#بارت مفاجئ
وجان انزل اجمل بارت لاجمل متابعين اتمنى لكم قراءه ممتعه
🌹🦋 البارت 27 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
جان يكول غير داخله مستشفى شنو مو خبرتك
ها لا مخبرتني شبيها
شلون مخبرتك هي كالت خابرته
الطفل ميت ابطنها صارله 6 ايام
ودخلوها حتى يسقطونه
اني هنا دخت شنو طفل شنو ميت شنو اسقاط
منو وياها
بس امها واني هستوني اجيت منهن
باجر يطلعوها
معقوله حامل واني ماادري
زين ليش ماعندي علم
كتله عمي اني مااندل تكدر تروح ويايه
والله ياابني مااكدر اعوف البنات بوحدهن اخاف عليهن صار المغرب
خل ادز وياك تبارك
راح اتصل بامها توكفلكم اباب المستشفى
ماشي عمي خل تجهز نفسها
اجتي تبارك وسلمت عليه
رادت تصعد وره
كتله لا تعاي هنا يمي
اجتي يمي ودلتني
وصلنه وجانت امها منتظرتنه
سلمت عليها ورحنه للغرفه
دخلت وجانت بالخاص مدخلينها الحمد لله
حتى اخذ راحتي وياها
اني اعلمها ع هاي سوايتها
دخلت وجانت نايمه
سالت خاله عليها
كالت سوينالها كرداش
لان الطفل طلع ميت من يوم الاجت بي النه
سويت نفسي اعرف كلشي
كتلها شوفي اذا يصير خليني اني ابات يمها
ماقبلت ابد
كالت ميجوز خاف تحتاج الحمام اله اني
لعد خل ادزج ترتاحين
لا ماما خليني هنا احسن
انقفلت بوجهي ردت فرصه حتى اخذ راحتي واحجي وياها
وره شويه كعدت وتصيح من الالم
بس من شافتني كبالها سكتت
شلونج زنوبه
الحمد لله ع السلامه
الله يسلمك
اكيد جاوبتني لان امها هنا
ماما فدوه بطني موتتني شوفيلي الدكتوره
تعاي ماما بروكه ويايه
راحن
كعدت كبالها
اي زنوبه ليش مخبرتين حامل
وليش ماادري مسقطته الطفل
ادري بيج تكرهيني بس الطفل شنو ذنبه وتسقطي
رجاءآ ابو نور حاسب نفسك قبل لتحاسبني
شوف الداعي الي خلاك توكعني وتضربني شنو
اكيد انت الي متريده وتكرها للطفل ع كرهي
هاي انت شدتخربطين
هاي الحقيقه
بهالاثناء دخلت الدكتوره
طلعت بره
وره شويه طلعت
كالت امها هاي وصفه من بره راح اجيبها واجي
انطينياها اني اجيبها
تعاي بروكه ويايه
لان مااندل
طلعنه جبتلها وصفتها وجبت عشه ورجعت
اجتي الممرضه وضربتها الابر
بعدها كلت لخاله خل اوكلها
انطتني الاكل وبديت اسويلها
لفه صغيره واريد اوكلها
بس ادير وجها عني
زينب مو وكت عنادج اكلي بلا متشلعين كلبي
مااريد مااشتهي وخره عني
حجت امها
شلعت كلبنه من الصبح لهسه تبجي ومااكلت ولالكمه
لج ماما ميصير هيج تسوين بنفسج
الحياة طويله كدامج
وكل سنه عود جيبيلج طفل
قابل انت اول وحده يموت ابها
هاي اني الكدامج حبلت وتعبت وجبت وربيت وكبرت وبالتالي مات
احمدي الله واشكري مجبتي يله مات
هي هنا عيونها تجري
لج حبيبتي زنوبه ولايهمج يجوز الله سوه البي صالح
نظوري بعده زغير
وانت كاعد اتعبين ويا
ممتوازين ع الاطفال
خلي نتونس هو احنه شفنه من الدنيه
خل نسافر
بالعطله هاي اخذج انت ونور ونظوري لتركيا
هي ساكته بس الدموع تجري
مسحت دموعها بيدي
كافي حبيبتي لتبجين
لخاطر نظوري اكلي
يله هاج اكلي هاي اللفه لخاطري
اذا عندج خاطر الي
اكلتها والصراحه انصدمت بيها همزين
مااعرف هي هيج
لو لان كدام امها
كتلها يله خلي ناكل كلنه
صدك اكلنه وجانت هاي اول مره ناكل سويه
كملنه وخابرني عمي
كلي هذا نظوري يبجي حاول تجي حتى بلكي يسكت
اخذت تبارك ورجعنه
خطيه لكيته يبجي
الصراحه افور دم يمكن لو عندي علم بيها حامل مجان خليتها تطبخ
لا وفوكاها وحدها
جان لغيتها العزيمه كلها
ولو اني دااضحك ع نفسي
هو اني الضربتها واذيتها وبسببي مات الطفل
مراح اسامح نفسي هالمره صدك
شافني نظوري سكت شويه ورجع كام يبجي
كتله عمي خل اخذ البنات ونور ونظوري لمنتزه بي العاب
خلي اطلعه بلكي يسكت
كال اكو مدينة اللعاب هنا قريبه وديها الهم
خل البنات يجهزن نفسهن
فعلا اخذتهن اباوع ع لبسهن نازك ويجنن
اكيد زنوبه هم هيج جانت وضلمتها ويايه
بس الصراحه لو اموت مااخليها تلبس هيج لبس لو تذب العبايه
رحنه غيرنه جو وشفت البنات فرحانات
صعدن اللعاب وي نور ونظوري
صعدتهم بالسيارت اليداعمن
صعدتهن كلهن
الفرح واضح ع الجميع
اشتريتلهم
ولكيت واحد يرسم ع الوجه
نور كلتلي خل يرسملي
كلت خطيه
فعلا رسم ع جها
جان نظوري يبجي عود هم يريد
كتله ارسمله شي بسيط
اكو مطعم بي دخلتهم
وطلبت اكل
كملنه واخذتهم وكلتهم موطا
ها بنات اتونستن
اي شكرا الك
كالت رنا اذا اكول شي تزعل
لا ليش ازعل احجي
كالت جنت متوقعتك واحد مغرور وغثه
لان متحب تجينه ولا تبات يمنه
بس طلعت متوهمه
بالعكس طلعت حباب
ضحكت حباب لان طلعتجن
لا والله مو هذا قصدي
بس شفت معاملتك ويانه وي بابا ذاك اليوم جان فرحان
يكول الله اخذ سيوفي عوضني بزوج زينب
عبالك ابني
وتصرفك ذاك اليوم امام عمامي كبرت بعيونه حيل
تحجي والخجل واضح عليها
انتو اهلي وهذا السويته واجبي اكيد
بس اني ممرتاحه من ناحية اختي
شلون يعني
دائما اشوفها حزينه وشايله هموم الدنيه ع راسها
ومن تجي هنا ماالاحظ تتخابرون ولا احسها متلهفه عليك
لا بالعكس متوهمه علاقتي بيها زينه
ودائما نتخابر
بس اني اكثر المرات مشغول بس بالليل نتخابر
بعد مااعرف بس الي احسه اكو شي بينكم مو طبيعي
متوهمه اكيد
ماكو اي شي
ان شاء الله ماكو
تعرف زينب اكثر وحده بينه هادئه وكتومه بشكل
بس شايله كلب طيب متتوقعه ابد
مستعده تضحي بحياتها كلها ع مود الشخص التحبه
واكبر دليل زواجها بيك
شلون يعني
يعني ع مود الطلب مالت اخوك الله يرحمه
وافقت عليك
ع الرغم ما بابا رفض ومانعها
بس هي اصرت
رادت تخفف الحمل عن بابا
واذا اكولك شي مراح تصدكني
بابا لحد الان ياكل بنفسه
يكول دمرت بنتي ومستقبلها بيدي
وصلنه للبيت سكتت بعد مجاوبتها ابد
جان الوقت متاخر يمكن ب1 بالليل
بدلن لنظوري كتلهن جيبنه يمي انيمه
كالت رقيه لا متعود ينام يمي هو ونور
خلولي فراش بالاستقبال
رادوا يجيبولي جاي رفضت
كتله عمي بس سويلي طريق للحمام اسبح وابدل ملابسي حتى ارتاح شويه
فعلا سبحت وارتاحيت ورجعت
كعدنه نسولف شويه اني وابوها
بعدها اترخص وراح
بقيت بوحدي حسبه تاخذني وحسبه تجيبني
الي سويته بيها شنو معناها وشنواسمي
البنيه بعمر الورد ومثل الورده
وبيدي ذبلتها
طبعا فرق جبير بالعمر بيني وبينها
اكثر من 15 سنه
هاي زينب لو ماجنت اشك بيها
لو متعرف عليها قبل مروان
يمكن بالنسبه الي حلم وحلم بعيد
مستحيل احلم تكون زوجتي
بقيت حاير ياترى الاعتذار راح يكفي حتى تنسه
اكيد لا
اني فعلا اناني
اتصلت بيها رفعت خط باللحضه
اتفاجأت بيها
كالت الووو
الووو
ها نظوري يبجي عليه
لا نظوري نام
هم بجه عليه خطيه
لا طلعتهم هو والبنات
اخذتهم للالعاب
وقبل شويه يله رجعنه
اخذته رقيه ونيمته
اي عفيه خوش سويت
خطيه حتى ميبجي هواي
شعندج كاعده لهيج وقت
كاعد اتالم حيل
وبالي يم نظوري
شنو اليوجعج
بطني تكطع بيه تكطع
لعد ماكو دكتوره يمج وتشوفج
انطوني هواي مهدئات بس ميفيدن
ليش مخبرتيني بحملج
والله لو ادري جان لغيت العزيمه كلها ومجان صار الي صار
مخبرتك لان متاكده بس تعرف راح تضوج
لان اكيد ميشرفك يصير عندك طفل من وحده ساقطه وفكر بنت فكر
هاي انت مخبله اكيد
لج شتحجين انت يمكن لو سامع هذا الخبر يمكن اني اسعد واحد بالدنيه
اسف من كل كلبي لان اذيتج بس والله بدون قصد
مجان قصدي ااذيج هيج
والله من شفت الخروف بي فلفل اتخبلت
عيب من جماعتي وكلهم ضباط ورتبهم عاليه
فقدت وجنت متوقعج خبثتي وياي
اني لو اريد اخبث
جان مطبخت
بس ضغطت ع نفسي وع راحتي
في سبيل مااحرجك امامهم
اتوقعت راح اسمع كلمة شكر منك وعاشت ايدج
واكيد راح يروح التعب من اسمعك هيج
بس اتفاجأت بطريقة شكرك الي
هنتني كدام الكل وضربتني
وهذا جان هم يهون عليه واقبل بهذا الشكر
بس انت تعديت عليه وقتلت ابنك بيدك
وهذا ردك للجميل الي سويته الك مراح انسى مدى العمر
تحجي وتبجي
كافي زنوبه فدوه اروحلج كافي
بقت تبجي
تعرف دمرتوني انت واخوك
موتوا الانسانه الي بداخلي
من يوم العرفتكم لليوم نسيت الفرح
ونسيت الضحك
بعد حتى مااعرف شلون اضحك
زنوبه فدوه اروحلج اسكتي
بقت تبجي
والقران راح اجيج للمستشفى
اول مره اتخبل من اسمعها تبجي وتحجي
كمت كتلها راح ابدل واجي
لا ابقى يم نظوري
راح اطبكه وانام نعست
بدلت ع السريع واني احجي وياها
راح اشغل السياره
هاي شبيك والله ممنوع محد يدخلك والبيبان مقفله
مو مشكله ابقى بره لمن يفتحون البيبان
عفيه لا تشلع كلبي ابقى يم الجهال
لعد امسحي دموعج هسه واسكتي
هاي سكتت بعد ماابجي
والله راح اعوضج عن كلشي شفتي بحياتج
بس اني مااريدك تعوضني
اريدك تتركني بحالي ومتاذيني بعد
كلشي انفذلج بس طلاك مااطلك مااكدر
وهو اني هم مااريد اطلك
مااريد ابتعد عن نور ولا اكدر ابتعد عن نظوري ولا اكدر اخذه ويايه
واخلي بدون اب واهل هم مااكدر هيج اسوي
لعد شنو الي تردي
الي اريده منك تخليني خدامه ومربيه
مثل مكلت
بس مااريدك تتقرب عليه ابد
لتحسبني زوجتك
احسبني وحده غريبه وكاعد تربي بجهالك
شنو الي تريده مني انفذه الك
بس مااحب تتقربلي بعد
والاهم من كلشي مااريدك تجبرني ع اي شي
هاي هي وعد مني الج ووعد شرف مراح المسج ابد
اله بموافتج وبارادتج ولا راح اجبرج ع شي
بس مالت خدامه لو مربيه لا مااقبل بهذا الشي ابد
انت امهم وانت الكل بالكل
اصلا بعد ممنوع تشتغلين وممنوع اطبخين
ومنو كلك اني مااريد اشتغل ولااريد اطبخ
اصلا هذا الشي يلهيني وينسيني همي
بس اوي راح اتاذه والقران مجان قصدي وحجيت هيج
اسف والله متندم اكثر من شعر راسي
زينب : من اجيت لاهلي الالم حيل زاد عليه
والدم منقطع عني
بس بقيت ساكته محجيت شي
راسلني حيدر وطلب مني يحجي وي ابني
ادري بي جذاب
بس ولا راسلته ولا اهتميت اله
بس كمت ادز صور اله تعبر عن حالتي
وراها اجاني اتصال من رقم مجهول
مجاوبت
بقه يلح هم مجاوبت
اجاني مسج
اني حنان افتحي خط
اتفاجأت شتريد مني حنان
رفعت خط وجانت تبجي
عبالي شو صاير عليهم
كالت قبل لااحجيلج شي
اريد اطلب السماح منج
ع شنو
اني الي خليت بهارات حاره
شكاعد تحجين
اي اني الي خليت
لويش شنو السويته الج
لويش شنو السويته الج
الغيره قاتله ومستعده كلشي اسوي ع مود يخرب الاكل حتى يعصب عليج حيدر
بس والله مجان قصدي يضربج ابد
متوقعته يضربج
وهسه عرف كلشي ويريد يطلكني
ضربني وهاني اكثر منج والله
وهم طردني من البيت
بس اروح ويسولف لاهلي ويطلكني
يلعبون بيه جوله
لعد اني شدخلني بالموضوع
فدوه حاجي حيدر انت وكليله اني مسامحتها
وثقي بالله ابد ماعليه بعد بيج
لا اخبث ولا عليه بيج
راح انجب واسكت وعد مني
اتمنى تسامحيني
الله كريم اني راح ادزله مسج
كامت تشكر مني
اني ماعندي عداوه وياها
بس هي يجوز اي ومااعرف ليش
اشو هي معززه مكرمه
وهي الزوجه المثاليه امام الناس
عكسي بالظبط
المفروض اني الي اغار منها
بس اني ولايهمني امرها ولا امر حيدر
فعلا دزيتله مسج
وفهمته
اكو شي واحد الي يخلني مااسامحه لحيدر ابد
هواي غلط بحقي بس ولا مره طلب مني السماح
ولا مره حاول يعتذر مني
بقه يوميه يراسلني
واني هاملته
وهو اصلا البيه مكفيني
الثلاثاء بعد مااتحمل وماما طاحت بعيني اله اخذج للدكتوره
دزيتله مسج والحمد لله معترض
بس مخبرته اني مريضه
اخذتني ماما وبابا
فحصتني وسوتلي سونار
كالت هذا الطفل ميت ابطنج
صار شكم يوم
ليش ساكته عن نفسج
احتمال يصير عندج تسمم
اني كمت ابجي حرامات خطيه مات بسبب ابو
هو الي قتله
كتلها مو من وكع عليه دم ضربت ابرة تثبيت
اي بس متكفي بس ابره
واحتمال باللحضه الي نزفتي بيها هو ميت
كالت راح انطيج علاج حتى يسقط الجنين
وباجر ان شاء الله ادخلين مستشفى حتى نسويلج كرداش
اني بوقتها مااعرف شنو كرداش
ولا اعرف ياذي لو لا
اخذنه العلاج وضربت الابر ورجعنه
بس زاد كرهي وحقدي لحيدر
لو يموت بعد ميلمسني ابد
يحلم بهذا الشي
بس اني اعترف
مااريد اطلك لعدة اسباب
نور خطيه حيل تعلقت بيه واني همين تعلقت بيها
وثانيه وبعد مااكدر اربي ابني بوحدي بدون اب بدون سند
خاصه بهذا وقتنه
لان اني لاعندي اخ اعتمد علي
واهلي الله ينطيهم الصحه وطولة العمر مدايملي والاعمار بيد الله
ماعندي سند حتى اعتمد علي
ومالت افكر بزواج ثاني لو اموت
هذا الشي من سابع المستحيلات
الافضل الي ابقى يم حيدر
بس لازم اخلي شروط لرجعتي
ملازم يعاملني هيج
ولايقيدني
واعترف الصراحه فقدت رغبتي لكلشي
لا احب اطلع
ولا احب اضحك
ولا احب اكعد بدون شغل
اتعودت ع هذا النظام
رجعت وجنت حيل ضايجه
ماما حاولت تهدئني ويخففون عني هي وبابا
طلبوا مني اخابر حيدر واكله
كتلهم خابرته وانطيتهم علم
اني ضايجه ومقهوره ع الي سواه بيه حيدر
اكول هيج يجازيني
فوك متعبت وطبخت بوحدي
بدة اعراض الاسقاط واضحه عليه
للصبح اني منمت
هم الم قوي وهم دم هواي يوكع عليه
هم الم قوي وهم دم هواي يوكع عليه
شايله هم لابني خطيه اول مره راح اتركه وافاركه
عفته نايم وصيت رقاوي علي لان مراح اداوم
بس تبارك ورنا داومن
دخلوني وسويتها وخلصت
خطيه بابا مدخلني خاص بدون علمي
مااهون بي خطيه خاف ماعنده
ماخبرت اي احد
كلت اعتذر من اهلي واكول عنده شغل ومااجه
صعدوني كالت الدكتوره لازم ادخل يوم
ضربوني مهدئات بس الم فضيع
احس بنفسي اتكطع تكطع من الالم
ابد ماكدرت اكل من الالم
بالي كله يم ابني
كل شويه ونخابر ونطمأن علي
ماما هواي اتوسلت بيه اكل بس مااشتهي
طلبنه من بابا يرجع يبقى يم البنات وحدهن
رجع بابا وبقينه
وراها نمت ومااعرف شكد بقيت نايمه
كعدت ع الم فضيع
بس من شفت حيدر كبالي
انصدمت والالم راح بلحظتها
مااعرف منو كله وشمدري بيه
اتصرف طبيعي امام ماما
همزين جنت خايفه
بعدها اتصرفنه طبيعين اثنينه
وحجه ويايه والقهرني يكلي انت الي تعمدتي تسقطينه
اجتي الدكتوره وكتبتلي علاج
راح هو وتبارك
جابلي العلاج وضربتني الممرضه
هدأت شويه
طلب مني اكل وفوكاها بيده يريد يوكلني
رفضت بعدين اكلت لان احرجني
بعدها رجعوا
وصيت تبارك ع نظوري
بعدها نمت من المهدئات
بعدها مطولت كعدت
الصراحه الالم فضيع
مااعرف لان بقى الجنين ميت ابطني او هو هيج
فجاه دك جهازي
شفته حيدر
رفعت خط بدون تردد
اخاف ابني يبجي حتى يجيبه يمي
بس كلي طلعتهم وونستهم
حيل افرحت خطيه
حتى اخواتي ابد ميطلعن خطيه
صدفه بابا يطلعهن
بده يحجي ويايه واني فقدت مسيطرت ع نفسي
دموعي يجرن
بس اول مره احسه هيج خايف عليه
واول مره احسه يعاملني بحنيه
واول مره احسها انسان ثاني
شرطت علي شروط حتى ارجع ويا
مااكدر اطلك وصعب عليه
كل الاريده ابقى عايشه وياهم بس مااريده يجبرني ع شي
ولا احب يتقرب عليه
وافق وخلص
ماعندي شي بعد
ثاني يوم اجتي دكتورتي وفحصتني وكتبتلي خروج
اجه حيدر من الصبح
خبرته ماما وكال منتظر بره ممخلينه يدخل
بعدها طلعنه
رجعنه للبيت وجنت حيل مشتاقه لنظوري
اليوم تبارك ممداومه
لكينه بابا متسوك وراجع للدوام
ماما فرشتلي بالاستقبال كالت عيب من زوجج
معارضتها سكتت
نيمتني وراحت التهت بالغده
كتلها جيبيلي ابني
اجوي نور ومنتظر ويبوسون بيه خطيه
خليتهم بحضني
كل واحد بجها
شفت حيدر صافن علينه
بس محجه شي
اجتي ماما وجابت ريوك
كعدنه سويه اني والجهال وهو همين
اوكل بنظوري ونور تاكل بوحدها
كلي اكلي انت لان مو زين عليج تبقين بدون اكل
اخجل واني كاعده مقابيله
كوه كدرت اكل
بعدها كام غسل وكال راح اشرب جاي بالمطبخ
طلعوا الجهال ويا
اني ماادري بنفسي نمت
كعدت ع صوت نظوري
لكيت الساعه ب1
رحت للحمام وسبحت وبدلت ملابسي
كالت ماما همزين كعدتي حتى نتغده سويه
اليوم صادف خميس
اجه بابا من وكت ورنا همين
صبوا الغده
اتغدينه كلنه سويه
سال خاله كللها اكدر اخذها العصر
ماما مقبلت كالت ماما بعدهي مريضه وتحتاج راحه ومو زين عليها السفر
سكت هو
كله عمو شنو وراكم باجر جمعه وماكو دوام
مو ع مود نور امتحاناتها يوم الاحد تبدي
اريدها تقره
كالت رقيه
كملت مراجعت نور الكتب كلها
اني كتلها شلون قريتها ومنيلج كتب
كالت من النت طلعت كتب والله قريتها كلشي
ادري بيج مريضه ومتكدرين تقريها
كتله لعد خلينه لباجر ونروح
الله كريم
كملنه الغده
بابا طلب يفرشون لحيدر
رقيه اخذت نور ومنتظر
كالت ماما روحوا نامو وارتاحوا
اني هواي كاعد انام من العلاج
دخلت قبله وهو بقه يشرب جاي
رحت انام
قبل لا اغفه دخل هو
كال اني استحي باقي هنا عيب من اهلج قيدتهم من البارحه واليوم
ليش منروح العصر حتلو وره الصلاه
مااكدر والله خليني لباجر
ولا تتقيد من اهلي
اصلا فرحانين بيك والله
وامنيتهم جانت تبقى هنا يمهم
لعد خليهم طبيعي مااحب اكلفهم ابد
ليكلفون نفسهم ويسوون اشكال والوان ويعتبروني خطار
اي شي موجود ناكله مو مهم دجاج ولحم واشكال والوان
شكد ابوج منطي للمستشفى
مااعرف شكد
اسالي امج
حتى انت تنطيهيا لان اكيد مياخذ مني
حتى اني مياخذ مني ابد
والله بس نكله يكلب الدنيه ويزعل
اني هم مااقبل والله
لان خطيه شنو ذنبه
راح اسال ماما ولمن نطلع نخليهن بمكان ونص الطريق اخابرهم
هاي هي لعد
عندي طلب من امج بس استحي ياريت انت تكليلها
شنو شتريد
مشتهي خبز حار وجبن ع العشا
خبز اي سهله هي ماما مساع كالت اخبز خبز حار ع حسابك
بس الجبن مااعتقد تقبل
وداعت نظوري ونور مشتهي الجبن والجاي وي الخبز الحار
عود اذا جعت بعدين اطلب تسولي اكل
الله كريم راح اكللها لماما
راسلت ماما ومقبلت ابد
كتلها هو مشتهي ومن يجوع يكلكم
هو نام واني همين نمت
كعدت لكيته ماهو والدنيه ضلمه
من اجي لاهلي ابني صدفه اشوفه كله عند اخواتي
رحت يمهم لكيتهم يم التنور متجمعين
فارشين بالحديقه ومسوين جاي ع الفحم
ومخلين انواع الجبن
اباوع ع حيدر حسيته انسان ثاني
يسولف ويضحك ومندمج وي اهلي
انتبهولي
صاحني بابا كلي تعاي اتعشي ويانه
كل لرقاوي جيبيلها كرسي خل تكعد عليه
لا بابا مااريد مااشتهي
اخاف تردين غير الجبن
كال حيدر عوفوها اخلص واروح اجيبلها معلاك زين الها
لا ماكو داعي مااحبه ولا اكله
كال بابا لج فاتتنه هاي صدك نزفتي هواي دم
لازم شي يعوضج عن الدم
نخلص ونروح نجيبلج
فدوه بابا لتجيبها والله مااحبها ابد
حجه حيدر مو بكيفج
والله ياعمي هناك شالعه كلبنه ابد متاكل
دومها مااشتهي
من شفتها وشافتني مااشتهي
سكتت
كملو وراحو جابو وشواها هنا بالفحم
الظاهر يعشق الشوي
كوه اكلتها تلعب نفسي منها
اكلو كلهم ويايه ع الواهس
كلي جهزي نفسج من الصبح نروح
ان شاء الله
رقاوي حبيبتي حضريلي ملابس نظوري
مجهزتهن قبل لتكولين
شكرا حبيبتي
اخذت علاجي ورحت نمت قبلهم
ابد محسيت بي من نام
كعدت الصبح لكيت ماما خطيه خابزه كميه جبيره
كالت اخذيهن وياج لخالتج ولعمج
جهزت نفسي ولكيت البنات مجهزات نور ونظوري
نسيت اسال ماما ع التكاليف
سالني حيدر كتله نسيت
كال هاج هاي 6 اوراق خليهن بمكان ومن نوصل كليلهم
كافيات لو لا
لان مشايل هواي ماادري بيج
اصلا هواي والله هسه يزعلون بس يدرون
بس اطلب منج طلب
لتصعدين وره
عيب من اهلج والله راح يحسون بيج
واختج رنا كلبها حاس اكو شي مو طبيعي ابيناتنه
شمدريها
مااعرف بعدين اسولفلج
بس لتصعدين وره
وراح اثبتلج حجيي
راح تطلع رنا ورانه
وليش
لان شاكه بموضوعنه
معقوله صدك
رنا لليوم ممسولفين اني وياها بخصوصياتي
بوستهم وودعتهم وماما وصتني انتبه ع نفسي
وفعلا صعدت بالصدر وهاي اول مره طبعا
ولاحضت رنا تباوع ورانه
همزين صعدت
مشينه مسافه وكتله خل اصعد وره عفيه ممرتاحه
شنو الفرق بين هنا وهناك
اكو هواي فرق
وانت تعرف كلش زين
سكت
نور نامت ونظوري همين
عفيه لتحجي شي كدام الكل
ليش عود
استحي كدامهم والله
شنو تستحين اني زوجج قابل صاحبج
اي ادري بس انت ياما رفضتني كدام اهلك
وهمه متاكدين انت متريدني
هسه الي ابالهم اني الي غريتك واني الي خليتك تتقرب عليه
هاي توهمات كلها
لج انت زوجتي ومن جنت رافضج عندي اسبابي
بس من عرفت الحقيقه الكل لاحظ عليه تغيرت
سولفلي ع رنا والصراحه انصدمت
مجنت متوقعه ملاحضتني
رجعنه ووصلنه قبل الغده
كال خلي ناخذ سمج مشوي من الطريق
لان اكيد الاكل مو طيب
وصلنه للبيت ولكيت عمو وخاله وفرحوا حيل بيه
سلمت عليهم وكاعد يسالوني عن اهلي
وره شويه وجان انصدم ........ راد كلبي يوكف من المنظر
مساء الخير ع اجمل متابعين اتمنى لكم قراءه ممتعه
اول مره توقعات الاغلبيه صحيح 😂😂😂😜
🌹🦋 البارت 28 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
حبايبي اليوم حابه اطلب منكم طلب واتمنى تلبونه الي
اتمنى المتابعه لحسابي حتى يقوى حسابي والكل يصير عنده علم من انزل قصه جديده
وحابه اجرب اسوي كتاب طبخ انزل بي جميع الطبخات والحلويات منو يايدني بهذا الكتاب واكيد راح تستفادون منه هواي انزله ع الواتباد هنا
🌹🌹🌹🌹🌹🌹🌹🌹🌹
وجان انصدم بمنظر حنان مرعب وهذا حيدر يسحل بيها
هاي شمسوي بيها حيدر
العيون زرك والوجه مشوه شوه
سلمت عليه وهي عيونها بالكاع
كللها اعتذري منها
اجت اعتذرت
بقيت مصدومه
يعني هذا مخبل اكيد
هاي شلون راح اداوم
وحتى ميصير اجازه لان امتحانات
اترخصت منهم وصعدت بدلت وبدلت للجهال
اجتي فاطمه تركض خطيه تبوسني وتبجي
وتكول والله حيل اشتاقيتلج
واني همين والله
كالت خل ننزل فدوه اكلي ويانه
والنبي مااشتهي
اني من اسافر لو اتعب ابد مااشتهي
بس خلي اغدي الجهال
نزلت ولكيت الكل جوه ملتمين
سلمت ع الكل
محمد كال يابه نور البيت بوجودج ام منتظر
كتله البيت منور باهله
جهزنه الغده اني والبنات
لكيت طابخين
طلبو مني اكعد وياهم
كلتلهم فاطمه لتعبون نفسكم
اني اتوسلت بيها
بس تكول مااشتهي
كالوا اكعدي يمنه ووكلي الجهال
كالت نور لا اني ونظوري ناكل بوحدنه بالمطبخ
همزين نقذتني
رحت للمطبخ وصبيتلهم ووكلتهم
بعدها كملو الاكل ردت اساعد البنات
بس حيدر كام يصيح
اصعدي فوك ارتاحي انت بعدج مريضه
الكل سال خيرها شبيها
اني استحيت اخذت الجهال وصعدت قبل ليحجي
وره فتره اجني البنات
رسل ذبحت نفسها خطيه
ليش متعالجتي
مفادني شي لان اصلا الطفل مات بيومها احتمال
بعدين بقينه نسولف
كالن لج لو شايفه شسوه حيدر بيها لحنان
موتها وراد يدزها لاهلها
بعدين كامت تبوس قنادر
كتلهن ماعليه بيها بس والله حيل انقهرت عليها
لج لتبقين عوبه كل السوته وانت تكولين خطيه
شويه وطلعن بقت يمي رسل
كتلها حابه اسالج سؤال اتمنى تجاوبيني علي ومتاخذيها بغير قصد
اسالي حبيبتي
شعجب لهسه ماعدكم طفل انتو متردون لو لا
اخذت حسره وكالت
لج بابا اكو وحده متريد الجهال
بس اني عندي مشكله وهواي حاولت اتعالج بس مفاد
ليش مطلعون بره هم كملوا دراستكم وهم اتعالجي
هو هم هيج كال محمد
كلي ابد لتتعالجين هنا بعد
لمن نطلع هناك اعالجج
الله كريم ان شاء الله يصير عندج درزن مو واحد
الله يسمع منج
والله تعبت والعمر ديمر بدون منحس علي
اهم شي لتكطعين الامل برب العالمين
ونعم بالله
اسفه اخاف ضوجتج
لا بالعكس حبيبتي والله ارتاح من احجي وياج
سالتني عن الالم
كتلها تقريبا خف بس الدم بعده
كالت عادي ميهم يبقى من اسبوع الى اسبوعين لتخافين
بوستني وطلعت
نيمت الجهال ونمت جنت حيل تعبانه
كعدت ميته جوع لكيت الساعه ب6
كعدوا نور ونظوري
نزلت حميت الاكل وجان مو طيب
بس عيب اسوي غير شي
اكلت كوه بس شويه
شويه واجتي خاله وعتبت عليه
ليش محجيتي
كتله خاله والله استحي يعني شاريد اكول
والكل يعرف علاقتي بحيدر شنو
خاله تبقين انت مرته شنو العيب وشنو علاقتج بي
محد اله دخل بيكم
ويمه فدوه اروحلج قربي الج خل يحبج الج
اني متاكده حنان جايته ع طمع
ولان ضابط مكيفه ع المنصب
بس خاله اني وحيدر منتوالم ولا راح نتوالم
الطفل صار بالغلط ومستحيل بعد يتكرر هذا الشي
اني هنا باقيه بس ع مود جهالي
سكتت حسينه بحركه التفتنه ملكينه احد
سكتت خاله بعد محجت
فتحت المجمده كلت خل اشوف شاكو ماكو
مقبلت خاله كالت روحي ارتاحي انت بعدج مريضه
لا والله خاله مبيه شي
وره شويه دخل حيدر
كال ممنوع تسوين شي
اخذ الجهال وطلع بملابس البيت اعتقد يشتريلهم من الاسواق الي يمنه
بدت الامتحانات وفعلا متعبت وي نور لان مقريتها رقاوي
حيدر ولا كانو موجود بحياتي
اتجاهلته ولا اهتميت اله
وهو كذلك
مرات احسه يراقبني واني اشتغل
والكي صافن عليه
صحيح اتوتر وارتبك بس ماابين اله
اباوع ع لبسي اخاف بي شي
بس ماكو شي ولا مبين مني شي
حنان معتزله عنه ومتختلط بينه ابد
اليوم صادف اخر يوم لنواره
واستلمت النتيجه اولى
طلبت هدايه من الكل
حيدر كال اني اعزمكم بالمطعم كلكم
يحجي وعينه عليه
هي فرحت حيل
اني محتاره شاجيب لنور
قررت اجيب الها تراجي ذهب
لان ملاحضتها من زمان ملابسه
بس المشكله شلون اطلع شلون اجيبهن
اجتي فاطمه وسالتها هم اكو كروب مالت صياغ ذهب
كالت اي اكو وهواي
ضيفيني فدوه
صار تدللين
مسالتني همزين
ضافتني ودخلت
بديت اكلب لحد معجبني تراجي مثل 👇
صحيح مو كبار بس عجبني وسعرهن معقول
راسلتهم وانطوني السعر
طلبو مني اذا توصيل رقم موبايل وعنوان
رحت لفاطمه وكتلها
كالت خل اشوف امير
اتذكرت الموبايل وخفت
لاهم يسويلي سالفه
كتلها لا لو تشوفين خاله لو عمو
راحت لعمو وكال بسيطه انطي العنوان ورقمي
اوك
دزيته الهم ع الخاص
جاوبوني باجر الساعه ب 5 العصر يمكم
فجأه اندك الباب عبالي فاطمه ادخلي حبيبتي
انفتح الباب وجان حيدر
بقيت صافنه مستغربه
سلم ودخل
اني بسرعه لبست حجابي
كال جهزي نفسج انت والجهال حتى ترحين ويانه
اعذرني مااكدر اروح
ليش اكو شي بي شيج
لا ماكو شي بس ماالي خلك
عادي بس اطلعين وتغيرين جو يصير الج خلج
لا عفيه عوفني مااروح والله
اتعودت ع كعدة البيت مااحب اطلع بعد
ع راحتج مراح اجبرج
بس جنت متمني اطلعين ويانه
عافني وطلع
اجتي فاطمه وبقت تحجي عليه
كتلها والله تعبانه ونعسانه وماالي خلك
راحوا كلهم بس عمو مقبل يروح
كلهم ضغطي صاعد
وهو جذب متاكده ع حسابي خطيه
كال حيدر لحد يتعشه لمن نرجع
اني بسرعه لبست حجابي
اني بسرعه لبست حجابي
مقبلو يبقونه يمي كالو خطيه
الصراحه فقدت رغبتي بكلشي
مااحب بعد اطلع من الباب
اكتفيت بعالمي الخاص
بين نظوري ونور وبين البيت
حبيت التجئ للحلويات والكيك
احس انسى نفسي وانسى همي من ازين كيكه
هواي احبها لهاي المهنه
من طلعوا رحت سويت كيكه عاديه
لان ماعندي كريمه
لهيت نفسي بيها
كلي عمو انطيني قطعه وسويلي وياها جاي
اني هم اكلت قطعه صغيره لان مااحب الحلويات
اني توقعتهم راح يتاخرون لان دائما من يطلعون يتاخرون
بس فجأه دخل حيدر وخاله
رحت لخاله
لعد والجهال وين
بقو يم عمتهم راحوا للالعاب
كلي عمو تعالي بنيتي اتعشي وياي
كتله مااشتهي اكلت كيكه
كال اني هم مااريد
تعالي ع الواهس ناكل لو شيلي مااريد
كتله لا راح اكل
كعدنه اني وعمو واحس اكو عيون تراقبني
اكلت جايبين وياهم لفات كص وكباب
اكلت بس المقبلات لان احب المقبلات واخاف اللحم يطلع مجمد ابد مااحبه الكص
بقوا يحجون عليه كتله عمو والله اكلت كيك مو كدامك
كلي حيدر جيبيلي كيكه وجاي بدون زحمه
كلي حيدر جيبيلي كيكه وجاي بدون زحمه
اسويلك عصير احسن
كلي ع راحتج
رحت خليتله قطعتين وجبتله عصير
اكلهن اثنينهن
اجيبلك بعد
لا شكرا وعاشت ايدج طيبه
الف عافيه
بعدها اجوي بس حيل اتاخروا
كل شويه واتصل بفاطمه واطمأن
هو بس يباوع الي بدون صوت
بعدها رجعوا وجانوا حيل فرحانين
ثاني يوم وصلت الطلبيه ولبستهن الها حيل فرحت وحلوات عليها
بوستني شكرا ماما
جانو كاعدين بالليل واجتي راوتهم
سالها حيدر منو انطاجياهن كلتله ماما زينب
قبل ليحجي كله عمو
الي جاوبوهن توصيل انطوا رقمي هم عود سويلك سالفه
هسه اني شحجيت قابل حبيت بس اسال
هو نزل لعابه تخبل انطاهيا وهي حيل فرحانه بيها
وجايب ويا لنظوري دراجه ع الشحن
هاي اول مره يجيبله لعبه
شفت نظوري حيل فرحان
بيومها شلع كلبي ميقبل ينام بس يصعد بيها وهو بعده ميعرفلها
ساعه امير يصعده وساعه حيدر
بعدها مرت ايام عاديه حسيت حيدر شخص ثاني
اني مودائما اشوفه
بعدها اجوي بس حيل اتاخروا
سويت شي بسيط مو مثل اول مره
اجه الولد الي يريد فاطمه طلب ايدها
وانطوا مهله حتى يسالون عليهم
فاطمه جانت حيل فرحانه
واني هم فرحتلها
سالو وكالو خوش ناس والولد متعين هم طبيب اسنان
رجعوا الموافقه
اتحدد يوم العقد والنيشان
رادوا يحجزون قاعه لان كالو ناسنه هواي
بس رفضوا عمو وخاله وكالو مكانه واسع وميهمنه شكد ميجون
بدت التحضرات واني تكلفت الكيكه
كالت فدوه كون ينرفع راسي بيها
بديت بالتحضيرات قبل اسبوع
هاي الفتره كمت اشوف حيدر هواي
واحسه دائما يحاول يخليني احجي او اضحك
كالت خاله ندز ع لفات كص او كباب
كتلها خلي نسوي همبركر افضل وانظف واحسن
وحبوا بالفكره
لان الكباب والكص الكل مالينه
بس حيدر اتخبل كال لا مااقبل تسوين
فوك الكيك وتعبه تردين ادور لفات
اني اتكلف اللفات واجيبهن جاهزات
سكتنه محد حجه
الكيكه كملتها قبل يوم وطلعت حلوه وبسيطه مثل 👇
ماكدرت اسوي ورد كريمه لان الجو حار
سوينه قطع كيك مثل 👇
وجهزنه التوزيعات قبل فتره
مبقه شي غير اللفات
حيل افرحت من سويت الكيك وجنت احس بسعاده متنوصف
اجتي فاطمه يمي واتوسلت بيه اروح وياهم للصالون
واني رفضت واعتذرت منها
كتلها فدوه لتظغطين عليه ابد
زعلت عليه وكلت بعدين اراضيها
لان من سابع المستحيل اروح
وهو اصلا مراح احضر وياهم بالعقد
دزلي رساله حيدر
الوووو
الوووو
كاعده لو نايمه
كاعده
حاب احجي وياج
احجي
لا لو تنزلين للحديقه لو اصعد يمج
حيدر : بعد ماحجيت وياها وهي بالمستشفى
حسيت نفسي شكد اني اناني ومغرور ع كولتها
حسيت بتانيب الضمير ويمكن هاي اول مره هيج احس
هواي ضلمتها ويايه وهواي قسيت عليها
كوه كدرت انام بليلتها
قررت لو شيصير بعد مااجبرها ع شي ولا اتقرب يمها ابد
ثاني يوم كعدت ورحت كبل للمستشفى
طلعناها اني وامها
فرشولنه سويه
وجابو الريوك اكلنه سويه
صافن عليها شلون معتنيه بالجهال ونور حاسبتها بنتها
اكول شكد غبي مفكرت بهذا الشي اكو وحده مو شريفه تضحي بحياتها ع مود اطفالها
كاعده
حسيت بنفسي انسان ثاني
كعدنه يم التنور رغم ماالجو بي حراره بس عادي
لا لو تنزلين للحديقه لو اصعد يمج
كعدنه ناكل وسوالف وضحك
حسيت براحه نفسيه واني يمهم
اول مره انام وياها بنفس الغرفه
ورغم قرب المسافه بيني وبينها بس حسيت البعد اميال
مستحيل تفكر تسامحني واني كمت اعرفها كلش زين
حفضت كل تصرفاتها وعرفت طبعها
ثاني يوم رجعنه بس بعد ماافكر ااذيها ولا اطغط عليها
راح احاول اتقرب الها بهدوء
بالطريق خابرها ابوها وعرفته ع الفلوس ولعب جوله
طبعا ناس خير مبين عليهم رغم ماهمه ظروفهم قاسيه
بس ولا همهم ابد
يتصرفون ع طبيعتهم
كمت احس بتانيب الضمير دائما اتجاهم
رجعنه للبيت ورجعت لطبيعتها الهادئه
جنت اقشمر ع نفسي واكول تصنع الخجل والهدوء
بس طلعت متوهم
جانت هادئه بشكل وخجوله وكتومه
يمكن لغيرها متتحمل الي اتحملته
هاي حنان متجيها ذره
كامت تتهرب مني مثل قبل ولا تاكل ويانه ابد
جنت ارجع من الدوام واني متلهف بس اريد اشوفها
مرات اشوفها ومرات لا
واضوج حيل
كلشي بيها يعجبني
اني طبعي صعب ومزاجي اصعب
الوحيده الي دخلت عقلي وكلبي ومزاجي هي زينب
ترتيبها مثل ميعجبني
اكلها نفس الاحبه
هدوئها جنت احلم بوحده هيج هادئه
وجانت تعجبني من متراددني ابد وخاصه واني عصبي
تقابل عصبيتي بهدوء
طبعها مو عنوديه ابد
بس الي يمس كرامتها عنادها فول
اي شي اطلبه منها تنفذه بدون صوت
صارت بالنسبه الي حلم وحلم بعيد
اني متاكد منها تكرهني وحاقده عليه
واكبر دليل لليوم محاولت تتقرب الي ولا حاولت تاكل ويانه
خبروني بالدوام لازم يدزوني للتاجي بمهمه سريه
كلشي بيها يعجبني
مانعرف لحد الان شكد نبقى هناك وشكد النزول
واكو قسم دزوهم لسامراء صادفت انتشار الدواعش بسامراء
ودزوا ع هواي من المحافظات
ترتيبها مثل ميعجبني
صحيح يوميه ادوام وحيل اتعب بس اهم شي ابات يم اهلي
ماحجيت كدام اهلي كلت خلي لمن يقرب الموعد يله
خلصت امتحانات نور وجانت طالعه اولى
قررت اعزم الكل واخذهم للمطعم
كلت بلكي تروح ويانه ولو متاكد مراح تروح
اكو اشياء متاكد مراح تقبل تسويهن وتبقى ع عنادها
من خلال معرفت شخصيتها ودرستها كلش زين
اول شغله مراح تطلع ابد
وثاني شغله مراح تصعد بسهوله ويايه بالصدر
وثالث شي متاكل ويانه ابد
ورابع شغله مستحيل تفكر تاخذ مني فلوس لو تقبل اجيبلها شي
لان ذني كلهن اني منعتهن منها وجرحت كرامتها حيل
بس كلت خلي اجرب واشوف
فعلا طلبت منها ورفضت نهائي
عفتها ع راحتها لان واعدتها لا راح اجبرها ع شي ولا راح اتقرب الها ابد
رحنه للمطعم وهاي اول مره احس بنفسي ممرتاح ابد
وحيل متضايق وضايج
والكل لاحضني وسالوني
كتلهم تعبان ونعسان
مااكلت بس قليل
كملنه رادوا يروحون للالعاب
اني اعتذرت مااكدر اروح خطيه ابويه وزينب بوحدهم
اخذتلهم اكل ورجعنه اني وامي
وفاطمه اخذت نظوري ونور وصيتها عليهم
مرينه ع محل اللعاب اخذت لنور لعابة دمية حياتي سابيتني عليها مثل 👇
وجبت وياي لنظوري دراجه شحن كلت خطيه لحد الان مجايبله لعبه مثل 👇
كلت لامي لتحجين خليهن ع باجر لان اليوم تعبان
امي هم اخذت لنور ملابس وكالت اخذ حتى لنظوري خاف يغار منها
رجعنه وجانت ريحة الكيك تارسه البيت
انطيتهم العشه بس لاحضتها مااكلت بس المقبلات
وهم بالتواسيل
الصراحه اشتهيت الكيكه حيل
اني الكيكه الجنها اسفنجه وبيها كريما مااحبها هاكد
بس الكيكه العاديه البدون كريمه هواي احبها
انطتني واكلتها وردت اطلب بعد
بس كلت يجوز متكفي للباقي
بعدها بقت قلقه ع الجهال
بقيت صافن عليها
يعني شلون كدرت اشكك بيها
وجنت اكول عليها لاتصلح زوجه تكون ولا ام
شفت الخوف بعيونها وحسيتها حيل قلقه
مرتاحت لمن اجوي
رجعوا ورحت للبيت وي حنان
علاقتي بيها عاديه وشبه بارده
خلتني ابتعد عنها بتصرفاتها
هواي حاولت ويايه ارجع مثل الاول
بس اني قفلت من ناحيتها
كمت اتقرب عليها بس مجرد شهوه
اني عندي جهاز نت 9 مخلي بي حسابي الي الكل يعرفني بي
وعندي جهاز ثاني مسوي بي حسابين واحد اسم مستعار
مجرد اقضي وقت
والثاني فاتح بي صفحة زينب
والي تقريبا نسيتها لان ميجيني اشعار ابد
اكو هواي طلبات صداقه ابد متوافق عليها
ومرات يجن رسائل ع الخاص بطلبات المراسله
بس تنطي حذف اكثر المرات
ولا الاحضها تعلق فتركته
بس اليوم فجأه لكيت جايتها رسائل ع الماسنجر
فتحتهن وجانن مبينات من صايغ وهو الي مجاوبها
بعدين اتفقت ع السعر
بس الحجي مالتها قليل جدا
طالب العنوان منطيتها عنوانه ورقم ابويه
حيل ضجت يعني اتمنى تطلب مني هذا الشي
لو تكلي دزني للصايغ جان فرحت
يعني لاغيته لوجودي مثل مكالت
جانت توصي امير ومن اخر موقف ع الجهاز بعد موصته ع شي
هسه وصت ابويه
سويت نفسي مااعرف
اني اتوقعتهن الها نسيت شكلهن مالت اطفال 😂😂😂😂
ثاني يوم شفت نور لابستهن والصراحه حيل اتفاجأت
ابد مااجت ابالي البسها لنور تراجي وللعلم حالتي الماديه زينه
يمكن لان هاي الاشياء مينتبه عليهن الاب
حيل افرحت وبيومها كلت احسن قرار سويته بعمري
هو زواجي منها
لان فعلا ثبتتلي هي افضل ام بالدنيا
عاملت نور معاملة الام وي بنتها
وهم اكثر لان امها الحقيقيه هملتها واتنازلت عنها واتزوجت
اني متاكد الوحده لغير زينب ومعاملتي الها
جان اتنازلت بسهوله عن ابنها وراحت شافت حياتها
بس هاي حبها لابنها طاغي عليها وميهمها مصلحتها ولا شهواتها الخاصه
يوم عن يوم تكبر بعيني واتعلق بيها
نزلت اللعابه والدراجه لان الصراحه نسيتهن بالسياره
حيل فرحوا وشفت الفرحه الحقيقيه بعيون زينب
اني متاكد مستغربه مني
بيومها هواي ضحكنه وهواي فرحنه
محمد وامير كعدوا بصفي واحد منا واحد منا
لك بس كول هاي مرتك من ياطينه معجونه هي واهلها
اشو هداياهم كلها ذهب
اذا نور نجحت جابتلها تراجي
اذا تزوجت شتجيب
محمد يضحك يكول شلون اتزوج مره لخ حتى نحصل هديه
امير يكله اسكت وفوكاها هذا ولا بحالها ولا يعترف بيها
كتلهم خلوها سكته احسن
هو طايح بيدي واني رافض
هيج حجيتها بوقتها ونسيت نفسي
همه بقوا 😲😲😲😵😵😵
لك شنو هالتطورات شنو هالحب
اسكتو اشاقه وياكم
سحلوني سحل للاستقبال
تعال اعترف الحقيقه
فوتوا حالي ولكم اتوهمت
بقوا يلحون عليه اعترف احسن
شاعترف متكلولي
كالو شنو طفل شنو وكع نسينه نسالك
بس هسه الله جابك وحجيت بلسانك
كتلهم والله الصراحه جبرتها جبر لان استفزتني بوكتها وردت اكسر خشمها
اي وبعدين
شبعدين كسرت خشمي هيه
وطيرت النوم من راسي
همه كاموا 😂😂😂😂😂🤣🤣🤣🤣🤣
كمل ..... كمل .....
شاكمل بعد
بس هناك يم اهلها طلبت مني وعد مااتقرب يمها ولا اجبرها ع شي
كال محمد حيل والله تستاهل وبعد اكثر
ياما نصحتك وطلبت منك تتقرب الها وتحجي وياها
والله زوجه مثاليه وام مثاليه
اتحملتك واتحملت اهاينك بس ع مود نظوري
وانت بغبائك ضيعتها من ايدك
ع كيفكم يابه اكلتوني اكل
اليسمعكم يكول جانت ميته عليه واني مانعها
اشو من يوم يومها وهي ممعبرتني
اي غير من تصرفاتك وياها
نسيت ماجنت تصيحلها غير فكر بنت الفكر
طلعنه احنه الفكر ولك
بس كون هالمره توفي بوعدك وياها
لعد شكلولكم عليه مواعد وخالف بوعدي قبل
اي والله كلت لو تموت ماافكر بيها ولا اتقرب عليها
بس هذا الحجي كله تبخر
لا هسه مااخلف وعدي لو شيصير
خل نشوف يحيدر ارجع واذكرك الايام راح تثبت
ان شاء الله
حيدر البنيه خطيه معدلها عالي وانت هواي ظلمتها
خلي ترجع تدرس معدلها ينقبل طب صيدله
خلي تنزع البوشيه
خلي يكون بعلمك البوشيه هي الي تجيب الشبها
كتلهم مستحيل اخليها تنزعها للبوشيه
ولا اخليها تكمل
شلون اخلي الرايح والجاي يباوعلها
هاي السالفه متصير عندي
لعد هاي حنان اشو اداوم وتطلع بكيفها
شنو كدرتك بس ع هاي الفقيره
شنو كدرتك بس ع هاي الفقيره
لان ساكته ومتحمله
حنان ميهمني الطلعت والماطلعت لان متاكد محد يباوعلها 😂😂😂🤣
وانت شلون بله باوعتلها وخطبتها
شمدريني سوتلي سحر مدري شنو 🤣🤣😂😂
لاوالله ردت بس تتزوج حتى تكسر البنيه اكثر
يمكن جان حجيهم صحيح
كتلهم كلشي انفذ الها اله هاي الشغلتين مستحيل انفذهن
بقوا يحجون عليه بس ولا يهمني
اني ع اعصابي كدام اخوتي ممبوشها لو يطيح بيدي مااخلي طير يشوفها
يمكن اني السبب الي خلاني ابقيها مبوشه شكلها الي يجذب
جمالها ساحر واني متاكد جنت اضحك ع نفسي واقشمر بروحي
من متجاهلها
بعدها التهيت وي نظوري ابتلينا بي اني وامير بيومها مقبل ينام ابد
خطيه فرحان بالدراجه بس بعده صغير ميسيطر عليها
نصعد نور ويا وهي الي تسوق
بس ميقبل يريد هو يسوق
كوه اخذته امه
بعدها بفتره اتقدمو ناس ع فاطمه
دكتور اسنان وسالنه عليهم
خوش ناس ومثقفين
وافقنه عليهم
بس الصراحه جنت ضايج ع زينب
راح تبقى بوحدها
جانت علاقتها قويه بيها
اكيد راح تحس بوحده
اجتي المشيه وبعدها العقد بس رادوا يسوون حفله بالقاعه
اعترضنا لان القاعه مو مالت عقد
اكيد سيد وشهود واخوته مترهم
جنت شايل هم الها لزينب ماادري راح تحضر العقد لو لا
خطيه لازم اعمل المستحيل حتى اخليها تحضر وتفرح
امنيتي اشوفها تضحك لهاي اللحضه مشايفها بس حزينه
بدت فاطمه بالتحضيرات
ويوميه ماخذه وحده من البنات وياها للسوك
هي باقيه بالبيت بدت بتحضيرات الكيك
احسها تعشق هاي الشغله
والصراحه فنانه بشكل
اني افرح من اشوفها هيج تشتغل
هالمره فاطمه وامي هنه الي جابن غراض الكيك
يومين تقريبا وهي مختفيه صدفه نشوفها
كملو كل التجهيزات وباجر الحفله
دزيت فاطمه كتلها اتوسلي بيها حتى تروح وياج للصالون خل ترتب نفسها
اجتي وكالت قافله قفله مو طبيعيه
كلتى زعلانه عليها
بداخلي ضحكت لان جنت متوقع هذا الشي ومتاكد همين
شكد اكره العناد والي يعاند
بس هاي المخلوقه عشقت عنادها هذا
لان ضايف جماليه لشخصيتها القويه
الي متظهرها كدامنا
اليشوفها يكول ماعدها شخصيه وضعيفه
بس بالعكس تخبل شخصيتها
كلت اني احاول وياها بلكي تقنع
راسلتها وطلبت منها لو تنزل للحديقه لواجيها للغرفه
راسلتها وطلبت منها لو تنزل للحديقه لواجيها للغرفه
كلتلي مااكدر انزل لان جاي اشتغل
لعد راح اصعد يمج
ع راحتك
صعدت يمها وجانت تشتغل بكب كيك وانصدمت بشغلها
هاي لمن
للاطفال وخاف الكصات متكفي
شنو انت متعبين
بكلشي اتعب الى الكيك من اشتغله احس براحه نفسيه
خل اشوف الكيك الي اشتغلتي وين
بالثلاجه روح شوفهن
فتحت الثلاجه جانت حلوه ونازكه
بس الصراحه مو نفس الكيكه الي سوتها واخذتها للمركز
جانت صدمه الي وللكل
حيل حلوه ونازكه
شنو ذني القطع قليلات
لا هواي مسويه بس قسم بالمجمده وقسم بثلاجة فاطمه وقسم ابيت محمد
اجيت كعدت كبالها
اكدر اخذلي وحده
اي عادي اخذ
اني مااحبه بس حبيت اجربه
والصراحه حيل طيبه
اكلتها كلها لان جانت صغيره
منو علمج هيج تشتغلين
من اليوتيوب وهو اني اصلا عندي هوايه من زمان
بس تردين الصراحه شغلج روعه افضل حتى من المحلات
كملت وكالت خل ادز ع فاطمه تجي تاخذهن
فعلا اجتي فاطمه
وهي نزلت غسلت المواعين
ونظفت الغرفه
كالت اسفه خاف عطلتك
لا عادي ماعندي شي
لا هواي مسويه بس قسم بالمجمده وقسم بثلاجة فاطمه وقسم ابيت محمد
كعدت بس بعيده عني
قربها يوترني همزين مكعدت بصفي
ليش لابسه الحجاب كدامي
احسن هيج
يعني شلون احسن اني زوجج اشو لا عيب ولا حرام
سكتت هي مدنكه
كتلها عوفج من هاي هسه
من اليوتيوب وهو اني اصلا عندي هوايه من زمان
بس تردين الصراحه شغلج روعه افضل حتى من المحلات
لا مااكدر اروح
والسبب
مااحب اطلع ولا احب اغير من شكلي
تدرين بنفسج جنج عريف عباس الي عدنه بالمركز تعاي شوفي
كلبت الموبايل وطلعت صورته وجان يشبه 👇
اني ردت اخليها تروح باي طريقه
لج بابا يمكن وجهج لهسه ممنضفته ابد
هزت راسها يعني اي
ممبين عليها ابد حتى حاجبها يخبل
عبالك مسويته وجها
كالت المن انضفه وجهي اني عاجبني هيج
بس اني معاجبني
هي بقت 👈😲😲😲😲
لا عفيه مااكدر اروح والله ولا اكدر ادخل يمهم اصلا
شنو يعني مراح تحضرين الحفله
لا مااكدر تعبت حيل
اصلا اذا نمت مراح اكعد باجر اريد ارتاح
زين واذا كتلج بروح سيوفي وبداعت امج وابوج واخواتج
وبداعت نظوري ونور
شراح يكون جوابج
جان تكول ........
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: