#الهاربة_والضابط
قصة تتكلم عن فتاه عاشت حياة ومااسي اكثر من عمرها حتى......
تابعو القصة وتعرفون الصار
#BaneenAlgbory
#بارت24
مو اجيج ولج واشوف منو اني
رافد
ها
انت شتريد مني ليش رجعت ضهرت بحياتي
بعد مااكدر اطلعج من حياتي مدااتخيل حياتي بدونج
بس انت جنت تكرهني
لتسئليني ليش لأن كلشي طلع يختلف
رافد انت غيرت نضرتك عني من عرفت اني اخت صديقك المقرب لان انت جنت متطيق وجودي يمك بس هسة عادي شكو بيهه بنية حلوة واخت صديقك وشاطرة هسة صرت متكرهني
انتي شدتمسلتين
شنو
انتي شبيج بابا لج اني داكلج اني متعلق بيج شعليه بخوج
رافد لتخربط أفكاري رجائا خليني مركز بدراستي
ومنو كلج اني راح الهيج على دراستج بالعكس راح ادعمج.
شلون مشتاق الايامج بالبيت ومن تكعدين من الصبح تحضريلي الريوك والحمام والملابس
هسة هذني كلهن الياسر
وهم تحضريلة ملابسة
اي
وليش ميحضر النفسة هو
شنو انت شدتحجي اني من جنت احضرلك ملابسك اتخيل ياسر شلون جنت احلم من يصير ضابط واحضرله ملابسة تدري جنت اتخيلك هو
مممم اشوفج جنتي تنسقيلي ملابس حلوة
لا انت جان كلشي يلوكلك
حلو خوش اطراء
اول مرة اشوفك وانت هادئ وتحجي وياية عادي
انتي السبب
شلون بلله
جنت دائما احاول اعرف قصتج وانتي ابد متحجين
رجائا لتذكرني بالماضي
تدللين
اني ليش ماريد أسد الحجي وياك وأريد اضل احجي
لان الكلب ديدك
يعني شنو
كل ما هذا الكلب يدك مراح نشبع من الحجي سوه
بس هذا الكلب مراح يوكف للموت
وهو المطلوب احنة الاثنين راح نبقى للموت
بس هذا الشي مستحيل
ماكو شي مستحيل اني ضيعتج مرة ماضيعج مرتين
انتي بعدج مرتي ترة
لتحجي هيج رافد
شتاقيت الشعرج ولعيونج
رافد
كلب رافد
لتعلقني بيك حتى تعاقبني بحبي الك
لازم اعاقبج
ها
اي لازم مثل معاقبتيني وعلقتيني وعفتيني
هسة صار دورج لازم اعلقج حتى الكاج يمي
😊😊😊
اوووووف اوووووف
شبيك
الزمن شلون بعدنه
ممم
رافد اريد انام
مايخالف نامي
شلون
خلي التليفون مفتوح ونامي اريد انام على صوت انفاسج
رافد ورصيدك
انعل ابو الرصيد
ماشي
💤💤💤💤💤
محمد :كعدت من الصبح رحت للشغل واني انتضر الوقت الي اشوف بي نور اريد افهم هل بنية شنو وراهه
رافد: كعدت الصبح لكيت التليفون طافي شغلته ودزيتلهه رساله
شمس :كعدت الصبح حضرت الريوك الياسر لان ديروح يوصل يسرى جيت علتليفون لكيت رساله من رافد
(صباح مشرق كلون شعرك)
😊😊😊
هاي شبيه اني
ادزله رساله لو لا
لا لا ماادز اصلا عيب شلون ادزلة
محسيت غير التليفون دك يمةةةةةة هذا هو شسوي عزة اجاوب لو لا
الو
صباح الخير
صباح النور
ليش مجاوبتي بسرعة
لا مو جنت أودع اختي ياسر راح يوصلهه
ها يعني بقيتي وحدج بالبيت
اي
اقفلي الباب على نفسج ولتفتحين الأحد
انشاء الله
منو راح يوديج للمعهد لعد
اذا لحك ياسر هو يوديني واذا ملحك ماروح
لا اني اجي اخذج اذا مكدر
شنو و من كل عقلك حتى ياسر يكلب الدنيا
عادي عود كليله صديقتي اجتي اخذتني
اني ماجذب
ايي هاي مريتي عفيه عليج
على شنو
على صدقج هيج اريدج
يعني شنو انت جنت تختبرني
مو اختبار بس جنت داشوف
كافي كافي رافد انت متصيرلك جارة تبقى نفس الشي تشك بكلشي ومتثق باي شي مع السلامة
الو الو لج شمس
سدته ففففففف
اني صوجي جاوبته وحجيت ويا ونطيته مجال اني غبيه غبيه امدايييي
لما:اليوم اخر يوم اشوفه بيهه لبس زيي العسكري وعطره وكلشي بي حلو ركبنه بالسيارة ركبت ليورة
طلع اغاني احس الاغاني تختلف كلش حلوووة عطره ترس السيارة
جنت اشرب مي وغصيت بلمي جان يرفع عيونه بالمرايا وضل يباوعلي اني نسيت الغصه
الطريق حسيته اله غير شكل ويا
رافد:السلام عليكم
اهلا سيدي
وين محمد نادوليا
محمد:السلام عليكم
وعليكم السلام ابشر شكو ماكو.
ماكو شي بس عدنه كم سجينه تحويل مستشفى
تاكدتو من الحالات قبل متحولون منريد مشاكل
راح نتأكد سيدي
راح تتأكد لا خوش شغل
سيدي اني اتاكدت بس هسة هم واحد يتأكد لان منريد مشاكل
دنشوف يلة وبعد
واكو سجينه جديدة اجتي حولتهه انفرادي
ليش
كلت بين متشوفهه
مايحتاج حولهه كبل
محتاج شي بعد
لا
ماشي اني راح اخلص شغلي واطلع للمعهد
لا مايحتاج لتروح اليوم
ليش
بدون ليش لتروح وخلص
اني لعد راح اخلص شغلي واطلع للبيت لان عندي كم شغلة
ماشي روح
محمد :خلصت شغلي وطلعت للمعهد
اني شدسوي اهنا شو صرت مثل تصرفات رافد
اجيت دااحرك جان تطلع نور طلعت من المعهد وراحت مشي للشارع وأخذت كيه وطلعت تابعتهه نزلت يم المول
فاتت للمول فاتت بلكوزمتك وبدت تشتغل.
السلام عليكم
نور: وعليكم السلام تفضل اخويه محتاج شي اساعدك بشي
انت 😮😮😮😮
هاي انتي نور تشتغلين اهنا
ااا اي اشتغل اهنا عندك مانع
لا وشنو المانع
محتاج شي
اريد اخذ هديه بس مااعرف شنو البنات يحتاجن
(ياهو اليجي يدور هديه واني ارتبله الهديه البنفسي وانطيهيا)
شوف هي شتصير منك
ليش تسألين
يعني حتى نعرف شتحتاج تاخذ
اختي
حلو كلشي تكدر تاخذ ومتتقيد بلالوان
اي متشوفهه دومهه قاطتني
هههههه الله يحفظه الك
هي شكد عمرهه
٣٠
متزوجة
اي
لعد تحتاج الوان جريئه مو بس فواتح
وهيج نكون كملنه البوكس
وبعد اريد اخذ مثل هذا البوكس بس شيليلي الألوان الطوخ
تمام
تفضل للكاشير
نور
نعم
هذا البوكس تنطي الميسم
شتسوي بي
عربون صلح لان تعارفنه صار بظرف محلو.
مالهه داعي والله
لا الهه تفضلي وهديه متترجع
شكرا
مع السلامة
مع السلامة
ها ست نور خلصتي القاء العاطفي
نعم
يله لمى غراضج واطلعي برة
انت شدتحجي اني هسة جايبتلك زبون شترة ب١٠٠ المحل ممحتاجج تجيبيله زبائن يله منا بسرعة
نور: انطردت وهسه شراح اسوي منين راح اعيش
وهذا منين طلعلي والمعهد والدراسه هسه شسوي
ام نور:ها يمة راجعة من وكت
ماكو شي يمة بس عفت الشغل
يااا ليش
تعب ومامنه فايدة وراح ارجع للكبه احسن
ميسم:هلو نور
هلو
شنو هاي البيدج
هاي دزهه الضابط الج
الي ليش
يكول مال صلح
الله شلون شغلاتت تجننننن
نور:😔😔😔
نور انتي زينه اي زينه بس اريد انام
ماشي نامي
محمد:سمية سمية
ها خوية
هاج هاي
شنو هاي
افتحيهه وشوفي
الله يجنننن كلش حلو معقوله عرفت تختار هيج شغلات
لا البنية البلمحل ساعدتني
اي مو اكول
رافد: هي غير تجاوب ماشي شمس
شمس: كاعده بالبيت مااحس غير دكت الباب
بعدين سمعت صوت رافد
شمس اذا متجاوبين علتليفون اكسر الباب وافوت
شمس: الو
عفيه بلحبابة من الاول جاوبي هيج
شتريد مني
اريد احجي وياج
وشتحجي
شوكت اترجعي
شنو
كلبي الي اخذتي
😂😊 انت عن شنو تحجي
عن كلبي يا بواكة
اني مبايكة احد
بكتيني اني
شمس
ها
احبج
شنو
والله احبج وماكدر على فراكج بعد
محمد: ثاني يوم رحت للمعهد بس مشفت نور
رجعت للبيت اخذت وحدة من الحمر علساس اغيرهه واروح اشوفه بلمول.
السلام عليكم
وعليكم السلام تفضل اخي اساعدك بشي
لا بس جانت بنية اهنا تشتغل غيرج
اي هاي بطلت
شنو ليش بطلت.
اذا تريد تعرف ليش تكدر تسئل الاداره
ماشي شكرا
السلام عليكم
وعليكم السلام
انت المدير
اي نعم
بس اجيت اسئل على البنيه نور جانت تشتغل اهنا
اي انت كلت جانت وبعدين هذا مكان محترم ولقائاتك الغراميه خليعه بلكوفيهات مو بمحلات الناس يلله من رخصتك عدنه شغل
انت شدتمسلت تعرف ويامن تحجي
من رخصتك اطلع اني محاجي شي وياك نور مموجودة اهنا بطلناهه التقي وياهه بغير مكان
ماشي ماشي
معقولة طردهه بسبب الهديه
شكدد.........
اشوفهه مجتي اليوم للمعهد
لازم اروحلهه بس هسة الدنيا عصر عيب هلي اخليهه على باجر
نور : بعد منطردت قررت المعهد اعوفة وطلعت كلشي عندي صامته من فلوس ومن ذهب حسبته يادوب يكفي لشهرين اتلاثة مو اكثر زين وبعدين شراح اسوي
ماااااادري ماادري
كعدت الصبح لبست ملابس المدرسة ولفيت شالي وكعدت اتريك وية خواتي
الاء:نور المدرسة طلبت من عدنه مزهرية نشاط
ماشي حبيبتي هسة اليوم اجيبلج
ميسم :واني اريد رصيد للتليفون
ماكو ارصده هلشهر وبعدين عليمن تدكين شو حتى اني عفت الشغل وكابلتج
انتي دعاء متردين شي
دعاء:لا حبيبتي ممحتاجة شي
محمد: كعدت الصبح لبست قميص سمائي وبنطرون بيجي ورتبت شعري ونظارات
نور :طلعت اني وميسم نمشي للمدرسة
ميسم: لج نور مو هذا الضابط الحلو
منو
شبيج هذا وينة
امشي ولتباوعين علي
بس وصلنه سيارته نزل
محمد: السلام عليكم
ميسم :وعليكم السلام هلو شكرا علهدية
بالعافية
نور ممكن احجي وياج
ميسم : يله اني رايحة للمدرسة
نور: ماكو حجي بيني وبينك
محمد:مايصير نحجي هيج بالشارع بس اصعدي
مااصعد انت شلزكتلي خربت حياتي كلهه
دصعدي بس اصعدي
صعدت يلة احجي
هاي وين ماشي
راح اخطفج
والله اذب روحي من السياره
😂😂😂لا انتي عايشة جو الاكشن
يلة انزلي
هاي شعدنه اهنا
مكان هادي نحجي بي
ماعندي حجي وياك
نور انزلي كافي عاد
نزلت يلة فضني عندي دوام
يلة فوتي
نور: دخلني بكافتريا علنهر كلش حلوه والهوى يرد الروح
تفضلي
نور اني عرفت انه اني السبب بفصلج من الشغل وحسب الي داشوفة انت الي دتصرفين على اهلج
دقيقه دقيقه انت شلون اندليت بيتنه
موشغلتج
انت تراقبني.
الشغله ابسط من هيج.
المهم اني عمري مضريت احد مراح اجي أضر أيتام
انت شمدريك ابوية متوفي
(الله عليك حمود 😂 تقره افكار العالم) مو شغلتج هاي
بس هو ليش ماعنده راتب ضل الكم
لا
زين شلون مات
قتل
لعد ليش ماخذتو حقوقه
ومنو ينطينه هي كلهه بلواسطات واحنة جنة صغار وامي تعبانة
لعد سمعي نور اني مو جنت سبب طردج من الشغل اني راح اطلعلكم حقكم من الحكومة ومراح تعتازون اي احد بعد
لا شكرا مااكدر اقبل وشكول الأمي انت منو
خطيبج
نعم
اي خطيبج
الكاتبة بنين الجبوري
#Baneen
#الهاربة_والضابط
قصة تتكلم عن فتاه عاشت حياة ومااسي اكثر من عمرها حتى......
تابعو القصة وتعرفون الصار
#BaneenAlgbory
#بارت25
وهذا بارت مفاجئة بخاطركم
نور: انت شدتحجي
شدااحجي قابل داكلج اريد اتزوجج على سنة الله ورسوله
ووبنفس الوقت اسويلج الراتب مال اهلج وباقرب وقت اطلعلكم اياه وكل حقوق ابوج
اي وبعدين
وبعدين هو نصيب صار النصيب وتعودنة على بعض نصار هم كلشي قسمة
شلون اثق بيك
ضروري تثقين بيةماعندج غير حل
هههههه ضحكتني بابا اني نور مار علية بلاوي تعرف شنو فلا عبالك طردتي من الشغل راح تأثر بية
طبعا هذا جوابج دخليني اتمسك بيج اكثر
حضري نفسج باجر راح اجيب اهلي حتى نخطبج واسالو براحتكم بس بلاول انطيني كل مستمسكات اهلج استنساخ حتى ابدي بالمعامله لان حرامات ضيعتي طفولتج وانتي تشتغلين وترجعين تالي اليل وانتي حقج يم الحكومة
مااعرف شحجي
لتحجين شي والمعهد ترجعيلة ومالج علاقة بالمصاريف
انت دتشتريني
اني داشتري اخلاق مستحيل الكة مثلهه
ماعرف شكول والله
لتكوين شي بس حضري نفسج على باجر وهسة ترجعين للبيت وهذا رقمي دزيلي علواتس صور الجناسي وكل المستمسكات
يلة اني رايحة
وين رايحة
للبيت
دكعدي خلي نتريك ونروح
اني متريكة
بس اني ممتريك يلة مو مهم خلي نشرب عصير
ماشي
يلة مخلصت
شبيج مستعجلة
ممتعودة اكعد وية ولد.
اني مو اي ولد اني راح اصير خطيبج
😕😕😕
مااعرف انت منين طلعتلي
اني ابوج دزني الج
😟😒
يلة خلي نروح
يلة
شمس: شكلت
رافد: احبج
😊😊😊♥️♥️♥️♥️
انت تعرف شكلت
اي اعرف
انت خربطتلي كياني بهذا الحجي
اي حيل بيج وخلي يتخربط مثل ماخربطتيلي كياني خلي كيانج يتخربط
رافد
عمر رافد
لتسوي هيج
شمسوي
اني ممتعودة هيج
على شنو ممتعودة
اوووف يلة روح رافد عندي شغل بالبيت اريد أكمله
ديلة روحي اني هم عندي شغل
ماشي بيباي
بيباي الله وياج
يو هذا ياسر اجة يمكن
ياسر: السلام عليكم
وعليكم السلام هلو بنيتي شلونج
الحمد لله يلله هسة راح اصب الغدة
شبيج شو مو على بعضج
مابية شي قابل شبيه
يلة تعال خلي نتغدة
ياسر
هممم
شفت لما
ممم
خوش بنية
الله يخليه الاهلهه
تدري هي كلش شاطرة والظروف ممخليتهه تكمل
تدرين صار شكد اعرف رجل يسرى بس ابد مجابتلي طاري يسرى على أنه عنده اخت ومكادر يخليهه تكمل دراسة لو ادري جان ماقصرت
ادري بيك لذلك استغربت اني
ليش متخليهه تكمل
مااكدر افرض علناس شغلات فوك طاقتهم
الحياه منكدر نكلب الحياه وردية بدون ناس فقره وبدون ظلم
انتي مثلا لكيتي اهل رافد نقذوج من الشارع بس رافد ظلمج
ها اي صحيح
شبيج احسج مو طبيعيه
لا مابية شي
شلون الدراسة
زينه
والخياطة
مستمرة بديت اخيط للجوارين
عفيه هيج اريدج سباعيه
يلة كوم غسل بين ماسويلك جاي
ماشي
شمس : كمت الصبح بدلت لبست نفنوف وطلعت للمعهد
بس استغربت اليوم مشفت نور
يله من ارجع اخابرهه
نور: يبو هذا شبي رافد لح
بس استاذ تسمحلي اجاوب علتليفون
الو ها رافد
اطلعي شوية برة
شكو
تلكين شي يم باب المعهد
هذا شنو الورد
عجبج
يجنن بس مااكدر آخذة
ليش
شكول الياسر
كليلة اي حجة
لا رافد تعال آخذة اني راح اخذ بس وردة وحدة وانت ضمة يمك
لعد ذبي بلزبل من يمج
اوووف منك
اخذت الورد وفتت ضل الاستاذ يباوع عليه ضليت بنص هدومي
اجة ياسر علية
شمس شنو هذا الورد
ها جابهم.......
الكاتبة بنين الجبوري
#الهاربة_والضابط
قصة تتكلم عن فتاه عاشت حياة ومااسي اكثر من عمرها حتى......
تابعو القصة وتعرفون الصار
#BaneenAlgbory
#بارت26
ياسر :هاي شنو الورد
شمس: ها اي هذا الورد الك جبته
آلية ومنين جبتي
توصيل
انتي دتجذبين
ليش داجذب
والله مااعرف انتي كليلي ليش دتجذبين
هههههه ها ياسر تريد تبيع دور الضابط عليه وتحقق وياية
اني قبل مااكون ضابط فااني اخوج واعرفج من عيونج من تجذبين
ياسر اني ماجذب ولتنسة اني اختك الجبيرة
ماشي بس احب اذكرج حبل الجذب قصير وراح يكون نهايته انه ينكشف
هاي شبيك ياسر هاي لان جبتلكورد عني ملازم عوف الورد
ها يعني مصرة علكذب اكذبي شمس كذبي وخلي نشوف وين راح توصلين
😟😟😟😟😟
شمس؛ الو رافد
هلو ها شبيج
رافد ياسر شك بالموضوع مو كلتلك عوف الورد انت لحيت
ليش شكلج
كال انتي دتجذبين واني اعرفج من تجذبين
انتي شبيج معرفتي تجذبيلج جذبة
والله هاي مو عوايدي الجذب
ها اي صحيح حقج اني الجذاب
مكلتلك انت جذاب
لا ابد كلشي مكلتي اني واحد جذاب وداافتري عليج
ففف هاي شبيك رافد
مابية شي مع السلامة
مع السلامة
نور :محمد وصلني للبيت واني ممصدكة الي ديصير وشنو وليش ومعقولة واحد مثل محمد يباوع عليه اني
حرت بلي ديصير
محمد: السلام عليكم يمة وين ابوية
جوة هو سمية كاعدين
لعد تعالي انتي هم رايدكم بشي
خير انشاء الله
خير يمة خير بس تعالي وعوفي البيدج
يلة جاية
السلام عليكم شلونك ابو محمد
هلو وليدي شبيك صارلك كم يوم متبين لاتكعد تجي متأخر وتطلع من وكت
يابة غير الشغل هذا
الشغل مو كل الوكت هم لازم اكو وكت الاهلك
اي طبعا يابة
ها يمة شنو الشغلة الردتنة بيهه
يابة اني نويت اتزوج
سمية:كلووووووووش
هاي شبيج دصبري خلي افهمكم
كول وليدي
اني اختاري بنية بنت اوادم وخوش ناس
سميية: شنو تختارين هاي ليش مو ضامتلك شلون عروس
سمية خلي نحجي مثل البشر
اي احجي عيني مني هاي المسعدة
باجر راح نروح أغلبيتهم ونخطبهه
اي غير بلاول نروح احنة النسوان اني واختك ووحدة من خالاتك
ماشي يمة تروحين انتي وسمية وبس ممنوع اي وحدة من خلاتي تدري
ليش يمة
تعرفين ليش يمة كلهن حاطات عيونهن علمود بناتهن فهذني يروحن يخربنهه
فهسة باجر تروحين انتي وسمية تشوفون البنية وهمة عدهم علم بجيتكم وممنوع تجيبون طاري اي شي غير انه الولد شاف بنتكم وهي رايحة للمدرسة ومنعجب بيهه وتكللولهم اسئلو شكد متردون وردولنه خبر ونعطيهم رقمج يمة
هاي هي يمة هذا يوم المنه الي انتظرة والله
يلله اني طالع هسة للشغل اليوم ممريت للمركز
الله وياك يمة
سمية: والله عرفت هذا ابنج ورا وحدة
ولج سمية لتحجين على اخوج
يابة محاجية علي بس خايفة علي من بنات هلوكت
اخاف وحدة مجلبتله
اسمعي سمية عوفي امج ولتضلين تلعبين براسهه بهل سوالف مالتج
شبيك يابة شحاجية اني بس والله بنت خالتي مديحة متتعيب
اني شكلت سدو الموضوع وروحو خطبوله الي يريدهه
هاي هي ابو محمد باجر اني رايحة اخطبلة معليك بحجي سمية
محمد: السلام عليكم
رافد: وعليكم السلام هاي وينك
جنت بشغلة كملتهه وجيت شبيك انت شو وجهك معاجبني
تعاركت وية شمس
تعاركت وية شمس ليش شوكت دتحجي وياهه
اتصالحنة ورتبت الوضع بس اله تصير عركات
دقيقه دقيقه تريد تفهمني انت وشمس تصالحتو وصرتو تحجون واحد وية الاخ
اي
زين وشنو ليش تعاركتو
المشكله دزيتلهه ورد وهي كالت متكدر تأخذه علمود اخوهه بس اني اصريت وهي كالت الاخوهه هذا الورد الك بس تعرف ياسر ضابط استخبارات ماشيه عليه وشاك بيهه فكلتلهه مدبرتي هلجذبه تكلي والله اني هاي مو شغلتي
هههههههههههه قوية
شو تضحك استاذ محمد
هههههه طبعا اضحك انت جاي تكللهه جذبي وعلى منو على ضابط ياسر يطلع النغل منو ابو ومنو شمس شبيك بابا اي وشسويت
تعاركت وسديت التليفون
عادي عركات حبايب
وانت شبيك صاير تغط
اني ماادري شبيه
شبيك احجيلي الله عليك اذا محتاج شي اني اخوك
صدك رافد ماادري شبيه شداسوي صح غلط ماادري
بس دامشي ورة هذا♥️ شراح يصير بيه ماادري
شوف محمد راح اكلك سالفه العمر ينعاش مرة وحدة اذا نضل نحسبهه بلعقل مراح نتهنه امشي وسوي كلشي يريده كلبك بس لتكون اعمة وماتشوف كدامك
ماادري رافد الدنيا وين ماخذتني بس احساسي يكلي لتضيع هلفرصة
شوف حمودي اني اعرفك من زمان
انت شخص مستحيل يحجي البداخله بوضوح حتى لو الاعز صديق عنده انت واعي وحكيم وهادئ عكسي عصبي واتنرفز يعني يامة مدبج بطنك وانت متنهز لذلك انت على هذا هدوئك اكيد راح تأخذ القرار الصح لتستعجل واني متأكد مراح تغلط
والله يمكن حميد وكع بلعشك
تصدك ماكو اي حب اوعشك بالموضوع
لعد شنوووو لتخبلني
مااعرف رافد مااعرف شنو الي ديصير بس انجذاب وبنفس الوكت عطف و مساعده بس حب لا ماكو
شنو الي ديصيرلك يا صاحبي
ماادري شنو لو ادري جان فهمت نفسي
راح اختصرلك كلشي حميد لاتفكر فلها مدبر
ونعم بلله
يلله خلي نكوم على شغلنه
نور :بدلت وطلعت للمعهد
شمس :لج نور نور
ها هلو
هلو هاي وينج يمعودة شو ماكو
والله ظروف شويه
الله يساعدج
انت شلونج شخبارج
الحمد لله
نور انتي زينة شو احسج مو طبيعيه
نور: 😔😭😭😭😭
هاي شبيج يا عيني الحجيلي نور اعتبرني اختج
تتذكرين الولد الي جان يضل واكف يم المعهد الي حجيتلج علي
اي شبي
خطبني
شنو اي بس هيج شي يفرح ميزعل وبعدين انتي بكيفج تردين توافقين تردين ترفضين
اي بس بسببة اني انطردت من شغلي الي معيشة اهلي منه
ترة دخت ومداافهم شي
راح احجيلج كلشي من الاول
اني نور عمري ١٧ سنة صف سادس علمي من عائلة فقيرة الحال متكونة من امي واني و٣ اخوات ابوية توفة بلطائفية
اني الجبيرة امي ابوية عافلنة بيت باسمة وبس مجان عندة تقاعد اوشي لذلك بدت امي ورة وفاته تلف كبة لكن بدينة نكبر وهاي الشغلة متوكلنة خبز فتت اني اعدادية واخواتي وحدة ميسم بالثاني متوسط وحدة بالسادس ابتدائي اسمهه سما وحدة بالخامس ابتدائي اسمهه الاء
امي كانت متبين النه فقر الحال لكن من وعيت وفتت اعدادية عرفت احنة فقرة من شفت تليفونات البنات ولبسهم عرفت اني شنو مستوايه لذلك ابد مااتقرب يم اي بنية لان راح تتعرف عليه وتعرف حالي شنو
لذلك ب الرابع اعدادي قررت أعين امي وبديت اشتغل بمول ال....... جان الراتب يسوة كمت اطلع من المدرسة وكبل للمول ومن ارجع للبيت بل ١٢ احيانا او بل ١١ انام واكعد وية الصلاة ابدي اقرة إلى أن اروح للمدرسة وبفترة المدرسة اضل اقرة بلشواغر والفرص احتمال راح تكولون اكو مبالغة بس هاي الحقيقة الحقيقة انه بهذا الزمن اذا ماعندك شهادة راح يصير مصيرك مجهول واذا تزوجت يصير مصيري مثل امي ماعندي سند الي يعني لو ابوية عندة شهادة مجان وصلت الهل مرحلة او امي لوعدهه شهادة مجان وصلت لهل مرحلة
المهم صرت اشتغل بلمول بكوزمتك كل متقنع زبونات حتى يشترون راح يتمسكون بيك لذلك اني جنت شاطرة واقنع الزبونات بسهوله حتى يشترون
بلعطله الصيفية اشتغل شفتين الصبح والعصر بنفس المول وفرت فلوس حتى اكدر افوت للمعهد بالسادس لان العلمي صعب وهذا المعهد اساتذته كلش زينين
وفرت فلوس ولبست خواتي احسن لبس امي بعد مخليهه تسوي كبه صحيح راتبي مراح يخليني زنكينة بس رحمة من الله
بسبب رجعتي بوقت متأخر للبيت ديخليني أتعرض لمضايقات وتحرش بس اني بنية قوية ومنجرفت بغير طريق
شمس :😟😢
لتعطفين عليه وتباوعيلي هاي النضره
مدااعطف عليج بس انتي احتمال اتكولين اني اسوء طفوله وشباب عشت انتي متدرين الي عشتي ولة شي من مئساتي نور انتي مخسرتي المستقبل بس اني خسرته بسبب شخص شك بيه
نور :شلون
اغتصبني
شنوووو
اي اغتصبني وضيعلي حياتي
شلون وليش
قصة طويلة بعدين احجيلج اياهه بس ردت اكلج انه مهما رب العالمين سوى بينه واختبرنا اكو ناس اسوء من حالتنا
اي صحيح
واذا على هذا الولد فأنتي مادام هيج وضعج تحتاجين سند بالدنيا ففكري زين واسئلي عنه زين
ومادام هو ضابط جيبي اسمة اشوفه الاخويا يسئلج عنه
اخوج ياسر يعرفه
منين يعرفه
صارت مشكله وتلاكينه بمركز الشرطة
هاي هي لعد هسة من ارجع اسئلج عنه هو شنو اسمه
محمد
هذا هو لعد يلة كومي خلي نفوت راح تبدي المحاضرة
يلة كومي
رافد: محممممممد
أأمر سيدي
تروحي البيتنة تاخذ الحجية البيت شمس
تامر سيدي
ميامر عليك عدو
نور :يلة شموسة بيباي
وين بيباي خلي ياسر يوصلج
لا مايحتاج اني اروح
مايخالف حتى تحجيلة
شحجيلة لاعفيه شمس صدك تحجين.
لج بابا هذا زواج مو لعب لازم تسئلين لتضلين مستحية وساكته اله تتورطين يله امشي
ياسر : كلش زعلان من شمس لان دتكذب عليه ودااحس ورة كذبهه مو شخص غريب لا شخص اعرفه وراح اكشفه بس خلي اتأكد إذا مازوعة حليب أمة الي شربه
هلو يسور
هلونور اليوم ويانه احنة نوصلهه
هلة بيهه
ياسر
كولي
نور اكو احد خاطبهه وهذا الأحد انت تعرفه
منو
ضابط محمد
محمد الي جاب ميسم
نور: اي
اي وهي البنيه تريد تسئل عنه لان هي يتيمة
الضابط محمد غني عن التعريف فوتي للسجن وبس كولي محمد وشوفي شيكولون كافي هو متحمل رافد
شخص ماعنده سوالف مكسرة او شرب او بنات او رشاوي
حتى المفروض يكون عصبي حسب شغله بس هو حكيم والحجايه ميحجيهه اذا ميفكر بيهه عشرين مرة
وبعد يمج لان انتي بنيه صغيرة والمستقبل كدامج والف واحد غيره يتمناج
شمس: بس هي محتاجة سند العائلتهه لان كلهم بنات وصغار وامهه مريضة
محمد: لعد أقبلي بمحمد محمد هو ونعم السند ونعم الوكفات الي يوكفهه
شمس : دقيقه دقيقه ليش هو نفسة اليشتغلن وية رافد
ياسر :اي
لعد شعندة يوكف يم المعهد
نور: يلة مع السلامة وتسلمون علنصائح تعبتكم
شمس: مصدكت وصلت للبيت حتى اخابر رافد
الو
رافد: ياهلا زين تذكرتي
انت مستحيل تتغير انت شخص راح تضل هيج اناني وشكاك شوف هلمرة مكلت الياسر ترة والله اذا تصدر اي شي منك بعد راح تشوف غير شي
شكووووووو شبيججججج
شيسوي محمد اباب المعهد
ها شو سكتت متحجي شيسوي
شلون عرفتي
عرفت وخلص رب العالمين يريد يكشفك يا اناني اني مو ملكك حتى تضل تراقب بيه واخوية مراح يديحني ويحطني بمكان مو زين
خلصتي
شتريد مني عوفني بحالي هاي فوك الي سويته بيه بس تدري شنو اني غبيه غبيه
ياسر: شمس وينج
شدسوين ويامن تحجين
شمس: ها
.
.
.
.
الكاتبة بنين الجبوري
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: