#الضابط_والجميلة -
#البارت السـابع عَشـر -
#alshabaniuh
_
للكـاتبةه : ࢪَ࣪يࢪَ࣪فـون ♥️
_
فضَت الصيّف من الشتأ
هم هالشَكل حبنا أنفض!
_
موچ: ع عمـار
عمـار وهو يدور وچـهه: موچ
موچ: ا اريد ا احجي ويـاك
رفع حاچبه وابتسم ابتسامـة جانبيـة
عمـار: اي تمـام احچي بَس ليَش هل مسافة تقدمي مو احسَن
موچ: ها لا مو بس
عمـار: تمام اني اتقـدم الچ سـت موچ
موچ: تقـدم الي وي كل خطوه منـه كلبي يرچف دنكت وصرت افكر باديه
قرب عليـه كلش
عمـار: يلا احچي
موچ: انو شسمـة باع انو
ضحك بخفة وگال: انو شسمـة عباس جاسم كليلي
ابتسمـت بخفة ورفعت راسـهه وگالت: عود ليَـش ماتشتري موبـايل
عمـار :اكو نـاس يغـارون
باوعتلـة وهيه مصغره عيونها 😑
موچ: وعليمَـن اغار
عمـار: هههه يجوز مو انتي هل نـاس
موچ برطمتت وباوعتلة : ها
عمـار :هههههه استغفراللة بوية هسه شتردين احجي لا روح
موچ: ها لا لا تروح اممم عمـار اشتري موبايل كافي عنـاد هاي اني جاي اكلك اشتري موبـايل هايهيه تره اهلك دتقلقهـم عليك
حط ايـده ع خصرهه وقربـهه اله
وحط راسـه يم كتفـهه وگالـهه بهمس
عمـار: احبچ واللـه
سحب ايـدهه الي ترچف وحطـهه ع كلبة وهمس
عمـار: وهـذا مـاحب غيرچ
موچ: جسمي يرچف من قربة الي نفسي ثكل اريد اوخره ماكدر صرت اباوع منا منا خاف يجي احـد كلماته هزت كلبي ههز
ع عمـار لا يجي واحـد وخر حباب
عمـار : مَـن اشتعلو اهل عمـار واللة ع هل اخبـار الـه اركعلي ايفـون يطگ بالگـاع
موچ: ابتسمـت ع كلامـة وكلبي يدك باالثانيه الف
سمعنه صوت الباب مال غرفة حور انفتح اني طفـرت
شفت عمـار مسح وچهه بـايده وگال
عمـار: اشتعلووو حـور
موچ: رحت بسرعة منـه ايدي نلزمـت التفت باوعتلة وباوعت لايـدي
چانت ضحكته ع وچهه غمـزلي وگالي
عمـار :حسابچ ماخلص
نترت ايدي منه بسرعة وطبيت للغرفة ما اهتميـت لوجود البنـات اتكئت ع البـاب وحطيـت ايدي ع كلبي ومبـاشرتا ضحكت مـا مصدگـة ونبي 😩
اچتي حـور وتضحگ ضربتـهه ع كتفهه وگالت
حور: طكوو ياب طكووو
موچ: باوعتلهن ثنينهن بحلكهن الابتسامة عززه هاي شسويـت اني
حـور: هههه يابه بَس اني حضي ما مكبلة كلهه مكبـله
موچ: عزه ولجن مدري شلـون حاجيته يبووو
حـور: ههههه المهم حاچيتي
مريم: اللـة يديم الفرحـة عليهم
عمـار القديم مَن زمان افتقـدنـا
تنههدت گعدت موچ وضلـت تحچي وفرحـانه
واني بالي مو يمهـن اخـذت موبايلي اديـة ودني لصفحتـة م ناشر ولا شي
ضليـت اگلب بمحـادثاتنه عيوني دمعـن راسـا عفـت الموبـايل وضليـت وي البنـات يحچون و اني اسمعلهن وبَس ابتسم
النـار والوچع الي بـداخلي محَـد راح يكدر يحَس بي
عايشه بيـن نيران
شويـة وموچ گالت لازم ارووح كالتلهه حور ابقي گالتهه لا مـاگدر
راحَـت اني تمـددت كلت لحَور اريـد انـام
گالت يلا نامي حنـزل اني طلعـت مَن الغرفـة
نمـت ع الجربـاية وطلعت محادثاته
دموعي صـارن ينزلـن بشكل لا ارادي
طفيـت موبـايلي وحطيت راسي بالمخـده وصرت ابچي ياربي ليش هيج شصـار وياية اريـد اذكر دخيلك رَبي اطيني القـوه بعَد ماكدر اقـاوم واللـة
سمعـت صوت حرگة بالغرفـة كتمـت انفاسي وسويـت نفسي نـايمة
سمعـت صوت امي تقـدمت يمي وضلـت تبجي يم راسي
اني مـن سوت هيج تخبلـت شلون الغصـن اليريد يوگـع
نهـاريت بالبچي اريد اسيطـر ع نفسي مـاگدرت طلعـت صوت ب بچي غصـب عنـي
مَـسدت ع شعري وگالتلي
ام مريم : اشش لا تبچين ماما نـامي وارتـاحي گـافي بچي انشـاللة مريم العـذراء تطلع حقچ منـه
مسحـت دموعي ومـاسويت اي رده فعَل كالتلي كومي اكلي كتلـهه ماريد حبابه اريد انـام
توسلت بية ماقبـلت گالت شوية واجيج
راسي احسة يريد يطُك
نمـت راسـا وبعـد مادري بالدنيـا طشت لو رشـت
گعدت ع صوت مـامـا گالتلي كومي يمه الدنيـا مغرب مايصلح تنـامين
جسمي مكـسر اخ كمـت كالتلي يلـة گومي انزلي
گتلهه هسـه چاية هيه نزلت اني ضليـت بفراشي دايخـة شويـة وگمـت
شفت وجهي بالمرايـة ملعوب بخلقتي جولا
خدي الايمـن بي چلخـه اذكرت شلون خرمشني نـزلت دمعتي غصب عنـي مسحتـهه بسرعة
راسي يوچعني اريـد امشط شعري ماكدر اففف
نـزلت لچوه محـد مـن الولد موجود بس البنـات وچـدو عمو حسام مطلعة للدكـتور
بيبي ومرت عمو وماما وحـور. واسيل كاعدات بالمطبخ رحـت كعدت يمهن ابتسمَلي
احس نفسي بيـة نقص 💔
والكل مستصغرني ماعرف احساس جان
بيبي گالت تعـاي اكعدي يمي رحت گعـدت يمهه
يسولفن واني بغيـر عالم بس اباوعلهن وابتـسم
شويـة واندكت البـاب طلعت حوو اجوي عمـار وضاهـر
حـور تصفگ وتصيـح جبنـاهه واجت ويـانه وتهلهل
طبـو يضحكون وضـاهر يصفگ ويـاهه طلع عمـار مشتري موبايل
خرب واللة ضحكوني
حـور الة شوية وتهلهل
طلعـة ايفـون چـايبـه بَس كلش حلو
اني كرهت الموبايلات كلهه ماودي احجي او اسولف وي اي احد
اذكرت المدرسة شلـون بيـة بل مـدرسـة
اخ ياربي دخيلك يا ايوب انطيني مَن صبرك 💔
ماتحمل واللـة 💔
اچة عمـار گعـد يمي يراويني الـموبـايل نفس موبايلي مشتري
يضحگ ويسولف اوف خرب يومك عمـار هيج الحب سوه بيك ههه
احي نفسي ختنكت يمهم اريد بس اكوم
كلساع ويتراولي موقف اموت ميت موتـة
حور: يوم ال الي واذبح عمامي وكل هلي واعزم الصخلة والطلي كوليشش الة اشتري ايفون نفس مالتك
ضاهر: يرادلج كص لسـان
حور وهيه تغمـز: استـاذ ضاههر الساني نفس شعري كل ما تگصـة يطول
ضاهر: خرب عشيرتچ عله هل لسان تكول لسان دلالة ما تسكتيـن
حور: واللـة اني اريد اقصفك بَس المشكلة الههدف الي هو حضرتك رخـيص وقناصي غالي 😉
ضاهر: واللـة مال كتلة معدلة علة هـذا حجيج
ام احمد: ولكم كافي يمة شبيكم وانت عمارو ماتشوفهم احجي شي لتهيت بالموبايل
عمـار: داوكفي يايمـة خل اسوي حساباتي ومدري شنو ذولا خليهم يتناكرون جنهم زعاطيط
ضاهـر: دطبخي اطبخي انتي واسكتي ضمي لسـانچ
حور باوعتلة بهل نضره: 😝 علة عنـادك
ضاهـر باوعلهه وضحگ
الجده: اكلكم انتو اذا ردتوا تزوجون شلون من اول ليله تردها لية
حور: شنوووو شنووو بيبي شنوو مخبلة ازوچ ضاهر هنيالني
ضاهر: شنو لج ليش شبيـة واصلااا منو المكلبج منو الميـت عليج اعوف بنـات الكلية واجي للمصلبخه
حور: هههههي دطيـر بابا طير اصلا وين تلكة بمثل جمالي
وبعـدين منيـة تاخذك متكلي مصخم ملطم
اضن تبقة باير علة گلبي 😫
بس لاتخـاف اظا ضليـت باير علة كلبي اني اخدك ثاني انشاللة وانشاللة اخذ الثالث همين واكمل ديني واخذ الرابع بيهه شي 😁😂
ضاهر بعصبية: اشوووو انتتتي ماتتتتعرررفيننن تحجججين لجج
الجده: يمممه يممه العرامة عد هاي البنيه ماتردعوها ولك ضاهر حبوبة كوم الهه
ضاهر: لاصدك هـاي يرادلهه اعـاده تدوير تعـاي تعـاي
حور بسرعة عافت الطبـاخ وطفررت للصالـة وضاهر وراهه
ام احمـد: واللة عمي هاي البنيه تفشلنة يلة ترتاح صدك جذب
ام مريم: ههههههه ع نياتهه خليهه شمسوية
ام احمـد: لا داده تحجي حجي اكبر من عمرهه
حور: اخ شعررررري هههدددني وجج ماما تعااااي شعععري
الجده: اي حيل حيل كطم شعراتهه خلهه تتادب
حور: بيبي شمسويتلج العباس عليج كليله خيعوفني وج مامااااا
ضاهر: مره ثانيه اتادبي وحجي عدل لاشعرج اكطعة خوش 😑
حور: ما يلا وخر شعري واللة الة اكل لبابا ولككك عممممارررر تعاللل اسيلللل اطلكج من اخوي اذاا ماتكلين لاخوج يوخر عني يلاااا
اسيـل: لك عوفهه ضاهر شبيكم زعاطيط
ضاهر: كولي التوبة حتة اعوفج يلا بسرعة نفس الشطار كولي يلااا
حور: والللة ولا كول
ام مريم: ولك عمه عوفهه
ام احمد: حورااااء احترمي نفسج ولج عوفهه عمه ختولي جاهله
ضاهر: عمه شبيج خليني ادبهه عدل
هسه تكولين لو شلون
حور: شعري شعري عوفني اااه
الجده: حتة تلبسين حجاب مره الثانيه من ابن عمج جنج عتوي كلساع لابسة ونازعة
حور: اخ بيبي هسه انتي شعليج وج ماماااااااا شععععررررريي
الجده: من خفة لهل صوت جنه صوت ...
ضاهر: يلا لج كولي التوبة
حور: ماكووول لويجي منو
ضاهر: جا تعاي
جرهه من شعرهه للصالـة حيل
حور: التووووووبةةةةة واللة توبة اخ شعري
ضاهر: اي عفيه هيج صيري من البداية هسه يلا ولي
حور كمشت شعرهه وباوعتله : مووو التووووووبة
ضاهر: ها ها تعـاي اعلمججج منوه الي تلعبين ويااا
جرهه بسرعه من ايدهه هيه فلتت للصـالة مشة وراهه وضل واحد يركض وره الثاني
صعدت حور ع الطخم ووكعته عليهه
ضاهر بسرعة يريد مايخليهه يوكع عليهه وخره بيده ووكع عليهه
رادت تشرد لزم اديهه بسرعة
ضاهر بهمس:شنو صـايره هنا مشاهد هندية واني مادري
حور بارتباك: و وخررر ضاهر لايجي احد
ضاهر بهمس: ليـش ضايجة من قربي وين راح لسانچ
حور: ضاهر و وخر
بعد شعرهه الي واكع وحط راسـه يم ركبتهه واخـذ نفس قوي
حـور رچفت من تصرفـة بسرعة دفعته وگامـت
حور: يمة كلبي وكف هذا شسوه عزه لوشايفنه واحد
رحت بسرعة كعدت يم بيبي ودنكت وصرت الم بشعري
بس شنو كلبي يدك بسرعة وجسمي يرجف
شوية وهنه يحجن واني بالي مويهمن
يم التصرف الي سوآ شجان يقصد بي
شويـة واچـة مَن المطبخ يريد يطلع
بيبي صـاحتـة
الجده : ولك ضويهر تعال يمي تعال
ضاهر: ها بيبي شتردين
الجده: حدر(تعال) صوبي
اچة كعد يمـهه
بنفس الوقـت طب عمـار والضحكة بوجهه ويلعب بالفـون
الجده: وانت الثاني الاغم تعال اكعد هم
عمار: ها حبوبة ها ولج احبج احبج
واچـة باس خدهه وكعد يمهه
الجده: يا مَـن عزه العزاك وبين الوطاك خايب انت ليش ماتثكل
عمـار : بيبي شمسوية ماتكليلي جرم ابوس خدج شينهاي
الجده: انلصـم انت وكلولي انتم الثنين البايرين اعلة كلبي يمته تزوچـون
ضاهر: بيبي عن قريب عن قريب نشاللة 😂
الجده: يا ع الخيـر وانت يالاغم يمتـه تزوچ
ضاهر: هههه نشاللة بيبي عن قريب
الجده: اي يلا حتة تزوجون سوه وافرح بيكم قبل ماموت
الكل: اسم اللة علة عمرج
مريم : جنت بس اباوعلهم وابتسم عمار طاير فرح اكيد حيراسل موچ و ضاهر مبين بعيونه حبه لحـور اللة يديم الفرحة عليهم انشـاللة
كمت من يمهم راسي يوجعني
شلـت اللفاف اريد اسبـح يمته يعني اخ خرب اسبـوع يلا اگـدر افتح الخيـاط
اديـة نفس الشي رحَت لغرفـة حور همه يسولفون ويضحكون عفتهم وصعـدت
گعدت ع الجربـاية وصرت احـاول اذگر الي صـار نزلن دموعي واحس نفسي مـدمره گمـت وصرت افتر بالغرفة واحاول اذگر الي صـار
غمضـت عيوني و دموعي ينـزلن وافتر واحجي
يلا مريم اذكري اذكري شصـار وياج اذگري
شكد ماحاولت ماكو لا ياربي ليش هيج
اتكئت ع الحـايط وكعدت بالگاع وگمـت ابجي
حطيت اديه ع وجهي وابچي ححيـل
شويـة والباب انفتح ماهتميـت ووواللـة لنفسي مالي خلگ خلي يشوفون شكد اني تعبـانه شگد داعااااني
سمعت خطوات وصوت حـور وهيه خايفة عليه
انثنت يمي وحجت وياية بنبره خوف
حور: مريم شبيج
ردت اشكي همي لاحـد احس نفسي محتاجة احد اشكيلة همي گمت بسرعة وحضنتههه وصرت ابجي واشاههك بحضنهه
حور: عزه مريم شبيج لا تخوفيني شو باوعيلي ليَش تبجيلي
مريم وهيه تشهك: و وج ح حور تععبتت واللة تعبتت م محد يفهمني
حور: لاياكلبي لا واللة افهمج لاتبجين كافي ياعمري
مريم: ولج حور م ماكدر انسة ماكدر كلما اتذكر الموقف اموت
وخرت منهه وباوعتلهه والدموع تنـزل منـهه
حور: حبابة لاتبجين مريم واللة راح ابجي فدوه اسمعيني واللة كلشي يرجع لمكانه بس اهدي
مريم وهيه تبجي وتضحك بنفس الوقت: لج حور لا تموتيني هو شنو ويرجع لمكانه انتي شبيج افهمي ل لج حور جسمي يرررجف
حور: اوف كومي كومي ع الجرباية ارتاحي شوي حبابة كافي لاتذكرين انسي
مريم : هههه سههل الحجي لجججج اننني ماككككدررر مممماكدررر جاي اموووت
هه محد راح يفههم ولا يحس كافي حور حبابة بس خليني انام
حور: بس مريم
مريم وهيه تمسح دموعهه: تره ماعنـدي شي كافي حبـابة خلي انـام
كمت نمت ع فراش ماريد احد يشفق عليـة دموعي ينـزلن طلعـت محادثاتي وي قحطـان وابچي
حبيـته اي حبيـته واللة حب ليَش هيج سوه بيه ليـش
حور: شمهمـا صارلج مريم اني ماعرف ليَيش متاكده انو انتي عـذراء ومصـايرلچ شي
بجيـت ازيـد ع حجيهه سمعت صوت البـاب راحت
ضليـت ابجي واشههك وانـدب بحضي
نمـت وغركت بالنوم كعدت ع صوت اسيـل
كالتلي اكعدي اتعشي السـاعه بـ9
واللـة نعسانه اسيـل خليني انام
اسيـل: حبيبتي اكعدي بال9 كومي اكلي شويـة
تمام اسيل نازلة
راحت اني گمـت اخ اكيد الكل مجموع واللة ماريد انزل واراويهم وجهي
تنهـدت وكمت غسلت وجهي وضليـت مترردده انو انـزل شويـة وصعدت حَـور
شافتني كالتلي بصوت عالي
حور: يلا مريـم انزلي منتضرينج
نزلت بًس شنو احس رجلية كوه يمشن مالي عين اراوي وجهي لعمامي
اوف كاعدين كلهم بالصالـة وفارشيـن السفره
ابتسمتلهم بمچاملـة وگعدت يم امي
ياكلون ويسولفون ويضحكون واني بغيـر عالم گوة اكلت امي تخلي يمي وتكلي يلا اكلي
اكلـت شوية وكمـت امي ضلت تحجي مارديت ونبي مالي نفسية
صاحلي عمو تعاي اكلي كتلة لا عمو ماشتهي
كلهم دياكلون رحَـت سويـت الهم چاي و رتبت المطبخ شويـة وحضرت الاستـكايـن وطلعت للحـديقة
الهوى مهما حـار بس حلو الهوى عالي
گعـدت ع المرچوحـة وغمضـت عيوني وصـرت افكـر بكل شي صـارلي شريـط هل عطلـة كلـة انمـَر عليـة
اذكرت لمَن خطفني دموعي نـزلن
مسحت دموعي بـسررعة ماريد ابجي عيوني حمَررر صايرات من البجي وشكلي ملعوب بيـة جولا
تنههدت وگمـت سمعـت سيـاره قحـطان اعرفهه سمعت صوته يسلـم ع مدري منـو ، دمعتي نـزلت شويـة وماسمعت صوت الضاهر طَب
اخ يـاربي 💔
نزلت دمعتي غصـب عني سمعـت صوَت حور بسرعة مسحت دمعتي والتفتلهه
حور: مريم
مريم: ها حور
حور: خومابيج شي
مريم: لا ماعنـدي شي بس ردت اشم هوى شويـة
حور: مشتاقة لضحكتج كافي
مريم بابتسامة: لا تحسسيني اني عكره ومابتسم
حور: موهيج مـريم بَس ارجعي نفس گبل لخـاطري
مريم :ههه ضحكتي راحت حَـور راحـت خليني اطب احسـن
طبيت راسـا صعدت ماريد انجمع وي احـد
ضليت گاعده بالغرفـة اباوع يوتيوب اريد انسـة شوية
اچتني امي جابت الدوه اخـذته وراحـت اوف امي شصـار بيهه بسببي
عفت الموبـايل ضليت افكر شويـة و فتحت موبايلي رحت لقحطـان
نـاشر ع الفيَـس صوره الـه چـان بيـهه يضحك وگـاتب منشور عَن الثقـة
تنهههدت سمعت صوت حور طبت للغرفة حاجتني سويـت نفسي نايمة
ضليـت بـليل اگلب بالموبـايل نوم مايجيني
شفتـه حاط ستوري چـديد هم صورتـة و عليـة كلام ع المكـابر
جبرني الشوگ اكتبلة شي هنانه راحت الكرامة وراح كلشي
🏷️اسفـة اذا چاي ازعجك بس ممكن شوية من وقتك
چـاوب راسـا حسبالك منتضر الرسالة بَس شنو هه رد علية عبالك غريبـة لو مراد احسلة
🏷️لا عـادي اتفضلي
تنهـدت و گتلـة
🏷️ شلـونك
🏷️ زين بخيَـر
🏷️ دايمـة نشـاللة
🏷️ تسلميـن
🏷️ ☺️
نـزلت دموعي علة رده البـارد وره 5د دز
🏷️شلونچ
هههه ضحكت وبجيت بنفس الوقت كتبتلة
🏷️ ههه هلگـد صعبـة هل كلمـة
عـايشـة بخير اني
شاف وماچـاوب بَ اي شي سـديت الموبايل وضليت ابجي واشههك
ليَـش هيج يسوي بيـة ليش علقني بي وعافني هه ولا و اني رحت راسلتة ححيل ححيل كلة من وراي خليني اتحمل اخطـائي
بيـومـهه حسيـت حياتي انتهت هايهيه الدنيـا سودت بعيوني ربي بچـاه الامام العباس اخذ روحي ربي اريد اموووت شنووو فاااائدتي بالحيـاه
بيـومهه ضليـت ابجي ل3 گمـت اريد اغسل عيوني نعمـت احسهن
فتحت الضوه حـور نـايمة شفت نفسي ياللـة عيوني دَمم صايرات
رحـت اريـد اغسـل اذكرتة گلـت الة اغيـضة خلاص مو هو بعَـد مايريد يحاجيني ولا يـريدني لعد بعد خيبطل يتحكم بيـة
رحَـت لموبايلي فتحَـتة وصرت افكر شنو شنو بيمـن اغيضـة
ضليـت حـايره حط ستوري يعني هو گـاعد فتحتة
صوره للاركيلة وموبايلة
اذ;كرت هو يموت اذاا احط رمزيـة الي
كمـت بسـرعة صورت صوره لعيَني وهيه حمـره وحطيت اصبعي يمـهه
قصيـت شعري خليـت بس عيني عنـدي شامة يمهه بينـتهه
وحطيتـهه ستـوري انتضرت دقيقتين ماشـاف يبوي خل امسح احسلي
حطيتهه ومسحتهه ونبي اخـاف عمي
خليـت ونمـت
گعدت مَن الصبـح ع صوت امي
گالتلي يلا يمـة خلي نروح لبيتنه
شفـت حور نـايمة باوعت للسـاعه بـ9
گمـت بسرعة اريد اروح واللـة
لبسـت صايتي وشالي ونـزلت
لگيـت بـابـا منتضرنه وجدو وبيبي كاعدين والبقية دوامات والي نايميـن
صبحت عليهم و بـابـا ولا يحاجيني هل شي دمرني ححيل دمعـت عيوني
كال يلا خل انروح
طلعـنه لكيـت سيـاره قحطـان موچوده
تجنبـت اباوعلهه رحنه لبيتنه اوووف واخيرررا اريددد ارتاح
ضحكت ع نفسي ياااربي اني الجنت اموت ع بيت اعمامي هسه هيج ههه
ابـوية وامي طبو للغرفـة اني هم رحَت لغرفتي ضليـت افكـر
اچـة ببالي ازور اللـه امنيتي ازور هسه اذاا اكل لاهلي نروح نـزور اي خلي اروح اگل لامي بلكت گاعده
طلعـت من الغرفـه امي شفتهه چاي اتنـضف
رحتلهه
مامـا
ام مريم: هايمه وج شصاير بحالج ليش هيج وجهج اصفر والعيون حمر وحال الضيم ياحالج
تنهدت وكتلهه
ماما شسوي لاتخافين مابيه شي ماما اريد اكلج شي
ام مريم: اي يمـة كليلي
ماما خلي انروح لكربلاء نـزور فدوه ونبي مختنكة ماما خلي نروح اليـوم نزور گلي لبـابـا خلي حتلا الضهريـه نروح حبـابـة
ام مريم: واللة ياماما امنيتي نروح بَس يكعد ابوج اكلة بس وين بهل حر يمه
ماما تره واللة البصره هيج حـاره بس نطلع منهه الجو زيـن بس يكعد بابا نصلي ونمشي شگلتي
ام مريم: نشاللة يمة بَس يكعد ابوج اكلة
فرحـت حسيـت صـارلي امـل شويـة رحت لغرفتي الي حبيته امي ابد ماسالتني شصار وياي واللة اموت اذا تسالني
طبيـت لغرفتي مابيه حَيل راسـا نمـت
كعذت ع صوت امي وهيه تكلي يلا كرمي خلنروح
من كالتلي هيج يمه احس الدنيـااا ما وسعتني مَن الفرحة گمـت بسرررعة واني مكيفـة وفرحـانه
بسرعة شلـت موبـايلي وراسلـت حور كتلهه بسرعة بدلي وتعـاي حنروح لكربلاء
شفتهه متصلـة بس مترد نوب دكيت مشغول ويامن تحجي يجوز وي موچ
دگيت عليـهه ع رصيـد ماكو
راسـا رحَـت شلون اچدد وشلون اصلي ياربي
يلة كلهن اقضيهن المهم ازور
ماكـدر اسبح بسرعـة فتحت الكنتور دگ الموبـايل رحَت فتحته حور حاجيتهه گالت جنت احجي وي موچ كتلها بدلي وگلي لعمو وتعـالي ولج
هيه هم گيفـت گالت اشوف ابـويـةه واجي بسرعـة
اني هم رحـت لبسـت ملابسي مالي خلك واللة لا اعدل ولا ارتب
اخذت جادر وياية حتة من اطب هنـاك
طلعـت لكيت امي مسويـة دولمـة واشكال والـوان وابـويـة متحضر
شويـة واچـت حـور
اخـذت موبايلي مَن ع الشحـن وطلعنـه
طول الطـريق هدوء مونفس كل مره ابـد
درت وجهي للمرايـة وابچي واندعي مَن ابو فاضـل ياخذلي حقي
نمت بالطريـق لان اعرف بنفسي شلون نفسي تلعب ماكعـدت غير لمن كعدتني حـور
گالتلي يلا اكعدي حنوصـل
وبالفعل شويـة ووصلنه حيل شكد نمت اني
عفنـه السيـاره بكراچ قريب ع الامام كلش
ومشينه
چـانت الاجواء تجنن الهوى يچنن امي وابويـة يمشون واني وحـور وره
شفت القبـه قريبـه من يمنه دموعي نـزلن
ضليـت طول الطريق دموعي تنـزل
حور تبـاوعلي وتتنههـد
امي نفس الحالة بس تبجي
طبينه للتفتيش جان ازدحـام فتنشنـه وطلعنه
جان اكثر من تفتيش
وصلنـه للامام احس نفسي طرت من الفرح دموعي ينزلن واحس النـاس كلهه تباوعلي
اني باخر تفتيش لبسـت جادري اني وحـور
حطينـه الاكل والموبايلات بالامـانات ورحنـه
تفارقنـه وي ابويـة گال زوروا وكملـوا واشبعوا زيـاره وره الاذان صلـوا واطلعـوا
صدگ واللـة طبينـة صرنـه بين الحرميـن اني بَس ابجي
گالـت امي نروح للعبـاس حتة صلاتنه اصير بالحسيـن
توجهنـه للعبـاس دموعي تنـزل وانخـة بابو فـاضل
ماعرف شنة الي اريده مادري وااللة المهم يبـررد كلبي ويووخر حجي نـاس عني
طبينـه زرنـه صح ازدحـام بَس زباره تچـنن
لزمت الشباك وضليت ابجي وانخـة بي
احس نفسي فرغت كل همومي
صلينه ركعتـين والعيون علية عيوني حممممر صـارن
گالت امي يلا خل انگوم للحسيـن
طلعنـه مَن العبـاس وتوچهنه للحسين
هم زرنـه وصلينه وضلينه نقره الزيـاره
شويـة واچة شيخ صلـة بينـه چماعة
رجعنه زرنه الحسيـن وطلعنه
رحنه للمكان الي بي بابا
وصلنه لكينـا يقره قران
گعدنـه احس نفسي شويـة احسـن صرت
امي طلعت الاگل گالت خل ناكل
احس نفسيتي نفتحت للاكل اخذت نفس قوي
امي باوعتلي وكالت ها ارتاحيتي
ضحكت وكتلهه اي
شفت ابتسامة ع وچـه بابا من باوعتله خفاهه
اوف ليمته يضل هيچ
احس همومي كلها نازحـت ندعيت يطلع قحطان من كلبي
وندعيت يطلع حوبتي بمؤيـد مو يلزموا وهمه يعاقبوا لا اريد اللة يعاقبـة
اكلنه وكملنه امي جايبه كلة سفري
ذبينـه الماعين و وزعنه هم للي كاعدين بصفنـه
شويـة وگال بـابـا اليوم نبـات هنـا وباچر نروح
اني وحور مندري كللها اني كلت لابوچ
اني فرحـت
احنه كاعدين بمكان الدخلة للامام يعني منو اليدخل للامام يشـوفنة
شوية وشفـت قحطـان هو و خالتي وموچ
عزه اني من شفتهم جنت اشرب بالمي غصيت بي
غمضت عيوني وگلت دخيلك يا ابو فاااضل ردت تنسينيا مو تخلي بدربي
هو شـافنه امي كالت هذا موقحطان
ابوية كاللها اي وكاملـة
اني درت وجهي ماريد اشوفـة
سلم ع بابا واجت خالتي وموچ سلمت عليهن واني مبتسـمة
گالـوا ستونـة اجينـه احنـه
الي عرفته بعديـن خطة موچ وحور يردونه نلتقي هه محد يدري شنو بينـه احنه 🙂
شفت موچ تغمز لحور وتكللها كوه قنعته نجي لان عده شغـل
گال هسه نروح نزور ابوية چلب بي گال تجون
هو هم گال انشاللـة
گالت موچ : بنات كومن وياي نزور حبابات ع الواهس
حور گالت اي اني ماردت اروح امي كالتلي كومي يمـة اني هم خل اروح ازور مره ثانيه ابوية كال جا اني همات شمحلاهه الزياره
كالت امي وغراضنه البقن اكو ولد يمنه گاعد كاله حجي اني كاعد هنا خليهن يمي
هو هم مابيهن شي بس اكل والموبايلات رجعناهن للامانات
يمشون هو وابوية كدامنه
واحنـه وره
صـرت ابجي بهدوء ودموعي تنزل
دخيلك يا ابا فاضل لا تخليني احبه اكثر واللة تعبتت حبة تعبني
اتفـارقنـه وگذالك طبينه زرنه وكملنه ماطلعنه الة صـارت ال11:30د
طلعنـه احنه اتفقنه نفس المكـان
اني عيوني صـارن دم من البجي شلون ما اني عندي حساسية بسرعة اتحسس
رحنـه ولا باوعلي اني هم دنگت هه شحاسب روحة
خاالتي كالت بسرعة بسرعة وماجبت شي
گال قحطان هسه نروح للمطعم
ابوية ماقبـل كلة اكل وجايبين مو عيب عليك
ابوية گال لامي صبي واني شوية واجي صديقي هنا وترخص
قحطان دار وجهه وصـار يكلب بموبايلة
اني اكتفيـت بالسـكوت ماريد احچي اي شي بس الي يحاجيني ابتسم
وخالتي ام قحطان فديتههه ياربي شكككد طيبه سوالفهه تونـس
شوية واجة ابوية جايب دچاچـتين شوي و صمـون و ببسي
جان اكو مطعم يم الامام
قحطان ماقبل ومدري شنو
سوينـة سفره وگعدوا ياكلون اني ماشتهي بعد اصلا
اتكترت وگعدت اكلب بالموبـايل
كملوا اجة ابو الچاي اشتروا جاي اني ماشرب الچـاي اصلا ماخذت
صارت تقريبـا بـ12:30د
قحطـان كال يلا احنه نمشي
ابوية ماخلا گلة دنيـا ليل وهذا طريق وانت ماعدك دوام الصبح خلينه نبات بفندق
خاالتي هم تخاف علية ماقبلت
اني خفت كلت انشاللة يقبـل
صدك واللـة اقتنـع
كمنـة سوه اذكرت صديقتي بـشائر گالت نروح لمكان اسمه العلقمي قريب ع الامام نفس البحر يكولون ينطي بالمكان
كلت لامي كالت لا دنيا ليل باجر صبح
اني تحسمت كلش راساا رحت لبابا وقحطان يمه كتلة
بابااا بااااباا خلينه نمشي ع العلقمي فدوه واللة ينطي بالمكـان ومفتوح 24 ساعه اريـد اكتب امنيتي واريـد روحي ترتاح
كلت هل حجي بحماس مجنت منتبهه قحطان يباوعلي دنكت وكلت اسفة بَس
گال بابا يلا نروح شعدنه
قحطـان هم گال نروح
اني كلشش فرحت
رحنـه للمكان
عباره عن مقام للمهدي طبينـه زرنـا وصلينـه وطلعنه
نزعت الچادر. ورحنه
المكان عالي وتنزلة درچان هل درچات جوه بحرررر العلقمي بي بط وطيور وسمك كووومة واضوية ماكو لا عباره عن شموع مفتوحة
اكو ولد يبيعون ورد ويبعون ماعون سفري وبي كلينس وورقة
اذكرت بشائر كالتلي تكتبين امنينج وتتححقق
رحت راسـا كدام ابوية وقحطان وكلت للولد ممكن تنيطيني وحده انطاني ورده حمره اطيته الفلوس ورحـت للثاني اخذت شمعة وماعون وورقة وطيته الفلوس
كعدت ع المصبـة وهمه يباوعولي كلهم وساكتين
الجداحة عد الولد فتحت الورقـة وكـتبتبت بيهه هل امنيتين ودموعي تنزل حور و موچ هم گعـدن يمي
گمـت بسرعة ردت اخذ الچداحـة من الولد و شفت قحطان .....
يتبع
وأخليك أعلى
نظرة شوگ تتوسل
وأعلمك الوجوه شلون من تثكل.. !
#الضابط_والجميلة -
#البارت الثـامن عَشر
_
للكـاتبةه : ࢪَ࣪يࢪَ࣪فـون ♥️
_
المكان عالي وتنزلة درچان هل درچات جوه بحرررر العلقمي بي بط وطيور وسمك كووومة واضوية ماكو لا عباره عن شموع مفتوحة
اكو ولد يبيعون ورد ويبعون ماعون سفري وبي كلينس وورقة
اذكرت بشائر كالتلي تكتبين امنينج وتتححقق
رحت راسـا كدام ابوية وقحطان وكلت للولد ممكن تنيطيني وحده انطاني ورده حمره اطيته الفلوس ورحـت للثاني اخذت شمعة وماعون وورقة وطيته الفلوس
كعدت ع المصبـة وهمه يباوعولي كلهم وساكتين
الجداحة عد الولد فتحت الورقـة وكـتبتبت بيهه هل امنيتين ودموعي تنزل حور و موچ هم گعـدن يمي
گمـت بسرعة ردت اخذ الچداحـة من الولد و شفت قحطان
ياخذ من الولـد نفس الي اخذته ردت اخذ الجداحة اخذهه من الولـد وتقرب يمي
فتح الشمعة اني جسمي ضل يرجف باوعلي بنضرات ماكدرت افسرهن
غمضت عيوني و نزلت وجهي وهو راح نَـزل
ابوية وامي وام قحطان نازليـن وموچ و حـور فتحن الشموع ونزلنـه سوه
شفتـه گاعد يكتب امنيتي اعرف شكـتب
اني رحَـت راسـا يم المي
الاجووواء خنفشارية تجننن بشكل الطيور والبط بالمي فدشي كلش حلوه
حطيـت الماعون وشمعة و الورقة بالبحـر
كعدت وصرت اباوعلهن شلون صارن يمشن لبعـيد
نزلت دمعتي وندعيت مَن ابا الفضـل مايردني خـايبـه
گمـت شفت موچ وحـور يضحكن ع الطيور و الاجواء ومبتسمات
باوعتلهن بانكسار وگلـت ليَش اني هيج لو ماصاير هذا الشي نزلت دمعتي بسرعة مسحتـهه بسـرعة والتفت لوره
مسحت دموعي بسرعة وطلعـت موبايلي
صرت اصـور بالمنضـر كلش حلـو
انتبهت قحطان وابوية و امي وام قحطان
اكو نفس المصطبات كاعدين عليهن ورانـه ويحچـون
كعدت ع الگاع الي يم الشط ماعرف البحر ههه وصرت اباوع للنـاس
الي بَس ولد جايه والي عوائل والي بنـات
صرت اباوعلهم بتحسـر اااه ااه هنيالهم ماعدهم هم ولاغم
انتبهت ع نفسي كلت شجاني اني واللة حرام علية داحسد الناس
اصلا بهالزمـن ماكو شخَص مرتاح واللة 💔
بس الي صار ويايه جبير محد يتحملة اووف كلهه بچهه وقحطـان بچهه
شفته گام وماهتم لوجودي و ولا نضـره مد ايده لچيبـة وطلع موبـايله صـار يصـور ويضحك
كل ضحكة منه تدمرني هه هاي جانت ادمـاني ضحكته تالي هيج يصـير ليَش قحطان شسـويت بية واللـة مضلومـة واللـة
دمعت عيوني كمـت وگعدت يم اهلي حتة حور وموچ نسني گاعدات يسولفن بمـدري بيمن 😅💔
حور: دشوفين الدموع بعيونهه والضحكة ع وجهه
موچ: حوراني اعرف اخوية كلش زين واعرف وره هالضحكة انكسار
حور:موچ رحمه للة اسكتي انتي مدشوفين شون مضايقة مريم ومن شافته لسة بس دموعهه تنزل اني هم صوجي كتلج
موچ:حور انجبي ونبي قحطان يموت ع مريم بس ماعرف شصـاير ويـاهم واللة
حور:شمهما كان مريم ماغلطانه وهو الغلطان
موچ:محلله سياسيه شمدرينه
حور:امبين باعي الضحكة الي بوجهه والدمعة الي بعيونهه
موچ:اووف واللة كتلج وره ضحكة قحطان اكو انكسار جبير
حور:ماعرف واللة
موچ:اخوية واعرفة ولج يموت عليهه واللة لوتشوفين شون بات يمهه بللمستشفة من دخلت ومانام ابد و كالي دزيلي صورهه ومن اسالة يكلي احبهه واللة احبه
حور: اني هم اشوف بعيونه الحب گبل وهسه اشوف نضرات قلق ونضرات كره ماجاي افهم اخوج شبي صراحة
موچ:ولا اني
حور: الي صار وي مريم جبير حيل واللة زين من عدهه متحملة
موچ: اووف اي وربي لو اي بنيه مكانهه ماتتتحمل بين لحضة و لحضة تتخربط حياتهه كلهه باعيلهه الوجه اصفر والعيون حمر وبس تبجي ونبي بجيت علة بجيهه وندعيت من العباس يطلع حقهه منه
حور: موچ ماريد هل حجي يطلع حتلا لخالتي فدوه
موچ:شسالفة حور اني اعرف تره ومريم موبيدهه كل الي صـار، والصار صار بعًد بس الي اعرفة قحطان مستحيل يتخلة عنهه والنبي
حور: لج تحبة ونبي تحبة هيه بليل لوشوفين شون تبجي وتشهك وتصيح قحطان ليـش ليـش حسبالهه نايمة اني بَس اني اسمعهه واللة ابجي ع بجيهه
وج مريم گبل بس تضحك ومتعرف شنو حـزن اخ واللـة هدت حيلي ولج نجيب الطريق جنه بس نحجي هسه ساكتة ومتحجي
نسولف ونضحك بس تبتسم النه اوف واج جانت تموت ع النوم يمنه تنام يمي ونبقة للصبح نحجي هسه صارت تكره كلشي
موچ: تره حقهه حور الشي الصار وياهه موسهل افف كومي خل نكوم يمهه دتباوعلنه
حور: اي كومي يلا
مريم:
اجن كعدن يمي ويبتسمن ابتسمتلهن بمجـاملة وف عيوني نـار احس يطلع منـهن من البچي واللـة
البنـات كامن يحجن وياية اني ابتسم واجاوب ع كد السوال
خالتي ام قحطان تكلي شبيج يمه متغيره امي تكلها من الخرعة وشي وخايفة وتفزفز وكوابيس الي تدري بي خطفني وراسا لكوني
حطيـت راسي ع المصطبة وغمضت عيوني تعبـت اليـوم سمعت صوت بابا گال
هيمن :يلا خلينه نكوم
صدك واللة كمنه اني هم تعبـت الفنـادق هوايـة الي يم الامـام وكلهـن راقيـات
رحنـه لاول فنـدق گال اسف چاي ايصيـر بي تعديلات وشي
رحنـه للثـاني بابا حچـة ويـا گالـة عدنـة سويـت كامل چبير بي غرفتيين وصالة جبيره تاخذونـه لان الغرف الي عدنـه صغيره ومن تاخذوهن مايكفن الكم
گالوا اي نـاخذ السويـت حچزنـة لباجر الصبح ب1 يلا نكدر نطلع
طبينه للفندق صدك حلـو وفخم
وصلنه للسويـت جان بالطابق الاول فتحة قحطان وطبينـة
بابا كال احنه راح انطب هنـا وانتم بالغرفة
صدوك واللـة طب بابا وقحطان بالغرفة رحنـه للغرفـة بيهه ٣ جرباي وغطيات هوايـة
امي و ام قحطان گالن فـَت عليجن انتن نامن هنا واحنـه جوه خاف الزلم يطلعون للصالـة
صدك واللـة فرشنالهن جوه والچرابي ثنين سوه ووحده وحَـد
اني بسرعة رحَت للي وحدهي حطيت غراضي عليهه
باوعت احور تباوعلي ماحجيت شي راسن رحـت للحمام يصير يم المطبخ غسلـت وكملت ونزعت الشال اخ راسي موتني يالله يمته اوخر الخيوط تعبتني حيل
طلعـت للغرفـة لكيت امي وام ثحطان يسولف
امي گوه تكـابر بس اللة يدري الي بكلبها بتهه هيج يصير بيهه تسولفلي بعدين تكلي واللة اليل الي يمر ع الناس اني ما انامة اكعد بس ابجي لا اكدر احاجيج وانتي هذا وضعج ولا اكدر اسكت صرت مثل البلعومة موس امي حـيل تعبانه بس ماتريد تبين لاحـد دائما اشوفهه كاعده وتبجي
رحَت لفراشي موچ طلعت تريـد تغسل وحـور اجت گعدت يمي ع الجربـاية
تنهدت ماعرفت شاحجي كاالتلي
حور: اذكر من جنه صغار ونفرش سوه عدنه عيد نفرش اني وياح ونام سووه ونضل نسولف هسه شتغير
مريم:ماتغير شي حور بس وداعتج ياحور تعبـانه حيل محد جاي يحس بيه ابد
حور: اشش ونبي جاي احس وربي
مريم ونزلت دمعتهه:لا حور اللة لا يكولها بس العايش بيهن يحس بيه المهم حبيبتي امشي نامي موچ هم صديقتج موغريبه
نزلت دمعت حـور وكالتلي بضحك:هه دتحسسيني موچ حبيبتي تره انتي تعرفين مكانتج عندي وتدرين كلش زين يامريم انتي شتعنيلي
مديت ايدي ومسحتلهه دمعتهه وابتسمـتلهه
ابتسمتلي وگالت: اريد مريم القديمة
مريم: موبهسهوله، اريد انام حور والنبي راسي كلش يوججعني كلش
حور: تمام نامي احبج واللـة
ابتمسـت الهه تمـدتت ودرت وجهي للحـايط وصرت ابچي
ياربي دخيلك شچاي يصير وياي واللة ماعرف اني اندعي انو ماشوف قحطـان ارجع التقي بي
شوية وطبـت موچ تضحك والموبـايل بايدهه
اني نمَت لان كلش تعبـانه
موچ:ها حور شبيج
حور: انتي الشبيج تضحكين
موچ:مابيه شي بس انتي ليش دموع بعيونج
حور: ولج واللة م مريم واللة مشتاقتلها اريدها ترجع نفس كبل
موچ:اوف اوف شبيدي عليههـا ماتكليلي واللة مشتاقة لضحكتهه وسوالفهه هووواية بَس شنسـوي مابيدنـه شي
حـور:اوف اوف داده اني حنام انتي ضلي گـاعده وي اخوي ماوصيج
موچ:ههههههههه عزززه انجبي لج
حور:عبالهه مانعرف ام الوصخ
موچ:واللة بليـة انتي ههههههه
موچ:مَن اخَر موقف صـار بيني وبيـن عمـار صرت نفس المخبلة امشي واضحك وي نفسي
احس نفسي فرحـانه حَيل امي تكلي شبيج اليوم مثل المخبلـة بس تضحكين
واني اكللها شنو يوم يعني مايصير نضحك نمت واني افگـر بي كعدت مَن النوم العصـر
لكيـت حسـاب دازلي متابعة ورسائل قريتهن مـكتـوب اني عمـارر
انطيـت موافقة بَس كلبي يدگ ميَـت دگة يبوي
كـتبت هلا عمار راسـا رد گال شيلي البلوك من ذاك لحسـاب
اني هم رحَـت شلته چنت دائمـا اشوفة وانطي بلوك لان اخـاف
نوب اني موبايلي 24 ساعه بيـد قحطان يعني هوه يعرف رمز وشي
كلما يريد شي ع مريم اوهاي ياخذه حتلا واني نايمة
رحـت فتحتة احتاريت شكتبلة شوية وهوه گـتب بس اني شنو ارجف اراسلة وارجف
🏷️تدرين شگـد فرحـان
🏷️علمود الموبايل مم
🏷️هههههههه لا بالقـران
🏷️موچ
🏷️هـا
🏷️احبچ وحق القران احبچ واريدچ علة سنـة اللة ورسولـه اريد ازوچج
هو مـن گالي هيج تخردلـت احوالي عفـت الموبايل وادية يرچفن يمـة
كمت بسرعة سديت باب غرفتي حسبالك شو شمسـوية رجعـت للموبـايل كاتبلي
🏷️وينج بوية
🏷️ موچ تعـاي لاتشلعيـن گلبي
🏷️خررب
🏷️صدك تحچيـن هاي وينچ
رديـت عليـة وادية يرچفن
🏷️موچـوده
🏷️هههههه خچلانه مو؟
اروح فدوه للخدود
سكـتت مـاريدت اي شي ورة شوية كتلة
🏷️عمار تره موبايلي يكون بيد قحطان مرات لان يعرف باسورد فمضطره امسح المحادثة لاتراسل لمن اراسلك اني
🏷️خرب شنوهيه غيري الرمز قابل شنو خل احاجيج موچ وين رايحـة
🏷️ مرتبكة عمـار خايفـة
🏷️ ماكو داعي للخـوف موچي بَس اخلص الضيـم راسـا اجي اخطبج اريـد تكونيـن حلالي
🏷️تره مامتعـود اراسل ايدي راحَـت خلينه نحجي اتصال
يبوي كلامة يخليني اموت مـن خجل بَس شنو بنفس الوقت خايفة ومرتبكة اذكرت كلام مريم من كالتلي لاتخسري وكلام حور
شويـة و دگ اني كلبي كام يسوي دُم دُم دُم 😂💔
خلص الاتصـال گام يدز رسائل وينچ نوب دگ هم مـاشلت واقـره وماچاوب
🏷️اسف ع الازعاج يلا براحتـچ
هو من كلي هيج اني بسرعة كتلة
🏷️لا لااااا عمممار اوكف خليني احاجيك
هو قراهه وراسـا دگ سديـت الكامره بيـدي وصرت باخر الغرفـة وجاوبت
هو فاتح كامرا لان الانستـا اتصالة بس فيديو
باوعتلة ضحكـت كاعد بالحديقة والضعر نـازل علية ويباوعلي ويبتسم ضلينـه نحجي شوية شوية اني ماتعوده استحي واخجل بَس هو كدر يوخر هل خچـل چانت سوالفة تونس بس يضحك ويصنف وابد ماچاوز بكلمـة اكثر شي حبيته بَي
ضلينـه نحجي فتره ونـوب گال يلا روحي بَس نفس ماكتلچ ع الرمـز
اني هم ودعته وگمـت مامصدكة بنفسي ضليـت بس ارگص
ماعرف الفرحة الي صـارتلي بوقتهه يبو واللة جنت احجي ع البنـات هسـه اني وگعـت
غيـرت رمـزي ومسحت المحـادثة وعفت فوون ع الشحن ونـزلت سـاعدت امي
اچـة قحطان مَن الدوام سوده علية مبين عليـة تعبـان حيل شويـة و موبايلة اجته رسائل هو گاعد بالمطبخ
فتح الموبـايل شفته بسرعة كام ويقره بالرساائل وعروگة ناطة
ماتچرئت اسـالة راسـا خلة وطلع
خفـت علية شبي ههـذا اول ماچة
نوب تاخر علينـة حيل بليل مصطفى يخـابره مغلق تخبلنه امي تخبلت قحطان ويين راح
ضلينـه گـاعديـن ل1 شوية وشفنه باب البره نفتح احنه كلنه كمنـه طلع هو
طب شكلة تعبـان وشعره نـازل علية وحال الضيم ياحالة
واللة اني حسبالي شارب من حالـته
راحتله امي ضلت تبجي وتكلة وييـن رحَت
هو يكلهه يمة صـارت عدنه مهمه
طب للبيـت گال ماريد اي اكل ولحد يكعـدني
صعـد نام والشگ بده يلعب بعقلي اكيد اكو شي ياللة شصـاير وياهم ذولا اففف
جعت گمـت اكلت وصعـدت لغرفتي انـامن لان نعسـت
فتحـت موبايلي لگيتتت كوووومة رسائل ومكالمـات مَن عمـار
يبوي نسيتـه ونبي راسلتـه گتلة اسفة جنت جوه وفوني فوگ راسـا رد
ضل يرزل بيـه ويكلي من المغرب لسة جوه وماذكرتيني يبو نوب دگ رديت علية وفهمته الوضع شويـة ههده
وصـرنه نحچي سوه گالي اكيد جاي تعبين مَن الفيديو لان حاطة ايدج ع الكامره انطيني الواتساب مالتچ
بالبداية ترددت گالي هاشنو ماتثقين بيـة
دزيتـله رقمي و ضلينـه نحجي ع الواتسـاب سوالفـة تونس واللـة
ضلينـه نحجي ل3 بـليـل چان يحجيلي عن حياته ولَمـن شافني بعَديـن گتلة حيل نعسـت گالي يلا نامي باجر نحجي وصدك واللة نمَـت
گعدت الصبح بـ11 نزلت قحطان گاعد ع الطبلة يشرب چاي
صبحت عليهم واكلت يم قحطـان ماعرف شبي ابد مو ع بعضة يتصفن وعيونه نـارررر ويچدح منهن اني مَن يمي وخفت
شاعدت امي بالطبـخ صار الاذان صلينه وكملنه رحـت شفت موبايلي مصبح عليـة ابتسمت ع البصمة صوته نعسـان ودازلي
شويـة وخابرتني حور ضلينـه نحجي شوية وگالت اوكفي رقم يـدگ عليـة
باوعتله مريم گالتلي اشوفهه واجيج
صدگ واللة شوية واجتني گالتلي حنروح لكربللا واوو ضارلي شكد مازايره
گتلهه ليَش مانسوي خطة ونجمع قحطان ومريم
هيه گالـت اي واللـة يلا
هيه راحـت واني نـزلت قحطان گاعد بالصالة هو وامـي
رحَت كعدت يمة حاوط ضهري بايده وابتسم وهو يگلب بالموبايل
موچ: قحطان
قحطان :هابنيتي
موچ: حباب خل نروح لكربلا
قحطان: اليوم
موچ: اي اي حباب
قحطان :خليهه لبـاچر ونروح
موچ:لا حباب قحطان خلينه نروح اليـوم
ام قحطان: اي صدك يمه ضارلنه شكد مارايحن طاگ كلبي ع الزيـاره
قحطان: خوش يمه تـدللون نروح ليوم مصطفى راح لبغداد ليوم مو
ام قحطان: اي يمـة راح
قحطان :يلا اني گايم انام موچ بنيتي هسه شمس وحـاره گعدوني بـ4:30د نروح مـاعدنه شي
اف خرب ان بس يلة همه يباتون بلكت نلتقي فرحـت حَيل قحطان گال لامي لاتـاخذون شي ويـاكم واتعبـون بي مناك ناخذ من المطعـم
صدك واللة امي راحت تنام اني هم رحـت لغرفتي راسلـت عمـار كتلة حنـروح لكربلا هو مايدري بحور تريد تجي همات جان جلب الة يجي
ضلينـه نحجي لمن ضارت الساعه بـ4 كتلة حروح اگعدهم شلعت روحي منهة كوه گعدت قحطـان گال يلا بدلو وگعدت امي ورحت بدلت ونزلت احنه اتفقنه اني وحور نفعل نت خط حتة نحجي ويـن ماوين
توچهنه لكربلاء وقحطـان ذابهه ع الساكت مدري شبي اني وحـور نتراسـل گالتلي وين مكـانهم اني زين اندل بكربلاء وهو مكانهم معروف
صاح الاذان بالطـريق الطريق كلش بعيـد وصلنـه الساعه بـ 8وربع لان قحطان بسوق علكيف لان امي كلش تخاف من السرعة
وصلنه حطينه سيارتنه بالكراچ ونـزلنه راسلت حـور طكتلي صوره للمكان الي همـه بي عرفته
هو احنه اصلا رايحيلة ع طريقة شوي و شفتهم اني فرحـت باوعت لقحطان يباوع لمريم گلت اي نجحـت خطتي
امي شافتهم گالت يا ذولا مو ابو مريم والبنـات
قحطان گاللهه اي يمـه شافنه عمو قحطان راح يسلم عليهم رحنه مريومة يبو شصـايره العيون دم والدموع بعيونهه
ماعرف ليش توقعت حتفرح لوجود قحطان اشو دارت وجهه وگعدت لاياربي ماعرف ذولا شبيهم
نضراتهم لبعض تموت قحطان يباوعلهه بنضرات مستحيل احد يكدر يفسرهن
زرنه وكملنه وطلعنه للعلقمي كتبت امنيتي ابقة وي عمـار
طبعـا طول لطريق بس يراسل وكتلة حنبـات هماتيـن
وصلنـه للشقـة طلعت اغسـل وضـل بحاجيني نوب كتلة خلروح ونتحاجة هسه شيكولون عليه وفعلا طلعت وستلمتني تحقيق حور ولاتفوتهه فايتـه
ضلينه للصبـح نحجي اني لابسه هتفون وهو يدز بصمـات واني اراسل هههه
_____
مريـم: المكـان ضلمـة ماكو غير مؤيـد و اني
مؤيـد: هههههه حسبالج شردتي مني مـو واللـة لانـدمچ
تقربـلي واني ابچي صـار يعتـدي علية
فزيت من الحلم ابجي و اشههك شفت للكل نايم ضرت اخاف خاف تكون هاي حقيقه
گمـت بسرعة من الغرفـة وگعدت بالصالـة ضليت ابچي واشههك مَن اذكر الموقف اريد اكوم ماكو صررت ارچف واني بمكاني
شعري نـزل وغطاني حطيـت وجهي بين اديه وابجي
شـوية حسيـت حركة وراي التفـت شفت قحطـان واگف ويباوعلي بنضرات كـره وغضـب گالي كلمة احس نفسي وگعـت صاعقة فوگاي
قحطـان: هه لاتخـافيـن مراح تنفضحيـن بعملتچ وي هل سـاقط
گالي هيچ وراح قسما بالله احس شي ودچ كلبي ضليـت صافنه اريد افتهم الديصير مافتتهم هه شعبالة ههذا شنو حسبالة اني راضية بالي صارلي صدك قحطان وصلت لهل درچـة بينـه
دموعي صـارن ينـزلن بشكل لا ارادي ربي ليش هيج دخيلك يا ابو فـاضل اني بولايتك دخيلك ياحسيـن واللة اريد اموت روحي طلعت شمسوية وهيج اتعاقب بحياتي
بجيت لمن تعبـت بوقتهه گـرهت قحطـان گـرررره موطبيعي رحَت لفراشي وضليـت ابچي حدما نمـت
گعدت الصبـح ع صوت حـور صبحـت عليـهن ورحت غسلـت ورتبت نفسي عيوني حمررر دم
گالوا نتريگ ونروح للامـام نزور ونروح للبصره
صـدك واللـة طلعـنه مَن الفندق اكو شـارع يسمووا شارع السـدره
طبينـه بي، بي هوايـة مطعم و محلات و مول اكو گالن البنات ناكل ونجي نشوف شكو مكو
رحنـه لمطعـم گعدنه اني گتلهم ماكل اريد اروح صايمـة للاامام
محـد حجة ويـاي گعدوا ع طبلة وحـده قحطان و ابويـة يحجـون اباوعلة يضحـك ويصور ولا يهتم 💔
هه هيج تسوي بيه واللة كرهتك واللة
طلبـوا گـباب شوي وثنيـن بيتزا گبـار
كملـوا اكل بـابـا گام چـاب ماعون بي شيشين گباب و لحمة بعجيـن وببسي انطانيا من دون مايحجي
تنهههدت بصوت مسموع كلهه نتبهتلي دنگـت وكعت دمعتي بشكل لا ارادي مسحتـهه بسـرعة
گاالوا خلي نمشي
طلعنـه سوه الشارع طويل وگبالنه يصير بين الحرميـن
بي اشگال والـون احذية جنط ملابس كلشي بي محلاته صدك فخمـة
امي گالتلي شنـو اليعجبج اشتـري
شفت بابا گال الحـور اي شي يعجبج اخـذي صدك انقهرت صح هيه بت اخو و بعمره عمو حسام مافرق بينه ولا بابا بَس نقهرت باوعتله ودنگت بقههر ليش هيج جاي يعاقبوني
محـد يعرف النـار الي بيـه
ضلن اللبنات مَن محل لمحـل انتبهت للنـاس شون يجون ويرحـون والي يضحك والي يشتري تنهدت ع نفسي
محـل چنط واحذيـة وگفن البنـات يمـة بي ولَد يبيع قحطان وبابا وكفوا والبنـات يشوفن
شفـت ولَد صغيـر يمكن عمـره 5 سنيـن فدوه مدحدح ومدبدب يخبل والشعـر نازل فوك عيونه واشكر واكف يم المحـل باوعلي وضحـگ
ابتسمتلة گالي مادبين تشتلين وياهن عود ماطبين تشترين وياهن
ضحكتله وبعثرت شعـره وگتله
ماريد عنـدي هوايـة
گالي انتي تتمج عود شسمج من كالي هيج ضحكت بصوت عالي
كتلة اني مريم اسمي
شفت ابو المحـل طلع من المحل لان الي جوه اكو مثل البرده تقريبـا شفافة
گال ها خوية يمج الولد عبالي راح يلا عبوسي تعـال وياي
راح الولد لابو بسرعة ودارلي وجهه وانطاني بوسه هوائة ضحكتلة فدوه شلون مرح
امي وام قحطان واگفين وي البنـات
شفتهن اشترن وطلعن ابتسمتلهن
درت وجهي شفت قحطان يباوعلي ويخنزر هه واللة ياللة
گالتلي امي طبي اشتري كتلهه مـاريد شي
قربنه ندخل للامام لبسـت الچـادر مالتي
البنات يمشـن سوه وقحطان وابوية هم وامي وام قحطان سوه
مشيـت وحـدي ودموعي نـزلن دنكت وصـرت ابچي
دخيلك يابو فاضل لا ترجعني وانت مامطيني مـرادي واللـة تعبت بعد ماگدر اقاوم امتحـان رب العالميـن الي كلش چبير دخيلك ربي 💔
حاولـت اهدي نفسي مسحت دموعي الدنيـا شمس موبايلي بديدي شفت نفسي حمره صـايره
وصلنه لتفتيش الزلم وحد والنسـوان وحـد
فتشتنه وطلعنـه گالو اهنـانه نلتقي غراضهم حطوهن بالامـانات
طبينـه للحسين وللعبـاس وزرنه لمن شبعنه ضليـت بس ابجي بي وياهو اليجي يباوعلي محد يدري بنـار گلبي ابـد واللـة
ندعيت مًن العباس يطلع حب قحطان من عنـدي ماريد احبـة ولا اتعلق بَي بعـد ابد
طلعنـه من الامـام شويـة مرتاحـة غسلت وجهي بمي يم الامـام وطلعنه جبنه غراضنه من الامـانات ورحنه للمكان شفنـاهم منتضرينـه
عيني مانشالت مـن الگاع ولا بـاوعتله اثاري احنه ويـاهم بنفس الگراچ سياراتنه الي يـم الامام
ضليـنه نمشي سـوه شكد حاولن يحجن وياية اني ماحجيـت مالي خلـگ ابـد
عبـرنه الشـارع ووصلنـه الدوخـة لزمتني وماشتهي اكل شي
وصلنه لسياراتنه گالوا يلا احنـه نروح
رحنـه احنـه للسيـاره وهمـه هم مشـوا لسيارتهم
طلعوا همـه گبالنه
حطيـت راسي ع الكشـن ونمـت
صايرا بس انـام احس المهرب الوحيد الي هو النوم
گعـدت مـن النوم جانت ضهريه والاذان صـايح بَس احنه بعدنه ما واصليـن انتبهـت سياره قحطـان گبالنه اووه ياربي شسالفـة
نفسي تلعـب گلـش كلت خل اكل لا اتخربط سالت امي وين الاكل گالت وره الاكل وي الغراض خل نخلص ازدحامات وابوچ بنزل يجيبلچيـا
صـارت سيارتنه يم قحطـان ازدحام كلشش
السايد مالنه يمشي بسرعة مشينـه صرنـه گبالهم وهمـه بعـدهم اني نفسي گلش گوة لازمة روحي
ماما يلا بعـد ماتحمل اريد اكل
شفـت ابوية وگف السيـاره وفتح الجنطة گال انزلي جيبي
روحي رايحـة نزلت بلكوه امشي فتحت السيـاره شفت المـاعون اخـذته واريـد اصعـد ماگدر احس روحي نسلحـت
امي گالتلي شبيج گتلهه مـابيه وصعـدت حطيت الاكل يمي و رجعت راسي وغمضـت عيوني انفتح التربيـد والسيـاره مشـت فتحت عيوني بابا يباوعلي بقلق
فتحـت الماعون واكلـت شوية وعفته ماشتهي
رچعـت نمت حـدما وصلنه للبصره اووه جسمـي مكسـر والنـبي
ابوية صـف السيـاره يم بيـن عمو حسـام سيـاره قحطـان ماكو طبينـه سلمنـه عليهم و بـابـا انطاهم علاگـة بيهه حلويـات وضاهر جان موجود انطا هم علاگة
كعدنه يمهم شوية شفت بيبي تحاجي امي بهمس ماعرف شنو اف اللة اكبر من بيبي والللة
شوية وگال بابا احنه نطلع لان كلش تعـبانين
صدك واللة طلعنه شفنه سيارت قحطان دصف سلمو ع بعـض ورحنـه لبيتنه راسـا رحـت ذبيـت روحي ع الفـراش ونمت مالي خلك لاي شي حتة بالتفكيـر
گعدت من النوم وي الاذان كمـت صليـت طلعت بابا مكو ماما بالمطبخ گالتلي راح يم عمـامچ
رحَـت للصـالة طبعـا باجر اشيل الخيـاط انشاللة وكلش خـايفة يبو وشون اني ماخـاف
نضفـت الصالة وغرفة اهلي وطلعت للطارمـة وللاستقبـال و المطلخ هم واچـددت وصليـت ورحَت وي امي اسوي ويـاهه
طبعـا اني الضربة مويم مكان الوضوء بس ادية ماكدر فگمـت اتيمم بالتراب
شويـة وصاحتني امي رحَـت گعدت يمهه ع طيلة
ام مريم: يمة تره من نخطفتي لسـة هاي راح يصيرلج بل اشكم يوم حالتج حالة واني ماجرئت وسالتج شصار وياح لان انتي تعبـانه يمه كلبي يمج وانتي موچاهله وتعرفين هسه يايمه احجيلي شصـار ويـاچ شتـذكرين احجيلي يمة كلبي نار من تكبرين وتصيرين ام تعرفين شنو بكلب الام
من حچـت هيچ غمضـت عيوني وتنهدت الخـايفة منـه صـار شحجي وياهه شكلهه واللة مصيبـة
مـامـا ليش ما اسـدين الموضوع حبابة
ام مريم: الى متى يا امي كافي اني هم من حقي و علة فكره ابوج هم گلبة نار ويريد يعرف احنه اهل حسي بكلوبنـه شويـة
نزلت دمعتي مـن تذكرت الموقف جنه كاعدين ع الطبلة حطيت اديه ع عيوني وگمـت ابجي
امي كگامت تبجي وياية وتكلي يايمـة بس احجيلي شصـار وياچ
م ماما ماعرف واللة م ماعرف كعدت لكيت نفسي الدم بكل جسمي ماتذكـر كلشي ماما تذكر حبابـة لاتساليني
ام مريم: يمة لاتشلعين كلبي يعني شلوون يجوز الدم من راسچ يچوز ما ماخذ عذريتج
ضليـت ابجي شون افهمهه اني شفت الدم بكككل جسمي يعني ياربي كل جسمي بي دم. كلتلهه واني ابجي
ماما بكل مكان اكوو دم فدوه عوفي الموضوع
ام مريم: ماكو هيج حجي مريم انشاللة باجر نروح لدكتورا وتفحصج وتشوف عذريتج
من كالتلي هيج تخبلت واللة لو اموت ماخليـهه تفحصنـي
كمت من مكاني واني ابجي كلتلهه
شنوووو ماماااا تخبلتتتت واخليههه تفحصني قسمممم باللله ماخليهه تفحصني لووووشيصيررر فاهمـه مستحيلللل اخلي واحد يدخل بهل موضوع
ام مريم: شنووووو مستحيل تخلين ووواحد يدددخل بيججج مررررييمم ههووواية انطيتج مججال جبتج بالسيااايه وماجيتي اسمعيني زززيننن باجرررر نروووح للدكتوررره وتفحصيـننن غصبااا ماعليججج
ماماااااا انتتتس شتحجيننننن جاي اكلج ماررووووح افههههمي مستحيللل اروح واللة لوووشيصيرر ماروح
هل حجي اني ابجي واشهكك
شايفين من تحسون كلشي ضدكم بس شي واحد اني هيج وهسه امي وراحت هم صارت وياهم طبكت علية
ام مريم: عممممي وااللة عججيبه ياااابنتي ججاي اكلج اني جاي احججي لمصلحتج لااتيبسين ررراسج اريد اعرررف الصارر وي بنتي موو من حقي
لااااا موووو مننن حقج هههذا من حقي اني وحدي و و اللة اذااا عدتي هل موضووع ماضل دقيقـة بهههل بيتتتتتت
ام مريم: اشش بلا عنـاددد من يمته صوتج يعلة علية باجر غصبا ماعليج نروح وككافي ماعدي غيررر هالحجي
هيه من حجت هيج اني تخبلت كمت ابجي حيل
وووالنبي والللنبي وحق العباس الي رجعنه منه ووووووولااا افحص
گلت هيج وهيه كام تعيط اني عفتـهه وطلعت من المطبخ رحت لغرفتي ركض
كعدت ع الجرباية وصرت ابجي لحـدما نمَـت
ماكعدت الة ب7 الصبـح
طلعت مَن غرفتي ثنينهم نايمين مبينين جوعانه حيل طلعت جبن من الثلاچة واكلـت
اف نعسانه لسـة رجعت نمـت ماكعدت الة وي الاذان ع صوت باب غرفتي ينـدگ
اني قافلته طلعت امي كالتلي وهيه وجهه ثكيل علية مبين
واللة ياللة لو اموت ما امشي واللة
رحـت صليـت كعدوا ياكلون وراهه اني ماشتهي ماگعـدت وياهم
ماحجوا شي همـه اف ملل والنبي
الدراسة خو نسيته ههه بعـدين سويتلهم چاي ورحـت لغرفتي فتحت موبايلي ادية تجبرني اروح لصفحتة نـاشر صوره بكربلاء وتعليقات دگ غزل وهلمره راد ع الكل ☺️
ويضحگ ويشـاقة هه سـديت موبـايلي وگعدت شعنـدي شسوي گمـت نمـت
گعدت المغرب صايره تنبـل مال نوم كمـت نضفت البيـت شوية وصـاح الاذان ضايچة گمـت اسوي بيتـزا
شوية وامي كالتلي وهيه وجهه ثكيل علية حيل
ام مريم: جهزي نفسج حتة علي يشيلج الخيوط وباجر نروح للعيـاده حتة نفحصج
باوعتلهه وكتلهه
تمـام هسه احضر نفسي بس مال اروح للعيـاده ابد واللة لو تتطبگ السما ع الكاع
گلت هيج وهيه ضلت تحجي وتكول غصب ترحين نزلت دمعتي غصب عني ورحـت لغرفتي خايفة وارچف
بدلـت ملابسي وطلعـت لكيت ابوية گاعدد ع الطبلة وامي لابسه عبايتهه
من شافوني طلعوا راسـا هه هاي صدك يحجون
طلعت وراهم وسـديت بـاب المطبخ
مشينه لبيت عمو بس شنو ارچف مَن الخوف
طبينـه سلمنه ع الكل كليتهم گاعديـن بالاستقبـال
احنه تربينه وي ولد عمنه يعني حور مرات تلبس حجاب منهم واني لا البس حجاب بس هم مرات ومـرات لان احسهم صدگ اخواني تربيـت وياهم بعَد
ابويـة گال لعلي يلا
شفت علي گام چاب ويـا ماعرف شنو نفس الابره الطويلة وچاب ويـا قطن و معقم اني رجلية يرچفن
گالي يلا مريم تعـاي
رحتلـه اني ارچف مرتة گاعده يمـه
گال تعـالي نامي ع رجلي حتة اكدر اسيطر عليج
حط مخـده. ع رجلة حتة اعلة ونمت عليهن و مددت
شلت الحجاب من جوه لان الضربة من جـوه
مرتـة فتحت الضوه عليـه وهو رش ماعرف شنـو عليـهه وگال بسم اللة
كتلة بترجي اوگف علي
جنت دائمـا من اضرب ابره الزم بايد بابا كلش اخاف التفت وشلت راسي
لا بابا ولا ماما موجوديـن وجدو وبيبي هماتين
سالت حـور الي واكفة ع راسي وتريد تصور گالتلي بيبي وجدو صاحوهم
اني ستهضمت حيل لهل درجة يعوفوني ويرحون وبابا يعرفني اموت من هسوالف هو اني ابره اضل ابجي شون ما هاي
غمضت عيوني ودمعت گالي احمـد اني يمج يلا واسيل وكلهه يمچ
حط هاي الي مثل السنـاره ع الخيط اني كمـزت متتتت
نوب اسيـل لزمت ايدي هيه واحمـد
هنـه 5 خيـوط
شالـي اول خيط واحس رووحي شاااغت ضللليتت بس ابچي ونوب ضرت اذكر كلشي صار وياي. قحطان اهلي گمت ابچي عليهن
گالي علي خلصت خلصت ضلن بس 3
كام يشيل بالخيوط واني اشيل نفسي للة وارگعهه بالگاع متتت من البجي
نوب بقن ثنين كتلة حباب حختنك كافي
گالي لا يلتهبن ولج خل اكملهن الج ماقبلـت
رجعت وكلت تحملت كل الالم تحملت الالم الي اكبر الم اهلي والم قحطان وماتحمل هل الم
رجعـت لعلي صار يشيـل بيهن واني امووووت بقة بَس واحـد فحطت متت من البجي الوجع يموت اللة لا يعديهه ع احـد
بقة اخر خيط والعگـده سمعت گال لضاهر هاي راح تموت والعكـده اخر شي مال الخيط كلش صعبة هيه هاي اهم شي تعال الزمهه لاتتحرك و تحرك روحهه وتجرح نفسهه
اني من سمعت هيج زاد خوفي گام ضـاهر لزمني
وعلي شال الخيط الاخير روحي شـاغت كالي خلصت خلصت بس اخر شي
احسه يلوي بالسنـاره حتة يفتحهه احس الخيط موتني الالم ماينوصف
گوه شالهه مَن گال كملنه متت بعد ماگدر اتحرك الوجع اخـذني
حطلهه معقم وحط عليهه قطـن وحـور تكول خلصت العملية
گمت علي يكلي بهذلتيني واللة ردت اجرحج من وره بجيج
اني دايخة گوة واگفـة گعدت بالكـاع كااللت اسيل اروح اچيبلچ شي تشربي كتلهه لا كلشي ماريد
التفت لاحمـد وگتله
جا بابا هيج يعوفني ويروح مايكول مريم تخـاف من الابره وهذا خياط هيج بسرعة تخلة عني
باوعلي وگالي لا ولج وجدوو جبرهم يجون
كتله هه اي. ممكن تصيحهم نروح لو شلون الوجع مايقـاوم
گالي علي يلا نوب اديج اشيل الخياطات وكلش سهللات موكبار
صـدك واللة شالي الخيطات روحي راحت حتة دمعي نشف من الوجع
احس روحي كبرت بعد هل مشاكل كلهه مو مريم ذيج الضعيفة صار عدي كلشي عادي
شوية شفتهم طلعوا اجوني باوعولي گالو هاخلصتوا
هههههه اي جنه نلعب وخلصنه گالة عمار اي
گال يلا خل نطلع
طلعنه وعلي وصاني ع شكم شغلة رحت للبيت واني مهضومةة ححَيل من الكل
طبيت راسا لغرفتي وسـديتهه وضليـت بس ابچي
ماعرف منين اتلكاها ماعرف هيج صرت مكروهه بيًن الكل اررريد امووووت ياااربي دخيلك مووووتني
بعدهه حسيت بدوخة قوية وكعت ع الجرباية بين الاحس وبين الماحس
حاولت اجر نفسي كوه ع مخدتي وجريت غطاي وبعد ماعرف شصـار
گعدت الصبـح گمت شفت الساعه ب6ونـص
گمـت اجددت وصليـت ونضفت البيت گعدت ع الطبلة شوية وطلعت ماما وبـابا من الغرفة
اجوي للمطبخ بابا لابس زي رسمي مو مال دوام
گال لامي يلا استعجلـن حتة اذبجن يالعيـاده
اني بلعمت شقصـده باوعت لامي گالتلي
يلا گومي بدلي نروح للعيـاده
يتبع
شعَـر يمثل حالة مريم 💔
همهَ مُو غربه الرموک ،
اعزاز بس گلبك غشيم ..!♡
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: