🌹🦋 البارت 25 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
نيمني ع الفراش ونازع القميص
بس الباب جان ممقفول
اجتي نور تركض هو طفر
كام يصيح عليها اطلعي بره بنت القندره
اتصل بفاطمه كللها راح ادزلج نور لهيها شويه
مااريد ازعاج لانور ولانظوري يجون
كامت تبجي كللها روحي يم عمه
ياربي وين اشرد مااريد اصير بهذا الموقف ابد
ابد مااحب يجبرني واني ادري بنفسي جبانه
ماالي جراه اسولف لاهلي
قفل الباب انتبهت ع الحمام
ثول الي ليش منتبهت من البدايه
رحت اركض بس سبقني وجرني من حجابي حيل
نزعني وبده يمزك بدشداشتي
فدوه اروحلك عوفني
والنبي مااعيدها ابد بعد
ولا كانو احجي
بداعت نور اتركني
ولاكانو
جردني من ملابسي
وبده يتقرب عليه بس بوحشيه مو طبيعيه ابد
خلص ووخر عني
وهسه هذا الردتي مو حتى ادور اطيعيني غصبا ماعليج
عبالج نسيت جيتج وي ابن عمج ولوحدكم
اني دموعي تجري
لفيت نفسي وسترت روحي
تعرف شكثر اكرهك واحقد عليك
انت بالنسبه الي جحيم
ثق بالله ورسوله مستحيل اعتبرك بيوم زوجي ابد
لان مستحيل اقبل بواحد مغرور واناني يكون زوجي
مو مهم المهم اني من هاي اللحضه اعتبرج زوجتي
خل يكون بعلمج
يوم يمج ويوم يم حنان
اخر شي تفكر بعد تلمسني والله
مو بكيفج هو هذا الردتي وهذا التردينه يصير
بعد عليمن هاللف والدوران
يابه والله وروح مروان الموت اهون الي ولا قربك عليه
بس الظاهر انت عديم الاحساس
اني مشايفه مثلك شخص
واحد يكلك مااحبك واكرهك واحقد عليك
المفروض متباوع بوجهي بعد
اخذ شيشة عطر من الميز وضرب المرايه مالت الميز خلاها طحين
رجع كسر مراية الكنتور بايده قوي هم تكسرت
رجع للمرايه الثانيه مالت الكنتور هم كسرها
مخله شي صاحي بالغرفه ماكسره
لبس قميصه وعافني وطلع
اخذت ملابس ودخلت للحمام
طلعت وشفت منظر الغرفه مينوصف
اجتي فاطمه كالت شكو هاي الانفجارات هنا
شافت الغرفه اخترعت
كالت هاي شنو
اني هنا بجيت
شلون بيه والله مااتحمل ابقه هنا شاسوي
فهميني شكو كتلها سوه هيج لان امير جاب الجهاز
كالت عزه والله متسوه هيج يسوي
مكتلها اتقربلي
استحي والله
هسه حتى اذا طلبت الطلاك والله استحي كدام الولد وعمو شاكول
كلت لفاطمه لتخلين الجهال يدخلون ابد
بديت الم الكزاز
بس انشكت ايدي من الطول للطول بگزازه جبيره
مهتميت ابد
شديتها وكملت
نضفت الغرفه كلها من الكزاز
الغرفه تشوهت تشوه
لان الغرفه التركيه عباره عن مري
رحت غسلت ايدي
بس واضح تحتاج خياط
انفتحت ايدي فتح
اجتي فاطمه وجابت الجهال
راويتها ايدي
كالت هاي تحتاج خياط
خل اشوف محمد يسويها الج
والله اخوج يسود عيشتي
عوفيها هيج احسن
كالت راح اروح احجي بالبدايه ويا وبعدها اصيح محمد
كتلها لتصيحي هنا اني انزل
عيب يشوف الغرفه هيج
فعلا راحت وره شويه
كالت تعاي ينتظروج جوه
نزلت ولا باوعت علي
خاف جنت شويه اباوع علي هسه مااطيقه ومااطيق صوته ابد
شافها محمد اتخبل
هاي وين اني ساكته
كلتله فاطمه بالكزاز
هاي وين الكزاز
اكو واحد طكت فيوزاته وكسر المري كلهن
فاطمه انجبي واسكتي لا اسكتج بطريقتي الخاصه
هاي انت دومك فيوزاتك طاكه
ماعندك شي اسمه تفاهم
الى تكسر وتغرد بصوتك
اذا الله ذاب عليها عناد وميفيد بيها التفاهم شاسويلها
كل لفاطمه روحي جيبيلي الادوات بالصيدليه تلكيهن
جابتهن واجت
ظربني تخدير
وبده يخيط بايدي
ولا كانو تخدير
حيل اتاذيت بس استحي اصرخ
متت والله يله كمل
احس روحي راحت
كال ها خو ماوجعتج
لا ولاكانو بس اتكطعت تكطع
ليش محجيتي حتى ابنجج مره لخ
عادي ماكو اشكال
شكرا
العفو
ردت اروح
هاي وين تعاي خل اعقمها واشدها الج
فعلا عقمها وشدها
صعدت
حتى بدون عشه نمت
حسيت بنفسي حيل مخنوكه
بقيت اسبوع كامل ماانزل ابد
حتى الاكل فاطمه تجيبه الي
محمد كال ممنوع مي يلوحها ابد
اني ردت حجه حتى ماانزل مااشوفه
اجتي فاطمه كالت تعاي لغرفتي
حيدر جايب ويا ولد حتى يقيس المري
كتلها روحي كليله مااطلع ولا اريده يخلي مري
لحضات واجه
لازم الدرس السابق مااخذتي منه عبره
شنو عجبتج الشغله لازم وبقيتي ع عنادج
وحابه اكررها ماعندي مانع عادي مستعد حتى يوميه
اني غلست ولا كانو يحجي
مو احجي وياج كاعد
ذبيته ع الصامت
مااحب احجي ويا ولا كلمه بعد حيل احتقرته
اجه تقدم عليه
ممنعته ولا نطقت بحرف
اني مو حبا بي لو فرحانه للوضع
بس معناها بعد متهددني بيها
ولا تكدر تفرض نفسك عليه ابد
ولا مجبوره انفذلك التريده
قفل الباب وبده يتقرب عليه
اني ولاكانو مغمضه عيوني
وكانو ميته
احس بنفسي جسد بدون روح
نفس الوحشيه ونفس الالم
ابد منطقت ولا بحرف
بس دموعي تخوني غصبا عليه
لازم عجبج الوضع ومستسلمه
منطقت همين
حسيت بي ضاج بسيطه الج
عافني وطلع
رحت سبحت ورجعت نمت
اتمنى انام وبعد مااكعد
انقطعت اخبار اهلي نهائي
لليل اجتي نور وانطتني جهاز ابوها
كالت هذا جدو يريدج
حجيت وياهم واطمنت عليهم
سالني ليش لهسه بدون جهاز
جبت واحد جديد وهم ذبه بالمي نظوري
اني متاكده ممقتنعين
خلصت المخابره
ورجعته بيد نور
دز عليه محمد حب يشوف الجرح
نزلت
كال كلش زين ملتام الجرح
والخيوط بدت توكع بوحدهن
سالته ع المي
كال البسي جفوف افضل
كلت عيب لازم انزل وارجع لحياتي
جهزت العشه بوحدي
مقبلت خاله
كتلها هاي هيه مبيها شي
اجه المغرور ولا كانو مسوي شي
يسولف ويضحك
بالمطبخ يحاول يتغزل بحنان
عباله اضوج لو اغار
ميعرف ميعنيلي شي ابد
كمت انزل واطبخ الغده لان دائما الكل مموجود
اليوم صادف الكل بالدوام ولا واحد بالبيت بس اني ونظوري
صارت ب10اجه حيدر واتفاجات بجيته
نادرا يجي هيج وقت اله اذا ناسي اوراق لو عنده شغله
دخل للمطبخ
مباوعت بوجها ابد
كلي سويلي ريوك
سويتله وخليته ع الميز وصبيتله جاي
كلي هاج هذا الجهاز خلي خطج بي
ولا كانو اسمعه عفته ودخلت للصاله
سمعت تكسر بالمطبخ
معرفت شكسر
اجه ورايه
اعتقد كاعد تسمعيني من احجي وياج
سكتت
ضربني راجدي
مو احجي وياج
هاج هذا الجهاز وخلي خطج بي
نفس الصمت
لزم الجهاز وطلعه وهم كسره
هيج من ربج لا رب العرفني عليج
عافني وطلع
يمكن رجع لدوامه
لكيت الماعون البي ريوكه والكلاص مكسرهن
بقيت مبتعده عنه
وابد مااحاول اسمعه صوتي اذا هو هنا متواجد ابد
مره جنت بالمطبخ سويت حمله عمل شعبي
دخل هو كلي ممنوع اطلعين لمن اكلج
دخل ولد صديقي يسوي الصحن
بقيت اكثر من ساعتين واني بالمطبخ
هو اني اصلا بعدني ممكمله
بس هواي طول
بعدها سمعت صوت الولد طلع يسلم علي
كلي اخذي راحتج ياعنوديه
اجتي فاطمه سالتها شكو
كالت سوه الغرفه
كالت هاج ابنج اليوم مخلاني اقره ابد
كتلها جيبي كملت
راح اصعد بعد مابيه حيل العشه
صعدت لكيته مبدل المري كلهن
صليت
وحاولت انيمه لنظوري
لحضات ونام واني همين نمت
فزيت ع حركة اصبع ع وجهي
فتحت عيوني لكيته حيدر نايم بصفي
رجعت غمضت عيوني
ودرت وجهي
دارني علي
بقيت مغمضه
حاول يفتح عيوني بايده بس مكدر
كلي فتحي عيونج بس شويه
ولاكانو يحجي
قرب شفته ع ركبتي وباسني بهدوء
ابد مااملك اي مشاعر اتجاها
رجع باسني بشفتي لمن حسيت نفسي انقطع
طبعا هاي اول مره يعاملني بهدوء
بعدها كلي بس سمعيني صوتج
ولو حرف واحد
رجع باسني بس هالمره حيل اذاني بعدها بده يعضني
اني متاكده يريدني اصرخ
بس ضغطت ع نفسي وسكتت
رجع لركبتي كذلك
هم متنفست
عجيب امرج شكد عنوديه
مشفت بحياتي كلها عنوديه مثلج
اتقرب عليه بس بهدوء مو مثل ذنيج المرتين
كمل بعدها
كلي خل يكون بعلمج مجذبني الج غير عنادج
عافني ونزل
حسيت باهانه جبيره
يعني شنو قصده
يجي ياخذ اليريده بسهوله ويروح
اني اكبر غبيه بالدنيا
اخذت منه عهد امام اخوته وابو
المفروض احجي وياهم
قررت لازم احجي وي عمو
ثاني يوم فتحت الموضوع كدامه استغليت فرصة وجوده وي عمو
كتله عمو اريد اطلب الطلاك
اتخبل عمو
ليش بابا اكو شي
اي عمو اكو وهواي
اني قبلت حيدر يتزوج بس شرط ميتقربلي ابد
واذا تقربلي راح اطلب الطلاك والي حق اخذ ابني
وخليتكم شهود
وهو بنفسه كال لو تبقين بس انت بالدنيه مااتقرب عليج
كدامكم كال لاتصلحين زوجه ولا تصلحين ام
وهسه اجه الوقت الي اطاوعوني وتوكفون ويايه
اريد اطلك وحتى الغايب اتنازل عنه اخاف ع الفلوس ميريد يطلكني
هو طفر
اسكتي لا ادفنج عدله والقران
اخر شي تفكرين بي اطلكج
اني زوجج غصبا عليج اتقرب مااتقرب اني حر بحياتي
كله عمو انجب واسكت خل نتفاهم
كام يصيح ماكو اي تفاهم
اطلكج بحالتين
الاولى تتنازلين عن ابنج
والثانيه اسولف لاهلج كلشي واخليهم همه الحكم
بس احنه اتفقنه اتفاق
مو مهم الاتفاق
غير ذني الثنين ماعندي
لتنسه انت انطيت كلمه والرجال ميتراجع بكلمت
راح انجبر اسكت لخاطر بابا يموت بس يعرف قصتي
بس اني متاكده راح تكون جحيم حياتي
كتله مو بكيفك انت رجال والرجال اله كلمه وحده مو اثنين
رجال غصبا ماعليج وع الخلفج
بقه عمو يرزل بي وسكته
ابنيتي انت عاقله وهو المخبل انت بنيتنه ومانكدر نعيش بدون منتظر
والله اذا اذاج بعد اطرده بيدي من البيت
وهسه اكتبيلي الجهاز الي تردينه
خل اجيبه الج
لا عمو مااريد بطلت
واهلج خطيه يردون يطمأنون عليج
مو مشكله عمو اخابرهم من فاطمه
زين جهازج وين خل ادزه للمصلح
ذاك عندي
روحي جيبي خل اودي الج
صدك صعدت جبته ونزلت
كتله عموا بروح مروان اذا تعزه بيدك دزه للمصلح
مااريد احد غيرك يدزه
حجه المغرور
اللهم طولت ياروح
يابه والقران اذا مابدلتي اسلوبج هذا اندمج والقران
ولا جاوبته
عفتهم وطلعت
ثاني يوم جابه عمو ومصلحه
حيدر : من عرفت جايه وي ابن عمها لليوم عقلي طار
اتخبلت
ليش مخبرتني قبل لاتجي
غصبا ماعليها زوجها والمفروض ماتخطي خطوه وحده بدون علمي
ضربتها وادري قسيت وياها
بس تستاهل حتى مره ثانيه تحسبلي حساب
وجها ابيض وحساس بسرعه يبين علي الضربه
خافيه الضربات وجان واضح
كلت اني هم غلطت وياها
المفروض اسالها واشوف الاسباب الي خلتها تجي بدون علمي
اتصل بيها بس جهازه مغلق
من سالتها ليش مغلق كالت عطل
كتلها اني راح اجيبلج واحد
بهالاثناء دخل امير وجان بيده جهاز مشتريلها
اني هنا طكت فيوزاتي من صدك
يعني شنو قصدها لاغيه وجودي نهائي
صعدت وراها وكسرته للجهاز
وبدت تلعب ع اعصابي وتستفزني
وتكلي لاغيتك من وجودي مثل مالاغيني
حاولت اسيطر ع نفسي
بس الغضب امتلكني
حاولت تهرب بس منطيتها مجال اتوسلت بيه ولا كانو
اتقربت عليها بدون لذه واذيتها
لان جان بوقتها حيل متعصب من كلامها
شفتها اتجاوزت عليه مره ثانيه
اني هنا محبيت ااذيها اكثر
ذبيت حركتي بالغرفه
كسرت العطور والتحفيات ورجعت للمري همين
اخر شي عفتها ونزلت
رحت لبيتي بس عيوني تجدح نار
دعيت الله كون حنان متصير بوجهي
لان يمكن بس اسمع حجايه تغثني ابتلي بيها همين
دخلت وجانت ملتهيه بمخابره
همزين اخذت ملابس ودخلت بالحمام
شويه وهدئت
صفنت اني اشسويت
بعدين كلت تستاهل هي الي استفزتني
بعدها اجتي فاطمه كالت هاي ايدها مشكوكه بالكزاز من الطول للطول وحيل متاذيه
يطبها مرض شاسويلها
يابه ع كيفك منريدك تسوي شي
بس خل محمد يخيطها الها
واني شعليه بيها
مو ماقبلت كالت خاف حيدر يسويلي شي
اليسمعها يكول تخاف مني ومطاوعتني بكلشي
خل تنزل ماعليه بيها
كلت معقوله متعمده ع نفسها
وماذيه ايدها
نزلت بكل هدوء ومحمد اتخبل من شافها
حيل متاذيه
بده يخيطها بس منطقت ولا بحرف
اتوقعت مبنجه زين
بس من كمل وسالها محمد
كالت حيل اتاذيت
ضجت ليش هيج سويت
ومبين عليها وواضح مطيقني
بس اني احاول استفزها واكلها انت فرحانه
اختفت اسبوع كامل ملمحتها ابد
بعدها جبت واحد حتى يسوي المري
دزيت عليها فاطمه وكتلها خل تطلع من الغرفه
رجعت وكالت رفضت تطلع وتكول عوفها
عيب من الولد اضحك علي
حيل ضجت منها ومن عنادها
حرت شاكله
انطيته الاجره واعتذرت كتله مسوينها وماادري
صعدت احجي وياها ولاكانو
حاولت اتقرب عليها عبالي تخاف ومتعاند بس ولاكانو
اتقربت عليها من صدك بس مسلمه نفسها
كانو جثه كبالي
عيونها مغمضه من شفتها هيج
اتقربت عليها بقوه وهم بدون شهوه بس عناد بيها
حيل ضوجتني منطقت ولا بحرف
عفتها ونزلت
دخلت سبحت وبدلت وردت اطلع
دك جهازي طلع ابو زينب
كلي شعجب لهسه ماعدها جهاز زينب
كتله جبتلها واحد وانكسر
كلي بدون زحمه عليك نكدر نحجي وياها
اي عادي باي وقت عمي لاتتقيد
دزيته بيد نور
وراها رجعته الي
لليل لكيتها بالمطبخ وتطبخ بوحدها
اني اتعمدت اضحك واسولف وع اساس ولا همني الموضوع
بس الحقيقه انزف دم من جوه
غازلت بحنان وسمعتها حجي حلو كلت بلكي تغار
بس هاي ولا كانو
اعتقد ماعدها لاكلب يدك ولا احساس وتحس
معناها مثل مكالت لاغيتني من الوجود
بدت تنزل واشوفها متواجده دائما
بس لهاي اللحضه مسمعت نفس منها
حيل مشتاق لصوتها اتمنى بس تنطق
ردتلي فرصه احجي وياها واعتذر بس مصارت
قررت اشتريلها جهاز واعتذر منها
عفت الدوام ورجعت
جانت بوحدها ورغم ما بوحدها لابسه حجاب
كتلها سويلي ريوك
ردت بس تنطق
كملته وصبت الجاي
كتلها هذا الجهاز خلي خطج بي
عافتني وطلعت وضاربتني عرض الحايط
شلت الماعون وكلاص الجاي وكسرتهن
رحت وراها احجي ولاكانو
ضربتها وهم ولاكانو
اني من اعصب افقد
عصبت حيل وطلعت الجهاز وكسرته همين
هذا ثاني جهاز اكسره من وراها
كفرتني بالدنيه كلها
كرهت الساعه الشفتها بيها
رجعت للدوام بس حيل معصب
قسما بالله لو ما ابن مروان جان طلكتها باللحضه
صار عندي قلق مو طبيعي من وراها
كمت اشرب هواي واسهر
يوم شفتها مندمجه ومسويه عمل شعبي بالمطبخ استغليت الوقت جبت واحد
كتلها لطلعين بره
اخذ القياسيات وراح كصهن وجابهن
طولنه يله كمل
بعدها كتلها اطلعي
لليل اتعشينه بس ملمحتها ابد
رحت لبيتي حسيت بنفسي ممرتاح ابد
مااعرف الي سويته صح لو غلط
اني فرضت نفسي عليها كوه
وواضح عليها متريدني ابد
اني جنت متوقع بس المسها راح تذوب بين ايديه
بس طلعت غلطان
وجنت دائما اني الي ارفضها
بس هسه انكلبت الايه
هي الي ترفضني
بس اني لا اكو شي جبير يجذبني الها
شكد اكره العناد بس عنادها لا عشقته وحسيتها مميزه عن الباقي بعنادها هذا
بقيت افكر هواي وعيني مااخذت نوم
حسيت برجليه اخذني بوحدهن لغرفتها
احس بنفسي مشتاقلها هواي
دخلت ولكيتها نايمه بكل برائه
همزين بدون حجاب من تنام
حضنتها بس بهدوء
بديت امشي اصبعي بوجها
ردت بس تفتح عيونها
لهاي اللحضه مملتقيه عيونه سويه
كعدت باللحضه الي شافتني رجعت غمضت ودارت وجها
درتها اليه
فتحت عيونها بايدي
بس مكدرت
اتقربت وبستها من شفتها بس ريتي مابستها
حسيت مغناطيس ويجذبني الها
من لحضتها بديت اعشقها وبجنون
بكل هدوء بسته
بس شفتها جثه حيل انقهرت
حاولت ااذيها واعضها ردت بس تصرخ
ولاكانو
ياالله شنو من زينب هاي راح تخبلني
كون بنات اعرفت وصادقت ونمت وياهن
بلمسه مني اخليها تنسى حتى اسمها
هاي احسها جبل ميتزحزح ابد
اتقربت عليها وكانت اول مره بشهوه
حسيت بنفسي محتاج الها اكثر من غيرها
هالمره بكل هدوء اتقربت
بس من اشوفها مغمضه حيل اضوج
اول مره امر بهيج موقف
لحد هاي اللحضه ماجبرت وحده ع التقرب منها
بس زينب
قررت بعد مااجبرها ابد
هاي اخر مره
بعد لو شيصير مااجبرها
اله من رضاتها وبارادتها
رجعت لبيتي
بس شكلها ميروح من بالي
حفضت تفاصيلها كلهن
ثاني يوم شافتني وي ابويه
واجتي وطلبت الطلاك
اني كلشي ولا اطلكها
قبل جنت ع مود نظوري
بس هسه لا كلبي يكوم يوجعني من تكول طلكني
اعمل المستحيل ومااطلكها
قررت بس تصمم ع الطلاك اطلكها بس احجي كلشي واخذ ابنها
بعدين قنعها ابويه
كلت صدك بعد مااضغط عليها ابد
راد ابويه يجيبلها جهاز
وهاي مخبله هم رفضت
بعدين كللها اصلحه همزين وافقت
ثاني يوم شفتها متصله الحمد لله
كلت خلي اتركها وبعد ماعليه بيها
اشوفها بالمطبخ بس اتجاهلها ولاكانو
صار الجو حيل حار تقريبا صار شهرين او اكثر من اتقربت عليها
بس ولا حرف اسمعه منها
ذابته كله ع الصامت
اتمنى اسمع ولو حرف واحد حتلو اي شي اهم شي تكسر الصمت
هذوله جماعتي اكلو كلبي ع العزيمه واني صارلي هواي اماطل بيهم
قررت اسوي غده يوم الجمعه
كلت اجبرها تطبخ بوحدها بدون مساعده
اني جان الي ابالي مااريد وحده تطبخ لان كلهن ميعرفن
كلت بوحدها احسن واكيد طبخها يخبل
وحتى اخليها تعصب من تعرف مكانتها عندي بس خدامه
واكيد راح ترفض وراح تكسر صمتها
بس الصراحه لا مبتعد عنها ع اعصابي
ولو يطيح بايدي مااخليها كلشي تسوي
بس المشكله طبخها طيب بشكل
صعدت لفوك ودخلت عليها وجان يوم اربعاء
جانت بدون حجاب
من شافتني لبسته
اتعمدت احجي وياها هيج
ع اساس مستحيه ولبستي الحجاب
اشو من انزعج متستحين وتسلميني نفسج بسهوله
متحاولين تمنعيني
هم صامت والله دوختني
جهزي نفسج الجمعه عازم اصدقائي 20 واحد او اكثر
اريد تجهزين الغده بوحدج
ممنوع احد يساعدج
العب جوله اذا ادخلت وحده وساعدتج
واريد نفس الاكل السويتو بعزيمة بيت عمج
يعني خروف محشي
ودولمه وتمن ودجاج وسمج همين
ومااريد اي نقص
كليلي شنو التحتاجي حتى اتسوك الج باجر
واذا طلع شي مو طيب لو نقص متلومين اله نفسج
وهسه يله كليلي شاجيب الج
ردت بس تحجي وتعارض
اشو دزت مسج
شوفلك وحده غيري تطبخ مابيه حيل
خرب يومها فاجئتني بالرساله
بس هذا شغلج انت مو شغلهن هنه
بس مريضه ومابيه حيل كلشي اسوي
مو مشكلتي الج مهله نص ساعه ادزين الغراض الي تحتاجيهن
مدزت شي بعد واني همين عفتها ونزلت
كعدنه بالصاله يم اهلي الكل متجمع
لعبنه اني والولد دومله وغيرت جو شويه نسيت سالفة العزيمه
بنص اللعبه وبدت الرسائل تجيني
كملت فتحت شفتها كاتبه شتحتاج
احلى شي بيها متعاند بكل الاوقات ولا بكل الحالات
احسها مطيعه الي بشكل
بس الي يمس كرامتها لا عنوديه باحتراف
ثاني يوم اتسوكت كلشي وجبت الخروف منضف وكامل وجاهز للحشو
شفتها بالمطبخ
بدت بالحال عزلت الغراض
كتلها راح ابدل واجي اساعدج
رحت كاعد ابدل اريد ادخل للحمام اسبح
اجتني رساله
شكرا مااحتاج مساعده الافضل تبقى ومتجي يمي لان راح تعيقني اكثر ماتنفعني
ومااحب اشوفك كبالي
مهتميت اني قررت لازم اجبرها ع الكلام
كلت لحنان كومي جهزي الغده لو اله اكلج
كامت قبلي
سبحت وبدلت ورحت للمطبخ
هاي الفاهيه لكيتها هستوها تحمي الاكل
هاي لهسه بعدج
هنيالني عليجن فوكاها محسوب متزوج اثنين والكل حاسدني
واني بس شلاع الكلب من وراجن
هاي ولاكلمه وتشتغل
ولا كانو احجي عليها
وهاي الثوله وحش الطاوه
مدت لسانها شطوله
اشو ملابسك عليه واكلك عليه
وكل شي يخصك عليه
بس اشو زينب بس مربيه لجهالك
حنان انجبي واسكتي احسن الجً
لا اعرف شغلي وياج
سكتت
هاي بدت سوت خلطه للخروف
تحاول تشيله بوحدها وتخلي بالخلطه بس ماتكدر
بس محجت شي
رحت خليته الها بدون متكول
قبقته وخلته ع صفحه
اني اكل وعيوني عليها
بدت تجهز بالدولمه
سوت كميه جبيره
حنان اليوم العشه انت سوي
بس والله اذا موطيب اجبرج تاكلينه كله
هاي زينب من هسه احسها تعبت
خطيه بس لا وهدنتها
بالليل حنان سوت العشه
اتعشينه وخلصنه وهاي بالمطبخ
فاطمه ملهيه الجهال
كملنه العشه وبقوا اهلي كلهم يحجون عليه
وخاصه محمد عصب عليه
كلي شنو مخليها خدامه البنيه
جماعتك وعازمهم ع عيني وراسي
بس تخلي زينب تطبخ مامسموح الك
جيب من المطعم
لو جيب طباخ محد يمنعك
كتلهم بس اني عازمهم ع طبخ بيت
مو اكل مطاعم
بس البنيه ممجبوره تطبخ بوحدها
شكتلكم ؟؟؟؟؟
كالت مااريد اطبخ واشتكت ؟؟؟؟؟؟
يعني اله تشكي
خطيه وين تكدر تطبخ هاي الكميه
بعد نقاش طويل عفتهم ورحت
دخلت للمطبخ
محتاجه شي قبل لاانام
ماكو اي صوت
عفتها ورحت
نمت من وكت لازم اكعد من وكت
كعدت تقريبا ب9 اخذتني النومه
ورحت للمطبخ كبل
لكيت ريحة الطبخ طالعه لبره
الكل نايم لان اليوم جمعه
بس امي كاعده وياها
كلت صباح الخير
بس امي جاوبتني
سوتلي زينب ريوك وصبتلي جاي
سالتها محتاجه شي
هم صامته
كالت امي مقبلت اساعدها ابد
وكملت كلشي
مبقه شي
اباوع ع الكاونتر تارسته اشكال واللوان
خضره والمقبلات اشكال
مسويه حلاوه معرفتها شنو
هاي شوكت مجهزتهن مااعرف
يجوز منايمه لو كاعده وي الصلاه
كتلها السمج انت اشويهن لو ابيتي لو ابيت محمد
رحت اجيب خبز مناقصنه شي
رجعت لكيت محمد وامير يمها بالمطبخ
اخذت الخبز مني وبردته
بدوا يتجمعون اصدقائي
تقريبا راح يكتمل العدد
ابويه كاعد يمهم ومحمد يكعد شويه ويكوم شويه
يجوز يتفقد الاكل
اني همين كل شويه واروح
بس حسيت بيها مو طبيعيه
حيل تعبانه وكوه تشتغل
سالتها بيج شي
هزت راسها لا
اتفقدت الاكل كله جاهز بس السمج ماكو
سالتها
امي جاوبتني شويه ويجهزن
شنو يوم مخليتج محامي اليوم وتحجين بمكانها
اي محامي وغصبا ماعليك
البنات وين مايجن يساعدنها
والله يايوم مقبلت ابد وحده تساعدها
حتى اني من الصبح لهسه كاعده يمها مخلتني اسوي شي
ياالله هاي من وراي اكيد
اني من حجيت هيج لان طبخها طيب
وماردت وحده تطبخ شي
بس مو معناها ميساعدنها ابد
اجه محمد كال انطونه سجادات
اخذهن ورجع
كال خل نطلع الخروف من الفرن
طلعنا من الفرن وجان جاهز
صبت التمن وخلت الحشو واني ومحمد خلينه الخروف بي
بدت تصب بالاكل
محمد اكل شويه من الخروف كال عاشت ايدج من صدك طيب
هم شكل وهم طعم
كلي صيح حنان خل تجي هنا يم البنات شعدها وحدها باقيه
هي راحت تجيب السمج لبيت محمد
واني صحت حنان واجيت اصلي وياهم اني ومحمد
كملنه
رحنه للمطبخ وبدينه ناخذ الاكل امير هم ويانه
السفره مناقصها شي ابد
لازم اتشكرها خطيه حيل تعبتها
الكل بقه صافن
وهواي اخذوا صور
بدينه نقسم بالخروف ونخلي امام الخطار
وبدوا ياكلون
اني لازم اكل وياهم عيب
خليت اول لكمه بحلكي من الخروف
وجان انصدم ........
#البارت 26
مساء الخير ع اجمل متابعين اتمنى لكم قراءه ممتعه
🌹🦋 البارت 26 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
وجان انصدمت بكمية الفلفل الحار
مو طبيعيه الحراره
ياالله شكد عيب
اكيد تعمدت تسوي هيج
بعنادي رادت تحرجني امامهم
واني الغبي اكول خطيه
عفتهم وكمت بحجة اجيب الببسي
دخلت للمطبخ ولكيتها كاعده ع الكرسي
مالت وحده بريئه ومجنها مسويه شي
ضربتها راجدي بقوه
هي مثل المصدومه
حنان والبنات كلهن بالمطبخ
الكل صفنت بوجهي
لج حقيره حيوانيه اني مو كتلج اي نقص لو شي مو طيب اندمج
واخيرا تكلمت
اي واني هذا السويته
كملت الطلبته مني ع احسن وجه
وبدون مساعده من احد مثل مطلبت
لعد ليش احرجتي موقفي كدامهم
شسويت
ضربتها مره لخ بس هاي المره وكعت من الكرسي
هذا الفلفل التارسه بي الخروف شنو معناها
زينب : عمو جابلي جهازي ومصلحه
همزين فرحت واخيرا انحلت هاي المشكله
اني لو ما اهلي جان والقران ابقى بدون جهاز
بس عيب منهم شاكول
واني طبعي كتومه
لحد الان علاقتي بحيدر ولا طير يعرف بيها
مااحب احجي خصوصياتي
رجعت اخابر اهلي واطمان عليهم
وبدت جيات عمامي الهم تزيد
وهذا الشي مفرح بابا خطيه
حيدر تقريبا متجاهلني واني كذلك
صارلي اكثر من شهر من تقربلي
ولاحظت لحد الان مجايتني الشهريه
عرفت نفسي حامل
بس بدون تحليل
بقيت بس ع التخمين
هذا ثاني حمل الي بدون رضاتي ولا فرحت بيهم ابد مثل باقي البنات
مخبرت احد لان استحي شاكول
عبالك مرتكبه جريمه
كلت خليني هيج ع الله احسن
صار شهرين ولحد الان ماكو
بدت بيه اعراض حمل واضحه
بديت اتوحم ودائما اتقيئ
هذا حملي يختلف عن الاول
حيل متاذيه من البدايه
ونظوري هم متعبني
ونور كذلك بالدراسه اتعب وياها
غير شغل البيت والتنظيف
مره جنت كاعده اجه حيدر
خبرني مسوي عزيمه
يعني بعده يعاملني معاملة الخدم
حالي حال الخدامه
رفضت وكتله مااكدر مريضه
واني جنت مااجذب علي من صدك مااكدر
بس كلي هذا شغلج
ضجت كلت ميخالف اله اسوي وهم راح اعاند اله بوحدي مثل مطلب مني
ثاني يوم جابلي المواد
بس اعاني بكلشي
نفسي تلعب
ودوخه قويه
بس رغم كلشي اله اسوي ونفس الاباله
بديت التحضيرات من الخميس هم ياالله
كملت تقريبا نص شغلي
والباقي بالليل اكمله
فعلا ناموا كلهم تقريبا بلشت ب3 الفجر
رحت للمطبخ اول شي نكعدت الدجاج بتتبيله خاصه
قررت اشوي احسن
بعدها سويت حلاوة حليب
وسويت انواع مقبلات كلت الصبح اخليهن بالمواعين
طبخت مرگ باميا هستوها نازله جديده
حيل تعبتني لان ناعمه
طبخت الدولمه والتمن بس الخاص للحشوه مالت الخروف
عازلتهن ع جها
واجهتني مشكله الخروف حيل ثكيل صعب عليه اشيله بوحدي
حرت مااعرف اكعد منو
بعدين رحت لفاطمه وكعدتها
كوه كعدت شلعت كلبي
نزلت ويايه
نزلنا بالصينيه واني قبلها مخليه السيلفون
بدينه نحشي اني وياها
جها تمن وجها دولمه
خيطته ولفينا سويه بالسيلفون
كوه كدرنه نشيله ونخلي بالفرن
خليتها ع نار هادئه حيل تقريبا ب6 خليته
بلشت بتتبيلة السمك وجهزتهن
بقت مشكله وحده راح تواجهني بس الشوي
بعدين خاله كالت بيت محمد عدهم فرن الطباخ واوفن جبير
وبيت حيدر همين بي طباخ واوفن
وهذا الاوفن مالتنه همين
س
كلت اخلي الدجاج بالاوفن
بس السمك لا بالطباخ احسن
صارت تقريبا ب 8 ونص جهزت كلشي
ة
غسلت الخضره
احس ظهري نصين صار
حيل اتاذيت والله
بس قررت اعاند وي نفسي هالمره
مااخلي اي وحده تتقرب الي
خاله خطيه كعدت ويايه من وكت بس مقبلت تساعدني ابد
سويتلهم ريوك هي وعمو
بعدها اجه الغثه
اتجاهلته حتى من يسالني ولاكانو مااجاوبه
خليت الدجاج والسمك
واخيرا كملت كلشي
محمد خطيه هواي ساعدني
هو الي ينزل الخروف كل شويه حتى نتفحصه
واخيرا استوه ورشيت علي دبس الرمان
طلع لونه يجنن
محمد بقه صافن
كال والله سباعيه
كدرتي تجهزين كلشي بوحدج
ومو اي شغل شغل يخبل
هذا الحجي حنان واكفه فوك راسي
حسيت بيها ضاجت
ورجعت لبيتها
بعدها رحت اشوف السمك والدجاج
ابيت محمد
رجعت لكيت حنان بالمطبخ
صبيت وخلينه الخروف فوك التمن
رحت جبت باقي السمك الي ابيت حيدر
كملت الصب كله بوحدي
بس بده الم بطني والم ظهري حيل قوي
محمد مدحني وهو ولاكانو
حضرت الجاي وكعدت يم البنات ع الكرسي
ردت اريح ظهري
سالوني منين متعلمه الطبخ
كتلهن من ماما طبخها يخبل
حيل اطيب من طبخي
فجأه اجه حيدر وعيونه حمر من العصبيه
ضربني وجنت متفاجئه
ورجع ضربني بس هالمره قويه
وكعت من الكرسي
اني متاكده ماكو اي نقص
هاي ثاني مره يهيني كدام البنات
من وحدنه عادي صحيح اضوج وانقهر بس مو مثل من كدام اهله
جنت اكره احجي ويا
بس حجيت هسه
كتله شنو السويته
جان يكول الخروف حار مينوكل من الحراره
بس والله ممخليه اي شي حار
بده يسب بيه
بنت الكلب ردتي تنتقمين مني وتفشليني كدام جماعتي
سحلني من شعري ويريد يصعدني لفوك
صدك سحلني سحل ع الدرج
خاله تصيح وتجر بي بس ولاكانو
دخلني للغرفه وجان يشمرني ع الكاع حيل قوي
حسيت شي بده يوكع عليه
اني بس الدموع تجري
انجبي واكعدي هنا لمن يطلعون ويصير خير
اني اعلمج
دزني لاهلي مااريد ابقى هنا بعد ولا دقيقه وحده
يصير خير زينب
يجرالج الي تردينه بس خل يطلعون
عافني وطلع
الالم بده قوي عليه
حيل اتاذيت
اريد اكوم مااكدر
حسيت بنفسي متكطعه تكطع من الالم
اجني البنات يمي رسل وزهراء وفاطمه وخاله
كالن الاكل متروس شطه حاره
وهو متخبل
ضكنا وطلع صدك حار
بس والله مو اني الي مخليه
اي شي بي بهارات حاره مخليت ابد
وجنت حذره حتى ميصير نقص بالاكل
حجت خاله
خاله فدوه اسكتي وامسحيها بوجهي
حيدر طبعه عصبي حيل ومن يعصب بعد ميشوف شي كدامه
عكس اخوته وابو
الكل هادئ
زهراء كالت واني اكول ع اخوتي عصبين
عمي لاشيء بالنسبه لحيدر
كتلها خاله اخذي البنات وانزلي لايسوي سالفه
كالت خاله اي صدك
اريدهن بس يطلعن
اريد اكوم للحمام
رادن يطلعن بس شفت رسل مركزه عليه
طلعن وهي بقت
هاي ليش متكومين
ها هسه راح اكوم
زين هذا الدم شنو
اباوع لكيت اكو دم بدشداشتي
ها اجتي الشهريه يمكن
بس هذا مو دم شهريه
شنو انت حامل
لا مو حامل
زينب لاتنسين اني دكتوره
كتلها الله عليج راح اسولفلج بس لاتحجين كدام اي احد
كالت والله سدج امين احجي
كتلها اقفلي الباب وتعاي كوميني بعد مااكدر اكوم ابد
خطيه اجتي بسرعه كومتني واخذتني للحمام كوه
شفنه دم هوايه يوكع
كتلها اني حامل
ليش محجيتي
شاحجي يارسل
اذا هو اغتصاب اغتصبني
ومحد يعرف هو متقربلي
فجأه اكول حامل
مو تشوفيها صعبه عليه
عيب استحي من محمد وامير والله
لج انت مخبله شنو تستحين
قابل حيدر صاحبج لو رجلج
احتمال راح يصير عندج اسقاط
كتلها ولو زحمه عليج
جيبيلي ملابس وسانتي بالكنتور
جابتلي بديت اسبح وبدلت بس الدم ميتوقف ابد
لبست حفاظه من منتظر وسانتيات اثنين
طلعت كالت تعاي افحصج
ولو ميبين اذا اكو شي
بعدين كالت راح اتصل بمحمد خلي يجيبلي ابرة تثبيت اضربج هسه
عيب والله استحي منه لتخبري
لتصيرين مخبله حياتكم بخطر انت والطفل
راح مااكله المن ولا اخلي يحجي
فعلا دزتله مسج وره شويه نزلت
بعدها صعدت وضربتني الابره
كالت نامي ع ظهرج وصعدي رجليج لفوك
كتلها راح انام صارلي يومين منايمه حيل نعسانه
امانه عليج ليوم الدين لتحجين كدام احد
كالت امني
طفت الضوه ردت انام اجتي فاطمه جايبه منتظر يبجي عليه
خطيه والله حتى ابني هملته صارلي يومين
وخوش شكرني بطريقته الخاصه
خطيه خليته بصفي ونايمه بس مغفيت بس منطرحه
عيني مااخذت نوم
فجأه اجت دفره بالباب
عرفته حيدر
ليش اتعمدتي تهينيني كدام جماعتي
بس اني مسويت شي
ولا خليت اي حراره
روح شوف منو مصلحته يسوي هيج
شكد اكدت عليج مااريد تفشليني
بس سويتي هيج بعناد منج
لاوالله ماسويت هيج ولو الي نيه افشلج
جان مطبخت من البدايه
بس انت ادور زله عليه حتى تهيني وتفشلني كدام اهلك
بس لهنا وكافي
انهنت بما فيه الكفايه
دزني لاهلي هسه وشتريد تسوي سوي
شنو عيدي الكلتي
دزني لاهلي وشتسوي سوي
مايفرق بعد عندي شي
خسرت هواي وانداست كرامتي هوايه
بس لهنا وكافي
انت عند كلمتج متاكده
اي متاكده
ابني الي ويبقى الي واني وياك بالمحاكم نتصافه
بعيوني زينب
جهزي نفسج ويله
عافني ونزل
رحت جهزت بدلت وجهزت ملابس ابني
نزلت ونظوري نايم بحضني لكيتهم بالصاله
بقوا صافنين بوجهي
كلي منتظر يبقى هنا خطوه وحده ميخطي
لا مو بكيفك منتظر ابني ومن حقي اخذه ويايه
انت ماالك حق ابد
اكلي تبن واسكتي
منتظر ابني مثل ماهو ابنج
والله والقران مايخطي خطوه وحده وياج
عمو كام يصيح ع حيدر
انت شنو ماخذنه بصياحك دوم
شنو محد يوكف بوجهك
البنيه خل تاخذ ابنها وتروح تشوف حال سبيلها
شنو باقيه خدامه الك وفوكاها مقابل عليها
رجاءا محد يدخل بيني وبينها
وهسه يله اطلعي خل ادزج لاهلج وابني خلي هنا
حنان تربي
اخاف متقبل
شنو مخبله واتنازل عن ابني
لتعبيني واتعبين نفسج
تردين ابنج امشي اصعدي وانجبي
ماتردينه روحي الله ومحمد وعلي وياج
عمو ليش متحجي مااتحمل ابقى هنا ابد
اريد اروح لاهلي
والنبي احرك نفسي وخطيتي بركبتكم كلكم
هو من سمعني هيج احجي
انعل ابوج لا ابو الخلفج
بنت الكلب كام يضرب بيه
محمد سحبه ووخره عني
كام يغلط عليه
هنا عمو فقد ضربه راجدي
لك حقير جبان هي هاي بطولتك كدرتك ع مره
تف عليك وع تربيتك
هو انفعل وعصب بالزايد
كومي مو تردين لاهلج
يله بس اني اعلمج
لبسي عبايتج ويله
لبست عبايتي وبوشيتي
نور كامت تبجي ورايه
وهذا مخبل لزمها كام يضرب بيها
اني هنا فقدت
حيل ضجت
اجيت جريتها منه
لتذب حركتك بالطفله
مشكلتك ويايه اني مو هي
نزعت العبايه والبوشيه
يله بطلت مااروح اسكتي حبيبتي
لا ترحين وغصبا ماعليج
اني مااريدج تبقين هنا بعد
يله اطلعي كدامي لا اطلعج بالجلاليق
بوست نور وكتلها بس خلصي امتحاناتج والله اخذج وياي
مابعد شي للامتحانات اسبوع
طلعت بس كلبي نمرد مرد ع نور وخاصه من ضربهاً
صعدت وره محجه شي
بس اعترف الخوف اكلني اكل
اخاف يحجي كدام اهلي
ومااعرف شنو راح تكون ردة فعلهم خطيه
الطريق كله هدوء ولانطقت بحرف
دزيت رساله لاختي موجودين بالبيت كالت اي
قبل لنوصل اجته مخابره
بس اسمعه يكول ميخالف
ان شاء الله
وصلنه كلي انزلي
باللحضه الي نزلت بيها شخط السياره وراح
همزين خل اتفشل وي اهلي ولا يحجي كدامهم شي عني
دكيت الباب ودخلت انصدمو بيه اهلي لان بوحدي
كتلهم عدهم خطار ومستعجل رجع بسرعه
رحت كبل للغرفه
كلت لماما اني حامل وصار عندي نزيف
وطلبت منه اجي هنا حتى ارتاح
كالت كومي اخذج للدكتوره
ماقبلت كتلها ضربت ابره قبل لااجي
وهسه نعسانه حيل اريد بس انام وفدوه ماما لحد يكعدني للعشه اذا نمت
فعلا خطيه طلعوا عني وكبل نمت
محسيت اله الدنيه ليل ويمكن الساعه ب12
ابني نايم يمي
كعدت جوعانه حيل
دخلت للحمام ولكيت الدم قليل همزين
رحت لكيت بالثلاجه اكو اكل مخليلي
وردت اكل بس نفسي لعبت فجاه
رحت اتقيأت
بعد ماالي خلك اكل
رجعت نمت
ثاني يوم قل الدم كلت صرت زينه
وهنا بس نايمه لااشتغل ولا اطبخ
خابرت ع فاطمه سالتها ع نور
كالت خطيه ضايجه حيل
ومتقبل تحجي وي ابوها
كتلها انطينياها خل احجي وياها
ها حبيبتي شلونج نواره
مو زينه ماما
لويش حبيبتي الشطوره شبيها
مشتاقتلج حيل اريد اجي وياج
تدللين كملي امتحاناتج واطلعي الاولى
وتعاليلي ابقيج يمي
اني مريضه والله حبيبتي جان اخذتج ويايه
بس راح ادخل مستشفى
حتى اخوج راح اخلي يم البنات
بس اني مااريد ابقى هنا مااريد احجي وي بابا
مااحبه بعد
لا حبيبتي ميصير هيج تحجين علي
هذا بابا وجان معصب حيل وضربج
مجان قصده يزعلج لو ياذيج
وهسه هو ضايج عليج لان ضربج
لا جذب ولا ضايج
حتى مااجه واعتذر مني
خابرني وكلي اعتذريلي من نور اني مااكدر اعتذر اخاف متسامحني
ميصير هيج تحجين علي
اذا سمعج ميقبل
بس هو كاعد يسمعني هذا ويا بصفي
يبووو هسه اني شحجاني هيج
هسه يروح يعصب عليها لو يضربها
يله حبيبتي روحي نامي الليل متاخر
ويوميه اتصلي بيه حتى ادرسج واطمان عليج
حاضر ماما
اني احبج ماما واموت عليج
واني همين حبيبتي
انطيني عمه فاطمه
فدوه فطومه اخوج المخبل هم يضربها لنور وياذيها خطيه
لا ميضربها شمسويه قابل
تدرين بي مخبل بسبب بدون سبب يضرب
ايده ماخذه ع هذا الشي
شفتها ارتبكت وغيرت الموضوع
خاله شلونها وعمو
زينين ويسلمون عليج
شويه وطبكته
بعدها جنت منطرحه بفراشي
اجاني مسج فتحته من حيدر
شكلولج عليه اشكك بملابسي لو اطلع بالشارع واشمر طابوك ع الناس
حتى تكولين عليه مخبل
عزه هذا سامعني
حيل يستاهل خل يولي
مدزيت شي
اني اعلمج ع هذا العناد والتجاوز
لا تشوفيني سكتت
لخاطر ابويه وامي
والى عرفت شغلي وياج يازينب
بس منا ورايح جهزي نفسج لخبالاتي
وثانيه وبعد ماكو داعي تجذبين ع نور وتبررين موقفي
نور بنتي واني اعرف شاصرف وياها
حيدر : فقدت وي زينب واذيتها
وصعدتها لفوك
حيل خجلان من جماعتي
اخذت الببسي ورجعت وع اعصابي
دخلت وجان انصدم الاكل ممبقين شي منه
حتى الخروف ولا عبالك حار
اني اتخبل من الاكل الحار مااحبه
بس الظاهر عجبهم
كملوا واكلو الحلويات والفواكه
شربو الجاي وبعدها بدوا ينسحبون واحد وره الثاني
لحد ماطلعوا كلهم
امير كال شنو هالحراره الي بالخروف
ابويه كال لا ماكو شي حار بالاكل
محمد همين كال ماكو حراره ابد
شنو معقوله راشين رش للاكل
كتلهم زينب متعمده تحرجني كدام جماعتي لان طلبت منها تسويلي الغده
مخليه للخروف والتمن فلفل
كال محمد اني بنفسي من صبينه اكلت منه مو كدامك
اي فلفل لو حراره ماكو
اتذكرت اي صحيح
بس هاي احتمال بالاخير راشته فوكا
بعدين صعدت وهم طلبت مني تروح لاهلها
كلت خل تروح يطبها مرض
بس بعنادها ابني اخذه
مستحيل افكر بيوم احجي لاهلها قصتها هي ومروان لو مو تعصبني
بس نظوري مستحيل اتنازل عنه
نزلت وحجايه مني وحجايه منها ضربتها وطلبت منها اخذها
ردنه نطلع ونور بجت
اني جنت فاقد من العصبيه وبديت اضربها
بس اجتي وحمت نور
ونزعت العبايه
كالت بطلت بس اني اصريت تروح
اخذتها وصعدت وره مهتميت ابد
دزيتها لاهلها
قريب منوصل اتصل بيه ابويه
وكال للموت مااحجي وياك بس تحجي شي كدام اهلها
هو اني اصلا قررت ماادخل حتى تنحرج
فعلا وصلتها ورجعت
هالمره وكفت بمكان قريب واراقبها
اخاف اهلها ماكو حتى ارجعها
شفتها فتحوا الباب ودخلت
امنت رجعت
وجنت حيل ضايج
كلي محمد هاي مالت خباثة احد راد يخليك تصيح عليها
مااعرف كلشي
كل الي اعرفه زينب بديت اخسرها يوم بعد يوم
هواي اذيتها بهاي الفتره
لليل دزيت حنان لاهلها
واتصلت بجماعتي
رتبونه سهره لان جنت مخنوك
رجعت وجه الفجر
نمت وكعدت العصر
حيل ضجت ع نور خطيه
هم ضربتها وهم زينب عافتها
ردت احاجيها بس ابتعدت عني
كاعده بيني وبين ابويه
كالت لابويه
مااريده يحاجيني بعد ولا يضربني
بهالاثناء اجتي فاطمه وكالت هاي ماما زينب تريدج
شفتها حيل فرحت
فتحت الحاكيه
سمعت حجي زينب واسلوبها
وي بنتي هاي حيل تحبها ومتعلقه بيها
حقها نور هم تحبها وتتعلق بيها
دافعت عني هواي
الصراحه معرفت افسر تصرفها
الوحده الغيرها جان حالتها عليه
بعدها فاتحه الحاكيه
وسمعتها تكول لفاطمه اخوج المخبل
بداخلي ضحكت عليها
متدري سمعتها
خلصت المخابره
صعدت يم نور لكيتها تريد تنام
اجيت بصفها نمت
كالت اريد انام
متنامين منو لازمج
وانت نمت بفراشي
واذا اريد انام يم حبيبتي بنتي
بس اني مو حبيبتك
حنان حبيبتك
هاي منو كلج
محد كلي
لج انتي حبيبتي وقطعه من كلبي
ياحنان يا بطريق
والله انت ماتحبني ولا تحب ماما زينب
لو تحبنه ماضربتنه
اسف حبيبتي
جنت عصبي وماادري بنفسي والله
وعد بعد مااضربج ابد
اني فعلا مااضربها لنور اله نادرا من اعصب
اذا تحبني صدك وديني يم ماما
وامتحاناتج
تقبلين صديقاتج ينجحن للثالث وانت تبقين وي الكسلانات بصف الثاني
لا مااقبل
لعد امتحني وبعدها ادزج الها
زين انت روح جيبها حباب
اني لو عندي رقم بيبي هاي الحباب التضحك جان خابرتها
وخليتها تروح لماما
وتجيبها نفس ماجابتنه ذاك اليوم
منو بيبي الحبابه
سمعت ماما زينب تكلها عمه اجينه وياهم ذاك اليوم
اسال بيبي عليها هي دخلت وسلمت عليها
دخت كلشي ماافتهمت شي
كلت انزل واستفسر من امي
بقيت وي بنتي نسولف ونضحك
صالحتها خطيه
دزيت لحنان راح انام يم بنتي اليوم
محجت شي
راسلت زينب
بس ماكو جواب
كلت لنور تنزلين ويايه نروح ناكل موطا ونجي
كالت اي بابا عفيه
يله بدلي وتعاي ورايه
نزلت سالت امي
منو جاب زينب ذاك اليوم
كالت والله ماادري بس نزلت مريه حبابه ومبينه مثقفه كالت اني عمت زينب
ومااعرف بعد منو
يعني مجايه بوحدها وي هذا السكط
هاي اني شكد اثول صدك منطيتها مجال تحجي لو ادافع عن نفسها
هي هاي سبب مشاكلي وياها وهي الي دفعتني اتقرب عليها
اجتي نور ورحنه نفتر شويه واكلنه موطا
كالت بابا اذا اسالك سؤال تجاوبني علي
اي بابا احجي
ليش ضربتها ماما
شريد اكلها مااعرف
كتلها لان مطبخت عدل
وخلت بهارات حاره للاكل
كالت بس مو هي الي خلت البهارات
لعد منو
هاي ست حنان الخبيثه
شنو هالاسلوب بابا عيب
تعاي كوليلي شمدريج انت
اني شفت ست حنان خلت شي احمر ع الاكل
ورجعته بعدين للكاونتر
احس بنفسي دخت وكفت السياره
شنو بابا انت شكاعد تكولين
والله بابا شفتها حنان خلت شي احمر ع التمن والخروف
ومن كملت ضمته بالكاونتر
كلت اكيد تريد ادافع عنها لزينب حتى ترجع
كالت والله بابا مااجذب
ماما زينب علمتني ابد مااجذب لان حرام والله يذبني بالنار
واذا تريد من نرجع للبيت اراويك وين ضمتهن
رجعنه للبيت
اتوقعت البهارات بكاونتر اهلي
بس فاجأتني نور من اخذتني لبيتي ولكاونتري
وفعلا طلعت البهارات
وجانت عباره عن شطه حمره
من ريحتها عرفت
كلت لنور روحي للغرفه واني اجي وراج
اني هنا فقدت صحت حنان باعلى صوتي
اجتي شافت البهارات بايدي ارتبكت
هاي شنو
ها مااعرف شنو
منو خلاها بكاونترج
مااعرف والله شمرتها ع وجها
كامت اطفر انعمت عيونها
لزمتها من شعرها سحلتها سحل
ركعت راسها بالحايط
كمت اغلط وافشر عليها واشتم
بس هي تختلف عن زينب
زينب تسكت هاي لا
لمت امة محمد عليه
كمت اضرب بيها بكل مكان
لج قدرتج وازوجتج وانت محد يكلبج
وسويت براسج خير
ليش ادفرين النعمه برجليج
هي تبجي والله مو اني وماالي علاقه
اجوي اهلي وادخلو
كتلهم هيج السالفه
خلتني اجرم وي البنيه فوك ماتعبت وطبخت واني جازيتها بالاهاين والضرب
لمي ملابسج بدون نفس
اهلي ادخلو
صل ع النبي لاتتهور لاهم بعدين تندم
لازم اسويلها حل لهاي الحقيره
هي دنكت ع رجل ابوي وامي
دخيلكم والله مو اني الخليت الفلفل
لمي ملابسج ولتلغين
كال ابويه خليها لباجر
هسه بالليل عيب من اهلها
اروح للدوام باجر اذا رجعت ولكيتج متلومين اله نفسج
صعدت فوك بغرفة نور
ودايخ بزماني
ياربي ليش خليت زينب بطريقي
حياتي ادمرت ودمرت حياتها
هاي فوك ماتعبت وحدها وطبخت
حصلت اهانه كدام الكل وطردتها وضربتها
هاي بمكان مااتشكرها هيج جازيتها
عندي مشكله بالاعتذار
لحد هاي اللحضه ممعتذر من اي شخص بس نور بنتي
بس اجه الوقت الي لازم اعتذر منها
ولازم اتوب بعد مااضربها ابد
هواي هنتها خطيه
حقها تروح لاهلها وحقها تطلب الطلاك
نامت نور
كلت خل اراسلها واتحجج بابني نظوري
قررت اروح الخميس وابات يمهم وارجعها ويايه
كتبتله هلووو
ماكو جواب
ممكن اخابر
تطلع مرئي بس ماكو جواب
اريد احجي وي نظوري
هم ماكو
حيل اتاذيني من متجاوبني ومن متحاجيني معناها متجاهلتني ع الاخير
ليش متجاوبين
اتمنى اعرف شكاعد تستفادين من صمتج
يعني معقوله جبانه متكدرين ادافعين عن نفسج
حجيت هيج وياها بلكي تجاوبني
حرت شاكلها واجاوبها
مبين عليها واصله لمرحله ممتوقعها ابد
اكيد يآئسه من حياتها
كتلها شوكت اجيج حتى ترجعين
نور خطيه بس تبجي عليج
وامتحاناتها الاسبوع اليجي
خل تخلص الامتحانات وارجعج لاهلج انت ونور وابقي
هم ماكو جواب
اتصلت بيها ماكو رد
انصحج نصيحه عوفي عنادج لان راح يخليني اتعلق بيج اكثر ومن سابع المستحيلات راح اتركج لو اطلكج
ماكو جواب
دزيتلها تصبحين ع خير بوسيلي نظوري
وهاي الج 😘😘😘😘😘😘
دزتلي 😡😡😡😡😡😡😡😡😡😡😡
دزيتلها 😂😂🤣🤣😜😜😘😘😜😜😜
نمت واني اضحك
ثاني يوم داومت وباثناء الدوام كامت تراسلني حنان وتعتذر
والله مااعيدها التوبه
بس سامحني
بس يعرف ابوي يذبحني
يطبج وجع مو مشكلتي
اني اخابر زينب واعتذر منها واطلب السماح
والله مااعيدها ابد
روحي راسلي زينب اذا دزتلي رساله وكالت مسامحتج ابقي واذا لا تحلمين
وره تقريبا ساعه
اجاني اشعار من زينب
فتحتها الرساله
اني مسامحتها لحنان وماعندي اي مشكله وياها
ياريت متستعجل بقراراتك لان نهاية الاستعجال مو حلوه
دزيتلها لعد اذا مسامحه حنان سامحيني اني همين
قرت بس ماكو جواب
نحن هنا ليش ماكو جواب
يعني افهم من منج مسامحتني
لان السكوت علامة الرضا
اريد احجي وي ابني شلون
ماكو جواب
تركتها بعد مراسلت
حنان بقت بس متجاهلها ولاكانو موجوده
ماعدها كرامه ابد بس تتوسل بيه
حتى اسامحها
ثاني يوم هم اراسل بس ماكو جواب
يوم الثلاثاء اني بالدوام اجتني رساله منها
اريد اروح للدكتوره وي ماما
بابا ياخذنه تقبل اروح
شكو خيرج بيج شي
لا بس ماما مريضه وطلبت مني اروح وياها
روحي ماعندي مانع بس مو تذبين البوشيه
كلبي لاعب ممرتاح
مستحيل تطلب مني هيج طلب
طلبت اجازه ع الخميس
قررت اروح باجر الاربعاء وره الغده
فعلا اتغديت وخبرت اهلي وفرحوا
اخذت نور ويايه خطيه
وصلت ودكيت الباب
طلعلي ابوها
سلمت علي وجابولي جاي
سالته عن زينب وجان يكول ....
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: