهه دوام هسه يمته تنام كلي
قحطان:خرب يومـهه عود گتلهه غيري نضـامچ هسه اروح اگعدهه اني يمه محمـد يتعشون ويچون
ام قحطان:لا يمة اكل جاي تعبـان اي يمه هلا بيهم
اا اني حصعـد اگدهه لا تگوم اكل
صعَدت بسرعـة الهه هاي شلون ويـاهه
موچ موچ اكككعدي ولج
موچ بنعاس:خليني نايمة مريم واللة اليل كبة مانايمة من وره ابن عمج نعسانه
ولج موچ كومي قحطان حيجيج واللة
موچ:اهووو وخري
باعي موچ گومي بسرعة اچوي اهلي وعمـار ويـاهم ابسرعة وسالني وينهه ادگ عليهه ومـاكو
بَس گتلهه هيچ هيه سوتهه طفره ونص ضحكت عليهه اذگرت حور من كتلها ع مصطفى
ضلت تحجي عليه گتلها خل ننـزل واللة قحطـان حيرزلچ
نـزلت ونزلت وراية
قحطان:هلا واللة هلا بابا حي اللة من شافج ئو صايره ماتنشافين بس بليل
موچ: اي اني مثل الگمر ماطلع غيرر بليل 😄
قحطان:دگعي لا كفخج وين موبايلج شوو انطينيـا اليوم ماكو تنامين من وقت باجر اخذچن شو وين تشوفن غراضجن مال مدرسة وشي عكبة دمواچن ههل روتين مايعجبني موچ انتي سادس موبايل تقلليـن منـه
اباوعلهه ارتبكت همزين عافتـه فوگ ردت اسد الموضوع گلت
اي صح موچ نوب نبدي اني وياج نقره و عوفي الفـون ونوم الـزايد همين خمول
موچ: اي واللة راح اغير روتيني كلة واللة
گعـدنه نـاكل كملنه واحنه سـاكتيـن گمـت سويتلهم چـاي وصبيتلهم وموچ غسلت امـاعين رحت طبعت نضفت الاستقبال والطارمة والمطبخ موچ مرتبته طبيت للصالة رتبتها وغرفة خالتي نضفتهه وكنستـهه كمَلـت موچ گالتلي روحي اصعـدي بدَلي
كملت ورحَت صعـدت لغرفتي حَرت شَ البَس اخَر شي طلعَـت فستـان احمـر قصيـر وبي حـزام ابيض ونَص اردان كلش حلو لبستـه ولبسـت حچل رفعـت شعري لفوك وعفتـه نـازل اباوع لوجهي ماينطلع بي هاي شصـايره مع انو مالي خلگ بس لازم احَط مكياج
حطيـت ضلال احمـر و چريـت الايلاينـر مچان اكو داعي احط كريم او شي موو مكياح كامل اني حطيـت مورد خدود وحمَـره حمـره طلعت فيونگـة حَمره وحطيتهه بشعـري كملـت ردت احط مَن عطري جذبني عـطره شميتـه يخبَل بس هو مبيـن رجلي صرت اشم بي حطيـت رشـَة منـه
شـوية ونفتح البـاب چفلت چني بايگة شي حطيـت العطر وره ادية دخَل هو عقچ حواچبـه وباوعلي مَن فوگ ليچوه حسـيته تخربطت احوالـة و گلي
قحطان:طلعيلي دشداشة
ماگدرت اتحرك من العطَر سويت عود نفسي قوية وحطيـت العطر ع الميـز باوعَلي
رحت للكنتـور طلعتله دشداشـة خليچيه ونطيتـههيـا احس اخذ نفس مني وگال بهمس
قحطان:اجيبلج منة ع عطر نسائي تره ههـذا مال رجاجيـل بنيتي
ارتبكت وگتلة
لا شكرا مـاريد بس جذبني شويـة
ماجاوبني راحط للحمام مبين يريد يسبح ضلَيت افكـر بي ليش ساعه يصير عصبي وساعه ينحط بالگلب ليش هيچ افعـالة واللة ديحيرني تنههدت اذكرت امي انوب شلون بامي ياربي اني شمسوية كاتلة سـيد وهيج دتعاقبني من شي لشَي
عَنـدي عَصـاير امي ماخلت شي ماجابتليا كرزات وعصاير واشكال والوان گالتلي خاف تستحين
نَزلـت 6 بطل عصير الگـزاز ونـزلت كيك ويـاههن سمعت قحطان گال
قحطان:اريد خاولي
فتحت المچرر بسرعـة وطلعتله المنشف مالـته ونطيتهيا
مصطفى چوه شلـون انزل هسـة ضلَيـت حايره طلـع قحطان وهو لابس ملابسـه ماحچة شي نشف شعـره اباوع لشعـره اسود بس بي طفار شَيب حسبالك موديـل كمَـل وحط عطـر راح اخذ باكيـت جگاير وفتحـهه باوعلي وگال
قحطان:شنو تنزلين هيچ
امم ماعرف
قحطان:البسي صاية فوگاهن
اي هم صَدگ راحت من بالي ههسالفة كمت بدون گلام طلعت صـاية وشَـال ولبستههن باوعَلي عقج حواچبـة
قحطان:مريم خففي الحمَره هيه حمره وقوي لونـهه كلش يلا خففي واذا تمسحيهه بعد الاحسن
باوعتله وگتلة:قحطان شنو السالفة يعني شبيهه قاابل اشحاطة انني
غمض عيونـه وگال: استغفراللة مريم روحي خففيهه ليش تسويهن مشكلة من شغلة بسيطـة
قحطـان تررا ههـذا موو حچي يعني شبيـهه حممرتي حتـةة بهههاي تـدخخل
قحطان:هههههههسههه ليـششششش هههل حجججي الززززاايد كككتلجج شييي سوووووي وانتتتي سـاااااكتـةة!
رحَت ولزمت الكلينس واني معصبة كمت ادردم و اوكع بالغراض عود بالغلط لزمت الكلينـس حسيت ايدي انلوت باوعت لوره هوه باوعَلي بنضـرررات غَضـبب وگالي
قحطان:مممرررريمم ياااامرررريمم شلووون وووياچ جججاااي اترررررجاججج اااااي جججااااي اترررجاج اتجرررريننن ععهعدلللل وياي لججج لليششش كرهههتتت ميسوووون لااان جانتتتت تصرررف نننفسسس تصررفاتتتج وووويايي مرررريممم لااتجبررريني اسوووي غيررر شي انننعلللي الشيطاااان وچررري عَدل
بلعمَت من عصبيته وعيوني دمعـن تركني وطلـع نـزلن دموعي واللة مادري ليش داسوي هيج وايا احس روحي طالعة ضليـت ابچي بالغرفـة سمعَت صوت موچ كمت بسرعة مسحت دموعي و مسحت الحمـره وحطيت خفيف و عدلت الميكب و نَـزلت لاگيت موچ تحجي وي مصطفى
نـزلت قحطان ولا يباوع لوچهَي نزل مصطفى قحطـان گالة روح جيبلنـا شو شنو گتلة لاا اني حَنزل عَصير و كيك نسيتهم فوگ بس نزلتهم مَن الكنتور اني مَن النوع مو كلش وي هسوالف انطيهن الحـور هسوالف
نـزلتهم ونزلت كتلهه ها خالة مابيهن شي هيچ گالتلي يمة خليهن مالاتچ خنجيب كتلها خالة المن رايدتهن
حطيتـههن بصينـيه مصطفى طَلـع للكوفي شويـة ونـدگت البـاب اني گمـت نزعت الصاية وعـَدلت شعـري اسمـع صوتـهم اني استحيـت شويـة
طبـت البنيه للمطبخ تلگتهه خالتي ام قحطان سلمت عليهه وطبت للصالة سلمت عليهه موچ رحَت سلمت عليهه وباركتلهه مبينـه حبابه حَيل
رحَت للمطبـخ جهزتهن شويـة واجة قحطـان اخذ الصينيـه اني هم رحَت قدمت الصينيـه ضلت تگول عليمن هالزحمه وماعرف شنو مبيَن عمـرهه صغيـر يعني يچوز اكبر مني بسنتين سنـة
ضلينـه نحچي شويـة. و وره ساعـة گتلها گومي خلي نصعـد لشقة صعـدت وياية راويتهـا الغرفة نوب هيه راوتني غرفتها بالموبايل كلش حلوه نوب گالتلي انتي شگد عمرچ گتلها 19 گالتلي اني 21 سنـه ازوچت محمـد وهو ربـاني هو ييصير ابن خالتي اني من بغداد وهو ممن البصره اوف لو شوفيـن شگد صارت مشاكل يلا اخذني ضلت تحجيلي ع قصتهم كلش حلوه
ضلـت تحچي وتگول اني ومحمـد اغلَب عركنه من وره دوامـة سالتهه لَيش تكول دوامة خفر واني اخاف عليـة واخاف بمهمه يروح وهو دوم عرك وياي ع هل سالفة وشكم مره اخلي وازعل كتلهه لا ومايصير وههـذا شغلة قنعتههـا انو مسؤليتهم ههـاي
گالتلي شلونه قحطـان وياچ گتلهههـا زين ههه كلها حسبالهه بيت و فلوس وشكل و وضيفة حسبالهه مرتاحة وي قحطـان بس اليدري يدري 💔
حبـابه حَيل ضلينـه نسولف وموچ غاطة وي عمـار كلساع واجتني تگمـز شووفي السياره شوفي السيـاره ضليَت اضحك عليـهه
گالت هَدى مرت محمـد خلي ننـزل صدوك واللـة نزلنـه گعدنـه بالصالة شوية واجة ولَد اشگـر وعيونـه زرُك ع ورود اجة شبگ خالتي ام قحطان ويگلهه بيبي عمَره بال4 سنـوات يمَشي وسوالفة و وكح بس يخبل المنعول
اجة الامـة وگللهه
ماما ماما ههاي العروسة
گالتله امـة اي هو مثل الخايف جريته وحضنتـه ضليت احچي ويا فدوه مشاغب و وكيح سوالفة تضحگ شوية وگال اروح يم عمو قحطان وراح
ضلـوا گاعدين ل11 ونص بعَـدين گالوا يلا نروح البنيـه ماقصـرت چـايبـة فرشـت چـربايه مَن هاي الزينـه گتلها ليش عذبتي نفسچ گالـت ههـذا واجبنـه ماننسـه وگفه قحطان بعرسنـه
راحوا شويـة ودخَل قحطـان گمت سويتله چاي اعرف ادمانه الچاي انطيتهيا سال ع موچ گتلة دتقره ساعه وسوتلنـه بليـة بعلي
خالتي طَبت نـامت مصطفى شوية واچة احنـه هم صعـدنه طب راسـا للغرفـة نـزع الدشداشة وضل بالداخليـات وتمدد ع الجرباية اني گمت ابلعم
اخَـذت دشداشة گصيره من الكنتـور وطبيت للحمام غسلت المكياج و لبسـتهه ورفعت شعري كعكة لفوگ غسلـت ملابسـة وطلعَت شريتـهم بالمشرة بره طبيت للغرفة اباوعلـة عيونه بالموبـايل تحولت اليـة راسـا
رحَت واني مرتبـكة طلعتَ المفرش مَن الكنتور هو بس شافني گال
قحطان:ماكو نومة بالگاع تنامين ع الچربـايـة
تنههدت وگتلة
قحطان اشضاررك انت اريد انام بالگاع شبيهه يعني
قحطان:ماعتقـددد اكوو سبب حتة تنامين بالگاع مريم تره صاابر عليچ هوايةة واللة يلا بسرعـة تعـاي نامي ع الجرباية وماررريد ايي حررف لا باللللقرررران تصيرررر سواية مو حلوه
استغفـرالللـة گلت هيچ بتعاچز خزرني طلعَت بطانيـه وسديت الضوه ونمت ع حافة الچربـاية اباوع الضوه مال الفـون مفتوح يعني بعده ع الموبـايل ضليت ساكته دموعي بدن ينـزلن صار روتين بحياتي البچي
سمعت صوت موبايلي يدگ يممي مابيه حيـل اگوم نعسـانه باوعت حور چاوبتهه
الوو هـا حور
حور : هامريومةةة شلونج موبايلي مجان عنـدي جان عد ضاهروو ردته يسويلي السكرين مايطك
هلا هلا بيچ وج نعسانه ونبي باجر نحچي
حور: ها يعني طرده
دنجبي نعسانه حيل ونبي امشي ولي
نهيت الاتصال ويـاهه شويـة حسيت بانفـاسة يمي درت وچهي شفتـه كلش قريب عليـة ردت اگوم چرني بسرعة
حضني حيل وگال بهمس
قحطان:تعبان واللة بلا حجي خل انام
دفعته بقووه باوعلي وگال بصوت عالي
قحطان:ووتاليتهههها وووياج تررره جاااي اذللليني بهههاي تصرررفاتج مررريممم تره انتي ملكي الي يعننني اگدرررر كلشي اسووي خووش ومووو انتتتي تمنعيني وكلمتي تمشيي فوگچ خَووش بَس كافي اااذليني وولووو اريدچ غصبـاااا ماااعليچ اتقرربلچ هسهه ماررريدچ
تركني بسررعة ودار وچـهه عني غمضت عيوني ونـزلن دموعي ضليَـت ابچي بههـدوء ماعررف احس نفسي تااايهه شوية سمعـت صوته يستغفراللة نوب گام
قحطان:هووووووو انتتتي مااااگادددددرررة غيررر ع اللببججججيييي لجججج رررراححح تخبببليينيي
حجة هل حجايات بعصبيـه وطلَـع اني ضليـت ابچي واشهههك ماعرف شبية بس اكرررررههه اكررههه ماررريد قربـه اَلي
نمت واني ابچي گعـدت الصَبح لگيتـه نـايم يممي والغريب هو نايم ع بطنـه واديه جوه راسـه واني محاوطه ضهره بايـدي خرب هاي شبيـه
گمـت غسلت ونـزلت كلهه نايمة ماعده مصطفى كلية تقريبـا بال11 خالتي گاعده سوينه غده گالت يمـة گعديهم رحَت صعـدت لغرفة موچ اگعدهه اگعدهه متگعد موتنني ماخليت شي ماسويته گلت هسه ايشكـون بيهه درت مَي عليـهه و گعدتـهه گوة رحَت لقحطان شفته گاعد وجهه ثگيل علية ولا يباوعلي تنههدت ونزلت صلينه وتغدينـه صعَد صعدت ورا انطيته ملابسـة وهوه ولا يباوع لوچهي
طلعَ للدوام موچ صعدت تخابر اجة مصطفى خالتس نامت گالي اني اصب گتله لا شسالفة گعدت اصبـلة شويـة و كمل وصعد نـام اني ضليـت حايره شسوي
صعدت لغرفتي شفت رسالـة مَن قحطـان
🏷️ لا تنسيـن اليوم اطلعچن مكياچ ماكو تلبسيـن صاية حجابج ضبطي عَدل
كتبتله
🏷️انشـاللـة
وگلت بداخَلي هه واللـة يـا اللـة يحط قرارات عليـة
نمَت ووقت الموبايل گعدت نفس الروتين صلينه اجة قحطـان تعشينـه وگال يلا حتة نرچع مَن وقت
رحَت صعَدت لبسَت صاية مرتبـة مثل لبشت مالي خلگة ابـد ولفيـت شالَي وكملَت اچة صعد اباوعلة وجـهه گالبه وثكيل ولا يحجي ابـد اني هم نطيته ملابس ونـزلت موچ مكملـة
شوية ونـزل طلعنـه ركبت بالصدر وموچ وره قحطـان گال نسيـت موبايلي راح يچيبـه صرت اباوع لبيـت عمو حسام مشتاقتلهم شويـة وسمعـت صووت قووي مَن بيتت عموو حسام صووت نفس الانفچـارر ماگدررت امـيزززه رجلية مايعينني انـزل سمعـتت صررريخ حـوررر و اني متتتت بـدممي اشووف قحطـان طلع يرركض ع الصايح اريد انزززل بعد ماگدر
توقعـاتكم ..
يتبـع
#الضابط_والجميلة -
#مفاجئ/الثـامن والعشرون
#alshabaniuh
للكـاتبةه : ࢪَ࣪يࢪَ࣪فـون ♥️
_
چـا شـيصير
مِن تـفگدنـي بـشلونَك ،
چـا شيـصير
مِن تشـيل هاي ألناس وتخَليني بعيونك ؟
_
رحَت صعَدت لبسَت صاية مرتبـة مثل لبشت مالي خلگة ابـد ولفيـت شالَي وكملَت اچة صعد اباوعلة وجـهه گالبه وثكيل ولا يحجي ابـد اني هم نطيته ملابس ونـزلت موچ مكملـة
شوية ونـزل طلعنـه ركبت بالصدر وموچ وره قحطـان گال نسيـت موبايلي راح يچيبـه صرت اباوع لبيـت عمو حسام مشتاقتلهم شويـة وسمعـت صووت قووي مَن بيتت عموو حسام صووت نفس الانفچـارر ماگدررت امـيزززه رجلية مايعينني انـزل سمعـتت صررريخ حـوررر و اني متتتت بـدممي اشووف قحطـان طلع يرركض ع الصايح اريد انزززل بعد ماگدر
نـزلت بسرعـة و رحـت للبيـت شفت ضاههر اچـة يريد يدخل لبيتهم باوعلي دموعي نـزلن وادگ بالباب بس اسمع صريخ بيبي وعمتي
اچـة يرگض
لكك ضاااهههر حور حور مدري شبيـههه
ضاهر:شنووووووو شبيـهههه
فتحـتلنه الباب اسيـل بسرررعة طبينـه للمطبخ اباوع ل حـور يم الطبـاخ واديـهه صخام وتبچي
راحلـهه ضاهر بسرعة واني رحتلهه عمتي يمـهه
وجج حوررر شبيچ عمممه احجيليي شصارررلـهه
ضاههـر راحلهه بسرعهه وهيه تبچي
حور: اخ ايدددي ايدددي
حط ايـدهه بسـرعة ع رجلـه ويصيحح شبيجج شبيچ ابااوعلهه روحهه راحَت ايدددهه صااارتت حممره گعدت يمـهه واهديهه
زعك ضاههر بينـه گال جيبوووو شيي خخلي اخذهه للمستشفى
عمار طالع و عمو حسـام هم طالع و احمد بالمكتب وعلي الدوام
رحَت اني بسرعـة جبت عباية عمتي ونطيتهيـا لبسهيـاا بسررعة وشالـههه طلعَت وراهم وعمتي تبچي گتلها عمه واللة بسيطة اصبررري لاتررحين ضلت تبچي كگوه اسيـل چرتـهه
طلعـت بسـَرعة ضـاهر يركب بحور قحطان موچود بالباب وموچ ويـاية
كلبي ناررر عليهه صريخهه وبجيهه هاي وين تتحمـل اجاههلت قحطان من خووفي عليـهع ورحت بسرررعة لضـاهههرر گام مايشووف دررربة يرووح منا يجي مناااا
ضااااهههر شبيككك خليههه وررره حتة اصعد وياهه
حطـهه وره بسرعة واني ركبـت وياهه و صعـد ضاههر بالسيـاره وسـاق ابسرعة
اذكرت قحطان عززززززه ياااربي حتة ماگتلة خل اروح شي يبووو شيخلصني منـه
حور تبچي وتشههك يمَي نسيـت كلشي وخليـت بالي يمـهه
حور ببجي:اااايدي ايددددي توووووجعني مووووتني. ضاههر ايديي تووووجعني
اباوع لضـاههر ايسووق بسررعة ويباوعلهه بقلق
ضاهر: اي اي ياروح ضاهر بية ولابيج اصبري رااح نووصل واللة يلاا شدددي حيلچ
طببت ايدهه بسرعة جوه العبـاية لا تتلـوث سوده علية شاغت روحـهه بس تبچي وحاطة راسـهه بحضني
وصلنـه للمستشفى بسررعة نززل ضـاههر واچةة سـاعددد حور شـافهه مـاتگدررر شالـهه بسرعة وطـارر بيهه
السيـاره ضلَت مفتحة كلهه ونبي مخبل رگضتت وررا
لكك ضاهررر السياره مفتوحة كلهه صددك تحجي البيبان وكلهه نطيني اقفلهه
هو شايلهه وهيه تبچي زعك بيـه
ضاهر:وووكتججج يااااامررريمم مممدي ااايدچ لچيبي اااخذي
مديت ايدي لجيبه بسررعة اخـذته ورحـت اقفلهه باوعت اخر الممـر قحطان واگف و يخزر بيـة گمت ابلعم اتقدمَلي وخزرني
قحطان:خووش مررريم سواياتچ كَثرررن بالبيـت اعلمچ
مارديـت علية رحَت بسرعة للسيـاره سديت البيبـان وقفلتهه لگيته وراي صااام ايـددده وشكلة صايررر هيج 😾
ردَت اروح بسررعة جرنني من ايددي همزين المكان مابي احـددد
حاجاني بهههمَس وعصبيـة
قحطان:لججج انتي وتالللي وياجج مررريمم تردين تجلطيني
قحطان مو وقتهه اترك ايدي اريد اروح لحَوور صدك تحچي انت
ضَل يباوعلي بعصبيـه خزرني و رخَة ايدي
قحطان:امشي وياي مووو طرطورر يمچ
اخـذ بايدي ومشـة بسرعة لقسم الحروق طبينـه سالنه ممرضـة گالت بهاي الغرفـة سمعَت صَريخ حـور و بچيهه روحي راحت ويـاهه نزلن دموعي بسـرعة طلعت ممرضة ردت اطب گالت مايصيـر ديوخرون الطبقة الي فوگ رتحت اني ردت اطب قحطـان لزم ايدي
باوعتلة بدموع :قحطان حـور
قحطان:لا تدخليـن هسه تطلع بسيطة انشـااللة
دفعَت ايده وصرت اسمع بدموعي سمعَت صوتة وهو يستغفراللـة صوت حور موتني تبچي وتنااشغ ضـاههر وين لعَد اكيد طب وياهه مايخليهه وحَـده
شوية و اچـة عمو حسـام خطية قلقـان واچة يركض النه قحطان طمنـه شويـة وطلع ضااهر معصب
ضاهر: هااااي اللللدكتورره اخ لووو الزمههه بككل قوتهه تسويلهه
قحطان: شهل ولدنه ضاهر جاا شسوي غير ههـذا شغلهه
حسام: عوووفوا الحجي ضااهر كلي حورر شلونهه
ضاهر تنهد وكال : زينه عمي وخرولهه الطبقة الفوك شوية مَن ايدهه متاذيه و ضربوهه ابـره مهدء
شوية وطلعـت الدكتوره تخزر بضاهر
ضاهر: ههههي شبيججج تخزرررينن بيةةة
عموو صرخ بي قحطان لزمه عززه العزاني مبيـن الولد فايررر هيه وكحة گامت تصيح وتكول دخل وحده للغرفة نوب تگلة اجرجرك بالحبوس وههذاا يهادد
اجوي امن المستشفة رادوا ياخذون ضاهر عمو حسام حجة وياهم وهيه تكللهم اخذووو ماعليكم بي نووب قحطان رزلهه باحترام 😂 وكال للامن عوفوا وطلعلهم هويته راحوا وهيـه بس تخزر
رزلوا ضاهر وضاهر فـاير طبعت الممرضة سالهه عمي نگدر نطب گالت اي طبينه اني وعمو وضاهر يمهه سوده عليه نايمة والباندچ لافينـه علة ايدهه
سال عمو الممرضة كلتلهم ل10 تكدرون تخرچونـهه
شوية واجوي احمد و علي وعمـار مبينين مفزوعين وشي اطمنـوا عمو گال روحوا كافي ردت ابقة ماقبل حتة عمتي كلولها شوية ونخرچهه ماطاني گلبي اعوفهه بس شبقة وياهه غير قحطان ياكل كلبي
طلعنه مَن المستشفة اني ويـا اكلتلي خوش هبطة ماضـل وكت خابر موچ اسمعة يگلهه بسرعة اتحضري يوو يعني نروح للمـدرسة وحور باجر مو ويانه سووده عليـه
سد الاتصـال وباوعلي وگال
قحطان:اااي ستت مريم تمدين ايدج لجيبه موو و فوكك ككل ههذاا المدامم تجاااهلني عبالك طرطور يمهه لج بسس فهميني يمته تبطلين هههذاا تجاهلج اليةة
باوعتلة وگتلةة
قحطططان كل خلكك ما الي
ضللل يعيط عليـة مبين عصب اني خنسـت وصلنه للبيت موچ شفناهه بالمطبخ كالت ها نروح كاللهه ماكووو طلعة
طَب للبيـت وهو معصب شفت خالتي سالتني علة حور گتلهن زينـه هسـه سالتني شبي قحطان ضليت اتلعثم بالحجي
اخرر شي گتلهه خالة خابروا گالت يا ول مهمات هايـه
اني هم نـزعت ونـضفت مسويات عشة گالتلي خالتي صعـَدي الج ولرجلج واكلوا
اني اصلا ماريد اكل ويا بس حميت الاكل و حطيت الي هم وصعـدت لگيته مبدل ونايم ويكلب بالموبايل
جبت الطبلة وحطيتهه يمـه
ماحچة شي ولاسوه شي اني هم سكتت شوية وگتلة
عشاك
قحطان :مارررريددد سَممم
حجاهه بعصبيـه باوعتلة بعصبية وگتلةة
قحححطان تررره ههههاي نعمةةة الللةة موووهيجج تحجي عليهه
قحطان:كككفرررتيني انتتتي حتتتةة استتتغفررراللة مررريممم كووومي مننن يمممي اعصااااابييي تلفااااانه
شلت الصينيـه وگتلة
اعصااااابك تلفااانه عليكككك قحححطان مووووتذب حرگتككك بيـةةةة
حجيت هيج جررر ايدددي حححيل وگعتتت الصينيـه مَن ايدي الصينيه جان بيهه مرگ وستوووني حاميتـه فحـاررر
وگع عع رجلي متت صحت اخخ بصوت عالي هوو گام ويباوعلي بغضب وجارر ايدي حسيته ما منتبه للي ديسوي ابـددد
قحطان:شوووفي لجج اتحمملتج بممما فِيَھ الكفااايه صوووتج مارررريددده يعععلةةة عليةةةة خوووششششش
حجة هل حجي بعصبية دموعي نـزلن نزل راسة شافني شايله رجلي ودموعي ينـزلن
تركني وكامم يتاففف ويستغفراللـة
قحطان:اتاذيتي ؟
گعدت بالگاع ولازمة رجلي باوعتلة واني ابجي بنضره حقـددد
قحطان: مررريممم لااتباوعيلي هيجج ليـشش تستفزيني
طلع بسرعة مَن الغرفة شوية واچة جاب ويا باندچ وعصاره
تقررب يريد يحطهه وكعد صار بمستواي جريت رجلي باوعلي وخزرررني ححيل وسحب رجلللي حيل
صحتت اااااه
احسـه ارتتبك وصااح
قحطان:ي االللسلاااام تحبرررني اااذيههه مشاايف ههيج مرره
حط رجلي ع رجلـة ودههن رجلي ودموعي ينـزلن حط البـاندچ عليـهه وگام
بلعتهه وگمـت لميت الماعين الي نكسرن ومسحت دميعاتي الي صايرات كلساع ينزلن 😂💔
گمـت واللة استحي انزلهن هسه شيگولون حطيتهن ذبيتهن بالساله مالتي هو نَزل اكـيد
حضـرت جنطتني وكتبي اف استحي اراوي وجهي للبنات مدري شبية هسه يكولن شبسرعة
حضرت صدريتي العريضة و قميصي وشالي وكلشي
حطيت شال ع راسي و ردت انزل سمعت بالغلط صوت من غرفة موچ بس شنو يجيب التايه اسمع تگول عمار يعني تحجي وي عمار
لا واللة البنيه شفطت دگيت الباب فتحته مثل الخايفة
طيح اللةة حضج صوتج وينن واصل انتي شلون بيج
موچ:عزه وني شمدريني خوفتيني عـابت
حضرتي ملابس؟
موچ:ي حضرت عمار يگول حـور صحت شوية ونطلعهه
اف تمـام يلا تعاي انزلي موچ قللي مخابرات مالنه خلگ مشاكل يمعوده
موچ:نازلة وراچ
طبعا موچ فاهيه وغبيه حتة مو مَن ذني البنات الي ملعبات ويعرفن اله هااي واللة كلبي ناغزني منهه ساعَه وفضحتنه العوبة
نزلَت قحطان و عمتي گاعدين بالصالة خالتي گالتلي شبيهه رجلج كتلها عمه كزازه طبت و طلعَتـهه
رحَت للمطبخ هسه عمتي تكول ليـش ماتعشيتوا خرب سويـت چـاي و نطيت لخالتي ولقحطان ولا يباوعلي شوية واچتي حـور ضلينه گاعدين سوه
تقريبـا صارت ال11 ونَص اباوع لقحطان عيونـه حمر صارن ويفرك بيهن
قحطان: يلا بوية اصعدن نامن موچ ماوصيچ والنبي محمَد اذاا ماتغيرين هلل نضام يصير غير حجي بنيتي
موچ: لاا واللة هااا اهاا حصعـد انام
قحطان:تمامم حبيبتي يمة احنه هم نصعـد مصطفى شوية ويچي
ام قحطان: نوم العافيـة يمه روحوا ناموا
محتـاچة شي خالة
ام قحطان: لا يمة ناموا تصبحوون ع خـير
الكل: وانتي من اهل الخيـر
صعدنه وموچ راحت لغرفتهه طبينـه للغرفـة قحطان مبين منعس حيل بس لآزم الموبايل مَن فتحة گام يضحك انغاضيت ليَش ضحك
ردت اغيضـة رحت للكنتور طلعت فراش
قحطان:شلووون سالفة ههاي مررررريمم عوفي الفرراش الجرباية موجوده
هسههه انتتت شعليك يا اخي خليني بحـالي
قحطان:يااابعـد اخوج يااخوية ليـش تشلعين گلبي تعـاي نامي ع الجرباية لاايصيرر غيرر حجي
اهووووو يصيررر غيررر حجي يصيررر غيررر حجي هسههه شترريدد مننني انتتت الززم موبايلك وهايهيه شنوووو هههاي
گام بسررعة مَن مكانه خفت انني وخررر البطانيه منن ايدي وجرني منن ايدي اضن ايدي راح تنخلع منن ورا
ماحس غبررر نرفعت ليفوگ شهكت بسرعة حطني ع الجرباية
قحطان:يلاااا ناممي بدددون صوووت لاا ومحمـد اكتلچ
باوعتله بعصبية رددت اگوم ماخلاني
ااااي موووتايهتلك يلااا وخرررر
غمض عيونه واخذ نفس گال وهووو صاك سنونه
قحطان: مريم مـاريد أذيج واللـة جري عَدلل وياي واحترميني احترمج بَس
نزززل لمستـواي بسرعة وصـاررر قريب مني حَيل وگال وهو ياخـذ نفس
بَس اذاا ماچرين عَدل قسمم باللـه اندمچ ع الساعه الي عرفتي بي قحطان و اراويچ وچه قحطـان الثاني
وخر بسـرعة منـي ماتجرات وتحركت طفة الضـوه واچة ع الجرباية اتغطة وياية بنفس الغطة سحبت الغطة مالتي وتغطيـت بي
صارن دموعي يچـرن بههدوء شوية وحسيـت ع الم بـصدري بس شنـوو الةة موطبيعي الالم ضليـت ابچي بهدوء احَس رووحي طلعَت حسيت هيج شي و وكع عليـه ضليتت ماتنفس ابَـد ودموعي يچـرن رااسي بددده يواجعني غووشن عيوني گلت هـاي نهايتي ندعيت مَن گلبي قحطان مايحس علية
ماريد شي بالدنيـا بعد مابيهه غيرر الهم
شوية وماحسيـت بـأي شي
__
السـاعة ب1
حور ببچي: جاي اكلكم توجعني تحرگني واللة
ام احمد: يمة انعلي الشيطان لاا توهوسين حطيتي بالج ويـاهه اهدي ونامي
علي: شو انطينيـاهه
حور ببجي: ما ما واللة اخاف ما اراويكيـاهه
ضاهر: اكعدي حور مراح يسويلج شي مابيده شي بس يشوفهه
عمـار: هاااي مو مال عين واغاتي خل اگوم امطلهه 😂
حور ببجي: باباااا صيح بيي
حسام: ولك عمار لاتخبولني بنص اليل اسكت بابا شوفي بس يشوفهه مابيـده شي يلاا شوو غمضي عيونچ وكولي ياا رب خل يشوفلچيـاهه يجوز شغلة بسيطة
علي: يابه والنبي مابيدي شي ياعيني شو تعاي بس اشوفـهه خاف شي ودتلتهب حتة نتلاحگها حور يلا
حـور ببجي: ما ما جاي اكلكم تحركني ماطلعهه
عمار: والنبي مابيهه شي بس حطت بالهه وياهه هايهيهه كام تبجي جنهه طلَي تريد تدلل
حسام: عممماررر شبيكك بوووية
عمار: خل اصعـدد احسلي وانتي ضلي انغطي جنج ططوة
حـور ببچي: اااي اااي ههاااي لوووو حبيبه الگللب م..
اجة عمار صم حلگهه وشاورهه
عمـار: اطيج خمسة بس اسكتي
حور ببچي: اااي ضملياهه بعدين اخذهه باباااا ايدددي توجعني
عمار خاف لاا تفضحة خلة وصعد
حسام: اااي ياا بابا شسويلج هسه لاتعذبيني خلي علي يشوفهه
ضـاهر كام كعد يمـهه
ضاهر: عوفي البچي وهاج موبايلي شوفي ذيج البنيه الگتلج عليـهه
حور ببچي وتباوعلة: منيه منيه
ضاهر: شبيج هااي الصارحتني هسه هم راسلت لزكت ههاچ شوفي شرسلت واكتبي انتـي
حـور ببچي: ايااا كلبة بت الكلب اطينيـاهه
ضاهر غمـز لعلي علي بده يفتح الضماد وحور حاطة موبايل ضاهر ع رچلهه وتكتب باليسره و ماده ايـدهه لعَلي
حور ماخلت شي ماكتبته للبنيـه وكالتلهه اني حبيبته وحضرتهه عَلي كمل يريد يشده مرره ثانيه باوعت لعلي وبچت
حور: اخ اخ توجعني
علي: ايااا منعولة مااينلام وياج عمـارر ولچ صااارلي سااعه اسوي بيهه ماحجيتي شي يلا اشش خل الفـهه
ضاهر همس باذنهه: اف اف طلع عنـدي حبيبة صاكة واني مادري
حـور وهيه تبجي وتباوعلة: انچب انتت انچب
ضاهر :واللة لوووما مريضةة اااعررف شلوون أدبچ
حسام: كافي نگرة شبيكم
ام احمد:هايمة بشر
علي :مابيها شي يمة مچَرد تهلوس يلا نامي هسه واذاا تاذيتي صدك دكي باب الغرفة عليه نعست وراي دوام تصبحوون ع خير
الكل: وانت بخَير
ضاهر: يلا عمي اني هم اگوم نعست حيل تصبحون ع خير حـور نامي لاتضلين بالج ويـاهه
طلع ضـاهر و امي وابوية گالولي تعَاي نامي يمنه كتلهم لاصاعده لغرفتي
صعَدت واني ابچي حتلا مَن توجعني بس اخاف منهه
نمتت ع فراشي شوية وحرگتني حيل فتحت موبايلي
المطي متصـل الان
🏷️ شدسوي گاعد؟
مـارد دزيت
🏷️ وينك ماتترد؟
هم مارد
🏷️ صوچ التراسلك باي
حطيت الموبايل ع الجرباية بس صدك انزعجت يعني ويامن يحجي بههل ليـل شوية واندزت رسائل مارديت دموعي نزلن ونوب هاي توجعني
ضَل يدك ماچاوبت شفت دزلي رسـالة
🏷️اذا ماتردين اجيكم هسـة
مافتحتهه بس طلعتلي مارديـت ماهتميـت لكلامـة انوب گابلت ايدي وكمت ابچي نفس الطفلة شلون بية انوب وباچر ماروح للدوام عود اول يوم بعد الاحسن بية حَيل اگعد مَن الصبـح شوية وگلت اف ع اساس صدگ حيجي بالنص ساعه وشفـت الباب مالتي نفتح وچان يطلع ضاهر اني شههكت عزززه ههـذا صدك سواههه
ضاهر: صارلي ساعه ادگ عليچ ليَش ماتردين
باوعتلة وبرطمت وكتلة: ويامن چنت تحجي
تنهد وعاف البـاب مفتوح واچة
ضاهر:واللة العضيم وي دكتور ومسوي كتم خفت عليچ وصرت اتراسل ويا هاچ شوفي
وگف يم الجرباية وفتح موبايلة وراواني وهو بيـده
باوعتلة وگتلة
تمام
طلَع من جيبـة عصاره وگعد ع الجرباية
هاي شنو
ضاهر: حوريتي مرهم واللة حتنسين كل وجعج الدكتور گال و رحت جبتلجياهه واچيت
ما ماريد حباب ماريد
غطيت وجهي وخر الغطة عن وجهي وگال
ضاهر: شلع گلبي المبرطم گومي ياعيني بداعتي خليني احطلجياهه وشوفي يلا مو صرت حرامي بنص اليل من وراج
باوعتلة بدموع: بس اخاااف
ضاهر: افة ابن عمج يمج وتخافين؟
افف گمت كعدت ع الجرباية ومديتلة ايدي بده يوخر بالباندچ ويحجي وياية حطَلي المرهم حرگني شوية نوب صـار عادي
طلع من جيبة باندج ثاني جديد كسر جيسة و حَطه ع الجرح كمت اباوعلة بتألم گلي
ضاهر: دوري وجهج لاتفكرين صغيرر
درت وجهي وكمـل كال
ضاهر:ها اها و ان جان كملنه وجعتج
شويونه
ضاهر:ههههههه ريت هل شويونـه بيـة يلا نامي
ما جاييني نوم ☹️
ضاهر:كافي تبرطم بوية يلا حبيبتي نامي شو
نمت وغطـاني استغربت مَن باس راسـة وگال
ضاهر: تصبحين ع خير امي خبلتي
ابتسمتلة وگتلة
وانت بخيـر مطيي
عقج حواچبة
ضاهر: هااا مو مريضة انتي لاتخليني اجيج
لع لع حنامن ولي يلا
ضاهر:سوي زين وذبة بالشط
ضحكت وضحك طَلع صار بالبا وهمسلي
ضاهر: طاحضج صرت حرامي ابيَت عمَي
غصبااا عليك
ضحكت و گال والبسمة ع وجهه
ضاهر: بعدين احسابج يلا نامي
هزيت راسي بالايجاب وطلَع وسد الباب
نمَت واني فرحـانه ماعرف ليش باوعت لايدي برطمت والدموع تجمعن بعيوني ولا اگعد راحة خليت ونمَت 🙂
____
مَريم: گعَدت السـاعة بال6 تقريبـا اباوع لنفسي جسمي بكسر باوعت اني بحضَن قحطـان وحاضنته وهو حاضني وحاط راسـة يم صـدري
بلعمَت وگمـت مَن حضنه مـاگعد بدلت ملابسي وحطيت شال ع راسي ونـزلت لگيت مصطفى ميدل ويريد ينزل صَبح عليـة ونزلنه عمتي غافيه باللصالة والسيحة بيـدها
راد يطلَع گتلة خل اسويلك ريوگ موچ گالت مايطلع بدون ريوگ
گعد بالمطبخ كتلة شتريد بيض اجبان گلي لاتعبين بس چاي وطلعيلي گيمَر مَن الثلاچة
گتلة اسويلك بيض اللة عليك
مصطفى: يمعوده حتة تشرد مَني المره مَن الزفر
ضحكـت و حطيـت الچـاي ع النـار و طلعتلـة الگيمـر حطيتلههيـا بمـاعون وحطيـت يمـه مربـة سويتهه اتشههي هههههه
صبيت استـكان چاي وانطيتهيـا
مصطفى: اوووه عاشت هل ادين يوم عرس رچلج
ضحكَت عليـة وگتلة
خل نعرسك ونوب اعرس رچلي
تنههـد وگال
مصطفى: يمعوده هو رجلج موتني يگلي الة تععين ومدري شنوو هسه ياااريت بَس عقـد قررران ضال اللة وكيلج اباوعلهه من بعيد وبالختلات احجي ويـاهه تعرفين السمعة ونوب البلكلية شلوون يرردون فضيحة بالعبـاس چزعَت هسه لو بس عقـد حتـة تصير كبال الكل مرتي
بههل اثنـاء بعدني ماحاچية طَب قحطـان
قحطان: هَا يابه چاي تشكي لمرت اخوك علة اخوك يخوي
مصطفى: هلا يابة ههههههههههه حضي انت اجيت بهههاي ما اجيت من گلتلها يووم عرس رچلج
قحطان بضحكة: ههههههه چـا اذاا هيج الحچي انه اخوك مصطفى
گعد يمـة رحَت صبيتت چاي گتلة
احطلك كيمر لو بيض
قحطان: ولاشي بَس چاي اريد
انطيتـه الچـاي ووگفـت يمهم
قحطان:احجيلي شبيك بابا
مصطفى: قحطان مَليتتت مو حجي ههذا يعني بالختلة بالكلية احاجيهه
قحطان:يلا عمي هل ايام نسوي العقد بس هدي
مصطفى:صدك واللة
قحطان: اي واللة
اباوع لمصطفى خطية فرح ضلوا ياكلون ويسولفون گعدت خالتي هم صبيتلهه ريوگ وچاي وگعدت تاكل اني ماشتههي اليوم
صارت بالسبعة الة
قحطان:شنو اليوم ماترحن للدوام يلا بوية گعدي موچ
عزززا نسيـت وننبي كمـلت البيًدي ورحَت صعدت گوة گعدت موچ گامَت
طبيـت لغرفتي ع السريع اخذت ملابسي وطبيت سبحت ولبستهن طلعًت لكيته موچود ماهتميت للوجوده صرت بسرعة البس مشطت ونشفت شعري ولبَست الشـال شلت جنطتي وحـذائي درت وچهي شفته انطاني الصاية
ش شنو هاي
قحطان:البسيهه ماترحين بس بالصدرية والقميص
بس اني اريدهن الدنيا حارره
اخذ الجنطة من متني وگال
قحطان: بس اني اريدهه
اخـذتهه مَن ايده بدون نقاش ولبستـهه لبست الجنطـة ونزلنه موچ هم نَزلت گال يلا اوصلچَـن
شفَت عمـار ديطلع بسيارته يريد يروح ابن الاوادم اكل موچ اكل بعيونهههـا
طلعنَه ورحنه للـدوام ماحجيلكم شون بده الاحراچ مَن البنات وشون وشنو حتة المدرسـات سـألني بدينه ندرس وانطوا دروس مَن ليوم
رحت لصف حور و اخذت الدروَس من البنـات
بالطلعة لگينه قحطان منتضرنه صعَدنه ويا سالنه شون جان يومنه مبيَن يريد يروح للدوام اخذنـه للبيـت وراسا راح للـدوام اوف حتة مـا سـألتة اكلت لا
طبينه للبيت البيت نضيف وخالتي مسويه الاكَل خطية تغدينه اني وموچ وصلينه و نضفنه المطبخ وصعدنـة نمنه
ع الفراش وصرت اتخيل من مـؤيد اقتربلي ضللن دموعي ينزلن ماعرف شون تاليههـا بعَدهههـا نمَت ووقت موبايلي
گعدت نضفت وقرينه ني وموچ يعني روتيـن عَادي كَلش اچة قحطـان بعَد المغرب نفَس شي ومچاههلني بشكل
رحنه نمنـههم طلعَت الفراش وردت افرشة رزلني رزالة معدلة ونمَت ودموعي بخـدي كعدت من نوم نفس الشي الگي نفسي بحضنـه
الروتيـن نفسه نگعد صبح ويودينه قحطَان حور اخابرهه تگول احسن بس ماداوم منا للاحد الجاي فردور 😂
بدينـه شوية دروس وضغوط تصيـر واحاول اوازن بينهه وبين البيت وخالتي ابـَد ماتقصـرر
قحطان احسة متجاههلني نههـائيا اني هَم چنَـت مركزه بَس بدروسي ودوامي
مَرت الايام حدما اجة يوم الخمَيس داومنـة عَادي طلعنَه مَن الدوام قحطان مدري شبي مو ع بعضـة مبين عصبي ومالة خلگ
صعَدنه ويا وصلنه للبيـت وراح للدوام يوو يوم خمَيس اليوم نضفنه وكملنَه صعـدنه نمنـه مَن تعب ماگعدت غير بال5 نفس الروتيـن اچة قحطَـان احسة عيونة بگصته مَن لعصبيه حتة مـا اكل راسـا صعَد نام ماعرف شبي اني هم ضلَيـت يم خالتي ملتهيه بالشغَل
___
قحطـان: طبيـت من الـدوام ضليـت اباوعلهه اخ اخ منچ
اجت جابتلي مَاي ضليت اباوعلهه حسيتهه رتبكت
كتلهم اكل واروح للـدوام
كعدنه نـاكل وكتلها اكعدي يمي هل مره ماعانـدت واجت گعدت يمي
رحَت للدوام وبالي كله يمهه اخ بس لوو يراسلني ولا راَسل ابد
شوية واجتنه اخبارية ع مكان مخدرات وكالو بيهه 5 اشخاص رحنه ونغدرنه طلعوا بال15 بس ني وعدنان والحمدللة عدت ع خير
رجعنـه للبيـت صرت احجي و بامل منهه تسالني شي بس هيه ابد هه عود هم مزوچ اني
صليت وصعدت الغرفتي موچ موجوده اجت وراية
محمـد خابرني وكال راح نجيكم ضليت احجي ويا
طلعتلي ملابس گتلهه تعاي اخذيهن حبيت احرچهه خدودهه صارن حمـر ههههههههه
نزلنه جوه واكلنة كملنه روتين عـادي
صعدت وره شوية صعَدت وراهه ضليَت فاتح حلكي عليهه اخ خرب يومچ مريم
بلعمت وگتلهه طلعيلي دشداشة شفتهه شايلة عطري گتلهه اجيبلج منه نسائي كالتلي لا ماريد مو صوجج صوج اليحاجيج
خليت وطبيـت للحمام سبحت وكتلهه اريد خاولي انطتنيـا طلعت شفتـهه گاعده نشفت شعري وكتلهه البسي خننزل
صدك واللة لبسـت صاية وشال ركزت بيهه حمرتـهه حمممره وطوخ گتلهها مريم خففيـهه باسلـوب حَلوو
بدده نترهه وسوالفهه احسههه مو مريم اموت من هتصرفـات
اتنتاگرنه ونزلت روحي طالعة صااايره نگددددية كلشش
نززلت سويت روحي ماباوعلهه ومجاهلهه بس اني بالي وعقلي ويـاهه
كلت لمصطفى يجيب شو شنو گالت لا اني اجيب
راحت صعدت وجابت عصاير ونساتل
اجو بيـت محمـد لتهيت ويـا نحجي ونسولف وابنه فدوه يخبل ولاگعد انوب اچة يكلي مرتك تخبل اطينياهه ازوجهه الحقير ابو راح يكتلة الة شوية 😂
راحو بوقت متاخر طبينه كعدنه تفاجات من جابتلي جاي ممم عرفتني شنو احب همين
صعـدنه لفوگ نمت ع جرباية هم طلعَت مفررش اني تخبلتتت اريدهه يمي تعوودت عليهه وعلة عطرهه لمن تنامم
اتعـاركنة وجانت تجبرني اصيح عليهه خفت لا اخسرهه بسبب عصبيتي جاي اتعصبني حيـللل واني مالزم اعصابي
شوية وخـابرتهه بت عمهه سديت الموبايل اجاني عطرهه تقربت منهه لا ارادي دفعتني قووي
من دفعتني اتجنننت عيوني صااارن بگصتي
ضليتتت احجي وياهه بعصبيه متحجت شي درت وجهي ونمت واني مفورر سمعت صوتهها وهيه تبچي اتسودنت زعكت بيهه ورحت طلعت مللتني من الدنيا والبيهه
ضليـت بليل طالع ل2 رجعت للبيـت لعبانه روحي لفيت راسي ونمـت
كعدت من الصبح ماباوعت لوجهه رحت للدوام گتلهه و وصييتهه ع الطلعة وكتلهه مكياج ماريد وصايـة هم
رجعت للبيـت بدلن وكملـن وطلعنه نسيت موبايلي طبيت اجيبه وصلت للطارمة سمعت صوت قوووي تخبلت كلت هاي شكو
طلعت سمعته من بيت حسام ركضت لتجاه البيت مريم اجت وراي و ضاهر اچة
طلعت حور متـأذية طلع ضاهر شايل حور ومريم وررا حتة ماكالتلي حور طبت واني گلت يلة يجوز توترت رحت وراهم للمستشفة اباوعلهه مدت ايدهه لجيبه اني متتت صدك عصبت اخذت السويچ واجت بتجاهي
ماردت علية ب اي شي راسا راحت اني تخبلتتت رحت وراهه المكان مابي احد جريتهه من ايدهه وضليت احجي وياهه هيه مجاهلتني صدكك استفزتني
طبينه للغرفة للمستشفة ع خـدهه شوية واجة حسـام
مر الوقت واحنه رحنه خابرت موچ كتلها تحضري انروح مرتي العزيزه غثتني تعاركنه ورجعنه للبيـت
نفس الشي بليل هم تريد تنام بالگاع مووتني ردت ازيح الگاع نامت وحضنتـهه وصرت ابوس بيهه نومهه ثگيل مبين
طول هل ايام حبي الهه يكبر مـؤيد ابد ماخابر تستفزني هواي اتعلقت بحضنهه بشكل لا ارادددي
بالفتـره الاخيره بده يدزلي الكككلب ررسااائل وررراساا يغير السيم كارت اعصااابي صااارت عالية ومالي خلك لاي احَد
يوم الخميس اجيت من البيت طلعانه روووحي
منن رساائلة من الممهام الي شيبت گلبي
رجعت للبيت وصعدت نمَت
وجهي مثكلة عليـهه كلش مالي خلك احجي ويـاهه ابـد
بَليل گـاعدين سوى گتلهم اني طالع اشتم هوى ختنگت
طلعت و شويـة وخابر رقم اني گلبي فززز رفعت الخط صووت ولَد ماعرفة گال اني مـؤيددد ويضحك
جنت قرريب يم ابوو موبايلات بسررعة طبيتلة اشرتلة يسكت وسديت السماعة وگتلة بسررعة طلعلي هل مكان
بده يمخرط بالحجي و ابو الموبايلات يشتغل اشرلي بمعني تم اني ضليت اجرجر بالحجي ويـا
الكلب صار يحجي. الحجي البررسائل صعدت لسيارتي للمكـان
بشقة شفَت ولد واگف ويخـابرر اني عرفته هووو رحت ورااا التفت مـؤيدددد
باوعلي وارتبك وررركض بسرررعة
ركضـتتت وراااا ووو
ماكلكم توقعاتكم خلاص حيلزم مـؤيد ♥️✌️
بس شنو توقعـاتكم برده فعَل مـريم
حتبقة وي قحطـان لا
يتبع
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: