#الضابط_والجميلة
#البـارت الثـالث
#alshabaniuh
___________
للكـاتبةه : ࢪَ࣪يࢪَ࣪فـون ♥️
___________
اخذت موبـايلهه وصرت اشوف المقطع بنص المقطع وصلـت. رسالة صوتية مـن الانستكرام متكوتب اليوزر ارقـام وشي يعني يوزر كلش مميز بس ماعرفت ولد بنسة جانت اضااه خافته ورمزية رماديه طبيت شفت الاسم مريم تمالكني فضول اسمع البصمة فتحتهه واني اسمع صوتهه وادخـن واحس شي يتحرك بداخلي ومـن تكول اووف كلبي وياهه يصيح اوف يررربي شهههل صووت شهل جمال العد هل بنية حفضت يوزها ودزيته خاص الي بسرعة ومسحت المحادثة ششفت دزت الو وينچ ماعرف شنو الي صارلي ومنين الجراه الي اجتني وخابرت عليهه ماعرف حسيـت نفسي هيج ضعيف كدام صوتهه سديت الكامره بـايدي ماحس غير ردت بسرعة وهم غالقة الكاميرا اجاني صوتهه وهيه تكول
مريم : اففف هـا موچ
قحطان: اني مدرلي شصارلي راسا طفيـت الموبايل عدلت كعدتي احس روحي حتريتت استغفراللة فركت وجهي وحطيت الموبايل عالطبلة طلعت الاركيلة الالكترونيـة وكمت ادخـن شفتهه دكت مـره ثانيه شوية واجتي موچ كتلهه
قحطـان: شلته بالغلط موچ يـلا اصعـدي نامي بنيتي
موچ : عزززه ضليـت ابلعم بس لٱ سامعته هسة شتكول ابتسمتلة والخوف بداخلي شفتهه صعـد راسـة رديـت عليهه كلتلي
مريم: شبيچ تدكين ومتحجين عـابت
موچ بتوتر: هَـاآ لا مو نت ضعيف ولج
مريم: اففف اكلج بابا ماقبل
موچ: لا بربچ مريم لاموخوش سالفة ليـش
مريم: ماعرف حنـام اسمعي البصمه تصبحين ع خير
موچ: تمـام و انتي مـن اهلـو
مريم : جنـت كلشش ضايچـة لان مقبلوو ضليـت اتكلب ومنمـت طلعـت موبـايلي كمـت اطب مـنا اطلع منـا واللـة ضچـت اخيـر شي مـاعرف شنو الدافع الي خلاني اطب ع صفحتـة شفته نـاشر ستوري چـديد صورتة ولابس الزي كلش حلو مـاعرف ليـش ضليـت موكفة الستوري واشوف. شوية نعلت الشيطـان ونمـت
قحطـان: صعدت لغرفتي و اني الوم نفسي ع هل تصرف وشون شلت الخط يلة عليهه صوت جهنمي والعيون اخ شنو مـن بنيـة هـاي طبيت لغرفتي واحس نفسي سكران نزعـت ملابسي وطبيـت چوه دوش اسبـح وافكر بيـههه احس اعصـابي اتشنچن شچـاي يصير هههه ما مخلي شي مشـايفة لاعيون زرك ولاعيون خضر يتوسلـن يمي بس كلبي منبض لوحـده استغفراللة قحطـان شچـاك كافي افففف طلعـت مـن الحمـام لبسـت ملابسي و نشفت شعري ونمـت علة الجرباية حطيت اديه جوه ركبتك ونمت ع ضههري وصرت اتخيـل شكلهه يربي صدك تچـذب النضـر شوية وحسيـت علة نفسي وصرت مثـل لمخبل
استغفراللة استغفراللة قحطـان هسةة انتت تقبللل واحدد يباوع لموچ هيجج اخخ الة ادفنه بس يرربي هاي البنيه اوووووفف هسة راح اجيب ابوو. البنيه شلووون دكةة اريد انااام ووراي كعده مـن صبحح
لزمت الموبـايل وضليـت اكلب بي طبيت انستـا كالعـاده كوومة رساائل خـاص شفت مـن بينهم يوزرهه الي دزيتـه مـن موچ فتـحتة وشفـت حسـابهه خـاص ضليـت اشوف الوصف و الصوره والاسم مدري شبية ضليت هيج صافن عليهم شوية وماحس بنفسي غير غفيـت
مريـم: كعدت السـاعة ب 9 كمـت غسلـت وجهي ولفيـت شعري ونزلت شفت بابا لابس ملابسة العسكرية و امي كاعده يمه يتريكون ابتسمـت وكلت
مريم: صبـاح الخير
ابو مريم: شنو اليوم ماكو بوسة زعلانه الحلوه
ابتسمـت وكمت بوسته وبسـت مامـا وكعدت
ابو مريم : كومي بدلي خل اخذچن لبيـت عمج و اروح للمهممـه هههه وعدي خبر الج مريوم حشووف البيـت الي بصف بيـت چدچ اعتقـد راح نشتري
مـن سمعته عزززه كممممزت مـن مكاني وكعدتت يمه
مريم: بربككك باباا صدك اللة عليك
ابو مريم: هههههه اي اليووم احجي ويـاهمم واشوووف
مريم: يمةةةة الللة هيجج ونصيرر بصف بيتت جدووو اللة حباب باباااا حاوول
ابو مريم: نشاللة بابا يلا كومي بدلي وراية روحة اجيب هسافل
مريم: بابا حباب انتبه نفسك فدوه
ابو مريم: لاتخافين اللة وياي يلا كومي بدلي
لا تنسـووون التصويـت 💕
مريم كمت بسرعة والفـرحة بعيوني بلكت صدوك يشوفونه هو البيـت يم بيـت جدو كمـت لبسـت بسرعـة كيلوت عريض جويتي وقميـص ابيـض وبي ورز ناعم جويتي و لبسـت صايـة فوكاهن جويتي عريضة ومستوره بس مفتوحة مـن كدام شوية ودزتلي موچ صباح الخيـر دزيتلهه راسلـه كتلهه حنچي عدي اخبـار تچنن غلقـت الموبـايل ولبسـت شوز ابيـض حطيـت مسكارا وحمره ورديه خفيفففه ولفيـت شيلتي الجويتية حطيـت عطـر واخذت موبـايلي وطلعـت والفرحة مسايعتني شفتت اههلي ينتضروني جوه طلعـت امي صعدت وابوية واني صعدت وره وامي توصي بابوية يدير بالة ع نفسة وابوية بس يريد يلزمة خفت علة ابوية ذولا بدولة وكلشي يسوون وصيـت بابا بالسيـاره ونزلنـة مـن جهه لخ الي كبال بيت جدو لان بينهم شـارع عـام تقريبـا نـاس تطب بي شفـت قحطـان لابس زية العرسكي ويغسـل بسيـارتة كمـت ابلعم والي عرفتـه انو اليـوم قحطـان كذالك بالمهمه وي بـابـا نزلـت وصرت وره امي هو شـافنه تقدم وسلم علة بـابـا اني صرت وره امي كال و ني مدنكة
قحطـان: السلام عليكم شلونچ خالة انشاللة بخير
هلة بيك خالة الحمدللة انت شلونك الوالده شلونهه
قحطـان وهو يبـاوع لمريم: الحمدللة زينين خالة يلا تفضلو
ابو مريم: ماتقصرون حبيبي بس هسة راح اذبهم يم الاهل مريومة تريد تشوف بيبتهه و انروح للمهمه
يمه عزززه صخنت مـن كال ابوية هيج حسيته يبـاوعلي يبوي اترخصنة منهة ودنمشي رفعت راسي وشفته باوعلي وخزرني عزه ههذا شبي بـابـا اجة ويـانة دكينة البـاب طلعلنـة عمـار جنة عتوي مابي شي هذا الرلد بسبع ارواح سلم ع بابا وماما وصل الية كال
عمار: شلونج مريومة
باوعتلة وني زعلانه عليه ع موقف موچ وكتله : هلا بيك عمـار
طبينة كالعاده چدو وبيبي بالصالة وعمه وعمو ونص كاعدين ونص نايمين 😂
احمـد و علي و رقية مـرت علي بالدوام وحوراء تنبـل و لكينه ضاهر كاعد يم عمـار سلمـت ع الكل وكعدت يمهم بـابـا ككلههم ع البيـت ولكل فرحو طلعو هو وعمو حتة يشوفون صاحب البيـت ضلينه بس احنه كمت حتة اصيح حوراء التنبل مال النوم صعـدت حسيـت احد يمشي وراية التفت شفته عمـار باوعتلة وعقجت حاچبي
عمـار: خل احاجيج
مريم:كول عمـار
عمـار :مريم تره نضراتي الـهه صارت لا ارادية يشهههد اللة ف كافي لا ومحمد اكفخج جنج بومة
مريم: ههههه عمار واللة موهيج بس نضراتك فضيحة جانن ونبي
عمـار : هسة غلسي عنههه ماعرف اني هم ندمان وربي اني نازل كعدي هاي التنبل
ابتسمـت علية اعرفة فطير هذا طبيت لغرفة حور شهههكت لكيتهه نايمة بالعرض والموبايل بالكاع ولابسة بجامة عريضة و كيمونة و الشعر مطشر ونايمة ع بطنهه وشخور 😂🥺
اني مـن شفتهه اخترعت وعلي
تقربتلهه وداكعدهه متكعد حسبالك ميته يرربي شككد نومها ثكيل
ولجج حورراء اكككعدي يلاااا
حوراء: ولي بت الكلب
مريم : عزززه بعينججج ياخره كوومي ولجج يللااا لا وعلي هسة اكل لبيبي وتزفج زفة مـن هاي الزينة
حوراء: اهووو شوون راح انعل ابوهه لابو بيبيتهه وخري بت الاوام اريد انام
مريم: لاهايههيه هاي فاصلة كلش خلكوم اني اعرف شلون اكعدهه
يااااا ولجج حوررراء اكككعددي بسرررررعة مصططططفى اجةةة جوووه يررريد يخطبجج ولجج اننزززلي
اشو هاي بس كتلهه هيج ماحس الطفره مننن الجرباية بسرعة
حوراء: شنوووو الللةةة عليججج مريمممم عززززه يمةةةة تعاااي اكرضينييي صدددك الللةةةةة واللة تحجين صدك بداعت عمو
مريم: مـن كمزت مـتت مننن الضحكك ضليـت بس اضحك يربي لا هايهيه هاي كلش منتهيه حطيت المخده كبالي وكتلهه الللة عليج لاتضربين جذب بس ضجت اريد احاجيج
حوراء: اياااا خايسةةة ياااا مريمممم تف عليجججج ياااثووولةةةة يااامطيةة كومي ولي اريد انااام منن صبحح ازعاج
مريم: هااا هيج خوش حطلع بس اني و امي حنروح هسة لبيت ام قحطان انتي ضلي هنا نايمة
حوراء: اللة عليج يمةة لا لا واللة كايمة وياجن حبابة موتروحن
مريم: متتتت وهاي ثاني جذبة
حوراء: صخونه الج شبيج جنج بومة
مريم: لاتنامين ولج عدي اخبار الج حلوه البيت الي يمكم يم بيت عمو حسـن مو ح يبيعو حنشتري احنة يچوز
حوراء: مريم راح اكفخج هواية جذبتس كومي عني
مريم: ونبي محمد وروحة ل جدي ح نشتري
حوراء: عااااااا ججوووووذبببببب ييااااي ررراح صيريننم يممميي هههلللاااا هههلااا اصلااا 24ساعه يمج وماكعد بالبيـت
ضحكت ع حجيهه وندعيت كون الشغلة تصير نزلنه جوه لكينه عمـار و ضاههر طالعيـن ولا يستچنون قسـم باللـه نزعت شـالي وضلينه منتضريـن بابا شوية واجوي هو وعمو وكـالو السالفة صـارتتت يالله شككد فرررحت شفـت بابا كال بس لمـن الكي شراي للبيـت كون هل اسبوع راح احطة يـم مكتب ابو العقـار وهو يشـوفة بلكت ينبـاع ونشتتتري هل بيـت
طلـع ابـوية للمهمه و اني كلبي يمة شوية وحوراء دكت علـة موچ وكلتلهه اني اچيت كالت
موچ: تعـالن انتن حبابات مصطفى نايم.و قحطان طلع تعالن واللة
حوراء: هـا ولچ بس خاف ابوي مايرضة
موچ: خرب حبابة قنعي حوراء وتعالن يلا مو بس اني اجيجن
حوراء: كومي خل نكلة اني وياج اذاا سمع منج يكول اي كومي
مريم: اي يلا بس واللة استحي
حوراء: خاب شو دكومي همه كبالنه وين ماشين وتستحين منهم
لبسـت فوك ملابسهه روب كصير نص ردان ونزلت وياية
رحنـة شفنه الكل كاعد بالاستقبـال والكل ملتهي يحچي حوراء راحت كعدت بين جدو و عمو وحجت
حوراء: بابا بابا خلنروح لبيت ام قحطان حباب موچ كالتلنة تعالن انتي و مريم مو بس اني اجي تكول قحطان طلع بالمهمه و مصطفى نايم
حسام: لا باباا عيب شو اكعدي
الجده: ماتخلهن يروحن شبيك مـن جنه بعمارهن نمشي بكيفنة محد يتحجة ويانه خل البنات يرحن خلهن
مريم: اي عمو حبـاب واللـة مانطوب ساعه ونجي
الجد: عوفهن بوية ذولا عشرت عمر واعرف تربيتهم خلهن يرحن
حسام: بس ماتتاخرنن
حوراء وههي تبوس خده حيل: يمماي اروح فدددوه اني
ضحكوا عليها كامن حوراء صعدت ومريم صعدت وراهه
حوراء: مريم تعاي اللة عليج رتبيني مو اروح اني وعطوبي ويشوفني صفاوي
مريم: ولجج شبيج انتي لا يسمعنه احد اششش يلاا بدلي بسرعة
كـامت بسرعة هنه ما يلبسـن عبايات مرات بس لبسهن مستور كلش
لبسـت تشيرت ابيـض و تنوره وردي بڤ و لبسـت حـذاء بيضة كعب شوية و مريم لفتلهه شالـهه وباوعت لمريم
حوراء: اللة عليج حلوه
مريم: هههههه ومحمد تخبلين يلا كومي ب 11:15 د يلاااا
كـامـن ونزلـن طلعن وي طلعتهن تلكوههن عمـار و ضاههر بسياره
مريم: لا خربت طلعتنه
حوراء: اشش ماعليج شنو هيه بكيفهم همزين ابوي قبل
نزلوا سوه وصوفرووو
عمار: هلااا ييبننات ممكن رررقم يصاكات ترجعن للبيت لا هسةةة ترجعن زرك وينن طالعاتتت يااابة
حوراء : اووو وخر واللة ابوي كاللنه حنروح لبيت ام قحطان محد يمهم ولي يلااا
عمار: شلووووننن بالتنتررر وعلي ارجعجن هسة يلاااا دي للبيتت
مريم: عماررر دتنتضرنه البنية حباب محد بيتهم وكلت لابوية خطية موچ منتتضرتنة
هو صفـن بية وكال تعالن اني اوصلچن
ضاهر: چا اني راح ارتاح والعصر نطلع خوش
عمار: تمـام
رحنه لبيتهم كال اروح مـن يفتحون البـاب يمة منك عمـارر
دكينه الچرص سمعنه صوت موچ
موچ: منـو
حوراء: مو اني مو اني
موچ اول ماسمعت صوتهن فتحت البـاب حيل وصارت كدامهن حسـبالهه بس هنه چايات چانت لابسة تراك وردي ورافعة شعرهه ومنزلتـه عمـار بس شافهه نصدددم وهيه طبكت الباب بوچهنه مريم كرصت عمار الصـافن وهمستلةة
مريمم: لا هايههيهه اممممشي امممشي
عمـار باوع ل مريم وضحك وراح
حوراء دكت الباب: لج فتحي الباب ياغبيه راح اكو مطية تفتح الباب كل حيلة 😂
فتحت لببـاب وصـارت وره البـاب
طبينه وشفت الدمعة بعينهه عززه يربي 😂
رحت حضنتهه: وج شبيج مايقصد انتي صوج بيج شون تفتحين الباب ع حيلة وهو جان لازم يدير ضهره هم ياربي مجاي افهم شبيكم انتم 😂
حوراء: اي اكلبنهه مناحة باللة شو وخري يلا خنطب
ضحكـت موچ وسلمـت عليـهه وطبن سوه چانت ام قحطـان بالمطبخ دتطبخ شـافتهن سلمـن عليهه وكعدن يمهه شوية
ام قحطان: شلونج مريومة امج شلونهه ماجتي
مريم: واللة خالة بابا راح للمهمه وقلقانه عليه ماكدرت تطلع
ام قحطان: اي واللة حقهه خالة اني هسة جاي اتلوع علة قحطـان يمتة يجي
حوراء: لا خالة نشاللة لا يجون بخير لا تفاولن عليهم
موچ: بنات كومـن خلنصعـد لفوك لغرفتي
ام قحطـان: اي خالة كومن كومن اصععدن
صعدنـة فوك شفنه 3 غرف موچوده اول ماصعدون ويمهن حمام وصالة جبيره نمشي وتاشرلنة موچ
موچ: هاي اول وحده غرفت مصطفى وهاي غرفتي وهاي غرفة قحطـان تعالـن نكعد بغرفتي
فتحت بـاب غرفتهه اجينه كعدنة ع الجربـاية ونحچي ونسولف سوه موچ كلش حبابة وطيبةة خل نعرفكم ع موچ
موچ: هلاو اني اسمي موچ عمري 18 كبرت وو وعيت و اني ماعنـدي اب بس جان قحطـان بمثابة ابوي جان مدللني ادلل مثل الاب المهم اني بيـضة عيوني عسلي شكره ع بابا اللة يرحمـة بنينه بيتنه مـن اجينه للبيـت نقلنه الغراض واكو ولـد ثنين جانو واكفين بالباب الي مقابيلنه اني خجولةة كلش بحيث اقل موقف الدمعة بعيوني شفت تقدموا وضلو ينكلون بالغراض
شفت اكو ثنين ولد كبالنه كاعدين ويولفون شافونه اجوي سلمو علينه اني وامي طبينه راسا شفتهم ينكلون بالغراض وي اخواني صعدت فوك ونتبهت منن شباك ع ولـد طويـل وضعيف بس موكلش جسمه وي طولة حلوو شعره عالي وجهه ابيض صدك يجذب النضر باوعتلة وسديت الشباك ونزلت اجتي جوارينة هيه الكبالنه وامي كالت نعرفهم كلشش وبتهه حوراء كلششش حباب حبابة وحلووه تعرفت عليهه وشي اليوووم ثاني اجة قحطان وكال ابنهم مسوي حادث اني مدري شصارلي واجة بالي ع عمـار امي كلتلة منوه كللهه الصغيرر بيومهه صدك ضجت ليـش ماعرف ضليت اكل بروحي اكل كلساع و اذكره وكلبي ينعصر عصر اليوم الثاني رحنالهم وتعرفت ع مريم بت عم حوراء ومريومة تخبل وبيهه شبه قوي من عمار وحبابة كلش تعرفت عليهن وجنت لابسه بينصل نص ردان بس لازك ع جسم كمت وياهن وضليت بالمطبخ شوية وطب يممممة حححسيتت جججمدت بمكاني
بساعتهه لو اطكون عليـه بيضة تتكلة من الحماوه شفته صفن بوجهي بسررعة لبدت وره حوراء شفت مريم كرصته وطلع بس اني يمه متتت راساا رحت كعدت يم امي حاولت انسة السالفة ومافكر بيهه بس احس نفسي ماعرف كلما اذكر الموقف جسمي يرجف اخذت الارقـام مـن البنـات ومريومة طلعـت شوية واجتي صاحتني قحطان اجة علية طلعنه وتلاكينة سوه وهلمره ماعرف منين اجتني جراه وباوعت لعيونه وبسرعة دنكت مريم وخرته وطلعنه بسرعة حسيته طلع ورانة ويباوعلنة راحت الاايام ومريم وحور رادن يجنة جنت لابسة بجامة مال بيت و كيمونة وفوكهن نفس الجاكيت مال بيت نص ردان ورافعة شعري لفوك سمعت الباب همه بسرعة فتحتة و اني منبهني قحطان افتح الباب وصير ورا اني فتحتة ع حيلة وصرت كبال الباب شفته واكف ولابس البنطرون والقميص وشعره حسيتتت نضراتة اكككلني اكككل يمةةة شفت مريم وحوراء بصفة بسرعة طبكت الباب عليهن نتجيت ع الحايط والزمعة بعيوني انو شافني هيج و اني ارجف امي كلتلي منو ع باب وسمعت صوت حوراء تكلي افتحي يغبيه راح فتحت الباب اجتي حضنتني مريومة كلت عيب. الضوج بية ماضل اتبجبج يمهن طبن بس شنو احس جسمي يرججف وعقلي وياا
اما اذاا تكلولي شنو شعور عمار موچ كلما تكلة يكللههه انصههرت سحت معت رحت تخردلت احوالي ولي عني خل العب كيم 😂😂 موچ 4 مره تسـالة ويكللهه ههيچ
مريم: كعدنة نسولف ونضحك محسينه بالوقت كامت كالت تعالن اراويجن غرفة قحطـان و مصطفى اذا نـايم هم كمنـة و اني مستحية بس احس حوراء الابتسامة مشكوكة شك ع وجهه 😂❤️
لا تنسـووون التصويـت 🔥🖤
طبيـنة للغرفة فتحت الباب الاضوية مزدوده اجتنة الريحة اخ ياابة عطره موتني كفخني طبينه اول شي شلون الصالة لونهه تركوازي و حاط تخم من جهه وحـده لونة جوزي وبي تركوازي شوية ويمة الاركيلة و طبلة صغيره عليهه جكاير واكو حمام داخلي ع غرفة موچ
حوراء: واللة مرتب ههذا
موچ: هههههههه بالعكسس كلش مبعثر بس اني رتبت غرفته من طلع
حوراء: اهووو نفس حالتي يحضي
طبينه للغرفة والريحة تكفخ جانت الغزفة كلش حلوه ونـازكة جانت كلهه تركوازي لونهه والحايط صابغة صبغ يدوخ وكبال الجرباية فوك شلون الخشب وملون يموت التصميم وحاط صور الة ضليت صافنه بي نوب كعدن واني كمت ع العطور يكفخن كفخ كالت موچ
موچ: عطوره كلهن مـن الخليج يجيبهن
مريم: كلش طيبات
حوراء: هاي غرفته وي مرتة قبل
موچ : لا غرفتهه اخذتهه اطاهيا لو تشوفين شون تحرمص هسة
ماعرف ليـش ضجت مـن كالت هيج كعدنة شوية و كالت حوراء اريد اكوم للحمام
موچ: كومي كلبي لو مالت قحطان لو اطلعي لمالتنه
شفت حوراء عرفت نيتهه عزه ولاتكعد راحة هاي خزرتهه ماهتمـت وطبعت ضلينه نحجي اني وموچ وبالي يم ابوية اخابره ميرد
حوراء: طلعت مـن الغرفة وشفت الضوه مزود مديت راسي وكمت اباوع وني كلشي ماشوف 😂❤️ نوب سمعت حركة سويتهه طفره لاحمام ماحس غير شالي نجر جنت لافته هيج ع سريع والباقي وراية سمعت صوته وهو يكول
مصطفى: ويـن رايحة من صبح وتتنصتين لغرفتي حضرت موچ
حوراء: حسيته يقصـد ع موچ حسبالة موچ عزه ضل جسمي يرجف وهو صافن بوجهي ويباوع لجسمي يمة صارلي شكد بس اريد اشوفة اليوم درت وجهي شافة كلت عززه شواربي محافتهن 😭😂 بس لايتقرب يمي نفس القصص عزززه
اشو شفت الولد عاف الشال ودنك وكال اعتذر خوية ونزل لغرفته بسرعة
ضليت بمكاني جامده اهههمده حححضي كلةة منن وره القصص سودنتني وعلي بس الولد شكد ثكيل يبوي بس واللة اجيبك للدرب ماطلع بت حويسم اذاا ماجيبك 😂😂 عدلت شالب ورحتلهن اضحك مريم شافتني خزرتني واللة المعقده حكفخهه
مريم: شفت ساعه ب 12 الة ربع وهاي اجتي تضحك يمه الساتر اللة منهه وعلي كتلهه
يلة حوراء تره عمو كال تعالن من وقت
موچ: لاااا مريم حبابة ضلن
حوراء: لا كلبي لازم نروح حـاليـا
موچ: تغدن وروحن
حوراء: لا يعمري نجيج بعدين يلا ميم خنكوم
كمنـة ونـزلنة شفنة مصطفى بالمطبخ سلم علينه وطلع خالتي كالت
ام قحطان: وين خالة اكعدن اتغدن وروحن
مريم: لا واللة خالة لازم نرجع للبيـت هسة
ام قحطان: صدك تحجن يمة اتعشن واطلعن طايرات
حوراء: مره ثانية خالة يلا نترخص
دنحجي وي خالتي بالمطبخ شفت قحطان طب للبيـت بملابسة العسكرية شفانه ضل صافن وسلم علينه ردينـة السلام واحنة مدنكين وحوراء تكرص بيه واني مدري شبية حصرتني الضحكة 😂💔 شفته كعد ع الطبلة بتعب كلت اكيد بابا اجة
مريم: يلا خالة نترخض
ام قحطان: هسة لوضالين يا يمة
مريم: لاخالة اريد اشوف بابا يلة نترخص
حسيت عيونه تحاوط جسمي يربي عبرت مـن يمة وسمعـت صوتة ورانـة
قحطـان: يمة راح اوصل البنات منا عمال و اجي حبابة الغده جوعان
مشية وصـار كدامنه وطلع طلعنه ورا بس احس جسمي يرجف وصلنه للبيـت ضل واكف ورانة حـدمـا سمـع صوت اسيـل خلة وراح بس احسة كصني كص يمة متت
دخلنة للبيـت رحنه اني وحوراء للصـالة وهيه تحجي براسي يمة شخصيته ويمة شخصيتة بوية ولاتستجن دخلنة للصـالة شفنه الكل كاعد سلمنه ورحتت يم بابا كعدت
مريم: ها بابا بشر
ابو مريم: اي بابا الحمدللة لزمنـا الحقيـر كاعد ببيته ابو لعب جولا بس كل ضنه نتراجع ميدري غصـبااا عليةة ناخذه اخذنـا وقحطـان مقصر بالتعذيب اعترف بكلشي وصورنـا ووثقنة كل اقوالـة وابو يههادد يطلعة بس اريـد اعرف شلـون يطلع الكلب واللـة ل اعذبة عذاب الة اطلع حليب امة من عيونة
مريم: بابا بس ذولا خطرين واللة كلشي يسوون
ابو مريم: لاتخـافين والبيت صار بيـد المقاول وكال واحد موصيني ع هيج بيت اذاا صـارت هذا السبوع ننتقـل البيـت كامل مكمل ميحتاجلة شي
ابتسمت علة حجي بـابـا
انداريت شفت احمـد
مريم: شلونك احمد شخبارك شلونة الدوام
احمد: الحمدللة مريومة انتي شلونج
مريم بابتسامة: زينة الحمدللة
شوية واجة كاضم لاحمـد ويبجي جان عمره 4 سنوات و فروحة سنـة
احمد: شبيك بابا
كاضم: بطني توجعني
عمار: خاف حامل 🙂😂
احمد: اياااااا خايسس يااا عماررر اسكتتت لكك شوووف الالفاض
احمد: شبيك بابا
كاضم: جوعان
اسيل: هسة كايمة اصب حبيبي كوموا صلو صـاح الاذان
كامـو صلوا وتغدينه سوه وسوالف وضحك صـارت السـاعة بـ 3 كال بأبا يلا نروح لان كلش تعبـان.
طلعنة و اني هم طفيـت كلش بالطريق و واحـد خـابر بـابـا شفت ابوية فرح ويكلة انشاللة سد الاتصـال بـابـا و كال
ابو مريم: حضرو روحكم راح يجي الرجال يشوف البيت
رجعنه للبيت وفعلا شوية واجة الرجال وتفقوا ع السعـر وصـارت الشغلة صدك ابو البيـت كال اريده هل اسبوع احنـة هم مـا كلنـة شي لان خطية واجنة ماعدنة شي راسـا بدينـة ننقـل بغراضنـة للبيـت الجديد بـابـا نقل الغراض خلال 3 ورتبوا كلشي واليـوم الرابـع صـارت نقلتنة للبيـت جان كلش حلـو و جبيـر غرفة ابوية و امي صـارت جوه وغرفتي هم جوه وصالة واستقبال و حديقة وفوك طابق ثاني اجتي حوراء وعمتي وعمتي الثانية يسـاعدنة كملنـة وسوينه كل البيـت صادف يوم اربعـاء كال بابا نسوي العشة واعزم الكل ليلة الجمعة يوم الخمـيس اشوف كل هاي الايـام ابوية مو ع بعضة ويوصلة اتصالات هواية من نسالة يكول ماكو شي لا تقلقون طول هل احداث مشفت حتة موچ لان رايحـة هيية وخالتي ل بغداد اراسلهه
ابوية طلع للدوام و اني وامي بالبيـت كعدت مـن النوم فتحت موبـايلي صارلي شكد مفاتحتة شووية و اسمـع طلق قريب علينه نزلت بسرعة و كعدت يم امي و احنة نرجف وامي تكلي اشش يمة اشش اهدي
چـان بيتنه يم بيـت عمو حسـن يعني بصف بيت عمو حسـن بيت عمو حسـام و كبالهم بيـت قحطـان سمعنه صوت الطلق قوي و الولـد كلهم دوامـات امي رادت تطلـع مخليتـهه شويـة وحسيـت اچـة الطلق علة بابنة اني كمـت ارررجف الطططلق قريب علة بابنة واحنة نرججف ونصيحح شوية و .......
يتبع
#الضابط_والجميلة
#البـارت الرابع
___________
للكـاتبةه : ࢪَ࣪يࢪَ࣪فـون ♥️
___________
سمعنه صوت الطلق قوي و الولـد كلهم دوامـات امي رادت تطلـع مخليتـهه شويـة وحسيـت اچـة الطلق علة بابنة اني كمـت ارررجف الطلق قريب علة بابنة واحنة نرجف ونصيح
اني و امي لابدين بالغرفة ونرجف امي ادك علة بابا وهو ميرد و اني بس ابجي واكول ياربي كون مصايرلة شي
شوية و انفتح الخط والطلق مستمر
ام مريم ببجي: هيمممن الحكنة مدري شجاي ايصيررر الطلقق فوك راسنه
اي اي لا تخاف ماطالعين لابدين بالغرفة اللة يخليك بسرعة تعـال
ضلينة ننتضر بابا والطلق ماوكف ضل الطلق بالخمس دقايق علة الباب شوية وحسينة شي انشمر وسمعنة صوت كزاز وكع عالي وصـار هدوء
مريم: ماما نطلع نشوف شكو
ام مريم: اششش هسة ابوج يجي اسكتي يمة لا طلعين
ماكو لحضـات واحنة كاعدين والخوف بكلبنة وامي تفتر بالغرفة حسيـت امي صارت صفرره وتريد توكع رحت بسرعة الهه وسندتهه
مريم ببجي وهي طبطب ع خد امهه: ماما ماما شبيجج
اشرتلي وهيه تريد تحجي انو مابيها شي بسرعة خليتهه تستند عليه وحطيتهه ع الجرباية اريد اروح اجيب الهه مي بس واللة اخاف احس نفسي متررردده
اخاف اطلع يربي اريد اكعد امي متكعد غابت عن الوعي يربي شلون بية
ماكو لحضـات وحسيـت سيـاره وكفت ببـابـنة
خفت لا اجوي مره ثانيه ابجي ولازمة ايد امي اريدهه بس تكعد
شوية وسمعت صوت
هيمن: بابااا مريمم وينكمم
اي هههذا بابا باااابااا طلعتلة بسرعة اول ماشفته وجهه مخطوف واصفرررر حضنته بسررررعة و اني ابججي
مريم: باباااا امي مدري شبيههه تعال حباب شووووفهه
ابوية راسا طب للغرفة شاف امي فاقده الوعي ع الجرباية صاح
هيمن: مرررريممم جيبيلللي ماااي بسررررعة
طلعت بسررررعة اجيبلةة ممماي مـن المطبخ جان باب المطبخ راسا للطارمـة يودي وعدنة جامة جبيررره مـن الحايط هاي كلهه مكسوره
طبيت للمطبخ والباب البره مفتوح ودموعي تجري مـن الهبطة رحت للثلاجة اخذت دولكة مي بسرعة شفت قحطان طب للطارمة اني بس شفته بسررعة طلعت مـن المطبخ
رحت لبابا انطيته المي ضل ينگط ع وجه امي واني يمهم و ابجي شوية و حسيت ماما تحركت صحت شوية ووجهه اصفررر و مصدومة نطقت ب اسم هيمن وباوعت للبابا بتعب
هيمن: الحمدللة ارتاحي حبيبتي ماصار شي ارتاحي
لزمت بايد بابا بتوسل وهيه تحجي و اني ابجي
ام مريم: لاتطلع هيمن حباب
هيمن: ماطالع هنا لقحطان بالباب ارتاحي بابا البسيلج شي وحطي ع راسج وتعاي وياي خلي امج ترتاح
هزيت راسي بدموع و اني خايفة واحس كلبي يررجف بسرعة طبيت لغرفتي لبست شال لفيته ع السريع وعيووني حمممررر دم لبست بشت فوك ملابسي مال البيت وطلعت وي ابوية
لكيتة يحجي وي قحطـان بالطارمة طبيت للمطبخ دست ع شي صلب دنكت شفتهه الورقة وماعرف شبيهه
مريم: باباا ههاي ماعرررف شنووو تعال شووفهه
ابوية عاف قحطان و اجة و اني صرت بنهاية المطبخ يم الثلاجة وقحطـان اجة ورا
فتح بابا الورقة طلع منهه طلقة والورقة فتحهه بيهه دم
اني بس شفتهه شههكت راساا وحطيت ايدي ع حلكي وصـارت دموعي تنـزل اباوع لقحطـان باوعلي وضل صافن احس نضراتة ماتتفر نضرات قلق وخوف يباوعلي ويبلعم
بده ابوية يقره بالورقة شفته انطاهه لقحطـان قراهه وضمهه بجيبه
قحطـان: صـارت القضية مو بس علية نكدر نرفع قضية عليهم ثانية
مريم ببجي: بابا صارلة بالنص ساعه تقريبا ضل بس يرمون ، بابا شبيهه الورقة
هيمن: مابيهه شي لا تخـافين
بعدني مامكملة كلامي اجت بيبي ومرت عمو وبيبي ادك علة راسهه طبت للمطبخ وعبايتهه تسحل وراهه ودموعهه بعينهه
اجتي متكئة علة عصتهه حضنت بابا راسا
الجده: ولك يمة خومابيك شي يبعد امك كلي
ابوية باس راسهه وكللهه: يمة مابية شي واللة مابية شي
اجت عمتي سلمت علة قحطان واجتني
ها عمة وين امج كليلي من يمي متنة من الهبطة كوه خلينه بيبيتج تكعد بلبيت وهذا عمير طالع مدري وين من صبحية
مريم: عمة ماما بالغرفة تخربطت
الجده: ياا ولج مريمة تعاي يبعد بيبيتج طول عمرج مسووده مدري ليـش علة عمري حتة بعدني ماميته لسة خلفلة علة وجهج مبين ابيض تعاي لية جده
جانت دموعي تنزل ومن سمعت حجي بيبي ضحكت ورحتلهه حضنتهه ووجههي الهم شفت عمتي راحت تشوف امي و ابوية دنك شال الطلقة وراح يشوف الجامة
جان كبالي قحطان شفت نضراته الي نضره ابتسامة ع خوف ع تعب ماعرف افسرهن بس نضراتة ولا شالهن عقجت حواجبي بانزعاج وباوعتله باوعلي وطلع مـن المطبخ
وخرت مـن بيبي وراحت تشوف امي
هيمن: بابا سويلنه چـاي راح اطبب قحطان للاستقبال فشلة واكف لسة
مريم بابتسامة: صار بابا
شفت ابوية طلع يم قحطـان طلعو شوية واجة الي فهمته مـن بابا حتة بيت قحطان ضاربي بس مـابي احد لان رايحين يم اختهه مريضة الي بغداد اجوي ثنينهم طبوا
حطيته الجـاي ع النـار ورحت اشوف امي شفتهه كاعده وتبجي ومرت عمو و بيبي يمهه
شو حور ماهيه اكيد نايمة تنبل هاي ههههه ابتسمـت بداخلي و رحت اسوي لامي عرفتهه ارتفع ضغطهه
رحت حميـت شوية مي لامي وحضرت الاستكاين وحطيت شكر ل استكاين الچاي و عصرت ليمون وحطيت المي علة كلاص امي ورحت نطيته لامي شوية بلكت تصير احسن
صبيتلهم چـاي واچيت اريد انطيهم ترددت ادخل ماعرف شصارلي و اني بطبعي خجولة كلش
وكفت بالبـاب وصحت
مريم بتوتر : بابا
هيمن: طبي بوية
مريم: افف الجاي حيبرد خل اطب
طبيت للاستقبال بس شنو احس رجلية يرجفن احس كلبي يرجف ماعرف ليـش حسيـت نضراته صـارن علية كام بابا شال صينينه مني وحطهه ع الطبلة مال تخم يمة ويم قحطان
داريـد اطبع صـاح بـابـا
هيمن: ابقي شوية مريم
انداريت الة: ها بابا
هيمن: اسمعي بابا اني تحول دوامي خفر ولازم اليووم اكون بالمركز ف الي اريده منج ترحون لبيت عمج تبقون يمهم. حدما اجي و تنتبهون لنفسكم كلش زين تمام
هزيت راسي بالقبول باوعتلة بنضره يشرب جاي ويباوعلي ياربي شسالفتة هذا استئذنت وطلعـت
رحـت للمطبخ صافنة واحس فكري مشغول بي ضحكت علة نفسي احس هيج شي بداخلي غريب
ورحت يم ماما شوية صـارت احسن
مر الوقت واحنة القلق والخوف ماخذنة ابوية تغده وطلـع رحنة يم بيـت عمو وسولفو الي صـار العمامي واخذنة احتياطاتنة بس شنو الخوف متملكنة
ماضـل شي للدوام غير اسبوع ولازم اجهز افف بس شكل لامي فوك همهم خلشوف وين توصل
اراسل موچ كلتلي اجينة مـن بغداد، احنة ضلينة يم بيت عمو حسـام يوم واحـد
جنت بالغرفة حوراء يمي نـايمة ضايجة كلش اجتني رسالة علة الانسـتا يوزر مجهول مـال ولد اني اوافق ع الطلب بس مانطي متابعة لاحـد نطيتة متابعة شوية راسلني
الوو
شلونج يحلوه
ممكن نتعرف؟
شفت حسابة اضنه وههمي عفتة قريت ومارديت شوية وهم راسـل مارديت بس كلش ضوجني اخر شي اتصـل و دز رسالة
ماتردين شبيج؟
افف شكد لزكة خليت وحضرتة مر الوقـت بسرعة رجع ابوية من الدوام ورجعنة ويـا وكذالك الحسـاب مابطل يراسل كلساع حساب اخير شي اجتني رسالة
ضلي احضري اسوي 100 حساب ماعنـدي شي
دزيتلة
مريم: انت منو وشتريد مني
......شخص معجب بيج عادي نتعرف اكثر
مريم: خوية تره انت لا تعرفني و ولا اعرفك شنتعرف
......تره اني اعرفج وشايفج وحتة صورچ عدي
مريم: اخي ارتقوا شوية متبطلون سوالفكم تره واللة عيب اذا عنـدك صوري انشرهن اني اكلك هه
حضرتة بثقة اعرف سوالف الولد و اني ممنطية صورتي لولد منيلة صورتي
مرت 3 ايـام والخوف بداخلنة استمرينة ابوية يبات بالمركز انروح يم بيت عمو يروح ابوية للدوام تجي بيبي يمنة لو نروح يم بيت عمو هم
كاعدين اني وامي بالمطبخ نسوي غده وطب ابوية والنـاررر تچدح مـن عيووونة طبب للمطبخ بحـذائة وراسـا طب للغرفة بدون كلام سمعنه صوت شلـون ضرب الكنتـور حيـل امي راحتلة واني خايفة
ضليـت اسمعهم و امي طبت يمة سمعتـة يككللهه مطلعينـة بكفالـة اووف ياربي جانت حياتنة مابيهه اي شي افف تنهدت و
رحت كملـت الغده و امي طلعـت كالت
ام مريم: ابوچ نـام و اني دايخة كلش راح انـام حبيبتي
مريم: ليـش ماما بيچ شي
ام مريم: لا حبيبتي مابية شي
راحت لغرفتهه و اني طفيـت النـار و رحـت كعدت بالصالة لزمـت موبـايلي الي اصلا ما الي خلكة شفت مراسلني مـن حساب هم
اهوووووو شلووون ويااااا ههههذااا راسااا دزيتلةة رسالة و اني معصبةة وروححي طالعةةة
اهووو شبيككك لزكككت انتتت اخي شبيك خليلكك عزززه نفسس وكرامةة شنو السالفة؟
يلةةةةةة ررراحح اعوووفلكك الانستـااا الكككك يلاااا ومااوووصيـككك انشررر صوري هه
انطيتة حضرر ومسحـت الانستـكرام راسا واللـة مالي خلك ومو حمـل مشاكل ثانية طبيت للواتسـاب لكيت كومة رسائل موچ وصديقاتي مالي خلك راسا رديـت برسالة ع موج ونتجيت ع التخم ونمـت مـن التعب
رجعـت نمـت و الافكار تتلاشى ب بالي نمـت وفزيـت علـة صوت امي وهيه تكعدني
ام مريم: ماما اكعدي روحي وي احمد واسيل وحوراء اشتري ملابس للمدرسة
كعدت و اني ناسية سوالف مدرسة ما مدرسة كمـت طبيت للمطبخ شفت ماما يشرب جاي ابتسمت ورحت بسته رحت غسلت ورحت لغرفتي
اخذت حمـام سريع وطلعـت خـابرت حوراء كالت نروح لتايم سكوير سديتة مـن عدهه ورحت للكنتور اشوف شي حبو البسة وخـاصتا صارلي شكد ماطالعة واللـة ضوجة
لبسـت بنطرون كابوي كوچي وبي خط احمـر لبسـت تشيرت فوك مـن الركبة احمـر بينصـل لبسـت فوكـاههم بشـت اسـود مفتوح خليـت حـزام البشـت وضبيتة ع جسمي لبسـت شوز احمـر و لفيت شيلتي بلون حذائي و اخذت جنطتي وموبـايلي وطلعـت
لكيت بابا ديبدل يريد يطلـع كالي تعـاي اوصلچ لبيـت عمچ چـانت سـاعة بـ 4;30د طلعـت وي بابا و بابا مامـن علينة لان احمد ياخذنة طبينة لبيـت جدو بابا سلم وطلـع احمد وحوراء واسيل چهزو
ابوية قبـل ماطلع انطـاني فلوس كالي شتحتاجين اشتري
طلعـنة وشفـت بوجهي قحطـان ومبيـن يريد يطلع للدوام هم تقدم احمد يسلم علية بس حسيت نضراتة مزعوچة چان كلش قريب علينة. والفرق شارع ضيگ و هو حاط سيارتة مقابل سيارت احمد ف المساحة قليلة اصلا
صعـد احمد بسياره بعد ماكمل سلام صعدن هنه اني اريد اصعد مـن ذيج الجهه شفته خزرني يبووو هههذاا شبي بسس يخزر يمة يخوف
صعـدت بالسيـاره ورحنـة ل تـايم سكوير احس نفسي اشتمـيت هوه شوية رتاحيـت احمـد خطية اخذ كاضم و فروحة مـن اسيـل واحنة نشتري وهو ويانة لان يخاف علينه
رحنة اني و اسيـل و حوراء وطبينة ل محـل مال ملابس مدرسة عجبتني صدرية وقميـص سوه منسقات كلش حلوات بس الصدرية شوية ضيكة علية حاول يلكيلنة غير قياس م لكة طبيت قستهه هيـه تمـام بس شوية ضيكة اخذتهه لان كلش حلوه وبينصل ع الجسم وخـاصتا كوچي و اني كلش احب هل ماركة اشترينة و حوراء م عجبهه شي بهل محـل رحنة للمحـل الثـاني حوراء شترت منـة صدرية وقميص يخبلن ختارتهن و انـي شفـت صدرية هم مخصره بس ع قياسي مـن جوه كبسات وبيهه احزام ع الخصر وبيهه فتحة ع شكل سبعة مـن وره والقميـص ناززك كلش اخذتهه ههم ورحنة لمحـل الجنط والاحـذية شتريتهن طقم كامل وحوراء نفسي وشترت حوراء صدرية ثانية اسيـل اشترت ملابس هم وعجبتني كم قطعة مال بيت اشتريتها
طبينة ل مكتبة دفاتر ما دفاتر اقلام كلشي جهزنـا خطية احمـد تعطلنـة علية رحنة لكافتريـا كعدنة سوه و احنة هالكين طلبلنة اكل وكعدنة ناكل ونحجي كالت حوراء
حوراء: البسي صداريج ودزيلياهم اشوفهن
مريم: اوكي تمام
حوراء: عمي كمل نقلج
مريم: يكول اي بعد ماعرف
كملنة ورجعنة للبيـت هلكانيـن طبيت لكيت ماما يمهه بيبي بدلـت وراويتهنيـا طكيت صور ورسلتهن ل حوراء
راسلـت موچ صارلي شكد ممحاجيتها خـابرتهه ضلينة نحجي سوه صدك مشتاقتلها
نهيت الاتصال وياهها بعد مده ومشيت صليـت وكملت ابوية شوية و اجة بس ضايج لان طلعو بكفالة وهمه دولة وشي كلشي يسوون وخـاصتا ابو الة مكانة بالمحافضة
مـرت الايـام نفس الشي ومبقة غير يومين عـن الدوام امي راحـت لبيـت عمو كالت بسرعة اجي جانت السـاعة ب8 وقت جيت بابا
داسوي بالعشة سمعت سياره ابوية فتح الباب وشفت قحطـان طب ويـا
كلساع جاي شنو بيبي مخلفته وناسيتة حجيتهه وضحكت ع نفسي صدك شعور متلخبط عندي
شفته طب للاستقبـال وي بـابـا مـن جامة المطبخ الي سواها بابا طبعا
ابوية اچة بستة وكلي بابا حضريلي دولكة مي وطب للغرفة ماعرف شيجيب
اني هم حضرت دولكة المي البابا اچة اخذهه مني و راح للاستقبـال
طبعـا احنة البيتنـة م سوينـة عزيمـة ابد بسبب الي صـار كلة ف ابوية قرر يسوي عزيمة
مر اليـوم واچة اليـوم الخ وابوية عزم عمـامي وعزم بيـت قحطان واجوي واجت موچ وخالتي ماجت كال موچ كلش مريضة تعبـنة هواية بس اسيل ورقية وحوراء وموچ ويـاية سوينـا غـده انطو هداياهم للبيـت وبعدهه كلهم طلعـوا بس بقت بيبي يمنـة جانت
اليوم الثاني كاعدين وبـابـا كال راح اروح لبيـت قحطـان عنـدي سالفة ويـا ومنـاك اطلع اليـوم خفر و انتم ترحون لبيـت حسام
احنة هم تحضرنة امي كالت خل امر وياك اسلم علة ام قحطـان اشوفهه شبيـهه امر بسرعة اشوفهه ونروح لبيـت حسام بابا هم مكال شي احنة تعشينة وطلعنة اني لبسـت فوك ملابس البيـت چبه عريضة بس لفيتهه بحزام تكسرت صارت حلووه وجسمي مرتب بيهه ولفيت شالي ورحنـة
طلعلنة قحطـان بملابس الييت وسلم ع ابوية وامي واني وراهم طبينة اني وامي ورحت سلمـت ع موچ وخالتي خطية مريضة كلش فلاونزه عدهه
كعدنة بغرفة خالتي شوية وموچ كالت تعالي ويـاية خلي نصعـد كتلها
لا ولج حنروح هسة
خالتي كالت اصعدي وياها يمة شوية خليكم يمي اول طبت امج للبيتنه
مريم:وكي خالة بس شي مو مصطفى عنـده دوام وقحطان هم خلي موچ ويـانة تروح وتچي عمـار ياخذنة بسياره عمو وعمار مدرستة يمنة
ام مريم: اي صدك ام قحطان خليها وي البنات
ام قحطان: يمة خاف زحمة واللة مادري همه اخوانها هم محتـارين
مريم بابتسامة: لاخالة ويانة تروح
صعـدت وي موچ للغرفة بعدنة مصاعدين صاحتلهه خالتي
موچ: مريم مصطفى طالع وقحطان يم ابوچ صعدي بغرفتي علمـا اشوف امي
ابتسمـت وصعدت بس ضليـت بالصالة يم غرفة موچ ماطبيت لحضات وشفت باب قحطان انفتح انداريـت شفتة طالع بزي العسكري
باوع لوجهي وضل صافن ونضراتة احس تتفحصني اتحولـت نضراتة لجسمي مشيـت خطوتيـن وشفت الحزام مالتي انجرر حيل درت وجهب واباوع الحزام بيده
قحطـان : لا تشدينة حيل وتبرزين جسمچ
باوعتلـة بخزره وصوت عصبي هامس
مريم: ما الك اي حق تدخل بيـة تمـام خليك بحالك
قحطان بغضب وهو يتقدملهه : لا الي دخخل ولبـسچ هههـذا غيري وخلي مال اوادم
مريم: وشنوووو قصدككك اني مووو ادميةةةة احتررمممم نفسككك رچـااااءاااا
اتقدملي بغضب واحس عيونة جدحن نار لوه ايدي وره ضهري و كال
قحطان: ضبي لسااانج لا اكصلجياااا خوشش احترمي نفسج وامشي عدددل لا تخليني اسوووي غيررر شي اثاااررري مـن بعععد ههل ههدوء عنـاد و شكلة راح يتعبني - وباوعلي وابتسم ابتسامة جانبية -
وخرت عنه بسرعة واحس جسمي يرجف ماكدرت ارد بشي سمعـت خطوات موچ هو تقدم حتة ينزل قبل لاينزل باوعلي واني لازمة ايدي بوجع لان قبضهه قوي
قحطـان: مره الثانيـة هل البس ميتكرر لا الحزام والضيگ و لا البس الي لابستة مـن رحتي وي بيـت عمچ
ضربـت رجلي بغضب ورفعـت ايدي بتحذر ردت احچي ضحگ بوچهي وراح
احس نفسي اشتعلتت نار مـن العصبية بس حاولت مابين
اجتي موچ حاولت اكون طبيعية
موچ: اسفة كلبي امي رادتني اسوي چاي
مريم بابتسامة: لاحبي عادي
دخلنه للغرفة وسولفنة شوية بعدين امي صاحتلي نزلنة و ودعناهم بابا لسـة ماطالع طلعنة احنة و بابا وقحطان طلع ورانة
ياربي شكد كرهته ماعرف اي كرهته مايحقلة هيج يتصرف وياية يقبل موچ هيج يسوولها اففف
شفته باوعلي درت وجهي ومشينه اني وماما وبابا وصلنة وراح وياا
دخلنـة البيـت عمو ونفس الروتين سوالف وضحگ ويـاهم وبيبي بس تضحگ بينـة مر اليـوم بسرعة وبـاچر دوام
طبعا اني ماخذه وياية ملابسي وجنطتي وكل احتياجاتي لان اعرف ماكدر اكلع وحدي صبح
صـار وقـت النوم واني وحوراء مـن وقت
خابرني بابا بليل كالي
عمـار ياخجن ويجيبچن مدرستـةه يمچن تنتضرتة مطلعن بدونة و اني كملت كلشي مال مدرستچ بس الوثيقة باچر تطيهيـا لان ستوني چبتهه مـن مدرستچ شعلو كلبي لازم ناخذ حذرنة كلشي يصيـرر
بصراحـة كلام بابا زرع بكلبي خوف نمـت مـن وقـت كعـدت ع صوت المنبـه السـاعة 6 كعدت حوراء وكمـت اخذت حمام سريـع بمـا انو اول يوم ندلل نفسنـا شوية وبعديـن بالضيم تصادف 3 ايام مانسبح😂💔
لبسـت صدريتي الثانيه كلش حلوه عليـة و اني هـاي الفتره شوية سمـنانة ،كلعاده حطيت شوية مسكارا و حمره خفيفة مشطت شعري ورفعتة لفوك و لبسـت شيلة اسود بلون صدريتي، وحذائي وجنطتي وردي ، حوراء بدلت ونزلت، نزلت واني عنـدي حماس قوي واني ادري راح اكل خر.. بالنهاية 😂💔
بس رغم ذلكك مبتسميـن
صبحت عليهم وتريگـت ، شفت حوراء و عمـار مكمليـن ، شوية واندك البـاب طبت موچ و اثاري جايبهه قحطـان و كايل لاحمـد حتة فلوس خط انطي اني بس احمـد ماقابل كايلة هو بطريقهن
طبـت موچ للصالة بس مرتبكة شوية وعيون عمار تلاحكهه احنة هم ماتاخرنة راسا طلعنه
صعدنة بالسيـاره عمـار كال احطهه بالگراچ و عمو ميحتـاج سيـاره للدوام وي احمـد يذبة بطريقة
صعدت حوراء بالصدر و اني وموچ ورا نضرات عمـار لموچ موخالية وصلنة للمدرسـة
طبينـة سوه بصف واحـد صرنة علمـا يرتبونـة
قسموا ع الحروف ع صفيـن الاحرف الاولة بالصف الاول و الاحرف الاخيره بالصف الثاني
الي قههرني وقههر حوراء انو حوراء صارت بالصف الاول و اني وموچ احرف اخيره بالصف الثاني
مشـة اليوم وبدوا بالدروس الي تشگ الحلك مر اليـوم و خلص الدوام دنريد نطلـع كلحنة شفنة عمـار واكف وي بنيـة شعرهه نصه طالع و صدريتهه كلش ضيكة و 90 وشكلها موراحة بنوب
يضحگ ويشاقة ويـاهه وهيه منطلقة واللة فضيحة ساعة وشافهم واحد شافنة عمـار اجينة احسة ارتبگ وتوترر كلش اچانة وكال يلا واحس نضراتة علة موچ
ياربي لهدرچةه عمار هيچ شبي تغير مجان لهدرچة
حوراء بهمس: سمعتي شكالت ممخلي وحده ممصادقهه ونبي شككد عيب الة اكل لاحمد وربي
سكتت وماحجيت شي اني
وصلنة للبيـت وموچ راحت لبيتهم وحوراء وعمار راحو لبيتهم هم وني ذبوني يم بيتي
طبيـت للبيـت شفت بيبي يمنة راساا رحت نمـت امي كعدتني شفتهه ساعه ب 4 فتحت موبـايلي تصفحـت شوية وكمـت قريـت ونفس الروتيـن مرت ايـام و اني ماشوف قحطـان ابد حدما اچة يوم طلعنة سوه نريد نمـر ع موچ لان ماچتي ويـانة هلمره
طلعنـة شفت موچ وقحطـان ويـاهه مبيـن يريد يوصلهه ابتسمتلهه واحس عيون عمار عليهه وهيه مامنطيته اي اهميـة
چان قحطان يفتح بسياره سلم علية عمار هو اندار سلم ومن شافني نزلت عيونة لخصري اني راسا رحت صبحت علة موچ
ييومـهه چنت لابسة صدريتي الضيگة ومرتبة نفسي
ربي خلصني مـن نضراتة واللة ارچف منهن شسالفته يربي
ترخصنـة منهم وكال اني اوصلهه بطريقي
وفعلا رحنـة للمدرسـة عمار وصلنة وكال انتضرني بباب المدرسة اجي اخذچن شفت موچ نزلت مـن السيـاره وكفنة حتة نطب سوه شفتة نزل الجامة وخزرني خزرررره لوو چانت طلقة چان موووتنني بالمكان وحرگ السياره بسرعة وراح
لقـطات مـن البـارت الخـامس ☘️♥️
طبيـت بالفرع وحسيـت الضل قرب وخطوات وراية
زين اصرخ؟
لا لا يمعوده هسة يطلع رجال لو طفل وراية شيكولون علية شوية وحسيت الخطوات كلشش قربـت يمي ردت التفت واشوووف ماحسيـتت غيرر ....
راح تهـون .. وننسـى شلـون ما ينسـون
راح تهـون .. باچـر نضحـك ويبچـون💔🔥
يتبع
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: