#الهاربة_والضابط
#BaneenAlgbory
#بارت43
نور: عمامي ميتصلون بينة
محمد: ليش
نور: ماحب احجي بهل موضوع
محمد: احجيلي نور لتضمين عليه أي شي
نور: عمامي متبرين من عدنه
محمد: وليش.
من زمان من ابوية تزوج امي ولحد الان
محمد :يعني همة مجانو راضين على زواج ابوج من امج
نور: اي
محمد: يلة مو مشكله ماحطكم بهيج موقف ننتظر كبل عقد محكمة
نور:اسفه
محمد: لا على شنو
نور: على أنه انت بنفسك تسوي كعدة وتجيب عمامك واصدقائك واني حرمتك من هل لحظة
محمد: مو مهم المهم منو يمي ومنو الي حصلت عليهه
نور: احبك
محمد :واني اموت عليج
ميسم : ماما اني رايحة
نور: وين رايحة
ميسم : على صديقتي مريم
نور: منو هاي
ميسم : اهو هو تحقيق
يلة اني رايحة
نور: شبيج يوم متحجين شعدهه طالعة من الصبح على بيوت الناس
ام نور: ديلة مايخالف هي هم محبوسة خطية
نور: والله مااعرف بس محد فسدهه غيرج
ميسم : الو هلو حبيبي وين انت
جعفر: يلله راح انزل اجيج
ميسم منتظرتك
لما :واخيرا اجة الوقت الي راح اشوف بي ياسر وصارت روحت يسرى وية التحاق احمد أخوية حتى اروح وياهه واشوف ياسر
اجة كاشخ وعطرة يكفخ مستحية اطلع كدامة لا انفضح
ياسر: يلة عيني كومو خلي نلحك نوصل لنتاخر
يسرى : احنة مخلصين خوية
لما: يسرى اني شعندي جاية خلي اروح البيت عمي بين ميجي احمد
ياسر: يسرى انتضركم كلكم بلسيارة ولتطولون
يسرى : سمعتي باذنج
لما : اي سمعت
يلة لعد خلي نلحك نوصل
يلة
الطريق كله واني هيمانه بي وبعطرة وعيونة اباوعلهم من المراية
انتبه عليه داباوعله وخزرني خزرة خلتني ارجف نزلت عيوني لحد موصلنه
وصلنه البيتهم وهو مثل عادته اختفه ميكعد ويانه ولا ياكل ويانه
بليل كعدت عطشانة فنزلت بلبجامه وجنت شايلة شعري بلقراصة فتت للمطبخ وشفت خيال بلظلمة
وجان اعيط
اااااااااااااه
ياسر: رجعت من برة واني ممتعشي ففتت للمطبخ حتى اكل شي ماسمعت غير عيطة انداريت لكيتهه لما فرحت ركض وسديت حلكهه
لما : اجة ركض علية وحط ايدة على حلكي ردت اموت بدمي بس همس باذني كالي اني ياسر لتخافين وجان حاصرني علحايط ومحسيت غير الضوه انفتح
شمس: شكو شصاير
😳😳😳😳😳😳هاي شدسوون
ياسر: ها شنسوي كلشي منسوي
شمس: هذا كله وكلشي متسوون
لما: شمس لتكوين بشغلات مال زعاطيط كلشي ماكو
شمس: اي مبين من لبسج وشعرج
لما : عزززززززة اني شلون واكفة هيج
شمس: يسوري ماكو داعي لهلسوالف خوب خلي نزوجك اياهه وفضهه
ياسر: انتي شدتحجين خلي افهمج
لما : رحت لبست حجاب الصلاه وسمعت شمس تكلة متتزوجهه كلش عصبت من حجايتهه
شمس من رخصتج اني مواكعة من السطح حتى كاعدة تقنعين باخوج عليه وبعدين من كلج راح ارضة بي اني
ياسر: كافففففففففي 😠😠
شمس: انتي فهمتي غلط
ياسر: داكول كااااااافي
لما : اول مرة اشوف ياسر بهل عصبية وبهل حاله وخوفني كلش منه من عاط بشمس
دموعي كبل نزلن صعدت ركض لفراشي
شمس: هاي شبيك ياسر اني موشفتكم بعيني محد كلي لو احد كلي جان جذبته
ياسر: لعد جذبي عينج وصدكي باخوج
شمس: شنو الصار
ياسر: جنت دااكل بلظلمة وفاتت عبالهه حرامي كامت تعيط اني كمزت عليهه وسديت حلكهه
شمس: عزة صدك
ياسر : اي صدك
شمس :البنية اخذت موقف مني
ياسر: لا البنية هم ماقصرت
شمس: حقهه خطية
ياسر: لا م حقهه وانتي معليج اني اعرف شلون اتصرف
شمس: انت عاد لتكبرهه
ياسر : شو اله اكبرهه
شمس: هاي شبيك ياسر
ياسر: انتي شمكعدج لحد هسة
شمس :ها مجاني نوم
ياسر : لا عبالج ماادري اعرف بيج كاعدة تتصلين برافد بس خلي لتطلعين معدل لا اشوفج شي مشايفته
شمس: دقيقه دقيقه ترة اني اختك الجبيرة وبعدين رافد رجلي
ياسر: امشي من كدامي شمس لان حركت زيد بعدهه بكلبي
شمس: هم حملنه شغلت زيد اني ورافد
ياسر: لو متزوجة زيد جان هو مراح
شمس: حرام عليك تحملني دم زيد بركبتي 😭😭😭😭صعدت الغرفتي ودموعي تنزل وتذكرت الي صار قبل شهرين
رافد: ها شنووووو محمد شدتحجي
ياسر : شكو رافد
رافد: محررين نص الموصل
ياسر : الله واكبر خلي اخابر على زيد اباركله
رافد : الحمد لله النصر جاي بإذن الله
شمس: الف الحمدلله
ياسر: تليفون زيد مغلق
رافد: عمي مشغولين الدنيا محتركة عدهم
محمد: الو هلو خالة
ام معاذ: اكلك حمودي شو زيودي مديجاوب عليه
محمد: عادي يمة لان ينهم الشبكة ضعيفة وبعدين بجال زيد واصدقائة تحررت نص الموصل
ام معاذ: صدك الحمد الله الله يطمني على وليدي
محمد: امين
بعد مرور اسبوع
محمد :الو هلو ياسر اجتي قوائم الشهداء الي جايين من الموصل وزيد من ضمنهم
ياسر: شلوووووووون شدتحجي انت لااااا زيد ميموت
محمد: ياااااسر قوي نفسك وتعال يم بيت زيد خلي كلنه انبلغهه بلخير شوي شوي
محمد: الو هلو رافد
رافد: اهلا شبيك
زيد مكتول بلموصل وجايبي بالطريق البغداد
لا كول غيرهه
بسرعة تعال يم بيت زيد دنكول الأمة
لا إله إلا الله يلة جاي
شمس: شكو ياسر شبيك تعيط
لج شمس ياسر ماااااات مات كلة من ورة رافد هو السبب لوومخليج تتزوجي جان مراح
شمس: لتحجي هيج ياسر حرام تحمل دمة بركبتنه
ياسر: لعد مو حرام هيج يموت بدون محتى يفرح امه بزواجة
شمس: اني لازم اروح الام معاذ
ياسر: يلةامشي دنروح عليهه
محمد: هلو نور ام معاذ بالمعمل
قبل شوية طلعت
لعد جاي اخذج دنروح عليهه
ليشش شكو الو الو هذا شبي
يلة اركبي نور
شكو محمد شبيك
زيد مات وجايبي البغداد راح يوصل
عززززززززة صخام انشاء الله اويلي عليج خالة ام معاذ شراح تسوي بنفسهه هسة
والله ماادري راح احاول احجي وياهه
ام معاذ: منوو
اني
اي جيت حمودي
ام معاذ: فتحت الباب لكيت محمد وياسر وولد مااعرفة وشمس ونور
شكو شصاير
محمد: متكولين الولدج تفضلو
ام معاذ: ها العفو تفضلو
شبيكم ساكتين
محمد: احنة كلنه ولدج وجوة رجليج ومنعوفج
رافد: اذا يسالوج الناس وين ولدج لتكولين ماتو
ياسر: لتكولين للناس ابني مات كولي ابني شهيد راح لأجل وطنه
ام معاذ : ابنييييييييييييييييييييي اااااااااااااه اه
شمس: واجتي جثة زيد هي مو جثة إنما بقايا زيد لاميهه حتى امه متكول ابني ماعندة كبر واصدقائة جابولة الزفة وحطو الورد بدل من السيارة علتابوت وحطو على جتافهم مثل العريس انتبهت على رافد متأثر اكثر واحد بيهم معقولة شعور بلذنب او شعور بلمسؤلية اتجاه موته
ام معاذ جان الهه الجزء الجبير من الحزن فجانت مثل المخبلة بلفاتحة شايلة صورته وتهلهل وتكول زفوك يمة بدل ميزفوك للغرفة زفوك للمكبرة وتضل تهلهل اني شكيت بيهه انه خلص تخبلت
لكن وكفت الولد جانت حلوة وياهه طلعوهه من حالتهه صارت سهرت الولد يومية على مدار أربعة وعشرين ساعة يم الحجية ام معاذ يضلون ينكتون ويضحكون رغم حزنهم كل واحد بيهم محمل نفسة ذنب موتت زيد حتى محمد يلوم نفسة ويكول لو ممساعد رافد جان تزوج شمس وممات كلمت جان وجان وجان مستمرة وتتكرر جنت اشوف بعيون رافد الندم للحظة الي صحيته بيههه انه حتى لو هو مخاطفني جان اني متزوجت منه
احتمال الناس راح يكولون جاحده وماعدهه احساس
بس اني عندي زيد مات واني مظالمته بزواج فاشل وياي افضل من انه يعيش بزواج فاشل
تجربة زيد خوفتني معقولة راح يجي الأمر الالتحاق الياسر لو الرافد او حتى محمد المن السرة معقولة راح يقبلون على هيج انتحار
صرت يومية ادعي تتحرر الموصل حتى اخلص وكلنه نخلص من الموت
علاقة رافد وياسر تحسنت احسن من قبل يعني اكو حجي بينهم بس ياسر بعده قافل على زواجنة
رافد: حزن كلش حتى ربة لحية صرت احبة واشتاقله اكثر
ونور ومحمد انخطبو وبس زيد طلع منهه بموته
حتى ياسر اعرفة يحب لما بس مديعترف ابد
شنو المنتظرنة مندري
ميسم: هلو حبيبي شلونك
جعفر : هلا كلبي يله امشي خلينصعد
ميسم : ممممم بس تكعد عاقل
جعفر : اووووف هو انتي تخلين واحد يكعد عاقل
ميسم : يلة شمحضرلي اليوم
جعفر: هاج هذا فوتي البسي
ميسم : قبل كلشي حجيت وية اهلك عن زواجنة
اي حجيت دفوتي البسي وبعدين نحجي
ماشي حبيبي
ميسم : يلة تعال جعفر
جعفر: اويلي يابةةةةةةةة.............
ميسم : جعفر صوت الباب
جعفر: هاي منو........
الكاتبة بنين الجبوري
#Baneen
#الهاربة_والضابط
#BaneenAlgbory
#بارت44
جعفر : هاي منو اجة خلي اكوم اشوف
ميسم : منو يجي قابل خلي ايدك
جعفر: هيج تكولين
ميسم :مممم
جعفر :اويلي يابة
نور: هلو حبيبي شلونك
محمد: الحمدلله ليش مخابرتي
نور: والله ملتهية وهاي ميسم راح تخبلني بسوالفهه
محمد: شبيهه ست ميسم
نور: داخاف منهه مراهقة وطايشة إلى أبعد حد
محمد: هسة تكبر وتعقل
نور: انشالله تعقل قبل متذب نفسهه بتهلكة
محمد: تريدين اخلي احد يراقبه من الجنود
نور :لا اني موجودة شبية
محمد: براحتج بس اني علمودج
نور: ماعرف والله ماعرف شسوي
محمد: دكولي يالله واني وياج ونكدرلهه صدكي
نور : تسلملي حبيبي
روح روح اجتي خلي اشوف وين ٠انت كل هل وقت
محمد : على كيفج وياهه
ماشي
نور: ميسم تعالي
ميسم : نعم
نور: شبيج
شبية
مااعرف مو مثل من طلعتي مرتبه
شي اكيد كل واحد يطلع من البيت مرتب ويرجع مبهذل
نور: ها هيج تكولين
اي هيج اكول
ماشي ميسم اكشفج اكشفج واعرف شدتلوصين من ورايه
ميسم : ماما تعالي على بنتج كليلهه ممنوع هيج تحجي وياي وهي خطار وراح تروح عن قريب
ام نور: لج ميسم سدى حلكج وانتي نور عوفي اختج واني اعرف احاسبها
نور: بس يوم
ام نور: بدون حجي زايد يلله كل وحدة الشغلهه
ميسم : وبينه حنة المحد يندك بينه
نور: راح اصعد افرك حلكج
ام نور: ويامن الحجي لج ميسم
ياسر: صباح الخير
شمس: صباح النور حبيبي
ياسر :جبتلكم كاهي وكيمر حطيهن وية الريوك
شمس: بس على شرط تكعد تتريك ويانه
ياسر : اكعد ليش لا
لما : صعدت للغرفة وشبعت بجي اني اعرف ياسر هو حلم ومستحيل يتحقق بس مو اسمع باذني اخته شلون تقنعه عليه وهو ميقبل كلشي ولا كرامة الإنسان
كعدنه الصبح دنتريك هو جان مو بالبيت فات علينه لابس تراكسود اسود وشكله يجذب جان وجان جايب كيمر وكاهي وكعد يتريك ويانة كعد على رأس الطاولة صار مقابيلي حسيت كلبي دينعصر عصر احس كل الكاعدين كشفو حبي اله رفعت عيني علي وهو انتبه عليه وخزرني وشلون كاعد يشاقي خواته ويضحكهم كلهم يضحكون بس اني ساكته لان ممنتبهه على الي يحجو اريد بس احفظ ملامحة من يحجي وعيونه وضحكته وصوته( كل هذا كانت لما تدونه بدفتر صغير ليتك يا ياسر تلتقي بهذا الدفتر لحكى لك كم هي تحبك)
شمس: هههههه ها لما وين وصلتي
لج لما لما هههههه هاي فاصلة
لما :ها شمس شتريدين
وين جنتي فاصلة
وياكم بس شوية صفنت
شمس :ها صفنت 😏
خطية البنية صفنت مو ياسر 😉
ياسر :يلة اني كايم عندي كم شغله اكملهم واجي وتسوون غده راح اجيب سمج
شمس: اي روح روح
ياسر: مع السلامة
لما :اني راح اروح اسفط الفراش
شمس: مااكلتي شي
لما : الحمد الله شبعت
شمس :بالعافيه
شمس: لج يسرى اكصهه الأيدي اذا هذوله الاثنين ما واحد يموت علاخ
يسرى : معقولة ياسر يقبل بلما
شمس: ليش شبيهه شو اني مو مثلهه وقبل بيه ر
يسرى :شنو كملي كملي منو لتكليلي بعدج على اتصال وية رافد
شمس: لا طبعا
يسرى : هذيج وينج مبينه دتجذبين
شمس: على شنو اجذب دروحي
يسرى : وين هربتي هذا النذل حتى الجذب علمة اياه
شمس: راح اسوي مقبلات
لما : معقولة تصير معجزة وواصير الياسر واعيش مثل القصص الفقيرة الي اخذهه الضابط الحلو اذا تصير اخلي الكاتبه....... تكتب قصتي
لا عزة ماريد اعيش مثل المثل القصص لان البطله تشوف الظيم يالله تعيش وية البطل حياه سعيده ياربي اريد حياه طبيعية ماريد اصير بطله بس هم اريد ياسر 😂
يسرى : لما شعندج كاعده اهنا وحدج
ها لا ماكو بس داادعي لأحمد لان حلمانه بي
يسرى: خير وصلاه علنبي شحلمانه
لا مااحجي لان مايصير مو زين
يسرى : لعد خلي ننطي صدقة بسم الله
راح اخابر ياسر اكله انطي من يمك
لما : ماشي
محمد: حضرت كعده بالمطعم النور لان اليوم عيد ميلادهه
📞📞📞📞الو هلو
نور: هلو حبيبي
محمد: حضري نفسج جاي اخذج نتعشة برة
نور: ماشي راح انطي خبر الأمي واتحظر
ماما
ها
محمد راح يجي ياخذني نتعشة برة
ليش علعشة خوب علغدة كليله بعد يخلي طلعاتكم بالنهار احسن
ميسم : خلص يوم عوفيهم خلي يتونسون اذا بلخطوبة ميتونسون شوكت يتونسون
نور: رايحة ابدل لعد
ميسم : شو شختاريتي بلة هذا لبس البسي هذا الفستان
نور: فستان طويل وعلجسم وماروني لا هذا مبالغ بي عيب
ميسم : اسمعي كلامي ومتندمين
نور: بس شلبس يا شال ويا
ميسم :ماله غير حل شال بيجي ومكياج اوف وايت وألوان فواتح فدشي
نور: بس هو عشة مو رايحة قاعة عرس
ميسم : خليني ارتب وادعيلي
نور: ماشي دنشوف
ميسم : يلةخلي ابدي بالمكياج وبعدين البسي الفستان
شو ارفعي عينج ليفوك هذا الفونديشن رهيب الي جابليا
محمد
نور: هذا الكوزمتك ميبيع غير الأصلي لو تدرين بيش هاي العلبه الي هلكدوتهه
ميسم : اعرف ب ٣٥
نور : عمي جيل ال ٢٠٠٠ احد يكدرلكم
ميسم : هههههههه ترة انتي تحت رحمتي ترة والله اطلعج تخرعين يلة اسكتي
نور: سكتنة
ميسم: اي نور الحجيلي محمد لحد الان معقولة محصل شي
نور: ولج ميسم راح اكوم الج اذبسزز متستحين انتي
ميسم : لا مااستحي 😂😂😂
نور: وخري خلي اكوم ابدل
ميسم : دكولي عاد شكرا
نور: شكرا يلة فضيهه اطلعي
ميسم : يلة طالعة
محمد: ها نور خلصتي اني داانتضرج بلباب
نور: يلله طالعة بس شوية انتضر
ماشي حبيبي منتضرج
ميسم : ها شلونك
محمد: هلو ميسومة الحمدلله
ميسم : لوما اني انت تروح بيهه
محمد: شعدنه غيرج عمي
بس كون جايب هدية تسوة الاختي
محمد:😂😂😂والله انتي مصيبة
ميسم : شلون رتبتلكياهه
محمد: خاف حست عليج يولي
ميسم :مستحيل لان اختي ناسيه مواليدهه
محمد: ميسم ديربالج على نفسج حافظي على روحج لان البنية اهم شي بالدنيا عدهه هي سمعتهه واخلاقهه واني مخطبت اختج غير مشفت أخلاقهه وسمعتهه
ميسم : اني مداسوي فدشي خطأ ومنو كلك اني داشوه سمعت نفسي
محمد: لتفهميني خطأ بس خلي ابالج هذا الكلام وخلي ابالج اني سندج وبضهرج اذا حتاجيتي اي شي
ميسم : تسلم ابو جاسم 😂😂😂😂
محمد: ضلي بهاي سوالفج خبلة
ميسم : خلي اشوف العروس وين صارت 😂😂😂
ميسم : يلة نور الولد تكسرن رجلي وهو واكف
نور: اي اي خلصت
يلة ماما اني رايحة
ام نور: ديري بالج على نفسج يمة
نور: يلة باي
ميسم :يمة شنو ديري بالج على نفسج ترة هي طالعة وية خطيبهه
ام نور: وهو يعني خطيبهه لازم تعتبره رجلهه وتسمحله بكلشي
ميسم : اي وشنو يعني همة كلهه شهر ويتزوجون والي يصير راح يصير سواء هسة او بعد شهر
ام نور : لا تختلف بنتي احنة بلد اول شي مو امان الي يطلع مندري راح يرجع او لا موت وحياه
وبعدين شفتهمنه من عنده بلكت اختفة وراح وبعد وين نلكاه
ميسم : يوم محمد شفتهمنه من عنده هذا محمد الي شكد ساعدنه
ام نور : اجوز كل هل مساعدات حتى يكسر اختج ويعوفهه شمدرينه بلناس
ميسم : معقولة 😟
ام نور : وبعدين اجوز هي متعجبهه شخصيته وتكتشف هي مترهم اله حتى تكدر تعوفه بدون زواج وبدون كسره
ميسم: 😒😟
ام نور: شبيج شو صفنتي
ميسم : ها لا مابيه شي
نور: وين راح نروح
محمد: مطعم اهنا
نور: طبعا والله عرفت لبسي محلو كله من ميسم هي لحت علي
محمد: عبالج صافن عليج لان معجبني لبسج لج اني صافن شلون راح اضمج من عيون الناس
نور: يعني حلو
محمد :يموت شلون بيك محمد هاي البنية سودنتك
نور: 😂😂😂😂
محمد :اضحكي اضحكي
يلله هاي وصلنه
نور: فتنه للمطعم اكو طاولة مزينه وشكلهه يجنن
الله محمد شوف هذيج الطاوله
محمد: امشي نروح نكعد عليهه
نور: لا طبعا محجوزه الأحد
محمد: حتى لو يلله تعالي
نور: عزززه محمد شبيك
محمد: هاي حجزتهه الج
نور: صدك ليش
محمد: كل عام وانت بخير بالف خير
نور: اجة العامل وشايل كيكة بايده وعليهه شعالات وشغلولي اغنيه هابي بيرذدي تو يو
لا ممصدك عزة هو اني ناسية عيد ميلادي انت شلون تذكرت 😂
المطعم كبل شغلو اغنية اخيرا كالها
محمد: تركصين وياي
نور: نركص اهنا
اي اهنا
ماشي
محمد: احبج
نور :احبك
نور: جانت احلى لحظات بحياتي
نور: منين عرفت اليوم عيد ميلادي
محمد: من ميسم
نور: ايا ملعونة اشوفهه لبستني فستان
محمد: كلش حبيتهه الميسم
نور :واختهه
محمد: اموت على ربهه
نور:وهي تموت عليك
محمد: اسم الله عليج حبيبتي
نور: احبك
ميسم : هذا شبي ميجاوب
اوف جعفر دفضهههه
.
.
.
.
.
الكاتبة بنين الجبوري
Baneen#
#الهاربة_والضابط
#BaneenAlgbory
#بارت45
ميسم : شوميجاوب هذا شبي
نور: شكرا محمد على هذه المفاجئة كلش فرحتني
محمد: تدللين والمفاجئة بعدهع مخلصت تفضلي
نور: شنو هاي
محمد: هديتج
نور: هذا شنو
محمد: محبس خطبتنة تصير خطبه بدون محبس
نور: 😳😳يجننن
محمد: تقبلين تصيرين مرتي وام بيتي وحامية شرفي وعرضي وأم جهالي
نور:😟😢
محمد: شبيج
نور: هنيالي عليك هاي دعوات امي جابتك الي
محمد: هنيالي اني عليج بهل عمر وهيج واعية وتعرفين شلون تتحكمين بقلبج وبعقلج
نور: موافقه
محمد: لعد اوعديني اكون على علم بكل شي يصير وياج وتخليني اني اكون سندج بهذه الدنيا والصدق يكون عنوان هاي العلاقة
نور: اوعدك وانشالله اكون عند حسن ضنك
هذا الكارت انت كتبته
محمد :لعد منو
نور: لكيته كاتبلي
كلّ عام وأنت لقلبي مصدر النّور كل عام وأنت لروحي مصدر الفرح كل عام وأنا أجمع كلمات الحبّ لكي أصنع منها قلادة أهديك إيّاها وبمشاعر خاليّة من التّزييف أقول لك كلّ عام وآمالك وأمانيك تتحقّق كلّ عام وأنت أغلى ما في الحياة يا كل الحياة
انت كل حياتي وانشالله أكدر اسعدك بنص السعادة الي انت دتعيشنياهه
محمد:انت مجرد وجودج وياي سعادة بحد ذاتهه
نور :حبيبي انت
محمد: بس اكو شي هم يسعدني
نور: شنو
محمد: مثلا فد بوسه من هل خد
نور:محمد ترة بعدنه معاقدين
محمد:ها هسة حطيتي العقد حجة نعقد ولا يهمج
نور:شو احس اكو نبرة تهديد
محمد: بس تهديد دصبريلي اذا ماطلع القصة والمضة
نور: متكدرلي 😁😁
محمد: دنشووف
نور: احبك
محمد: واني اموت عليج
نور: ها نروح
محمد: اي نروح بس خلي ناخذ ويانه عشة لازم نكافئ ميسم
نور: اي والله خوش اتفاقات من وراية
محمد: يلله كومي
نور: يلله
ميسم : هلو جعفر ليش تليفونك مغلق جاوب بأقرب وقت
ام نور :ميسم وينج تعالي
ميسم: ها يمة
ام نور: الباب ديندك
ميسم : منووو
محمد : احنة عيني
نور: افتحي ام الفوايين
ميسم :😂😂😂😂😂😂 ماافتح جبتولنه كيك
نور: 😂😂😂😂تدور كيك دفتحي افتحي
ميسم : اهلا اهلا
محمد: وهاي عشاج وكيكتج وهاي هدية الاحلى ميسم بالدنيا
ميسم :هلة والله بلنسيب فديت والله
نور: فوت عيني فوت واني اعرف شلون اتصرف ويه هاي بعدين
محمد : السلام عليكم شلونج يوم
ام نور: هلو يمة شلونك
محمد: والله الحمد لله
ام نور :تونستو
محمد: اي الحمد لله
ام نور: بس يمة خلو طلعاتكم بالنهار مو بليل
محمد: تدللين وياريت تحددون يوم حتى نعقد بالمحكمة
ام نور: بهل سرعة
محمد: اني ممنتظر اعرف نور ولوما عرفته شنو مااخطبهه وهاي بقت يم نور اذا منتضرة تتعرف اكثر عليه
نور: مستعدة باجر نعقد
محمد:😍😉
ميسم :ممممممممم اي اي عيني بعد
ام نور: الله يسعدكم
ميسم : هاي شجايبلي حمودي
محمد: افتحيهه وشوفي
ميسم :واو ايفون ٦
محمد: بالعافية
نور: هاي ليش محمد هيج مكلف روحك
محمد: نور اسكتي ولتخليني ازعل منج
ام نور : ترة ماله داعي والله
محمد: ميسم مثل اختي وطبعا الاء ودعاء هم وينهم شو مختفين
ام نور: والله صعدن نامن
محمد: عود كليلهم هم عدهم هدية عندي خاف يزعلون
نور: والله ماله داعي
محمد: والله اني معتبركم عائلتي الثانية ومثل مااروح الاختي واوديلهه هداية هنة هم مثل خواتي
ام نور: الله يحفظك وليدي
محمد: الله يسلمج يمة
ميسم : على هل هديه تستاهل فنجان كهوة
محمد: اي والله الف رحمة على اهلج
نور: الدنيا انكلبت ميسم تسوي كهوة شكوو
محمد: هههههههه
رافد: مشتاقلج ليش هيج مختفيه
شمس :يسرى يمنه ومديصير مجال أكدر اخابر بي
رافد: باجر داومين
شمس: اي
رافد: لعد امرلج باجر لان مشتاقلج موت
شمس : ماشي حبيبي بيباي
رافد؛ الله وياج
شمس: بعد موت زيد ام زيد صارت ام الكل صارت سهرات الولد كلهه يمهه صارت تساعد كل اثنين مثلا ساعدتنة اني ورافد ومحملتنه ذنب موتت زيد من يجي رافد للمعمل بحجت يشوفهه ويكعد وياهه تناديني حتى رافد يشوفني حتى نور ومحمد شكد صارت مشاكل بينهم هي حلتهه قررت تكون حمامة سلام حتى عن طريقه توصل رحمات الولدهه ساعدت هواي عوائل وزوجت بنات وولد مجان عدهم قدرة علزواج ورب العالمين كافئهه وكل دينار تنفقه صار يجيهه بدلة الف شغلي وياهه كبر وصرت اقدم تصاميم الهه وهي تنزلهم للسوك وصار كمية شراء جبيرة على تصاميمي بس لحد الان مطلبت منهه اي زياده راتب لان المال مو غايتي غايتي هو البراند الخاص بيه واعتبر مرحلتي وية ام معاذ تدريب وبس ودااحاول اخذ الخبره منهه حتى من افتح شغلي الخاص اكون جاهزة من كلشي
ياسر موتت زيد أثرت بي عرف الدنيا صغيرة داحاول اخلي يجرب يحب ويعيش حياته بس هو رافض قافل على مشاعره وعلى احاسيسه
لما تمثلني احسهه تشبهني هواي مفضوحة ومتعرف تجذب تريد تاكل ياسر بعيونهه من اباوع على نضراتهه الياسر اشوف حب جبير وحلم صعب توصله
بس متعرف اني جنت احلم اوصل النص الي اني وصلتله ووصلت
شمس: يعني يسرى شبسرعة تردين تروحين والله مايصير
يسرى :خطية احمد نزل من شغلة لازم نروح اجيكم انشاء الله
يلله لما وينج
لما :اي اجيت يله
صار موعد الرحيل مشبعت من عنده راح احاول احفظ ملامحة ونظراته شوكت بعد ياله بعد راح اشوفك يا حلمي الجميل
ياسر: يله وينكم
يسرى : يله اخويي اجينه
لما :ركبنه بلسيارة وهلمرة قررت اخلي عيني بعينه
ياسر: شمس اكعدي عاقله
شمس: خالو ترة اني ممسوية شي
لما 😳
ميسم :ماما اني رايحة على مريم ماطول والله
ام نور: اوف اوف ماشي روحي
ميسم :ماشي بيباي
نور: صباح الخير
ام نور: صباح النور هلة يمة شو متأخرة بلنوم
نور: مو شوية تعبانه
شنو وين ميسم
راحت الصديقتهه
شنوووووو هم راحت صدك تحجين يمة شلون تخليهه هيج تطلع براحتهه
هاي شبيج نور ترة اختج متسوى شي خطأ
ميسم :👊👊👊👊جعفر جعفر
بنتي تردين شي
ها خاله بس داريد اهل البيت الهنا
هو بس ولد عايش اهنا والبارحة انكتل
شنو ووو شلون
نزلو مسلحين وضربو نقلو للمستشفى بس متلاحكو عليه ومات بس انتي شتريدين
اني اني
بنتي انتي مبينه بنت ناس وانصحج ابعدي عن هذا المكان لان الشرطة دتحقق بالقضية وهذا الولد متورط بهواي شغلات وعنده سوالف مو زينه
نور: اكعدي دعاء اني افتح الباب خلي تصبرلي هاي الادبسسز
وين جنتي حضرتج
ميسم ميسم شبيج دعاء تعالي خلي نفوتهه جوة
ام نور: شبيهه شكو
نور؛ ماادري شو كبل وكعت
شبيج ميسم
ميسم؛ لا من الشمس نزل ضغطي راح اصعد امدد شوي
نور: ماشي تكدرين لو اصعدج اني
ميسم : لا أكدر
نور: هاي شبيهه
شمس: رافد وين انت
رافد: بالبيت
تكدر تجي
جاي ربع ساعة يمج
شمس: كمت لبست برمودة بيضة ووردي وفكيت شعري ومكياج خفيف وعطر
رافد: اطلعيلي
شمس: هلو
رافد: دفوتي بسرعة جوة لحد يشوفج
شمس: ماشي
رافد: هاي شطالعة
شمس: حلو
انتي حلو وتحبين كلشي بهالدنيا
عادي احضنك
تعالي
شتاقيتلك كلش وشتاقيت الحضنك والعطرك
احبج
واني احبك
اخاف يجي يوم وياسر يلكاني مفوتك للبيت شيسوي والله يذبحنة
وشحده يمد ايده عليج واني واكف على رجلية انتي مرتي وعندي كل حقوق عليج وهو يعرف بهل. شي بس يكذب بنفسة
شمس: عوفنه من هل حجي شتحب تاكل
رافد: احب اكلج
شمس: تعال بالمطبخ خلي اشوفك شمسوية
رافد: الله هاي شمسوية
شمس: بسبوسة
رافد: مممممم طعمهه يجنن عاشت ايدج
شمس؛ بالعافية حبيبي
رافد: اكلي هاي من ايدي
شمس: يممممم شلون طيبة من ايدك
رافد: زين ياهو الاطيب هي لو هاي............
شمس: هاي أطيب
رافد: شلون وياج شوكت الله يهدي اخوج علينه
شمس: الميلوح العنب يكول حامض
رافد: لا الوحة يعني الوحة وحتى اخوج الوحة
تدرين شمس شنو
شمس: شنو
رافد: اني أكدر هسة بحجت العقد الي بينه كلشي اسوي وياج ومابقي شي بنفسي
بس اريد علاقتنة تبدي بداية صحيحة اريد احسسج بكلشي تحسة اي بنية حتى بخوفة العرس اريدج تحسين بيهه ماريد كلشي ينقصج لان العلاقة الي صارت بيني وبينج قبل كم شهر مو هو هذا الزواج ولا هي هاي العلاقة الصحيحة لا شمس كلشي يختلف احنة هسة اكو حب بينه ومشاعر لذلك اريد كلشي يكون جديد حتى العقد مال الشيخ اريد كلشي يكون جديد ونعيش فترة الخطوبة بوقتهه والزواج بوكته
اريد نتعامل وكأنه مصاير شي بيناته قبل
شمس :احبك 😭😭😭
رافد؛ والله احبج شمس سامحيني سامحيني امنيتي اطلع عقلج وامسح الذكريات المحلوة وامسح هذيج الحظة الي.. امدايه امدايه لو ميت قبل هل شي
شمس: لا رافد لتضرب نفسك ولتدعي على نفسك لان الي صار مو بيدي اوبيدك رب العالمين جان كاتبة علينه من الاول وبالنسبة لي الله عوضني بحبك
رافد: اموت على ربج
شمس: يلة حبيبي روح ليجي ياسر
رافد: ماشي اروح بس شسمة
شمس :شنو
رافد:.........
شمس: مخبل
نور :اصعدي دعاء نادي ميسم خلي تنزل تتغده
دعاء؛ ماشي
دعاء: يممممممممممممة الحكيلي ميسممممممممم
نووووور لج نووووور ميسم كاصة ايدهه
نور: اسم الله شكو
.
.
.
.
.
.
الكاتبة بنين الجبوري
#الهاربة_والضابط
#BaneenAlgbory
#بارت46
نور: شكو دعاء
ميسسسسسسسسسسم لج يمة لحكيلي ميسم ميسم كومي ميسسمممممم 😭😭😭😭😭😭
لج دعاء اجري تكسي خلي انلحك عليهه
دعاء؛ ها اي نازله نازلة
ام نور: ولجن رجليه ماتت شكو
دعاء : رايحة ااجر تكسي 😭😭😭😭😢😢😢
ام نور: ولجنننننننن شكو وووو شبيهه ميسم لج ميسم جاوبيني
نور: يوم وخري
ام نور: عزة العزاني هاي شمسوية بروحهه س
يمة بنتي راحت مني عزة العزاني
نور: ها دعاء وين التكسي
دعاء: هذا بلباب
ياستار هاي شبيهه البنية
نور: عمو عفية اسرع وكعة عله كزاز وايدهه راحت بسرعة فدوة العينك
ام نور: دقيقة اجي وياكم
يا مستشفى تروحون
نور: عفية اي مستشفى قريبة حتى لو اهلي
نور: عمو عادي اخابر بتليفونك وانطيك فلوس علي
لا تفضلي بابا قابل شكو
الو محمد الحكلي
شكو شبيج نور
ميسم مو زينه كلش مو زينه وهسة رايحين للمستشفى
يامستشفى
ماادري خلي ابو التكسي يكلك
الو ها عمي يامستشفى
ماشي فهمت راح تلكاني قبلك
محمد: رافد اني راح اطلع
وين شكو
اخت نور حالتهه مو زينه بالمستشفى
شكو ياستار شبيهه
مو وكت حجي لازم اوصل قبلهم لان نور محتاجتني
ديلة واني راح انطي خبر الشمس
محمد: ها عمي وين صرتو
اني واكف اباب المستشفى
اي شفت السيارة
بس عفية سدية سدية محتاجين
محمد: هاي شنو نور هاي شمسوية بروحهه
محمد مااكدر احجي بس حاسب ابو التكسي
بس انطونة مجال خلي ناخذ المريضة انتو معليكم
نور: ليش ميسم ليش
محمد: نور ليش هيج سوت بروحهه وانتي شلون جاية هيج لاحجاب ولاشي
نور: والله مااعرف شلون طلعت بدون وعي أختي شلون هيج سوت بروحهه ليش هيج اذا نفسهه
كافي نور لتخافين حبيبي لو بيهه شي جان مطولو جوة وطلعو كبل
نور: 😭😭😭😭😭
الدكتور: انتو أقرباء المريضة
نور: اني اختهه
لتخافون سيطرنة علنزف والحمدلله سوينالهه سونار حالة الطفل هم زينه
نور: طفل اي طفل
المريضة حامل ليش ماتعرفون
شنو ووو حامل شنو انت شدتحجي دكتور
راح نتأكد هم بالتحاليل بس ماكو احسن من السونار
نور: محمد دتسمع الي ديكوله
محمد: هاي هي تسلم دكتور بس شوكت تطلع
بكيفكم بس خلي تصحة ويكمل المغذي واخذوهه
نور: هذا الي جنت خايفة منه شفتي يوم شفتي تالي دلالج الهه
محمد: نور امج مريضة لتضغطين عليهه
محمد شسوي كلي شسوي بهل مصيبة الوكعت على راسي لو ميته
محمد: اشششش لتحجين هيج هستوج تريديهه تعيش باي طريقة
نور: لو ميته لو ميته ولا هل عار هسة عمامي يكولون هذني بنات هبة ما؛شوفون تبرينة منهن
شمس: نور نور شكو شبيهه ميسم ليش دتلطمين
نور: اخخخ خخخ اخ شمس الدنيا بعد شتريد مني
ياسر: شكو محمد ماتت البنية
محمد: احيانا الموت أهون من هواي اشياء
ياسر: انت شدتحجي يمعود بس البنية عايشة
محمد: نور تعالي بنيتي تعالي اني يمج لتخافين
نور: محمد ميسم ضيعت نفسهه
محمد: نور امج مصدومة كوني قوية علمودهه
ام نور: اني رايحة للبيت
ياسر وصل خاله ام نور من رخصتك
ياسر: خاله يلله داوديج
ام نور :........
شمس: شكو نور هذا ياسر وراح احجيلي
نور:😭😭😭😭😭😭شمس ميسم ضيعت مستقبله وضيعت سمعت خواتهه لج شسوي كليلي
شمس: محمد شكو
محمد: ميسم حامل
شمس:شنووووووو
منو وية المريضة المريضة صحت
نور: وعنهه مصحت ياربي ليش مموتتهه وخلصتنه ليش بس هي عار حتى تبقى عار علينة
محمد: نووووووور كافي محد عار على احد كلمن واخلاقة وتربيتة واحنة لحد الان مسمعنه منهه
محمد: ميسم كعدتي
نور: وخر محمد علة صفحة هاي اختي واني اعرف شلون المفروض واحد يتعامل وياهه لان هي العيني واغاتي مفادت وياهه والدلال كل هلسنين مفاد ومجابلنه غير الفضيحة والعار انتي من تنتحرين انتحري صح لتخلين ايدج ترجف وكصي شريانج زين حتى تخلصين ونخلص احنة منج لج انتي مفكرتي بخواتج بامج لج مفكرتي بية اني الي ضيعت عمري اشتغل منا ومنا حتى انتي تاكلين ونبرر ونكول مراهقة ليش بس انتي الي فتى بهل فترة لو كل بنية تسوي الي سويتي جان مضلت اي بنية عايشة
تدرين شنو حايرة شسوي بيج لو عمامي يستقبلوني اسلمج الهم واخليهم يذبحوج بس حتى عمامي متبرين وحقهم احنة طلعنه صدك عار عليهم
محمد: نووووووووووور كاااااافي كلامج هذا مراح يصلح شي
ميسم: 😭😭😭😭😭😭😭😭😭😭
محمد : احجيلي ميسم شنو الي صار شلون هيج صار وين ابن الطفل هذا
ميسم : يا طفل
محمد: انتي حامل ميسم
ميسم : ياربي لااااااا ليش هيج 😭😭😭😭
نور: لعد عبالج بس ونسة لج انتي شوفتيني العجب لج شسوووووووي بيج
محمد: كليلي ميسم ابو وين
ميسم: مات
محمد: شنوووو
نور: عزة العزاج نور هسة شسوي اروح احاجي موتة لو ميته انتي وخلصانه منج 😢😢😢
محمد: لا حول ولا قوة الا بالله
يلة كومو خلي نرجع للبيت نتفاهم احسن
دعاء : ها اجيتو شلون ميسم
نور:.....
محمد:......
شمس:.....
ياسر:......
رافد :الو هلو محمد اني جاي عليك انتو بالبيت شلون اخت نور
محمد: رافد مايحتاج تجي حبيبي البنية زينه وشمس اجتي وية البنات هم
رافد: شبي صوتك
محمد: والله الشغله حتى اكبر مني ومحتاج دعم الكل
رافد:اني بضهرك لتخاف
محمد: تسلم
دعاء؛ نور شو امي اجتي وجهه مخطوف وفاتت كبل نامت وجهه اصفر وانتو متجاوبون شكو
نور: انطيهه حبوب الضغط
دعاء ماشي
محمد: رافد بلاول لازم احل شغله شغلة
رافد: شصاير محمد
دعاء: نووووووور شو امي م تجاوب ولا تتحرك
نور: شنوووو شكو
يوم يوم
ميسم : يومممم يوم جاوبيني يوم
نور: لججججججج يمممممممممممممة
محمد: هاي شكو رافد روح خلي اشوف شكو
ياسر: محمد ام نور متخربطة
محمد : خلي نوديهه للمستشفى
الدكتور : منو وية المريضة
نور: اني بنتهه
انتي واعية ومؤمنة بقضاء رب العالمين وقدر امج اليوم يكون آخر يوم بعمرهه
نور: شنو شدتحجي دكتور لا لا تتشاقة ترة امي دائما تتخربط علينه هيج واحطلهه ملح بحلكهه وتصحة
شمس: نور حبيبتي
نور: لااااااااا لااااااااا شلون تروووووووح شلونننننن هي خلفت هاي مسؤليتهه تكبر بناتهه عود تروح شسوووووووووووووووي شسوي وججججج يمة المن عايفتني
محمد: نور اني يمج والله ماعوفج لتسوين هيج بنفسج
رافد: السلام عليكم شكو خير
ياسر:🙁ام نور توفت
رافد: لا إله إلا الله لا حول ولا قوة الا بالله
شمس: نورة حبيبتي 😢😭باوعيلي لج انتي قوية ولج اني اخذ قوتي منج لتسوين هيج بنفسج خواتج يحتاجنج هسة
نور: شوكت اني احتاجهم ليش بس اني انطي قوة الهن فنيت روحي علمودهم
رافد: الكعدة اهنا بدون فائدة الأحسن واحد ياخذ البنات يرجعهم للبيت وواحد يكمل الاجرائات
ياسر: طبعا تكول هيج لان انت مضايك هيج لوعة
رافد:.........
محمد: رافد اخذ البنات واني اكمل الاجرائات
رافد: لا محمد نور محتاجتك اني اكمل الاجرائات روح للبيت وهدى الأمور
محمد: نور قبل منوصل ديري بالج تلومين ميسم عوفيهه لان البيهه كافيهه هي راح تلوم نفسهه فميحتاج تلوميهه انتي
ميسم: ها نور امي وين
نور:..........
ميسم: نور امي وين أمي وين ليش مجبتيهه وياج
دعاء؛ محمد وين أمي 😢
الاء:😭
محمد: تعالو اكعدو خلي نسولف شوية
كل شخص يجي على هاي الدنيا مكتوب وية موعد ولادته مو عد وفاته ومستحيل يكدر يغير هلموعد
نور:😢😢😢😢😢
ميسم: لا عفيه لا محمد لا لتكول هيج امي مماتت امي بعدهه مو مال موت 😭😭😭😭
محمد:حرام هيج تحجين الموت مايعرف جبير وصغير الموت علينه حق
شمس: اني ابوية وامي ماتو وهاي اني عايشة وعادي مع العلم هم بجيت ودكيت ولطمت بس مرجع شي
محمد: الو هلو خاله خالة نور وخواتهه محتاجيج كلش
ام معاذ: شكو خير
محمد :ام نور ماتت
ام معاذ :لا حول ولا قوة الا بالله يلة هسة جاية
ميسم :نور لتسكتين اضربني نور لوميني نووووور
نور:😢😢😢😢😢😢لومي نفسج بنفسج شوفي شكد جنتي لئيمة وانانيه بقراراتج
ميسم : اااااااااااه 😭😭😭😭😭😭
ياسر: الو ها رافد شسويت
شوكت تجيبهه ماشي منتضريك
محمد
ها
رافد راح يجيبهه فد ربع ساعة لازم نحضر احد يجي يغسلهه وناخذهه نصلي عليهه حتى نلحك ندفن
محمد: راح اخابر امي تعرف بهل شغلات وحتى تجيب للبنات ملابس
محمد: الو ها يابة يابة ام نور ماتت كول الأمي تجيب وياهه وحده تعرف تغسل وجفن وهدوم سود للبنات
بعدين اكلك هسة مخبوص
ياسر: محمد انت مخبوص احجز اني قاعة بالجامع حتى نسوي الفاتحة وادك قطع
محمد: اي عفية والله راحت من بالي
ام معاذ: ها حمودي وين البنات
جوة خاله وتعالي اكلج على شغلة بس حتى تعرفين تتفاهمين وياهم
شنو
محمد: ها يابة انتو بلباب يلة طالعلكم
ام محمد : هاي شكو يمة شلون ماتت المرة كلشي مابيهه
محمد: جلطه ضربتهه
ام محمد :لا إله إلا الله هسة جابوهه لو بعد
جايين بلطريق
ام محمد : السلام عليكم
نور:😢😢😢😢
ام محمد: تعالي يمة تعالي الله يعوضج انشالله
هاي جبتلكم ملابس حتى تلبسوهن علمود الناس عيب
نور: ثوب اسود يمة ثوب العرس صار اسود بفراكج ييمة يمة ثوبي صار اسود بعد عينج ييمة 😭😭😭
ام معاذ: نور بنتي منو الي جانت تجي وتحجيلي الحكم والأحاديث وتحجيلي على الخنساء الي خسرت ولدهه وهي فرحانه ومنكسرت شو اشوفج مهدوده كدام قدر رب العالمين
نور: صعبة صعبة 😢😢😢 صعبة خاله شلون تحملتي هيج خبرين مااعرف
ام معاذ: لا يكلف الله نفسا إلا وسعها
مو بكيفج ولابكيفي رب العالمين يشوفج تتحملين هيج مصيبة خلص لعد ان يد انكون مؤمنين بس بلاقوال احنة لازم نؤمن بقضاء رب العالمين حتى نكون فعلا مؤمنين
دعاء: نور ليش جايبين امي بصندوك خشب
نور:😭😭😭😭😭😭😭اويلي عليج يمة عسة روحي ولا روحج
الاء؛:😭😭😭😭😭😭😭
ميسم: يمممممممممه المن عفتيني
اني السببببببب اني السبب 😭😭😭😭😭
ام معاذ:اششششش ميسم كافي لتفضحين نفسج عاد الخاطر اختج عيالهه كاعدين
ميسم: خاللللللللللله انشالله اموت 😭😭😭😭😭😭😭😭😭😭😭😭
ام معاذ: اسم الله عليج بنيتي كومي كومي لتضلين ماعده اهنا
ميسم :عوفيني اشبع من امي خاله 😭😭😭😭
نور:😭😭
محمد: فتت عليهم التابوت بلنص وبناته مداوراتهه منضرهم يبجي الصخر
كافي يلة كومن خلي نفوتهه للحمام
نور:😭😭😭😭😭😭
شمس: شفت نور خواتهه شلون يبجن على امهن ميدرن اكو شي أصعب انه من متكدر تبجي على امك او ابوك وخبر موتهم يكون شي كلش عادي
اباوع على نور شلون فاتت تغسل الامهه ومقررت تهرب من هل لحظة وفوتت خواتهه وياهه
اكتشفت نفسي ضعيفة حتى أضعف من الاء اخت نور لان هي فاتت وشافت امهه لآخر مرة واني أضعف من انه اسئل ياسر عن قبر امي وابوي واواجهم
محمد: وين البنات
شمس: بالحمام جوة
رافد :شبيج شمس
شمس: 😔هيجو الجروح
رافد: لازم نقويهم مو نضعف وياهم
شمس:😢
ياسر: شمس شكو
شمس: ماكو شي
ياسر :تعالي شموسة لتبجين صيري قوية الخاطر نور
شمس: مدااكدر مدااتحمل اشوف منضرهم كدامي
محمد : ها نور ها حبيبي خلصتو
نور: 😢😢😢😢خلصنه
شمس: نور قويي نفسج
محمد: يلله خلي نلحك ندفن
نور : اني اجي
محمد: اخذج حبيبتي اخذج بس هسة خلي ناخذهه للجامع نصلي عليهه
شمس : يلة حبيبتي فوتي اسبحي بين ميجون
نور: يله فايته
ميسم :😢😢😢😢😢
ام معاذ: ميسم تدرين انتي غالية كلش وروحج غاليه
لا خاله اني رخيصة كلش
ام معاذ: تدرين ميسم اني اتمنى لو عندي لو طفل واحد ولد يونسني بنية تملي حياتي انتي غاليه غاليه هواي
ميسم:😢😢😢😢
محمد: يلة وينكم خلي نلحك بسرعة
ميسم :لااااااا لتدفنوهه يمةةةة لتعوفينه 😭😭😭😭
نور: محمد ادفني وياهه والله تعبت من هاي حياتي
محمد: اشششش كافي حبيبتي
شمس: نور لتسوين هيج انتي دتئذيهه
نور: عوفوني وياهه عوفوني
شمس:منضر نور وهي نايمة على قبر امهه يبجي الحجر شنو المنتضر نور وخواتهه بعد
بعد عدة ايام
دعاء: نور اجة محمد
نور: هلو محمد
محمد: ها شلون الحلو
نور: الحمد الله
محمد
ها
عادي اطلب طلب منك
روحي الج
اتزوج ميسم الله يخليك خلصنه من هل عار واذا علطفل اخليه تذبه
محمد: لا انتي تخبلتي
يعني اني قابل تطلبين مني اي شي اوحتى تستغليني بس تكونين انانيه الهل درجة مشايف
نور:.........
الكاتبة بنين الجبوري
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: