#الضابط_والجميلة -
#البـارت التـاسع
#للكـاتبةه : ࢪَ࣪يࢪَ࣪فـون ♥️
_
اني بلعمـت سمعـت سياره وراية تمشي علكيف التفت شفته هذا غمزلي وضحك عزه هذا شيريد مني يربي ساعه وشافه قحطان خرب حضي
دنكت ومشيـت يم الحايط وههذا وراي بسيارته وفاتح الجامة الي يمي ويباوعلي ويسمعني حچي
قحطـان راح يفتح باب البيت بس شافني ضل واكف
ماحجي عن الشعور حسيـت نفسي امشي علة سجاجين كوه رجلية ييعنني امشي اباوع لهذا مايشوف قحطان لان صاير قحطان وره سياره وسيـارتة عالية ومن بعيد مامبين وهو يمشي بسيارتة بنص
بس اني امشي بالطرف وقربت اشوفـة
شفت قحطـان تقدم ويمشي بسرعة وهـذا ماشافة راسـا شمر ورقة الي اني شههكت ومشيـت بسرعة
قحطـان شافة اني دنكت وكمـت ادعي
دخيلك ياربي لاهايهيه راح انفضح هنانه دخيلك ربي يمة
سمعت صوت قحطان وهو يزعك بوجه الولد
رفعت راسي شفت قحطـان واكف كبال السياره ويخزر الولد
اني اريد اتحرك ماكو اصنمت لاكدر ارجع لبيت عمو حسن ولااكدر اكمل طريقي لبيت عمو حسام
حسيـت رجليه ميعينني امشي موقف موطبيعي
سمعت هذا نزل رفعـت راسي شفت قحطـان چره بسرعة مـن ياخته وضربة بوكسي بوجهه
اني شههكت ونزلن دموعي وصـرت اباوع للبيبـان خاف واحد يطلع وينفضح
الولد: لككك انت منووو وتضررربني وشتررريددد مني
قحطـان نام فوكا وطاحلة دك بوكسيات:
يااا ابن الحقير يااا ابننن الكلب تتحرش ببنـات النـاس واللة الة اعـذبك مـن جديد ياااحقيررر
اني اباوعلة وجسمي يرچف صرت بس ابجي ومنتجيه علة الحايط واباوعلهم
الولد صار مايكدر يدافع علة نفسة وقحطان فوكا ويضرب بي حيل
يمكن بينه بخت الدنيـا ضهرية ومحـد حَس
اني كلت لا هايههيه الولد راح يموت بيـده شفت الولد بالكاع ويحاول يدافع عن نفسة مايكدر
اني تخبلت رحتلة بسرعة واني ابجي
قحطان ح حباب وخر فدوه لاسويلنة مشكلة لايطلع احد
هويضرب بي وميباوعلي
زعك بوجججهي وخزرررني
قحطان: رووووحي منننناااااااا بسسررررررعة
رحت لمكاني واني ابجي يربي واللة اذاا طلع واحد ياااربي وقتتت جيتهم من الدوام شلون بية راح انفضح وربي الولد راح يموت بيده
رحتلة وحطيت ايدي علة جتفة باوعلي وعيونه ناررر يطلع منهن
قحطان فدوه عوفة علمودي لايطلع واحد حباب قحطـان عوفة يلا
الولد: واللة التوبة اخ عوفني
رجع باوعلة وضربة بوكسي بطنه طلع الدم من حلكة درت وجهي ودموعي تنزل واندعي ميطلع احـد
قحطان: روووح بسسس قسمممبالله اذاا شفتك هنـا لادفنكك وانتتت عايششش فهههممممممتتتت
كام الولد وهو يركض وبلكوه يمشي شسوه بي ركب سيـارتة وشغلهه وراح
اني واكفة ودموعي تنـزل شسوي هسة ارچع للبيت اي مستحيل عد بيت عمو خل ارچع اشوفهم
مشيـت واني ابچي حسيـت ايدي نجرت و نخلعت درت وجهي شفت عيونه نـارر وشرارررر
قحطان: حسـابچ بعـدين واللة لـ اندمچ
باوعتلة واني ابچي وكتلة
واللة مو اني واللة رحت لبيت اهلي محد فتحلي الباب واچيت واللة
دنكت وچهي واني ابچي وكع الكوت مـن ايدي دنكت اخذته واني ابچي
سمعته يستغفراللة
قحطان: امشي كبالي امشي خلنشوف اهلچ وين -حجة بهدوء-
بالللة شوووباعووويلي ولج-زعك بية-
رفعت راسي وباوعتلة واني اابجي
قحطان: لج حاطة مكياج
لا واللة والنبي ماحاطة واللة
قحطان 'دمسحي دموعج هم دموع وهم شمس الوجه صـار احمر امشي يلا لا تضلين واكفة بنص الشـارع
مشة كبـالي ومشيـت ورا ودموعي تنـزل يمة بلة واحد شافنه شكال هسه
سمعته يدردم بينه وبين روحة ويسب ويشتم وكاتف ادي ليـوره واكو سبحة بيـده
مشيته حلوه زين هو ليـش سوه هيج يغـار علية لو مچرد سالفة تحرش وشي
منيـن طلعلي هسـة
وصلنه للبيـت وكفت بالبـاب مسحت دموعي وهو واكف بعيد عني شوية
دگيـت البـاب محَد فتح يـاللة واللـة خفـت شكو
برطمت وبـاوعتلة واشرتلة بمعنة ماكو
قحطان :دكي البـاب متشوفين كهربـاء مكطوعة عوفج مـن الجرص ودكي حيل خاف نـايمين
يااا اي واللة صدوك واني اكول ليـش ماسمع صوت دكيـت البـاب ماكو افف ههذا شبي
شوية وحسيته وراي دگ البـاب حيل وهمسلي
قحطان: دگي ححيل صيري نچره عوفچ مـن الفههاوه
دنكـت راسي وابتسمـت هوه ابتعـد سمعـت صوت بـابـا
ابو مريم: اي اي چـاي
بعد وقت بـابـا فتحلي البـاب
ابو مريم: هلا بـابـا شو متـاخره
كل ضني قحطـان راح بس الي لفت انتباهي ما راح
قحطـان: عمي السلام عليكم سيـاده العقـيد تره السـاعة بال1ونـص وبنيتك صـارلهه نص ساعه بالشمسَ ودوامك بقالة نص سـاعة
ابو مريم : ههههههه هلا بيك يـابة هلا قحطـان تعـال تفضل واللـة اخذتني النومة وكهربـاء مكطوعة مـاعرف ليش شنو بـابـا جنتي بالشارع
مريم: اي بابا
قحطـان: يلا اني اترخص ابو مريم
ابو مريم: تعال تفضـل تغـده يمنه وروح
قحطـان: لاخوية بعلي ستوني چـاي مَن بـغداد و تعبـان حيل لازم انـام والعصر اروح للمركز اشوف شكو ماكو
ابو مريم: هاسلامات خوماكو شي
قحطان: لاواللة بس خالتي شوية تعبانه ومالهم احد رحت شفتهه واچيت
يعني رايح لمرتة القديمة اهـا كل هل رتـابة والانـاقة علمود بغداد مو وچمـالة لابس احمـر مدري ليـش نقهرت انطيت السويچ لبـابـا وترخصت وطبيـت شفت ماما دتصب غده
مريم: ماما صدك جذب يعني اني ضالة بالشارع وانتوا نايمين
ام مريم: يمة خذتنة النومة وبعدين انتي مارحتي لبيت عمج المن بقيتي بالباب وكهربـاء مكطوعة ستوهه اجت
افففف تافففت وطبيـت للصالة رحت لغرفتي حطيت الكوت بالكنتور ونزعت جنطتني وكعدت علة الجرباية
اوووف هسـة لو صـاير شي يربي لو ميت الولـد بيده
شكد حقير يـاربي شلون هيچ يحچي ويـاي
نمت عالجرباية بملابسي نزعت شالي بـارده واللـة بدت سوالف الشتـا
اچتي ماما كالت
ام مريم: كومي اكلي
مريم: ماما سدي الضوه والباب حبابة خل انام تعبـانه
ام مريم: دكومي صلي نامي
مريم: من اكعد تعبانه هسة
هيه هم ماكالت شي سدت الضوه والبـاب وراحـت شفت اجاني اشعـار ع الموبـايل دورت علية ماهوه يمي شفت الضوه مالة ع ميز التواليـت
گمـت اخـذته شفت اشعـار انستـا
نمت علة جربـايتي شفت اشعـار مـن قحطان 5 رسـائل
افتحهن لو لا بمة كَلبي كام يدگ بسرعة بسرعة الفضول يقره الف مافتحـت رسـائلة شفت ستتوريات حـاطهن مـن صبـح
ماخذ صور بغداد كلش حلوات ضحكته حَيل حلوه ابتسمت علة ضحكتـه شفت حـاط فيديو اغنية مصريـة وهو يسوق چانت الاغنية تچنن بس ماعرفت اسمـهه
شفت دز رسـالة بلعمـت غمضت عيوني وفتحتت الرسـائل
🏷️مَريم
🏷️شنو نمتي
🏷️تعـاي عدي حچي ويـاچ
🏷️ردي مومـاتردين
🏷️منتضرچ
🏷️موتشوفين الستوريات ماتردين
مترردده ادز لو لا واللة استحي ياربي شكتب
🏷️بوية عوفي المستحة وردي لا اخابر هسة
شكتبلة ها لو الو لو هلو لو شنو هسة
🏷️ماشي لاتردين بس بعد ممنوع منعا باتا لوشيصير متوكفين ببـاب لبيت وبالضهرية فاهمه وهذا الابسته ماكو داعي تنزعي خلي يسترچ سمعتي تشوفين محد فتحلج البـاب تخلين وتجين لبيـت عمج راسـا وراسج مينرفع من الكـاع ها صدك الدنيـا راح تبدي مطر وهسوالف شوفي مال صدرية تلزك عليج هاي السوالف ماريد فاهمه
اقره رسـالته بتمعـن وعيوني احسهن هيج صايرات 😍 حبيت اهتمامه بية ماحبيته الة لا حبيت اهتمامة بية وغيرته هاي صفنت علة الرسالة كطعت صفنتي رسالة ثانية
🏷️هههههههه تمَام بوية على كلا ردت اكلج طالعة تنكرطين وانتي حمره
عزه ضميتت راسي بالمخده واحس نفسي خچلانه عود هذا مويمي شفته بعد ما رد سديـت الموبـايل وضليت افكر بي
عزززه ياربي وين يريد يوصل بهالاسلوب هذا
كمت والابتسامة والتوتر ع وجهي فتحت الضوه لبسـت تراك شتوي ومشطت شعري ورفعتة لفوك علة شكل كعكة، ابوية طالع وامي بالصالة كاعده تقره قـران
رحت اجددت وصليـت اتغديـت بسرعة شفت السـاعة ب2 وربـع
مبقالي شي رحَت لچنطتي رتبت جدولي شفت دروسنـة شنو
طلعت الكتتب الي اقراهن ورحَت يم امي
كعدت يمهه
ماما ماما
ام مريم: صدق الله العلي العضيم هايمة
مريم: ماما اتفقنه احنه والبنات هسة انكمل دروسنة وكل شغلاتنه ونجمع بال4 كليوم ببيت وحـده نقره سوه لل10 شتكوليـن
ام مريم: خاف ماتقرن وتلتهن بالسوالف مريم
مريم: لا واللة نقره ماعليج
ام مريم: هايهيه بكيفج يمة واذا تحتاجين خصوصي كولي ابوج يشوفلج مدرس
مريم: لا عليمن اصلا مدرساتنة شرحهن زين واني اقره
گمـت شفت البيـت مابي شي نضـيف كعدت بالحديقة مالتنة حطيت كتبي وكعـدت اقره صـارت بـ4 الة ربع
اني هم كملـت الدروس كمت حطيتهن بجنطتي ورحـت غسلت ملابس المدرسة بسرعـة
شريتهن علة الحَبـل شوية سمعت البـاب يندك مدري منـو امي طلعت شوية وسمعت صوت ضاهر وعمتي صحت واني بالغرفة
يووووم لاتخلين ضاهر يطلع خلي يوصلني لبيت عمو
ضاهر: يلا بسرعة
لبسـت بينصـل رصـاصي شتوي وبي فتحات مـن الجوانب لحد الركبة وداير مدايرهن لؤلؤ اسود وبي لؤلؤ مـن كدام كلش مرتب لبسـت چواريب رضاصي گصار ولفيـت شعري بسرعة لبست شالي ولبسـت بشت فوكه وهناك انزعة عود
طلعت بسرعة شفت ضاهر واكف بالبـاب منتضرني سلمت علة عمتي وطلعت للطارمة لبست حذائي بسرعة وطلعتلة
هلاووو
ضاهر: هلا مريومة يلا امشي
مشينـة سوه وگلي
ضاهر: شلون السادس وياچ
مريم: زين يعني وهسة ماشية راح نقره كليتنة سوه بيت عمو
ضاهر: مستوى حور شلونة؟
مريم: تهي بهي بالدفرات وربك كوه اقنعهه تقره من اكلهه كلية وشي تكوم تقره كوه لاتخاف تلحككَ هايهه
ضاهر: ههههههه تكون ممنونه الي بس وين هيه علمي شجابهه للاداره والاقتصـاد ههه
باوعت مـن بعيد موچ وقحطـان الضاهر يريد يوصلـهه النة
ابتسمت ونزلت راسي سلم علة ضاهر و اني رحـت لبيت عمو
موچ هم اچت وراي
موچ: تدرين تعبت هم قراية وهم تنضيف بيت وغسل ملابس ويبوي خطية امي منضفة بس متكدر تصعد لغرف اخواني وهمه مشـاللة
مريم: سوده علية لو ادري اني جاية مساعدتچ
موچ: ههههههههههه صيحين الغوث ربي وشردين
دنحجي ونضحك طلعلنـه عمـار شافنه كال
عمـار: هلا تفضلو
الضاهر ضـاهر راح طبينـة كالعـاده كاعدين بالصالة سلمنه عليهم وموچ خجلانه ومدنكة راسـهه
شوية وضـاههر طب
گعدنه اني وموچ يم جدو ويسالنه شلون السادس ويانه وموچ مستحية حيل صارت حمره هههههه
شوية ونصـدمت بمنضرر عززززه هاي شنوو
حَور نزلت مـن الدرج الضاهر شافت ضاهر وراحت حطت شال واجتي وتفرگ بعيونهـا بنعـاس مبينه ستوهه گاعده مـن النـوم
مريم: لااا عزززه لاتكوليهااا حور بربج نايمةة
حور: افف مساء الخير وج واللة نعسانه لسة خرب
الجده: هيه هاي وجهه وجه دراسة خاب صخونه انشاللة شبيج ماتقرين حالج حال البناويت اطيهه اكل ونوم وهذا الشيطان البيدهه
حور: بيبي واللة نايمة تعبانه جنت
ضاهر: هو انتي وجهج وجه دراسة مال مطبخ واللة
حور: انت محد ماخذ رايك
مريم: لا عمو مو حجي هذا حاجي حور دتسخت هواية احنه اتفقنه اتفاق كل يوم امتحانات حتصيـر وكلش مهمـات ولازم نشـد حيلنه من ال1 ل4 تكمل دروسنة وتنضيف وغسل ملابس وتحضير جنطة ومن4 ل10 نلتم سوه كل يوم ببيت وحده ونققره سوه بيهه شي عمو
حسام: لا عمي عفية عليجن هاي من الزينـات وشنو ست حور كلشي ماقريتي
حور: اف بابا ستوني كاعده تعبانه
الجد : حسام انطيت مجال لبتك هواية لا تصخم وجهنه وترسب عوف الدللال بوية وخلها تقره
حسام: اي واللة بوية حجيك صدك باعي ولج الساعه ب4 وربـع السـاعة بـ5 وربـع كل التحـاضير مكملتهن ومحضره امورج بحيث تجين بس تقرن امتحان راح تعطلين البنـاويت ساعة بس يلة خليرتاحن شوية ضالة نوم بنوم لا تنضيف ولاقراية
حور: شنو شنو بابا بسـاعة
حسام: اي يلة واني اشوفج بيهن هم
حور: بس باباااا ☹️
حسام: كلة من وقتج
ضاهر: حيَل اي واللة حيل ماقريتي وصرتي نفس الخلك والناس الة بالرزايل
حور: اهوووو غير يكعد الدكتور اليشوفة يكول دكتور ميكول بالعرف والواسطات والدفرات راح اداره واقتصاد جاي يتفلسف علية
ضاهر: ويامن هل حجي لج
حور: وي المضغوط
عمار: اشش شو كافي امشي خل نطلـع شوية كوم
طلع عمـار وطلع ضاهر ويـا ويخازر بـحور ضحكونـي ذولا واللة هههه
اسيـل تقري بـابنهه وعلي ومرتة كالعاده بالدوام وابنهم يم عمتي الصغير شالع كلبهه خطية همه مفتحين مختبر احمد طالع وجدو وبيبي وعمو وعمتي كـاعدين سوه حور صعـدت تقره
اني وموچ گعدنـة نسـولف شوية لان تعبنه ونحتـاچ راحة كمنه نسمع سوالف بيبي وچدو ونضحگ وتسولفلنه بيبي شلون چدو جان يلحك بيبي للمدرسة ويكتبلهه رسالة طويلة بورقة ويحاةل يرسم بيبي ههههههه ضحكنه صدك عليهم
صـارت بـال5 اچتي حَور گبل الموعـد هيه من نوع الدراخة كلش بس عَمو ماقبـل تروح ادبي
اچت يم عمو شافهه حافضة زيـن كالت يلا بنـات خلنصعـد
صعدنـة سوه شفت موچ ضايجة وتتتافف وبالهه مويمنـة
مريم: شبيچ موچ لَيش ضايچة
موچ: مابية شي لاتخـافين
مريم: احجيلي
موچ: افف مريم احسه كرهني شوفي شلون يتنفر مني وميباوعلي
مريم: لاتكولين هيج واللة ماكرهج بس السالفه ممكن متعلقة برجولتة وبكرامتة ماعرف بعد بس انتي بشجم حجاية جرحتي مشاعره اعرف موقصدج حبيبتي هسة كلشي يصلح واللة خلي بالج ويـانه وخلنقره
يلا حور شصـار هو مي
حور: اي اي احيت يلا نبـدي
بدينـة نقره سوه ووحده تسوي اسئلة للثانية وكل ساعتين ناخذ ريسـت
قرينة لمـَن تعبنه صار المغرب بدون منحس سمعنه صوت الاذان بالچـامع الي ورانـة
عفنـة كتبنه ورحنه اچددنة كليتنه شفت عمـار حاط كتابة ويقره بالصاله بس شافنه طب لغرفته بدون ميباوعلنه حتة شفت موچ تنهدت اففف
صلينة فوگ وكملنـة رجعنه نقره هم قرينه ومبقالنه شي تقريبـا
حور: بنات تعبت خل ننـزل
مريم: خل انكمل فردور وننزل نساعدهم بالعشة ونتعشة ونصعد
موچ: بنات خلي اروح لبيتنه اتعشة واجي واللة استحي
مريم: شو نجبي شبيهه اذا تعشيتي عدنه عليمن هلمستحه يلا خنكمل
حور: كفيتي ووفيتي بت عمي فديتج الي بالي بالج متخليني احجي واتعب لساني 😂
ضحكنه سـوه وصرنه نقره صـارت الساعه ب8 ونَص
كملنـة المـاده كليتهه وسيطرنة عليهه والي مفاهمي نطلعة ع اليوتيوب
نزلنة لجوه وبالكوه موچ نزلت تستحي وگفنه وي اسيـل نسـاعدهه خطية وحدهي شوية واچتي مرت علي حي اللة من يانه واللـة
حور: هذولة شسالفتهم هههف حتة محد يشوفهم اذا عدهم مختبرات هيج الدكاتره شلون واللة كرهوني بهالسالفة
خطية ابنهم رائد اچة يركض ويشبك بيهم وهمه تعبانين
حور: اوي عشتو وعليمن اانتي افتحي مختبر الصبح واخذي ابنج ويـاچ ولاتفتحين بعـد ضلي يم ابنچ رجلج كافي واللة نـاس
لا وچمالة تجي ع الحـاضر تاكل وتروح
اسيل: لاتحجين هيج حور البنية خطية شسوي هم تتعب وبعدين هيه تكعد تسوي جاي وتغسل اماعين عيب حبيبتي
حور: اخ رررربي ارزقني بمره حماه هيج يبوي يابة شهل كلب العدج ريت اخوج الجلب طالع مثلج
اسيل: ههههههه لج انجبي واللة اذا سمعج
حور: خيسمعني واذاا عشتو
هههههه ضحكنة عليهه واللة اذاا اجة ضاهر المطافر يصير مالة والي شوية واجتي خالتي ام قحطان خطية كلبها يم موچ كالت خل تجي تتعشة بس عمتي ماقبلت وكلتلهه احنه اهل
وهيه مامنه منـه وتعرف احنه شنـو خاصتا قحطان واثق و عمَو حسـام الضاهر طالع وهم شايف قحطان وثنينهم ماعدهم اعتراض طبعـا بـابـا مايدري بس اني يم بيت عمو مـن نروح لموچ اكلة واكيد مراح يعـارض
اليوم مسوية اسيـل دولمة العشق مسوية ثنين اچدوره(گدر،قدر)
وحـاطة جواهن دجاج تسويهن تخبل اسيـل ف كون كلحنه نكعد سوه حته ناكل
شوية واچة بابا ومـامـا سلمت عليهم بس كالو متعشين منـاكل وامي هم چابت بقلاوه هيه مسويتهه امي فنانه بالطبخ
بس اني فاهيه موهواية متعلمة منهه يعني شغلات بسيطة
فرشنه السفره وكعدنه كليتنه وموچ مستحية حَيل
عمار اباوع علية يباوعلهه بالختلات ويدنگ
مريم: يمممم يمم الاكل فدددشي عاشتت ايدج اسولة
حور: عمي اسيـا سيل يبدع مو مثل الكوركك يحضي اتعلمو منهه شوية
ضحكنه اني وموچ عرفنه قصدهه علة مرت علي
رفعت وجهي شفت ابتسامة علة وچه عمـار ويباوع لموچ شافني اباوعلة رفعت تك حاجب نزل راسـة بسرعة
يحبهه شما كابر ههههههههه
كملنة اكل التهمنه البلصينيه كليته بس موچ گوه تاكل تستحي
احنه مانشرب چـاي غسلنه وصعـدنة نكمل قراية
راچعنة كلشي عالسـريع وحلينه الاسئلة وكملنه كلشي بس اني شنو احس راسي صـار عباره عن دراسة بدراسة يبوو
كملنه وسدينه الكتاب بتعب خو حور 😂
تدگ وتركص مكيفة ككملنة 😂
ضحكنه عليـهه صارت بالـ10 وربـع موچ خـابرت لقحطـان يچي يـاخذهه
نزلنـة كليتنة بـابـا گال يلا مريم احنـة هم نطلـع هسـة وگال لموچ احنه نوصلج بابا ماكو داعي تطلعين اخوچ
طبعـا اني يم الولَد ماكدر رجلية طالعة وشي فَ مـن نزلت لبسـت ستريچ وموچ لابسة فستـان مرتب وحور بتراكهه وعطوبهه 😂 نزعت الستريج ونطيته لحور و
لبسـت البشت مالتي وعدلت شالي وطلعـنه سوه شفت قحطـان يسد ببـاب البيت ورا
صـرت كلمـا اشوفة ابتسم لا ارادي وبعدين ادنگ 😅
اتقـدم تچـاهنه وسَلم علة بـابـا ومـامـا و گال
قحطان: هابنيتي كملتن
مدري ليـش غرت وضچت مـن كلللههه بنيتي. موچ هزت راسـهه بـ اي
موچ: تصبحون علة خيـر
الكل: وانتي بخير
ابو مريم: يلا بوية نترخص تصبح علة خير
قحطان بابتسامة: وانت بخير ابو مريومة
فز كلبي من كال مريومة ابوية مشة وامي ورا مشيت وراهم وباوعتبه ابتسمت لا ارادي بادلني الابتسامة وموچ غمزتلي
نزلت راسي ورحَت وكلبي يدگ چوبي اضنه 😂😂
ذرت وجهي شفت موچ طبت وهو واكف بالبـاب لسة
عزه هسه شيكول علية تباوعلي التفت ووصلنه للبيـت طبينه رحَت سبحت راسـا ولبست تراك واچيت يمممة الجووو بـارررد ثلچ
رحت لامي نشفتلي شعري زين ومشطتة وكعدنه سوه بغرفتهم نحچي
صارت ال11 شفت بابا يغفي كمتت
راجعت الدروس بسـرعة وطلعت الامتحان بديت اقره واراجع بي لحـد ال1
كمت اغفي فتحت موبايلي كاتب العصـر
🏷️ضچـت من شفتج وي ابن عمچ
🏷️بس علة كل الاحوال عفية عليج لاتجين وحدج ابـد
🏷️وهذا الي لابسته يمتة اللة يخلصني منه مادري
ضحكت علية هذا شبي شكد يكره البشت
كـاتب رسالـة الضاهر مـن شافنه واحنه طالعين
ادفي زين لاسهريـن وماوصيج علة بـاچر لبسچ يـا لبسچ تصبحيـن ع عافيـة
ابتسمـت علة رسـائلة ضحكت بشكل لا ارادي حضنت الموبابل ونايمة علة جرباية واضحك مـاعرف منيـن اجتني الجرئة وكتبت
🏷️ انتبـه لنفسك تصبـح علة عافيـة
كتبت هل كلام واحس نفسي تندمت اف لَيش ارد اني هسه، هسه شيكول علية خل امسحهه احَسن مسحتـهه بسرعة
شوية ودزلي رسـالة
🏷️اوكفي رجعي الي كتبتي ماقريت
🏷️بس ماكتبت شي
🏷️شفت الاشعار يلا رجعي
رفعت حاجبي يعني شاف الاشعار ومارد اممم
🏷️مو شفت الاشعـار ومرديت جنت اسوي اركيلتي وشفت اشعـار رسائلتج فتحته ماكو شي راح
🏷️تصبـح علة خير خوية
🏷️ههههه وانتي مَـن اهههل الخَيـر ي بعـد اخوچ نـامي نـامي
سَديت الموبايل واني مبتسمة رجعت فتحته خاف اني حلمانه 😅
كلبت بالصور مالتة بتمعن اضن حفضتهن كلهن 😅
عفت الموبـايل وغمضت عيوني ونمـت
كعدت الصبح علة صوت مـامـا اف هم دوام والللة مالي خلگ وامتحـان اچمـالة
كمـت بدلت زي المدرسة ولبسـت فوكاهن جاگيت كابوي ومشطت شعري ورتبتـه مادري ليـش حبيت اخالف اليوم
لبسـت شيلة وردي فـاتح ينطي للبصلي وطلعت مـن غرفتي وني ارچف برد
صبحت علة ماما وبـابـا ابوية اليـوم دوامة لاززم يـاخذ السيـاره لعَد شلون احنه
تريكت وكملـت طلعنه اني وبـابـا لبيت عمَو بالسيـاره
نزلنه واني كمت ارچف واهز جتف مـن البرد 😅😅
درت وجهي شفت قحطان بسيارته نزل الچـامة وبـاوعلي مـن فوك لچوه ونزل سلم علة بابا الي چان ملتفت
چان لابس دشداشة بيـت الي عرفته ماعدهم دوام اليوم مجرد اذاا اجتهم اخـباريه
قحطـان :يابه اليوم اني اخذهم واجيبهم لاتهتم انت توكل ابو مريم
شوية وطلعت موچ ابتسمتلهه واجتني واحنه نرچف برد
طلـع عمَـار صبَح علينـة گلة بابا روحوا وي قحطـان
عمار : منتضر ضاهر هسه نطلع سوه روحوا انتو اذا تردون واذا هاي البنات احنه نذبهن بطريقنه ليـش معذب روحك وكاعد
قحطان: خوية بعد كعدت توكلوا انت اني اخذهن واجيبهم
طبيـت صحت لحور طلعت وهيه تكمز من االبرد 😅
مع انو بالبصره درجات الحراره مرتفعة بس الچو كلش بـارد خـاصتا احنه بشهر ال1
ابوية راح وعمـار طب صعـدت موچ بالصدر واني ورا قحطان مباشرتا وحور وره موچ
اني جنت اطكطك بسنونس من البرد اريد اوكف ماكدر ثلجت يمة
باوعلي بالمراية وكال
قحطـان: هسة اشغل تدفئة بوية بس شني محَد يحاسبكم علة المخالفة ههاي
اني باوعتله وبلعمت نزلت راسي خلسكت احسلي البنـات هم مـاحچن اني ضليـت طول الطريق منزلة راسي ومارفعة
وصلنه قريب للمدرسة رفعت راسي اجت عيني بعينه الي يكول مترصدلي ومنتضر فرصة ارفع عيوني اشو هذا خزرني عزه شبي هذا
رجعت دنكت صف يم المدرسة نزلت موچ ونزلت حور و اني كالعاده اجمع غراضي يلا انزل 😂
نزلن ذني وعيونهن بالكتب ومشن خرب راحن عني شلت جنطتي اريد انزل الباب مينفتح باوعتلة وووو
يتبع
گعد يمي ونسيت اتنفس شلون
تحاضنه وشبجنه جفون بجفون
گال الناس
گتله الناس يرحون
من فدوة لطولك يا طولي
#الضابط_والجميلة -
#مفاچئ/العـاشر ❤️
#للكـاتبةه : ࢪَ࣪يࢪَ࣪فـون ♥️
_
رمضـان مبـارك عليكم حبايبي نشـاللة كَل عـام و انتـو بخيـر وهـاي هديـة مني الكم 💕
اذا شديتوا حيلكم بالتصـاويت انشرلكم هواية بارتات مفاجئة
_
اني جنت اطكطك بسنوني من البرد اريد اوكف ماكدر ثلجت يمة
باوعلي بالمراية وكال
قحطـان: هسة اشغل تدفئة بوية بس شني محَد يحاسبكم علة المخالفة ههاي
اني باوعتله وبلعمت نزلت راسي خلسكت احسلي البنـات هم مـاحچن اني ضليـت طول الطريق منزلة راسي ومارفعة
وصلنه قريب للمدرسة رفعت راسي اجت عيني بعينه الي يكول مترصدلي ومنتضر فرصة ارفع عيوني اشو هذا خزرني عزه شبي هذا
رجعت دنكت صف يم المدرسة نزلت موچ ونزلت حور و اني كالعاده اجمع غراضي يلا انزل 😂
نزلن ذني وعيونهن بالكتب ومشن خرب راحن عني شلت جنطتي اريد انزل الباب مينفتح باوعتلة
باوعلي بنضرات ممتتفرس كتلة بنضره ارباك واني اباوع للمراية الي عاكستلي شكلة
مريم: ا االباب
قحطان: شبي
دنكت راسي وكتلة: مچاي يفتح
قحطان: اكلج بوية عود ليش هل الوان كلهه؟
انَي سكتت مجاوبته شريد اكلة هو هم ضل ساكت
مريم: قحطـان افتحلي الباب خل انزل
من كلت اسمه دار وچهه الي وكـام يباوعلي باوعتلة بفاوهه ونزلت راسي راسـا دار وچهه وفتح السيـاره اني مـتت بدمي
شوية وشفـت موج طلعت واجت باتجاهنه لا واللة ستوجن اذكرتني خرب حضي
قحطان: انزلي ومره ثانيه بطلي هل الوان التچذب النضـر تمَـام
هزيت راسي ونزلت بسـرعة وصلَـت الموچ كتلهه امشي سود اللة وچهجن
موچ: هههههههههه شكوو بربچ شصار
مريم: ماكو شي امشي امشي
مشينـه طبينه للمدرسة والبنـات استلمني حجيتلهم وكامن يغامزن ويلامزن 😂 ولايكعدن راحة
ضل طول الوقت تفكيري بي وبنضراتة ماعرف حبيت هل اهتمام الي بي
ك شخص مو حب ولاكره اكون الة بس ك تصرفات حبيتهن حَيل حبيت
امتحنـة وطلعنه وكليتنه مچـاوبين اني وموچ وحده تكل للثـانية تجيني 😂
اخـر شي هم جبنه البطل وفرينـا طلع علية كتلهه ها موچ يلا اليـوم انتي وحور تچوني
خلص الدوام بسرعة نهـار الشتا قصير
لبسنه وطلعـنه منتضريـن عمـار يچينه شويـة و اچة علينة
مشينـه سوه للبيـت والصمـت چـان سَـيد الموقف
وصلنـة شفـت قحطـان واكف و ويـا ولَـد ماعرفتـه منو بَس موچ كـالت بصوت عالي
موچ: واو اليوم محمـَد هنانه
شفت عمَـار دار وچهه الـهه وباوعلـهه بنضره انزعـاچ ودار وچـهه
هيـه دنكت وراحَـت شفتـهه راحـَت سلمت علية وطبَت للبيـت
اباوع لعمـار قابض ايـده حيـل وعلامـات الانـزعـاچ مبينه عليـة اممم يغـار عيني بس هـذا منوه
حـور طبَـت للبيتـهم و اني واكفة سلـم عمـار مـن بعيـد
شفت نضـرات قحطـان عليـة ابتسملي اني دنكـت
رحنـة اني وعمـار للبيـت شفته ضايچ ويتـاففف و يمشي ويـضرب بالحچـار
اكو حچاره جبيره بالطريق هو يمشي بسرعة عثر بيـهه اشو هذا ضل يسب ويشتم بالحچاره 😂💔
لا للحمـدللة على نعمة العقـل
وصلنة لبيتنة دكيـت البـاب وهو ضـل واكف شوية وچيرانة الي كـبالنه شفت بابهم انفتح
طلـع منـة ولَـد ضل واكف ويباوعلنه مادري يباوعلي بس نضـراته تمركزت علينه
اني دنكـت عمـار مَـا منتبهلـه فتحـت البـاب امي سلم عليـهه عمـار واني طبيت سمعتهه تكلة
ام مريم: تعال طب اتغده ويانه
عمـار: لا عمه واللة تعبـان واريد اروح
ام مـريم: دتعال طب مسوية مقلوبة موتحبـهه يلا طب
عمـار: ههههه اذا هيچ الحچي نطب ليش لا
ابتسمـت وهو طب شفت ابوية ماهوه
طبيت لغرفتي نزعت ملابسي ولبسـت تراك طويـل ورفعت شعري وحطيت شال علة راسي وطلعـت
شفت عمـار كاعد بالمطبخ ويحجي وي امي
رحت اتجددت وصليـت شوية وندگ البـاب عمـار طلع يشوفة
طلع بابا چاي طب بابا سلمت علية وكعد يم عمـار وصـاروا يحچـون سوه و اني احضـر وي امي الاكل
حطيتلهم علة الطبلة غداهم بابا خطية تعبان حتة مابدل ملابسة
كعدنة سوه وهمه يسولفون ويضحكون واني بالي مو ويـاهم بالي يم قحطان ههههه ضحكت علة نفسي وكملت اكل
كملنـة اكل كمت حطيـت الچـاي علة النـار وغسلت الماعيـن ونضفت المطبخ وحضرت الاستـكاين مال الچاي
صبيتلهم چاي ورحـت لغرفتي شفت چدولي حضرت ادروسي زين ذني قاريتهن نصهن بالعطلة بس لازم اراچعهن
نضفت غرفتي وطلـعت ملابس المدرسة ورحـت غسلتهن
شفت الساعه بـال1 بعد وقت زيـن گمـت قريت الدروس وعمـار طلع وامي وابوية نـاموا
ضليت اقره بالتحاضير كملـتهن لمَن روحي طلعت اهوو هاي الدروس هيج الامتحان شلون
شفت السـاعة بـ3 وربع بعـد وقت
گمت للمطبخ كلت خلسوي كيكة بـارده للبنـات وفطـائر للعشـة خطية ماما هم تعبـانه
رحَـت عچنت عچينه الفطائر وخليتـهه تختمـر بعد وقـت مـن يچن للبنـات انلفهن سـوه
سويـت الحشـو مالتهن وكملتـة
بديت اسوي ككو ع النـار كملتة وسفطت البسكت بقالب طبقة وحطيـت الككو طبقة منـة والبسكت طبقة ثانية سويتهن اربع طبقـات كملت وقسمت موز وفراولا فوكـاهه شكلـهه صـار كلش حلـو
حطيتـهه بالثلاچة صـارت السـاعة بـال4 رحـت بسرعة سبحـت ولبست تراگ مرتب ومشطـت شعري
اندگ البـاب طلعـت گلت
منـووو
اچـاني صوت حور وموچ سوه هههه جايات سوه يعني
فتحت البـاب وطبـن طلع قحطان وعمار جايبيهن وملتقين بالطريق
طببتهن للبيت وطبينه لغرفتي بدينه نقره سوه لحـد الساعه بـ5
ابوية وامي گعدوا وابوية گال راح نروح لبيـت عمچ احنه انتن ضلـن اقرن
كلت لامي العشة اني اسوي
راحوا همـه واحنـة كتلهن كافي كومن لفن ويـاية فطائر
كمنه للمطبخ ونلف سوه بالفطائر ونسولف ونضحك كملناهن وحطيناهم بالفرن ورحنه صلينه وكعدنه بالمطبخ نقره شوية وصـارن
طلعنـاهن صـار طعمهن رههيب حطيتهم ؏ الطبلة وجبت ببسي من الثلاچة كعدنه نـاكل
موچ: لج طعم يخبل
مريم: عافيات كلبي كملن واحطلچن هم تاخذن ويـاچن
حور: شنو هاي طرده؟
مريم: عابت موصوجج صوج الي يريد يحطلج منهن
حور: ههههههههههه اشاااقة عووبة
كملنه اكل وعفت لامي ولابوية وهواية زاد لان اني مسويه بال15 وحده
كعدنه نقـره لـ9 كملنه، تعبنه من القراية بقة بس مراچعة
كمت جبـت الكيكة وقسمتهه وكعدنه نـاكل
اهلي كالو مانچي من نكمل عمـار يجي يجيبجن
كعدنه نراچع سوه وناكل الواهس حلوو ولمـة حتلا تعب
كملنـة وانهلكنه سـوه كتلهن بنات كافي قراية لا نلح هواية وننسـة
صدك واللـة كمنـة سوه رحنه للمطبـخ عدنة اماعيـن سفري طلـعت 3 اماعين
واحد لبيـت قحطان والثاني لبيت عمو ماطولهم كلهم مجتمعين سوه وعمو حسن موجود هم
حطيـت لبيـت قحطـان 4 فطائر وشكم كصـة كيكة بـارده
حطيت الكيك كلة بـماعون والفطائر بماعون وحضرتهن
شوية ونـدگ البـاب اكيد عمـار طلعت كلت منو گـال اني يلا
موچ لسـة مچاي قحطـان عليهه مـع انو هيه خابرتـه
كتلهه كومي ويـانه لعَد نبقة ننتضره هياته بيتـكم
كمت اني ع السريـع لبسـت جبه فوگ ملابسي وشال ونطيت السفري لمموچ واني وحور كل وحده شالت ماعون وطلعنـة
شفت عمَـار مـانطة اي اهميـة لوچـود موچ وعلامـات الحـزن بينت ع موچ باوعتلهه وابتسمت هيه تنههـدت وابتسمت بحـزن
شفـت قحطـان ستوه يريد يطلع يا عشتو ستوك اچيت داده
باوعلنـه ابتسم وسلم علة عمَـار احنه طبيـنه لبيـت عمو وهمه هم طبـو للبيـت
طبيـت لبيـت عمـو لكينـاهم كلهم كاعدين بالاستقبال بس بيبي وجدو نايمين
سلمـت عليهم وكعدنه اني وحور
طلعت الفطائر گوه كفن الهم اذا همه شكد كمت انطي كل اثنين بوحده والي ماكلو واكلو كيك 😂
بس شنو كلهه تكلي طبـاخة وتخبـل بس كالعـاده امي تقصفني
ام مريم: بس بذني فالحة اللة وكيلكم
😂لازم اتفشلني امي
ضاهر: بس عمه واللة طيبات احسن من الماكو نفس بعض ناس اضن البيضة ماتعرف تكليـهه
حور: تقصد علية
ضاهر: البعبـه طلي يمعمع بوية يمچ كربـاچ انه راچال جاي احجي عن وحده انتي شدخلج
حور: اي موعبالي تحجي عليه حتة
ضاهر: حتة شنو باللة
احمد: حورر كافي عرك شبيكم
حور: ماتشوفة انت جنه بومة
ضاهر: منووو منووو الجنه بومة احجي بلة حتة اكسر راسج
حسن: هاي شبيكم بوية اسكتو شوية احترموا الاكبر منكم
اباوع لضاهر وحور واحد يباوع لثاني بنضرات غضب 😂😔
عبالك واحد يريد ياكل الثاني شسالفتهم ذولا جنهم اطفال ههههههه
شوية ووصلني رسالة ع الموبايل اليوم كلة مفتحتة
فتحته قحطـان مراسل فتحـت رسالته كاتب
يمتـة اطلعون منتضر اني بالبـاب اريد اشوفج وانـام اريد اخـر شي عيوني تشوفهن عيونچ
شفت الرسالة والضحكة صـارت بحلكي مـارديـت سديت الموبـايل واريـد بس نطلـع
شوية وابوية كال يلا بابا كوموا يبووي واخيرررا 😂
رحـت للحمام بسرعة لفيت شالي عَـدل وعدلـت چبتي ولبسـت حـزامهه عـدل مدري شبية جني مخبلة اول مره هيج اصير واهتم بروحي علمود رجال
شفت ابوية وامي طلعـوا طلعـت وراهـم شفته واكف بالبـاب وموبـايلة بيـده ومدنگ
سمع صوتنة رفع وجهه والضحكة بحلكة تلكة امي وابوية بالسلام
مشوا اهلي واني وراهم بـاوعلي وضحك بوچهي اني راسـا دنگت
مشيت وراهم والضحكة بحلكي احس نفسي طايره من الفرح ليَش ماعرف
هسه تكولون كيفت ومن اول شي وممصدكة لا بالعكس شكد اكو ولد مال و جمـال حتة اجو خطبوني واني اللة شاهد نضراتي ماشيلهن من الارض
طبينـة لبيتنة وبگلبي اضحك اني بسرعة طبيـت لغرفتي نمت علة الجرباية والابتسامة علة وجهي ضحكت علة نفسي والحـال الي اني بـي
نزعت الجبه وحضرت الملابس مال المدرسة كعـدت اقره شوية راچعت وبالي مويم الدراسة ابد
كعدت علة الموبـايل دازلي
🏷️ما توقعت هل ادين الحلوه هيج اتسوي تدرين ماخليت احد ياكل اكلته كلة ومن شفت السفري خالي ردت اجي لبيتكم واكلج يبنية ممكن تطيني شوية
🏷️احب خجلچ حيل ي بنيـة
باوعت لرسالة وضحكـت اممم شچـاوب هسـة لا لا احسن شي ما اجاوب عيب
شوية ونززني برسالة
🏷️لاتسهرين نامي يلا وراچ دوام ولبسج يالبسج تصبحين على خير
ابتسمت ع الرسالة وكتبتلة
🏷️وانتَ مَـن اهل الخيـر
سديـت الموبايل وغمضـت عيوني واني افكر بي والابتسامة علة وجهي
كعدت الصبح علة صوت امي وهيه تكعدني كالتلي حضري ملابس هم وموبايلج وسوالفج لان اليوم خفر ونبـات يم بيـت عمچ
اني هم حضرت ملابس الي و موبايلي وشغلات وحطيتهن ع ميز التواليـت اجيت اريد البس ملابس المدرسة شفت الصدرية الثانية غاسلتهه وناسيتهه ع الحبل والدنيا تمطر عزه لعد خل البس الثانية حتلا ضيكة البس فوكاهه لبسـت جاكيت الدنيـااا موووت ثلچ كلش بـارده
طلعت لكيت امي وابوية يتريكون صبحت ع بابا وكعدت وياهم اكل
شويـة و سمعـت صوت مطَر واوووو مطـرت تريكت بسرعة وطلعـت الجوو بارررد ثلج صـار طلع ابوية وكلي امشي صعدي بالسيـاره لا تتمرضيـن بسرعة علما اجي
اطاني السويج وطلعت اكمز ع المطر يجنن يربي اتببلت تبللل سمعت صوت وراية التفت شفت نفس الولد الي شفته من عمار وصلني دنكت راسي وملابسي مبللات علية طبيت للبيـت شفت ابوية طلع
ابو مريم: مونكعتي روحج امشي يلا
طلعت ورا وشفت ابوية سلم ع الولد صعدت بلسيـاره والولد نضراتة وراي هذا شبي ميستحي،
حرك ابوية ومشينـة لبيـت عمو كلي انزلي بسرعة صيحيلهم خل اوصلهم وروحي لموچ هم
رحت دكيـت البـاب بسرعة علة موچ اول المطر ينزل بسرعة وذولا ميفتحولي الباب كمت ادك حيل بي تبللت تبلل
فتحلي البـاب قحطـان وشكلة ستوه كاعد من النوم باوعتله وبلعمت باوعلي ونوب باوع لملابسي الي كلهن مي
رفع عيونه وخزرني وسلم علة ابوية صاح لموچ
وصوتـة جان اشبه بالنتر والصيـاح شوية وطلعت موچ و ويـاهه شمسية صبحت علية وكلتلي تعاي وياية كتلهه لا ماريد
خزرني وكال صيري وياههه تره هدومج لززكن بيـچ باوعتلة وبلعمت وصرت وي موچ اجت موچ ويانه دكينه الباب ع عمار و حور بسرعة طلعو شفت قحطان لسة واكف ويباوعلي بانزعاج
ضجت من هل نضرات كل يوم ابتسامة و ضحكة اليوم نضرات انزعاج اف
وصلنة بابا للمدرسة نزلنه ومر اليـوم و اني ضايچة حيَل يعني شسوي هيه لزكت علية
خلص الدوام وطلعنه لكينه عمَـار واكف موچ گالت اليوم يمي تچن موتنسـن اني تتاففت وصلنـة للبيـت موچ طبت لبيتهه واني وحور لبيت عمو
لكيت ماما يمهم هم اخذت غراضي وصعدت لحور
مالي نفس حتـة اقره موبايلي طافي شحن حطيته ع الشحن وبدلنه ملابسنه حور نامت كالت تعبانه اني و اني كعدت ساعه اقره وساعه اتافف مالي خلك حتة اقره مدري شلـون قريـت دروسي خلصـت وكعدت حور كامت بالكوه قرت الدروس بسرعة صـارت بالاربعة كالت حور يلا خل نروح كمـت لبست من حور بلوز ابيـض شتوي وتنوره طويلة بف لون بنفسجي طوخ ولبسـت شيلة نفس لون التنوره وحـور بدلت ونزلنة كتبنه ونزلنه مشالله البيـت خالي محـد بي لو نايمين لو الي بالدوام منو ياخذنه لعـد كالت عمتي لامي كومي خل نسيـر علة ام قحطان
صدك واللة هم لبسن عباياتهن وطلعنه الجو بـارد مع انو دنيـا عصر
دكينه البـاب واني اندعي كون مايطلع قحطان فتحتلنه البـاب موچ بين الفرحانه وبيـن ال لا صرت ماعرف شريـد اصلا
طبينه البيـت هدوء سلمنه علة خالتي وصعدنه كالت موچ مصطفى نايم وقحطـان من زمان طلع صارت عدهم مهمه
طبينه لغرفتهه بدينه نقره راسـا بس اني ولا الي خلگ واحس راسي يوجعني حيل بس غلست البنـات يدرسـن واني بالي مويمهن ابد
امي وعمتي اكيد رايحات وقحطان ماعرف بي جاي اولا
صاح الاذان موچ كالت كومن خلنصلي اني بقالي بس سوال مفهمته فكتلهن امشن وهسه الحكجن كعدتت اشوف السوال فهمته زيـن البنـات مجددات واچن اني سـديت الكتاب موچ كلتلي بالمغسلة الي بالصالة غسلي اني كمـت رحـت طبيـت للحمام ونزعت شالي لفيـت شعري عدل وحطيت الشال هييج علة شعري علمود اچدد طلعت ع المغسلة اجددت كملت التفت اريد الف شالي شفته واكف ومتكئ ع الحايط ولابس زي العسكري ويباوعلي بس شنو عيونه حسيتهن نـار يچن منهن
قحطـان: طول هل ايام احس نفسي تعلقت بيـهه حَيل اليوم الي ماشوفهه بي احسه موحلو ومابي اي معنه امنيتي محد يشوفهه غيري ومحد حتة يباوعلـهه صـار عدي شعور احب اراسلـهه جانت تشوف وماترد لو ترد برسالة هذا الشي خلاني اموت بيـهه اكتشفت نفسي انو اني احبها ضليت افكر دوم اذا اطلبهه من اهلهه شراح يكون رايهم هيه تقبل لو لا مـن تصيح باسمي حبيت اسمي عشگت كلشي بيهه خجلهه ابتسامتهه ضحكتـهه عنـادهه كلشي حبيتـه كالتلي موچ انو كل يوم يقرن سوه ماعترضت ابد صرت انتضر اليـوم الي يچن بي للبيـت اريد اباوعلـهه براحتي دائما من اباوعلهه من بعيد ماشوفهه زين ولاعيوني تشبع بيـهه اخذت موچ لبيتـهم ورجعت للبيـت بليل اچت موچ و السفري بيـدهه جنه كاعدين كلنة بالصالة اجت كعدت وكالت
موچ: هذا مريم سوته تعالوا اكلوا
فتحت السفري بي كيكه وفطائر نفسي نفتحت للاكل صرت اكل بنهم احس عيوونهم صارت علية ماعبالي آكل أكل كل ضني اكل مريم 😂
شفت امي تكلي علكيفك يمة لاتغص
عفت الاكل وصعدت لغرفتي اضحك علة نفسي وكفت كبال المراية واباوع لشيب الي براسي واعدل بشعري واضحگ واحچي وي نفسي
لا هايهيه قحطان تاليتك تعشك بنية وتطيرلك عقلك بعد كل هل شيب
رحت ع فراشي واراسلـهه وهيه ماترد شفتهه قرتهن وماردت كتلهه تصبحين علة خير راساا شافتهه يعني ماطالعة من المحادثه حتة هههههههههه ودتلي وانت من اهل الخير
اني هم سديـت الموبايل وافكر بيـهه
كعدت الصبـح متـاخرر ونعسان نزلت كعدت يمهم چاي نتريك
وسمعت الباب يندگ حيل ياستار شصار مَن الصبـح فتحت البـاب شفت مريم ابتسمـت بوچهه
شفت الدنيا تمطر نزلت عيوني لجسمهه الصدرية مبللله ولازكة لزك عليهه اني اهنانه تخبلتتت احس شياطين الدنيـا اتربعت براسي
خزرتههه وردت احچي شفت ابوهه اشرلي بالسلام صحت لموچ بصوت عالي واحس عيوني نار يطلع منههن بلة شافهه واحد هدومهه لازكات عليهه
اجت موچ وماقبلت تصير وياهه بالشميسه نترت عليـهه وخزرتهه
مشت كبالي والصدرية كوه تمشي بيـهه والدنيـا مطرت لازكة لزك عليـهه
صعدو بالسيـاره واني طبيت للبيـت بس فولت بالعصبيـةة رحت بسرررعة للمووبايل طبيتلهه خاص وصررت اكتبلهه وافوخخ حرگتي عبالك كبالي
🏷️تذككككرررين منننن كتلج اشكككههننن عليجج مووو انتي ليـششش تعاننندين بسس اريد افهههم
🏷️بسيطة ياااامريممم بسيطةةة بسسس اشوفچ وحسااابج عنـدي
🏷️بلةة شااافج واحححد هههها وهالصخام الي كوووه تمشين بيهه ولازكة لزكك عليجج
ركعت موبايلي ع الميز ورحـت نمـت كعدت علة صوت الموبايل
اوووه مهمـة
كعدت وتذكرت الي صار ماقارية الرسائل تنهدتت وكمـت لبست الزي ورحـت للمركز لكيت الفرقة چاهزين كلهم
سوالنه اچتمـاع المدير وگال اكو نـاس جاي تتاجر بالمخدرات واچتنة اخبـارية عنهم بس هذولة خطرين كلش ومدربين وحراستهم مركزه حَـيل
اني لا مايهمني شي سلمني القيـاده بيدي ورحنه للمكان
جان عباره عن خرابة باحد الاحيـاء الفقيره للبصره اقتحمنـه المكان وصيطرنه علية بالكامل
اطيتهم امر انو نهچم عليهم وفعلا صـار الهچوم وبدت المواجهات الحقراء ولد صغـار شباب مراهقيـن بنات حاطيهن وين احنه عمي كدرنة ندخل لجوه وجان الجبير مالتهم وياهم
سوينه اقتحام للبناية الثانية الي بيهه ذولا
صحنه بالسمعات حته يستسلم ماكو احد كلت هايهيه هو يريد يلحگ ذولا اطيتهم امر انو نطب
وفعلا طبينه للبناية ماببيهه ولاواحـد غير ولَد تطلع اعمارهم 18 19 20 و بنيه عمرها بال 20
شنو ذنبهم ذولا لو لاكين الحنـان والحياه الكاملة عد اهلهم راح يلچأون لهل شي اكيد لا
استجوبناهم والي عرفنـا الراس الجبير الخره مالتهم شاررد
ضچـت كلششش هذا الحقيرر كدر يشرد رجعـت للبيـت واني ضايچ چـان هدفي الحقيرر هذا الي موكع شباب بعمر الورود
طبيت سلمت علة امي وصعدت اريد ابدل ال زي سمعت صوت البنات اوووف اليوم يچن
يعني مريم چـاية اذكرت شكلـهه وملابسهه شلون لازكات عليهه والمطر مزودهه تنهدت وطبيت لغرفتي مالي خلك ابدل حتة طلعت عسة ولعل اشوفهه شفت بنية مطيتني ضهرهه
عرفتهه مريم لان موچ مساع شفتهه وبت عمهه ماعتقد هاي مريم اكيد
وكفت وهيه تچدد انتضرتهه واني اتكئت علة الحايط دارت وچـهه مريم
هلا واللة اجيتي برجليج ست مريم شفتهه ارتبكـت ونزلت راسـهه
تقدمـت الهه وهيه رجعـت ليوره
مريم:
صرت ليوره علة الحايط وانفاسي وحده تسبق الثانيه رربي دخيلك ماردت اشوفه ليَيـش طلع بوجهي
رفعت راسي وهو يمي كلش كال
قحطـان: تذكرين اني شكلت
جسمي حسيته رچـف وماحجيت شي
حچة مره ثانية وضغط علية ايدي حَيـل
قحطان:ارفعي راسج وكليلي شككلتت ذااااك اليووووم علةةة مممملابسجج شكتلج اذااا تلبسين شي مابي حض هااااا احجججييي شبيج نخرررستي
وكعت دمعتي وكمت ابلعم ومدنكة همست بصوت ناصي واني راسي يوجعني فوگ الوجع فوك ماحس نفسي مصخنه قحطان
حط ايده ع فكي ورفعه بيـده وصار وجهه مقابل وجهي
اني غمضت عيوني وبس الدموع تنزل مني
قحطان :لاااااااتبججين لااااتبجين انتتتتي هههاي الرررااايدتههه ملابسج لزززززك ووووي جسممممج مكيفةةة هااااااا بلة شااافج ولدددد غيرري شيكووول مننن يشوووف جسمج مقسمم تقسمممم والصدددرية لزززك والمطررر
مريم: ق قحطان عوفني ح حباب
قحطان: عايفج عاايفج هسة بس مره الثانية اذا عدتيهه حسابج عسير والخلقچ
باوعتله بعيون تتطافر منهه دموع وباوعت لايدي وخر ايـده بسرعة ونزل
طبيـت للحمـام وصرت ابچي حَيـل ليش يسوي هيج غير يفهم شصـار ياربي اني كلة بسببي ليش لبست الصدرية الضيكة لا لا موبسببي اصلا هو شعلية ويدخل كلة بسببي اني انطيته مجال زايد
كمـت مسحت دموعي وغسلت وجهي بس عيوني صايرات حمر حسيت بدوخة خفيفه دخت وعلي مدري شبية نعلت الشيطان وكمـت
البنـات يصلن لكيت سجادة فرشتهه ولبست جادر الصلاه بديت اصلي اريد اركز ماكدر
ياربي شنو السالفة فرض المغرب كمت اصلي فرض الصبح عفت الصلاه وكعدت شفت حور خلصت صلاه كالتلي
حور: شبيج مريم
مريم: ماعرف شبية دخـت
حور: شنو باجية شو عيونج حمر
موچ: شكو مريم
مريم: مابية شي بنـات واللة ومابيهن شي عيوني بس احس نفسي صخنـت و مادري شبية راسي موتني
موچ: اجيبلج براسيتول
مريم: لاحبيبتي هسه اصير زينة خل اكوم اصلي
كمـت صليـت بلكوه احس جسمي نحل ومالي خلگ
شفت موچ نزلت وصعـدت جابت كلاص مي وحبـاية ويـاهه
مريم: شنوهاي
موچ: هاي حبيب الكلب وداهن
مريم : شنو
موچ:هههههههه قحطان نزلت كلت لامي وسمع وكال وهو قلقان شبيههه شكوو كتلة راسهه يوجعهه حيل ومصخنه اضنهه كال تعاي اخذيلهه بندول
ابتسمتلهه وكلبي يوجعني وهيه وحور يتغامزن عليه هه
موچ: يلا ابلعي الحباية
مريم: لج ماريد واللة مابيه شي
موچ: اي مبين انجبي ويلا اشربي
مريم : اوف موچ
حور: اني اكلج تستحي تكلج ماتعرف تبلع الحباية
موچ: اللة عليج
حور: والنبي 😂😂
مريم: انجبن انتن ماكدر اشرب موچ حبابة ماريد
موچ: ابد يعني
مريم: اي واللة يلا اخذي وتعاي خنكمل قراية
راحـت موچ شوية واجت وبيدهه الكلاص
موچ: روميو حل الحباية بالمي يلا اشربي 😂😂
حور: يممما كلبي الصغيرون ما يتحمل تصيبة الجلطة راساا حض الجكمات جا نفس حضي
ابتسمـت علة حجيهن وعلة اهتمامه اذكرت الي سوى هو لو يحبني ما اذاني اصلا سكتت واخذت المي شربته بالكوه حسبالك ششاربـة
رچعنـه نقره وموچ كلساع جايبتلنه شي واني ماشتهي مدري شبية كوه اكل
صارت بال9 كملنه كلشي
موچ كالت انزلن خلي نتعشة كالتلهه حور نستحي ماننزل خلي نراجع ونروح للبيـت موچ مـاقبلت كالت انزلن نكعد بغرفة امي عاد شلون اصعده واللة اذاا ماتجن بعد ولاكل يمكم
نزلنه ويـاهه لكينـاهم كاعدين بالصالة دنكـت راسي كالتلي خالتي
ام قحطان: شبيج يمة شجاج
مريم: لا خالة مابيه شي لاتخافين موچ كبرتهه
ام قحطان: يمة انتبهي نفسج الجو يريدلة حچة
مريم: نشالله خالة
باوعتله يباوعلي بنضرات ماكدرت افسرهن نضرات غضب مدري قلق مادري شنو دنكت وماطيته اهميه كدامة بس بكلبي غير شي
الدنيـا مطر والهوى عالي رحنـه وي موچ للمطبخ كالت خلينـا هنـا الهوى يخبل خلي مفتوح
اني بردانة ححيل بس ستحيت اكلهن سدنه وهنه مكيفات علة الهوى بس اني مثلچة وسن يطك بسن بس مابيـنت الهن
كعدنه علة الطبلة وموچ جابت الاكل النه احس راسي صار طبل وثلجت حَيل البنات ياكلن واني كوه اكل
مريم: موچ حباباتركومن يدن الباب متت من البررد
موچ:ماكتيلي من زمان شبيچ
كامت سدت البـاب واجت
حور: ماتاكلين
موچ: صدك متاكلين
مريم: واللة العضيم نفسي تلعب بنات لاتجبرني ماكدر راسي طبل ومثلجة مدري مصخنه وعيوني احس نار تطلع منهن
موچ:رحتي بالدهن داده مريوم وبج لااتتمرضين
مريم: مابية شي لاتخافيـن يلا كملـن وخلي نروح حور بالبيـت نراجع دخت حيل واللة
حور: كومي مريومة يلا اني الحمدللة شبعت هسه اخابر ابوية يدز عمار
موچ:بنات ماكلتن شنو هاي
حور: غير مره كلبي لازكين علة كلبج تملين منه واللة يلا مريوم كومي نجيب غراضنه من فوك
موچ: اني اجيبلجن اصبرن
طلعت موج واني كوه فاتحة عيوني وره شوية اجتي هيه وقحطـان وراهه
قحطان: اني اوصلچن لاتخابرين عمي بهل مطر عليمن
احنه كمنه واني ارجف من البرد احسه يباوعلي بس اني مدنكة
قحطان: بنيتي روحي جيبي شمسيه بسرعة
راحت موچ جابت الشمسية وكالت اخذنهه لاتتبللن
اخذتهه حور وفتحتهه مشينه ومشـة كدامنه اندك البـاب طلع عمي
سلم علية وكالة ماردت اعذبك اني جبت البناويت عمي اشكر منه
طبينه للبيت واني ارچف حاولت ابيـن القوه كتلهم اني اكلت راح اصعد انام
صعـدت راسـا رحت علة الجرباية تغطيت بملابسي ولسة بردانة حسيت علة حركة حور
حور: شبيج مريم اكل لبابا
مريم: لا حور لا بس غطيني حباب
حور: اوكي حبيبتي يلا
غطتني بغطة ثاني راسـا نمت من التعب فزيت من نومي بال6
احس جسمي مكسر گست نفسي مصخنه وصوتي مبحوح شفت صدريتي اوف هسه شسوي شلون اغيرهه واني موبيتنه
كعدت حور كامت بدلت اخذت اني صدرية عد حور لبستـهه شوية عريضة ولبست قميصي وشالي وكملت واني مالي خلك ابد
راجعت شوية واحي مامسيطره علة المـاده ابـد
ياربي شلون بية
صارت بال7ونص نزلنه اني وحور وامي تسال بية شبيج وشبيج كوه طمنتها مابية شي مجرد برد كعدنه ع الرويك كوه تريكت اكلت لكمة وكمت
طبعا اليوم خميس همزين اخر امتحان بعد ماعدنة شي
عمو انطة السياره لعمـار طلعنه سوه واني روحي احسهه طالعة شفت قحطان طالع باوعلي بتفحص هه هم ع اللبس
عمار سلم علية كالة موچ هسة اني اجيبهه
صعدت راسا بالسيـاره حرك عمار السيـاره وصلنه للمدرسـة
نزلنه عمـار وطبينه للمدرسة شوية وموچ اجتي هم امتحنه الامتحان
اني كوه جابوبت بس الحمدللة انشاللة درچـه زينة
موچ كـالت اليوم قحطان ماعده شي هو يجي للمدرسة ياخذني سالتهه اكو شي ليش مو ويانه كالت لا واللة بس هو كال هيج شمدريني
اني هم غلست خلص الدوام وخلصت روحي ويـا طلعنه الدنيـا شمس واني مصخنه نـار
منتضريـن عمـار حسيـت نفسي تلعب احس روحي نسلحـت اريد احجي ماكدر كعدت ع الرصيف وكتلهن
بنات بعد ماكدر راح اتقيئ
حطيت راسي. بحضني ونفسي تلعب واحس روحي مسلوحة صرت اندعي انو ماتقيئ بالشـارع البنـات كعدن يمي يردني اكوم ماكدر
شوبة وسمعت صوت ولَد كال
خوية خوما بيهه شي
كالتله حور: لاخوية بس تخربطت
..حاولي تكومين الشمس موزينة
باوعتله عزززه هذا جيرانه رجعت راسي وكبت لاهايهيه حتقيئ
سمعت صوت سيـاره طبكـت كلت اي اچة عمـار
رفعت راسي شفت .......
يتبع
يكولـها اول مره احسج مكسـوره تمشين وانــه الـي اعرفـج اقوا انسـانــه💔
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: