قصة حب في ازقة بغداد الجزء 19-20-21 في 7:44 م مرسلة بواسطة أحمد التكريتي

 

#حب_في_ازقة_بغداد 

#للكاتبة ام مصطفى 

#البارت التاسع عشر

ثائر ...ساره قلبت حياتي حتى صديقي محمد كان يكول انت محظوظ بيها وين تلكه مثلها مره محافظه عليك وملتزمه بعاداتنا وتقاليدنا شوف بيتك كلما ادخله اسمع قران او دعاء شوف نفسك وين جنت وشلون صرت قارن بين زوجتك وزوجه حامد صديقنا زوجته بت خالته حسره اذا حجه وياها كلمه اتصلت على الشرطه وتعرفه هو عصبي بس كلبه طيب وانت حرت شسويت بساره بيها متكلمت ولا نطقت بحرف محمد خلاني اعيد التفكير بيها حتى علاقتي بهاله صارت بارده واحسها تافهه مو مثل قبل ساره احتوتني بكل عيوبي ومن صعدت هاله للشقه مسمعت صوت ساره تعاتب تتعارك ومن سالتها كالت هاله بالنسبه الي كائن لاوجود له متسوه تصيرمشكله من وراها جانت دائما تتصل بيه دز مسجات توكف باب الشقه بملابس مثيره لكن عقلي وكلبي وعيني مشوف غير بس ساره ..

بس الصدمه من عرفت ساره حامل رغم اني ماخذ احتياط بس صار بعد ضليت صافن وهي كلساعه تسألني فرحان بالحمل ؟؟واني اجاوبها واكولها اي شلون لعد بس ساره تعرفني من نظره عيني او يمكن اني مااعرف اخفي مشاعري

اني انسان مااعندي التزام قضيت حياتي سهر وننسه وكيف وسفر وشرب ونسوان وبناء على طلب الوالد ارتبطت ومع هذا بقيت على حياتي لا احب احد يسألني ولااحب التزم بيت  ولااني اعتبرتها زوجه ..دائما القرب يولد حب والفه..لكن ساره كانت مبتعده عني حتى من عرفت بهاله وشافتني بعيونها متكلمت واختارت تبقى بعيده عني وهذا البعد هو الي قربني الها وعرفت محتواها شنو

انسانه نظيفه نقيه دخلت كلبي بدون استأذان وسكنت بي وغلقت كل بابه وكتبت عليه ممنوع الدخول 

ساره حامل ..حامل..هذا الخبر كان صدمه بالنسبه الي اني دمي ملوث كحول وحبوب الي جنت مدمن عليها  ومن تعالجت حذرني الدكتور اذا ارتبط مااسوي طفل  لان راح يطلع بي تشوه بسبب الادمان  والمصيبه الحبوب تعالجت منها لكن الشرب مكدرت اتركه الا من صار عندي قرحه جبيره بالمعده قللته بس من اشوف الشرب كدامي مااكدر اقااوم خاصه اهنا بالسويد الشرب بكل مكان لهذا حجيت ويه صديقي محمد وكتله على حمل ساره وهو يعرف بموضوع الحبوب والكحول وشلون يأثر على الطفل اذا صار  فااخذني لصيدلاني صاحبنا يشتغل بصيدليه وحجيت اله الصار وكال عندي قطرات تسقط الجنين بس لازم يكون بدايه الحمل ميأثر عليها هنا بالسويد اكثر العلاقات تكون عابره فاذا صار طفل تجهضه باانواع معينه من الادويه وهاي القطرات وحده منهن علمني عليها واخذتها وطلعت ومحمد يوصيني بالتعليمات حتى لصير مضاعفات وكال خلال يومين تجهض لكن مر تقريبا اقل الاسبوع ومصار اجهاض خفت لا الحمل يبقى وصعبه بعدين تجهضه فاانطيت اكثر من الجرعه المطلوبه وراقبتها الليل كله بس ماكو اي علامه للالم ..حجيت ويه محمد كال الحمل بعده وكل مايمر وقت يصب الاجهاض الافضل تعترفلها وتاخذها لدكتوره وتفهمها على حالتك حتى توافق تسقط الطفل ...اهنا بالخارج ممنوع مثل هاي العمليات لكن اكو عيادات خاصه يتفق بيه الطبيب وبه المراجع ويسون العمليه على شرط اتكون مظمونه حتى ميتعرض الطبيب الى مسأله قانونيه... ثاني يوم كنت بالمعمل واتصل عليه محمد كال زوجتك بالمستشفى واخته فردوس وياها تهسترت الصبح عفتها مابيها شي عبالي تسقط الطفل بدون حاجه للمستشفى لان الولد فهمنا راح يصير الاسقاط بكل سهوله لان الجنين بالاسابيع الاولى للحمل

رحت للمستشفى بسرعه كانت بعدها  بغرفه العمليات لان الجنين مسقط ميت بطنها والكتوره تريد تسوي كورتاج(عمليه توسع للرحم لاازاله الانسجه العالقه بعد الاجهاض)وبعدها دخلوها غرفه خاصه وبقت فردوس يمها اني كنت خارج الغرفه منهار ومحمد يمي يواسي بيه ويكول الحمدلله على السلامه الله يعوضكم ان شاالله الجنين اذا بقى راح تتعب اكثر من هسه اتصور يكون معاق وتخلص حياته تخدمه بدون جدوى واحتمال يموت بس انت ابقى بعيد عن الشرب والحبوب وكلها فتره ويتنقى دمك وتعوضون الي خسرتوا.

دخلت للغرفه كانت بعدها تحت تأثير البنج العام وبدت تصحى كعدت يمها بس راسها واني اصحيها بس ظلت منهاره احاول احظنها حتى تهدا ماكو  .بقت تصيح عليه وعلى محمد وطلبت منا نطلع خارج الغرفه  طلبت من فردوس تعوفني وياها افهمها بشكل صح ..

كتلها ساره اسمعيني ..وبعدين حكمي ساره اني حبيتج ومستحيل أأذيج  ظليت احجي وياها وافهمها الطفل اذا صار يكون مشوه اوبي اعاقه... سألتني ليش محجيت جان اني هم اخذت حذري تدري الدكتوره حذرتني من الحمل لمده سنه على الاقل ولازم اخذ علاج لان رحمي تعبان بسبب الاجهاض

ثائر..يروح فدوه الج ثائر وعشيرته انتي متكدرين تاخذين مانع لان سالت عنه كالوا ميصير لان يضعف المبايض وانتي بعدج صغيره وماعندج طفل  والله بس اسوي فحص ويطلع دمي نظيف الا اخليج سوين درزن جهال بس فدوه كافي مو زين عليج الانفعال ...

ساره..طلبت منه اكون وحدي مطايقه اشوفه الفرحه الي حسيتها واني حامل متنوصف وتالي يخليني اجهضه بدون علمي ثائر كان خايف حيل عليه وحتى دموعه تنزلت يمكن انطيه الحق لان ميريد يصير ابنا معوق بس المشكله بيه حيل جنت فرحانه واحلم يصير عندي طفل صعبه شوف حلمك ينهار امامك بسهوله.. استغفرت الله ..طلع ثائر هو ومحمد وبقت فردوس يمي كالت راح ابقى وياج بس بليل ارجع ممنوع احد بيقى بليل وترجع الصبح  هنا بقيت يومين بالمستشفى الى ان صرت زينه والدكتوره فحصتني كالت وضعج مستقر راح اكتب الج مغاده فردوس  رادت تتصل بمحمد او ثائر بس اني رفضت كتلها مااريد اشوف ثائر اريد اطلع اروح للبيت ارتاح اختنكت ..صار الظهر وقت المغادره جمعت حاجاتي بجنطه صغيره وطلعنا اني وفردوس وصلتني للعماره كالت راح ابقى يمج اليوم الى ان يجي ثائر بليل حسيت براحه لان استحي اطلب منها تبقى خطيه تعبت ويايه حيل وابنها تركته ويه امها طلبت منها جيبه من تجي مره ثانيه حتى اشوفها وظلينا نحجي وتواسي بيه الى ان وصلنا.. صعدنا للشقه كان باب الشقه مفتوح دخلت فردوس شايله الغراض واني وراها كالت هاي الاوراق مال مستشفى راح اخليها هنا بالجنطه موتنسين بعدنا نحجي انفتحت باب الغرفه مال نوم وشفت هاله لابسه ثوب مال نوم مالتي ولازمه باب الغرفه كالت اسفه فاتت عليه نومه ظليت صافنه عليها فردوس فاتحه عينها مشيت بااتجاها واحس جسمي نار مشتعله شعور مينوصف اني مريضه بالمستشفى وثائر منوم هاله بحظنه وبغرفتي وعلى فراشي  ولابسه ملابسي احس المسافه صارت طويله من الصاله لباب الغرفه كبعد السماء عن الارض  جمعت كل حركه🔥نار بكلبي من كنت بنيه وبعدني ممزوجه الى ان ازوجت ثائر وحركَة معاملته الحقيره اليه وحركة سعد الي جبرني على هاي القسمه وحركَة فرحه زوجه بااول حمل الها ومكملت الفرحه رفعت ايدي وبكل قوه وكلب محروك ضربت هاله ومن قوه الضربه فقدت توازنها وكعدت واساسا كانت ثمله شاربه هوايه وريحتها تلعب النفس ..دخلت للغرفه ..باوعتال ثائر النايم على السرير وفاقد الوعي تماما وبصفه اكثر من بطل للشرب و...اشياء،مقرفه لعبت نفسي ظليت اصيح بصوت عالي وانهاريت واني اكوله ارتاحيت..ارتاحيت من جبتها بفراشي انت متحبني ليش زوجتني وكسرت ركبتي ودمرت حياتي ليش اخذتني من اهلي من امي من وطني وجبتني اهنا..الكل حاسده ساره..ساره بالخارج..ساره بالنعيم خلي يجون ويشوفون ساره شسوه بيها ابن عمها  اصيح بصوت عالي واني اضرب بثائر واضرب بنفسي واكسر بالغرفه وافتح باابواب الكنتور  لحظات من الضعف وقله الايمان تخليك دمر نفسك واعصابك وانت فاقد الاحساس فردوس خطيه طردت هاله وسدت باب الشقه واجتي حظنتني وتحاول تخليني اجلس بالكاع حتى اهدا ثائر فتح عينه وعبالك مضروب براسه وميعرف يحجي نهض من فراشه ممتزن يروح منا ويجي منا طلعتني فردوس للصاله لان خجلت من منظر ثائر المقزز الي كان شبه عاري واثار هاله عشيقته  على جسمه ظلت يمي وثائر بالغرفه يحجي وممفهوم كلامه اتصلت فردوس بااخوها محمد حتى يجي اني بعدني ابجي واعصابي نار وثائر بالغرفه ماافتهم كلامه او ويامن يتكلم فاتت اقل ربع ساعه اجه محمد سأل فردوس شنو القصه فردوس كالتله كل الي صار دخل محمد  على ثائر للغرفه ويصيح عليه لك بابا شسويت بت العالم ويغلط ويسب بي واخذ ثائر للحمام اسمعه يكول لك بابا اصحى على نفسك وشوف  شسويت كافي عاد لك انت رجال متزوج عوفها 

خلي تولي حرام عليك..  ترك ثائر واجه  عليه ومنزل راسه كال العفوا ساره مااعرف شنو الي اكوله الج الحمد لله على السلامه ويارب يعوضكم بالاحسن منه.. ..كتله اخ محمد من  اجيت للسويد  الى هسه مطلبت منك شي وهسه اريداطلب  طلب  منك وقبل لااحجي اريدك تكول تم..

صاح محمد كال ادليلي.امريني 

كتله اخذ ثائر وطلعه منا مااريد اشوف وجهه خلي يجي بليل حتى اكون نايمه ومااشوفه رحمه لوالديك.كال بس هذا ادليلي صار

دخل على  ثائر للغرفه وبعد دقائق طلع ثائر وعيونه حمر يباوع عليه كال والله مااعرف شوكت اجتي وشوكت طبت والله محسيت ماادري شلون اخذت الشرب .منها وفقدت والله مجنت بوعي يحجي واتي لازمه راسي باايديه ومحمد يجر بي ويكوله مو وقته الحجي

خلي نطلع هسه وترتاح وبعدين اتفاهموا ..وفردوس هم ترخصت مني وطلعت وضليت وحدي بالشقه رغم الالم بطني الي موتني بس مااعرف اكوعد  اروح منا واجي منا اتخذت قرار لازم اطلك وارجع للعراق..

اتصلت على سعد وبسرعه جاوبني ضل يسلم شلونج ساره شلون صحتج شعحب متصله ..اني كلت نستنا ساره ضل يحجي ويسلم الى ان صاح الو..الو عباله الخط انقطع جاوبته كتله سعد اسمعك الحمد لله زينه انت شلونك اكدر احجي وياك 

سعد ..كولي..ساره محتاجه شي صاير شي وياج كولي لتضمين عليه اني اخوج والله اكلب الدنيا اذا احد مأذيج 

ساره.. ظليت احجي السعد كولشي من يوم الي زوجت الى وقت خروجي من المستشفى وكتله اريد اطلك مااكدر اعيش هنا بعد اختنكت راح اموت بالغربه ومحد يدري بيه انطيت العندي وال ماعندي ماكو شي مسويته وكوله ضاع سدى... 

رنا..ظليت بغرفتي مااطلع منها الا للضروره النهار كله افكر بوضعي ودموعي  على خدي..امي كالت اذا مهند متردي ليش،وافقتي انتي بعدج صغيره والعمر كدامج..شوفي وجهج شلون اصفر وعيونج مغوركه

متعرف هذا كله بسبب الحمل احجي ويه نفسي واكولها يمه اني حامل وزوجي قبل العرس مات واخوه ستر عليه ...اخوه الي جان يحب اختي ...كل البنات بااول حملهن يفرحن الا اني...

بعد يومين اروح اعيش بيت خالتي

اسمي زوجه ابنهم ....ابنهم الي طعني بشرفي واني بت خالته..ويعرفني ويعرف اخلاقي..

مرات اكول لو احمد ممتصل بخالتي  بعد الي صار بيني وبينه ..معقوله خالتي صدك بيه وتساعدني..لو الموت يكون اقرب الي منهم واحن عليه من سياطهم وكلامهم..

#حب_في_ازقة_بغداد 

#للكاتبة ام مصطفى 

#البارت العشرين

ساره..سعد صار اكثر من سنه اني هنا كولشي مفتهمت ..حياتي مخربطه من بدايه زواجي الى هسه هوايه حاولت ودست على كلبي في سبيل اعيش من الناس بس مكدرت ثائر حطمني سعد بعد مااكدر ابقى هنا حياه ثائر عباره عن شرب ونسوان ميكدر يتخله عنهن اريد انهي كولشي وارجع للعراق فدوه سعد اني اختك ترضاه يوميه انام دمعتي على خدي وعندي اخ ينشد بي الظهر..ترضاه واني عزيزه ابويه الله يرحمه اعيش بمذله والله لو اكو احتمال ثائر ينصلح جان حاولت مره ثانيه ..بس مستحيلل يتغير واذا ترك الشرب ميترك درب النسوان  ظليت ابجي الى ان سعد كال هاهيه راح اتكلم ويه عمي وننهي كولشي بس لتأذين روحج اني احلها...سكتت وظلت ادعيله .. 

مرت تقريبا اكثر من ساعه وحدي بالشقه الغرفه مدخلت بيها ولا نظفتها احسها قذره ..رحت للشباك رفعت شويه من الستائر وعيني على الناس تروح وتجي الي تمشي وحدها والي تمشي مع ابنها والي تمشي مع حبيبها ومنظر الاشجار الي كدامي والحدائق ..واني صافنه عليهم ..الى ان حسيت ثائر ورايه جرني من ايدي حيل كال ابويه اتصل بيه يكول سعد يريد يرجعج للعراق وانتي طالبه الطلاك صدوك هذا الكلام لو سعد من كيفه يحجي ؟صافنه بوجهه وساكته مابيه حيل اجاوبه اذكرت منظره وهو بالفراش وجسمه الي....... رجع يهزني حيل من ايدي ويكول جاوبيني انتي متصله على سعد ومطالبه بالطلاك لولا ؟دفعت ايده وكتله اي اني اتصلت واريد اطلك مااريد ابقى وياك اريد ارجع لااهلي مليت منك ومن العيشه وياك اريد مكان نظيف طاهر ..مكان اكدر اصلي بي والله يستجاب دعائي هذه الشقه صارت قذره مااكدر اسكن بيها بعد مستحيل ابقى هنا.. ضل يصيح عليه ساعه يكول رجعه ماكو وطلاك تحلمين بي ويهدد وساعه يراضي ويتوسل ويكول اذا تردين اغير الشقه ونروح لغير مكان على اساس اني هامني تغير المكان مو  تغير الشخص ال امامي  الى ان اتصل بصديقه محمد واجه هو وفردوس حتى يقنعوني اغير رائي بموضوع الطلاك 

محمد..ساره صدكيني ثائر يحبج بس غلط والغلط يصلح ماكو داعي للطلاك ..وفردوس هم حجت كالت تتطلكين وترجعين وانتي تعرفين حال المطلقه بالعراق شلون نظره المجتمع الها حتى لو تكون مظلومه هم متخلص من كلام الناس ظلوا يحجون الى ان صحت بصوت عالي حتى يسكتون..كتلهم ماكو احد عاش الي عشته هنا كنت وحدي دائما بين اربع حياطين اظطر اغسل ملابس زوجي الي بيها اثر للمكياج وهو بااحظان عشيقاته يطلع الصبح يجي تالي الليل واخر شي صار يبات خارج الشقه الحب مهم بالعلاقه الزوجيه لكن  الاهم منه الاحترام  بعدني عروس وهو من وحده لوحده اذا صار عندي اطفال وتغير شكلي وهذا شي طبيعي لكل امراءه متزوجه شراح يسوي؟؟احلفك بالله انت اختك فردوس  اذا تقدملها واحد بمواصفات ثائر تقبل على زواجها ؟اكيد لا ..لان انت تريد تزوجها حتى هي ترتاح وانت هم ترتاح مو يوم والثاني تتصل بيك تحجي عن خيانات زوجها ..رجاءا هذا قراري مااريد احد يدخل بي ..

حاول ثائر يصلح الي انكسر بس كلبي كان رافض وعقلي هم كل مايتكلم اذكر وكفتها باب الغرفه وملابسي الي لابستها ثائر صح مبين عليه الندم بس هذا الندم الا يوم وينتهي ويرجع لحياته السابقه 

بعد اسبوع انتهي كولشي طلكت ورجعت للعراق محطمه ماعندي رغبه حتى بالحياه رجعت لبيتي ولمنطقتي لغرفتي الي شاركتني ذكرياتي الحزينه ..اول يوم وصولي مكدرت انام ظليت للفجر كاعده صعدت للسطح بقيت اباوع على بيت كرار ظليت صافنه على الغرفه الي حلمت ازوج بيها صارت لغيري كرار اتزوج بعد مامنتهى اجتي قسمتها وطلعت من البيت طلع تعينه بالشرطه وازوج اقرباء،والدته استعجل بزواجه علمود والده حتى مايتركه وحده خاصه منتهى عيالها غربه صعبه تجي يوميه على اهلها بالرغم بمنطقتهم قريبه علينا الله يسعده يارب 

دخلت  لغرفتي نمت وكعدت ساعه عشره الصبح. رنا قبل لااجي للعراق ازوجت مهند وهاي سالفتها سالفه ليش قبلت بمهند وازوجته حتى حفله مسوت مجرد عزومه على العشا خالتي سوتها ..وعزمت عمامي واهلي ..اتصلت بيها حتى اشوفها مكدرت تجي تكول خالتي مريضه تعالي انتي مااكدر اتركها 

وهبه المتغيره عن قبل لاتضحك ولا تسولف  عازله نفسها اكثر من مره اسألها شبيج مجاوب لو تكول الدراسه صعبه ويرادلها تركيز لو اساسا تضل ساكته وصافنه 

عدت ايام ثقيله حيل وكئيبه بيوم كنت اتصفح على اليس سألت هبه اذا تعرف منتهى عندها صفحه علل الفبس بوك كالت اي وانطتني اسم الصفحه دزيت الها طلب صداقه وراسلتها بالبدايه معرفتني بعدين كتلها اني ساره خطيه فرحت حيل  وبسرعه اتصلت بيه 

منتهى..سراوي حبيتي شلونج مشتاقتلج حيل دائما اسال عليج هبه شلونج احوالج ان شاالله مرتاحه

ساره..الحمد لله بخير هسه عرفت عندج صفحه من هبه وراسلتج عليها اخبارج تكدرين تجين عليه

منتهى..ليش انتي وين. ؟

اني بيت اهلي اجيت زياره الله عليج حاولي تجين والله مشتاقتلج هوايه للتلفون ميفيد اريد اكوعد احجي واسولف وياج 

اتفقنا على الزياره واجتني منتهى وظلينا وحده شابكه ااثانيه سألتها عن اهل زوجها كالت الحمد لله ناس طيبين وزوجي هم حباب ومداريني انتي شلونج..

محبيت احجي ال منتهى اي شي كتلها اني بخيراجيت زياره لبيت اهلي ترخصت منها حتى اجيب الضيافه الها كنت محظره عصير وكيك هي تحبه هوايه كنت دائما اسوي وادز الها ..دخلت امي سلم عليها واني طلعت للمطبخ حظرت الصينيه صحن كيك وعصير دخلت للغرفه شفت منتهى صافنه عليه وامي تبجي ..من طلعت امي سألت منتهى شبيج وامي ليش تبجي؟؟

ليش ساره ضمين عليه تخافين اشمت بيج مثلا ؟؟انتي موبس صديقه انتي اختي تعرفين اني ماعندي خوات ليش مكلتي انتي انفصلتي وهاي حياتج كلها قهر بقهرواني اكول ساره سافرت للسويد  وعايشه حياتها لا كهرباء طفت ولا مي انقطع .ولا مولد عطل....

ساره...الحمد لله على كل حال اتفضلي هذا العصير والكيك سويته الج البارحه من هذا التحبي .ابو الكاكو

ظلينا اني ومتتهى بحدود ثلاث ساعات وبعدين راحت لبيت اهلها هي بيتها قريب من منطقتنا مرت الايام واني ومنتهى على اتصال دائم بس هي تتصل دائما لان اخاف زوجها يكون موجود واسبب الها بمشكله مره من المرات اتصلت بيه وظلينا نحجي على الخياط والاقمشه كالت افتحي كاميرا خلي اشوفج الفصال الجديد خيطه الحماتي والله لو تخليني اخيط الج دشداشه بنفس الفصال تطلع حلوه على جسمج فتحت الكاميرا وشوفتني الاقمشه والفصالات وضلت فاتحه الكاميرا تشوفني غرفتها الى ان طلعت صندوق صغير من الكنتور كالتها وطلعت من ورقه سألتني كالت عرفتي هاي شنو؟؟جاوبتها لا لان الصوره ممواضحه الى ان قربت الورقه من الكاميرا باوعت عليها شفتها رساله من رسائلي ال كرار ظليت صافنه كتلها هاي شوصلها يمج ..كالت كرار كان محتفظ بيها بالكنتور وقافل عليها وزوجته شافته وفتحت ااصندوق وقرت الرساله وظلت تتعارك ويا وهو بقى يتعذر وكال راح احركها كدامج جاب اوراق وحركهن وانطاني هذا الصندوق امانه عندي من تروح زوجته لبيت اهلها يمر عليه ياخذهن ويرجعن بعدين خبلني كرار..

ساره..بس حقها زوجته المفروض من زوج ينسى الماضي كل امراءه تغار على زوجها اذا شافته متعلق بوحده غيرها هاي المأساه اني عشتها ايام وليالي المفروض انتي تكوليله الماضي ميرجع والحاضر افضل 

منتهى والله كتله هذا الكلام بس كال اني ممسوي شي هي اوراق الها يوم وانساها ترى هو يخاف على مشاعرها هوايه خاصه من خطأ بيوم زواجه وصاح الها ساره وهي اسمها اسماء،

ساره..شنو؟؟صدوك تحجين الله يساعدها هاي ليش اخوج يسوي بيها هيج والله حرام عليه اذا ميريدها ليش زوجها لعد حتى يعذبها..

منتهى..اسكتي ساره صارت مشكله شكبرها واني فهتمتها كتلها كان خاطب بنبه اسمها ساره ومصارت القسمه وهو هم حجه وياها كالها جنت احبها وراحت بحال سبيلها وانتي من البدايه سألتني عندك علاقات ويه البنات وجاوبتج وحده بس وخطبتها ومصارت ترديني اكذب عليج وهسه انتي صرتي زوجتي وراح انسى كولشي واريدج تملين عليه حياتي وانتهت المشكله وباسها من راسها وصار حذر بتعامل وياها 

الله يحفضهم ويملي بيتهم جهال اترخصت من منتهى ونزلت اكمل شغلي جانت امي  جاية من السوك وكالت يمة صندوك مال طماطة ضل بلباب البسي شي على راسج ودخلي ماكدر اشيلة لبست شال وطلعت للباب حاولت اجرة مكردت كان بعيد عن الباب رجعت لبست عباية وطلعت اخذ الصندوك جان يصير كدامي 

عيناك ..يامولاي ...كالبحر...

جرت..فيها..ُسفني...

وفٌتحت..فيها..شراعي..

والقُيت..منها..همومي..

وجراحي..

خذتني... الامواج..بعيداً..

ها..أنا..وسط..البحر..

لا..اعرف..طريقي..

كاهاربه..ليس..لها.  مأوى..

سوى..شاطئك..

واصبح..للغير..مرسى.. ..

صار كرار كدامي ظليت صافنه احس رجليه ماتت لااكدر اصير وره الباب ولا اكدر اضل واكفه وهو صافن عليه وفاتح عينه نزلت راسي وجريت الصندوك وسديت الباب وهو بعده واكف دموعي جرت من عيني اني سألتني شبيج كتلها دخل تراب بعيني ظليت اشتغل بالمطبخ وفكري بعيد صار هوايه من رجعت للعراق بس ابدا مطلعت خارج البيت حتى امي تريدي اروح وياها للسوك او زيارات بس مااقبل اروح افضل  حتى متجيني حجايه وحتى لااشوف كرار وتنفتح جروح هيه قسمه ومصارت والولد ازوج يارب يسعده ويهني 

هبه تدرس امتحانات النهائيه مرات اشوفه صافنة ومرات من اتصل برنا اشوف الحقد بعيونه من سألته كالت

اختج وزوجها  ضحكوا علية اختج الي جنت اسهر عليها من توفى احمد ..اختج الي جنت  اخاف عليها لان قطعت الاكل اخذها بحظني واشربها العصير مثل الطفل بيد امه اختج الي من تبجي اكابلها وابجي وياها وبعدين اهديها وانومها ومااطلع من الغرفه الا اتأكد هي نامت اختج طعنتني بظهري هي وابن خالتي الي فتحت عينه عليها حبيته حب طفله ومراهقه وشباب كان بالنسبه الي مثل شمس دافيه بشتا بارد الناس تدافا بيها ..كان حلم واعيش بي نهاري وليلي اتخيلي بيومها ظلينا نحجي للفجر سوى..وبعدين..ههههههه اتفاجأ جاي هو وخالتي يخطبون رنا..لو وحده غريبه جان صحت وتكلمت وعاتبت بس المشكله اختي...دائما من تتصلين بيها كوليلها هبه تدعي عليج انت ورجلج بنار ماتهدا ابدا 

ساره..ظليت صافنه على هبه  الي تحجي بحركه كلب حبيت اعرف الحقيقه من رنا بس من اسألها  متجاوب وتتهرب مني حتى خبر حملها سمعنا  بي من خالتي بعد فترة من زواجهم وهي متصلت تخبرنا ولا تفرحنا 

بليل اتصلت علية منتهى كالت كرار 

اتصل علية وعاتبني مجان يدري انتي موجودة من كتله ضل يحجي علية الى ان فهمته الوضع الحالي بان هو انسان مزوج وزوجتة ماله ذنب 

سارة ..عفية عليج منتهى اذا سألج علية ابد لاتنطي اجابة وخلي دير بالة على زوجتة 

منتهى..والله هو زين وياها ومداريها تطلب الحاجه دقائق وصير بين ايديها بس هي الله يسلمها عنوديه ومهمله خاصه ويه ابويه وهو اساس زواجه علمود ابويه البارحه يتوسل بيها تكعد من وقت حتى تنطي حبابه لاابويه ساعه ٩ الصبح وهي الا دك ساعه ١١ وابويه يبقى هاي الفتره لا ريوك ولا علاج 

ساره..هي شلون صارت القسمه؟؟

منتهى..من ابويه اتمرض رحنا للريف يم قربائنا وكان عدهم خطار بيت عمهم وابوهم عرص على كرار يخطب بنته بس كرار موافق بحجه ماعنده امكانيه ومن ازوجت اني رجع عمي فتح الموضوع ويه كرار وكاله الرجال هداها الك وافق اختك وازوجت ومظل احد عندك يداري ابوك ...تدرين ساره من خطبناها بالحفله وحده من اقربائها  حجت على شغله انو بناتهم مصير عندهم اطفال الا بعد خمس او ست سنوات لان عدهم ضعف مبايض ومن كلت ال كرار على الي سمعته كال الاطفال قسمه من الله سبحانه وتعالىاخذها واعالجها ومااقصر وياها بس اداري ابويه كولشي مااريد منها والله حتى الشغل مال البيت الزوالي وتنظيف البيت والحملات اني اسويهن وكرار يجي يساعدني وهسه لسانها شطوله ماخذني خدامه الك وممرضه الاابوك والله ساره اني فوك خدمه عبالي اخدم بيت اهلي خاصه من اجي عليهم واالكاها محظره شغل من جوه الكاع يا مدات وصخات يا مطبخ ي ادله تعزيل والله تعبت بيتين اخدم من غير شغل الخياط

وللحكاية بقية ام مصطفى

البارت الواحد والعشرين

 

 حب_في_ازقة_بغداد#

للكاتبة ام مصطفى

بارت الواحد والعشرون

ساره الله يهديها بس صدكيني

كولش بالتفاهم ينحل علميها دائما وخلي كرار يحسيها هي ام

بيته ويحبها ومعتمد عليها وميكدر من دونها حتى تشعر

بالمسؤليه

سديت التلفون وظليت صافنه حتى انت ياكرار ممرتاح

رنا.. بعد عقد المحكمه اقل من اسبوع خالتي سوت عزيمه

عزمت بيها عمامي واقربائهم طبعا عمي ستار تدخل

بالموظوع وعتب على سعد وكاله شلون اختك تعقد واحنا

مندري ومسوي مشكله وجايه هو وستار ومؤمل ومعاتبه

...بس سعد مفهمه بالموظوع وكاله رنا صارت عدها حاله

نفسيه لااكل ولاشرب بس من تبقى بيت خالتي بغرفتها ترتاح

ومترهم ابقيها هناك وعدهم ولد شاب لهذا خالتي خطبتها

لمهند واني اعرف زين اختي بعد ماالها نفس بالزواج وهي

وافقت اهم شي رنا متتأذى لاسمح الله وتروح من ايدي

 

 ومؤمل خطيه هم مدخل بالموظوع وكال ابوه مهند اخو

المرحوم اذا بيوم نست وكالت اسمه على لسانها مراح يزعل

ويشك كل مره عدها زوجها بالدنيا كلها ومتكدر تنساه بسهوله

عاد مهند اخو المرحوم ومستحيل يصير وياخذ على خاطره

اذا قرت الفاتحه لو سوت ثواب اله فعمى سكت ومحجه

بعدها انتقلت بيت خالتي وفهمتني من اول يوم لازم الزم

العده لان زواجى من احمد تم وكامل فلازم اطبق العده الى

يوم ولادتي صح طلعت حتى افحص دم واعقد محكمه بس

كنت مظطره ومجبوره اكون خارج البيت... فضليت بغرفه

خالتى الجوه ومن يجى مهند ابد مااطلع الثانى يوم وعدت

الاشهر مشايفه مهند يطلع الصبح ويجي بليل يسبح وينام

وخالتى تحمى اله العشا بعد ماانى احظره وادخل للغرفه

..امي اكثر من مره تتصل تكولي تعالي شوفي خواتج صار

هوايه مجايه لبيتنا واني اتحجج بخالتي مريضه فخطيه

تجي مرات تشوفني وتطمئن عليه ومن اجتي ساره بعد امي

ظلت تلح كالت اختج اجتى من السفر مكسوره ومطلكه

والاخوات وحده شيل هم الثانيه..ومع هذا مكدرت اروح

لبيت اهلى لان لازمه العده وساره هم متكدر تطلع من البيت

 

 ولا انى اكدر اطلع كل وحده سببها يختلف عن الثانيه

سعد كان يجي للبيت يشوفني ويسال على مهند ويكول صار

فتره ماكو مهند ومشايفه بس اجاوبه لازم شغله بعد دوام

الدائره ويجى بليل ..اما هبه اساسا لاتجى ولا تتصل عليه

ودائما ساره تشكي منها وتكول تكلم عليه وتكول عني خربت

حياتها تسألني عن السبب فااظطر اكولها هي متوهمه

والزواج قسمه ونصيب وخالتي رادتني لمهند موهبه ..الى ان

فاض بيه الالم بعد مااتصلت باامى اسلم عليها وصاحت على

تعاركت وياها وتكولها هاي اختج هيج تدعين عليها

ساره اخذت الموبايل من امى وظلت تسلم عليه وتكولى

لتاخذين على خاطرج من هبه ماعدها عقل بس بصراحه يارنا

هبه عدها شى انى متأكده .. لان كلامها بحركه كلب يمكن

مهند كان مأملها بزواج .... ممعقوله هبه تكذب . اني سكتت

..وحسيت نفسى مخنوكه واريد احجي الي بكلبي فطلبت

 

 من ساره ان تجيني للبيت لان رايدتها بشغله .. فعلا بعد

يومين اجتي هي وامي سعد وصلهن الصبح وراح الشغله امي

ظلت يم خالتي جوه واني اخذت ساره للغرفه حتى احجي

وياها لان بعد مااتحمل ..وسولفت الساره كولشي اباوع عليها

تبجي وكاتمه نفسها وتكولي لعد ليش ظميتي عليها وخلتيها

تشك بيج وتدعي عليج دائما.. وتظن انتي غدرتي بيها ومهند

ضحك عليها..شلون اتحملتي كل هاي الاتهامات بدون

مدافعين عن نفسج ...جاوبتها واني ابجي ..خفت لاتضعف

وتحجي ال سعد وتعرفين بهبه متخفي سالفه واكيد راح

تكشف المستور خليت كولشي بكلبي وسكتت..بس والله

ساره بعد مااتحمل احس نفسي راح انفجر حظنت اختي

... ...وضليت ابجي حسيت براحه شويه

مراجعت دكتوره ابدا..حتى خالتي كالت البسي بوشي واديج

للدكتوره تشوفج بس كنت ارفض مااريد اطلع ابدا ....البيت

كله شلت مسؤليته اني.. طبخ تنظيف زوالي فرشات خالتي

تتعارك ويايه وتكولي عوفي واني اكولها خاله من اشتغل

انسى اتركيني براحتي حتى غرفه مهند انظفها اغسل ملابسه

واكويهن واعطر الغرفة

 

 دخلت بالشهر الثامن ..بيوم كعدت كانت اكو الالم بخصري

مااهتم ولا اشتكي لااحد ابدا كأنما اعاقب نفسي على شي

ماالي ذنب بي خالتي تكولي من تولدين حاولي تتقربين لمهند

حتى يتم زواجنا بس اني كنت رافضه هاي الفكره وكتلها

مهند اخو احمد وعم الطفل الي ابطني وبس وكافي عليه عقد

وراح يسجل ابني بااسمه.... خلي بعدين يشوف حياته خطيه

يضل مرتبط باارمله اخوه .بس خالتي مكانت تقبل على

كلامي ..بيوم كعدت على الالم قويه اسفل ظهري طلعت

حظرت الريوك ال خالتي ورند مهند كان مموجود بعدني

واكفه على الطباخ زاد الالم بشكل فضيع ونزل مي بين رجلي

صحت على خالتي وظليت اصيح وابجي مرعوبه خالتي

اجتي عليه كالت بس لاعندج ولاده وانتي بعدج بالثامن

ظلت تصيح وتبجي وتكول يمه البنيه راح تروح مني فدواتك

ياربي اخذت احمد انطني ابنه..وتدعي بجاه كل نبي وامام

جرتني هي ورند للغرفه واتصلت على مهند يجي ياخذنا

للمستشفى بس اني متحملت وحسيت الطفل نزل بيت رجلي

وصياحي ملا البيت فخالتي راحت وكفت تكسي بالباب

واخذتني للمستشفى مجرد دخلت للدكتوره فحصتني

 

 حولتني صاله الولاده بعدها بااقل من نص ساعه ولدت امير

اباوع على العالم ولااكدر اكول هذا ابن احمد ابن حلال والله

الشاهد تعال محتاجتك احمد .وقت الولاده بس صورتك

والممرضات عبالهم ابجى من الم الولاده ميعرفن ابجى من

كسره كلبي على زوج مات قبل عرسه وطفل نزل من بطن امه

يتيم.اجتي السستر كالت خالتج خطيه ظلت تبوس بالدكتوره

وتشكر منها وتوزع فلوس على الممرضات بتربى بعزكم امير

بقى بالخدج لان نزل بالشهر الثامن دخلت عليه خالتي

خطيه لازم جاب الخدج مال الاطفال وبيجى يضيج لحمد هذاً

ابنك تعال شوفه ١ااوف‏ يمه شميته عبالك ريحه ابوه بي يارب

ينطني الصحه حتى اربي ظل امير بالمستشفى والدكتوره

مهند سلم عليه وكال الحمد على السلامه ام امير يتربى

بعزج.ان شاالله .تشكرت منه وهاي اول مره احجي ويه مهند

ح بعس ماتعازكنا بالسياره من تمل عقه المحكفة

مهده الخاطر امى قيلت لعقه على رنا أمى ألى ضلث تلعلم

وتملخ بروحها ودكول يمة البنية انكسرت ركبته وانى شاهدة

 

 عليه البنية حامل واذا عرفوا اهله يمكن ايذبحوها وتضل

خطيتها بركبتنا اليوم الدين حاولت اقنعها اني اريد هبة بس

حامل بعد كم شهر اتبين بطنها يمة اروحلك فدو لاتخليها

حسرة بكلبي اريد اربي مقبلت وكتلها مستحيل روحي

احجي ويه بيت خالتي اني معليه ضلت امي تعيط وراحت

للطرمه جرت جلكان مال نفط وتريد تشمره على راسها وكالت

احرك روحي والله اذا متزوجتها اني صافن عليها فقدت ورند

ايدي تبوس بيها ونزلت على رجلي تكولي ابوس رجلك يوومه

البنيه مالهت ذنب ظليت صافن على امى وعينى الى دمعت

من كتلها موافق في سبيل ليصير باامي شي اموافق

..٠موافق‏ بقيت اصيح بس حدى وياه حد الولادة بعدها محد

يعتب علية اتزوج غيرها مستحيل اتصيرلي مرة افتهمتي

ازوجك بيدي عقدت على رنا ومن اجتي للبيت امي طلبت

منها تبدي بلعدة وبعد مشفتها ولا سمعت صوتها وبيوم ولادتها

فرحان وحاظني واني اضحك واسولف ويا ورنا كاعدة بعيد

 

 عنة بعدين احمد راح ورة شجرة واني اباواع علي ورجع

نفس المكان بس جان شايل طفل خلاه بحضني وراح على رنا

جرها من ايدها كعدها يمي وباس راس الطفل وراح

اني بسرعه فزيت وكعدت من النوم صليت الصبح وقريت

سوره ياسين وهديتها للمرحوم وطلعت للدوام ورهبه الحلم

بداخلي مرت تقريبا ساعتين امي اتصلت كالت رنا عدها ولاده

بسرعة أخذت زمنية. ووحت للمستصفى اول مادقلت شفت

امي تبجي وتحظن بالدكتوره عرفت رنا جابت ولد وامي

كالت سمي امير لان المرحوم راد اول طفل اله يسمي امير

بقوا بالخدج وطلبوا من رنا تجي ترضعه واني اخذها بيدي

للمستشفى خطيه تعبت هوايه المفروض ترتاح بعد الولاده

بعدها باايام سجلت الدكتوره خروج امير من المستشفى لان

حالته استقرت رنا ظلت بغرفه احمد الله يرحمه لان الدكتوره

كالت الطفل بقوا بغرفه لاحاره ولابارده ولتخلون احد يدخل

بيها بس امه حتى متتلوث ..خالتي ام سعد بقت يمنا تقريبا

اسبوعين بخلال هاي الفتره امير اتحسن الحمد لله ..حجزنا

عند دكتور اطفال واخذنا امير عليه اني ورنا حتى نتأكد من

صحته والحمدلله الدكتور كال صحته زينه وسألنا اذا نكدر

نسوي(الختان)طهور ال امير كال انتظروا من يصير عمره

 

 حاجبه ياسبحان الخالق طبق الاصل معكوده ودوره الوجهه

ورصعه بحنجه ... رنا من تسمع هذا الكلام تنزل راسها

وتبجي وامي حاظنته وتبوس بي وتشمه وتكول يمه ريحه

احمد ردتلى ...حقها امى من ردات تربى صدوك تحس احمد

رجعلها..بعد متحسنت حاله امير وكملنا الختان مالته رحثكث ال

امى كتلها يوم اريد اطلك رنا بعد كافى ردتى منى اعقد عليها

وعقدت وامير انسجل بااسمى ..بس امى كالت اذا طلكت

اخوها سعد يسحبها وامير يصير بعيد عني ازوج وعوف رنا

يمى بس افصل البيت قبل زواحك افضل الك والنا الطابق

الثاني بي غرفتين نوم وصاله وابني مطبخ وحمام والسطح

كبير تكدر تستغله ..بهاى الفتره كانت اكو موظفه ويانه اسمها

.ايناس كولج جنن معجب بيها

وللحكاية بقية ام مصطفى

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad