#الضابط_والجميلة -
#بارت مفاجئ/الواحـد والعشرون
#alshabaniuh
_
للكـاتبةه : ࢪَ࣪يࢪَ࣪فـون ♥️
_
چــنتَ اظن گـلبهَ مِـثـل ڪَــلبي يحنّ
ياريت أبــد مــآچــنتَ اظن .
_
بشي لا ارادي فتحت موبايلي وخابرته ع الواتسـاب
ابجي واشههك ضليت ادگ مايرد بال6 مرات بعدين رد راسـا كتلة واني انكث من العصبية
شووووف ووووحق كككل حرررف بالقررران ياااقحطان لووويبقةةة اخررر يووووم بحياتي مازوجكككك فاههم اكررررهههههككك اككككررررههههك فاااهههم شنوووو اككككرررهههك ولووو انتتتتتت رررجال صدددك وصددددك رووح عني ياااخي اكككرههههككك ليششش ماتحس
حجيت هل حجي واني ششههك بالبجي وكوه احچي اجاني صوووتة يرررعد وهووو يكوول
قحطـان: موووووووو تتتتدددللليننن ستتتتتت مررريممم خاااااف چـانتتتت عددد هههيمن شووووية قراررر انو مايطيج هسههه اررريد اشوففف شلووون مايطيججج وووعلي ل الععب بعقلة للللعب واازوجج غصبـا ماعليج
حجه هل حجي سووودني زياده سددد الموبايل
اكككررررههههككككك اكككررررههههككك قحححححططططان
حجيت هل حجاية بصوت عالي وكعدت ع الجرباية ضليت ابجي واشههك
سمعت صوت الباب ينـدك شههكت شنووو اچة طلعت بسرعة سمعت ضوت ابوية يكول
هلا قحطان تفضل تفضل امي بالمطبخ هم تبجي باوعتلهه واني ابچي كتلهه
لااا تكعدوووني ررراح اناممم وعسااني ماكاعده ورحـت لغرفتي بسرعة
احس نفسي ختنگت سديت الباب گمت اريد اخذ نفس مـاگدر ختنكت عيوني غوشـن
حاولت انـام ع الجرباية بس بعد ماحسيـت بـأي شي
گعـدت مَن النوم السـاعه ب 5 الصبـح تقريبـا الفجـر
مسطورة سطر گوة افتح عيوني شفت نفسي نـايمة ع الجرباية وممتغطـاية اووه راسي
گمت من الفراش دايخة ماگدر اوگف رچعـت گعدت ع الجرباية والدوخة مفولـة عنـدي
ضليت شويـة وحسيتهه راحت گمت غسلت وغيرت ملابسي و مشطت شعري و رحَت للحـديقة
سحبت كرسي مَن المطبخ وگعدت بالحديقة
الكل تخلة عني اتمنه اختفي من الوجود غمضـت عيوني ونزلن دموعي
گمـت اگح كحة قوية احس نفسي مخنوكة خرب صدري احس مختنكة اووف
مـاعرف الي چـاي ايصير وياي شنو بس باي حـال افضل الموت علة قحطـان
ضليـت گاعده وافكـر
شفت بابا طبع يغسل طبيـت للبيـت اوه بال7ونص ولاحسيـت بالوقت
طلعـت ماما ابتسمتلي ماطيت اي رده فعـل
طبيـت لغرفتي گعدت ع الجـرباية دورت ع موبايلي شفته ع الكومـدي شلتـه لگيـت رسـائل مَن قحطـان فتحتهن كاتب
🏷️الـف مبروك مقـدما ابوچ اليـوم ينطيني القرار اصلا هوه مبيـن اي شلون لعبتلج بعقلا لعب هههه المهم نزوچ قبـل الدوام انشاللة
قريتـهه تخبلـت احس اعصابي فارررت
غمضـت عيوني وتنههدت احس نفسي ختنگت كتبتله
🏷️باحلامك استـاذ قحطان افضل المَوت على انو ازوچك ☺️
سديـت الموبـايل وگمت گعدت يمهم اريـد اعرف نيتـهم شنـو
بـابـا خلينه نحجي بالتفاهم بـابـا اني اسفة لان عليت صوتي عليك البـارحة كلش اسفـة بَس بالنسبـة لقحطـان ماگدر ازوچـة اتمنـه تتفهمني
هيمن: يابه گلي لبتـچ اليوم يردون القرار و اليوم انطي موافقـة للنـاس
احس روحي نههـبدت گمت مَن مكاني وگتلة
شنـوو باباا لههل درجة بايعني واليوم تنطي موافقة حتة بدددون ماتاخخذ رائيي حتة بدددون مـاتگلي شنوو رائيج هيج باباا صاررت هايهيه اني عاررر عليكم بس تردون تخلصـون مني گلي حتة اموت نفسي اذاا هيج
هيمـن: الي عنـدي گلتة بدون حچي اني اعرف بمصلتج وبالنسبه لهل حجي مال اموت نفسي وهل حجي عووفي خوش
دموعي نـزلن وصرت اباوعلـة بصدمـة شلـون شراح يگول هو علية هايهيه م مصدگين انخطبت
بابا بس اكلك شي هل گـد اني حمـل عليكم لهل درجة وين راحت احلامي انت بابا انت موطول عمرك تكلي اريدج دكتـوره راريدج تبقين يمي حتلا تزوجين وتگلي ماريد يشاقة وياج يمي ترا اغار هههه بابااا شنوووووووو ككككككلي بااااابااااااا ليشششششش هههيج جججاي اتتتتعذبني شسسووووووويتتتت گلللللييي شنوووووو ذنننبيييي هههها ليشششش ججججاي ااااتتتتتعاااقبب ععععلى ششششي غيررررري سووووى موووو انننني
هيمن: اششش صوووووتج مااايعلة مررره ثانننيه خوووش والي اكووولة يصيررر بعدجج جاهلهه ماتعرفين شي من تكبرررين راح تكوووولين همزين ابوية انطاني الةة ولا حجايةة زايددده مريمممم
حسيـت نفسي راح اتخرربط گمت اعرگ هززيت راسي الة بسرررعة ورگضت لغرفتي ودموعي يچرن مالحگت سديت الباب
وگعت بالگاع و صررت گوة اتنفس
اللحضة اذگرت كلشي حلو شريط حياتي مـر علية اذگرت قحطان اذگرت اهلي اذگرت حور اذگرت موچ اذگرت الكل
نفسي بطئ اريد اصيح مَـا اكدر ايدي اليمـن انشلت احسـهه كمت احجي بصـوت گوه ينسمـع الروح عـزيزه شمـا ادعي وشمـا اسوي من توصل الصدك محـد يتقبل هل فكره
گمت احجي بصوت مبحوح صوت كوه يطلع مني
دخيلك يـاعلي دخيللك
شويـة وحسيـت شي وانزاح عني اخذت نفس قوووي هيج احس المم اجاني خطفة وراح
گمت ايدي اليمنـه خخدرانـه نمت ع الجرباية بسرعة
عيوني غوشـن بعـدين غطيتت بالنـوم
گعدت مَن النوم المغرب عزه هاي شگد صايره انـام اف ياربي
گمـت طلعت مَ غرفتي ابوية ماهوه اگيـد بالدوام شفـت امي گاعده بالغرفـة وتبجي
عزززه شبيههه ماما
رحَت ركضتلها للغرفة كعدت كبـالهه وگتلهه
شبيجج ماماا ليشش تبجين گليليي بابااا بي شي انتي بيج شيي ماما گليلي حبابه لا تخوفيني
دنگت وصارت تبجي وتحجي
ام مريم: ولج يمه شبيـدي ماتگليلي من ضغوط بيبتج وهيه تكلي اخذيهه للدكتـوره لفرحتهم هسه انو قحطان خطبج وابوج ولج يمه مدري منـو مغيـره البـارحة وصلتَ بي انو يمـد ايده علية اله شويـة
هاي صـارلي فوگ ال22 سنـه ويـا وهو ولا. صاير هيج ابـد هسـه ماعرف شبي يگول هايهيه بنتي واني اعرف الي مناسب الهه
نـزلن دموعي ويـاهه انصدمت مَن حجي ماما لهلدرچة بـابـا صـاير يعني يريـد يغصبني هـاييههيه 💔
م ماما ككافي اللة عليج لاتبجين هايهيه الي يكولة يصير يريد يزوجني خلي يزوجنيـا ماما اني اكيد راح اموت ماراح ابقة واللة باعي مو اني اسوي بنفسي شي لا ماما ماعرف بس اني احس نفسي راح امور
هالحجي احجي واشههك باوعتلي بقههر ام ودموعههه تجري
حضنتنتي وتگلي لا تحچين ههيج يمـة
خلاص ماطول هل شي دياثر حتة علة علاقة امي وابوية هايهيه اوافق اصلا شنو اصلا اني ما راح ابقة راح اموت متـاگده
ضليـت حاضنه ماما وابچي تعبـانه چنت محتـاچتهه حيـل
احس نفسي راح اتقيئ وخرت منـهه ومسحت دموعهه وگتلهه حتة اطمنهه
م ماما باعي اصلا بابا حجة الصح و قحطان خوش ولَد واني مدري شجنت افكر من ما وافقت بي صح هو ولد والنعم منه واني موافقه عليـة لاتخـافين
ام مريم: ادري مو من كل وكلبج واللة لوبيدي شي عليج بس كليلي شبيدي عليج حتة اسويلجيا واللة تعبتت واني احجي ويـا وهو يگلي لا تدخليـن 💔
تنههدت ونزلن دموعي مره ثانيه وگتلها
خلاص ماما سـدي الموضوع بكيفة
ام مريم: يمه صح اني مو ويه ابوج بس واللة ينور عيوني انتي واللة قحطان راح يسعدج يا ماما واللة راح يعيشج اميره واني اضمنلچ
تنههدت وگلت بكلبي ههه واللة لوتدري هه
بالنسبه لبابا بعـَد خلي يزوجني بس خليها ابـالچ
دنگت واحس نفسي ارچف وگتلها واحس الكلمات گوة يطلعـن مني
بالنسبـة ال بابا ينـسة مريم القـديمة ينسـة بنته الي ربـاهه وهو يضحكلهه
گلت هل حجي وباوعتلهه تبچي خليـت وطلعت بسرعة للحمـام
ذبيت مَن راسي لمَن انههلكت
گعدت بالگاع وصرت ابچي
واللة مـاعرف ربي تره امتحانك صعـب ححيل واللـة اني موگده واللـة
سمعت صوت سياره يجوز ابوية گمت بسرعة غسلـت وطلعت رحَت لغرفتي احس خَدر بكل جسمي صـاير اوه عرگانه حيل
اخذت ملابَس وطبيـت للحمـام بالحمـام ضليـت بس ابچي اضن بالساعه ونص يلا طلعت ع صوت امي
گتلها اي هسه طالعة عيوني حمر صارن مَن البچي
ابـد ماچانت هيج امنيـاتي ابـد هسه بلحمـة بصَر هيچ حيـاتي صـارت 💔
ليَـش ياربي ليَـش اخ الحمـدللة والشكـر
طلعت من الحمـام نشفت شعـري و مشطتـه صاحتلي امي
رحت حاطة الاكل وهيه وابوية گاعدين رحـت گعدت يمههم
ضليـت اگل وانقش بالاگل كمت قبلهم هم سويت چاي و غسلت اماعين گعدوا بالصالة وابوية وامي مبينين ميتحاجون
شويـة وچبتلهم الچـاي دگ موبـايل ابويـة ضل يحچي گال بكلامة اسم قحطان عرفته ديحچي وي قحطـان
هيمن: انشالله خيـر قحطان موافقيـن يابه اتگلـوا على اللـه
حچة ههل احچـايـة اريد احط صينيه الگاع ماگدر
وگعت صينيه الچـاي من ايدي انرعبت لان جنت صافنه ع ابوية دنگت بسرعة ودموعي بدن ينـزلن بديت اختنگ
گمت الم بالاستـگاين انچرحت بايدي اچتني امي وخرتني اباوع لابوية يباوعلي وبعيونه نضرات غريبـه ماعرفت افسرهن
رحَت بسرعة لغرفتي و ايدي تچري دم
قفلت البـاب ورحـت لجربايتي بسرعة نمت عليهه وخنكت روحي بالمخده وضليـت ابجي واشههك
مـاعرف منيـن اتلگاهه اصعـب شعور ههـذا الموت يجي للانسـان مـن ينغصـب ع الزواچ شگد جنت اسمـع بنـات يگولن ويوصفن شعورهن ماچنت احس بس هسه حسيـت لو شخص عادي وللة بيهه مچال بَس قحطـان 💔
هل ايام اصعـب يوم امر بي ببيـت اهلي حسيـت نفسي نغصبـت انبعت
بيومهه ضليـت ابچي ل12 سمعـت صوت صايح امي وابـوية من شوگـت يتعـاركون؟ كلة بسببي ياربي
گمـت بسرعـة من غرفتـي
انصدمت شفت امي شاايله بيدهه جنطة ولابسه عبايتهه وتـريـد تطلع
رحتلهه بسرعة
مامااا وووين رايحةة اللة يخليج گليلي وين تررردين تررحين
جانت تبجي ومعصبة حيل
خفت عليهه لا ضغطهه يتخربط
ام مريم: اررريد اررروح لبيـت اههلي اررريد يشوووفولي ححل ممستحيل ابقة هيج
احجي وابجي
ماما االلة يخليج تترردين تفضحينه مامااا اكعدي واسكتي بعد هل عمر رايحة زعلانه صارلي 18 سنه ماذگرت رحتي زعلانه وبعدين خالو ومسـافر وين ترررحين مامااا حبابة تعـاي
ام مريم: اااي هنااا المشككلة بععد هل عمررر و مالللي ككلمةة ابيتتتتييي ارووح لبيتتتت عمممي خخل اروح
شفت بابا طالع من الغرفة ومعصـببب گال وهو يمشي
هيمن: اني طالللع بسسسس قسمممبالله اذااا طلعتي من باب البيـتتتت مـاترجججعيلةةة ابدددد
گال هل حچاية اني شههكت وامي هم شههكت اول مره ابوية هيج يصير
ابوية من النوع المتافههم بشكككل ومايصير عصبي هيج الة لمن تجي قضية وتـاثر بي طلع ورگع الباب حيل
امي وكعت بالگاع وتبجي
ياللة گلـه بسببي واللة موفقة بس لايصير شي ابوي حيل يحب امي اول مره هيج تصير بينهم اصلا ماكو سبب حتة يتعـاركون علية
گعدت يم امي وگتلههـا
ماما حبابه لاسـوين هيچ تردين الصـراحة ماما تعـاي اكلچ علة شي اسمعيني
غمضت عيوني وگلت دخيلك ياربي سامحني ع هاي الچذبة المهم اريد امي تفرح وماتگعد تبجي
ام مريم: ولج شسمع شسمممع مـاگدر اشوف بتي هيج وماسوي شي
باعي ماما بس گومي خل اكلج شي گومي
گومتهه وگعدنه ع الطخم گتلهه
مـامـا قحطان يحبني خلي احجيلچ اني دائما اشوف نضـراتة علية بس جنت اچاهل هل شي وبعدين گال ل موچ تگلي اني رفضـت بالبداية بَس ماما بداخلي هم احبـه بس من صـارت هل سالفة ماعرف حسيتت نفسي كرهت كلشي وتدرين
گمت اضحك وامسح دموعي واگلههه
هو دزلي موچ ماكو من اجوي خطبوا گلتلي يگول قحطان لو شيصير ماعوفهه اني احبههـا ورايـدهه واني فرحت بس لان صارت غصب وشس شوية نزعجت من بابا لان مـاخذ رأي بس واللـة
گلت هل حجي وبداخلي اگول
اي يحبني ومايتخلة عني اي 💔
صرت ابجي واني مـدنگة امي فرحـت وكامت تگلي صدك وصدك طمنتهه وگتلهه كلشي صدك نزعت عبـايتهه وگتلهه امانه عليج اليوم تراضين بابا گالتلي اي اعتذر منه اليـوم اوف هم ونزاح مني
حاولت اغيـر من روتين حياتي گلت هايهيه القاسمـة اللة الي خليني اشوفة اصلن اني تعبـت من كلشي من البجي ومن روحي شيصير خلي يصير
راودني شعـور انو اني راح اموت ليش ما اضحگ وانسـة الهم ب بيـت اههلي واروح لقحطـان اتعـذب و اموت 💔
هيج جان تفكيري
امي فرحـانه واني احاول اضحگ وياهه بس واللة لو تعرف شنو الي بداخلي
الدوخة كلساع تجيني العرگ ماليني ملي وكلسـاع يجيني وچع قووي بصدري بسررعة ويروح بَس ياخذ حيلي 💔
گضيناها اني وماما سوالف شويـة واچة ابوية تنههد وطب للغرفة گلت لامي اذاا تعزيني كومي اعتـذري منه اني رايحة انام نعسـت ححيل
هالحچي السـاعه تقريبـا ب2ونص
امي راحـت اني ضليـت بالصالة اختتگت طلعت للحديقة ضليـت ابجي واشههك وانـدب حضي ليَش هيج واللة مادري ليش
احس نفسي ختنكت گمـت كوه اسحب نفس گمت بسرعة وحيلي مهدود سـديت باي المطبخ وطبيت رگض لغرفتي عيوني غوشـن سديت باب غرفتي قفلته وبعـد ماحسيـت بشي
سمعت صوت البـاب ينـدگ اخ جسمي يوچعني گوة اگدر اتحرگ احس الدنيـا ضلمة عيوني مغوشـات فتحت عيوني سمعت صوت امي گتلها
اي ماما هسه جايه
ام مريم: ياعيني ليش تخوفيني كومي الساعه بال2 الضههر ليش ساده الغرفه
گمت شفت نفسي نايمة بالگاع شسالفة گتلها
ماما جاية هسه گالتلي يلا واني گمت اخ عرگانه احس جسمي راسي يوجعني الم بصدري خنگة
زين البارحة شصـارلي
گعدت ع الجرباية وصرت احاول اذگر ماذگر دخيلك ربي هاي شبيه غمضت عيوني شويـة وذكرت كلشي اخ زين سديت الغرفة وردت انام ع الجرباية ليش بالكاع وبدون مخده ولا بطانيه
زين اني نومي عبـاره عن تفزفز مانام عـدل ابد واضل بس اتحلم اشو هل ايام ابـد ولا اتحلم ولاشي شـديصير معقولة ديغمة عليـة
ضليـت دايخـة
اذگرت مَن جنت قبـل انام بـأي مكان بالبيـت بس اگعد الگي نفسي بفراشي 😂💔
هسـة وين هه اخ گمت من فراشي شصـاير بية ملعـوب بية جولا
طلعت صبحت ع ماما شكلهه فرحـانه حيل ابتسمتلهه بس بداخلي مكسـوره 💔
هيـه طابخة بابا بالدوام گلت خلي نـاكل سوى ع الواههس احسهه تريد تريحلي نفسيتي
گعدت يمـهه واكلت شويـة وگمت مالي نفس للاكل ضلت ترزل بيه تكلي اكلي كتلها شوية واكل ماشتهي هسه واللة
مر الوقت عـادي اني نفس وضعي ابجي بس ابـد مانمَت اوصارلي ولاتخربطت
ورة المغرب ماما صلت اجة بابا طَب گال اللة يسـاعدكم وجايب مسواگ ماما اخذته منه اني طبيت للغرفة
امي صاحتني ضليـنه گاعدين گال جوعان حطولي عشة
گمنـه حطينـه العشـة اجة للمطبـخ صرنـه ناگل
صارت صدماتي وره العشـة لو بعـد العشة 😂💔
حجة وهو يـاكل
هيمن: اليـوم قحطـان بالمركز حاجاني گلي نسوي العرس قبـل الدوام والدوام مـابقة الـة شي ودراستچ تكمليهه بـابـا وانشاللة قحطـان يدللج اكـثر مـن عدنه حتـة اتحضري باچـر اطلعـن اشترن الي تحتـاچنـة لان گال باچر عقـد السيـد انشـاللة و عگبـه عقـد محكمـة وبعدهه انشوف العرس واحنـه هم مانريـد گرايب وشي ولاعَرس جبير هو گال هميـن بس تكمـل السـادس اخـذهه ونسـافر ونسوي عَرس
باوعتلة واني مبتـسمة ☺️ اباوع لامي هم مبتسمـة بس گالتلة
ام مريم: زين ليش هل استعچال خلي تكمل السـادس عاد لاتشوش
هيمن: حبيبتي ش تتشوش همه شعدهم وتـدرس وي اختة هم ع الواههس وهو گال مـاقصر ويـاهن انشاللة وهنه شـاطرات
باوعتلي امي تريد تشوف رده فعلي گوة لازمة دموعي باوعتلهه وبتسمت وگمت اكل واني مدنگة ماريد احد يحس بيـة
گمت من الاكل بعدهه غسلت حتة ابين طبيعيه وحطيـت الچاي بس الوچع الي بگلبي محـد ممكن يحَس بي
صبيتلهم چاي وغسلت المـاعين بس اريد اروح گملـت وبسرعة رحت لغرفتي انفچرت من البچي ماچـاي اتخيـل گل هل اشيـاء وبسـرعة لَيـش ياربي
ضليـت ابجي سمعت صوت امي سويـت روحي نايمة
شويـة والبـاب اندگت اني ضليـت بس ابجي وماهتيمـت لشي
شوية وسمعت هلا بام قحطـان اخ شيسووون اجوي يررربي
ضليـت بالغرفة شوية وگالت هسه اصيحهه مسحت دموعي وسويت روحي نايمة
طبت امي للغرفة وگالتلي اكعدي گتلها هسـه
احس چنت بحلم يعني صدگ صارت حـقيقة بلمح البصـر ههه
گمت بدلت تراگي ورفعت شعري لفوگ عيوني حمَر صـايرات فضيحـة عيب واللة هسه شيكولون مغصوبة
گلت هل كلمة وضحكت ع روحي رغم حزني ع اساس هسه اني مخيريني بين عشره مداستـوعب معقولة هيج يصـير بية واللة مادري موبايلي ولا ممگلبته اكيد مليان مخابـرات
حطيـت گحـل لعيوني شويـة وطلعـت موچ وخـالتي چايـات
سلمـت عليههن والفرح بعيونهن اجتي موچ گعدت يمي ضحكت عليهه عوزهه ماتكمـز وترگص
ضلينـه نحجي واستلمتني بذات ليش موبايلج ماكو كتلها وللة مريضة ودسترت السالفة شوية اني ويـاهه وامي تحچي وي ام قحطـان گالت باجر انجيب السيـد اني معلوسة علس من الداخل انوب چابنهه ع الغايب والحاضر
حسيـت نفسي سلعة وديتعاملون عليـهه ترخصت منهن وگمت للمطبخ شوية لان صدگ احس نفسي مختنكة بچيـت بالمطبـخ لمَن گال اللة بس
مسحت دموعي وطلعت گعدت يمهن شوية وگالن احنـه نترخص
موچ تكلي يعني ندرس سوه انوب وتضحك ومكيفـة ههه محد يدري الوچـع الي حـاستـه
امي گالتلي باچر نطلع الصبـح و ناخذ حـور نشتـري فستـان الچ للعقـد
گتلها تمام هسه خل انام ميتة نعـاس گالتلي ماشي ومبين الفرح بعيون الككل الة اني واكـيد قحطان هه شافق عليه لو شنو, ماعرف غايتـه شنـو يـاربي
نمت والـدموع بين عيوني بيـا وقت مريم هيج يصيـر بيـهه
گعدت الصبح ع صوت امي وهيـه تكعدني گالتلي كومي بـدلي ضاهر راح ياخذنه
گمت من فراشي و اني جسـد بدون روح غسلت و بدلـت ملابسي رحت لامي كتلها روحي انتي بس ماقبلـت شـويـة وسمعنه سيـاره ضاههر انـدگت البـاب گالت امي يلا نمـشي
فتحنه البـاب حـور اول ماشافتني حضنتني حيل ولا حسبالك اني مزعلتهه ناسيه كلشي هههه حضنتـهه وهيه تگمـز وفرحانه
ضاهر: لجج لااا يطلع واااحذ انفضحنه عممةة اصعععدي يلاا
حور: الغسلللل الممن اجيت ويااانه ههَي غثيثثث
ام مريم: ولج اسكتي انفضحنه
ضاهر: والعباس راااح انزلج ومحد يخلصج مني
حور: والعباث لاح انزلج ننننه -تعيب علية- 😂
ضاهر فتح الباب وهيه عافتني وراحت راسـا دارت من الجهه الثانيه وصعـدت بالصدر ههه ولاتتگعد راحة
صعدنه اني وامي وهو صعـد گرصهه حيل من ايـدهه
ضاهر: ضبي السـانج
حور: اخ يمه ايدي انشلـتت 😭
ضاهر: وجع مابيج
ام مريم: كافي عمه شبيكم من الصبح بس تتنـاگرون
واحد يباوع لثاني وخازرين بعض عزه ولاتگعد حور راحة
حرگ السيـاره و ذبنـه بالـسوگ وگال
ضاهر: شكـد و اچيكم ولا اكلچ لاعمه ماشي وياجن اكو ناس مايتامنون وحدهم بالسوگ -ويباوع لحور-
گالتلة امَـي
ام مريم: احنه نخـابرك روح لاتتقـيد ويانه وتضـل
ضاهر: لاعمه ماعدي شي وياكم
ام مريم: عمه روح اني وياهن للبنـات شبيك
ضاهر وهو يباوع لحور الي تباوعلة هيج 😏😏خلـه وراح
حور اخذت نفس وگالت
حور: اي همـزين
بـدينـه نفتـر بالسـوگ كوه مو برضاتي 😅💔
طبينـة لمحـل عبـاره عن بـدلات
اكـو فستـان لونـة اوف وايـت طويـل مخـصر ع الجسـم مَن فوگ دلَع كلش حَلو ماتت عليـه حَور تگول يچنن امي گلت حلو اشتـري
صدك واللـة اشتـرينـا و اشتـرتلي امي حـذاء كعـب مامحتتاچـة غيرهن اني
بعـدين رحنـه لمحَل يبيـع حلقـات فضـة رچالي ونسـائي مبيـن راقي طبينالـا حلقـاته كُلش حلـوه
ضل يراوينـا الولَد عجبتني حلقة تجنن گلت لامي بدون وعي
ماما هاي اخذيهه لقحطان
ام مريم: شو اي كلش حلوه هاي بس القياس شلـون
باوعتلهه وابتسمت كتلها: هايهيه هو هـذا قياس قحطان
ابتسمتلي وحـور تغمـزلي انتبهت ع نفسي تننننهدت امي اشتـرتهه و طلعنه
راحَت لقسـم الحلويـات حچت وي ابو المحل گلتله تكدرون للعصر تخلصون كيكة طلب گلللها اي گلتله اريـدهه 3 طوابق حجم وسط ومكتـوب عليـهه
مبروك عقـد قران قحطـان و مريـم
گال تفضلن اختـارن الشكـل طلعلنـه كم شكل
حور تگلي اختـاري واني ولا بـالي بس اتحسَر
تـالي امي گالتلي هاي حلوه گلتلهه اي اختـارتهه ورحنـه لمحل ثاني امي اشترت شغلات هوايـة
امي گالت لحور دگي ع ضاهر خابرتـه گللها هسـة اجي حـور اشتـرت فستـان هم كلش حلَو لبـاچر اجانه ضاهر ورجعنـه للبيـت وحـور ويانه رحت لغرفتي وصرت ابجي وحور وامي ينضفـن بالبيـت طبعا اكيد المشية حتصير بيـت عمو حسـام ويكملـون مشيتهم ويجيبون السيـد ويجون لبيتنه
كل النـاس فرحانه الة اني مسحت دموعي وگمـت اخ راسي راح ينفچـر
طلعت ويـاهن ساعدتهن شـوية نوب اجت بيبي و عمتي وبيبي الفرحة ماواسعتهه
عمتي گالت لامي اخذي مريم للصالـون ماعليچ احنـه نكمـل
اسيل گالت لا اني اخذهه وانتن كملـن اني ماوافقت كتلهن ماروح ماقبـلن گالن ترحيـن اف غصب عني اجه ضاهر هم اخـذنه اني وحور واسيـل
اسيـل گالت لام الصـالون عقـد وشي واريـدلها حفافـة ومكياج و تسرحيـة
اني وجهي ابـد ما حافتـه ولا متقربتـلة جانن قبلنـه بنـات كملـن وصل الـدور النـه
چـانت السـاعة بـ 2 ونـص تقريبـا
بدت تحـف بوچهي واني اگمز من الالم وحـور تضحگ علية انوب گمت ابجي گوة خليتهن يگملـن حفَتلي حواچبي ورتبتهن بـاوعت لنفسي تغيرت مم اسيـل ضلت تگلي تخبلين وحـور همين
اتمنيـت لو ماچانت هيج غصَب بكره اوف
بـدت تسويلي مكياچ گتلها اريـده بسيط واسيـل تگلها ماعليج بيهها سوي هيچ
اف هو اني شنـو الي، الي راي بي اصلا العرس عرسهم مو عرسي هههه
بدت تسويلي الميكب گملتليـا واني ولا حـاسة بطعم البنيه الي تزوچ
بدت تسولي شعـري گتلها ما تگصينـه گالتلي لاحرامات شعرج يخيل واسيل وحـور لعبن جولا اووه وحدي اگصة من ارچع للبيـت
بس شنـو ولاباوعت لنفسي گلمـن واني رگبتي اشنچت
كملـن باوعت لنفسي واوو صـدك حلوه طالعة احلة شي تسريحة شعري
شعري طويل وباللفـات صار يجنن ابتسمت بانكسـار لنفسي للحضة افرح واذگر كلشي واموت گوة لازمـة دموعي
السـاعه صارت 4 الة ربـع تقريبـا حـور واسيل هم سون ميكب
حور علگتها علگ
خـابرن لضـاهرر اچانـه اسيل گالت لحور لايشوفج ويبتلي بيج اصعـدي وره واني گدام
احنه جايبين عبي راس ويـانه لبسناهم حور تموت من الوره دائمـا تصعد بالصـدر اچة ضاهر مغطية نفسها عـود وصعـدت 😂💔
دارت وچهه للچامة اشوف ضاهر يريد يباوع
ضاهر: شنو الضاهر الكلش ملطش ومصخم وملطم ادري شعدكم عرس 😒
حور: لا واللة عدنه زفه هي هي هي 😂🐸💔
ضاهر: لج غطي وووجهج جاااي اشووفج بالمررراية منااا ناسس جاا انتي ضااامة وجهج عني ومراوية وجهج للناس لاااا والعباس هاي راح تجلطني
حور: ها اي واللة هم صـدك
دارت وچهه الـه هو باوعلهه بنضرات حَب واعچاب كبت حننـدعم وربي
هيه انتبهت ع نفسهه وغطت نفسهه مكياجهه هواسة اوفـر ولاتكعد راحـة
ضاهر: استغفرالللة حورر شههل اصخام غطي نفسج لا احد يشوفج
اسيـل: ولاتكعدين راحة اني شكتلچ
حور: اهههئ ولكم اختتگت والنبي اختنگت اريد اشم نَفس
سيـاره ضاهر سوده سد الچامات وگلهه
ضاهر: يلا اتنفسي
هيه كيفت نزعت العبـاية بسرعة وهيه ماللابسه حجاب ذبتهه ع كتفهه وحطت راسهه ع الكشـن وتنفست
حور: بووويةةة ضووويههر افتحلي السبلت رحمه لبيبيتك
باوعلهه وگال
ضاهر: تريد تجلطني هههاي ووولج باباااا البيسسهههه شمصخمه برررروحج انتتتي
حور: لغسل حتة غسل لو جاينه احمد احسن حجة المعقـد
ضاهر: فوگ صخخخامهه و لطامههه لسانهه اطووول منههه يجي يوووم واكصلجيـاااا لهل لسان
اباوع لحـور وخرت شعرهه لوره وگالت: لساني نفس شعري كلما اگصة يطول 😏😏
ضاهر: استغفـراللة رب العالمين شون وي هل بلوووه ديلا البسسسي عباتج عدددلللل يلاا مطلعتلي القضة والمضة بت ال
اسيل: صوجج كعدتي بالصدر شكتلج اني
ضاهر: عفيه عفيه عووود انتي الجبيررره ستت اسيـلل ولج هاي وجهه وجه مكياج مال اكل ونوم حاطتلهه مكياج صايره جنهه ساجده عبيـد
حور: هاااااا هاااااا ايااااااااا خايسسس
-ودفعته حيل-
اسيل: ولججج ررراح تسووويلة حااادث
ضاههر بعصبيه:احتررررركككت عشيررررتج خخخل اوووصلل واعلمج الخـايس
حطيت راسي ع الكشن وغمضت عيوني وصرت افكـر بالديصير بالصارلي بالحيصير ماعرف مصيـيري
وصلنه للبيـت حور افلتتت واني نـزلت وضاهر يهادد يريد يطب وراها واسيـل گوة قنعتـه
طبيت من الباب الثاني مال بيتنه رحت بسرعة لغرفتي مختنننكةةةة ووودي ااابجي وووواصرررخ حححيل محد ديحسسس بيـةةةة
طبت حور ترررركض وتضحك شافتني انصدمـت لان ع وشكك انو ابجي كتلها سدي الباب بسرعة
سدت الباب واجتني وبعيونهه قلق
حور: ولج مريم شبيج
مريم: راححح طك راحح طككك حوورر ماتتتححمل بعد
بجيـت اجت حضنتني بسرعة بجيت بحضنهه وهيه بس تريد تهديني اندگت الباب كالت دتبدل واجتني تريـد تفههم مني اني بس ابجي
گالت راح ننفصح ولج كافي بلگوة وكفت من البجي ركضت للجنطة جابت ميكب گالتلي بس اريد اعرف ليش هل بجي احجي كتلهه بعـدين امي دگت بالباب گالت بسرعة يلا
حور گامت تعدل بي بسرعة بس بالهه يمي وكوه لازمه روحي ومـا ابجي
كملتلي لبسـت الفستـان باوعت لنفسي بالمراية صدك طالعـة غير اخ ياقحطان ليش هيج سويت بية
تنهدت حور حلفتني انو ما ابجي فتحت الباب طبت امي تبوس بية وتكلي تخبلين طالعة يلا خل نطلع
استحي بلكوه طلعت سحاني سحـل
شفت بنات عمو حسن المزوجات جايات وام قحطـان جاية وموچ وشفـت نشوان هماتيـن
الهلاهل صارت مالهه والي 😂💔
گعدت بالصالـة وخالتي ام قحطان كلساع وقرت المعوذات علية والفرح مبيـن بعيونههها وموچ فرحـانه
شوية وگالوا عمـار اچه جاب الكيكة حور جرت موچ مدري شعدها اكيد عمار يريد يشوفها فدوه طالعات يخبلـن
شوية وگالن اجوي وچابو السيـد اني گمـت ارچف الباب الي بين الصالة والاستقبال فتحـوا
وگفـت ورا واني ارچف سمعـت السيـد ماعرف شگال ضليـت يدوامة ماسمـع اي احد بس افكر ودموعي يردن ينـزلن
صحيت علة كرصة حور گالتلي گولي نعم وانت وكيلي يلاااا
باوعت للامي گالت اي يلا ماما
دنگت وگلت نعم وانت وكيلي عادهه كم مره عليـه گوة اچاوب
تم العقـد وصارت الهلاهل واني بغير عالم تنزل دمعة وامسحهه بسرعة
ضلوا الكل يباركولي نوب عمتي گالت خلي يطـب تلبسون الحلقـات
گعدوني ع الطخم اني ارچف شويـة وصارت الهوسـات والدگ والرگص
طب ما اجرأت ورفعـت عيوني گمـت تقدم الي باسني مَن راسي بالچذب ماكالي مبروك ههه
مـاحچيـت شي گعـد يمي واني ارچف من قربة الي
لبسني الحلقـة ولبستهيـا صـارت عليـة فت
قطعنـه الكيك گالتلة موچ اخذلكم صور ماقبـل خلة وطلع هه وللة يالله ميته علية قـابل
انچرحـت هوايـة بيومـهه الالم رچعلي گاعدات سوه همست الحـور انو اريد اطلع بعد ماگدر
صدك واللة اترخصـت وطلعـت مو هذا الشي الجنت حالمة بي ابـد هيج ايصير ههه
طبيـت لغرفة حـور گالتلي يلا احجيلي گتلهه واني انزع والدموع بعيني
حور اذاا تحبيني خلي اليوم ارتتاح وباجر احجيلج واللة
عمتي اجت صاحتلـهه ع اسساس بايا يسوي عزيمه للكل اليوم بس عمو حسـام گال اني اسوي ماكو فرق بينـه
صدگ واللة گالت امي يلا كبحنه راح انروح كومي
كتلها ونبي ماگدر خليني انام گوة عافتني
طلعوا كليتهم خله البيـت كيفـت
طبيت سبحـت وفليـت شعري وگلت هايهيه هسه اطلع القضة والمضة
گعدت بجيـتتت لمن رراسي احسة موتني
رجعلي الم صدرري بس اليوم اجاننني الممم الة يموووت ضللليتت كوه اتنفس كلت هايههيه راح اموت
ضليـت بالگاع واگعة بالربع ساعه اول مره هيج
حسيـت نفسي رتاحيـت شوية گمت بسرعة من مكاني
گمت ابجي احس خدر بجسمي ماعرف شسوي
اذگرت اكو گروب ع الفيس مال اطبـاء البصره داخلة بي
راسـا رحـت فتحت موبـايلي دورت بالاعضـاء
احتاريـت ش اطب ع اي دكتور سالت الكروب دكتور گلي دكتور قلبيه
اني خفـت من گلي هيج رحت راسـا للدكتور الگلي عليـة راسلته
مارد گعدت ابجي واذگرت نضرات قحطان شلون ممليـة كره شفته دازلي من زمان رساله قريتـهه كـاتب
🏷️ اريد اضوكچ الوجع الضوكتينيـا
🏷️لا عبالج حبـا بيج تره اكرهج حيل بس ازوجتج حتة اكسرج
اقره واشههك بالبجي شوية والدكتـور رد
سلمـت علية وكتلة ممكن اسالك ع حالتي گلي تفضلي
صرت اشرحلـة حالتي شويـة وجاوبني برسالـة صددددمني فوگ صدمـة قحطان
يتبع
شلون بينه ، لا فرحـنهَ ولا لگينه انسان يستاهل بچينه .
#الضابط_والجميلة -
#البارت الثـاني والعشـرون
#alshabaniuh
_
للكـاتبةه : ࢪَ࣪يࢪَ࣪فـون ♥️
_
عفتك حلو ..بس هسة حَليّان !
مآ أدري چنت بحبيّ تعبان .
_
اني خفـت من گلي هيج رحت راسـا للدكتور الگلي عليـة راسلته
مارد گعدت ابجي واذگرت نضرات قحطان شلون ممليـة كره شفته دازلي من زمان رساله قريتـهه كـاتب
🏷️ اريد اضوكچ الوجع الضوكتينيـا
🏷️لا عبالج حبـا بيج تره اكرهج حيل بس ازوجتج حتة اكسرج
اقره واشههك بالبجي شوية والدكتـور رد
سلمـت علية وكتلة ممكن اسالك ع حالتي گلي تفضلي
صرت اشرحلـة حالتي شويـة وجاوبني برسالـة صددددمني فوگ صدمـة قحطان
الدكتـور: بنيتي اشرحيلي عمرج الاعراض كلشي كليليا
دكتـور اني عمري 18 سنـه قبـل كم يوم تقريبـا بل اسبوع صـارت عنـدي حالة غريبـة انو اختتگ فچـأه وانام وين ماچان اتعرق اهوايـة صداع قوي ايدي اليمنه خدر موطبيعي ماگدر احرگهه منطقة صدري تصير حمـره حيـل والوجع يبهـذل
الدكتـور: بنتي انتتتي متـاگده من كلامج ههـذا انتي بهل عمر وهيج؟
گمت ابلعم والدموع تنـزل كتبتله
اي دكتـور واللة واني ماحبيـت اگل لاهلي واقلقهم بس اريد منگ تگلي شنو الشغلة
الدكتـور: بنتي انتي لازم تنعرضين لدكتـور اذا تحبين تعالي لعيـادتي
بس دكتـور انشالللة اجي بس ممكن تگلي الاعراض تخوف لو لا عاديةة انشاللة
الدكتور: ماعرف شگلچ بس هـاي اعراض ثنيـن ومـاگدر احدد منـو منهن الة افحصج جاي اتعچب عمرچ 18 سنـه و هيج ايصير وياج
دكتور لا تخوفني اللـة يخليك احجيلي الحقيقه
الدكتـور: بنتي انتي يـا أمـا ذبحة صدرية او سرطـان بالصدر لا تقلقيـن انشاللة شغلة بسيطة وراحت بس انتي اذا تگولين دتتگرر الحالة لازم تنعرضين لدكتور هالشي كلش موزين عليج و احتمال 99% ذبحـة صدرية لان من اعراضهه الايـد اليمنـه تخـدر
المهم بـابـا بالنسبه للنوم بنيتي هاي فقدان وعي انتي ماجاي تنامين انتي جاي اتفقدين وعيچ بس ماتحسيـن بشي
هالشي يشكل خطر علة حياتج وخاصتـا بهل عمر يااريـت ترحين هسه لدكتـور انتي اكيـد دارسة وتعرفين خطوره المووضوع
بعـدچ صغيـره ووممكـن تشـافين وممكـن لا سـامح اللة تفقدين حياتچ
لا تتاخريـن ولا تستهينيـن بالمووضوع ابـد
الصحـة والعافيـة بابا
مثل الصـاعقـة ونزلت ع راسي شنو شلون يمته ضليـت ماعرف ارد ع الدكتور عفت الموبايل ودموعي تنـزل
گعدت ع الچرباية وصرت ابچي
ماعرف منيـن اتلگاهه واللـة معقولـة حجيـه صدك
يعني هايهيه اني راح اموت
اصعب موقف مريـت بي هو هذا شايفين من يكلولكم خلاص راح تموتون شعور يخليك تنهار
شگد دعيت حتة اموت بس الروح عزيزه
ضليـت ابجي علة حضي الي جاي يوكعني بهل مصايب
اذگرت الجاي يصير ويايه زواج غصب هههه
بابا جان من يسمع اب غاصب بنته هو يكول شهل همجية ويكون اكبررر مستنقـد
احس ختنگت من كـثر مَا بچيـت گمـت سحلَت روحي للحمـام گوة وسبحَت
طلعـت واني دموعي ع خـدي واحجي وي نفسي
اريـد اللة يـاخذ حقي كلهم اذوني وتعبوني قحطان مؤيد ح حتة بابااا
فرشـت مصلايتي وصليـت ركعتيـن ودموعي يـچرن گملـت ورفعت ايـدي
ردت احجي گلبي ماطاوعني حتـة علة مؤيد ماطاوعني گلبي
غمضـت عيوني وشههكت بالبچي وگلت
ربي انـت اعلم بحـالي دخيـلك ربي خلقـك تعبوني
بعدهه انهـاريت بالبچي نمَت ع المصلاية وابچي
سمعت حركة بالبيت اجوي امي وابوية گمت بسرعة شلت السچاده ومسحت دموعي هه العيون حمر شيفيـددد ونمت ع الجربـاية ودموعي ينـزلن
حسيـت نغزات بكلبي صـارن اخـذن روحي شوية وماما طبت شافتني نايمة طلعـت
مستحيـل اگل لاحـد ما دامني راح اموت وايـامي يچوز معدودات هايهيه اموت احسلي واخلص مَن هم هاي الدنيـا
بيومـهه چـان صعَب حيل يوم الانسـان يحس بي هـو عـاچـز وميكـدر يسوي شي ضليـت بين الافرح انو راح امـوت وارتـاح وبين الاگول ليـش هيج صـار بية!
ضليـت افگر وممستوعبة الفكـره
مـؤيد اغتصبني!
ابوية انطاني غصب!
مريضـة!
قحطـان كرهني!
مـاعرف منيـن اتلگـاهه
الوچـع الي حسيتـه چبير چنت اتمنه كل ههـذا الي عشتـة حلم وافز ع رسايل واگعد ع صوت ماما و اگوم وابوس بابا ونحچي ونسـولف ونضحگ
معقولة كل ههـذا صـار بيـة
صـارت ال1 ضبط فتحـت موبايلي گلبي محتـرگ عيوني مغوشـات مَن البچي
محتـرگ حـرگ كلهه مراسلتني شفَت رسالـة منـه السـاعه بـ8 اليـوم
🏷️ الـف مبروك انشـاللة
🏷️ حضري نفسچ بـاچـر انروح للمحكمـة
تنههدت وعفت الرسائل ونمـت مهدود حيلي ويني وين المحكمـة راسي طبل صاير
غطيـت بنوووم طويـل گعدت ع صوت امي گالتلي گومي بال7 وانتـم لآزم ترحون
هه صـارت صـدگ هايهيه!
گمـت طبيـت للحمام واني گوة امشي احس نفسي نههاريـت جسـدياا بشگل
سبحـت وگملـت نشفت شعري ومشطتـة
لبسـت قميص ابيـض وتنـوره بينصل جويتي ولبسـت حـذاء رياضي بيـضة وشال جويتي
اباوع لروحي بالمرايـة هاي شصـايـره العيون الوچـه متغيره هواي
غمضـت عيوني مـاريـد ابين ضعفي گباله حطيـت كحـلة وضلال خفيف
احس التغيـر مترگز علة عيوني الهالات منفوخات من البچي وحمـر صايرات
كملـت طلعـت لگيـت ماما وبـابـا گاعدين بالمطبخ صبحـت عليهم وصوتي مبحوح مـاعرف اشبي سالتني مـامـا گلتلها ماعرف بي بحـة حسبالك منشولة
امي گالتلي تعاي اتريكي كتلهه ماگدر نفسي تلعب اليـوم
حرمصت كالت خاف فحوصات شي گتلهه مـاگدر ابـد
صدك اني ماشتهي العسـل
سمعـَت سيـارته وگفت بالبـاب ماهتميـت مو نفس مريم القديمة الي اذا شافت ساعه قحطان كلبها يرجف
طلـع ابـوية طلعت للطارمة بـاوعت لنفسي بالمرايـة عدلت شالي ووكفـت بالطارمة
هيمن: يلاا بابا تعالي
طلعـت واني مـدنگة راسي ابـوية سلم علي وكالة ديربالك عليهه وطَب
صعـدت بالصـدر يمـه اخ العطـر ملَة نفَسي ضليـت اشتم بعطر السيـاره
ماحچة ولاشي الصمـت سيـد الموقف
حرگ سيـارته وشغـل اغنيـه ل يـاس خُضر
ماحـب الاغاني القـديمة بس صـدك هل اغنيـه كلماتهه اتچنن
درت وچهي صفح وغمضت عيوني ورچعت راسي للكشـن وگمـت اسمع بالاغنيـه لحنهها كلاماتهه هـَزن كلبي هَز
هم رجع گلبي يحن ماكفى جرح البي
ضاگ المر من حبة الفات ريت الله يهدي
هم رجع گلبي يحن ماكفة جرح البي
ضاگ المر من حبة الفات ريت الله يهدي
هم راح ارجع اشكي وابچي ويذبلني سهر الليل
والله تعبت من العشك والگلب ماضل بيه حيل
زرع بيه العشگ خوف يعني ابطل ما اشوف
اووف من گلبي اوف اوف و اوف
نار الحب چووت گلبي وخلتني ساكت محتار
وين اليشفيلي الروح وين اليطفيلي نار
زرع بية العشك خوف يعني ابطل ما اشوف
اوف من كلبي اوف اوف و اوف
دمعـن عيوني للحضـة نزلت دمعتي عدلـت نفسي ودرت وچهي ضلـن دموعي ينزلن اريد اسيطر علة نفسي مـاگدر
گوة قويـت نفسي ردت اشههك و انفضح يمـة ماريد ابنيلة ضعفي ابـد
محسَت دموعي وهـديت نفسي وصلنـه للمحكـمة
نزلـت وهو نـَزل الدنيـا شمَس حـاره حيل والشمس فد قوية كلش
رحنـه للمحكمـة انطو ماعرف شنـو و گاللولة تحويـل للمستشفى تسوون فحوصـات
يبوو اني لزمَت گلبي خاف يبين شي خرب
سمعـت صوتـة وهو يحاچـي المحامي
قحطان: زين نچي راسـا لههنـا مو
المحامي :طبعـا استـاذ لعـد نعقدلكم ع البلوتوث
ضحكـت بصوت عالي ع حجاية المحامي وهو ضحك اباوع لقحطان يخزرني سكـتت گالة
قحطان:لا اقصـد ماتصيـر ع غير يوم على كلا اخرتك اخـذ راحتـك
المحامي:خلصوهه هيه تعبـة لاتضلون كل يوم ماكو تـاخير
قحطان :انشاللة
طلعنه مَن المحكمـة گالي قحطان
قحطان:ضحتـچ الفضيحة مارريدهه تبيـنن يم رجال فاهمه ماهتميـت لكلامـة
قحطان: خوش واللة يرادلج اعـاده تدوير اني اعلمچ شلون تچاهليني
لزم ايدي حيل وجرني الة لان اني بالشاام وهو بحلب
گتلة اخ ايدي شبيكك
خزرني ومشـه للسيـاره عابت
رحنـه للمستشفـةه
گعدنـه لگينـه 3 اشخـاص هم مخطوبيـن ديعقـدون
البنيـه گاعده يمي وبصفهه خطيبهه والباقين گبالي
اشـوفهم شلون لازمين ادين بعض وسوالف وضحگ وهاي الي بصفي اطگ صور ل اديـهم نخنگـت مو لان جاي اشوف النـاس فرحانه لا اختنگت لان مو مثـل البنـات كلة صـا اعوچ ويـاية
قحطان اباوعلة يههز برچليـة ويستـغفراللة وضايج شويـة وطلعـت ممـرضـة گاملـهه
قحطان: بلا زحمـه يمتـه نگدر ندخل؟
الممرضـة: اكو ثنين جوه انتم بعَد يكملون ذولا و ترحون
اباوعلة علة اعصـابة عشتو المن جبتني لعَد واللة اكيف لو نـرچع
اچة كَعـد يمي ضلينـه منتضريـن هواية صارت فوگ ال9 ونص اني دخَت ما ماكلة ولا شاربة شي بس حاولت اقوي نفسي
وصَل النـه السـَره اني لازمة گلبي دخيلك ياربي كون مايعرف شَي
اچت اللممـرضة گالت
استـاذ قحطان ممكن تتفضـل
قحطـان گعد اباوعلـه ماخايف ولاشي راسـا سحبت منـه دم ماسوه اي رده فعَل حط القطن ع ايـده وگام
گالتلي يلا عيني اتفضلي
انَي گمـت ارچف خايفـة كلشي ولا ابره طالعة علة امي، امي جبانه كلش تگول اطلك ولا ابره 😂💔
گعدت واني ارچف هو واگف يمي
ضليـت اردد دخيلك ياربي سهلهه الـي دخيلك يـاربي
غمضـت عيوني اريـد واحـد اچلب بي خايفة حيل مديتلهه ايدي بالگوه غمضت عيوني حطت الابـره ع ايدي كتلهه
لاااااا لاااا ححبابة وخريههه
گمـزت بسرعة زين ماجرحتني بـأيدي
اللممرضة: ههه شنو السالفة تخـافين تره ماتحسيـن بيهه بس احطهه اسحب دم وهايهيهه
كتلهه: لااا لاا حبابه مايصيرر غيرر شي تحليل شي حبابه كلشي ولا هـاي
اباوع لقحطان ذَب القطن و اچاني حط اديه ع كتفاي وباوعلي ومنطي ضهره للمرضـة
قحطان :يلا حبيبتي بسرعة لاتخـافين
گتلة لا لاااا حبـاببب عووفني اخـااف
خزرررني ححيل وهمس بغضب
قحطان:لاا تصيررررين زززعطوطة ججاي اكلجج اكعدددي
باوعتله وبرطمـت وعيوني دمعَن گعدت ع الكرسي لزم ايدي الثانيه نترتهه منـه اسمعة يستغفـرر
حطَت الابـره هيه ماتحسين بيـهه بس نغزه بَس الخوفة ترههبج اكثرر
اللممرضة: هـذا مديطلع منـه دم لازم ادورلهه ثاني
سحبَت شوية بَس كتلهه واني مخروعة
شنوووو شنوو وواللة ولاا اسحب بعَد
اجوي ممرضات كلهن صغـار يعني بگدي يچـوز شافني ضحگـن وحده منهن گالتلي
الممرضة: حبيبتي ماتحسين بيهه خطية الولد موگفته صارلج شگد بسرعة خلي تسحب منچ
اباوعلهه تبـاوع لقحطان وتضحگ هو ضحگ وگالي
قحطان: يلا حبيبتي اگعدي لا تاخريني
اي حبيبتك هه مديـت ايدي الثانيـه الهه اباوعلهه اچت و تمشي بمـواعة
الممرضـة: استـاذ اخذت عينه دم لو اني اخذلك
قحطان:لا واللـة اخـذت اشكرچ
الممرضـة:ولايهمك استـاذ قحطان
نضراتهه اله تقـزز ولا حسبالك بنيـه سكتت ماحجيـت شي احسه اجة وگف يمي حطت الابـره وصـارت تسحب دم شاغت روحي لان ضلت تحرگ الابره چوه گوة كملـت وسحبت دم
هل حجي اني ماعرف الحيصير وخـايفة سالتنة اللممرضـة
الممرضـة: انتوا شنو زمره دمكم
قحطان: اثنينه A+
المـمرضة:تمام انشاللة ماكو مشاكل اذا مطابقات زمركم
حطيـت القطنه ع الدم شويـة و وگف كتلهه مممكن مَي شوية انطتني بطل مي حطيت عليهه ومسحتهه بالكلينـس ورچعت القميـص
گمَت دايخـة جوعانه ومماكلة وسحبوا دم مني باوعلي قحطـان بقلق وگال
قحطان: شبيچ
ماعرف بَس دخـت
قحطان: متريگة
لاا ماتـريگت ماشتهي
قحطـان: استغفراللة ليـش ماتريكتي محد كالج انو فره جبيرره كومي خلي ناكل شي
مريم: ماريـد ماشتهي شكرا
قحطان: موهيه بكيفج يلا امشي
گمـت وگفت گباله وباوعتله بگل قوه وگتله
طبعـا بكيفي وهسة ماريد خلي انكمل ونروح لاااان اختتننتننگـتتت وياك
گتلةة هيج احس عيونه صـارن نارر همسلي بغـضب
قحطـان:لا موبكيفج بكيفي اني انتي صـرتي الي ملكي يعني الهوى التتنفسي بـامـري وصوتچ اذا يعلـة مره ثانيـة احسبي اللـة ماخالقچ
اباوع للمرضات يباوعللنه دموعي بعيوني التفت باوعلهن سمعته يستغفر لـزم ايـدي وگال بصوت مسموع
قحطان : يلا حبيبتي خل انروح اوو بالمنـاسبة التحليل يمتة يطلع
الممرضة :فد سساعه ،ساعه ونص تعالوا
قحطان: بلا زحمـه عدنـه طلعـه مستعچلـة لازم نروح لغيـر محافضة ماتگدرون بنـص ساعه
گمـزت هـاي الممرضـة المايعه
اي اي تدللل استـاذ قحطان نص ساعه وتعـال
قحطان: شكـرا ماتقصـرون
اباوعلهه اگلته اكل بعيونهه الحقيرره
جرني حيـل من ايـدي وطلعنه وگعت دمعتي غصـب عني نترت ايـده حيل باوعلي وگال بصوت عصبي بس جان يههمس
هالحجي احنه طبينـه ابممـر بس اني ويـا بي
قحطان: مريم شووفي والخلقج روحي ماطايقـهه المنن هههل دموووع غيرر اعررف
مريم: لاااان ماررريد ازوچكك يااخي اعتقني شنوو هيه غصبب
اتقرررب مني وگال وعيووونه تجدحح نـار واني دموعي ينـززلن
قحطان :ان چنـتي ترررديني او متـرررديني انننـي ارررريدچ فاهمـه وهسه يلااا اممشي بدددون حَررررف
لزم ليدي مره ثانيـة ومشينـه مسحتت دموعي ركبنـه بالسيـاره حرك و گال
قحطان: علة فكره ملابسج ذني گوة طايقهههن ماريدهن بعَد خوش كلة صايات اتلبسيـن علة ما تتععودين ع العباية
باوعتلـة هه مَن هسـة بده يتـامـر باوعلي وگال
قحطان: مفهموم
هـزيت راسي بـ لا ودرت وجهي للمـراية
ماحس غيرر السيـاررره وگفـت بينـه باووووعلي وگال
قحطان: لااااااااا تننننرررفزززيني مرررريممم لاااا والقرررررران اتصيـرررر مووو حلوووووه احجحجي ععععدلل وياي خوووش اننني موووو صديقتجج وهيج تحاجيني
صـار الم بصدري غمضت عيونـي ونزلت دموعي وگتله
صـار تدللل
صرت اوخـر من الشال مَن جهه صـدري احس نفسي ختنگت اندعي بگلبي كون ماتخربط يمه نفسي احسـة نگطع
ايـده نمـدت ع كتفي گتلة بصوت هامس
ق قحطان افتحلي التربـيد
اچـاني صوتـة القلقـان احسة ارتـبك ومـاعرف شيسوي
سد الچـامـات وفتح التبـريد وچـة يمي اني صرت نفس السمچـة المذبوحـة اريد بس ههوى
لزم ايـدي و وچهه يم وچهي گالي
قحطان : ممريم لا تخوفيني عليج شبيج شووو عاينيلي شبيجج
باوعتلة واني گوه فاتحـة عيوني عيوني يچرن دمـع حسيـت الالم راح اخـذت نفَس قوي وكتلة
مابية شَي
قحطان: ش شمااا بيجج شي شنوو شصااارلج ليشش هيججج اشش بلاا كلام رايحين للمستـشفة
گعد ع الكشن اني خفـت راد يفتح السيـاره لزمت ايدع وگتلة
لا قحططان اللة عليك واللة مابيه شي بس تعب شوية وجوعانه وسحبو مني دمم
باوعَلي بنضرات شك وباوع لايدي اللازمـة ايده وگالي
قحطان: ليش خايفة
وخرت ايـدي وگتلة
ا اسفة ماخايفة ولاشي بش عليمن انروح عادي من الصغر هيج تصير ويـاي
باوعلي بقلق وگال
قحطان: اكيد مريم
هه ع اساس تههمك مريم گلت بگلبي هالحجي گتلة
اي اكيـد
حرك السيـاره وگال
قحطان: اكيد هيمن گالج العرس راح يصير قبل الدوام لا تخـافين مراح يـاثر عليج اي شي اليـوم اربعـاء الخمَيس العرس والثلاثـاء الحنـه منسويهها هوسة ولاشي
مانطيـت اي رده فعَل مصدومة لسة ماچـاي استوعب الي ديصير ويـاية اخ يـاربي معقولة هايهيـه راح اتزوچة هه يلا ضلت ع ههـاي خليني هو جم يوم واموت ههه حسبالة راح نزوچ مايدري اني ع فچأه اموت 💔
چـان عنـدي احتمال جبير كلشش انو مازوچ قحطان و امَوت
رحنـه ل مطعم عيَن البصره قحطـان جان يگلي كلش احبـه هل مطعـم
نـزلنه گعدنـه ع طاولـة گلي
قحطان: شتتردين شاطلبلچ
براحتك شتتاكل اكل
شوية واچـة واحد گال شطلبون وصة قحطان ع همبرگـر صدك واللـة چابولنه همبرگـر و فنگـر بتيته و مقبـلات وصمون و چـابو ببَسي قحطـان گاللهم اريد عَصـاير طبيعيـة اذا ماكو زحمه سالني شنو من عصير گتلة بكيفك
جنت استحي اگلة شي واصلا اني ماشتهي كلش
وصـة ع عصير ليمـون چابولنـه هو گام ياكل بس احس عيونـه محاوطتني اني گمـت انقش بالاكل
قحطان: اكلي زين لاتنقشين
ماشتهي
قحطان: موزين ورانه فره اكلي لا تتخربطين علية نوب وابتلي بيـچ
عزا ههـذا شَبي هه واللة ياللـه
اذاا تبتلي بيـة المنن جبتني ويـاااك
قحطان وهو ياكل: مجبور شسوي
استغفرالللة يمته يخلَص هل يوم مـادري
باوعلي وهو عاقچ حـاچبة كملت اكل وعفته گال
قحطان :شو ما كلتي ترا بعد شوية مو تكليلي جوعانه ما اطبب مطعم
حسيته يريد يستفزني گتلة
ااوه استـاذ قحطـان تره فلوسي عنـدي وبالنسبه للي اكلتـه اني ادفعة ماكلفك
طلعـت فلوسي مَن الچنطة حطيـت 10 الالف براسـهه يمـه ع الطبلـة
خزرني خـزره واللة لو طلقـة چان موتني بيـهه
مبـاشرتا شلتهه واني ابلعـم
گام گال يلا گومي حاسبهم وغسلنـه وطلعنـه بس شنو بس يدردم وروحة واصلة لخشمة
قحطان: يمج طرطور ودفعيـن مووو
سكتت غلست ماحجيـت ويا مدري ليـش حصرتني الضحكة بوقتهها طبعا الضحكة هواية تخوني بمواقف مو بمحلـهه ضحكـت اله شويـة صعدنه بالسيـاره حرگ السيـاره بسرعة وگال
قحطان: جاي اجمعههنن الج عيـديهنن ومتلومين الة نفسج
اهوووو هسـه اننني شعليةة انت موووتكلي مو كلساع اطببج مطـاعم
قحطان: واللة لو اتكرميني بسكوتتجج احسننن
درت وچهي
واللة شايف نفـسه
وصلنـه للمستشفة نـزلنـه اني كلبي يدگ بعدين فكرت شي ماعلية ابشي انشاللة ما يكون شي يبيـن
رحنـه للمختـبر سلمتنه الممرضـة التحاليل وگالت مطابقـات
اف لحمدللة مگالت اكو مشكلة رحنـه للمحكـمة وعقـدنه
طلعنه مَن المحكمة مو مثل اي ثنيـن كلهه تضحك والي يبارك لخطيبتة والي يلزم ايـدهه الة اني هه
طلعنه بسرعة لان مطايقة نفسي احس نفسي راح ابچي
صعدت بالسيـاره وطبكت البـاب حيل باوعلي وخزرني شغل السيـاره ومشـة مـاگدرت اصيطر علة دموعي ضليـت ابجي بصمـت ودايره وجهي
شههكت بالبچي سمعني بعد مـاگدرت اسكـت احس نفسي لازم احچي اختنگت
درت وچهي حسيته بانتضاري وهي يباوعلي گتلة واني ابچي
بس اريد اعرف اذا تكرهني ليش ازوچتني شسويتتلك اني وهيچ تسويلي هـا ليش جاي اتعاقبوني علة غلط غيري تره واللـة اللة راح يعـاقبكم كلكم دون استـثنـاء كلكم الي سببتوا بوجعي وبدموعي اللـة يدري اني شنـو وانَي ماغلطـانه بًشي والايـام راح تثبتلكم بس اذا بقيت عايشـة
مسحـت دموعي ودرت وجهي سمعـت صوت الچداحـة السيـاره بارده وبيـهه عطَر ممـيز كلش مَن عطوره وهسـه دخَن صارت الريحـة تچنن اسمعـة يتنهـد ويستغفـر شويـة واچآ اتصـال اسمعـة يگول بي
قحطـان: هلا بيج شلونج خالتي شلونها
اني عرفتـهه ميسـون انغاضيـت منـهه حَيل حسيـت بالغيـره اذكرت وگلت هه اغار ع شخص يكرهني
قحطان: تمام حضروا نفسكم انشاللة باجر لو ليوم بليل اجي عليكم اللة وياج سلميلي ع خالتي
احس الوقت صـار سنـه بس اررريد اوصـل للبيـت ضليـت ساكتـة ودموعي بعيني
وصلنـه للبيـت ردت انـزل استوقفني صـوتة
قحطـان: اي شي تحتـاجينه تخابريني وتكليلي چهـزي كلشي تردينه وبالنسبـة للملابس كثري صايات خـوش
نزلت ومـارديت علة كلامـة نـزَل وراي دگيـت البـاب تقربلي وگصني گص بنضراتـة الغضبانـه لزم زنـدي وگال
قحطان: بسيطـة يامريم اچاهلي شگـددد ماترديـنن بس كلما اجاهلتي كلمـا نتائجهه عليج واللـة
سمعنـه صوت احد ورانـة التفت لگيـت نفس الولَد الي خطبني باوعلـه قحطان يريد ياگلة
الولَد باوعلنه ضل صافن ونوب صعَد بسيارتـه
قحطان: استتتغفرالللة شلووون عايرززز مخابيـل اني
سمعنـه صوت بابا راسـا تركني طلـع بابا اني طبيـت وهو ضل يحجي وي قحطـان
سلمت ع ماما گالتلي شسويتي ماسويتي كتلهه عقـدنه وكملنـه گالتلي شبيج مو ع بعضج كتلهه ماعدي شي تعبـانه اريد انام حتة غده تغدينه لا تگعديني
هل حجي اني بس واحد يلمسني ابچي طبيـت لغرفتي شفت الحَبر ع ايـدي مال البصمة الي بالمحكمة ودي اكطم اصبعي
گعـدت بالگاع وضليـت ابچي ليَش هيج يصير ويـاية واللة ماستحق الديصيـر ماستحـقة
مر بالسـاعتين واني ابجي حسيـت علة وجع راسـا گمت لفراشي ضليـت ابجي و اون من الوچع حدما ماحسيـت بـأي شي
_________
حـور وهيه تنـزل من الدرج وتغني
داده انبـاگ ررجلي
خيـة انباگ ررجلي
نص اليـل غطيتة
گعـدت الصُبح ملگيته
خيـة انبـاگ رجلي
وسوده عليـة ماخـذت حي....
هههههاااا هههذا ضههوري يمنـه اليـوم هلا بالديج من الصبح حسبالك عندك دوام شكو اچيـت
ام احمـد: حـورررررراء
ضاهر: ياصبح انتي شتحجين السـاعة بال 1 بَس انتي موصوجج واللة صوج عمي المنطيج موبـايل عمه اسحبو المويايل منـه هاي نتائچة تگعد بالضههر
حور وهيه تگعد : اهووو حچة المالكي بعد شيسكتـه خاب اسيـل انطس وزاره المنغوليـن خل يهتم بيهم لان مَن اصنافـة
ضاهر :شوووفي حوررر والكعبة محمل كلبي عليجج هواي لا تخليني اكومج واراويج الخـايس شيسوي لا عبالك ناسي تره واللة احتراما لعمتي ساكت هسه بس خل اشوفج وشوفي شسوي بيج
حور : لااااااا بالللللل.....
ام احمـد: اشششش ولا حـرف گومي يلا نضفي وي مرت اخوچ وعوفي الموبايل
طب عمـار
عمـار: ها السلام عليكم
الكل :وعليكم السلام
حـور: صاير مؤمن عود لا تخليني احجي البـارحة شسويت وشلون رشيتني بـ 10 الالف 😂🌚💔
عمـار وهو يخـزرهه: ولج وعلي تعبـان وفااير هسـه اگوم عصة بيبيتي اكطعهه عليچ صدك اسيل وين بيبي جدو ابوي احمد
اسيـل: عمي واحمد بالدوام وبيبي وجدو تغدوا ونـاموا
حـور: اني اعلمك بسيطة تحتاجني مو متحاجني بس واللة الـة اذلك بسيطة
عمـار: اهووو دروحي البسي حجاب وتعـاي شكبرج بعد تصيرين هههااا
حـور: عنـدي استعـداد البس حچاب يم اكبر واحد الة ضاههر 😂😂😂
ضاهر: ليـشش ولجج اني مووو بعينججج شنووو لكك عماررر بالقرررران ررراح اكوووم ابسطههه بسطةةة واليحجي وياههه
عمار: كوملهه واللة اني ويـاك
حـور وهيه تغمـز لعمار: هاهاها ينطيك گلبك مو احجي شسويـت البـارحة
ام احمد: شسوه ولج احجي
حـور وهيه تگعد يم امهه: يوم خطية جاي استخطي
ضاهر: شمسوي يمصخم احجي يمصخمه شمسوي
حور: ولكك دگة جبيررره ححيل دگة الناقصة متتت 😂😂😂😂
عمـار : تصدگون مخبلة هاي شبيكم عمي تعـاي حـور خل اراويج شغلـة بالايفون اكتشفتهه ميـزه
حور: عاااا صدددك شنيـه
گعدت يمـه وهو كتبلهه بالموبـايل
عمـار: اذا تحجين كلمة انتي الراح تخسرين اول شي فلوس بعد مانطيج ثاني شي اكتلج كتلة بس اللة اليدري بيهه
باوعتله صفح وگالتله
حور: تؤؤ مو هيج انطينيااا
اخذت الموبـايل وكتبتله
تره ماعايزه فلوس اني اخمط من ابوي ومن احمد 😂😂
بس جاي اگول خطية وترا هواية مسويتلك تخفيضات 🌚😂
لان اخوي واللة يعني ذاگ اليوم بملابس الطلعة راويتكياهه وخليتك بالربع ساعه يمهه ب 5 الالف
والبارحة بملابس الحفلة راويتكياهه لمده نص ساعه بـ 10 الالف
جاي اداريك واللة 😂🌚💔
اكول خطية ماعنـده
+ تكتلني شنو تايهتلك
وهسـة راح اسكت بشرط تشتريلي موطة 😂🌚
سحب الموبايل مني وخزرني وياشرلي اني اعلمج غمزتله گام وگال
عمار: من اگعد عود
يمـة راح انام متغدي بره وانت ضاههر مو خطـار وابقة يمك يلا رايح
ضاهر: روح نام نوم لعافية ضلع
حـور: يوم شمسوين غـده
ام احمـد: گومي يمة اكلي مسـوين تمَن ومـرگ بانية
حـور: افف ماحبههه اني خرب
ام احمـد: گومي سويلج شو شنو
حـور: ماريد مابيه حيـل
گعدت وحطيـت موبايلي واگلب بي اباوع لضاهر يگلب بموبايلة ضجت اريد اتعارك ويـا 😂💔
شويـة واندگت البـاب گمـت اريد افتحهه زعـگ بيه ضاهر
ضاهر: اكككعدي اني اطلع
طلع وگمت اعيب ورا وامي تحجي علية طلعـت ورا لگيـت عمتي امه جايـة وبيـدهه ماعون بي مدري شنو
حـور: هلااووووو عمةةة
ام محمد: هلو حبيبتي
حـور: هاعمة هاي شجايبة وياج
ام محمـد: بامية گلت حور تحبهه جبتلج
شبگت عمتي حيل بفرح: يياااااي فدددوه لكلبج عمه
ضاهر: خنگتي امي وخري لج
حور:😒😒😒😒
تعاي عمه طبي
طبينـه وسديت الباب وره ضاهر مال المطبخ اسمعه يدردم 😂💔
سلمت ع ماما واسيل وگعدن يحجن وضاهر گعد اضن منتضر ابوية
رحت صبيـت ماعون تمن وحطيت الماعون مال البامية وكعدت اريد اكل
كعدت يم باب المطبخ كمت اريد اجيب مَي امي كالتلي جيبي صينيه كتلها موزعطوطة اني 😂💔
گعدت اكل اثاري اجتي بيبي كاعده من النوم وتغفي وگعت المرگ باوعتلي وگالتلي
الجده: عمه حتة عمه ماشوفين
باوعت للطاسة بقههر وكتلهه: عمه العماج انشالللة فوگ ماوگعتلي ماعوني
سمعـت ضحكة ضاههر و عمتي واسيل امي صاحت بية
واللة انقههرت فوگ ما وگعتهه تگلي عمـه ☹️
ام محمـد: كومي يمة روحي للبيـت محد بي محمد ومرتة عد بيت اهلهه صبي وتعـاي خلي ضاهر يوگفلج
ام احمـد: لاخية خليهه تكلي شو شنو لو تطلع روبة وي التمَن
ام محمـد: ضال واللة خليهه تاكل كومي عمـه ماعليچ بامجچ
ااي ايي عمه رايحة ضههوري كوم حباب
ضاهر: ولي ماللي خلك
حبابببب واللة جوووعانه ☹️
ضاهر: يلا گومي البسي زين
رحَت لبسـت عباية امي
طلعت جني سعـدية ام الروبـة 😂
باوعلي ضاههـر ضحك عليـة
طلعنـه رحنـه للبيـت فتح البـاب بمفتاحة وطبينـة
طبيت للمطبخ حطيت العبـاية ع كتفي وصبيـت مرگ ردت اطلـع شفت ضاهر واگف كبالي ويباوعلي ومكتف ادية
حور: شبيك صافن مثل المطي خل نمشي راح انجوي المرگ حاررر
ضاهر: حورر بطلي هل الفاض متلوگلج تره
ضاهر: مو دشوفني كحلتي وحذائي واني اشوو جاية بنعال وعباية امي شوو ولي
طكهه ضحكـة علية انتبهت ضحكته حلوه ضحكت ويا 😂
اتقـرب مني ارتبكت من قربة باوعلي اني باوعتله عدلي عبـايتي وابتسم بوجهي وتنهد وهمس
ضاهر: يلا نمشي اطينيـا عنج
اخذه مني طلعت كدامه طلع وراية رحنه لگينه بابا واحند جايين
صبولهم غده وگعدت اكل ويـاهم وضـاهر يحچي ويـاهم
اذگرت مريومة اوف بس لو اعـرف شبيـهه شوية ودگت علية موچ گالتلي راح اروح لمريم ترحين ويـاية اني كيفـت گلت نمشي سوى
اتفقنـه بال4 نروح بعـد وقت طبيـت سبحـت وبدلـت موچ كالتلي مري عليـة
لبسـت فوگ ملابس البيـت صاية وحچاب ضاهر طلع گعـد عمـار كتله
حور: عمار كوم اخذني يم مريومة
عمار:مالي خلك الج ستوني كاعد من النوم
رحت شاورته: انمر علة موچ همـين
عمار: ها يلا هسه بس اغسل انتضريني
ضحكـت علية كمل ططلعنه مرينه ع موچ طلعـت ابتسمتلهه صار يمشي گبالنه واحنـه ورآ
وصلنـه لمريم هو راح وگال من تچن دگَلي
دگينه الباب طلعتلنه عمتي ام مريم
گالت نامت من اجت لسة مادري شعدهه وقافلة البـاب
اني سولفت لموچ ع الموقف الي صار ومريم شلون تبجي بالطريق خفنه عليهه كمنه دگينه الباب مافتحت الباب
ضلينـه بالربع ساعه اندك الباب وماتفتح اني خفت وعمتي نفس الشي
شوية وانفتحت البـاب طلعت تنفست بقوه
خرب يومج يامريم شكد خوفتينـة
ام مريم: بعد ممنوع اتنامين وتقفلين الباب ماما خووفتنيا عليج
مريم: اوكي ماما هلا بنـات تعالن
مريم: كعدت من النوم ع صوت دگت الباب تعبانه وعركانه كوه گمت فتحت الباب موج وحور وامي وشكلهم من زمان يدگون بالباب طببت البنـات للغرفة نزعن صاياتهن فتحت الضوه و رفعت شعـري وچبت الطبلة وكعدت كبـالهن
حـور: مريم ليش هيج متغيره
موچ: اي مريم متغيره شكليـا و جسديا ونفسيا بس اريد اعرف شبيج احجيلنـا يجوز نگدر نساعدج ترا مو ع سالفة الخطف بس مبين اكو شي احجي
دمعت عيوني ونـزلت راسي وگتلهن
بنات مـابية شي لا تخـافن بس تعبـانه هل فتره هواية
حـور: مريمم لا تستغبيني احجي شبيج اللة عليج بداعتي عنـدچ اذا اتحبيني
موچ: واذا تردين اني ماسمع اطلع واخليجن تحجن
نزلن دموعي ورفعـت راسي وگتلهن
بنات تعبتت تعبتتت محد جاي يحس بية من مؤيد لابوية لقحطان للنـاس ولجن احس تعبـت
اجن گعدن يمي وگالت حور
حور :سولفي كلشي بگلبج
بديـت اسولفلهن كلشي ماعده مرضي ماذكرلته اي شي ماريد اقلقهن صرت احجي وابجي جنت محتـاچة هواية انو احجي وافضفض
موچ: معقولة قحطان هيج يسوي
حور: موچ انجبي لا اوكلج مطي قابل اتچذب
موچ: لا ولج مو هيج اصلا صح هو متغير حتة ويانه يكومني بصيحة ويكعدني بصيحه مدري شبي
حور: عمي من ورة محمد ونبي ياامريم قبلهه جان زعلان منج ع هل سالفة مال انتحارج ونوب محمد عبة راسة وقحطان اتراكمن علية واللة
بجيت وباوعتلهه وكتلهه
حـور اسكتي لا ادافعين لان والنبي گلبي خلص
حور: صوجي كيفت حسبالي حتفرحين وي قحطان
تنههدت وكالتلي
مريم تره لا جدوو ولابابا ولااحمد قابليـن گالو براحتهه اذاا متريد واليغصبهه تصير موخوش
مسحت دموعي وباوعتلهه
شنوو يعني جدو وعمو مو هم وي بابا وگالوا خل تزوچ
حور: لا منيلج ههـذا الحجي اصلا عمو گال وافقـت
تنههدت وكمت ابجي هو ههـذا حضي بس همـزبن جدو وعمو عـاد وياية بس شيفيـد بعد كلشي صـارر
موچ: اني اسفة مريم يجوز بسببي اني حجيت لقحطان لوما حاجيه چان احسن اسفة مريم كلة بسببي حسبالي بهل حجاية راح تنجمعون سوه
اشش انتي ماعليج موچ ههـذا حضي وقـدري الي كاتبه اللـة نشوفة
موچ: قحطان يحبج واللة مستحيل يـاذيج ثقي باللـه
حـور: اي مريم صحيح حجيهه حبـابة لاتبجين ولاتزعلين نفسج
مسحـت دموعي مستحيل احد يحس بالعـذاب الي احسـة ابتسمتلهن وكتلهن كافي خنسولف
صدك واللـة گمنـة نسولف واضحك و اجاملههـن بس جوه هلضحكة الف انكسـار
شوية وگالن نروح گتلهن ابقن وحرمصتلهن امي هم كالتلهن ابقن
بقن يمي ضلينه نحجي ونسولف بعدها اجة بابا شگـد حاول يحاجيني اني حجي بـاررد ويـأ
راحَن واجة اليـلل ومعـانـاه اليل حور گالت ماعوفج اضل يمج انوب بس اليوم اروح الم غراضي واجي اجودر يمج 😂💔
طول ليـل اني ابجي واشههك صار عنـدي عـادي تعودت ابجي كل يوم
كعدت الصبح نفس الروتيـن امي گالت نبدي نچههـز ما نلحگ بعـد
مالي نفس بـأي شي واللـة
طلعنه العَصـر لللمـول اني وحور وامي اشتريتـنه قسم مَن الغراض ورچعنـه للمغرب
فتحت موبايلي بـليل دازلي صور فتحتهن صور غرف ومكتوب اختـاري
ثنينهم حلوات كلش كتلة
براحتك هيه غرفتك ولو تبقة ع غرفتك هم عـادي ♥️
سديـت الموبـايل حور يمي ماگدر ابجي ممنوع بنوب سطرتني سطر بالسوالف حـدما نمت 😂
نفس الروتيـن مَر نطلع نحضـر اسيل تكلفت الصالون متفقه وي وحـده بدينه من الاحَد كل يوم جلسة عنـاية وشي
تعبتتت انههلكت فوگ ما اني منهلكـة
اني ببالي اگص شعري لو اموت ما اخلي طويـل موچ تصيح ولج قحطان يگول اموتهه اذا تگصة وتدير بالهه تصبغليـا اصفر ومدري شنـو مطيـن صوره ل ام الصالون وگايللها ع ذوق العريس هيج يريد
ههه هو شنو الي ع ذوقي صـار يوم الثنيـن واحس موتي قرب عجيب بهل ايام ولا تخربطت ابد معقولة الحالة النفسية الهه دور مالحگ احك راااسي وحور تسطرني بالحجي وانام مالحگ ابجي حتة
بدت ام الصالون تصبغلي شعري كملتـه وغسلتـه واووو تعجبـتتت شكلي متغيـرر نهااائي بس شنو كلش حلـو صابغتـه الي اشقـر ع سلفري اللون يفلش صراحة وعليـة طالع كلش حلو
بعـدهه كتلها كصيلي شعري موچ وياية واسيل وياية و حور ويايه امي ماجت استغليتهه فرصة گامن يحجن علية گتلهن ابد هسه تگصي
نوب اسيل رزلتني رزالة غسل ولبس ومخلتني اكصة شگـد انقههرت
حواچبي حفتههـن وسوتهن كلش حلوات ماحب العب بيهن حيل لان هنـه ثخان ومشمورات مچـرد اخذت الشعر الـزايد واصلن مطالع هواية و شمرتهن شمره حلـوه
رچعت للبيـت كلهه تعچبـت بيـة
البدلات اني اشتـريت للحنـه. واني عنـدي كومة بدلات گالت امي عليمن اچـار شتريـت 8 بدلات الي نفَش والي طويل والي قصير موديلاتهن چمال
باچر الحنـه هايهيه حتصيـر صدك!
بليل اجتني حور ماتحملت بجيت ضلت تحجي علية ماگدرت تهديني گوة هدتني ومسحت دموعي وكالعاده سطرتني بسوالفهه
گعدت الصبح ام الصالون تريدني مَن وقَت الحنـه حيسـوهه ببيَـت عمو حسـام لان استقبالهم چبير اصلا هيه لا هوسة ولاشي شگد جانت امنيتي قاعة واسويهه تخبل بس البشر يخطط شي ويصيرلة شي
امي كالتلي ماما اسويلجياهه بقاعه بس احنه مانعزم هواية اني كتلها هو اني ماريـد بقاعه
بـدت ام الصالـون تسويلي تعبـت حيل حسيـت نفسي گمت اعرگ لا ياربي دخيلك بس لا راح اتخربط
......
يتبعععع
4600 كلمة لعيونكمم لحد يكول قصيرر المفـاچئات هواية راح تكثرلكم حضروا روحكم ♥️
#not
تعالن بنات اكعـدن خل انسولف 😂
كوه جمعت هل سويلفـات 😂
صارلي ساعه اردد بيهن حتـة مانسـاهن
بنـات تعليقـاتكم الحلوه دتخچلني هوايـة
خلوا ابالكم اني اقره كل التعليقـات والحمدللة لحَد الان اي استنقـاد للقضة ماكو
بنـات داحس نفسي حور 😂
كمت اسحك هواية انتبهتوا للبـارت هيه تحب البامية بس ماتحب البانية 😂😔
واللة جنت اقصـد ماتحب الفاصوليا
ههـذا شي
الشي الثاني
البـارت بنـات قسمبالله القراية مو نفس الكتابه چـاي اواچه هواية صعويات چاي احاول اللههچة تكون نفس طريقتهم اتخيلوا چاي اهتم لل حسبالك وال عبـالك لل لعـد و الچا لهواية كلمـات لهجة مريم تختلف عن لهجة قحطان ولولد والبنات نفس مريم الكبار تختلف دتلاحضون ف واللة البـارت جاي اكتـبه اگعد عليـه 4 ساعات يلا اكملة الاحداث يرادلهه دقة حيل
اكو نـاس ديكولون القصة صارت مملة يابه شنو السبب دتنطين بالتفصيل الممل حابة اكللكم القصة حقيقة واني كلش حابة اكتبهه هيج اريد تعرفون حيـاتهه واليوم الي يصير بي حدث لازم اكللكميـا بالتفصيل لان اكو بنـات نفس حور الة تعرف كل التفاصيل 😂
النشـر اني محـددته بين يوم ويوم الحجي بينه وبينكم راح تصير يوميـه انشـر اذا اللـة سههَل ♥️
التچاوز بنـات ايدي دتروح واني امسح فدوه رحتلچن ، كتلچن لا تحكمن الة ينحط القلم بيد قحطان وساعتهه احكمن
يتبع
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: