#الضابط_والجميلة -
#البـارت الحـادي عشـَر
#alshabaniuh
للكـاتبةه : ࢪَ࣪يࢪَ࣪فـون ♥️
_
حطيت راسي. بحضني ونفسي تلعب واحس روحي مسلوحة صرت اندعي انو ماتقيئ بالشـارع البنـات كعدن يمي يردني اكوم ماكدر
شوبة وسمعت صوت ولَد كال
خوية خوما بيهه شي
كالتله حور: لاخوية بس تخربطت
..حاولي تكومين الشمس موزينة
باوعتله عزززه هذا جيرانه رجعت راسي وكبت لاهايهيه حتقيئ
سمعت صوت سيـاره طبكـت كلت اي اچة عمـار
سمعت الخطوات قربت رفعت راسي وعيوني كوه فاتحتهن شفت قحطـان اچة تقدم النه باوعتلة يباوعلي بنضرات قلق وخوف
قحطان: شكو شبيج مريم
موچ:تخربطت خلي ناخذهه للبيـت بسرعة
...اخذوهه للمستشفة خوية لان مبينه تعبانه
باوعت لقحطان باوعلة وكلة بنضرات حـاده
قحطان : اشكرك اخوي تكدر تروح
الولد ضل لاياخذ ولايطي خلة وراح دنگ راسـة الي باوعتلة ۅ رجعت حطيت راسي بحضني لان صدك حسيت نفسي راح اتقيئ
قحطان :خاولي تكومين لاتضلين هنا كاعده كومي الشمس موزينة يلا طيني ايدج وكومي
بعدني ماحجيـت سمعت صوت عمـار ورانه ااي همزين اجة ماجاي علة بالي اصعد ويـا
عمار: السلام عـْليگم شكو مريم شبيج
قحطان: الضاهر تخربطت من الشمس
عمار: كومي وياي انطيني ايدج حور شيلي جنطتهه ماقصرت قحطان
مدلي ايده عمار باوعت لقحطان عيووننه احسهن يررردن ينطن من العصبيـة
ابتسم لعمـار ابتسامة مجاملة اطيت ايدي لعمـار وحور كومتني
استندت عليـه بس شنو بس اكح واحس صدري مختنگ
كعدني عمـار بالسيـاره وگال
عمار :اجيبلج ماي مريم لو اخذج للمستشفة
لا بَس اخذني للبيت حباب واحس نفسي مختنكة افتحلي التبريد
صعـدت حور بالسيـاره باوعت لقحطان شايل جنطة موچ ويباوعلنه احسة كةه واكف مـن العصبية
عشتو تره عمـار نفس اخوية لا عبالة غير شي هـذا كلشي اتوقع مـن قحطان
صعَـد عمـار بالسيـاره شفت عيون موچ ملاحكته بس هو ولامهتم
شفتهم ركبوا بالسيـاره
غمضت عيوني واني اكح ومختنكة لعبان النفس خف شوية
حرك عمـار السيـاره لاف علة غير طريق
حورر: شنو راح انروح للمستشفة
عمار: لا لبيت عمي بس ع غير طريق شنو مريم تحتاجين مستشفة
اشرتلة براسي لا وصلنة لباب بيتنة نزلت حور وياية هيه وعمـار
دكينه البـاب طلـع بابا مـن شافني اخترع خطية
هيمن: هاها شكو بابا شبيج شوباوعيلي
عمار: عمي ماكو شي شوية تخربطت اذا صار شي خابرني اني راح اروح
حور: انتبهي نفسج عوبة
خلو وراحوا ابوية ططببني للبيت واني بس اكح احس نفسي متنكة
شافتني ماما اخترعت كعذني بابا علة الطبلة بالمطبخ وامي اجتني تحجي ويـاي بس اني بالي مو يمهم ابـد
خلي انام نعسانه حيل
هيمن: لابابا اكلي ونامي
ام مريم: ماكو نوم اكلي واشربي شي دافي لبلعومج انوب نامي
اكتفيت بالسكوت مالي خلك اجادل صبتلي ماما اكل جانت مسوية تمن وبامية شكد احبها بس كب نفسية مالي
ماما وااللة ماكدر اكل ماعنـدي نفسية للاكل
ام مريم: حبيبتي بس تاكلين الدوخة تروح يلا يايمة لاتشلعين كلبي اكلي يلا
هيمن: بابا اكلي لو تردين تتحملين الم الابرر بكيفج بعد
سمعت ابر نزيت يمة كلشي ولا الابر اخاف حيل منهن كلت لازم اجبر نفسي ع الاكل
اكلت شوية نفسي تلعب حاولت اضغط علة نفسي بلكوه اكلت اشكم لكمة امي كالت اكلي كتلها واللة اتقيئ خلي معدتي مستقره
مسويه جاي هيه وبابا كلتلي اشربي كتلها تعرفيني ماشرب جاي ابد
كال ابوية لبلاعيمج مدري شنو ماشربت كتلهم اريد انام
كمت لغرفتي حسيـت دوخة قوية وعيوني غواش بيهن غمضت عيوني وانسدت ع الحايط وفتحتهن وحاولت اصنع القوه
طبيـت لغرفتي ماعرف حرانة بردانة نزعت ملابسي كوه لبسـت دشداشة قصيره ردت افتح السبلت من كد مامختنكة
نعلت الشيطان و نمت ع جربايتي اكح قوي والنفس كوه اخذه شوية حسيت نفسي نعسانه حيل غمضت عيوني وبعد ماعرف شصـار
كعدت علة صوت امي وهيه تحاول تصحيني اريد افتح عيوني ماكدر احس نفسي مصخنه حيل وعيوني من افتحهن نار يطلع منهن ضليت مغمضه عيوني
كعدت من النوم كوه افتح عيوني احس عيوني يحركني من افتحهم شفت نفسي بالمستشفة وبيدي كانولا
وامي كاعده يمي شوية واجة بـابـا اف الضاهر جايبيني للمستشفة شافتني امي كعدت
ام مريم: هايمة شلونج
مريم بتعب: زينة ماما بس دايخة
ام مريم: اي يمة هسه تصيرين زينة هسه الابر تفتح صدرج
هيمن: هابابا شلونج
مريم: زينة بابا
هيمن: يلا بس تضربيـن هاي الابره ونطلـع
اجتني اللممرضة تقربـت تريد تضرنبي يمة اني اموت من الابر اخاف منهن حيل اجه ابوية يمي لزمني كوه ضربتني بالكانولا وكالت ذني بقن 3 ابر تضربهن كل يوم بعد الاكل
ابوية تشكر منهه وراحـت امي كلتلي تكدرين تكومين يمة كتلها اي صدك احس نفسي شوية صدري نفتح وصخونه خفـت سندتني ماما لبستني صايتي جاية بالدشداشة الكصيره بس امي ملبستني صاية فوكاهه
طلعنـه من المستشفة ركبنه بسياره بابا اني وماما وره كعدت يمي حطيت راسي علة كتفهه ، حسيـت نفسي شوية احسن
الجو يجنن صار وصلنة للبيـت مرينه مـن فرع قحطان وبيـت عمو شفت سيـارتة ماموجوده ممم
وصلنه للبيـت نزلنـه بابا گال خليـهه تنـام يمنه ملتضل وحدهه خاف ترتفع حرارتهه
طببتني مـامـا لغرفتهه نزعتني الصاية و الشال و نومتني ع الجربـاية غطتني. والكانولا ماذيتني ماكدر اتحرك
اجة بابا نام بصفي وحضني تنفست براحة شمهما اكبر معتبرني طفلة
شفت امي فرشـت بالكـاع الهم كالت راح اروح اسوي عشة واجي كللهه بابا لاتسويـن غير الشوربة هم لمريومة وهم النه
ثلث سـاعة وبابا كعدني كلي بابا يلا بنيتي اكعدي اكلي
انتجيت علة الجرباية وبابا صار يوكلني حسيت نفسيتي نفتحت ع الاكل
اكلت وكملت نمت ماكعدت الة الصبـح صبحت علة اهلي شفت بـابـا ديبدل يريد يروح للدوام كال اني ب2 اجي نتبهوا لنفسكم
اني هم كمـت احس نفسي شوية احسن اليوم رحت للمراية وجهي اصفر اف
طلع بابا بقينة اني وامي كاعدين ماعدنه شي رحـت لفيـت الكانولا بنايلون وطبيـت اسبح شوية حسيت نفسي احسن ونعنشت الحمام
رحت لامي مشطتلي شعري لان كانولتي باليمنـة صارت ال10
رحت جبت موبايلي من الغرفة فتحتة لكيت كومممة اشعارت
عفت الكل ورحت للانستـا اول شي خطر بالي الي هو قحطـان
شفته دازلي 25 رسالة كل رسالة الهه وقتهه ابتسمـت مباشرتـا وبديـت اقره الرسـائل
چـان كاتب السـاعة بـ 3:00 بليل
🏷️مريـم اني اسف ع الي صـار هههه تدرين اول مره اعتـذر مـن بنية واللـة بس لاتزعلين تره دموعج تيزاب علة كلبي بطليهن اروح فدوه لهل عيون السحرني
🏷️تصبحيـن علة خير احلام سعيـده نفس وجهج انشاللـة
ابتسمـت علة هالرسـائل شفت الرسائل الثانيـة كلهه خوف وقلق مبينه من رجعنه من دوام مريم وينج شبيج فهميني بالي يمج شصارلج! العصر داز مريم كليلي رحتي للمستشفة اريد اعرف شلونج هسه جاي تتوجعين لا اكلتي لا
ابتمسـت علة حچية واهتمامة احس هيبه الزعلة راحت 🙂😂
صرت اقره بالرسائل البعـدهه يجنن كاتبلي اشعار وحجي يخبل حسيـت الحرف المنه ينبع خوف وقلق عليـة
احتاريـت شـارد بعديـن بعد تفكير طويل كتبتلة
🏷️مابية شي الحمدللة شكرا علة خوفك بَس جان شوية تعب وراح
ضليـت بالساعه اعيد بالرسـائل شفت البنات مراسلاتني راسلتهن وكلت لحور تجي يمي لان حيلل ضايجة
صدك واللة شوية وردت حور ههههه هل بنيه 24 ساعه اونلاين بحيث ماتعب روحك
اجتي هيه وعمتي كمـت سلمت علية ويتحمدللي ع السلامة اخذت حور وطبينه للغرفة
كمنـه نحجي ونسولف ونضحك ونكص بالعالم شوية صرت احسـن
تغـدن يمنـة وراحت عمتي بس ضلت حور يمي شوية واچة بـابـا
صبتلة ماما غده ونـام شوية وشفت موبايلي اچنه اشعـارات فتحت الموبـايل قحطـان
🏷️ تره اعرف رحتوا للمستشفة كليلي شلونچ هسـة
امم يچـوز بـابـا گايلة
🏷️زينة احسن
رد بسـرعة
🏷️اكيد؟
🏷️اي
🏷️ماشي طالع مهمه انتبهيلي النفسج تره هواي تخصيني اذا تاذيتي كلبي يتـاذه مع السلامة
كَتـب هاي الرسالة وراح واحس اخذ كلبي ابتسممـت بشكل لا ارادي سمعت صوت حور بسرعة كتبتلة اللة وياك وسديت الموبـايل
تثرد علية سوالف ومـاكو ضلينة كاعديـن لاشغلة ولاعملة شوية وكتلها خلي نقره شوية كوه قنعتها خلصنه الدروس صارت الساعه ب5 كعدوا ماما وبـابـا
بابا كال نتعشة ونروح لبيـت عمج فردور حتة تضربيـن الاَبـر
فعلا كامت امي سوتلنة العشة وضلينه كاعدين سوه ونسولف شوية واندكـت البـاب
كام بابا فتحة لن عمو حسـام وبيبي وجدو سامعين بيـة من مرت عمو واچوي
كعدنة سوه شوية وماما جابت العشة وحور كامت وياهه
تعشينة سوه وشوية وبابا كال كومي جيبي الابره مالتج خلي عمج يضربلجياهه يبوي اني متت كوه جبتلهيا بشلاع الكللب والبجي والصايح يلا ضربونياهه
مر الوقـت بسرعة وحسيـت نفسي احسن
صـارت الساعه بـ12 وحور راحت وياهم جلبتلهه كالت لا موبايلي ناسيته بالبيت شلون اركد بدونه 😂
امي وابوية راحوا نامو اني طبيت لغرفتي شفت قحطان ماكو ضل بالي معقولة لسة بالمهمه اراسل لو لا
زين هو من زمان طالع ياربي خاف صاير شي زين اراسل لا لا ماسويهه
ها موج اي موج خلي اخابرها
دكيـت علة موج ماكو يدك يدك ومتشيلة قلقت اكثر يربي شكو شصاير
اراسل يربي هسه شلون اي اي خل اراسل
اجيت للموبايل مترردده كتبت
🏷️الو
ماكلكم هاب اول رسالة ادزلهيا بدون ميدزلي كلساع ماسحتهه ومرجعتهه اخر شي كلت لا لا لازم امسححهه جاي اريد امسحهه شفته قراها عزه اني كمـت ابلعم
🏷️شلون صرتي مريومة
من كلي مريومة ابتسمت راسا بس شنو متوتره واللة العضيم جانت اول مره احجي بيـههه وي ولَد غريب
🏷️اني زينة بس انت ليَش تاخرت
🏷️صارت عندي سالفة بعد المهمه
🏷️ها وشنو السالفة الي تخليك بال1 تجي للبيـت هم كول عندك ام تقلق عليك كول ناس تقلق عليك
كتبتهه ورسلتهه وشهكت عزه هاي اني شكتبت مسحتهه بسرعة شفته دز
🏷️هههههههههه لگ اروح فدوه لليخاف علية تمام منا وجاي ماسويهه ههههه
ضحكت وخجلت بنفس الوقت عزه هاي شسويت هسه شيكول عليهه مارديت ضليت ساكتة شوية ودز
🏷️اخذتي علاج مو شتحسين نفسج
🏷️اي اخذت واحسـن صرتت
🏷️يلا لا تسهرين اني هم راح انامن تصبحيـن علة خيـر نامي واتركي الموبايل مو زين لعيونج
ابتسمـت وكتلة
🏷️تمام انت هم ارتاخ وانت من اهل الخير باي ♥️
🏷️اللة وياج
سديت الموبايل والابتسـامة بحلكي متفاركني غمضـت عيوني ونمت
كعدت الصبح كبعاده نفس الروتيـن راجعت دروسي مره ثانية و سديت الجنطة ضل بس امتحاني خابرت حور كتلهه تعالن نقره يمي واللة مابية اجي
هيه هم ماكالت شي كالت تمام وموچ هم كالت تمام صدك واللـة اجن من ساعه بال2 لان مخلصيـن كلشي وهنه قاريـات بس اني ماقارية
اجن كعدنه سوه وموچ تكلي
موچ: ولج لوشوفين شسوه قحطان بالسياره لعب جولا ويسال هذا منين وشلون. وماضلت غلطة ماغلطهه علية اكلةة الولد بس اجه شاف مريم شبيهه وهو يكلي لادافعين وضل يعيط 😂 ونوب كال هاي شبيهه نوب ليش تخربطت يبوي ثررد براسي ثررد موطبيعي نوب من سمع من ابوح مريضة و ماخذيج للمستشفة تعاي خابريهه شوفيهه شبيهه واخذ موبايلي وال100 مكالمة 😂😂 دگ عليج نوب دگ رصيد ميقتنع 😂 اخ لج اخوية واكع بحبج ومحد مسمي علية ابد
ضليـت اضحك علية وحور كلساع وذابتلهه حجاية 😂
حبيتت اهتمامه بشكل موطبيعي
نهيت موضوع كوه كمنـه نقره سوه چان كيميـاء امتحانه وصعبة تشوووي نـار كمنه نقره شوية وشوية نسولف لمن صار المغرب صاح الاذان وصلينه وبعدهه ماما جابتلنه كيك وعصير شربنة وبدينه نفره كملنه بـ8 كلشي كمـت شفت ماما مسويه كبـاب عروك ونواشف كمـت وديت للبنـات وتعشينه سوه موچ خابرت قحطـان گال بالمركز خلي مصطفى يمر عليچ وبالفعل خابرت مصطفى كللهه ششوية واجيج
موچ:صدك بنات تره عائلة البنية انطو موافقتهم يعني نشاللة صارت مره اخوي 😂
اباوع لحور ابتسمـت وباركتلهه وتسوي نفسهه تلبس بصايتهه حته تروح شفت دموعهه بعيونهه اوف ياحور اوف واللة ماجاي افهمج
شوية وندك البـاب بابا طلع شوية وكال صيحوا لموچ
موچ ودعتنه وراحَت
مريم: ها حور
حور: مابية شي لاتخافين
مريم: اكيد؟
احنه شحجينه كافي ربي يوفق الولد
حور: ههههه للا خاب ربي يوفقه
باوعتلهه وتنهدت وبتسمـت سمعت صوت بابا وهو يكلي
هيمن: مريووومة بدلي حبيبتي خلينه نروح لبيـت عمچ حتة تاخذين الابره
مريم: صـار بابا
لبسـت صايتي وشالي رحت علة ااانستا مكاتبلي شي ياربي كون اشوفة ماعرف ليش بس اريد اشوفة
شوية وكال بابا يلا خلي نطلـع طلعنـه وبالطريق شفت عمو حَسن وضاهر وعمتي طلعو من البيـت
سلمنه عليهم طلعو يردون يررحون لبيـت عمو حسام هماتين شفت بيـت قحطان سيـارتة ماكو صـاير مايجي بليل شسالفة
طبينه سـوه شويـة وعمو حسـام يريد يضربني الابره واني اوخر شلعت كلبة نوب بيبي حطتلي العوده مالتهه وكالتلي واللة اذا ماتكعدين بالعصة اجيج اني خنست ولازمة دشداشة بابا حيل ودموعي تجري كوه ضربتهه
كملت منهه ضلتلي بس وحده اف متت انتقام كوة اضربها
جنه گـاعدين سوه وانصدمـت مَن عمو حجة حچـاية
حسام: اكلك ضاهر بيش ساعه تطلع من الكلية كل يوم
ضاهر: عمي تسخت واللة اطلع بالوقت الي اريده ليش اكو شي
حسام: اي عمي عمار راح انقلة لمدرسة اهليه والبنات ماعرف شلـون ومنو يوصلهن زين احطلهن خط ما نامن عليهن واحنه مرتطبين بدوام كل احنه
ضاهر: اي عمي ليَش لا اني قبل الوحده اطلع نشاللة قبل بساع اوصللهن واخذهن لا تخاف وبالروحة وياي يروحن هايهيه
اباوع لعمار مانطة اي رده فعل بس ليَش انقل جاي احس عمار حيل متاذي يعني لقرب شمس لو شنن واللة ما جاي افهم الي جاي يصير
المهم طلعنه منهم سياره قحطان موجوده اي همزين اهم شي ميضل لهل وقت طالع 😂
رحنه لبيتنة امي وابوية طبوا لغرفتهم اني كمـت شفت ملابسي نضيفه ماما غاسلتهن حضرت جاكيت وكل شي احتاجة ونمـت ع الجرباية
فتحت موبايلي دازلي رسـائل
🏷️شلون صرتي
🏷️شنو وينج اليوم
🏷️صارلي يومين مشايف عيونج الحلوه
🏷️دتعاي بوية شنو نمتي
🏷️ اخ تمـام تصبحين على خير احلام سعيدا
ابتسمـت اني صايره مباشرتا من اشوف شي يخصة ابتسم ودزيتلة
🏷️لا كاعده بَس جنت يم بيـت عمو
وره خمس دقايق رد
🏷️شلون صرتي
🏷️زينة
🏷️اكيد
🏷️اي
🏷️ باجر داومين مو
🏷️انشاللة
🏷️البسي زين
🏷️اوكي
🏷️نامي يلا لا تضليـن كاعده
🏷️تمام تصبح ع خيـر راح انـام
🏷️غطي نفسح زيـن
تصبحين ع خير مع السلامة
🏷️انشاللو انت هم انتبه نفسك
بـاي
🏷️انشاللة
اللة وياج
ابتسمت وخدت نفس كل هل برود بالرسائل وكل هل لهفه بالواقع هههه
نمت واني فرحانه كعدت الصبح ماما تكعدني
كمـت بسرعة غسلت و بدلت ملابسي كالت ماما اليـوم خفاره ابوج ونبـات يم عمج حسن كتلها
ماما ليش يم عمو حسن اريد اروح يم بيت عمو حسام
هيمن: بابا تره نفس الشي ثنينهم عمامج
صح بابا بس اني اعتبر بيت عموحسام بيت جدو وكلحنه نلتم بي وخاصتا بيت عمو حسن يعني من اروح شسوي عاد يم بيت عمو حسام احجي وي حور ونضحك ونسولف
هيمن: تمام بابا براحتكم
ابتسمت اي همزين، كمت بسرعة حطيـت تراك طويـل الي وحطيت موبايلي والشاحنة بعلاكة ونطيتهم لامي
صارت ونص طلعنـة اني وبـابـا وماما كالت خليني اكمل تنضيف واسويلي شي واخذه وياي واروح شعدي مستعجلة
رحنـة دكينه الباب علة ضاهر طلعلنه طبعا ضاهر عنده سيـاره كال يلا كملت بس حور خلي تجي وشوفوا اخت قحطان همين
مرينة اني وابوية ع حور طلعت واللفة بيـدهه ابوية كللهه علكيفج عمي لاتغصين وضحك وراح للدوام كال راخ اتاخر كلتلي عمار راح اجة علية الخط امم موج اذاا درت شراح يكون ردت فعلهه
كتلهه امشي اصعدي بسياره ضاهر عما اصيح موچ
رحت لبيت قحطان واني ارجف دكيت البـاب سمعت صوت مصطفى
صباح الخير ممكن تصيحلي لموچ
مصطفى:صبـاح النور اليوم موچ اني اوصلـهه
ها تمام اترخص لعد
امم هيه هم صعبة عدهم سيارات وميوصلون اختهم بَس هيه المشكلة خطية بالرجعة يلا تجي ويانه بالرجعة رحت لگيـت
حور لسة تاكل باللفة ضاهر طلع لكاهه بنص الشارع وتاكل وشعرهه طالع وحاطة الجنطة بالكاع 😂
اني ضحكت علة منضرهه ورحتلهم
شفته زعك عليهه بالشارع
ضاهر: بنت الاوادام ليش تاكلين بالشاارع وشنو ههذا الشعر نصه طالع
حور واللكمة بحلكهه اشرتله انو تبلعهه ضحكت عبة منضرهه شفته حصرته الضحكة بَس حاول ميبينهه
ضاهر: منو يركض وراج بَس اريد افهم
حور: اهوووو صبحت بوجهك لا هايهيه راح ارسب بالامتحان عمي شبيك حوعانه وانت اجيت وبعدين شعري شمدريني بي يلا وصلنه للمدرسة بسرعة تاخرنة
فتحت الباب مال السياره وصعدت بالصدر
ضاهر باوعلي وكال: لا واللة بس ناقصهه تركب السيـاره وتروح
ضحكت وهو ضحك الطبيعه بحور ماتحب تكعد وره لازم بالصدرر
صعدنه وكالهه: مره ثانيه احترمي نفسج من تحجين وياي مو خدام عدج
قدمت راسهه اله وسدت عيونه وباوعتله هيج 😑
ضحك بصوت عالي
ضاهر: ربي يعقلهم شكلي رراح اعاني هواي هو اني لوماعمي بحالج
حور: اهو استغفراللة لو نمشي مشي احسسلنه مريم ماننزل
ضاهر: اي حتة اشك حلكج
حور :موتايهتلك
ضاهر: تايهتلي ونص
مريم :شبيكم من صبح بس تتناكرون
سكتوا ثنينهم وصلنهه للمدرسة شوية واجت موچ كالت عيب مصطفى گال اني لو بيدي اوصلج دوم بس دوامي ماعرف يمته يعني مرات يردوني من وقـت بالكلية محاضرات وشي والطبعة هم بس بعد الروحة علية
امتحنه واني كوه اكتب لان ايدي اليمين كانولا والمدرسة اساهلت وياية شوية
خلص الدوام بسرعة طلعنه شوية واجة ضاهر وموچ وويانه راحت وطول الطريق يتناكرون هوه وحور صرعوا راسي واللـة
وصلنه واني في سبيل اشوف قحطان بَس سيارته ماهيه اوف
نزلنة اني وموچ وحور سوة
طبينه لبيت عمو وموج راحت لبيتهم نفس الروتيـن صعدت لغرفة حوراء بدلت وفتحـت موبـايلي شفت رسـائل منـة
🏷️اليوم اخر ابره الج اضربيها وراح تصيرين زينة
🏷️انتبهي نفسج زيـن واكلي مو تكطعين 🏷️شهيتج والخديدات يذوبن تمام
🏷️مشتاقلج بالقران صارلي شكد مشايفج
🏷️يلاتهون نشاللة
ابتسمـت ع رسائلة ك العاده وكتببت هلوو
مارد امبيـن طالع بهمه اوشي
اني هم شفت حور كاعده تقره ياشعجب اليوم انبهه ضميرهه الدراسي كعدت ويـاهه قرينة الدروس واتفقنه موچ اليـوم تجي يمنه ونقره
صارت بال4 اندكت البـاب جنه كاعدين بالصالة احنه اجانه عمار كال هاي صديقتجن اجت
شهل اسلوب شبي عمـار لازم موچ تحچي ويـا
طلعت حور وكالت يلا خلنصعد صعدنه وماحجينه بالموضوع هـذا كعدنه نقره للمغرب عفنه الكتـاب كالت موچ وهيه تتـافف
موچ:بنـات شنو مصيرنه واللة مادري وسالفة الموبايل وسالفة النقل وسالفة العدم اهتمام شبي عمار واللة تعبانه وروحي خلصانة
حور: اكلي خر.. كلة من وراج
موچ:اعرف اعرف وندمانه هواية
مريم: االفات مات كافي بنات كومن خلي نجدد ونصلي لان صاح الاذان
كمنه صلينه ورچعـنة نقره نفس الروتيـن صار كلشي مصـار غيره قحطان ماتراسلت ويـا ابد مصارتلي فرصة بَس ذازلي رسائل بـليل
🏷️نامي من وقت تصبحين ع خيرر
مم مدري شبي هذا اني هم كتله وانت من اهلو ونمت الصبـح كعدنه بدلت ملابسي وحور هم تريكنة
سمعنه هورن سيـاره ضاهر طلعنه كالعاده ماشفت قحطان احس روحي طكت
عرك حور و ضاهر مستمر فاره وبزون
خلص الدوام واجة ضاهر علينه اخذنه كلنه وهم ماشفت قحطان سيارته موهنـا حسيت نفسي زهكت وكمت بس اتاففف يربي هذا شبي هل اياام
وصلت لبيتنة ضاهـر وصلني شفت جيرانة هم واكف ومتـكا ع سيارتة ويباوع من شاف ضاهر سلم علية و دخل للبيت
فتح بابا الباب وطبيـت وضاهر راح لبيتهم
كلت لامي ماشتهي لان صدك زهكانه صارلي شكد مشايفته اليـوم نروح لموچ اكيد اشوفة يعني شفته دازلي رساله بـ10 صبح كاتب بيهه
🏷️مشتاقلج
ماعرف شرد عليـة دزيتله 🙂💔
لان صدك يمثل حالتي ابد مارد ضليت منتضره مارد كمت بدلت وغسلت ملابسي و بديت اقره بالدروس وهو ميرد خليت الموبايل صامت وكمت اقره لان ضجت حَيل
صـارت بال4 اف مابية حَيل اروح واللة فتحت موبايلي شفته كاتبلي بـ3
🏷️شبيچ
هه زحم روحة خطية
🏷️مابية شي زحمت روححك هه
سديـت الموبايل وبدلت لبست صاية وكلت لامي اريد اروح كالت هسه يكعد ابوج يوديج
صدك واللة شوية وكعد بابا رحت لحور رحنالهه سوه
سيارته ماموجوده باب البيت ياربي صدك يحجي وين ههذاا هل ايااام شبي اريد افهم اففف تنهدت شوية وفتحتلنة الباب موچ
طبينه يمهه ونفس الروتين ماجبنه طاري اي احد من 4 ل10 وقحطان ماجاي للبيـت
اجه عمار اخدنه وقحطان ماكو شسالفتة سمعت خالتي تكول عنده شغل بالمركز
افففف شينهاي عمار كال اهلج يمنه فرحنه يمهم عمو ضربني اخر ابره وشلت الكانولا همزين خلصت منهه
ضلينه يمهم ل11 ونص يلا طلعنه
شفت سياره قحطان بالباب والباب ستوه نسد خرب حضي اضنه ستوه اجه يلا شسوي شبيج مريم عليمن قاهره روحج هيج اففففف
نمشي الطريق واضرب بالحجار صرت نفس عمـار ههههه
وصلنه لبيتنة طبينه شفـت مدازلي ولا رسالة اف اني نعسانه وتعبـانه بس مشتاقتلة
مدري شلون دزيتله رسالة كتبلتة بيـهه
🏷️اف شسالفة وينك
انتضرتة نص ساعه مـاكو خليت ونمت خلي ع راحتة
كعذت الصبح نفس الروتيـن ماكو اي تغيـير وقحطان ماشوفة ابـد مر يوميـن ع هل حال لا اني اشوفة ولاهو يشوفني
ومن شاف الرسالة كتبلي واللة مشغول بشكل طمنيني شلونج شخبارج اني هم ع كد الرد ويـا شلونج شخبارج هايهيهه منحجي زايـد
بَس شنو احس كلبي طافح علية واللـة مشتاقتلة
يوم الثلاثـاء كاعـدين العصرية اني وبـابا وماما اندگـت البـاب شفتهه مرية ماعرفهه
سلمت عليهه كالتلي هنا امج كتلها اي خالة تفضلي
طببـت المرية للبيـت طببتهه للاستقبال بابا جان بغرفته صحت لامي اجتي
كعدت وي المرية ومبينة امي هم متعرفهـا ابوية اشرلي كالي منو كتله ماعرف بابا
رحـت جبتلهه مي للمره وهذا الحجي انيي القلم بيدي وبس اريد اروح اقره 😂
قدمت مي للمـره ورحـت سمعت صوتهه
وين رايحة يمة تعاي اكعدي يمي
باوعت لامي باستغراب وباوعتلهه ابتسمت مجاملة ورحـت كعدت يمهه ع الطخم
شوية وحجت حجي خلتني ابلعم اباوع لامي صافنه وتباوعلي واني نفس حالتهه كمنه وحده تبـاوع للثانية وصافننيـن 😂
يتبع
و أڪَــول اكدر !
واذا جت ؏ـيني بعيونه اضيع أڪــثر ..!
#الضابط_والجميلة -
#البـارت الثاني عـشر
للكـاتبةه : ࢪَ࣪يࢪَ࣪فـون ♥️
_
التصـويتـات التصويتـات فدوه لكلبكم ۅٰ الـنشرر بيـن يوم ويـوم دانشـر
_
يوم الثلاثـاء كاعـدين العصرية اني وبـابا وماما اندگـت البـاب شفتهه مرية ماعرفهه
سلمت عليهه كالتلي هنا امج كتلها اي خالة تفضلي
طببـت المرية للبيـت طببتهه للاستقبال بابا جان بغرفته صحت لامي اجتي
كعدت وي المرية ومبينة امي هم متعرفهـا ابوية اشرلي كالي منو كتله ماعرف بابا
رحـت جبتلهه مي للمره وهذا الحجي انيي القلم بيدي وبس اريد اروح اقره 😂
قدمت مي للمـره ورحـت سمعت صوتهه
وين رايحة يمة تعاي اكعدي يمي
باوعت لامي باستغراب وباوعتلهه ابتسمت مجاملة ورحـت كعدت يمهه ع الطخم
شوية وحجت حجي خلتني ابلعم اباوع لامي صافنه وتباوعلي واني نفس حالتهه كمنه وحده تبـاوع للثانية وصافننيـن 😂
كالت وهيه تباوعلي وتمسد علة شعري: اللهم صلي على محمد وال محمد
باوعت لامي وايدهه ع شعري: خية اني جايتج بطلب اريد اطلب ايد بنيتج لابني على سنه للة ورسولـه الولـد بالكليـة جاي يدرس ومال وجمال واخلاق واحنه جاينكم مَن البـاب ونشـااللة ماتردونـة
اباوعلهه هاي مـن كل وعقلهه بعَدين شجابهه علية وشمعرفهه بيـة
بساعتها طارت مَن بالي سالفة هالولد اباوع لامي مثل لمصدومة يا هاي شبيهه امي شنو ششايفتني بايره ومحد يخطبني ضحكت بكلبي علة كلامي 😂
ام مريم: حبيبتي النه الشرف واللـه بَس البنيه بعدهي تدرس وانريدهه تكمل وبعدهي صغيره
بعدهي كالت المرية: خية احنه نخليها تكمل دراسة وحتة كلية تكملهه و بيتهه وحدهي خليها للبنيه ماطول اجاهه ابن الحلال لا توكفين بوجه قسمتها
ام مريم: لا حبيبتي اني ما اوكف بوچـه المريـه بس هاي بتنه الوحيده وابوها مستحيل يطيهه هسه ماتشوفين نسبه الطلاق ليـش زاد بسبب العمر ومريم بعدهي صغيره
المرية: خية البنيه الي معدلة تبقة معدلة كبل نزوج كلة 14 و 15 وتربينه علة ايد عماتنه وهل هسه كونه نفسنه هسه انتي شوفي رد ابوهه واللة كريم
امي ماحبت اتطوخ ويـاهه كالتلهه اللـه كريم كلتلي كومي جيبي شي ردت اكوم كالت لا واللة ماكدر بيتي ومدري شنو راحـت المره امي حجت لابوية ابوية رفض ،رفض قاطع وهو اكيد
اصلا لو تضل ع بابا يكيف يخليني يمه ههههه فدوه اصلا اني ماريد ولتمفكره ازوج ومن منو من شخص ماعرفه هههه مستحيل
سدينـه القصة ونسينـاهه كالت باجر اجي وردولي الخبـر هاي تحجي عشره بالشهر واللـه
كمـت درست شوية مالي واهس فتحت موبـايلي
ما لكيت ولا مراسلة منـه خلي براحتـة ضار المغرب اشتهيت اطبخ اني كمـت سويـت نواشف فنكر بتيته وطماطة و كبـاب عروگ ومعكرونـا
رحنه صلينـه وكعدنه نسولف كل احنه ابوية جاب طاري للشخـص الي ساجنه نفسهم الهددونه كال بـابـا اسمة مؤيد
يكول بابا مستهتر ع الاخر الفاضة وحجية حته داخـل السجن ويعد ويصف ويكول الة اخذ حقي منكم واحد واحد اني خفـت الصراحة امي ضلـت تنبه ابوية وتتكلة ديربالك وكلشي يسوون ذولا
وابوية يكلها القانون فوگ الكل ربي يعديها ع خيـر كمـت اقره شوية صارت السـاعه بـ9 بدون ما احس
كمـت بسرعة صبينه عشـة وكعدنه ناكل بابا كال تعبـان مابية حيل اطلع اليـوم اشوف ابوي
فعلا خطية بابا صارت بالـ10 راح لغرفته ينـام اني ضليت بالصالة اقره امي نضفت البيت وراحت ورا
شفت الساعه بـ 12 اوو هواية تاخرت كمت حضرت جنطتي ملابسي مغسولة اجيـت ع الموبايل شفته دازلي
🏷️تدرين مشتاقلج
ابتسمت ع الرسالة شفتهه قبل 5د
🏷️امم شلونك
🏷️بخير انتي شلونچ
🏷️زينة اني الحمدللة
🏷️اريد اشوفج باجر
🏷️امم تره انت المتنشاف هل ايام اني موجوده
شوية ودزلي بصمة احس كلبي هيج كام يدك بسرعة فتحت البصمة چان بالبداية يضحگ بيـهه ويكول
ههههههههه لا واللـة بس لان شغل والشغل نفض هسة مشتاك لشوفة عيونچ بـاچر اريد اشوفچ يابه
🏷️تمـام ههه
شوية ودزلي بصمه
اذا رسائلي اضايقج او متضايقج ماعوفهه تره خليهه بالج لان هالشي موبكيفي اوكي
شفته وي كل رساله ياخذ نفس اركيلة كتلة
🏷️ليَش ملتعوف الاركيلة هاي تره موزين عليك
هم دز بصمه
هههههههههه ليَش صحتي تهمچ
احتاريت شدزلة ضليت صافنه بالمحادثة وابتسامتي ع وجهي كتلة
🏷️صحتي تهمك
دزلي بصمه: اذا مو صحة مريم تهمني، تهمني صحتمن؟
🏷️لعد اني هم
🏷️انتي شنو
🏷️ههههه ماكو شي حنـام تصبح ع خير
دز بصمة: تمام بوية وانتي من اهل الخير اتغضي زين احلام سعيدا
اتنفسـت بقوه وابتسمـت وغمضـت عيوني واني افكر بي ونمـت
كعدت مَن الصبـح ع صوت المنبه موقته بـ5:30 اريد اقـره
فتحت موبايلي مبـاشرتـا الة
شفته دازلي بـ3 ضبط شعر غزل الشعـر چان يخبـل يحجي عن جمـال لعيون ابتسمـت بَس بنفس الوقت عقجت حواجبي وراسـا كتبتلة
🏷️شسوي كاعد لـ3 😑
صبـاح الخيـر
شفته مارد اكيد نايم كعدت اقرا بس بالي يمة شعده كاعد شيسوي معقولة صرت اغار عليه ههه اكيد هسه الخاص مليان معجبات
رجعـت اقره واراجع بالمـاده صـارت بـ6ونص كمـت بدلت ملابسي شفت بالكنتور جاكيـت رصاصي وبيـهه ااسود سبورت عنـدي ولا لابسته هـذا اشكم مره بس خل البسـه
لبستـه فوگ ملابَسي لبسـت شال رصاصي شلت جنطتي وطلعـت كعدنه نتريك سوى
كملـت ورحت جبت فوني لكيته كاتبلي
🏷️ماجاني نوم لَيش مجعنصه وجهج هههههههههه منتضرج يلة ميت نعاس بس علمودج راح اطلع اخ لج تالي عمري هيج تخليني جني مراهق خرب بعيونج السطرني
ضحكت ع رسالته امي كالتلي ضحكينه وياج ارتبكت كتلهه
ها لا هاي حور ضحكتني
شوية وابوية كال يبة بابا خل نطلع
طلعنه اني وبـابـا وكلبي يدگ الف دكة تجذب اذاا اكول ممشتاقتلة
احس نفسي تعودت علية ههههه
بودي اشوفة شفتـه مـن بعـيد واكف وبيـده موبـايله واكف يم السيـاره لابس زي رسمي
باوعتله افيـششش واخير شفته ضحكت حيل باوعلي ابوية كلي صوتج شبيج اليوم مخبلة سكتت بَس كلبي يكمز مَن الفرح
ابوية شغـل سيارته وكال يلا اصعدي
صعدت ويـا بالسيـاره رحنه وكفنـه يم بيـت عمو حسـن ، ضاهر ماطالع بَس سيارته موچـوده
نزلنه اني وابوية اچت انضـاره النه ضحك ضحكته الي شلت احوالي بساعتهه دنكت بسرعة وهو تقدم لابوية وابوية كذالك
سلم ع ابوية ويضحك ويباوعلة يربي شهضحكة اني اباوعلة وارجع ادنگ
وين يريد يروح مَن صبـح
گلي بـابـا
هيمن: بابا مريم دگي باب عمچ شوفي ضاهر حتة اذاا هاي اني اوصلچن
باوعتله وكتلة اي بابا
اتقدمـت دكيـت باب عمـو حَسـن شوية وطلـع عمَـو سلم عليهم هـم
وگال هسه اكعده اليـوم كال عدي محاضرات بـ10 يبدن
هيمن: لا لا عوفة خوية اني هسه اوصل البنـات
حسن:لا ابو مريم هسه اكعده روح لدواممك لا تتاخـر
هيمن: لاخوية هسه اوصللهن اني
قحطان: اني اوصلهن ابو مريم راح اوصل اختي وبطريقي اخذهن وياي امشي للمركز لا تتـاخـر
ابو مريم: انزحمك يـابه اني اوصلهن هسه
قحطان: افه عليك ابو مريـم مابينه هالسـوالف اتوكـل لشغلك
ابو مريم: ونعم منك واللة يلا بابا صيحي لبت عمج بسرعة
الحلو بالموضوع الي صـار كليوم واحد بينه يـاخذنه يعني صرنه مثل العائلة الوحـده والي فارغ ياخذنه ههههه
رحـت لحور دكيـت البـاب طلعت بوجهي راسـا
حور: ستوني جاي اطلع صباح الخير
مريم: هلا كلبي صباح النور امشي كدامي كلبي راح يوكف قحطان حيوصلنه
حور: هلا هلا حبيب الككلب اليووم يووصلنه
حجتهه بصوت عالي حطيت ايدي علة حلكها عزه فضحتنه المنعولة
بيت عمو بيتهم وداير مداير حديقة مسيجة طلعنه من الحديقة شفت بابا رايح وعمو حسن طاب وقحطـان كـاعد بالسيـاره ومشغلـهه
مشينـه اني وحور واني مرتبكة شكد جنت امنيتي اشوفة بس هسه مدري شبيـه 😂💔
حـور فتحـت السيـاره صعـدت اني ونـوب صعـدت هيـه
شفته يكلب بالموبـايل كـال
قحطان: خرب ماجاي ترد بلا زحمـه خوية ماتنزلين تصيحيهه
حور: مـاشي خوية هسه اصيحلهه
نزلت حـور و اني مدنكة ومرتبكة
قحطـان: تره تعبتي عيوني كافي تحلين زياده
ابتسمـت بخفة واني مدنكة والعب باصابيعي
قحطان: مشتاقـلچ لا تحرميني مـن هالوچه
بَس كتلك انت الي مشغول هل فتره اني موجوده
قحطان: وربچ شغل فوگ راسي هل ايام وكلساع مهمه ووحده اتعس من الثانيه حتة لعبت نفسي
اممممم
رفعت راسي باوعلي اجت عيني بعينه باوعلي وابتسم ابتسمـت بخفة ونزلت راسي ابسـرعة
ضحگ ضحكة عاليـة شفت البنـات اچن يبوي درت وجهي للمراية واحس ابتسامته خردلـت احوالي
اجت موچ وصبحت عليهه اخذنه للمدرسنـة كال انتبهو علة نفسكم وراح
نزلنه نفس الروتين اجه علينه ضـاههر اخذنه للبيـت
طبيت للبيـت اكلت وراسـا نمت تعبـانه خلصنه امتحـانات همـزين مرت ع خيـر بعـد ماعدنه متحـان
كعدت المغرب لكيت الاذان صايح اوو شكد مخليني نايمة
كمت لكيت امي وابوية كاعدين
سلمت عليهم ورحت اجددت وصليـت جبت كتبي كعدت يمهم ماعدنه دروس هواية باجر
قريتهن وكملـت كمت ع الموبـايل شفته مراسل فتحـت الرسائل جاوبت علية بسرعة رد صرنه نحجي
احس علاقتنه شوية اطورت جازت مرحلة السلام والرسميـات صار يحجي وينكت يخليني اضحك
كعدنه نحجي بالساعتيـن شوية وبابا كال كوموا خلينه نروح لبيـت حسام نشوف ابوي وامي
اترخصت منه گال
قحطان: راح اطلع انتضركم صرت كاطع طريق من وراج
ضحكت علة رسالته ورحـت لبسـت صاية فوك ملابسي عزه صرت جني بطريق 😂😂
التراك شتوي وفوكة الصاية عريضة شديت الحزام ولبسـت شالي شلون ماجان وطلعت
شفت امي وابوية مخلصين وطالعيـن عزه الدنيـا بارررده حيل
لبست حذائي وطلعت وراهم يبوي كلش بارده ضليـت ارچف
صرت بين امي وابوية بردانه هههه
شفته مـن بعيد ماكو اممم وينه مو كالي منتضرج شوية وشفته طلع ولابس نص ردان
عزه اني ميته برد وهـذا لابس نص ردان
يمة شوية وشفت فتح الجداحة وفتح جكاره وحطهه بحلكة
انتبهلنـه باوع لاتچـاهنه الشارع اضلـم وني بـردانه كمت اكمز برد 😂😭
وصلنـه الة اني صرت وره امي
سلم ع ابوية وعلة امي ويكللهم ابو وام مرويمة 🥺 يبوي ذبت ع هل كلمة
اترخص ابوية منا ومشة ومشت امي ورا
مشيت ودرت وجهي باوعلي والضحكـه بحلكة وغمزلي
عزه هههههه يمة واللة بيذج الساعه لو مگلين بيضة ع راسي جان البيضة اتگلـت 😂
رحنه لبيـت چدو نسولف ونحچي فتح ابوية موضوع هـذا اوو خرب ليَش بابا
بس الي صدمني بالموضوع من كالت امي اليوم هم اجت وطيتهه رفض تام
عمامي كذالك ايدو بابا وحور تصنف وتكلي واللة وكت ماضل واحد ماحط عينه عليهه
واني اريد اسكتهه وهيه ولا تسكت
شوية ودزلي قحطـان
🏷️يمتة تطلعـون
🏷️مـادري
🏷️چا اني طالع
🏷️تمام بَس البس يعني عليش هيج لابس نص ردان بهالبرد
🏷️جسمي حار شسوي ما برادن هههه المهم ع سالفه الحزام غلست لان الخصر رايح صايرن دبه بالملابس هههههههههه مو تنامين انتضريني قبل 12 اني جاي اليوم نمتي هواي ماتنامين
🏷️هههه اوكي منتضره اصلا اليوم هواية نمـت
🏷️تمام بوية ضمي شعرج زين لاتخلي يطلع يلا في امان اللة
🏷️انتبـه النفسك وامانه البس زيـن اللة ويـاك
شفته مارد الضاهر طلـع مستعجل ممم
ضحكت علية مره ثانيه من كال دبة
احنه هم اخذنالنه شوية وطلعنه مابقة بس باجر خميس
وصلت للبيـت منعسة بس كلت لا لازم ابقة قحطان وصاني
كمت رتبت اموري لباجر واجيت ع الجربايـة سديت الضوه صارت ب12 ونص وينه
دزيتله رسالة كتلة وينك
شوية وراسلني كلي ابدل واجي
هذا وين يطلع بليل شوية واجة كال طلعت يم صديقي محمد ضلينه نحچي سوه عن تفـاصيل حياتنه اكتشفت انو ورآ هل قسـاوه طيبة كلب جبيره
ضلينه نحچي ل2 نعست نمت واني احجي ويا كعدت الصبح فتحت الموبايل لكيت رسائلة الي طيرن كلبي ههههه
🏷️ ههههه وينچ
🏷️ شنو نمتي
🏷️ اروح فدوه للنـايم
🏷️ ههههههه تغطي زين يادجاجة
🏷️ حتة ماكالتلي راح انام شيني هاي بوية
🏷️ يلا بنيتي تصبحين ع خيـر
🏷️ واللة لو تدري موچ اكلج بنيتي ههههه
🏷️ احلام سعيـدا وحلوه نفس عيونچ
🏷️تكعدين الصبـح ابن عمچ يوصلكم اني اطلع مـن ال6 باچر عنـدي شغلة
🏷️لبس منا منا ماريد تمام شعرچ ضمي زين ادفي زيـن
🏷️ نوم العافية
ابتسمـت علة رسائلة وكعدت افكر شكتبلة اممم
🏷️صبـاح الخير اسفة واللة نمت واني احاجيك امممم ليَش من 6 تطلع تمام انتبه لنفسك والبس زين
كتبتلة ورحت لبسـت ملابسي ومثل روتين العاده بَس هل يوم ماشفته
صرت احب اشوفة كل يوم واللـة حبيت اهتمامه الي يشوفني يكول حبته لان حلو لان مرتب لان فلوس ومكانه
بَس اني ماحبيـت غير ضحكته واهتمامه هالشي خلاني اطير بحبه
ماجنت اعرف غلط الداسوي لا ، مرات تجيني افكار اني شجاي اسوي داخون اهلي زين هو مزوج يجوز يريد مرتة ترچعلة اوف
واللـة ماعرف شي اني ماريد شي بس اخ ياهتمامه
البـشر يصير عاچر كدام هالشي اني صرت واكعة بين نارين بين نار اهلي وبين نـاره
خليتهه علة اللـة بعد ماعرف الجاي اسوي شنو نتائجة بس هايهيه
ماعرف شديصير وياية بس راح امشي ويا ع اي حال هههه
الروتيـن نفسة مال الدوام اجي من دوام لو انام او نحجي اني وقحطان
صار يتحكم بيـه بهواية امور لا تلبسين هيج ولاتضحكين بالشارع ولا ولا
مرات اضوچ ومرات افرح شعور مختلط
جان كلشي يكليا بالتفاهم ويفهمنيـا ومـا يحجي بنتر ويجبر
بَس دائما يهددني اذا لبستي شي مايعجبني وين ماجنتي قسما بالله لوما اهلج اخذج واشككهن عليج الملابس 😂
مرت الايـام ويوم اشوفة يوم لا العلاقة تجنن بينـه صارت شلون الاصدقاء
ماعرف هو شيعتبرني بَس اني اعتبرته كلشي
بس ابد ماصولت يكلي احبج او شي لا ابـد
تعودنه نحجي داااائما يكلي بتفاصيل حياته كلهه شسوه شلبس شاكل
مرات يدزلي صوره ويكلي شانشر واني اضوج واكلة لاتنشر مو احسن ههههه جنت اغار اي اعترف جنت اغار
بس هو دائما جان يراضيني ويضحكني وميخليني انام زعلانه ابد مريم كومي اكلي كومي نضفي وي امج
كل هل تفاصيل جان يهتم بيـهن
جنت دائما نحجي اني ويـا بليل واسويهه وانام
يكلي الدجاجججة 😂
مرات يعصبب لان يجي يريد يحاجيني واني انام ومرات لا واللة اكعد الكي كومة بصمات مليانه جمال
يكلي مابيه حيل اكتب اغلب شي بصمات يدز واني رسائل
من اغار بس ماكول اغار بس ابين من اسلوبي
صرت اغار من ينشر ويعلقله بنات وغزل جانوا نصهم يسموا الشيخ
كتلة مره لاترتب نفسك بعد جان يدزلي صور غرفته وهيه وصخه واني اضحك يكلي واللة اني كلشش مبهذل بس شكل لا يغرج
هل ايام جانن يخبلن علينه بالاسبوع اكتمل واحنه هاي علاقتنه
يوم من الايـام العصـر كاعدين
و الباب اندكت
بابا كام يشوف منو احنه جنه كاعدين بالمطبخ
شوية وسمعت صوت زلم هاي شنو امي كلتلي بسرعة سدي باب المطبخ
اني هم سديت باب المطبخ شفت من الجامة مال المطبخ كومةة زلم طبو وكلهم معكليـن
هاي شعدهم اني وامي ماندري شجاي يصير
نسينه سالفة الخطبة
شويـة واچة ابوية كال بسرعة خابري حور خلي عمچ يجي وسولنه چاي
ام مريم: شكو هيمن
هيمن:علمي علمچ بس هذولا جيرانه الولد وابو الي كبالنه موهمه خطبوا مريم اجو وياهم ذولا النـاس
شهكت من سمعت بابا حجة هيج عززه هذولا شعدهم جايين
ابوية اشرلي :اشش خابري عمج خل يجي
اني رحت مسطوره خرب واللة اذا دره قحطان رحتي بيهه مريم
كمت اجيب هذا احطه علة هذا خرب حضي يربي خابرت حور كتلها خليجي عمو واحمـد ويسون روحهم مايدرون هنا احد
وخابرت عمو حسن ماخليت واحد وراي 😂
عود صدك احجي اني كمت اكمز حسيت انو السالفة حقيقه يعني اني موبحلم عزززه
كمزت لامي للمطبخ واكلهه
ماما لا ياااثرون بباباااا حبابة لا ينطيني
ام مريم وهيه تسوي جاي: ماما هيه لعبه جهال شنو قـابل لا تخافين مايصير شي
ضليت متوتره شوية وطبو عمامي اچة احمـد للمطبخ
احمد: مريم هذا وين شايفچ هم حاجي وياج ليش هيج يلح
مريم: لاتزيدهه عليه اني شمدريني اصلا حتة ماعرفه شنو هيـه
احمد: واللة ياعمه ولا رتاحيت ل لحه هل ولد
اخذ الجاي وطلع
يااا عشتو انوب هـذا العاقل هيج يحجي
شوية وشفـت رسائل من قحطان
حتة ماكدرت افتح شوية وسمعتهم طلعـوا
ضلو عمامي بالاستقـبال
امي طبت وكالتلي تعاي طبي ولاصيرين جبانه وحتلا ممسوية شي تبين عاشكتة للولد
اني هم ماكلت شي قابل شنو اني صدك راسـا طبيت سلمت ع عمامي وكعدت يمهم
ابوية كال اني ماكتلهم شي كتلهم المره الاولة لحوا المره الثانيه ماكدرت اكلهم لا وهمه خوش ناس كتلهم اخذ شور البنيه
مريم. :شنو هيه بابا تره اكيد رفض
هيمن: اي يابة اكيد رفض بس قابل اهين ناس جايتلي ومتعنيتلي
اني اردلهم الرفض
بَس ليش هيج لح بالسالفة واحنه طيناهم الرفض
اني توترت شكلهم هسه واللة ماعرف كتله
بابا تره واللـة اني الولد حته ماعرفة ولا حاجية ويا بكلمة صدكني
هيمن: اعرف بابا
حسام: عمي بعد كبرتي وصارت تجينه الخطابة عليچ
ابتسمت لعمو بجاملة وكمت احس نفسي ختنكت يو طلعت شميـت نفس بالطارمة
يارب يخلص هسالفة ع خيـر وكون ماتوصل لقحطـان ابـد
شوية وطلعـوا عمامي ماقبلوا يضلون ع العشة اني هم لتهيت وماشفت الموبـايل بعـد
وره المغرب احجي وي نفسي كون ماتوصل السالفة لقحطـان جنت خايفة حتة افتح الموبايل لان السالفة ماتنضم بوجود حور
جنت احجي هل حجي بَس ماجنت اعرف اكو ثنين جاي يتخـابرن
هله منيه ومنيه الشرقية والعراقية حور وموچ
رحـت لموبايلي لكيتـه محتـرگ بالرسائل والمكالمـات
اول شي كاتبلي
🏷️شهل سيارات الي يم بيتكم شكو
وكاتب وينج شكو وكومة رسائل
ورا سـاعه بده الترزل والعصبية يبووووويي وكلةةة بصمـات
والي ررررسائل ويحجي عصبي وسحگ
ماقرريت بس شفـت الحجي مبين بعصبيه راسـا خابرت حور
حور :هله واللة بست مريم الخابصين الدنيا عليهه
كتلهها ولچ حاچية لموچ شي
حور :ها اي هيه خابرتني وكلتلي شو مريم ماكو و بابهم يكول قحطان يمهم سيارات واني حجيتلها
هيه كالت هيج اني شهكت
طيح اللة حضج ياحور امشي امشي لا بارك اللة بيج
حور : شكو ولج
مريم: بعدين اسولفلج باي
سديـت الاتصال ورحت المحادثتة
بالفتره الاخيره كال الانستـا يعلگ مرات خلينه نتراسل ع الواتساب وفعلا صـار رقمي يمه
بَس شنـو ماكلككم بالميتتت رسااالة وبصمه ورساائل هم واتساب وهم انستـكرام
جانن البصمات كومة بس بهالمحتوى
لچ بسسس كليلي هههلللل خايسسس خطبج ووومننن اطيتووو الررررفضضض ليشششش ماجنت اااادررري هاااا ليَششش ماكتيلي بالسالللفةةة ززززينننن مننننننن رفضتوووووو ومرتيـننننن ليَشششششش هسههه ررررجع ليشش اررريد اعرررف
لجججج لااااايكونننن مسووولف وياججج اخخخخخ ذااااك اليووووووم الي مننن تخرررربطتي وكفففف يمج اااابننننن الخخخ..ه متتتتابعججج ومراقبج
بسطططة اللللةة اراوي نجوم الضههههررر شررراح اسوووون هااااا لججج لاتتتتكليلي توافقووون
بالعععباااس بانزين واحركم كلكممم فاهمه اسمعيني زين مريممممم رفضضضض قاااطع ترررفضين خووش
لااتشوفين الوووجة الللثاني اللقحططان احتررركتتتت خرررب
ينعععععل عشيرتتتتكمم لجج بالقرران اذااا سمعت حجي منا منا ادفنج
تطووون الرفض القاطع خوششش
زينننن هسههه انتي ويننن اررريد افهم
مريممم لاتحركيني تجينننن لا بالقران هسه اجي لبيتكم
خلاللل خممسس دقايق اذاااا ماتجين قسممم بالقرررران اجي لبيتكم ولاحجي حجي وي ابوچ
لججج كليلي محاجيج شي كايلچ
يمة كككومة بصمات واتصالات يربي لا يسويهه ويجي دزيتله حرف واقره وارچف ونبي خوفني شبي هذا اني شعلية
ويحجي بعصبيه ويضرب بمدري شنوو
🏷️اششش ولاكلمة بسرعة تردين ع الاتصال
اني كمت ابلعم دك علية اترددت ارد علية
طفة الاتصال ورد خابر
هل حجي اني شفت بس الواتساب يعني ماشفت رزايل الانستا 😂💔
🏷️ماتررردين مو تحضرري بوية كومي افتحيلي الباب جاي القران
يمةةةة يسويهه والنبي خابرته بسررعة رد
قحطان: هلاااا هلاااا والللة لج احجيلي لان رراح انفجر بالعباس احجيلي هذااا هم حاجي شي وياج كليلي
قحط ا ن بس اسمعني
قحطان: احججي عدددل اسمعج اسمعج احجي يلاااااااا لااا والنبي اجي ادفنكم ثنينكم
قحططان صدددك تحجي جاي تحجي وكانما اني مسويه علاقة وياااااا
حجيت هيج وزعك بيةةة بصوت عالي
قحطان: اشش لج شهههل حجاية غيررر ادفنة قسم بالقررران
نزلت دموعي علة نتره وحجية يعني شهل عصبية الي مالهه داعي اني مامسوية شي
سديت الاتصال راسـا وكتبتلة
🏷️لاتخابر خل اكتبلك رسائل واروح
شفته خابر رفضته راسا
🏷️كتلك خليني احجي وياك واروح
هالحجي اني دموعي تجري واكتب والكيبورد كلساع معلگ مدري امسح دموعي مدري الكيبورد
كتبتلة رسالة طويلة اني اكتب وهو كلساع ودز لو يخابر وهالحجي ادموعي تنزل واكتبلة كلش هضمني
🏷️ قحطـان اني من احجي وياك واراسلك لا عبالك اني هيج تربيتي تره واللة ماعرف ليَش كمت احجي وياك ويشهد اللة اول مره احجي وي ولد هيج بس انت طوختها وياي قحطان جان لازم تفهم الي صاار واني وداعت امي وداعت ابوي ياقحطان الي ماعنـدي اغلة منهم بشي انشاللة اموت اذا احجي جذب وربي وربي يااقحطـان كل السالفة انو جنت اشوفة ومن بعيد مره مرتين والولد ماسوه ولاحجة اي شي بس من تخربطت كال لموچ وحور خوية بيهه شي وهايهيه واسال البنات ها وكلي كومي عن الشمس موزينة عليج اني شمدريني راح هيج يسوي شذنبي تجي هيج تعيط علية وتبجيني تره واللة موبيدي هل شي هو وحده واصلا ابوية كال اكيد الرفض انطي ف انت ماجان لازم تحجي هيج ولا عبالك احجي وياك حسبالك وي الكل اني هيج يجوز اجاوزت حدودي اخذ راحتـك خوية تصبح ع خيـر اترخص باي
دزيتلة هالرسالة راساا قراهه دقيقتيـن وكال
قحطان: هه خل اراويج اخوج منو اتحضري جايكم اني
عفت الموبـايل وكمـت ابجي يعني بس اريد اعرف اني شدخلني شعلية شنو ذنبي وهيج يعيط علية شسويـت
شوية وسمعـت دكت البـاب هل حجي جانت الساعه بـ8 تقريبـا
مسحت دموعي وكمـت عزه يعني معقولة سواهه واچة شراح يكل لابوي
مسحت دموعي وكمت شفت امي بالمطبخ وابوية طلع
كتلها منو كالت مادري باوعت من الجامة قحطان
احس جسمي رجف دخيلك ربي هـذا صدك سواهه
شفت ابوية سلم علية وطببـة للاستقبـال
امي كلتلي منو كتلها قحطـان
رحت لغرفتي بسرعة راسلته اعرف عنده نت مجاني
🏷️قحطان حباب شررراح تكلة
🏷️قحطان عوف ابوية بداعتي لاتكلة شي
خابرت علية مايرد اخر شي طفة النت راح منه لا يررربي
بجاه ام البنين مايسوي شي رحت لامي بسرعة كالت اذا هاي سويلهم جاي اني خل اطب للغرفة
ضليت بالمطبخ وكلبي يدگ سريع
واندعي ياررربي مايصيرر شي وميحجي شي
طلعت من المطبخ رحت للاستقبـال سمعت الحجي واضح
اني دموعي تنـزل نخيـت ام البنيـن مايصير شي عمي واللة موحمل مشاكل اني
شوية وسمعت حجي قحطان بيـن الصدمة بيـن الاضحك ع حجية بين الانصـدم منه
شنووو توقعاتكم ❤️
يتبع
گالتلي شتسوي ؟
گتلهة ماادري !
ما شايف أنه ثلج
من ينگرص يچوي !
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: