كل ما تحتاجه من اسعار الطابعات في العراق شرح مفصل في 7:37 م مرسلة بواسطة أحمد التكريتي

اخوان الموضوع منقول من صاحب

مكتب الافق للحاسبات والشبكات

السلام عليكم ورحمة الله
اليوم احچيلكم شوي عن الطابعات لان اغلبكم يحتاج يطبع اما بحوث تخرج او رسائل ماجستير او حتى اذا واحد عندة مستمسكات وصور ويريد يحولها صور ورقية ويحتفظ بيها
________________________________________________
اول شي الطابعات الموجود بالاسواق بيها انواع اكو طابعات احبارها سائلة (ink) واكو احبارها جافة ( يسموها ليزرية ) واكو نوع يسموه حراري
الاولى لازم استخدامها مستمر يعني ما تنترك فترة هواي من دون استخدام لان احبارها تجف على الكارترج او داخل النوزلات اذا كانت تحتوي احواض حبر اما النوعين الباقيات فما لازم الاستخدام المستمر _________________________________________________
ثاني شي لازم نعرف شراح نطبع ملون او اسود وابيض
_________________________________________________
ثالثا شنو استخدامها يعني اقصد نريدها بس طباعة ( بهالحالة لازم يتوفر حاسبة او موبايل اذا كانت تحوي wifi ؟؟ لو نحتاجها كجهاز استنساخ ( يعني من دون حاجة للحاسبة ) او مثلا نحتاجها ناخذ بيها سكنر
_________________________________________________
رابعا اسعارهن واسعار احبارهن
بصورة عامة الطابعات الليزرية فالاسود رخيص والكاترج الواحد يطبع اكثر من 1000 ورقة مقارنة بالاحبار السائلة الي الكاترج مالتها ما يطبع اكثر من 200 صفحة ( بس مرات نكدر نحقن الكارترج حتى نستخمة اكثر من مرة واكو طابعات ممكن نربطلها منظومة احبار خارجية )
_________________________________________________
معلومات بسيطة عن الاختصارات الموجودة بالموديلات
مثلا 6030w الw ترمز للwireless يعني بيها وايرلس
او مثلا قبل الجهاز مكتوب LBP معناها بس طابعة يعني مو جهاز استنساخ
او MF يعني معناها متعدد الوظائف ( Multi-Function )
_________________________________________________
هسه نجي لموديلات الطابعات المتوفرة بالاسواق العراقية
بغض النظر عن الماركات لان اغلبها ماركات معروفة وما حاجة ندور وراهم :)
الطابعات الليزية الاسود والابيض المتوفرة هي بالغالب كانون
مثلا 2900 قديمة بس تستخدم بكثرة بالدوائر سعرها تقريبا 120$
6020 او 6030 سعرها 80-85$ تطبع 18 ورقة بالدقيقة
سعر اغلب الكارترجات الاسود يتراوح من 8-12$ الكاترج الواحد يطبع بحدود1500 صفحة
_______
اما الطابعات الملونة فقليلة متوفرة بالسوك لان اغلبيتها اجهزة استنساخ مو بس طابعات
_______

هسه نجي لاجهزة الاستنساخ
الاسود وابيض متوفرة الكانون
مثى MF3010 سعرها 105$ تطبع 18 ورقة بالدقيقة
و MF211 سعرها 120$ تطبع 23 ورقة بالدقيقة
و MF212 سعرها 140 $ تطبع 23 ورقة بالدقيقة وبيها وايرلس
و MF216 سعرها 160$ تطبع 23 ورقة بالدقيقة وبيها فيدر
و MF217 سعرها 180$ تطبع 23 ورقة بالدقيقة وبيها فيدر وبيها وايرلس
اوكو غيرها من القديمات مثل 4410 4730 4010 وغيرهن
سعر كارترجاتهن من 8-12$ ويطبع بحدود 1500 صفحة
_____
اما الالوان فموجود الhp pro200 والكانون 8230 سعرهن 250$ واكو 8280 و 6280 يجي بيهن وايرلس سعرهن بحدود 270$
اسعار كارترجاتهن بحدود 225$ الاصلي والتجاري 80-100$
الكارترج يطبع بحدود 1200-1800 صفحة والسرعة بحدود 12 ورقة بالدقيقة
___
اما اجهزة الاستنساخ الملونة السائلة
مثلا hp 2130 سعرها 34$ كاترجها سعره 29$
و hp 1515 سعرها 50$ كاترجها سعره 18$
الكانون 270 سعرها ب50$ كاترجها سعره ب30$
الbrother j100 سعرها 127$ كاترجها سعره 10$ ممكن نربطلها منظومة خارجية سعر المنظومة ب15$
واكو طابعات للصور حرارية مثلا الكانون سيلفي سعهرا 95$ والاوراق والاحبار يجي باكيت سعره 23$ بيه 108 ورقة وي الاحبار حجم الورقة 10×15 سم
_____________
ملخص اذا تحتاج بس اسود وابيض وتريد جهاز استنساخ اخذ كانون 211
واذا تريد ملون وعندك طباعة هواي اخذ brother j100

والان مع اسعار بعض الطابعات

تحديث

تحديث لبعض المعلومات الخاصة بالطابعات واجهزة الاستنساخ واسعارها
اجهزة الاستنساخ اسود وابيض
كانون 3010 السعر 135$ --- 18 ورقة بالدقيقة --- 9 اوراق
كانون 211 السعر 165$ ----23 ورقة بالدقيقة --- 99 ورقة
كانون 216 السعر 185$ ---- 23 ورقة بالدقيقة --- 99 ورقة + فيدر
كانون 217 السعر 195$ ---- 23 ورقة بالدقيقة --- 99 + فيدر + وايرلس
كانون 244 السعر 215$ ---- 27 ورقة بالدقيقة -- 99 + فيدر + وايرلس + دوبلكس
اتش بي 125 السعر 160$ --- 22 ورقة بالدقيقة -- 99 + وايرلس
_____________________
طابعات اسود وابيض
كانون 6030 السعر 85$---- 18 ورقة بالدقيقة
_____________________
اجهزة استنساخ ملون (احبارسائلة)
كانون G2000 منظومة حقن -- السعر 135$
كانون G2400 منظومة حقن -- السعر 150$
كانون G3400 منظومة حقن + وايرلس --- السعر 180$
بروذر T300 منظومة حقن --- السعر 145$
ابسون L200 منظومة حقن --- السعر 145 $
____________________
اجهزة استنساخ ملونة ( ليزري )
كانون 628 السعر 270$ --- فيدر + وايرلس
كانون 8230 السعر 245$ --- فيدر
اتش بي 277 السعر 300$ --- فيدر + وايرلس + دوبلكس

العنوان الكامل

ننتظر العنوان من صاحب المكتب

تحياتي

أحمد التكريتي

14/4/2017

ملاحظة لتحميل تطبيق المدونة على الاندرويد أضغط هنا لسهولة التصفح

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad