#بارت مفاجئ
اتمنى لكم قراءه ممتعه
🌹🦋 البارت 29 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
من هنا تبدي معانات حيدر وراح تبدي الاثاره الحقيقيه
من تحبون حيدر خبروني حتى انزل صور تشبيه للابطال لان كوه صابره ممنزله الصور لحد الان ردتكم تحبون البطل يله
🌹🌹🌹🌹🌹🌹🌹🌹🌹🌹🌹
جان تكول اعذرني والله مااكدر وحيل تعبانه
الصراحه حيل ضجت وبنفس الوقت ماالي حق اجبرها
متوقعتها ترفض رغم ماحلفتها بكل عزيز
وواعدتها ابد مااجبرها ع شي
عفتها وطلعت
وهو اصلا اني ضايج لان قرب موعد التحاقي بالتاجي
وشايل هم شكبره
الجو حارشهر السادس
اجه ثاني يوم واجني البنات قبل لا اطلع للدوام
وصار العقد وجانت التوزيعات الصراحه ترفع الراس
كمل العقد اتصلت بجماعتي صارلي هواي مسهران وياهم
وباجر يصادف جمعه
اتفقت وياهم
وطلعت قبل الاذان
اتعشينه بالمطعم وبعدها رحنه للشقه
مهيأينه البنات والشرب
بس اني اول مره الصراحه ماالي نفس ابنات ابد
شربت بس قليل كلش مااحب اسكر
لان جنت ضايج حيل ومحتاج انسى
حنان سبتني سبي بالمخابرات واني انطي رفض
صارت تقريبا ب1 اتصلت بيه زينب
استغربت الصراحه
باللحضه رفعت خط
الووو
الووو
وين انت
وي صديقي
ليش صاير شي
بلكي تجي للبيت
اكو شي احجي
لتخليني قلق
ها لاماكو شي
كمت اصيح احجي شكو
نظوري وكع من الدرج
ومااكدر اكعد الولد لو عمو
اتخبلت بي شي فدوه احجي
هذا الحجي تحجي وتبجي
اني باللحضه عفت كلشي واجيت للبيت
كالت يمكن ايده مكسوره او رجله مااعرف
بدلي انت ويا لمن اجي
طبكته بعد مااشوف دربي
همزين مو سكران
بس اكيد الريحه واضحه
دخلت بالفرع
خابرتها
اطلعيلي بالباب وصلت
الصراحه خفت لا احد يشوفني ويشتم الريحه
هاي منتهيه من البجي
كلت مااسالها ع الصار
بعدين يله اسال
وصلنه بسرعه اخذته منها
وسوله اشعه
براسه شك بسيط خيطوا اله خياطين
وهاي بس ثبرتني تبجي
وهو اصلا مبنج ولا يبجي
بعدها طلعت الاشعات وكالو كسر برجله وكسر بايده خطيه
جبسولهيا وانطوا مهدئات ورجعنا
اني افور دم
اكول وين هاملته خطيه وهيج صاير بي
بالطريق كالتلي انت نظيف لو لا
استغربت سؤالها ومفتهمته
شنو قصدج مفتهمت
يعني متقرب ع وحده واجيت بسرعه
فكيت عيوني
وليش يابه
مو معناها نظوري نكس حتى اسبحه
اللهم طولج ياروح
هاي شلج بيها هاي السالفه
شكلولج عليه
يوميه ونايملي وي وحده
لا مو هذا قصدي بس انت شارب وبيوم التشرب اكيد وسكتت
اكيد شنو
ها مو قصدي شي والله لتفهمني غلط
بس قصدي اسبحه لابني لان شلته ومسحت دموعه
انت شمدريج بيه شارب
واضح وضوح الشمس
الريحه واصله لوين
بس مو شرط اذا شربت اتقرب لوحده
اني شربت لان حيل ضايج ومخنوكً
امني مبيه شي
ادري بيها نظيفه بشكل وطاهره
اكيدهذا قصدها مو غير شي
وصلنه للبيت وجان هدوء
كتلها خل اصعده وانزل
لا عوفه انطينيا اني اصعده وانت روح لبيتك لا يكعد احد
واذا كعد احد شنو يعني
عيب من عمو وخاله يشوفونك بهيج منظر
اسبح وارتاح افضل
يعني افهم من كلامج خايفه عليه خاف احد يشوفني هيج
موهذا قصدي
لعد شنو قصدج
سكتت
كتلها اخذي ورحي وراح اسبح واجي اريد تفهميني شلون وكع
دخلت ولكيت حنان بسابع نومه همزين
سبحت وبدلت وطلعت بره
كعدت بالحديقه
راسلتها كلت خاف البنات نايمات يمها
الووو
الووو
نام نظوري
اي خطيه باللحضه نام
همزين
منو يمكم نايم
محد
ليش والبنات
يم فاطمه
لعد راح اصعد يمكم
اوك
صعدت لكيتها كاعده ومنتظرتني
شلون وكع وليش ممنتبها علي
والله منتبها علي كلش
بس تدري بي صاير حرك و وكيح
يلعب بالدراجه وفرحان جان
بعدها الكل راح لغرفته
واني جان عندي شكم شغله بالمطبخ
شنو هالشكم شغله
نكعت السمك بالملح والليمون والخل
لثاني يوم
ونظفت التمن
لان نكعد متاخرين ماالحك ع الغده
بيش الساعه تكعدين
ب1 الظهر نكعد اني والجهال
حيل هاي شعدكم
مو حاره وماعدنه شي
زين وليش بس انت الي تسوين الغده
شكم وحده غيرج
اني احب اطبخ بيدي
واكلي الكل يمدح بي
اي كملي
والله يلعب يمي وعيني علي
مااحس اله سمعت صرخته
رحت اركض لكيته واكع مااعرف من يادرجه
هو متعود دائما يصعد وينزل ابد ميوكع
تحجي وتبجي
اتقربت عليها وهي ابتعدت
هاي شبيج مراح اكلج
مسحت دموعها
ليش تبجين
خطيه اتوجع حيل من ورايه
منو يكول من وراج
هو اني لو عيني علي مجان وكع
هو حرك صاير قابل شمدريج راح يوكع
زين شعجب محد حس
اخذته وصعدت كبل
كلت عيب اكعدهم بهيج وقت
كوه سكته
ومااجه ابالي بس انت
زين سويتي لان لو مخبره غيري جان كلبتها للدنيه
سكتت محجت شي
كتلها اكعدي واهدئي خل احجي وياج عندي موضوع هام
حاب اكلج شي
راح انقل للتاجي مدة 6 اشهر او اكثر
احتاجونه هناك
مااعرف شكد راح يكون دوامي هناك وشكد نزولي
الي اطلبه منج
فدوه لتخلين بالي عليكم
اريدج تنتبهين زين ع الجهال
واريد يوميه تخابريني واطمنيني عليهم
شفت الخوف بعيونها
ليش نقلوك
احتاجونه اني وهواي ظباط وياي من كل المحافظات
زين هم خطره عليكم
والله بعد مااعرف داعش ذاع صيتهم وممعروف بيا ساعه يدخلون
الله الحافظ
ليش مخبرت احد
مااكدر بيومها يله اخبرهم
انت الوحيده الي خبرتج
اريدج اديرين بالج ع الجهال وع نفسج
واطلب منج طلب اذا صار عليه شي
بس ابريني الذمه وسامحيني
لا تحجي هيج الله يخليك
الله يحفظك ويطول بعمرك
يابه الاعمار بيد الله وكلمن وحد يومه
اني مااخاف من الموت كد خوفي من اتذكر ظلمي الج
هواي ظلمتج وهواي اذيتج
اذا عليه اني مسامحتك ومشايله بكلبي ابد
كولي والله
اي والله بس بنفس الوقت مستحيل اقبل بيك ك زوج حقيقي الي
اني ع مود الجهال باقيه وياك
لان اني وياك طريقنا مسدود
كلمن واله طريقه وعالمه الخاص
سكتت محجيت شي
بعدها حجت شوكت راح تروح
الاحد
الله يسهلك ان شاء الله وترجعنا بالف سلامه
حجيها ودعائها يفتح النفس
شخباراهلج شوكت ينتقلون لهنا
لمن يطلع نقله لبابا
خلال اسبوع او اسبوعين
الله كريم
عفتها وطلعت
مااعرف ليش هالحاجز الي مخليته بيني وبينها
احسها تبتعد عني بالاف الاميال
رحت نمت وثاني يوم كعدوني للغده ب3
الكل متجمع ويتغده اله هي
ماعرف ليش متاكل ويانه ولو اني هواي جفصت ابطنها
كال ابويه اعزلولها غداها
كالت امي ابد متاكل السمج متحبه ابد
خطيه مبتليه بنظوري
لان مايكدر يمشي
كملنه غده وهو يبجي روحه رايحه خطيه
اخذته من زينب
وكمت افتر بي
كتله تروح اشتريلك
كال اي
بس كاموا يحجون عليه حاره علي خطيه
كتلهم اشغل تبريد افرره شويه واوكله موطه وارجع
كتلها تروحين ويايه حتى تشيلينه
كالت لا مااكدر حيل تعبت ويا
كلت لفاطمه كالت لا خطيبي ميقبل
الله يطيح حضج انت وخطيبج دولي
رحت ع حنان طارت طيور
اخذتهم ونور راحت ويانه
بس يبجي حيل توجعه اكيد
كتلها خل نمرره بالمستشفى بلكي ينطوا مهدئات
مريت بالمستشفى وانطوا مهدئات
بعدها وكلته موطا حسيت بي هادئ
رجعنه للبيت اخذته امه وصعدته نيمته
حجيت وي امي وجانو الكل كاعدين
يابه خفوا ع البنيه
خطيه ابنها محتاجها اكثر شي
لتخلوها تشتغل لو تطبخ
ياامي قسمي الشغل انت وكوني عادله وي الكل
ان شاء الله يمه
بس والله منظغط عليها ابد هي الي تطبخ
والكل اتعلم ع طبخها
خلوا الغده عليها والعشه ع البنات
هو هم هيج والله
رحت للاستقبال وجنت حيل ضايج
لحضات واجه محمد
وراها اجه امير
سالوني شبيك ليش هيج ضايج
الصراحه متحملت كلتلهم ع نقلي
اتخبلوا
لان الاوضاع شويه مو تمام
امير كلي لك بابا ارفض حتى لو تبطل
شكلولك عليه جبان حتى ابطل شنو خايف من الموت قابل
وهو شكو يمنه اشو الموصل واتحررت احنه شكو يمنه قابل
بس الصراحه شايل هم لامي خطيه تتخبل بس تدري
وجهالي امانه يمكم شيصير بيه انتو المسؤلين عنهم
مااريدهم يتربون وي الغربه
اريد يمكم يبقون
محمد كلي
يابه صل ع محمد
ماكو شي والله وانت بطل كد المهمه اكيد
احتمال مناك ويدزونه لسامراء مامعلومه
واحتمال اجهزتنه تنغلق او ممنوع اثناء الواجب
لتقلقون عليه
اني اخابركم كلما يصحلي مجال
شوكت تروح
الاحد ان شاء الله
شكد وتنزل
ممعلومه ابد لمن اوصل ونشوف الاوضاع
الله كريم
عفتهم بعدها ورحت لبيتي
حيل ضوجه وملل
طلبت مني حنان اخذها يم اهلها وبالليل ترجع
كلتلي ابقه للعشه ويانه
اخذتها ورحت اتعشينا وبقينه فتره ورجعنه
كل شويه اراسل زينب واسال ع نظوري بس ماكو جواب
خابرت فاطمه كالت ناموا اثنينهم لهسه منايمه من البارحه واليوم خطيه حيل تعبت
رجعنه سالت امي عليهم
كالت يمكن بعدهم نايمين
صعدت يمهم فوك
لكيته يلعب همزين فرحتله
سالتها عنه كالت زين احسن
كلتلي اسال محمد ع راسه شوكت يوخر الخياط
هنه يوكعن بوحدهن
بس انطينيا خلي نبدله الضماد اني ومحمد
خابرت محمد كلي بقوا فوك اني راح اجي
صعد لهنا وجايبله ويا دوه كللها هذا بس من يتاذه حيل يله تنطي
والثاني مالت التهابات وقتين
بعدها هي اختفت ع الاكثر تخاف
بدلنا اله وخطيه كلبه طك من البواجي
لان الضماد لازك ع الجرح
بعدها كلي خل تجي امه تنيمه
فتحت الباب ولكيتها بس 😢😢😢😢
هاي شبيج متكوليلي
خطيه حيل وجعتوا
كلشي مبي باجر يصبح مثل الورد
تعاي نيمي
لا هستوه كعد
خل انزله شويه جوه احسن
البنات مراحن
لا
لعد وين اشو ماكو صوت
راحوا للمول
نزلته اني وياها ونور ماهي وياهن
كتله اخذك اشتريلك
هز راسه اي
كومي وياي خطيه خل نطلعه
مااسيطر علي واني اسوق
مااكدر والله
ليش تصيرين معقده بس بالسياره مراح اخليج تنزلين
لتصيرين انانيه خل نطلعه خطيه
زينب : حجه ويايه حيدر وحلفني
ماكدرت احضر الحفله لان من صدك تعبانه حيل وماالي خلك ابد
رغم محلفني بالاعزاز كلهم
لحد الان ممنظفه وجهي ولا صابغه شعري ولا كاصته
يعني ع الطبيعه
اتمنى تجيني وحده للبيت تشتغلي
حتى اتفق وياها كل مااخابرها تجيني
كلت بعدين اتفق وي فاطمه
بعدين كلت خاف حيدر ميقبل ويسويلي سالفه
اني صحيح هامله نفسي لا البس حلو ولا اتمكيج
لان هو الي جان يرفض وميقبل
اني جنت نزاكتي المدرسه كلها تحجي بيها
بس ولا مره مخليه مكياج ابد ولا مره منظفه وجهي
كملت الكيك كله
ونمت وثاني يوم من الصبح اجني البنات ساره وبنين
افرح من يجن لان نغير جو نسولف سويه ومرات انام بنفس الغرفه
حنان من يوم الاجيت من اهلي ولهسه ماالها علاقه بيه ابد
البنات كلهن يروحن للصالون ب1وره الغده
جهزت الغده
كتلهن انتن صبن وغسلن المواعين راح اصعد انام
لان للصبح كاعده
فعلا نظوري بدلتله وخليته يم خاله
واول مخليت راسي ع المخده 😴😴😴😴😴
خلصت الحفله لليل يله نزلت
فاطمه جانت زعلانه عليه
بس من شافتني نايمه وتعبانه سكتت
بدن يراوني بالصور وسولفلي بالظبط
خطيبها كلش حلو
تكول بقوا صافنين ع التوزيعات
اشكال واللوان
اباوع شلون يكصصون الكيكه
شلون واحد يوكل الثاني
الصراحه بداخلي انتابني شعور غريب
اتمنيت اعيش هاي اللحضات الحلوه
اني كلشي مشفت بحياتي
لا حنه ولا زواج ولا بدله
حتى المناسبات منعني منهن حيدر
هسه عود من عرفني ع حقيقتي تعاي احضري
بعد مامات كلشي بداخلي
ماتت الفرحه الي بداخلي
مات الاحساس
مستحيل افكر بحيدر اكثر من اب لجهالي
نور ونظوري
اني اعترف خطأت وجان خطئي جبير
بس العقوبه جانت اكبر بهواي
بعدها الكل راح لغرفته
البنات راحن وي فاطمه
يمكن ابيت محمد نامن مااعرف
اني بقيت الهي نفسي لان هستوني كاعده
يوميه نكعد متاخرين
يمكن لو ما الغده هم ابقى نايمه اكثر
اني اكدر اخليهن هنه الي يسوون الغده
بس اني مايعجبني طبخهن ابد
كلش مو طيب
والصراحه اني نظيفه بشكل
مو نظافة المظهر لا
النظافه يعني الطهاره
النظافه يعني الطهاره
اكول اخاف وحده مغاسله بعدها وتمد ايدها ع الطبخ اضوج
لهذا السبب احب الطبخ بيدي
طبعي كلش مكروه من ناحية النظافه والطهاره
بقيت اشتغل وابني كبالي
مااحس اله نظوري صرخ
الصراحه من شفته اتخبلت خبال
اخذته وصعدت لفوك
دم بوجها مااعرف منين
من اجيس ايده يصرخ ورجله همين
اني حيل خفت ع ابني والخوف الحقيقي من حيدر
طبعا مااعرف هو وين بالضبط
سيارته مو بالبيت
ردت اكول لمحمد لو لامير وكلت اخاف يسويلي سالفه
بعدين لاحظت راسه ابني مشكوك
كمت ارجف وخابرته
دقايق واجه
رحت ويا وجانت الريحه تخنك
مبين علي شارب
كوه اتحملت بالسياره
عالجنا ورجعنا
وبقه يحجي ويايه
الصراحه ردت اساله اخاف نايم وي وحده وبعده مغاسل
وابني بحضنه ساعه يغسله وساعه يمسح دموعها
كلت ابني لازم اسبحه
بس صعب علي خطيه
سالته وجان يكول لا
اعتقد جذاب لان ميكدر يحجي كدامي
بعدين اكدلي
الحمد لله
راح سبح واجه حجه ويايه
فاجأني من كلي ناقلينه للتاجي
مااعرف لويش ضجت
حتى لو كان معاملته ويايه مو شي
بس يبقى ابو نور ونظوري
ويحبهم ويموت عليهم
مااريد يصيبه مكروه ابد
الاوضاع متازمه كلش وخفت علي
مبينت خوفي كدامه
طلب مني اسامحه
هو اني اصلا مااحقد ع اي بشر
ومسامحته ع الي سوا بيه
لان مو من طبعي الحقد
بس بنفس الوقت مااكدر اعتبره زوجي الحقيقي
نبقى اني ويا بالرسميات
بعدين طلع
حسيت بي انسان ثاني من يوم الي رجعت من اهلي لهسه
معبالك نفسه حيدر المغرور والاناني
بقيت كاعده شويه ع الموبايل
بعدها توضيت وصليت صلاة الليل
مااعرف ليش دموعي جرت ودعيت اله من كل كلبي
كون الله يحفظه ويحرسه من كل مكروه
كملت وردت انام وجان يعرس عليه نظوري
للصبح بس يبجي وحرت شاسويله
بعدين وين يله نام خطيه
اني ابد منمت
نزلت جوه خليت السمك بالفرن وطبخت التمن وصعدت
لكيته بس يبجي خطيه حيل متاذي
نزلت والكل انطدم بي
سولفتلهم
كالوا لازم نخلي باب خشب زغيره للدرج حتى بعد ميصعد
كاللهم امير اشو هو كل شويه ويصعد
يعرف بس يجوز عثر بشي
كتلهم مااعرف
كال امير لج فاطمه اكص ايدي اذا مو عيالج حسدونه وراحوا ويضحك 😂😂😂😂😂😂😂
يابه دطير يحسدونه ع شنو 😏😏😏
خطيه عمو وخاله اتخبلوا
كالوا ناخذه العصر للدكتور
محمد مقبل كال ميحتاج
اني اجيبله علاج بالليل
صبوا الغده واجه حيدر
ومبين علي حيل ضايج
مااعرف ع مود نظوري او نقلته
بعدين طلب مني اروح وياهم
يروح يشتريله
واني كمت الواحد اشوفه اثنين
والمشكله حيل اتنحس ميريد غيري
راح هو وحنان
بس هم مكدرت انام لمن اجه خطيه ضاربي ابره لحضات ونام
كلت لفاطمه فدوه راح انام لحد تكعدني
كالت راح نروح للمول وهناك نتعشه
وحيدر اخذ حنان لاهلها
روحي نامي محد يزعجكم
فعلا نمت اني ويا
نور ماادري بيها تلعب وي الجهال
كعد يبجي شفت الساعه ب10 بالليل
جنت حيل جوعانه كلت خلي اسكته وانزل اسوي عشه الي واله
سكته خطيه وسويتله نيسكويك وي الحليب
خطيه اكل وراد بعد
خليته اله كله جان جوعان
كلت باجر اخلي فاطمه تجيبله
شبع ورحت غسلتله
وكعدت العب بي
شويه واجه حيدر
بعدها اجه محمد يغيروله الضماد مالت راسه
رحت وره الباب بس احس روحي راحت كلها
خطيه وليدي حيل اتاذه ومن ورايه اني لو عيني علي مجان صار الي صار
محسيت اله الباب ينفتح وجانن دموعي يجرن
وهذا يضحك عليه
بعدها كلت خطيه خل انزله شويه
لان بهيج وقت جان يفتر بالبيت ويلعب
طلب مني حيدر اروح وياهم حتى يشتريله
بالبدايه رفضت
بقه يحجي عليه
كتله اروح بس بشرط
هو بقه صافن شنو الشرط
اني محتاجه هواي اشياء من السوبر ماركت
شرطي الوحيد شاجيب اني ادفع فلوسهن
وليش عود
لتنسى انت من البدايه كتلي مامسؤل عنج ولا عن نظوري
مااصرف عليكم ولا ربع
اخاف انت نسيت اني ماانسى ابد
انت مو كلتي مسامحتك
اي مسامحتك بس اكو اشياء مثل متكول بالعظم
حتى اذا سامحنه عليها تبقى تلجمنه من نتذكرها
سكت كال يابه موافق بس امشي ويانه ونورينه يضحك و😜
كتله خل ابدل واجي
وعليمن تبدلين وين رايحين قابل
ماالي خلك عركه
شنو قصدك بالعركه
قصدي اذا لبستي وشي يجذب و وفكر واحد يباوع عليج لو يذبله حجايه ابتلي بي ومحمد
هاي انت تحجي صدك شيشوف مني اذا انت مبوشني ومطالع شي مني
ومنو كلج المبوشه ميباوعون عليها
ابطل مااروح
لا يابه شنو تبطلين روحي بدلي
بس ممنوع تلبسين اللوان جذابه
ونضوري خل ابدله
لا مبيهن شي ملابسه
صعدت بسرعه بقيت حايره شالبس اخر شي طلعت ملابس مثل 👇
ابدل واحجي
هي ياالله شايف نفسه شوفه الي يسمعه هيج يحجي
يحسدني علي عبالهم يحبني ويغار عليه
بس الحقيقه لا
الحقيقه اناني والشي الي يملكه ميحب احد يشاركه بي
كلت بس يعترض ابطل
لبست عباتي والبوشيه
اكثر شي زاعجني البوشيه
العبايه عادي اتعودت عليها
بس البوشيه تخنكني
اخذت وياي فلوس ونزلت
كلي خل اشوف بالله شلابسه
صفن شويه وكلي يله
حنان دكت علي
كللها راح اروح اشتري لنظوري
ردت اصعد وره خزرني خزره من صدك خفت
اول مره هيج يخزرني
كلي يابه اتحمليني والله ممطول وياكم
حتى اذا خلصت من التاجي التحق بسامراء
حتى اريحكم مني
اني انلصمت وسكتت
صعدت بالصدر شغل اغنية نور الزين ومحمد الفارس حبك يدك بالراس 👇
يدندن وي الاغنيه ومندمج
لك نظوري اروح فدوه الك
كلي متعشيه
لا بعدني
اني هم جوعان
كوه اكلت عند اهل حنان
جنت قلق عليكم
نروح للمطعم نتعشه
لا مااكدر مااخذ راحتي اني وبوشيتي
لعد من نرجع ناخذ ويانه
باباتي نظوري شتريد اشتريلك
حلوه كلمة باباتي منه
حسيت بي من صدك ابو
كله موطا
تدلل حبيبي
وصلنه للسوبر ماركت وكلي انطيني حبيبي اني اشيله
اخاف توكعين انت ويا
كتله بس شلون اشوف اريد اشتري
اذا ماكو احد ارفعي البوشيه شويه
دخلنه لسوبر ماركت كلش جبير
دخلنه سويه
اكو ناس بس قليلين
كلي ارفعيها شويه
اخذت كورن فلكس 2
واخذت مجموعه من النساتل يفيدني للكيك 👇
كتله اريد حلقوم كيلو
سال الولد ابو المحل
كال اكو
واخذت علبه بيها شكولاته 👇
ابد معترض شاخذ ميحجي
كتله اريد حليب مطعم لنظوري
بالفراوله والكاكو
لكيت كرزات مشكله واكو لا
اخذت فستق حلبي كيلو
واخذت لب جوز كيلو
واخذت كازو كيلو
واخذت مشكل كيلو
بقيت افتر بعد
شفت حفاظات نسائيه بس استحي ياربي
شلون اخذهن
بعدين كلت خلي اخليهن وي الغراض بلكي مينتبه الهن
بعدين رحت لجهة البقوليات
اخذت حليب مجفف واخذت نشا يفيدني للكيك واخذت طحين الفاخر
واخذت كريما لكيت عنده باكيتات مطعمه يحبوها الجهال
اخذت بيكنك باودر
بعدين رحت للالبان
اخذت خبز صاج وسمبوسه واخذت فنكر واخذت قشطه للكليجه اخذت تقريبا 15 كاسه
كلت هسه اكيد يضحك عليه ويكول هاي مشوها مشايفه
بس الصراحه من زمان مجايه للسوبر ماركت
واكو اشياء لمن نشوفهن يله تذكر حاجتنه الهن
كلت لحيدر اريد شطه حاره كلش
شلج بيها
لتخاف مااخرب الاكل
اني احبها هواي
راد يساله كتله اوكف
شفت باكيت بي كجب ومايونيز وصلصه حاره
اخذت 2 منهن
صارت علبة النوتيلا كبالي اخذت الحجم الجبير
لان ناويه اسوي هواي اشياء لباجر لحيدر ياخذهن ويا من يلتحق
كلي بعد شتردين
كتله هاي هي
هو اخذ جبس وعصائر وببسي ومصاص ومااعرف شنو
اجه وقت الحساب
اني توقعت الغراض الي اشتريتهن اكثر من 100 بس شكد مااعرف
اني شايله وياي 150 ومسيطره مكيفه
لمن تحاسب كال 200 الف
اني وجهي صار مثل 👈😲😲😲
همزين مبوشه ومحد يشوفني 🙈🙈🙈😂😂😂
كلت هسه يبقى يحجي عليه هالكد تشترين شنو مشوها
بدون ميحجي شي دفع 200
شنو هاكد يشيل وياه بمحفظته لو كلبه علم راح اشتري هواي 🤔🤔
اتوقعت مشايل او يجيب من السياره
التفتت عليه محتاجه بعد شي
لا هاي هي
صعدوا الغراض بالسياره
صعدنه اني ويا
فتحت الجنطه ردت ادفع الفلوس
خل نوصل للبيت مطايرين
ميخالف خاف تحتاج شي بعد
سويت نفسي مااعرف شكد شايله
طلعتهن 150 دورت منا منا
لكيت الاف 15 ياالله
دورت بالجيب اللاخ
لكيت 10
شدورين متكليلي
هاي بس 175 ومن نوصل انطيك 25
هاي شنو والقران اشككهن تره
احنه شتفقنه وداعت نظوري ماادخلهن للغرفه لو شيصير
لعد خليج عادله
الي اشتريتهن للجهال عليه
بس هاي الحلويات كلهن اريدهن للكيك
انطيني 100 عليج و100 عليه
لان الكيك اول وتالي النه
غير هذا الشي والقران كلشي مااكل من الي تسويهن
سكتت كتله اوك انطيته 100
نظوري ساكت يشرب بالحليب
هورجع شغل الاغاني مخلي جعفر الغزال نمبر 1 👇
حسيت بي فرحان وهم يغني ويا لك نظوري وعد مني اله اخليك تحبني مثل محبيتك اني
اتوترت عرفته يقصدني
بس المثله مستحيل يحب مااصدك
وهسه وين اخذكم
نرجع للبيت كافي
هاي شنو نرجع
هو اني بالكوه قنعتج اطلعين ويانه وتردين ترجعين بساع
خل نروح ناكل موطا
سكتت
وصلنه وسالني شتحبين
كتله اني اريد سلاش
هاي شنو السلاش مااعرفها
انت بس كوله سلاش وهو يعرفها
التفت لنظوري
وانت حبيبي
كله مثل ماما
راح جابلنه 3
لويش جبتنه اثنينه وحده تكفي اني وحبيبي نظوري
عادي
كلته راح اضمها لنواره خطيه نسيتها
كال صدك عيب من البنات خلي ناخذلهن ويانه
بعدين كال خل اخابر امير
خابره و كله بعدنه مراجعين
انطا العنوان
وجان يجون ونلتقي
كالت فاطمه لج هاي خيانه
طلعتوا لان وحدكم
حتى مانطلع وياكم
كللها حيدر ام عقل اسكتي فضحتينه
ع اساس خطيبي ميقبل اشو هسه اتغير الحجي
لا اذا بيها هيج طلعه وي زنوبه لو مو ميقبل هم اطلع
ولج الولد شحاله وجبنا نفرره حتى يسكت ميبجي
وهاي ام راس اليابس كوه قنعتها يله اجت وياي
اخذلهم موطا ورجعوا كللهم هسه نسبقكم
كالت فاطمه اني هم اجي وياكموتضحك و😜
امشي منا لا افكس عينج ام خطيبي ميقبل
عابت الك هو اني اصلا مااصعد وياك
اجتي نواره ويانه
انطيتها موطتها
كالت كلش طيبه بابا
ادور اشترينه منها
صار بابا تدللين
رحنه بعدها للمطعم
شتردين اطلبلج
اي شي بس اهم شي ذبح مااريد مجمد
اوك
راح واجه
كال هذا كنتاكي وذبح اكيد
اوك هاي هي
رجعنه للبيت
الصراحه جان اسعد يوم بحياتي من يوم الاجيت بي لهذا البيت لليوم
مااعرف السبب
اخذت نظوري وصعدت
وهو كلي اني اصعدهن الغراض
جابهن وجانن هواي
اجتي فاطمه وتضحك
شلون انطاج كلبج وتروحين بدوني
بله اخوي ادري بي شايف روحه شوفه
بس انت ليش
عافنه وطلع كال اجيب الغراض
بقينه نرتب بالغراض ومتعجبه
انتي مو متحبين الحلويات
اي مااحبهن
بس اريدهن للكيك
والكرزات
باجر اكولج المن
هاج الصاج والسمبوسه والفنكر خليهن بالمجمده وتعالي اتعشي ويانه
نظوري نسه الالم خطيه
كتلها صيحي البنات خل يتعشن ويانه
كالت والله طلع من خشمنه
راح اروح تعبانه وباجر اسولفلج وسولفيلي
بدلت عالسريع دشداشه عاديه
اجه جاب الغراض البقن
رتبتهن كلهن
والباقي خليتهن ع جها كلت بعدين انزلهن جوه
طلعت سفره استعمال واحد
هذا الحجي صارت ب 12 الى ربع
نور كالت راح انام حيل نعست وتعبت
روحي فرشي اسنانج ونامي
طلع الاكل والببسي
انطيت لنظوري فخذ دجاج
اكله كله خطيه جوعان
اني نسيت نفسي وبديت اكل
مااعرف لان جنت حيل جوعانه
لو اخذت عليه واتعودت مااعرف
اتذكرت الصلصه الحاره رحت جبتها
سويت لفه زغيره وخليت بيها كميه جبيره اجت بالغلط
اكلتها بس شنو حسيت لساني انتها حيل قويه وحاره
حرت شاكل وشاشرب
كمت امسح بلساني
هو بقه يحجي عليه شصاير عليج
انتبهت لنفسي نازعه حجابي وصدري طالع
شفت عينه مركزه ع صدري
وجان .........
مساء الخير ع اجمل متابعين اتمنى لكم قراءه ممتعه
🌹🦋 البارت 30 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
وجان انتبه ع نفسي عدلت حجابي وكعدتي وغطيت صدري
هو رجع ياكل ولاكانو شي صاير
اني عفت الاكل
هاي شنو ليش كمتي
مااشتهي
لو تجين تاكلين لو تشيلين الاكل
احسبيني مموجود ليش هالخجل
والله بعد مااباوع راح اصير عاقل وياج
هاي عيوني وكيحات مو اني والله
رجعت كملت اكلي بس شنو حيل خجلانه
نظوري اخذ القطعه الثانيه وبده ياكلها
اني رشيت اصلصه الحاره
هالمره خفت الحراره لان اتعود لساني عليها
اعشق الاكل الحار
حيل اتوترت وهو عينه عليه
اشو هم رجعتي وخليتي صلصه حاره
اعشق الاكل الحار وحتى يذوب الشحوم
كام 😂😂😂😂😂 هسه اليسمعج يكول سمينه
اكص اديه اذا ماطلع وزنج جوه ال50
مجاوبته
هاي لو مثل حنان جان اشسويتي
يابه والقران انتحر غير
صدك والله تنتحرين ع مود الوزن انت مو صاحيه اكيد
تحجي صدك اهم شي الرشاقه
ممنتبه ع حنان شلون الملابس عليها مبهذله
والله لو اني مااكل واسوي رجيم قاسي
بهاي اني اايدج جسمج يخبل عبالك لعابه
هنياله يابه الماخذج اكيد تلكينه اسعد واحد
هم جمال وهم ادب وهم هدوء وهم جسم باربي
شيريد بعد مو مثل حضي المصخم الله ذب عليه فيل
الليل كله تاكل نوتيلا خاف ضعيفه
اني صدك ضحكت 😂😂😂🤣🤣🤣🤣
خطيه هاي يجوز طبيعتها اني اكره الحلويات كلهن ع مود رشاقتي
رجعنه ناكل بس ع اعصابي
حس بيه خجلانه ومماخذه راحتي
كلي خل اخذ حصتي واكوم احسن
اخذ حصته وطلع
الحمد لله خل اخذ راحتي
راسآ نزعت الحجاب
وزودت الصلصه الحاره
بديت اكل بدون صمون ولا خبز
حتى مااسمن 🙈🙈😂😂🤣🤣
بس مااوصفلكم شصار بيه من وره الحراره
كملت بعدها شربت نظوري سفن مااشربه ببسي مو زين
كلت خطيه هواي اكل لا يتخربط
اول مره الفرحه واضحه عليه مااعرف لويش
اتذكره من يغني بالسياره واضحك
بعدها نيمت نظوري
بديت ارتب الاشياء الجبتهن
الكرزات اخذت منهن والباقي كلت ياخذهن ويا من يروح يلتحق
نزلت للمطبخ عجنت كليجه سويت كميه جبيره
جبت الفستق الحلبي سويته بالطاحونه هو وشكر
نضفت تمر من النوى وخليت راشي بالطاوه ع نار هادئه شويه وخليت التمر بي
بعدها خليتله هيل ولب جوز طلع طيب كلش
(جربوها راح تنصدمون بالطعم )
الكازوا هم طحنته ويا شكر
وجهزت كلشي واخذتهن ردت اصعد لفوك
جان اسمع حيدر
زينب
التفتت لكيته واكف بالباب ويدخن
التفتت علي
هاي شتسوين بهيج وقت
اريد اسوي كليجه
بهيج وقت تحجين صدك
اي ع نومة نظوري
اذا كاعد ميخليني
وهسه يجوز كاعد
لا نايم
وراح اصعد فوك اكمل يمه
شنو منعسانه
لا بالليل كعدت
وانت شعجب منايم لهسه
مجاني نوم
اصعد وياج اساعدج
لاماكو داعي روح نام احسن الك لازم ترتاح
مااكدر انام
خلي الهي نفسي
ع راحتك
اخذ قسم من المواد وصعد
جبت الصواني مالت الشوي وصعدت
فرشت بالكاع وكعدنه صار مقابيلي
كلي علميني مااعرف شلون اسوي
كتله اني احشي وانت اطبع بالقالب
بس كل حشوه بطبعه خاصه حتى نعرفهن ونميزهن
اوك
بديت احشي وهو يطبع
تصدكين هاي اول مره اسوي كليجه
بعدين كال كون هسه يشوفوني جماعتي
جان يزفوني زفه اتخبل
رائد والكل يهابني وكاعد اسوي كليجه
بس صدك شلج بيها هاكد مسويه
الك سويتهن
شنو الي
اريدك تاخذها وياك من تروح تلتحق
حسيت بي صافن بوجهي
كتله حتى اذا جعت تاكل منها
لعد هاي خيانه
شلون يعني
يعني المسواك كله الي وانت دفعتي 100
مااخذ كلشي ويايه اله تاخذين 100
سكتت
والله وروحه لمروان كلشي مااخذ ويايه اله تاخذيهن
اوك بس خلي نكمل
يباوعلي ويضحك
شلون اجت ابالج هاي الفكره
ادري هناك اكلهم مو شي وممل
اكيد تجوع هناك
الصراحه عجبتني الفكره عاشت ايدج
كملنه اول صينيه بس حلقوم
وديتها للاوفن وصعدت
سويت صينية التمر
الهدوء عم المكان
بس عيونه ابد منزلهن مني
اكل من التمر كلي لج شنو هاي المخليته وي التمر طعمه يجنن
راشي وهيل وجوز
اخذله صفنه بعدها كال
هاي انت ليش هيج حلوه
سكتت مااعرف شاجاوبه
حيل مرتبكه وخجلانه
لعد اني شكد غبي كل هذا الجمال وماجنت اشوفه
ردتت اهرب منه ومن احراجاته اليه ح
كلت خل انزل اشوف استوت
نزلت الصينيه الجاهزه ولكيت الصينيه مستويه
صعدتها يمي فرغتها حتى استعمل الصينيه
بعدها سوينه ام الفستق الحلبي
ابد منطق ولا بحرف
حيل تعبت بس همزين هو ويايه
لان سويت كميه جبيره
كلت نص النه ونص اله
كلي انطيني وحده خل اكلها
يضحك من هسه اكولج اذا مو طيبه مااخذها
عادي ماكو مشكله اميرومحمد ياكلوها حتى اذا موطيبه
لا عيني اسحب كلامي
حتى اذا موطيبه اخذها ويايه
ياحشوه تحبها
انطيني من كل نوع وحده حتى اجربها واحكم
انطيته وبده ياكل بيهن
اني مااحب بس ام التمر
اكلتلي وحده وجانت حيل هشه وطيبه
ها عجبتك لو لا
لا مو طيبه بس مجبور اخذها ويايه
ضجت لان ماعجبته
كتله باجر اسويلك غيرها مااعجنها بالقشطه
شلون يعني هاي عاجنته بالقشطه
اي بدون مي اعجنها بالقشطه
مو اكول اول مره اكل كليجه هيج مو طيبه
منو علمج هاي الطريقه
ماما علمتني
هم بقه ببسي عندج لو عصير
اي هسه انطيك
جبتله ببسي
كلي انطيني كليجه وياج
انطيته واكلها كلها اني فكيت عيوني علي 😳😳😳
هي ياالله اذا مو طيبه وهاكد اكل لعد اذا طيبه شلون 😏😏😏
هو ضحك كلي عرفتج شتحجين بكلبج
اذا مو طيبه هاكد اكل اذا طيبه شلون
بقيت صافنه شمدري
اني اتوقعتج ذكيه بس طلعتي لا
لان لو ذكيه جان كلتي لو مو طيبه مااكل هاكد
بس لان طيبه هاكد اكلت
ومن صدك عاشت ايدج
اطيب كليجه ماكلها
فرحت بداخلي
افرح من احد يمدح باكلي احس ملكت الدنيه
اذن الفجر صليت وهو هم صله يمي بالغرفه
كملت وحيل تعبت
بقت عجينه بس الحشو ماكفه
كلت لباجر اخلي فاطمه تسويها
نزلت ونزل ورايه
غسلت المواعين والقوالب
وخليت اخر صينيه
كعد ع الطبله بالمطبخ
واني افتر وانظف
كتله روح نام بعد ماعندي شي خلصت
كلي هسه اروح
بس حاب اوصيج مره ثانيه ع جهالي امانه يمج
والج حق اطلعين وين ميعجبج بدون متاخذين الاذن مني
واهلج اذا اجوي لهنا روحي وابقي يمهم مو مهم
وحاب اطلب منج طلب بس مااريدج تفشليني علي ولا ترديني
شنو
هسه لحضات واجي
طلع راح لبيته وره دقايق رجع
جايب ويا محفظته
كلي هاي ال100
وهذني 500 تخليهن عندج مصرفكم
لا اعذرني ال 100 راح اخذها
لان حلفت وكلت مااخذ الكليجه
والباقي رجعهن
مستحيل اخذ منك
فدوه اروحلج لتحسسيني بالذنب اكثر
والله البيه مكفيني
كتله لتخليني اذكرك بالوعد مراح تجبرني ع شي
ومستحيل اخذ منك ولا فلس
والنبي عندي فلوس عمو وخاله كل راس شهر ينطوني
واحير شاسوي بيهن
سكت بعد محجه شي
شويه وحجه
ابسط شي مصرف نور ونظوري عليه المفروض
هاج بس مصرف الهم ومن ارجع انطيني الباقي
سكتت
بس امانه عليج ليوم الدين
شنو الي تشتري للجهال تاخذين من ذني
ملابسهم واحتاجاتهم كلهن من ذني
هزيت راسي بالموافقه
بعدها طفيت الاوفن هو راح واني هم صعدت
بردت الكليجه وجبت حافظات اثنين كبار
خليت الكليجه بيها
رحت نمت وكعدت متاخره ب1 تقريبا
غسلت لنظوري ونزلنه
لكيت خاله طابخه غده
اكلنه اني ونظوري ونزلت نور همين
سالتها ع البنات
كالت بعدهن نايمات
كالت كعديهن راح يروح وكتهن
شوي بعد يرحن
رحت لكيتهن كاعدات ويردن ينزلن
انطيتهن كلمن حصتها من الكليجه ياخذنها وياهن
بقن صافنات شوكت سويتيهن
بالليل من نمتوا
اتغدن وكملن وجهزن نفسهن
للعصر راحن
طلبت من فاطمه تسوي الكليجه الباقيه
حشتها بسمسم ومبروش
انطيت لمحمد ولا امير
وخليت النه
لحد الان مشفت حيدر يمكن بعده نايم
خليت حصه لحنان من الكليجه كلت عيب الكل انطيته
كلت لنور دزيهن الها
كلت لفاطمه بقيلي نظوري يمج
خل اسوي بعد كروسان
من عيوني بس تخليلي حصه لعلاوي قصدها خطيبها
هاي الكروسان شويه متعبه
انشلع كلبي بيها
وحشيتها نوتيلا
وي الاذان مالت المغرب يله كملتها بس طلعت 👌👌👌
كتلها شنو السالفه اليوم اشو لا حنان ولا حيدر
كالت اسكتي غير حيدر دازي بمهمه خاصه للتاجي
وامي درت وكلبتها مناحه
والكل ضايج
حتى غده هناك اتغده لان ضايج
اجتي رسل وزهراء كالن العشه احنه نسوي
سوون كباب وكبه وطماطا
هم مااجه لا حيدر ولا حنان
مااعرف ليش ضجت حيل
معقوله راح يروح بدون ميودعنه
وره العشه جهزت الكليجه والكروسان والمكسرات
خليتهن بعلاكه
كلت بالليل اراسله عليهن
نزلت وجان اشوفه جوه بس ضايج مبين علي
الكل متجمع ويحاولون يضحكون ويسولفون
بس هواحسه بغير عالم
وكل شويه وباوع الي
سالو شوكت تروح كال وره الصلاه مباشرتا
بسيارتك لو لا
لا بسياره حكوميه ويانه حمايه
لتقلقون عليه اذا لكيتو الجهاز مغلق
لحد يخابرني
اني من يصيرلي مجال اخابركم واطمنكم
بقوا لوقت متاخر
بعدين كل لنور ونظوري كوموا اشتريلكم
كتله هواي عدهم والله
مو مهم
اخذهم وراح لهذا اليمنه
اجه جايب اشكال ويا
بعدها ودع الجميع والكل راح لغرفته
تقريبا صارت ب12 دزيتله
الووو
الوو
كاعد
اي كاعد
هاي الكليجه تكدر تجي للمطبخ تاخذها
خليها شويه وامرلج اني
اوك
الجهال نامو
لا بعدهم
صارت ب1 نامو الجهال
وحيدر ماكو
يعني معقوله ميريد ياخذها ويا
واستحه مني يكولي
رحت سبحت وبعدها
بقيت اكلب بالموبايل
صارت ب2 وماكو
كلت يجوز نام لو نسه
كمت صليت صلاة الليل
كملت بعدلي بس التسبيحات
رحت للموبايل لكيت هواي رسائل ومخابرات منه
جهازي صامت لان الجهال نايمين
الووو
نايمه
وينج يمعوده
الوووو
اخر رساله قبل خمس دقايق
دزيتله
الووو
باللحضه جاوبني
حيدر : كوه اقتنعت تطلع ويانه
وجنت اسعد واحد
راحت بدلت
وجان لبسها مستور وحيل عجبني
صعدتها يمي بالصدر
حسيت ملكت الدنيه كلها
احساسي جميل وهي صاعده يمي
شغلت اغاني نور الزين ومحمد الفارس
حيل احبها لهاي الاغنيه
الصراحه جنت شايل هم شلون راح تنزل
وشلون راح تختار وهي لابسه البوشيه
دخلنه وجان اتفاجئ بلي اشترتهن
اشو اشترت الحلويات الراقيه والغاليه
هي تكول مااحب الحلويات لعد هاي شنو
اشترت اشياء كلهن راقيه وغاليه
حتى الكرزات اخذت هواي
كلت بالميت تاخذ ب50 الف بس طلعت متوهم
جنت فرحان من تشتري
يعني الاشياء الاغلبيه مو الها
بس وقت الحساب اتفاجأت 200
انطيته للولد ولا همني السعر ولو هي معانده اله تدفع الفلوس
رجعنه وهم شغلت ع اغنيتي المفضله نمبر1
وادندن وياه
حبيبي نظوري ساكت خطيه
رحنه للموطا
طلبت سلاش الصراحه مماكلها ولا اعرفها شنو
كلت هسه يضحك عليه ابو الموطا
بس من كتله بسرعه انطاني يعني يعرفها
حبيتها من صدك جانت طيبه
وبعدها اخذت اكل من المطعم
صعدنه الغراض ونزلت خبرت حنان اتعطل يله اجي
وصعدت مره ثانيه الاكل والبقه من المسواك
جانت ماخذه حريتها ونازعه الحجاب وجنت مستغرب موقفها
الدشداشه نازله شويه من جهة صدرها
جان تركيزي ع صدرها
بس من شافتني اباوعلها انتبهت ع نفسها
بالبدايه اكلت براحتها بس بعدين خجلت
كامت تخلي صلصه حاره ع الاكل
شفتها خشمها صار احمر من شدة الحراره
بقيت احجي عليها كالت احب الاكل الحار
شفتها مرتبكه
ضحكت كلت صارها شكد ويانه وتخجل
وحنان من اول يوم زاحت المستحه
اخذت الاكل ونزلت
رحت يم حنان واكلنه سويه
بعدها خبرتها ع روحتي للتاجي
ولا كانو راح اغيب ولا اهتمت
كالت وروحتي لايران انت مو كتلي بالعطله روحي وي اهلي
هسه مو وكتها خل اروح وع اجازتي نقرر
بعدها اتقربتلها وسبحت وطلعت اورث جكاره
صدفه اشرب جوه دائما بالحديقه
ثار انتباهي الضوه مالت المطبخ ابيت اهلي
جان الوقت متاخر
دخلت وشفت زينب
بقيت اراقبها وهي تشتغل ابد محست عليه
اشتميت ريحه طيبه بس معرفتها شنو
رادت تصعد حاجيتها
كالت اريد اسوي كليجه
اكيد هاي مو صاحيه لان اكو واحد يسوي بالليل
صعدت وياها
وجانت اول مره اساعد بيها بشي
ابد ماادخل بشغل النسوان
بس هالمره حبيت ابقى قريب عليها
كتلها علميني لان صدك مااعرف
بس مسويه حيل هواي
استغربت المن هالكد
طبعا عجبني ترتيبها
مخليه كل نقشه حشوه شكل
احنه متعودين كليجتنا يمكن كلها بقالب او قالبين 😂😂😂🤣🤣🤣
والحلو الطعم مينوصف اذا خليت عضه بحلكك يمكن توكع سنونك 😁😁
دائما تسوي حلويات بس كليجه لا يمكن اول مره تسوي عدنه
لان حتى بالعيد تسوي كيك
اخذني الواهس واشتغل وياها
سالتها المن وجان انصدم من كلتلي الك
ع مود تاخذهن وياك
اخذتلي صفنه
كلت شوف الفرق بينها وبين حنان
حنان اكلها راح اروح وهي تكلي اريد لايران
وهاي كاعد نص الليل مسلوبه راحتها وتسويلي في سبيل اخذهن ويايه
الصراحه عجز لساني عن الجواب حرت شاحجي وشاكول الها
حيل فرحت لان كاعد تفكر بيه وبراحتي
كتلها مااخذ اله ارجعلج الفلوس كوه وافقت
بعدين كلتلها حبيت اتشاقه وياها
اذا موطيبه مراح اخذها
كالت عادي انطيها لامير ولمحمد
اتخبلت لا مستحيل حتى اذا مو طيبه اكلها ههههه
حيل اغار عليها حتى من اخوتي
هذا الشعور غريب عليه
لا صار هذا الاحساس وي حنان ولا ام نور
بس هاي حيل اغار عليها ومااعرف لويش
قبل لا اشوفها محبيت تنزع البوشه
ماحبيت احد يشوفها
حسيته ملكي الي وبس
رغم ماجنت حيل اكرها واضوج منها
بعدها كتلها انطيني خل اضوكها
حسيت تذوب بحلكي من صدك تخبل
والاطيب الحشوه
كلهن طيبات
بس جذبت عليها من كتلها مو طيبه
بس بعدين كتلها عاشت ايدج حيل طيبه
صليت بغرفتها وجنت احس بالامان واني يمها
اتمنى تتقبلني وتسامحني
اتمنى انام وهي بحضني
بعدها رحت لبيتي بس ماكدرت انام
انتظرت ابويه وامي حتى اخبرهم
كتلهم بس حيل ضجت ع امي خطيه
كامت تبجي وابويه حسيت الخوف بوجها
حيل ضجت
بعدها نمت
كعدتني حنان للغده
كتلها مااريد شي بس خليني انام
كعدت ب5 طلبت منها تجيبلي الغده لهنا
اتغديت
وبقيت بالبيت بس اشرب جكاير
البيت ريحته متنطاق بعد
اول مره اشرب بكثره وبالبيت
حنان ابد ماراحت يم اهلي
وهم ضوجتني وفتحت الموضوع
كتلها خل ارجع بسلامه ونتفق ع كلشي
مو وكتها ابد
اجوي اهلي يمي وبعدها راحوا
اخر شي متحملت لازم اشوف نظوري ونور
رحت يم اهلي وجانت زينب موجوده
عيني عليها
حيل محتاج لوجودها هاي الفتره
احسها الامان الي
واحسها نصفي الثاني
حياتي دائما بيها نقص
وجودها يمكن يسد النقص
اخذت الجهال حتى اشتريلهم
ماخليت شي مشتريته
حيل ضايج اليوم وروحي طالعه
بعدها رحت لبيتي
احتاجيت اشرب بس شي قليل
حتى يهدئ راسي شويه
كلت خل تنام حنان واشرب
فعلا نامت وشربت بس قليل
راسلتني زينب ع الكليجه
عبالها انساها
ماتدري انسى روحي ولا انساها
كتلها اني امرلج
حبيت ارتاح شويه حتى اسبح يله اصعد
مايجيني نوم ابد
بقيت ساعتين تقريبا
بعدها سبحت وصحصحت
دزيتلها رسائل بس ماكو جواب
اعتقد نامت
حيل ضجت اني الي اتاخرت عليها
طلعت بالحديقه احس بنفسي مخنوك
لحضات وجان يجيني مسج منها
احس الهوى هستوني يله اتنفسته
كتلها شنو نمتي
لا جنت اصلي
ياصلاه بعد هواي وكت
ادري بعدهي بس هاي صلاة الليل
لعد راح اصعد
يمكن سويت الدرج خطوتين
دخلت جانت الغرفه هدوء واضاءه خافته
العطر الي بالغرفه يسطر سطر
لكيتها ماده السجاده عبالك ملاك ويصلي
كاعد تسبح كملت وخلت السجاده
ليش ملميتيها
مابعد شي لصلاة الصبح
هاي العلاكه
اشو ثكيله شحاطه بيها
اشياء بسيطه تحتاجها هناك
مدققت بيها لان جان عندي هدف اكبر من الكليجه
بالي اريد ابوسها مهما كلفني هذا الشي
حاب اروح واني مرتاح
مانزعتي الاحرام مالتج
ها هسه انزعه
نزعته ولبست الحجاب
بديت اتقرب عليها
هي رجعت
وصلت قريب عليها
هي صارت وره الجربايه الي بغرفتها يعني مو يم الجهال
اتقدمت خطوه وكعت ع الفراش
ردت اتقرب اكثر باللحظه ابتعدت
سحبتها من ايدها
هاي ليش خايفه مني
اني واعدتج ومراح اخلف بوعدي ابد
حبيت احجي وياج
ليش لابسه الحجاب كدامي
شنو حرام لو عيب
هم سكتت والخجل واضح عليها
احجي ليش ساكته
ممتعوده انزعه
وانت بالنسبه الي
قاطعتها وخليت ايدي ع حلكها حتى متكمل
بديت اتقدم وهي ترجع
هالمره انحصرت بالكنتور
كتلها اني اطلب منج طلب
واتمنى تنفذي الي
حاب التحقق وماخذ ذكرى حلوه منج
اريد بس بوسه وحده وبرضاتج
لا عفيه لتنسى انت واعدتني
منو كلج راح اخلف بوعدي
اني هالمره رايد برضاتج
كلشي مااريد بس بوسه وحده
عفيه حيدر روح نام وراك كعده من الصبح
مراح اروح ولا التحق اله تحققيلي امنيتي الاخيره
يجوز اروح ماارجع بعد
يجوز يذبحونه الدواعش
وراح ترتاحين مني ع الاخر
سدت حلكي بايدها
الله ليكولها عمرك طويل ان شاء الله لتحجي هيج
تروح وترجع بسلامه
اوكف دقايق راح انطيك احلى ذكرى مني
راحت للجرارات وجابتلي بيدها زنجيل 👇
كالت هاك البسه هذا ولتنزعه ولا دقيقه
شنو هذا ؟؟؟؟؟
طلسم الامام علي
راح يحميك ويحرسك ان شاء الله
وتروح وترجع بالف سلامه
بطلت مااريد بوسه تعاي بس لبسيني هذا الزنجيل
اتقربت عليه
بديت اشتم بعطرها
اتخربطت احوالي
ادري بيها عنوديه
مراح تخليني ابوسها لو شيصير
لبستني الزنجيل
احس نفسي ذبت ع الاخير مااتحمل قربها ابد
مطخت بيه ابد عجيب امرها
هم يجي يوم وانيمج بحضني
اشم عطرج
ابوسج
سكتت وعينها ع الكاع
طبعت بوسه خفيفه ع خدها
سكتت محجت شي
رحت للجهال وبوستهم
الله عليج اذا صار شي سامحيني
اخذت العلاكه ونزلت
ماكدرت انام ابد
بس انام مااكعد
كلت بالسياره انام
جهزت جنطتي وبدلاتي
وخليت العلاكه بالجنطه
سمعت الاذان اذن
صليت وكملت
الصراحه ماملتزم بالصلاه ابد
ساعه اصلي وساعه لا
كملت واتخابرت وي الولد كلولي ربع ساعه ونمرلك
اباوع ع حنان مكلفت نفسها ابد وكعدت ودعتني
تسويلي ريوك
رحت كلت اودع امي وابوي حتى اذا نايمين
دخلت من المطبخ ولكيت زينب تجهز بالريوك
عجيب امرها زنوبه
حيل خجلتني بتصرفاتها
اني غبي لعبت بيها جوله
وهي ولاكانو دخت بيها
سلمت ع اهلي
ورجعت للمطبخ
كالت تعال اتريك
صبتلي جاي حار
ومسويه بيض عيون
اكلت وكملت
انطتني لفه كالت هاي للطريق
لا ماكو داعي ناكل بالمطعم
عيب من الولد الوياي
كلتلي اسويلك ع العدد
لا شكرا اجوي بعد ماالحك
دكوا عليه
وردت اطلع
فدوه ديري بالج ع روحج وع الجهال
طلعت ورايه
وين تردين ارجعي
بس اذب مي وراك
من بعيد شمرت عليها بوسه بالهوى
فعلا انطلقنه واحس براحه من اتلمس الزنجيل
انطلقنه سيارتنه بيها 3 ظباط واني الرابع والسايق
وكدامنه وخلفنه حمايه
عكبنه السيطره وبعد مااحس ع نفسي
بعد مرور وقت وصلنه واستقرينه اتصلت بمحمد وطمنته وكتله خبر الجميع
ثاني يوم بدت مهمتنه
وجانت صعبه ومتعبه بشكل
نوم وراحه ماكو
تقريبا رابع يوم يله كدرت اتصل باهلي واطمنهم
مااكدر احجي عن المهمه لان جانت سريه
بقينه ع هذا الحجي تقريبا 10 ايام
الكليجه هواي فادتني لان ملينه من اكلهم بس شنسوي مجبورين
مخليه وي الكليجه ماادري شنو مااعرف اسمه بس حيل طيب
بالنص نوتيلا فادني للريوك هواي حبيته
طبعا الكل ياكل وياي
بس من شفت الكرزات ضحكت
كلت عبالها متونسين لو طالعين سفره
حتى ناكل كرزات
ماتدري بينه احنه صايرين كرزات
الكل يضحك من شافوا الكرزات
كالو منو هذا الذاكرك بيهن
كتلهم بنتي واضحك
خطيه عبالها رايحين سفره
مشغول حيل بالمهمه ومن نفرغ انام كبل من التعب
يعني مو مالت اتصال وابقى احجي
يوم 11 انطونه ريست
كضينا كله نوم
للعصر خابرت محمد وسالت ع الكل
كتله دزلي رصيد خل اشترك ع الخط
دزلي وفعلت النت
بس جان حيل ضعيف
خابرت امي ع الخط وحجيت وي ابويه
سالتهم ع حبيبي نظوري خطيه بقه بالي علي
طمنوني علي وفاكيله الجبس الحمد لله
حيل مشتاق للكل
مانعرف شوكت ننزل
تعشينه من وكت وبعدها رجعت نمت
كعدت ب2 شابع نوم
اليوم ارتاحينه هواي
كعدت اكلت من الكليجه اخر شي بعد مابقه شي منها
كلبت بالجهاز لكيت اكو شبكه
طلعت من الكرزات اكل لان جنت حيل مرتاح وشابع نوم
ضحكت كلت هسه صدك وكت الكرزات
اول شخص اجه ابالي هي
راسلتها
الووووو
باللحضه اجاني الجواب الووووو
شلونج زنوبه
تمام الحمد لله وانت
اني زين الحمد لله
شخباركم
نظوري حبيبي شلونه
زين صار ووخرنه عنه الجبس
الحمد لله
والله بالي كله يمكم
حيل مشتاقلكم
مجاوبت
طبعا الف رحمه لاخوج سيوفي ع الكليجه والله هواي نقذتني
الف عافيه
شكو ماكو
ماكو شي سلامتك
شعجب كاعده لهسه
مو متعوده ماانام لمن اصلي صلاة الليل وصلاة الصبح يله انام
صلاه مقبوله ان شاء الله
اندعيلي وياج
ان شاء الله
نور شلونها الحقيره مشتاقلها موت
زينه بس خطيه ضايجه عليك وتكول مشتاقه لبابا هواي
والله اني هم مشتاقلكم كلكم
بس شاسوي ماعندي مجال حتى اخابركم والله
وانام من وكت لان حيل كاعد اتعب
شوكت تنزل ان شاء الله
مامعلومه مااعرف والله
اهلج ماانتقلوا
هذا الاسبوع يجون
اذا احتاجوج روحي ساعديهم وابقي شكم يوم يمهم
ابويه خلي يوصلج
الله كريم
بعد شكو ماكو انت شلونج
ماكو شي كاعده وساكته
مرتاحه من دوني
لا شعندي وياك قابل حتى ارتاح منك
زنوبه
ها
اني اسف ع كلشي بدر مني
والله حيل متعذب وضميري يانبني هواي
ماكو داعي للاسف
ماضي راح وانتهى
لعد ليش متريحيني وتسامحيني
والله مسامحتك ماعندي شي وياك
لعد ليش ترفضيني وتصديني
ابو نور انت متزوج وعندك حياتك الخاصه ومرتاح
اني هم عندي حياتي ونظوري ونور
مكتفيه بيهم والحمد لله
اني من البدايه فرضت نفسي عليكم وانجبرتو تتقبلوني
اني جان قصدي بس ابني
ماابالي زواج ابد
احب اكون حره هيج واتمنى تفهمني
ع راحتج زنوبه
راح ابقى انتظرج وع احر من الجمر اتمنى تتقبليني بيوم
الله كريم
افتحي كاميرا خل اشوف الجهال
لحضات وافتح خلي البس الحجاب
ليش هيج تعذبيني
ليش شمسويه
لا تلبسين حجاب كدامي
بروحه لسيوفي لا تلبسينه للحجاب
ليش متفتهمين اني زوجج مو عشيقج
مااطلب منج شي بس هذا الطلب
والله اخجل وممتعوده
اي عادي مره مرتين تتعودين
اوك
فتحت كام
كتلها افتحي الضوه مو واضحه الصوره
بس لتحجين ابد لان الصوت عالي
حبايبي هواي مشتاقلهم والله
خلت الكاميره عليهم بس هي مشفتها
شويه وسدتها
راسلتها
خل اشوفج فدوه والله مشتاقلج حيل
لحضات وسدي
اوك
اتصلت وشفتها
من صدك ردت روحي
السجاده مفروشه يمها
وشعرها مسويته ضفيره
اعتقد طويل حيل لان ممركز عليها
كل الي اعرفه تاخذ العقل تخبل
سدته
جانت تجاوب ويايه بصوره غريبه
احسها من صدك مسامحتني وتخاف عليه
مثل خوف امي بالضبط او اكثر
بس ليش متتقبلني ك زوج مااعرف
طبكته
دزيتله انت هم احد قبلي كايلج انت حيل حلوه
اي هوايه كلولي
منو ذوله الهوايه
ماما وبابا واخواتي وفاطمه وساره وبنين ورسل وزهراء
وبعد غير ذوله
لا ماكو احد غيرهم
زين ومروان الله يرحمه
الصراحه مااتذكر ابد
بعد اي ولد شاب مكايلج
لا ولا واحد
لعد اني راح اكولج انت احلى واجمل وارق واحن زنوبه ع وجه الارض
سكتت
اتخيل شكلها كبالي واكللها هذا الحجي
اكيد الخدود تصير طماطا من الخجل
دزيتلها الايموجي 😘😘😘😘😘
دزتلي 🤫🤭😳😡😠
دزيتله ❤️❤️❤️❤️❤️❣️❣️❣️
اخذ راحتك اخاف تعبان لو نعسان
لا تعبان ولا نعسان بس اخاف انت ضجتي مني
لاوالله ماضجت بس اذن الاذان
لعد روحي صلي وديري بالج ع نفسج والجهال
باي
باي
طبكته منها واني اضحك
حفظت كل رساله منها
خوفها واضح عليه
بس هي شويه عنوديه وكرامتها فوك كلشي
اصبر وياج قابل شعندي
دزيتلها نور الزين ومحمد عبد الجبار حبك كبر 👇
مشت الايام عادي صارنه 20 يوم هاي العشره الثانيه حيل اتاذينه
تعب اكثر واكل ملينا جنت مصبر نفسي بالكليجه
خبرونه كالو باجر نزولكم
10 ايام وترجعون
حيل فرحنه ويمكن اني اسعد واحد بالدنيه
نمنه من وكت حتى نكعد من وكت
وقت الصلاه راسلتها
الووو
باللحضه جاوبت الووو
لحد الان ممراسلها بس مره وحده وهاي الثانيه
هلو حبيبتي شلونج
دزتلي 😳😳😳😳
دزيتله 😜😜😜😜
اليوم شراح اطبخين غده
مااعرف بعدني ممقرره
اني مشتهي اليوم تمن عنبر ومرك باميا من ايدج الحلوه
شلون اطبخ وادزلك برساله
ماعليه شلون مجان اليوم لازم اكل تمن وباميا
شبيدي عليك والله بيوم الي تنزل اسويلك
مو اني هسه بالطريق وراجع
كول والله
اي والله
بس لتخبرين احد ابد
اريدها مفاجئه بس انت خبرتج
اريد اول شخص تشوفه عيوني انت والاطفال
قبل لا اوصل بلحضات اخبرج واريدج تنتظريني بالباب
دزتلي اوك
يله حبيبتي بعد مااكدر احجي
عود نتراسل
متلهف حيل لشوفتها
احس لهفتها الي مو خاليه
مستحيل ماعدها مشاعر اتجاهي
اليوم ناويلها نيه بس الله اليعلم بيها
بس خل اوصل واراويها شكثر مشتاق الها
دزيتلها مقطع فيديو نور الزين قافل👇
مجاوبت
دزيتلها اليوم محد راح يكدريخلصج مني لان مشتاقلج موت
جان ادزلي ........
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: